*** ......همتكم بنوتات الاقلاع...*** [الارشيف]

عرض كامل الموضوع : *** ......همتكم بنوتات الاقلاع...***

EMILY

12-05-2006, 00:48

....اهلين بنات هذي اول مشاركة بمملكة البناتpb094 >>ماتبي تقول المرأه تحسها كبيره:sm5:

..كيفكم..pb189 ؟....متابعه لكم وياكثر مااستفدت منكم...ماشاء عليكم ..>>ياشين الرسميات:sm5:

...بدون مقدمات...
طالعوا تحت
V
V

http://www.alburaq.net/images/greetings/cards/events/graduate2.jpg

http://img.123greetings.com/thumbs/gen_congrats_newgrad/1012-034-18-1042.gif

.......فرحانين بتخرجهم....اشكالهم تجنن.pb192 ...

.المهم...pb071
..بنهاية كل مرحله ..يكون فيه حفل تخرج......ويختلف شكل الحفل من مرحله لمرحله

..كلامي عن حفل التخرج من الجامعه....:sm5:

..بعض البنات يسوون حفل في نفس الجامعه اما قبل فاينل اكسامز او في اخر يوم..
..والبعض يسوونه باستراحه في العطله..

.ياليت في هذا الموضوع كل بنوته ..
تعطينا من خبراتها في حفلات التخرج....

...افكار جديده...؟
..نوع الاكل اللي نقدمه...توقيته..؟
...برنامج الحفل بالكامل..!
...واذا عندكم افكار مصرقعه...ماتبخلوا علينا..:sm5:

..ابتدي بنفسي...

..مالنا غنى عنها عباية التخرج..مثل هاللي على الحلوه اللي تحت...:D
^
^

..http://cards.artie.com/cards/T_arg-skateboard-dude-you-totally-graduated-url.gif

...وانا نرقص ونفلها...<<كلامي عن الحفله اللي راح تكون في الكليهpb094

بانتظار تفاعلكم....<<<يمديكم على التنسيق:D
...وسوري على الاسلوب ..عندي امتحانات ومالي خلق ارتب وافكر...احس مخي متبلم الله لايبلانا...:sm5: .

..

ارتميس

12-05-2006, 01:44

EMILY

12-05-2006, 16:01

انا هالترم تخرج ان شاء الله اسمع البنات يتكلموا عن حفله بيسوونها دفعتي لعميدة كليتنا الاحد الجاي بس مدري عن تفاصيلها

بس انا سمعت انهم ماعاد يسوون حفلات تخرج للبنات في الجامعه صح؟

يوفرون بالميزانيه قالوا ؟

لو سوينا حفله برجع احكيلك تفاصيلها

..
..هلا وجود...
..مو الكليه اللي راح تسويها ..مالت عليهم....هذي الحفله راح نسويها لانفسنا ...زي الوداع ..:sm1:
..يمكن نعزم العميده ويمكن لا.<<ابركها من ساعه pb034

..على كلامهم راح يسوون حفل تخرج السنه الجايه لكذا دفعه ..يمكن 3 دفعات او اربع...
:sm5:

..وبانتظار تفاصيل حفلكم.....تسلمين يارب

Fa$hioNi$ta

12-05-2006, 16:08

هاي EMILY :)

.
.
.
.

أنا لسا ما تخرجت من الجامعه :cool:

بس لما خلصنا الثانوي سوينا حفلة طق بفندق ;)

مدري احس تخرج الثانوي له فرحته اكثر من الجامعه pb036

وحفلتنا الله لا يوريتس بغينا نخسر بعض من كثر ماتهاوشنا pb131

بالاخير طلعت حلوة واستهبلنا استهبال pb095

................

واذا بغيتي اي تفاصيل مني انا جاهزة pb189

أحتريتس bp039

Candle

12-05-2006, 16:27

انا قاعدة ارتب لحفلة تخرج اختي طبعا حفلة تخرجها اللي باوتيل مو اللي بالجامعه
هي تأخرت تيرم فصاحبتها تخرجو مامعها هالتيرم الا يمنيات دافورات
فحفلتها اللي بالاوتيل بتكون خاصه فيها سمعت ان في ثنتين بيقطون روحهم انا ماودي صراحه
وراح تكون بعد 3 اسابيع انشاء الله بجيبلكم التفاصيل والتكاليف وكل شي بعدين

"كرتونة غلا"

12-05-2006, 16:58

الا الحين ماتخرجت ولا ادري عن بنات هالسنه..

بس اذكر يوم حفل تخرجي بالثانوي غيبوا بنات اولى وثانيpb095

وجوا منهم عدد قليل وحبسوهم بالمجمع..ودرسنا الحصه الاولى بس وعقبها دجينا بالمدرسه الحصتين الباقيات نمشي بكل المدرسه الا المسرح مقفل وماليان مدرسات تنظيم الحفل..

<<والمحبوسين ياحرام جابولهم بنات يبيعون عليهم وماطلعوا الا وقت الروحه للبيت:D

اهم شي وقت عقب الحصتين لبسونا عبايات التخرج....بنات ادبي يدخلون من ابواب الساحه ..وعلمي من ابواب المسرح العاديه..

وكان المسرح ظلام ومشغلين مسجل طق على كيف كيفكم ..وفيه انوار زي الديسكو:D

والمسرح فاضي بس على الجوانب المعلمات قاعدات وكانوا واقفين ويصفقون وبالوسط الارض فاضيه بس سجادات طويله مرميه بطريقه ومشينا بحركه لما كل وحده جلست على سجادة فصلها ..

عقبها قالت المديره كلمه ومنسقات الحفل كلمه هذا بعد المقدمه طبعاً ..وقامت كل مدرسه وقالت كلمتها..
وبصرااحه احلى حفل شفته بعمري ..بذات ان الابلات يقولون كلمتهم بالعاميه ..ومو مجهزين لها فطالعه شي ...وكل وحده تبرر..وبعضهم بغوا يبكون:sm1:

عااد عقبها اتركوا للبنات حرية انهم يقولون كلمه ..
بعضهم وجهوا اهداء لصديقاتهم..واشخاص اعزاء..وشلتهم..
وبعضهم طلعوا ..شكروا مدرسه يحبونها يحترمونها ..
بعضهم طلعوا اعتذروا عن غلط صار مع معلمه..
بعضهم طلعوا اهدوا الكل..مثلاً شكروا المديره والمنظمات والمدرسات وتمنى للبنات الفرحه على طووول..

عقبها نادوا بالاسماء بنات الدفعه واهدوهم هدايا تذكاريه صغيره ..مع ورقه ..مكتوب فيها انهم يفخرون ان حنا خريجات مدرستهم وانهم درسوناو..اللخ

بعد كذا رجعوا ذااك الشريط الطربي..يااني دقيت عليه رقبتي لين طقت:sm5:
وقاموا البنات يسلمون على المدرسات ويسلمون على صديقاتهم ويباركون لبعض..وبهالوقت كانوا بنات النظام ..يشيلون كراسي المدرسات الصافات على جنب ..وكان ورى الكراسي طاوله فوقها شيفون عنابي ..شالو الشيفون العنابي والبلاستيكات <<ماكفى الشيفون رقعوها ببلاستيك اللوح <<ماتعوووق معهم:D

وشغلوا شريط زغاريد ..وولعوا الانوار .. وفجروا شي تسحبينه ويتفجر ويطلع اوراق ملونه كثييره ..صوووته يفجر الاذان بغى يجيني صمم ذاك اليوم:mad: بسم الله علي ..

المهم كان تحت الشيفون بوفيه ..احسن مافيه ان الاكل كثيييييير..يعني مافيه شفحه وتاكل حتى الاشبااعpb189
وحطينا لنا بصحون ..وطلعنا بالمدرسه نتمشى وحنا ناكل ونمزمز من الفيمتو <<كانوا جايبين فيمتوpb095
قالوا بيبسي ممنوع:sm1:

وراحوا بعد ماانتشروا البنات <<حيث كان الفسحه ..والبنات ولعوها بالمسرح رقص وفلله:D

وعقب الفسحه شلنا العبايات لان منظرها ماكان حلو ..ولبسونا تيجان ورد وسير مايل لونه برتقالي ..
<<هذا الزين اجليروح الاستشوار على الفاضيpb094
<<شعرها يسحب رايحه لمشغلpb095

المهم قعدنا على طول ..كل وحده وصديقاتها...شكروا طالبات امهات نسبه 90 وفوق..قدموا لنا نصايح ..
ضيفونا كاكاو وقهوه:rolleyes: اثناء النصايح ..<<محد معطيهو وجه اثناء النصايحpb095

بعدين سووا لنا كذا تمثيليه..تجنن

وبعدينا ختموا الحفل ..وراحوا بعضهم قلبوها فلم هندي وقعدوا يتبكبكونpb036
ويعضهم راحوا يجمعون توقيعات على الوشاح..وبعضهم يكملون سوالف وبعضهم كملوا على البوفيه :D

هذا تقرير مفصلpb094

EMILY

12-05-2006, 17:02

هلا ..الهنوف..

..ياليت تجيبن التفاصيل
..وخاصه حقة الاستهبال.....<<<ناويه تخربها
.

..اهلين كاندل...
..بانتظار التفاصيل....
والله يعينكم..اجل فيه ناس يبي يقطون اعمارهم..!

طرف زوليه

12-05-2006, 20:20

الله يوفتزكم ............

][$][شموخ][$][

12-05-2006, 21:57

.ياليت في هذا الموضوع كل بنوته ..
تعطينا من خبراتها في حفلات التخرج....

...افكار جديده...؟
..نوع الاكل اللي نقدمه...توقيته..؟
...برنامج الحفل بالكامل..!
...واذا عندكم افكار مصرقعه...ماتبخلوا علينا..

اهلين وسهلين

سوينا حفلة تخرج في الكليه وكله تحت تخطيط رئيسة القسم طبعا مافي شي لله لازم انتي تدفعين

وتشترين من عندهم عباية التخرج...هذا كان داخل الكليه

وكان فيه الحفل الكبير بحضور حرم الملك فهد (رحمه الله ) قبل سنه ونص

والحفل اللي له طعم ولذه كان طبعا بمشاركه مع صديقاتي سويناها بفندق العليا هاوس

الافكاررررررررر::

ان كل وحده منا جابت لأمها هديه (كانت مفاجأة للامهات)

كل وحده منا لها اوتوجرااف وحطيناها على طاوله قرب المدخل

العشاء كان بوفيه

شمعدانات على الطاولات حلا وموالح وترامس القهوه والشاي وعصيرات وعلبة المناديل سوينا فيها حركه مع مكعبات السكر

وحلويات شعبيه(كليجا ومعمول وبسكويتات..الخ)...وفيه حاجه اعجبتني تمر سكري حشوته حلاوه طحينيه والتمر هذا

موزع على فلينه على شكل نخله وندور فيه على المعازيم...

تدرون وش احلى شي....لمن يجون المعازيم ويجيبون لك هدية التخرج ويقولون لك مبروك تطيرين من الفرحه تحسين

بقيمه التخرج والتعب ايام الدراسه.....ياحلو ذاك اليوم

عقبال البنات اللي ماتخرجوا :)

EMILY

13-05-2006, 01:10

(وكان المسرح ظلام ومشغلين مسجل طق على كيف كيفكم ..وفيه انوار زي الديسكو)
^
ياليت توضحين اكثر..

(وبالوسط الارض فاضيه بس سجادات طويله مرميه بطريقه ومشينا بحركه لما كل وحده جلست على سجادة فصلها ).
^
كيف؟

(وفجروا شي تسحبينه ويتفجر ويطلع اوراق ملونه كثييره )
^
من وين احصله.؟....مفكره فيه

..تسلمين ياغاليه ... ياكرتونة غلااااااا ...
..
..وابغى اعرف وش احسن شئ اهديه لصديقاتي؟...

فراشه ملونه

13-05-2006, 02:31

مشالله مبرووك

الله يتمم عليك ان شالله

ياقلبي ياختي اذكر حفل تخرجه من الثنوي كان على يوم وفات ملكنا فهد pb093

المهم اختي الثانيه مسويه هي وصديقاته حفله الخميس الي راح بستراحه

بس ماحضرته بس على كلامه تقول حليووه

حطو على الطولات مفارش هنديه وشمعدنات وكسات طويله عبوها جيلي وحطو جواته ريش

طلع شكله خطيرر او احوواض سمك طايحين فيها من تالي :)

وجرار المويه طبعووو فيها اسمائهم وذا حبيتي تطبعون فيها مثلا تاريخ التخرج او اي شي يخصكم

وهذي سهله مايبي له شي

وحركة الحلا مرره خطيرره كله جايتك على شكل كيسان كبيره زي حقات ايكيا

وصاير اونواع الحلى كله على شكل كور على شان يناسب الكاس

وطبعا لازم التذكرات اذا كنتي بجده شوفي تذكرات بنيتي مرره خطير

والباقي طبعا كله دي جي ورقص وهبال :D

عاد اختي عازمين دكتوراتهم

ومن ضمن دكاترتهم واحد امريكيه

تقول اختي لابسه جلابيه فخمه وماغير ترقص خليجي ومختبه انها جايه :D

تقول وثر جمعاتكم وناااسه بس طبعا قالت بأسلوب غير ونااااسه :D

تخيلو مريكيه وتقول ونااسه

وشنـوح

13-05-2006, 05:41

اقول اذا الحفل فيه دفع دراهم خلي فلوسك بجيبك والصيف جاي:D والاسهم نازله والخساير طافحه :mad:
بالتوفيق للجميع bp039

لوحة فنية

13-05-2006, 17:52

بالتوفيدز بس عاد لاتنسين تعزميني بالحفل علشان اصفق لتس

لثام

14-05-2006, 03:39

احسن شي واهم شي بحفل التخرج انه تكون جمعه(( مهب يوم الجمعه )) يعني كل صديقاتس يكونون موجودات

والتوقيت مهم يعني لا تحطينة والناس عندهم اختبارات ولا مسافرين

وشو بعد ياربي ايه تذكرت جيبي دي جي ارخص واحسن
وحطيه باستراحه بعد عشان ارخص
والعشى حطيه بوفية بسيط وياريت يكون تزيين الطاولات عليتس
وتلقين بالنت افكار لتزيين الطاولات

ولا تنسين حركة رمي القبعة انتي وخوياتس
واللة يوفتسكم ويسخرلكم الرجل الصالح والوظيفة السنعه

EMILY

15-05-2006, 01:09

..حياكي اختي طرف زوليه..
..ويوفقك يارب..

هلا شموخ..
تسلمين وماقصرتي...

..الحفل اللي اتكلم عنه راح يكون في الكليه.....راح نسوي في العطله ان شاءالله حفل خاص فينا..
عجبتني فكرة الهديه للامهات....وحركة الاتجرافات . حلوه مع انها بسيطه وتراديتشنال..

تدرون وش احلى شي....لمن يجون المعازيم ويجيبون لك هدية التخرج ويقولون لك مبروك تطيرين من الفرحه تحسين
^
^
..هههههه..من وين ياحسسسسره ...اذا كانوا المعازيم مصريات وسودانيات.....عسى مايقولن عطونا....