سيناريو لازال يتكرر...!

[الشوق شوق]

يسعدلي صباحكم وكل أوقاتكم يارب :) ...

يالله حيّه الجميع...إن شاء الله تكونوا مبسوطين وعالبركة العطلة للي عطلواpb189
>>>>عقبال عندي:D


كنت أفكر بسالفه لها كم يوم في بالي وحبيت تشاركوني أفكاركم فيها لأني أبي أشوف آراء ;)
فياليت اللي يدخل ويقرى مايبخل علي ولو بفكرة عن الموضوعbp039


نواف

أكيد راح تستغربون....مين نواف؟ pb192
نواف سلمكم الله هذا ولد عمره 18 سنه يدرس بصف ثالث ثانوي
إنسان ذكي ...عنده كل مقومات الإبداع....طيب قلب ...حنون...وفيه كثير مواصفات حلوة.
في نظري تكمن مشكلة نواف بأنه إبن أوسط ...يعني من ضمن ترتيب أخوانه.
الأشخاص اللي في الوسط وانا أعتقد بصحة هالكلام غالباً ما يوجّه لهم نفس الإهتمام اللي نشوفه
للكبير أو للقعده على قولتنا:D


نواف يحس بالإضطهاد!!...
ممكن تسألون ليش؟ باختصار يحس بالإضطهاد من ثلاثة جمل


تعال ودّني...

في كل مرة يطلع نواف مع أخوياه فجأة يرن جوّاله...
نوّاف : أوووف مين الحين؟pb131
يطالع في الجوال يلقي " تعال ودّني يتصل بك!"
يرد بكل خياس نفس: نعم؟
صوت إخت نواف منى: وينك؟
نواف: قريب ليش؟
منى: تعال ودني
نواف: وين؟ وبعدين انا مو فاضي توني طالع مع الشباب
منى: طيّب أوريك خلك تجي تطلب مني شي
نواف: يعني تمنّين علي؟!!
منى : موب سالفة منّة بس هيّن إن شاء الله.
نواف: أحسن ..
منى: طوط ...طوط...طوط...( تقفل الخط)
:confused: نواف ينقهر من حركة تقفيلة الخط هذي ويسكت ويكمل سواليفه مع أخوياه.



تعال ذاكر...

يرن جوال نواف ومرة ثانية يطرطع ويتوّعد في داخله لو كانت هذي منى ويشوف الجوال
ويلقى " تعال ذاكر يتصل بك "
نواف: هلا يمّة...
أم نواف: وينك؟ أنت بس تدوج بهالشوارع تقل مالك بيت؟ ترى موب نافعينك هالمهبّل اللي معك
نواف: يمة وش تبين؟:(
أم نواف: حلوة وش أبي؟ وشو له الدوجة الزايده...تعال ذاكر..واقعد بالبيت ...ترى الدنيا إرهاب وبلاوي وانت جالس
تدور لي بهالشوارع تقل مالك والي..
نواف: يمّة...:confused:
أم نواف: بس ولا كلمة....تعال ذاكر وانثبر بالبيت..طوط..طوط...طوط...
نواف: pb093 ( يقول في نفسه كالعاده انا الغلط وانا اللي كل شي علي)



مانيب معطيتك...

يرجع نواف وهو حاس إنه مقهور ويدخل ويلقى كل من بالبيت مجتمعين بالصاله
نواف: هلا بالرجال:D ...
منى: أوريك أنتpb131
أم نواف: الحين ليش ماجيت تودي اختك؟
نواف: يمة كنت مع الشباب وتوني طالع ورى ماتكلمت قبل ما أطلع.
منى: وأنا وش يدريني إنك بتطلع؟
نواف: يمّة عطيني فلوس بروح أصور ملازم ودفتر خويي
أم نواف: لا لا...وشو له؟ الحين توك تتفطن؟وبعدين انا بعرف بس الحين انت مو تروح للمدرسة؟
ليش ماتكتب مع الأساتذة؟ وش ناقصك؟
نواف: يعني منتيب معطتني؟ pb036
أم نواف: رح اسأل اختك ريم شف اذا معها شي خلها تعطيك انا مامعي شي الحين.

ويروح نواف لغرفة ريم ويقول : هلاااااااا والله:D
ريم: وش تبي؟ اخلص علي لا تتمصلح...
نواف: أبي فلوس..
ريم: مانيب معطيتك...
نواف: أمي تقول عطيني بروح اصور ملازم..
ريم: مانيب معطيتك..

بالأخير يروح نواف وهو معصب بيطلع من البيت ويسمع امه تناديه وين؟
نواف ينفجر: وشو اللي وين بروح اشوف وين أبوي ولا شي بخليه يعطيني فلوس...أنتم ماتدورون الواحد إلا عشان يقضي حوايجكم...كأني سواق ...هذي تقول تعال ودني والثانية كل ماطلبت منها شي قالت مانيب معطيتك
وانت بس تعال ذاكر كأني بزر الظاهر...الظاهر هالشنبات ماتملى عينكمpb131




هذا سيناريو يتكرر في بيت وحده من صديقاتي...وفعلاً جلست أفكر ...وين الخطأ بالموضوع؟:rolleyes:
الولد يحس إنه مضطهد من أخوانه...مع إنه أكثر إخوانه قدرة على الحصول على مايريد من كثر الزن عالوالدة:D
عطوني إنطباعتكم عن كل اللي تشوفونه...
وين الخطأ؟ وكيف يتم تصحيحه؟أعتقد بأني راح أرسل نسخه من هذا الموضوع للبنت بعد اكتماله
يمكن إن شاء الله يلقون حلbp039
* ملاحظة: ترى التسميات اللي بالجوال فعلاً صحيحه :D كذا هو مسمّي أخوانه بالبيت ولكل
شخص بالبيت له لقب بأكثر شي يقلقه فيه

مع تمنياتي لكم بأيام أجمل...دائماً ;)
الشوق شوقpb189

[Mr.DoOOoDY]

الشوق شوق

فكره حلوه
لما يدور في كل بيت
وعرضها كان أحلى
لكن اذا كان نواف يعد ٌ هذي " مصيبه " ..
يشوف بيوت غيره عشان "يعشق "
تعال ودٌني
تحيتي لك شوق

[شمس الاصيل]

هلا شوق

انا ضحكت وانا اقرا الموضوع صراحه , بس ليش مدري !

جميل وخفيف هالموضوع

امممم كلامك صحيح , بس قهرتني الام والاخت !
ولو اني منه والله معاد يشوفون شكل سيارتي !
أجل اذا بغى فلوس يروح لأخته ياخذ منها ؟ !
<< انقهر


صدقاً هالمشكله موجوده , رغم اني حسيت ان هالعائله مصخوها شوي مع ولدهم
<<< الكبير , ترتيبه الاول

لكن الحل انه يحط لنفسه شخصيه , ويضع حد لمثل هالاشياء !
ولو زعلهم مره والا مرتين مو مشكله , بعدين بيحسبون له حساب وبيقدر يسيطر ع الوضع .
أحيانا نضطر اننا نزعل احبابنا عشان نوصل لهم معلومه او عشان نقول لهم " هييييه يكفي عاد ! "



موضوع خفيف دم مررره


شكرا شوق

[dbdooob]

الجمله الخالدة :(
تعال ودّني...


أعتقد الحل يكمن في انه يحاول انهم يحترمون وقته يعني يقول انا ما عندي مشكله اوديكم للي تبون بس علموني قبلها بوقت كذا ويحدد الوقت لان اذا كنت مع ربعي صعبه أرجع الا اذا كان شئ طارئ وكل اشياءكم ماهي ضرورية

وكونه مراهق فهو طبيعياً راح يعاند ويجابه وهذا اكبر غلط مع الاهل
احسن جمله يقولها إن شاء الله pb027 وعطهم جوهم


موضوعك جميل

تحياتيbp039

[بنت أبوي]

ههههههههههههه أما الأسماء حكايه :d

مو لأنه الأوسط يصير له كذا ..
اتوقع فيه أمور ثانيه ..

يعني مثلاً اللي فوقه بنتين عالأقل ..

واسمحي لي أقول ماعنده شخصيه !

وبعدين ليه مامعه فلوس وش ذا الحكي !
أقل شي يكون بجيبه عشره ريال :d
..

مسألة انه يحصل اللي يبه بالززززن ترى مو سناعه :d
يعني أي أحد بيجلس يزن على راسك أكيد بتسوين له اللي يبي عشان تفتكين ..
صح ان هالتصرف غلط بس أوقات تدورين الفكه :d
..

يمكن هو فاقع مرارة أمه ما يذاكر أبد !
وشايفته بثالث وخايفه عليه .. وهو مطنش .. حتى لو ذكي ,,
فـ ملاتنلام ..
بصراحه لازم نسمع رايها ..
..

أحس انه يمثل دور المضطهد عشان يهرب من مسؤولياته وواجباته ,, :(

[HarmonY]

هلا شوقي يالله حيه.. pb189


الصراحه ضحكت على نواف ياملحهم بهالعمر كيوت.. :D



فعلاً ياشين الواحد لاجاء في الوسط..

تحسون حقه ضايع مثل ما أشوف مع أخوي.. pb189 :(




نجي للحل..


أول شيء أمه المفروض ماتعامله بهالشكل..pb093

نفرض الولد كان يذاكر ويبي يرفه عن نفسه شوي.. من حقه يطلع..



الواحد بهالسن ماا يحب يُعامل كأنه طفل..

عارفين كيف يكون الشخص في هالسن.. وترانا مرينا فيها .. :rolleyes:



وبرضو أخته مو تتأمر عليه.. هو مو سواق عندها.. pb131

المفروض تحاكيه بأدب و 18 سنه ماشاء الله رجّال..



وحده من صديقاتي خبله.. :D

مره كانت بتكلم أخوها يجي ياخذها من الجامعه وهو أصغر منها ..


حطت السماعات وآخذ وحده بسمع وش تقول طبعاً عقب دعوه منها .. :D

المهم قالت : ايوه ياحبيبي.. وااحشني ئوي .. pb094

تجي تاخذني؟؟ pb189

قال : مقدر.. قالت : الله يخليييك حبيبي من لي غيرك .. pb094


ماشاء الله عليها وربي فله.. تهقين صديقتس لو حاكت أخوها كذا بيعيي pb034


وريم هذي ليه ماتعطيه؟؟ :mad:

قسمن مالها داعي pb151


ودي نواف يرفض لهم طلب مره..

ويوريهم شوي العين الحمراء بس بدون قلة أدب ..:D




شوقي تسان كلامي ملخبط اسحبي عليه .. :D


يعطيتس العافيه هالمضووع وجبة فطور خفيفه.. pb189

[ظـــل]

ياصباحك خير ياستي bp039


نواف هذا واحد من الكثير في هذا الوطن الأغر


شوفي قولي لأهله يخفون عليه


لانه بمرحلة حرجه وهي تكوين الشخصية المستقلة



ومو معناه هالشئ إنه يتركونه على راحته اللي يسويه يسويه



لا بس مصروفه المفروض معه


يدركون إنهم ماعادوا يخاطبون طفل!!


وبعدين وشفيها إذا يودي اهله


المفروض تعززون هالشئ من الصغر وتحببونه فيه ومايمنع تسوون عصيرات والا شئ حلو وتاكلونه بالسيارة


مع سوالف حلو تجهزون لها من قبل وشويه نكت


عشان يحس ان الموضوع متعه وليس شئ اجباري

والا بيحس انها مسؤلية ويحاول يتملص منها ويتأفف منها وأكبر دليل الأخ اللي راد قبلي :rolleyes: (بردين)


وشفيها لوديت اهلك شرف لك ويقربك لهم بحيث أي طلب بيجيك

ومايمنع يباشرون عليك حتى وانت الرجال:( <--- وحده تعاني



ويعطيك العافية bp039

[عتريــــــس]

صباح الخيييرات شوق..,


هههههههههههههههههههه
حلوة التسميات تعال ودني ..


المشكلة انه .. الكبيير مايطلبون منه شي ! ووضعه في العايلة بس ينتقد تصرفات أخوانه ويامرهم
واخر العنقود دلوعة الماما يعني مرفوع عنه كل شي ..
والضايع هو أخينا في الاسلام نواف D:

الحل انه ينبه أهلها على تصرفاتهم معاه .
.وانه التصرفات اللي صاير عليه مخليه يكره حياته بسببهم ..
ومحملته فوق طااقته ..’ ومخليته يحس بالتفرقة بينه وبين أخوانه الباقي ..


الله يعطي نواف طولة البال : \
تحياتي لك شووق ..,

[ZORBA]

اعتقد ان هالشي مو مرتبط بترتيب الولد
بقدر ماهو مرتبط بشخصيته وطريقة تعامل الاهل او اسلوبهم
اعتقد انه لو كان اول واحد واهله طبايعهم بهالشكل ما راح تتغير المعاملة





السياسة عند الاهل واضحة بالعادة
العائلة تتكون من افراد محددين
وكل شخص فيه ثغرة ممكن اي احد يستغلها

مثلا : فرد من الافراد تكونه عنده القابلية انه يعطي فلوس
فتشوفي العايلة كلها تستغل هالثغرة وتطلب منه فلوس عند الحاجة
هالشخص ممكن يكون اب .. ام .... اخت ... اخ

نفس الشي شخص ممكن تكون عنده القابلية انه يودي مشاوير
تشوفي البيت كله يطلب منه يوديهم المشاوير
حتى لو كان الاصغر او الاكبر او غيره
يعتمد على وضعه في البيت وسياسة البيت نفسه


وبالعادة او الاهم
هو ان يكون في توازن في البيت
علشان الكل يعيش بسلام ومحبة ....




انتي تقولي ان هالشخص يصير اخ لصديقتك
طيب صديقتك اي وحده فيهم ؟؟ منى او ريم ؟
علشان نعرف هي ايش وضعها بالبيت

انا اشوف ان مشكلتهم بس هي في الاسلوب الجاف
هذا لو افترضنا ان اسلوبهم مثل ما صورتيه :)

واعتقد ان الاسلوب الجاف يكون في اغلب العوائل لانهم مقابلين بعض 24 ساعة
حاجة عادية والدليل انك قلتي ان الولد برضو اول ما رد على الجوال كانت نفسيته شينه
يعني اشياء عادية تصير بين الاخوان ...


تحياتي

[الشوق شوق]

حيّاك Zorba ...:)

صديقتي هي منى الله يصلحها هههههههه

[ابو سعود]

يـعطيــك العافيـه يا شــوق ..:)

هالمشكله تتكرر كثيــرا ..

و ما لها حل في نظري إلا أنهم يخلون النساء يسوقون و نفتك من شـرهم ..

الوحده لو بكيفها طلعت عشرين مره باليــوم .. أحس مشاويرهم مستحيــل تقضى ..pb093

و ليتها على سنع أو على شيء مهم ..

مشــوار عشان تشري شنطه ..

و مشوار ثاني عشان ترجع الشنطه .. ألخ pb192

أنا مثلا أعتبر القعده بالبيـت طول الويـكند شيء مـمـتــع جداً .. و لا أحب أطلع إلا للضروره ..

و ياليـت كل النسـاء كذا ..:rolleyes:

الحمد لله الي عندي موب بـثريـن .. وطلباتهم موب كثيــره .. أو على الاصح البركه بالسـواق ..pb192

و بالنسبـه لـنـواف ماله حـل إلا أنه يشوف له مصدر مالي .. عشان معد يحتاج لهم .. ويصير موب مضطر لتلبيـة طلباتهم .. <<== حـل إجرامي pb027

أو أنه يجلس بالبيت و معد يطلع .. لا لطلعاته هو .. و لا لطلعات غيـره ..

و القهر أنه حتى لو طلع منى عشرين مشوار ورا بعض .. ثمن عـيـا عليها في المره الـواحد و عشريـن .. فبتنسى كل الي راح و بترجع لأسلوب أنا أوريك و أنا ما أوريـك.. موب لشيء إلا لأنها أنـثـى .. فسالفة أنه يلبي طلباتهم ما أتوقع بتثمر فيهم ..

في المقابـل إذا منى تبي تحل مشكلتها <<== جحد نواف :D .. فمالها إلا أستخدام الخبث النسائـي .. فتكلمه بأسلوب زيــن .. و كل ما وصلها مكان تقوله الله يعطيك العافيـه و تشكره على مجهوده ..و أتوقع بتأثر في نواف مثل هالعبارات بشكل إيجابـي <<== أنا أتأثر بس مدري عنه

الله يوفقهم إن شاء الله ..:)

[ZORBA]

حيّاك Zorba ...:)

صديقتي هي منى الله يصلحها هههههههه


طيب كويس :)

اذا يهمها انها تبني شخصية اخوها بشكل ايجابي
تحاول تستخدم معاه اسلوب الطلب او الاحترام
بحيث انها كل مرة تطلب منه شي تستاذن منه
وتقول له لو سمحت ودني المكان الفلاني وتتدلع عليه اشوي
الدلع ضروري بين افراد العائلة الوحده

وخليها تجرب يوم انها تعزمه على مكان يشربون فيه شي او يتعشون
وتحاول انها تكفيه ماديا لو احتاج .. وهو حتتطور علاقته بها بشكل ملحوظ

المسالة مو معقدة كثير ترى :)

وراح تشوف اخوها انسان معتد بنفسه وشخصيته معتدلة وواثقة
وما راح يرفض لها طلب ... وفي النهاية الكل راضي ومبسوط


هذا اذا هي تبغى تغير الوضع :)


يعني اذا هي تشوف ان وضع اخوها مو عاجبها
فاعتقد انه مسؤولة ولو جزئيا عن هالشي وتحاول تساعده



ومثل ما قالوا الاخوان
الاسلوب اوقات يفتت الصخر :)
اوقات كثيرة لو عندي اشغال الدنيا كلها
ويطلب مني احد شي باسلوب حلو .. اقول له سم لبيه .. من عيوني الثنتين :)

[غور]

الجميع يعرف قصيدة ابن الرومي الشاعر العباسي الكبير
تلك التي نزفت قريحته بها ...
إثر فقد ابنه ! ...
ذاك الابن الذي لم يكن الأكبر ولا الأصغر
بل الأوسط ..
وقد قال في ذلك وما أجمل قوله :
تَوَخَّى حِمَامُ الموتِ أوْسَطَ صبْيَتي
فلله كيفَ اخْتار وَاسطـَةَ العِقْدِ !
الناس الشعراء أمثال ابن الرومي ينظرون إلى الأشياء بجمال أكثر
وإلا - يا رحمكم الله - من يقدر على وصف الابن الأوسط بهذا الوصف العبقري : (واسطة العقد) !
،،
وهنا نجد الشاعر المكلوم يعلن حقيقة الحقائق
وناقضة الأباطيل :
وأولادُنا مثْلُ الجـَوارح أيُّها
فقدْناه كان الفاجِعَ البَيِّنَ الفقدِ

لكلٍّ مكانٌ لا يَسُـدُّ اخْتـلالَـه
مكانُ أخيه في جَزُوعٍ ولا جَلدِ
،،
(المال والبنون زينة الحياة والدنيا)
ومن عبث بتلك الزينة لا حظ له !
،،
كالعادة يا شوق
استغراق في الشعور بآلام الآخرين
كـ العادة موضوع مشبع بالإنسانية !
الله يرضى عليك bp039

[wind_rose]

مرحبا شوق ..
خليني اقولك موضوعك يحكي بسلاسة عن مشكلة يعانوا منها غالبية المراهقين الشباب .
المشكلة تكمن في عدم الاحتواء من الأهل في الأساس يعني مفترض بهالسن بالذات
يحس الولد ان اهله يبونه لذاته مو عشان يقضيلهم مصالحهم .

العلاقة بين المراهق والعائلة غالبا ماتكون وحدة من هالثنتين ( بتكلم من تصور المراهق طبعا ) :
الأولى : انها تكون علاقة مصلحه يعني يقول هم يبوني ويحرصون على وجودي عشان
اوديهم واجيبهم او مهما كانت نوعية الحاجه لوجوده .
الثانية : علاقة سيطرة . يشوف نفسه كبر وصار لازم يتدخل
في جميع الامور عشان يثبت وجوده ويثبت نفسه .وغالبا هالشي مايجي
الا على راس اخواته خصوصا لو كان مابينهم فرق بالعمر كبير .

طبعا لا العلاقة الاولى ولا الثانية هي الطبيعية أو المطلوبة لكن هي نتيجة للتربية والجو العائلي بصفة عامة .
الي يحتاجه في رأيي أننا نحسن صورة العلاقة بينه وبين الأسرة في نظره ..
وهالشي مايتم الا من خلال احتواءه بكل ماتعني الكلمة يعني نعطيه قيمته المعنويه
نحسسه بوجوده ناخذ آرائه ونعمل فيها نستصغر له ونتحمله ويفترض انه يتعلم
من هالمرحلة انه يستقل مادياً يعني يعطونه مصروف بيده بضوابط معينه
بكذا يبدأ تلقائيا يحب جو الأسرة ويثق فيهم ولو يبون عيونه ماقصر .
وحتى وإن غلط او تمادى لا يضخموا غلطاته وافضل انهم يركزوا على ايجابياته وينبهوه
بشكل غير مباشر عن الاشياء السيئه لأن النصح المباشر مايجيب نتيجه خصوصاً في هالمرحلة .

والتربية عموما استثمار طويل المدى يعني مو خسارة لو تعبو شوي او حتى جاهدوا جهاد معاه هالشي
راح ينعكس على علاقته المستقبليه بالاسرة حتى بعد مايتزوج .. وايضاً على طريقة تربيته لأطفاله .
مع اني اشوف إن حالة نواف سهل التعامل معاها وإن في الاساس بذرته صالحه لكن يحتاج لشوية تغيرات .
فنصيحتي لصديقتك انهم مايهملوا علاقتهم فيه بالعكس خليهم يحاولوايصلحوها بالي
يقدرو عليه وترى الاخوان بهالايام ( ينشرون ) والله يصلح الحال يارب .

تحياتي لك ولصديقتك bp039

[الهلي]

والله يالشوق...مايروح فيها الا اصغر واحد ..:(

<<-- اصغر واحد :(

فعلا...الصغير ينكد كد غير طبيعي الا اذا كان نشبة حلق...:D

انا فعلا اعاني مثل نواف احيانا....ليش بعض البنت او الامهات ماتجي طلعاتهم الا اذا طلع الواحد مع اخوياو؟:confused:

احيانا يطلعون اهلي لمكان منا ولا منا...ولا ادري انهم طالعين..وفجأة يدقون..تعال خذنا حنا عند الفلان..pb024

وتكون انت بعييييييييييييييييييييييييد مرررررررررة:(

التنسيق مطلوب بين الاهل...تبون اوديكم..عطوني خبر اول ما اقوم من النوم...موب تخلونن اواعد الخلق بعدين تطلع مشاويركم..!!!



احس ان علاقة نواف بخواته علاقة مادية..!!!

يعني الولد طالع مع اخوياو...المفروض اخته تقدر وضعه وتتنازل عن المشوار...لأنه مرة ثانية يمكن يتنازل عن طلعة اخوياو...ويروح يودي اخته...


والله انصح الجميع...لاتتدخل القروش بين العلاقات بين الاهل..لأن المسألة بتكون علاقة مادية اكثر من اخوية ومحبة وصفاء...pb189


موضوع ظريف جدا...كثري منهنpb192

[twix may3]

اول شي السلام عليكم :d

ثاني شي مدري انا الغلطان ولا انتي بس كيف نواف الوسط بين اخوانه وامه لقبها ام نواف ؟ :d (وجه يقول فكي الحيره اللي بمخي ) ... اووه دقيقه يمكن ام نواف يعني امه هو مو القصد ولدها الكبير << قل ق

نرجع للموضوع :

اتوقع غالبا هالسيناريو يحدث يوميا بس يحدث غالبا للكبير مثلي :( ... مدري انا اتكلم عن تجربه شخصيه ...
برايفت نواف ( دام انك ولد مشالله ممتاز وولد محترم ... يوم من الأيام طلع الوالده الله يطول بعمرها واخواتك لمكان رايق وصارحهم باللي بقلبك ... وصدقني راح يحسون بالذنب وخصوصا الوالده لأن قلبها مايقسى على ولدها مهما بدر منك من تصرف مهوب زين فما بالك انك رجالن محترم واخلاق ؟ .. وان كنت من النوع اللي ينحرج يعبر عن اللي بداخله حاول تلبي طلباتهم وتعامل بذوق في جميع الأحوال مو بس لما تحتاج شي وهم راح ينحرجو منك بعدها لو طلبت منهم اي شي ) ..
^
^
هالكلام لو الموضوع بيوصل لنواف :d

اما لو مهوب واصله ... احب اقول لأخته او مهما كان خفو على الولد ولاتخسرون الرجال بسبب شغلات تافهه مثلا فلوس او يوصلك مكان ... حطي ببالك مثل منتي عندك اشغال هو بعد عنده اشغال واحتياجات وبرضو له حق يطلع مع اخوياه ويوسع صدره :) مثل منتي تبين تطلعين وتستمعين بوقتك .... وتكلمي مع اخوك وصارحيه .. ترا الكلام والتعبير عن المشاعر له دور كبير في حل المشاكل مهما كانت صعبه ومعقده .. وهالمشكله انشالله انها بسيطه وراح تنحل في القريب العاجل ...

الشوق شوق شغله منيب فاهمها بعد << متنح اليوم :d
دام اخته علمتك بهالقصه فهي عارفه انهم على غلط ! ..... هل هي غيرت معاملتها معه ؟ ( وجه خايف يتكفخ ) ...


* ملاحظة: ترى التسميات اللي بالجوال فعلاً صحيحه كذا هو مسمّي أخوانه بالبيت ولكل
شخص بالبيت له لقب بأكثر شي يقلقه فيه

:D :d انشالله راح تغير الأسماء الى : الغاليه , الحبوبه , الهاديه , بدال التسميات القديمه قريبا انشاءالله ..

مدري احس اني شطحت كثير بس انشالله اضفت للموضوع ولو بجزء بسيط :)

فمان الله

[&&&مستر إكس &&&]

مساء الخير,,

الشوق شوق

كلماتي البسيطه ليست علاج للمشكلة إنما هي مشاركه وجدانيه لاأكثر ولا أقل

أحبائي الاعضاء طرحوا وسائل أعجبت فيها كثيرا وأقترح على أختنا منى تاخذ من كل باقه بعض الورد

سيتجمع لديها حل كافي ووافي لشقيها

<<<<< رأي إكس المتواضع

أن المشكلة لها جانبين الاول وضعه المادي وثانيا وضعه الاسري

الوضع المادي أعتقد السبب فيه عدم تخصيص مصروف له من قبل أهله

وهذا المفروض لشاب في عمره لكي يبدا في تعلم سياسة صرف المال

وهذا يعزز الشعور بثقة في النفس وكرامه لكي لايمد يده لأحد

ثانيا الوضع الاسري

أعتقد أن التفاهم مع أهله ليخبرهم أن خدمتهم واجب عليه لكن يجب عليهم إعطاءه خبر في طلباتهم

ايضا يخبر والدته أنه يخصص وقت في اليوم للمذاكره فاذا فرغ منها له الحق في الخروج الى قبل( الوقت المتاخر) وذلك

طمأنتا لقلبها وليس شكا في شخصيته

منى باختصار يجب ان تكون صديقته ستسعد هي واياه في هذا الوضع كثيرا :)

أعتذر عن الاطاله

لكي تحياتي على موضوعك الاجتماعي وعلى تصويرك له شوق

:)

[rose85]

أتوقع إن الأم والأخت يتحملون الجزء الأكبر من الخطأ

(تعال ودني ) قاعده تتمنن عليه لما رفض وهيّن وهيّن ههههههه عاد كلش ولا التمنن بجد : ( ويوم قضت سكرت الخط بوجه !

(تعال ذاكـر ) صحيح كلامها معاه مهما كان قاسي إلا انه بدافع الخوف عليه وهذا اللي يشفع لـ هوش الأم احيانا
لكن لما جا واحتاج فلوس لدراسته ترفض وتتحجج بـ ليه ما تكتب بالمدرسة ؟

توها تفطـــن تعاتبــه !

[Heartbeat]

تعال ودني ...

المفروض تعطيه خبر قبل لا تطلع وتطلب منه يتهيأ نفسيا للمشوار اللي تبيه
حتى ما يوديها ويكون ماله خلق و متضاايق و وو :( ...
ومنها يكون مستعد وحاط في باله انو اخته تحتاجه بوقت معين و يحس انها مسؤوليه أكثر من انها مصلحه pb036

تعال ذاكر ... أتوقع الولد مهما كان ... بيرحم بحال امه
و مهما تضاايق و نقـد عليهاا بطريقة اسلوبها او اي شيء
لكنه يعرف انو هذا من حرصها عليه و هالشيء من مصلحته هو :rolleyes:

نقطه مهمه .. مع إني متوقعه انهم قد استخدموها بس مو ع انتظاام
الأسلوب الحلو و برضو لو تخلونه يطلعكم بطلعات عائليه تنبسطون فيهاا كلكم :)

حتى تحسسونه انو مو دايم احنا نحتاجك بطلبات و آوامر :rolleyes:
لان مهما يكون هو صغير و رح يمّل مع الوقت ..

اقترح يبدون من جديد ... و يعطونه مبلغ لو صغير يتصرف فيه باللي يحتاجه ..

شوق .. bp039

[amdady]

الشوق .. هي تعتمد اولاً وأخيراً على المعاملة اللي يتلقاها نواف .. مثل ما قال ابو سعود .. لو انه ينقال له كلمة حلوه في كل مشوار.. والله تأثر في نفسيته وتخليه يفرح بمشاوير أهله ..
انا الحمد لله عطاني الله اخوات عندهن اسلوب في تكبير الراس .. وبصراحة .. لو اني في عز وناستي مع ربعي وتدق علي وحده منهن تبي مني شغل، أوديها، أجيبها، ألعّب عيالها... الخ مستعد اضحي بالجلسه مع ربعي عشان اختي ..
بس لو تعاملها زفت معي .. وتستعمل التهديد والتوعيد .. خطر امسح رقمها وأغير اسمي

[انوار الرياض]

بصراحه قلم رائع

وسيناريو اروع لانه انحبك حبكه اجتماعيه بحته

وكل الشكر لك على هالطرح

وبالنسبه لنواف المفروض يعامله معامله غير شكل لانه مازال في مرحله قيد التطور pb058

ويبي يفرض نفسه باي شي كان سواء بالرفض او بالمطالبات او غيرها

اما بالنسبه لتعال ودني

بصراحه تستاهل لانه ماوداها فيه شي اسمه اخلاق

فيه شي اسمه اسلوب

واسلوب التمنن هذا يبعد عن الشباب

فيه اسلوب احلى يوم رفض يوديها المفروض قالت له براحتك شرط انه بيحن عليها ويترااااجع لانه مهما كان حنون لانه اخوهم

وبالنسبه لريم الي هي عطني هههههههههه

بصراحه ماهي مجبوره تعطيه لانه ماهي مسئوله عنه اولا

وبالنسبه عاد لامه الي هي تعال ذاكرpb095

معاها حق ولا ازيد على كلامها شي لانه ولدها وفلذه كبدها وتخاف عليه والدوران الي على غير سنع مهب زين

والله يعيينهم والله ومصيره هالنواف بيعقل وبيرده لاهله

وكل الشكر على هالموضوع الرائع

[موق]

*****


يسعد لي صباحك الشوق شوق ..


فقدنا هالطله .. ;)

نواف شخصيه موجوده في كل بيت او في اغلب البيوت ..


كلامي بيكون موجه لمنى البثره اخت نواف :(


زي ما انتي كنتي متحمسه تطلعين وتبينه يوديك هو بعد عنده مشاويره الخاصه مع اخوياه


لو بغيتي يوديك مكان عطيه خبر من بدايه اليوم .. ترا اليوم ابيك توديني هالمشوار


وهو اكيد بينسق

ام نوااف

ما الومها تبيه يذاكر بس اقووولها لاتهاوشينه لاصار برا

مصيره بيرجع البيت وقوليله اللي تبين بصوت حنون وبحب

اهل نواف

عطووه اللي يبي مصروف بس راقبوه ولا تحرمونه

وخلوه يحس برجولته ولا صار معكم في سوق هو مسؤول عن الميزانيه

او لارحتو مطعم هويحاسب ويحس برجولته وكنه هو اللي عازمكم


نواف

لاتصير بعد انت عصبي ومتملل و غاضب من كل شي

هذول اهلك مالك خير الا هم pb189


الشوق شوق


لاتغيبين طلي دائما .. pb094


****

موقلعه

[رجة ونص]

مساء الخير

يالله انك تحي الشوق بشريني كيف امتحاناتك pb189

شوفي وانا اختك الي صاير هو واقع كل اسرة سعودية عندهم مراهق

<<<< معانية من الموضوع pb131 يعني ما فرق ترتيب الولد

اخوي مثلا هو القعدة بس يظل حنّان وماهناش شيء يعجبه وكلنا ضده

وتعالوا شوفوا ربعي واهلهم pb093

مسالة التودية والجيبة الله يخلي السواقين كافينا الشر وان شاء الله بنسوق

حنا ونرتاح منها نجي لمسالة تعال ذاكر اكيد الام معها حق تخاف عليه

وتبيه يجي يذاكر بالاخص انه توجيهي <<< عيلة دوافير اهم شيء الدرجات

ومسالة الفلوس اكبر غلط هو اعطاء المراهق فلوس زيادة عن الحد بايده

لانه ممكن يكون لها تاثير سلبي ;)

الي انا ضده بكل الموضوع هو اسلوب التعامل مع نواف لانه والله من تجربة

شخصية انه الشاب وبالاخص المراهق يصير مثل العسل اذا انقال له كلمة حلوة

ولازم واحدة من الخوات تكون علاقتها فيه قوية مرة عشان يقدر يفضفض لها

بكل شيء وتعرف وش في حياة اخوها وتقرر تنصحه وهالشيء انا مجربته والحمدلله

جايب مفعوله مع انه احيانا يطلعني من طوري pb131

[عاقل بقوه]

هلا الشـوق

قبل يـومين كنت أتكلم مع واحد من الشباب عنده نفس المـشكله بالضـبط والمشكله الاكبر مافالبيت غيره
هو قليله طلعاته من الـبيت وغالباً محصوره بالاصدقاء المقربين " بيتوتي على مايقولون "
يكون مثلاً متجهز بـيطلع ولما يطلع من غرفته ويسلم على اهله وهو مار فجأه يقولون له بـ نطلع :confused: أو مشـينا الـسوق !! الولد مايحب المشـاكل وهادئ يظطر يـقول يالله وهو سـاكت ويعتذر من اللي ارتبط معاهم
والسالفه هذي تـكررت معه أكثر من مره لدرجة أنه اظطر أنه يـكذب على أهله ويقول بأودي سيارتي الورشه عشان يقدر يطلع ويأجلون مشوارهم لـ يوم ثاني !!

لـو كان من الـشباب اللي مطنشين ويهاوشون ويرفعون صوتهم بـيقدرون أهله يعلمونه انهم بيطلعون فجأه والا بيعلمونه قبلها :rolleyes:

أخت نواف " للأسف أستغلت عاطفة أمها وخوفها على مصلحة ولدها وكلمت أمها لأن أخوها عيا يوديها المشوار اللي مفروض تنسق مع أخوها من قبل مايطلع , وبالتالي العلاقه بينها وبين أخوها مع الوقت بـ تصير علاقة مصلحه وممكن لدرجة العداوة وكل واحد يـبدا يـتصيد على الثاني الغلطات !!

الـحل لـ هالشئ : انه يـكون فيه تنسيق بين الاهل والولد , يـعلمونه فـ أول اليوم ويفرقون بين الطلعات الضروريه وبين الطلعات اللي ممكن تتأجل لـ يوم ثاني مثل الأسواق [ وجه واحد يكره الاسواق والدوران فيها الين تبدا تشوف الالوان متشابهه والصداع يدهر :( ] !! [ أو أن نواف يعصب عليهم يوم ويطلع ويخلي لهم البيت ولا يرجع الا متأخر واذا قالوا بـ نروح يقول لهم مافيه وقتها بـيعرفون شلون يحترمونه pb034 ]

بالنـسبه للمصروف الأهل لازم يـعطون نواف مصروف لـو بـشكل أسبوعي
بس مايعطونه بإسراف ولا يـقللون عليه ويظطرونه للشحاده من كل شخص
وهذي مسأله صعبه وخصوصاً على اللي في سـن نواف وإذا ردوه بطريقه غير مناسبه

بالنـسبه لـ خويتك " قوليلها تستعمل دلع البنات " وهذا شـئ ماأظنه صعب عليها
كلـمتين لأخوها وشوي تمسكن وتحسسه بأنه هو المسئول الوحيد والمهم وبيجي على طول ;)



يـعطيك العافيه
bp039

[.o روح طفله o.]

كســــر خـاطـري نـواف :(

واكثـر موقف قهـرني .. موقف الفلوس ..

انشالله راح تغير الأسماء الى : الغاليه , الحبوبه , الهاديه , بدال التسميات القديمه قريبا انشاءالله

ان شاء الله يتعدل تعاملهم معـاه .. ويسميهم باحلى الاسامي ..

الله يوفقهم ..

الشـــــوق شـــوق bp039 bp039 تسلم يمينك يا قمر

[الشوق شوق]

يالله إنك تقوّيهم:D ...

يسعدلي هالمسا يارب ودومbp039

بصراحه إنبسطت لما دخلت وشفت الردود...بإذن الله راجعة لكم واحد واحد:)

حتى ذلك الحين...كونوا بخير : )

pb189



برايفت رجه ونص

يالله انك تحي الشوق بشريني كيف امتحاناتك
الله يحييك ويبقيك ياقلبيpb094 ...اختباراتي الحمدلله إن شاء الله حلوة
هانت إدعي لي بس...باقي وحده إن شاء الله
شكراً عالسؤال ياعسوووولةpb189

[محد حولك]

وين الخطأ؟ وكيف يتم تصحيحه؟أعتقد بأني راح أرسل نسخه من هذا الموضوع للبنت بعد اكتماله
يمكن إن شاء الله يلقون حل
* ملاحظة: ترى التسميات اللي بالجوال فعلاً صحيحه كذا هو مسمّي أخوانه بالبيت ولكل
شخص بالبيت له لقب بأكثر شي يقلقه فيه

السـلامـ عليـكمـ..

والله انا مريت بهذا الشي حيث بأني اعيش مع ابوي وامي وابوي كبير بالعمر وامي كبيره بالعمر واخواتي متزوجات واخواني لك عليهم:( يعني كل واحد في حاله..

فا كنت شي طبيعي جداً اني داج دراسياً وما كنت انجح الا لأني اخط لوحات المدرسه واصلح للمدرسه كل شي واذا جاء الاختبار يغششوني المدرسين لأنهم عارفين اني ما ادري وشو الكتاب والحمد لله نجحت:)

فا كنت اذا رحت لأبوي اقوله ابوي ابي دراهم ولا فلوس قال ما معي..
وامي اذا جيتها قالت ما معي رح لأبوك واذا رحت لأبوي نفس الحاله وتعرفين تفكير الاولين:mad:

فا قفلت معي قفله غير طبيعيه وخلاص ما عاد اقدر استحمل يعني امشي مع اخوياي واذا رحنى المطعم ولا شي وجاء وقت الحساب اجلس اغسل يدينيpb192
المهم اني مطفر مطفر الين تقولين امين يعني والله من جد رحت فيها لا موتر ولا فلوس بالله وش تبيني اسوي حتى الانترنت يقول لا تدخل خسرتنا فواتير حسبي الله عليك من وليد:(

طبعاً انا اخواني 7 وجاي وسطهم يعني ثلاثه فوقي وثلاثه تحتي..
المهم بعد القفله هذي كلها قررت اني اشتغل المهم اني دبرت لي وظيفه وصار عندي دراهم
يوم صار معي فلوس جو وسوو لي قلق!
من وين جايب الفلوس؟
من يعطيك ايها؟
ومن هالكلام ويقعد يهددوني انهم بيسحبون السياره اذا ما علمتنا من وين جبت الفلوس!:confused:
انا قفلت معي واطلع المفاتيح وارمي ام امها قلت السياره لكم والبيت بعد لكم عشان ما تمنون عليناpb071
وطلعت ومشيت ويجون اخواني واخواتي تعال ومدري ايش قلت انقلعوا انت وياه لأتوطى في بطن بطنكم وطلعت وهي قافله معي والمشكله امي فيها سكر وحالتها حاله وهذاك الوقت ما فيه جوال ما فيه الا بيجر
ويدقون علي بيجر 9999 ومن هالخرابيط
وبعد تقريباً شهر كذا رجعت للبيت قلت بشوف وش صار عليهم؟pb093
واثر امي مرتفع عليها السكر وحالتها حاله
ويقعد يقولون انت السبب وانت وانت؟

قلت انا السبب؟
الحين اذا طلبت منكم قلتوا ما عندنا وانا اشوفه عندكم وقدامي بعد!
واذا رحت ودبرت نفسي قمتوا تقولون من وين جايب فلوسك؟؟
عاد وقتها الحمد لله اني ما تهورت وتجالدت معهم بعد بس ربكم ستر:(

وبعدها عاد تركت الدراسه وتوظفت ورجعت للبيت وبعد سنتين كملت دراستي وصارت علاقتي مع اهلي عاديه ورجعت طبيعي بس انا الى الحين شايل بقلبي عليهم ولا فيه امل انسى

والحمد لله شريت لي سياره وضبطت وضعي:)

فا الحين اخواني الي اصغر مني واخواتي صرت اعطيهم بحيث اني ما ودي يمرون بالشي الي انا مريته من نكد وقلقpb093

والله انا اقولك بحكم تجربه
الضعط يولد الانفجار

والله اذا هم ما وفر له الاشياء بس بحدود معينه ولا انا اقولك الولد راح يضيع بس انا حسب كلامك شكل الولد عاقل بس والله اذا كل شي ما يجيه الا بعد الطقاق!
يعني المفروض يوفرون له كل شي عشان ما يدور عنه بطرق ثانيه وانا والله ما ودي اقول وش سويت ووش كنت اسوي هذيك الفتره والحمد لله انها مرت وربكم سترpb093

[انوار الرياض]

8
8
قسم بالله رحمتك

مشكله الاهل الي مايقدرون المسئوليه

خابرين ولدهم يعني من وين يجيب!!

[الشوق شوق]

^
^
^
قسم بالله ضاق صدري :( ..
>>>> مشكلة اللي ياخذون بريك ويتحمسون
بإذن الله لي عودة عشان أعلق بس والله انقهرت :(
الحمدلله إنها عدت سليمة عليك...والله يجزاك خير يارب ويعطيك على قد نيتك : )

[محد حولك]

8
8
8
حسيت اني ودي اصيح مدري ليشpb192

بقولك بس شوي عن الحياة الي كنت اعيشها واتمنى ما اطول عليك بس اتوقع ان شاء الله بتفيدكم

انا يوم كان عمري 15 كنا هذاك الوقت ساكنين في حي متخلف وكل الطبقات الي فيه متخلفين وطفرانين في نفس الوقت فا كان ما عندي اي مشكله عيشتشي زي عيشتهم ولا فيه فرق يعني ما عندي مشكله ولا كان عندي اي مشكله ابداً

فجأه نقلنا من حينا المخيس ورحنا حي راااااااااااااااااااااقي ومحترم ولا فيه متخلفين وكلهم عيال نعمه:)
المهم حسيت اني انا كني جرثومه بينهم يعني والله اذكر في المدرسه ان فسحت اطفر واحد فيهم يعطيه ابوه 10 ريال
وانا منهبل وش لون هذولي عايشين ابوهم يعطيهم 10 ريال يعني 300 ريال في الشهر
انا لو يعطيني ابوي كذا كان تجيني جلطه:(
فا كانت فسحتي 3 ريالpb093
بالله عليك وش تسوي هذي؟ نكد نكد نكد من جد وكنت ما اتفسح معهم يعني اما اجلس في الفصل واعطيهم من هالفقش الين ما اقول آمين او اني انام في الفصل وقت الفسحة.
وهذا الشي يعني رفع ضغطي بصراحه:mad:
المهم مرت كم سنه المهم صار لي موقف والى يومكم مع ان يمكن مر عليه 10 سنوات بس الى الحين في قلبي ولو تمر مليون سنه والله ما انساه..
فا كان ابوي يعطي اخواتي 500 ومن هالمبالغ الي كانت عندي لو اخذها بطلع اسعد واحد في العالم..:)

المهم سافرنا مره ودايم سفرنا نكد في نكد مثلاً نسافر حنى وعماني وعيال عمي معهم فلوس وانا لو تنفضني نفض ما تلقى معي شي حتى محفظه ما قد شلتها معي..

المهم عندي اخت اكبر مني يمكن بـ 5 سنوات..
اعرف ان معها فلوس ومنغنغه واقوله تكفين عطيني بس 10 ريال
وكل يوم على هالموال تكفين عطيني عشره والله ابي اشتري شي وتقولي انقلع وطبعاً بالنهايه ما اخذ ولا ريال وارجع ضايق صدري وما ودي اطلع ابد واكره اهلي واكره اني جيت معهم وتعقدت بصراحه:(
المهم رحت اشتري لها من البقاله ويوم رجعت
قلت تكفين تكفين تكفين واقعد اترجى ساعه:( اقولها ابي عشره ريال..

قالت لي تراك ازعجتني يا الطرار كل شوي تقولي ابي وابي انت طرار؟ رح وقف في الشارع وطرر من الناس ازين لك يالله ظف وجهك..

انا شلت في قلبي من جد وتغير وجهي وطلعت ولا كلمتها:( ورحت طلعت ولا عاد ابي شي ابي بس الفكه من اهلي ويعني هذاك الوقت ما لي الا الله اشكي له..

المهم هي حست انها جرحتني وتجيني في الليل وقالت امسك هذي عشره ريال ومهيب سلف بعد خذها حلالك قلت لها انقلعي انقلعي ما ابي منك شي ومن قوة الضغط الي فيني يعني كاتم في نفس قمت اصارخ واصيح ما ادري وش فيني ما ادري وش الي صار لي كنت يعني ما احب اصيح ولا فيه امل اصيح بس هذاك اليوم مدري وش الي خلاني اصيح انفجرت والله بصراحه ما ادري وش صار يعني:(
طبعاً الى يومكم وانا شايل عليها وهي عارفه بهذا الشي.. وصار لي معها موقف يوم اني توظفت

وقالت يا اخوي ليش انت شايل بقلبك علي يا اخوي والله لو تبي بدال العشره عشر آلاف عطيتك بس لا تشيل علي
وطبعاً ما كلمتها ورحت وجيت بكرى ورحت لبيتها وقلت انا برى افتحي الباب قالت هلا والله بأخوي الوحيد

وعطيتها ظرف وقلت لها وقت الحاجه يوم احتاج لك تقولين ضف وجهك ويوم صرت ماني بحاجتك تقعد تقولين امر تأمر

وحطيت في الظرف 10 الاف وطلعت ومشيت يوم فتحته وتدق علي وترسل لي رد وتدق على امي وتجي للبيت
المهم تقول وتصيح انا وش ذنبي وانا وانا؟؟

قلت لها طيب وش اسوي اذا انا ما اقدر انسى؟ ومستحيل انسى ولو سمحتي فكيني من كلامك واذكريني بالخير وتقعد امي تتطلبني

قلت يا يمه موضوع وانتهى وانا والله اذا حقدت حقدت ما اقدر انسى..
هو صار خرابيط كثيره وبيني وبينكم ما اقدر اذكرهاpb192

طبعاً اذا ولدت وجابت ولد ما زرتها ولا فيه امل لأن نفسيتي ما تتقبل لأن برضوا صار لي موقف ثاني وما ادري الغلط منها هي ولا مني انا..

يوم انها تنخطب وكنت طبعاً وقتها رايح فيها وطفران

وكان معها في يدها يمكن 70 الف كاني منيب واهم وكانو اهلي واخواني في غرفتها يوم دخلت
فجأه انا دخلت والله على حسن نيتي قاعد ادور فوطه عشان اتروش والله مالي من الشيطان طاري
اول ما دخلت عليهم في الغرفه قالمت توزي الفلوس الي معها تقول بصوت خافت لا يسرقها؟؟؟pb036

انا سمعت ولا ما سمعت والله العضيم اني جاني انهيار عصبي قفلت معي قلت لها وكان ابوي موجود وامي موجوده واخواتي الكبار موجودي وكل العائلة؟
قلت الله يلعنك وياخذك انا حرامي؟
انا حرامي؟
انا حرامي؟
انا مره من الايام سرقتك؟ او فكرت اسرق ؟ قد شفتيني اسرق قد شفتيني اخذت منك شي ولا رجعته لك ؟
ما قدرت والله اوقف على رجليني من قوة الضغط الي جاني انا ما احب احد يجرحني انا ناقص من ذا الي فيني؟
طبعاً ما قدرت اسكن مع اهلي وقلت انا بطلع والله معليش انا ما اقدر ما اقدر انا والله ما اقدر اعيش مع وحده متخلفه زي ذي
المهم فيه عندي اختي الكبيره متفهمتني واحبها بصراحه قالت يا اخوي خلاص تعال عندي قلت لها والله ما ابي احد فيكم المهم هي قامت تحاول فيني وقالت ان زوجها مسافر.. وابيك تسكن عندي تجسرني:(
قلت طيب وطلعت ورحت سكنت عندها..
المهم اختي والله تسولف معي وما جابت طاري السالفه ابداً بس نفسيتي جوى زفت لأن كان برضوا قبل لا تصير هذي السالفه قد صارت سالفه لي مع امي :(
المهم قلت والله يا اختي اني ما اقدر اعيش مع واحد يعرف الي صار ابي اطلع ابي اسكن لحالي ابي اسولف ابي اتمشى وانسى شوي على الاقل اطلع الي فيني شوي
قالت يوووووووه انت الى الحين تفكر بهذا الشي المهم طال النقاش بيني وبينها وقررت اني اطلع وقالت خلاص بس بعطيك هديه اتمنى انك ما تردني فيها..
عطتني مبلغ مالي جامد وعطتني سياره كانت على وقتها من قده الي ياخذها
ما عليش ما اقدر اقولكم وش صار ليpb094

هذي بس بعض المواقف الي كانت تصير لي وفيه اشياء كثيرررررررررررررررررره كثيرررررررررره والى الحين في قلبي

طبعاً ما اخفيك اني طبيت في الشله الفاسده والصالحه بس الحمد لله اني ما طحت في الحشيش والكيسان والسرقه مع انها والله كانت قدامي
بس لا تحسبيني اني تركتها خوف من ابوي او استغفر الله خوف من ربي

كنت ما احبها ولا هيب تعجبنيpb192
حتى التفحيط وخرابيط ذا الشباب كنت ما احبها

والله ان فيه واحد بس الحين تطوع الله يستر علينا وعليه وكنا مبزره هذاك الوقت بس اني كنت خبيث شوي

والله انه يصب لي الكاس ويقولي جرب يعني بالله عليك فيه شي يردني ؟
بس كنت ما احبه وكل يوم اخوياي الي شارين سياره ولا من هذولي تلقينهم الي صار له حادث وتوفى والي تكسر والي مدري وش صار له..
بس كنت هذاك الوقت اقضي وقتي بدوران على رجليني يعني افر الحي كله صبح فجر عصر مغرب عشاء كله ادور على رجليني
ولا احب اركب مع احد عشان ما يقعد يممن علي
انا ناقص بعد من اهلي يجون ناس من برى يمنون عليpb093

بعدين حصلت لي وظيفة في مكان متخلف بصراحه بس كان راتبها 1800 وجمب بيتنا وكنت مبسووووط وبعدها عاد توظفت وظيفة ثانيه بـ2500 وبغت تجيني جلطه وبعدين عاد تطورت وكملت دراستي وصار عندي راتب زي العالم والناس

والحين يعني ما احب اخلي شي في نفسي الا واشتريه
يعني احب اني والله البس افضل لبس واركب افضل مركب واسكن افضل سكن

وتقول امي يا وليدي اجمع قرشك الابيض ليومك الاسود
قلت لها انتو خليتو يوم ابيض عشان اجمع فيهpb192

المشكله هالي يستقعطون ابي اعرف وش نهاية هالاستقاعط؟

وثاني شي كم مره انا بعيش ؟ منيب عايش الا مره


اصرف ما في الجيب يأتيك ما في الغيب


معليش طولت عليكم
واذا تبون سواليف ما عندي مشكلهpb192

اخذها حلىpb095

[رجة ونص]

8
8
8

يا اخي حرام عليك صيحتني من قلب :(

طبعا الطفل والمراهق ما راح ينسى الي يصير والاهانات

الي يتعرض لها بالاخص اذا كانت من غالينه pb093

[الـصـيـنـي]

مسااء الورد
باتريوت والله قطعت قلبي سواليفك من جد الله يعين الشباب بهالسن اذ الاهل مو متفهمينهم

يعني اللي بهالعمريحتاج حتي الكلمه اللي تحسسه انه رجل يعتمد عليه مو تهزئ واحتقار...........والله احس كان عايشتك ظروفك من وصفك لحالتك

قول امين الله يوفقك بدنيتك ويسعدك ويرزقك عيال تربيهم صح وتهتم فيهم

[محد حولك]

8
8
8
طيب ما قلتي لي الله يزوجك االمفروض تقولين الله يزوجك وحده طولها 160 ووزنها 45 بدون كرشه لو سمحتيpb192


فيه بس عندي ملاحظه عن الي صار لي عشان تحطينها في الصورهpb192
>>>>يا كثر ملاحظاتك وقرقرتك


طبعاً في هذاك الوقت فيه ميزه بصراحه هي شينه زينهpb192
ان ما يهمني شي اخوي الكبير اخوي الصغير ابوي امي كلهم ممشيهم زي الـ (أ)
يعني كنت من جد محد يقدر ينفس علي لأنه بيروح غلطهpb071

وطبعاً من الفوائد التي اكتسبتها اني صرت فتيت بلوووووووت
يعني ابن ام احد يطلعنيpb192 وفيه موقف صار لي وبغيت اموت فيه بسبب هذي اللعبه

اني كنت العب وانا كم واحد وكل الي العب معهم كانوا حارين بس فيه واحد فيهم دمه حاااار مره
المهم اني رفعت ضغطه وهبلت فيه من جد
المهم كان جمبه طفاية القزاز الكبيره pb192
ويمسكها ويرميها بأقوى ما عنده عليpb036
المهم الحمد لله انها ما صفقت فيني وشطفتني وصفقت في الجدار ومن قوة صفقتها والله ان الجدار تشوف جته بعض الشلخات بسبتها؟؟:eek:
يعني لو هي جت في راسي والله ان تلقيني متوفيpb093
المهم اني قمتpb151 ولعنت خير خيره وتوطيت في بطنه وشوته تشويت

وطلعت..
واذكر ان بعد هذاك اليوم بدء يتحسن وضعي الحمد لله..:)

فيه موقف بخصوص حلقات التحفيظ وما ادراك عن حلقات التحفيظ ولا احد يدري وش يصير فيها وبيني وبينكم اخاف اقعد اقولها وتقعدون تطلعون اخوانكم منها واكسب اثم منكم فا معصي اقولهاpb192
:)

[الـصـيـنـي]

مساا الورد

اكيد اخوي باتريوت ماراح يجي العيال الا بعد ام العيال...........مايبي لها كلام

وش سالفه الحلقات؟؟؟؟؟؟ والله الدنيا صارت تخووووف

بس الحقيقه المطاوعه مو مثل قبل

قبل وانا ادرس مع اني مو ملتزمه يعني انسانه عاديه بس كنت اشوف الملتزمات والملتزمين شي وانهم يخافون الله

بس بعد كبرت وعرفت الناس واخلطت مع اجناس اشكال الوان من مدرسات وطالباتي عرفت ان اكثر الملتزمين يخافون من الناس ومن انتقادهم اكثر من الله وكيرون انفسهم شعب الله المختار

صار ماعاد يهمني الا شخصيه القدامي سواء ملتزمه او لا المهم ان تفكيرها وقلبها ابيض


الله يهدي الجميع

اسفه طولت السالفه وهي قصيره

[&&&مستر إكس &&&]

والله سوالف ياباتريوت

بس يقولون مايطلع رجال الا هالطفوله الا انت عشتها يطلع انسان عصامي وفي الغالب تفكيره سليم :)

شي حلو انك تفضفض الي في قلبك عشان ماتكون مكبوت في ذكريات حزينه

وهذي ميزة منتدى الاسره بشكل خاص :) والمنتديات بشكل عام

واهم ميزه إن مافي أحد يعرفك عشان كذا ماخذ راحتك

<<< للاسف انسحبت منه هذي الخاصيه :( والا كان ودي أحكي

تحياتي صديقي في النشأة :)

[A M A L]

:)

شكرا على الموضوع

[يـاساتر]

وتقولون ليه الرجال ينحاش من البيت


الله يعينا عليكم طريقة عرض روعه نرجو الاكثار منها


يعطيك الف عافيه

[محد حولك]

وش سالفه الحلقات؟؟؟؟؟؟

شوفي واسمعوني كلكم موب بكرى اكسب اثمكم:rolleyes:

فيه بعض الحلقات والمطاوعه لاحظوا اني قلت بعض مو كلهم واكرر للمره الثانيه اقولكم بعضهم مو كلهمpb192

وهذا الشي انا شايفة بنفسي مهوب واحد قايل لي ولا سالفه من راسي

انتم وما يخفى عليكم ان اكثر الي في الحلقات اعمارهم من 7 سنوات الى 17 سنه

واكثرهم زيون يعني فيهم ملحpb027
وانتم عارفين ان الحلقات يروحون استراحات ويسافرون مع بعض ومن هالاشياء

فا بعض الناس الي يتنكر بشكل المطوع وبداخله ما يدري وش الطوع

مثلاً يجي لهازيون ويجي لواحد مثلاً زين ويقعد يقوله ويحاول فيه انه يسوي معه (اللواط) يعني يفعل فيهpb151
فا بعضهم يرفض والبعض يوافق وما عنده مشكله:mad:
اذا وافق ولا قال شي صار كل يوم يفعل فيه ومتى ما بغى يفعل فيه :mad:

بس اذا رفض وعيا وقال معصي تدرون وش يقوله؟
يقوله انا بشوف انت تلعب من ورانا ولا انت راعي هالخرابيط ولا شي بس الحمد لله انك طلعت رجال ومنت راعي هالحركات

شفتوا ابن الكلب وش يسويpb151
وهذا الشي الى الان صاير:cool:



والله سوالف ياباتريوت

بس يقولون مايطلع رجال الا هالطفوله الا انت عشتها يطلع انسان عصامي وفي الغالب تفكيره سليم

شي حلو انك تفضفض الي في قلبك عشان ماتكون مكبوت في ذكريات حزينه

وهذي ميزة منتدى الاسره بشكل خاص والمنتديات بشكل عام

واهم ميزه إن مافي أحد يعرفك عشان كذا ماخذ راحتك

<<< للاسف انسحبت منه هذي الخاصيه والا كان ودي أحكي

تحياتي صديقي في النشأة

في هذي والله بصراحه انك صادق بس ترى اكثرهم ينحرفونpb093



بصراحة فيه سواليف كثيره واشياء كثيره بس انا عارف اني لو بقولها ما راح تصدقون
فا ليش اتعب نفسي واقولها


والله ان هالي كتبت هالموضوع جابتها على الجرح وهي ما تدري

[الشوق شوق]

صباحكم وردbp039 ...


أخيررررررررراً يالله لك الحمد عطلت :D وإن شاء الله يارب أكون قدمت زين.


Mr.DoOOoDY

هلا بك أخوي حيّاك:) ..
ألف شكر لك على مرورك...في نظري أعتقد إن نواف فعلاً ممكن يكون
أحسن من غيره...خاصة إنه هو حاط بباله إنه مضطهد من الكل:rolleyes:
ألف شكر على مرورك;)
يخليك ربيbp039



شمس الاصيل

يسعدلي صباحك حيّاك شمس:) ..

صدقاً هالمشكله موجوده , رغم اني حسيت ان هالعائله مصخوها شوي مع ولدهم
<<< الكبير , ترتيبه الاول

لكن الحل انه يحط لنفسه شخصيه , ويضع حد لمثل هالاشياء !
ولو زعلهم مره والا مرتين مو مشكله , بعدين بيحسبون له حساب وبيقدر يسيطر ع الوضع .
أحيانا نضطر اننا نزعل احبابنا عشان نوصل لهم معلومه او عشان نقول لهم " هييييه يكفي عاد ! "
أحياناً أحس إنو فعلاً يكونون ضاغطين عليه بزياده...لكن لما أسمع عن اللي غيره فيه ناس
حالتهم أسوء منه بكثيرpb093
أعتقد الأم المفروض تعامله بشكل أكثر احترام...أما منى فهي تنقهر منه لأنه مايحترمها وأحياناً ماتحترمه

موضوع خفيف دم مررره
يسلم قلبك ويخليييييك...ألف شكر لمرورك...أسعدنيpb094
يخليك ربيbp039



dbdooob

يسعدلي صباحك حيّاك دبدوب:) ...

أعتقد الحل يكمن في انه يحاول انهم يحترمون وقته يعني يقول انا ما عندي مشكله اوديكم للي تبون بس علموني قبلها بوقت كذا ويحدد الوقت لان اذا كنت مع ربعي صعبه أرجع الا اذا كان شئ طارئ وكل اشياءكم ماهي ضرورية

وكونه مراهق فهو طبيعياً راح يعاند ويجابه وهذا اكبر غلط مع الاهل
احسن جمله يقولها إن شاء الله وعطهم جوهم
طيب ولا صار مثلاً يتفلسف.....وش الحل؟:( يعني ساعات هو بس إحساس من عنده إنه مضطهد
بينما فيه ناس دايم تمشي على راي أهلها...تراه يطنش أهله ساعات:rolleyes: يعني الولد
ماشاء الله يعرف ياخذ حقه...لكن ليش الشعور هذا بالإضطهاد...هذا اللي مستغربتهpb036
موضوعك جميل
يسلم قلبك ويعافيك...ألف شكر لك على مرورك;)
يخليك ربيbp039


:)

[الشوق شوق]

:)


بنت أبوي

هلا بك عزيزتي:) ...

واسمحي لي أقول ماعنده شخصيه !

وبعدين ليه مامعه فلوس وش ذا الحكي !
أقل شي يكون بجيبه عشره ريال
كل ماجا يطلع يجي ياخذ فلوس من أمه...هذا سيناريو ثاني بعد:rolleyes:

يمكن هو فاقع مرارة أمه ما يذاكر أبد !
وشايفته بثالث وخايفه عليه .. وهو مطنش .. حتى لو ذكي ,,
فـ ملاتنلام ..
بصراحه لازم نسمع رايها ..
من ناحية منفقعه مرارتها فهي من جد متأزمة منه:(

أحس انه يمثل دور المضطهد عشان يهرب من مسؤولياته وواجباته ,,
نفس تصوري والله :D ..

ألف شكر على مرورك ياعسل;)
يخليك ربيbp039



Fiona

هلا والله وغلا قلبيpb189 ...

والله يافوفو...هو فعلاً الولد يجي بالكلام الحلو لكنه يتوقع من كل شي يسويه مقابلpb036
يعني تخيلي اخوك مثلاً بيوديك مشوار بيقول عطيني فلوس
هو صح حبيب ويمشي بالحكي الزين ساعات لكن ساعات يخربها هههههههه:D
الله يكون في العون...كلامك هذا راح يوصل لـ مني إن شاء الله
وإن شاء الله تتعدل أموره:rolleyes:
ألف شكر على مرورك ياعسولة;)
يخليك ربيbp039




ظـــل

يسعدلي أيامك وقلبك ياعسلpb189 ...
بصراحه كلامك مرة حلووو وأنا أؤيدك والله..هو يحس إني متكرم لا وديتكم!
يعني أهله من بيوديهم مثلاً؟ المفروض يكون في باله إنه يساعد أهله
يعني وش بيضره لو ودى أهله وراح لأخوياه مثلاً؟
بس كلامك مرة حلو يعطيك ألف عافيه ياعسولة;)
يخليك ربيbp039



:)

[غربه الروح]

صباحك سكر

أنا مع نواف:( و بقوه:(
غالبا البنت والا الولد الاوسط عليهم العبئ الاكبر

الكبير عيب ما يسير يقوم وفي اصغر منه جالس
والصغير يادلبو صغنطوط وما يعلف يسوي سي pb151

بالنسبه للمشواير.. الله يخلي لنا سواويقنا ولا يحوجنا نطر هذا والا نطلب ذاك :D
ولا يجيب اليوم اللي تسوق فيه البنت السياره... لان اهلها بيعيونها تطلع متى ما بغت وبتطق من القهر pb027

أنا شخصيا مو من السهل اطلب مشوار والا شغله من اخوانيpb036 انحرج منهم شوي مادري ليه
يمكن لاننا تعودنا على السواق!! احس اني بايخه صراحه:(
واذا صار وطلبت منهم.. أكون ممتنه لهم جداااpb189

شوفي.. الواحد منا اذا سوى شي لاهله موب كثير عليهم وبالعكس من واجبه سواء بنت والا ولد:rolleyes:
وما ينتظر من ورا هالخدمه مقابل.. لكن الانسان عادة يحب اذا عمل عمل يلقى منه شكر.. او تقدير لعمله


الصبر قميل يا نواف:D ومن غير شر عليك لو تغيب شوي عنهم يفقدونك ويحسون بقيمتك pb034

[فوضويه]

ماعندي اضافه ^___^
بس حبيت اشكرك عالموضوع
وبعض الردود بعد
افادني كثيــــــــــــــرر :)

[نيرمين]

مساء الخير ..

الولد خصوصا في هالمرحله .. يحب يفرض شخصيته على اهله ويحسسهم بكيانه ووجوده ..
برضو مايحب أنه يكون فقط هو المنفذ للأوامر .. يحب أحيانا أنه يقول رأيه وينفرض عليهم ..
شي طبيعي ان الولد يتضايق من هالشي ويحز بنفسه .. بس بمجرد مايكبر شوي يعرف ان الأهل
كل قصدهم مصلحته والخوف عليه ..

برضو المفروض من الأهل أنهم يخففون عنه الأوامر قليل برضو يحاولون يراقبون تصرفاته مثل مذاكرته
طلعاته مع الشباب لكن بدون مايحسسونه بالشك أو أنه غير قادر على معرفة مصلحته ..عشان مايأثر
هالشي في نفسيته وماتتزعزع ثقته بنفسه ..

أما بخصوص سالفة تعال ودني أشوف أن الأهل المفروض يتركون له حرية الرأي في بعض الاحيان
مثل لوقالهم مره من المرات أنا معزوم خلاص يتركونه يروح لعزيمته وهم يدبرون عمرهم وربي راح تلاقينه
ثاني يوم جاي ومتحمس ويسأل أهله تبون شي قبل أروح للشباب وكذا .. لكن لما يجبرونه دايم على هالشي
راح يطفش ويحاول الهروب منهم ..

شوقي مبدعه كالعاده ياقلبي :)

[الشوق شوق]

صباح الورد bp039 ..


عتريــــــس

حيّاك ياعسولة هلا وغلاpb189 ....


هههههههههههههههههههه
حلوة التسميات تعال ودني ..
هههههههههه من جد :D

الحل انه ينبه أهلها على تصرفاتهم معاه .
.وانه التصرفات اللي صاير عليه مخليه يكره حياته بسببهم ..
ومحملته فوق طااقته ..’ ومخليته يحس بالتفرقة بينه وبين أخوانه الباقي ..

صادقة والله وكلامك معقول...لأنه فعلاً يحس بالإضطهاد..:rolleyes:
ألف شكر لك على مرورك ياعسل;)
يخليك ربيbp039




ZORBA

يسعدلي صباحك ياعسل:) ..

اذا يهمها انها تبني شخصية اخوها بشكل ايجابي
تحاول تستخدم معاه اسلوب الطلب او الاحترام
بحيث انها كل مرة تطلب منه شي تستاذن منه
وتقول له لو سمحت ودني المكان الفلاني وتتدلع عليه اشوي
الدلع ضروري بين افراد العائلة الوحده

وخليها تجرب يوم انها تعزمه على مكان يشربون فيه شي او يتعشون
وتحاول انها تكفيه ماديا لو احتاج .. وهو حتتطور علاقته بها بشكل ملحوظ

المسالة مو معقدة كثير ترى

كلامك رهييييييب وحلوووووو http://www.eqla3.com/vb/images/icons/037.gif
ألف شكر لك على مرورك...والله ردك أعجبني كثير وإن شاء الله يلاقون حلول;)
يخليك ربي ياعسلbp039



ابو سعود

هلا والله بأستاذنا حيّاك :) ...

و ما لها حل في نظري إلا أنهم يخلون النساء يسوقون و نفتك من شـرهم ..

الوحده لو بكيفها طلعت عشرين مره باليــوم .. أحس مشاويرهم مستحيــل تقضى ..

و ليتها على سنع أو على شيء مهم ..

مشــوار عشان تشري شنطه ..

و مشوار ثاني عشان ترجع الشنطه .. ألخ
هههههههههههههه الله يقلع ابليسك:D
بس مو شرط السواقة تفككم ترىpb034


و بالنسبـه لـنـواف ماله حـل إلا أنه يشوف له مصدر مالي .. عشان معد يحتاج لهم .. ويصير موب مضطر لتلبيـة طلباتهم .. <<== حـل إجرامي
أو أنه يجلس بالبيت و معد يطلع .. لا لطلعاته هو .. و لا لطلعات غيـره ..
و القهر أنه حتى لو طلع منى عشرين مشوار ورا بعض .. ثمن عـيـا عليها في المره الـواحد و عشريـن .. فبتنسى كل الي راح و بترجع لأسلوب أنا أوريك و أنا ما أوريـك.. موب لشيء إلا لأنها أنـثـى .. فسالفة أنه يلبي طلباتهم ما أتوقع بتثمر فيهم ..
في المقابـل إذا منى تبي تحل مشكلتها <<== جحد نواف .. فمالها إلا أستخدام الخبث النسائـي .. فتكلمه بأسلوب زيــن .. و كل ما وصلها مكان تقوله الله يعطيك العافيـه و تشكره على مجهوده ..و أتوقع بتأثر في نواف مثل هالعبارات بشكل إيجابـي <<== أنا أتأثر بس مدري عنه

الله يجزاك خير يا أبو سعود...شكراً على ردك وعلى مرورك..أسعدني والله;)
وإن شاء الله يارب يلقون لمشكلتهم صرفه:D
يخليك ربيbp039



:)

[الشوق شوق]

:)


غور

يسعدلي صباحك هلا بك غور :) ...

(المال والبنون زينة الحياة والدنيا)
ومن عبث بتلك الزينة لا حظ له !
،،
كالعادة يا شوق
استغراق في الشعور بآلام الآخرين
كـ العادة موضوع مشبع بالإنسانية !
الله يرضى عليك
الله يسلمك ويحفظك ويعافيك ياغورpb094 ....إن شاء الله يارب تنحل مشكلتهم قريب
وألف شكر على مرورك وتواجدك الدائم الله يخليك;)
الله يسعدك ويرضى عليك : ) bp039



wind_rose

يسعدلي صباحك هلا بك عزيزتي :) ..

الي يحتاجه في رأيي أننا نحسن صورة العلاقة بينه وبين الأسرة في نظره ..
وهالشي مايتم الا من خلال احتواءه بكل ماتعني الكلمة يعني نعطيه قيمته المعنويه
نحسسه بوجوده ناخذ آرائه ونعمل فيها نستصغر له ونتحمله ويفترض انه يتعلم
من هالمرحلة انه يستقل مادياً يعني يعطونه مصروف بيده بضوابط معينه
بكذا يبدأ تلقائيا يحب جو الأسرة ويثق فيهم ولو يبون عيونه ماقصر .
وحتى وإن غلط او تمادى لا يضخموا غلطاته وافضل انهم يركزوا على ايجابياته وينبهوه
بشكل غير مباشر عن الاشياء السيئه لأن النصح المباشر مايجيب نتيجه خصوصاً في هالمرحلة .

والتربية عموما استثمار طويل المدى يعني مو خسارة لو تعبو شوي او حتى جاهدوا جهاد معاه هالشي
راح ينعكس على علاقته المستقبليه بالاسرة حتى بعد مايتزوج .. وايضاً على طريقة تربيته لأطفاله .
مع اني اشوف إن حالة نواف سهل التعامل معاها وإن في الاساس بذرته صالحه لكن يحتاج لشوية تغيرات .
ماتتصورين قد إيش استمتعت بقراءة ردك ياعسولة...ألف شكر على مروركpb094 pb189
ويعطيك ألف عافيه ..إن شاء الله يارب تنحل المشكلة بأقرب وقت;)
يخليك ربيbp039



الهلي

يسعدلي صباحك الهلي حيّاك :) ...

انا فعلا اعاني مثل نواف احيانا....ليش بعض البنت او الامهات ماتجي طلعاتهم الا اذا طلع الواحد مع اخوياو؟
احيانا يطلعون اهلي لمكان منا ولا منا...ولا ادري انهم طالعين..وفجأة يدقون..تعال خذنا حنا عند الفلان..
وتكون انت بعييييييييييييييييييييييييد مرررررررررة
التنسيق مطلوب بين الاهل...تبون اوديكم..عطوني خبر اول ما اقوم من النوم...موب تخلونن اواعد الخلق بعدين تطلع مشاويركم..!!!
صادق والله هذي نقطه ما أختلف فيها مع الجميع :)

احس ان علاقة نواف بخواته علاقة مادية..!!!
يعني الولد طالع مع اخوياو...المفروض اخته تقدر وضعه وتتنازل عن المشوار...لأنه مرة ثانية يمكن يتنازل عن طلعة اخوياو...ويروح يودي اخته...
والله انصح الجميع...لاتتدخل القروش بين العلاقات بين الاهل..لأن المسألة بتكون علاقة مادية اكثر من اخوية ومحبة وصفاء...
والله صدقت يالهلي خلها على ربك بس...الله يهدي الجميع ويسعدهمbp039

موضوع ظريف جدا...كثري منهن
الله يسلمك ويخليك ...ألف شكر لك على مرورك :D والله ياشكلك معاني ههههههه
الله يحفظك يارب ويوفقك..;)
يخليك ربيbp039




:)

[كورديليا]

*

صباح \ مساء الورد .


كثير اسمع أن الي ترتيبه في الوسط مضطهد كثيير .. : (


لان كل الاهتمام ينصب لـ الاكبر و الاصغر .. والي بالوسط يضيع ..


شوق سلمي على صديقتك وقولي لها تخف على اخوها شوي

لانه يمكن يعتقد ان تصرفات اهله كلها ضده .. لانه حاس انه مظلووم من ناحية الاهتمام ..


( .. شوق .. ) pb189


ربي يحفظكِ ان شاء الله ..


..

[abo_zarnoq]

تأكد اخوي ان اللي صار لك ....
يهون بكثير من اللي يصير عند الناس ...
ولوتشوف مصايب غيرك تهون عليك مصيبتك ...
والفشل التربوي الاسري منتشر للاسف ..
ومع انتشاره ينتشر الفساد ...
فلولا هالفساد ... او الجهل في التربية ... او قلت الوعي ... واللامبالاة بشعور الغير ...
لما وجدنا ... انسان متربي واخر غير متربي ....
لاصبح الناس كلهم سواسيه ... اما حسن او سئ ...
عموما تفاوت التربية هو تفاوت الفكر الاسري والتربوي ... وايضا من يخالط الشخص من الاصدقاء ...
عموما المشاكل اللي حصلت لك ... تحدث كثيرا لغيرك بل فيه ماهو اعظم من ذلك ...
صدقني اخوي ...
لما تعود نفسك على مبدأ الغفران وطيبة القلب وتحاول تصفي قلبك تجاه الاخرين .. وتحرص ان الاخرين مصفين قلوبهم تجاهم ...
احسب حساب اي كلمة وادرسها قبل لاتقولها ...
حاول ماتجرح الاخرين بكلامك علشان مايجرحونك ...
لازم تعرف ان الناس اجناس فيه الدنيا ... وعقليتك ماهي نفس عقلية اختك ...
لازم تتعلم من اللي حصلك وتستغله لصالحك ...
لما يجيك عيال بكره ان شاء الله ... تحاول تتفادى الاخطاء اللي سواها اهلك معك ...
وتحرص ان اي واحد من عيالك مايشوف اللي انت شفته ...
عزيزي ... اغفر وتسامحك ... وطهر قلبك .. وتعوذ من ابليس ...
مهما سوت اختك .. تبقى بنت والبنت ناقصة عقل ...
وانت اكبر منها عقل حتى لو انك اصغر منها سنا ...
فكونك تحتوي المشاكل ...وتكتمها فهذا فيه مصلحه اكبر ...:)
والافضل انك لما تحتوي المشكله ...تتدارك اخطاءك ولاتحاول تكررها مره ثانيه ...
وتحاول تستفيد من المشاكل قدر الاستطاعه ....
عموما اتمنى انك تتعوذ من ابليس وصدقني اختك تفكيرها الحين غير عن تفكيرها اول ...
وانت قلبك الاول لازم تنظفه وتبدا حياة جديده نظيفه ...
ابوزرنوق

[الشوق شوق]

يسعدلي أيامكم يارب :)...



twix may3

هلا والله وغلا حيّاك :)...

برايفت نواف ( دام انك ولد مشالله ممتاز وولد محترم ... يوم من الأيام طلع الوالده الله يطول بعمرها واخواتك لمكان رايق وصارحهم باللي بقلبك ... وصدقني راح يحسون بالذنب وخصوصا الوالده لأن قلبها مايقسى على ولدها مهما بدر منك من تصرف مهوب زين فما بالك انك رجالن محترم واخلاق ؟ .. وان كنت من النوع اللي ينحرج يعبر عن اللي بداخله حاول تلبي طلباتهم وتعامل بذوق في جميع الأحوال مو بس لما تحتاج شي وهم راح ينحرجو منك بعدها لو طلبت منهم اي شي ) ..
بيوصله إن شاء الله :D ..

الشوق شوق شغله منيب فاهمها بعد << متنح اليوم
دام اخته علمتك بهالقصه فهي عارفه انهم على غلط ! ..... هل هي غيرت معاملتها معه ؟ ( وجه خايف يتكفخ ) ...
لا هي ماتحس إنها على غلط بالعكس هي جالسة تشتكي منهpb027

الله يكون في العون بس;) ...ألف شكر لك على مرورك تسلم يدينك
يحفظك ربيbp039




&&&مستر إكس &&&

هلا والله وغلا مستر اكس:) ..

أن المشكلة لها جانبين الاول وضعه المادي وثانيا وضعه الاسري
الوضع المادي أعتقد السبب فيه عدم تخصيص مصروف له من قبل أهله
وهذا المفروض لشاب في عمره لكي يبدا في تعلم سياسة صرف المال
وهذا يعزز الشعور بثقة في النفس وكرامه لكي لايمد يده لأحد
ثانيا الوضع الاسري
أعتقد أن التفاهم مع أهله ليخبرهم أن خدمتهم واجب عليه لكن يجب عليهم إعطاءه خبر في طلباتهم
ايضا يخبر والدته أنه يخصص وقت في اليوم للمذاكره فاذا فرغ منها له الحق في الخروج الى قبل( الوقت المتاخر) وذلك
طمأنتا لقلبها وليس شكا في شخصيته
إضافة رائعه والله....الله يعطيك العافيه:)
ألف شكر على مرورك الله يسعدك;)
يحفظك ربيbp039




rose85

هلا والله وغلا :)..
أتوقع إن الأم والأخت يتحملون الجزء الأكبر من الخطأ
(تعال ودني ) قاعده تتمنن عليه لما رفض وهيّن وهيّن ههههههه عاد كلش ولا التمنن بجد : ( ويوم قضت سكرت الخط بوجه !
(تعال ذاكـر ) صحيح كلامها معاه مهما كان قاسي إلا انه بدافع الخوف عليه وهذا اللي يشفع لـ هوش الأم احيانا
لكن لما جا واحتاج فلوس لدراسته ترفض وتتحجج بـ ليه ما تكتب بالمدرسة ؟
توها تفطـــن تعاتبــه !
ما أقول غير الله يهديهم ياربpb094 ..
ألف شكر على مرورك عزيزتي;)
يحفظك ربيbp039



:)

[الشوق شوق]

:)




كيوت but داجه

هلا والله وغلا :)...
نقطه مهمه .. مع إني متوقعه انهم قد استخدموها بس مو ع انتظاام
الأسلوب الحلو و برضو لو تخلونه يطلعكم بطلعات عائليه تنبسطون فيهاا كلكم

حتى تحسسونه انو مو دايم احنا نحتاجك بطلبات و آوامر
لان مهما يكون هو صغير و رح يمّل مع الوقت ..

اقترح يبدون من جديد ... و يعطونه مبلغ لو صغير يتصرف فيه باللي يحتاجه ..
صدقتي والله...كلامك سليييييييم:)
ألف شكر على مرورك ياعسووولة;)
يحفظك ربيbp039




amdady

هلا والله وغلا :)...
الشوق .. هي تعتمد اولاً وأخيراً على المعاملة اللي يتلقاها نواف .. مثل ما قال ابو سعود .. لو انه ينقال له كلمة حلوه في كل مشوار.. والله تأثر في نفسيته وتخليه يفرح بمشاوير أهله ..
انا الحمد لله عطاني الله اخوات عندهن اسلوب في تكبير الراس .. وبصراحة .. لو اني في عز وناستي مع ربعي وتدق علي وحده منهن تبي مني شغل، أوديها، أجيبها، ألعّب عيالها... الخ مستعد اضحي بالجلسه مع ربعي عشان اختي ..
بس لو تعاملها زفت معي .. وتستعمل التهديد والتوعيد .. خطر امسح رقمها وأغير اسمي
ههههههههههههههه الله يقلع ابليسك ياشيخ:D أجل ماينلام نواف
والله إنك صادق...وكلامك سلييييييم:) ..
تسلم لي على مرورك الله يسعدك;)
يحفظك ربيbp039




انوار الرياض

هلا والله وغلا فيك :)...
بصراحه قلم رائع
وسيناريو اروع لانه انحبك حبكه اجتماعيه بحته
وكل الشكر لك على هالطرح
يخلييييييك ربي ياعسووولة وألف شكر لك إنتي على ردك الحلوووpb094 bp039

وبالنسبه لنواف المفروض يعامله معامله غير شكل لانه مازال في مرحله قيد التطور
ويبي يفرض نفسه باي شي كان سواء بالرفض او بالمطالبات او غيرها
اما بالنسبه لتعال ودني
بصراحه تستاهل لانه ماوداها فيه شي اسمه اخلاق
فيه شي اسمه اسلوب
واسلوب التمنن هذا يبعد عن الشباب
ههههههههههههه:D صدقتي

فيه اسلوب احلى يوم رفض يوديها المفروض قالت له براحتك شرط انه بيحن عليها ويترااااجع لانه مهما كان حنون لانه اخوهم
فعلاً صادقة ;)

وبالنسبه لريم الي هي عطني هههههههههه
بصراحه ماهي مجبوره تعطيه لانه ماهي مسئوله عنه اولا
:D

وبالنسبه عاد لامه الي هي تعال ذاكر
معاها حق ولا ازيد على كلامها شي لانه ولدها وفلذه كبدها وتخاف عليه والدوران الي على غير سنع مهب زين
والله يعيينهم والله ومصيره هالنواف بيعقل وبيرده لاهله
آمين يارب ويخليه لهم pb189

وكل الشكر على هالموضوع الرائع
وكل الشكر لك إنتي مرة ثانية ياعسووولة على مروركpb094
يحفظك ربيbp039




:)

[الشوق شوق]

:)




مقلعه منذو مبطي

هلا والله وغلا مق مقpb189 ...



يسعد لي صباحك الشوق شوق ..
فقدنا هالطله ..
وصباحك يابعدي...وياعساك ماتفقدين غالي بس وهـpb094 pb189

كلامي بيكون موجه لمنى البثره اخت نواف
زي ما انتي كنتي متحمسه تطلعين وتبينه يوديك هو بعد عنده مشاويره الخاصه مع اخوياه
لو بغيتي يوديك مكان عطيه خبر من بدايه اليوم .. ترا اليوم ابيك توديني هالمشوار
وهو اكيد بينسق
ههههههههههه اي والله صادقة :D

ام نوااف
ما الومها تبيه يذاكر بس اقووولها لاتهاوشينه لاصار برا
مصيره بيرجع البيت وقوليله اللي تبين بصوت حنون وبحب
:) bp039

اهل نواف
عطووه اللي يبي مصروف بس راقبوه ولا تحرمونه
وخلوه يحس برجولته ولا صار معكم في سوق هو مسؤول عن الميزانيه
او لارحتو مطعم هويحاسب ويحس برجولته وكنه هو اللي عازمكم
ياحبي لك مق مقpb189 ..


نواف
لاتصير بعد انت عصبي ومتملل و غاضب من كل شي
هذول اهلك مالك خير الا هم
اي والله;)


الشوق شوق
لاتغيبين طلي دائما ..
ابشررري ياقلبي..pb094 ألف شكر لك على مرورررك ياعسووولةpb189
يحفظك ربيbp039




رجة ونص

هلا والله وغلا بمستشارتنا :) ...
مشتاقة لك كثيرpb189

يالله انك تحي الشوق بشريني كيف امتحاناتك
أبشرررك جوجو نجحت الحمدللهpb189 :D


اخوي مثلا هو القعدة بس يظل حنّان وماهناش شيء يعجبه وكلنا ضده
وتعالوا شوفوا ربعي واهلهم
مسالة التودية والجيبة الله يخلي السواقين كافينا الشر وان شاء الله بنسوق
حنا ونرتاح منها نجي لمسالة تعال ذاكر اكيد الام معها حق تخاف عليه
وتبيه يجي يذاكر بالاخص انه توجيهي <<< عيلة دوافير اهم شيء الدرجات
ومسالة الفلوس اكبر غلط هو اعطاء المراهق فلوس زيادة عن الحد بايده
لانه ممكن يكون لها تاثير سلبي
أوافقك والله كثيييييييير :)..!

الي انا ضده بكل الموضوع هو اسلوب التعامل مع نواف لانه والله من تجربة
شخصية انه الشاب وبالاخص المراهق يصير مثل العسل اذا انقال له كلمة حلوة
ولازم واحدة من الخوات تكون علاقتها فيه قوية مرة عشان يقدر يفضفض لها
بكل شيء وتعرف وش في حياة اخوها وتقرر تنصحه وهالشيء انا مجربته والحمدلله
جايب مفعوله مع انه احيانا يطلعني من طوري
الله يكون في العون عاد لازم يكو فيه جهاد ومعط شوش بالبداية :D
لكن إن شاء الله بينصلح الحال;)

ألف شكر لك ياعسوولة على مرورك:)
يحفظك ربيbp039




عاقل بقوه

هلا والله وغلا :)..

الـحل لـ هالشئ : انه يـكون فيه تنسيق بين الاهل والولد , يـعلمونه فـ أول اليوم ويفرقون بين الطلعات الضروريه وبين الطلعات اللي ممكن تتأجل لـ يوم ثاني مثل الأسواق [ وجه واحد يكره الاسواق والدوران فيها الين تبدا تشوف الالوان متشابهه والصداع يدهر ] !! [ أو أن نواف يعصب عليهم يوم ويطلع ويخلي لهم البيت ولا يرجع الا متأخر واذا قالوا بـ نروح يقول لهم مافيه وقتها بـيعرفون شلون يحترمونه ]
هههههههههه حل رهيب :D

بالنـسبه للمصروف الأهل لازم يـعطون نواف مصروف لـو بـشكل أسبوعي
بس مايعطونه بإسراف ولا يـقللون عليه ويظطرونه للشحاده من كل شخص
وهذي مسأله صعبه وخصوصاً على اللي في سـن نواف وإذا ردوه بطريقه غير مناسبه
صحيح صدقت والله :)

بالنـسبه لـ خويتك " قوليلها تستعمل دلع البنات " وهذا شـئ ماأظنه صعب عليها
كلـمتين لأخوها وشوي تمسكن وتحسسه بأنه هو المسئول الوحيد والمهم وبيجي على طول
إن شاء الله بيوصل لها;)

ألف شكر لك على مرورك...الله يعطيك العافيه:)
يحفظك ربيbp039




:)

[الشوق شوق]

:)




.o روح طفله o.

هلا والله وغلا :)..

كســــر خـاطـري نـواف
واكثـر موقف قهـرني .. موقف الفلوس ..
الله يكون في العون بس:(

ان شاء الله يتعدل تعاملهم معـاه .. ويسميهم باحلى الاسامي ..
الله يوفقهم ..
آمين يارب ويصلحه ويهديهbp039

الف شكر لك ياعسوووولة على مرورك;)
يحفظك ربي ياقمرbp039




PaTiR3OT

هلا والله وغلا :)...

والله انا اقولك بحكم تجربه
الضعط يولد الانفجار

والله اذا هم ما وفر له الاشياء بس بحدود معينه ولا انا اقولك الولد راح يضيع بس انا حسب كلامك شكل الولد عاقل بس والله اذا كل شي ما يجيه الا بعد الطقاق!
يعني المفروض يوفرون له كل شي عشان ما يدور عنه بطرق ثانيه وانا والله ما ودي اقول وش سويت ووش كنت اسوي هذيك الفتره والحمد لله انها مرت وربكم ستر
لا إن شاء الله يارب إن الولد عاقل...بس وقسمن بالله ضاق صدري على سوالفك :(
يعني من جد من جد الضغط اللي كذا ممكن يسوي لصاحبه بلاويpb131
ما أقول غير الله يكون في العون:o
ألف شكر على إضافاتك المفيده لأنو من جد إحنا نبي نستفيد;)

طيب ما قلتي لي الله يزوجك االمفروض تقولين الله يزوجك وحده طولها 160 ووزنها 45 بدون كرشه لو سمحتي
الله يرزقك باللي تسعدك وتعرف قدرك وقيمتكbp039 :D
يحفظك ربيbp039



امول

هلا والله وغلا :)..

الف شكر ياعسوولة على مرورك;)
يحفظك ربيbp039




ام عبدالعزيز

هلا والله وغلا :)..

الف شكر لك على مرورك;)
يحفظك ربيbp039





:)

[الشوق شوق]

:)




يـاساتر

هلا والله وغلا :)..

وتقولون ليه الرجال ينحاش من البيت
الله يعينا عليكم طريقة عرض روعه نرجو الاكثار منها
يعطيك الف عافيه

الله يسعدك ويخليك أشكر لك مرورك pb094
يحفظك ربيbp039





PaTiR3OT

حسبي الله ونعم الوكيل :( ضيّقت صدري على سالفة حلقات التحفيظ
الله يستر بس استغفر الله :(
أشكرك لردودك..
يحفظك ربيbp039




غربه الروح

هلا والله وغلا بك يابعديpb189 ...

شوفي.. الواحد منا اذا سوى شي لاهله موب كثير عليهم وبالعكس من واجبه سواء بنت والا ولد
وما ينتظر من ورا هالخدمه مقابل.. لكن الانسان عادة يحب اذا عمل عمل يلقى منه شكر.. او تقدير لعمله
صحيح والله إنك صادقة :)
ما أقول غير الله يكون في العون..وع فكرة غربة..ترى عادي تطلبين شي من أخوانك
لأنك ماتطلبين كثير فيمكن يوافقون لأنهم مايصدقون إنك تطلبين;)

الصبر قميل يا نواف ومن غير شر عليك لو تغيب شوي عنهم يفقدونك ويحسون بقيمتك
اي والله في هذي مافيه شك;)

ألف شكر لك ياعسوووولة على مرورك...أسعدني حيييييييلpb094 pb189 الله لايخلينا
يحفظك ربيbp039




فوضويه

هلا والله وغلا:)...

ماعندي اضافه ^___^
بس حبيت اشكرك عالموضوع
وبعض الردود بعد
افادني كثيــــــــــــــرر
الله يسلمك ويخليك...أتمنى تكوني استفدتي;)
وأشكرك بدوري على مروركpb189
يحفظك ربيbp039




:)

[الشوق شوق]

:)






نيرمين

هلا والله وغلا حبوبةpb189 ...

برضو المفروض من الأهل أنهم يخففون عنه الأوامر قليل برضو يحاولون يراقبون تصرفاته مثل مذاكرته
طلعاته مع الشباب لكن بدون مايحسسونه بالشك أو أنه غير قادر على معرفة مصلحته ..عشان مايأثر
هالشي في نفسيته وماتتزعزع ثقته بنفسه ..
أما بخصوص سالفة تعال ودني أشوف أن الأهل المفروض يتركون له حرية الرأي في بعض الاحيان
مثل لوقالهم مره من المرات أنا معزوم خلاص يتركونه يروح لعزيمته وهم يدبرون عمرهم وربي راح تلاقينه
ثاني يوم جاي ومتحمس ويسأل أهله تبون شي قبل أروح للشباب وكذا .. لكن لما يجبرونه دايم على هالشي
راح يطفش ويحاول الهروب منهم ..
كلامك عين العقل...صدقتي والله المفروض يكون فيه نوع من التنسيق عشان
يتفادون حصول الصدامات;)

شوقي مبدعه كالعاده ياقلبي
ياحبي لك pb094 ألف شكر لك على مرورك وتشجيعك الدائم
الله لا يخلينا بس وهـpb189
يحفظك ربيbp039




غــنــج

هلا والله وغلا يابعديpb189 ...

شوق سلمي على صديقتك وقولي لها تخف على اخوها شوي

لانه يمكن يعتقد ان تصرفات اهله كلها ضده .. لانه حاس انه مظلووم من ناحية الاهتمام ..
صحيح صدقتي وهذا أساس البلا :) ..
أشكر لك وجودك الدائم على صفحتي المتواضعه pb189 pb094
يحفظك ربي ياعسولةbp039




abo_zarnoq

هلا والله وغلا:)...

تأكد اخوي ان اللي صار لك ....
يهون بكثير من اللي يصير عند الناس ...
ولوتشوف مصايب غيرك تهون عليك مصيبتك ...
والفشل التربوي الاسري منتشر للاسف ..
ومع انتشاره ينتشر الفساد ...
فلولا هالفساد ... او الجهل في التربية ... او قلت الوعي ... واللامبالاة بشعور الغير ...
لما وجدنا ... انسان متربي واخر غير متربي ....
لاصبح الناس كلهم سواسيه ... اما حسن او سئ ...
عموما تفاوت التربية هو تفاوت الفكر الاسري والتربوي ... وايضا من يخالط الشخص من الاصدقاء ...
عموما المشاكل اللي حصلت لك ... تحدث كثيرا لغيرك بل فيه ماهو اعظم من ذلك ...
صدقني اخوي ...
لما تعود نفسك على مبدأ الغفران وطيبة القلب وتحاول تصفي قلبك تجاه الاخرين .. وتحرص ان الاخرين مصفين قلوبهم تجاهم ...
احسب حساب اي كلمة وادرسها قبل لاتقولها ...
حاول ماتجرح الاخرين بكلامك علشان مايجرحونك ...
لازم تعرف ان الناس اجناس فيه الدنيا ... وعقليتك ماهي نفس عقلية اختك ...
لازم تتعلم من اللي حصلك وتستغله لصالحك ...
لما يجيك عيال بكره ان شاء الله ... تحاول تتفادى الاخطاء اللي سواها اهلك معك ...
وتحرص ان اي واحد من عيالك مايشوف اللي انت شفته ...
عزيزي ... اغفر وتسامحك ... وطهر قلبك .. وتعوذ من ابليس ...
مهما سوت اختك .. تبقى بنت والبنت ناقصة عقل ...
وانت اكبر منها عقل حتى لو انك اصغر منها سنا ...
فكونك تحتوي المشاكل ...وتكتمها فهذا فيه مصلحه اكبر ...
والافضل انك لما تحتوي المشكله ...تتدارك اخطاءك ولاتحاول تكررها مره ثانيه ...
وتحاول تستفيد من المشاكل قدر الاستطاعه ....
عموما اتمنى انك تتعوذ من ابليس وصدقني اختك تفكيرها الحين غير عن تفكيرها اول ...
وانت قلبك الاول لازم تنظفه وتبدا حياة جديده نظيفه ...
ابوزرنوق

ماقدرت غير إني أقتبس الرد كامل:) !! كلامك رااائع راااائع رااائع
ألف شكر لك على كل كلمة وإن شاء الله يارب نواف يكون أحسن وأهله يتعدلون;)
الله يسعدك ويرضى عليك ويفتح عليييييييك من جد كلام رائع
ألف شكر على مرورك الله يخليكpb094
يحفظك ربيbp039



:)