هل هنالك ثمـــ 8 ــانية أخرى..؟

[مصقوع]

بسم الله الرحمن الرحيم
الحمد لله رب العالمين اما بعد..:
عندما نذكر اسم كاس العالم نحس بأن هنالــك شــيء مبهــم ماهــو أهو عقــدة ثــ 8 ــمانيه أم هو الخوف
هنالك حلين لاثالث لهما:
1- إما ان نبدع ونتألق ونقفز نحو دور الـ16 كما فعلناه في 94
2- وإما أن نعيد الكرّة مرّة أخرى وتكون البصمة بالعشرة.

لكل شخص نظرة الخاصة لرؤية المستقبل
فمنهم من يتفاأل وتفاألوا بالخير تجدوه
ومنهم من يقول الــثمـ 8 ــانية ستأتي مرة أخرى

أن اتوقع ان الخيارين مشفرين كما المباريات مشفرة
هل سيشفر المنتخب السعودي ولن نراه.؟
أم سيكون أمام أعيننا نجماً صاطعاً

ننتظر أقوالكم...


وليدلي كلا منكم بدلوه في المنتخب السعودي

بالاسباب التي دفعت لهذا التوقع

شكرا للجميع.

[معجون]

يااذكر انهم امتعونا عام 94
وليتها تتكرر رغم ان الاحتمال جداً ضعيف لا لاعبين مأهلين ولا ادارة زي الناس
فـ انت على موعد مع فشل جديد

[مصقوع]

تفاولوا خير


باذن الله الاخضر مع باكيتا غير

[Mr.DoOOoDY]

يجيبك القول يا دعيع

ولا تستعجل على رزقـك ..


بس تدري ان التحكيم السعودي كان له دخل في الثمانيه !

كيف اقولك كيف ..

اللاعب السودي تعود على أي إلتحام يبي فاول ...

صار ان طالت عليه الكوره ولا ماجابها " محط " بعمره ..

ويحتري الحكم يصفر !!

عاد ثمانيه من اللاعبين بالمنتخب كانوا هلاليين وقتها

واللاعب الهلالي يا حشاشة يوفي دلوع شوي ومتعود على ملاعبنا

كل ماطاح صفرله الحكم لو يطيح بالدائره

توقع يجيه بلنتي .. :rolleyes:

فالثمانيه بتصير اربعه كانهم قسموا المنتخب بين هلالي وإتحادي pb024

وإن شاء الله تجي 16 مهيب ثمانيه بس ..

[snatch]

النــتايج الكـــبيرة مــا راح تــكون مـــوجــوده ,,

حتى لـو كـان مســتوى المنــتخب ســئ ,, منتخــبات المـجمــوعه ماهي بـ ذيك القــوه ..

اللي بــ تسجل علينا نتـايج تـاريخـية ,,

حــتى .. منتــخب إسبـــانـيا اللي اعتــبره " أصــغر المــنتخبــات الكـــبيره " ,,

هــذا الكــلام في أســوأ الإحتـمالات .. يـعـني إذا ما خــالفــوا التـوقــعات نجــوم الأخــضر pb192 ,,

ــــــــــ

آآآه يالأخــضر .. بــعد ما وصــلنا لـ دور الـ 16 .. صـار طمــوحـنا إنا ما نـاكل نتـايج كـبيره pb093 ,,

[F a i s a l]

هل هنالك ثمـــ 8 ــانية أخرى..؟

إحتمال كبير يا قلبي :)

[MKHRRBHA]

على حسب مزاح توريس وشفشنكو والزيتوني <<< الاخير طراااه بدال البرازيلي اللي عجزت اجيب اسمه حق تونس :d

اذا بولندا وطقتها صكونا ومن طريقة ارفع واكبس :d ما اظن بنصبر قدام فرق كبيرة!!
ليتهم يجنسون المنتخب بكبره بس

[مصقوع]

طيب واللي يقول المنتخب بيتأهل لدور الـ16
أنا اقول من هنا وصدقوني التمياط بيكون له أثر على المنتخب

والسعوديه في كأس العالم سيلفت النظر لماذا
لانه أخضر
وانا عشقي أخضر
دمي أخضر
احشائي خضراء
كلما ارى اخضر فأقول احبك ولك الانتصار

سترون بأم عينكم

[مغرور حدي]

الوقت يختلف والظروف تختلف ...

انا ولله الحمد متفائل جدا بمنتخبنا ... وتقريبا الي يحدد مصير منتخبنا هي المباراه الاولى مع تونس ...


تحياتي

[سوبر هلالـــــي]

ان شاءالله يكون المنتخب في احسن حاله ..........

يتأهل ان شاءالله

[»§ اسيرها §«]

اتوقع اوكرانيا تفجرنا .. :d
لكن اسبانيا وتونس ماهقيت يهزمونا بأكثر من اربعه .. :)

[بتي فور]

8
8
نفس كلام اسيرها
تونس اتوقع اثنين او ثلاثه
اسبانيا نفس الشي اثنين ثلاثه
اما اكورانيا اتوقعها فوق الخمسه

تونس ممكن نشكل خطورة من هجمه او هجمتين على الأقل نشوف حارسهم
اما اسبانيا اللعب كله قدام قولنا بس من الملل مهب مسجلين اكثر من اربعه
اوكرانيا اول مره تتاهل وبتواجه صعوبه قدام اسبانيا وتونس ومالها إلا الصقور الخضر
وبتلعن ام المنتخب:d

قسم بالله اني متفائل انه مايدخل مرمانا بالثلاث مباريات اكثر من عشر اهداف

[R O M A]

انا مره يجيني احساس انهم بيسون شي ومره يروح هالاحساس ..

لكن شف تقريبا مجموعه السعوديه موب قويه مره يمكن اسبانيا اقوى شي لكن اوكرانيا واول مره تتأهل وبوجود شيفا اتوقع الوضع هنا ما يطمن ولازم تترك بصمه لها انتيا اوكرانيا ..

السعوديه اذا عدت تونس نقدر نقول انها بتتحمس اما اذا انرقعت من نسور قرطاج انس تسوي شي ..

كل هذا اللي فوق مجرد توقعات ولا احد يدري وش بيصير لكن نصبر ونشوف مالنا الا الصبر ..

قراااتسي مصئوع ع الموضوع <<< وش رايك بالسجع :D

Ciao

[D 7 o m]

هل هنالك ثمـــ 8 ــانية أخرى..؟
ايه .. المنتخب الحالي أضعف من منتخب 2002
المنتخب الحالي باقي 50 يوم على اول سنتره ومابعد ضبط وضعه
التشكيل حوسه .. معسكرات بدون فايده
للحين مالعبوا وديات قويه غير البرتغال
مافيه تصحيح للاخطاء
في مباراه البرتغال كان فيه اخطاء كبيره في خط الدفاع وخاصه قلبي الدفاع
وكانت الكرات العرضيه تسبب ( ازمه ) للمنتخب وماشفنا لها حل
جت مباراه بولندا ونفس المشكله ..!!
اجل وش فايده الوديات ..!!

والله يستر على منتخبنا في كاس العالم :)

[حزام الامان]

الوضع مايطمن

واتوقعه مونديال كوارثي على الكره السعودية زي المونديال الاخير

الله يستر

[BSMAH]

خلي السعودية تفوز على تونس وراح تلقون النفسيه تمام التمام وتقدر تسوي لو شئ بسيط


والمصيبه خسارتها قدام تونس راح تكون النفسيه دمار والإحباط يسود على اللاعبين



والله يوفق الأخضر يارب قلبي معاهم <<< رومانصيه

[الملحمة الماجدية]

آآآآآآآخ يا معركة ثمانية / صفر :(

منتخبنا أمام مهزله جديده قد تكون أشد من مهزلة كأس العالم في اليابان :(

لو نجيب مدرب هاوي يمسك منتخب السنغال والا اسبانيا ان يوصلون لدور الثمانيه وهم يضحكون ....لو نجيب زاجالو يدرب المنتخب ماراح بيستفيد الا شي واحد انه يخفف علينا الكوارث

لاعبينا من يلمسه مدافع قام ومحط عمره حتى لو هي خفيفه ...لأنهم متعودين على الدلع :(
اجسامهم مثل وجيهم...تصدقون ان الاعبين ذوي اعمارهم 21 سنه في الدول الاجنبيه ابن ام لاعب سعودي يحارشه حتى لو انه صغير في الجسم ...بس كذا لاعبيننا الخوف عندهم بريالين مايعوق الخوف معهم :(

[مـرزوقـة]

هل هنالك ثمـــ 8 ــانية أخرى..؟

بالتاكيييييييييييد ما في شك خخخخخخخخخخخخخخخخخخخخخخ

حسافة بس لو احنا متاهلين جان

نوررررررررريكم اللعب العدل

[P U M A]

أخـوانـي ,,

إداارة المنتخـب الي سوّتـه مااهـو بسهـل :)

لعيّـبة وإداارة المنتخـب أعتقـد صـار عندهم خلفيـة عن غضـب الشـاارع الريـاضي والإعلاام الي يحتـري منهم الزلّـة
ومافيـه شك انهم عرفـوا ان كـاس العـالم ميب ذيـك البطـولة الي تلعب وديتين وتمشـي !!

الودّيـات الي جـاايـة هي الـي بتحدد مستـوى المنتخـب وخصوصـا مباراتـي تركيـا وتوغـو

الإعـلام لـه الدور الأبـرز بدون شـك :)

[قوطي][G][فاضي]

بسم الله..
منطقيا وحسب مستوى المنتخب السعودي حاليا ومستوى الكادر التدريبي اللي بصراحه ما اشوف انه قام بأي اضافة مفيدة..أجل محمد مسعد ظهير كخخخخ اتوقع ان المنتخب راح يتلقى هزيمتين موجعتين من اسبانيا واوكرانيا لن تتعدا الخمس اهداف عطفا على مستوى المنتخبين المتوسط بين منتخبات العالم..واتوقع تعادل و ربما فوز بركلة جزاء امام تونس..

المنتخب يبي له مدرب كبير يمسكه لمدة تتراوح الى الخمس سنوات قبل كاس العالم..عشان يشوف لعيبة الدوري بشكل اوضح..موب يجيبون لي مدرب نادي ويمسكونه منتخب..!

كلنا ودنا انهم يبيضون الوجه ولا يصيرون مسخرة في كاس العالم خاصة وان الدول المجاورة تحتري الزلة للمنتخب وتبي تضحك عليه..

المنتخبات الكبيرة تصورو مثلا زي ايطاليا لهم شيف خاص ولهم دكاترة نفسانيين يهيئون اللعيبة قبل البطولة..هذا غير بعض المنتخبات يمارسون الأسترخاء عن طريق اليوجا والأنضباط عندهم ميه بالميه..اكل صحي..النوم..اللياقه ..كل شي..
شوفو اجسام لعيبة المنتخب واغسلو يدينكم..ولا واحد جسمه تحس انه عضل..بالله شوفو مناف ابوشقير ومحمد الشلهوب وناظرو ماردونا على عزة او ايمار شوفو وشلون فرق الاجسام واضح مع انهم نفس الطول..!

[ابوقوقل]

ياويلي ويلالالالالالاه
وربي جاني إكتئاب مخنفش pb131
الله لايعيدها من أيام ..يضل ذاك اليوم من أسواء وألعن ماممر علي في حياتيpb093
وعندي سؤال أموت والقى جواب شافي له؟
هل الحلول العلميه المدروسه :mad: والقروش المطشوشه ...تخلينا مهزله كبرى قدام العالم كله (رياضياً وكروياً تحديداً)
pb151pb151pb151 من يحاسب اللي يبي له حساب ...

[الافــــلاجــــي]

انا متفائل بالخير بس أتوقع ان بيدمرنا
عاد ثمانيه من اللاعبين بالمنتخب كانوا هلاليين وقتها

واللاعب الهلالي يا حشاشة يوفي دلوع شوي ومتعود على ملاعبنا

كل ماطاح صفرله الحكم لو يطيح بالدائره
الحساسيات الي كذا ..

وبقولكم ليش متفائل عام 94 أول مشاركه للمنتخب في كاس العالم وكانوووو مستحقرين منتخبنا يدخلوووون كأنهم متأكدين من الفوز ووقف المنتخب في وجههم أما عام 98 و 2002 حسبوووو لمنتخبنا حساب خايفين يتكرر سيناريو 94 ونجحوووو أما حالينا اتوقع جميع المنتخبات الي مع منتخبنا واثقين من فوزهم علينا كأنهم يلعبون مع بنجلادش مع احترامي لمنتخب بنجلادش يعني داخلين بثقه وإن شاء الله نشوف منتخب يبيض الوجه ويحطم ثقتهم ..

[ZORBA]

يعتمد على سوق الاسهم
(على اساس ان بعض اللعيبة هوامير اسهم )



للاسف راح تكرر النتيجة او قريب منها
لعدة اسباب .. بس السبب الاساسي هو :


اللاعبين ما عندهم دافع وطني او معنوي للتشريف وبذل المجهود
وكل واحد منهم عنده مصلحة شخصية في اللعب للمنتخب ...

يعني مثلا :

محمد نور ما له خلق يلعب للمنتخب ويبي يرجع جدة
سامي الجابر للحين متعقد من تجربته الاحترافيه في انجلترا ويبي يحترف مرة ثانية
نواف التمياط من بعد كاس اسيا 2000 وهو يظن ان مستواه المفروض في مانشستر او ميلان
محمد الدعيع ما يدري ليه رايح معهم ... وشكله ما له خلق المنتخب



يعني باختصار المنتخب ما يتحرك ككتله واحده
بالعكس كل واحد له اهدافه ... محمد نور بدون حماس .. سامي الجابر يحاول يجيب هدف حتى لو من نص الملعب
نواف التمياط يبي يستعرض ... ياسر القحطاني يصفف شعره ... سعد الحارثي مبسوط بنغمة موبايلي ... محمد الدعيع يتعلك

ولا احد داري عن الثاني باختصار


:
:

بس لما كان منتخب 1994 ... الله يرحم ايام القتال على الكرة
كان فؤاد انور الله يذكره بالخير ما تنتهي المباراة الا وهو ممزع الفنيلة من كثر الركض والانزلاقات على الكور

:
:



المنتخب من ناحية المهارات فهو افضل الموجود (تقريبا)
ولو بيسون تخصيب واستنساخ وتوالد ما قدروا يطلعون احسن من هالمنتخب

بس المشكلة انه احسن الموجود في الدوري ... مهوب في كاس العالم
هم يشوفون ان الي يلعب في الدوري كويس هذا يصلح لكاس العالم
مع ان الفرق كبير ... وكاس العالم محتاج حالة نفسية وبنية جسمانية وحماس من نوع خاص

يعني بصراحة انا لو مدير فني للمنتخب محمد الشلهوب ما اركبه الطيارة معنا
اخليه يجلس في الدوري المحلي هذا حده بصراحة بس انه يروح يزاحم لاعبين تونس او اوكرانيا فيسمح لي
هذا لو يطقهم بكتفه ان كتفه يضرب في ركبهم .... يعني ما في اي مجال مقارنة

محمد الدعيع مبدع ... بس انتهى تاريخه ..... مستواه للاسفل
مباراة البرتقال كانت فضيحة للاسف ولا كورة مسكها ... حتى الكور السهلة بس جالس يضربها بايده


:
:

محتاجين منتخب متجانس
اما هالمنتخب (التلفيق ) فاتوقع انه بيسود الوجه
وراح تشوفون المنتخب مضحك للغاية في تفكك خطوطه في جميع المباريات

[ZORBA]

انا متفائل بالخير بس أتوقع ان بيدمرنا

الحساسيات الي كذا ..

وبقولكم ليش متفائل عام 94 أول مشاركه للمنتخب في كاس العالم وكانوووو مستحقرين منتخبنا يدخلوووون كأنهم متأكدين من الفوز ووقف المنتخب في وجههم أما عام 98 و 2002 حسبوووو لمنتخبنا حساب خايفين يتكرر سيناريو 94 ونجحوووو أما حالينا اتوقع جميع المنتخبات الي مع منتخبنا واثقين من فوزهم علينا كأنهم يلعبون مع بنجلادش مع احترامي لمنتخب بنجلادش يعني داخلين بثقه وإن شاء الله نشوف منتخب يبيض الوجه ويحطم ثقتهم ..


من جدك انت ؟ :D
معليش بس مين الي عمل لمنتخبنا حساب في المونديال الاخير ؟
المانيا لعبت معنا كنها تعمل تدريب على التهديف في المرمى

:
:

معليش بس المنتخب الي مو قد المونديال لا يتأهل من اصلوه
اما انه يظن انه بيسوي شي لمجرد ان المنتخبات الثانية مهمشته ومو عاملة له حساب ... فاعتقد ما في اي شرف ورفعة في هالتأهل

هذا الي باقي .. اقصى امنياتنا انهم ما يعملوا حساب لنا علشان نفوز :(

[F99]

في اوربا والدول المتغدمه
لا تسبعد ذلك

[نونو غوميز]

هل هنالك ثمـــ 8 ــانية أخرى..؟

انكان الدعوه فيها واسطات بنشوف ثمانيه واكثر بعد

http://www.ua-fa.com/uafa/arabic/modules/coppermine/albums/userpics/10002/a.jpg

الله يذكرك بالخير يافيصل فعلا من بعدك المنتخب صار برااابيس وشغل خلو لاعبنا يصير عميد الاعبين ماكان عندك

من يذكر ايام 94 يوم طرد يوسف الثنيان؟ مع ان يوسف كان من افضل الاعبين بالسعوديه لكن تغيب عن المعسكر وسافر وعيا يعتذر وطرده ولا عنده بحد وسوو بكاس العالم 94 شي ما كنا ننتظره مع ان مجموعتنا كانت من اصعب المجموعات بس كان وراهم واحد يعرف يسنعهم:)


http://www.mofa.gov.sa/media/39914_sultan.jpg

pb093

[R 9]

مع كامل احترامي لك عزيزي نونو قوميز

المسأله ما تعتمد على وجود سلطان او موت فيصل

في عهد فيصل اكلنا أربعه وبمستويات مخيسه


الاعب السعودي يفتقد للموهبه والمهارة المطلوبه في كرة القدم

لحد يجيني ويقول الشلهوب او نور ,,

لأنه يضحك على نفسه ,, حن بنروح كاس العالم موب كاس آسيا

والطامه الكبرى إن أغلب الجمهور السعودي ضامن الثلاث نقاط حقت تونس

إيه طـيب ..

المشكله ولا واحد فيهم يعرف امكانيات أو معلومات عن المنتخب التونسي الجديد ..

[نونو غوميز]

حبيبي را تسعه <<عجز يقلب انجليزي:d

انت اكيد تتذكر ايام فيصل وش كانو السعوديه.. منتخب يلعب بحماااس تحس فيه روح وطنيه اما الحين ماعندك الا برابيس الكوره جنبه عجز يلحقها

وغير كل هذا يا عزيزي الدوري السعودي بعهد فيصل وش كان ؟ تتذكر اكيد ايام 93 90 91 كنا من جد نتحمس مع الدوري كل هذا بعهد فيصل الله يرحمه
لكن الحين والله يادورينا طلع خرااااااااااابيط


فيه نادي بديرتنا اسمه ثهلان يقولون من بعد ما مات فيصل ماجانا اي قرش .. يوم كان فيصل موجود كان بالاربع شهور يجيهم كم قرش يضبطون امور النادي اما الحين ما يدفع رواتب المدرب والاعبين الا اهل الديره خخخخخ .. يعني مثل هالفرق الي بالدرجه الثانيه والاولى كان فيصل يدعمهم وكانو مستعزين اما الحين ما حولك احد للأسف:)

[مجهــول]

حبيبي يعتمد على العائد على أسهم أسبانيا اذا منسبه فوق الله يستر
واذا راح لهم جماز خذها من عندي الثمانيه هالمره لنا ( وجه يقول ايه هين pb027 )

من جد النتيجه تعتمد على وضع المباراه ,, لا تنسون انها اخر مباراة بالدوري ( مضيع:cool: )
قصدي اخر مباراه في المجموعه فبالتالي على حسب ترتيب المنتخبات اذا اسبانيا تبي الفوز
فابشروا وتدللوا كم هدف تبون بس ,, هذي من جهه ..

من جهة ثانيه انا متفائل ان معنا منتخب عربي شي يرفع المعنويات ويذكرنا بالماضي (أدري قلبتها درس أثار pb095 )

أوكرانيا مدري بس أحسن اننا بنفوز عليهم .. ما يفرقون عن بلجيكا كثير !!!

مباراة تونس هي أصعب مباراه لنا ما أبالغ لو قلت انها أصعب من تونس pb094


في النهاية قرار الفوز و الهزيمه راجع للعيبه أنفسهم ( عادي تأثير الأسهم)

نشوفكم بتاريخ 14 june الساعة 7 العشاء ونشوف بداية المشوار ..

[KANU]

منتخب " اوكرانيا " زي منتخب " بلجيكا " .. !!!؟

وااضح يا عـزيزي إنك ما تاابعـت رفـااق شيفـا .. !!؟

ولا شفـت مستويااتهم .. في التصفـيـاات ..

تــدري عـــااد إن الخـوف كله من " اوكرانيا " ..

لا تقـول .. " اسبانيا " أو " تــونس " .. !!؟


لعـب ســريع .. ومنـظـم جـداً .. !!؟

يفكك دفـااعـاات قـويه .. فما باالك بـ دفـااع المنتخب الركــيك جـداً .. !!؟

[الديلكو]

مصقوع ضاقت عليك الالوان؟؟ لعبت بعيوني لعب كوره ضربها بليه

ياحبيبي يامصقوع بقولك حاجه بالعقل فكر فيها وبتلقاها صح

شيفاا طال عمرك مافيه بطوله ولا لقب ماجاابه مابقيله الا افضل لاعب بالعالم وهداف كاس العالم واللقب الثاني يودي للاول وتبيه يوفرنا ويضيع على نفسه هالفرصه؟؟؟


والله ياشيخ ان يمحطك اهداف حتى تقول آمين

[نـ سـ يـ نـ ـاكـ ـم]

8
8
بعد هالرد والتفكير فيه تحطمت قسم بالله :d

..

والله بالنسبه لي مانيب متكلم عن عناصر منتخبنا .. ما اشوف الا افضل الموجودين .. !! من وين يجيبون لعيبه يجنسون يعني !!

اذا المسأله عناصر صدقني بناكلها 12 يعني دسته هالمره .. !!

لكن بالنسبه ل94 .. اول شي اتوقع المنتخب ما كان عليه ضغوط زي 98 او 2002 او حتى الي نشوفها حالياً ب 2006 .. عام 94 كانوا رايحين لغرض المشاركه وبالكثير يطلعون من الدور الأول .. لكن مع الإصرار وصلوا للدور ال16 ماعندهم مشكله وفوق هذا كله ما كان فيه ضغوط على اللعيبه ..
98 طيروهم بالعج الظاهر مابقى يقولون الا نبي نص النهائي خخخخخخخخخخخ وهكزا ..

باختصار منتخبنا يحركه الإعلام .. !! اجل عطوني سبب مقنع لطرد كالديرون مثلاً .. لاحد يجي يقول غرب آسيا تراه مجمع له اللعيبه الي مهضومين اعلامياً ويبي يشوف من الأفضل فيهم عشان يلقطه معه .. راس مالها كم مقال صحفي .. وكم مانشيت يوجع العين ويالله ضف وجهك يا كالديرون !

..


الترييش الي نشوفه بالإعلام ما ينفع يا عالم .. اجل يقولون ليش ما تحضرون مبارياتنا الوديه لعنبو داركم نحضر عشان يصكونكم رديف بولندا خخخخخخخخخخخخ ايه طيب

عموماً نتمنى التوفيق لمنتخبنا ما نقدر نقول الا هالشي

لكن الي اتمناه ان لعيبتنا وحتى جمهورنا ما يستهين بمنتخبات المجموعه .. لأني بكل صراحه قابلت ناس .. الي يقولك الثلاث نقاط حقة اوكرانيا بالجيب .. (الا والله بال200 ال .. جيب طل :d ) والي يقولك التعادل مضمون ضد اسبانيا هذا ان ما فزنا خخخخخخخخخخخخ :d والي ضامن لك ال3 نقاط حقة تونس .. على كذا مايبي لنا شي وناخذ كاس العالم :d
اقسم بالله احكي جد ان فيه كم واحد قد قالي هالكلام الي فوق .. !

عموماً بالتوفيق .. وبالنهايه 3-0 قدام اسبانيا او اوكرانيا اعتبرها خساره مشرفه :d

اهم شي باكيتا يقفل بس ويخلي الخطه 9-1-0 :d

[مصقوع]

اتوقع الاخضر بيكون غير اللي نشوفه الحين

يافوق مره
ياتحت مره
2006 يافوق ياتحت

[ஐ سيدرا ஐ]

هل هنالك ثمـــ 8 ــانية أخرى..؟

ودي أقول : لا ثمانين pb027

بس تفائلوا خير :D

مصقوع bp039

[مصقوع]

مشكوره اختي سيدرا على التواجد

وبالنسبة للثمانين اذا جت الله يعين

[pixy]

كأس العالم الماضيه يوم سوو لقاء مع الدعيع وقال أن ألمانيا فر يق عادي والفوز عليه سهل جداً

ويوم سألو سامي عن المجموعه وأن ألمانيا والكاميرون هم المُرشحين قالهم أنتم ممكن تتوقعون أي فريقين بأي مجموعه إلا مجموعتنا لأن الفرق مستوياتها متقاربه!!


خخخخخخخخخخخخخخخخخخخخخـ وبدأت المصخره


شيفا بتصفيات أوروبا سجل 4 أهداف بتركيا ما أتوقع إنها بتعوق معه قدامنا pb071