أطفالكم في الملاهي .. في خطر!! [الارشيف]

عرض كامل الموضوع : أطفالكم في الملاهي .. في خطر!!

شعلة

27-01-2006, 09:22

ودي اقول الدنيا حلوه وتتسع للطفل يلعب بسلام!!

بس هذا الطفل تحفه الأخطار برضى والديه !!

ياجماعة ماكتبت هالكلام إلا من ما شفته وحسيه وعايشته

ملاهي!!

ملاهي !!

ملاهي!!

أجمل مكان في عين أغلب الأطفال

يضحكون يفرحون يتعبون .. وقد ينامون فيه

بس ليته يكون يليق بنقاء تلك الأرواح التي تحفه

ورب اللي طاف الحجيج ببيته إن ادرك الاهل خطر هالمكان لفلذات اكبادهم ماجابوهم له:(

ماودي اعمم ولا ودي اكبر المواضيع لكن هذا شئ واقققققع وكل ماله يزيد ويصبح اعتيادي

بتروحين السوق؟!!

عيالك نشبوا لك يبون يروحون معك

خذيتيهم دخلتي السوق ودخلتيهم هم والشغاله الملاهي اللي فيه

ساعتين خلصتي تسوق .. جبتي عيالك

هاه انبسطتوا؟

وش لعبتوا؟

هاه فلانه وكلتيهم؟

بالاغلب هذي الاسئله:(

وعلى هالحال كل 3 ايام وكل اسبوع

وماشاء الله المجمعات عارفين الوضع فحاطين ملاهي بكل سوق:confused:

بتكلم بواقعيه مجرده واي احد يحس بمبالغة يرافق اولاده لاحد الملاهي

بالاول بيحس الوضع طبيعي

لكن بعد مايعتاد المكان بيشوف ان قليل اللي طبيعي فيه !!

شغالات قليل منهم اللي منتبه للطفلك ..

وهات يا ابتسامه للعامل هذا وضحكه لذاك

وقد يتطور الوضع ويجلسون يسولفون ووو

وطفلك ياسيدتي .. ياسيدي

اعتاد على الألعاب لكثره مايجيها فينظر لأي شئ آخر يلفت انتباه

مثل تلك النظرات وووو

طفلك تعود على تصرفات خدامتك ... فليه ماتبيه/نه يسوي زيها ؟؟

تتوقع /ين بتمنعه؟؟

تتوقع/ين بتخاف عليه؟؟

هي راس مالها مايجيه خدش لانك بتهاوشينها اكيد

لكن اخلاقيا هي بتكون مسروره لو جعلته منحرف pb093

لانها عارفه انك نتعرفين بهالشئ متأخر

في هذي الأماكن اللي المفروض تعج بالأمن والبراءة

أشوف شباب يطالعون اطفالك

بنظرات تجعلك تنتفض خوفاً.. سخطاً

هالمكان استحاله يكون خالي من عيون آمنه كذوي الأطفال

بس هذولي ماراح ينتبهون لكل ماراح يحدث بالمكان وبالأغلب عيونهم معلقه باطفالهم

وإن شافوا خلل وين اهل الطفل !! يقولون لهم !! مافيه إلا الخدامة!!

وماقد شفت هيئة تدخله!!

ليييييييييه؟

في بعض المجمعات صار فيه زي المحلات النسائية تشبه الروضه

تعمل بنظام الساعات فيها ألعاب ومسابقات وقصص وكمبيوتر واشياء زي كذا لطفلك

هذي رائعه لانها بإداره شبه تربوية وتحت ايدي موظفات

مسلمات يعنى ماراح يجمعون او يرضون على غلط بيصير

بس للأسف مو كل الأطفال يستسيغونها لإنها تشبه النظم المدرسية وألعابها مو كثيره ومنوعه

دخلت ملاهي واجد بمجمعات شفت العجــــــــب:(

يمكن ماتقدر تمنعهم منه لكن لازم تراقبهم بحرص ..

وللإسف أغلب الأمهات مو مقدرات خطر المكان وولدك بشغاله فيه

وآخر شئ تفكر فيه تسأل ولدها وين الخدامه عنك ومن شفت ومن كلمت وووو

وفي الغالب نتوقع هالأطفال امهاتهم مهملاتهم طول الوقت هالشئ غلط

هالطفل ولدي وولدك وولدها في لحظه غفلت عنه الأعين وتلقفته المصائب

ادعوا بقلب يتفطر

كـــــــــل أب

وكــــــــل أم

وكــــــــل تربوي

وكــــــل صحفي

وكـــــــل مختص

يدخل ويتفرج ويجي اكثر من مره عشان تتضح الرؤية لإنها بالأول تشبه الملاهي !!

طلاب طالبات الشنطه المدرسية ينطلونها ويلعبون .... بدون حتى شغاله!!

من هول ما رأيت والله أقول انتبهوا لعيالكم يالمسلمين في الملاهي

طفلة ترقص ببراءة وجسدها ظهرت أنوثته بدون إذنها ... يُنظر لها بشئ من القرف

طفل يقتفي أثر الماره بالبحث عن ماتبقى من تلك السجائر في الأرض .. ويدخن:(

والله يصلح الحال يارب

Chocolate

27-01-2006, 10:14

هو الحل الوحيد ان الام او الاب يروحون مع عيالهم ..لكن وش نسوي عاد اذاالام مشغوله والاب نفس الشي
صراحه شي يقهر اكيد اذا حسيت ان الاماكن المخصصه للاطفال وبراءتهم تصير فيها المشاكل هذي
:(
واللـه يعين ..

كورديليا

27-01-2006, 12:07

*
*

الشكوى لله .. : (

الأم لاهية وتخلي هالشغالات مع عيالها ..

الله يستر علينا بستره ..

هواوية

27-01-2006, 12:19

أطفالنا في خطر دائم طالما هناك خدم
على الام الانتباه وباذات في الاماكن العامة

مجدولين

27-01-2006, 12:47

السلام عليكم ورحمة الله وبركاته ..
أختي الكريمة

نشكر لك حرصك
استعجب كل العجب من أم أوكلت أمر الحضانه والرعايه بل والتربيه والترفيه
لأمر الخــــــــــــــادمة !!!
فلذت كبدك أتجعلينه معرض للمهالك بسهوله ؟؟؟
لم نأمرك بمطاردته في كل دقيقه !!!
بل لازميه لبعض الوقت في نزهته ووقت ترفيه ...
وجدت الوقت المتسع لصاحبتك والوقت الآخر لمحادثتك الهاتفيه !
ولم تجدي الوقت لطفلك !!

فلذت كبدك يستحق الكثير

حمى الله أطفالكم جميعا ...
تحياتي

&&&مستر إكس &&&

27-01-2006, 17:48

مساء الخير ,,

الوضع للاسف منتشر ونحن نقف عاجزين عن القيام بشئ ضده

التسوق يجب أن يتم

الاطفال يجب أن يلعبوا

الخادمه يجب ان تراقبهم

الوضع إجباري

اذا مالحل نقف مكتوفي الايدي ؟؟

كلا سيدتي اللوم عليكي كل هذي الاشياء تستطيعين الحصول عليها لكن بتنظيم الوقت لايجب ان يخرج الاطفال كلما خرجتي للتسوق

إجعلي لهم يوم في الاسبوع للملاهي وقفي معهم

إجعلي لكي يوم للتسوق براحة بال على أطفالك

تخلصي من مشاكل الخادمه في الملاهي

نقل وتصوير جيد للواقع عسى أن يستفيد البعض

لكي خالص تحيه أختي شعله

فراس

28-01-2006, 02:32

موضوع رائع وغفل عنه الكثير من الناس...

بصراحة شغلة إن الشغالة تنتبه للأولاد هذي ماني قادر أستسيغها إطلاقا ...

ولكن في مجتمعنا المعاصر كثرت وصارت الشغالة هي الأم البديلة لكثير من ألطفال لما أمه تخرج لفرح أو عزيمة أو حتى طول النهار لأنه الست هانم لاهية مع صديقاتها...

ولكن مانقول غير الله المستعان

أتعبني غروري

28-01-2006, 02:43

طيب وش رايك بالي يدخل السايق مع عيالة؟!

لي باك بهالموضوع :)

شعلة

28-01-2006, 13:55

Chocolate

هو الحل الوحيد ان الام او الاب يروحون مع عيالهم ..لكن وش نسوي عاد اذاالام مشغوله والاب نفس الشي
صراحه شي يقهر اكيد اذا حسيت ان الاماكن المخصصه للاطفال وبراءتهم تصير فيها المشاكل هذي

صادقة أختي وضع مزري :(

شاكرة تواجدك bp039

كورديليا

آآمين ... شاكرة مرورك bp039

je t'aime

29-01-2006, 04:43

ماش
احس اني مافهمت شي
او موضوع فيه مبالغه زايده عن اللزوم
ياليت بس لو باختصار شديد ، وين الخطر يعني بالظبط !! ووين المشكله
وثانكس

Heartbeat

29-01-2006, 11:16

مشكله إذا أمنت الأم الخدامه ع أطفالها :(
مهما كانت .. كويسه , حبوبه , ما ينخااف منها

يعني مو حلوه حتى بحق الطفل وقت فرحته .. مع الخدامه !!

بعدين .. ليه تطلعهم يلعبون وهي مش فاضيه :rolleyes:
تفضي وقت أو يوم كامل لهم ... و تطلعهم ينبسطون pb189

الله يحمي و يحفظ أطفالناا من كل شر

شعله .. الف شكـر bp039

>>> تقوول .. عشان كذا امي إذا بغت تتسوق
تقول لي أنا واختي روحو مع اخوانكم لعبوهم و إلا ترا أنا بروح معهم
فـ احنا ننتازل و نوديهم مع ان خدامتنا تحب تمسك مسؤوليه و حريصه مرره " راعية فزعه بسملا عليها :D "

شعلة

13-02-2006, 23:00

عذراً كنت مسافرة bp039

هواويةشئ قاسي فعلا ومؤلم بس واقعي للأسف

شكراً لكِ

مجدولين

صادقة أختي وماجعلنا ننظر هالنظرة للوضع إلا لتساهل الأهل فيه

وحمى الله أطفال المسلمين جميعاً

شكراً لكِ

&&&مستر إكس &&&

الوضع للاسف منتشر ونحن نقف عاجزين عن القيام بشئ ضده

لالالا إن شاء الله نسوي شئ ضده مايزال هناك غيورين على اطفال المسلمين

وربك الهادي صدقني الأم أو الأب لو أحد فطنهم لمهالك لعب طفلهم مع الخادمة والله مايرضون بس هم مطمـأنين للأسف

كلام صحيح أخي وواقعي وأشكر لك تحليلك المنطقي

وشكراً لك

فراس

صراحة شغلة إن الشغالة تنتبه للأولاد هذي ماني قادر أستسيغها إطلاقا ...

مو أنت لحالك كلنا مانستسيغها حتى أغلب الأمهات بس قد تجبرهم الظروف مره أو مرتين ويقولون لاضير بأن تزيد ... فتزيد إلا أن تتضخم

والله المستعان والهادي

شكراً لك

أتعبني غروري
مااستغرب أبدااااااااااً

لأني وللأسف أعرف وحده تخلي بنتها أم 7 سنوات تروح للشاليهات برفقة الخدامة والسواق بس

عشان تسبح وتستانس وترجع البيت دايخه بتنام !!!!!!!

الله يصلح الحال بس

شكراً لكِ

البهلواني

ماش
احس اني مافهمت شي
او موضوع فيه مبالغه زايده عن اللزوم
ياليت بس لو باختصار شديد ، وين الخطر يعني بالظبط !! ووين المشكله
وثانكس

يبدو يا أخي الفاضل إنك ماتزور الملاهي !!!

يااخي انا خاله وعمه وبكره إن شاء الله بصير أم

لذلك أتكلم بخوف على طفلي وطفلك وطفل كل واحد من المسلمين

لإني أزور الملاهي بكثره فنظرتي للوضع لاتعدو كونها واقعية وبعيده عن المبالغة

الله يحميهم يارب ويهدي والديهم ويحفظهم من كل شر

وشكراً لك

كيوت but داجه

مشكله إذا أمنت الأم الخدامه ع أطفالها
مهما كانت .. كويسه , حبوبه , ما ينخااف منها

صاااااااااادقه اصلا البلاوي ماتجي إلا من اللي ماينخاف منهم

يعني مو حلوه حتى بحق الطفل وقت فرحته .. مع الخدامه !!

:)

شكراً لكِ

وردة الاقلاع

13-02-2006, 23:27

موضوع رائع

وفعلا يستاهل ان الواحد يقف امامه

سواء كانوا ابنائك ام اخوانك ام اقاربك

حنّو

14-02-2006, 04:18

للاسف الحين الشغاله صارت هي الام مو بس بوقت الترفيه الا بكل الاوقات صارت تعرف وش يحبون ووش مايحبون وتعرف شخصيتهم وتفهمهم اكثر من امهم وابوهم للاسف pb093

مره انا بمطعم ورايحه العب بناتتي الين يجي الطلب الا فيه ولد عمره حوالي 5سنين منبطح بالارض وماهو راضي يقوم والشغاله تحاول بشتى الطرق انه يقوم لكن لامحاله ماهو راضي يقوم انا ضاق صدري مادري وش فيه حسيت انه فيه شي ولا ماكان زعل وانسدح بالارض ومايبي يقوم رحت حاولت اكلمه ابيه يقوم عن الارض لكن للاسف ماتكلم معي ولا كلمه :(

الله يحفظ بناتنا واولادنا من كل شر ومكروه يــــــــــــــارب

أتعبني غروري

14-02-2006, 11:46

أختي العزيزة ماشوف فيها خطر اذا كنت أأتمن هذي الشغالة
ولها فترة متعودة على متابعة الأطفال وأحتياجاتهم
من بيجلس كذا ولا كذا يلفلف ورا هالمبزره كلـها!!

بفترة يوم كانوا أخواني صغار (الأولاد)يتواعدون
هم وأصحابهم.. ماكنوا أهلى يوافقون لهم الا اذا دخل
السايق معهم:)
عالأقل يكون أحد كبير معهم وينتبه لهم .. لاقدر الله
لو أحد أصيب أو صار له شئ فيه أحد يهتم فيه!!

وصعبة جداً أن ماما ولا أنا مثلاً نروح ورا هالعيال
نراقبهم:)!!

منها مارح ياخذون راحتهم ومنها ماتطيعنا نفوسنا
بأحراج أخواني!!

أنا مع الموضوع وضد على حسب الظروف والأشخاص الثقة

بحفظ الرحمــن!

هبله

14-02-2006, 12:57

الخطر مو في الملاهي الخطر في الخدامه نفسها لان الحين كثيرررر للاسف يعتمدون على الخدامه اعتمااد كليييي عليها والام ماتدري عن ولدهاpb093 .. يعني انا ماانكر الخدامه لها ضروره لكن بالاشياء المعقوله لكن اخلي بزران مع الخدامه 24 ساعه !! هذا عاد شي مو مقبول:(

اما بالنسبه للملاهي في هالاسواق لو فكرت فيها بتلاقي ان سعيد اخو مبارك ومبارك اخو سعيد تاخذ عيالك للملاهي في السوق الخدامه بتكون معاهم .. تترك عيالك في البيت كمان الخدامه بتكون معاهم كلله واحد وكله نفس النتيجه :rolleyes:

انوار الرياض

14-02-2006, 18:41

يعني انا مافهمت وش الموضوع

يعني الخطر من الملاهي الحين ولا من الشغاله !

اذا الموضوع كذا

هو في كل الحالتين خطر

يعني وجود الشغاله مع الطفل خطا ميه بالميه

لا قدر الله لو يصير للطفل شي يعني يطيح او يضيع كيف الشغاله بتتصرف وش في يدها تسويه

بتطير عيونها في هالعالم واحتمال تنحاش من الخوف

يعني المسؤوله الاولى انتي يالام

كيف يسطي قلبك ترمين اطفال في مدينة العاب كهربائيه من دون ولي امر مصلح معهم

وكل الشكر