أبـو سـارة وكـتـاب " تـحـفـة الـعـروس " !! موضوع غير صالح لـلـنـشـر !

[الهلالي-ابوسارة]

مـــــدخـــل :-

في بلاد اليمن السعيد حيث الحلبة الجميلة والقات الرائع ,, في ديار العم علي عبدالله صالح ,, تهور الأخ علي صالح ورفع سعر البنزين ‍‍..

ما أمداه يعلن هالقرار إلا و 80 يمني مجتمعين عند قصره ، كل واحد معه عجراء أطول منه واللي جايب معه مشعاب واللي متفلت ومطلع الخنجر ناوي يقلبها خبيتي فوق راس عبدالله صالح ‍ وعياله .

داهمتهم قوات مكافحة الشغب والاستخبارات اليمنيه وتلاعنت هي وياهم ,, تلاقط الطرفين وتدابغوا وكل واحد لعن أم أم مرسول الثاني ,

انتهت المواجهة للأسف بوفاة ثلاثة من المتظاهرين وجرح 30 واحد ..

تدرون وش الطريف في الموضوع ؟ الطريف ان هالثمانين نفر اللي محتجين على رفع سعر البنزين ما فيهم الا خمسة أشخاص يملكون سيارات ‍‍..

سلموني عليهم يا شيخ شوفوا الناس اللي تعشق شيء اسمه حرش ومحارش , 75 واحد ما عنده سيارة ولا يهمه القرار ومع ذلك جاءوا يوقفون في وجه أطلق شنب في الدولة وتلاعنوا هم وياها ..

يمكن ينط لي واحد منكم ويسأل سائل ويقول وش دخل موضوعك يابوسارة الأطخم في هالسالفة .؟ اوكي راح أقوله :

انت ملقوف أولاَ ,, وحشري ودمك ثقيل على هالسؤال قسم بالله ,, وثانياَ : راح أبين لكم في نهاية الموضوع وش الرابط بين هالمدخل وبين موضوعي ,,

والآن ندرعم على الموضوع طواالي ثاني لفة يمين قبل تقاطع شارع الدوحه مع صيدلية السقاف ,

--------------------

الفصل الأول :-

شوفوا ما راح أهذر عليكم خذوا الموضوع من نسخته الأولى دون أي تعديل أكتبه لكم وانا مستعجل ,, لأن المثل يقول :

لا تكثر بربرة ترى يمّلونك , قلت وان ملوا مني ؟ قال: يحوسونك ., قلت وإذا حاسوني؟ قال أقول كمل موضوعك لألعن جدك والله انك ماتنعطى وجه !!

ذاك الأربعاء كنت طفشااان ,, من جد من جد طفشاااان ,, طفشاان وبقوة أقسم بالله يا عرب كنت طفشان (( يا شين كل تراب درينا ))

يمكن يرجع الملقوف اللي فوق ويسألني ليه كنت طفشان . أوكي راح اقول لكم :

خويي الروح بالروح "أ بو فهيد " رايح مكة عشان ياخذ عمرة الله يجزاه خير ,, مع العلم أنه كان في الاربعاء اللي قبله متكي في البحرين ,,

وخويي الثاني أبو " خدرة " محتاس هو ويا اهله وبالمستشفى عند أمهم ,, الله لا يهينها أمهم شافت ماحولها أحد وهي اللي تدق في تمر السكري لين صفق السكر عندها 500 درجة فهرنهايت وطاحت عليهم ,,

إربعاء وإجازة واخوياك واحد في مكة والثاني مع أمه وش هالحظ المقرود وش السواة يا بوسارة يالأطخم يازينة الشباب ؟

جلست في البيت معصب ونفسيتي قالبة وطالع وجهي كأنه وجه تيس شاف فاتورة جواله خمسة آلاف, أبد ماغير أنزل وأرقى ومن غرفة لغرفة وطفشان وكل شوي أجلد لي بزر من بزارين أخواني وأنواع الملل ,,

دخلت غرفة أبوي قعدت أبترم وأتفرج أدور شيء أكسره أو بزر أقوله وش مدخلك غرفة جدك ثم ألعن أصل أصله بس خسارة مالقيت أحد , وقفت عند مكتبة الوالد وهي عبارة عن مكتبة كبيره مليئة بالكتب (( أكيد مليئة كتب أجل مليئة عسكريم ! )) , لقيت كتاب مدحدح دبدوب على الرف باين أن ابوي قاعد يقرأ فيه لأنه مو مصفوف مع الكتب ,,

قلت يا بوسارة يا وجه العنز ما عمرك قريت في حياتك الا جريدة الجزيرة تدخل على الصفحات الرياضيه ثم كاركتير الهليل وبس ,, جرب اقر واحد من هالكتب تقرقرت مصرانك ,, وانا اللي آخذ هالكتاب الدبدوب وااناظر وش اسمه واتفاجاأ ان اسمه /

pb034 pb034 تحفة العروس pb034 pb034

عرس , عروس , معرسة , أي وحده من هالمصطلحات دورني عندها تلقاني ,, قلت هلا والله واطمر لغرفتي ومعي الكتاب ,,


-----------------


الفصل الثاني :-


فتحت الكتاب وقعدت أقرأ ,, أم الكتاب الخاثر يا شيخ ,, يا إني رحت غلطة يوم قريت هالكتاب ,, نصفه عن آداب الزواج والنصف الثاني عن ليلة الدخلة ونصايح وبلاوي تخلي الراس يشيب ,,

أخبر أني كنت أقرأ المقدمة حقت الكتاب وشوي الا وانا واصل الفهرس وخاتم الكتاب ,, يا إني والله مسكت خط معه وخشيت جو ,,

خذوا مثال :

في الصفحة السابعة والسبعين بعد الألف يقول المؤلف الله يجزاه خير : " ... على الرجل أن يكون رقيقاً في تعامله مع زوجته فلا يندفع نحوها بقوة وقسوة ,, بل يبادرها بلطف ويقبلها بكل حنان ومودة و (( ... طوط طوط كلام مشفر pb034 ... )) ثم إذا أحس أن زوجته بدأت تتقبل عواطفه ومالت إليه وقتها يجب عليه أن ((... كلام مشفر ألعن من اللي قبل pb034 .... )) ... "

في الصفحة الثمانون بعد المئة قرأت من زود قرادتي : " .. تفاعل المرأة مع زوجها في ( ....pb034 ... ) يجعله يحبها أكثر وأكثر , فعليها أن تبادله الـ ( ... مقطع داشر pb034 ... ) و أن ( ... طوط طوط استغفر الله بس !! ) وتبادله الآهات و( ___ ) ثم إذا وصلوا إلى(( ذاك وذاك pb034 )) فعليه أن لايقوم من عندها إلا وهي ( .... من جد كلام واطي!! .. )) .. "!!

كله كوم والصفحات الأخيرة كوم ثاني , يقول المؤلف حسبي الله عليه ياهو أجرم فيني pb030 :

"... عليه احتضان زوجته والرفق بها والهمس في أذنها برفق ولا مانع من ( ......:eek: .... ) وعليها ان تتدلل له وتتغنج أمامه وتلبس له ما يجعله ( ........ آلله ابوك كتاب:( ... ) ثم قام المؤلف يشرح الغسل وكيفيته عقب ما خلص شارح الأشياء اللي قبل الغسل (( والله يا هو غسل مخي بعد pb027 ))


طبعاَ فيه فصل كامل في الكتاب خاص بطريقة ( الـ :rolleyes: ... ) ودي أحدثكم عنه بس اخاف يطير يوزري .,


وفيه خمس صفحات في الكتاب لو قلتها لكم يمكن بعدها ماتدخلون موضوعي هذا الا ببروكسي لأنه بيصير محجوب ولايمكن الوصول له !


صكيت الكتاب ,, قعدت أدور في غرفتي وانا مندهش منلحس منفرش منبرش وأقول : يا حظ اللي عنده حرمه أخ بس يا حظ اللي عنده حرمه والله لو عندي حرمه الحين إن كان , إن كان .. إن كان لعبنا أونو !! ,, تصدقون حسيت بأشياء غريبه وانا أقرأ الكتاب :-

أحسست وانا قاعد اقرأ بمغص في بطني ,, قلت الله يستر يابو ساره لايكون هذا اللي يسمونه الطلق اللي يجي قبل الولاده , , والله اللي نكبت عفش اهلي لو صرت أم وأنا مابعد أعرست (( قام يهلوس !! ))

أحسست برغبة جامحه في الزواج خلاص أبي أعرس يعني أبي أعرس وأطبق الكتاب حرفياَ ,, انهبلت قعدت أناظر الدولاب حق غرفتي نظرات غير بريئة pb034 ,, الله ياخذك يا ابو فهيد ليتك ما رحت مكة كان الحين جالسين في الشوارع ندور ولا قريت هالكتاب البثر pb093 .


والله يا إخواتي الجميلات ويااخواني الملاعين أدري أنه كتاب ديني وأدري أنه مفيد للي مقلبين على زواج , لكن أنا عمري 23 سنة ولاعندي ولا فلس ولا حولي عرس وش أسوي :( ؟ أشق هدومي أو أشق هدومي ولاّ أشق هدومي (( انثبر تراك جبت العيد :D ))

طق ,, طق ,, سمعت الباب يطق :eek: :

فتحت الباب ودخلت علي الغرفة شغالتنا العبدة الكويحة السرلانكية رااني ,, معها كاس شاهي لي ,, حطته جنبي وديورت تبي تطلع ,

مدري وش سويت وتهورت!! وصرخت راني علي وسطرتني كف :eek: ‍( العن بليس والله تهزأت يا قدعان ) قالت : واللهي ابوسارا إنتاا هوماار كبير وطلعت زعلانه ( الله يلعنتس يا باسكال اقلبي وجهتس بس ! )


على طول قمت ورجعت الكتاب لغرفة الوالد وقعدت أسبوع كامل أهوجس في العرس ونفسيتي صارت زفت ودمار صدقي !

-----------------------------

الفصل الثالث :-


بعد إسبوع من قرائتي للكتاب المطرطع,, دخلت غرفة ابوي عشان أسرق الكتاب واقراه ثانيه ( اعنبوا بليسك لوه قرآن ما حرصت عليه هالحرص ! ) , لقيت أبوي منسدح الله لايهينه وماسك له كتاب ويقرأ بتركيز شديد وماهوب يمي ,,

قعدت ادور كتاب تحفة العروس مالقيته في المكتبه ,, قمت بإلتفاته سريعه نحو أبي وإذا بي أتفاجأ أن الكتاب الزاحف مع ابوي ,,

ناظرت أبوي بنظرات مثل هذا الوجه الخاالع >> ( pb034 ) !!

قال خير يا الهيس الأربد وش تبي .؟ قلت وانا ابتسم بخبث : أبي الكتاب اللي معك pb034 ,,

قال: وش كتابه وانا ابوك هذا علاج لو تشربه نعلم عليك الدكتور ثم يدقك ابرة (( والله يا هالأبو عليه تصريفات ! )) ,, قلت وانا ابتسم بخبث ماكر :

دكتور مين وعلاج مين pb034 ,, هذا كتاب يا حلو مو علاج وش شايفني بزر قدامك تصرفني !

تلخبط الوالد وحس أنه جاب العيد قال وهو يزين طاقيته : ههه ايييه الله يقطع سوالفك ياولدي هذا كتاب فتح القدير لتفسير القرآن العظيم ما يصلح لك قم وانا ابوك خلني أقرأ واغنم الأجر .

فقعت امها ضحك وقلت بكل ميانة : فتح القدير أجل هههه ترى بأفتح جبهتك هاته بس وخل عنك الخرطpb034 ( ذب الميانه الثور ! )

ما أمداني أخلص جملتي الا والكتاب جايني يمشي مليون ويخبطني مع خشتي وانا اللي أطيح فاقد الوعيpb030

قمت وصوبت نظراتي نحو والدي ! أخذ يناظر فيني مستغرب وامتدت النظرات لدقيقة كامله ,,

فجأة :-

اغرورقت عيني بالدمع :( ,, براطمي أخذت تتعرفط ,, وقمت أهز برأسي يمينا ويسارا pb093 وتدحرجت دمعتي على خدي وانا أنظر لأبي ,, أحسست أن والدي بدأ يرحمني فـ همست قائلا له :

أبتاه لا تحاول خداعي لقد قرأت الكتاب يا أبي وانا الآن أعيش قمة العذاب .. وبكيت بحرقة ،، تأثر أبوي واقترب مني وقال :

قريته يا ولدي ؟ رميت نفسي على كتفه في مشهد مصري وحظنته وأخذت أمسح خشمي ودموعي بشماغه وأخذت أشاهق وأبكي بصوت عالي وأردد :

يبه ايه قريته وانا مامعي ولا قرش والى الان وانا طالب وأبي اعرس تكفى دبرني . وقعدت أنحط وأصيح .

قال: يا ولدي من اللي يبيك وانت الله يصلحك سمعتك في الحضيض وطفران ولا عندك بيت وانا يابوك متعلق في سوق الاسهم ,

قلت: تكفى ترى بأموت ان ما أعرست ، كله من كتابك وذمتي في رقبتك انت والمؤلف ,,

وطلعت من عنده ورحت غرفتي وقعدت أصيح لحالي ( بذمتكم مارحمتوني pb093 )

-----------------

الفصل الأخير:-


من بكرة اجتمع أبوي مع أخواني الكبار وقاموا يدرسون مشكلتي ويدورون لها حلول وأخيراَ لقوا لي حل ,,

قرروا أنهم يزوجوني راني السرلانكيه ,, منها أعرس وأفكهم من صجتي ومنها أصلح غلطتي معها يوم أخطيت عليهاpb034 ,,

قالوا لي هاه موافق ؟ راني السرنلاكيه تبيها ؟ قلت : الله يبارك فيكم وعقبالكم ايه موافق وين كروكي الاستراحة حقت العرس؟ قالوا يا الثور ماهنا استراحة. العرس سكاتي الله يفضحك .. موافق على الشغاله؟ قلت : تم , تم . تم . دم دم الساعه كم ؟ (( من زود الوناسه قام ينكت pb027 ))


عاد حددنا العرس الاسبوع الجاي والعرس ( سكاتي ) مافيه طقطقه ولا معازيم كثار ,, ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب ,, ماغير أخو راني اللي يشتغل سباك في المربع وخالها راعي الدشوش اللي في سلطانه (( حمولتن طيبة ))

الله يحييكم والغايب يعلم الحاضر !

---------------


ما يستفاد من موضوعي الفاشل :-

1- إذا كنت عزوبي فـ انحش عن هالكتاب , وإذا كنت متزوج فداوم عليه وطبق كلامه حرفياَ صدقني راح تدعي لي انت والمدام .

2- إذا كنت عزوبي وقرأت هالكتاب فـ من حقك أن ترفع قضيه على المؤلف الله يرحمه وإن شاء الله راح تكسبها خابرن لك محامي مصري صلعته أكبر من راسه فتيت قضايا !

3- إذا رأيت نيوب الليث باسمة ,, فلا تحسبن الليث يبتسمُ ! :) -----> ممكن تنقطنا بسكاتك :rolleyes: ؟ !

4- رجاءا لا أحد يغلط على السرلانكيين تراهم منا وفينا pb189

5- قسم بالله إني مستعجل وآسف إن كان خنبقت عليكم ,

6- قال وش حدك على المر يا شريم قال ما من برطم والقناعة كنز لا يفنى .!


------------

نقطة استدراك :-

ارجعوا للمدخل اللي فوق حق أبو يمن , فيه واحد سألني قال وش علاقته بالموضوع وقلت له في نهاية الموضوع راح أعلمك ,.

تبون الصدق؟ قسم بالله عجزت ألقى رابط يجمعهم حاولت أنصب عليكم وأجيب رابط من راسي بس ماااش من جد ما له سنع :D :D


---------------

قفلة :-

راني , حبيبتي ,, إني قادمُ ُ إليكِ يا فتاتي لنرقص على سطح القمر ونغني ونقول :

بالروح بالدم نفديكي ياسرلانكا pb189






آسف للإطاله والسلام عليكم ورحمة الله وبركاته وسرلانكا في قلوبنا وأبوسارة بمن حضر pb034 :D

[الهلالي-ابوسارة]

على فكرة أعتذر للإخوان والأخوات اللي جحدتهم ولا رديت عليهم في موضوعي السابق: انا ونوف والعار !

والله مو من عادتي أسحب على المواطنين لكن جاك شيراك الله يرجه ما حبكت معه الطلعه للصمان إلا يوم نزلت موضوعي ذاك!

الصمان يابو ساغه الصمان يابو ساغه قلت قدام الله يلعن جبهتك ,

جيت بعد اسبوع ولقيت موضوعي نازل الصفحة الثانيه وماشاء الله علي ساحبن على سبعين واحد :d


سوري كلاكيت مرة أخرى

[المسورب]

لا فيها كتاب تحفة العروس فالليله مباركه
لي رجعه
محجوووووووز
---------
عدنا
تدرون وش الطريف في الموضوع ؟ الطريف ان هالثمانين نفر اللي محتجين على رفع سعر البنزين ما فيهم الا خمسة أشخاص يملكون سيارات ‍‍..

سلموني عليهم يا شيخ شوفوا الناس اللي تعشق شيء اسمه حرش ومحارش , 75 واحد ما عنده سيارة ولا يهمه القرار ومع ذلك جاءوا يوقفون في وجه أطلق شنب في الدولة وتلاعنوا هم وياها
تراك ان رحت هناك مانت لاقي انتر واقلاع بتلقى تكسير ضلوعpb027

وجهي كأنه وجه تيس
كم سعر المواشي<<مساهم كخخخخخخخخخ

جريدة الجزيرة تدخل على الصفحات الرياضيه ثم كاركتير الهليل
الا يالتسذوب الجزيره والهليل بس بمشيه لك وكانك كاتبه استهبالpb095

فعليه أن لايقوم من عندها إلا وهي ( .... من جد كلام واطي!! .. )) .. "!!

كخخخخخخخخخخ صراحه قريته قبل ثمان سنين بس اللي بيتزوج المفروض يفصفصه فصفصه مملهpb192

وفيه خمس صفحات في الكتاب لو قلتها لكم يمكن بعدها ماتدخلون موضوعي هذا الا ببروكسي لأنه بيصير محجوب ولايمكن الوصول له !
اتق الله في ذا العزاب انت ما قريت موضوع خوينا اللي يبي يخطب بالقهوهpb027

برغبة جامحه في الزواج خلاص أبي أعرس يعني أبي أعرس وأطبق الكتاب حرفياَ
اقول اعترف وين رحت بعد ما صكيت الكتابpb034 تفكير عزوبي كخخخخخخخخخ

حطته جنبي وديورت تبي تطلع ,

مدري وش سويت وتهورت!! وصرخت راني علي وسطرتني كف
كخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخ الله يرجك بغيت اموت من الضحك والله تخيلت ايام العزوبيه مسكين ابو سارهpb027

تلخبط الوالد وحس أنه جاب العيد قال وهو يزين طاقيته

الرجال مستعجل مالحق يفصخ الطاقيه وانت استقعدت لهpb027


وتدحرجت دمعتي على خدي
قصدك كوره


آسف للإطاله والسلام عليكم ورحمة الله وبركاته وسرلانكا في قلوبنا وأبوسارة بمن حضر
لا ابد ماطولت بس لاعاد تعود لهpb192
عوافي عليك يالاطخمpb034

[طر وطير]

مافسدكم الا هالكتب و pb024 ... مدري ليه احسكم مثلي منول صناديق مصككه بس القدر مدري وراه قلبها :d
(( مدري وش اقتبس ووش اخلي الصراحه :d ))
بس اللي خلاني انطط من الفرحه ذا الجمله pb189
ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب
الله يعز مقدارك ياشيخ .. كنك دراي توي شاريتن فستان(( ماهنا احدن مادرى :( ))
وبحلله مالبسته لا في عرس ولا زواره :d
واحتري احدن يعزمني واشوى جت جاهزه مجهزه .. كدا من ربنا .. بس عاد تكفى الله الله بالبوفيه pb189
عسىى بس موب اخو راني مطوع اذا ايه نبي نبحل بالتستر :d
واذا العكس فاا الحمدلله d
راني , حبيبتي ,, إني قادمُ ُ إليكِ يا فتاتي لنرقص على سطح القمر
حظها ذا السرلنكيه مالقاها الا هي :d
خاتماً وانا اختك اذا بتحط انت وراني زواره علمنا ان شاء الله قبل بكم يوم يمدينا نظبط امورنا <-- هذي حياتنا اليوميه :(

طر و طير ..،

bp039

[يازينكم زيناه]

هههههههههههههههههههههههههههه
زوازات زوازات زوازات <<بيخوف عيالك :d
عقبال ما جيبهم على كفالتي خياطين :d

[الهلالي-ابوسارة]

8

8

8

قذر :d

[waal]

اييه اجل تقولي كتاب جيد

طيب وين نلقاه<<<<< ترا بس حب الفضول والا مو عن شي :p

[شوهق]

في البدايه سلملي على خويك الي ناشبلك في الصغيره والكبيره
وبعدين في سالفه ابو يمن ناشبلك اسأله
ويوم جا الصدق والسواليف الخاثره فهى معك
وما سمعنا له حس
موب منطق
الكلام الي بين الأقواس نبي نعرفه عشان نعرف على اي اساس حنا بنكمل نص دينا

[بياع شراي]

لأن المثل يقول :

لا تكثر بربرة ترى يمّلونك , قلت وان ملوا مني ؟ قال: يحوسونك ., قلت وإذا حاسوني؟ قال أقول كمل موضوعك لألعن جدك والله انك ماتنعطى وجه !!


جلست في البيت معصب ونفسيتي قالبة وطالع وجهي كأنه وجه تيس شاف فاتورة جواله خمسة آلاف



وفيه خمس صفحات في الكتاب لو قلتها لكم يمكن بعدها ماتدخلون موضوعي هذا الا ببروكسي لأنه بيصير محجوب ولايمكن الوصول له


ههههههههههههههههههههههه هههههههههههههههههههههه هههههههههههههههههههههههههههههههه
ههههههههههههههههههههههه ههههههههههههههههههههههه هههههههههههههههههههههههههههههههه
ابو سويرة وش جوك أنت بالظبط ؟ ياخي لك في العلاق والدف وهالأمور ؟ هههههههههههههههههههههههه

والله اني اشك انك تدخل الاقلاع وانت مرتفع خخخخخخخخخخخ :D :D :D


فقط تسجيل حضور في الصفحة الاولى ولي عودة شاملة للموضوع كاملا بس مهوب الحين

ابوسارة واصل ياغالي والله ان اسلوبك مقلع مقلع مقلع :d

[الهلالي-ابوسارة]

عدد المتواجدون في هذا الموضوع » 8 , عدد الأعضاء » 4 , عدد الزوار » 4
‏الهلالي-ابوسارة*, ‏emily, ‏عبق, ‏نـ دمعةـاقه


أوووه طبت الحكومه pb034 ! يالله سترك pb036

دمعة صديقتي ولكمو pb027 pb027

[بـيـالـة شـاهـي]

يوم قريت عنوان موضوعك جتني تكة في صدري !! :)
لأني الحين اعكف على قراءة الكتاب من الجلدة للجلدة pb027
قررت قبل ما أقراه إني اخطط على الأشياء المهمة واللي يمكن تنفعني بعدين
اخذت قلم تخطيط وما دريت الا وانا جالس الون الكتاب كامل ;)
على فكرة
ترا عندي الكتاب كامل بدون تقطيع [ متأثر من رقابة الأفلام :( ]

أبو سااارة خلاااص يا اخي عجزت عجزت من جد
أنت ثورة رقمية في الإقلاع
وتراني من ضحايا جاك شيراك
عاد هالمره جاك والا ما جاك قسم بالله لو ما ترد ان ألزخك
بكتاب نزهة الأحرار في بلاد ما ورا الانهار ;)
هذا طال عمرك قمت وشقيت غلاف تحفة العروس وكتبت عليه نزهة الاحرار pb027
وخايف للحين ابوي تجوز له عباراة نزهة الأحرار ويقرأ الكتاب :rolleyes:

ابو سوير دمت بخير أيها الإعلامي الكبير [ وصلنا طرف علم pb027 ]

[عبق]

أوووه طبت الحكومه ! يالله سترك


ايه قاعدة أعدل العنوانpb095


بلاد اليمن السعيد حيث الحلبة الجميلة والقات الرائع


ما أمداني أخلص جملتي الا والكتاب جايني يمشي مليون ويخبطني مع خشتي وانا اللي أطيح فاقد الوعي



تبون الصدق؟ قسم بالله عجزت ألقى رابط يجمعهم حاولت أنصب عليكم وأجيب رابط من راسي بس ماااش من جد ما له سنع


أنا أعلمك الرابط أكيدالمؤلف ذاكر فؤاد الحلبة والقات كعلاج وما قدرت تذكر الرابط من جراء الخبطة :D


موضوع دمار صعب التعليق عليه لأن عندي حساسية من السيلانياتpb036


شف تدري وين المشكلة ؟ إني ما عندي يوزر ثاني أرد فيهpb034

عشان كذا مضطره أصدق كلام أبوك يوم انه كله يقول :

قال: وش كتابه وانا ابوك هذا علاج لو تشربه نعلم عليك الدكتور ثم يدقك ابرة

pb034





يعطيك العافيةbp039



مثبت

[الهلالي-ابوسارة]

8

8

8

عنصريه pb034 pb034 , لو كنت - أنثى - لا قدر الله إن كان دحدرت بي للميزة :D :D

عـبـق ثانكس لمرورك والله اني أناظر عنوان موضوعي أول ما طلعتي أخاف يكون تغير :D

[ابووفىماعنه خفى]

في بلاد اليمن السعيد حيث الحلبة
هههههههههههههههههههههه

عسى ماهيب حلبة مباراة قلهم تراها محسومه من قبل pb151


فاتورة جواله خمسة آلاف,
ايه خلهم ينفعونك اللي يدقون ويسكرون >> ابد مهوب يقصد شي


أجلد لي بزر من بزارين أخواني
اقول ابو سوير ترى هالبزارين لهم اهل مار انتبه لنفسك pb151

وقفت عند مكتبة الوالد وهي عبارة عن مكتبة كبيره مليئة بالكتب
اسلم يا ابن جاسر بس انت داخل مكتبة ابوز ولا غرفة نومه؟

أكيد مليئة كتب أجل مليئة عسكريم ! ))
تأكد اخاف انك فاتحن الثلاجة بس

عمرك قريت في حياتك الا جريدة الجزيرة تدخل على الصفحات الرياضيه ثم كاركتير الهليل
دام الهليل في الجزير فأكيد انك فاتحن الثلاجة


وأقول : يا حظ اللي عنده حرمه أخ بس يا حظ اللي عنده حرمه
وباتسر اذا صار عندك حرمه اقصد الحرمه اذا صرت انت عندها مهيب هي اللي عندك قلت ياحظ اللي ماعنده حرمهpb095

قالت : واللهي ابوسارا إنتاا هوماار كبير وطلعت زعلانه
يا رجال يتمنعن وهن راغبات تلقاها قاعده عند الباب

وإذا بي أتفاجأ أن الكتاب الزاحف مع ابوي
الظاهر انه هابط مستواه وعند مباراة مهمة ولازم يفوز فيها حتى يبتعد من شبح الهبوط

قال: يا ولدي من اللي يبيك وانت الله يصلحك سمعتك في الحضيض وطفران ولا عندك بيت وانا يابوك متعلق في سوق الاسهم ,
ابو سوير قل له قل له قل له ( كل ساقط وله لاقط )

وقل له هذا انت ماضرك اعرست >> الى متى وحنا نعلمكم ايه وانا اخوك لاتسكت لحد

.. موافق على الشغاله؟ قلت : تم , تم . تم . دم دم الساعه كم ؟ (( من زود الوناسه قام ينكت ))
عاد وانا اخوك ترى فيه شي اهم من اللي يدغدغك انتبه من راني تقلب راسك وثم تسحب على اميمك

لأني اخبر بعض الشباب ولاهوب كلهم تلقاه اذا اعرس سحب على اهله مار انتبه ومار انتبه ومار انتبه ( وجه عم عياله ابو عبدالله وهوه يقول اممم ) لا خلا ولا عدم

اما الرابط فهو رابط قوي فا الحلبه والقات تعمل ماتعمله السنافي
ابو ساره انت قريت ذا الكتاب وتراه مصرح له و يباع في الأسواق وهو كتاب جيد للي يبي يعرس

لكن لو قريت الكتب التعبانه مثل نهاية الأرب في صبا الشيخ ( ملخبطه اخاف تدوره)

وش تسان تسوي

[الحويشي]

http://www.mydocsonline.com/pub/7ashi/houshisays.gif


أبو سوير

متى آخر مره قلت لك
.
.
.
.
.
.
أني أحبك

pb189 pb189 bp039 pb189 pb189

.

[إحساس مجنون]

أبو سارة قسم(ن) بالله أنك بطل بطل pb189

أقراء شوي وأضحك ... ( اللي جنبي خافوا ويش ذا اللي يضحك لحالة :D )


ناوي يقلبها خبيتي فوق راس عبدالله صالح ‍ وعياله

هههههههههههههههههآآي اما خبيتي ... مع هالخنجر :D

هالثمانين نفر اللي محتجين على رفع سعر البنزين ما فيهم الا خمسة أشخاص يملكون سيارات ‍‍..ههههههههههه من زود النشاط .. يبون أي حرش :D


انت ملقوف أولاَ ,, وحشري ودمك ثقيل على هالسؤال قسم بالله
هههههههههههههههههههههآآي أية صادق ;)

يمكن يرجع الملقوف اللي فوق ويسألني ليه كنت طفشان

هههههههههههههههههههههههههه pb027

(( أكيد مليئة كتب أجل مليئة عسكريم ! ))

هههههههههههههههههههههههآآي أما عسكريم :D :D

وفيه خمس صفحات في الكتاب لو قلتها لكم يمكن بعدها ماتدخلون موضوعي هذا الا ببروكسي لأنه بيصير محجوب ولايمكن الوصول له !
دام ان الموضوع تسذا نبطي نحصل الكتاب pb093

وأقول : يا حظ اللي عنده حرمه أخ بس يا حظ اللي عنده حرمه والله لو عندي حرمه الحين إن كان , إن كان .. إن كان لعبنا أونو !!

ههههههههههآآي تجبيها على الجرح أنت :( < يعني مبطين عن الاونو ( على نياتة :D )


فتحت الباب ودخلت علي الغرفة شغالتنا العبدة الكويحة السرلانكية رااني ,, معها كاس شاهي لي ,, حطته جنبي وديورت تبي تطلع ,
لا لا مهوب وقتة يا بو سارة أرجوك pb093

مدري وش سويت وتهورت!! وصرخت راني علي وسطرتني كف ‍( العن بليس والله تهزأت يا قدعان ) قالت : واللهي ابوسارا إنتاا هوماار كبير وطلعت زعلانه ( الله يلعنتس يا باسكال اقلبي وجهتس بس ! )
قايل لك مهوب وقتة مو كذا خخخخ :D

فقعت امها ضحك وقلت بكل ميانة : فتح القدير أجل هههه ترى بأفتح جبهتك هاته بس وخل عنك الخرط
هههههههههههههههههههآآي مسوي أنك ماسك علية شي pb027


اغرورقت عيني بالدمع ,, براطمي أخذت تتعرفط ,, وقمت أهز برأسي يمينا ويسارا وتدحرجت دمعتي على خدي وانا أنظر لأبي ,, أحسست أن والدي بدأ يرحمني فـ همست قائلا له :

أبتاه لا تحاول خداعي لقد قرأت الكتاب يا أبي وانا الآن أعيش قمة العذاب .. وبكيت بحرقة ،، تأثر أبوي واقترب مني وقال :

قريته يا ولدي ؟ رميت نفسي على كتفه في مشهد مصري وحظنته وأخذت أمسح خشمي ودموعي بشماغه وأخذت أشاهق وأبكي بصوت عالي وأردد :

يبه ايه قريته وانا مامعي ولا قرش والى الان وانا طالب وأبي اعرس تكفى دبرني . وقعدت أنحط وأصيح .

قال: يا ولدي من اللي يبيك وانت الله يصلحك سمعتك في الحضيض وطفران ولا عندك بيت وانا يابوك متعلق في سوق الاسهم ,

قلت: تكفى ترى بأموت ان ما أعرست ، كله من كتابك وذمتي في رقبتك انت والمؤلف ,,

وطلعت من عنده ورحت غرفتي وقعدت أصيح لحالي ( بذمتكم مارحمتوني )

كح ... أعطيك صفقة على هالمقطع : ) bp039




من بكرة اجتمع أبوي مع أخواني الكبار وقاموا يدرسون مشكلتي ويدورون لها حلول وأخيراَ لقوا لي حل ,,

قرروا أنهم يزوجوني راني السرلانكيه ,, منها أعرس وأفكهم من صجتي ومنها أصلح غلطتي معها يوم أخطيت عليها ,,

قالوا لي هاه موافق ؟ راني السرنلاكيه تبيها ؟ قلت : الله يبارك فيكم وعقبالكم ايه موافق وين كروكي الاستراحة حقت العرس؟ قالوا يا الثور ماهنا استراحة. العرس سكاتي الله يفضحك .. موافق على الشغاله؟ قلت : تم , تم . تم . دم دم الساعه كم ؟ (( من زود الوناسه قام ينكت ))


عاد حددنا العرس الاسبوع الجاي والعرس ( سكاتي ) مافيه طقطقه ولا معازيم كثار ,, ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب ,, ماغير أخو راني اللي يشتغل سباك في المربع وخالها راعي الدشوش اللي في سلطانه (( حمولتن طيبة ))

الله يحييكم والغايب يعلم الحاضر !

أفهم أن الشغالة علمت خخخخخخخخخخ .... قسم بالله قهر ! لو أنا منك أخذ لي سورية < مارج :D


1- إذا كنت عزوبي فـ انحش عن هالكتاب , وإذا كنت متزوج فداوم عليه وطبق كلامه حرفياَ صدقني راح تدعي لي انت والمدام .
أكثر الدعاء بيجي من المدام خخخخخخخخخخخ pb034

4- رجاءا لا أحد يغلط على السرلانكيين تراهم منا وفينا
عقب ما خذتها .. مافكرة تقراء الكتاب مرة ثانية خخخ ؟ :D



على فكرة أعتذر للإخوان والأخوات اللي جحدتهم ولا رديت عليهم في موضوعي السابق: انا ونوف والعار !

صدقني يا بو سارة .. أنت من أفضل الاعضاء طرح .. وأسلوب .. وتتمتع بخيآل واسع وروح الدعابة bp039
ومن تألق لآبداع .. وسجلني من متآبعينك pb189

يسلم قلبك .. ومتلهف لجديدك bp039

.
.
.


أورفوار

[الهواوي]

س سؤال / وين نلقاه الكتاب ؟
في اليمن ؟

[هاه وش فيه]

ما عمرك قريت في حياتك الا جريدة الجزيرة تدخل على الصفحات الرياضيه ثم كاركتير الهليل وبس

تــرا الـبــقــالــه الــلــي تــشــتــرون مـنـهـا جــريــدة الــجــزيــره يــلــعــبــون عليكـم و يــبـعــونــكــم جــريــدة الريــاض

[Najed]

brb
ــــــــــــــــــــــ
بااااااك

تدرون وش الطريف في الموضوع ؟ الطريف ان هالثمانين نفر اللي محتجين على رفع سعر البنزين ما فيهم الا خمسة أشخاص يملكون سيارات
ههههههههههههههههههههههههههههه بلاه والله من تأثير القات :D

لأن المثل يقول :

لا تكثر بربرة ترى يمّلونك , قلت وان ملوا مني ؟ قال: يحوسونك ., قلت وإذا حاسوني؟ قال أقول كمل موضوعك لألعن جدك والله انك ماتنعطى وجه !!
ههههههههههههههههههههههههههههه

, الله لا يهينها أمهم شافت ماحولها أحد وهي اللي تدق في تمر السكري لين صفق السكر عندها 500 درجة فهرنهايت وطاحت عليهم ,,
ههههههههههههههههههههههههههه امهم ذي كنها جدي ولاا بعد كل ذا مافيني الا العافيه اصح منكم :D


في الصفحة السابعة والسبعين بعد الألف يقول المؤلف الله يجزاه خير : " ... على الرجل أن يكون رقيقاً في تعامله مع زوجته فلا يندفع نحوها بقوة وقسوة ,, بل يبادرها بلطف ويقبلها بكل حنان ومودة و (( ... طوط طوط كلام مشفر ... )) ثم إذا أحس أن زوجته بدأت تتقبل عواطفه ومالت إليه وقتها يجب عليه أن ((... كلام مشفر ألعن من اللي قبل .... )) ... "
^%&$^%&#%^#%&#@$@%$%^&*^* <<<< طوط طوط رد مشفر خخخخخخخخ :D

أحسست وانا قاعد اقرأ بمغص في بطني ,, قلت الله يستر يابو ساره لايكون هذا اللي يسمونه الطلق اللي يجي قبل الولاده , , والله اللي نكبت عفش اهلي لو صرت أم وأنا مابعد أعرست (( قام يهلوس !! ))
هههههههههههههههههههههههههههههههههههه الله ياخذ ولد دبدوب يوم هبل بك :D


فجأة :-

اغرورقت عيني بالدمع ,, براطمي أخذت تتعرفط ,, وقمت أهز برأسي يمينا ويسارا وتدحرجت دمعتي على خدي وانا أنظر لأبي ,, أحسست أن والدي بدأ يرحمني فـ همست قائلا له :

أبتاه لا تحاول خداعي لقد قرأت الكتاب يا أبي وانا الآن أعيش قمة العذاب .. وبكيت بحرقة ،، تأثر أبوي واقترب مني وقال :

قريته يا ولدي ؟ رميت نفسي على كتفه في مشهد مصري وحظنته وأخذت أمسح خشمي ودموعي بشماغه وأخذت أشاهق وأبكي بصوت عالي وأردد :

يبه ايه قريته وانا مامعي ولا قرش والى الان وانا طالب وأبي اعرس تكفى دبرني . وقعدت أنحط وأصيح .
خلاااااص بئاا قضى كرتون المناديل :( <<< خشت جو بقوه :D


3- إذا رأيت نيوب الليث باسمة ,, فلا تحسبن الليث يبتسمُ !

حكيييييم حكيييييييم ياابو ساره طول عمرك حكيم :D

قفلة :-

راني , حبيبتي ,, إني قادمُ ُ إليكِ يا فتاتي لنرقص على سطح القمر ونغني ونقول :

بالروح بالدم نفديكي ياسرلانكا
خخخخخخخخخخخخخخخخخخخ :D

:
الله يوسع صدرك بالعافيه ( ورداات )
وارسل لي بطاقه لعرسك تراني جااهزه << شمت ريحة عرس وعندها اختبار وش بتسوي :D
:

[RO7 6FLAH]

ابقراوه ولي باك اذا الله راد

[سيبوني أعيط]

قرروا أنهم يزوجوني راني السرلانكيه ,, منها أعرس وأفكهم من صجتي ومنها أصلح غلطتي معها يوم أخطيت عليهاpb034 ,,


أقول يا ابو سارة ...
عسى الوالد زوجك عرفي ... pb034 مؤقت .
وبيني بينك ولله انك ملقوف يوم تقرا ها الكتاب آجعل اللقافة على قرش .pb192

[عــبــيّــد]

هلا والله ابو سوير pb189
مبطين عنك ياخي .. لدرجة اني احسبك في العنبر مع الملقم ..

تدرون وش الطريف في الموضوع ؟ الطريف ان هالثمانين نفر اللي محتجين على رفع سعر البنزين ما فيهم الا خمسة أشخاص يملكون سيارات ‍‍..

ههههههههههههههههههههههه صدقني يابو سارة هذا على البنزين فقط .. لكن لو يصير ارتفاع بسعر القات مثلا راح تجد الشعب اليمني كله عند بيت الرئيس .. بما فيهم الحرس الجمهوري ومكافحة الشغب وكل شي .. علما انهم يزروعونه والمقصود بالارتفاع هنا يعني بالاسمدة او بالماء او باي شي يعطل انتاجية هذا المنتوج الخطير .. ممكن انه يروح علي عبدالله صالح من الحكم ..

المهم ياصديقي ان الرابط بين الموضوع وبدايتك الرائعة ان ردة الفعل نفس الشي ههههههههه يعني شف ردة فعل الشعب اليمني الشقيق يوم ارتفع البنزين .. وشف ردة فعلك انت يوم قريت الكتاب ..
لا عدمنا قلمك ياصديقي الخالدي pb189

[ملكة نفسي...]

هههههههههههههههههههه

هههههههههههههههههه

ههههههههههههههه


هذا الكتاب عندي له سنتين وحده كازتوه مع كومة روايات رومنسيه لوحدتن من خوياتي تبيه تعلم ..عشان رجله يستانس ..

والله ما عمري فتحتوه الا مره كنت اسوي ورد مجفف وحطيت الورده بوه وصكيته عشان تنرررعص ..pb036

أقوووول وراه انشفت بسرعه :rolleyes: .. اثروه دمه نشف من ذا الي بالكتاب ...:D


الله يقطع بليسك انا من قريت موضوعك رحت اناظر الكتاب نعنبو بليسه من كتبه الصراحه توحشت بوه اشياء ما كنت اعرفهن ...


بنات الي مقبله على عرس لا تقراه تراه بتوحش والي معنسه تقراه عشان تحوم تسبده وتقتنع بقسمة الله له :D


قسم بالله إني مستعجل وآسف إن كان خنبقت عليكم ,


ابو ساره اهم شي موضوع لكـ يامجنون يادايخ يابايخ ....bp039 bp039



وسلم لي على راني ...انشالله عيالك ياخذون الشيافه منه والدلاخه منكـ:D



أبو سوارتوهاbp039 <=-=محرف عقب السرلنكيه



برايفت لعشاق مواضيع ابو ساره .


تعلمو سيلاني واردو ....تراه أبو ساره بيبدا يكتب بالسيلاني حباً وولاأً لرانيpb189


.

.

[طخ طيخ]

قرروا أنهم يزوجوني راني السرلانكيه ,, منها أعرس وأفكهم من صجتي ومنها أصلح غلطتي معها يوم أخطيت عليها ,,

يعني الدعوه مهيب لمسه على الطاير pb034 pb026

او شكل ما عطيتوا الشغاله رواتب ومنها مهر وتحليل راتب pb034

ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب ,, ماغير أخو راني اللي يشتغل سباك في المربع وخالها راعي الدشوش اللي في سلطانه (( حمولتن طيبة ))

الله يحييكم والغايب يعلم الحاضر !

ههههههههههههههههه الف مبروك واعذرني والله مشغول ( فاضي لك انت وهالسيرلانكيينpb095 )
شكل العشاء شباتي بالفلفل :d

لا هنت ابو ساره على هالموضوع الله يوسع صدركpb189 وخلك تستاهل ولا المفروض تقنع اهلك من اساس يجيبون شغالات من المغرب :D

لك تحياتي

[أم عمر]

ههههههههههههههههههه

الله يرجك رجا مبرحا غير ضار

أجل مالقيت غير راني ؟

وألا علشان تحسن النسل فيها >>>>>>>>> ههههههههههههههه

ماغير أخو راني اللي يشتغل سباك في المربع


أقول أخوها متزوج ولا لا ؟

>>>>>>>>>>>>>>>>>> تبي تحجزه

4- رجاءا لا أحد يغلط على السرلانكيين تراهم منا وفينا

نعم .. نعم ...

لا أحد يغلط

>>>>>>>>>> تمصلح


عاد حددنا العرس الاسبوع الجاي والعرس ( سكاتي ) مافيه طقطقه ولا معازيم كثار ,, ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب ,, ماغير أخو راني اللي يشتغل سباك في المربع وخالها راعي الدشوش اللي في سلطانه (( حمولتن طيبة ))

الله يحييكم والغايب يعلم الحاضر !

أبد أبشر و لا يهمك

أول الحاضرات راح أكون

راح نقلب لبسنا سيرلانكي

كله علشانك تموووووووووووووووون

ياحبيب راني

بارك الله لكما وبارك عليكما وجمع بينكما بالخيرات




لا تنسى تصلي وتدعي عليها

البركه البركه

هههههههههههههههههه


برايفت لأبو ساره

من جد مواضيعك شيييييييييييييييييي

[عبودي 1]

هلا ابو ساره .
تصدق قبل لا اعرس اهدى لي واحد من الشباب هالكتاب .
ياهو خالع .
خخخخخخخخخخخخخخخخخ


لكن فيه فائده من زواجك من الشغالة انت ماذكرته وهو انك تاخذ راتبها .
خخخخخخخخخخخخ
الله يعطيك الف عافيه .

[lover_h]

خسئت ايها اللعين:D

مع العلم أنه كان في الاربعاء اللي قبله متكي في البحرين

pb071



أبوي منسدح الله لايهينه وماسك له كتاب ويقرأ بتركيز شديد وماهوب يمي ,,

ما ينلام:D


وش كتابه وانا ابوك هذا علاج لو تشربه نعلم عليك الدكتور ثم يدقك ابرة

رجاء قل للوالد قدس الله سره لا عاد يصرف مره ثانيه مع وجهه >> مشكله اللي يسوي نفسه يمون:D


دكتور مين وعلاج مين

طول عمرك تحب التخبيص... ياخي سيبه يفك ازمه:D


براطمي أخذت تتعرفط

هههههههههههههههههههههههههههههههههههه



اسمع ترا موضوعك زي وجهك وتراي ما رديت الا عشان ترسللي النسخه الكامله على الخاصpb034 :D


وسلملي على راني مدري سن توب :D

[دجه هانم]

والله يا إخواتي الجميلات ويااخواني الملاعين أدري أنه كتاب ديني وأدري أنه مفيد للي مقلبين على زواج

ماتنلام في القلبه هذي من الكتاب اللي قريته :D pb034 ..

××

موضوع خبل اوخيي وموب بعيد عنك :D ..

وميرسووه لإلكـ عليـه bp039 ..

[الملفوعه]

سلموني عليهم يا شيخ شوفوا الناس اللي تعشق شيء اسمه حرش ومحارش , 75 واحد ما عنده سيارة ولا يهمه القرار ومع ذلك جاءوا يوقفون في وجه أطلق شنب في الدولة وتلاعنوا هم وياها ..
كتشفت ان عندك قصور في نظرتك((وش رايك تشتري نظاره وتريحنا));)

هالحين ذولي اللي بزعمك موب متأثرين بإرتفاع الأسعار ؟ هذولي اكبر متأثرين قل ليه:mad: <<<هالوجه عشان تخاف بسرعه وتقول ليه بدون تفكير ..
اجل قلت ليه<<<واثقه من قوتها

انا اعلمك ليه:rolleyes: هالحين تصور لو واحد من ذولي الزيود بعث للسعوديه يبيع في محل في بنشري وهو في هذي الحاله محتاج للقات عشان يتقوى على عمله وهالقات بجيبه محمل في الشاحنات العملاقه معناها ان هالشااحنه بتصب بانزين في حضرموت ونظراً لغلاء البنوين يتأثر سعر القات!<<<هاه قررت تشتري نظارهpb024 ؟





يمكن يرجع الملقوف اللي فوق ويسألني ليه كنت طفشان .
يصلح اتعرف على ذا الملقوفpb027 لاني حبيته أوي وأحس اننا بنكون أسره سعيدهpb189



قلت يا بوسارة يا وجه العنز
فيه عضوه هنا في المنتدى تدعى صاكتبها الدنيا هي من جماعتكم والا شي؟pb027




والله يا إخواتي الجميلات
هذا يعني مغازل مبطن خلف طلمة اخواتي:D <<<---فضحته اقبضوا عليه





ناظرت أبوي بنظرات مثل هذا الوجه الخاالع >> ( pb034 ) !!

لا من جد الكتاب غسل مخك قلب افكارك كلها خالعهpb093


عاد حددنا العرس الاسبوع الجاي والعرس ( سكاتي ) مافيه طقطقه ولا معازيم كثار ,, ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب ,, ماغير أخو راني اللي يشتغل سباك في المربع وخالها راعي الدشوش اللي في سلطانه (( حمولتن طيبة ))

الله يحييكم والغايب يعلم الحاضر !
ورا ماعلمتونا بدري هالحين وش لون يمدينا نفصل فساتين؟ عسانا بس نلقى شي جاهز والا وش اسوي بلبس خلقونه من خلاقيني القديمه<<---جايه الله لايعوق بشر
مع ان الفستان القديم موب قدر راني بس وش نسوي محد قالكم تستعجبون:)


سلام وسلم لي على راني وقلها تبي نعاونها في التجهيز لخشتك ترا مانقصر نعين ونعاون pb027

[ابووفىماعنه خفى]

اييه اجل تقولي كتاب جيد

طيب وين نلقاه

في صيدلية السقاف سامع انهم يبيعونه !

<< وش يبي ذا :d

[$(صجة ورجة)$]

موضوع خطيييييييييييير بس انصحك نصيحة ابد مافيها مصلحة لاتتزوج راني

شلون وانا موجودة,,,,,,,,,,,,,,

[السينتور]

خخخخخخخخخخخخخخخخخخخخ

4- رجاءا لا أحد يغلط على السرلانكيين تراهم منا وفينا

كلام كويس <<== سيرلانكي :d

مشكور يالهلالي على هالرجهbp039

[مارلبورو]

ههههههههههههههههههههههه
ههههههههههههههههههههههه
ههههههههههههههههههههههه
أبو سارة الهلالي أخاف يوم من الايام أفتح التلفزيون السريلانكي وألقاك تغني : وطني الحبيب وطني الحبيب وهل أحب سواه pb027 pb027 pb027 pb027

موضوعن رهيبن مهبولن مصرقعن ولو انك كتبت اللي بين الاقواس لأصبح أروع بشكل أكبر :D

بس استغرب عدم ذهابه للمميزة إن لم يذهب هذا الموضوع فمن يا تراه يذهب ؟ مارلبورو مثلاَ هههههههههههه

إن قاله الله لي باتس , أبو سارة لا عدمناك يا جدي bp039

[شعولة الرياض]

هههههههههههههههههههههههههههههههههههههههههههه
ههههههههههههههههههههههههههههههههههههه

عاااد راني مره وحده يا ابو سارة ،، مالقيت الا هالسرلانكية
بصررراحه الموضوع لفوق 18 سنة

قال: وش كتابه وانا ابوك هذا علاج لو تشربه نعلم عليك الدكتور ثم يدقك ابرة
ياقلبي على ابوك فديته والله يعرف يصرف خخخخخخخخ


يعطيك العافيه ابو ساره
مو غريبه عليك تميز بالمواضيع

[رجول حرفي]

pb094

[باريس نجد]

الله يقطع شيطانك ...
الله يتقبل عمرة خويك ، ويشفي ام خويك الثاني الله يهديه وش سلطه تاكل سكري ، انا اشهد انه جنت عليك من حيث لاتشعر ...الله ياخذ pb148 اللي وزك على هاالكتاب ...تصدقون وانا ادرس بالكليه التقنيه <<< هجولت الارانب البيضاء ، كان فيه بنات يصورون الكتاب علشان يصير مثل شكل الملزمه ، ويسحبون على المحاضره ويقرون هاالكتاب ، وانا اشوف وجيههن ;) pb034 pb094 pb027 pb030
عاد انا دبشه وحريصه اني اتابع الدكتور ، واجي وانغز صديقتي >>> عنايات >> هاه >> ياختي وش هاالكتاب اللي مع البنت اللي قدامنا مهوب مثل اللي معنا ياختي كله صور سودا ، اش الله يخس بيلستس ... وشوه وشفيه ... اعنبو شيطانتس هذا مهوب كتاب النحو .. وشو أجل .. حسبي الله على ابليسه هذا كتاب ( ......................... ) مانيب قايلتن اسمه أخاف اقوله همن عاد اجني على العزاب الحلوين ، المهم طلع كتاب تحفة العروس كتاب قراءه عند هاالكتاب اللي مع البنت ، بلاوي سوداء وموثق بصور الواحده من كبره تقل تلفزيون 100 بوصه ...

طولت وردي ينحط بموضوع ثاني من طوله ...
مقلع اقلاعن مهوب بسيط ...
الهلالي ابو ساره احس انك مظلوم بنتائج مسابقة تعال ورنا عيارتك ، حتى اني ابشارك ويوم شفت موضوعك هونت وقلت الا يافايزه بالمسابقه ...
مغسيه يافغيغ ...bp039 bp039 bp039


bp039 pb189 bp039 pb189
pb189 bp039 pb189 bp039 pb189
bp039 pb189 bp039 pb189 bp039 pb189
pb189 bp039 pb189 bp039 pb189
bp039 pb189 bp039 pb189

هاذي مسكة راني بعرسكم وترى الحفاله( يعني هدية العرس ) ابجيبه معي بالعرس وخل راني تعطيكياه لاتسرقه ...
ولا تدري بخير ابلفزه بيد امك وبقوله هاذي مساعده لابو ساره ...

الله يعطيك العافيه ومنه المال والعيال pb024 ابو ساره حاطن عينه على رويتب هاالمسكينه ...

مغسيه مره ثانيه واخيره <<< ضفي وجهتس خلاص ....طيب ابروح pb077 pb077 pb077

[سهى خان]

اللله يرجك رجرجرجة ال ان تصبح عصيدا>>يااااااااااااااامصلي..
موضوع رائع يابو سوير ..بس وشولوه تقراو وانت مابعد أعرست ولا حوللك عرس الحين الغلاف تحفة العروس يعني مالك دخل بوه ولا يوم شفت الوالد الكريم متكي عليه له كمن يوم اقتديت بوه والله هالشياب من تالي تخاف منهم قبلهم مسكرين هالغرف يعنني ينومون بدري واثر تحت السواهي دواهي أشكرك لأنك فتحت عيونا على شي ماحسبنالوه أي حساب يااااالللله باااااااي بروح أدخل على جدي المصون فجأه بشوف وش يسوي أخخخخخخخ منهم شياب اخر زمن..

[ابوهلال]

هههههههههههههههههه

كبير يبو سارة

وتحفة العروس والله ياهو شي

لقيته عند الوالد :)

وقعدت ثلاث ايام كل يوم احترى الليل يجي عشان اقرأه :)

[احلى سوسو]

قلت يا بوسارة يا وجه العنز ما عمرك قريت في حياتك الا جريدة الجزيرة تدخل على الصفحات الرياضيه ثم كاركتير الهليل وبس

^
كركتير الهليل في جريدة الرياض pb071
===============
أبو ساره ياااقدمك ..

كتاب تحفة العرووس أعتقد اني قريته وأنا في ثاني ثنوي كانو البنات يوزعونه سراً

هو وروايات عبير وكتاب ألف ليله وليله النسخه المعربه من الأصل التركي ..

===============================
هااااه راااني هذي في كل مواضيعك لازم تذكرها أثرك تحبها يالعاشق الولهان :d
مبرووك يابو ساره على الزواج وعقبال البكاري << وجه يقول استنسب الخال تأتيك ساره :d ـ بنت أبو ساره .....:d

على فكرة أعتذر للإخوان والأخوات اللي جحدتهم ولا رديت عليهم في موضوعي السابق: انا ونوف والعار !

والله مو من عادتي أسحب على المواطنين
^
أنا ما أحب ها الحركه واحد يضيف موضوع ويضف وجهه ‍‍‍؟؟؟

==============================
تحياتي الك ........

[فاضحتـ com]

كالعاده :(


مهبووووول ... خبل ... وش انك تشرب قبل لاتطقطق ؟|؟





سلمت على هيك موضوع يوسع الصدر



تصدق تحمست اروح اشتري الكتاااب كله قهر ابي اقرا هالتشفيرات

[الجامحة]

من جد مواضيعك دائما غير
تذكرني بمواضيع الرعيل الاول :)
( لو تسألونها من هم الرعيل الأول ماجاوبت )
لون الخط لعيونك ياابو ساره ولايهون الحاضرين

المهم حضوري تسجيل اعجاب

سي يو ( ورده )

[واحد زاحف]

pb027
هههه

الحين تتزوج ولاتعلمنا :( ..


افا بس والله مب الهقوه pb027 ..

pb027

بس عاذرك خايف اني اجي العرس وتخق علي الشغاله وتتركك pb094 ..

pb192

يعطيك العافيه وخلنا نشوفك ولا شكلك خايف مني عقب الحفره pb027

[الهلالي-ابوسارة]

إلى كل من انتقد راني او حاول الإساءة لها بطريقة مباشرة او غير مباشرة ، أحب أهديه هذا البيت :-

pb034 تـَـعـَـشـّـقـتـُـهـا شـَمـطـَاءَ شَـاب وَلـيـد ُهـا ** ولـِلـنـاسِ فـي مـا يـَـعـشـقـونَ مَـذاهِــب ُ pb034



كما يسرني الله يقطع شيطاني أن أهديهم أيضاَ هذا البيت الحاسم :-


pb189 دَعـونـي لا أ ُريـد ُ بـِـهـا سِـواهــا ** دعـونـي هـائِـمـاَ فـي مـن يـهـيـم ُ pb189


أوكي أنا أتفهم مشاعر الاخوات اللي ردن وهن مقهورات من راني وأساءوا لها كوني فتى أحلامهم وتحطموا من زواجي , لكن عجزت الصراحه أتفهم ردة فعل الشباب اللي تضايقوا ! اعنبوا بليس لايكونون غايرين بعد pb027 pb027


وأحب أقول لإخواني وأخواتي الغايرين من راني وقاموا يذبون عليها :-

وش دعوه ؟ يعني بتقنعوني أن الواحد منكم ما عنده في بيته مرايه ؟ وش دعوه هههههههههههههه


وبمناسبة عيد الأم أحب أهدي والدة راني هذه الأغنية :

ست الحبايب يا حبيبة pb189


كما أقول للشعب السرلانكي الصديق :- لا يهمكم كلام سأودي أريبيا , أبو نورة حقهم يقول:

هذا هو طبع العواذل pb034 هرجهم تحصيل حاصل pb189


وأيضاَ أحب ان أزف أحلى الأماني والتبريكات لحاكم سرلانكا بمناسبة استقلال بلاده في صورةٍ جميلة تعبر عن تلاحم القيادة مع الشعب (( صار واحد منهم ! ))


أيضاَ بمناسبة عيد الأم أحب أقول لـ شارون وبلير وبوش :

يلعن أمٍ جابتكم





هذا الرد مجرد توطئة للردود التي ستأتي لاحقاَ وآسف إن توطيت في بطن بعضكم اللي انتقدوا فتاتي راني pb189



كتبه الفقير لعفو ربه: أبا سارة , من أمام قصر الحكم في سرلانكا , شارع الغرابي bp039

[زعبية]

هههههههههههههههههههههههههه

:
اقول كتابكـ شفته في معرض الكتاب ,,>>غااااااالي والزين دايم غالي

[طرف زوليه]

كـتـاب " تـحـفـة الـعـروس " !!

pb094

[t00fee]

هههههههههههههههه
ياااااااااخف دمممممممممك
خخخخخخخخخخخخخخخخخخخخخخخخخخ
واخزياااه
لوني داريه ان فيه هالحتسي مادخلت الا ببرقعي

[ورده مقلعه]

هههههههههههههههههههههه موضوع توحفه :D

هالكتاب عندنا بمكتبة البيت من وانا صغيره مرتز بين الكتب :D الظاهر انه ابوي شاريه يوم يتزوج امي :D

حتى انا من زود اللقافه والطفش قد قريته وانا بمتوسطه خخخخخخخخخخخ

عموما الكتاب مفيد للمتزوجين لكنه يحسر العزابيه خخخخخخخخخخخخخ

ايه الله يلحقنا ويلحقك خير ونعرس ونطبقه :D

[الهلالي-ابوسارة]

8

8

8

ههههههههههههههههههههههههههههههه الله لايجيب الحسره pb034

بما أننا نعيش نفس المشكله وقرأناه وتوهقنا فما رأيك pb036 - أقول يعني ما رأيك pb094 - لو أجحد راني وأتقدم لك وأداهم بيت أهلك أنا والجماعه pb027 pb027

يا عمري يا راني عاد وهي تغني أغنية نبيل شعيل : خيانه :D

<< جماعته على فكرة راح يسدون حارتكم لو جو معه للخطبة :D :D

-----------------------

[ورده مقلعه]

^
^
ههههههههههههههههههههههههههه :d

[العـal3ashqـاشق]

سلملي على أخوياك الي خلوك تكتب لنا هالموضوع

رائع يبو سارة bp039

[السير محيميد]

خخخخخخخخخ ..

يعني انت الحين صرت أبو سارة صدز ؟ :D

الله يجزاهم خير خويـاكـ اللي وسعوا صدورنا ..;)

عوافي ابو سارة ..bp039

وتراني متابع لمواضيعكـ .. bp039

[نـ دمعةـاقه]

ابو سارة :D يا مجنون انتا فين لك زمان ما شفناك نسيت اسئلك هو الحاير حلو كويس هواه نقي يعني <<تعمل حسابها لو راحت هناك :d مثلك عارف الامر ما يسلم ملابس وفرش وفصفص وشاهي ونت لازم اخذ كمبيوتر معاي في الحاير والا هي الناصرية
طيب ايش الفرق بين الاثنين حاير وناصرية :D

طهور ان شاء الله ولا بأس فلقد قلنا لك فيما سبق ان السجن لرجال وليس لنساء <<يعني اسمعوا ولا تنتفون ريشاتها ماصدقت تصير دجاجه بأربع ريشات وعقبال يطلع لي عرف احمر مثل الباقين ثم تصف جنحاني مثل اللي صاف تحت يوزراتهم مجموعة ريش :d
المهم نرجع لموضوعك

سلموني عليهم يا شيخ شوفوا الناس اللي تعشق شيء اسمه حرش ومحارش , 75 واحد ما عنده سيارة ولا يهمه القرار ومع ذلك جاءوا يوقفون في وجه أطلق شنب في الدولة وتلاعنوا هم وياها ..
:D بديت اشك أن فيني عرق زيود وانا اقول ايشبوا لساني طويل اثاريني فيني عرق ابو يمن وه خلاص بعد كلامك حأحبهم كتير ..ك تكون ملقوف انا مو ملقوفه وما سئلتك ايش هيا علاقة الكلام هذا بموضوعك ولو انها واضحه وضوح الشمس في رابعة النهار تبغي تعرف ايش هيا العلاقه انا اقولك في اخر ردي :D


ذاك الأربعاء كنت طفشااان ,, من جد من جد طفشاااان ,, طفشاان وبقوة أقسم بالله يا عرب كنت طفشان (( يا شين كل تراب درينا ))
هنا ينشط بليس انا اذا طفشت اروح استحما صدقني لأن ابليس ماراح يسيبك لحد اما تسأل عن حاجات مالها داعي وا تروح تفتح كتب مالها داعي انا افتكر زمان رحت لغرفة أخوي الكبير واخذت مجلة طبية :D كان البعض يشتكي فيها من الـ ** السرية وانا مفهيه ماني عارفه ايش هيا قلت بس هذولا اولاد تجيهم الدورة الشهريه بالسر :D ما فهمت ايش هيا الابعدييييين ..والسبب اني كنت طفشانه فرحت ادور مجلات لقيت هذي المجلة الطبية


تحفة العروس

عرس , عروس , معرسة , أي وحده من هالمصطلحات دورني عندها تلقاني ,, قلت هلا والله واطمر لغرفتي ومعي الكتاب ,,
ع سيرة العروس والعريس زمان كنت العبها مع اخواتي وكانوا يخلوني العريس والبس شرشف صلاة ابيض اعملها زي الغترة والمشلح هي عباتي اختي لا وقصيرة علي يا مشلح عيدروسي :D والعقال كان طرحه اربطها فوق الشرشف شافني بابا :d قال اااه ولد بس ناقصك حاجه انتي لو استنيتي جوا بطن امك شوي يمكن تطلعي ولد كامل لكن هيا ارادة ربنا انك تطلعي ولد ناقص نموا :D



في الصفحة السابعة والسبعين بعد الألف يقول المؤلف الله يجزاه خير : " ... على الرجل أن يكون رقيقاً في تعامله مع زوجته فلا يندفع نحوها بقوة وقسوة ,, بل يبادرها بلطف ويقبلها بكل حنان ومودة و (( ... طوط طوط كلام مشفر ... )) ثم إذا أحس أن زوجته بدأت تتقبل عواطفه ومالت إليه وقتها يجب عليه أن ((... كلام مشفر ألعن من اللي قبل .... )) ... "
طيب ايش هيا الطوط طوط هذي رنة تلفون والا ايش يا اخي فسر ربنا يهديك تقول صديقتي وتسحب عليا ما تشرح لي انا اعرف انوه فيه طيط طيط ماهي طوط طوط والفرق هوا خفس الياء ومدة الواو بين الطوطتين وربنا يهد الشيطان اللي خلاك تقرا الكتاب هذا

في الصفحة الثمانون بعد المئة قرأت من زود قرادتي : " .. تفاعل المرأة مع زوجها في ( .... ... ) يجعله يحبها أكثر وأكثر , فعليها أن تبادله الـ ( ... مقطع داشر ... ) و أن ( ... طوط طوط استغفر الله بس !! ) وتبادله الآهات و( ___ ) ثم إذا وصلوا إلى(( ذاك وذاك )) فعليه أن لايقوم من عندها إلا وهي ( .... من جد كلام واطي!! .. )) .. "!!
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ
ربنا يهدك يابعيد مت ضحك ايش هذا متعاقد مع مدينة الملك عبدالعزيز
ـهههههههههههههههههههههههههههههههههههههههههـ
تعرف ايش يضحكني هي تعليقاتك تحس انها طالعه من قلب محرووووووق اسمع زفير صدرك من ورى باب الموضوع
ـهههههههههههههههههههههههههههههههههههههههههـ
ـهههههههههههههههههههههههههههههههههههههههههـ


صكيت الكتاب ,, قعدت أدور في غرفتي وانا مندهش منلحس منفرش منبرش وأقول : يا حظ اللي عنده حرمه أخ بس يا حظ اللي عنده حرمه والله لو عندي حرمه الحين إن كان , إن كان .. إن كان لعبنا أونو !! ,, تصدقون حسيت بأشياء غريبه وانا أقرأ الكتاب :-
الكلمتين اللي بالاحمر تنافي ما بعدها فكيف تنبرش وتنفرش إن لم تكن فرشة او موكيت :D <<يقالك شفرت
باقي ردي هنا عاد طوط طيط طاط :D


أحسست وانا قاعد اقرأ بمغص في بطني ,, قلت الله يستر يابو ساره لايكون هذا اللي يسمونه الطلق اللي يجي قبل الولاده , , والله اللي نكبت عفش اهلي لو صرت أم وأنا مابعد أعرست (( قام يهلوس !! ))
انتا شوف انفرشت على ايش وانت تعرف السبب :d ..بس في الغالب هذي عوارض حمل غزلاني وهذا الحمل له مواصفات مثل مواصفاتك تمام هيّا شوف كيف مدحتك حمل غزلاني << مستغله انه مايعرف وش معنى غزلاني :d


والله يا إخواتي الجميلات ويااخواني الملاعين
ـهههههههههههههههههههههههههههههههههههههـ وواحد سيخ كباب لعيونك يا لووووووووح وربي انك تحفه
لعن الله بليسك اخواني الملاعين واخواتك الجميلات انت تسمع بالغزل طيب وش دراك يمكن خلف يوزر من يوزرات الاولاد بنت حلوه وبكذا تخسرها اقرب مثال ع م ر هو صحيح مستهلك لكن برضوا ينفع يقول المثل قرشك الابيض ليومك الاسود




مدري وش سويت وتهورت!! وصرخت راني علي وسطرتني كف ‍( العن بليس والله تهزأت يا قدعان ) قالت : واللهي ابوسارا إنتاا هوماار كبير وطلعت زعلانه ( الله يلعنتس يا باسكال اقلبي وجهتس بس ! )
ابو سارة طيب سؤال السرلنكيه سودا او سمرا غامق صح طيب كان الوقت نهار والا ليل إن كان ليل فيمكن انك حطيت عود الاذان في اذنها بس كذا تكون نظفت اذنها وإن كان نهار فألامر مختلف :d


بعد إسبوع من قرائتي للكتاب المطرطع,, دخلت غرفة ابوي عشان أسرق الكتاب واقراه ثانيه ( اعنبوا بليسك لوه قرآن ما حرصت عليه هالحرص ! )
هيا كذا عشان انوه مو قران حرصت عليه بعدين يمكن انك ما استوعبت الدرس كويس فقالك عقلك ان التكرار يفهم الـ **** وعشان لا تسئ الضن بالنجوم حكملها بالحمار هيه :D



تلخبط الوالد وحس أنه جاب العيد قال وهو يزين طاقيته : ههه ايييه الله يقطع سوالفك ياولدي هذا كتاب فتح القدير لتفسير القرآن العظيم ما يصلح لك قم وانا ابوك خلني أقرأ واغنم الأجر .
ـههههههههههههههههههههههههههههههههههههههههههههههههه هههههههههههـ
ـههههههههههههههههههههههههههههههههههههههههههههههههه هههههههههههـ
ـههههههههههههههههههههههههههههههههههههههههههههههههه هههههههههههـ
اما ابوك تحفه اجل بيغنم الاجر الله يرج بليسك يا خبل يا مفهي يا مهستر <<تمدحك دحين يابوي
هو ما كذب انت لو فكرت حبتين حتلاقيه تفسير :d


اغرورقت عيني بالدمع ,, براطمي أخذت تتعرفط ,, وقمت أهز برأسي يمينا ويسارا وتدحرجت دمعتي على خدي وانا أنظر لأبي ,, أحسست أن والدي بدأ يرحمني فـ همست قائلا له :

أبتاه لا تحاول خداعي لقد قرأت الكتاب يا أبي وانا الآن أعيش قمة العذاب .. وبكيت بحرقة ،، تأثر أبوي واقترب مني وقال :

قريته يا ولدي ؟ رميت نفسي على كتفه في مشهد مصري وحظنته وأخذت أمسح خشمي ودموعي بشماغه وأخذت أشاهق وأبكي بصوت عالي وأردد :
شوف الموضوع كوووووووووووووم والمقطع هذا كوم لو كل العالم صارت رومنسيه انت يستحيل يركب عليك الرومنسيه كويحه وخشمك تقل افغاني متربع والعيون طيران طقاقه مشقوقه والحواجب كفرات تريلة والخدود تقل بارك فيها بعيرين بالله هذي مواصفات تركب عليها الرومنسيه ...
خليك زيي انا لما جيت احظن امي في مشهد رومنسي كان جوابها راائع بالملاس قشعتني من صدرها ولزقتني في الجدار تقولي هو انا ناقصة ثالول ثالث في صدري :d

ابو سارة مبدع ضحكت ضحك عارفه اني تأخرت في الرد :( تصدق فتحت يومها موضوعك عشان اقرا فماقدرت اقراها بسبب انشغالي بأمور ثانيه انا من النوع اللي اقرا وارد اون لاين يعني مستحيل اقرا المضووع وبعده بكم يوم ارد لأنه بيكون عندي موضوع بايت راح طعمه حلاة الرد وانت تقراه اون لاين وترد
عمومن للمره الثانيه سوري ع الرد الماصل ولك احلا ورده

[فـوق الحـــلا شامه]

<<< فتحــــــــت فمهــــآ وخققققققققققققققققققققـت مــــــــووت pb094
<< تسعـــــــبل على الكيبورد

هههههههههههههههههههههههههههههههه هههههههههههههههههههههههههههههه:D
ههههههههههههههههههههههههههه هههههههههههههههههههههههههههههههههههههههههههههه

[عاشق النرجسية]

الله ياايام زماان <<وجه وااحد قرأ الكتاب من الجلده للجلده في ساعتين

خخخخخخخخخخخخخخخخخخ

ابووسااره يالله المستعاان مالقيت غير هالكتااب من جد شي مو طبيعي

عرس , عروس , معرسة , أي وحده من هالمصطلحات دورني عندها تلقاني ,, قلت هلا والله واطمر لغرفتي ومعي الكتاب

ينحااش من هالكلماات لسا صغير على الكلام :D



وعلى البركه الزوااج وعقبال الأولاد من نيباال ان شاء الله :d

[شويــب الجــن]

أبو سارة الهلالي pb189

لو يكفينا منك بس إسمكpb189

صدقني مجرم وإقلاع حتى الضياع pb192

للمعلومية متابع لك وبعنف ..!!

يمكن ما أرد عليك لكن مافيه ولا مقال تكتبه ما أقراه ..

سواء هنا بالإقلاع أو بالمنتديات الهلاليه pb189

على فكرة الرابط بين سالفة بنزين اليمن وبين سالفتك :D

هي إنهم هالـ أشخاص ماعندهم سيارات وتلقفو يعارضون

برضوة أنت نفس الشيء ماعندك لا حورمه ولا أنت مقبل للزواج ..!!
وتلقفت وقريت الكتاب :D
<---- أحلى يالذهين :D:D
خخخخخخخخخخخخخخخخخخخخخـ


تحيتي ومحبتي pb189

شويب الجن bp039

[نـ دمعةـاقه]

8
8
لا وانت الصادق الرابط هي ثورتة اللي قام بها على ابوها واخذ حقة صحيح انها نص حرمه لكن اسمها حرمة :dواليمنين ثاروا واخذوا حقهم صحيح مافيه سياراة لكن اخذوا حقهم :d

[شويــب الجــن]

^
^
^
ههههههههههههههههههههههههههههههههههههههههههه

ههههههههههههههههههههههههههههههههههههههههههه

بس أعتقد إنه اليمانيين هم الكسبانين ..!!

بما إنهم لا هم بخسارنين لا بنزين ولا عود:d

بعكس أخونا اللي خسران باللي هي توسمى حورمه

بس المشكلة مهيب حرمة :d

<----- بيجلده أبو ساره هههههههههههه

ولأول مرة اليمن تتفوق على السعوديةpb093

والسبه أبو ساره:D

[شعولة الرياض]

امحق زوجة
اللحين راني وابو ساره !!
وش تتوقعون يخلفون عيال!!؟؟

[عهــــود]

الظاهر مافيه بيت ماعندهم هالكتاب pb036

ابو سارة bp039

بالرفاه وبس بدون بنين

الاتسانك ناوي راني هي الاولى والاخيرة

:D

[مثلي .. لم ترى]

انا داخله متكمكمه بجلالي .. pb094

[للا شاشا]

pb094

ابو سوير الله لايخزينا

[الهلالي-ابوسارة]

بسم الله الرحمن الرحيم . ولا عدوان الا على الظالمين , ومن قال: هاه ؟ فقد سمع ,,

بين هذا وذاك لا يسعني أنا وملهمتي راني, سوى شكركم على مروركم ومباركتكم التي كأنها وجوهكم ,

على فكرة اللي يسأل عن الفرح أحب اقول له للأسف الفرح تفلسع وتفركش يا قدعان ,

أوكي راح أقول لكم قصة العرس اللي خرب للأسف pb093

كنت كاشخ بالبشت العنابي وجزمتي الرصاصية وثوبي الأبيض وشماغي الأحمر وعقالي ألأسود وطالع من بعيد كأني قناة التلفزيون لا انتهى البث ,’ وجنبي راني pb189 وعليها التاج الأبيض وكاشخه بالفستان الوردي والناس يسلمون علينا و يباركون لي ولها (( الله يلعنك معرس في مصر أو بالرياض؟ pb027 ))

شوي إلا واسمع صجة عند الباب !! قلت لأخوي الكبير: ياخوي,, قال يا عونك , قلت: قم زي الذيب الأمعط وقلط اللي عند الباب ! بزعمي انهم ضيوف مستحين ومسوي مراجل أنا وخشتي هاللي كأنها خشة قرد رومانسي ,

ما دريت الا وداخل علي سرلانكي خانق اخوي الكبير و متفلت ويهوش وفي يده بندق !

خير يا الحبيب خير يالأجودي وش السالفه وش بلاك الله يرحم أمك الله لايجيب البنادق والشر هد اعصابك ,

قال: طلق اختي راني لأفجر هالرصاصه في جبهتك ترى راس مالها ظغطةإبهام (( الله يلعنه ياهو يعرف يهدد ! ))

قلنا له : تعوذ بالله من بليس يا المهايطي ولا تصير كأنك من ربع علي صالح , قال: يطلق اختي راني يعني يطلقها! راني ما ياخذها الا قبيلي سرلانكي (( الله يخسه كأني ما جزت له ))

تحمست وقلت / وانا اخو سعاد , ياخوك وش هالهرجة يابو أنا خالدي مصلصل أباَ عن جد , قال بشر أمك يا الخالدي أنا أقصد قبايل سرلانكا , طلقها يعني طلقها ,

قلت : وش دعوه وش هالاقليمية المقيته ياخي سرلانكي وسعودي كله واحد وكلنا عرب وحبايب مع بعض,

حط البندق قدام جبهتي وقال : شهد على روحك يابوسارة

قعدوا اخواني يحاولون فيه ويقنعونه وفي الأخير جاء ابوي وقدم له رشوه عباره عن كيلو فلفل وفوقها خمسين ريال , قعد يضحك اخوها من الوناسه وقال: مبروك مبروك قود لك قود لك مبروك كونقراتوليشن وطلع ,

قلت لأبوي خلاص ما أبي أكمل العرس , وطلعت انا وراني للفندق . و الحين هي في الغرفه تغير ملابس العرس وتلبس قميص النوم pb034 pb034


قلت أستغل هالفرصه وأقوم أكتب لأخواني واخواتي الاقلاعيين هالرد على بال ما تخلص لابسه pb034

إيه وانتم طيبين ؟ الله يرجكم والله ردودكم حلوة ,, تصدقون إني ....... لحظه لحظه

















































لبيه يا قلبي جايك جايك pb189 pb189







معليش يا الربع هذي راني تناديني pb034 الظاهر انها خلصت لابسه pb034 نشوف خششكم على خير , ومن أصبح أفلح ومن أفلح أصبح وقد أعذر من طنقر pb027 pb027

بأقوم أشوف هالكتاب صادق أو يعطينا من هالرخيص :D :D


برب ,bp039


قفلة :-

أجيك يسلم راس انتي ,, كيف أنا مافيه يجي ؟ بالذات واللهي مع انتي , انا فيه صعب يتغلا pb034 pb034

[للا شاشا]

نعنبو بليسك استح وجع

[انوار الرياض]

جريدة الجزيرة تدخل على الصفحات الرياضيه ثم كاركتير الهليل وبس

وش جاب الهليل للجزيره خخخخخخخخخخخخخخخخخخخخ

كان قلت هاجد اصرف

ابو ساااااااه مبدع درجه اولى

قسم بالله انك كاتب رائع

<< ماجبتي شي جديد

وسلمني على ابوك ياحليله عليه تصريفات ماتمشي عليك

ورا مالاغاك يوم دخلت مكتبته بدون اذنه

ولا متعود محد يطبها خخخخخخخخخخخخخخخخخخخخخخخخخخخخخخخخخخ

اضحك الله سنك ووسع الله صدرك

[شعولة الرياض]

يؤؤؤؤؤؤؤؤؤؤؤؤؤ وش هالحتسي يابو ساره
مابقا الا تحط صور الله يخسك خخخخخخخخخ
حسبي الله عليك ياراني كانك خربتي الرجال

[نـ دمعةـاقه]

تحمست وقلت / وانا اخو سعاد , ياخوك وش هالهرجة يابو أنا خالدي مصلصل أباَ عن جد , قال بشر أمك يا الخالدي أنا أقصد قبايل سرلانكا , طلقها يعني طلقها ,
<<وجه وحده تحرك راسها يمين ويسار كأنها مروحة وكابة فمها زعلانه
:( ابوسارة ليش كذا يا أخويا كذا تقولهم أسمي طيب ماله داعي كان قلت وأنا اخو دمعة لازم تقول اسمي سعاد :( ربنا يهدك يابعيد كذا تشهر في أختك روح ربنا يجعل راني تغتصبك وتقطعك وتطلعك زي الدجاج اللي خارج من ألة تنتيف لا وما تخرج الا وهي ماخذة الخنجر اليماني يعني حركة غيرة عليك تخاف حد يخطف الخنجر :D وتمشي في الاقلاع بدونه ويشكوا فيك وتقلب نسخة ثانية من ع م ر تأسيط ـهههههههههههههههههههههههههههـ

[فاضحتـ com]

قلت لأبوي خلاص ما أبي أكمل العرس , وطلعت انا وراني للفندق . و الحين هي في الغرفه تغير ملابس العرس وتلبس قميص النوم



يؤ يؤ يؤ يؤ:eek: :eek: :eek: :eek:



ياقدعااااااااان ... خشخشووو عليه .. الله يفضحك يالدلخ


هههههههههههههههههههههههههههههههههههههههههههههههههه هههههههههههه


كذب الكذبه وصدقها :D



ع فكره : شريت الكتاب .. تورطت سألت عنه طلع لي 4 كتب كلها تحفه العروس

بس خذت حق الاستنبولي اسمه تحفه العروس او الزواج الاسلامي .......pb034

يوم شافته امي قالت لي لين خلصتي منه عطيه اختتس تقراه خخخخخخخخخخخخخخخخخخخخخخخخخ.. امحق ام:D

[VeNuS]

pb036 .. فيه احد يشوفني تراني ما دخلت الموضوع .. pb036





.
.






pb027 pb027 اجل تحفة العروس .. pb027 pb027
يا انا اسمع بهالكتاب .. من يوم وانا بالابتدائي ..
وللان ماحصل لي الشرف اتعامل معه .. :cool:
ولا ابي يحصل لي الشرف .. :D

كذا وناشبة لـ أمي بالعرس .. :(
لين بغت تزوجني ابو الجيران .. :(
بعد باقي اقرا .. pb095


.
.

ابو سارة ..

منك المـــال .. ومنها .. شسمــه pb036 << مو مطاوعها قلبها تقول العيال .. :D
موضوعك .. اقلاعي .. درجة اولى .. pb030
الله يثبتك على دينه قول امين .. :rolleyes:
يسلمووووووووووووووو هالايادي .. على هيك ابداع .. bp039

[رجول حرفي]

هههههههههههههههههههههههههههههههههههههههههههههههههه ههههههههههههههههههههههههههpb094
وشذا غاسل وجهك بمرقه اسسستحpb094

[بنت شيوخ]

ههههههههههههههههههههههههه
والله ياعليك سوالف يالمنتهي :D !

دمْت مقلعاً سرلانكياً للابـد :D !

[ابونوير]

ولا عندي اغلى منكم يا أهل هذا المنتدى الرائع أبيكم تشرفوني في عرسي ترى ما فيه أجناب

قهر ما اقدر احضر pb093



بل يبادرها بلطف ويقبلها بكل حنان ومودة و (( ... طوط طوط كلام مشفر ... )) ثم إذا أحس أن زوجته بدأت تتقبل عواطفه ومالت إليه وقتها يجب عليه أن ((... كلام مشفر ألعن من اللي قبل .... )) ... "


وش رايك ابو ساره تفتح قناة في ال ART عشان نفك التشفير pb027



ابوسارا إنتاا هوماار كبير وطلعت زعلانه

ترى هاذي مدحه كبيره ( عند البنات الهومار احلى من الرجال بكتير ) >>> تراني هوماار مثلك pb027


جريدة الجزيرة تدخل على الصفحات الرياضيه ثم كاركتير الهليل وبس

والله اني مستحي منك يابو ساره لكن الكاركتير ما طلع معي ممكن تعطيني الرابط pb094




المهم يوم خلصت منها قالت لي يالله دوري

وش السالفه ابو ساره الصراحه انا ما فهمت هالمقطع :confused:



وطلعت انا وراني للفندق . و الحين هي في الغرفه تغير ملابس العرس وتلبس قميص النوم

راني هذا تمساح ولا سحليه >>> لايصير سالفة القضيه الي في الجرايد يقولون شغاله اندونوسيه قعدت عند
ناس تسع سنوات المهم الزوج حس ان عياله مايله عيونهم حبيتين يعني عياله الجدد عيونهم تشبه عيون الاندونسيين
قال يا ولد مافيه الا نفحص هالشغاله يوم فحصها صارت شغال ماهيب شغاله pb027

اقول ابو ساره تاكد من راني لاتصير روني الصراحه ان شاك فيها >>> لاحظ انك جاك مغص >>> ايقونه واحد موسوس




ابوساره يالمنسم يالمقلع ورا ما تعرس وتفكنا من مواضيعك الي تموت >>> ايقونه واحد مكفنينه ميت من الضحك

يسلموا ابو ساره على الموضوع pb192

[الهواوي]

الله يعطيك العافيه على مواضيعك الحلوه

بس لو تقلب نصراوي

[هلاليه**وافتخر!]

هلا والله بابو ساره
وينك يا رجال ماعاد نشوفك الله يسلمك
والله شف انا اول ما شفت المدخل قلت وش ذا اخرتها ابو يمن يا ابو ساره لكن إستدركت
وقلت : لالالا مستحيل مادام أبو ساره أكيد الموضوع فله لكن لالاأسف طلعت غلطانه مو فله إلا شي فوق الوصف
موضوع يجنن
بس عاد رد قبل ما تجي رايس و تقولك نبي نروح الهاف مون نتمشى ونصيد سمك خخخخخخخخخخخ
وسعت صدري الله يرجك
أبوساره (قلب يرقع ) لا تقطع ترى توحشنا .

[هرماس]

والله أنك منتهي منتب صاحي خبل فاجر فاسق .:D
أخي الملعون العزيز أبو سارة مع أني ما أحب أقرا المواضيع الطويلة إلا أن موضوعك غير يالملعون pb034
الله يوسع صدرك بالعافية .
كمل معك على الخط .. وش صار بعد مارحت لها وهي لابسة قميص النوم . والردود خلها بعدين
مع أني احس أنها نفس الشي سواء لبست قميص نوم ولا شلحة ولا حتى صروال سنة بدون فنيلة مايغير فيها شي pb101
إلا تعال حط عيني بعينك ؟؟ pb024 تبي تفهمني أنك برئ وأنك ماعرفت هالحركات إلا من تحفة العروس pb172
أقول قم فيذاك بس !!! :D أشوى أنهم لوهم طالبين منك تألف كتاب وانت في سادس ( ج ) قبل ما تخط هالشعرتين اللي تحت خنفرتك كان ألفت لهم مجلد وفيه كل شي بالتفصيل الممل pb130 .
يعنني برئ وأني تأثرت وثارت غريزتي يوم قريت هالكتاب ولا قبل ما اعرف شئ pb037

[توتة نجد]

عند امي هالكتاب مغبيته عني في شنطه بس انا مايندس عني شيpb034
[قاريته ومفصفصته فصصصصفصه pb094 بس على ماظن ان الكتاب اللي عندنا محذوف منه اشياء يعني مجروووود
لانه ابوي شاريه من مكتبه هنا وانت على انا مافهمت تقول انه من برا<<<<<<<<<ارجو تصحيح هذه المعلومه
عشان اشوف اللي قريته انانفس الي انت قريتهpb024 وعلى فكره يابو ساره انامتابعه لمواضيعك الرائعه...واظنك تعرف كيف تجذب الجمهوربمواضيع تشد انتباهم :D اكيد فاهمني pb027
لك جزيل الشكرbp039

[شهبا مملوحه]

يالله في حجاك ورجاك
وششششششششششششششششششششششششششذا ابو ساره يا ابوي وين الحيا

[شهبا مملوحه]

يالله في حجاك ورجاك ;)
وششششششششششششششششششششششششششذا ابو ساره يا ابوي وين الحيا:)

[طرش بحر]

في بلاد اليمن السعيد حيث الحلبة الجميلة والقات الرائع

آهـ ياديار بني سبأ
القو القميل والنسيم العليل والوقه الحسين والقات الوفير واشهد ان القيب سياره
(( صورة للاخ العزيز طخ طيخ شيخ مشايخة صعده ))

انتهت المواجهة للأسف بوفاة ثلاثة من المتظاهرين وجرح 30 واحد ..

نعنبوهم من شعب
في اجتماعات مقلس الامه حقهم وهو مجرد اقتماع تصير حصيلتهم كالتالي (( ياروحي ياحسن كراني ))
4 محتقين
5 مفلوقين
2 منصرعين
14 مايدرون وش الطابخه

خويي الروح بالروح "أ بو فهيد " رايح مكة عشان ياخذ عمرة الله يجزاه خير ,, مع العلم أنه كان في الاربعاء اللي قبله متكي في البحرين ,,

هذا سوات الي طول ليله متكي عند قناة اشنخت اشنخت وإذا جاه النوم طفاها وقال استغفر الله وش هالمجون pb027


تحفة العروس

طيب ليش ماسموه تحفة المعرس
وإلا جذب اعلامي للفدغان امثالك وامثالي pb027

صكيت الكتاب ,, قعدت أدور في غرفتي وانا مندهش منلحس منفرش منبرش وأقول : يا حظ اللي عنده حرمه أخ بس يا حظ اللي عنده حرمه والله لو عندي حرمه الحين إن كان , إن كان .. إن كان لعبنا أونو !! ,,

يابن الحلال بتلعب اونو وإلا استغمايه وإلا حارش تبلش كم يوم بالبزة ثمن عقبن تدور الفكه

^
^^
وش عندي ياراعي الاربع pb024

أحسست وانا قاعد اقرأ بمغص في بطني ,, قلت الله يستر يابو ساره لايكون هذا اللي يسمونه الطلق اللي يجي قبل الولاده , , والله اللي نكبت عفش اهلي لو صرت أم وأنا مابعد أعرست (( قام يهلوس !! ))

لا وانا اخوك هذا يسمونه حمل كاذب pb192

مدري وش سويت وتهورت!! وصرخت راني علي وسطرتني كف ‍( العن بليس والله تهزأت يا قدعان ) قالت : واللهي ابوسارا إنتاا هوماار كبير وطلعت زعلانه ( الله يلعنتس يا باسكال اقلبي وجهتس بس ! )

سوات العروص من اول
نبي نختبرك ونشوف وش وضعك بس ;)

1- إذا كنت عزوبي فـ انحش عن هالكتاب , وإذا كنت متزوج فداوم عليه وطبق كلامه حرفياَ صدقني راح تدعي لي انت والمدام .

اخاف اغثها وتقوم تدعي عليك pb034

نقطة استدراك :-

ارجعوا للمدخل اللي فوق حق أبو يمن , فيه واحد سألني قال وش علاقته بالموضوع وقلت له في نهاية الموضوع راح أعلمك ,.

تبون الصدق؟ قسم بالله عجزت ألقى رابط يجمعهم حاولت أنصب عليكم وأجيب رابط من راسي بس ماااش من جد ما له سنع

تسني بك قمت تبولع ريدزك ماعرفت وش تسوي يالهيس الاربد

على فكرة أعتذر للإخوان والأخوات اللي جحدتهم ولا رديت عليهم في موضوعي السابق: انا ونوف والعار !

شرهتك على اللي رد اصلن يالوح << ملعون جدفه هالعبد الله لايعوق بشر

عنصريه , لو كنت - أنثى - لا قدر الله إن كان دحدرت بي للميزة

مالك إلا الاشهب كوينينه ام الهكي هو الي يعرف قدرك << بيطب في بطنه طخ طيخ



بالنسبه للكتاب المذكور آنفاً
فهو سلاح ذو حدين من وجهة نظري المتواضعه وتجربتي الفاشله << مطلَق مرتين

ما اقول إلا لبى قليبك يابو ساره

المتيم بك من خلف الكواليس
كوينينه ام الهكي pb189

[الهلالي-ابوسارة]

أرررحبوواا ,, أنا جيت ,, يا حظكم بأرد عليكم bp039

----------------------------------

مدخل:-



1- اللي رد واكتفى بسدح ضحكة فقط .. وقال :- هههههههههههههههههههههههههههه

أحب من الآن أشكره وأرد له ضحكته عشان لا يبقى في ذمتي لأحد شيء : هههههههههههههههههههههههههه

2- اللي قال : يعطيك العافيه ومشكور , ومشى .

أحب أقول له من الآن : انت المشكور وانت اللي الله يعطيك العافيه .

3- اللي قال : وش هالموضوع الجريء , أو قال : استح ,

أحب أقول له من الآن : رح لمنتديات الرياضه أو المنتديات الأدبية وخل الاقلاع لاهله ;)

4- الاخوات اللي دخلن موضوعي وردوا فقط بإيقونة وجه مستحي >>> (( pb094 ))

أحب أقول لهم : إيييييييييييييه صدقتكم pb027 pb027

5- اللي قال محجوز أو لي عوده ثم فقع أم رده بركبه ولا جاء أحب أقوله :

ليه يااخي وش بيني وبينك pb093 وش سويت لك عشان تجحد مندوب مندوبي وتسحب على أم اللي جاب مرسولي :(

اللي حجزوا ولا رجعوا ماراح أقول جحدوني ., لا راح أحسن الظن فيهم وأقول: ماتوا (( ياشيخ انثبر فال الله ولا فالك :eek: ))

يا الربع :-

إما ردود ٍ زي ردود عبق وطخطيخ وطرش ولا ترى ما نبي (( وش معنى هالثلاثة يا الهيس pb034 ))

ههههههههههههههههههههههه من زيني أنا ووجهي يوم أتشرط في الردود , والله لو ان لي يوزر انتحاري مارديت على روحي عقب هالخنبقة ! pb027


<<<< يتقشمر ههههه يتقشمر ياجموااعه pb027 pb027 (( كويتي شيعي :D ))

----------------------


بزم الله pb071 وعلى بركة الله نفتتح الجلسه وأكيد منوريني جميع :-


المسورب :-

هلا و غلا ولو إني ما أدري وش يعني مسورب , لكن الله يحييك سواءاً مسورب او ما سوربوك pb027 pb027

الا يالتسذوب الجزيره والهليل بس بمشيه لك وكانك كاتبه استهبالpb095

لا يا عزيزي , الهليل في الجزيرة , بأسألك : أنت تشتري الجزيرة من وين ؟ من السويدي ؟

اهاا , تفرق يا غالي , كل بقاله لها طبعة خاصه فيها (( ألله من زين التصريف pb030 ))

اقول اعترف وين رحت بعد ما صكيت الكتاب تفكير عزوبي كخخخخخخخخخ

رحت الجاكوزي pb034

مسورب , مشكور على مرورك بس انا حاس ان معنى كلمة مسورب: هو السروال القصير ؟ مدري صح أو جبت العيد ؟pb036

-----------------------


طر واطير :-

هلا والله و غلا ,, طر واطير ههههههههههههههه يلعن ام الفلة طيب لو طار وانتي ماطرتي وش السواة ؟ (( أقول كل تبن ورد زي الناس pb094 ))

حظها ذا السرلنكيه مالقاها الا هي

لحووووول بدت الغيره يا طر واطير ؟ هههههههه ياختي يوزرك قسم بالله يهيض للذب والضحك pb027 pb027

مشكورة ولا هنتي على مرورك . سي يو


-------------------


waal :-

هلا بك ياللي مدري وش تصير , يالربع اما بعض الناس عليهم يوزرات تحرجك في الرد ماتدري هو آنسة أو آنس :confused:

اييه اجل تقولي كتاب جيد

طيب وين نلقاه

لا مهوب كتاب جديد . هذا كتاب قديم واللي ألفه شبع موت .

اما حكاية وين تلقاه فـ مدري وين تلقاه بس الظاهر أنهم يبيعونه في عتيقة ! هههههههههههه ألله من زين السؤال أجل وين تلقاه pb027

مشكور مدري مشكورة .


--------------------

بياع شراي /

هلا و غلا بالمتلحط خلف قضبان الناصريه هههههههههههههههههه لا يهمونك هم وناصريتهم وسع صدرك << جاب العيد هالثور pb036

بس حبيت أوقد لك الشموع وإن شاء الله في أقرب فرصة نزورك , ( إيه افلقني يا شيخ :D ))

فقط تسجيل حضور في الصفحة الاولى ولي عودة شاملة للموضوع كاملا بس مهوب الحين

هههههههههه يا لسخرية القدر أيها الملحط خلف القضبان , أجل منتب راد الحين ناوي ترد بعدين هههههههههههههههه عموماَ تطلع بالسلامه يا الواثق pb027 pb027


---------------------


pb189 بيالة شاهي pb189 -

شايف انت قلوب الحب اللي تحيط باسمك إحاطة السوار بالمعصم ؟ تالله إنها إعلان حب ٍ أبدي بيني وبينك , الله يقردني وش لاقي فيك يوم أحبك :D وش انا شارب ذاك اليوم وقررت اني أحبك pb027 pb027

هلا و غلا ومنور أكيدين pb189

يوم قريت عنوان موضوعك جتني تكة في صدري

هاه عسى ما نزل حليب من صدرك على هالتكه pb027 ؟ <<< بأقوم أطب في بطني على هالاستظراف الله يملحني pb027 pb027

ترا عندي الكتاب كامل بدون تقطيع

أنا أشجب وأستنكر التقطيع في كل مجال , أمس في قنوات صالح كامل , جاء رشدي أباظه يصارح سامية جمال بحبه وشوي إلا وهي خاقتن معه ويوم قربوا من بعض مدري وش صار ولقيت اسماعيل يس يغني منولوج pb027 pb027

يعني مو كافي التقطيع اللي يقهر في الافلام يقومون يقطعون الكتب . لا ويقولون أننا شعب ُ ُ لا نقرأ pb034

أبو سااارة خلاااص يا اخي عجزت عجزت من جد
أنت ثورة رقمية في الإقلاع

على طاري الثورة الرقميه , ياخي وش رايك في أفلام الديجيتال اللي في سبيس تون pb027

ثورة رقميه هههههههههه وش دعوه ياخوي لو إني هزيم الرعد على غفلة pb027 <<< يلعن أبو أستظرافن أعرفه يا بيالة تكفى قم ادبغني pb027

وتراني من ضحايا جاك شيراك

الله يلعنه أبو جبهة , لا تحدني أقوم أجيب ردك ذاك وأقوم أفصفصه هنا وأجحد ردود هالموضوع pb192
تصدق ردك ذاك قريته أكثر من مرة ونقدك راح أعمل به ومشكور على كلامك الحلو عني pb094

عاد هالمره جاك والا ما جاك قسم بالله لو ما ترد ان ألزخك
بكتاب نزهة الأحرار في بلاد ما ورا الانهار

إن كان هالكتاب اللي تقول من نمونة التحفة ,, فالزخني به يا أخا العرب العجل العجل :D :D

بيالة شاهي , الله لا يخليني بس , الله لا يعدمنياك يا أبضااي pb189 ومشكور يا عسل bp039

---------------------------

عبق :-

هلا و غلا بالجحده pb027 pb027 عبق ياختي تكفين غيري اسمك قسم بالله شوي و يجيب لي رباط صليبي في الحنجرة :(

ايه قاعدة أعدل العنوانpb095

أها بس والله ما دام طخطيخ يحبني فـ بنت أمك تلمسين عناويني pb034 <<< يبيهم يقومون ويتلاعنون بالعجاريpb027

مثبت

الله يثبتك في جنات النعيم bp039 ولو إنك مدحدرتن بي للمميزة كان دعيت لك بالفردوس بس وحده بوحده pb034

<< ممكن تنثبر يا الغالي ؟ :D

ههههههههههههههههههههه اجل الرابط هو فوائد الحلبة :D يالربع حتى البنات أقلعن من تالي pb034 :D

مشكورة عبق يا الزلابه ( يمون :D ))

--------------------------------

أبو وفى ماعنهوش خفى pb027 pb027 -

هلا والله وغلا أبا وفى , ياخي اسمك ينفع للبلوتوث وأقعد أطورق به في شوارع البحرين pb027

عمرك قريت في حياتك الا جريدة الجزيرة تدخل على الصفحات الرياضيه ثم كاركتير الهليل
دام الهليل في الجزير فأكيد انك فاتحن الثلاجة

هههههههههههههههه قسم بالله هيس قسم بالله هيس حدوه تكفون بأقوم أطب في بطنه pb027 pb027

وباتسر اذا صار عندك حرمه اقصد الحرمه اذا صرت انت عندها مهيب هي اللي عندك قلت ياحظ اللي ماعنده حرمه

أبووفى تخيل هالجملة قرتها أم وفى ؟ تتوقع نشوفك عقبها ؟ :D :D

قالت : واللهي ابوسارا إنتاا هوماار كبير وطلعت زعلانه
يا رجال يتمنعن وهن راغبات تلقاها قاعده عند الباب

اي والله يتمنعن وهن راغبات . تصدق مرة رقمت بنت في السوق قامت تضحك وتقول :يا قليل الحياء يامهبول pb027 pb027

عاد وانا اخوك ترى فيه شي اهم من اللي يدغدغك انتبه من راني تقلب راسك وثم تسحب على اميمك

لأني اخبر بعض الشباب ولاهوب كلهم تلقاه اذا اعرس سحب على اهله مار انتبه ومار انتبه ومار انتبه

أسحب على اميمتي ! وش دعوه؟ والله لو اني ماخذ زينب العسكري :D

اما الرابط فهو رابط قوي فا الحلبه والقات تعمل ماتعمله السنافي

نعنبوا بليسكم وش قاعدين تسوون ؟ ماقلت لكم حدوه ههههههههه بأقوم أدبغه هالمهوي :D :D

لكن لو قريت الكتب التعبانه مثل نهاية الأرب في صبا الشيخ ( ملخبطه اخاف تدوره)

وش تسان تسوي

تسان خشيت في عينك وقلت أحبك ههههههههههههههه أبو وفى مرورك كالعاده مهيب وكأنه مرورد ديناصور في وسط غابة الله يغربلني على هالتشبيه بعد pb027 pb027 الله لايهينك وتسلم لي يا الأطخم bp039

----------------------



يا الله ياسااااتر اعنبوا بليسكم أول مرة تشوفون موضوع هههههههههههههه بأقوم أرتاح وأعود لكم .,

برب bp039

[رحيق الورد]

منها أعرس وأفكهم من صجتي ومنها أصلح غلطتي معها يوم أخطيت عليها pb034 ,,

الحين مبسوط انك اخطيت عليها pb093



اقول ياااااااااااقدمكم على ذا الكتاب صار حق متوسط
الحين فيه كتب تستحي تلمسها من عناوينها بس pb094

[الواثقة]

صحيح المفروض هذا الكتاب ما يقرئوه الغير متزوجين او المقبلين على الزواج
وهذي هي نهاية اللقافة
ومبروك الزواج من راني وعقبال نشوف ولدك يكتب لنا بالاقلاع
يعطيك العافية على الموضوع الحلو

[طخ طيخ]

إلى المميزة

http://www.eqla3.com/vb/showthread.php?t=205425