دعونا نساعدهم لاختيار افضل ..! [الارشيف]

cenuor

15-06-2006, 07:48

حديث مع احد الخريجين ..

مبرررروووووك النجاح يا أحمد تستاهل والله ... وش ناوي تدخل ؟؟

الله يبارك فيك .. بس مدري ..!

وش ما تدري مستقبلك هو ؟!!

والله مدري ... مدري وش الفرق بين الطب والحاسب والعلوم الاداريه ووش موادهم بعد ..!

مدري حتى وش الفرق بين البترول والملك سعود وش احسن مدري هل الفرق بس هاذي في الشرقيه والثانيه في الرياض ..!!!!

هاه من جدك ؟؟

ايه والله مدري .. وما ابي ادخل شي بس عشان اسمه وبعدها اتوهق فيه ويمكن بعد يضيع من عمري سنين وانا

مااستفدت شي ..!

شف فلان دخل حاسب وضيع من عمره 3 سنين وبعدين حول علوم اداريه ومشت اموره ..!

وشف فلان الثاني كان في البترول وتركها بعد سنه وجاء للملك سعود ومشى وفلان الثالث بعد صار معه نفس الشي بس العكس ..!!!!

مثل هالحالات كثيره في مجتمعنا للاسف ..!

يكون طموحه الثانويه ونسبه عاليه وبعدها ما يدري وش يسوي ووين يروح ..!

وش رايكم نساعدهم باللي يبونه ..!

مثلا اي واحد من الخريجين عندهــ سؤال عن تخصص معين يحطه هنا

او اي واحد من حقين الجامعه او الخريجين يقول وش مميزات تخصصه ووش عيوبها

وبعدها يكون فيه تصور عند الخريج عن الاقسام ويصير يقدر يساعد نفسه وش يختار ..!

<----------- يسمع بالتنسيق من جد توهق بالالوان من جد حس ان الالوان غبيه :D

نوال او الشوق غيروا الالوان واختاروها بذوقكم pb192

الف مليون

15-06-2006, 08:47

اقوول سينيور هالكلام من سنيـن

الحيـن اي خريج ثانوي وش يبــي ؟؟

اميــــــــركـــــــــا

الحلم الامريكــي :)

EMILY

15-06-2006, 09:00

هلا سنيور
فكره حلوووه...

وأنا معاك ..اللي متخرجين من الثانوي مايعرفون من الجامعه الا الاسم...
وهذا اللي صار لنا دخلنا التخصص وماندري وش المواد..وانصدمنا بالطريقه
يالله خلّصنا وأفتكينا

بأتكلم عن تخصصي
الانجلش نوعين..
1-لغات وترجمه...تقريبا الاسم كذا <<وهذا اللي كنت أبغاه:(
2-أدب انجليزي

اللغات والترجمه يركز على الترجمه والمواد أغلبها فهم....
وموجود بجامعة الامام محمد بالرياض..ومدحوها كثير
والترم الاول ماأدري السنه الاولى يكون تحضير واللي ينجح منه يقبل
وأعرف أشخاص يدرسون فيها ..
ولي عوده بشكل أوسع للكلام عن هالقسم..بعد السؤال عنه

2-الادب الانجليزي
يعتمد بشكل كبييير على الحفظ وخاصه 3 مواد ماتمشي الا بالحفظ >>>هذا اللي دمرها:sm1:
الى المستوى الخامس ..عدد المواد عشر
المستوى السادس..11
السابع ..12
الثامن ..13

ندرس..في السنه الاولى( المستوى الاول والثاني)
مهارات الدراسه(study skills)...علم الاصوات ...ومحادثه...نثر.( روايه وحده لكل ترم)
.شعر..دراما(مسرحيه وحده لكل ترم)..ترجمه..ومادتين او ثلاث عامه تكون عربي.
.grammer.(.قواعد)...مقال( (essay

في السنه الثانيه..( المستوى الثالث والرابع)
نفس المواد بس يشيلون مهارات الدراسه..وتتغير المواد العامه

في السنه الثالثه..( المستوى الخامس)
نفس المواد ..باستثناء grammer…..ومادة علم الاصوات..تأخذونها باسم ثاني ..لغويات
والمواد العامه تزيد..يمكن تكون اربع..مواد:(

المستوى السادس..
تزيد مادة طرق تدريس( teaching methods)+ ..ميداني للمرحله المتوسطه

السنه الرابعه( المستوى السابع)
ميداني للمرحله الثانويه+ تزيد ماده عامه:mad:

المستوى الثامن ..
نفس المواد وتزيد ماده عربيه.pb131
.وتكون المواد
لغويات..ترجمه..مقال..شعر..نثر..مسرحيه..تاريخ لغه..
المواد العامه( عربي)..6:eek:
صحه نفسيه...ثقافه صحيه...اجتماعايات التربيه..تطور فكر...نقد أدبي..اداره وتخطيط.

في جميع المستويات تتكرر معكم
1-( مسرحيه)..دراما..2- شعر( poetry)..3-..نثر( prose)..4-مقال( essay)..5-ترجمه( translation)
6- علم الاصوات...ويتغير المسمى فقط من مستوى لمستوى

من عيوب القسم.
1-.كثرة المواد العامه ( العربي)..والمشكله أنها حشو في حشو..:sm1:
نفس المواد تتكرر وبمسميات أخرى
يعني لاتتفاجئون اذا صرتوا تذاكرون ماده ونفس الكلام مكرر بس بماده ثانيه تدرس بنفس الوقت
عندنا بمستوى سابع مادة طرق تدريس( ماده عامه بالانجلش)...وبنفس الوقت ندرس مادة ( بالعربي ) اسمها مناهج..ياربيييييي نفسسس المعلومات...بس زياده هم وبحث ومذاكر على الفاضي
مافيهم أي فايده
باستثناء..مادة ثقافه صحيه..اللي هي عن الامراض والاسعافات الاوليه

2-ومن أكبر العيوب....البحووووووووث:mad: :mad: :mad: .
حسبي اللله فيهم كل ماده لها بحث...ومن عشر درجات..
تخيلوا..كل ترم لايقل عن عشر بحوث ..والبعض 13 بحث..

3-..مانتكلم أبد..
مجرد مستمعين..يعني ماده اسمها محادثه ..نقرأها بس..مو نناقش انجلش..:rolleyes:

وفيه عيوب بسبب المدرسات أنفسهم..وطريقة شرحهم وهذي تختلف من جامعه لجامعه

وعندي اقتراح..العنوان مو مبيّن اللي داخله..
لو تكتب شئ يشير للجامعه والتخصصات..
هو مجرد اقتراح ..وسوري اذا هالشئ فيه تدّخل بموضوعكpb094

وعذرا أخوي سنيور اذا ماجاوبت على اللي تبغى ...هذا اللي قدرت عليه..
وبأحاول أجيب معلومات عن قسم اللغات والترجمه ...
واستعجلت بالكتابه تشجيعا لفكرتكbp039 ...

الافــــلاجــــي

15-06-2006, 10:38

cavallo nero

15-06-2006, 16:16

اقوول سينيور هالكلام من سنيـن

الحيـن اي خريج ثانوي وش يبــي ؟؟

اميــــــــركـــــــــا

الحلم الامريكــي :)

وامريكا مافيها تخصصات :)

موضوع ممتاز جدا ،،،

واتمنى من خريجي الثانوية اذا كان عندهم اي استفسار او حيرة يطرحونها هنا ،،،

diet

15-06-2006, 16:17

هلا سنيور bp039

انا ضد مسألة ( ما ادري وش ادخل ) الواحد المفروض يحدد تخصصه او على الأقل ميوله بنفسه , يأخذ الاستشارة اوكيه ياخذ النصحيه بالجامعة الافضل عادي .. لكن يقول وش اتخصص احسها مصيبه هذي !

لأن التخصص هو تقريباً تحديد طريق الشخص بالحياة , الي بيدخل الطب حياته بتختلف عن الي بيدخل الهندسه وغير طالب ادارة الاعمال , فـانا ضد ان احد يحدد لك اتجاهك ولازم تاخذ بميولك انت والشي الي تحس انه يناسبك حتى لو ضاع عليك سنه او اكثر وانت تجرب تخصصات المهم تشوف طريقك بنفسك

غراسيا

NawaL

15-06-2006, 16:32

هلابك ، فكرة الموضوع مره نايس ،
يعطيك الف عافيه ،

أتمنى فعلا ً مشاركة الجميع فيه لمساعدة الطلاب ،
سواء اللي بيدخل جامعه حاليا ً ، أو اللي مستجد فيها ،
له ترم او سنه ، لأن للآن الأقسام والجامعه مجتمع جديد عليهم ،

هذا غير الطلاب يسعون لتجميع معلومات اكثر ، لتحديد التخصص ،

.

.

بالنسبه لي تخصصي IT في جامعة الملك سعود ،

لخبطه اليمه في هالقسم ، كل ترم تتغير الخطه ينضاف شي ينحذف شي ،

ترم ماضي نفس المسمى ، ترم ماده ، والترم اللي بعده غير مختلفه ،

.

حاليا ً صار القسم 4 سنوات ،
8 اترام ،

سابقا ً وعلى دفعتي إلى دفعة عام 1426 لهم نظام الخمس سنوات ،

.

ماراح اقول صعب ، كل اقسام الجامعه "صعبه "
وكلها تحتاج جهد ووقت ودراسه ،

يمكن الحاسب يحتاج هارد ورك اكثر ،

.

طبيعة القسم بشكل عام ،

دراسه دراسه دراسه ،
تسليم شيتات = واجبات كل ااسبوع
بعض المواد لها مشاريع ،

طبيعة المشروع على حسب الماده ،

تكونين في المدرسه تاخذين ، الأولى دائما ً ، ونسبتك 96 % علمي ،
وتحملين في الحاسب عادي جدا ً مثلي :D

قريبة صديقتي كانت من الأوائل على مستوى المملكه ، ايام دفعتها ،
يوم دخلت حاسب اخذت 5 من 10 ، في اختبار ،

تصيح :D قلنا لها عادي جدا ً بتنشوفين منها واردى في اختبارات الحاسب ،

على كل حال مافيه مقارنه ابد بين الدراسه الجامعيه ، والدراسه في المدرسه ،

.

طبيعة القسم ، مواد برمجه ،
تطبيقات لغات برمجه تاخذينها ،
فيه مواد عامه ، كل ترم تقريبا مادتين أو ثلاث ،

.....

هذي الخطه الجديده لقسم IT في جامعهة الملك سعود ،

الخطة الجديدة:
المستوى الأول:
107 تال - مقدمة في الحاسب الآلي - 3 ساعات
112 عال - برمجة حاسبات -1- -- 3ساعات
102 نجم - اللغة الانليزية لطالبات الحاسب الآلي -6 ساعات
101 سلم - المدخل الى الثقافة الإسلامية - ساعتان
101 ريض - المدخل إلى حساب التفاضل - 3 ساعات

المستوى الثاني :
113 عال - برمجة الحاسبات -2- -- 4 ساعات
104 نجم - لغة انجليزية لطالبات الحاسب - 3 ساعات
102 ريض - المدخل لحساب التكامل - 3 ساعات
104 فيز - فيزياء عامة -2- -- 4 ساعات
102 سلم - الإسلام وبناء المجتمع - ساعتان

المستوى الثالث :
211 تال -البرمجة المرئية - 3 ساعات
110 نجم - تحرير التقارير لطالبات الحاسب - ساعتان
212 عال - تراكيب البيانات - 3 ساعات )
151 ريض - الرياضيات المتقطعة - 3 ساعات
221 تال - تنظيم الحاسب ولغة التجميع - 3 ساعات )
250 تال - مبادئ نظم المعلومات - 3 ساعات

المستوى الرابع :
223 تال - عمارة الحاسب - 3 ساعات
324 احص - الاحتمالات والاحصاء الهندسي - 3ساعات
240 تال - تقنيات الشبكات والإنترنت - 3 ساعات )
261 تال - أسس قواعد البيانات - 3 ساعات
252 تال - تحليل وتصميم نظم المعلومات - 3 ساعات
103 سلم - النظام الاقتصادي في الإسلام - ساعتان

المستوى الخامس :
311 تال - هندسة تطبيقات الشبكة النسيجية - 3ساعات
322 تال - بيئة الحاسبات الشخصية وملحقاتها - 3ساعات
332 تال - نظم التشغيل -3 ساعات
244 ريض - الجبر الخطي - 3ساعات
103 عرب - التحرير العربي - ساعتان
101 حسب - مبادئ المحاسبة -1- -3ساعات

المستوى السادس :
312 تال - هندسة البرمجيات -3ساعات
333 تال - إدارة نظم التشغيل الشبكية -3ساعات
104 سلم - النظام السياسي في الإسلام -ساعتان
364 تال - نظم إدارة قواعد البيانات - 4ساعات
111 احص - مبادئ نظرية التوزيع - 3 ساعات
231 حسب - محاسبة التكاليف -1- -3ساعات

المستوى السابع :
430 تال - أمن المعلومات - 3ساعات
490 تال - موضوعات مختارة في تقنية المعلومات (1) - 3ساعات
412 ترف - رسوم الحاسب - ساعتان
101 دار - مبادئ إدارة الأعمال - 3 ساعات
241 بحث - أنظمة المحاكاة - 3 ساعات
496 تال - مشروع 1 -ساعتان

المستوى الثامن :
305 صحة - إدارة المعلومات الصحية - 3 ساعات
472 تال - نظم الأعمال الإلكترونية -3ساعات
492 تال - موضوعات مختارة في تقنية المعلومات (2) -3 ساعات
241 دار - إدارة التسويق -3ساعات
497 تال - مشروع 2 - 4 ساعات

منتدى جامعه الملك سعود ، لجميع الأقسام تفيدكم إن شاء الله ،

http://www.cksu.com/vb/index.php

موفقين يارب جميعا ً ،

cenuor تنسيق اليم pb161 ،

وعوافي ع الموضوع ،

مثبت

Confused

15-06-2006, 17:54

محدثتكم علوم اداريه "بلا فخر".. كانت الرغبه الساادسه يمكن !!:rolleyes:
سنه ثانيه .. حاليا انازع بالكورس الصيفي :o
بصراحه فيها شويه صعوبه .. خصوصا ان نوعيه المواد جديده "علي شخصياً "
اضافه ان كل المواد انجلش ..(وانتوا عارفين تأسيسنا القوي .. من الحضانه وحنا نرطن لغات :D )
بس كمستقبل مهني .. اعتقد انها الافضل .. خصوصا المحاسبه والتمويل ..
ناويه عالمحاسبه .. بديت بمواد التخصص .. ومتخووفه عالاخر .. احد يطمني ياجماااعه :(
من تجربتي المتواضعه .. اعتقد ان حالها حال اي كليه
في مواد ودك انها ماتخلص من كثر ماهي وناااسه وغريبه .. :D
ومواد اعوذ بالله .. حاطينها عشان نقدر قيمه المواد الثانيه الظاهر .. !
عالعموم الشغله اولاً واخيراً تعتمد على رغبه الشخص نفسه وميوله .. وين تشوف نفسك بعد 5 سنين
تزاااااعق على موظفين بحقل نفطي يااباش مهندس ..!
ولا ماسك دفاتر وتراجع حساباتك وماتحتك الا بعدد محدود من الناس ..

استفسار **
احد يعطينا فكره عن الحقوق .. خصوصا اللي مكملين ماستر
خذت قانون تجاري وكيفت عليهم pb192

d r e a m e r

15-06-2006, 19:11

أهلين سنيور..

موضوع حلو ومفيد..اذكر كان في موضوع زيه العام .. ومره استفدت منه..

يعطيك العافيه..

. . .

انا بتكلم عن تخصصي

مـحـاسـبـه - كلية العلوم الأداريه

في جامعة الملك سعود

. . .

القسم متوسط الصعوبه.. ومثل ما قالت نوال كل الاقسام لازم يكون فيها شي من الصعوبه

بس جداً ممتع القسم ..يمكن لاني حبيته وناسب ميولي .. اغلب المواد جديده علي ما قد اخذتها بالمدرسه

وهذا اكثر شي حببني فيه pb189

او يمكن لاني توي مستوى ثاني وبعدني ما شفت شي :D <<< بتخوفكم:D

هو يقبل العلمي او الادبي .. بس اشوفه مناسب اكثر للعلمي.. يعني ماهو صعب مره للأدبي :rolleyes:

العام على دفعتي .. كانوا يقبلون نسب من 93 وفوق ..

. . . الـخـطـه الـدراسـيـه . . .

المستــــــــوى " الأول "
101 ,, حسب ,, مبادئ المحاسبة (1)
101 ,, قصد ,, مبادئ الاقتصاد الجزئي
101 ,, دار ,, مبادئ إدارة الأعمال
101 ,, نجم ,, اللغة الإنجليزية
101 ,, سلم ,, المدخل الى الثقافة الاسلامية

عدد الساعات = 14

المستــــــــوى" الثاني "
102 حسب......مبادئ المحاسبة (2)
102 ,, قصد ,, مبادئ الإقتصاد الكلي
101 ,, كمي ,, مبادئ الأساليب الكمية
101 ,, عرب ,, المهارات اللغوية
101 ,, نظم ,, مبادئ القانون
102 ,, سلم ,, الإسلام وبناء المجتمع

عدد الساعات = 16

المستــــــــوى"الثالث"

193 ,, حسب ,, موضوعات مختارة باللغة الإنجليزية
217 ,, حسب ,, المحاسبة المتوسطة (1)
231 ,, حسب ,, محاسبة التكاليف (1)
212 ,, قصد ,, مبادئ المالية العامة
102 ,, كمي ,, مبادئ الأساليب الكمية (2)
103,, سلم ,, النظام الإقتصادي في الإسلام

عدد الساعات = 17

المستــــــــوى" الرابع "

218 ,, حسب ,, المحاسبة المتوسطة (2)
313 ,, حسب ,, المحاسبة الضريبية والزكاة
321 ,, حسب ,, المحاسبة الحكومية (1)
104 ,, سلم ,, اسس النظام السياسي في الاسلام
206 ,, عال ,, البرمجة بلغة بيسك
103 ,, عرب ,, التحرير العربي

مجموع عدد الساعات = 16

المستــــــــوى "الخامس "

301 ,, حسب ,, المحاسبة المتقدمة
390 ,, حسب ,, إعداد التقارير المحاسبية
306 ,, عال ,, البرمجة بلغة كوبول
211 ,, نظم ,, القانون التجاري
111 ,, كمي ,, طرق كمية (1)
265 ,, قصد ,, اقتصاديات الموارد

مجموع عدد الساعات = 17

المستــــــــوى" السادس"

251 ,, حسب ,, نظم محاسبية
413 ,, حسب ,, المحاسبة التطبيقية
431 ,, حسب ,, المحاسبة الادارية
121 ,, كمي ,, طرق كمية (2)
221 ,, دار ,, الادارة المالية
241 ,, دار ,, ادارة التسويق

مجموع عدد الساعات = 18

المستــــــــوى " السابع "

341 ,, حسب ,, مراجعة (1)
416 ,, حسب ,, نظرية المحاسبة
435 ,, حسب ,, بحوث العمليات في المحاسبة
211 ,, قصد ,, اقتصاديات نقود وبنوك
271 ,, دار ,, ادارة العمليات

مجموع عدد الساعات = 15

المستــــــــوى " الثامن _ المسار الأول "

331 ,, حسب ,, محاسبة التكاليف (2)
415 ,, حسب ,, تحليل التقارير المالية
451 ,, حسب ,, استخدام الحاسب في المحاسبة
324 ,, دار ,, قرارات التمويل
311 ,, نظم ,, العقود التجارية وعمليات البنوك

مجموع عدد الساعات = 15

المستــــــــوى " الثامن _ المسار الثاني "

421 ,, حسب ,, المحاسبة الحكومية (2)
441 ,, حسب ,, مراجعة (2)
451 ,, حسب ,, استخدام الحاسب في المحاسبة
412 ,, درع ,, ادارة المؤسسات العامة
411 ,, نظم ,, الأوراق التجارية والإفلاس

مجموع عدد الساعات = 15

. . .
المستقبل المهني :D <<<< شكرن كونفيوزد عالكلمه.. اخذتها منك هههه :D

بنوك..شركات..مؤسسات ..مستشفيات

يعني ان شالله مستقبلها حلو :rolleyes:

بالتوفييييييييييييييق لكل الخريجين يارب ..وان شالله كلن يدخل اللي يتمناه

واي استفسار انا بالخدمه :D

Maja

15-06-2006, 19:33

الله يعطيك العافيه ياستيور وانا والله واحد تخرجت وما كان لي هدف محدد ولا جامعه محدده قلت الي بيقبلني بدخله وجاني تردد اقدم على هذا ولا هذا وبعض الجامعات فاتني التسجيل فيها من التردد وهذا طبعا بسبب المدرسه الي انا فيها ما علمونا عن التخصصات وكيفيه الدراسه في الجامعه والحمد لله بعد التردد دخلت قسم حاسب الالي في كليه المعلمين والحمد لله على وشك التخرج بس انا اقول التثقيف عن الجامعات مفروض يكون في ثاني وثالث ثانويه عشان يحط له هدف معين ,,

كلام سليم...

نرجع للموضوع الأساسي...
تخصصي: طب بشري... و تخرجت العام ولله الحمد و الحين أتدرب...

عيوبه:
فيه بعض الصعوبة -دراسة كطالب و شغل كطبيب
يستنزف وقت كثير.. اذا دخل أحد الطب.. خلاص.. تقدر تقول "باي" لكثير من الطلعات و الروحات و غيره
تعليمك أو اختباراتك.. بلاااا حدود.. كل يوم تتعلم شي جديد..

مميزاته:
تعليمك أو اختباراتك.. بلاااا حدود.. كل يوم تتعلم شي جديد..
تسوي أشياء ممكن تغير حياة الناس (بعد الله)..
لمن مريض يرفع ايدينه للسما و يدعي لك.. تنسى كل التعب..

هذا الي على بالي الحين...

مصرقعه بايعتها

15-06-2006, 20:45

موضوع جاء بوقته ..:sm12:

انا عن نفسي مرره متحيره يا حاسب يا علوم طبيه ..

الحاسب اعرفه واختي وبنت عمي فيه وعندي خلفيه وكمان نوال ما قصرت pb032

اما العلوم الطبيه .. ما عندي ولا معلومه عنه .. ما ادري كيف مستقبله .. كيف دراسته

له دخل بالحفظ ؟ :sm6:

< عقدتها بالحياة الحفظ

ياليت اللي عنده خلفيه يعلمني وأكون شاكرة له ..pb192

cenuor يعطيك العافيه bp039

رنـّو

15-06-2006, 21:34

مرحلة جدا صعبة :(
انا لو مو مكتشفة نفسي وميولي بهالمرحلة كان ممكن اضيييع..
لانو خياراتي كانت واسعة..

بس على اخر سنة بالهاي سكول دخلولنا مادة جديدة غير منهجية اسمها Career Preparation يعني استعداد مهني..
كنا كل اسبوع نجلس مع متخصصين وممثلين من جامعات كذا ساعتين..
وكانو يعلمونا كيف نعرف احنا ايش نبغى, وكيف نلاقي اللي يناسبنا, كيف ندور الجامعة اللي نبغاها وايش نسوي عشان نضمن القبول..
يعني ماادري كيف كنت بسير من غير هالمادة

وعلى فكرة انا من الناس اللي فوق هذا كله حولت تخصصي ثلاث مرات :D بس كلها كانت ضمن ادارة الاعمال..
حاليا ادرس ادارة مالية, اللي يحب يعرف شي لا يتردد..

اهم نصيحتين:
1. اعرف ميولك, عشان ماتتعب وتدرس شي ماتحبه, فبالتالي ماتستمتع فيه وممكن تخبص وتطلع بنتايج ماترضيك..
2. شوف متطلبات سوق العمل, عشان ماتضيع سنينك المهمة وجهدك وطاقتك في دراسة شي ماراح يوديك مكان مستقبلا..

قبل ماتختار التخصص لازم تعرف ايش نوع الوظايف اللي تكون محتملة..
وتكلم مع اللي يشتغلو بهالمجال لانهم بيكونو اكثر ناس يفيدوك...

بالتوفيق للكل pb189

ما للعمر قيمهـ

15-06-2006, 22:15

اقوول سينيور هالكلام من سنيـن

الحيـن اي خريج ثانوي وش يبــي ؟؟

اميــــــــركـــــــــا

الحلم الامريكــي :)

حلو الواحد قبل ما يسافر يحسب حساب لـ ما بعد السفر : )

يعني مو كل من سافر و تخصص أي تخصص و رجع بـ شهادهـ من برى بـ يلاقي وظيفه ..!

أخوي سافر و كان خاطرهـ بـ الحاسب

بس شافه منتشر هنا

تخصص هندسة نفط ..

بحيث أول ما يرجع على خير يقدم على أرامكو

إن شاء الله ياخذونه ..!

بالنسبه لي ..

لما تخرجت فكرت بقوهـ في الهندسه
و قدمت و قبلوني و خلاص كل شي قالوا تعالي استلمي الجدول بداية الدوام

استخرت و فكرت فيها ..
على أي أساس داخله و أنا ما عندي أي ميول
و بعدين بعد التخرج ..!
بـ صراحه أنا أشوف الهندسه للبنات مجالاتها ضيقه بقوهـ

قدمت على الحاسب
و الحمدلله تم
و مشى الحال و هذا حنا سنه و نتخرج

القسم مو سهل أبد
بس الله يعين

نوال ما قصرت bp039
و لو إن نظامها نظام جامعه
بس تقريباً نفس المواد
<<< كليه :s

بـ أحاول إن شاء الله أرجع بـ مسميات المواد
مع إن المسميات شي و محتوى المواد شي ثاني ..!

الله يكتب الخيرهـ و التوفيق للجميع : )

عوافي سنيور bp039

حاطه دوج

15-06-2006, 22:17

السلام عليكم
فكرة حلوه بصراحه وحلو نخدم ونساعد
انا جامعة الامام حاسب الي
اقدر اتكلم عن القسم بصفه عامه انه حلو اذا انت فعلا عندك رغبه تدرس حاسب اكيد بيعجبك مميزاته انه مايدخلك الجو فجائه لا عندنا سنه كامله تحضيري نستعد فيها بالانجليزي والريض ومقدمه عن الحاسب بعدين سنتين ندرس حاسب عام القورثم وبرمجه بعدين نتخصص حسب الرغبه وبشكل عام المنهج قوي والكلية مره متحمسه وممتازه بس لو يخلون هالجزائريات ذبحونا مرضنا الشيتات تساعد كثير على فهم الماده ولو انها تغث بس هذي طبيعة الحاسب مشاريع واكيد جزء من المنهج حيكون سلف ستدي بس هذا الشي يقويك ويطلعك صح
الخطه
التحضيري الاول
ريض ونجل(5مواد انجليزي قراءه كتابه استماع مفردات قواعد)
التحضيري الثاني
فيز+ريض+مقدمة حاسب+نجل+ترمنولوجي(مصطلحات حاسب)

المستوى الأول
قرا101 قرآن0
نجل140 لغة انجليزية
ريض111 حساب التفاضل والتكامل1
فيز161 فيزياء
عال101 طرق حل المسائل
نحو101 قواعد اللغة العربية1

المستوى الثاني
عال201 برمجة الحاسبات1
ريض112 حساب التفاضل والتكامل2
جمع154 علم النفس والإجتماع
نجل190 لغة انجليزية2
قرا151 قرآن2
عقد133 توحيد

المستوى الثالث
عال202 برمجة الحاسبات2
علم207 مهارات الإتصال
نجل240 لغة انجليزية3
ريض202 الجبر الخطي
قرا201 قرآن3
ريض301 الاحتمالات والإحصاء
فقه200 فقه

المستوى الرابع
عال210 تراكيب البيانات
عال230 تنظيم الحاسبات ولغة التجميع
ريض201 رياضيات محددة
دعو124 دعوة إصلاحية
قرا251 قرآن4
نجل290 لغة انجليزية4
نحو201 قواعد اللغة العربية3

وبعد هالمستوى بتودعين المواد العامه خلاص تخصص بس لازم تختارين بين نظم المعلومات وعلوم الحاسب والاختيار حسب ميولك انتي

علوم الحاسب

المستوى الخامس
عال312 لغات البرمجة
عال320 مقدمة إلى قواعد البيانات
عال231 نظم التشغيل
عال360 برمجة النظم
قرا301 قرآن5
عال333 عمارة الحاسبات
قصد302 اقتصاد

المستوى السادس
عال340 الذكاء الإصطناعي
عال450 الرسم بالحاسب
عال420 إدارة قواعد البيانات
قرا351 قرآن6
عال331 شبكات الحاسب
عال436 تحليل الخوارزميات

المستوى السابع
عال431 النظم الموزعة
عال310 هندسة البرمجيات
عال432 أمن الشبكات
عال440 المترجمات
قرا401 قرآن7
عال434 تطبيقات الإنترنت
عال399 ندوة

المستوى الثامن
عال441 إدارة المشاريع البرمجية
عال433 النمذجة والمحاكاة
عال499 مشروع تخرج
قرا451 قرآن8
عال446 التفاعل بين الإنسان والحاسب
نال423 إدارة موارد المعلومات

التخصص الثاني
نظم المعلومات

المستوى الخامس

قصد 300 مقدمة لإدارة الأعمال
عال320 مقدمة إلى قواعد البيانات
عال231 نظم التشغيل
نال311 تحليل وتصميم النظم 1
قرا301 قرآن5
ال 333 مواضيع مختارة في نظم المعلومات 0
قصد302 اقتصاد

المستوى السادس
حسب 101 مبادئ المحاسبة
نال 312 تحليل وتصميم النظم 2
عال 420 نظم إدارة قواعد البيانات
قرا351 قرآن6
عال331 شبكات الحاسب
نال 332 نظم دعم اتخاذ القرار

المستوى السابع
عال441 إدارة المشاريع البرمجية
نال 435 أسس التجارة الإلكترونية
نال 331 الأساليب الكمية في الإدارة
قرا 401 قرآن7
نال 413 تطوير نظم المعلومات
عال434 تطبيقات الإنترنت
نال399 ندوة

المستوى الثامن

دار 463 مبادئ التسويق
عال433 النمذجة والمحاكاة
نال499 مشروع تخرج
قرا451 قرآن8
نال 421 نظم المعلومات الإدارية
نال423 إدارة موارد المعلومات

والله يوفق الجميع ويساعدهم في الاختيار

بنت

16-06-2006, 02:32

واااااااااااااو سينيور جزاك الله الف خير :sm1:

جا الموضوع بوقته pb094

انا افكر ادخل قانون ،، جامعه الملكه اروى ،، جامعه خاصه طبعا ،،

بس امي تقول مالها مستقبل لاننا مانعرف اي شي عنها

كم وحده قالتلي عندكم ذا التخصص بالرياض بجامعه الملك سعود بس مايقبلون اي نسبه :D

اذا احد يعرف معلومات عن القسم ياليت يساعدني pb094

ريانه

16-06-2006, 05:14

يعطيكم العافيه جميع وعلى راسكم سنيور الي فتح هالمجال
كنت ناويه افتحه اليوم بس دخلت وحصلتك منزل هالمساحه الله يجزاك خير bp039

لذلك بحط لكم مواقع ممكن تفيدكم وتهمكم :)

جامعة الملك عبدالعزيز

http://www.kaau.edu.sa/

جامعة الملك سعود
http://www.ksu.edu.sa/

جامعة الملك فيصل

http://www.kfu.edu.sa/

جامعة الملك خالد
http://www.kku.edu.sa/Default/Default.asp

جامعة الملك فهد

http://www1.kfupm.edu.sa/admissions/

جامعة الامام محمد بن سعود الاسلاميه
http://www.imamu.edu.sa/

جامعة الامير سلطان الاهلية
http://www.psu.edu.sa/

كلية الامير سلطان للسياحة والادارة

http://www.pscabha.edu.sa/

كلية عفت

http://www.effatcollege.edu.sa/01_about.asp

كلية الباحه الاهلية للعلوم
http://www.bics.com.sa/

جامعة ام القرى
http://www.uqu.edu.sa/

الجامعة الاسيلامية
http://www.iu.edu.sa/arabic/Default.asp

جامعة طيبه
http://www.mohe.gov.sa/Universities/TU.htm

جامعة القصيم
http://www.mohe.gov.sa/Universities/QU.htm

جامعة الطائف

http://www.mohe.gov.sa/Universities/ATU.htm

وبالتوفيق bp039

بنت خالد

16-06-2006, 10:20

إذا أحد يبي معلومات عن الطب البشري.. بجامعة الملك سعود
بداية من التقديم.. اليــــــــــــــــــن... يخلص السنوات الأكاديمية ويروح المستشفى يطلب :d

( داخله بيوزر اختي.. بس والله من العجــز :) )

وألف مبروووك النجاح..

حـــلاوه

16-06-2006, 11:36

موضوع جداً مفيد ...

بليز أي أحد بقسم الإنجلش / ترجمة .. يراسلني خاص إذا أمكن .. بس بسرعة قبل لا يفوت الفوت :(

بس أحلم

16-06-2006, 12:00

http://www.imamu.edu.sa/

عليهم من الله ما يستحقون :mad:

أفشل جامعة على مر العصور :(

نصيحة للطلاب

لا تدخل إلا القسم اللي ترغب وتحب
أنتَ أفضل لك

أفضل الإبتعاث بشرط

لا يكون

يُريد الإبتعاث لمجرد

الخروج من المملكة فقط

سعودية

16-06-2006, 12:15

والله اذا شاطر بالمواد العلمية هنسة ولها اقسام وش كثرها ولا كلية العلوم
او حاسب

بس الخطط الدراسية مهيب جنبي الحين معليش

ميادة

16-06-2006, 13:29

3-..مانتكلم أبد..
مجرد مستمعين..يعني ماده اسمها محادثه ..نقرأها بس..مو نناقش انجلش..

وفيه عيوب بسبب المدرسات أنفسهم..وطريقة شرحهم وهذي تختلف من جامعه لجامعه

Emily
قالت كل شيء تقريبا عن قسم اللغة الانجليزية ... لكن هذا الاقتباس الي فوق اكبر عيب من عيوب القسم
انا درست في كلية ماهو في جامعة ونفس الي قالت ايميلي ينطبق على نظامنا ...
مافيه تفعيل للمهارات اللغوية خصوصا التحدث ..
الي يبغى يتخرج من هذا القسم بمستوى عالي و يتقدم فعلا في اللغة يحتاج مجهود شخصي خارق
لازم يعتمد على نفسه كثير في تطوير اللغة ويستمع لها من اهلها في الاذاعة او التلفزيون
ولازم يكون من ضمن مجموعة لهم نفس الاهتمام و يساعدون بعض على الاكتساب والتقدم فيها
الي بياخذ الامر ببساطة و يعتمد بس على الي يطلبونه منه في القسم و لايعمل مجهود خارجي
بيتخرج بمستوى جيد في القراءة و الكتابة ومعلوماته جيدة عن الادب الانجليزي بشكل عام
لكن مستواه بيكون ضعيف في التحدث والاستماع بالنسبة لكونه خريج لغة انجليزية

فكرة ممتازة و مفيدة يعطيك العافية سينيور .

بنت مصرقعة
وين هي جامعة الملكة اروى ؟ في السعودية ؟ وفيها ماجستير قانون ؟

NawaL

16-06-2006, 13:44

مو مسألة شاطر وجبت نسبه علمي ادخل قسم صعب !!!
من اشطر البنات اللي معنا ، ومعدلاتهم بالسما ، اللي نسبتهم 80 % ايام الثانوي ، "بالواسطه دخلوا طبعا ً :D"
مافيه مقارنه بين دراسة الجامعه ، والمدرسه ،

الواحد يشوف هل هالقسم ، يوافق ميول الطالب ؟ هل هالقسم يحقق طموح الطالب ؟

اذا الطالب ما دخل قسم يشوف نفسه فيه اولا ً ماراح يقدر يقنعها بعدين انه يستمر ،

...
...

يوم تخرجت من الثانوي ، كان في بالي خيارين ،

علم نفس
حاسب

اختي قالت لااا وش علم نفس حرام هالنسبه علم نفس وانت علمي ،

تركته ودخلت حاسب ،

ما اقول اني ندمت لا ابدا ، اذا ارجع بالزمن ، دخلت حاسب بعد ،

لكن بكون اكثر وعي بشي اسمه دراسه جامعه ، لأني اهملت فتره ،

دخلت الحاسب عن قناعه من عند نفسي ، واجهتني صعوبات في القسم ،

اذا هالقسم ما يحقق رغبتي ، اتوقع اني ما استمريت فيه ،

....

لا تلتفتون لمقاييس المجتمع ،

ان الطب ولا الهندسه قسم ،،، مره توب ،

طيب هالقسم التوب والأفضل ........ يناسبك ؟؟

اسال نفسك دائما ً ،

وصدقوني صح ان التخصص الجامعي يحدد مسارك في الحياه ، لكن ما يوقفه ،

ممكن تاخذ الماستر في قسم وتخصص ، والبكالوريوس في تخصص ،

........

اهم شي الإستخاره ، الإستخاره ، الإستخاره ،

الله يوفقكم ،

حــلــى

16-06-2006, 21:06

أهلييين :)

يوووه أنا مرة مرة مرة احتررررت
لدرجة أني كنت أسجل في كذا جامعة و تخصصات بالمررررة مالها دخل ببعض
بس كل واحد و طموحه أنا شجعوني أهلي على الطب
و زيادة شفت البنات اللي نسبهم أقل مني بكثيييير دخلوا تخصصات مرة كويسة و أنا كنت ناوية شي خربوطة
حسيت أني مو قاعدة أفكر صح
و بسرعة غيرت رأيي و قررت طب
و بعدين ترى مو لهالدرجة صعب pb036 يعني ماخذ سمعة أكثر من ما هو
صح يبغاله دراسة بس مش شي قاااااتل
و التخصص من النوع اللي إذا قعدتي أسبوعين ما درستي شي قولي على نفسك السلام :sm12:
يبغاله متابعة و جدية بس من جد مو بالصورة اللي سمعنا عنها
و طبعاً the best part لما نلبس الـ lab coat في المختبرات :D من أول ترم لبسونا pb036
و أتوقع كمية الدراسة مثلها مثل اللي يدرسون هندسة
مو هذاك الفرق

أنا و أخت بنت خالد في الخدمة :D
إلا صحيح بنت خالد أنتي أنتي يعني مش العجيز ... ايش قررتي تدخلي ؟ pb036

بنت

16-06-2006, 21:30

بنت مصرقعة
وين هي جامعة الملكة اروى ؟ في السعودية ؟ وفيها ماجستير قانون ؟

هذا بالمدينه عندنا وهو تابع لجامعه اليمن والشهاده معترف فيها وعالميه :D

اقسامها اعتقد اداره واعمال وقانون وكم قسم معها بس ماركزت

طبعا بفلوس بس الزين مي غاليه يعني 6 الاف في السنه كنها مدرسه خاصه :D

العيب الوحيد فيها انه انتساب يعني تداومين ثلاثه ايام بالاسبوع بس :(

وماادري انا على الماجستير بس اسالك ان شاء الله اذا رجعنا المدينه لاني مسافره pb094

بس انا مااعرف شي عن قسم القانون كثير قالولي يعتمد على الحفظ ومررره صعب :(

ياليت اللي يعرف اي شي عنه يقولي :sm1:

مجنونة بر

16-06-2006, 21:49

موضوعك زين ياخيو

بس الصدز ان الواحد يتعب إذا جاء يبي يفكر وش يدخل .........خلصت الثانوي من زمان ولا ادري وش ادخل

بس كنت اموووووووت على اللغات وتعلمها ..... وش صار لي ...

بعد زواجي سافرت وجلست بامريكا 3 سنين واخذت كورسات انكليزي ودرست سكرتاريه.. واخذت

تيرمين بالجامعة ورجعت بعد ماخلص زوجي (( قطعوا البعثة عني لاني تبعه ,,, هُزلت ....... هههه ))

المهم فكرت اكمل لغتي (( والحمد لله لغتي مرة ممتازة كمتحدثة ))) سجلت انتساب في كلية الأداب

وتخيلوا درست تيرم واحد انكليزي وحاسوا مريري (( الدراسة عندنا للغة غلط بغلط )) ووبغيت احول لقسم ثاني

بصراحة احترت وين اروح ...أي قسم .....انا احب اللغات بس للأسف دراستها ماكانت على سنع

اضــطريت ادخل أي قسم عشان اتخرج من الكلية ...

تخصصت تاريخ ....... وخلصته مع اني في بدايته كرهتــه بس بعد سنتين من دراسته حبيته

((( مكره أخــــــاك لابطــل ))) اخذت شهادتي وبس .

بس المشكلة عندنا انه مايعلمون الطلبة وش الجامعات ...كيف الدراسة فيها

وش التخصصات اللي موجودة .... كيف يكون اختيارك ..... يعني مثل ماقالوا البعض لازم طلبة ثاني

وثالث ثانوي ياخذون فكرة عن الجامعات وتخصصاتها واقسامها عشان كل واحد يحدد وش يبي

بصراحة جميع الطالبات والطلااااب مايعرفون وشي الجامعة والا كيف التسجيل والحذف وعدد الساعات

لانهم ماعندهم فكرة ابدا وماعندنا رحلاااات ثانوية للجامعات على الأقل تخليهم يعرفون ويشوفون

كيفية الدراسة بالجامعات (( إلا من رحــم ربي ))

وعلى فكرة احياناَ الواحد يكون بباله تخصص معين بس مايقدر عليه

أما لعدم حصوله على معدل مرتفع

او يكتشف صعوبته بعد التيرم الأول

(( او لعــدم وجود واااااسطه له ))) ويااااااكثرهم

او لعدم وجود التخصص عنــدنا (( كنت من زمان اتمنى اتخصص في الأعــلام أو الآثار ))

بس راحت علي .

شكلي طووووووولت عليكم

سلاااااااااااااامتكم

بنت خالد

17-06-2006, 04:28

إلا صحيح بنت خالد أنتي أنتي يعني مش العجيز ... ايش قررتي تدخلي ؟

أنــا اذا خلصت السنه الجايه قررت إن شاء الله :D

هذا رد العجيّـــز ... << والله من العجز في ذا البنت بعد :D

و بعدين ترى مو لهالدرجة صعب يعني ماخذ سمعة أكثر من ما هو
صح يبغاله دراسة بس مش شي قاااااتل

حبيبتي لسى ماجربتي الموت صح ! كنت أقول زيك
مافي مخلوق بالدنيا يشرح له ومايفهم.. لكن الوقت ضيق المعلومات كثيرة.. والدنيا فوق راسك
صبرررك ياقميـــــــــــل .. ( مع أن اتوقع نظامكم غير.. )

bp039

MishareH

17-06-2006, 04:45

صباح الخير ’’

تخصصي ترجمة , وتخرجت هالسنة
^،^
حلاوه ,,
أقدر اساعدك بحاجه !!
اسألي وانا فالخدمة

,,
بنت خالد & العجيز
عاش من خلانا نشوفكم
( ورده كبر الدنيا )

كان حلما !

17-06-2006, 10:45

انا تخرجت من الثانوي هالسنه

أدبي / نسبه تبيّض الوجه pb094

و بطل قصتك نفس حالاتي pb094 جد مااعرف وش ادخل قسم

انا ما تفرق معاي الميول كثير من الطفوله و احنا ندرس و نكرف ما جبناا سيرة ميوول :D

ابي قسم له مستقبل متحمسه للي بعد الجامعه اكثر من الجامعه pb095

رنو

شوف متطلبات سوق العمل, عشان ماتضيع سنينك المهمة وجهدك وطاقتك في دراسة شي ماراح يوديك مكان مستقبلا..

قبل ماتختار التخصص لازم تعرف ايش نوع الوظايف اللي تكون محتملة..
وتكلم مع اللي يشتغلو بهالمجال لانهم بيكونو اكثر ناس يفيدوك...

ايش الأقسام في جامعة الملك عبدالعزيز اللي تقدري تستفيدي منهاا لبعدين !

يمكن الانقلش ! او ادارة و اقتصااد ..!؟

Forgotten

17-06-2006, 12:44

موضوع مفيد وجا بوقته
اقترح تغيير العنوان حتى ينتبه اصحاب لحاجه لمثل هالموضوع ..
كان بودي اشارك لكن تخصصي انذكر:o
يعطيكم العافيه bp039

ارتميس

17-06-2006, 18:04

حلوه الفكره

كلية التمريض جامعة الملك سعود
خلصت هالترم

تقبل نسب من فوق 80 علمي <<<<< مو كلام ورق هذا كانت معي وحده نسبتها 81

وتوقع على شرط عدم التحويل لكلية ثانيه

اول ثلاث اترام تكون تعريف عن التمريض واهمية واساسياته ودروس بالمعمل للحاجات الي لازم تعرفها كل ممرضه وكمان فيها دروس انجلش خلال الثلاث مستويات الاولى والمصطلحات الطبيه

ابتداء من المستوى الرابع يبدا التطبيق في المستشفى

السبت والاحد محاضرات
والاثنين والثلاثاء والاربعاء مستشفى <<< لكل المستويات ماعدا السابع يكون الاحد والاثنين والثلاثاء

الدراسه كلها بالانجلش ولاشئ عربي pb095 من اول ترم الى اخره

تكون صعبه بالبدايه بس عشان اللغه مو قويه والمفردات جديده بس بعد ما تنزل المستشفى يصير الوضع عادي

تتخرج بكالوريس تمريض والاسم الوظيفي لها اخصائية تمريض

والامتياز سنه كامله تكون مكافاتها 3000 ريال

التمريض خيار بدا الاغلب يرغب فيه لان وظايفه مضمونه الى 50 سنه قدام

أملح نمله

17-06-2006, 21:10

مرحبا : )

موضوع جا بــ وقته

اليوم نزلو مواعيد التسجيل + النسب المطلوبه بـ الجامعه

أنا تخصصي " اقتصاد - علوم اداريه "

علمي + أدبي

بس أحس العلمي يمشون فيه أكـثر !

فهم + حفظ بــ نفس الوقت

نو واي تحفظ بـدون فهم !

مــــره ممتع القسم

و من جد أنصح فيه

و ان شاء الله التيرم الجاي أنا تخرج :sm12:

علوم اداريه بــ شكل عام ممتعه , خاصة " محاسبه + اقتصاد + ادارة أعمال "

( اداره عامه ما هضمته :s )

محاسبه : فهم بـ الدرجه الاولى + حفظ

اقتصاد : فهم + حفظ

ادارة أعمال : غالباً حفظ

اداره عامه : حفظ

قانون كمان مرن كويس , بس كـــثير المنهج للماده ! + قضايا + مصطلحات قانونيه !

من رأيي هو ممتع ع أساس كم ماده أدرسهم بـ الاضافه لـ تخصصي

أو ممكن ماستر

بس كـ تخصص مستقل pb093

و
أي استفسار أنا حاضره

دارما

17-06-2006, 21:51

سنيور فكره مره خطيره :D

بتكلم عن قسمي طبعا انا تعليم خاص " اعاقه سمعيه" جامعه الملك سعود كلية التربية
اول شي ندرس مواد اعداد عام

المستوى الاول
المهارات اللغويه
اصول التربيه الاأسلامية
مبادى البحث التربوي
المدرسه والمجتمع
لغه انجليزيه " نجم 101 "

المستوى الثاني هذا فيه مواد تعليم خاص " يعني خلاص ننفصل عن بنات الفروع الثانيه من كلية التربيه الي هم دراسات وعلم نفس وكذا " << ياحبك لشرح وفيه مواد مشتركه معهم بس خلاص ننفصل عنهم :D

تحرير عربي
وسائل سمعية لتربية الخاصة
علم نفس نمو
الصحه النفسية
اسس التوجيه والارشاد
مقدمه في التربيه الخاصه

المستوى الثالث
مدخل رياض اطفال
مدخل ثقافه اسلاميه " سلم101"
تقيم وتشخيص في التربيه الخاصة
الاعاقات البدنيه
الاضطرابات السلوكيه
مقدمه في تاهيل المعوقين

المستوى الرابع
حاسب الآلي
الأسلام وبناء المجتمع "سلم 102"
علم نفس تربوي
تعديل وبناء السلوك
اضطرابات النطق والكلام
توعيه عامة بمجالات الاعاقه
وسائل مساعدة واجهزه تعويضيه

الحين بالمستوى الخامس خلاص نتخصص بالاعاقة السمعيه
النظام الاقتصادي الاسلامي " سلم 103"
تقنيات التعليم والاتصال
مدخل اعاقه بصريه
مدخل اعاقه سمعيه
مدخل صعوبات التعلم
نمو لغوي
تربية غير العادين

المستوى السادس
اسس النظام السياسي في الاسلام " سلم 104
برايل
صعوبات التعلم في القراءة والكتابة
طرق التواصل الشفهي
طرق التواصل اليدوي والكلي
مناهج غير العادين
قراءات باللغه الانجليزية

المسوى السابع
انتاج واستخدام وسائل التعلم
مناهج البحث في علم النفس
صعوبات التعلم النمائيه
العمل مع اسر الغير العادين
طرق تدريس المعوقين سمعيا
الادارة والاشراف في التربية الخاصه
القضايا المعاصرة في التربية الخاصة

المستوى الثامن مبعد جربته بس سالت عنه :D
تدريب ميداني طبعا في معهدين معهد الامل بالشرق وفي معهد غرب والحين حطو مدارس دمج نطلع لها تقريبا اربع مدارس دمج القدس العليا البديعه وحده الظاهر الربوه :D
وبس pb094

طبعا بتكلم عن طريقه القبول بالقسم مو زي الاقسام الثاني يسون معك مقابله شخصيه يعرفون كيف شخصيتك وكيف تعاملك تنفعين مع المعاقين والا لا
يعني اختببار شخصيه والي ناويه تدخل تعليم خاص لاتخاف ولا شي المقابله مهيب شينه ولا تخوف اهم شي تكون رايقه ومهيب متوتره وفيه شي بعد الي بتدخل القسم لازم تكون شخصيتها قويه هذا اهم شي ومهيب مايعه ولا دلوعه ولا تكون قاسيه وجلفه :D

وتم بحمد الله هذا الي قدرت اساعدكم به وكودكم استفدتو والي يبي يسأل عن شي وكذا يقولي << مايطلبه المستمعون :D

ويعطيك الف عافيه سنيور bp039

رنـّو

18-06-2006, 01:03

رنو

ايش الأقسام في جامعة الملك عبدالعزيز اللي تقدري تستفيدي منهاا لبعدين !

يمكن الانقلش ! او ادارة و اقتصااد ..!؟

ماادري عن جامعة عزوز انا ماادرس في السعودية اصلا..

انتي فكري الانقلش ايش بتستفيدي منه كشهادة بكالوريوس؟
يعني اذا ترجمة, اوكي له مجاله بس شوفي قد ايش ضيق :) ومو بسهولة تتقدمي منه..وياكثر النقد اللي يجيه
واذا ادب, ماادري فين بتفيدك الشهادة غير في التدريس..

اقتصاد وادارة بيفيدوكي في اي مجال اداري, والبلد تواجه مرحلة انتقالية يعني كم سنة وبتسير تغييرات في تركبية الموارد البشرية في المملكة, وظائف الشركات الادارية بتنفتح مجالاتها للبنات اكثر يعني شوفي فرصتك من دحين :)

الانجليزي مو بس مرغوب, بيكون مطلوب..حطي في بالك هالشي (لا تركزي عليه كشهادة, ماراح تفيدك..خذي اللغة)

دارما

18-06-2006, 03:20

معليش رجعت لكم مره ثانيه

بس هذا موقع منتدى طلاب وطالبات جامعه الملك سعود فية كل المعلومات الي يمكن تفيد المستجدين عن الاقسام

والي بالجامعه من ناحيه المقرارات والدكاتره

وبس pb094

http://www.cksu.com/vb/

النمــــــر

18-06-2006, 18:58

مساء الخيرات bp039 ..

موضوع حلو ورح يساعد الجميع في اختياراتهم
بالاضافة الى زيادة المعرفة الشخصية عن باقي الاقسام :) ..

انا في جامعة الإمام محمد بن سعود - لغات وترجمة English

وش اقول لكم عنه ؟
الدراسة 4 سنوات ونصف
اول مستوى دورة مكثفة للاساسات في اللغة
بعدين اللي يعديها يكمل واللي مستواه اقل يعيدها او يحول
( سهله الدوره اذا كان مستواك متوسط :) ) ..

يعتبر من الاقسام الصعبه
لانه يجمع مابين الادبي والترجمة
والشهادة معترف فيها محلياً لكن عالمياً ما اعتقد

المواد كثيرة يعني كل ترم ينزل 23 - 24 ساعة
(بينما الكليات الثانيه 16- 17 ساعة )
الزيادة مواد دينيه وكل ترم حفظ جزء من القرآن :)
وأيضاً دراسة لـ اللغة الفرنسية مدة سنة ..

المناهج صعبة تحتاج تركيز قوي
الدليل كثرة الرسوب بشكل ملحوظ :rolleyes:

انا ما انصح فيه صراحة
هو قسم شامل يحتاج متابعة مستمرة وصبر
وصلت فيه نصف المشوار وناوي احول للملك سعود
لانه هناك اقدر اختار التخصص مابين الادب او الترجمة

قسم الترجمة في الملك سعود يبدا بمواد عامة
بعدين كل ترم يكون فيه تخصص للترجمة ( اقتصادية - سياسية - تجارية ...)

والادبي يكون في الشعر والقصص والروايات والتحليل

بالنسبة للمجال الوظيفي لـ اللغة
اعتقد فيه فرص كثيرة في التعليم او الشركات الخاصة :)

هذا تقريباً المختصر عن القسم
الخطة الدراسية والمواد في الرابط :
http://www.imamu.edu.sa/collegeinst/colleges/riyadh/lang
وبالتوفيق للجميع bp039

تحياتي

سيـدو

18-06-2006, 20:52

والله مووضوع مش بطال
لعل وعسى نساعد بعض الافراخ اللي طالعه من الثانوي
لا ينصدمون باااجواااااااء الجامعه

اول نصيحه
لا تغرك نسبه اللي فرحانين فيها تراها ولا شي واسئلو مجرب
ثاني نصيحه
لا تسمعون راي احد انتم جايبين نسبه ومدري ايش وانتم شاطرين بهالشي
شوفو انتو وش تحبون وش اللي بينفع لكم وش اللي بتبدعون فيه

لان الجااااااامعه مب زي الدراسه عاديه :( لازم تكون حاب القسم ونفسيتك حلوووه عشان تقدر تثبت وجودك

نجي على قسمي
انا اداره اعماال // علوم اداريه
والله القسم مش بطال حليو لولا المحاسبه لا بارك الله فيها :D :D
ودكاترتنااااااا مررررره سيئييييييييييييييين
احسه يحتاج حفظ + فهم + تركيييييييييييييز عالي ...
نتكلم عن المقرارات في كل مستوى
المستوى الأول
101 دار // سهله حفظ
مبدائ إدارة الأعمال
101 قصد // سهله مرررررررره
مبادئ الإقتصاد الجزئي
101 نظم // غثيثه وحفظ وصعبه :mad:
مبادئ القانون
101 كمي // سهله
مبادئ الأساليب الكمية ( 1 )
101 سلم
المدخل إلى الثقافة الإسلامية
مجموع الساعات : 18

المستوى الثاني
101 حسب
مبادئ المحاسبة ( 1 ) // صعب يع شين وقح ماحبها :mad: :mad:
102 قصد
مبادئ الإقتصاد الكلي // مش بطال
102 كمي
مبادئ الأساليب الكمية ( 2 ) // رياضياااااات يحتاج فهم وتمشي
102 سلم
الإسلام وبناء المجتمع
101 نجم
اللغة الإنجليزية
مجموع الساعات : 18

المستوى الثالث
216 دار
إدارة الموارد البشرية // كثيفه حفظ في حفظ
102 حسب
مبادئ المحاسبة ( 2 ) // عقدتي اكرهك يامحاسبه :sm1: :sm1:
201 قصد
تحليل الاقتصاد الجزئي // امممم دقيق يحتاج فهم .. صعيب شوي
151 كمي
استخدام الحاسب في العلوم الإدارية (1) // كمبيوتر مش بطاله بس صعبه عند بعض البنات
103 سلم
النظام الاقتصادي في الإسلام
101 عرب
المهارات اللغوية
مجموع الساعات : 18
المستوى الرابع
111 دار
قراءات في إدارة الأعمال ( E ) // سهل نفس دار 101 بس انقلش اذا لغتك مش كويسه الله يعينك
214 دار
السلـوك التنظيمـي // سهله
121 كمي
طرق كمية ( 2 )
231 حسب
محاسبة تكاليف
104 سلم
أسس النظام السياسي في الإسلام
103 عرب
التحرير العربي
مجموع الساعات : 18
المستوى الخامس

241 دار
إدارة التسـويـق
271 دار
إدارة العمليــات // فهم + حفظ مش بطاله
202 قصد
تحليل اقتصاد كلي // قصد 102 موسع رسمات واثباتات وحوسه بس مش سهل
131 كمي
التأمينـات الاجتمـاعيـة
211 كمي
الريـاضـة المـاليـة
211 نظم
القانـون التجـاري
مجموع الساعات : 18

المستوى السادس

221 دار
الإدارة المـاليـة
3

251 دار
إدارة الأعمال الدولية
3

263 دار
نظم المعلومات الإدارية
3

372 دار
إدارة المـــواد
3

211 قصد
اقتصاديات نقود وبنوك
3

245 كمي
التحليل الكمي في الإدارة
3

مجموع الساعات : 18

المستوى السابع
314 دار
تخطيط وتنمية القوى العاملة
325 دار
التخطيط والرقابة المالية
393 دار
تأسيس وتطوير المنشآت
214 دار
نظم مساندة القرارات
394 دار
منهج البحث في إدارة الأعمال
497 دار
الإدارة الاستراتيجية ( 1 )

مجموع الساعات : 18
المستوى الثامن
374 دار
تخطيط ومراقبة العمليات
447 دار
التخطيط والرقابة في التسويق
496 دار
اتخاذ القرارات الإدارية
284 دار
اتصال تجاري ( E )
499 دار
الإدارة الاستراتيجية ( 2 )
مجموع الساعات :8 1

مفروض بعد المستوى السادس يكون عندك اربع مسارات ياتسويق ياداره منشئات ياداره ماليه ياداره اعمال دوليه
بس على ماظن احنا يالبنات مافتحو لنا الا منشئات :(
ولا نفسي بتسوووويق :sm1: :sm1: ]

maghrebia

19-06-2006, 17:11

السلام عليكم

بالنسبة الي كنت في تانوي علوم رياضية و تخرجت منها بالنسبة 20/17 و بعدين درست سنتين في فرنسا الاقسام التحضيرية . الاقسام التحضيرية هى مو تخصص بس الي ما انقبلت في تخصص الي بدك اياه بتعملي دا و هو اكتر شي لازم يكون عندك فرنسي حلو و الرياضيات و الفيزياء كتير مهمين و بيركزو عليه هو صعب كتير و بيشيب بس يلا
و من بعد انت تختار التخصص الي بدك

الي بدو معلومات عن اقسام تخضيرية بس يقولي و انا راح اجاوبو

موضوعك كتير حلو :) و مرسي الك

Ba6RaN

19-06-2006, 19:36

اذا دخل أحد الطب.. خلاص.. تقدر تقول "باي" لكثير من الطلعات و الروحات و غيره

مقبرة يا طب :(

رانـــــــزي

19-06-2006, 23:50

أنا الحمد لله تخرجت هالسنه وبنسبه حلوه الحمدلله:)
وميولي حاسب ودّي به صراحه
والكل يقول انه له مستقبل وانه خطير ومدري وشو
بس اذا تخرجت وش ابشتغل؟
لأن اختي دخلت حاسب واقولها اذا تخرجتي وش بتشتغلين؟
تقول لي :مدريpb036 <<اختها سبهه :D خخخخخخ<<بتصفق
لا جد ياليت تعلموني الله يجزاكم خيـــــر:)
موضوع رووووعه
وجاي بوقته
أشوى اني شفته
عوافي

Naughty girl

20-06-2006, 02:13

سنيور موضوعك حلوو وجاي في وقته:)
قررت اكتب عن تخصصي لاني ما لقيته في ردود الاخوان اللي قبلي وحبيت افيد للي عندهم فضول حول هذا التخصص:sm5:
انا ادرس << pb189 صيدله pb189 >> جامعه الملك سعود
وبصراحه هالتخصص مطلوب سواء للبنات او للشباب
الدراسه تقريبا 6 سنوات ( كانت خمس سنين وترم والحين زادوا ترم :D )
المواد تعتمد على الحفظ وعلى الفهم:sm3: ( اللي يصم يمشي :D )
طبعا اول سنه اعداد تكون عباره عن لغه انجليزيه مكثفه
وبعدين ندخل في الجدpb095
ماراح اقول ان الصيدله صعبه بس يبيلها شده حيل :sm4: وصم لاسماء الادويه اللي تدوخ:sm5:
وطبعا نتعامل مع الحيوانات الاليفه مثل الفيران bp039 والضفادع pb189 pb189 والارانب الخخخخخخ
المواد الاساسيه
1/ علم الادويه(دوى) : ماده حليوه تنفهم وممتعهbp039
2/ علم العقاقير (عقر) : ماده تتكلم عن الاعشاب والادويه المستخلصه منها
3/ الكيمياء الصيدليه (كمص) : ماده غثيثه:mad: انا ما احبها
4/ الصيدلانيات (صيد) : اشكال الادويه الصيدلانيه وطرق تحضيرها
5/ صيدله اكلينيكيه (صكل) : او الصيدله السريريه لها علاقه بالمستشفى
هذا اللي اتذكره الحين واللي عنده استفسار انا حاضره