رايح فيها
26-02-2006, 14:43
بسم الله الرحمن الرحيم
قبل الطبع لا بد من الإهداء /
أهدي الموضوع لكل وحده اسمها ساره ... لا لشيء ولكن حفظاً للحق العام pb192 ... كما لا أنسى ان اهدي الموضوع لأم كلثوم .. لا تقولون ماتت لأني بقولكم من شوي شايفها في قناة طرب تغني اغنية اروح لمين :D ... كما يشمل الإهداء اللاعب الوسيم كلارنس سيدورف pb189
================================================
الزمان / من زمان
المكان / الطويلعه (( الحي الوحيد الي مادخله الملك عبدالعزيز لكنه جاي مع الرياض بالغلط ))
الشخوص / زكي وساره والبقيه
الزمن / ساعتان
================================================
إنتا فين يازكي ؟؟
عباره تعود زكي يسمعها كل يوم من أمه ... من كثر ماتخاف عليه ماتبيه يطلع من البيت وماتبيه يبعد عنها أبد من زينه هو واسمه وامه بعد ... زكي ولد توه صغير امه مصريه وابوه سعودي من أهل الحريق تزوج هالمصريه ايام الطفره لكن الحين لو يبي قيمة تذكره لمصر لو في سلام 98 بدري عليه pb192 ... كان زكي بهي الطلعه على خواله .. سمته امه زكي على جدها لأنها تدعي ان الممثل الكبير زكي رستم من اجدادها وهذا السبب الرئيسي لزواج رشيد منها بزعمه بيوصل نجمات هوليوود عن طريقها مايدري ان جوليا روبرتس لو تكتب لها اسم رشيد بالانجليزي ماعرفت تقراه ... رشيد هذا او ابوزكي بيته في أحد أحياء الرياض وكان لاعب على ام زكي قبل يتزوجها يقول انه بيسكنها في ارقى أحياء الرياض وسكنها في الطويلعه .... ويوم انها قالت له (( هوا دا احسن حي عندكو ؟ )) قال لها / احمدي ربتس على الأقل احسن من كفر الزقازيق الي كنتي ساكنه فيه ... حتى البقالات فيه ماتوصل طلبات ... ابوزكي من كثر عشقه لزوجته الشينه مخليها تسمّي الولد على كيفها ... ويوم ان الشيبان في الحريق قالوا له الحين اول عيالك وماتسميه على ابوك .. قال لهم / الشيخ الي ملكني على ام زكي حاط في الدفتر هالشرط انها هي الي تسمّي اول واحد والا بتزعل .. عاد مايهون عليكم تزعل ام عيالي لأني بسمّي على ابوي .. واصلاً لو ابوي حي وعارف اني رايح لمصر بيذبحني فأكيد مايبيني اسمّي عليه وانا ولدي من مصريه pb192 ... اما عن طريقة زواج ابوزكي فمالنا الا ماذكرت كتب التاريخ وبصراحه كتب التاريخ ماجابت لأبوزكي طاري واضح ان تاريخه مهوب شي :D ... عموماً ابوزكي تزوج في مصر وجاله ولد ويوم صار عمر الولد ثلاث سنين خذاه هو وأمه وجابهم للطويلعه كما ذكرت أنا آنفاً ومن أزقة الطويلعه بدت حياة طفل صغير قد يكون إذا كبر في منزلة مارادونا من حيث الشهره وعتاب من حيث الجمال ونانسي من حيث ثقالة الدم (( مدري ليه احس اني ابالغ :o )) .
========================================
زكي له الحين في الديره حوالي السبع سنوات ... جاي وعمره ثلاث سنين والحين عشر سنين وبدا يندمج مع العيال في الحاره .. صحيح يسمونه ولد المصريه بس هالشي ما يأثر على معنوياته وعلى نفسيته لأنه اصلاً ماعنده احساس :D
الولد صار مخلّط كنه مولود في محل عطورات .. نصف كلامه حريقي والنصف الثاني مصري وهالشي بيسبب له مشاكل مستقبليه الا ان تدارك ابوه الوضع ودخله مدرسه لتعليم العاميه واحسن مدرسه لتعليم اللغه العاميه ارصفة شارع العطايف بس بشرط تجي بدون ملف ولا كتب ولا شي لأنها مدرسه من نوع خاص ومحد يرسب فيها pb034
شب الولد (( نار )) وترعرع في شوارع الطويلعه حتى وصل السن القانوني الي يخولنا نكتب عنه موضوع :D
لما وصل الولد 12 سنه بدا يفكر .. عكس ابوه الله يحفظه اللي بدا يعد من جديد وللحين مافكر والا لو انه يفكر كان تزوج كوثر ام زكي !!
الولد بدا يفكر في مستقبله ... يجلس مع العيال في الحاره وكل واحد يسألهم وش تبي تصير اذا كبرت واحد طيار والثاني دكتور والثالث مدرس والرابع سواق وايت علشان يرش الملعب :D ... كلنا كنا كذا واذا كبرنا نكتشف انها مجرد خرابيط غير مرتبطه بالحياة بأي صله :o .. زكي ذيب هالولد يقول انا ماابي اكون موظف انا حصير تاقر (( تاجر )) ... العيال يطالعونه ويقولون / الحين ابوك ماسدد حق البقاله وشلون تبي تصير تاجر ؟
قال زكي / انا بعوّد نفسي من الحين على التجاره .. وياخبر النهارده بفلوس بكره يبئى ببلاش (( مدري وش دخلها )) ... وبدا زكي يشاور العيال في الحاره كيف تكون بداية مرجلة الأعمال ... وكل واحد يمحطه باقتراح شديد اللهجه حتى اعتقد زكي ولوهله انه ساكن في عشره داونق ستريت ... وكانت اكثر الاقتراحات المطروحه على جدول الأعمال انه يبيع بليله مع ملاحظة ان الصحن بريال وإذا بشطه فصحنين بثلاثه ريال لزيادة النكهه pb034 ... وفعلاً بدت تجارته بعد ماأخذ قرض من أمه بدون فوائد لأن امه راعية ذمه .... واستاجر عايره من عواير الحاره وبدا يبيع ويشتري الصحن بريال وبالشطه بريال ونص .. والولد ذيب حاط عنده هلل علشان الصرف (( والنحو )) ... أزدهرت تجارته لأنه التفت اليها ولم يلتفت لسفاسف الأمور (( طرش بحر ابعد عن هالكلمه لأنها اكبر منك )) ... استمر على هذا المنوال حتى وقع في المحظور :(
ففي ليلة لا قمر فيها أطلت فتاة من بيت ام مرزوق جارتهم وتقدمت نحو بسطة زكي وكان الغرض من تقدمها تشتري بليله واصلاً زكي ماعنده الا بليله pb071 ... عطته البنت ريال واخذت صحن بليله وقالت بكل استحياء / حط لي شوي شطه .... رد عليها زكي وقال / صحيح ان الصحن بريال وبالشطه بريال ونص لزيادة الجوده والنكهه لكن علشان اكسبك زبونه ببيعك الصحن بريال مع انه بالشطه .. واصلاً عارف ان مامعك الا ريال pb192 ... يعني لا تجيني المره الجايه بريال تقولين ابي صحن بالشطه اتوطى في بطنك (( كل هالحنيّه محاوله منه لتقريب وجهات النظر بينه وبينها )) .. أخذت البنت الصحن الي بالشطه واتكلت على الله وقفلت راجعه لبيتهم بعد ان نظرت لزكي نظرة اعجاب على شهامته لأنه اعطى المرأه كامل حقوقها وخصم لها نصف ريال مره وحده :o ... دخلت ساره (( هكذا كان يوزرها )) بيتهم في وقت أخذت الأفكار تبحر براس زكي وبدا الحب يسيطر عليه ... صحيح ان امه مصريه بس ابوه سعودي وحنا ياالسعوديين ماشاء الله علينا اسرع ناس نحب واسرع ناس نكره ماعندنا مشكله pb192 .. أخذ يفكر في ساره ليل ونهار وصار يتأخر عن الدوام يعني بدل مايطلع قدر البليله تسع الصبح صار يتأخر الى تسع وربع لأنه سهران ربع ساعه يفكر في ساره ... والبنت ماشاء الله عليها بدت تلعب على هالوتر وصارت كل يوم تاخذ بليله بشطه وبريال واحد فقط كنها كرتون تايد !!
وفي أحد الأيام كانوا العيال مجتمعين ويتناقشون في النقاط المطروحه على جدول الأعمال .. وكان نصيب زكي من الانتقاد الشيء الكثير لأنه ماصار يدير الشركه حقته كل يوم ,,, والشباب ودهم يشترون بليله كل يوم لأنهم يزعمون ان ام زكي تضبطها اكثر من راعي التسالي ... بينما زكي صار يغيب عن الدوام كثير بسبب الحب الله يكفينا شره :(
قال مرزوق (( اخو ساره )) في احدى نقاط الحوار / الا من زمان ياعيال وانا افكر في حركه ودنا نسويها .. وقبل استرسال احدهم بالسؤال اردف مرزوق قائلاً / ودنا كل فتره واحد يعزمنا في بيتهم .. يعني مثلاً اليوم زكي يعزمنا ويحط لنا بليله وبكره ابراهيم ويحط لنا شاهي بس وبعد بكره امجد ويحط لنا قهوه والي بعده نشأت ويحط لنا عنب (( اما زكي وامجد ونشأت وفي الطويلعه والله صعبه )) ... قال احد الفتيه / وانت يامرزوق ؟
قال مرزوق / انا خارج التشكيله لأني صاحب الفكره pb034 .. ولكن الأصدقاء رفضوا اقتراحه على مضض (( يعني بقوه )) وقالوا له الا انت اول واحد يعزمنا ... والحين قم يا ولد هيا وقل لأمك تجهز لنا متكأ حتى نبحر في عالم السواليف في بيتكم .
وعلى فكره في الحواري سابقاً كان اسم الأم يعني الشي الكثير لعيال الحاره
يعني اعطيك عشره ريال مره وحده بس لا تقول اسم أمي لأحد
ومن هنا الشباب تهكموا على مرزوق لما قالوا له يا ولد هيا
اما كيف عرفوا اسم امه هذي سالفه ثانيه نترك لها موضوع خاص ويكون في الجاده
المهم ان مرزوق عزمهم اول واحد وكانت تلك العزيمه في يوم الأربعاء تحديداً الثاني من آذار مارس بعد المربعانيه بشوي .. ويوم ان مرزوق قال لأمه الشباب عندي ونبي الشاهي قالت امه لساره قومي وانا امتس سوي لربع مرزوق الشاهي .
وساره تملك من اللكاعه مالا يملكه بنز pb034
لذلك سألت مرزوق على طول / من عندك من الشباب ؟
قال لها / عندي اخوياي حقين الحاره .. انتي سوي شاهي وانطمي
قالت / لازم تعدهم علي علشان احط بيالات بعددهم pb071
وبدا مرزوق يعد اسامي العيال كنه من موظفين مكتب العمل ... ويوم ان البنت تأكدت ان نيكولاس كيج (( زكي )) معهم هنا فقط انفرجت اساريرها وقامت تسوي الشاهي وهي تعاهد نفسها انه يكون احسن من شاهي الشلال :D
طقت باب المجلس واعطت الولد الشاهي ودخل مرزوق للمجلس وبدا يصب الشاهي وتفاجأ ان مع البيالات شطه ... استنكر هو واخوياه الا زكي عرف ان هالشطه رسالة حب pb189 :D
قاتل الله الحب الفاشل اجل تلمحين للولد بشطه ههههههههههههههههههه
شربوا الشاهي الشباب وطلعوا كل واحد يدير اعماله
او بمعنى ثاني كل واحد راح لبيتهم يرقد ولعل النوم من اهم الأعمال في ذلك الوقت لانعدام وسائل الترفيه الموجوده حالياً
ناموا الشباب بعد ماساره صرفت اخوه وقالت له انها حاطه الشطه بالغلط وهي تتمنى داخل بطينها الأيمن ان الرساله وصلت لقيس الطويلعه .. وودها يجمع له كم قرش من بيع البليله ويجي يحجزها من الحين (( والله لو انها كامري )) .
ساره الضعيفه خايفه انها تنخطب اول ماتكبر لذلك تبي زكي يخطبها رسمي وبعد عشرين سنه الزواج .. ماتدري ان الوضع بيتغير وانها بتعنس في بيت أهلها لأن الواحد بيكون راس ماله 300 ريال 200 فاتوره و100 فاتوره بس ثانيه pb192
وطبيعي في هذا الوقت محد يتزوج
ساره تعنس
وطخ طيخ يعنس
وطرش بحر يعنس
وانا مدري والله ... احتمال ايه واحتمال لا
حسب راتب المدرسه الي بتتزوجني :o
المهم ان الولد عقد العزم على الزواج من ساره ... وخاف يقول لامه وتقوله اصبر انا خاطبت لك دريّه بنت خالتك
عاد دريّه هذي حالتها حاله .. كانت تتمنى تكون سعاد حسني وتتزوج حسن يوسف ومدري ايش ... ويوم ان حسن يوسف مثّل دور الشعرواي غيرت رايها
عموماً لها قصه كامله بنذكرها في مملكة المرأه pb030
================================================
كبر الولد واصبح شاباً يافعاً
وكبرت ساره وأصبحت شاباً يافعاً مثل زكي
زكي تخرج من المرحله الثانويه .. وكان طموحه يدخل كليه عسكريه ويتخرج ضابط ومنعه من ذلك ان امه غير سعوديه (( وهذا حقيقي .. الي امه اجنبيه مايدخل كليه عسكريه .. ماادري للحين والا عقلوا pb192 )) .
لذلك دخل الجامعه وكمّل دراسته وتخرج بحفظ الله ورعايته
وساره ماشاء الله عليها للحين تنتظره خصوصاً ان امه مكلمه امها رسمي انهم يبون ساره لزكي بعد مايتخرج ويشتغل
لا ابوه كلم ابوها ولا شي ماادري ليه احس الرجال مطنشين في هالموضوع
والمشكله يقولون الحرمه مااخذت حقوقها !
هذي ام زكي ماخذ كامله حقوقها بدون ماتسوق ولا شي :D
المهم الولد بدا يدور وظيفه وكل مادخل مكان قالوا له من واسطتك وماسألوه ايش شهادتك !
وطبعاً مايعرف في الديره الا ابوه وعيال الحاره يعني هم يبي لهم واسطه فكيف يتوسطون له
لذلك قرر الولد يجتهد ويعتمد على نفسه بعد الله
وبدا يدور له شغل لعيون ساره والا هو البليله ماخلته يحتاج شغل pb192
واستمر يدوّر والكل يقول له لازم واسطه
حتى انه طاح بشركة ليموزين وقرر يشتغل عندهم
لكن صاحب الشركه قال له / من شروط التوظيف عندنا اللاسعوده لأن الناس مايركبون مع سعوديين
ودك نروحك دوره على حسابك لباكستان بعدين ارجع ونعطيك كامري
واهم شرط لا تبقي احد ماصدمته :D
طلع الولد من شركة الليموزين مكفهّر الوجه .. عابس الخشم
مايدري وش يسوي !
ويفكر هو يلحق على ساره والا ينتحر ! (( والله الولد عاشق للثمامه ))
================================================
في هذه الأثناء كانوا زملاء الطفوله وعيال حارتهم يتجمعون في استراحه مستاجرينها بـ 900 ريال في السنه وسبب رخصها ان مافيها غرفه ولا مطبخ ولا سور ولا شي .. يعني بر بس يلعبون على انفسهم :D
راح لهم زكي وجلس يلعب على نفسه معهم
وسألوه وش صار على مشروع الوظيفه وشرح لهم الوضع من الى
تأثر الزملاء بما حدث لزميلهم ... صحيح انهم بدون وظايف مثله بس ماعندهم مشكله لأن الطموح عندهم صفر والدليل ان استراحتهم اجارها رخيص
جلسوا يواسون صديقهم خصوصاً مرزوق الي عارف انه يطارد بسبب اخته
وواعده يتوسط له عند ابوه انه يتزوج ساره وبعدين يدور شغل
واتفقوا كل واحد يجيب له عانيه
مرزوق العانيه انه يزوجه اخته
ونشأت بيعطيه الاستراحه الي بدون سور يتزوج فيها
وأمجد بيطبع كروت الزواج .. او بمعنى ثاني بيكتبها على A4 ويصورها عند خدمات الطالب ويوزعها عند الاشارات
وصديقهم الرابع واعده يحضر الزواج :D
المهم الوضع صار تمام وشروط الزواج مكتمله
حتى خويهم الي يعتبرونه اذكى واحد في المجموعه اقترح عليهم يوقف عند الباب لمنع دخول الاطفال والخادمات والمغاتير وجوال ابوكاميرا مع ملاحظة ان الاستراحه مافيها باب :o
بعد كل هالتخطيط تقدم طلع مرزوق جواله من مخباته وعطى ابوه رنه وقفل
اتصل ابوه ولعنه وقاله لا عمرك تتعود هالحركه .. وبعدين وش تبي ؟
شرح مرزوق لأبوه الخطه الي بينقذون بها صديقهم من ماهو فيه
وفي ذات الوقت يزوّج اخته رجال له تاريخه في التجاره وخصوصاً بيع البليله
وبدون مايرد ابومرزوق قفل الجوال في وجه ولده
بينما مرزوق تعذر ان بطارية جوال ابوه فاضيه pb071
طلع زكي مهموماً كما دخل الاستراحه
وراح يتمشى على رجوله ويبحث عن حل لمشكلته
وفي طريق رجعته للبيت حصل ابومرزوق عند الباب وناداه الرجال وقال له / الحين انت تبي تتزوج بنتي بس ماحصلت وظيفه ... لنفرض ان ماعندك وظيفه حالياً كيف بتتزوج البنت ؟
قال زكي / بطلع لي موتر وابيعه واتزوج بفلوسه .. وابدا بعد الزواج ادور لي شغل من جديد ومتأكد اني بحصل
قال ابومرزوق / بس من الي بيعطيك موتر وانت بدون وظيفه ؟
قال زكي / اممممممممممممممم مدري :confused:
وهنا فقط طالعه ابومرزوق وابتسم ابتسامه صفراء وكأني به يقول قم ظف وجهك :o
راح زكي لبيتهم وانسدح في سريره وأخذ منه التفكير ما أخذ حتى غط في نوم عميق
وفي الصباح الباكر وعندما اشرقت شمس يوم جديد كان زكي يستعد للخروج من البيت بحثاً عن شغل مثل العاده
ويوم انه يتمشى على رجوله بحثاً عن عمل إذا به يحصل شنطه منطوله واضح من شكلها انها طايحه من احد لأنها نظيفه
اخذ الشنطه لبيتهم على أمل يحصل راعيها .. ولكن كيف يعرف راعيها بدون مايفتح الشنطه ويدوّر اي شي يدل على هوية صاحب الشنطه ؟
وفعلاً فتح الشنطه وحصّل اشياء كثيره !!
حصل مفكات وصواميل وكتب ودفاتر وحصل ابريق سحري
ويوم انه قرا اسم صاحب الشنطه على واحد من الدفاتر حصل اسمه علاء الدين pb192
توقع ان في الابريق جنّي وهالشي واضح من شكل الابريق لأنه مايصلح لشي الا لسكن الجن
فرك البريق وطلع له الجني وقال له / آمرني ياسيدي
قال زكي مستغرباً :eek: / صدق انت جنّي ؟
قال الجنّي / لا .. انا لاعب كوره
حولك شي والا ارجع لبيتي ؟
قال زكي / اول شي كم لي من طلب .. او بكم توصلون (( لاعبه فيه المطاعم :( )) ؟
قال الجني / مالك الا طلب واحد
قال زكي / بس اخبرها سبع طلبات
قال الجني / علاء الدين خلّص سته وكلها على غير فايده وماباقي في بوكي الا واحد :D
قكر زكي كثيراً وكثيراً جداً وقال بعد مافكر /
ابيك تكفلني بطلع ددسن وابيعه علشان اتزوج ساره
قال الجنّي / جوالك يقطّع :D
اقول اذا حولك شي غير الكفاله آمر اما الكفاله بدري عليك
اكفلك اليوم وتزورني في الحقوق بكره لا ياابن الحلال
حتى الجن ماسلموا من مشاكل الكفالات pb030
قال زكي / اجل ادخل بيتك وانا بفكّر وارد لك
قال الجني / اوكي .. بس كلمني بدري لأني من بعد 11 اكون نايم
دخل الجني بيته وجلس زكي يفكر حتى قطعت امه حبل افكاره بقولها
زكي ... الولاد عند الباب عاوزينك
طلع زكي للعيال وحصلهم ينتظرونه يبون يتطمنون على وضعه النفسي مسكين
ويوم انه جلس وياهم شرح لهم على طول سالفة الأمنيه الوحده والجنّي
جلسوا يفكرون وكل واحد يقترح اقتراح ولعل أهمها ان واحد يبي سور للاستراحه :D
واحد ثاني طلب منه يفك زحمة طريق الملك فهد
وواحد طلب منه يخلي جواد يعرف يغني pb024
المهم انهم تناقشوا في عدة امور ومااتفقوا على شي
راحوا كل واحد منهم لبيته ورجع زكي لغرفته وجلس يفكر
وبعد ثواني طلعت له لمبه فوق راسه يعني حصّل فكره
اتصل على جوال الجنّي و رد عليه وقاله / هاه بشّر ،، حصلت الطلب المناسب ؟
قال زكي / ايه
قال الجني / آمر
قال زكي / تسعود أمي علشان ادخل العسكريه pb192
الفايده من الموضوع /
البليله بالشطه افضل نكهه
رايح
قبل الطبع لا بد من الإهداء /
أهدي الموضوع لكل وحده اسمها ساره ... لا لشيء ولكن حفظاً للحق العام pb192 ... كما لا أنسى ان اهدي الموضوع لأم كلثوم .. لا تقولون ماتت لأني بقولكم من شوي شايفها في قناة طرب تغني اغنية اروح لمين :D ... كما يشمل الإهداء اللاعب الوسيم كلارنس سيدورف pb189
================================================
الزمان / من زمان
المكان / الطويلعه (( الحي الوحيد الي مادخله الملك عبدالعزيز لكنه جاي مع الرياض بالغلط ))
الشخوص / زكي وساره والبقيه
الزمن / ساعتان
================================================
إنتا فين يازكي ؟؟
عباره تعود زكي يسمعها كل يوم من أمه ... من كثر ماتخاف عليه ماتبيه يطلع من البيت وماتبيه يبعد عنها أبد من زينه هو واسمه وامه بعد ... زكي ولد توه صغير امه مصريه وابوه سعودي من أهل الحريق تزوج هالمصريه ايام الطفره لكن الحين لو يبي قيمة تذكره لمصر لو في سلام 98 بدري عليه pb192 ... كان زكي بهي الطلعه على خواله .. سمته امه زكي على جدها لأنها تدعي ان الممثل الكبير زكي رستم من اجدادها وهذا السبب الرئيسي لزواج رشيد منها بزعمه بيوصل نجمات هوليوود عن طريقها مايدري ان جوليا روبرتس لو تكتب لها اسم رشيد بالانجليزي ماعرفت تقراه ... رشيد هذا او ابوزكي بيته في أحد أحياء الرياض وكان لاعب على ام زكي قبل يتزوجها يقول انه بيسكنها في ارقى أحياء الرياض وسكنها في الطويلعه .... ويوم انها قالت له (( هوا دا احسن حي عندكو ؟ )) قال لها / احمدي ربتس على الأقل احسن من كفر الزقازيق الي كنتي ساكنه فيه ... حتى البقالات فيه ماتوصل طلبات ... ابوزكي من كثر عشقه لزوجته الشينه مخليها تسمّي الولد على كيفها ... ويوم ان الشيبان في الحريق قالوا له الحين اول عيالك وماتسميه على ابوك .. قال لهم / الشيخ الي ملكني على ام زكي حاط في الدفتر هالشرط انها هي الي تسمّي اول واحد والا بتزعل .. عاد مايهون عليكم تزعل ام عيالي لأني بسمّي على ابوي .. واصلاً لو ابوي حي وعارف اني رايح لمصر بيذبحني فأكيد مايبيني اسمّي عليه وانا ولدي من مصريه pb192 ... اما عن طريقة زواج ابوزكي فمالنا الا ماذكرت كتب التاريخ وبصراحه كتب التاريخ ماجابت لأبوزكي طاري واضح ان تاريخه مهوب شي :D ... عموماً ابوزكي تزوج في مصر وجاله ولد ويوم صار عمر الولد ثلاث سنين خذاه هو وأمه وجابهم للطويلعه كما ذكرت أنا آنفاً ومن أزقة الطويلعه بدت حياة طفل صغير قد يكون إذا كبر في منزلة مارادونا من حيث الشهره وعتاب من حيث الجمال ونانسي من حيث ثقالة الدم (( مدري ليه احس اني ابالغ :o )) .
========================================
زكي له الحين في الديره حوالي السبع سنوات ... جاي وعمره ثلاث سنين والحين عشر سنين وبدا يندمج مع العيال في الحاره .. صحيح يسمونه ولد المصريه بس هالشي ما يأثر على معنوياته وعلى نفسيته لأنه اصلاً ماعنده احساس :D
الولد صار مخلّط كنه مولود في محل عطورات .. نصف كلامه حريقي والنصف الثاني مصري وهالشي بيسبب له مشاكل مستقبليه الا ان تدارك ابوه الوضع ودخله مدرسه لتعليم العاميه واحسن مدرسه لتعليم اللغه العاميه ارصفة شارع العطايف بس بشرط تجي بدون ملف ولا كتب ولا شي لأنها مدرسه من نوع خاص ومحد يرسب فيها pb034
شب الولد (( نار )) وترعرع في شوارع الطويلعه حتى وصل السن القانوني الي يخولنا نكتب عنه موضوع :D
لما وصل الولد 12 سنه بدا يفكر .. عكس ابوه الله يحفظه اللي بدا يعد من جديد وللحين مافكر والا لو انه يفكر كان تزوج كوثر ام زكي !!
الولد بدا يفكر في مستقبله ... يجلس مع العيال في الحاره وكل واحد يسألهم وش تبي تصير اذا كبرت واحد طيار والثاني دكتور والثالث مدرس والرابع سواق وايت علشان يرش الملعب :D ... كلنا كنا كذا واذا كبرنا نكتشف انها مجرد خرابيط غير مرتبطه بالحياة بأي صله :o .. زكي ذيب هالولد يقول انا ماابي اكون موظف انا حصير تاقر (( تاجر )) ... العيال يطالعونه ويقولون / الحين ابوك ماسدد حق البقاله وشلون تبي تصير تاجر ؟
قال زكي / انا بعوّد نفسي من الحين على التجاره .. وياخبر النهارده بفلوس بكره يبئى ببلاش (( مدري وش دخلها )) ... وبدا زكي يشاور العيال في الحاره كيف تكون بداية مرجلة الأعمال ... وكل واحد يمحطه باقتراح شديد اللهجه حتى اعتقد زكي ولوهله انه ساكن في عشره داونق ستريت ... وكانت اكثر الاقتراحات المطروحه على جدول الأعمال انه يبيع بليله مع ملاحظة ان الصحن بريال وإذا بشطه فصحنين بثلاثه ريال لزيادة النكهه pb034 ... وفعلاً بدت تجارته بعد ماأخذ قرض من أمه بدون فوائد لأن امه راعية ذمه .... واستاجر عايره من عواير الحاره وبدا يبيع ويشتري الصحن بريال وبالشطه بريال ونص .. والولد ذيب حاط عنده هلل علشان الصرف (( والنحو )) ... أزدهرت تجارته لأنه التفت اليها ولم يلتفت لسفاسف الأمور (( طرش بحر ابعد عن هالكلمه لأنها اكبر منك )) ... استمر على هذا المنوال حتى وقع في المحظور :(
ففي ليلة لا قمر فيها أطلت فتاة من بيت ام مرزوق جارتهم وتقدمت نحو بسطة زكي وكان الغرض من تقدمها تشتري بليله واصلاً زكي ماعنده الا بليله pb071 ... عطته البنت ريال واخذت صحن بليله وقالت بكل استحياء / حط لي شوي شطه .... رد عليها زكي وقال / صحيح ان الصحن بريال وبالشطه بريال ونص لزيادة الجوده والنكهه لكن علشان اكسبك زبونه ببيعك الصحن بريال مع انه بالشطه .. واصلاً عارف ان مامعك الا ريال pb192 ... يعني لا تجيني المره الجايه بريال تقولين ابي صحن بالشطه اتوطى في بطنك (( كل هالحنيّه محاوله منه لتقريب وجهات النظر بينه وبينها )) .. أخذت البنت الصحن الي بالشطه واتكلت على الله وقفلت راجعه لبيتهم بعد ان نظرت لزكي نظرة اعجاب على شهامته لأنه اعطى المرأه كامل حقوقها وخصم لها نصف ريال مره وحده :o ... دخلت ساره (( هكذا كان يوزرها )) بيتهم في وقت أخذت الأفكار تبحر براس زكي وبدا الحب يسيطر عليه ... صحيح ان امه مصريه بس ابوه سعودي وحنا ياالسعوديين ماشاء الله علينا اسرع ناس نحب واسرع ناس نكره ماعندنا مشكله pb192 .. أخذ يفكر في ساره ليل ونهار وصار يتأخر عن الدوام يعني بدل مايطلع قدر البليله تسع الصبح صار يتأخر الى تسع وربع لأنه سهران ربع ساعه يفكر في ساره ... والبنت ماشاء الله عليها بدت تلعب على هالوتر وصارت كل يوم تاخذ بليله بشطه وبريال واحد فقط كنها كرتون تايد !!
وفي أحد الأيام كانوا العيال مجتمعين ويتناقشون في النقاط المطروحه على جدول الأعمال .. وكان نصيب زكي من الانتقاد الشيء الكثير لأنه ماصار يدير الشركه حقته كل يوم ,,, والشباب ودهم يشترون بليله كل يوم لأنهم يزعمون ان ام زكي تضبطها اكثر من راعي التسالي ... بينما زكي صار يغيب عن الدوام كثير بسبب الحب الله يكفينا شره :(
قال مرزوق (( اخو ساره )) في احدى نقاط الحوار / الا من زمان ياعيال وانا افكر في حركه ودنا نسويها .. وقبل استرسال احدهم بالسؤال اردف مرزوق قائلاً / ودنا كل فتره واحد يعزمنا في بيتهم .. يعني مثلاً اليوم زكي يعزمنا ويحط لنا بليله وبكره ابراهيم ويحط لنا شاهي بس وبعد بكره امجد ويحط لنا قهوه والي بعده نشأت ويحط لنا عنب (( اما زكي وامجد ونشأت وفي الطويلعه والله صعبه )) ... قال احد الفتيه / وانت يامرزوق ؟
قال مرزوق / انا خارج التشكيله لأني صاحب الفكره pb034 .. ولكن الأصدقاء رفضوا اقتراحه على مضض (( يعني بقوه )) وقالوا له الا انت اول واحد يعزمنا ... والحين قم يا ولد هيا وقل لأمك تجهز لنا متكأ حتى نبحر في عالم السواليف في بيتكم .
وعلى فكره في الحواري سابقاً كان اسم الأم يعني الشي الكثير لعيال الحاره
يعني اعطيك عشره ريال مره وحده بس لا تقول اسم أمي لأحد
ومن هنا الشباب تهكموا على مرزوق لما قالوا له يا ولد هيا
اما كيف عرفوا اسم امه هذي سالفه ثانيه نترك لها موضوع خاص ويكون في الجاده
المهم ان مرزوق عزمهم اول واحد وكانت تلك العزيمه في يوم الأربعاء تحديداً الثاني من آذار مارس بعد المربعانيه بشوي .. ويوم ان مرزوق قال لأمه الشباب عندي ونبي الشاهي قالت امه لساره قومي وانا امتس سوي لربع مرزوق الشاهي .
وساره تملك من اللكاعه مالا يملكه بنز pb034
لذلك سألت مرزوق على طول / من عندك من الشباب ؟
قال لها / عندي اخوياي حقين الحاره .. انتي سوي شاهي وانطمي
قالت / لازم تعدهم علي علشان احط بيالات بعددهم pb071
وبدا مرزوق يعد اسامي العيال كنه من موظفين مكتب العمل ... ويوم ان البنت تأكدت ان نيكولاس كيج (( زكي )) معهم هنا فقط انفرجت اساريرها وقامت تسوي الشاهي وهي تعاهد نفسها انه يكون احسن من شاهي الشلال :D
طقت باب المجلس واعطت الولد الشاهي ودخل مرزوق للمجلس وبدا يصب الشاهي وتفاجأ ان مع البيالات شطه ... استنكر هو واخوياه الا زكي عرف ان هالشطه رسالة حب pb189 :D
قاتل الله الحب الفاشل اجل تلمحين للولد بشطه ههههههههههههههههههه
شربوا الشاهي الشباب وطلعوا كل واحد يدير اعماله
او بمعنى ثاني كل واحد راح لبيتهم يرقد ولعل النوم من اهم الأعمال في ذلك الوقت لانعدام وسائل الترفيه الموجوده حالياً
ناموا الشباب بعد ماساره صرفت اخوه وقالت له انها حاطه الشطه بالغلط وهي تتمنى داخل بطينها الأيمن ان الرساله وصلت لقيس الطويلعه .. وودها يجمع له كم قرش من بيع البليله ويجي يحجزها من الحين (( والله لو انها كامري )) .
ساره الضعيفه خايفه انها تنخطب اول ماتكبر لذلك تبي زكي يخطبها رسمي وبعد عشرين سنه الزواج .. ماتدري ان الوضع بيتغير وانها بتعنس في بيت أهلها لأن الواحد بيكون راس ماله 300 ريال 200 فاتوره و100 فاتوره بس ثانيه pb192
وطبيعي في هذا الوقت محد يتزوج
ساره تعنس
وطخ طيخ يعنس
وطرش بحر يعنس
وانا مدري والله ... احتمال ايه واحتمال لا
حسب راتب المدرسه الي بتتزوجني :o
المهم ان الولد عقد العزم على الزواج من ساره ... وخاف يقول لامه وتقوله اصبر انا خاطبت لك دريّه بنت خالتك
عاد دريّه هذي حالتها حاله .. كانت تتمنى تكون سعاد حسني وتتزوج حسن يوسف ومدري ايش ... ويوم ان حسن يوسف مثّل دور الشعرواي غيرت رايها
عموماً لها قصه كامله بنذكرها في مملكة المرأه pb030
================================================
كبر الولد واصبح شاباً يافعاً
وكبرت ساره وأصبحت شاباً يافعاً مثل زكي
زكي تخرج من المرحله الثانويه .. وكان طموحه يدخل كليه عسكريه ويتخرج ضابط ومنعه من ذلك ان امه غير سعوديه (( وهذا حقيقي .. الي امه اجنبيه مايدخل كليه عسكريه .. ماادري للحين والا عقلوا pb192 )) .
لذلك دخل الجامعه وكمّل دراسته وتخرج بحفظ الله ورعايته
وساره ماشاء الله عليها للحين تنتظره خصوصاً ان امه مكلمه امها رسمي انهم يبون ساره لزكي بعد مايتخرج ويشتغل
لا ابوه كلم ابوها ولا شي ماادري ليه احس الرجال مطنشين في هالموضوع
والمشكله يقولون الحرمه مااخذت حقوقها !
هذي ام زكي ماخذ كامله حقوقها بدون ماتسوق ولا شي :D
المهم الولد بدا يدور وظيفه وكل مادخل مكان قالوا له من واسطتك وماسألوه ايش شهادتك !
وطبعاً مايعرف في الديره الا ابوه وعيال الحاره يعني هم يبي لهم واسطه فكيف يتوسطون له
لذلك قرر الولد يجتهد ويعتمد على نفسه بعد الله
وبدا يدور له شغل لعيون ساره والا هو البليله ماخلته يحتاج شغل pb192
واستمر يدوّر والكل يقول له لازم واسطه
حتى انه طاح بشركة ليموزين وقرر يشتغل عندهم
لكن صاحب الشركه قال له / من شروط التوظيف عندنا اللاسعوده لأن الناس مايركبون مع سعوديين
ودك نروحك دوره على حسابك لباكستان بعدين ارجع ونعطيك كامري
واهم شرط لا تبقي احد ماصدمته :D
طلع الولد من شركة الليموزين مكفهّر الوجه .. عابس الخشم
مايدري وش يسوي !
ويفكر هو يلحق على ساره والا ينتحر ! (( والله الولد عاشق للثمامه ))
================================================
في هذه الأثناء كانوا زملاء الطفوله وعيال حارتهم يتجمعون في استراحه مستاجرينها بـ 900 ريال في السنه وسبب رخصها ان مافيها غرفه ولا مطبخ ولا سور ولا شي .. يعني بر بس يلعبون على انفسهم :D
راح لهم زكي وجلس يلعب على نفسه معهم
وسألوه وش صار على مشروع الوظيفه وشرح لهم الوضع من الى
تأثر الزملاء بما حدث لزميلهم ... صحيح انهم بدون وظايف مثله بس ماعندهم مشكله لأن الطموح عندهم صفر والدليل ان استراحتهم اجارها رخيص
جلسوا يواسون صديقهم خصوصاً مرزوق الي عارف انه يطارد بسبب اخته
وواعده يتوسط له عند ابوه انه يتزوج ساره وبعدين يدور شغل
واتفقوا كل واحد يجيب له عانيه
مرزوق العانيه انه يزوجه اخته
ونشأت بيعطيه الاستراحه الي بدون سور يتزوج فيها
وأمجد بيطبع كروت الزواج .. او بمعنى ثاني بيكتبها على A4 ويصورها عند خدمات الطالب ويوزعها عند الاشارات
وصديقهم الرابع واعده يحضر الزواج :D
المهم الوضع صار تمام وشروط الزواج مكتمله
حتى خويهم الي يعتبرونه اذكى واحد في المجموعه اقترح عليهم يوقف عند الباب لمنع دخول الاطفال والخادمات والمغاتير وجوال ابوكاميرا مع ملاحظة ان الاستراحه مافيها باب :o
بعد كل هالتخطيط تقدم طلع مرزوق جواله من مخباته وعطى ابوه رنه وقفل
اتصل ابوه ولعنه وقاله لا عمرك تتعود هالحركه .. وبعدين وش تبي ؟
شرح مرزوق لأبوه الخطه الي بينقذون بها صديقهم من ماهو فيه
وفي ذات الوقت يزوّج اخته رجال له تاريخه في التجاره وخصوصاً بيع البليله
وبدون مايرد ابومرزوق قفل الجوال في وجه ولده
بينما مرزوق تعذر ان بطارية جوال ابوه فاضيه pb071
طلع زكي مهموماً كما دخل الاستراحه
وراح يتمشى على رجوله ويبحث عن حل لمشكلته
وفي طريق رجعته للبيت حصل ابومرزوق عند الباب وناداه الرجال وقال له / الحين انت تبي تتزوج بنتي بس ماحصلت وظيفه ... لنفرض ان ماعندك وظيفه حالياً كيف بتتزوج البنت ؟
قال زكي / بطلع لي موتر وابيعه واتزوج بفلوسه .. وابدا بعد الزواج ادور لي شغل من جديد ومتأكد اني بحصل
قال ابومرزوق / بس من الي بيعطيك موتر وانت بدون وظيفه ؟
قال زكي / اممممممممممممممم مدري :confused:
وهنا فقط طالعه ابومرزوق وابتسم ابتسامه صفراء وكأني به يقول قم ظف وجهك :o
راح زكي لبيتهم وانسدح في سريره وأخذ منه التفكير ما أخذ حتى غط في نوم عميق
وفي الصباح الباكر وعندما اشرقت شمس يوم جديد كان زكي يستعد للخروج من البيت بحثاً عن شغل مثل العاده
ويوم انه يتمشى على رجوله بحثاً عن عمل إذا به يحصل شنطه منطوله واضح من شكلها انها طايحه من احد لأنها نظيفه
اخذ الشنطه لبيتهم على أمل يحصل راعيها .. ولكن كيف يعرف راعيها بدون مايفتح الشنطه ويدوّر اي شي يدل على هوية صاحب الشنطه ؟
وفعلاً فتح الشنطه وحصّل اشياء كثيره !!
حصل مفكات وصواميل وكتب ودفاتر وحصل ابريق سحري
ويوم انه قرا اسم صاحب الشنطه على واحد من الدفاتر حصل اسمه علاء الدين pb192
توقع ان في الابريق جنّي وهالشي واضح من شكل الابريق لأنه مايصلح لشي الا لسكن الجن
فرك البريق وطلع له الجني وقال له / آمرني ياسيدي
قال زكي مستغرباً :eek: / صدق انت جنّي ؟
قال الجنّي / لا .. انا لاعب كوره
حولك شي والا ارجع لبيتي ؟
قال زكي / اول شي كم لي من طلب .. او بكم توصلون (( لاعبه فيه المطاعم :( )) ؟
قال الجني / مالك الا طلب واحد
قال زكي / بس اخبرها سبع طلبات
قال الجني / علاء الدين خلّص سته وكلها على غير فايده وماباقي في بوكي الا واحد :D
قكر زكي كثيراً وكثيراً جداً وقال بعد مافكر /
ابيك تكفلني بطلع ددسن وابيعه علشان اتزوج ساره
قال الجنّي / جوالك يقطّع :D
اقول اذا حولك شي غير الكفاله آمر اما الكفاله بدري عليك
اكفلك اليوم وتزورني في الحقوق بكره لا ياابن الحلال
حتى الجن ماسلموا من مشاكل الكفالات pb030
قال زكي / اجل ادخل بيتك وانا بفكّر وارد لك
قال الجني / اوكي .. بس كلمني بدري لأني من بعد 11 اكون نايم
دخل الجني بيته وجلس زكي يفكر حتى قطعت امه حبل افكاره بقولها
زكي ... الولاد عند الباب عاوزينك
طلع زكي للعيال وحصلهم ينتظرونه يبون يتطمنون على وضعه النفسي مسكين
ويوم انه جلس وياهم شرح لهم على طول سالفة الأمنيه الوحده والجنّي
جلسوا يفكرون وكل واحد يقترح اقتراح ولعل أهمها ان واحد يبي سور للاستراحه :D
واحد ثاني طلب منه يفك زحمة طريق الملك فهد
وواحد طلب منه يخلي جواد يعرف يغني pb024
المهم انهم تناقشوا في عدة امور ومااتفقوا على شي
راحوا كل واحد منهم لبيته ورجع زكي لغرفته وجلس يفكر
وبعد ثواني طلعت له لمبه فوق راسه يعني حصّل فكره
اتصل على جوال الجنّي و رد عليه وقاله / هاه بشّر ،، حصلت الطلب المناسب ؟
قال زكي / ايه
قال الجني / آمر
قال زكي / تسعود أمي علشان ادخل العسكريه pb192
الفايده من الموضوع /
البليله بالشطه افضل نكهه
رايح