لمن تلجأ...؟؟

[زعلانه عليكم]

السلام عليكم ورحمة الله


صراحه في موضوع احب اعرف رايكم فيه وش رده فعلكم لو صار لاقرب الناس لكم ..... ما ادري اذا انا معطيه الموضوع اكبر من حجمه ...!!

لكن صدقاً اشغلني وحسيت انو رجعنا مليون سنه .

في البدايه احب اقول ان المشكله ذي من الواقع يعني انا ما كتبت الموضوع ذا إلا ابي اعرف اش الحل ..
وللاسف الشديد فيها منها كثير وبشكل يكسر القلب pb093

_______________________


لمن تلجأ وأين تذهب زوجه مرغمه على تحمل زوج خائن يمشي في الحرام ولا خجل لا من الله ولا من خلقه هي تعرف بخيانته والامر انو يقلها عن مغامراته مع فلانه وعلانه pb015

تستغربون ليه ساكته عليه وين اهلها ...:confused: للاسف اخوانها يقلون لها هذا رجال وهو حر في تصرفاته

تبين تحكمينه..pb036

هذا من غير الامراض الي يسببها لها في مشيه في الحرام...

ما ادري اش مفهوم الحرام عندهم اذا الزنااا يعتبرونه من حقوقه الرجوليه ......... غريب ان في ناس عايشه للحين بذا التخلف ...... ما عندها ابو امها كبيره في السن ويالله نفسها :(

وفوق هذا كله تقلها ما عندي حل واذا ما فيك تتحملين انهي حياتك افضل لك من الرجوع لاخوانك :eek:

كيف تعيش زوجه في ظل هذي الظروف....كيف تربي بنتها تربيه زينه وابوها كذا...!!!!

كيف تواصل حياتها كانسانه ليه هذا النوع من المظلومين مهمش..pb093

اخرى بمجرد ان زوجها تزوج غيرها تركها تربي عياله انتهت مسؤليته منهم
له يشتري لهم الاكل والشرب وبس

كيف عايشين وعلى ايش عايشين اش لا بسين مو مهم وكأن الحياه اكل وشرب..........

ما يفكر .. ؟؟ هي لها حق تعيش تلبس تطلع تضحك كل ذا مو مهم همه ربي عيالك وكلي واشربي وبكذا شايف نفسه انه مسوي فيها خير ومتفضل عليها ...

اثرت في كثير قصص مثل ذا النوع من المضطهدين نفسيا وجسديا واجتماعيا...

وين يروحون ليه حياتهم تضيع كذا....


ما قدرت اتصور ولا افكر حتى اني اكون مكانهم صعب صعب اي انسان يعيش كذا

_________________


سؤالي ..؟؟

ليه ما يكون جهات تتكفل بهذا النوع من الزوجات واي وحده تعيش حياة تعيسه مع زوجها .... لا تقولون لي محكمه ما محكمه ........... لانو بالعربي ما حولك احد

[نجدية حجازية]

تصدقين عزيزتي اشوف حالات واجد بهالشكل واتأثر كثير الى قعدوا يحكوني وانا مابيدي شي اقدر اساعدهم به غير الدعاء ودي اعطيهم رقم جهه حكوميه يرجعون لها تاقف معهم تساعدهم بس مهناااااااااااش ولو فيه وفكرت بس مجرد تفكير تلجأ لها تشوف شيِ ماقد شافته من اهلها واخوانها
لين متى العسف والقهر يصيب المرأه المظلومه اذا مااكرمها الله بأهل يقدرونها
بس رأيي انها ماتسكت وتطالب بحقها دامه ماخرج عن الشرع ولاتعدت على العادات والتقاليد المعروفه لانه مهما كان هي تعيش بمجتمع تحكمه هالامور بس ماااااااتسكت وتطالب بقوة وترفض هالزوج اللي يجاهر بالزنا والعياذ بالله وتقول حقي برقبتي واذا ثبت عليه شي بيطلقونها اكيد
الله يفرج كربة كل مستضيقه ويسخر لنا رجالنا ولا يحوجنا لأحد يااااااااااااااارب ,,

[t00fee]

يالله :(
الله يعينها ويفرج كربتها ويصبرها :(
بصراحه ماعندي اي تعليييق ؟
وقف الكلام بحلقي من الموضوع :(

[مخربتها]

الله يعينها , من وجهة نظري لازم تتخذلها موقف
اذا هي صحيح ماهي قادره تصيبر على ذا الوضع
على انسان ماهو حاط اعتبار لا لها و لا كرامتها

عندها يا انها توقف قدامه و تقوله انت انسان سويت كذا و كذا
و انا وحده ماهو عاجبني ذا الوضع و لاني مضطره اصبر عليك أكثر من كذا
يا انت واحدن بتتعدل و الا ساعتها كل واحد يروح لحاله (اساك بمعروف او تسريح باحسان)

او كانها وحده خلاص وصلت معاها , تقدر انها تبلغ عنه الهيئه و هم يراقبون

الزم ما على الواحد كرامته , و لا يهم لا زوج و لا اخ و لا حتى ابو
اذا كرامتي انداست بالارض فليش اعيش معاه:)

[حبوبه بس مطفوقه]

الله يعينها ويفرجها من عنده
بس اتمنى منها انها تدعي وتستخير ربها اما ان تستمر معه دايما امي تقول (من صبر قدر)
او الطلاق

[vincci]

الله يعينها على رجال مثل هذا
المفروض تطلب منه الطلاق
لانه مو عيشه هذي
خصوصا انه يفاخر باللي يسويه

دعواتي الصادقه لها

تحيتي

[وشنـوح]

الله يساعدها ويساعد كل المسلمين وينهضهم:(

[رجول حرفي]

الله يصلح حالهم يارب

[زعلانه عليكم]

اشكر تفاعلكم معي في ذا الموضوع.... واحنا ما نملك لها الا الدعاء

بس احب اوضح الي قالو انها لازم تتطلق ... اذا صار وطلقت وين تروح وين تعيش اذا اهلها يقولون لها انسي الطلاق ما عندنا بنات يطلقون..:(

وبنتها 90% انهم راح يخلونها مع ابوها رغم انحرافه... وهنا المشكله اخواتي ان ما عندنا اماكن ودور سكن لهذي الفئه من مجتمعنا pb093


يعني في الغرب والكل يعرف ان في منظمات او مثل ما يسمونهم ناشطات تساعد الزوجات المضطهدات باي شكل

يامنون لها سكن ووظيفه تقدر تستقر وتكمل حياتها ... ليه هم يفكرون في ادق تفاصيل حياتهم الاجتماعيه واحنا ما عندك احد..pb131

[ragazza]

...

..


حالتها وحال كثير من الحريم هالوقت جداً صعبه ,,

مالها إلا إنها تصبر وتحتسب الأجـــر عن ربــي

وعليهــا بالدعــــاء لــه بالهدايـــه

وربــي إن شاء الله بيعينهــــا على دنياهـــا


,,

[الموت اهون]

صدقتي والله
وانا اعرف وحده من صديقاتي كذا زوجها له علاقات ولمى يبي يراضيها يقولها كله لعب وتسليه ويجرها معاه ويدق على بنات الناس ويضحك عليهم قدام زوجته ويسمعها من باب انه المساله ضحك بضحك
اجل من وراها ش يسووي؟؟؟؟؟؟

[جوهرة]

أنا دايما أقول لكم الحكي سهل .... الحكي ، سهل ... :D

أنا كبنت عادية ، كل همي متى أمر ستار بكس مع البنات و أهلي الحمدلله موجودين و مكرميني ، شي طبيعي إذا جت سالفة زي كذا بأصارخ و أقول ويييييييين وش مقعدها معه حمدلله والشكر وين كرامتها تتطلق أبرك من العيشة كذا بلا بلا بلا .
لكن الي يدينه في الموية مو مثل الي يدينه في النار. والي عندها عيال ( لو طفل واحد ) تختلف حالتها جذرياً عن الي مابعد جابت. وكل حالة فردية لها خصوصيتها .. حتى الأخت تفرق عن أختها ..

لكن كل حالات الزوجات المظلومات يشترك فيها عاملين :
المجتمع ( الي مايحاسب الزوج كثر مايحاسب الزوجة + الي يرفض الطلاق رفضا قاطعا )
والقوانين ( صعوبة الخلع + قدرة الزوج على رمي زوجته بالشارع بعد الطلاق مع عيالها "يطلق وبس مب مطالب بتوفير مسكن لو كان أهلها متوفين أو أي ظرف آخر" عكس المصارية الي مب عاجبينا ، الي من أهم قوانينهم الشأة من حق الزوجة pb034 وفي هذا قمة العدل + أخذ الأب لعياله مع عدم التأكد من كونه أهل لذلك والدليل مصايب ضرب الأطفال هاليومين + إلخ + إلخ + إلخ )

فـ ياحلوات لما تتزوجون .. اعرفوا ان كل شي ضدكم pb027
this is the real world ! والأهل مب دايمين ترى <--- fact !

تلوموني في العزوبيـة pb189 :D

[ForKuwaiT]

بصراحه استغرب هـ الوضع !
وتكلمت بـ موضوع سابق بالجاده
وينكم عن هـ الحقوق الضايعه ؟!
ليش جل اهتمام البعض بـ اشياء سخيفـه مقارنه بـ هالوضع اللي حاصل !
زوجه مجبره تعيش مع زوج خاين ودايس على كرامتها لانها عارفه ان حقوقها بعد الطلاق ضاااايعه !
المشكله ما يبيلها حل فردي بـ موضوع بـ أي منتدى كان !
تحتاج لـ وقفه

انا الوضع ما يمسني
بس احس بـ غصه وانا اشوف هـ الشي بـ أقرب ديره لقلبي !
وردّة فعلكم ؟
لا شي !
بس سؤال ترددونه .. لمــن تلجــأ ؟!

[فالتهااا]

حسبي الله ونعم الوكيل ،،


هذا حقوق المرأه عندنا واذا قالو المرأه ماخذه حقوقها وظايف وعطوها ودراسه بالخارج عطوها


وتاكل وتشرب مثلها مثل غيرها !! ليه احد قالكم ان المرأه عنز ؟ :confused:



وحقها بالزواج ؟؟ واذا زوجها يُطلق عليه اسم "رجال" وهو مايدري وين الرجوله فيه !!


الشرع عندنا عنصري يبرز حقوق الرجل ويغض عن المرأه والدليل رايح يعالج امور ويحلل زواجات المسيار


وما الى ذلك وتارك امور أهم اللي هي الطلاق والاطفال والمعلقات ،،



وبالنسبه اللي يقولون الاهل ماخذين فكرة الطلاق عيب ومادري ايش ،، انا اقول لا فيه أهل يوقفون مع البنت بس مين

اللي ياخذ حقك اذا وصلة المسأله من الزوج عناد وتحدي بسبب طلبها بالطلاق ؟


يعني بموقف وحده اعرفها حال زوجها مايل 24 ساعه مسافر المغرب واذا رجع مخلي البيت للنوم بس


البنت موظفه وهي اللي تصرف عالبيت ووقفو اهلها معها وقالو البنت ترجعلنا وتتطلق


قام الزوج او بالاصح اللي اسمو زوج عارض وقال ماطلق ومازالت البنت معلقه والمحكمه ماأخذت بحقها ،،


هذا شي من لا شي ويعتبر نقطه في بحر ،،


ولو جيتي وقلتي الاطفال ومادري ايش قالو محد قالك تطلبين الطلاق كان حطيتي راسك بالتراب وسكتي"عشان عيالك" ،،


هذا اذا انتي اللي طالبه الطلاق مو هو اللي طلقك وسحب عيالك لائامه منه ولاّ هو عارف انو مو قد عيال وفتح بيت


يعني شرعنا كذا الرجال لو يلقى رادع شرعي كان عمل حساب بفكرة الزواج من اساسها بس محد حولك ،،



نسأل الله السلامه :rolleyes: ،،




ماقول الا الله ينصر كل مظلوم على كل ظالم ،،




وسوري عالاطاله ،،





شاكره لك خيتو زعلانه bp039 ،،







.
.

[الماسه حساسه]

الشرع عندنا عنصري يبرز حقوق الرجل ويغض عن المرأه والدليل رايح يعالج امور ويحلل زواجات المسيار

لا ياقلبي الشرع مهوب عنصري ..

مافي أعدل من الشرع ،، أرجعي للقرآن والسنه وتشوفين وشلون الشرع والإسلام مكرم المرآه ..

بس حنا عندنا مجتمع مايعرف من الشرع الا الي يعجبه ،،

عندنا عادات قلبوها عبادات ،،

ولا وشوله ربي حلل الطلاق ؟؟

إلا لمثل هالحلات ..

بس مجتمعنا العقيم الي يطالع المطلقه كأن العيب منها هي ولا عمرهـ فكر أنه يمكن العيب من الرجال ..

كل الأحكام السماويه كانت مساويه للذكر والأنثى

السارق والسارقه ،، المؤمنين والمؤمنات ،، الذاكرين الله والذاكرات

بس المجتمع يفرق بين الزاني والزانيه ،،

يفرق بين الخائن والخائنه لعش الزوجيه ..

البلا مهوب في الشرع ،، لو كنا نطبق الشرع بكل شئ من حياتنا كان حنا أحسن ناس ..

والله يفرج على أختنا وعلى كل زوجه تعاني ،،

[randoms]

حسبي الله عليه


يمكن الله كاتب لها الجنه اذا اصبرت عليه !!!

انا اقول تدعيلله يمكن الله يهديه ، المشكله انا بينهم عيال


الله يصبرها

[فالتهااا]

لا ياقلبي الشرع مهوب عنصري

مافي أعدل من الشرع ،، أرجعي للقرآن والسنه وتشوفين وشلون الشرع والإسلام مكرم المرآه


اختي انا حكيت عن الشرع مو الدين والاسلام والمقصود بالشرع اللي هو مطبق عندنا تحت ايطار العنصريه




حبيت اوضح بس عشان مايكون فيه غلط بالفهم لا اكثر bp039 ،،




.
.

[البُـعد التاسـع]

ام مظلومه


اقسم بالله انني اكتب هذه المشكله بكل صدق واماانه وانني اعاني من زجي الذي ظلمني بكل معاني الظلم والاستبداد

1_انه لايرديني ان اذهب الى زياره اقاربي بالاعوام
انه لايصرف على البيت الا بكل تقتير رغم انه عندي 4 اطفال منه اكبرهم في الثامنه من عمره

انني لااذهب الى السوق ابدا ابدا حتى انني اصبحت رثه الثياب ررغم اني معلمه

ااني اعطيه من الراتب كل شهر ثلاثه الاف ريال

انه يسافر كل سنه ويروح عن نفسه وحت كل اسبوع ولايمكث بالبيت الا القليل جدا

اولادي اصبحوا على حافه الانهيار خائفه من اصابتهم بحالات نفسيه


اشتكيت عند اهلي ووعد بالاصلاح ولكن لافائده كل يوم يزداد سوء واحاول ان اشرح واتفهم معه لكن لافائده


انا احترق ارجوكم اريد حلا لمشكلتي


ــــــــــــــــــــــــــــــــــــــــــــــــــ ـــــــ


مشاكل مشاكل لااعلم مانهايتها ؟؟ ام تبكي وتحترق وزوجات مقهورات عايشين بكل ظلم واضطهاد وقهرر !!


لمتى يسكتون ويتحملون ؟

[وردة الاقلاع]

الله يعين وياكثر هالحالات


المشكله الدوله ماتقدر تتكفل بمثل هالحالات

اكيد بتقولين ليه؟ بقولك لان هالحالات في كثره وتزايد يعني الحل صعب

[W A L E E D]

لا حول ولا قوة إلا بالله

أمور تبكّي وللأسف المجتمع لاهي بأمور أقل منها أهمية

هالنوع من المشاكل ممكن ينشئ جيل منحرف والسبب هالنوع من السفله اللي ما كانوا قد الأمانة


اللي لها أهل ينصرونها, المفروض انها ما تجلس مع هالنوع من الذكور ولا يوم واحد

واللي ما لها ناصر,

"وَضَرَبَ اللَّهُ مَثَلًا لِلَّذِينَ آمَنُوا امْرَأَةَ فِرْعَوْنَ إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ وَنَجِّنِي مِنْ فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ"

تدعي ربها وتصبر. ويمكن الكريم المنان يجزيها بصبرها ما لا عين رأت ولا أذن سمعت ولا خطر على قلب بشر.


أنا أشوف ان مصدر هالنوع من المشاكل هو تجاوز الأهل في تزويج من لا يحافظ على الصلاة وتساهل الزوجات في البقاء معهم

"اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ"


أسأل الله ان يهدي ضال المسلمين وأن يرفع الظلم عن المظلومين

[سـنــ الفضة ــا]

القهررررررررررر والله

الله لايبلانا

مليون بالميه عايشه وساكته علشااااااااان عيالها

ولا هو ماتقعد معه كلاااااب الشوارع وانتو بكرررامه

تصبر انشالله ربي يحلها لها
الصبر مفتاح كل بااااااااااااب

وانشالله ربي يعوضها بعيالها

صدق ان جهاد المرأة في بيتها وصبرها على مثل نوع هالحياة

[ميادة]

شيء محبط والله ...

وضع النساء الضعيفات فعلا مؤلم .. وماأكثرهم للأسف ..

بالنسبة للحلول المقترحه ..

المحاكم طريقها طويل وغالبا ماتنصف المرأة ..

الأهل باين من كلامك أن وجودهم مثل عدمه ...

الشيء الي جا على بالي على طول هو جمعية حقوق الانسان

الجمعيه الجديدة الي أنشئت العام الماضي واظن إختصاصها

هو الاهتمام بوجه خاص بالنساء والاطفال المظلومين ...

تحاول الاتصال بهم وتطلب مساعدتهم ولاتفكر في احد .. لا اهلها ولاغيرهم

ضروري تكون قوية من داخلها وتؤمن بأن لها حق العيش بكرامة وحرية

واذا صارت قوية من الداخل بتقدر تواجه كل شيء ..

واكيد الدعاء والايمان بقرب الله واستجابته ...

دعواتي الصادقة لها ولكل المضطهدات في هذا المجتمع ...

[زعلانه عليكم]

مشكورين اخواتي على مروركم ....

واحب اشدد وبقوه على كلام الاخت . ((( الماسه حساسه))) لانو لو طبقنا الشرعيه مثل ما جات كان الحين احنا من اسعد الناس .... لاكن بعضهم يطبقونها على الرجال دون النساء للاسف ....:sm1:


بصدق اشكركم واتمنا في يوم نلاقي حل عشان لا نتعقد ونكره الزواج :(


وانا عني لشخصيه الوحده دور يعني ممكن انها تستسلم للامر الواقع بكل بساطه وممكن انها ما تخلي وسيله او طريق ما تحاول فيه انها تصلح حالها ...... انا ما الومها على سكوتها لاكن انا متاكده ان في حل للمشكلتها بس يبغاله تعب وجهد

["كرتونة غلا"]

صحيح المفروض تكون فيه جهات معنيه بهذا الامر تتكفل بلبسهم واكلهم ومشربهم ..

والمره الاولى تتطلق منه لو بالمحكمه..ومرده يدفعلها المهر وتعيش منه ولابينسجن والبيت لها ..

والثانيه الله يعينها على ماابتلاها بس اهوون من الاولى بكثيير.. على الاقل مو عايشه مع واحد راعي حرام

.
.

[مرجوجه بس عاقله]

لو كل وحده ما تنازلت عن حقها في كل شيء

مشكلتنا التنازل عن حقوق صغيره وهذا الخطأ

بعض البنات يبون يتزوجون لمجرد الزواج

اهم شيء مااحد يقول عنها عانس

والبعض لما تتزوج تبي تحمل من اول شهر

على قولتها تمسك الرجال

تفكير البنات صار سطحي جدا

وهذا هو العيب



وايضا نقطه مهمه

الوحده لما تتزوج تخق لزوجها كل شيء

مشاكل اهلها وهذا يبين نقط الضعف عن الزوجه

ويمكن يستغلها

لو كل وحده تمسكت بحقها سواء صغير او كبير

كان تغير الحال

بس مشكلتنا مسوين فيها كرامه حتى مع الزوج والاهل

وهذا اكبر خطا

بالنسبة للاخت الاولى : وش يجبرها على النوم معاه دامه راعي حرام

واستغنى عن الحلال بالحرام ماتعرف تقول لا ودام لا كذا ولا كذا عاجبه

خليه بالحرام لوحده مو تجنين على نفسك وعلى بنتك بالامراض

اما الثانيه فباين انها مستسلمه جدا وهذا شيء محزن والله

ماادري وش اقول ؟؟؟؟!!!

المحكمه ماراح تنصف زوجه على حساب الزوج

ويكفينا قول رسول الله صلى الله عليه وسلم حينما قال ( قاض في الجنة وقاضيان في النار) :

هذا دليل على ان العداله انعدمت في هالزمن

فلا تتنازلين عن حقك ولا تبينين نقاط ضعفك

لان مااحد منصفك اذا ما انصفتي نفسك

واللي يتنازل عن حقه لا ينتظر من احد يجيبه له

والله يكون بعون كل وحده مبتليه

وحسبي الله ونعم الوكيل

ويازين العزوبيه :(

[فـريـون]

قسم ان فعايلهم تكرهك بالزواج ....

انوااااااااااااااااااااااااااااااااااااااااااااااا اااااااااااااااااااااع الاحبااااااااااااااااااااااااااااااااااااااااااااا ااااااااااااااااااااااااط

.
.
.

اصيح ولا ابكي ولا اعيط

الله يكون في عونها والدعاء الدعااااااااء <<<مجربينه كثيرات

[علمتني الأيام]

لمن تلجأ...؟؟

مـــا فيـــه أرحم من الله تعالى تلجأ اليــه...



ثانيــا أحنا مجتمع يؤمن بالخصوصيه بشكل هستيري يعني خلي وحده

لما يكون هناك مراكز عشان تحــل هالامــور تتجرئ وتروح

تشكي زوجــها الا في حالات نادره جدا ... ولو فرضنا انها راحت هل بيتعدل !!!

وبعدين لو صار الحــل الطلاق اول من بيرضى بالواقع وبيخضع له الزوجه

المسكينه ..وليــه عشان عيالها والمجتمع !!!

يعنــي قدامها عثرات كثيــره لازم تتعدل والله يكون في عون كل مبتلاه في زوجها ولا يبلانا..[/center]

[**أم لسانين**]

المشكله إذا شكوا الزوجات المظلومات قالوا لهم انتم معززات مكرمات :( ..
اي عـزّ هذا و اي كـرامه !!

[ياخلاف]

ماعندي شي أضيفه :(

الا إني أدعي لها


الله يسخرلها رجلها ويهديه وكل وحده مثـلها :(

[*MisS.UnIvErSe*]

يابنات الكـــــلام سهـــــل ..
انا معاكم مااحب الضعف والاستسلام
لكن لاتنسون ان فيه بينهم طفله .. ايش ذنب البنت ياخذها
ابوها بالغصب حتى يكسر راس امها .. بالنهايه كيف بتتربى هالبنت!!

بصراحه مشكله عويصه .. السكوت ضعف والهروب ظلم لطفله مالها ذنب ..
صحيح بالحالتين البنت متأذيه نفسيا لكن وجود امها اهون الضررين

الحل اللي في بالي مثل ماذكروا البنات .. اذا كان هالشخص مأذي
زوجته وغير قابل سلوكه للتعديل ومأثر على سلوك اطفاله ونفسياتهم
ممكن يبلغون هيئة الامر بالمعروف والنهي عن المنكر أو حقوق
الانسان ..

وربي يفرج هم كل مسلم ومسلمه ويهدي كل ضال .


"سبحانك اللهم وبحمدك .. لااله الاانت .. استغفرك واتوب اليك"

[جمان البحر]

مدام مالها احد تصبر وتدعي له بالهدايه الشكوى لله \




والله العرس كله مشاكل





ووه هونت ما ودي اعرس pb094

[مستلجــــه]

صديقتي توها متطلقه والسبب ان زوجها راعي حريم ..للاسف مرض تفشى بين العيال هاليومين اسمه الحريم ..بس يقولك من عرف الله في الرخاء عرفه في الشده..عليها بصلاة الليل ..واللجوء لملك الملوك لان محد نافعها غيره بلا محاكم بلا هم ..

والله قادر انه يهديه ..والله يكون بعونها :(

[Sweet Eyes]

bp039 الله يفرج لها :(

شخصيا اشوف ان مافيه حل سهل
اذا هي مو راضيه بوضعها بتعرف كيف تتصرف


والشرع يقول اذا الاطفال ذكور يخيرون
واذا اناث .. ياخذهم ابوهم !!
طيب انا وانتي وهي .. بالعقل .. نخلي بنت صغيره مع أب فاسد ؟
الضرر هنا اكبر من الفائده .. بس وين اللي يجتهد ويشغل عقله ويفكر !! <--- محّد
وبعدين اللي يقول انو اذا فيه اطفال من الافضل انها تصبر على زوجها .. كلام خطأأأأ
من واقع معروف ان الطفل يتأذى اكثر لما يشوف موقف امه الخانع .. ولا يمكن يفهم او يتفهم انها تصبر علشانه
يفضل الطفل انه يعيش لحاله او بعيد عن امه على انه يشوفها تتأذى والسبب هو !


جمعية حقوق الانسان .. تقول اذا جربتي كل شي .. شرطه .. محكمه .. صلح .. كل شي .. تعالي لنا نشوف لك حل ومانضمن !! على حسب الحاله طبعا ..


وفوق هذا كله تقلها ما عندي حل واذا ما فيك تتحملين انهي حياتك افضل لك من الرجوع لاخوانك


واظن .. اظن .. ان اهلها يقولون هالكلام لها مجرد تخويف .. والا كانهم صادقين فالله يخلف عليها ويفرج لها من عنده
بس مو تيأس
بالعكس لازم يكون لها دافع عشان تعتمد على نفسها بشكل اكبر
وماتخلي اي شخص ثاني يقرر عنها او يرسم لها حياتها
واللي يعطيها الحق انها تكون ام وتربي اجيال يعطيها الحق ايضا انها تتخذ قرارت مصيريه زي هذي
فتبني نفسها وتستقل وماتحتاج لاحد .. لا اهل ولا غيره
كل اللي تحتاجه ثقه بنفسها وقوه ... وكان الله في عونها