مطعم فاهيتا أفينيو بالرياض - Fajita Avenue

[Esperanza]

السلام عليكم ورحمة الله


مطعم فاهيتا أفينيو
Fajita Avenue



عنوان المطعم:

الرياض - شارع الضباب من الشمال - بين شارع التحلية و شارع الثلاثين في السليمانية (بعد التميمي سيفوي على اليسار و أنت متجه شمال على شارع الضباب).


تلفون المطعم:

4644999



http://www.50005000.com/Resturants/FajitaAvenue/001.JPG

صوره للمطعم من الخارج ( واهم ما في الصوره الهوندا الحمراء)pb034




اليوم كان اختيار المطعم المناسب لتناول وجبة الغدا صعب شوي ، لأنه و بكل بساطة الظاهر ما بقي مطعم في الرياض ألا أنا و المعزبة مرينا عليه.

لذلك اخترنا مطعم فاهيتا افينيو رغم أن أحناء أكلنا فيه من قبل ، لكن أكلة كان حليوي و في نفس الوقت كان ودنا نضحك على الجرسون الفلبيني الموجود فيه.




http://www.50005000.com/Resturants/FajitaAvenue/002.jpg

http://www.50005000.com/Resturants/FajitaAvenue/003.jpg

هذي صوره للمطعم من الداخل




وصلنا للمطعم حدود الساعة أربع و نص العصر ، و الحمد لله لقينا الجرسون و حرصنا أنا أحناء نقعد في المنطقة اللي هو يخدم فيها ، رحب فينا الجرسون زى العادة بصوته اللي تقل صوت حرمة مهوب رجال و بعدين جاب لنا قوائم الطعام ، بعد ما تفحصنا القوائم مضبوط ضغطنا على الجرس و جانا الجرسون يركض (تراه يركض بمعنى الكلمة و تسمع خطواته وهو يركض) ، أنا عطيته الطلبات و المعزبة جنبي مطيرة عيونها فيه ، بعد ما راح الجرسون قالت المعزبة "اسبرانزا والله أن الجرسون هذا حرمة و متنكر في ملابس رجال" ، أنا رديت عليه و قلت لها تخفض صوتها لحد يسمعنا و نتفشل ، و إن الجرسون رجال من رجاجيل الفلبين و أن كل رجاجيل الفلبين من هالنمونه.




http://www.50005000.com/Resturants/FajitaAvenue/004.JPG

هذي صورة الطاولة حقتناء





http://www.50005000.com/Resturants/FajitaAvenue/005.JPG

http://www.50005000.com/Resturants/FajitaAvenue/006.jpg

هذي صور لقوائم الطعام.




http://www.50005000.com/Resturants/FajitaAvenue/007.JPG

هذي صورة للطاولة بعد ما جاب الجرسون الخبز و المشروبات و الشوربة





http://www.50005000.com/Resturants/FajitaAvenue/008.JPG

هذي شوربتي ، كريمة الربيان ، و كانت زينة




http://www.50005000.com/Resturants/FajitaAvenue/009.JPG

هذي شوربة المعزبة ، حريره مغربية ، و تقول المعزبة أنها زينة





http://www.50005000.com/Resturants/FajitaAvenue/010.JPG

هذي صورة الابتايزر (المقبلات) ، أجنحة الدجاج بدون عظم ، بصراحة كانت مهبولة.





المشكلة أن أحناء رحنا للمطعم و الجوع ذابحنا ، لذلك طلبنا أكل واجد ، بس المشكلة انه مع الشوربة و الابتايزر شبعنا شوي.


http://www.50005000.com/Resturants/FajitaAvenue/011.JPG

هذا طلبي الرئيسي ، فاهيتا الدجاج و اللحم و الربيان ، الربيان ما كان زين أما اللحم و الدجاج فكان ممتاز.





http://www.50005000.com/Resturants/FajitaAvenue/012.JPG

هذي ألازانيا حقه المعزبة ، و الحقيقة مدري هي زينة ولا لا ، لان المعزبة شبعت ولا أكلتها.(طريقة تقديم الطبق ما أعجبتني).





http://www.50005000.com/Resturants/FajitaAvenue/013.JPG

هذا ماش بتيتو (مهروس البطاطس) ، و أنا من محبيه ، لكن للأسف ما أكلت منه ألا شوي ، لكن بصفة عامة كان مقبول.




http://www.50005000.com/Resturants/FajitaAvenue/014.JPG

هذا رز مكسيكي طلبته المعزبة و كان لاباس به ، لكن كان ممكن يزينونه أكثر من كذا.





http://www.50005000.com/Resturants/FajitaAvenue/015.JPG

هذي صورة للطاولة و عليها كل الإطباق ، العلبة السوداء هي اللي فيها الخبز حق الفهيتا.




http://www.50005000.com/Resturants/FajitaAvenue/016.jpg

و هذي صورة الجرسون "الرجال" الفلبيني. و تبون الصراحة هو أحسن ما في المطعم لان دمه خفيف و خدمته ممتازة ، تقل صاروخ ، ما يمدي الواحد يرن الجرس ألا و يجي يركض.pb027





http://www.50005000.com/Resturants/FajitaAvenue/017.jpg

هذي صورة الفاتورة و كانت بمبلغ 193 ريال ، و السعر مقبول أذا قست عليه كمية الأكل.




ملاحظات على المطعم:

- الببسي بسعر 5 ريال ، و احلي ما فيه انك تشرب كثر ما تبي بدون سعر إضافي.
- ديكورات المطعم كانت زينة ، بس مشكلتها كانت في الألوان الغامقة ، من ما أعطى انطباع بظلمة المكان.
- الأكل كان مقبول بصفة عامة ، لكن يعيب عليه طريقة التقديم اللي كان ممكن تكون أفضل.

- المطعم زين للي يحب يغير و يروح لم مطعم جديد.
- الستاير اللي تفصل بين الطاولات كان لونها اسود و يضيق الصدر ، ليتهم يحطون لون فاتح شوي.


و لكم مني أجمل تحية

[Juhaina]

(مشكلة اللي يقرا هالموضوع و هو ميت جوع :D)

بس عن جد صحتين يا اسبرنزا...
عجبني منظر الفاهيتا...

بس في كم شغلة لفتت نظري:
1- كيف مطعم مكسيكي و يقدموا لزانيا و شوربة حريرة...
2-أحس الإضاءة خافتة جوا أو إما الديكور غامق زيادة عن اللزوم مثل ما قلت...
3- المدام شكلها تحب الحريرة كثير (أذكر بالموضوع السابق طلبتها كمان) :D...
4- الفاتورة جداً منطقية...

طلب خاص: بليز بليز بليز روح على ستيك هاوس و صور لي هذول الشغلتين:
صور لي ال salad bar حقهم و البراونيز...
و صور لي Willy و Ken !!!

تحياتي...

[VEER - ZAARA]

عليكم بالعافية bp039 ..

[i 1 c u]

اسبرانزا

أول شي عليكم بالعافية ..

بالنسبة للمطعم

رحت له مرتين ..

أكله حلو .. ديكوراته مرتبة .. خدمته سريعة

و اللي معهم أطفال ينفع لهم بعد .. في غرفة ألعاب لهم

..

[ابو سميث]

الف صحة وعافية

ومن جد الفاهيتا شي رهييييب خاصة طريقة اعداده وتقديمه حلووووة...قد جربته كم مرة خاصة حق اميجو وكان جيد
خاصة اول ما يجيك يكون حاااااااار وانواع البراكين تطلع من الصحن :d

وبالنسبة للظلام اللي بالمطعم...بالعكس انا اقدر الظلمة مرة والجو الكئيب بشكل عام :)

الا ابسألك..ماتدري متى يقفل بالليل؟؟...لاني صراحة مااحب اطلع الا متأخر

والف شكر على الموضوع

[دبه ودها تلبس s]

رحتله مرهـ وحرمت

ابدددد مو لذيذ

مشكوووووور عالموزوع

[Abo-Jariah]

.


هــــــــــــــــــــــلا والله اسبرانزا ..bp039


يامال العافية bp039



عموما انا كلامي من كلام الاخت جهينة الفاتورة جدا جدا منـــــــطقية pb027 ..!!








.

[رجول حرفي]

الففففففففففففففففف مشششششششششششالله عليك الله يسعدك ويهنيك انت وزوجتك
مرة شكررا ويعطيك العافيه

[عبودي 1]

هلا بصديقي .

شنطة المعزبة طالعه في الصورة .
خخخخخخخخخخخخخخخخخخخخخخخخخخخخ

لو درت عنها شكله بيصير كلام ثاني الا اذا كنت ناوي تطلعها متعمد :d

وبعدين في نظارات حلوة طالعه في الصورة ما ادري وش نوعها :d

تحياتي لك وتشكر على هالمجهود الجبار الي تسويه .

[سـاهـي]

فاهيتا الدجاج تعطيك ;)
ذكرتني في باربكيو فدركرز بالبحرين
ياشيخ تشرب 2 بيبسي وانت ماتحس بنفسك
بس وين اسبرنزا وش هالسعر ؟!!
تقهرني لما تقول السعر مناسب :( :(
وميرسي بوكوو على التقرير

S a A a A a H i

[bdor]

الله يعطيك العافيه
امتعتني الصراحه
الله لا يخلينا منكم

[phénomène]

طلب خاص: بليز بليز بليز روح على ستيك هاوس و صور لي هذول الشغلتين:
صور لي ال salad bar حقهم و البراونيز...
و صور لي Willy و Ken !!!

ماطلبتي شي .. انا كل اسبوع في ستيك هاوس .. اصور لك ابوه pb192

===========

فاهيتا افينيو ..

انا قد رحت له 3 مرات .. المطعم صراحه حلوو .. وانا بشكل عام تعجبني الاكلات اللي مثل كذا ..

تحياتي لك يالغالي:)

[Juhaina]

.
عموما انا كلامي من كلام الاخت جهينة الفاتورة جدا جدا منـــــــطقية pb027 ..!!


يعني إيش يا أبو جارية قاعد تتمسخر إنت؟؟؟:rolleyes:

يا عزيزي لو سمحت لا تنسى إنه كل واحد يشوف العالم بطريقة مختلفة عن الثاني...
و الأوليات و الكماليات و طريقة العيشة تفرق من شخص لآخر...
و في عالم انا منهم يحبوا يجربوا مطاعم و ياكلوا برا و ما يهمني المبلغ اللي أدفعه طالما إني مبسوطة بالأكل...

يمكن حتقول عني الحين إني I'm a spoilt brat...
بس صراحة لسه أشوف الفاتورة منطقية بالنظر للطلبيات...

لأنه لو برا يا أبو جارية كان حيكون أغلى و معها tax و غير ال tip اللي حتخليه للقرسون و غير فلوس الموقف للسيارة...
و طبعاً هذا كله بالسعودية مش موجود...
و بعدني الليلة راجعة من غدا كنت تقاسمته أنا و صديقتي و عشا برا معزومة...
فعارفة وش اللي قاعدة أتكلم عنه!!!
و أكيد إنت كمان تطلع مع أصحابك و عارف إيش قصدي عن المطاعم :)...


برايفت ساهي...
تقهرني لما تقول السعر مناسب
ممكن تشرح لنا أكثر عن السعر المناسب من وجهة نظرك؟؟؟


تحياتي...

[كشميري]

لوني منك يا اسبرينزا ...... كان دقيت سلف ورحت للبخاري اللي فحارتنا .... وخذت من عنده حبتين على الفحم مع رز ...

وافرش السفره في الصاله وتربع طالع عمركpb027 وشممممر عن ساعدك اليمين واجررررررم هههههههههه

لا امزح معك ... بس الصراحه شهيتني على الشوربه ;)

يالله بالتوفيق

[Abo-Jariah]

يعني إيش يا أبو جارية قاعد تتمسخر إنت؟؟؟:rolleyes:

يا عزيزي لو سمحت لا تنسى إنه كل واحد يشوف العالم بطريقة مختلفة عن الثاني...
و الأوليات و الكماليات و طريقة العيشة تفرق من شخص لآخر...
و في عالم انا منهم يحبوا يجربوا مطاعم و ياكلوا برا و ما يهمني المبلغ اللي أدفعه طالما إني مبسوطة بالأكل...

يمكن حتقول عني الحين إني I'm a spoilt brat...
بس صراحة لسه أشوف الفاتورة منطقية بالنظر للطلبيات...

لأنه لو برا يا أبو جارية كان حيكون أغلى و معها tax و غير ال tip اللي حتخليه للقرسون و غير فلوس الموقف للسيارة...
و طبعاً هذا كله بالسعودية مش موجود...
و بعدني الليلة راجعة من غدا كنت تقاسمته أنا و صديقتي و عشا برا معزومة...
فعارفة وش اللي قاعدة أتكلم عنه!!!
و أكيد إنت كمان تطلع مع أصحابك و عارف إيش قصدي عن المطاعم :)...


برايفت ساهي...

ممكن تشرح لنا أكثر عن السعر المناسب من وجهة نظرك؟؟؟


تحياتي...



جهينة انا ماتكلم عن السعر ولا حتى جى في بالي ايه والله ...!! :D



.

[مقدور]

عليكم السلام ورحمة الله وبركاته

اليوم كان اختيار المطعم المناسب لتناول وجبة الغدا صعب شوي ، لأنه و بكل بساطة الظاهر ما بقي مطعم في الرياض ألا أنا و المعزبة مرينا عليه.

اتوقع ان القرموشي مابعد جاه السرا pb192


و إن الجرسون رجال من رجاجيل الفلبين و أن كل رجاجيل الفلبين من هالنمونه.

انت متاكد ياخالي من هالمعلومه pb027

http://www.50005000.com/Resturants/FajitaAvenue/015.JPG

والله ياجازت لي حقت هالخبز مدري ليه كل مانظرته تذكرت بريق العزبه pb189


ومثل ماتعودنا حبيب قلبي تقرير اكثر من رائع bp039

وماننحرمش هاالابداع :)

[Esperanza]

Juhaina

الفاهيتا كانت زينة ، بس الباقي لك عليه.

اما الستيك هاوس فنشاءالله اذا حصل فرصة مريت عليه.

بس ما قلتي لي اي فرع ، العليا او اسواق غرناطة.

اما من ناحية تنوع الاكل فهذا شي لاحضته في اغلب مطاعم الرياض




VEER - ZAARA

يعافيك ربي



i 1 c u

اجل عندهم مكان للاطفال!! هذي ليه كنت اسمع صجة بزارين.:)




نــايف اَل سميث

اما انك تحب الجو الكائب فنت يبي لك قعدة.



دبه ودها تلبس s

يعطيكي العافية على المشاركة




Abo-Jariah

ترى اللي يشوف الوجه اللي يضحك في نهائية مشاركتك يعتقد انك تشوف المبلغ غالي.

المبلغ من صدق معقول في السعودية ولا تقدر تقارنه بسعر الفهيتا مثلاً في امريكا اللي تعتبر وجبه شعبية و رخيصة.

و بالمناسبة تراني ناوي امر على مطعم اكلات شعبية عشان اصور لك الجريش و القرصانpb027




رجول حرفي

مشكور و ربي يعطيك العافية




عبودي 1

اقول عبودي خلك من اغراض المعزبة ولا ترا حرمتني من الروحة للاستراحةpb027





سـاهـي


تدري عاد انا اضرس على بريتو مضبوطة ولا لقيت احد يضبطها في الرياض




bdor

والله لا يخلينا من مشاركاتك




phénomène

مدري يعني اكله مقبول الي حد ما




كشميري

ابشر ، انت عطني بس عنوان البخاري و مالك الا اجيب لك عنه تقرير مصور و معه صوره للطباخ الباكستانيpb027




مقدور

هو القرمشي انا قاعد اقنع في المعزبة نروح له ، و انشاءالله اول ما توافق اجيب عنه تقرير.

و رجاجيل الفلبين انت ابخص مني عنهمpb027


و بريق العزبة صاير اسود ، والله من زين العزبة



لكم الشكر و التحية

[سـاهـي]

جهينة كنت بارد على سؤالك بس لقيتك في الناصرية
أجاوبك اذا طلعتي :d

[الملحمة الماجدية]

قطعت قلبي على الصور :(

ياخي هذا حدنا يالقراوى تسالي ..ماغير همبرقر لحم وسندوتش بطاطس :d

[ياويل حالي!!]

مواضيعك دائماً بطله :)

[Juhaina]

Juhaina

اما الستيك هاوس فنشاءالله اذا حصل فرصة مريت عليه.

بس ما قلتي لي اي فرع ، العليا او اسواق غرناطة.

هذا الفرع اللي بشارع الثلاثين...

متى فتحوا أسواق غرناطة و كيف من جوا؟؟؟

تحياتي...

[عــ الكـلام ــذب]

انــا رحتـــله مرتـــين وعـــابني اكـــله قريب من تشـــيلز طـــعم اكله :)

عليكم بالعـــافيه..

[ليت الزمن يرجع]

هلا اسبرانزا

لون الهوندا حلووو :D

< تركت المطعم وعلقت على السياره :d

انا يوم شميت ريحة االلزانيا جيت طايره حسبي الله على عدوك ترا كذا تعذبني :D

المطعم بشكل عام موش بطال :)

يعطيك العافيه

[مخربتها]

اجل الفلبيني اللي في المطعم معروف
يا احنا تقطعنا عليه من الضحك
بس جد رحمته تحسه مهكه المسيكين pb093

على المطعم
اكله ما كان شين, بس ما افكر ارجعله مره ثانيه
يمكن احسن شي كان عندهم الفاهيتا اما الباقي لك عليه:rolleyes:

و هذا كله بجهه و ديكوراته بجهه
تجيب الغلقه
الواحد يبي يطلع يستانس و هم ديكوراتهم و الوانهم تجيب الكأبه:)

الا على فكره
ما عمري حصلت عندنا مطعم مكسيكي اكلهم صدق مكسيكي:rolleyes:

[عبدالملك]

المطعم ذا رحت له يوم الاربعا الماضي

قلنا نجربه..صراحه حليو

عندهم شوربه كريمه دجاج مرررررره حلوة

الكاساديا حقتهم مش ولابد والتشكن ونقز بعد

اخذت المين كورس ستيك مدري وشو صراحه حلو واخذت اسكالوب بعد << وقت الجوع يكون مشفوح بس ماياكل

عموما المطعم حليو وجوده اللحم حقت الستيك كانت ممتازه وطراوتها حلوووة وهنا اهم شي بالاسيتك

[لابس طاقيه]

الهوندا الحمرا للبيع
يعطيك العافيه

[BSMAH]

يا ناس عجزت أتقبل غير الركن المكسيكي



بس إن شاء الله راح تكون محطتنا الجاية للمطاعم



مشكور

[شـادن]

http://www.50005000.com/Resturants/FajitaAvenue/016.jpg

انا بروح بس عشان ولد الفلبين


ياملحي ياناس

[ركبة البعير]

بالعافيه ومطرح مايسري يمري
الا ذا المطعم ماتشرف بجيتني كلما قلت بجيه قالو الشباب تراه بايخ واكله ماصخ مدري ليه
بس عقبك بجربه وعلى ذمتك
اكل مكسيكي مافيه زي تشيليز بس مابعد فتح بالرياض رغم ان موقعهم الرسمي يقول ان فرع الرياض فتح الآن
فيه مطعم بشارع الدشوش اسمه الركن المكسيكي اعجبني بس من ضمن طلباتي لقيت شعره طولها حوالي 2سم ومقليه مع حاجة اسمها حبارى مثل حلقات البصل المهم ناديت المغربي راعي المطعم وبصوت خافت قلتله اكلكم حلو خصوصا الباستا بس في مشكله الا وهي الشعره قام وسحب الشعره من الاكل وبكل بساطه قالي طيب وش تبي الحين قلت وبنفخه................المهم وبكل بجاحه بدال مايرضيني ويروح يصك الشعره في الفاتوره.........عندك مثلا مطعم وتر لمون يوم لقينا شعره في الباستا ماحطها بالحساب عشان يرضي زباينه............المهم واقوم اصكلك ذاك الخطاب الموجه لرئيس بلدية العليا والسليمانيه واشرح فيه موضوعي وتجيك ذيك المداهمه على المطعم ويصكونه بمخالفه على كيفك(ترى مو اي واحد يشك خطاب يصدقونه بس انا موصي على احد رؤساء البلديات والواسطه لها دور للاسف)) المهم طولت وخرجت عن الموضوع...............على فكره من بجاحة المغربي يوم قلتله الاكل فيه شعره قال: هذي صغيره مو شعره الشعره اذا جت طول الاصبع تسمى شعره
ناس هدفها المادة
شكرا لك ولموضعك وترى يمدحون اكل البيت

[في خاطري شئ]

جعت والله
يعطيك العافيه

[مجهــول]

اوووووووووووووووووووووووووه غباااااااااااااااااااااااااااااااااااااااااااااااا ااار

لا مو المطعم الله يسلمك اللي غبار ..
الغبار طال عمرك اننا ماكلين فيه من حول 6 شهور وكان غداء ..

الشاهد انه ما كان فيه تكييف ولا اضاءه ويوم جت الفاتوره لقيناهم خاصمين 50% ,,

من بعدها حبيت المطعم ..

بس يمكن لانه كان يحاول انه يكسبني كزبون يكسبهم بس الشرهه على اللي راحلهم


بس اختيار موفق للمطعم والأهم راي المعزبه اذا اعجبها خلاص هذا المطلوب ...

يعطيك العافيه حبيبي على المطعم .. عن اذنك بروح للفوال اللي جنبنا ..

[مستلجــــه]

http://www.50005000.com/Resturants/FajitaAvenue/016.jpg

هههههههههههههههههه بقوله انه صار مشهور

<<----مصادقته هعهعه

وقسم بالله هالانسان فله من جد دايم يقط معنا بالسوالف ..اذكر مره رحنا واختي عازمتنا وكان معنا مجموعه بنات ..

فذوقا قامت اختي تطلب المقبلات لهم وماخلت سلطه ماطلبتها يوم خلصت قالت خذ الطلبات من البنات هو فهم ان كل اللي قالته لها واختي قصدها كل وحده بتطلب المين كورس حقها ..هو تنح فيها قالها مدام كل هذا لك؟؟ حرام انتي كويس بعدين يو ول بي سو فات هعهعهعهعهعههعهعهع.. اختي تفشلت قامت تحلف ان الطلبات لنا كلنا هعـ
حنا تبينا وقسم انواع اللي فقعناها ضحك ودمووع جيت بطلب ماقدرت قلت له ارجع بعدين

ياحليله هالفلبيني .. وفيه واحد ثاني تونسي مرره اخلاق :$

المطعم اكله مره حلو .. ودايم اطلب ريب اي ستيك ول دن .. مع الـ A1 سوس ..مع خضار مشوي وبطاطس مقليه ..

والبافلو وينقز .. مررره رووعه عليها طعم مو صاحي ابد .. احلى من حقت تشيليز

وفيه السلطات كلها حلوه بشكل عام .. خدمتهم مره كويسه وسريعه ومحترمين ..

اسعارهم مره بلاش

ويعطيك الف عافيه ع التغطيه الحلوه

[(وجه الخير)]

ولله انك خطيررررر وموضوووعك مرره رايق
وكل شيء فيه اوووووووووكي .. وأحلى شيء الصور
والصويررر الرائع


تسلم ولله يا الغالي ...

[Esperanza]

ربي يعطيكم العافية جميعاً على مشاركاتكم الكريمة


لكم مني كل الشكر و التحية

[عاشق الروز]

لمي لمي انا احب الاكل المكسيكي مرة ويعطيك الف عافية على التقرير ان شاء الله بروحله يوم من الايام

[نايم]

يعطيك العافيه

[Mr.m9rq3]

فاهيتا...من افضل المطاعم عندي(l)

وعروض الغداء ياسلالالام...

اسبرانزا...انت بطل

[iii_o_ا c_ل]

●●

ياحبني للمعزبه جعلها مبسووطه بس
تكفى سلم عليها كثير السلام
مير انه عليكم الف عافيه

bp039
●●

[Crazy at Noora]

صحة وهنا لك وللمعزبه :)

جربت المطعم أكثر من مرة رايق بقوة ، والأروق :d انو في مقهى برى جلساته << من زين جو الرياض :d


بإنتظار تقاريرك عن بوفيه الهنا في البطحاء :$ << امزززح

[L.7.N]

بالعافيه عليكم
اجل كل العالم ماخذينه مضحكه يحول
pb027
انا وزوجي مارحنا للمطعم الا عشانهpb095
اهم شي اذا جا يدخل من اول مايجي عند الطاولات يقول مدااااااااااااام اناا جااااااااي :D
مره نكتتته هالانسان
وحده اعرفها حرمه كبيره مره مره دايما تروح لهالمطعم تقول هالفلبيني يوسع صدري pb192


بالعافيه ويبيلنا روحه ثانيه له
:sm5:

[. L A 7 N .]

الصور شي بجد الي يدخل جوعان يتحسر :D


اما الفلبيني حمستوووني اروح اشووفه بجد والله :D


بالعافيه على قلبك ولا تحرمنا جديدك bp039

[*يكفيني انت*]

ياهووه اعترف السياره الحمراء لك..pb027

من وصفك عرفته وان شاء الله نروح له قرييبpb095

بس حلو كل هالطلباات بـ193pb034

لااازم اروح له:sm5:pb189

تسلم اخوي بالعافييييييه لكbp039 وللمعزبهbp039bp039

[F a t e n]

يعطيك العافية ع التقرير :)

[حنيني@بالكشنه]

ماشاءالله
مطرح مايسري يمري لاعاد تطلعون مكان وانتم مره جوعانين :p لووووووول
مدري هو انا اللي معدتي مشروع معده ولا ايش بالضبط خخخخخخ
بالعافيه عليكم يارب
مره الفاهيتا شكلها يشهي وبصراحه ماتكلفوا ابد بتزينهم مفروض يبذلون اكثر بالبوينت هذا لاني انسانه مااعرف اكل الا اذا كان الطبق شكلوه مرتب ومزين ==> دعله :d
يعطيك الف عافيه على الريبورت خيو :)