جلسة شورى !! (( سوالف ضحى ))!!

[bns561]

مقدمة :

قريت عمود صحفي في جريدة الجزيرة الصادرة يوم الأثنين 6 صفر 1427هـ للكاتبة " فاطمة العتيبي " بعنوان (( الشورى والمرأة )) وكان من ضمن ما كتبته أختنا في الله الاستاذه "فاطمة العتيبي" ما نصه: (....... من أفضل التعليقات التي وصلتني : لماذا لا يستشير الشورى المرأة في أمر يخصها ؟!! )
وذكرت الأستاذه "فاطمة" انها حضرت احدى جلسات مجلس الشورى .. وكان النقاش عن إشكالية ( غلاء المهور ) وكانت تود " الأخت فاطمة العتيبي " لو اتيحت لها فرصة طرح السؤال ( هل هناك غلاء فعلاً ؟ ) !! ولكن حتى لطرح هذا السؤال لم تعط فرصه !!<<< انتهى كلام فاطمة ..!;) ;) ;)

وأنا هنا اعلّق واقول : ( متزدين فيتس يا فاطمة ) ..وشلون الحين تطالبين بان يقوم مجلس الشورى بإشراكك في الجوانب اللي تمسّك كـ( إمرأة ) .. وانتي تمارسين نوع من الأنانية ( البغيضة ) وتتناسين ان غلاء المهور يمس الرجل أكثر من المرأة ..!! ( بدليل انتس ما استشعرتي وجود المشكلة أصلاً من خلال تساؤلك الغريب عن وجود الغلاء فعلياً ) !!
معروف يا سيدتي الفاضلة .. أن من يشعر بالألم عادة ما يكون المصفوووع ؟! اما الصافع فأكبر همّه أن يقضي شهر العسل في جنيف !! ( وجه طالب خده أحمر من كف مدرس فلسطيني )!pb034 pb034


الموضوع :


قدّر الله عليّ في لحظة ( تهوّر .. وحاااااجة ماااااسه لممارسه مهنة الفلاحة وحرث الأرض );) وفكّرت أستقر وأفتح بيت ;) ( على اساس ان فتح البيت شي هيّن وما يبي له غير مفتاح نظيف ومضبوط ومعلّق في ميداليه .. ;) ويركب على الكيلون .. وبعد فره أو فرتين ينفتح البيت .. pb189 ثم تشوف المستقبل المشرق والعيلان الشهبان اللي يحملون نفس الجينات الوراثية اللي توهق بها أبنا هذا البلد كابر عن كاااابر .. أب عن جد ) !!;) << ترى ضروري المفتاح يتوافق مع الكيلون .. ما يصلح نفتح كيلون " يل " بمفتاح ابو سنون ! ( طرّاه ان بعض الكوالين مضروبة وتنفتح بتوكة شعر )!!;)


طبعا.. أنا ما دريت ان البيت يبي لي تخطيط وتعب .. وانه يحتاج قبل كل شي .. الي أرض يبنى عليها .. وفسح من البلدية .. وصرف دراهم وجهد وقرض من البنك .. وتعب ثم ذيك الساعه يمدي الواحد يطلّع مفتاحه ويفتح ويصك باب بيته على كيفه !;)
^
^
رغم ذا الفلسفة والاكتشاف المتأخر .. ;) إلا اني صملت وقررت أفتح البيت واللي يصير يصير ؟!.pb034 . ( وجه واحد جاي من الاستراحة تالي الليل ومطلّع مفتاحه من مخباته ومايشوف من التعب وماغير يتملّس الباب ويحك المفتاح على الباب يبي بس يلقى فتحة الكيلون عشان يدخل المفتاح ويرتاح باله ويامن على نفسه من شر الشارع وخطر التجوال في الليل ) !! :rolleyes:


بديت أبحث عن شريكة حياتي pb189 .. وكنت أتمنى بنت رشيقه وعليها رقبة هذا طولهاpb189 ( صورة ذراع خباز أفغاني مافيه ولا شعره ) ;) ومتعلمه .. وسيعة صدر .. خفيفة دم .. وشقرديه تعرف تدبّر نفسها ..;) ما تشتكي من ضيق معنوي ( وجه يقول ترى المعنوي غير الحسي ) .pb034 . وتاخذ من سعه !;) ( وجه يقول يا صعب حتسي أهل نجد ويبثرهم اذا قامو يتشرّطون ) !pb093 << على طاري السعه والضيق ترى أهم شي الأخلاق .. طرّاه اذا قالو فلان وسيع وجه !;)


تمنيتها تكون متعلمة وتحب الثقافة والاطلاع عشان أكون عوناً لها في توسيع مداركها وتثقيفها ;) والوصول معها الي درجة عالية من الوعي بمفاهيم المجتمع والحياة الزوجية !!;) ( وجه عزوبي يسوي دعاية لنفسه ويقول : معنا تضمن الأنثى اتساع المدارك والتعليم بالممارسه وتصبح أنثى حقيقية ) !;)

بديت مشوار البحث عن زوجة المستقبل .. وأكتشفت ان الحرمه المناسبه للزواج في وقتنا هذا أصحبت ( عملة صعبة ) pb093 <<< مثل "اليورو" قيمة صرفه عاليه .. والحصول عليه صعب .. ونسمع به ولا بعد شفناه عشانه غير متداول في ديرتنا وأسواقنا !!;) ( وجه يقول عمركم بالله شفتو وحده في أسواقنا متعدي طولها 155 سم .. أو تتعطّف في مشيتها وشعرها تسنّه ذيل حصان مرتن يفيض عليك من يمين .. ومرتن يفيض عليك من يسار ) ؟!pb189 <<< عليهن من الله ما يستحقين .. عارضات الأزياء في قناة فاشن تي في .. فقد رفعن المواصفات والمقاييس لدى الرجال .. وجعلن النساء في ذا الديره مجرد مزارع للانتاج فقط !pb034

تقدمت لإحدى الأسر العريقه bp039 <<<< تنبيه ! ترى الأسر العريقه .. لا تعني ضرورة السكن في منطقة عرقه ! ( وجه مدرس منقول من الحوطه ) !;)

كانت مواصفاتها حول اللي في بالي ( الفرق بينها وبين عارضات الأزياء .. بسيط جداً .. العارضات اذا مشن تشوف شعرهن تسنّه ذيل فرس ... وذا الحبيبه اذا مشت تشوف شعرها تسنّه ذيل بقره ! ) << كناية عن الجديله !!;)


ومع هذا حسيت انها مناسبه لي .. ولو اني ناقدن عليها عشانها قريبة من الأرض واذا بغت تلبس كنادرها ترقى بسلّم !!;)
وزودن على ذا كله .. نماء الي علمي انها مدلعه ولا عمرها دخلت المطبخ ؟! ( يحلفون القريبين منها انها ما تدري عن فرن المطبخ هو يشتغل على الغاز .. وإلا على الكهرب ؟! ;) وانها تحسب ان طريقة اعداد البيض المسلوق تتم عن طريق التجميد في الفريزير ) ! :confused:

قررت اتقدم لها تحت شعار ( العوض ولا القطيعه ) ;) .. وشخصّت بكل ما تعني ذا الكلمة من معنى ;) ( وجه طالب من جامعة الملك سعود مسوي زحمة ولابس كنادر بيضاء وماخذ لموزين لسوق الفيصلية ) << مهوب من مدينة صبيا ... ابد !!;)

رحّبو بي أهل العروس .. وقالو ماحنّاب لاقين أحسن منك pb094 ( وفي رواية منحاب لاقين احسن منك ) ! pb192 .. حياك الله .. والبنت موافقه .. بس ! ;) << ياشين .. بس .. في نهاية الجملة الخبريه .. تحس ان وراها مصيبه !!:(

بس .. ترى سلومنا وعاداتنا تقول ان مهر البنت ( الفووول ابشن ) يتراوح ما بين 70-120 ألف ريال ! :eek: والعاديه ( بدون جنوط .. نظام طييس ) في حدود 42 الف – 50 الف ريال ;) << يعني تسنّها درجة الحرارة في الرياض ايام الصيف مهنا فرق بين الدرجة الصغرى والدرجة الكبرى !! ;) ( وجه واحد يتلفت وخايف من فاطمة العتيبي لا تهاوشه )!!;)


عاااااد انا لو تجمع اللي وراي ودوني ما جاء اربعين الف ريال ! :( ( وجه طرّار رافع راسه يشوف عمارة المملكة ويقول وش ذا الدينمو اللي بيقوى يعبي الخزان العلوي ؟!) !;)

ضربت أخماس في أسداس .. وطلعت ميزانية عرس المواطن عندنا حول ميزانية دولة أفريقيه أو تنقص شوي .;) . تفاصيل ميزانية عرس الشاب ذا الوقت :;)
- ايجار شقه (كبر عيني) يبي له 8000 – 15000 ريال ...;)
- تأثيث الشقه ( غرفة نوم ومطبخ ومجلس ومكيفات .. الخ ) بيكلف 30000 ريال ( هذا اذا كان الأثاث من حراج بن قاسم وإلا على نظام محلات النجارة البسيطه );)

- خبز صامولي كيس واحد ويستخدم بطريقة اقتصادية لمدة اربعة ايام .. كل يوم خبزتين .. بقيمة ريال واحد ( وجه واحد يبي يوسّع صدر فاطمة العتيبي ويرفع معنوياتها ) !pb034
- جبن كرافت (علبه صغيره) يالله تيزي خبزتين صامولي ... بريال ونص ! ( وجه واحد ما عرف يرفع معنويات فاطمه !);)

- سيارة ( أو وسيلة نقل بديله ) لتلبية احتياجات الزوجين ( طبعن بعد مرور شهر من الزواج .. عشان ما ننكد عليهم ) ... يحتاج مبلغ 30000 الف ريال اذا ما يبي ينشب بمصاريف صيانه كل يوم ! ;)
والقائمة تطووووووووول .. يا فطووووم !

وأخيراً ........... يا فاااااااااااااااااااااطمة .. اذا حتسو الرجاجيل في الدراهم وميزانية الأسرة .. ابلعي العافيه .. واتركي الشورى لأهله ! ( وجه واحد ماسك خده وخانقته العبره من كف طائش صرقع في خشته وخلا أذنه ترّن ) !!;)


بالعربي ... العرس في ظل الظروف الحالية ( وجه واحد قرأ في وقت مضى عن زيارة خادم الحرمين الملك عبدالله لحي الشميسي وسمع بتوصيات واعتراف حكومي بمشكلة الفقر ومع هذا بعض الناس المعنيين بعملية إكمال خطوات الزواج ما زالو متمسكين بخرابيط لا تسمن ولا تغني من جوع .. لمجرد المهايط والشعور بلذه مؤقته يتبعها جحيم العيش في الديون والتهرّب من الديّانه ) .. !;)

صعب ........................ وصعب جداً ...... خاصة اذا انت مقطوع من شجرة .. تعرس من أسره متوسطه الحال ( امّا عيال النعمه انس موضوعك ولا تهوجس انك توطوط يم ديارهم ) !!;)


واذا أنت من أسرة من ذوي الدخل المتوسط .. وأسرتك لا زالت متمسكة بالعادات والتقاليد ( اللي تحث على الدعم المادي للعريس ) فيمكن تنتعش لمدة بسيطة ثم بعد فترة تكتشف انك متلحف بجريده في ليلة شتاء باردة وممطرة ( وجه أديب في أمسية أدبيه ) << لا ياشيخ . عسى ما تكلفت بس .. تبيه يصير أديب في أمسية زيران ؟!!;)


هذا على افتراض ان علاقتك بأسرتك زينه وانك شخص محبوب والكل يبي يفزع معك .. وعلى افتراض برضه انك بتلقى في محيطك بنت ساترن الله عليها .. وتبي الستر والعفاف ( ولو انهن من تالي صار ماااش .. صار العرس عندهن مرادف لجواز السفر .. والتقديم على مكتب الاستقدام .. والستر " الله يستر بس .. أهم شي لا تطلع في بلوتوث ") ؟!!;) <<< نسأل الله السلامة ( وجه واحد مرتاع من كثر ما يسمع من سوالف الكيد النسائي والبنّاتي واللي للأسف يركض ورى المظاهر والكماليات حتى لو اقتضى الأمر أن يتساهل في أمور تمس العفه والشرف )! pb034 << بينجلد !

يا استاذه ( فاطمة ) .. غلاء المهور .. موجود .. ان لم يكن بشكل ( واضح المعالم ) وعلى هيئة مبلغ مالي أو شيك مصدّق من ابن محفوظ ( وجه عميل للبنك الأهلي رافع يديه ويدعي عليهم ليل نهار ) << لو تسلّم عليهم ما ردو عليك السلام الا بعشرة ريال !;)

اذا ما كان غلاء مهور واضح بيااان عياااان .. يمكن أن يظهر على شكل مصاريف تجهيز للزواج وشروط غريبة تهتم بكماليّات وتنتهي بديون تقص الظهرpb093 ( طرّاه وش البس .. وش يقولون صديقاتي .. وفلانه مهيب أطيب مني ؟ .... وابي صالة ومطرب بنظام الدائرة المغلقه " الله يغلّق مناسمها ذا اللي تدور ذا الأمور" :mad: .. وابي اسافر .. وابي فوق الشجره .؟!! ) pb030 << الله يلوم اللي يلوم ابوك لو يمرح فوق الشجره .. عقب ذا الشروط !;)

برايفت* مجلس الشورى
اذا شفتو "فاطمة" داخلتن عليكم في جلسه .. وقالت : انا معنية بالأمر .. تكفون صارحوني .. ( وفي رواية تكفون طارحوني ) ؟!
قولو لها : طيب .. بنطارحك ,, بس اصبري شوي نروح ناكل حنيني ونشرب لبن ثم نجي .!! ( وجه يقول .. بيدي لا بيد عمرو ) << أجل مهنا غلاء مهور ؟! افلقني يا شيخ !;)

تحياتي bp039

[منحلة صواميلة]

فرصة أول رد للبنز
وراجـع للموضوع بشوقي ولهفتي راجـع

[lover_h]

وكالعاده يحاول lover_h ان يفك رموز الغمزات في الموضوع ولكن ماااااااااااااااش يفك وحده وثلاث لأ:D

بس المفتاح والكيلون موضوع لحاله >>> يلمح للبنز يعني فهمتها pb027


استاذنا البنز:

طبعا اخر شي تحتاجه هو شهاده من شخصنا المتواضع...

لكن في كلمه براسي خلنا اقولها...

احلى ما فيك عياره مشفره;) +قضيه ورساله للموضوع>>> وجه يقول افلقني لو طلعت بفايده من منتدى العياريينpb027


تهوّر .. وحاااااجة ماااااسه لممارسه مهنة الفلاحة وحرث الأرض

الله يسامح الوالد من زمان نقوله نبي نصير مزارعين;) بس ماش به عشرين مطب وموضوعك عن احد المطبات >>> مسوي يشفر مع وجهه:D



بدون جنوط

هذه انا شاك اذا فهمتهاولا لأ .... تقصد الجنوط الجنوط؟؟pb034 :D



افلقني يا شيخ

ايه والله افلقني:( >>> واحد قدامه يجمع رواتب ثلاث سنين (مع دفه من الوالد) بعد مايخلص دراسه بعد ثلاث سنين ثانيه =سته سنين تكون السيقان نشفت:(



يعجز اللسان استاذنا الكبيرعن وصف ابداعاتك...pb192

ياشيخ روووووووح والله اني احبكpb189 >>> ماقدر يستحمل:D

[لسعة شقاوه]

فيه مثل(ن) عندنا يقول ...

رجل(ن)pb192 بجهاز..
ورجل(ن):) بجواز..
ورجل(ن) لا ينبغىpb071 ولا ينجاز...


اخويbp039 بنز ...

موضوع رائع ..

قلم رشيق وسيال...



المشكله موجوده اكيد...
بس فيه عوايل كثيره اذا كان الرجال;) مناسب ممكن بقوة يتنازلون عن شروط كثيره ..
يعني بالعربي( يشترون الرجال)pb192




اما ان كان ( لك عليه ) <<< من ربع جواد وتومي:eek:
فصدقني هذي الاشكال:mad: ما يخليهم يحترمون الزوجه الا الخسائر الماديهpb058 والمهر الغاليpb058 ..
والغالي سعره فيه<<< ابركهن ايسرهن مؤونه ...

[المسورب]

هل هناك غلاء فعلاً ؟ ) !! ولكن حتى لطرح هذا السؤال لم تعط فرصه
ايه عتقت ولا ماكان هذا كلامهpb036
بدليل انتس ما استشعرتي وجود المشكلة أصلاً من خلال تساؤلك الغريب عن وجود الغلاء فعلياً
تعال امطخك يا شيخ << تسمم على طول كخخخخخخخخخخ
قدّر الله عليّ في لحظة ( تهوّر .. وحاااااجة ماااااسه لممارسه مهنة الفلاحة وحرث الأرض
يمدحون الفلاحةpb027 تراي فلاح الحين
ترى ضروري المفتاح يتوافق مع الكيلون
توافق من جميع الجهات كخخخخخخخخpb034
ثم ذيك الساعه يمدي الواحد يطلّع مفتاحه ويفتح ويصك باب بيته على كيفه
كخخخ شكلك من الحماس بتكسر الباب كسرpb027
مجرد مزارع للانتاج فقط
حواضن خارجيه وفقاسات داخليهpb027
<< أجل مهنا غلاء مهور ؟! افلقني يا شيخ
قرب راسكpb146
تسلم بنز رائع دائماً

- - - - - bp039 تحياتي bp039 - - - - -

[تريلة شوق]

بنز مثبت

وضعي مايسمح لي اقيم اي واحد من العيال يجي يودي مميزه يفك تثبيت بكيفكم هههههههههه

[فاضحتـ com]

كانت مواصفاتها حول اللي في بالي ( الفرق بينها وبين عارضات الأزياء .. بسيط جداً .. العارضات اذا مشن تشوف شعرهن تسنّه ذيل فرس ... وذا الحبيبه اذا مشت تشوف شعرها تسنّه ذيل بقره ! ) << كناية عن الجديله !!;)


ثم تشوف المستقبل المشرق والعيلان الشهبان اللي يحملون نفس الجينات الوراثية اللي توهق بها أبنا هذا البلد كابر عن كاااابر .. أب عن جد )

بنز .. ما اقول الا وش زين بنيتك .. حمرن عطرا ;) ..

يخليها لك ربي ;)

[ابو لمخه]

بحياتي ما علقت على موضوع بالعيارين
ولكن هالمره أبعلق على على موضوعك يالسفيه pb027
لي رجعة إن شاء الله .

[ابو شطب]

البنز .... المتطرف
ياخي ماعندك انت الراي والراي الاخر.....خل المرأة تهذري براحتها:D


اساس ان فتح البيت شي هيّن وما يبي له غير مفتاح نظيف ومضبوط ومعلّق في ميداليه .. ويركب على الكيلون .. وبعد فره أو فرتين ينفتح البيت
بس بعضهم الله يهديه تلقاه يفر المفتاح بقوة ...انت تخبر المشافيح اللي ماشافو بيت ابد :D

وشقرديه تعرف تدبّر نفسها
وفي روايه اخرى قرمى...بديت اشك انك " made in Najed" <<< ماودك توطى ببطنه:D


وجعلن النساء في ذا الديره مجرد مزارع للانتاج فقط !
مجرم على الوصف ذاpb027 ......حتى الانتاج بعد لك عليه شوي :D <<< بينجلد



ترى سلومنا وعاداتنا تقول ان مهر البنت ( الفووول ابشن ) يتراوح ما بين 70-120 ألف ريال ! والعاديه ( بدون جنوط .. نظام طييس ) في حدود 42 الف – 50 الف ريال

طيب واللي يبي فتحه وقير توماتيك (خشة واحد(ن) يبي يخليك تجيب العيد:D )




وأخيراً ........... يا فاااااااااااااااااااااطمة .. اذا حتسو الرجاجيل في الدراهم وميزانية الأسرة .. ابلعي العافيه .. واتركي الشورى لأهله ! ( وجه واحد ماسك خده وخانقته العبره من كف طائش صرقع في خشته وخلا أذنه ترّن ) !!
نسخه لجريدة الجزيرة :D



مبدع كالعادة يالبنزbp039


يعطيك الف عافيه

[فيولا]

البنز وكالعادة متذمرويحش في المرأةpb131


;) اجل كيلون يا الشين المشكله الحين مو في الكيلونات لانها تتشابه المشكله في ذا المفاتيح اللي اللي تبي تفتح الباب بلاش وانت ياحامل المفتاح تسنع وخلك رجال ولا تصير من قوم وجدي وحمدي وعلى الاقل اكمل دراستك الثانويه وبعدين تعال اخطب مو تجي حافي منتف لا شهادة ولا ماده وش ينبغى بك :eek:


لا وبعد من زين وجهك تبي مثل عارضات الازياء اصلا عارضات الازياء ما يصلحون لكم يا ربعنا انتم تبون مخدات هوا ءامامية وخلفيه وتبون اسرة مائية تدفيكم في الشتاء ;) سوري اقصد شحمية


مألوم الاباء اذا عجزوا بكم pb192

وبعدين هناك اسر كثيره على قد حالها وعندها من البنات بالكوم تتمنى اي واحد يطق بابها ولا يدخل مفتاحة بس بعد ما يسمي ويقرا الفاتحة:confused:

بس احنا شبابنا مع الاسف انخدع بما يراه من الممثلات وعارضات الازياء على قولتك وصار ما يفكر الا بوحده زي نانسي ولا زي اليسا ولا زي سلاف ;) وياكثرهم اللي يقولون ما بي اتزوج لما تلقون لي استنساخ هيفاء وهبي يالله عاد حلها pb036

يعني بابنز الكفة متراجحة في الميزان pb058

الاباء يغلون المهور والشباب يتشرط ويتمرطpb024





برايفت بنز





ما اقول الا جعلك ماتطيح للحريم في عوره ياعملاق الاقلاع pb094


زي عادتك مبدع والمبدعون قليلbp039

[غرنوق]

البنز <<< باللون البردقاني pb095

حيالله شيخنا المبجل وشلونك طال عمرك مبطين’ن’ عنك :cool:

قريت عمود صحفي في جريدة الجزيرة الصادرة يوم الأثنين 6 صفر 1427هـ للكاتبة " فاطمة العتيبي "
ياخي لاتفظح في بنات خلق الله pb093 <<< وجه واحد زالق عليك من الجاده وهمه الوحيد النقد الغير ماله داعي :D


( بدليل انتس ما استشعرتي وجود المشكلة أصلاً من خلال تساؤلك الغريب عن وجود الغلاء فعلياً ) !!
شي طبيعي ياصديقي :D اكيد انها جعفه ولا كان لقيت الخطاطيب فوق الكبوت ويصفقون ’’ من يزود ’’ pb034 .



قدّر الله عليّ في لحظة ( تهوّر .. وحاااااجة ماااااسه لممارسه مهنة الفلاحة وحرث الأرض ) وفكّرت أستقر وأفتح بيت ( على اساس ان فتح البيت شي هيّن وما يبي له غير مفتاح نظيف ومضبوط ومعلّق في ميداليه .. ويركب على الكيلون .. وبعد فره أو فرتين ينفتح البيت .. ثم تشوف المستقبل المشرق والعيلان الشهبان اللي يحملون نفس الجينات الوراثية اللي توهق بها أبنا هذا البلد كابر عن كاااابر .. أب عن جد ) !! << ترى ضروري المفتاح يتوافق مع الكيلون .. ما يصلح نفتح كيلون " يل " بمفتاح ابو سنون ! ( طرّاه ان بعض الكوالين مضروبة وتنفتح بتوكة شعر )!!
هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههه
pb027 pb027 pb027 تبا لك ايها العيار الأصلع pb034


( وجه واحد جاي من الاستراحة تالي الليل ومطلّع مفتاحه من مخباته ومايشوف من التعب وماغير يتملّس الباب ويحك المفتاح على الباب يبي بس يلقى فتحة الكيلون عشان يدخل المفتاح ويرتاح باله ويامن على نفسه من شر الشارع وخطر التجوال في الليل ) !!
عسى مهوب حاطن شماغه على كتفه pb027 ولا اكيد انه لابس سروال سنه وفنيلة علاقpb034


بديت أبحث عن شريكة حياتي .. وكنت أتمنى بنت رشيقه وعليها رقبة هذا طولها ( صورة ذراع خباز أفغاني مافيه ولا شعره ) ومتعلمه .. وسيعة صدر .. خفيفة دم .. وشقرديه تعرف تدبّر نفسها .. ما تشتكي من ضيق معنوي ( وجه يقول ترى المعنوي غير الحسي )
وقفت على المعنوي والحسي pb034 بكره بعد اول ولد تدور اي ظيق انشالله كيلون كشميري pb034 pb034
(وجه مراهق راح للحج وسعبل من هالكشميريات تحت الكبري) pb034

تمنيتها تكون متعلمة وتحب الثقافة والاطلاع
الاطلاع ولا الاقلاع pb034

وجه يقول عمركم بالله شفتو وحده في أسواقنا متعدي طولها 155 سم
لا pb192


تتعطّف في مشيتها وشعرها تسنّه ذيل حصان مرتن يفيض عليك من يمين .. ومرتن يفيض عليك من يسار
لا لا :D

عليهن من الله ما يستحقين .. عارضات الأزياء في قناة فاشن تي في .. فقد رفعن المواصفات والمقاييس لدى الرجال .. وجعلن النساء في ذا الديره مجرد مزارع للانتاج فقط !
الله يخلي غرفة التفريخ يارجال خصوصا لاصرت مغبون :D

كانت مواصفاتها حول اللي في بالي ( الفرق بينها وبين عارضات الأزياء .. بسيط جداً .. العارضات اذا مشن تشوف شعرهن تسنّه ذيل فرس ... وذا الحبيبه اذا مشت تشوف شعرها تسنّه ذيل بقره ! ) << كناية عن الجديله !!
هههههههههههههههههههههههههههههههههههههههههههههههههه ههههههههههههه
هههههههههههههههههههههههههههههههههههههههههههههههههه ههههههههههه
اما جديلة pb027 مالها داعي ياخي جدلية وقميص اشهب محبب من كثر الغسيل pb034

ومع هذا حسيت انها مناسبه لي .. ولو اني ناقدن عليها عشانها قريبة من الأرض واذا بغت تلبس كنادرها ترقى بسلّم !!
ماجمع الا وفق عشان واحد يشوف الاحوال الحويه فوق وهي تنوم العيال pb034


وانها تحسب ان طريقة اعداد البيض المسلوق تتم عن طريق التجميد في الفريزير ) !
عسى مهيب تبيض بعد pb034

العوض ولا القطيعه
مادهورنا الا العوض ولا القطيعه pb030

وفي رواية منحاب لاقين احسن منك
هههههههههههههههههههههههههههههههههههههه


( وجه طرّار رافع راسه يشوف عمارة المملكة ويقول وش ذا الدينمو اللي بيقوى يعبي الخزان العلوي ؟!)
ههههههههههههههههههههههههههههههههههههههههههه
هههههههههههههههههههههههههههههههههههه
اجل هذا زي اللي يدور على المملكه اخر الليل يطفي اللمبات والعصريه يسقي الزرع ;)


- خبز صامولي كيس واحد ويستخدم بطريقة اقتصادية لمدة اربعة ايام .. كل يوم خبزتين .. بقيمة ريال واحد ( وجه واحد يبي يوسّع صدر فاطمة العتيبي ويرفع معنوياتها ) !
هههههههههههههههههههههههههههههههههههههههههههههههههه هههههههههههههه
هههههههههههههههههههههههههههههههههههههههههههههههههه ههههههه
هذا مسرعه بقووه pb027


قولو لها : طيب .. بنطارحك ,, بس اصبري شوي نروح ناكل حنيني ونشرب لبن ثم نجي .!! ( وجه يقول .. بيدي لا بيد عمرو ) << أجل مهنا غلاء مهور ؟! افلقني يا شيخ !
اللي مافهم يجي اعلمه <<< وجه خكري جايته سالفة قديمه وباز فيها pb034



البنز لقت افحمتنا بموضوعك يامال العافيه والله ;)

http://www.eqla3.com/vb/images/icons/191.gif

اقول ماودك تخاويني بس للعاذريه نتخيبل على هالدبابات :D

[BLACK-FOX]

ياخي مواضيعك تخلي الواحد يشك بعمره .. انواع التغميز :d


بس اختيارك للموضوع .. وفقت فيه بصراحه .. المفروض يستضيفك تركي الدخيل في برنامج اضاءات .. لانك ماشاء الله ملم بالموضوع <-- ترييش :d

بس ان شا الله مايدق عليه احد ويقوله ليش انت حاقد علي يا.... :d


بنز ( قلب بلس غمزه )

[ابو لمخه]

بحياتي ما علقت على موضوع بالعيارين
ولكن هالمره أبعلق على على موضوعك يالسفيه pb027
لي رجعة إن شاء الله .


رجعت <<< محدن جاب لك خبر pb095



وذكرت الأستاذه "فاطمة" انها حضرت احدى جلسات مجلس الشورى .. وكان النقاش عن إشكالية ( غلاء المهور ) وكانت تود " الأخت فاطمة العتيبي " لو اتيحت لها فرصة طرح السؤال ( هل هناك غلاء فعلاً ؟ ) !! ولكن حتى لطرح هذا السؤال لم تعط فرصه !!<<< انتهى كلام فاطمة ..!

إييييييييييه وش دراها عن غلاء المهور ... أتوقع لو أنها بالهند <<< طراه إن المره هي أللي تدفع المهر :eek: وبغت تتزوج واحد أصلع ;) وشرط عليها ألفين روبية تسان طلعت روحها وعرفت إن الله حق <<<< أقول أنطم بسpb094



أن من يشعر بالألم عادة ما يكون المصفوووع ؟! اما الصافع فأكبر همّه أن يقضي شهر العسل في جنيف !! ( وجه طالب خده أحمر من كف مدرس فلسطيني )!



أثرك شايب يا الأصلع ( من الجيل أللي درسوهم الفلسطينيين القشران pb027 ) آآآآخ يا الكُدس ( آه يالقدس ;) )




قدّر الله عليّ في لحظة ( تهوّر .. وحاااااجة ماااااسه لممارسه مهنة الفلاحة وحرث الأرض )

يا ابوك مهوب بس أنت أللي بحاجة ماسة لممارسة تلك المهنة الممتعة ( مهنة الآباء والأجداد pb034 ) <<< قممممة البراءة:(



وفكّرت أستقر وأفتح بيت ( على اساس ان فتح البيت شي هيّن وما يبي له غير مفتاح نظيف ومضبوط ومعلّق في ميداليه

حنا بلانا من هالمفتاح النظيف والمضبوط .. لكن صدقني صعععععب تلقا مفتاح نظيف ومضبوط هالأيام نظرآ للإستخدام اليدوي السيئ للمفاتيح <<< طرت عليه دعاية شامبو صانصيلك ;)




ترى ضروري المفتاح يتوافق مع الكيلون .. ما يصلح نفتح كيلون " يل " بمفتاح ابو سنون ! ( طرّاه ان بعض الكوالين مضروبة وتنفتح بتوكة شعر )!!

طيب ينفع مفتاح ابو عظم ;) لأني مره سمعت وحدة تكلم واحد شكلة خبير بالمفاتيح و يقولها : بعض المفاتيح فيه عظم :eek: <<<< ما سمعها مقطع بلوتوث أبد pb095




طبعا.. أنا ما دريت ان البيت يبي لي تخطيط وتعب .. وانه يحتاج قبل كل شي .. الي أرض يبنى عليها .. وفسح من البلدية .. وصرف دراهم وجهد وقرض من البنك .. وتعب ثم ذيك الساعه يمدي الواحد يطلّع مفتاحه ويفتح ويصك باب بيته على كيفه !

طبعآ البيت يبي له تعب وإلا أنت ودك تصب الميده على طول يا صلعان <<< هي سايبة




بديت أبحث عن شريكة حياتي .. وكنت أتمنى بنت رشيقه وعليها رقبة هذا طولها ( صورة ذراع خباز أفغاني مافيه ولا شعره ) ومتعلمه .. وسيعة صدر خفيفة دم ..

صعبة تلقا هالمواصفات وخصوصآ سعة الصدر وخفة الدم <<<< راح فيها :mad:



ما تشتكي من ضيق معنوي ( وجه يقول ترى المعنوي غير الحسي ) .

الضيق المعنوي يتلاشى ويقل عندما يكثر الإنبساط والتكيف الحسي !!! هذا كلام الأطباء <<<<< لا يا شيخ ;) ;)




تمنيتها تكون متعلمة وتحب الثقافة والاطلاع عشان أكون عوناً لها في توسيع مداركها وتثقيفها والوصول معها الي درجة عالية من الوعي بمفاهيم المجتمع والحياة الزوجية !!

حب الإطلاع يكون مصحوب بخجل في بداية الأمر إلى أن أن أن <<<< توهقpb094



وجعلن النساء في ذا الديره مجرد مزارع للانتاج فقط !

الشابورة عندنا طييييييبة بالحيييييييييييييييل <<<<< لا تفهمونة غلط pb036




العارضات اذا مشن تشوف شعرهن تسنّه ذيل فرس ... وذا الحبيبه اذا مشت تشوف شعرها تسنّه ذيل بقره ! ) << كناية عن الجديله !!

ما خبرت إن فيه جديلة مثل ذيل البقرة لأن عندي خبرة في جدايل البقر <<<< صرفهاpb034



نماء الي علمي انها مدلعه ولا عمرها دخلت المطبخ ؟! ( يحلفون القريبين منها انها ما تدري عن فرن المطبخ هو يشتغل على الغاز .. وإلا على الكهرب ؟!

طيب عادي ... علمها شغل الصااااااااج pb027 pb027 <<<< ;) ;) ;)



وجه طالب من جامعة الملك سعود مسوي زحمة ولابس كنادر بيضاء وماخذ لموزين لسوق الفيصلية ) << مهوب من مدينة صبيا ... ابد !!

على طاري صبيا تصدق أنها مشهورة بتصدير الكنادر <<<< بيكحلها و اعماهاpb027 pb027




ترى سلومنا وعاداتنا تقول ان مهر البنت ( الفووول ابشن ) يتراوح ما بين 70-120 ألف ريال !

وبالأخير تلقى هاللي يقالها ( فووول ابشن ) مثل ابوها بس بدون شنبات pb027 pb027
و إذا صار أبوها مثل غازي;) تلقاها طبق الأصل منه :mad:



الله يستر بس .. أهم شي لا تطلع في بلوتوث ") ؟!!

والله إنك صادز <<<< وجه واحد منخرش:eek:



دائمآ مبدع يا اُستاذنا بـنـز bp039 bp039

[القبيبين المنجطل]

طيب ياجماعة كم علاوة الأصدار وماهي المعادلة العادلة لها ..((هذا سر ))) لا ينبغى الحديث عنه أمام البسطاء والجهلاء ... المطلوب منك أنك تكتتب وبس ... وأنت تضحك ..........

[bns561]

^
^
عليك من الله ما تستحق يا ضحية الحفّار ( وجه كاتم الضحكه ) !

لي رجعة وتعليق على الردود .. باذن الله تعالى !

[مثلي .. لم ترى]

وأنا هنا اعلّق واقول : ( متزدين فيتس يا فاطمة )

يعني مهوب بس فيها مزدين في كل الحريم ..

مع اني انسه الله يطول عمري .. بس ماش منيب اواطن الحرمه تمسك منصب والا تتدخل وترز عمرها ..

عمركم بالله شفتو وحده في أسواقنا متعدي طولها 155 سم

يعني يوم الله ساترن علينا وشوله تفضح بنا ..

وانا اختك لا تشطح ترى مالك الا خشمك لو كان عوج ..

هذا من ناحيه ..

من ناحيتن اخرى غلاء المهور موجود بس والله اذا انت اجودي وتقدر الحرمه ..

ترى فيه رجال مايعرفون قيمة الحرمه الا اذا ادفعوا عليها ... واعرفوا ان الله حق ..

داخلتن على الله ثم عليك خلك من مطالع فاشون تي في ...

ترى وين نروح الا الله ..pb093

bp039

[طرش بحر]

جلسة شورى !! (( سوالف ضحى ))!!

يالبى هالسويليفات لاعدمناهن خصوصاً لا صارت خاثره (( شكلاً ومضموناً ;) ))


.. أن من يشعر بالألم عادة ما يكون المصفوووع ؟! اما الصافع فأكبر همّه أن يقضي شهر العسل في جنيف !!

ولعلك تجاهلت شي ثاني وهو الي بيتمحل << الي مايدري يقول حلبه pb034

( طرّاه ان بعض الكوالين مضروبة وتنفتح بتوكة شعر )!!

ويقال في عدة دراسات محورية لهيك امور(ن) مدلهمه ان بعضهن حتى بالتشريق << كلبليتر ددسن ;)

طرّاه اذا قالو فلان وسيع وجه

آبوها من وساعة وجه
بعضهن تطير ارقاب وبعضهن تدق الخشوم وبعضهن تجبرك على الشين << وين اودي ويهي منه pb094

( وجه عزوبي يسوي دعاية لنفسه ويقول : معنا تضمن الأنثى اتساع المدارك والتعليم بالممارسه وتصبح أنثى حقيقية )

اخافها فزة كديش(ن) مافيه حيل بس حب يبين نفسه انه فحل وراح فيها pb024

وجعلن النساء في ذا الديره مجرد مزارع للانتاج فقط !

وفي رواية جعلنهن يقظبن الملاجم ويخورفون على كيفهم (( تحوير لانمطي للجمله المقتبسه ))

تبيه يصير أديب في أمسية زيران ؟!!

ماتجوز عن خنبدزتك ابد
وإلا وش طاري الزيران فيذا << مسألة شخصية لاهنت

الله يلوم اللي يلوم ابوك لو يمرح فوق الشجره .. عقب ذا الشروط !

تقوله صادز << ولي امر تحت الانشاء وخاااايف pb192


البنز
وفي رواية سنافينا اللوجستي ;)

طبلو وطعطعو وشالو وحطو وفي الاخير رضخو << لاتنشدني وشوله تكفى

كفيت ووفيت بهالزين والمطعم بخطمات(ن) مباحه (( إباح / مباح نفس التشكيل لكن الفرق تسبير بالحيل ))

وسلمني على كاتبتك وقل لها ياسلامي عليكم بس ووه منكم يامن طفرتو بعلانكم (( جمع بعل )) وارهقتموهم بكيت وكيت << طراه انها تبي من ظمن مهرها جيب لاندكروزر لابوها وشاص لاخوها pb034


بنز مثبت

وضعي مايسمح لي اقيم اي واحد من العيال يجي يودي مميزه يفك تثبيت بكيفكم هههههههههه

العذر والسموحه تراها مابعد فكة منها ونشكرها على التثبيت



ونسخه للمميزة بعد اكتمال الردود

^
^^

برايفت البنز

هالرد بيبين لي مدى مصداقيتك ؟
(( وجه يقول رد ولا تسفه احد ))

[منحلة صواميلة]

فرصة أول رد للبنز
وراجـع للموضوع بشوقي ولهفتي راجـع

أنا رديت لعيونك ..أنا رديت (مسكت عبدالكريم عبدالقادر :) رديت الأولي بمعنى رجعت والثانية بمعنى رديت عليك.:) .والله من البارح راد بس اتوقع كان مشكلة بالموقع.pb093

على العموم, موضوعك يعالج مشكلة إجتماعية بالصميم , وأنا ماألومك إنك تفاجأت برأي الكاتبة من غلاء المهور. صار تقريبا نفس الموقف قبل فترة وحدة من جيرانا عايلتهم حددوا المهر لبناتهم وتوقعت بتكون أكثر وحدة تؤيد هالقرار لأنه عندها خمس بنات. ..بس والله تفاجأت زيك لما عرفت إنهاأشد المعارضين. وعذرها مصاريف الزواج.
حادثة ثانية تدعم كلامك عن المهايط بالزواج واحد أعرف من أسرة شبه أرستقراطية بس مجتمعهم أرستقراطي خاطب له فترة وتأخر بالزواج أنا أمون على الولد وسألته وش عندك لاهالحين ماعرست وقال بصراحة أهلي وخصوصا أمه ودهم بعرس كلاس بسبب برستيج المعازيم وتأخرنا نجهز للزواج ..وقال ودها تفرح فيني...

غلاء المهور تقدر تعبر زي العملة بوجهين والمشكله مع إنها برأيين مختلفين بس التبرير واحد كلن عذره كلها (ليلة عمر) الرجال العقلانيين يقولون طيب إذا كلها ليلة ليه كل هالخساير والنساء العاطفيات يقولون كلها ليلة بالعمر وودهم يفرحون بأولادهم بحكم عاطفتهم...
بس السؤال وش عذر الرجال (الآباء) يطلبون مهر غالي غير المادة. وأكيد المهر الغالي تم بموافقتهم يعني شركاء بالجرم ...هذولا سبب المشكلة يعني زي الزواج بثانية يلومون الرجال وينسون الزوجة الثانية .

وبالنسبة لمجلس الشوري أشوف لو يطبعون موضوعك هذا ويناقشونه أحسن لهم من حضور الكاتبة إلي تزيد المشكلة
مابقى مساحة للإقتباسات بس باستخدم إرتداد التوقيع :) بماإنك مخضرم إسمح لي بمشاكسة نقد أدبي (ياخي إعتبرني الدخيل وإنت زاهي وهبي بدون العفلق هههه :) )
قدّر الله عليّ في لحظة ( تهوّر .. وحاااااجة ماااااسه لممارسه مهنة الفلاحة وحرث الأرض )

هههههه الله يلوم إللي يلومك...وهذي أدبيا يسمونها تورية تكلم عن الحرث وتقصد النسل ,حتى أدبيا مرتبط ببعض (الحرث والنسل) وبعدين العامل المشترك بينهم الثور والبقرة هههههههههههه
طرّاه ان بعض الكوالين مضروبة وتنفتح بتوكة شعر )
هنا طباق جمعت بين متضاديين التوكة والشباصة
ما تشتكي من ضيق معنوي ( وجه يقول ترى المعنوي غير الحسي )
هنا جناس على وزن سكاس :) , ترى مهنا فرق عن الضيق الحسي كلها حرف بس هههههههههه:)

كتبت فحللت فأبدعت عن غلاء المهور . صار لنا عشرين سنة .كل ماقلنا بتنحل المشكلة زادت ...pb093
ياخي شكلي بشتري لعيالي حصالات كل واحد يجمع مهره من الحين..و لاتقاعدت بونس عمري pb192

[صقر الاقلاع]

بنز
والله ماشفت شي

للاسف اكثر من هالي تصورته يعني بالعربي تبي تعرس ومسوي زحمة ارضى بالي بيصير لك بعد العرس

وجهه واحد يقول يازين العزوبيه والدير قريبه م11

[ملكع]

هلا يابعد كبدي يابنز


قريت عمود صحفي في جريدة الجزيرة الصادرة يوم الأثنين 6 صفر 1427هـ للكاتبة " فاطمة العتيبي " بعنوان (( الشورى والمرأة )) وكان من ضمن ما كتبته أختنا في الله الاستاذه "فاطمة العتيبي" ما نصه: (....... من أفضل التعليقات التي وصلتني : لماذا لا يستشير الشورى المرأة في أمر يخصها ؟!! )

وذكرت الأستاذه "فاطمة" انها حضرت احدى جلسات مجلس الشورى .. وكان النقاش عن إشكالية ( غلاء المهور ) وكانت تود " الأخت فاطمة العتيبي " لو اتيحت لها فرصة طرح السؤال ( هل هناك غلاء فعلاً ؟ ) !! ولكن حتى لطرح هذا السؤال لم تعط فرصه !!

اول شئ يابنز وانا اخوك لا تقرى الجرايد يوم الاثنين وخاصه الجزيرة ولا تدري لا تقرأ اي مقال كاتبته مره لانها اكيد بتحوقن وتمطرس في سوالف ما هيب حولها ولا تدري لا تقرى الجرايد السعوديه ابد :D

<<<< وش تبي بالله :D



انتهى كلام فاطمة ..!


ياجعلها تنتهي مدة صلاحيتها ويموت اللي بيعرس عليها متسمم من كيلونها ويتهمونها فيه :D

<<<< وجهن يقول عسى ان شاء الله :D



( تهوّر .. وحاااااجة ماااااسه لممارسه مهنة الفلاحة وحرث الأرض )


لا والله ماهوب تهور بس اهم شئ تلقى لك ارضن طيبه وخصبه :D


تمنيتها تكون متعلمة وتحب الثقافة والاطلاع عشان أكون عوناً لها في توسيع مداركها وتثقيفها


نصيحتي لك دور وحدتن معها ان كثرت المتوسط وش لك تبلش عمرك بوحدتن متثقفه تثقف راسك بالبربسه خذ وحدتن غشيمه وانت وسع اللي تبي على كيفك :D



ومع هذا حسيت انها مناسبه لي


كان عزمتني الله يصلحك :D

<<<< يسمع بالمناسبات :D



بس .. ترى سلومنا وعاداتنا تقول ان مهر البنت ( الفووول ابشن ) يتراوح ما بين 70-120 ألف ريال ! والعاديه ( بدون جنوط .. نظام طييس ) في حدود 42 الف – 50 الف ريال << يعني تسنّها درجة الحرارة في الرياض ايام الصيف مهنا فرق بين الدرجة الصغرى والدرجة الكبرى !! ( وجه واحد يتلفت وخايف من فاطمة العتيبي لا تهاوشه )!!


طيب فيه نوع بفتحه؟؟ :D


عاااااد انا لو تجمع اللي وراي ودوني ما جاء اربعين الف ريال !


لا تفكر تحطها بالاسهم ترا السوق ما هناش يخوف ابن اللذينا pb093



بالعربي ... العرس في ظل الظروف الحالية ( وجه واحد قرأ في وقت مضى عن زيارة خادم الحرمين الملك عبدالله لحي الشميسي وسمع بتوصيات واعتراف حكومي بمشكلة الفقر ومع هذا بعض الناس المعنيين بعملية إكمال خطوات الزواج ما زالو متمسكين بخرابيط لا تسمن ولا تغني من جوع .. لمجرد المهايط والشعور بلذه مؤقته يتبعها جحيم العيش في الديون والتهرّب من الديّانه ) .. !

صعب ........................ وصعب جداً ...... خاصة اذا انت مقطوع من شجرة .. تعرس من أسره متوسطه الحال ( امّا عيال النعمه انس موضوعك ولا تهوجس انك توطوط يم ديارهم ) !!


اي والله صادق pb093

تدري وش الحل وخاصة اذا كنت مقطوع من سدره :D ما لك الا انك تعرس على وحدة من دور الايتام ارخص منها كفالة يتيم ومنها مره سنعه وبتعتبرك ابوها وامها وكل اهلها :D


سلمت يمينك يابنز وتستاهل فطوم حيص بيص اللي تبي تتلقف في امورن مالها فيها سنع :D

تشاووووووووووووو

[ملكع]

بعد قلبي القبيبين تعال شوي :D


طيب ياجماعة كم علاوة الأصدار وماهي المعادلة العادلة لها ..((هذا سر ))) لا ينبغى الحديث عنه أمام البسطاء والجهلاء ... المطلوب منك أنك تكتتب وبس ... وأنت تضحك ..........

ذكرتني باللي يقول الحامل ارخص :D

تشاووووووووووووو

[قطـــــوه]

هلا خيوو

أنا دايم أقرأ مواضيعك بس ماتجيني فرصه أرد عليك ,, بس هالمره رديت << احلفي :D

بغيت أقولك سالفه عن المهور ماأدري عنك قد سمعتها وإلا لا ,, بس مو معناته إني أناقضك في اللي قلته بالعكس كلامك عجبني و صح 100% ،، ;)

فيه واحد تقدم لوحده بيتزوجها ووالد البنت ماكان يبغى يثقل على العريس في حكاية المهر فطلب منه مهر لبنته ريال واحد بس ,,
المهم ,, وصار الزواج وتم وبعدين صار الرجال يعايرها في مهرها يقول أن أهلك أكيد مستغنين عنك وإنك تسوين ريال واحد وإنك وإنك ... ألين مره كان معاه (بيبسي) :D << ولاتقول ايش دراك انه بيبسي مو حمضيات؟؟ :D بقولك لأن السالفه كذا وصلتني :D ,,
الموووووهم ,, قال لها أنت والعصير سعركم واحد ,, فــ زعلت هي طبعا بعد ماطلع روحها المسكينه ,, ورجعت لبيت أهلها وقالت السالفه كلها لأبوها (نشرت غسيله عند أبوها :D) ,,
وبعدين لمن جاء زوجها ياخذها مارضي أبوها يخليها تروح وأشترط على زوجها أنه يدفع مهر جديد وأعتقد أنه شي وشويات يعني مهر جامد ,, ودفعه الرجال غصب عنه ورجعت زوجته له وتأدب ماعاد صار يقولها شي :D وعاشو في ثبات ونبات وخلفو صبيان وبنات :D ,,

أسلوبك حلو,, شرحت قضيه مهمه بأسلوب كوميدي ساخر رائع :D

وشكرا إلك خيوو على هيك موزوعك مهضوم ,, ;)


برايفت البنز ::

اترك عنك قناة فاشن لانها تتعب ;) ,, إذا أنا اللي هي أنا أخق عندهم أجل أنتو شتسوون؟؟ ;)

[bns561]

لوفر .. ( خشة تغمز ) ..!

وكالعاده يحاول lover_h ان يفك رموز الغمزات في الموضوع ولكن ماااااااااااااااش يفك وحده وثلاث لأ

يفك وحده وثلاث لا <<< تووووووف ماشاء الله ماخذ اربع مرتن وحده ( وجه واحد من جنبها ) !

احلى ما فيك عياره مشفره +قضيه ورساله للموضوع>>> وجه يقول افلقني لو طلعت بفايده من منتدى العياريين

صدقني العيارين فيه فوائد واجد .. ييزي انه يكسر روتين الحياة والملل والرسميات والبرستيج ( وجه واحد اول مره سمع بالبرستيج راح يدوره في الصيديله ) !!

تحياتي (لوفر) << قلب احمر منشلخ !

===
لسعة شقاوة .. ( خشة تغمز ) !

رجل(ن) بجهاز..
ورجل(ن) بجواز..
ورجل(ن) لا ينبغى ولا ينجاز...

عندنا مثل غير مثلكم .. ( وجه بزر يحب المغاااير ) ..!

يقول المثل :

حرمتن مهناااااااااااااش ..! ( صورة بنت عمرها 14 وتحسب انها فاهمة الدنيا )!
وحرمتن خشاااااااااااااااااااش ! ( صورة حرمه بنتها اكبر منها والين الحين وهي تلبس عاري )!
وحرمتن ضايعة بين الأوبااااااش !! ( صورة روسيه اربعة في سته )!

تحياتي !

====
المسورب ( خشة تغمز ) !

يمدحون الفلاحة تراي فلاح الحين

الله يوفقك وجعل بذرك يتبارك وتحصد ما تتمناه ! ( صورة جمس مليان جح )!

تحياتي !

===
فاضحتـ ( خشة تغمز ) !

بنز .. ما اقول الا وش زين بنيتك .. حمرن عطرا

لا تكذبين ترى تطيحين في النار ( وجه واحد يسمع بالنصيحه ) !

====
ابو شطب (خشة تغمز )..!
البنز .... المتطرف
ياخي ماعندك انت الراي والراي الاخر.....خل المرأة تهذري براحتها

ما ذبحنا الا كثر الراحه ( من تالي خذو راحتهم بقوة .. شف قناة الاخبارية وتقاريرها ما غير مقابلات في السوق وبنات بنقابات وغطوة خفيفه وفلسفه من جنب القده ) << توني شايف تقرير عن اثر استخدام مياة المجاري في الزراعه وتعال شف البنات وكل وحده تفتي برأي ( هذا مرض .. وذا كخه .. وذا حرام ياويلهم من الله ) !!

وفي روايه اخرى قرمى...بديت اشك انك " made in Najed" <<< ماودك توطى ببطنه

انا سألت خالي فؤاد .. وقالي الكلمه دي ما نعرفها ( وجه نجدي متطرف بالتبّني ) !


تحياتي ... ولي عودة مع باقي الردود ان شاء الله تعالى !

[اخاف الظلام]

الا صدق المهور غاليه pb095



ش شغلتكم رجال بلاش pb192

مهمه الرجل المصاريف والا قوامه على الفاضي


الحين فاطمه العتيبي حاضرة مجلس الشورى وانا لا !!!!!

[الحويشي]

http://www.eqla3.com/vb/attachment.php?attachmentid=117232&stc=1&d=1141425835

عندما

تلتقي

يد المبدعين وخبراتهم

مُمثلةً

في

الدكتور

بنز

bp039 pb189 pb189 bp039

وأيدي المذهلين

في شبكة الإقلاع

bp039 pb189 pb189 bp039

فإن

للتعاون

طعماً آخر
===========================


أحبك موت ياالشين
pb189 pb189 pb189

[ملكة نفسي...]

رهيب بس عنصري...pb093 <=-=العتيبيه فطيمه:D





عليهن من الله ما يستحقين .. عارضات الأزياء في قناة فاشن تي في ..

حلفت عليك بلبسكـ باروكه واحلق الشنب وادخلك جامعات البنات ....والله ان تسعبل


...................................


واذا على المهور


والله الحين البنات يحمدن ربهن يعرسن ما اظن ان فيه وحده بتتشرط على مهر ...:rolleyes:

والي بتتشرط تجلس بيت بابا ..

وكل ما جو صديقاته المعرسات لبيتهم يزورونه هم وعيالهم...pb189

تجلس تقول انا مستحييييل اوافق على واحد الا((وهي تفرك الأبهام والسبابه بعض))<=-=قصده مريييش:D


بس قل لفاطمه تقولتس ملكه انثبررري بالذات مشكلة المهور مشكله شبابيه بحته ...pb034 <=-=والله اني مدري وشي بحته


,,,,,,,,,,,,,,,,,,,,,,,,,,,




البنز

مستحيل يمرر لكـ موضوع وما اقراه مستحيلbp039

بس مهوب دايم اقدر ارد عليكـpb094

.


.


.

[RO7 6FLAH]

بالخير يالبنز يالله ان تحييه بالعيارين <<<< ماتستحي تهلي باهل الدارpb095


والله صراحتن موضوعك متشعب ويمسكم يالعيالين

صراحه انت مبالغ حبتين بسالفة المهرpb036 .... لاكنك بباقيه صادق ... ويا ربيه بغيت اصيح الا شويتين من المكده الي تجيكم << طراه اني والله العالم لو انا ولد كان ماتزوجت لو السالفه كل المكدة تبي تطيح على ظهري:rolleyes:


( وجه يقول عمركم بالله شفتو وحده في أسواقنا متعدي طولها 155 سم


يا كثرهن الي فوق الستين وبالسبعينات بعد بس الظاهر ان الاسواق الي تروحون لهن فيهن ماش فيهن شي;)




ترى سلومنا وعاداتنا تقول ان مهر البنت ( الفووول ابشن ) يتراوح ما بين 70-120 ألف ريال


من جدك تتكلم:eek: لا صراحه ابخلي ابوي يسير على خالك ابو زوجتك ويتعلم منه

<<< طراه ان كل الي اعرفهن اذا ارتفع مهرهن وشطح فوق وصل خمسين الف
وطبعا الغالبيه اربعين الف يكحن مافيه غيرهن , طبعا هذا لان اهلهن يدورون على الرجل الي يستاهلهن ومايهمهم المهر

واعتقد ان اقل من كذا مالها داعي يعني اذا كان على اهل البنت القصر من إلى والمهر الي معطينهم اياه 40 ماغيره وش راح يكفي ليكفي

يعني زي منتم عارفين حفل الزواج يبيله على اقل تقدير 30 الف ريال يعني لو اهل البنت على قد حالهم لازم راح ياخذون من مهرها وهي بكذا ماراح يبقالها غير 10 الاف بس يعني تشتري فيهم فستان وخاتم وخلصوا <<< طراه ان كل شي نار وغالي اللهم يا كافي


ايجار شقه (كبر عيني) يبي له 8000 – 15000 ريال ...;)
- تأثيث الشقه ( غرفة نوم ومطبخ ومجلس ومكيفات .. الخ ) بيكلف 30000 ريال ( هذا اذا كان الأثاث من حراج بن قاسم وإلا على نظام محلات النجارة البسيطه );)


تصدق انا ماكنت ادري ان الدعوا كذا الا يوم جا يتزوج اخوي ... ابتلش المسيكين مايدري من وين يرقع من هنا ولا هنا مع اننا حافلينه كافلينه والكل يساعده بس ولوا العرس يبيلهpb095

عندك المطبخ على سبيل المثال : يبيله على الاقل 20 الف من ادوات كهربائيه وغيره هذا اذا كانوا مقترينpb036

عاد كيف بواحد اهله الله يهديهم شايلين ايدينهم من كل شي ياحرام الولد الي زي كذا راح يضل عزوبي طول عمره:D



عموما شكلي ابشترك بجميع الجرايد المحلية والعالمية واعطيهم عنوانك يوصلونهن لبابكم ...اغديك كل يوم تجدع لنا ابداعك الا محدود الي عودتنا عليه:D


سلااام

[لابسه بشت جدها]

وأنا هنا اعلّق واقول : ( متزدين فيتس يا فاطمة ) ..وشلون الحين تطالبين بان يقوم مجلس الشورى بإشراكك في الجوانب اللي تمسّك كـ( إمرأة ) .. وانتي تمارسين نوع من الأنانية ( البغيضة ) وتتناسين ان غلاء المهور يمس الرجل أكثر من المرأة

هي صادزه فطيييم المهر حق من حقوق المرأه وهي وحدها من يحق لها مناقشته هذا ان وجد غلاء مهور من اصلووpb095 << الله شرع لكم القوامه وشرع لنا المهر
<< صورة قدر ضغط على النار والطباخ عليمي ومن زود ماهو مستعجل على الطبخه حط على الصفيره بتاعت قدر الضغط فنجال شاهي
واحد ذكي كده يقوم ويقول لنا وش راح يصير لكلا من قدر الضغط / الطباخ / فنجال الشاهي :D


وجه يقول عمركم بالله شفتو وحده في أسواقنا متعدي طولها 155 سم


الله 155 سم كثير مره:eek:
انا باقي لي شهرين وأكمل الثمان طعش وطولي 90 سم pb094
وامي تقول ان شاء الله لما تخلصين العشرين راح تطقين المتر بالراحه :D


قولو لها : طيب .. بنطارحك ,, بس اصبري شوي نروح ناكل حنيني ونشرب لبن ثم نجي .!! ( وجه يقول .. بيدي لا بيد عمرو ) << أجل مهنا غلاء مهور ؟! افلقني يا شيخ !;)


تبي نصيحتي لا تطارحها :D واتركها بيد عمرو . وأنت إبرأ لعرضك ودينك تربت يداك pb027

<< منظر واحد سيارته ددسن غماره ومتزاحم هو وزوجته وعياله الخمسه والزوجه مسكره باب السياره على عباتها pb027 وموقف عند الاشاره ويمسمس مرزامه و يناظر في وحده راكبه جيب في اكس ار ويبتسم pb189




برايفت لـ اللى يقول المهر اربعين الف او خمسين ألف يكفي :eek:

فستان الزفه عندنا بالحجاز يوصل سعره إلى ستين وسبعين ألف ريال بلحاله غير التجهيزات الأخرى :)

موضوع دسم ويبي لنا سفن اب بعده pb027

[RO7 6FLAH]

8
8
8



bp039 bp039 لابسه بشت جدهاbp039 bp039 انا ماقلت انه يكفي اناقصدي يالله يالله تكفي 40 و 50 الف :) <<< الي على راسه بطحى يحسس عليهpb095

يعني الوحده لازم يساعدونه اهله وتجيها بعد هدايا مع كل جهه علشان يالله يالله تقدر تجهز نفسه:D

بس تدرين اهم شي التوفيق من رب العباد ..... ولا وش راح استفيد اذا كان مهري مية الف او اكثر ومايوفقنا ربي:(

وانتي خليتس ذهينه لاتشرين ملابس واغراض كثيره قللي وخليه هو يشريلتس اذا سافرتوا لانه راح يكون مستحي ويقول موافق على كل شي :rolleyes:


والا بعد شهر الله يخلف راح يقول لا حتى من قبل ماتنطقين الكلمه :D


اسفين على القطه بس حبيت اوضح رايي لاختي لابست بشت جده


ايه تذكرت هذا شين حز بنفيستي وودي اقتبسه <<< احلفي:D


عليهن من الله ما يستحقين .. عارضات الأزياء في قناة فاشن تي في ..


الحين خلنا نحلس ونملس زيهن وشف وش راح يصير علينا;)

عليكم من الله ماتستحقون يالرجال تعلقون على حريمكم وتعايرونهن وماتناظرون انفسكم pb093 <<< طراه انكم اشيف وكروش واجسامكم يالله لك الحمد يا اما جلد على عظم تسنكم خمس عودان تسبريت ملصوقاتن ببعض ... ولا دببه يالله تدخلون مع الباب:D

[bns561]

عدد المتواجدون في هذا الموضوع » 4 , عدد الأعضاء » 2 , عدد الزوار » 2
‏bns561*, ‏فيولا

خلوة غير شرعيه !

لي عودة وتعليق ان شاء الله يا ساعة عطلانه !

[bns561]

فيولا ;)

البنز وكالعادة متذمرويحش في المرأة

قابل الصياح بالصياح تسلم ;)


اجل كيلون يا الشين المشكله الحين مو في الكيلونات لانها تتشابه المشكله في ذا المفاتيح اللي اللي تبي تفتح الباب بلاش وانت ياحامل المفتاح تسنع وخلك رجال ولا تصير من قوم وجدي وحمدي وعلى الاقل اكمل دراستك الثانويه وبعدين تعال اخطب مو تجي حافي منتف لا شهادة ولا ماده وش ينبغى بك

يعني يا فيولا .. تبين (حامل المفتاح ) يدرس ويكون عنده ماده عشان بس يقدم لك مفتاحه على طبق من ذهب :confused:

جعل ذا المفتاح تاكله التسلاب تسانه ذلنا ذل مابعده من ذل ! ( وجه واحد معه سكين ويحرحر في عصبه ) !!

برايفت * بنات الرياض

ترى فيه فرع لمحلات الشايقي في المانيا اذا تبون مفاتيح مضمونه!

الله يا زمااان اول .. كان الواحد يقدم للحرمه خاتم من حديد والا يدرسها آية من كتاب الله pb189 <<< كلمة حق اريد بها باطل ( وجه واحد مقتنع بالمثل اللي يقول شي بلاش ربحه بين ) ;)


لا وبعد من زين وجهك تبي مثل عارضات الازياء اصلا عارضات الازياء ما يصلحون لكم يا ربعنا انتم تبون مخدات هوا ءامامية وخلفيه وتبون اسرة مائية تدفيكم في الشتاء سوري اقصد شحمية

احيانا أشك ان هرموناتك الذكورية زايده ;) (وجه يقول كلن يحتسي عن نفسه انا منيب احب الشحوم واللحوم بالعكس اشوف انها قلق ولا تتيح مساحة للزوجين عشان يتمرنون صح ويلعبون على الأطراف ) << عليهم من الله ما يستحقون مدربين ذا الكورة تسانهم أشغلونا بخرابيطهم ذي !:mad:

وبعدين هناك اسر كثيره على قد حالها وعندها من البنات بالكوم تتمنى اي واحد يطق بابها ولا يدخل مفتاحة بس بعد ما يسمي ويقرا الفاتحة

(بسم الله الرحمن الرحيم * الحمد لله رب العالمين )pb094

بس احنا شبابنا مع الاسف انخدع بما يراه من الممثلات وعارضات الازياء على قولتك وصار ما يفكر الا بوحده زي نانسي ولا زي اليسا ولا زي سلاف وياكثرهم اللي يقولون ما بي اتزوج لما تلقون لي استنساخ هيفاء وهبي يالله عاد حلها

الحرب خدعه <<<< طرّاه سلاف ;)

يعني بابنز الكفة متراجحة في الميزان

زااد لو مهيب متراجحه تسان تصير عرجاء ;)

ما اقول الا جعلك ماتطيح للحريم في عوره ياعملاق الاقلاع

وهـــ منهن ومن عورتهن pb189

تحياتي ولي عودة وتعليق ان شاء الله ;)

[إيزابــيلا]

اجل تبون تعرسون ببلاش ؟؟؟ :mad:

ليش الرجــــال قوامون على النســـاء!!! :confused:

أنــا معك أن فيه بعض الأبـــاء الله يهديهم يتشرطون في المهر

بس ترا نتيجه تشرطهم بتجي في بنـــاتهم pb093 .

وبعدين الثراء والبنت الفل اوبشن موب كل شي في الزواج

أهم شي الدين والأخلاق والتوفيدز يجي من الله...

أعرف لك نـــاس يسمحون يدينهم بخمسميه ( كنايه عن ثرائهم)

تزوج ولدهم بنت فل أوبشن ما كملت العشرين من عائله أخرى بنفس مستواهم المـــادي

أكيد كلن بيتوقع نهايه سعيده لمثل هالزواج

بس صارت النتيجه طلاق وهم ماكملّوا شهرهم السادس والضحيه بنت مطلقه ما كملت العشرين من عمرها pb093 ...

وبعدين أتركوا عنكم ذا القنوات اللي خلتكم تطيحون بنات ديرتكم من عيونكم

المشكله اللي يشوفوكم وأنتم تتشرطون يقول أنكم تطقون لتوم كروز بإصبع pb027 pb095

بنز ودّي اقتبس بس ماودي ينطلوني في الحاير مدري الناصريه خصوصا توني جديده pb094 >>>> أصلا نصابه ماتعرف

تقتبس :D

آسفه على الإطــاله والبثـــــاره pb071

بنز دمت مقلعــــا(ن) وعيـــــار(ن) bp039 bp039

[مبااري السااس]

هلا اخوي بنز

موضوع ظريف خفيف ساخر هادف ، ضحكت كثير في بعض اجزائه خصوصا عند دكان الشايقي .:D

تساؤل الاخت فاطمة ارى فيه جزء من الصحة لانها تنظر للموضوع من زاويتها التي اوسع من زاويتك <<< خلك منفرج ربي يفرجها عليها .:)

يا اخ بنز انت تريد تفنيد زعم الأخت فاطمه بان المهور ( عادية ومقدور عليها ) من خلال تساؤلها هل هناك غلاء مهور؟
برأيي لم تكن ( الدفوع ) التي قدمتها قويه <<< مصطلحات محامي لابس بشت .. وفازعن مع البنات.
فانت لم تنظر للمهر فقط ، بل ادخلت فيه المصاريف الاخرى التي ستتكبدها في مشوار الزواج
<<< وجه يقول عسى ما ادخلت في الموضوع تكلفة الفتاشه وتكلفة الفرصة البديلهpb034 <<< اقتصادي مدهون بقانون.

واقحمت المصاريف الاجمالية للزواج وربطتها بالمهر
مصاريف ايجار الشقه والسياره ، والأثاث .
اعتقد ان المتوسط 60 الف ريال

الخلاصة ان ما تعتقد انه كثير بسبب اضافة مصاريف اخرى .. ارى انه ( مقبول )..
المهور تتراوح بين 30 - 70 عند الطبقة المتوسطة.

السؤال ... هل سيغطي ذاك المبلغ مصاريف الزواج ؟؟ وحفلة العرس ؟
احيانا تكون التكاليف اكبر واهل البنت يدفعون زيادة على مهرك .. يا ابو مهر :D

قصور الافراح .. عادة بين 30 - 100 الف ..
يعني خل ناخذ الحد الادنى 30 الف ريال
الطقاقات 5-10 الاف .. ( مانيب قايل فنانه ).. وايضا خل ناخذ الحد الادنى 5 الاف .

فستان الفرح بين 5 -10 للبنت اللي ماسكتن عمرها .. ولا تبي تتدلع وتروح لمصمم مشهور
وخل ناخذ الحد الادنى 5 الاف ..

ايضا تبي تشتري فساتين وبلايز واغراض نساء .. ما يقل عن عشرة الاف اذا هي مقتصده مرررررررره ..
( طراه ان الواحد لو ياخذ بدلتين رياضه ماركه مع جزمه تكرمون طق الالفين ) هذا وهو رايح يتمرن اجل لو رايح تعرس وش تسوي ؟؟

إلى الآن وصلنا ( 50 ) الف ريال ........... > وهالخمسين انت متعصّر وتحسب انك جايب الذيب من ذيلوووه ..

ياخي كثير من البنات يدفعون اهلهم فوق المهر ..
لا تقول لي ( خلو عنا ) المظاهر والمبالغه .. لان طلبك هذا يصب في مصالحك انت وتخفيض التكاليف عليك بغض النظر عن ما تراه الفتاة في ( شكل ليلة العرس )
والتي قد تكون مره واحده بالعمر <<< طرّاه يابنز انك لو يقولون لك نبي نسوي العرس على طعس .. قلت ok
المهم انك تظفر بكيلون وتحاول تنقّز بمفتاحك مانيب قايل الصدء:D علشان ما تقول وش دراك ؟؟:confused: هههههه

اقول لك خل البنت تسوي في حفل زواجها مثل ( مجتمعها ) بنات عمها وخالها وغيرهم ..من العائله ..
ولا تصير احسنهم تصير وحدتن منهن.bp039

السؤال اللي يتفنقس بالصالة :
ماهي علاقة البنت بانك تدفع ايجار شقه .. وانك تأثثها ؟؟
هذا شيء طبيعي ومطلوب ولا فيه نقاش .<<<<< وجه يقول بتجلس بنت الناس بالسطوح على بساط مخطط احمر وازرق :D
يعني برأيك هل تخصم مصاريف الشقه من المهر او تبيهم يتقاطون فيها ؟؟:confused:

النقطة الاخرى .. هالحين والمهور غاليه والواحد متكلف ( يطلق البنت ) اسرع من البرق
فما بالك لو صارت البنت مثلا .. بــ 15 الف ..
كان يطلع لك فئة تتزوج وتطلق كل فتره .. ارخص من سفره للمغرب احدى الدول العربية.

أما ان البنت تكون اول مره تتزوج وتقترح اننا ننسف المظاهر بيوم وليلة ويصير العرس باستراحه
ويقولون لك اطلعوا الفجر علشان فيه تعليمات وزارة الداخليه .. ( ارهاب ).

نقطة اخرى اخي بنز :
اذا لقيت الشاب الطيب الحبوب المستقيم ممكن تدفع له المهر وتشتري رجال لو هو غير قادر ..
بس شوفت عينك ( بعض شباب هالايام ).. اجسام البغال واحلام العصافير ..
كل همّه جوال او سياره او جنوط .. او ..........

الشاب اللي قلت عليه اللي ما راح يعذب البنت وينتّف هدب عيونها .. هذا وين تلقاه ؟؟
نسبة الطلاق تقريبا 50% .. وش يعني هذا .. ان الشباب مو حاسين انهم ( صمام الامان ) في العلاقة الزوجيه ..

على اتفه سبب يقول .. الله يلعن الساعة اللي تزوجت فيها روحي لاهلك وانا باروح الاستراحه ( اصرف ).

طبعا انا لا اربط بين المهر المطلوب وعلاقته في استمرار الحياة الزوجيه ..
لكنه عامل مساعد اذا عرف الشخص الجانب المادي ما يكون متسرع في الطلاق.
وشيء جيد لو كان يساعده في الاستمرار في العلاقة الزوجيه.

برايفت بنز ;) << وخذ هالغمزه على الطاير
((( اللي مهوب قد العرس والكيلون ، يركب مفتاح سري بارقام او يصير Master Key )
ويخلي عنه كوالين خلق الله لا يقعد يحبرش فينهن :D ويقول مفتاحي ما يفتح ))))

الدنيا تبي والآخره تبي :D <<<<<<< جمله ختامية حقت عجوز فحّت من النقاش .

[فيولا]

برايفت بنزbp039

لو بنات الرياض يبغون مفاتيح الشايقي كان لقوها هنا pb034

بنات الرياض الى راحوا لالمانيا pb094

يبي يدورون مفاتيح ال سميث وال جون ;)

برايفت مباري الساس ابرد عليك بدل البنز bp039


ما شاء الله عليك مباري دايم كلامك موزون وواقعي وأحسن ما فيك انك تشتري ماركات

كل على همه سراpb027

[مبااري السااس]

برايفت بنزbp039


برايفت مباري الساس ابرد عليك بدل البنز bp039

ما شاء الله عليك مباري دايم كلامك موزون وواقعي وأحسن ما فيك انك تشتري ماركات

كل على همه سراpb027
هذا وانا ما توضيت :D

[bns561]

^
^
ههههههههههههههههههههههههههههههههه
اجتمعو ذا الخبول واحد يركد وواحد يشوت !

بس ماعليه ( سوف أنبري لكم وافند كلامكم تفنيد .. ويااااا انا .. ياااا انتم ) <<< من الحماس بغيت انادي الجاريه تجيب لي كأس من الجعه !

لي عودة سريعه ان شاء الله بس ارد على التلفون !

[bns561]

فيولا;)
برد عليتس اول عشان اصخن عليتس (طرّاه ان رد مباااري يبي له تركيز اكثر ) ;)

بنات الرياض الى راحوا لالمانيا
يبي يدورون مفاتيح ال سميث وال جون

فيولا .. لا تسوين سواة (رجاء الصانع) وتتكلمين على لسان بنات الرياض ( وهـ من بنات الرياض ) pb189 ترى بنات الرياض فيهم نسبة كبيره منهم ( هاديهم الله ومطامنهم باسمه ) ما يعترفون الا بمفاتيح وطنيه وعليها ضمان الجودة وحبذا لو تكون (مفتاح ابو جلمبو) عشان تصير لك وللزمن !

وترى مفاتيح ال سميث مهيب زينه ومنظرها يحوم التسبد ( صورة خشم بزر مزكوم ونخروره يقطر ) ;)

تحياتي ;)

===
مبااري ;)

( اصبر خل اعدّل جلستي ) ;)

تساؤل الاخت فاطمة ارى فيه جزء من الصحة لانها تنظر للموضوع من زاويتها التي اوسع من زاويتك <<< خلك منفرج ربي يفرجها عليها

عليك من الله ما تستحق .. اللي يوحيك يقول ذا البنز مسبّل زاويته .. ويقول ان مبااري يشتغل مسّاح في البلديه ماغير بس يدور على خلق الله ياخذ مقاساتهم (وجه مبااري وهو معلّق على كتفه فرجار ومنقله ) ;)


يا اخ بنز انت تريد تفنيد زعم الأخت فاطمه بان المهور ( عادية ومقدور عليها ) من خلال تساؤلها هل هناك غلاء مهور؟

الي هنا ووقف يا مبااري ... ما قصرت وانا اخوك ;)

لاحظ عبارة ( عاديه ومقدور عليها ) وحاول تربطها بمضمون حديثي عن النفقات اللي تلقى على عاتق الشاب المسكين :(
بالله عليك يا مبااري تبي شاب متوظف بــ3000 ريال يفتح بيت وزد على البيعه يمحط بمهر في حدود 40 الف ريال ;) الله لو انه فرع للراجحي ;) ياخوي البعض رواتبهم فوق العشرة الالف ريال ويالله يالله يوفرون حق سياحة لمدة شهر في مصر ( وجه مستحي ) ;) <<< عليهن من الله ما يستحقن هؤلاء النسوة ... هن وماركاتهن اللي ما منها الا الفقر وضيق الحال:mad:


الخلاصة ان ما تعتقد انه كثير بسبب اضافة مصاريف اخرى .. ارى انه ( مقبول )..
المهور تتراوح بين 30 - 70 عند الطبقة المتوسطة.

وش مقبول انت وخشتك ( وجه واحد ما عرف يرد ) ;)

يا مباااري .. لا تنظر للناس واحتياجاتهم من برجك العاجي ( وجه تكروني من ساحل العاج ) ;) حاول انك تنزل الي مستوى الطبقة الكادحه ( صورة ابو متعب وهو يطمئن على احوال الرعيه في حي الشميسي ) ;)

صدقني يا مبااري ان قيمة بدلتك الماركة اللي أزعجتنا بها وكل يوم تجيب طاريها هههههههههههههههههههه صدقني انها تكد على اسره كامله في الرياض ;) ( وجه مطلع لسانه ) ;)

لا تهمك (فيولا ) وطقتها .. هذولي من طلعو للدنيا وهم يتنطعون بالنعمه (وجه فيولا وفي اثمها مرضاع ذهب) انت تدري ان نموذج فيولا وغيرها من البنات والاولاد المصابين بداء النعمه .. يرون ان قمة المساهمة في بناء المجتمع والقضاء على الفقر من خلال التبرع بـ"أعودا أسنان " للفقراء الميتين من الجوع ( على اساس ان ذا الأعواد صحيه وماركه ) الله يخلف بس على المسلمين ! ( وجه واحد متحمس ويلعب بخطه هجوميه ) ;)


ايضا تبي تشتري فساتين وبلايز واغراض نساء .. ما يقل عن عشرة الاف اذا هي مقتصده مرررررررره ..
( طراه ان الواحد لو ياخذ بدلتين رياضه ماركه مع جزمه تكرمون طق الالفين ) هذا وهو رايح يتمرن اجل لو رايح تعرس وش تسوي ؟؟

هذاااك الحين قاعد تدين نفسك يا محامي النسوه ;) ( وجه أحمد يكيكي وهو يزبد ويرعد ) ;)

ياخي اذا انت تقول ان الناس ما عليهم مني .. واني ملزوم افرش بيت وأجهز بيت للعروس .. وتتسأل بسخريه ( تبي تسطنها في السطح وتحط بساط احمر وازرق ) .. انا هنا اتهكم عليك واسخر منك كما سخرت مني واقول انا وش دخلني فيها بعد .. تشتري ملابس وفساتين والا تلبس صروال خط بلده ;) ( وجه يقول هماها في النهاية بتفصخ كلش ) pb034

النقطة الاخرى .. هالحين والمهور غاليه والواحد متكلف ( يطلق البنت ) اسرع من البرق
فما بالك لو صارت البنت مثلا .. بــ 15 الف ..

الطلاق ... اكيد له أسبابه .. وله مبرراته ;) والتوفيق بيد الله ;) مهوب يخضع لمفهوم اقتصادي بحت ( كم خسرت وكم بربح ) هذا بعض الناس متعلقين بسهم المواشي ومع انه ما عاد يسوى شي الا انهم ما باااعوه وفضلا يتمسكون به على اساس ان العشره ما تهون الا على عيال الحرام (وجه مصري متوهق بكمخه);)

برايفت * مباااري ;)

ترى فيه حريم عند بعض الخطابات بــ.. خمسة الاف ريال مهوب 15 الف .. وفااااااااااكات أزمه ومع انهن رخيصات ماديا الا انهن غاليات معنوياً pb189 يكفي انك تدخل عليها وانت تشوف آدميه ما تشوف مكينة صرّاف !;)

نقطة اخرى اخي بنز :
اذا لقيت الشاب الطيب الحبوب المستقيم ممكن تدفع له المهر وتشتري رجال لو هو غير قادر ..
بس شوفت عينك ( بعض شباب هالايام ).. اجسام البغال واحلام العصافير ..
كل همّه جوال او سياره او جنوط .. او ..........

مبااري .. تكفى لا نضحك على أنفسنا بسوالف عفاء عليها الزمن ;) ياخوي انا من واقع تجربه اقول لك ان مقاييس الرجال للأسف تغيرت ;) يكفي ان واحد سألني عن شخص وطلب مني الصراحه على اساس ان القضية قضية زواج وأمانه ومن ذا الحتسي الكبار اللي تهز الجبال ;) يوم اجتهدت وجبت علمه تام وعلمته انه ( مهوب يصلي وانه راعي بحرين وشرب وخنبقه وانه يتبجح في المجالس بسوالف مغامراته مع البنات ) تفاجأت بانه يرسل لي بطاقة الدعوة للعرس .. وكأنه يقول هذ هو المطلوب .. :confused: شكل الناس من تالي يدورون الدشير على اساس انهم خلاص عيونهم معاد هيب شرهه بالحيل وانهم اذا بغو يخنبقون بيخنبقون من دون ازعاج لنفسية بنتهم ( جعلها ما تكبر ) ;) << طرّاه التعدد ;)

شباب ذا اليومين رايحين فيها ... اجسام بغال والا اجسام عصافير .. احلام عصافير والا احلام روتانا .. نسأل الله لهم الهدايه والسلامة ;)

على اتفه سبب يقول .. الله يلعن الساعة اللي تزوجت فيها روحي لاهلك وانا باروح الاستراحه ( اصرف ).

هذي فروق فرديه .. فيه شاب ما يتحمل المسؤلية .. وفيه فتاة ترفع الضغط .. وفيه استراحات يحبها قلبك pb034

يعني ما نقدر نحكم على قضية بحجم الطلاق على اساس قيمة التكلفة ( ياخي شف بعض ذا المبزرة يجمع له قرشين ويتسلف فوقها قروض من البنك ويشتري سيارة دفع رباعي يلعب بها ويكسرها في النفود ) ;) ما حسب حساب الخسارة بالعكس استمتع بها وأخر شي فكر فيه هو الخسارة اللي بتلحقه من هباله ;)

برايفت بنز << وخذ هالغمزه على الطاير
((( اللي مهوب قد العرس والكيلون ، يركب مفتاح سري بارقام او يصير Master Key )
ويخلي عنه كوالين خلق الله لا يقعد يحبرش فينهن ويقول مفتاحي ما يفتح ))))

يعلم الله يا مباااري لولا ان ( الأخرة تبي .. والدنيا تبي ) تسان الحين نمشي في السوق ومعنا قائمة بالأرقام السرية لكل المواتر الفخمه .. وعندنا خبرة تنقيز مواتر بسيطه مثل الدداااسن ( وجه واحد عايف بوفيه مفتوح .. وطاقته الخرمه على صحن فول ) ;)

تحياتي !

ولي عودة ان شاء لباقي الردود .. وآسف اذا سقط عليكم مبااري .. بس مبااري استفزني بتعليقه ودفاعه عن المرأه ;)

عليه من الله ما يتسحق ;)

[رشة دلع]

ههههههههههههههههههههههههههه


اجسام البغال واحلام العصافير ..
كل همّه جوال او سياره او جنوط .. او .......... :D


والله صادق.



<=-----------=<هالعضو مرتاع له سنتين وهو يدخل ومدري كيف صار يقدر يرد.:eek: pb030


لي باك

[مبااري السااس]

هلا بنز ..
يسلم قلبك على هالرد الحلو خفيف الدم كعادتك وه بس عليك <<< وجه عاض برطمه ..:D :D :D

لاحظ عبارة ( عاديه ومقدور عليها ) وحاول تربطها بمضمون حديثي عن النفقات اللي تلقى على عاتق الشاب المسكين :( بالله عليك يا مبااري تبي شاب متوظف بــ3000 ريال يفتح بيت وزد على البيعه يمحط بمهر في حدود 40 الف ريال ;) الله لو انه فرع للراجحي ;) ياخوي البعض رواتبهم فوق العشرة الالف ريال ويالله يالله يوفرون حق سياحة لمدة شهر في مصر ( وجه مستحي ) ;) <<< عليهن من الله ما يستحقن هؤلاء النسوة ... هن وماركاتهن اللي ما منها الا الفقر وضيق الحال:mad:
ياخي اللي راتبه ( 3000 ريال ) لا يفتح بيت
ويجوز العيد بلا حنا ..ويعرس ويسكن عند اهله
ويوفر حق الايجار ويشتري له بالف ريال مجموعة من الاستشورات
علشان يخفي معالم اي تروش في غير ايام العيد .:D

ويزين له دورة مياه _ تكرم قريبه _ من غرفة نومه فيها بانيو زاويه و( يربص ) فيه هو والمدام .
<<< كني اشوف السيقان ( تذرف ) من طرف البانيو من الشعر كن لاصق فيها قعوس
( للاحاطة مهوب لازم يكون البانيو ماركه:D ) لو يصير مثل البركه اللي تحب الصبّاب .

الحل الثاني اذا صار ملزم على السكن بشقة مستقله ..
اذا عمره 22 سنه .. ينتظر لين يوصل 28 او 30 .. وش مستعجل عليه ..؟؟ ويسلّي نفسه إلى ان يتزوج بمسائل رياضيه بالطرح والجمع وخمسه وباليد واحد :D
إلى ان يفرجها الله و يكون لديه القدرة على فتح شقه و يبلع المفتاح اول شهر )ويعيش حياة طرزان

يا مباااري .. لا تنظر للناس واحتياجاتهم من برجك العاجي ( وجه تكروني من ساحل العاج ) ;) حاول انك تنزل الي مستوى الطبقة الكادحه ( صورة ابو متعب وهو يطمئن على احوال الرعيه في حي الشميسي ) ;)
انا برجي برج العذراء _ الحمد لله _ pb034 مهوب مثل برجك الجوزاء _ برج بدويه _ pb034 الله يخلف عليك بس.pb095 <<<<< سواليف بنات بكافي شوب:D ..

صدقني يا مبااري ان قيمة بدلتك الماركة اللي أزعجتنا بها وكل يوم تجيب طاريها
هههههههههههههههههههه صدقني انها تكد على اسره كامله في الرياض ;) ( وجه مطلع لسانه ) ;)
ههههههههههههههههههههههههه اجل ما علمتك عن الشورتات ؟ ذكرني اذا شفتك :D


هذاااك الحين قاعد تدين نفسك يا محامي النسوه ;) ( وجه أحمد يكيكي وهو يزبد ويرعد ) ;)
ياخي اذا انت تقول ان الناس ما عليهم مني .. واني ملزوم افرش بيت وأجهز بيت للعروس .. وتتسأل بسخريه ( تبي تسطنها في السطح وتحط بساط احمر وازرق ) .. انا هنا اتهكم عليك واسخر منك كما سخرت مني واقول انا وش دخلني فيها بعد .. تشتري ملابس وفساتين والا تلبس صروال خط بلده ;) ( وجه يقول هماها في النهاية بتفصخ كلش ) pb034
شلون وش دخلك فيها ؟؟ انت تبي المُنتج النهائي بس
ياخي الشيكولاته احيانا تكون مغلفه بقيمه اكثر من قيمة الشيكولاته ..
ولا نستطيع انكار مدى تأثير ذلك التغليف على جعلنا نتلذذ بالشيكولاته بين ( براطمنا ).

تخيل شيكولاته بباغات لحمpb034 .. ما تجي ياخي ولا تشتهي تشوفها ..

فالجوانب الشكلية لا يمكن تجاهلها او التقيل من اهميتها
في ظل الجوع الموجود عندنا <<< وجه يقول انك بتطبخ اكل ايطالي بقدر ابو ذبيحه.:D

الطلاق ... اكيد له أسبابه .. وله مبرراته ;) والتوفيق بيد الله ;) مهوب يخضع لمفهوم اقتصادي بحت ( كم خسرت وكم بربح ) هذا بعض الناس متعلقين بسهم المواشي ومع انه ما عاد يسوى شي الا انهم ما باااعوه وفضلا يتمسكون به على اساس ان العشره ما تهون الا على عيال الحرام (وجه مصري متوهق بكمخه);)
ما فيه شك ان هناك عوامل كثيره تشترك وقوع الطلاق ، الجوانب المادية احدها .

برايفت * مباااري ;)

ترى فيه حريم عند بعض الخطابات بــ.. خمسة الاف ريال مهوب 15 الف .. وفااااااااااكات أزمه ومع انهن رخيصات ماديا الا انهن غاليات معنوياً pb189 يكفي انك تدخل عليها وانت تشوف آدميه ما تشوف مكينة صرّاف !;)
ممتاز ..هذاك تقول ان في السوق فيه كل شيء ويناسب جميع الدخول .



مبااري .. تكفى لا نضحك على أنفسنا بسوالف عفاء عليها الزمن ;) ياخوي انا من واقع تجربه اقول لك ان مقاييس الرجال للأسف تغيرت ;) يكفي ان واحد سألني عن شخص وطلب مني الصراحه على اساس ان القضية قضية زواج وأمانه ومن ذا الحتسي الكبار اللي تهز الجبال ;) يوم اجتهدت وجبت علمه تام وعلمته انه ( مهوب يصلي وانه راعي بحرين وشرب وخنبقه وانه يتبجح في المجالس بسوالف مغامراته مع البنات ) تفاجأت بانه يرسل لي بطاقة الدعوة للعرس .. وكأنه يقول هذ هو المطلوب .. :confused: شكل الناس من تالي يدورون الدشير على اساس انهم خلاص عيونهم معاد هيب شرهه بالحيل وانهم اذا بغو يخنبقون بيخنبقون من دون ازعاج لنفسية بنتهم ( جعلها ما تكبر ) ;) << طرّاه التعدد ;)
مسالة انه ما اخذ بشهادتك .. قد يرجع لعدة اسباب ..
_ إما انه قال هذا المطلوب _ مثل ما تفضلت _
_ إما ان يكون انه ما صدقك :D ، لان معلوماتك تضاربت مع معلومات من مصادر اخرى.
_ إما انه قال طيش شباب ويركد.

واياً كان السبب نقول هذا لا يمثل الغالبيه ..
الشاب الطيب لا يقصد فيه الملتحي مقصّر الثوب .. قد يكون فيه ناس طيبين وكووول خالس
بدون تقصير ثياب او تطويل لحى ..
( خذني انا كمثال ) .. وهذا اللي يعجبني فيني :D <<<<< (( استلم جبهه جديده غير جبهة الماركات ))

هذي فروق فرديه .. فيه شاب ما يتحمل المسؤلية .. وفيه فتاة ترفع الضغط ..
وفيه استراحات يحبها قلبك pb034
وين هي فيه :confused: ؟ ولا عمرك وديتني يا حسوود :D <<<< يبي يورطه بهالرد ويشوه سمعته.

يعلم الله يا مباااري لولا ان ( الأخرة تبي .. والدنيا تبي ) تسان الحين نمشي في السوق ومعنا قائمة بالأرقام السرية لكل المواتر الفخمه .. وعندنا خبرة تنقيز مواتر بسيطه مثل الدداااسن ( وجه واحد عايف بوفيه مفتوح .. وطاقته الخرمه على صحن فول ) ;)
ههههههههههههههههههههههههههههههه ( اللهم قوى ايمانه )
انا اقول يا بنز خلك على السيكل ولا تويقف دايم .. يفرط بك الجنزير ويخبطك الدركسون
وفك عمرك من سباقات الفورميلا ONE ما منها طايل .. ترا الدنيا مهيب حلبة سباق جنسي ... :D
بل فيها امور ارقى مثل الحب pb189 bp039 bp039
والرومانس bp039 ، والسفر والاستمتاع بالحياةbp039 <<<< شمس الاصيل لابس جينز ضيق.:D ومطلع شعر صدره pb034

يعطيك العافية بنز على ردك الذي استمتعت اثناء قراءته وضحكت على بعض الجمل كثير :D :D :D

[فيولا]

الحب pb189 الرومانسية السفر الا ستمتاع بالحياة

والله مأعتقد ان ربيعنا يجي من وراهم حب ورومانيسة اقصى تفكيره يوصل لمفتاحه وكيف يلمعه ويجدده ;)

وينسى شي اسمه حب ورمانسية اهم شي عنده المفتاح ثم المفتاح ثم المفتاحpb093

اذا صار مفتاحة قوي وأصلي خلاص يحس انه اشب وأرق وأعطف انسان في الوجود:cool:

وويحس ان الرومانسيةتصبصب من جبهته pb189


لان لا وجود لرومانسية مع تدني نوعية المفتاحpb030

اللي المفروض تصير في القلب pb189

بس تفكير البعض لا للقلب نعم للمفتاح;)

[bns561]

بل فيها امور ارقى مثل الحب
والرومانس ، والسفر والاستمتاع بالحياة <<<< شمس الاصيل لابس جينز ضيق. ومطلع شعر صدره

هههههههههههههههههههههههه عليك من الله ما تستحق يا مباااري ... شكلك تحسب ان الاقلاع ما يشتغل الا في السعودية يومك قاعد تحش اخي ومهجة قلبي (شمس ) هههههههههههههههههههه الله يقطع شيطانك تخيلته وهو مطلع شعر صدره ويكتب موضوع ( فقدتني والا ما ما فقدتني ؟ ) <<< وهـ منه ذا الولد اذا هوجست فيها يوقف شعر راسي ( من زود المبالغه .. والا عارف البير وغطاه يا مبااري ) هههههههه!

تخيل شيكولاته بباغات لحم .. ما تجي ياخي ولا تشتهي تشوفها ..

اثرك ما تعرف يا مباااري .. والله يالشكولاته وهي باااغه انها تهبّل ( وجه بنت تربيه عجوز وهي تخط باصبعها على خدها ) !!

تخيل بس بخار أنفاسها وهي تتنهّد في ذا الباغه ( وجه واحد ما بعد حس بالصيف ) !!

(( اذا اردت ان يكون الموضوع ممتع ومفيد ومتجدد دائماً .. فاحرص ان يكون مباااري طرفاً في النقاش .. ولا يهونون الأخوان والأخوات اللي نفتقدهم في ذا الموضوع ))... !

تقبل تحياتي يا مباااري ( قلب احمر منشلخ ويصبصب دمااااااااااان واجد ) << عشان تعرف اني رومانسي !!

==

فيولا ( خشة تغمز )!

ما تلاحظين انتس مثل جمهور الاتحاد .. ماغير تغنين وتشجعين وانتي ما تدرين الفريق يلعب اربعه اربعه ثنين .. والا يلعب خمسه اربعه واحد ؟!!

فيولا .. الرومانسيه يا عزيزتي مصدها الشرق الأوسط وقلبها النابض جزيرة العرب .. (فيه اشاعه ان روميو وجوليت من منطقة سدير بس ما جاز لهم الوضع هناك من كثر القيل والقال والمحاااااااسد فراحو يم جهة أوربا ) !!

تحياتي ( قلب منشلخ بس ما يصب منه دم .. ) << قضى دمي من جروحك يامباااري وهـ منك !

[غرنوق]

^
^
^
ودي اخش بالنقاش بس احس مالقيت مدخل :d
بدور فتحه وازرق <<<< طرّاه الكيلون

[بيالة ببسي]

والله انك رهييييييب

الله يرزقنا كالون ومن يسمع

ويرزقك افغاني يديه كلها شعر( صورة بنت قصيره تدعي عليك)


( هل هناك غلاء فعلاً ؟ )



وأخيراً ........... يا فاااااااااااااااااااااطمة .. اذا حتسو الرجاجيل في الدراهم وميزانية الأسرة .. ابلعي العافيه .. واتركي الشورى لأهله !


اللي يده في النار ماهوب مثل اللي يده في مكان ثاني






------------

انا من رايي ان فيه اسر كثيره يبون الستر لبنتهم
بس انت قاطع الحلاقين الاتراك وتصير بخير


------

تقبل التحية


على فكرة ترا مانيب بنت :(
( دايمن يشتبهون فيني )

[طرش بحر]

نسخة المميزة

http://www.eqla3.com/vb/showthread.php?t=208080