شي(ن) بخاطري (( ياخوووي ))

[طرش بحر]

:: في البداية احب اذكر نقطه بسيطه ::


يمكن البعض منكم ينتقدني أو يستحقرني على اللي كتبته ويقول هذي على اقل تقدير اسرار و مشكله خاصه المفروض ماتنذكر بالصورة هذي , لكن احب اقول لو نظرنا لها على أنها اسرار وفضايح ولو كل واحد سكت عن مثل هالمشاكل فماراح نلقى حل او بنصير مكانك راوح وخصوصاً مثل مشكلتي او بالاصح هالمواقف اللي مريت فيها واتمنى يستفاد منها خصوصاً انها تتكلم عن حاجه مهمه وضروريه في حياتنا اليوميه ومرتبطه فينا آآثارها طول العمر .
غير هذا والاهم اني دائماً احب اكون على طبيعتي وراح اكون كلذلك في هالموضوع



مهما اشغلتنا هالدنيا والتهتنا حتى عن انفسنا مانتركها تنسينا والدينا سبب وجودنا بالحياة بعد الله سبحانه

يقول الله تعالى ( وقضى ربك ألا تعبدوا إلا إياه وبالوالدين إحسنا ) الآية
والآيات والاحاديث في هالموضوع كثيرة


اعتذر مقدماً ولكن حاولت قدر الإمكان ان تعيشوا معي تلك المشاهد التي سوف اذكرها بحذافيرها

المشهد الاول


أنا : الو ... السلام عليكم
هي : وعليكم السلام ... هلابك
أنا : كيف حالك ... وشلون العيال ؟
هي : بخير الله يسلمك ... انت وشلونك ؟
أنا : الحمد لله ... وين ابو محمد ؟
هي : ابو محمد في الشغل ... تبي منه شي ؟؟؟
أنا : ابد بس ابسلم عليه وقولي له ترى ابوي يبي يشوفه .
هي : خير ان شاء الله , لين جاء ابقوله .
أنا : يالله اجل فمان الله وسلميني على اهلتس .

المشهد الثاني
( بعد يومين )

أنا طبعاً المتصل
أنا : الووو ... هلا ابو محمد ... كيف الحال ؟
أخوي ( ابو محمد): هلا حياك الله ... وش تبي ؟؟؟
أنا : ابد سلامتك بس ابوي يقول يبي يشوفك .
اخوي : والله انا ودي بس والله مشغول وحالتي حاله .
أنا : الله يوفقك بس تخبر ابوي لين حن على شي يبيه
أخوي : خلاص قله اني ابجيه في اقرب فرصه
( انتهت المكالمه بشكل يحسس انه غير مرغوب فيني )


المشهد الثالث
( بعد اسبوعين )

الوالد : كلمت اخوك ؟؟
أنا : اييييه كلمته يابوي ويقول ان شاء الله لين لقى فرصه بيجي.
الوالد : ايييييييه لاتلومني وانا ابوك تعرف الظنا غالي يابوك, وبتعرف كلامي لين اعرست وجاك عيال .
أنا : على خير ان شاء الله .



المشهد الرابع
( بعد يومين )

أنا : يابو محمد ابوي يبي يشوفك وتراه تعبان بالحيل .
اخوي: طيب ودوه المستشفى .. ماتحسون انتم ... رجال مريض ولا تودونه للمستشفى؟
أنا : ابو محمد تدري اني مقابلن ابوي اربعه وعشرين ساعه وتاركن حتى دراستي ومقابله وهو مريض ولا لي فضل وتلومني الحين وهو له شهرين يبي يشوفك حتى يقول ودي اشوفه قبل اموت وانت ولا هامك بس إلا هواش
( انقطع الخط وابقول ماعنده ابراج وجواله يقطع "التمس له العذر ماراح اقول انه قفل الخط بوجهي )


بعد اسبوع وحالت الوالد تتدهور ومن اسوأ إلى اسوأ
تعبت من الاتصال على بيت اخوي وجواله ولا يرد علي ,قلت يمكن شايل في خاطره علي من أخر مكالمه بس لازم اعلمه واقوله ان ابوي صحته في النازل ووضعه مايسر لا عدو ولا صديق .


المشهد الخامس

بالصدفه اقابل عديل اخوي
أنا : عندك رقم جوال ام محمد زوجة اخوي لاني تعبت ادق على جوال ابو محمد ولا يرد وحتى البيت مايردون.
عديل اخوي : ماعندك خبر انه مقدم إجازة شهرين ورايح مع حرمته للحفر وجالسين عند اختها المدرسه لانها بلحالها في الحفر .
أنا : طيب عطني الرقم ابعلمه عن وضع ابوي .
وعطاني الرقم ودقيت
أنا : السلام عليكم .. هلا ام محمد ... ممكن اكلم ابو محمد ؟
هي : وعليكم ... هاه وش عندك ملاحقنا حتى هني وش تبي ... وابو محمد طالع مشوار .
أنا : طيب لين جاء قولي له ان ابوي تعبان مررررره ووضعه مهوب طيب ويبي يشوفه ويقول ودي اشوفه قبل اموت .
هي : فال الله ولا فالك ولا تتفاول على خالي ( هي بنت عمتي أصلن )
أنا : احد بيتفاول على ابوه .... لكن قولي له لو يكلمه بس ويتطمن عليه بس .

بعد ثلاثة اشهر بالتمام والكمال
يوم الخميس بعد العشاء اختي تتصل علي وتقولي وهي تبكي ( ابوي تعبااااااااااااااااااااااان)
وصلت البيت ( كيف وصلت ما ادري كيف )
لما وصلت لقيت ابو متوفي واخواني وأمي حول ابوي ويبكون , تأكدنا انه مات وشلته ووديته للمستشفى كشفوا عليه و قالوا انه متوفي قبل ساعه ووده لثلاجة الموتى .


أدق على اخوي ابو محمد وعلى جوال زوجته ( بنت عمتي ) محد يرد
وأدق على جوال عديل اخوي واقوله طلع لي ابو محمد من ارض ولا من سماء لان ابوي مات

اخوي ابو محمد في الجبيل واحنا في الرياض
وصله الخبر ووصلت له خبر ان بكره جمعه ولازم نصلي على ابوي صلاة الجمعه لانها ماتنتفوت هالفرصه ابد .

في المسجد اتلفت ماحصلت اخوي , ونفس الشي بالمقبره ماشفت له اي اثر
بعد صلاة العصر وصل وجنا وكأنه مافيه اي شي صاير و تسن الي ميت ناجد سعه مهوب ابوه .


بعد اربعه شهور من وفاة الوالد الله يرحمه

اخوي ابو محمد : السلام ... وشلونك وشلون اخوانك .... وش سويت في امور الورث .
أنا : ماسويت اي شي ولا هوب وقته .
أخوي : لازم تتحرك وتتطلع صك حصر الارث وتشوف الاجارات ياخي انا محتاج .
أنا : ان شاء الله ... بس وينك يوم ابوي يتمنى شوفتك قبل يموت؟؟
اخوي : مهوب وقته الحين تعطينا محاظرات ودروس .
أنا : كلمه وتقرقع بقلبي " بيجي اليوم اللي تتمنى تشوف فيه عيالك مثل ماتمنى ابو يشوفك "
( كالعاده ماعنده ابراج وانقطع الخط )


بعد اسبوع وهو جاينا في الرياض
ومخلص امور الورث وعارض العقار للبيع وجاهز من مجاميعه .

انتهت مسألة الورث ( طبعاً حق من حقوقه ولا احد يلومه !!!! (


بكره رمضان
تعبت من الاتصال عليه
بكره العيد
نفس الحكايه
بعد العيد
نفس الشي
بكره عيد الاضحى
ونفس المشهد يتكرر
ونفس الشي في الفتره اللي راحت اتصل على عدلاه وابلغهم يسلموني عليه ويقولون له اني اتصلت عليه وخلوه يكلمني
وبرضوه اتصل على اخت زوجته واقوله خليه يكلمني لكن مافيه نتيجه
وإلى الان واكثر من سنه بس اسمع عنه اخبار ولا يتصل ولا حتى يفكر يسأل عن اخوانه حتى الصغار


:: من الاسباب الي اشوفها من وجهة نظري لهالمشكلة ::


( ابو محمد اكبر اخواني من ابوي )

وهذا اكبر سبب في هالجفوة الي بيني وبينه وغالبية مثل هالمشاكل الي تحصل بين الاخوان يكون هالسبب رئيسي فيها مع العم ان اغلب زوجات الاب مالهم ذنب في هالشي والي شفته وبدون مدح من امي الله يطول بعمرها على الطاعه إحتفائها بأخوي وتلبية طلباته وانها تعده مثل عيالها لكن بالنسبه لاخوي تبقى زوجه الاب الي المفروض ماينوثق فيها ابد مع العلم ان فيه زوجات اب وربي انهن احن على العيال من امهاتهم وعلى النقيض فيهن الي مايخافن ربهن .


( زوجة اخوي بنت عمتي )

وكون انها بنت عمتي والعلاقه مكهربه بين امي وخواتي وبين بنت عمتي فشي طبيعي انها اثرت عليه وخلته بهالصورة والتعامل معنا لانه قبل الزواج كانت علاقة فينا طبيعيه وبين فترة وفترة يجي ويجلس عندنا كم يوم ( يمكن تأدية واجب و علشان خاطر ابوي بس ) لكن بعد الزواج تغيرت النفسيه 180 درجه وصار الي صار .


اعذروني ابذكر سالفتين متناقضتين عن بر الوالدين
طبعاً سامعها من ابوي الله يرحمه ومستحيل انساها

في البر بالوالدين

وهذي سالفه منتشره بين الناس ومعروفه من زمان
هذا واحد حاج بأبوه على كتوفه ( تخيلوا حج مشي وابوه على كتوفه )
وهم يمشون الابن واعذروني على الكلمه شاف جزء من عورة ابوه طالعه وواضحه له , تخيلوا قام ومسكها وحبها ( باسها ) الاب شاف الموقف وبكى , يسأله الولد ليش يابوي تبكي وانا حاج بك على كتوفي
قال الابو وهو يبكي تصدق يابوك اني في هالمكان قبل سنين حاج بابوي على كتوفي وسويت زي اللي انت سويته هذا ياوليدي (( تصورا كيف ردة الدين شوفوا الموقف ))


في العقوق

هذا واحد زوجته متضايقه من ابوه المريض واللي ماله إلا الله ثم هالولد
وقدرت تقنع زوجها انه يتخلى عن ابوه المريض واللي ماله احد بهالدينا إلا هالولد
فكر يحطه بدار العجزة بس مشكله لو عرفوا الناس بينفظح
فقال مالي إلا اشيله واحطه عن باب مسجد وفي وقت متأخر والمسلمين ماراح يقصرون معه ( تفكيرعقيم )
قرر يشيل ابوه المريض ويحطه عند باب مسجد في آخر الليل وهو طالع من البيت وشايل ابوه صاح الولد يبي يروح معهم
المهم راح وكان شايل ابوه في بطانيه وحطه عند باب مسجد ورجع للسياره وماحصل الولد
التفت لقى الولد شايل البطانيه من تحت جده الشايب , جاه ابوه وقاله خل البطانيه وش تبي بها مهيب زينه وكلها خياس

قاله الولد :اباخذ البطانيه معي علشان إذا كبرت يابوي اسوي بك مثل ماسويت لأبوك .
رجع الرجال وشال ابوه وهو متندم وانقلب 180 درجه بفضل الله وبفضل ولده الصغير اللي نبهه وانقذه من ذنب عظيم راح يكلفه الشي الكثير في دنياه وفي آخرته.


لست في ماذكرت استعطف إلا مشاعركم تجاه والدينكم ليس تقصيراً منكم ولكن تذكيراً بفضل الوالدين
وكلي أمل أن أطلب منكم البر بوالديكم لانه لايحس بقيمة الشي إلا المحروم منه

عذراً على الإطاله وقد تعمدت نقل الصورة كامله كما هي .

أخوكم طرش بحر
كوينينه أم الهكي

[سعودية]

لا حول ولا قوة الا بالله

[مثلي .. لم ترى]

الدنيا دين وسلف ومثل ماعمل في ابوه ولده راح يعمل فيه ..

سبحان الله مافي شي في الدنيا يضيع وخصوصا عقوق الوالدين ...

هوا الذنب الوحيد اللي الشخص يشوف عقوبته في الدنيا قبل الاخره ...

مرررا اتاثرت من السالفه ...

حسبي الله ونعم الوكيل ...

bp039

[NawaL]

هلابك طرش ، اشيد باسلوبك الرائع جدا ً في الطرح ،

سبحان الله ، بر في الوالدين " توهب " لك الحياه ،

بر الوالدين من اعظم المنح اللي الله رزقنا فيها ،

فقط تحتاج تبر فيهم ، وتشوف كيف امورك تتيسر وحياتك تكون على افضل مايكون ،

.

ومايحس بقيمتهم إلا الي فقدهم ، وش احسن من دعوتهم ع الصبح ،
الله يحفظم ، ويقدر الجميع على برهم ،

.


اخوك ، صدقني يمكن كثير مثل حالته وأسوأ ،

احد الأسباب في جفاء الولد لأهله الزوجه ،

ممكن يكون هو فيه خير ، ممكن يخاف الله في اهله ويقدرهم ،

لكن إذا الزوجه تحاول تبعده عنهم ، بتقدر ،


ماتدري هالزوجه ان بر زوجها بأهله ، هي الربحانه الأولى والأخيره ،

اذا بر بأهله ، بتييسر اموره ، يبر في اولاده ، الله يوفقه في حياته ،


لكن ان الغضب صار عليه ، والعقوق كان اسلوبه ، من وين يبون التوفيق ؟

.


اهتم بالماديات والورث ، الدنيا زائله لا محاله ، مايبقى لنا منها إلا الأعمال الصالحه ،

الواحد مايدعي المثاليه ويقول لا والله المال مو مهم ، بالعكس هو عامل العيش بحياه كريمه ،

لكن مو على حسابه ، والإنشغال له ، نقصر في امور الآخر ، وبر الوالدين وصلة الرحم !!!


.


صلة الرحم الي يحاول ابو محمد يقطعها مع اخوانه واهله ،
عن النبي صلى الله عليه وسلم: "إن الرحم شُجْنة من الرحمن،
فقال الله: من وصلك وصلته، ومن قطعك قطعته".

من بر الوالدين تصل اقاربهم بعد وفاتهم ،


.

الله يثبتك ، استمر في وصل اخوك ، واعتبره من بر والديك ،



موضوع قيّم ، يعطيك العافيه ،

[Bubble]

طرش ياهلا فيك


اولاً الله يرحم الوالد ويسكنه جنات النعيم وجميع اموات المسلمين ..

والله يحنن قلب اخوك عليكم ويؤلف بين قلوبكم يارب


فعلا الدنيا سلف ودين وعلى قولة جدتي ( ماسويت سوا بك )

اما الوالدين الله يرزقنا برهم يارب


جزاك الله خير والله يعطيك الف عافيه

bp039

[طرف زوليه]

ياربي ..قطعت قليبي.. بسالفة ابوك الله يغفر له...


برايفت لـ طرش... ... هذي وانا اختك.. سنة كردووس ..ترتفع الـ .... وتطمن..الروس..

الله لا يحرمني بر امي ويرحم ابوي....

[دجه هانم]

والله شي يعور القلب :( ,, ياناس كلش ولاالوالديييييييييييين :(

الله يرحم ابيك وكل ابهاات المسلمين :( pb189

الدنيا كلها سلف ودين :( ,,

الله لايحرمني منهم ويخليهم لي وعساني ارد لو شوي من الجميل اللي فوق راسي pb189

ابوي وامي احبــكم وقاااااسمن بالله pb189 ,, الله لايحرمني منــــكم pb189 ,, وجعل يومي قبل يومــــكم pb189

[رجول حرفي]

والله يا طرش اني قليبي يتفطر من سالفتكpb093 مير لا يضيق صديرك والله ان ذالرجال سياكل ومدواره لحرمته :sm18:
معن اني زلعلتن عليك:rolleyes: بس والله ان قليبي ابيض ابيض من فنيلتك والله يستر ماتصير مصفره من الوصخ pb192
ولاتخاف ترى الدنيا سلف جعلها ماتدور علينا وبيشوفها وبتذكر كلام رجول حرفي :sm12:
ومن طاب طاب لنفسه:)
واحرص اشد الحرص لا تصير سيكل مع مرتك :sm4:

[فالتهااا]

الله يرحم ابوك ويرحم جميع اموات المسلمين ،،


الدنيا سلف ودين و دواره


ومن بر بأهله برو فيه عياله ..


وهذا انتشر الحين علاقة الأسر كل مالها تتفكك وترجع لقلة الوازع الديني ،،




وجعل عيالك ياطرش يبرون بك bp039



يعطيك العافيه ،،



،

[رنـّو]

قرأت القصة قبل..
بس نفس التأثير العنيف :(
فعلا تفاصيل مؤلمة..
ودرس قيّم لكل ابن وابنة..

من جد كذا الدنيا تدور, ويوم لك ويوم عليك..
and what goes around comes around


وانت سويت اللي عليك انشالله, لك الاجر وانشالله اولادك بيردولك برّك bp039


بس بصراحة...في بشر غريبين يشاركونا كوكبنا pb093

[لوتي]

والله وربي بكيتني:sm1:

لا حول ولا قوة الابالله

الله يرحم والدك والدي ويسكنهم جنات النعيم....

والله يرزقنا بر امهاتنا...:(

موقف اخوك يدمي القلوب :( .... وفعلا الزوجه لها اثر كبير للاسف ... الله يهديه ويفتح عليه

ومشكلتهم اذا شابوا وجاهم اللي جاهم تذكروا ما ضيهم ...بس لا بد يجي يومه والله يستر :(

والقصه ......!!ما اقول الا الله الطف بخلقه:(


وان شاء الله كل شيء باجره... وعملك كبير عند رب العالمين....

وعمر الدنيا ما تدوم لاحد ابدا....مثل ماهي لك لا بد يجي يوم عليك اذا انت ضدها....!!!

الله يزيدنا ير لاهلنا bp039

والله يرزقك بر عيالك ........وانا بعدpb094

[أحسن أحد]

طرش ..

وقسمن بالله دمعت عيني وأنا أقرى .. :( ..


الله يجبر بخاطرك .. وإن شاء الله تلقاها في الآخره ..


الله يرحم أبوك ,, ويغمّد روحه الجنه ..


والله يسهل لك دروبك في الحياة ..


ويجعل حياتك كلها أفراح بأفراح ..

[رايح فيها]

الي شاف غير الي سمع
وانا عاشرتك وشايف كل شي سويته وعارف كيف كان تعامل اخوك قبل وبعد وفاة ابوك الله يغفر له

وهالشي يزيدني شرف انك اخو اكثر من صديق : )

[أحسن أحد]

الي شاف غير الي سمع
وانا عاشرتك وشايف كل شي سويته وعارف كيف كان تعامل اخوك قبل وبعد وفاة ابوك الله يغفر له

وهالشي يزيدني شرف انك اخو اكثر من صديق : )

الله يكثّر من أمثالك .. :) ..


معليش على اللقافه .. بس والله الموضوع ضيق صدري .. :( ..

[عهــــود]

قرأت القصة قبل..
بس نفس التأثير العنيف :(
فعلا تفاصيل مؤلمة..
ودرس قيّم لكل ابن وابنة..

pb093

me too :(

طرش bp039

الله يرحم والدك ..

ويهدي اخوك ..



تحية لنقاءك

[لمعه الماسه]

لاحول ولا قوة الا بالله العظيم


اولاً: الله يرحم الوالد ويسكنه فسيح جناته
وخالي وجدي وجميع موتى المسلمين (آمين)


ثانياً: أحب اهنيك على برك بوالدك :)
والله يجزاك كل خير ويعطيك على قد نيتك :)


ثالثاً: يتقطع قلبي الماً على اخوك مع اني ماأعرفه
شلون واهو من لحمك ودمك :(
والله حاسه بإحساسك وألمك عليه:(

الله يلين قلبة ويهديه لمصلحتة ويارب انك ترحمه وتتوب عليه قبل لاينحط بها المكان :(


وحبيت انوه لشغلة

يااخوان والله زوجته مالها ذنب
لو انها غلطانه ومتعمده انها تكبر ها الفجوة اللي بين زوجها واهله
اهو ماعنده مخ؟
ماله شخصيه؟
أظل مقتنعه لو هو ماعنده الإستعداد ماكان انجرف ورى افكارها السودا pb093


(ولاَ تَقُلْ لَهْماَ أُفٍ وَلاتَنْهَرْهُمَا)

فما بالك بالعقوق :(

اخوك غافل أغفلتة دنياه وزينتها (زوجته اولاده والفلوس)

اتمنى انك ماتفقد الأمل فيه وتظل تلاحقه لأنك مثاب على نيتك طبعاً
وجعلها الله في موازين اعمالك
والله يطرح له الهدايه على يديك ... الله كريم :)


تحياتي:)

[Guess who]

ياااااااه مره مؤثر كلامك
.
.
صدقت ياخوي بكل كلمه كتبتها
الله يمهل ولا يهمل
هالدنيا دين
كثر ما تعطي فيها اليوم
كثر ما تعطيك هي بكره
.
.
سبحانه لما قارن رضاه بـ رضا الوالدين
عجب عجاب من هالناس اللي تجحد فضل والدينها عليهم
والاغرب والمؤلم اي قلب جواتهم يخليهم يشيلوونهم ويركبوونهم السياره
عشان يودوونهم دار العجزه
كانهم يقولون لهم خلاص انتهت صلاحيتكم من الدنيا
روحو هناك مرحلة انتظار لـ انتقالكم لـ دار ثانيه
.
.
كفيت ووفيت بموضوعك
رساله بالصميم
.
.
احلا سلااام

[قشامه محترقه]

مسيك بالخير طرش

ورب البيت اني بتسيت وانا اقرا قصتك

وشو اخوك ذا ماعنده احساس يعني البسه وهي البسه ترحم مايخالف ادري انه اخوك بس وربي شي يقهر

بس يالله الله يهديه

بس مايخالف ... هو غلط والغلط راكبه من ساسه لين راسه بس ترا الرجال على وجيهم الشرهه على حرمته

لعنبو بليسها الرجال بيموت هذا وهو عمها اجل لو انه غريب وش بتسوي

ايييييه ... الدنيا قاعدتن لاهلها ...

الله يرزقني بر امي وابوي يااربي بس

ويهدي اخووك غصبن من على خشمه .. مع انه خلاص بس هه بيجيه يوم ويصحى ويقول وهـ وين ابيي ليته فيه

احب مواطي رجليه

الله يوفقك ويرزقك بر اميمتك تسان انها حيه ويرحم ابيك ويغفر له

تحياتي .. :(

[قراءة]

بل العكس ياطرش... المواقف اللي مثل كذاا للأسف كثيرة

أما من ولد أو بنت أو أخو وأخت......وتطول القائمة !!

من أهم أسبابها وتفشيهاا..... ضعف الوازع الديني بين الناس... "صلة الرحم" أجرها كبير..

عن أبي هريرة رضي الله عنه عن النبي صلى الله عليه وسلم قال: "إن الله خلق الخلق، حتى إذا فَرَغ من خلقه قالت الرحم: هذا مقام العائذ بك من القطيعة؛ قال: نعم، أما ترضين أن أصل من وصلك وأقطع من قطعك؟ قالت: بلى يا رب؛ قال: فهو لك؛ قال رسول الله صلى الله عليه وسلم: اقرأوا إن شئتم: "فهل عسيتم إن توليتم أن تفسدوا في الأرض وتقطعوا أرحامكم".

الدنيا سلف ودين..

ومهما نسوي للوالدينا مانوفيهم حقهم...

وشي يوجع اللي حصلك...حنا قريناة وتأثرنا..كيف أنت اللي تعايشة معه..!!

الله يثوبك على عملك..واللي سويته حق وواجب لوالدك..


طرش..
جعل الله يرزقك بعيال يبرون فيك ويبلغك فيهم.. pb192

[جـنــون مهـــرة]

يــاجعله الجنــة أبوك وموتـى المسلميــن جميعـا ً يـارب :(



والله إنه الدنيـا كلهـا تهـــون بعينـي إذا سمعت مثل هالحكي !

موضوعـك فيه عبـر كثيـــرة ، والسعيد من اتعظ منه ..




بـر الوالديـــن ..


الشيء الوحيــد اللي تلقـى جــزاه في الدنيـا قبل الآخـــرة ..

إن كانك فضلتهم على كل شي بدنيـاك ، بتلقـاها في حياتـك وعيالك

وإن كان آخر إهتماماتك رضـى والدينـك ، بتلقـى نفس المعاملة بدنيـاك قبل موتك !




الزوجـــة ..



لهـا دور كبيـــر في حياة زوجهــا وتوجيهه !

إن كانت صالحــة بـ يكون لها التأثير الكبيـر على تصرفات زوجهـا ..

وإن كانت الدنيا أكبر همها وسعادتها فقط ، بيكون زوجهـا ظلها في كل شي تبيه ..

مانلغي دور الرجـل أبدا ً ، ولكن ! المرأه فعـلا ً لها دور كبير في تغير زوجها للأفضل أو الأسوء




المشكلــة الحقيقـية هنـا في القــدوة !



أبنـاء ويشوفون آبائهــم في جفــاء لوالدينهــم ، كيف بتكون نظرتهم للحياة بكبرهـا ؟

كيف بتكون نظرتهم لأبائهم أنفسهم ؟

وكيف بكـرى إذا كبروا وكونوا بيــوت بـ تكون حياتهم وتربيتهم لأبنائهم ؟




الدنيــا كلهـا إختبـــار حتى بـ أصغر الأمور ..

كيف بـ أغلى ماعليهـا آباءنـا وأمهاتنــا ..

الدنيــا دوّاره وياسرع ماتدور على من قصّر فيها ..




النـــدم " أشين " إحســـاس نحســه ، وعمره ماينفع إذا فات الفـــوت ..




الله يتــوب علينـا ويقدّرنا على برّ والدينــا ، ويخليهم لنـا تــاج على رووسنـا

ولايحرمنـا منهم يـــارب ..





طرش بحـــر ..



الله يجـــزاك بالجنــة يـارب ، ويقدّرك على والدتـك وإخوانــــك

والله لايضيع أجـــرك ، ويرزقـك في دنيــاك كل ماتتمنـاه يــارب ويوفقك دنيا وآخرة ..

ويحنن قلب أخوك ويهديــه يــارب لنفســـه ..

صدقني .. الموضوع في الصميم وحرّك كل المشاعــر لكل من قراه

ولأنه نصيحتك من قلبــك ، وصلـــت والله يجزاك كل خيــر ..


< === :(

[أتعبني غروري]

كــش جــلدي!

اللي يسعني أقــوله هنــا بعيد عن بر الوالدين \ وعقــوقهم!

الله ياكبر أجرك انشاء الله!

صدقني الدنيا مثل الحــرث كل شئ نجــنية بالأخرة نحصله!

وفيه منا اللي يصيب واللي يخيــب بحــرثه ,,

:)

;


يمكن قرأتي الأولى لك هنـا!
لكــن توكد ,, كبــرت بالعيــن كثيــر
بــزمن قلائل من يكبــر بعينك!


موفق يــارب بحيــاتك كلها .. ويكفي لو جاك من هالأمور كلها راحة والدينك
ورضاهــم عــليك!


( بجنات الفــردوس والدك أنشـاء الله! )

:)

[عتريــــــس]

حاجة تعور القلب ..,
من بعـد مايكـبر ويعتمد على نفسة أول حاجة يسويها يتخلى عن أهله .!
يجازيهم بالجفا .. مايدري انه بيجي يوم وبيشـوف نفسـه بأولاده : \

..,‘

((اخوك غافل أغفلتة دنياه وزينتها (زوجته اولاده والفلوس)
اتمنى انك ماتفقد الأمل فيه وتظل تلاحقه لأنك مثاب على نيتك طبعاً
وجعلها الله في موازين اعمالك
والله يطرح له الهدايه على يديك ... الله كريم ))


تحياتي لك طـرش ..
والله يوفقك دنيا واخره

[يوسف]

حياك ياطرش
الله يرحم ابيك يارب ويحفظلك امك وترفع راسها فيك
تبي الصراحة قصتك أثرت فيني بشكل كبير وفتحت الالام ومواجع مابي اتذكرها
لان الي شفته بعينك شفته انا اكثر من مره والى الان
عندي ثلالث اخوان كبار من ابوي ماشاف ابوي فيهم خير نهائيا .. رغم ان الوالد مزوجهم من فلوسه
ودافع مهر كل واحد فيهم من دم قلبه وشاريله سيارة قبل الزواج .. لكنهم ساحبين على الوالد
ومعطينه اشكل .. ليش ... ماأدري وش قصتهم .. ؟
حتى الزيارات في الاعياد والمناسبات هاذي مايعرفونها نهائيا .. هاذي تصرفاتهم مع الوالد فقط
غير تصرفاتهم ومضايقتهم لي انا بالذات خصوصا واحد من اخواني ماأقول الا الله يهديه .. موظف
معي في الدائرة الي انا فيها وكل ماجيت اسلم عليه يعطيني اشكل ويفشلني قدام الرجاجيل
كني طالب منه فلوس ولا طالب منه ثار

( المشاكل الي بين الاخوان خصوصا ان كانوا من ابو هذي منتشره بشكل فضيع ومخجل )

الله يرحم والدك ياطرش ويرحم موتى المسلمين . والله يتــوب علينـا ويقدّرنا على بر والدينا
والله يهدي اخوك لجادة صوابه

[wise.woman]

عندنا وعندك خير يا خوي هههه :)
عندي اخوان مايعرفون امي وابوي الا بالاشهر مره، والمصيبة اننا اشقاء من ام واب واحد !
الله يرحم ابوك ويغفر له، ويكثر من أمثالك
وأبشر بسعة الرزق وأنا أختك :) بس إنت استمر باخلاص النية

bp039

[ماجد ناصر]

لاحول ولا قوة الا باالله العلي العظيم

كل شي يهون الا الوالدين

الحين اذا صاحب ولا اخ ولاقريب وصانا على شي تلقانا نجتهد له

والله سبحان وتعالى وصانا على والدينا وللاسف تصدر منا مثل هالتصرفات

ليت الواحد يقدر يوصل لامه وابوه اليوم قبل بكره ويحب روسهم ويتهنا بقربهم

مااقول غير الله يصبرنا

[أم كشه شقراء]

لا حول و لا قوة الا بالله

في ناس قلوبهم قاسيه

:(



اهلكم .. جنتكم و ناركم

,

المفروض الزوجه
تساعد الزوج ببر اهله
موب العكس
:(

وش ماتسوي بتشوفه
بعيالها .. مين مايبي
لما يكبر بالعمر و يشيب
احد يهتم فيه
و هالأحد يكون أقرب قريب / الي هم عياله

,


الله يحنن قلوب كل الناس pb189


طرش بحر ,,
الله يرحم الوالد , و يجعله من سكان الجنه
و الله يهدي اخوك و زوجته

تشكر على الموضوع
مـوفـق

[غرنوق]

لاحول ولاقوة الا بالله

ضيقت صدري يابوبحر :(

[hilali_cool]

لا حــــول ولا قـــوه الا بالله :(

معقوله فيه بشر بهالقســـاوة :(

الله يرحم أبــــوك ويغفر له

والله يهدي أخوك :(

[عروة باب]

لا حول ولا قوة الا بالله اخوك قلبه حجر ا


( انا قلبي على ولدي انفطر وقلب ولدي علي حجر)

الله يغفر لابوك ويغفر لامي ويرحمهم عن النار يارب ويجعل قبورهم روضة من رياض الجنه اللهم امين وكل سملم يارب


وهم يمشون الابن واعذروني على الكلمه شاف جزء من عورة ابوه طالعه وواضحه له , تخيلوا قام ومسكها


وحبها ( باسها ) الاب شاف الموقف وبكى , يسأله الولد ليش يابوي تبكي وانا حاج بك على كتوفي

انا اللي سمعته ان الاب كان يبي يتبول اعزكم الله... وكان في هذا الوقت حر وشمس قام الولد حط يده تحت عورة ابوه


عشان ماتتاثر من حر الشمس بكى ابوه وقالاني كنت انا مسويها قبلك لابوي

هذا والله واعلم
bp039

[La ViTa]

طرش بحر

يالله السالفه تضيق الصدر :(
فيه ناس لهالدرجه ماعندها قلب !
تحس إنهم مو بشر من اللي نسمعه :(

الله يرحم الوالد ويسكنه فسيح جناته
رحم الله موتاكم .. وموتانا إنشاءالله ..
وبإذن الله إنه بيرد لك برك بوالدك ..

:

الله يطول بعمر الوالدين وإنشاءالله نضمن رضاهم
ونبرهم .. ونطيعهم .. ويخليهم لنا يارب ..
والله لا يجعلنا من العاقين آمين يارب ..

[ابو لمخه]

اخوي طرش .

اُقسم بالله العلي العظيم اللي ما غيره رب .. إني قريت سالفتك ولا قدرت أرد وإني ما أقدر أشوف الكيبورد من الدموع وأحس راسي يبي ينفجر .

الله يرحم والدك ويسكنه فسيح جناته .. ولي عوده مطوله بإذن الله لأني ما أقدر أكمل هالحين !!!!!!!
تحياتي لك يا عزيزي .

[مخنوشه]

الله يغفر لوالدك ويرحمه ولجميع موتى المسلمين

وان شاء الله يبرون بك عيالك :)

[..بندر..]

اخوي العزيز طرش

لي اسبوعين اكتب واقرا في هالساحه الطيبه .. بس اقولها بصراحه نزلت دمعتي لأول مره لما قريت موضوعك ..تكدر مزاجي ان ارى اخوان يعاملون والديهم واخوهم بهالشكل ..لكن احب اطمنك واقول لك صحيح اخوك تخلى عنكم .. لكنك كسبت 127,552 اخ لك وهم اعضاء ساحة الاقلاع bp039


الله يرحم والدينا والديك والمسلمين ويجمعنا بهم في جنات النعيم ..ويهدي اخواننا واخواتنا

[ترن ترن ؟؟]

الله يرحم ابوك ويغفر له واميمتي وجميع اموات المسلمين

واخووك مدري وش اقول غير الله يهدييييه والحمد الله منتو محتاجينه ولا شي والله يخليك لميمتك ووخويانك يارب

والله لا يقسي قلوووبنااا :(

[لافندر]

إن الله لا يضيع أجر المحسنين :)

[باسوورد]

لاحول ولا قوة الا بالله.....

مافيه شي أعظم من بر الوالدين...........

والله يهدي اخوك ويخليكم لبعض........

[عــــروق نجـــد]

الله يرحم والدك ويسكنه الجنه يارب

والحمدلله ابوك كسبان بوجود ولد مثلك واخوك هو الخسران وكما تدين تدان

والزوجة لها دور كبير في هالعقوق الله يهديها .

الله يهديك يا ابو محمد :(

[miss potato]

طرش

:(


يالله شي يعور القلب بقووووه

:(

الله يرحم ابوك ويغفر له


واخوك اكيد زوجته لها تاثير كبير عليه الا مافيه انسان يكون قلبه حجر كذا



وهو يفهم بالواجبات والا ماكان وداها عند اختها لانها لحالها


بس اولي عليه انه يبر باهله



الله يصلحه


وبيشوف كل هذا في عياله


وانشاء الله ابوك يكون ميت وهو راااضي عليه لان شي صعب ان ابوك يموت وهو مو راضي عنك


الله قرن عبادته ببر الوالدين


يالله اذا احنا صارخنا علي اهلنا والا صار بينا سوء تفاهم حسينا انا اجرمنا في حقهم

كيف عاد اذا سوينا مثل ماسوي اخوك !!!



الله يعينه



وانت بالعكس لك اجر كبير ومحاولاتك محسبوه في ميزان اعمالك


والله بيوفقك وعيالك بيبرون فيك اكثر من برك لابوك



bp039


:(

[الواثقه]

:( لا حول ولا قوة إلا بالله

:( ياربي حتى الموت ماله هيبه عند بعض الناس
:( إحساس ميت

الله يهدينا وياهم


ذكرتني بسالفه قديمه يقولها لنا أبوووي
هذا واحد رابط أبوه على النخله ويطقه وأبوه يصرخ ..جاو اللي حول النخل يسمعون صراخ ..شافوا الولد رابط أبوه ويطقه...لما جاو بيفكونه من ولده ..قال خلوني ..أنا سويت كذا في أبوي وهذي عقوبتيpb093

:( الدنيا سلف

طرش بحر

جزاك الله خير

bp039

[طعسه بس فله]

السلام عليكم اخوي ياطرش ..
صدقني الموضوع ممكن يكون فيه عقده هذا مع احترامي لك اخولك ماعنده قلب عديم الذمه الزوجه ماتغيره لا اذا هو غير روحه هي ممكن تاثر عليه بس مو لهدرجه...
مشكووووووووووووووووور

[قعرانة فالتحلية]

" ولا تقل لهما اف ولا تنهرهما وقل لهما قولا كريما "


" وبالوالدين احسانا "


اذا القرآن وجهنا وامرنا بهالشي في كذا موضع وش ننتظر اكثر من كذا من جد اجر عظيم للي يبر بوالدينه

ويحتسب الاجر انشالله :)


طرش الله يجزاك خير على التذكير :)

[x5iiiRx]

في المسجد اتلفت ماحصلت اخوي , ونفس الشي بالمقبره ماشفت له اي اثر
--------
لازم تتحرك وتتطلع صك حصر الارث وتشوف الاجارات ياخي انا محتاج



pb093

ياقو قلب اخوك


جعل ابوك للجنه انشاء الله ...
الله ياجرك على بر والديك .... وتلقاها في عيالك انشاء الله ...



كـــــــــــــــــــــــــــــــــــــــبـــــيـــ ر ياطــــرش ....

[شهبا مملوحه]

الله يغفر لابوك ويسكنه الجنه وجميع موتى المسلمين
مرة ضيقت صدري لاحول ولاقوة الابالله

[كمبيوتر]

انالله وانا اليه راحعون واللهي هجي اخوك وبنت عمك ويرحم ابوك

[ابو لمخه]

اخوي طرش pb189

أنا قريت الموضوع أمس و ماراح أقراه مرتـ ( ن) ثانيه .. ولكن احب أعلق على اللي أذكره pb093

الوالدين مهما كانوا لا بُد إن الواحد يتحملهم مهما جاء منهم وهالكلام معروف وما يحتاج أكرره ولكن اخوك الللللله يهديه ويسامحه ولا يبتليه ..غريب تصرفه وأعتقد إن زوجته لها دور كبير بهالشيئ ( ينفض ثوبه ويقول أبراي لله منها ) ولكن يا أخي العزيز ثق ثقه تااااااامه إنه ما يضيع شيئ .. ومثل ما تسوي بوالديك يسوون فيك عيالك ..

أللي أحب اقوله .. الله يرزقك ويوفقك ببنت الحلال اللي تسعدك .. ويرزقك الله بالذرية اللي تبر فيك إن شاء الله .

[Maja]

بقول كم حاجة.

1. الله يخلي لي أمي وأبوي... و يطول بأعمارهم..
2. الله يرحم الوالد.. قل امين.. و يخلده الفردوس.. يا رب..
3. العقوق من الذنوب الي ربي يخلي مرتكبها يشوف عذابها في الدنيا قبل الاخرة.

أسلوبك في الموضوع رائع...

[غـزالـة الـوادي]

ايييه ياطرش صدقني من تفكر وتشوف مصايب الناس بتقوول الحمدالله ..

اخوك الله يهديه فيه ناس كثير مثله خصوصا اذا كان اخ من الاب انا اتوقع انها حاله نفسيه اللي يكونون بهالحاله ولانقدر نلومهم .. اعرف واحد مرت ابوه مربيته من عمره اربع شهور لان امه تزوجت وسافرت ديره ثانيه وابوه اخذه عنده وامه ماشافها الا قليييييل.. ومرت ابوه اهي اللي زوجته وسنعته وامه للاسف ماحضرت حتى عرسه.. وهو الى الان يغير من تعامل ابوه مع اخوانه الثانيين ولا يحب مرة ابوه سبحان الله مع انها ماقصرت معاه لكن تظل حاله نفسيه pb093

ماااقول غير الله يرحم والدك ويدخله فسيح جناته ويرحم موتانا اجمعين.. ويخليلك امك ويعطيها الصحه والعافيه ان شاءالله :)

تحياتي ؛؛

[Fiorella]

فعلا حاجه تضيق الصدر:(
بس بقولكم شي عن تجربة انا اذا زعلت امي ولا ابوي اشووف اثررررها علطوووووول في حياتي
واذا راظيتهم برضو اشوف اثرها علطووول تنفتحلي كل ابواب الخير من جد مدري كيف
فمابالنا في ثوابه ولا عقابه في الاخره ,, اذا كذا في الدنيا وش بيصير في الاخره

وكما تدين تدان ,, هذي للناس ,, كيف عاد للام والأبو

ماشاء الله عليك ياطرش بحر أغبط أمك وابوك فيك ,, ماشاء الله تبارك الله:)

الله يزيدك بر لهم يارب

ويزيدنا بر والدينا ..ويطـــول بأعمارهم يارب ...آمين يارب العالمين

زي امي دايم تدعي دعوه احسهااا قمت التضحيييييية يالبي قلبتس يامي بس جعل يومي قبل يومتس << هي دايم تدعي هالدعوه لمن سالتها ليه تدعين كذا .. قالت عشان ماروح واخليكم وانتم محتاجيني وتذوقون مرارة فرقاي :sm1:

يالبييي قلبتس ياربي تشفيهم ويخليهم لنا ويطول باعمارهم

[زهرة الليمون]

لا حول ولا قوة الا بالله

الله يرحم ابوك ويجمعكم فيه بالجنه

ويرحم حال اخوك ...


انا اعتقد انه الزوجه لها دور كبير وخاصه اذا كان الرجال يعني " ماعندك احد "

[ورد هانم]

اخوي طرش
ربي يرحم ابوك ويسكنه جنات النعيم
ويبارك فيك ويحفظك للوالده ولاخوانك
ياااااااااااااارب

فعلا اصيل

[ميادة]

يمكن قرأتي الأولى لك هنـا!
لكــن توكد ,, كبــرت بالعيــن كثيــر
بــزمن قلائل من يكبــر بعينك!

احسن الله عزاك في الوالد ,, الله يرحمه و يجعله في الجنة ..
المهم أنك راضي عن نفسك و لا قصرت مع الوالد قمت بواجبك و لا انت نادم على شيء ..
أما اخوك الدنيا مليانه عجايب صدقني ..

خصوصا الأخوان الي من كذا أم .. احيان يكونون قاسيين على اخوانهم بشكل مبالغ
الغرباء ارحم و احن منهم !!

لكن اعتبرهم ماهو موجود..
حاول تواصله من باب صلة الرحم و لو ماتغير
هو الخسران الله يهديه ,,

سبحان الله يابعض الناس كيف قلوبهم تطاوعهم يأذون والدينهم ,,
وكيف يعيشون مرتاحين و يخلفون أولاد بثقة وراحة !!!!!!!
ويربون أولادهم و يجهزونهم لنفس الدور الي أدوه مع أبائهم من قبل !!!
بشر غريبين\اغبياء\غافلين

[l i l l y]

عظم الله أجرك
والحين للأسف أغلب الناس ماصاروا يهتمون بالأب والأم
الله يهدينا :(
الله يغفر لأبوك ويرحمه ويسكنه الجنه
راح لخير من هالدنيا، وان شالله انه سعيد
والله يهدي كل مقصر بحق والدينه
ألف تحية
bp039
bp039

[نغـم]

طرش بحر حسيتك كاتب رساله ودك توصل لأخيك لكنك ماقدرت

لا حول ولاقوة الا بالله العلي العظيم
الاساس من تربية الأم لوكانت ربت اولادها على البر بالوالدين ما كان أحد منهم قدر
يعقهم و واللي يزيد على الطين بله اذا تزوجوا كانت الزوجة خير معين على العقوق !!نفسي أعرف كيف الوحده منهم تقدر تسيطر لهذه الدرجة على الزوج وتلغي حتى انسانيته
واخوك ياويله من ضميره اذا صحا في يوم من الايام بعد فوات الاوان,,,

مؤلم جداً ما كتبته عزيزي تنزف منه القلوب فقدان الوالد يحدث فراغ لا يمكن ملؤه
ووجود اخ اكبر قاطع رحم مشكلة ,,, الله يصبركم ويرحم والدك ويسكنه فسيح جناته
ويرزقك بالزوجة الصالحة التي تعينك على برك بأهلك
والله اني أحاتي الصغار الله يجبر خاطرهم,,

[طرش بحر]

سعودية

الف شكر لك على مرورك وتشريفك للموضوع

مثلي .. لم ترى

شاكر لك مرورك وتشريفك

نوال

هلابك يالزميلة

نورتي الموضوع
والف شكر لك على تشريفك لي وللموضوع يالغالية

Bubble

يا مال العافيه والله على هالمرور الاطخم

طرف زوليه

حياك الله ولاهنتي على مرورك ولايحرمك بر والديك يارب

دجه هانم

هلابك يامزموزيل ونورتي الموضوع بهالطله

رجول حرفي

مشكورة على تشريفك ومرورك
وإذا زعلانه نرضيك يالشينه

فالتها

مشكورة وماقصرتي و لاعدمتك ومرورك العذب

رنو

هلابك والله وهذا من ذوقك وشاكر لك ومقدر هالتشريف الغالي لي وللموضوع

لوتي

هلا بك يالغالية
منوره الموضوع وراعيه
الف شكر لك ولاعدمتك

احسن احد pb189

عاجز عن شكرك
الله يديم المحبه ولايحرمني من تواصلك ياخوي pb189

رايح فيها

اخ واقرب من الاخ يالشين
شاكر لك تعطيرك لهالصفحه بمرورك الاطخم

عهود

شاكر مرورك الاطخم يالغالية ولاعدمتك

لمعة الماسه

اعجز عن شكرك بصراحه وتسلمين لي على هالتشريف الغالي والله

Guess who

مرورك زادني شرف يالغالية ولاعدمتك على هالرد الاطخم

قشامه محترقه

لاهنتي والله على هالطله العذبه والتشريف لي وللموضوع

قراءة

الزميلة الغالية
لاعدمتك ولا ننحرم من تواجدك العذب دايم ياربي

جنون مهرة

تشرفت بتواجدك في هالصفحه يالغالية
الف شكر لك على هالتشريف ولاعدمتك

اتعبني غروري

هلابك يالغالية
وعاجز عن شكرك على هالتشريف الغالي

عتريس

الشكر لك والله على هالتشريف الغالي
ولاعدمتك يامال العافيه والله

abuwabdallh

الف شكر لك وانا اخوك على هالطلة الغالية على قلبي فعلاً
لاعدمتك ياخوي


wise.woman

الف شكر لك على هالطله الحلوه ولاعدمناك

ماجد ناصر

تسلم لي وانا اخوك على هالتشريف والف شكر لك

ام كشه شقراء

تشريفك زادني شرف والله
الله لايحرمني من تواجدك العذب

سعد القوي

شكراً وانا اخوك والوعد فيذاك

hilali_cool

هلابك وشرفتني بهالطله الطخمى ياشيخ

عروة باب

لاهنتي على هالطله الحلوه والف شكر لك يالغالية

+[ La ViTa ]+

يالبى هالحضور الاطخم
الف شكر لك ولاعدمتك والله

ابو لمخه

اخ عزيز وغالي والله
لاعدمتك وتواجدك الغالي على قلبي


منخوشه

الف شكر لك على مرورك وتشريفك للموضوع

بندر

ردك يابندر من الردود الي دخلت قلبي وانا اخوك ولايهونون الباقين الي شرفوني بهالتوجد الي فعلاً عزيز على قلبي

الله لايهينك ويكفي اني كسبت ناس مثلك وشرواك يالغالي

لاعدمتك واتشرف بتواجدك

ترن ترن

الله لايهينك على هالطله والتشريف الغالي
لاعدمتك

لافندر

لك كل الشكر على هالطله الحلوه

باسوورد

الله لايهينك والف شكر على طلتك الحلوه

عروق نجد

الله لايهينك يالغالية على تشريفك لي وللموضوع

miss potato

مرورك الغالي زادني شرف
الله لايهينك والف شكر لك على هالتشريف الاطخم

الواثقه

الله لايهينك ولا يحرمني من مثل هالتواجد العذب
الف شكر لك ولاعدمتك

طعسه بس فله

عشنا وياما حنشوف

الله لايهينك والف شكر لك على تواجدك هنا

قعرانة في التحلية

الف شكر لك على تواجدك يالغالية
لاعدمتك والله

x5iiiRx

لاهنت والف شكر لك على تشريفك لي وللموضوع

شهبا مملوحه

الله يوسع صدرك بالعافيه
والف شكر لك على تواجدك وتشريفك للموضوع

كمبيوتر

لاهنت والف شكر لك على مرورك

Maja

آميييين

والف شكر لك على تشريفك لي وللموضوع ولاعدمت هالتواجد العذب

غـزالـة الـوادي

الدينا حكم ودروس

الله لايهينك على هالتواجد الاطخم
والف شكر لك ولاعدمتك

ام الغوايش

تسلمين على هالتواجد العذب
الف شكر لك ولاعدمتك

زهرة الليمون

شاكر لك هالتواجد الغالي ولاعدمتك والله

ورده هانم

لاهنتي على تشريفك لي وللموضوع
الف شكر لك ولاعدمتك

ميادة

تواجدك زادني شرف يالغالية

لاعدمتك دايم بصفحاتي

برديس

الف شكر لك يالغالية
ولاعدمتك على تشريفك لي وللموضوع

نغم

تشريفك للموضوع شرف لي
الف شكر لك ولاعدمتك دوم يارب





**للكل من مر هناpb189 pb189

الف شكر وفعلاً ماكنت متصور هالتفاعل الي عرفني بوجود ناس قلوبهم اطيب من الطيب نفسه
الجميع مروركم شرف لي شخصياً

ولاعدمت تواجدكم وتشريفكم لي

[SaDeEeM]

اول شي الله يرحم الوالد ويسكنه فسيح جناته وكل مسلم ان شاء الله ..

ثاني شي تشكر على جرأة طرحك .. مثل ماذكرت بمقدمتك ان هالموضوع يمس خصوصيتك بالدرجة الأولى ..

وأسلوبك بالفعل دخل للقلب وأتمنى انه أثر في كل مقصر أو مقصرة بحق والديهم ..

وانا اختك هالدنيا للأسف فيها نسخ مكررة من أبو محمد وناس اخف وناس أعظم منه ..

الله لايبلانا من جد انا اشوفها بلوى وموتة قلب ..

والله لو نسوي لهم كل شي نظل مقصرين بحقهم .. ومالنا منه بعد ..

ماقول الا الله يرزقنا برهم ويرحم الاموات منهم .. ويجمعنا فيهم في جناته ان شاء الله ..

اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت
به أجبت ، أن تبسط على والداي من بركاتك ورحمتك ورزقك..





اللهم ألبسهما العافية حتى يهنئا بالمعيشة ، واختم لهما بالمغفرة حتى لا تضرهما
الذنوب ، اللهم اكفيهما كل هول دون الجنة حتى تُبَلِّغْهما إياها .. برحمتك يا ارحم
الراحمين ..






اللهم لا تجعل لهما ذنبا إلا غفرته ، ولا هما إلا فرجته ، ولا حاجة من حوائج
الدنيا هي لك رضا ولهما فيها صلاح إلا قضيتها, اللهم ولا تجعل لهما حاجة عند أحد
غيرك

اللهم و أقر أعينهما بما يتمنياه لنا في الدنيا

اللهم إجعل أوقاتهما بذكرك معمورة

اللهم أسعدهما بتقواك

اللهم اجعلهما في ضمانك وأمانك وإحسانك

اللهم ارزقهما عيشا قارا ، ورزقا دارا ، وعملا بارا

اللهم ارزقهما الجنة وما يقربهما إليها من قول اوعمل ، وباعد بينهما وبين النار
وبين ما يقربهما إليها من قول أو عمل

اللهم اجعلهما من الذاكرين لك ، الشاكرين لك ، الطائعين لك ، المنيبين لك

اللهم واجعل أوسع رزقهما عند كبر سنهما وانقطاع عمرهما

اللهم واغفر لهما جميع ما مضى من ذنوبهما ، واعصمهما فيما بقي من عمرهما، و ارزقهما
عملا زاكيا ترضى به عنهما

اللهم تقبل توبتهما ، وأجب دعواتهما

اللهم إنا نعوذ بك أن تردهما إلى أرذل العمر

اللهم واختم بالحسنات أعمالهما..... اللهم آمين

اللهم وأعنا على برهما حتى يرضيا عنا فترضى ، اللهم اعنا على الإحسان إليهما في
كبرهما

اللهم وارضهما علينا ، اللهم ولا تتوفاهما إلا وهما راضيان عنا تمام الرضى ،
اللهم و اعنا على خدمتهما كما ينبغي لهما علينا، اللهم اجعلنا بارين طائعين لهما

اللهم ارزقنا رضاهما ونعوذ بك من عقوقهما

اللهم ارزقنا رضاهما ونعوذ بك من عقوقهما

اللهم ارزقنا رضاهما ونعوذ بك من عقوقهما

اللهم آمين
اللهم آمين
اللهم آمين

------------------------------------------------------------------------------------------------------

اخوي طرش بحر .. الف شكر لك على هالموضوع المهم ..

.. سديم ..

[خلود21]

الله يغفر لابوك ,,, ويرحمه
موضوعك جدا مؤثر ,,, وأنا بالبدايه حسبته قصه خياليه ماصدقت,,,

إن شاء الله أنه أبوك مات وهو راضي عنك,,,

أما اخوك ,,, راح عليه أشياء كثيره ,,,من أهمها : الاجر الكبير من بر الوالدين
السؤال الحين شلون يتوفق في حياته ؟

[مجنون_اقلاع]

اخوي

الله يرحم ابوك ويسكنه الجنه ويهدي اخوك الى الطريق السوي ويهدينا جميعآ

لا اريد ان ازيد من جراحك التي لازالت تنزف دمآ واظن مما استشفيته من مما ذكرت انها ستنزف الى ان يلتم الشمل وذلك لسبب بسيط وهو كرم اخلاقك

ولكن

الا ترى ان هناك خلل في تربية اخوك الاكبر افرزت هذه التركيبه العجيبه! نعم للزوجه تأثير ولكن الاصل هي الجذور التي نمت في تربه معينه واقول

تأبى النخله ان لا تموت الا واقفه ..... سيعود اخيك ان شاء الله

رحم الله والدك واسكنه فسيح جناتك


اجمل التحايا

مجنون_اقلاع

[جوهرة]

الله يرحم أبوك ويغفر له ويجمعكم فيه بجنات النعيم
وجعل ماجاه طهور ونور و يقابل رب العالمين مطهر من الذنوب :) اللهم آمين

بالنسبة للوالد ماأعتقد انه غضب على ولده الكبير ، لأن قلب الوالدين كبير و الرحمة تغلب عليه .. وأكيد أثلج صدره برك و خدمتك له .. الله يجزاك خير
لكن أخوك بصراحة موقفه غريب .. يعني لو تتأمل وتتذكر طفولته و علاقته بأبوكم يومه صغير .. أكيد بتلقى سبب تصرفه . كثير من الأحيان يسيطر على شعور الابن فكرة معينة ، مثل ان الأبو مايحبه ، يظلمه ، يفرق بينه وبين اخوانه في المعاملة ، يقسى عليه هو بالذات ، و يكبر هالشعور و كثير مايتخلصون منه حتى بعد فترة المراهقة :(
ويفقدون كل شعور زين يربطهم بأبوهم

هذا السبب أتوقع انه أقوى من عامل الزوجة .. مهما كانت الزوجة تأثيرها قوي ، مايوصل في الولد انه يتجنب أي لقاء بأبوه لهذي الدرجة

حتى عامل الدين مهم بعد ، لأن الي فاهم الدين صح مايتجرأ يتعرض للعن وعقوبة العقوق ، لأي سبب من الأسباب

عموماً انت ماقصرت أديت الي عليك وزيادة :) وموضوعك هذا يعتبر توعية .. نسمع قصص كثير تشبهها لكن إذا سمعناها من أصحابها نتأثر أكثر .. نسأل الله سبحانه لأخوك الهداية وترى باب البر مفتوح حتى بعد وفاة الوالدين :)

[orangah]

ما شاء الله عليك يا طرش .. الله يجزاك خير على اللي تسويه !!

وبالنسبه لأخوك كما تدين تدان pb093 !! الدنيا دواره .. الله يهديه ويحنن قلبه عليكم !!


الله يرحم أبيك ويجعل مثواه الجنه !!




ضاق صدري والله !:(


اورنجه..

[علمتني الأيام]

الله يغفر لأبوك ويرحمه برحمته الواسعه..
اللي سويته بتلاقيه عند رب العالمين ..
سبحان الله الدنيا دين والله أتذكر وأنا صغيره
مر علــي نفس قصتك لناس من قرايبي واللحين
أشوفهم قدامي يسددون الدين وبنفس الطريقه..

[طرش بحر]

SaDeEeM

لاهنتي على مرورك والف شكر لك على هالتشريف الغالي لي وللموضوع

خلود21

الف شكر لك على تشريفك لي وللموضوع

مجنون_اقلاع

يا مال العافيه والله وصدقني مرورك شرفني شخصياً الف شكر لك اخوي

جوهرة

مرورك اسعدني ووسع صدري
الله يكثر من امثالك ومرورك شرفني لاعدمتك

orangah

لاهنتي والله على هالطله الحلوة والف شكر لك على هالتشريف

علمتني الأيام

حياك الله ومرورك شرفني والله
لاعدمتك والف شكر لك

[طرش بحر]

SaDeEeM

لاهنتي على مرورك والف شكر لك على هالتشريف الغالي لي وللموضوع

خلود21

الف شكر لك على تشريفك لي وللموضوع

مجنون_اقلاع

يا مال العافيه والله وصدقني مرورك شرفني شخصياً الف شكر لك اخوي

جوهرة

مرورك اسعدني ووسع صدري
الله يكثر من امثالك ومرورك شرفني لاعدمتك

orangah

لاهنتي والله على هالطله الحلوة والف شكر لك على هالتشريف

علمتني الأيام

حياك الله ومرورك شرفني والله
لاعدمتك والف شكر لك

[طرش بحر]

SaDeEeM

لاهنتي على مرورك والف شكر لك على هالتشريف الغالي لي وللموضوع

خلود21

الف شكر لك على تشريفك لي وللموضوع

مجنون_اقلاع

يا مال العافيه والله وصدقني مرورك شرفني شخصياً الف شكر لك اخوي

جوهرة

مرورك اسعدني ووسع صدري
الله يكثر من امثالك ومرورك شرفني لاعدمتك

orangah

لاهنتي والله على هالطله الحلوة والف شكر لك على هالتشريف

علمتني الأيام

حياك الله ومرورك شرفني والله
لاعدمتك والف شكر لك

[نجمـــ الليل ـة]

طرش بحر :sm1:


الله يرحم ابوك ويغفر له ويسكنه فسيح جناته



مااقول الا لاحول ولاقوة الا بالله


عدو ذا موب اخو الله يكفينا الشر

بس راح يشوفه بدنيته ويتمنى شوف عياله pb093



يعطيك الف عافيه


اختك نجمه bp039

[Najed]

الله يرحم أبييك ويجمعنا فيه في جنات النعيم ..
ويطول بعمر اميمتك على طاعته ويرزقك برها ..
قطيعة الرحم مشكله كبيره ..
اخوك لا تنساه من الدعاء ادع له بالهدايه.. مالك الا الدعاء وانا اختك..
والله يرزقك على قد نيتك ..
ولا تحاول تنبش اي شي بينكم خلك مغمض ولو معك حق .. واحتسب الاجر من الله ..
جدتي الله يحفظها تقول لأمي (عيالك مثل ميزان الذهب إذا حركتيه إهتز )
:
الله يرزقنا وإياك الذريه الصالحه ..

[12345678910]

طرشش .. انت ما أثرت فيني أنت صيحتني ..

اخوك مو بشر قسم باللله المفروض يقتل ..
ما عنده احساس .. يالله ..
حسبي الله عليه .. مدري وش اقول بس
اخوك حقييير .. ابوك يالتبن
ابووووووك !!
ياربيييييييه جد في الدنيا ناس كذا ..
انا ما اصدق المسلسلات!! ..
الله يرحم ابوك ويغفر له ويسكنه فسيح جناته

طرش احس اني بهالموضوع اشوف انسان ثااااني
طرش اخوك حقييير وما عنده اي عذر مهما كانت اعذاره
ما تبرر اللي سواه هذا ابوه ابووووه ..

وهـ الله يخلي لي ابوييييي ويطول بعمره وجعل يومي قبل يومه

[طرش بحر]

نجمـــ الليل ـة

منوره الصفحه يانجمه وشرفتيني والله
الف شكر لك ولاعدمتك

Najed

حياك يانجد وشرفتينا بمرورك العذب
لاعدمتك والف شكر لك يالعجيز

12345678910

هلابك يامن واحد لعشرة
مرورك اسعدني والله

لاعدمتك والف شكر لك

[زعبية]

السلام عليـــكم ورحمة الله ..

اخوي طرش بحر .. ادري اني المفروض جايه من قبل وراده من قبل إعذرنــي !
دخلت قررت اقرا الموضوع ولا ارد .. مالي داعي ارد متأخره كذا ..لكن موضوعك اجبرني عالرد ,,

الرجــــال من حرمتـــه ..
دايم اسمعهــا من امي وجدتي ,, وكأن هالكلمه حكمه من حكم الاولين ..
البنت لزوجها .. ممكن ان كان معدنها طيب تصلحه وتهديه لطريق الصواب ,, حتى ان كان مب ذاك الزود !..
لان سبحان الله الزوجه تأثر على زوجهـا بشكل .. يمكن الرجال مايحسون به !
وانا فيه مواقف كثيره تدل على هالشــي ..
الزوجه الصالحه الطيبه لزوجهــا خير ماحصله .. لان تأثيرها بيكون طيب !
والعكس صحيح ,,
وهذا ينطبق على زوجة اخوك .. ولا ودي اتكلم عنها ,,
الله يهديه ويصلحه ويردكم لبعض اخوان ,, يد وحده وقلب واحد ..
واخوان المسلمين ياكريم ..

تحياتي لك , آسفه على تأخيري ..

[الجوّ غيم]

كما تدين تُدان

صدقني بيجي يوم ويذوق من نفس الكاس

جعل ربي يغفر للوالد .. ويكتب لك أجره وأجر صبرك على أخوك

[ريـم]

الله يرحم والدكـ ويغفر له ويسكنه فسيح جناته .

للأسف كثرت هالمشاهد في وقتنا الحاظر مدري العيب فالناس ولا بالزمن الل احنــا فيه ..

نعيب زماننـا والعيب فينـا .... :(

القلوب قست صار كل شي عادي ..

الله يستـر من الجاي ..