شفاحة!!!

[المعاملتين]

الشفاحة...كلمة صعب تعريفها..لانها واضحة جداpb192 ....و هي قريبة من معنى كلمة ( لقافة)pb036 ..لكن الشفاحة تجي مع كثير من البثارة:D

كثير من السعوديين- و حتى الخليجيين- فيهم شفاحتن ماهيب في احدpb093 ...و هذا للاسف شي يفشل قدام غيرنا..خصوصا في عصر العولمة;) ....الشفاحة المحلية(يعني السعوديةpb192 ) بصراحة غطت على غيرها..و هذا شي مو مستغرب..لانها نتيجة للتركيبة الاجتماعية و التربية اللي تصير عندنا:( ...مثلا:

-الشفاحة عند المبزرة متأصلة:D ...بداية من كثرة البربرة و الاسئلة اللي مالها سنع..و وصولا إلى الشفاحة قدام الاكل...خصوصا لما يكون فيه عدد محدود من البيبسي او الكريمة:D

- في مرحلة المراهقة المبكرة...تكون الشفاحة على مستوىpb024 ..الاولاد يترززون قدام البنات اللي يجون في البيت عشان يشوفونهم( خصوصا بنات العم و الخالpb030 )..و لايهونون البنات اللي يطلطلون من الدرايش اذا حسوا ان احد قريب من بيتهمpb036 .

- تتطور الامور شوي مع زيادة العمر...تكون شفاحة البنات على (وش لبست فلانة)..و (وش طابخين لكم ال فلان و وش حاطين حلى)pb036 ....و الاولاد(وش معه سيارة)...و ( كيف وضعك مع البناتpb034 )...و اكيد طبعا( وش اسم امكpb192 )..اما الكبار في هالمرحلة فشفاحتهم متعددة و لكن ابرزها ( كم راتبكpb036) و (من ذا ولده<<يسألون عن خويك:D ).

- طبعا الشفاحة مثلها مثل غيرها...تغيرت و واكبت العصر...شفنا شفاحة عيال ( الكاش) برا السعودية اذا قعدوا في القهاوي و بدوا يقزون اللي يمرون بطريقة أليمة...و ( شف فلان) و (هذي ذيك الوعة:D :D )...اما ذوي الدخل المحدود فانحصرت شفاحتهم في مطاردة الاكتتابات في كل بلد بصورة هزت سمعتنا من جد...و الدليل حوش الريان..قصدي ملعب قطر الرياضي:( ..مع ان نص اللي راحوا هناك رازقهم الله و الدليل انهم قدروا يسافرون...لكن ( الا الشفاحة أعيت من....pb027 )..

نجي للزبدةpb036

-وش تعريف الشفاحة؟<<واحد مشفوحpb192
-هل تحس فعلا ان فيك شفاحة؟ ادعم اجوبتك بأمثلةpb034
-هل تعاني(تعانين) من شفاحة الغير؟
-وش الحل مع الشفاحة؟


و سلامتكمpb094 ................................عاد اول مرة اخش الاسرة..اعتبروها شفاحة مني و لاتفشلوني:D :D

[تؤبر تسبدي]

مافي احلى من انك تقهر المشفوح بشفاحتك عشان تردعه
خخخخخخخخخخخخخخخخخخخخخخخخ

ولا عاد يتشيفح عليك
انا متأزمه من شفاحه المجتمع بشكل لايطاق

[هبله]

اللي اعرفه ان فيه فرق بين الشفاحه واللقافه واتوقع انك سويت كوكتيل مع ميشيل pb095 والا يتهيا لي؟!!

من معلوماتي الفتاكه ان الشفاحه مأخوذه من شفح والشفاحه من المشفوح بمعنى ااخر المغلوث والمغلوث يكون على اكل او واحد ماشاف خير في حياته ضعييف فاي شي يشوفه يسوي كذا>>>:eek:

على فتسره وش هي المعاملتين؟

<< مثال على اللقافه

[كيس الحلاو]

الشفاحه



الشفاحه هي وصول المرء لحاله من الطمع تتعدىالطموح العادي والطبيعي سلبا او ايجابا<<<<شفتوني وانا منطقي بجنن



هل انا مشفوح ؟ لا ولله الحمد انا اغبط من هو افضل مني ولكن الحسد والحقد لمجرد ان فلان افضل مني لا لا لا


الحل مع الشفاحه بسيط كلنا بنموت يوم من الايام ونفتك غير كذا الحلول فرديه وتناسب كل حاله على حده



تحياتي للكاتبه

[ضحية صمت]

خصوصا لما يكون فيه عدد محدود من البيبسي او الكريمة

هذي طبيعيه بزران ويبون ببسي فيها شفاحه ما اظن


وانا اشوف ان الشفاحه الشفاحه الصدقيه اللي مثل ان معك برنقلز وتمده لاحد ويقحشه كله ولا يبقى الا الكسر وتقعد تشربه زي الببسي اللي يبونه البزران اللي فوقي

من تالي قلت الشفاحه صارت ناقصه رحت لنفس الواحد اللي اكل برنقلزي مديت له العلبه قال الله يعطيك العافيه ما ابي
شلووووووووووون ما تبي وعيوني مقببه الا غصب تاكل عاد يوم لزمت بالمره اكله ولا بقالي الا الكسر وقمت اشربها زي الببسي اللي يبونه البزران اللي فوق فوقي


الشفاحه اكتشاف جليل من اكاشلفات العرب بس كالعاده مهب هم افضل ناس فيه

حسب اطلاعاتي <<<< اخس يا قووقل

مره يتركيا طاحت مني قزازة فيها مناكير بالسوق الشاهد اني قعدت القط القزاز اللي في الارض والتفت فوق راسي وما اشوف الا غمامه من الأتراك

مره بتايوان في قريه قعدت فيها اقل من اسبوع كل ما طلعت العالم وراي وتلاحقني ويتكلمون معي ولا افهم عاد اروح ادخل الفندق ثانيه وتصير راعية الفندق نفس الشي تناظر بتمعن يا ولد وشتبون
عاد يوم لقيت احد يترجملي قالي انهم يقولون انهم اول مره يشوفون واحد شكله مثلك وخشمه واقف
عقبها قمت اتمخطر حول الفندق

واخيرا الشفاحه الشفاحه الاصليه اللي ما عقبها شفاحة سكان مكه اللي حول الحرم في وقت الرمضان

وسلامتكم

[أتعبني غروري]

هلا فيك بالأسرة معاملتين ..وأنشاء الله بداية خير لك هنـأ :)

سؤال محيرني منذو زمن .. أنتي بنت \ أو ولد << وربي صادقة على سؤالي :(

والله تبي الشفاحة بأصولها رح عند الطباينhttp://www.eqla3.com/vb/images/smilies/grins.gif


وش تعريف الشفاحة؟<<واحد مشفوح

الشفاحة هو كل مايتأصل بعزيمة فيها ( أكل المرقوق وهو حار عند القصمان)
وزحمة الحجز على أبواب القهاوي .. وبثاره السعودين بالبحرين
وحب اهل الرياض لأكل السمك والبيك اذا جو جدة !!
وتجمع الشباب اذا صار حادث مروري .. وأكثر شفاحة تلقاها عندنا يالبنات
اذا عرفنا أن واحد مطلق زوجته ولا متزوج عليهاhttp://www.eqla3.com/vb/images/smilies/Looking_anim.gif

بس أخبر لفظ الشفاحة يطلق على ( الكثيرين الأكل)http://www.eqla3.com/vb/images/smilies/Looking_anim.gif

-هل تحس فعلا ان فيك شفاحة؟ ادعم اجوبتك بأمثلة

امممممم حسب الموضوع أذا يخصني واللي قبالي مب راضي يتكلم.. شئ طبيعي تجيني شفاحة أدري وش الموضوع
الأمثلة ( أنظر أجابة ماقبله)

-هل تعاني(تعانين) من شفاحة الغير؟

مافهمـت!!


-وش الحل مع الشفاحة؟

تنام وأنت مرتاح ..ومصفي قلبك من كل شئ أسود :)

[طرف زوليه]

-وش تعريف الشفاحة؟<<واحد مشفوح
-هل تحس فعلا ان فيك شفاحة؟ ادعم اجوبتك بأمثلة
-هل تعاني(تعانين) من شفاحة الغير؟
-وش الحل مع الشفاحة؟

وش تعريف الشفاحه:

الشفاحه هي ما قام به المكتتبون السعوديون في دانة الغاز pb093 ....

bp039

هل تحس فعلا ان فيك شفاحة؟

ايه وش زودي عن غيري.... pb034

bp039

-هل تعاني(تعانين) من شفاحة الغير؟

طواري ..مهوب واجد....pb147

bp039

وش الحل مع الشفاحة؟

مالها حل...pb089

[انوار الرياض]

الشفاحة...كلمة صعب تعريفها..لانها واضحة جدا ....و هي قريبة من معنى كلمة ( لقافة) ..لكن الشفاحة تجي مع كثير من البثارة

صح لسانك


كثير من السعوديين- و حتى الخليجيين- فيهم شفاحتن ماهيب في احد .

انت اطرح اكتتاب وشف وش بيصير pb093 اللهم لاشماته

..و هذا للاسف شي يفشل قدام غيرنا..خصوصا في عصر العولمة ....الشفاحة المحلية(يعني السعودية )

لاعاد حرام عليك لاتحدد الشفاحه منتشره في وسط الخليج العربي عامه


-الشفاحة عند المبزرة متأصلة ...بداية من كثرة البربرة و الاسئلة اللي مالها سنع..و وصولا إلى الشفاحة قدام الاكل...خصوصا لما يكون فيه عدد محدود من البيبسي او الكريمة -

ياربي شكثر اعاني من هالمبزره في العزيمه ولا العروس

اثركم مثلنا خخخخخخ

العالم مابعد قلطو الا هالمبزره خامين الببسي والمويه اذا كانت كيسان pb027 الله يفشلهم


في مرحلة المراهقة المبكرة...تكون الشفاحة على مستوى ..الاولاد يترززون قدام البنات اللي يجون في البيت عشان يشوفونهم( خصوصا بنات العم و الخال )..و لايهونون البنات اللي يطلطلون من الدرايش اذا حسوا ان احد قريب من بيتهم .-


هههههههههه الله يرجك قسم بالله شكلك تقرب لنا :D

تتطور الامور شوي مع زيادة العمر...تكون شفاحة البنات على (وش لبست فلانة)..و (وش طابخين لكم ال فلان و وش حاطين حلى) ....و الاولاد(وش معه سيارة)...و ( كيف وضعك مع البنات )...و اكيد طبعا( وش اسم امك )..اما الكبار في هالمرحلة فشفاحتهم متعددة و لكن ابرزها ( كم راتبك) و (من ذا ولده<<يسألون عن خويك ).

الله يصبرنا يالبنات طيب اجل وش نسولف فيه لين جينا من العرس خخخخخخخ

يعني ماقلنا شي مجرد سواليفpb030


- نجي للزبدة

ترانا مقاطعينها لورباك pb151

-وش تعريف الشفاحة؟<<واحد مشفوح -

ان مايملا عينه شي لو كثينا فيها تراب:eek: << ابوك ع التعريف;)


هل تحس فعلا ان فيك شفاحة؟ ادعم اجوبتك بأمثلة -

والله احيانا اصير مشفوحه اذا صرت جايعه والي قدامي شوي وعندي بشريه pb027

هل تعاني(تعانين) من شفاحة الغير؟

ايه ياكثر المشفح الي عندنا وحوالينا pb030

-وش الحل مع الشفاحة؟

الله يعافيك اذا لقيتاااا علمنا لان والله اعلم مالها حل خخخخخخخخخpb024

و سلامتكم ................................عاد اول مرة اخش الاسرة..اعتبروها شفاحة مني و لاتفشلوني


الله يسلمك من كل شر

وان شاء الله مهيب اخر مره لانها خشتن على سنع وش زينها

ولا هيب شفاحه بالعكس

ماعاش من يفشلك يالمعاملاتpb027

تشكراتي

[Chocolate]

موضوع يستحق النقاش..

الشفاحه بمفهومي الخاص ...
هي الاستباق لكل شي خوفا من ان ينقرض ..ايا كان ذلك الشي
واقرب مثال مثل ماقلتوا ..الاكتتابات
:D

مااقدر اقول ان عندي شفاحه او ماعندي ..لاني مااعرف احكم على نفسي
ماادري هل انا انسانه مشفوحه ام لا..؟؟
:rolleyes:

لاولله الحمد ..لااعاني من شفاحة الغير لاني احط حدود بيني وبين الناس
:D

والله مااعرف وش الحل مع الشفاحه بالضبط
هل نقابل الشفاحه بمثلها..؟؟
ام نستعمل خاصية التطنيش وكل واحد حر بتصرفاته ..ام ماذا؟؟
المشكله اني قابلت اسألتك بأسئله مثلها..

عالعموم
تحياتي لك المعاملتين
bp039

[نديم]

المعاملتين مرض وعلاجه الكوي عند طبيب شعبي على المخيخ الايسرpb192
واحد بالمجلس يسئلك عن راتبك وعن مساهمتك الماليه او عن مشكله زوجيه هي صدق ولا لا وتجاوبها بتطنشيه يقوم يكرر السؤال
ومن الشفاحة واحد يمر بسيارته وحادث بالطريق ويسفط سيارته ويعض طرفه ثوبه وركضه للحادث ويمكن تلقطه سيارة ماره لانه مشفوح ماشاف وش حوله
ومن الشفاحه بالعمل مراجع يشوف معامله على مكتبك ويقوم يلف بعيونه باتجاه الورقه يبي يطالع وش فيها لدرجة تحس عيونه طلعت من مكانها وماخذه زاوية 270pb192
من الشفاحه بالشارع العام والسيارات واقفه عند الاشارة يجيك مشفوح من اليمين ويسفط قدام السيارات يحسبه بمسابقpb027

[موق]

***


عاد تدرووون مافهمت وشي الشفاحه الا يوم قريت الرد اللي فوق :D


من الشفاحه وحده تروح لصالون تجميل وتطلع من عندهم اخرررررر كشخه وتروح العرس وبضيق صدرها يوم شافت فلانه رايحه لصالون اغلى :D


من الشفاحه شغاله تقولها المدام خوذي هالاغراض وديها غرفتي وهي بالطريق تاخذ فررره داخل الاكياس تشوووف وش السالفه :D


من الشفاحه عجوووز كل عيالها مهندسين ودكاتره وتقووول اه يالحظ ليت عيالي اشتغلوو بالتجاره وفتحوو محل ذهب زي عيال فلانه :D


عاد المشافيح يحسووون بمتعه وهم يمارسون هوايتهم المفضله ;)

ولو تبي تعاقبهم احرمهم منها خخخخخخخخخخ


*****

موقلعه http://www.n9com.com/vb/images/icons/21[1].gif

[fahdaero]

تبي تعرف ان خويك عنده شفاحة ولا لا.........
اذا جاك اتصال......وانت رديت عليه رد مبهم.........طالع لخويك تلاقي عيونه تتقلب يبي يعرف .......مين الي كلمك وش يبي.....pb030

واذا جلس في مجلس اعرف الي فيه شفاحة.........تلاقيه ما يعرف يجلس بس يبي يعرف انت وش تشتغل..........

والجلسه الثانية يبي يعرف كم راتبك.........

ومن الشفاحة هذه الايام...............يبي يعرف انت عنك اسهم ولا لا........

حياك اختي المعلمتين...........

[ع م ر]

غريبه ماقلت إن الموضوع منقول من إيلاف :d

[CoLa]

الشفاحة عندي اندثرت كل معانيها وانفرد فيها إقبال السعوديين على الإكتتابات بالداخل والخارج :( ياخي ليه ينامون عند باب البنك ياخي :( طيب كلكم تبغون تكتتبون على العين والراس صفوا سرا بالطابور طيب !! بالله شفتوا المقطع حق ينساب كيف يتدافشون عند الباب , احمد ربي الي ما ابتلاني الله بشفاحة الفلوس هذي والركض وراها ولحد يقولي الناس محتاجين مثل ماقال واحد من الشباب فوق لو عليه قصور ماراح لقطر والامارات علشان كم ريال زياده

بالنسبة للشفاحه فيني مثلي مثل اي سعودي ثاني لازم تتأصل فينا هالشفاحه يعني ايهpb027

bp039

[عتريــــــس]

الشفاحة هي انه الواحد يبي الحاجة اللي بايد غيره ان ماكنت واهمه
واللقافة هي رزة الوجه على قل سنع !
يعني تفرق الشفاحة عن اللقافه.., ليس كل ملقوف مشفوح .. وكل مشفوح ملقوف

الله يبعدنا واياكم عن كل مذموم ومشفوح :D

[Heartbeat]

-وش تعريف الشفاحة؟

اللي مو شايف خير
وهي ضـد القناعه << تجاوب بضمير :D

-هل تحس فعلا ان فيك شفاحة؟ ادعم اجوبتك بأمثلة

فيني بحدود << عن التصريف بس :D

اقرب مثال .. "التوينكيز" .. نوع من الكيك احبه :D
فاذا حسيت انه قرب يخلص .. اخذ كم وحده و اوديهم للفريزر الثاني
بدون محد يدري.. يعني من باب اضمن مستقبلي :D

بس هي بالاصل شفاحه ممزوجة بنحاسه pb094
بس شسووي احبه اناا :( << دريناا خلااص pb034


-هل تعاني(تعانين) من شفاحة الغير؟

أحيـاناً ..

-وش الحل مع الشفاحة؟

أعييت من يداويها pb095

لا بجد برأيي و من خلال اللي اشوفه :rolleyes:
المشافيح نادرا ما يعترفون بشفاحتهم pb036
و بكذا يكون الحل .. مره صعب و تعجيزي نوعا ما :(

المعاملتين bp039

[S A D]

الشـفاحه كلها بكوم وشـفاحة " القزقـزه " كوم ثـاني :D
وبـالذات إذا صار شايـب << وع :(

[باهي1]

تبي تعرف الشفاحة مضبوط شفها والله بالحرم في مكة قبل المغرب الاقامو اهل الخير يوزعون الفطور تعال شف اخوانا المصريين شلون يخمخمون ألأكل بعد صلاة المغرب تعال تفرج على المكان شي رهيب. اللهم لك الحمد بس

[العسكـــريه]

ايه .. الله بعدنا عن الشفاحه ..

الشفاحه معناتها .. { انكـ ماتقتنع باللي ربي كاتبه لكـ وتبي اللي مع غيركـ بالزيادهـ } .. !!!

[Najed]

اله لا يبلانا بالشفاحه :)

[المعاملتين]

هبلة:D
على فتسره وش هي المعاملتين؟
معاملة+معاملة=معاملتينpb036
<<ماعاقت:D

تحياتي للكاتبه
سؤال محيرني منذو زمن .. أنتي بنت \ أو ولد << وربي صادقة على سؤالي
حياك اختي المعلمتين...........

هلا و الله..الله يسلمكمpb192 pb192


انوار الرياضpb036
اثركم مثلنا خخخخخخ
هههههههههه الله يرجك قسم بالله شكلك تقرب لنا
ثقافة مجتمع..وشفاحة شعبpb093


نديم
المعاملتين مرض وعلاجه الكوي عند طبيب شعبي على المخيخ الايسر
:eek: :eek:
ليه وش سويت لك ياخيpb036

ع م ر
غريبه ماقلت إن الموضوع منقول من إيلاف

الا انت ما قلت لنا وش اخبار الشفاحة في شارع المعارض و بيسان تاورpb034 pb192

[هنديه حليوه]

هلا والسلااام عليكم

انا اعاااني وبشده من شفااحه الغير وخاااااااصه بالسيااااره

اذا انا جاااالسه مابقى الا يجي يقعد معي هذا الناااقص

حرركه الطلطه بداافع يشووف من فيه ولا مثل بنات ومع سواق

احس هالحرركه اللي هي حركه الطلطه نوع من انوااع الشفااحه
وهي حركه قروووووووووووووووووووووووووووووووووووووووويه

وبقووووووووووووووووووووووووووووووووووووه

المعاملتين :

موضووعك خطير

واستفدت منه

بس عندي سؤال:

اذا عندي احد يتشيفح وودي اادبه كيف اتعاامل معه؟؟؟؟؟؟


انا شخصيا شفااحه الطلطله هذي اللي بااطه كبدي بط




خودااافس

[بوهه طايره]

اهليـن المعاملتيـن

بصراحه " الشفاحه " تقدر تسميه الصفه الملازمه للمجتمع السعودي
او متلازمه الشفاحه :D


-وش تعريف الشفاحة؟<<واحد مشفوح

الشفاحه .. نوع من اللقافه مرتبط بعدم القناعه :)

-هل تحس فعلا ان فيك شفاحة؟ ادعم اجوبتك بأمثلة

اظن اني سعوديه :D
انا اشوف ان فيني شفاحه سوق pb030

-هل تعاني(تعانين) من شفاحة الغير؟

كثـير


-وش الحل مع الشفاحة؟

كلمة : الحمد لله :)

[مـدري ووووش أبي]

موضوعك اجبرني على العودة للساحه بقووه بعد اعتزالها pb027
يقالك دارين عني pb027
ماعلينا

*
اعتقد انك خبصت وجبت العيد وحست حوسه شنيعه pb027
واهملت اهم انواع الشفاحه
وهي شفاحة ربعنا أمام نون النسوة عامه والدش خاصه pb027

*
*

-وش تعريف الشفاحة؟

الشفاحه مرتبطه بقووه بالسعابيل وبينهم علاقه طرديه pb027
انت مشفوح .. اذن ركب عوامه pb027

-هل تحس فعلا ان فيك شفاحة؟

بتاتن البته pb027


-هل تعاني(تعانين) من شفاحة الغير؟

اعطيهم اشكل بقووه pb027

[الشكاوي]

وش تعريف الشفاحة؟

الشفاحة مزيج من اللقافه والبثاره وبلاغة الشف..تتفاوت درجتها من شخص لآخر ومن مجتمع لآخر..
منها ما يكون وراثي ,,ومنها ما يكون مكتسب,,وفي حالات نادره تظهر نتيجة طفره جينيةpb024
وتتداخل في تشكيلها عوامل مختلفة ( نفسية,اجتماعية,ثقافية,تربوية...),,وتكمن خطورة الشفاحة
في عدم ادراك الشخص المشفوح لشفاحته..
((على هالتعريف لازم تعطيني الدرجه كامله:D ))


,,,,

هل تحس فعلا ان فيك شفاحة؟ ادعم اجوبتك بأمثلة

انا شفاحتي تتمثل وتتجلى وتقتصر((ايه هين:D )) في حالة اذا جت امي تكلم وحده من خالاتي بالتلفون
ارتكز عندها ومن يوم تقول مع السلامه الا انا ناطه بحلقها : يالله يمه قولي لي وش كنتي تسولفين فيه مع خالتي...
و طبعا شفاحتي هذي نابعة من حبي لسواليف خالاتيpb034

,,,,,

-هل تعاني(تعانين) من شفاحة الغير؟

نعم,,وبكثرهpb024

,,,,,

وش الحل مع الشفاحة؟

والله مثل ما تفضلتم سابقا :
( الا الشفاحة أعيت من....pb027 )..



:





الشفاحه اكتشاف جليل من اكاشلفات العرب بس كالعاده مهب هم افضل ناس فيه

حسب اطلاعاتي <<<< اخس يا قووقل

مره يتركيا طاحت مني قزازة فيها مناكير بالسوق الشاهد اني قعدت القط القزاز اللي في الارض والتفت فوق راسي وما اشوف الا غمامه من الأتراك


من جد الله يحلل شفاحتنا ياالسعوديين عند شفاحة الاتراك..
مره بواحد من المراكز التجاريه بتركيا كان الناس مجتمعين في صالة تعرض فيها مباراة منتخبهم في تصفيات كأس العالم والناس متحمسه وصياح وصجة..دخلت انا واختي(بعبايات ومتنقبين) للصاله وفجأه هجدوا كلهم مره وحده ,,وعيونهم كلها صارت علينا:eek: ,,ولا بقى ولا واحد يطالع بالتلفزيون...وبعد لحظات من التأمل بدوا يتهامسون ويتغامزون بين بعضهمpb036 ...كأنهم شايفين مخلوقات من الفضاء داخله عليهمpb036
الغريب انها دوله سياحيه وكثير يشوفون مثل اشكالنا,,بس الشفاحة عندهم عامله عمايلهاpb027





:) bp039

[اشتياق]

انواع الشفاحه عند الحريمpb027 مهما تعلمت الوحده تلاقيها تموت في الشفاحه pb034 من فيه اطبيع مايخليهpb027

مثال عندنا في العمل لما تدخل مراجعه وتدخل تسأل عن موظفه معينه تلاقي كل الي في المكتب تطالعهاpb030
وتتسمع الكلام الي تقوله ودها تدري وش تبي:eek:

وبعد لما تجي زائرة مسئولة زيارة ميدانية :) وتدخل على المديرة ماتمر موظفة الا تطل pb036 على المكتب تتشوف من
الي جايه pb027 وش شكلها وش قالت pb030 وليه جايهpb034

حتى بينهن انواع الشفاحه والأسئله الي مالها داعي pb093 لما تحمل موظفه تلاقي كل الموظفات يسألنها القريبه والبعيده الي ماكد حاكتها الا بس السلام وعليكم السلام تسأل مثل غيرهاpb131
كم شهركpb034 توحمتي :confused: وش اشتهيتيpb095 وبعد كم شهر pb030 هاه رحتي يم الطبيب بشري وش قالك ولد ولا بنت;) تقولون بشاركونها فيه ;)

وسلامتكbp039

[تعبت أشتاق]

عاد تصدقون
بدون زعل
الشفاحه تفرق من ديره لديره

يعني مثلا اهل مكه عندهم شفاحه اكثر من اهل جده
واهل عنيزه عندهم غير عن اهل بريده

وهكذا

بس كلها غثاااااا
واحسن حل انك تطنش الواحد

لا واللي يغث بعد اذا كانت وحده حامل وسئلوها وش ببطنك(وش علييييييكم)

[لوتي]

يسعد لي صباحك يا المعاملتينbp039

الشفاحه بمفهومي هي ما ترتبط الا بالاكل اما كل اللي ذكرته اتوقع انه كل حب فضول وحسد :rolleyes:


وبشكل عام الشفاحه ما انوجدت الا لبني البشر فيهم فيهم اللهم لك الحمد:(


اما مسأة اني اعاني يا كثرها وهذي انا في تواليها من فتره كنت رايحه لناس ويمدحون في كل شيء ورحت لهم قبل فتره بسيطه برض يمدحون ويسالون في كل شيء رغم ان عندهم بس ما يملا عينهم الا التراب

المشكله اللي اعاني منها مع قرب كل عطله والا من رمضان الناس تجس النبض وهذه شيء تعودت عليه pb131 هل انا مرتبطه والا لا ...!! انت غيرت في شكلي قالو شنو عندها وان قاطعت العالم قالو وش عندها وان سويت والا عالجت نفس الموال وان شريت شيء عليه القيمه قالوا من جابه لها اكيد انه هديهpb030 يدورون عليك الين ما يوصلون لغايتهم :(

آخرتها من كذا يوم اذكر موقف لوحده صار بين اخوي وايا واحد قالت اكيد بيخطبك :eek: الله يبلاها هذا اكبر اهتمامها تجاهي

الحل يا طويل العمر التطنيش في مثل هذه الامور وهذا انا اللي اسويه :D

والا اذا كان الشخص غثيث ما ينفع احيانا الا المواجهه;)

ثانكيو