افتتاح اول مقهى شيشة نسائي في الرياض [الارشيف]

عقد الماس

14-04-2006, 12:46

السلام عليكم
انا كنت طالعه من حوالي اسبوعين عند خوالي في الشرقية طلعت مع بنات خالتي مواعدين صاحباتهم في مقهى شيشة :(
والله هذا الي صاير :(
لا ويقولون في جده والمدينة المنورة مقاهي شيشة نسائية :(
ما اتخيل ان فيه بنت تمسك لي الشيشة وتشرب الشيشة .
شفنا بنات يدخنون قلنا يالله صلاح العطاء .
السؤال الي ابغى اطرحه :
هل تؤيدين افتتاح مقهى شيشة نسائي في الرياض ؟
هل سبق لك تجربة التدخين او التعسيل ؟
كيف ترين ظاهرة انتشار المقاهي في جدة والشرقية :(

ملاحظة : تخيلوا فيه مقهى ابو هيثم نسائي في الرياض :D
ههههههههههههههههههههههههههههههههههههههههههه

مخربتها

14-04-2006, 13:00

ملاحظة : تخيلوا فيه مقهى ابو هيثم نسائي في الرياض

هذي احلى شي في الموضوع ههههههههههههههههه

انا لاني مع و لاني ضد
اللي في راسه يشيش بيشيش في بيتهم او في القهوه

و الا هو حلال على العيال حرام على البنات pb094

مع اني ما عمري جربتها و لا عمري فكرت اجربها
بس احس ان شكلها و الحرمه ماسكتها غلط :rolleyes:

* كيـ جنوبيه ــفي*

14-04-2006, 13:09

عزيزتي
المقاهي بجدة خليطي يعني مونسائي زي ماتعتقدي وفيها شيشة لانهم كلهم حضران ويعتقدوا الشي هذا عادي
وهذي حرية شخصية
وفي بالرياض الله يسلمك مقاهي فيها شيش وفي الله يسلمك بالصوالين
في صالون بحي السليمانية وفيه داخله مقهى وبه شيشة ويحطون حشيش حسب الطلب و فيه خيمة فيها بنات من الجنس الثالث الله يكرمكم وكله عيانا بيانا وفيه غرف لتعليم الموسيقى لقينا فيها عود وبيانو وكمان ولما سألنا عن الدور اللي فوق قالت مساج وهي تضحك الله يقطعهم الكت كات عندهم بست ريال :)
المهم هو صالون بعمالة وادارة تونسية والله العلم تبع مين عشان يقعد ولاينقفل الصراحة احنا اول ماشفنا اللي شفناه شلنا نفسنا وطلعنا لانه مكان شبهه :(
انا من وجهة نظري انه التعسيل والتدخين بالنسبة للجنسين هي حرية شخصية ولا احد يحق له التدخل وممكن ننصح لكن مانتدخل صحيح شكل البنت او الانثى عموما بشع وهي تعسل اوتدخن لكن مالنا حق نمنعها ويكفي انه ننصحها وندعي لها بالهداية ..

تحياتي :)

رمال

14-04-2006, 13:35

و الا هو حلال على العيال حرام على البنات

و من قال انه حلال عليهم اصلا !!

التدخين بكل اشكاله يندرج تحت قوله تعالى

{ وَلاَ تُلْقُواْ بِأَيْدِيكُمْ إِلَى التَّهْلُكَةِ } (195) سورة البقرة

الآن مو التدخين اول اسباب سرطان الرئه مثل ما الخمر اول اسباب تلف الكبد ؟!!

كلها مهلكه ..

لكن التدخين ماكان موجود بعهد الرسول ليكون له حكم نصي بل هو من المستجدات والي يحكم عليها بالقياس .

للأسف التهاون في امره شديد رغم تساوي حرمته مع غيره (( لا اقصد هنا الخمر بل اي محرم اخر يساويه .. عشان محد ينشب لي )) : (

لوتي

14-04-2006, 14:04

هل تؤيدين افتتاح مقهى شيشة نسائي في الرياض ؟
هل سبق لك تجربة التدخين او التعسيل ؟
كيف ترين ظاهرة انتشار المقاهي في جدة والشرقية

لا اؤيد افتتاح ولا استعمال

السيجاره بكبرها الحمد الله ما خشت مجتمعنا كيف الشيشه وهلم جره....

والله ظاهرة انشارها في المدن الغربيه مو شيء غريب بقايا حجاج ولا يهكون لازم يلازمون الوضع شوي
خخخخخخخخخخخخخخخ

اللهم لك الحمد والشكر بس

واذا على مقاهي للنساء شيش

فيه الله يعافيك للاسف استراحات نسائيه دي جي وشرب وملعنه خليها على ربك بس هو الستار

Départ

14-04-2006, 15:29

وينا فيييييييييه عشان نؤيد نفتح شيشه نسائيه

الحمدالله والشكر بسسسس

الصراحه مدري شلون ذا البنات يتجرؤون ويشربون شيشه

*اجمل احساس*

14-04-2006, 16:11

كيفي جنوبيه وش اسم الصالون اللي تكلمتي عنه اذا ممكنpb094 ؟

سوري صاحبة الموضوعpb094

عقد الماس

14-04-2006, 16:22

^
^
^
^
^
اجمل احساس ليش تسألين عن الصالون
ليش انتي تعسلين ؟
تكلمي عن تجربتك .

عقد الماس

14-04-2006, 16:23

هذي احلى شي في الموضوع ههههههههههههههههه

انا لاني مع و لاني ضد
اللي في راسه يشيش بيشيش في بيتهم او في القهوه

و الا هو حلال على العيال حرام على البنات pb094

مع اني ما عمري جربتها و لا عمري فكرت اجربها
بس احس ان شكلها و الحرمه ماسكتها غلط :rolleyes:

كلامك صحيح شكل الحرمه وهي ماسكه اللي غلط pb093
اشكر لك المشاركة في الموضوع وتشريفه bp039

بيبسي يغلي

14-04-2006, 18:25

مابزيت العيال يدخنون ويشيشون
فأبزا البنات

مخربتها

14-04-2006, 20:05

و من قال انه حلال عليهم اصلا !!

التدخين بكل اشكاله يندرج تحت قوله تعالى

{ وَلاَ تُلْقُواْ بِأَيْدِيكُمْ إِلَى التَّهْلُكَةِ } (195) سورة البقرة

الآن مو التدخين اول اسباب سرطان الرئه مثل ما الخمر اول اسباب تلف الكبد ؟!!

كلها مهلكه ..

لكن التدخين ماكان موجود بعهد الرسول ليكون له حكم نصي بل هو من المستجدات والي يحكم عليها بالقياس .

للأسف التهاون في امره شديد رغم تساوي حرمته مع غيره (( لا اقصد هنا الخمر بل اي محرم اخر يساويه .. عشان محد ينشب لي )) : (

رمال ماهو هذا قصدي يالغلا
بس اقصد ليش المجتمع يستنكرها على الحريم و اذا شيشو الرجال عادي
و هي حكمها في الدين واحد بالنسبه للجنسين :)

t00fee

14-04-2006, 20:10

يااااااااحليلتسسس هي جت على الشيشه
يوووه صاير فيه دواهي اعظم واعظم
بس يفتحون مقهى علني للشيشه للبنات بالشرقيه
هذي قويه بجد وين الهيئه عنهم ؟؟

السؤال الي ابغى اطرحه :
هل تؤيدين افتتاح مقهى شيشة نسائي في الرياض ؟

لا بالله ماأأيد الا يمال الدقم الي يدقمهم
البنات صاير فيهم فهاره اعووذ بالله على قولة بيبسي مابزيناهم بلاش نبزاهم بليات معلقه بحلوودزهم

هل سبق لك تجربة التدخين او التعسيل ؟
يؤ سر pb094 pb071
كيف ترين ظاهرة انتشار المقاهي في جدة والشرقية

وش قصدك بمقاهي ؟
مقاهي عاديه والا مقاهي شيشه <<< مشكلة الذكا الزايد
مانقول الا حسبي الله ونعم الوكيل معد بقا الا هييييييييي

*اجمل احساس*

14-04-2006, 20:27

^
^
^
^
^
اجمل احساس ليش تسألين عن الصالون
ليش انتي تعسلين ؟
تكلمي عن تجربتك .

ههههههههههههههههههههههههههههههههpb027 pb027

عقد الماس اكلتيني بالاسئله ..وعلى طول تكلمي عن تجربتك,, يعني على طوول عديتيني من اللي يعسلون .. لا يختي انا ما اعسلpb024

LaZeZa^^KaLBoZa

14-04-2006, 21:24

هل تؤيدين افتتاح مقهى شيشة نسائي في الرياض ؟

لاان شاءالله يارب ماتوصلنا هالمواصيل مع انه للأسف اتوقع فيه كثير بالخفيه pb093

هل سبق لك تجربة التدخين او التعسيل ؟

يوم اني صغيره كنت اتمنى اجرب :D وتقاطر سعابيلي اذا شفت احد يشيش
ولاقد جربت الى يومك الحمدالله pb094

في خاطري شئ

14-04-2006, 21:57

لا والله ماأأيد عسى ماشر معصي الي تبي تشيش تشيش في بيتهم الله يهدينا ويهدي بنات المسلمين
ههههه والله خوش جعلي مأشوفها ...كل البنات الي يدخنون عندنا أشكالهم تخرع مدري ليه هل فيه ارتباط بين القبح والدخان..

علمتني الأيام

15-04-2006, 00:24

ضد المقاهي النسائيه طبعا..

مع ان الموجود انئح من مقاهي الشيشه على قولة المصاريه بس من تحت الطاوله!!!

والمشكله البنات ماخذين الشغله فشخره على ايش ما ادري!!!

الدخان والشيشه معروف حكمها للجنسين ..بس ما ادري اتقزز من شكل الحرمه اللي تشيش او تدخن اكثر من الرجال...

صوت الصمت

15-04-2006, 00:32

الشيشه

حراام

مضررة بالصحة

مقرفة

ابعدنا الله عنها

رجول حرفي

15-04-2006, 00:53

اللهم لك الحمد والشكر
نسال الله العافيه

مرجوجه بس عاقله

15-04-2006, 01:32

من قال ان الشرقيه فيها مقهى نسائي للشيشه

لا تخربين سمعه الشرقيه :d >>>>>> تدافع عن منطقتها

شوفي اانا اقولك مافيه مقهى محدد للنساء اصلا اكثر المقاهي

عوائل فيها اقسام للشباب واقسام عوائل واقسام العوائل

فيها شيش عادي لان يمكن ابو - اخو - زوج العائلة يشيش

فيطلب شيشه طبعا المقاهي يجونها بنات شله وكذا فيطلبون

شيشه طبعا ماراح يقول اللي يشتغل في المقهى لا

انا اذكر مره شفت بنات يشيشون في مقهى

ومثل ما قالت وحده قبلي صارت الدعوه فشخره وموضه

الحمدلله الذي عافانا

بس حبيت اوضح للاخت صاحبه الموضوع

ان مافيه مقاهي نسائيه اللي فيه مقاهي عووائل وبعضها فيها شيشه

وبعضها لا

والله يعين على هالدنيا ويكفينا شرها

qazl

15-04-2006, 01:34

انا بصراحه ماحب شكل المره وهي تدخن فما بالك بعبايه شكلها قبيح فمن الافضل انها تحترم حالها وتدخن في البيت

وشنـوح

15-04-2006, 03:03

والله انا سمعت انه فيه بالرياض قهاوي للشيش غير الصالون pb093 بس بصراحه انا ضد ذا الشي مهو حلو شكل البنت وهي تشيش قدام الله وخلقه pb071
بالنسبه لي الحمدلله لا اتتن ولا اشيش ومعاي حساسيه شديده لين تدخنت (يعني اتبخر) انكتم يعني ماتنفعلي pb034

ILove Evry one

15-04-2006, 03:21

خخخخخخخخخخخخخخخخخخخخخخخخخ

شيشه مابزينا اللي بجده وينتقل الداء لـ الرياض

والله اللي بتدخن يبزاها بيتها بعد شين وقوة عين>>> انا ماقول لا تدخني صحيح هي حريه شخصيه لكن استحي شوي

لكن انا ضد التدخين لأنه مضر بالصحه ليه اجيب لنفسي المرض وش اللي حادني وبعدين انا نفسي اعرف المتعه في ايش

لما تجلس الوحده تنفخ دخان لاهي اللي كلت ولا هي اللي شربت>>> همها ببطنها

والله استغرب ممكن عشانه ادمان

على العموم مابي اطول هذره

وانا ضد هالفكره عموما

وتحياتي لك عقد الماس

بااااااااااااااااااااي

وردة الاقلاع

15-04-2006, 04:19

انا ماايد ابدا وماقبلناها على اولاد نقبلها على بنات

والمشكله كل مارحت لمقهى عادي اشوف هالدخان يتطاير

استغرب وين اهلهم ؟؟؟؟؟؟؟؟؟؟؟؟؟؟؟؟؟

ana123

15-04-2006, 04:39

سوري رديت مرتين

مسالمه

15-04-2006, 07:57

انا رأيي هم احرار يفتحون مايفتحون بقريح
يعني لو شفت مقهى معسل نسائي ماراح اقوم الدنيا واقعدها :D
وش علي منهم الزم ماعلي اعصابي
وبعدين اصلا بالعقل تخيلو شكل بنت تدخن pb093 او تعسل :(
يفقدها 80% من انوثتها غير كذا الشفايف تصير بنفسجيه
واذا كانت حامل راح تظر الي في بطنها وأمراض وغثا عاد البنت بطبيعتها اضعف من الرجال
يعني مايحتاج مو ناقصه شي يزيدها ضعف
غير كذا الروائح الي اعوذ بالله :mad:
بس هذا موب معناته ان الرجال معليش يدخنون<< اهم شرط عندها ماتتزوج مدخن ((وجه متعققققققد )) :(
انا شخصيا متعقده من اخوي اذا وداني الصباح يدخن بالسياره وتصير ريحة عبايتي دخان :D
البنات صارو يشكون فيني :D وعلى بالهم يذبون علي ((اي نوع تدخنين يام الشباب)) :D
اقولهم مارلبورو ابيض وكني بديت اغير للأحمر :D

بس اشوا عطيت اخوي كلمتين بدا يعقل قلت الى صرت منت معاي دخن بيديك ورجليك pb151
وانا معاك لا نو حشا وكلا << ما كأني دخلت بموضوع ثاني؟ :D

المهم والزبده هم احرار الي تبي تدخن تدخن والي ماتبي بسلامتها
وترا فيه الحين بالرياض مقاهي يدخنون فيها البنات للمعلوميه يعني pb071

ومرسيه bp039

ملكة نفسي...

15-04-2006, 08:03

pb071

كلن عقله براسه يعرف خلاصه ...

.

.

هل تؤيدين افتتاح مقهى شيشة نسائي في الرياض ؟

مايعنيني الموضوع:D

هل سبق لك تجربة التدخين او التعسيل ؟

نوbp039

][$][شموخ][$][

15-04-2006, 09:01

اصلا لمن اشوف البنت ماسكة الشيشه وتشرب او تدخن.. احسها دفشه قسما بالله ارحمها بايعه عمرها

كله سموم وامراااااااض ...ولا النفس ووووووووووووووووووع والاسنان صفر وسود منعدمه

عقد الماس

15-04-2006, 09:21

عقد الماس

15-04-2006, 09:22

اكفش

فيه فندق من فئة الخمسة نجوم يقدم شيشة للنساء في مدينة الرياض .
هذا على كلام وحده معي تقول انهم يقدمون هالخدمه من زمان (( امحق خدمه :( ))

جمان البحر

15-04-2006, 09:53

H a d e e L

15-04-2006, 15:47

وتوك تدرين؟؟
عادي من زمان هالخبريات :d وكلن ذنبه على جنبه :d

غـــيـــداء

15-04-2006, 17:44

في الشرقيه فيه ومقهى مشهور بعد
الله يكفينا الشر بس pb192

برايفت : مرجوجه بس عاقله

لاتسوين نفستس ماعندنا هنا عندنا الي رحتله انا وانتي وشيشتي فيه وانا اتفرج فيتس هاه تذكري زين :D

<<<<<<<تبي تروط البنت نذله pb027

لا امزح لاتزعلين
وان زعلتي

زعل جدي عنتس مارضيتي يالدوبه

<<<فضحتها :D

يالله سي يا

حارقتهم

15-04-2006, 17:55

تخيلــــــــي بسس يفتحون :D

انا ضد انهم يفتحون مو لاني مابي البنات يدخنون والا ان هالشي بساعد على انتشار هالظاهره ..لأهـ

ابيهم مايفتحون عشان جحلوطيات الرياض اللي يسمعون بالدخان والحريه بيلقون لهم فرصه للاستعراض بهالمكان

يختي وانا اغتث من اشكالهم 00

شوفي مملكة المرأه الحين كيف صارت اول روعه ومكان راقي كل البنات اللي فيها اشكال تجيب العافيه

شياكه ومرتبات ونادر ماتلاقين وحده تدخن بس الحين اعوذ بالله انتشرو المسترجلات فيها

اللي كانت ضافتهم ملاهي الخيمه عنا :D

والشاطره اللي تدخل سوبرموديل كافيه وماتدخن بجد يسمعون بالتدخين ذا الشكال :D

مرجوجه بس عاقله

15-04-2006, 21:36

غيداء وجعه زين كذا

تفشليني وانا رازه نفسي عندهم

بنات ترى ماطيحني فيه الاهي كانت تقول جربيه ترى حلو

كانت تطلع الدخان من خشمها واذنها وتسوي فقاعات :( تنكرين غيداء

نجي للجد >>>> يعني اللي قبل مزح لا ياخذ فكره :)

انا صادفت بنات يدخنون بالبدايه كنت استغرب واستنكر هالشيء

بس بعد كذا صرت اتوقع اي بنت تدخن

حتى اول مااتعرف على وحده اسالها هالسؤال :d

اذكر وحده مسكينه مبتليه وتتمنى تتركه واللي يقهر ان اللي طيحها فيه زوجها

تخيلوا بتقولون ليه ما عندها عقل بقول لكم انها كانت في سن حرج

يعني تقريبا اول ثانوي والحين الحمدلله بدت تتركه شوي شوي

وانا اشجعها مع اني كنت بالبدايه زعلانه بقوه عليها اول مادريت

بس يوم شرحت لي االاسباب عذرتها وقلت بت يامرقوقه لازم توئفي مع

صديئتك وقفه رقاله >>>>> وش دخل الرقاله اصلا السبب كله منهم الله يقطعهم

الزبده : انا شايفه ردود تتطمش وتتريق >>> بكل اللهجات

احمدوا ربكم ترى هذي بلوى والزمن ذا يخرع

وبس :d

>>> صفقوا لها pb192

غيداء اي لوف يو يا حكيره pb189

عقد الماس

15-04-2006, 22:13

يفتحون ليش لا

اذا نجح بدل مايصير مقهى تصير مقاهي

على فكره الرياض
الرياض
الرياض

جالسه تنفتح بشكل سريع وخطيرررررررر

حلو الانفتاح بس مو بالسرعه هذي
يعني صار انفتاح يخوف ويشغل البال

تغطوا يا بنات معنا رجال هنا :(

هنديه حليوه

15-04-2006, 22:32

نبي مقهى انترنت شيشه وع

aNa 6aL 3omRy

15-04-2006, 23:30

واللهي اني لاشفت احد يعسل اقعد واشم في الريحه وابتسم ابد كاني انا الي اعسل
<<<<<<< تخق مع ريحه المعسل وبالذذذذذذذات التوت والتفاح
بس اني اجرب لاماجربت ودي اجرب بس عن نفسي :p
بس انهم يفتحونها مااؤيدها ليه ؟
لان بيجونك عالم يستعرضون فاهمين الحريه غلط
لو انها تدخن او تعسل او تشيش في بيتهم كان يقول الواحد ذنبها على جمبها لكن مساله شوفوني واستعراضات
على قوله حارقتهم يكفي مملكه المراه بعد ماكنت احبها صرت اكره شي اروح له هي
\

miss.ksa

16-04-2006, 07:36

من غير مثاليات اكثر البنات جربوا هيك بس تجربه وعبط
واللي استمروا عاد الله يعينهم على مابلاهم
اعتقد انه مرتبطه بشكل قوووي بالاسترجال << والاخيره تحتها الف الف خط

صاحبتي راعية معسل بعنف
بس عذرها معها تعلمته من امها وامها من طرف << استغفر الله
يعني محد يلومها

بخصوص صلب موضوعك
طبعا انا ضد هالشئ

اوكي اللي تبي تدخن هي حره اصلا هي تبي تقتل انوثتها

بس مقاهي علنا وخاااصه لا طبعا
الاستراحات والمقاهي المختلطه ازenouph واللهي

البنات فيهم من الجرأه اللي تقرف بما يكفي <<< وش عندها ابو الشباب

^السماء^

16-04-2006, 13:50

المنطقه الشرقيه حيث اعيش انا لا يوجد فيها مقاهي نسائيه لشيشه !

فالطابع العائلي هو المتبع في نظام المقاهي والمطاعم في المنطقه الشرقيه نظرا لقربها من دول الخليج حيث ان التنزه العائلي هو السائد حيث ترين كثيرااااا وفي اغلب الاحيان الاسره بكامل افرادها في مقهى او مطعم بمختلف الاعمار فا الابناء شباب ورجال مع اخواتهن نساء وفتيات والام والاب في الصوره وهذا الغالب !!

اما عن مقهى نسائي الشيشيه هي الاولى في قائمة المنيو امر غير موجود لا بل مستحيل هذا اولاً

الجدير بالامر ان تلك الاماكن التي ارتدتيها عن جهل منك او عدم معرفه مسبقه غالبا غير معترف بها من قبل العامه وقليل جدا من الفتيات الواعيات ياتين اليها لقضاء بعض الوقت لتناول القهوه وانما في الغالب يذهبن للاماكن الاكثر عائليه واكثر حشمه وخصوصيه والتي تساعدهن على الترويح عن انفسهن بدون مخاطره في الرئه من رائحه الدخان المنبعث من افواه المدخنات !

عموما يبقى ان اذكرك بانه لايوجد شيء اسمه مقهى شيشيه نسائي وان وجد يبقى تحت ستار تقديم القهوه وما الى ذلك وما عليه ستار يبدو لي انه في الغالب مكان غير لائق لاي فتاة مسلمه ومحتشمه الذهاب اليه :)

لك تحياتي

فتوشة مربوشة

16-04-2006, 18:38

هلا بوخيتي عقد

هل سبق لك تجربة التدخين او التعسيل ؟

ايه جربته بس يع يحوم التسبد

فتوشة مربوشة

16-04-2006, 18:40

هلا بوخيتي عقد

هل سبق لك تجربة التدخين او التعسيل ؟

ايه جربته بس يع يحوم التسبدpb036
:D :D :D

Miss.spoon

16-04-2006, 20:32

كشخه تطورت السعوديه :d

A F N A N

16-04-2006, 23:09

حسب علمي بالشرقية ما عندنا مقاهي "نسائية" للشيشة .. يعني فيه مقاهي ومنتزهات عائلية
ومو كثيرة مقاهي العوائل اللي فيها شيشة .. تنعد عالأصابع
عاد ان طلع فيه مقهى نسائي مدري عنه علموني عليه :d لأن حسب علمي مافيه مقهى نسائي المقاهي اغلبها للشباب وبعضها عائلية

هل تؤيدين افتتاح مقهى شيشة نسائي في الرياض ؟
لا
مع ان اللي طق براسها تعسل بتجيب الأرقيلة لحد بيتهم بدون مقهى ولا شي .. لكن ان كان فيه مقهى بتزيد نسبة المشيشات اكثر :d

هل سبق لك تجربة التدخين او التعسيل ؟
التدخين لا ..
عسلت كذا مرة .. بس مو ادمان يعني كل يووم !! لا ... من فترة لفترة
الله يهدينا ويهديكم

تشكرات عالموضوع :)

عنيدة نفسي

17-04-2006, 12:57

و من قال انه حلال عليهم اصلا !!

التدخين بكل اشكاله يندرج تحت قوله تعالى

{ وَلاَ تُلْقُواْ بِأَيْدِيكُمْ إِلَى التَّهْلُكَةِ } (195) سورة البقرة

الآن مو التدخين اول اسباب سرطان الرئه مثل ما الخمر اول اسباب تلف الكبد ؟!!

كلها مهلكه ..

لكن التدخين ماكان موجود بعهد الرسول ليكون له حكم نصي بل هو من المستجدات والي يحكم عليها بالقياس .

للأسف التهاون في امره شديد رغم تساوي حرمته مع غيره (( لا اقصد هنا الخمر بل اي محرم اخر يساويه .. عشان محد ينشب لي )) : (

ياناس احب ذي البنت ويوم عن يوم تكبر في عيني pb189

عقد الماس . . انا ضد هالفكره بعنف

وجعلي ما اجربه

شهبا مملوحه

17-04-2006, 14:54

لاحول ولاقوة الا بالله
يالله صلاح العطى وجعل ربي مايبلانيى بس

لسعة شقاوه

17-04-2006, 19:54

؟؟؟؟؟؟؟

معقوله ؟؟؟؟؟؟؟؟

معقوله وصل بنا الحال اننا نناقش هالموضوع؟؟؟؟؟؟؟؟؟

للاسف ...

اول كان حتى الرجال عيب وشق جيب يدخن ... الحين حتى الحرمه عادي ....

ليش طيب كذا ؟؟؟
وش السبب في هذا الانحدار الاخلاقي ؟؟؟؟؟؟

المجتمع ؟؟؟
الفضائيات ؟؟؟
قلة الدين؟؟؟

بس احلى عبارة قريتها هنا (غير اللي حكت ان التدخين اصلا حرااااااااااااام )

اللي قالت (( البنات فيهم من الجرأه اللي تقرف بما يكفي )) <<< صح لسانتس وخيتي miss.ksa

فتوشة مربوشة

19-04-2006, 14:41

في صالون بحي السليمانية وفيه داخله مقهى وبه شيشة ويحطون حشيش حسب الطلب و فيه خيمة فيها بنات من الجنس الثالث الله يكرمكم وكله عيانا بيانا وفيه غرف لتعليم الموسيقى لقينا فيها عود وبيانو وكمان

اسم الصالون ادوليس ,, بس ماادري لمين الصالون ..

مصفـ بزارين ـقة

19-04-2006, 16:02

يالله سترك هذي نهاية العالـم .. :(

مقهى شيشه للحريم وفي السعوديه بعد .. :(

‏ŁEěOи๏

19-04-2006, 17:03

الحمد الله وشكر ا
الله لا يبلانا
بنات آخر زمن

عيشالك

19-04-2006, 17:24

اسم الصالون ادوليس ,, بس ماادري لمين الصالون

اسمو لوردليس
والمكان مومضبوط
وهو صاحبتو مغربيه لكن لها ظهر
يعني زوجه واحد معروف

فيه مقهى بعليشه
ماعرف اسمو لكن يقولو لي انو تعسيل
والويترس فلبينيات ومغاربه

تحياتي

قطـــــوه

19-04-2006, 23:53

هل تؤيدين افتتاح مقهى شيشة نسائي في الرياض ؟

لا ما أأيد فتحها ,, ومو بس في الرياض حتى في كل مكان ,, لأن راح تصير بلاوي مالها اخر ,,

هل سبق لك تجربة التدخين او التعسيل ؟

نعم جربته ,, مجرد تجربه بس مو شيشه جربت المعسل ,, << تعرفين لازم اللقافه ,, كنت أبغى أعرف ليه يدمنون الرجال عليه ,, :D

العسكـــريه

20-04-2006, 08:16

بصراحه انا مره جلست مع اخوي في الديوانيه .. وولع زقارته ..pb071

وانا جالسه اتفرج في التلفزيون ..صدري كله امتلا من ريحه الزقايره .. :(

قمت اليوم الثاني لقيت صوتي مبوحوح .. :( فمابالكـ بالشيشــه .. الله يكافينا شرها .

خخخخخخخخخخـ pb027 كنا في استراحه مجتمعــين .. ونرتب المطبــخ .. ومحتاسين ..

الا تلقى خالتي علبه صغيره نفس المربــى

وحنا ندري انه معسل للعيال .. pb027

قالت خالتي هذا وشنهو .. :D pb189

استهبلنا عليها وقلنا مربــي ياخاله ذوقي يجـنـن .. pb027

لحسه منه لحـسه ,, وبغت تطيــح علينا غشيانه .. pb027

ولا بنت خالتي لحسناها المعسل .. صارت بقوه الف حصان خخخخخخخخخـ .. pb027

بصراحه الحاجات هذه مو للبنات .

ألتوام

20-04-2006, 13:33

هههههههههههههههههههههه

اما مقهى شيشه نسائي

لا والله اختي انا ما اؤويد

وش غيرك ؟

20-04-2006, 14:17

خلييها على ربك لو تشوفين عندنا البنات بالجامعه على الرصيف وبالاسياب يدخنون ولا فكروا بأحد ....هذا الكلام بجده

من البنات هالايام راحوا فيها ..

بس الحين انا بالرياض ما شفت شي احس البنات اهون ......

خير من يقوله اذا تقصدين جامعة عزوز اوكي فيه بنات يدخنون وبعد من المستخدمات بالجامعه لكن بالحمامات
اما شي علني عيني عينك نو وي
وين حنا فيه تكفين اذا اللبس تمسك معهم يعطونك فيه مخالفه وتفتيش عند البوابات بيسمحون بالتدخين عاد

:rolleyes:

اما ان كان قصدك جامعات اهليه الله واعلم مع اني مااظن بهالشكل العلني بعد

&
&
&

نرجع للسؤال
انا احب اشم ريحة معسل الفراولة خاصة اذا كان المكان مكيف وفيه ميوزك هاديه أروق عليها
بس بدون ما اشوف شكل اللي ماسكها << تستاحش منهم pb192

وترى فيه فرق الله يصلحكم بين الشيشه ام لي طويل وريحتها مخيسة <<< خبره pb034
واللي الحين منتشره بالكوفيهات وهي الأرجيلة صغيرة وشكلها نوعا ما مقبول وتجي بشنط وحركات بعد
<<<< بيقولون لها اعترفي وقولي قصتك بعد pb095

لحد يفهم غلط بس عايشه بالحجاز واعرف هالحركات زين مازين pb024
لدرجة مره وحده عزمتنا ببيتها وكانت توزعها على كل الحضور
طنقرت امي وقالت يالله مشينا لابوها عزيمة والشرهه على اللي يطب بيتهم مرتن ثانية pb027

الواثقة

20-04-2006, 14:18

اختي عقد الماس طيب التدخين بحد ذاته صحيح انه عادة مضرة بالصحة
ولكن هذا ليس معناه ان تكون البنت المدخنة فتاة سيئة فيه مدخنات ستات بيوت و مدرسات و كثير حريم
صحيح انا غير مدخنة ولكن التدخين والشيشة جدا منتشر في الحجاز وبرى الحجاز
ويكون في علمك كثير حريم من الرياض نجديات لمن يجوا عندنا في حفلاتنا او سهراتنا يشربوا ارقيلة
انا مستغربة من النظرة الغريبة للمدخنة وكأنها مسوية شيء خطيييييييييير يمكن لان فئة معينة من الرجال هي الي اتعرفت بشرب الدخان
يعني الارقيلة مو دليل على اخلاق البنت البعض يعتبرها متعة او تسلية
وهي اولها دلع واخرها ولع يعني الادمان عليها وهذي مشكلتها ما تنتهي عند دكاترة الصدرية من ربوا ومشاكل
هل تؤيدين افتتاح مقهى شيشة نسائي في الرياض ؟
عادي يختي وانا اعتربها حرية شخصية
هل سبق لك تجربة التدخين او التعسيل ؟
ما اقدر علشاني ممرضة وعارفة اخطاره وظيفتي اوعيهم عن اخطاره ولكني ما عمري جربت الحمد لله
كيف ترين ظاهرة انتشار المقاهي في جدة والشرقية
بالنسبة لي المقاهي هي من اكثر الاماكن الي احس براحة اكثر اذا اجتمعت مع صحباتي او اهلي
والخدمات فيها مميزة افضل من كثير اماكن وتكون احلى واحلى اذا كانت نسائية بحته

ra7all

20-04-2006, 14:40

يععععععععععع ما قبلته من ولد

اقبله من بنت

طيب حريه شخصيه اوكيه

بس بالله كيف بيصير شكل فمها برضوا يعععععععععععع pb093

برايفت وش غيرك bp039

خير من يقوله اذا تقصدين جامعة عزوز اوكي فيه بنات يدخنون وبعد من المستخدمات بالجامعه لكن بالحمامات
اما شي علني عيني عينك نو وي
وين حنا فيه تكفين اذا اللبس تمسك معهم يعطونك فيه مخالفه وتفتيش عند البوابات بيسمحون بالتدخين عاد

والي قد شافتهم كذا مره في اسياب الرابع الي بجنب المشتل مريه اخر النهار :)

العسكـــريه

20-04-2006, 16:58

عادي يختي وانا اعتربها حرية شخصية

حنا مجتمــع محافظ ..

كلمة ( عادي ) مو موجوده عندنا .. افهموا ياهوووه

يعنــي .. التدخين للبنت عيب وشق جيب ..

عقد الماس

20-04-2006, 22:36

هلا والله وغلا
توي انتبه لموضوعي هذا نسيته والله :D
اختي بنت المدينة المنورة
هذي مو حرية شخصية انتشار المقاهي .
هذا شي يعلم على التدخين .
وانتي قلتي بنفسك انك ممرضة ولا جربتيها لاضرارها وانك توعين الناس منها فكيف ترضين انها تنتشر
المفروض انك تحاربينها .
كلامك متناقض تماماً

**مزوووون**

21-04-2006, 00:57

اهلين

هل تؤيدين افتتاح مقهى شيشة نسائي في الرياض ؟

لا طبعا لافي الرياض ولاغيرها بالسعوديه pb151 << بيشارونك عاد pb095

هل سبق لك تجربة التدخين او التعسيل ؟
لا :)
واذكر مره كنت مسافره ومعي بنات من نفس البلد العربيه اعرفهم
والله وطلبوا شيشه pb036 وعزموا علي pb071 لكني رفضت والله pb094

بعدين ظاهره التدخين والتشيش مقرفه بجد على الرجل فاكيف المراه وهي تاثر على صحتها اضعاف
خصوصا انها تحمل وتولد

كيف ترين ظاهرة انتشار المقاهي في جدة والشرقية

الشرقيه ماقد سمعتها ابد الا منك صراحه يمكن اشاعه او مثل ماقالت وحده من البنات عائلي
وفيه للرجال والحريم حاشرين نفسهم معهم :D

اما جده فاكثير شفتهم بعيني بس منظر ماله داعي بس ممكن السبب تداخل الجنسيات عندهم كثير
او بقايا الحجاج اللي عندهم

وهالمنظر بجد صعب بالنسبه لي بيتنا مافيه مدخنين رجال اساسا والحمدالله فاتخيلي فكره ان المراه تدخن بجد
فكره سيئه ومضره بالصحه وتهلكه

عقد الماس

21-04-2006, 01:14

^
^
^
^
^
^
الشرقية انا طالعه لها وشايفتها
هي بالاصح عائلية أكثر .
يعني تطلعين انتي وزوجك او قريبك وتطلبون شيش ينزل لكم عادي .
لكن لو تروحين لوحدك تبغين تشيشن عادي يرحبون فيك .

فالتهااا

21-04-2006, 23:15

.
.

اللي يقول ان التدخين والشيشه انفتاح

فهذا مايعرف وين الله حاطه ،، :rolleyes:

هل تؤيدين افتتاح مقهى شيشة نسائي في الرياض ؟

اذا شاوروني بقول لا وبالتلاته بعد ،، اللي يدور الانفتاح يروحله ،،

هل سبق لك تجربة التدخين او التعسيل ؟

مايخسى الا هو pb151 << فاهمه غلط

كيف ترين ظاهرة انتشار المقاهي في جدة والشرقية

ماحددتي عائلي ولا نسائي !! pb036 ،،

على ان سكان جده ماراح احكي عن اهلها الاساس راح احكي عن المتجنسين ولا المخلفات ما الى اخره ،،

ماوفرو شي سواء عائلي ولا نسائي اذا العائلي وتشوفين العجب منهم حتى زوج جالس مع زوجته مايخلونه

لابد من مسخره وحركات شسمه ،، اذكر مره وحده متزوجه تقول اذا قال رجلي (زوجي لغير المتحدثين بالعربيه pb027 )

بيروح جده تقول كأنه قايلي بروح البحرين شوفو لوين وصلت وجهه المقارنه pb093 ،،

نرجع للسؤال انا اقول سواء عائليه ولا نسائيه ماراح يضر انتشارها لـ بنت الاصول واللي براسه فساد ماراح يوقفه شي بكل الحالتين ،،

عموما البنت اللي تخاف ربها و وراها اهل وتعمل حساب لأهلها ماراح تنجرف ورا هالتيار الفاسد (بوجهة نظري) :rolleyes: ،،

ولا اللي لا خوف وضاربه حساب الاهل بعرض الحائط فـ راح تشوفون منها العجب العجاب ،، ومالنا الا ندعي لهم بالهدايه ،،

والله بيجي اليوم اللي اذا جا الرجال يخطب بيسأل بنتكم تدخن؟ pb093 ،،

نسأل الله العافيه وحسن الخاتمه :rolleyes: ،،

.
.