[Poseidon]

[Confused]

مرحباااا ..
فقدتوني صح ؟ ( ادري فراااقي عيد .. :D )
المهم حمدالله قضينا امتحاناااات .. طحنونا طحن الله لا يبااارك فيهم pb093
احترت شكتب عنه .. قلت اكتب هالموضوع عن اخر فلمين شفتهم
الاول Poseidon .. والثاني Lucky Number Sliven
بس لان صارلي اسبووع اكتب هالسطرين عن الفلم الاول بس ..
هونت عن الثاني وقلت اخليه لبعدين .. << خلصينااااا !
وتراها تجربتي الاولى فالمواضيع من هالنوعيه .. طيب :o
تراه مو تقرير تقرير .. بس تعريف للي حاب يشوف الفلم ومحتار ..

.
.



http://www.eqla3.com/vb/attachment.php?attachmentid=176536&stc=1&d=1150030814

قبل لا اتكلم عن الفلم الاول حابه اوضح شغله صغنونه
الفلم اعاده لفلم The Poseidon Adventure من انتاج عام 1972
اخراج البريطاني.. Ronald Neame
اللي برصيده عدد لا بأس فيه من الافلام .. اغلبها من الثمانينيات والسبعينات ..
بعضها تقييماتها زوينه .. بس ماعندي فكره عنها ولا ودي افتي

الفلم القديم كان من بطوله
Gene Hackman
Ernest Borgnine
ومجموعه لابأس فيها من ربع الابيض والاسود وبدايه الالوان اللي تعور العين
تقيم الفلم كان 6.9 بالنسبه للـ imdb
اما في الياهو حصل على B من المشاهدين .. والنقاد مالهم اثر
كثير اجمعو على ان النسخه الاولى كانت افضل لانها تعتبر انجاز بالنسبه لوقتها
صراحه مادر لاني ماشفتااهش ..

النسخه القديمه ترشحت لـ 9 اوسكاراات .. !
اخذ منها 1 فقط .. اللي هو عن اغنيه الفلم "The Morning After"
وترشح لـ 4 جوائز من القولدن قلوبز ..
اخذ منها جائزه افضل ممثله في دور مساعد لـ Shelley Winters


الحين الدور عالنسخه الجديده تتشرشح :D

.
.


Poseidon


http://www.eqla3.com/vb/attachment.php?attachmentid=176537&d=1150030814

انتاج 2006 .. اول عرض كان في 12-مايو
وانا شفته يوم 5-يونيو << وبعدين !:D

ميزانيه الفلم تجاوزت 150 مليون دولار ..

http://www.eqla3.com/vb/attachment.php?attachmentid=176707&d=1150044757

اخراج .. Wolfgang Petersen
نعم نعم .. هو نفسه مخرج Troy

كاتب القصه .. Paul Gallico

واللي مضبطها للفلم .. Mark Protosevich
ذكرت اسمه عشان اقولكم انه ثوور .. حشاكم يعني pb131
بالله عليكم .. الاوادم تغرق .. وهذا حاط حوار بين .. ولا تدرون
بعدين اقولكم :D



على فكره الـ Poseidon .. اسم اله اغريقي

ماني عارفه حتى شلون اقدم لكم الشخصيات .. مو مني منهم .. !
للاسف ماكان في اي عمق بالشخصيات .. ولا تعرفنا لا على خلفياتها
ولا على مشاعرها .. ولا على اي شي .. مجرد معرفه سطحيه

http://www.eqla3.com/vb/attachment.php?attachmentid=176538&d=1150030814

حتى المغامره بسرعه بدأت .. بدو يراكضون قبل لا ندمج ونتعدل عالكراسي
هذا اول انتقاد لي عالفلم ..
الاحداث تكون بأخر يوم في السنه .. عشيه رأس السنه على قولتهم
حبيت التصوير جداً جداً .. خصوصا بالبدايه .. كان " ديلان / او جوش " .. يركض الفجر
ومن خلال ركضه تشوفون حجم السفينه .. شي لايصدق :sm5: .. !

http://www.eqla3.com/vb/attachment.php?attachmentid=176756&d=1150046550

واللقطات والموسيقى كانت روعـه .. وكل شي كان اوكي .. بس بعدين بدا التخبيص !
<< كان ودها الكاميرا تظل على جوش طول الفلم :o
المهم .. اللقطه تنتقل الحين لغرفه "روبرت / او كيرت راسل " .. وهو قاعد يهاوش بنته وصديقها

http://www.eqla3.com/vb/attachment.php?attachmentid=176539&d=1150030814

ومعترض على كونهم جالسين مع بعض .. و " جينفير / او ايمي " تمد لسانها ابو مترين على ابوها
وتقوله لو براسي شي بسويه بأي مكان .. انت عارف السفينه شكبرها !
يعني عرض لعلاقه طبيعيه بين بنت وابوها .. بصوره مافي اغبى منها

http://www.eqla3.com/vb/attachment.php?attachmentid=176690&d=1150044386

وبعدين نتعرف على " اليانا / او مياا " .. تحوس باللوبي كأنها ضايعه .. !
قاعده تدور على صديقها اللي اصحبها معاه خلسه من اوربا لنيويورك ..
عشان تشوف اخوها المريض .. قبل لا انسى صديقا يشتغل نادل .. اسمه " مارك فالنتين / او فريدي "

http://www.eqla3.com/vb/attachment.php?attachmentid=176689&d=1150044386

وهي تتلفت ..تتصادم مع "ديلان "
بعدين نشوف الشيبه " ريتشارد / او ريتشارد :D " .. يتصل على صديقه ..
وترد عليه اله تسجيل الرسائل " الانسر مشين .. انتو ترجموها " .. المهم
من خلال فحوى الرساله يكتشف ان صديقه تركه .. وينصدم pb036
يال الهول .. انه شاذ ! << لا يكثر

مساءاً .. المشهد يقاعه الرقص .. الكابتن " ميشيل / او اندريه " يرحب بالموجودين ..

http://www.eqla3.com/vb/attachment.php?attachmentid=176753&d=1150046550

ويقدم المغنيه .. الرااائعه:D " غلورياا / او ستيسي " مو بحاجه تعريف

http://www.eqla3.com/vb/attachment.php?attachmentid=176692&d=1150044386

بنفس الوقت يطلعون لكم " ديلان " و" روبرت" يلعبون بوكر .. مع اثنين ..
واحد منهم خبل اسمه "لكي لاري / كيفن ديلون " .. ماله داعي اعرفكم عليه ..
بيموت بعد شوي الحمدالله ..
وتجي النزقه بنت روبرت .. وتخرب اللعبه ..
ويقوم "ديلان " ويصادف " ماغي / او جاكيندا " .. وابنها " كونر "

http://www.eqla3.com/vb/attachment.php?attachmentid=176691&d=1150044386


هالكلاااام كلـــه يصير خلال عشر دقايق .. يعني لا تخافون .. ماحرقت عليكم شي ..
وبعدين تجيهم الموجه من جهه اليمين .. وتقلب البوزيدون فوق تحت .. رهيييب كان تصوير الموجه ..

http://www.eqla3.com/vb/attachment.php?attachmentid=176754&d=1150046550

واهتمامهم بالتفاصيل من ناحيه كل شي كان فوق .. صار تحت ..
يعني هذا الشي اللي نقدر نقول انهم تعبوا عليه .. الاشياء مقلوبه ..
الديكورات والثريات .. وكل شي كان قبل عشر دقايق فوق .. صار تحت .. !!

http://www.eqla3.com/vb/attachment.php?attachmentid=176755&d=1150046550

الحين يبتدى الحرق .. اللي ماوده يروح عليه الفلم لا يكمل ..
بسرعه يجتمعون .. "روبرت وديلان وماغي .. وكونر ابنها بعد ماينقذه روربرت والشايب ..
وايضا النادل فالنتين .. اللي يكون بمثابه بوصله للمجموعه ..
ويوصلهم لاعلى السفينه .. او بالاحرى اسفل السفينه .. لاتنسون انها مقلوبه .. !
روبرت كل اللي يفكر فيه .. هو شلون يوصل لبنته .. جينفير .. اللي بالديسكو ..
وجينفير كل اللي تفكر فيه .. شلون تنقذ صديقها كريستيان .. المحتجز تحت عامود حديد ..
المجموعه الاولى .. تضطر تضحى بالشاب فالنتين خلال رحله عبورها من فتحة مصعد للثانيه ..

http://www.eqla3.com/vb/attachment.php?attachmentid=176710&d=1150044757

اما المجموعه الثانيه .. فتشهد لحظات رعب حلووه ..
لما يتكهرب جميع الموجدين نتيجه تلامس اسلاك الكهربا مع شويتين الماي اللي دخلو على الديسكو ..
كل الموجودين يتكهربون .. ماعدا " الينا وجينيفر .. وكريستياان .. ولاكي "
الظاهر انهم عازلين للكهرباا:D .. المخرج عاوز كده .. !
بعد عده محاولات لانقاذ كريستيان تتكلل بالنجاح قبل ثواني من وصول المجموعه الاولى
بعدين .. يلتم شمهلم كلهم ..

http://www.eqla3.com/vb/attachment.php?attachmentid=176708&d=1150044757

ويكملون برحله بحثهم عن مخرج من هالسفينه .. بقياده "روبرت .. وديلان "
يوصلون لاحدى البلكونات المطله على لوبي الفلم .. ويلاقون شي متعلق بالنص نتيجه انقلاب السفينه ..
يعبرون واحد ورا الثاني .. لحد مايبقى جينفير وابوها وديلان والخبل لاكي ..
بالوقت اللي كان المفروض " جيفير تعبر على هالشي المتعلق .. عصب لاكي وقال انا اللي بعبر .. وكان سكران طبعاً ..
خلال عبوره سقط عليه على ما اظن خزانات الزيت .. وطاح الجسر اللي يوصلهم بباقي المجموعه ..

http://www.eqla3.com/vb/attachment.php?attachmentid=176729&d=1150045231

المهم .. لاكي مات مثل اي قصه كلاسيكه يموت فيها السكير اول شي ويرتاحون منه
المشكله الحين .. كيف راح يعبرون لباقي المجموعه .. والجسر طاح ..
والمااي فوقه طبقه مشتعله من الزيت .. !!!
والباقي انتوا شوفوه :D .. .. بذمتكم احد اندمج ؟ :D



الفلم .. اللي عجبني فيه واللي ماعجبني
اولاً التصوير .. مثل ماقلت .. من البدايه انبهرت بطريقه تصوويرهم للسفينه الضخمه ..
يقولون انها اطول من التيتانك بـ 218 قدم .. والعهده على الرواي
بالنسبه .. للمؤثرات الصوتيه .. ما انكر اني حبيت بعض الاغاني .. خصوصا اغنيات غلوريااا ..
بس كمؤثرات خاصه بالاكشن والمطافش والغرق .. جداً عاديه .. :D
بعض الحورات كانت تنقط غباااء .. ومن جد مالها داعي
مثلا بوقت هم المفروض يكونون بقمه الرعب والخوف ..
اليانا تسأل جينفير عن شعورها حول كونها بنت عمده سابق ..
وتبدا جينفير تتحلطم على طفولتها البائسه .. يعني من جد مو وقته .. انتوا وين ولا وين !!

http://www.eqla3.com/vb/attachment.php?attachmentid=176728&d=1150045231

الطفل .. كونور .. كأنه رايح يسوي دعايه لمشروب الطاقه " بيعطيك جوااانيييح " .. ولا ذره خوف
ولا دمعه .. ولا فكر يسأل امه بنموت ولا لاء ؟!
خير انشالله والله لو انه الطفل الحديدي .. على غفله :eek:
وبعدين عبثي هالولد .. كل شوي يضيع ويغربلهم معاه .. !!

http://www.eqla3.com/vb/attachment.php?attachmentid=176727&d=1150045231

اليانا .. حبيت كيف مثلت شخصيه الخوافه والجبانه ..
واللي خوفها وارتباكها باللحظات الغلط وداها بـستين بداهيه ..
ديلان كان مسوي مثل الطرزان .. الله يهديه .. هو وجبهته
روبرت .. اعتقد ان هو الشخصيه الاكثر واقعيه بالفلم مقارنه بالاخرين ..
وبعدين شغله ثانيه منتهى العبط .. الناس عماااله بتموت .. وكريستيان يخطب البنت من ابوها ..
رومانسيه بالوقت الضايع وربي .. !!
وسااالفه الخريطه .. كل مابغوا خريطه لقوهاا .. خيير انشالله !
مره مرتين .. ثلاث .. مو بكل مشهد !

http://www.eqla3.com/vb/attachment.php?attachmentid=176726&d=1150045231

وقااارب الانقاذ اللي قاعد براا ينتظرهم .. الحين باخره حديد قلبها الموج .. بلاستيك ماضره شي ؟ !
بعدين في غلطات تقنيه اكتشفوها المشاهدين .. بصراحه معاهم حق ..
فلم بمثل هالانتاج وهالحجم .. المفروض ماتكون فيه مثل هالهفوات ..
مثلا بمشهد سقوط فالنتين بالمصعد .. كان الحبل المربوط فيه واضح !

http://www.eqla3.com/vb/attachment.php?attachmentid=176709&d=1150044757

شغله ثانيه .. خطاً في عمليه انعاش احد الممثلين من قبل روبرت ..
اللي اصلا يلعب دور اطفائي سابق .. يعني هالشغله مافيها مجال للغلط .. !
طبعاً غير الصدف الغبيه اللي مالها اول ولا تالي :D

http://www.eqla3.com/vb/attachment.php?attachmentid=176725&d=1150045231

المهم .. بالنسبه للكاست .. ماني عارفه على شنو اقيمهم ..
شفتهم يركضون اكثر مما يتكلمون .. :D
اعرفكم عالشخصيات اللي راح تكون مرافقتنا طول الفلم ..


http://www.eqla3.com/vb/attachment.php?attachmentid=176693&d=1150044386

Kurt Russell .. قام بدور Robert Ramsey
روبرت رجل اطفااء سابق .. وعمده ايضاً سابق ..
ابدع بالمشهد الاخير له بالفلم .. لما تشوفونه بتفهمون قصدي


http://www.eqla3.com/vb/attachment.php?attachmentid=176540&d=1150030814

Josh Lucas .. بدور Dylan Johns
يااواااد ياتقيييل .. :o
احد الاشياء اللي اتفقنا على روعتها بالفلم انا واللي معاي
بغض النظر عن جبهته .. وبغض النظر عن كونه بطل انتحاري زياده عن اللزوم ..
مادري من متطلبات الفلم انه يكون مينون .. ولا هو مندفع الله يهداه !
بس مايضر .. كان جيد

http://www.eqla3.com/vb/attachment.php?attachmentid=176802&d=1150048146

Jacinda Barrett .. بـ دور Maggie James
ام عزباء .. لها حوار صغنونو مع ديلان ..
تظهر فيه ذكائها كثر ماتقدر

http://www.eqla3.com/vb/attachment.php?attachmentid=176803&d=1150048146

Emmy Rossum .. بـ دور Jennifer Ramsey
احد الاشخاص اللي تمنيناهم يموتون بالفلم .. :mad: :D
من الاسم واضح انها بنت روبرت الاطفائي السابق
حقيره من جد حقيره .. غبيه وماصله وسخفيه وكريهه
قهر ما ماتت :(

http://www.eqla3.com/vb/attachment.php?attachmentid=176801&d=1150048146

M&iacute;a Maestro ... بدور Elena
من الشخصيات اللي تنرحم بالفلم ..
اكثر وحده عطتنا انطباع انها مرعوبه من جد وخايفه

http://www.eqla3.com/vb/attachment.php?attachmentid=176757&d=1150046550

Jimmy Bennett .. بـ دور Conor James
ابن الام العزباء .. << لاياشيخه ..
هالولد فاهم التمثيل غلط .. رايح يتمشى ابو الشباب
مو شرط يكون خايف ويصيح .. ولا منهار ..
بس طفل ويتعامل مع الوضع بكل برود واريحيه .. !!
ولا ملقوف الله يهدانا ويااه .. يمشي ويسأل .. !


Richard Dreyfuss .. بدور Richard Nelson
احد الاشخاص اللي اتفقنا على حقارتهم بالفلم ..
من بعد ما مات فالنتين عشان يعيش حضرته ..
مع كرهي الشديد لشخصيته .. لكنه اتقنها .. الى حد ما


Mike Vogel .. بدور Christian
خطيب جينفير .. الغثيثه ..
ماله تواجد يذكر صراحه ..
ارجع واقول .. الشخصيات ماتعمقنا فيها حيل


صوره لطاقم العمل .. سي تشييييييييز ..

http://www.eqla3.com/vb/attachment.php?attachmentid=176711&d=1150044757


هديه الموضوع .. ابو جبهه في قلوبنا

http://www.eqla3.com/vb/attachment.php?attachmentid=176804&d=1150048146
تقييم الـ imdb ..
5,7


تقييم الـ Yahoo ..
النقاد .. +C
الجمهور .. -B



سبب الهجوم عالفلم انه كان اعاده غبيه لفلم كلاسيكي عظيم .. << درر :o
بس ميزته من وجهه نظري .. ان الوقت بسرعه يمر .. بلوه ورا بلوه :D
اخير بعد هالحش كله .. انصحكم بمشاهدته .. لكن لا تتوقعون اكثر من الاكشن ..


وان الله عطانا عمر .. القاكم بالموضوع القادم مع لاكي نمبر سليفن bp039

[الكفر الابيض]

والله ما ادري وش اقولك اخوي..

شغـــل محترم بمعني الكلمـة..
الله يقويــك يا شــيخ..

وانا شفــت الفلمين.. روعــة والله..
ولو انه Lucky Number Sliven ما عجبنــي واجد..

على كــلٍ...

الله يعطيــك العافيه على شغلك الوردي..
ونتمنــى منك المزيد يا بطــل..



تقبل تحية اخــوكـ ..

الكفــر الابيـــض..

[Hattori Hanzo]

والله الفيلم شكله قووي :sm5:

والفيلم الاول اللي بسنة 72 اذكر ان شفته يوم تنقلب السفينه وشجرة عيد الميلاد مقلوبه
اذكر اني شايفه بقناة خاصه للافلام بشقق جمجوم اللي بجده :D


اما المجموعه الثانيه .. فتشهد لحظات رعب حلووه ..
لما يتكهرب جميع الموجدين نتيجه تلامس اسلاك الكهربا مع شويتين الماي اللي دخلو على الديسكو ..
كل الموجودين يتكهربون .. ماعدا " الينا وجينيفر .. وكريستياان .. ولاكي

احب هالنوع من المناظر :sm3:

يذكرني بذاك الفيلم ناسي امسه

اللي يومهم قاعدين يرقصون على سطح السفينه ثمن
ينطلق سلك رفيع حق الاعلاق pb093 pb093 :eek:
ويقطعم ويقسمهم نصين ليييييييييييييييييييييييييييييييييييييين ماصار سطح السفينه كلها
دم وعع..

اقووول
يعرض بدبي الفيلم وووين شفتيه فيه؟؟

تسلمين عالموضوع bp039

[KANU]

.

.


http://www.eqla3.com/vb/attachment.php?attachmentid=177137&d=1150062321

.

.

[Chocolate]

شكل الفيلم بطل ويحمس..pb189
يعطيك العافيه كونفي..
والله لايحرمنا
bp039

[السينمائي]

الفلم كما وصفه النقاد ( محاولة تقليدية بائسة لــ التايتنك ) من ناحية الشكل ...
فلم عادي من ناحية المضمون ...



من ناحيتي ...
متشوق كثيراً لرؤيته ..

شكراً Confused على الموضوع الرائع ..:) ...

[~صـدى الونـه~]

ببساطة فلم مليء بالأحداث من دون قصة !!

القصة بدأت في أول 15 دقيقة من الفلم و بعدين ما ادري وين كملوها !!


لما داهمتهم أول موجه .. أنا اقول للي معاي لا أكيد

هاذي موجه بتسسب حوادث بسيطه و بعدين العالم اللي في

السفينه و هم يحاولون يرجعون كل شي مثل ما كان بيتعرفون على بعض

و بنتعرف عليهم و بعدين و هم منشغلين الموجة القاتله بتفاجئهم .. :)


شفت لا pb036 الموجه قلبت السفينه ! قلنا ما شاء الله لحقو ؟!


قلت خلاص .. عيل اكيد عملية النجاة بتم سريعه و بعدين بيكملون القصه

شفنا ان بعد الـ15 دقيقة خذوها كلها و هم يطلعون من السفينه

و من ضيق الوقت يتكلمون و يعرفون عن شخصياتهم في وقت ماله داعي ابد !

هاذي تتشكى من طفولتها و من والدها

و هذيك تتكلم عن قصه اخوها في دقيقه

و البطل ما عرفنا الا انه عنده خبرة عن السفن pb036

الموقف الوحيد المؤثر هو وفاة الأب لأنه ببساطه هو أفضل من مثل في الفلم
و هو أكثر واحد عرفنا قصته

اليانا كانت حنّانه وايد .. فتقبلت موتها عادي :D
بصراحه وايد تحن و توتر ..
،،

من ناحية التصوير و الـ3D ببساطة شي يبكي من كثر ما ابدعوا فيه ! :(

يعني حرام مثل هذا التصوير و التأثيرات يروح على فلم بدون قصه .. !

،،

الساوند تراك

كان جيد ..

بس الاحداث و الآكشن كانت تحتاج ساوند تراك أقوى بكثير و تكون مؤثرة أكثر ..

،،

الشي الغبي اللي صار في النهاية

لما الطيارة توصل واضح ان كان في سفينتين قراب من سفينه poseidon .. اممم

و بمسافة المفروض بعد الكارثة اللي حلت بالسفينه ان السفن القريبة

كانت حست أو شافت شي من اللي صار

فوجودهم في النهاية بصراحه أشوفه غباء من المخرج ..

،،

و شكراً لأنك خليتيني أطلع حرتي :D

،،

الله يعطيك الف عافيه على المجهود الرائع :)

تسلم الأيادي bp039

[|[ Female PRIDE ]|]

هالفلم من ضمن القائمة اللي أبي أشوفهم .. لكن من قبل ما أشوفه أتوقع انه بيكون محاولة فاشلة لتقليد التايتنك pb093
بس ما يمنع هالشي اني اشوف الفلم لأني أحب أشوف حوادث الطائرات والسفن في الأفلام :D

ما قريت كل موضوعك يوم وصلت ربعه قلتي اللي ما يبي يحرق الفلم لا يكمل pb094 ..

ميغسي بوكو كونفيوزد bp039

والله الفيلم شكله قووي :sm5:

والفيلم الاول اللي بسنة 72 اذكر ان شفته يوم تنقلب السفينه وشجرة عيد الميلاد مقلوبه
اذكر اني شايفه بقناة خاصه للافلام بشقق جمجوم اللي بجده :D




احب هالنوع من المناظر :sm3:

يذكرني بذاك الفيلم ناسي امسه

اللي يومهم قاعدين يرقصون على سطح السفينه ثمن
ينطلق سلك رفيع حق الاعلاق pb093 pb093 :eek:
ويقطعم ويقسمهم نصين ليييييييييييييييييييييييييييييييييييييين ماصار سطح السفينه كلها
دم وعع..

اقووول
يعرض بدبي الفيلم وووين شفتيه فيه؟؟

تسلمين عالموضوع bp039


اسمه Ghost Ship pb071
.
.

[KANU]

.
.

جـوش .. مـمـثـل .. (( صـفـر )) .. بـطـولياً .. مـع إنه مـثـل في أفــلاام قـويـه .. !؟

بيوتيفـول مــاايند - آنـفـينيشـد لااايـف - وزن الـمــااء - هــولك .. !؟

تـمـثـيله يعـجـبني .. !!؟

فـيه مـمـثـلين .. تـكـــره وجـودهـم في الـفــيـلـم .. !؟

لـكـن مـع .. جـــــــوش .. أرحـب بـ وجـوده .. مــااعـندي مـشـكـلـة مـعـه .. !؟

طـبعـاً أكـثر شـيء عـجـبني وجـوده في .. آن فـينيشـد لاايــف ..

http://www.eqla3.com/vb/attachment.php?attachmentid=178242&d=1150148839

كـون ثــلاااثي جـمـيـل .. مـع .. ريـدفـــورد و فـــريـمـــن .. !؟

طـبعـاً .. أنـا ما تـطـرقـت لـ الفـيـلم .. لأني مـا شفـتـه .. ومـا أعـتقـد إني رااح أشــوفه .. !؟

لـذلك .. حـولت دفـة الـحـديث عـن .. جـوش .. بـمـا إنه يعـتبر .. بـطــل الـفـيلـم ..!؟

.
.

أبـدعــتي .. كـونفـيووزد .. مـوضـوع جـمـيل جـداً .. و مـــرتـب .. !؟

يعـطــيــك الـف عــــــاافـيه .. !؟

.
.

[نرجسيه]

هلا والله .. " كونفي " .. بصراحه إشتقناااا لـ مواضيعك ... pb189

الـ " بوزيدون " تحمست له من أول ماسمعت .. الحمله الاعلانيه

كانت قوية .. هذا غير ان .. " بوزيدون " آله البحر عند الإغريق

ومعروف بجبروته .. هالشيء اوحى لي بـ أن الفيلم قوووي !!

بس مراجعتك له حطمتني ..! :( ..


عموماً أحاول أشوفه هاليومين ... وأرجع أرد ..



يعطيك ألف عااافيه .. bp039

[عتريــــــس]

سمعت أنه الفلم مافيه قصة .!
بنفسه راسل قال بمهرجان كان انه" الفلم مايصلح للي يبحثون عن قصة "@@..,
انشالله الخميس بشوفــه واعطيك رايي ..


http://www.eqla3.com/vb/attachment.php?attachmentid=176690&d=1150044386

ههههههههه
على فكرة جبهة جوش فيها ندبه كبيرة ..
قبل التصوير عندهم تدريبات على التنفس تحت الماي ..‘‘
ووقتها راسل ماسك له أضاءة وضرب فيها الايرباق تبع جوش D:


يعطيـكـ العافية ConfuSed ..,

[Miss Jeanz]

هلا والله كونفيوزد pb189



فقدتوني صح ؟ ( ادري فراااقي عيد .. )

لا والله فقدناك pb189




http://www.eqla3.com/vb/attachment.php?attachmentid=176690&d=1150044386

خخخخخخخخخخخخخ :D
أحلى ما في مواضيعك تعليقاتك :D
من جد دمك شربات pb189




كل الموجودين يتكهربون .. ماعدا " الينا وجينيفر .. وكريستياان .. ولاكي "
الظاهر انهم عازلين للكهرباا

سبحاااااااااان الله :D




وبعدين شغله ثانيه منتهى العبط .. الناس عماااله بتموت .. وكريستيان يخطب البنت من ابوها ..
رومانسيه بالوقت الضايع وربي .. !!
وسااالفه الخريطه .. كل مابغوا خريطه لقوهاا .. خيير انشالله !
مره مرتين .. ثلاث .. مو بكل مشهد !

من جد وش هذا pb036
شكل الفيلم عبييييييط ما يشجع :D




http://www.eqla3.com/vb/attachment.php?attachmentid=176804&d=1150048146

لا غيرت رايي .. بشوف الفيلم pb189



يعطيك العافية كونفي .. روعة ;)

[Hattori Hanzo]

طرطعانه



اسمه Ghost Ship
.
.


صححححححححححححح هذا هو
ماشالله عليك
انا اشوف الفيلم وانسى اسمه مدري وشفيني :D

طيب تعرفين ذااك الفيلم
برضو ناس بسفينه
ويهجم عليهم مخلووووق من تحت البحر ويخترق السفينه
يشبه الاخطبوط وياااااااااااكل كل الاوادم اللي بالسفينه ويمص دمهم
وزعانفه تمشي بين المواصير
واخر شي مايبقى منهم غير عظامهم
فيلم مقررررررررررررررررررررررررررررف :sm5: ;)

تعرفين وش اسمه وهل هو يباع في الرياض
لاني مدري ويني شايفه فيه على اي قناة ؟؟؟


كونفيوسد بعد اذنك يعني bp039
قبنا الموضوع استفسارات pb095

[‡ حتشبســــوت ‡]

وأخيرااً تم التفعيل !

لسى شايفه الفيلم من كم يوم ، مو على قد الإنتظار !!
كنت متخيله إني بشوف قنبله ماتقل عن التايتانك في شغل
الأكشن والجرافكس ، بس شغلهم هنا غبي
خصوصاً بمشهد انقلاب السفينه ودخول المويه
عليهم ، ماأدري حسيتهم ألعاب !

بعدين طاقم التمثيل كله مايعجبني وكلهم
من الممثلين درجه ثانيه !
أما شغل Wolfgang Petersen بصراحه مايقارن
بشغله في أفلامه السابقه .. تروي و بيرفكت ستروم ..


وعلى طاري السفن اللي تغرق ، سمعت أن
وحيد حامد <- مدري كذا اسمه !
قاعد يكتب سيناريو فيلم عن عبارة السلام !! :D بالله
المصاريه عندهم امكانيات لـ فيلم من هالنوع !




Confused .. والله موضوعك أحلا بمليون مره
من الفيلم ، يعطيك العافيه .

[طرشي رومانسي]

الفيلم بإذن الله ناوي اشووفه ، بس أكيد بعد الكأس العالم ان شاء الله ..


يسلمو كونفيوسد ,,

[ObsessioN]

http://www.eqla3.com/vb/attachment.php?attachmentid=176536&stc=1&d=1150030814

روعه هالفلم تحمست له من دعايته ومن بعد تقريرك عنه تحمست زود :sm5:

http://www.eqla3.com/vb/attachment.php?attachmentid=176690&d=1150044386

من جد أحلى مافيها هالخطمات لك pb192 كخخخخخخخخخخخخخخخخخخ

Confused

ولكم بااك bp039 وعودتي والعود أحمد << مهوب عبدالله ؟:D

<< براا إلى الماصله :(

دمتم بود bp039

[Silence]

يعطيك العافية .. عاد أمس بالذات شايفه الفيلمين pb094
و عجبني هذا أكثر من هذاك .. خصوصاً أغنية النهاية

Wont Let You Fall (http://www.9q9q.net/index.php?f=631zZv3x)

تسلم الأيادي ع التعب .. bp039

[Confused]

.
.

الكفر الابيض

هلا وغلا ..

شغـــل محترم بمعني الكلمـة..
الله يقويــك يا شــيخ..

امييين :D

وانا شفــت الفلمين.. روعــة والله..
ولو انه Lucky Number Sliven ما عجبنــي واجد..

غريبه .. عاد عجبني لاكي نمبر سليفن اكثر .. احسه اقوى
يمكن بسبب ابو راس بروس ويليس .. مو مستلطفين الفلم :D



الله يعطيــك العافيه على شغلك الوردي..
ونتمنــى منك المزيد يا بطــل..

الله يعافيك
المره اليايه فسفوري انشالله ولا يهمك << لا يكثر


نورت مصر ياراقل .. bp039


.
.

طربولا


هلاوين ..

والله الفيلم شكله قووي

والفيلم الاول اللي بسنة 72 اذكر ان شفته يوم تنقلب السفينه وشجرة عيد الميلاد مقلوبه
اذكر اني شايفه بقناة خاصه للافلام بشقق جمجوم اللي بجده

:D .. سعيده بإعاده الذكريات للاعضاء :o




احب هالنوع من المناظر

يذكرني بذاك الفيلم ناسي امسه

اللي يومهم قاعدين يرقصون على سطح السفينه ثمن
ينطلق سلك رفيع حق الاعلاق
ويقطعم ويقسمهم نصين ليييييييييييييييييييييييييييييييييييييين ماصار سطح السفينه كلها
دم وعع..

شالساديه الله يهداك .. ينقسمون نصين وطشار دم .. وعاات مو وع وحده :D

اقووول
يعرض بدبي الفيلم وووين شفتيه فيه؟؟

بالكويت pb189


حياااك .. تسلم عالرد bp039


.
.



كانو


يسلموو bp039



.
.


Chocolate


هلاا والله بالتشوكليت كله .. pb189
مبرووك عالرتبه ياابنت
ايباااه .. قلم جاد وحركتااات .. ;)

شكل الفيلم بطل ويحمس..
يعطيك العافيه كونفي..
والله لايحرمنا

الله يعااافيك .. نورتي bp039



.
.


السينمائي


هلا خيوو ..


الفلم كما وصفه النقاد ( محاولة تقليدية بائسة لــ التايتنك ) من ناحية الشكل ...
فلم عادي من ناحية المضمون ...

ابد الله بعافيك اختصرت موضوعي بسطرين :D


شكراً Confused على الموضوع الرائع .. ...

عفواً .. تسلم عالرد bp039


.
.

[KANU]

.

http://www.eqla3.com/vb/attachment.php?attachmentid=177134&stc=1&d=1150062321

.


http://www.eqla3.com/vb/showthread.php?t=218350 (http://www.eqla3.com/vb/showthread.php?t=218350)