عبايات جديدة اشكال والاوان [الارشيف]

عرض كامل الموضوع : عبايات جديدة اشكال والاوان

عقد الماس

14-04-2006, 16:31

اول شي المعذرة يا مشرفاتنا
انا شفت اغلب المواضيع عن المكياج وطبخ واشياء زي كذا والمنتدى هذا اسمه مملكة المرأة فحبيت افتح مواضيع تحمل نوعية جديدة في الطرح (( ما ادري من وين جبت هالكلام :D ))
المهم حبيت اسئلكم يا بنات
عن العبايات الي طاحو فيها البنات هاليومين واعتقد انها جاية من الشرقية .
الي هي عباية الفراشة والسمكة ولو يبتلون كذا كل يوم بيطلع نوع جديد .
احب اسئلكم وش افضل نوع تلبسونه من العبايات ؟
وهل انتي تكشفين وجهك ؟
وهل تلبسين نقاب او برقع او لثمه ؟
من ناحيتي انا البس عباية راس ولا اتجرء اطلع من البيت الا بها .
من جد طلعت مره بعباية كتف وحسيت بتأنيب الضمير pb093
لذلك من الطبيعي اني البس غطوة .
يعني مو معقولة تجيك وحده لابسه عباية راس ولابسه لثمه :D

الدنيا حلوة

14-04-2006, 17:30

http://www.alamuae.com/up/Folder-001/1143430473_a8.gif

هلا بـ عقد الماس

اول مرة أشوف مثل هالموضوع بس حلو ماأعتقد انه فيه بيدخل ومايرد
لأن الكل يستخدمها

أما بالنسبة لي استخدم عباية الكتف لكن مو الموديلات الجديدة لا

وألبس نقاب

قبل برقع بس من فترة تقاب

وبانتظار البقية...

تشكرين

bp039

http://www.alamuae.com/up/Folder-001/1143430496_a9.gif

عقد الماس

14-04-2006, 17:52

هلا والله اختي الدنيا حلوة
ومشكورة على مبادرتك
لكن ما قلتي لي وش نوع عبايتك بالضبط الفراشة ولا ايش ؟
وهل تحبين التطريز يكون كثير فيها ؟
هل تحبينها تكون ملفته للنظر بشكل واضح ؟

*اجمل احساس*

14-04-2006, 20:19

ياما شفت لابسين عباية راس مع لثام

t00fee

14-04-2006, 20:27

طيب وشدخل الاسئله بالموضوع ؟
كان ودي انك حاطه لنا اشكال عبايات << تتشرط
لا بجد ودي اسوي عبايه ومحتاره مدري وش اسوي
احب اسئلكم وش افضل نوع تلبسونه من العبايات ؟
بصراحه انا احس اريح شي العبايه العاديه الي قبل الفراشه مريحه للسوق مررره مدري وش اسمها
بس بالعزايم مستشفى الزي منوو املح مرره الفراشه
وهل انتي تكشفين وجهك ؟
ان لم اكن متزينه نعم يااختاه اتحجب << احس بتشوشون علي من هالرد
وهل تلبسين نقاب او برقع او لثمه ؟
بس بالعويس والسويلم يقوم سوق النقاب واذا ماكنت متحجبه بالسوق اتللثم

وبس

LaZeZa^^KaLBoZa

14-04-2006, 21:15

جايه اركض على بالي فيه صور عبايات :D

احب اسئلكم وش افضل نوع تلبسونه من العبايات ؟

ماادري بس ماحب العبايه تكون مزركشه وفيها خرابيط والوان احبها تكون اسود في اسود ومن طلعت عبايه الفراشه وانا معلقه عليها
وهل انتي تكشفين وجهك ؟
لاطبعا
وهل تلبسين نقاب او برقع او لثمه ؟
نقاب

بس بسئلكم ودي افصل عبايه للزيارات وابي شي حلو وش رايكم تراني دلخه في العبايات ماعررف pb094

ستايل

14-04-2006, 21:21

وهل انتي تكشفين وجهك ؟

لا
وهل تلبسين نقاب او برقع او لثمه ؟

للسوق عباتي على راسي ومعها نقاب

اما بالنسبه اذا كنت طالعه من بيت لــ بيت او سهره عباتي ع الكتف

bp039

مثل المطر

14-04-2006, 21:30

عبايتي على الراس و طبعا مافيها خرابيط ابدا

و البس نقاب و احاول ما تطلع ماي ايس الا قدر الحاجة

.
.

الله يهديني زيادة بعد و اتغطى اكثر و اكثر
و يارب بعد ما اتأثر بالفتن اللي موجودة الحين

بس تبون الصراحة ؟!

انا مقتنعة اقتناع كامل ان اللي تلبس عباية على الكتف و طبعا كلها شك و تطريز و خرابيط و تلبس لثام أو ما تغطي وجهها ..... مافيها ثقة بنفسها أبدا أبدا أبدا
و غالبا فيها عيوب الدنيا

وجهة نظري لحد يزعل :)

باي

في خاطري شئ

14-04-2006, 21:47

انا بالنسبه لي عباتي على راسي والبس نقاب ولا فيها زكرشه ولا شئ ولله الحمد...
والي بتلبس عباية على الكتف او بتتحجب المفروض انها ماتكون ضيقه او مزكرشه كنها بتروح عرس ...

عقد الماس

14-04-2006, 21:49

عدد المتواجدون في هذا الموضوع » 5 , عدد الأعضاء » 4 , عدد الزوار » 1 ‏عقد الماس (http://www.eqla3.com/vb/member.php?u=118094), ‏المايستـرو (http://www.eqla3.com/vb/member.php?u=33410), ‏tweety (http://www.eqla3.com/vb/member.php?u=119102)

المايسترو وش عندك هنا :)

LiNa

14-04-2006, 22:05

احب اسئلكم وش افضل نوع تلبسونه من العبايات ؟

عباية كتف // ومااهتم بالموديلات اهم شيء تكون مريحة

وشكلها مرتب

وهل انتي تكشفين وجهك ؟

احياناَ حسب الظروف يعني

وهل تلبسين نقاب او برقع او لثمه ؟

لثمه

مثل المطر::

أنا مقتنعه بحجابي وعندي ثقة كبيرة في نفسي ... ونوع الحجاب

شيء اختياري ...كتف رأس كل شخص حر باللي يلبسه :)

علمتني الأيام

14-04-2006, 22:44

بالنسبه لي أكره العباايه تكون ملونه وكنها عرس ..و اللثمه ما تعجبني خااصه اذا كانت البنت متفننه بالميك

اب يعني بصراحه مدري كيف شكلها صاير بايخ وسخيف جاايه للسوق وطاقه ميك اب عرس !!!

الأمر اللي ما يعجبني بالبنت هو التبهرج وأظهار الزينه والمفاتن يعني فيه بنات بصراحه محجبات ((تراني ما

أتحجب اتغطى )) بس منظرهم محترم بصراحه,,, وفيه بعظهم لاااا متحجبه حجاب نص كم لو كانت بدونه أصرف

نصف الشعر طالع واالميك اب ما يحتاج ....

وبرضو ممكن تكون وحده ملثمه او مبرقعه وما تركت لون

ما صبغت فيه وجهها ,وعبايتها شوي وتتمزع من ضيقها وشكل العبايه مقررررف ... <<<مداخله هاذي:D

أول كنت البس مخصره مهوب مره شوي يعنيpb094 وتركتها حاليا الحمد لله..لانها بصراحه ملفته للأنتباه

وتيقنت من هالشي شخصيا...

الفراشه تعجبني حلوه وساتره ...غطاء وجهي نقاب ...وأحيانا بالطرحه..

أحيانا بعد البس راس في بعض الاماكن..

احس عندك بحث ولا استبيان على هالاسئله:D

رنـّو

14-04-2006, 23:59

بنات ايش الفرق بين النقاب والبرقع واللثمة؟
انا احسب كلها نفس الشي, الفم يتغطى والعيون تطلع, ولا؟

LaZeZa^^KaLBoZa

15-04-2006, 00:42

^
^
^
رنو ........ النقاب:بس يطلع العيون

البرقع.نفس الشي يطلع العيون بس بشكل اوسع وبالوسط يكون فيه خيط بين العينين :d <===اكرره البرقع كره عظيم

اما اللثمه تطلع الجبهه الحواجب العيون كلها بكبرها والخشم بعد وده يطلع :d يعني كلش طالع مايتغطى الا الفم وشوي من الخشم

qazl

15-04-2006, 01:40

احب اسئلكم وش افضل نوع تلبسونه من العبايات ؟
انا حبيت السمكه اكثر من الفراشه
وهل انتي تكشفين وجهك ؟
اي اكشف ويهي بس في المجمعات اتغطى
وهل تلبسين نقاب او برقع او لثمه ؟
ولاشي
واحب العبايه البسيطه

وردة الاقلاع

15-04-2006, 04:08

البس عبايه على الكتف

واسوي لثمه

الله يهديني والبس نقاب :)

Memories

15-04-2006, 04:28

.
.

رنّـو أحبـك pb189

:d

عقـد ياقلبـي ياليـت تطليـن ع الدستـور وتاخذيـن لك لفـه ع القسـم والمواضيـع وبتفهميـن طبيعـة الطـرح ..
لكـن شغـل اسئلـه واجوبـه ! ماينفـع ..
يهمنـا في الموضـوع وجهـة نظـر شخصيـة + هـدف + مضمـون ..
انتي لو جايبـه استفتـاء اقـول ممكـن .. لكن مجـرد سوالف وانتـم وش تلبسـون !
لا ممنـوع ..

للماصلـه ..

.
.