:: مواقف غالبا ما تتكرّر في الحياة الزوجية ::

[سحر المعاني]

:: مواقـــف غالبــا ما تتكرر في الحيـاة الزوجيـة ::

::
:
:

السلام عليكـم و رحمة الله وبركـاته

:
:
::

.

( 1 )

دخـل محمّـد في 1:30 ظهرا إلى منزلــه
ثم سأل زوجتـه مهـا : " هل الغــداء جــاهز ؟ "
مهــا : " 5 دقائق و تجدهـ أمامكـ "
و من هنــا تبدأ فصول التفاهــة ..!
لمـــاذا الغداء غير جاهــز ..!!
كم مرّة قلت لكـ إني أريد الغداء جاهـز فور وصولي للمنزل ..!
هل تظنين أنـي متفرغ لك .؟
لدي ( دوام ) بعـد العصـر
أففففففففففففففففففففف

:

( 2 )

خرج خـالد من العمـل متوجهـا إلى زوجـته فاطمـة
ليأخذهـا من منزل صديقتهـا
اتصـل خالـد على زوجتـه و قال : " 10 دقائـق و أراكـ عند بوّابـة العمـارة "
و في الموعـد المحدّد كان خالـد في المكان الموعـود
لكـــن يبدو أن فاطمـة قد تأخرت قليلا
يتأفف خالــد يمسك بجوّالـه .. يتصل على زوجتـه و يصرخ مغضبـا :
" سوف تموتيـن إن لم تخرجي مبكرا ليـوم واحد في حيـاتك
لـي ( 5 دقائق .! ) و أنـــا أنتظركـ في الأسفل "

:

زوجـــي العزيـز :
هـــل ستسمــــح لـــ 5 دقائق أن تـــعكر عشّنـــا الجميــــل
هـــل ستسمــــح لـــ 5 دقائق أن تعكر هذا المنزل الهـادئ
زوجي العزيـز .. هل ستسمح لـ الدوام أن يسرقنـي منكـ ؟

::
::
::

ننتــظر آراؤكـم و أفكاركـم
(( الموضوع القـادم سيكون بـ " العكس .! " ))

::
::
::

[هواوية]

المشكلة ان الكثير من النساء لايتقيدن بالوقت وتلقاهن مع السلامة لمدة ساعة
القليل منهن يحترمن انتظار الرجل لهن
مع اني سيدة لكني اكره انتظار احد واحدى صديقاتي لها القدلاة على تركي ملطوعة في الشارع لأكثر من نصف ساعة وأخيرا ماعدت أمرها ولا احتريها :sm12:

[الف مليون]

موب زيـن تخليـن الرجال ينتظـر ابـد ابـد

بعض البنات المتـرفـات متعـوده على السـواق وعلـى بالهـا زوجهـا مثل السـواق
تبـي تلطعـه ومتـى مافضـت تطلعلـه وعلى العكـس والنقيـض تلقاها اذا صارت ببيـت اهلهـا
وتاخـر عليهـا زوجهـا تحـرق جوالـه من كثر الاتصالات واللي يشوفهـا يقول كن اهلهـا طاردينهـا !!
وبصراحه الحريـم فيهم برود ومصالـه ولا يحترمون المواعيـد ابـد سواء مواعيد المتزوجيـن او الغير متزوجين :D
تقاها تواعدك عند بوابة مملكـة المراه وتنلطع هناك تنتظرهـا وتسولف مع السكورتي وتسوي نفسك بريئ
وتتميلـح عنـده وبعد ربع ساعـه توهـا تجي طويلـة العمـر وعلى طاري المملكـه يقولـه واحـد مره واعد وحـده
من النـت متعـرف عليهـا المهم وقالتلـه تعال عند مملكـة المراه ويوم راح وقالهـا سيارتـه افتـحـت البـاب وقالـت
انـت فلان ؟؟ قالهـا الله من زين السؤال بس حتى لو موب انا هو بقول انا بس امشي اركبي :D
ثانيـا حلاة الرجال بهواشـه يازيـن الرجال اذا هزء بالنهـار وراضى بالليـل :d وترى هذي السـوالـف
اكثـرهـا برستيـج للرجـال ويسوي على بالـه انـه شديد وخطيـر وحتى البنـت في داخلهـا تنبسط اذا شافـتـه
يهـاوشهـا بس تسـوي نفسهـا زعلانـه وحركـات يعنني يعنني :D ودايـم يالزوجـه العزيزه عطي زوجكـ جـوه
بكـل شي ومشـي الامور من تحـت لتحـت واذا هاوش عليكـ ابتسمي فاكيـد زوجكـ يحبكـ :D

[d r e a m e r]

الغلط منهم الاثنين :rolleyes:

ما احمل الغلط على واحد منهم بس


يعني الزوجه لازم تكون مستعده لاي موعد اتفقوا عليه .. وتحاول بقد ما تقدر انها ما تتأخر

وحتى لو تأخرت شوي.. ما يبرر للزوج اللي يسويه من صراخ وتأفف وتعصيب

لازم يكون عنده شوية تحمل .. ويمسك اعصابه .. ولا على كذا راح تصير حياتهم كلها مشاكل ×مشاكل

حتى لو كانت هذي المشاكل صغيره وتافهه وروتينيه

وبالاخير هذي زوجته :rolleyes: لازم يقدر هالشي .. مو عامل عنده يصارخ ويتذمر من اي شي يسويه ويتأمر عليه :rolleyes:

[ام الغالين]

انا مو معك يالف مليون اذا زوجي يحبني ليش مايوضح احنى الحريم نحب التصريح مو التلميح

وبعدين اذا انتظر خمس دقايق اعتقد ان الدنيا ماخربت او وقفت عند ها الخمس دقايق ليش الرجل مو بعقله الكبير يطوف مرة ومرتين وعشرة
هذه زوجته هي الوحيده اللي يقدر يقول كل اللي بخاطرة لها ليش مايدلعها ويمدحها لو بالكذب احنا نحب اللي يمدحنا وحنا ندري انه يكذب بس حلوة من الزوج

ارجوا ان تتقبلوا راي بشكل رحب

ومشكور على طرح الموضوع ولعل الرجل يعتبر

[رنـّو]

والله الانتظار واللكاعة انا مااتحملها :(
وعادي اعصب واخاصم واصرخ على اللي يلطعوني..

بحكاية المواعيد يعني مو على تأخير غدا ياساتر pb036


المشكلة قبل الزواج عادي ينلطع ولد الناس نص ساعة على بال ماتتمخطر الست هانم :rolleyes:
وبعد الزواج الساعة تسير سنة..

يعني الشباب بيقنعوني انهم ينفخو على خوياتهم لو تأخرو عالديت؟ :D
بس الزوجة لانها خلاص سارت ضممن الممتلكات فمن حقه :)

بس اللوم مو عليه اللوم عليها انها تسمحله..







الف مليون

يقولـه واحـد مره واعد وحـده
من النـت متعـرف عليهـا المهم وقالتلـه تعال عند مملكـة المراه ويوم راح وقالهـا سيارتـه افتـحـت البـاب وقالـت
انـت فلان ؟؟ قالهـا الله من زين السؤال بس حتى لو موب انا هو بقول انا بس امشي اركبي



ياثقل دمها, على بالها ice breaker

[NawaL]

هلابك سحر المعاني ،

مووضوع مره نايس ، معانيه عميقه للغايه ،

صراحة طولة البال ، صفه منقرضه في مجتمعنا !!!

ممكن ينتظر 5 ، او 10 لكن مو اكثر :D

من جد ، بالنسبه لي ما احب الإنتظار ، واحس كأني الله يعاقبني اذا جلست انتظر احد ،

شي ما احب لنفسي ، اقدر هالشي للغير ،

احترم المواعيد ، وا احب احد ينتظرني ، لأني احس بالنرفزه اللي تصير لا صار احد ينتظر ،

.
.

هو المبدأ وين

ان الواحد مايخلق مشكله والسبب بسيط مايحتاج عصبيه وزعل وخناق عليه ،

يطول باله قد مايقدر ،


تسلم ع الموضوع ،

[سحر المعاني]

يا جمـــاعة الخير

أنــــا مثلكـــم ما أتحمل أنتظر كثير
و أتفق معكـــم إن معظم الحريم مستحيل ينزلون على الموعد

لكـن أنـــا أقصـــد أن لا نجعل الغضب يدخل لأنفسنا
بسبب وقت يسير جدا

:)

أرجو أن تكون الفكرة قد وصلت

[حاطه دوج]

بصراحه اشوف انه لازم يتعلم الصبر
يعني احيانا الوحده تجي تطلع
وخلاص لبست العبايه تنشب فيها وحده متى نشوفكم او وش اخبار فلانه ومو ذوق تمشين وهي تكلمك فتضطر انها تختصر قد ماتقدر بس ممكن تطول فلازم يراعي وبرضه هو يتاخر وهي اكيد تراعيه
وعلى اي حال يصطفلو وش علي لا لي في الطين ولا الطحين
يسلمواbp039

[ام جعفر]

ههههههههههههههههههههههههه ياأني دايم اتأخر على مواعيدي بس يبيلي اعدل هالعاده قبل مااعرس
انا اتأخر على الناس ومااحب احد يتأخر علي (:

[فالتهااا]

ياحووبيلي وانا جرينتش ويمكن قبلها بدقيقتين بعد :o



مسألة التأخير يعني ماخربت الدنيا فيه حريم تزين الوحده عندهم اذا جت تطلع


ولا العيال يلعبون حبشه بالحوش واللي يلحقهم ولدها مثلاا pb036



يعني تخيلو تخيلو تاخذ ولدها وهو مامسك احد وتخرب اللعبه pb036



قااسمن ان يحجرون لها البزران ويصفقونها خخخخ :d





والألتزام بالمواعيد شي حلوو لأنوو توضح اهتمام الشخص او الشخصه بشسمه :D





وشاكره لك سحر المعاني bp039






،

[خلود21]

الصبر عند الرجال صفر
وعند الحريم لازم يكون 100
حالة والله انتم يالسعوديين
ياخي وش فيها 5 دقايق بتخرب الدنيا
الف مليون ,,,,, لاحظت انك بكل رد تجيب قصص ياثكر قصصك :) اكتبهم كلهم وحطهم بموضوع

[ابو لمخه]

عليه من الله ما يستحق إن عمل من الحبةُ قبةٌ من أجل الغداء <<<مفطر بيض فاسد كخخخ
الله يعين ..وعلى قولتهم الناس أجناااااااس

[je t'aime]

زوجـــي العزيـز :
هـــل ستسمــــح لـــ 5 دقائق أن تـــعكر عشّنـــا الجميــــل
هـــل ستسمــــح لـــ 5 دقائق أن تعكر هذا المنزل الهـادئ
زوجي العزيـز .. هل ستسمح لـ الدوام أن يسرقنـي منكـ ؟

مشكله الي يقول كلام نظري وكلام على ورق
يعني الحين بزعمكم هالمشاكل سببها خمس دقايق !
ليه حنا لهالدرجه مافينا صبر ؟
ياخي من ابسط حقوقي لما ارجع الدوام 1.30 وخاصه اذا كانت طويله العمر فاضيه 8 ساعات وماعندها شغل وش قاعده تسوي ؟
يعني انا جاي واصل حدّي ومن حقي اغضب ولازم هي تمتص الغصب وتبكر طال عمرها بالخمس دقايق اذا هي عارفه اني بعصب !!
بالنسبه للتأخر بالعزايم تلقى الرجال وراه دوام مبكر ولازم ينام 12 وهي ماعندها تقدير او مراعاه لهالظروف يعني المشكله انه برود زياد واقدر اسميه عند بعض البنات ( قله ذوق ) لانها لازم تساعد رجلها بالنوم مبكر وانه مايتأخر
عموما انا اقول هالكلام لاني اشوفه دام ان البنت عارفه طول عمرها ان الرجال بيعصب عشان خمس دقايق ليش ماتصير فاهمه وتقصرها من اولها ؟؟؟؟

[قشامه محترقه]

دخـل محمّـد في 1:30 ظهرا إلى منزلــه
ثم سأل زوجتـه مهـا : " هل الغــداء جــاهز ؟ "
مهــا : " 5 دقائق و تجدهـ أمامكـ "
و من هنــا تبدأ فصول التفاهــة ..!
لمـــاذا الغداء غير جاهــز ..!!
كم مرّة قلت لكـ إني أريد الغداء جاهـز فور وصولي للمنزل ..!
هل تظنين أنـي متفرغ لك .؟
لدي ( دوام ) بعـد العصـر
أففففففففففففففففففففف

:


هالخمس دقايق يروح يغسل فيها ويغير ملابسه ولا الغدا جاهز

والحرمه مهيب ريموت كنترول والا رجل آلي تبونها بالدقيقه

صح احترام المواعيد زينه وانا منيب احب اللي تلطع ابوها والا اخوها والا المقرود عند الباب

بس ما اظن ان هالخمس دقايق تخليه ينهبل ويعصب عشان شي يمكن غصب عنها ...


عموما انا اقول هالكلام لاني اشوفه دام ان البنت عارفه طول عمرها ان الرجال بيعصب عشان خمس دقايق ليش ماتصير فاهمه وتقصرها من اولها ؟؟؟؟

صح ان فيه بنات ماعندهم حس مسؤليه وانا شايفه هالشي كثير ايام الكليه تقعد سااعه تسولف واخوها او ابوها هذا له ساعه عند الباب ...

وايضاً في رجال وربي ماعندهم اي حس للمسؤليه ...

في الدوام كانت المناوبه علي جت الساعه 3 الا ربع العصر وابو البنيه ماجا واتصالات وتلفونات وكل شوي ابوتس نايم اصبري

انا فرقعت حملت البنيه معي ويوم طقت الباب ويفتح حظره عديم المسؤليه والدها يتنسبل توه صاحي

جعلك منيب قايله ماعندك بنت في المدرسه يمكن انها طاحت بمدرسه قالت وش علي منها وراحت وخلتها وش مصير بنتك

يعني اصابع يدك مهي وحده الرجل والمرأه كلهم سواء يشتركون بهالشي ...

تحياتي ..

:)

[الافــــلاجــــي]

ليش الحرمه ما تهتم بالوقت ليش تعبره شي عادي وعن الموقف الي يتصل عليها زوجها عشان تستعد ليش الحرمه ما تستعد إلا لما يصل الرجال عند الباب تبدأ تلبس العبايه ليش ما تلبسها أول ما كلمها ؟؟

وعن الموقف الاول يجي وينتظر لما الغداء يجهز ليش ما تحاول تنهي الغداءفي الوقت المناسب للزوج طبعا الزوج وقته محدود وطالع من الدوام وتعبان وما جاء للبيت وتزوج إلا لانه يبغى الراحه ,,

[فـريـون]

ابد بلطعه ... وخله يهوش الين يشبع ...<< من النوع اللي يسفه


وزين اذا جت على خمس دقايق..

[مي]

يازييييييييييييييين ها الهوشات المشكله بالمواضيع الكبيره اما زي هالمشيكلات ماتسوي شي وكلها ناتجه عن ضغوط اما ماديه او عمليه وما الى ذلك بس على الزوج والزوجه بتداركها وعدم تكبيرها وخصوصا الرجل لأن المراءه تمر بضغوط تجبرها على التعكيره


مشكور يا أخوي

[وردة الاقلاع]

بصراحه اشوف انه لازم يتعلم الصبر
يعني احيانا الوحده تجي تطلع
وخلاص لبست العبايه تنشب فيها وحده متى نشوفكم او وش اخبار فلانه ومو ذوق تمشين وهي تكلمك فتضطر انها تختصر قد ماتقدر بس ممكن تطول فلازم يراعي وبرضه هو يتاخر وهي اكيد تراعيه
وعلى اي حال يصطفلو وش علي لا لي في الطين ولا الطحين
يسلمواbp039

8
8
8

هههههههههههههه وانت صادقه




واعجبني ردك الف مليون روووووعه



ويسلمووووو على الموضوع

[سحر المعاني]

أشكر الجميع على التفاعل

:)

[السد المنيع 20]

للزوووج له إحترررامه وتقديره

لابد أن تحترررم مووواعيده

موا

تلطعه كأنه سووواق عند الباب

عزيزتي الزوووجة

تعاملي مع زووجك على إنه أميررر

موا هو أمير ملك قلبك

أنتهينا 00 وأنتهى الكلام

تحياتي
السدالمنيع20

[جوهرة]

بصراحة تامّــــة :D ماألوم الرجال أبد على عصبيتهم في هالمواقف .. ماعدى حق الغدا لأنها مابعد صارت شغالة عند أهله ينفخ عليها إن تأخرت ..
لكن التأخير سمة تميز كثير من الحريم .. وتقدر تتجهز من بدري سواء بالتجهز لعزيمة أو حتى توديع الناس بعزيمة ، لكن ماتبي :D تستاهل الي يجيها بصراحة و هذا عدم تقدير للي يستناها .. أعتبرها لا مبالية pb093

[دارما]

بصراحه انا دائما بصف الرجال :D

وقسم بعذرهم يجي الواحد من الدوام دايخ وفطسان جوع همين مايلقى الاكل خالص

بتقولون لي مفروض يصبر ومدري ايش والحياة الزوجيه لازم تعاون ومن الكلام وكل واحد يتحمل الثاني وكذا بس انا اقيسه على نفسي اذا جعت ابي الاكل الحين وفيذا الوقت والا موب لزوم

ازعل اهون :D << طقي راستس بالجدار

يعني اذا جيت من الجامعه والاكل ماخلص اقول مابي خلاص شبعت :D

زينت الشي بوقته وموعده :D

خلصنا من السالفه هذي

الانتظار اشين شي لرجال وللحرمه اكره شي بالدنيا ان الواحد ماعنده نظام ومواعيده تصير خربوطيه

يعني قيسيها على نفسك لو مريتي وحده بتطلعين معها مكان وجلستك بالسياره ساعه وقسم تنهبلين وكلش وشوي تسطرينها

وكيف الرجال الي كل يوم موديك وجايبك فيحس انها اهانه له وانك معتبرته سواق ولطعته ساعه بالسياره :D

< ياعيني عليتس نشوف بكره وش بتسوين

فيعني يالوحده تحط سواق وتسوي فيه الي تبي والا تحترم ولد الناس ولا تحمس تسبده :D

وسلامتكم :D

[سعلوه عرجا]

الصراحه ماله داعي يزعل علي تأخير خمس دقايق..
وش يصير يعني لو تاخر عن الأكل خمس دقايق بموت بصير انقلاب في الدنيا...
بس انتوا يالرجال من جد انانين ..يعني انت حرام تستناها خمس دقايق عند الباب..بس هي عادي تستناك بالساعات ولو دقت عليك تقولك وينك قلبت الدنيا عليها...
انت عادي توعدها تطلعا تعشيها ....وتخلي الفقيره تستناك وتسفها ولا تطلها ولا شي وإذا قالت وينك؟؟ قلت بتعشي معا ربعي..لا تقولون مانسويها وربي اتسونها ...وانا شايفه مواقف كثيره.............
الصراحه انا من قهره من الرجال وانانيتهم...

[دانتيل]

اخوي سحر المعاني
موضوع رائع واكثر من رائع
والقليل ينتبه لمثل هذة الامور

مثل العادة
دائما اللوم واصابع الاتهام
تتوجة صوب المراة
لانها الوحيدة المطالبة بالكمال:(
تركو كل الامثلة الي اوردتها
وعلقوا على الانتظار
الانتظار سئ سواء من زوجه او زوج
او اخت او اخ
اوبنت او ابن
لكن الفرق هنا ان النرفز ماتطلع على الجميع
لو تأخر عليك صديق اخوك حتى
هل ستنفعل مثلما تنفعل على زوجتك:mad:
ابدا
فلزوجه مثل كيس الملاكمة كل التعب والقرف يطلع فيها
وهذا خطا يقع الكثير فية الجانب الحلو والاخلاق بر البيت
جو البيت نفسة في خشمة
ينفعل على اتفه شي
اخوي سحر المعاني اعتقد انه
لاحاجة لكتابة موضوع معاكس
لانهم حاكموها واصدرو الاحكام
قبل طرح الموضوع
فالرجل لن يلام على غضبة حتى لو كان بدون سبب وجيه
فلا تتعب نفسك (اسفه على التطفل مجرد وجهة نظر)ا لكل يخاطب المراة والكل يلوم المراة
وكانها الة لاتخطي ولا تنسى ولا تمل ولا تكل
وتناسوا ان الزواج
شراكه بين اثنين
فيالظلم:mad:
يطالب احد الشريكين بالكمال
ولا يطلب من الاخر التماس العذر
فالحياة اجمل من ان نقضيها في لوم
من تفني نفسها لخدمتك
اما تسالت يوما مالذي جعلها تطبخ وتقوم باعمال المنزل
وهي ليست من واجباتها شرعا
الا محبة فيك ومحاولة لارضائك
فكيف يصبح تطوعها واجبا تلام علي تركه او التقصير فيهpb093
ام ان الرجل لايحمل في راسه عقل لنخاطبة
او انكم تعرفون ان الرجل لن يستمع لنصائح احد
لانه لم يتعود ان يتغير من اجل اي شي
لا رجولتة المزعومةينخفض معدلها
اذا لم يستعرض عضلاتة وينفخ على المدام ويهزاها
مايحس انه رجل

او انه فهم الموضوع غلط
وان زوجته تستانس اذا هزاءها
مثل الاخ الف مليون
ماعتقد ان فيه احد يحب ان يتهزاء
ومن مين
من زوجها
عندكم مفاهيم يالسعوديين يبيلها استئصال من الجذور
هل انت تشوف امك تستانس اذا هاوشها ابوك؟

[al 3need]

يعني الشباب بيقنعوني انهم ينفخو على خوياتهم لو تأخرو عالديت؟ :D






لالالا ولوووو ههههههه

بس اهم شي تكون تستاهل يكون تاخيرها عسل على قلبي pb189

عمومآ بخصوص هالموضوع انا اشوفه شي عادي بين الزوج وزوجته مع اني مو متزوج

بس من الي اسمعه واشوفه احس الاشياء اللي تحصل بينهم يعني يخلي حياتهم فيها شويه اكشن pb095

ويبعدها عن الرتابه والروتين القااااتل :sm5:


يسلمووو

تشااااو