الملقم
15-05-2006, 06:19
مره عملت معروف بسيط مع شخص مابيني وبينه ذيك المعرفه والرجال واضح تماماً انه مايبخص الرجال زين ولايعرف يقيمهم بدليل انه احترمني وانخدع في شكلي ويحسبني محترم وولد ناس وبعد كم يوم من خدمتي له تفاجأت بواحد لبناني هيبه ورزه داخلن علي المكتب وواضح عليه النظافه وحسبته مسؤل كبير مع العلم انك نادر ماتلقا مسؤل نظيف .. قصدي نظيف في ملابسه وشماغه لانهم الله يحفظهم لنا من كثرة الشغل والاخلاص مالقوا وقت يعتنون بأنفسهم ..
المهم الله يحللكم جا البناني ومد يده يصافحني ويوم شفت يده بيضا حمرا تلق لق جنب يدي اللي كنها جزمه لاشعورياً دنقت احب ايده قام سحبها وربت على كتفي وقال ولو انت متل ابني الياس صعبت علي نفسي وبكيت وضمينا بعض وفي خضم هالمشهد المؤثر فجأه دفيته وقلت اقول من انت ووش تبي صدق ياخي صراحه الحلوين مثلي يتعبون في هالبلد .. قال روء روء خيو شوبنا .. انا جايك من عند رفيئك فلان ( اللي خدمته في بداية القصه واحترمني ) وجايب لك هالهديه ..
طبعاً من سمعت سالفة الهديه وانا شكوكي زادت في هالبناني وقلت وانا الصق في الجدار واناظر الباب وش هديته .. قال خود خيو .. بطائه دعوه على العشا الك وللعايله الكريمه تبعونك في مطعم روما اللي بعماير السليكون ازا بدك اهلا وسهلا مابدك بئريح .. قالت اخسسسسس تعرفون بقريح قال ولو انا من اوصمان بعلبك .. عطاني الهديه وللمره الثانيه يوم دنقت اخذها وشفت رجله وقارنتها برجلي اللي لو احطها في البحر الابيض قلب اسود صعبت على نفسي ولاشعورياً دنقت وجيت احب رجله قام رجفني برجله وقال العما .. ولك شو انت اهبل ولك .. العما وراح تركني على الارض:( ..
دخل واحد من الزملا المكتب وشافني على الارض قال سلامات سلامات .. قلت وانا انفض ملابسي واناظر في رجله لا ابد الله يسلمك دوخه وراحت .. قال وش ذا اللي في ايدك قلت هديه قال اشوف .. اخس مطعم روما قالت ايه ..
طبعاً واحد مثلي يعتبر ميد من ارقى مطاعم الرياض شي بديهي اني مادري وشو مطعم روما ولا موقعه بس قلت اكيد جيزه جيز مطعم السعاده البخاري والا مطعم الشوايه الذهبيه .. وكنت ناوي اسوي ثقل ولا اروح .. الله واكبر وش انت ياروما ..
شاع الخبر بين الموظفين .. الليبراليين قالوا شي جميل التواصل بهذا الشكل بين الموظف والعميل وخاصةً ان فيها تحرير لزوجة الملقم وخروجها الى مطعم مثل هذا .. والمحافظين قالوا لي انت مرتشي .. احترت واستفتيت قلبي .. طبعاً مايبي لها استفتاء .. شفت اذا قالوا اقرب طريق لقلب الرجل معدته بالضبط هذا انا .. يعني ممكن بوجبة بروستد تغتصبنيpb192
الشي العجيب واللي خلاني احس ان مطعم روما شي كبير ان مديري يوم درا قال اسمع تبيع الدعوه بـ 300 ريال ؟؟ قلت كم !! قال 300 وفلوسي كاش .. فكرت قلت دعوة عشا في مطعم بخاري بهالمبلغ ,, نط عرق المغامره وقلت معصي لو تقول بـ 280 مابعت ( يسمع بالحراج ) رايح انا والعايله الله لايعوق بشر .
جلست احتري الدوام ينتهي علشان اروح ابشر المدام وعيون الموظفين بتاكل حته مني خفت اتعرض للسرقه وانا رايح البيت دقيت على اخوي وجاب عيال عمي وشركة النقل المؤتمن وشركة تأمين .. طلعت من الدوام وركبت السياره متجه للبيت والاخويا وراي يضربون بواري ويصورني فيديو وانا اطلع من الدريشه واشر ببطاقة الدعوه ..
وصلت البيت ولوحت بيدي الكريمه للوفد المرافق ودخلت البيت قالت المدام هلا انت جيت قلت لا بتأخر شوي خخخخ قالت ظريف .. قلت الله مير يظرف ايامك ياحلوه .. قالت غريبه جاي رايق قلت وانا اشر ببطاقة الدعوه طبعاً رايق وركضت لغرفة النوم وركضت وراي زوجتي وهي تنادي احمد احمد .. قالت ماهازا الزي بيدك قلت لاشيء ياعكرمه انها بطاقة دعوة لواحد من الحوانيت الجيده خخخخخخ فجأه رجعت لطبيعتها وناظرتني بعين حمرا ومدت يدها قمت طائعاً وعطيتها الدعوه قرتها ثم قرتها ثم قرتها .. وبعد حوالي ثلث ساعه مديت ايدي بخجل وقلبت البطاقه قالت احم ايه صح صح كذا pb094 .. وشي ذي .. قلت وانا يعنني عادي ابد هذي بطاقة دعوه للعشا لنا جابها واحد من الربع .. قالت غريبه خبري اخوياك اغنى واحد فيهم عنده مكتب تعقيب ويوم حب يهديك بمناسبة زواجنا عطاك صابون حلاقه قلت ايه بس هذا غير هذا توني اتعرف عليه .. قالت اجل هالله هالله ابيك ذيب وتمص دم الرجال قلت لاتوصين حريص زوجك حقير ..
قلت وش رايك نروح بكره .. ناظرتني بأستغراب وقالت ياحيف على الرجال بس لا وشايف نفسك وحقير وذيب قلت ايه انا حقير وانتي عارفه هالشي قالت انقلع بس لو كنت ذيب وحقير صدق كان صرت ذهين وعرفت اننا تونا متعشين قبل اسبوع مرقوق ولو رحنا بكره مطعم روما مايمدينا نجوع .. ناظرتها بفخر واعتزاز وقلت صدق اللي قال عنك اميرة موناكو ماكذب .. قالت نروح بعد اسبوعين قلت تم ..
انا وزوجتي وبنتي ميعاد .. امتنعنا عن الاكل نهايئاً نبي علشان اذا جا ذاك اليوم نخلي الرجال يندم انه عزمنا نبي نخلي هالمطعم درس وعبره لكل مطعم مايثمن زباينه .. نبي علماء الاقتصاد يضربون المثل بمطعم روما وكيف يمكن للمنشأه ان تفلس وهي في عز مجدها .. نبي نشرد العمال نبي اصحاب المطعم مطلوبين امنياً للجهات المختصه نبي نرقص على البوابه واحنا نشوفها مغلقه بالشمع الاحمر .
جعنا صح .. عشنا اسبوعين على المويه والتمر .. اغمى علينا اكثر من مره .. قاومنا .. وكل ماضعفت ارادتنا جبنا البطاقه وقعدنا ناظرها .. مره في اشد حالات الجوع تخيلت بنتي ميعاد عباره عن سيخ كباب يمشي على قدمين مسكتها وعضيتها ولا انتبهت الا يوم قامت تصيح .. قبل الموعد بيومين دخلنا العنايه المركزه يوم جا يوم الخميس الساعه 8 بالليل ساعة الصفر ركبنا سيارة الاسعاف ورحنا مطعم روما وكل واحد في ايده مغذي .
دخلنا المطعم واستقبلنا واحد لبناني رجلينه حلوه وناظرنا بأستغراب مثل اللي يقول وش ذا الحقيرين اللي داخلين غلط .. مالقيت له بالاً .. طلعت الدعوه وجدعتها على الارض خذها وهو مستغرب وقال مغصوب اهلا اهلا تفزل ازا بتريد .. قلت طبعاً اريد اجل ماريد الا اريد ونص .. دخلنا صالة المطعم .. قلت هيه انت ياصديق جايبنا قسم الشباب .. قال ولو هيدا ئسم العوايل .. قلت طيب وين الجدران والفواصل قال اصدك البارتشن قلت ايه ذا قال هنا الوضع مفتوح عادي .. دقيت على اربعه من الشباب جوا دبجوا البناني وراحوا .. قلت اقول احنا عايله محافظه ونبي جدران مثل اللي في هرفي ممكن توفرها لنا وشوري عليك خلها بالطيب بدل مايدخل البليهد في الموضوع ..
وفعلاً سوينا زحمه وجابوا الجدران وحاصرونا من كل جهه برضه مارتحت كلمت واحد من العيال ابوه يبني بيت طمر وراح للعماره جاب كم خيشه اسمنت ورصيناها حولنا وصرنا جاهزين للمعركه .. وكل شوي اويق من فوق على واحد علماني مع زوجته جالسين بدون بارتشن والحرمه كاشفه قلت الله يلعنهم ذا المتسعودين قالت زوجتي يارجال خلك منهم اكيد يسولفون عن سواقة المره للسياره تعال بس اقعد .. بصراحه يوم شفت زوجة العلماني وشفت زوجتي عرفت ليش الصابر والشاكر في الجنه .. كن زوجتي حست قالت اقول لك الجنه بس ..
جا النادل وعطانا كروكي الاكل pb192 المفاجأه اللي صارت وماكنت ماخذ بالي منها يوم طلع اشياء ملفوفه دافيه ورطبه وشالها بملقاط وحطها قدامنا !! هنا على قولة اجاثا كريستي اسقط في يدي المشكله ان الرجال جالس ينتظر !! مادري وش ينتظر !! طبعاً ولاني رب الاسره والمفروض اعرف كل شي قامت زوجتي وبنتي يحترون اتصرف حيال هذي اللفافه واتخذ اكشن خخخخخخ حيله قديمه كنت اسويها اذي توهقت تتلخص في ( اكسب اكبر قدر ممكن من الوقت ) قلت للجرسون ممكن تروح شوي قال على امرك ..
اخذت اتحسس ذا الجسم الغريب الملفوف شوي شوي واتجرا وافتح الباغه اللي عليها طلعت فوطه !! قالت زوجتي يمكن علشان اذا اكلنا نمسح الصحون .. طبعاً زلبتها ووقفت اويق على العلماني لقيت معه فوطه مثلها ويمسح ايدينه ووجهه وبعدين جدعها جلست وانا اقول الله يلعن ذا المتسعودين بس .. سوينا مثل العلماني وخويته ( طلعنا اشاعه انها خويته علشان نشوه سمعته اكثر ولانقول زوجته ) الفرق بينا وبينهم اننا بعد مامسحنا وجيهنا صادرنا الفوطه !! وجاب الولد شمع وولعه وراح .. طفينا الشمع وصادرنا الشمعه علشان بعد مانرجع شبعانين نسوي لليله حمرا يعننا فاقدين pb192
جينا عند الطامه صدق .. المنيو .. مسكته اول مره اشوف منيو له غلاف مثل غلاف تفسير الجلالين نسخه فاخره مره وعقدت العزم واحنا طالعين اشق الغلاف ونصادره برضه .. فتحت المجلد خابر نفسي اقرا عربي كويس ياولد ابغا اقرا عجزت ماعرفت وش مكتوب الشي الوحيد اللي عرفت اقراه الاسعار !! اسم الاكل غريب عجيب يعني اول كلمه اعرف اقراها وبعدين ندخل في معمعه مادري وشي !! مثلاً دجاج بصوص الهنبقه المسكره مع سلطة تومانو المشهورهpb036 !! الدجاج خوينا وعرفناه بس الباقي شي غريب مادري وشو !! ربيان بنكهة نسناس الهبايب من جزيرة سيشل !! لحم ظآن بقرنفل البلوط الحامض pb036 !! سمكة الاشراق لصاحبها يوسف محمد الخلف خخخخخخخخخخ امزح هذي من عندي .. هذا يهون عند الحلا .. كعكعة الغابه السوداء التي مشت فيها ذات الرداء الاحمر !! آيسكريم جانوباه بنكهة الاستربتيز !! وفي الاخير مكتوب عمل الطالب سلطان ابراهيم !! بأختصار احنا ضعنا ..
وقائمة المشروبات كلها منكر نسأل الله السلامه... شمبانيا .. وشقف .. المهم طقتني الخلوه وحسيت اني وحداني في عالم فسيح وبكيت .. بكيت حتى احمر علباي .. جا القرسون طبطب على كتفي وقال شي طبيعي الناس اللي مثلك اذا جت هنا تبكي لكن لاتعتل هم خذ وقتك .. واختار على مهلك .. قلت طيب طيبpb093 ..
قالت زوجتي عندي فكره دام الاكل ببلاش تعال نشوف اغلا شي ونطلبه لان اكيد الاغلا هو الاطيب .. فكره كويسه قلت للقرسون هات كل القوائم اللي عندك ورخصة المحل والسجل التجاري وعقد التأسيس ولا تخلي وثيقه في المحل الا وتجيبها .. نمت على بطني على الارض ومعي القوائم وقلم فلوماستر وظللت على الاكل اللي نبيه .. طلبت طلبات يخسا العلماني يطلبها حتى الشمبانيا طلبتها .. صح اني انخدعت ببعض الاكل .. مثل سمكه لقيتها في القائمه اسمها عباره عن ستة سطور اسمها طويل مره مره وله هيبه اعرف من شدة هيبتها طلبتها وانا اتنافض كني طالب واحد من عيال آل نهيان خخخخخ وفعلا جا يدفها في عربيه قلت انا اكيد من كبرها طلعت مثل كف اليد بلعتها في ثانيه وشربت وراها جغمة مويه كني شارب حبة بندول
.. اغلا شي طلبناه روبيان على الطريقه الكازاخستانيه بأعشاب سومطره وصوص وكالة ناسا لابحاث الفضاء .. العجيب يوم جا الصحن مافيه الا اربع روبيانات واحنا ثلاثه كل واحد اخذ حبه .. وفي غفلة من كل رقيب مدت بنتي ميعاد يدها للروبيانه الرابعه وحطتها في فمها انتبهت انا وامها مسكنا البنت وبالشوكه في رقبتها ودخلت ايدي في حلقها وطلعت الروبيانه وتقاسمتها مع زوجتي قال تاكلها قال اجل وش فايدة اننا البابا والماما صدق عيال اخر زمن .. اكلنا اكلنا وكل شوي نطلب ونطلب وجابوا لنا شراب غريب لونه ازرق وعليه شمسيه صغيره اول ماشفته حسبته منتجع سياحي اثره مشروب اسمه كوكتيل بالفواكه اللاتينيه مع كريمة الفسيفساء حتى اذكر ان اسمه كان بالانقليزي لاننا شربناه من اليسار لليمين .. ماش ماكفانا الاكل وشربنا رضاعة ميعاد :( ..
شوي الا داخل علينا مجموعه من العمال وموظفي المطعم ويجدعون شماغهم عند رجليني ويقولون داخلين على الله ثم عليك توقف انت وحرمتك .. قلت اقول الخلا انا جاي ببطاقة دعوه مجانيه .. شمرت عن ساعدي وسحبتهم للصاله وناوي امسح فيهم البلاط .. بصراحه برضه كان هدفي اشوف خوية العلماني واستعرض قوتي قدامها يمكن الله يكتب بيننا قبول .. وقفت في جهه وعمال المطعم في جهه .. وناوين شر .. ولان يد الله مع الجماعه .. فقد دبجوني حتى عضيت الارض .. اهانوني .. هزأوني .. مرموطوني .. تعبنا من المضاربه وريحنا شوي وشربنا عصير وجت بنت لابسه ملابس علمانيه الله يلعن المتسعودين وماسكه لوحه تلف فيها في الصاله مكتوب ( الجوله 2 ) وقفنا واستأنفنا المعركه ومع اول بوكس فقدت الوعي .. اللي قاهرني اكثر ان قبل لايغمى علي بثواني شفت زوجتي مع زوجة العلماني تسألها اذا شبعت علشان تاخذ اكلها !!
صحيت لقيت نفسي في المستشفى .. مايهم المهم اكلت وشبعت .. لقيت زوجتي جنبي لابسه اسود وتلطم وتبكي سألتها كل هذا خوف علي ياحياتي قالت لا.. قلت اجل وشوله البكا .. قالت سووا لك غسيل معده .. اغمى علي ..
المهم الله يحللكم جا البناني ومد يده يصافحني ويوم شفت يده بيضا حمرا تلق لق جنب يدي اللي كنها جزمه لاشعورياً دنقت احب ايده قام سحبها وربت على كتفي وقال ولو انت متل ابني الياس صعبت علي نفسي وبكيت وضمينا بعض وفي خضم هالمشهد المؤثر فجأه دفيته وقلت اقول من انت ووش تبي صدق ياخي صراحه الحلوين مثلي يتعبون في هالبلد .. قال روء روء خيو شوبنا .. انا جايك من عند رفيئك فلان ( اللي خدمته في بداية القصه واحترمني ) وجايب لك هالهديه ..
طبعاً من سمعت سالفة الهديه وانا شكوكي زادت في هالبناني وقلت وانا الصق في الجدار واناظر الباب وش هديته .. قال خود خيو .. بطائه دعوه على العشا الك وللعايله الكريمه تبعونك في مطعم روما اللي بعماير السليكون ازا بدك اهلا وسهلا مابدك بئريح .. قالت اخسسسسس تعرفون بقريح قال ولو انا من اوصمان بعلبك .. عطاني الهديه وللمره الثانيه يوم دنقت اخذها وشفت رجله وقارنتها برجلي اللي لو احطها في البحر الابيض قلب اسود صعبت على نفسي ولاشعورياً دنقت وجيت احب رجله قام رجفني برجله وقال العما .. ولك شو انت اهبل ولك .. العما وراح تركني على الارض:( ..
دخل واحد من الزملا المكتب وشافني على الارض قال سلامات سلامات .. قلت وانا انفض ملابسي واناظر في رجله لا ابد الله يسلمك دوخه وراحت .. قال وش ذا اللي في ايدك قلت هديه قال اشوف .. اخس مطعم روما قالت ايه ..
طبعاً واحد مثلي يعتبر ميد من ارقى مطاعم الرياض شي بديهي اني مادري وشو مطعم روما ولا موقعه بس قلت اكيد جيزه جيز مطعم السعاده البخاري والا مطعم الشوايه الذهبيه .. وكنت ناوي اسوي ثقل ولا اروح .. الله واكبر وش انت ياروما ..
شاع الخبر بين الموظفين .. الليبراليين قالوا شي جميل التواصل بهذا الشكل بين الموظف والعميل وخاصةً ان فيها تحرير لزوجة الملقم وخروجها الى مطعم مثل هذا .. والمحافظين قالوا لي انت مرتشي .. احترت واستفتيت قلبي .. طبعاً مايبي لها استفتاء .. شفت اذا قالوا اقرب طريق لقلب الرجل معدته بالضبط هذا انا .. يعني ممكن بوجبة بروستد تغتصبنيpb192
الشي العجيب واللي خلاني احس ان مطعم روما شي كبير ان مديري يوم درا قال اسمع تبيع الدعوه بـ 300 ريال ؟؟ قلت كم !! قال 300 وفلوسي كاش .. فكرت قلت دعوة عشا في مطعم بخاري بهالمبلغ ,, نط عرق المغامره وقلت معصي لو تقول بـ 280 مابعت ( يسمع بالحراج ) رايح انا والعايله الله لايعوق بشر .
جلست احتري الدوام ينتهي علشان اروح ابشر المدام وعيون الموظفين بتاكل حته مني خفت اتعرض للسرقه وانا رايح البيت دقيت على اخوي وجاب عيال عمي وشركة النقل المؤتمن وشركة تأمين .. طلعت من الدوام وركبت السياره متجه للبيت والاخويا وراي يضربون بواري ويصورني فيديو وانا اطلع من الدريشه واشر ببطاقة الدعوه ..
وصلت البيت ولوحت بيدي الكريمه للوفد المرافق ودخلت البيت قالت المدام هلا انت جيت قلت لا بتأخر شوي خخخخ قالت ظريف .. قلت الله مير يظرف ايامك ياحلوه .. قالت غريبه جاي رايق قلت وانا اشر ببطاقة الدعوه طبعاً رايق وركضت لغرفة النوم وركضت وراي زوجتي وهي تنادي احمد احمد .. قالت ماهازا الزي بيدك قلت لاشيء ياعكرمه انها بطاقة دعوة لواحد من الحوانيت الجيده خخخخخخ فجأه رجعت لطبيعتها وناظرتني بعين حمرا ومدت يدها قمت طائعاً وعطيتها الدعوه قرتها ثم قرتها ثم قرتها .. وبعد حوالي ثلث ساعه مديت ايدي بخجل وقلبت البطاقه قالت احم ايه صح صح كذا pb094 .. وشي ذي .. قلت وانا يعنني عادي ابد هذي بطاقة دعوه للعشا لنا جابها واحد من الربع .. قالت غريبه خبري اخوياك اغنى واحد فيهم عنده مكتب تعقيب ويوم حب يهديك بمناسبة زواجنا عطاك صابون حلاقه قلت ايه بس هذا غير هذا توني اتعرف عليه .. قالت اجل هالله هالله ابيك ذيب وتمص دم الرجال قلت لاتوصين حريص زوجك حقير ..
قلت وش رايك نروح بكره .. ناظرتني بأستغراب وقالت ياحيف على الرجال بس لا وشايف نفسك وحقير وذيب قلت ايه انا حقير وانتي عارفه هالشي قالت انقلع بس لو كنت ذيب وحقير صدق كان صرت ذهين وعرفت اننا تونا متعشين قبل اسبوع مرقوق ولو رحنا بكره مطعم روما مايمدينا نجوع .. ناظرتها بفخر واعتزاز وقلت صدق اللي قال عنك اميرة موناكو ماكذب .. قالت نروح بعد اسبوعين قلت تم ..
انا وزوجتي وبنتي ميعاد .. امتنعنا عن الاكل نهايئاً نبي علشان اذا جا ذاك اليوم نخلي الرجال يندم انه عزمنا نبي نخلي هالمطعم درس وعبره لكل مطعم مايثمن زباينه .. نبي علماء الاقتصاد يضربون المثل بمطعم روما وكيف يمكن للمنشأه ان تفلس وهي في عز مجدها .. نبي نشرد العمال نبي اصحاب المطعم مطلوبين امنياً للجهات المختصه نبي نرقص على البوابه واحنا نشوفها مغلقه بالشمع الاحمر .
جعنا صح .. عشنا اسبوعين على المويه والتمر .. اغمى علينا اكثر من مره .. قاومنا .. وكل ماضعفت ارادتنا جبنا البطاقه وقعدنا ناظرها .. مره في اشد حالات الجوع تخيلت بنتي ميعاد عباره عن سيخ كباب يمشي على قدمين مسكتها وعضيتها ولا انتبهت الا يوم قامت تصيح .. قبل الموعد بيومين دخلنا العنايه المركزه يوم جا يوم الخميس الساعه 8 بالليل ساعة الصفر ركبنا سيارة الاسعاف ورحنا مطعم روما وكل واحد في ايده مغذي .
دخلنا المطعم واستقبلنا واحد لبناني رجلينه حلوه وناظرنا بأستغراب مثل اللي يقول وش ذا الحقيرين اللي داخلين غلط .. مالقيت له بالاً .. طلعت الدعوه وجدعتها على الارض خذها وهو مستغرب وقال مغصوب اهلا اهلا تفزل ازا بتريد .. قلت طبعاً اريد اجل ماريد الا اريد ونص .. دخلنا صالة المطعم .. قلت هيه انت ياصديق جايبنا قسم الشباب .. قال ولو هيدا ئسم العوايل .. قلت طيب وين الجدران والفواصل قال اصدك البارتشن قلت ايه ذا قال هنا الوضع مفتوح عادي .. دقيت على اربعه من الشباب جوا دبجوا البناني وراحوا .. قلت اقول احنا عايله محافظه ونبي جدران مثل اللي في هرفي ممكن توفرها لنا وشوري عليك خلها بالطيب بدل مايدخل البليهد في الموضوع ..
وفعلاً سوينا زحمه وجابوا الجدران وحاصرونا من كل جهه برضه مارتحت كلمت واحد من العيال ابوه يبني بيت طمر وراح للعماره جاب كم خيشه اسمنت ورصيناها حولنا وصرنا جاهزين للمعركه .. وكل شوي اويق من فوق على واحد علماني مع زوجته جالسين بدون بارتشن والحرمه كاشفه قلت الله يلعنهم ذا المتسعودين قالت زوجتي يارجال خلك منهم اكيد يسولفون عن سواقة المره للسياره تعال بس اقعد .. بصراحه يوم شفت زوجة العلماني وشفت زوجتي عرفت ليش الصابر والشاكر في الجنه .. كن زوجتي حست قالت اقول لك الجنه بس ..
جا النادل وعطانا كروكي الاكل pb192 المفاجأه اللي صارت وماكنت ماخذ بالي منها يوم طلع اشياء ملفوفه دافيه ورطبه وشالها بملقاط وحطها قدامنا !! هنا على قولة اجاثا كريستي اسقط في يدي المشكله ان الرجال جالس ينتظر !! مادري وش ينتظر !! طبعاً ولاني رب الاسره والمفروض اعرف كل شي قامت زوجتي وبنتي يحترون اتصرف حيال هذي اللفافه واتخذ اكشن خخخخخخ حيله قديمه كنت اسويها اذي توهقت تتلخص في ( اكسب اكبر قدر ممكن من الوقت ) قلت للجرسون ممكن تروح شوي قال على امرك ..
اخذت اتحسس ذا الجسم الغريب الملفوف شوي شوي واتجرا وافتح الباغه اللي عليها طلعت فوطه !! قالت زوجتي يمكن علشان اذا اكلنا نمسح الصحون .. طبعاً زلبتها ووقفت اويق على العلماني لقيت معه فوطه مثلها ويمسح ايدينه ووجهه وبعدين جدعها جلست وانا اقول الله يلعن ذا المتسعودين بس .. سوينا مثل العلماني وخويته ( طلعنا اشاعه انها خويته علشان نشوه سمعته اكثر ولانقول زوجته ) الفرق بينا وبينهم اننا بعد مامسحنا وجيهنا صادرنا الفوطه !! وجاب الولد شمع وولعه وراح .. طفينا الشمع وصادرنا الشمعه علشان بعد مانرجع شبعانين نسوي لليله حمرا يعننا فاقدين pb192
جينا عند الطامه صدق .. المنيو .. مسكته اول مره اشوف منيو له غلاف مثل غلاف تفسير الجلالين نسخه فاخره مره وعقدت العزم واحنا طالعين اشق الغلاف ونصادره برضه .. فتحت المجلد خابر نفسي اقرا عربي كويس ياولد ابغا اقرا عجزت ماعرفت وش مكتوب الشي الوحيد اللي عرفت اقراه الاسعار !! اسم الاكل غريب عجيب يعني اول كلمه اعرف اقراها وبعدين ندخل في معمعه مادري وشي !! مثلاً دجاج بصوص الهنبقه المسكره مع سلطة تومانو المشهورهpb036 !! الدجاج خوينا وعرفناه بس الباقي شي غريب مادري وشو !! ربيان بنكهة نسناس الهبايب من جزيرة سيشل !! لحم ظآن بقرنفل البلوط الحامض pb036 !! سمكة الاشراق لصاحبها يوسف محمد الخلف خخخخخخخخخخ امزح هذي من عندي .. هذا يهون عند الحلا .. كعكعة الغابه السوداء التي مشت فيها ذات الرداء الاحمر !! آيسكريم جانوباه بنكهة الاستربتيز !! وفي الاخير مكتوب عمل الطالب سلطان ابراهيم !! بأختصار احنا ضعنا ..
وقائمة المشروبات كلها منكر نسأل الله السلامه... شمبانيا .. وشقف .. المهم طقتني الخلوه وحسيت اني وحداني في عالم فسيح وبكيت .. بكيت حتى احمر علباي .. جا القرسون طبطب على كتفي وقال شي طبيعي الناس اللي مثلك اذا جت هنا تبكي لكن لاتعتل هم خذ وقتك .. واختار على مهلك .. قلت طيب طيبpb093 ..
قالت زوجتي عندي فكره دام الاكل ببلاش تعال نشوف اغلا شي ونطلبه لان اكيد الاغلا هو الاطيب .. فكره كويسه قلت للقرسون هات كل القوائم اللي عندك ورخصة المحل والسجل التجاري وعقد التأسيس ولا تخلي وثيقه في المحل الا وتجيبها .. نمت على بطني على الارض ومعي القوائم وقلم فلوماستر وظللت على الاكل اللي نبيه .. طلبت طلبات يخسا العلماني يطلبها حتى الشمبانيا طلبتها .. صح اني انخدعت ببعض الاكل .. مثل سمكه لقيتها في القائمه اسمها عباره عن ستة سطور اسمها طويل مره مره وله هيبه اعرف من شدة هيبتها طلبتها وانا اتنافض كني طالب واحد من عيال آل نهيان خخخخخ وفعلا جا يدفها في عربيه قلت انا اكيد من كبرها طلعت مثل كف اليد بلعتها في ثانيه وشربت وراها جغمة مويه كني شارب حبة بندول
.. اغلا شي طلبناه روبيان على الطريقه الكازاخستانيه بأعشاب سومطره وصوص وكالة ناسا لابحاث الفضاء .. العجيب يوم جا الصحن مافيه الا اربع روبيانات واحنا ثلاثه كل واحد اخذ حبه .. وفي غفلة من كل رقيب مدت بنتي ميعاد يدها للروبيانه الرابعه وحطتها في فمها انتبهت انا وامها مسكنا البنت وبالشوكه في رقبتها ودخلت ايدي في حلقها وطلعت الروبيانه وتقاسمتها مع زوجتي قال تاكلها قال اجل وش فايدة اننا البابا والماما صدق عيال اخر زمن .. اكلنا اكلنا وكل شوي نطلب ونطلب وجابوا لنا شراب غريب لونه ازرق وعليه شمسيه صغيره اول ماشفته حسبته منتجع سياحي اثره مشروب اسمه كوكتيل بالفواكه اللاتينيه مع كريمة الفسيفساء حتى اذكر ان اسمه كان بالانقليزي لاننا شربناه من اليسار لليمين .. ماش ماكفانا الاكل وشربنا رضاعة ميعاد :( ..
شوي الا داخل علينا مجموعه من العمال وموظفي المطعم ويجدعون شماغهم عند رجليني ويقولون داخلين على الله ثم عليك توقف انت وحرمتك .. قلت اقول الخلا انا جاي ببطاقة دعوه مجانيه .. شمرت عن ساعدي وسحبتهم للصاله وناوي امسح فيهم البلاط .. بصراحه برضه كان هدفي اشوف خوية العلماني واستعرض قوتي قدامها يمكن الله يكتب بيننا قبول .. وقفت في جهه وعمال المطعم في جهه .. وناوين شر .. ولان يد الله مع الجماعه .. فقد دبجوني حتى عضيت الارض .. اهانوني .. هزأوني .. مرموطوني .. تعبنا من المضاربه وريحنا شوي وشربنا عصير وجت بنت لابسه ملابس علمانيه الله يلعن المتسعودين وماسكه لوحه تلف فيها في الصاله مكتوب ( الجوله 2 ) وقفنا واستأنفنا المعركه ومع اول بوكس فقدت الوعي .. اللي قاهرني اكثر ان قبل لايغمى علي بثواني شفت زوجتي مع زوجة العلماني تسألها اذا شبعت علشان تاخذ اكلها !!
صحيت لقيت نفسي في المستشفى .. مايهم المهم اكلت وشبعت .. لقيت زوجتي جنبي لابسه اسود وتلطم وتبكي سألتها كل هذا خوف علي ياحياتي قالت لا.. قلت اجل وشوله البكا .. قالت سووا لك غسيل معده .. اغمى علي ..