وصول لكزس Es350 لدى الوكيل عبداللطيف جميل

[Mr. M]

السلام عليكم ورحمة الله وبركاته

لكزس ES350 وصلت عند الوكيل عبداللطيف جميل

على حسب كلام مسئول المبيعات في فرع العليا السياره بدا الحجز فعلياً عليها وأن راح يتم عرضها ان شاء الله رسمياُ يوم السبت مو الجاي اللي بعده 24 جون

راح يكون فيه نوعين مواصفاتهم تقريبا كامله بس الفرق بينهم نظام الملاحه

السياره بدون نظام الملاحه سعرها 136 الف ريال وبنظام الملاحه 149 الف ريال

في سياره وحده في المستودع رحت وشفته وماشاء الله السياره صارت احلى واضخم من قبل

خذت لكم صورتين بكميرا الجوال على السريع

http://www.eqla3.com/vb/attachment.php?attachmentid=180367&d=1150410462
http://www.eqla3.com/vb/attachment.php?attachmentid=180368&d=1150410462

[اوووب صااااحي]

اووووووووووووووووو


حلوووووووووه السياااااره



مشكور على الموضوع

[وش ملحـــــــه]

:eek: 13 ألف عليشان شاشه :eek:

اللون قبيح صايرة كامري

يعطيك ألف عافيه

[ْالـoJg]

الف شكر
زين اني انتظرت وما طلعت الافالون ان شاء الله اطقلي واحد زي هالاطخم ,,pb189
بس اذا الفرق بين النوعين فقط شاشه ملاحة وزيادة 13 الف ماظن النوع الثاني يستاهل
ان شاء الله ما تطلع مثل الافالون طلبية ويوفرها الوكيل بشكل مرضى

[ْالـoJg]

بس مو كأن فتحة السقف وحده بس ولا انا غلطان ؟

[عبدالملك]

واضخم من قبل

مصخوها كل مالها تكبر !! فاهمين نوعيه السيارات غلط يعني طولها طول 2 بي ام فئه ثالثه

عقبال ماتصير سفينه :d

بس شكلها تحسن عن اول اللي كان ((عقيم)) مايجيب عيال يعني خخخخخ

[SilverWolf]

صراحة :

لاقينا عبداللطيف جميل .
السياره بدون نظام الملاحه سعرها 136 الف ريال وبنظام الملاحه 149 الف ريال سعر غالي جدا جدا جدا .

[&&&مستر إكس &&&]

مساء الخير ,,,



رجعت مثل كامري ولكزس موديلات ال 96 وفيها أيام كانوا يقولون عنها كامري الشيوخ ,,


يعني ماتفرق واجد عن الكامري ,,



فمستحيل تدفع هالمبلغ لو يجيك بدوي ويغير علامة تويوتا بلكزس صار مثلك :) ,,


تسلم على الصور ,,


تحياتي,,

[القرايــن]

يعطيك العافية مستر إم على الخبرية..

فعلاً أسعار مبالغ فيها ..

[bod@]

يعطيك الف عافيه Mr-m على الموضوع الحلو

[P800]

مو كان الخلفية تشبه السوناتا هيونداي 2006
صح ولا انا غلطان

[Al-sindi]

136 ألف

والله حرام ذا المبلغ في تيوتا

[ابو سميث]

حليوووة

الحين انتهى شهر العسل بالنسبة للافالون ;)
بس سعرها مرة مال امه داعي..ازودها كم الف واطق لي c 300..اوجه واكثر هيبة

ماقصرت والله

[Muna Ro7ha]

والله حرام هـ السيارهـ عليها علامة لكزس
أحسها إهانة لهيبتها أتوقع الشكل القديم ( الحالي ) أفضل بكثير
حررررررررررررام 13 ألف ع شاشة
وكله كوم واللون كوم ثاني كانه الصافي دناو بالبسكويت ( البسكوت ) pb192
ع كل حال يعطيك العافية ع المعلومة
أخوك نواف

[Muna Ro7ha]

ملاحظة الجنوط فاشلة لأبعد الحدود

[رعبوب]

سبق للاقلاع

ليتك يالغالي كتبت اسمك على الصور منعا للزرف :d

السيارة طلعت انعم في الشكل الخارجي من الموديل الحالي لكن السعر مبالغ فيه شوي

يعطيك الف عافية ابوي

[Mr. M]

شكراً للجميع على الردود

بالنسبه للي يقول ان سعر السياره غالي عليها انا احترم رأيه لكن لو تشوف مواصفات السياره اللي هي كل المواصفات الموجوده في الجي اس ماني فاضي اسردها مشوار :) لكن لو ملزمين اسردها :D انا بنظري اشوف ان السعر معقول نوعا ما عطوني سياره ثانيه موجوده في السوق حالياً بنفس المواصفات وبنفس السعر وبقلة المشاكل المعروفه لكزس بها :rolleyes:

هذا موقع لكزس ES350 للي يبي يسير عليه اضغط هوون (http://www.lexus.com/allnewes/index.html)

[Criminal Mind]

يعطيك العافية ..

أشوف إنها تحسنت كثير من ناحية الشكل الخارجي ..

لكن السعر مبالغ فيه ..

[راعي استهبال]

الصراحه شكلها مدري شلون جاي
ننتظر شوفتها على الطبيعه عشان نحكم :rolleyes:

بس اذا كان الزياده 13 الف بس عشان نظام ملاحه واااااجده والله

[كيف الحال]

غالــــــــــــــــي
استغلوا حب الناس لهم ورفعوا الاسعار
الشكل لك عليه كثيـــــــــــــــــــــــــــــــــــــــــــــــ ــــــــــــــــــــــر
ننتظر نشوف صور اكثر ونعرف المواصفات كلها بعدين نعطي حكم نهاءي لان يمكن اللون ظالمها طالعه كنها من تكاسي دبي
ويعطيك العافية

[Mr. M]

نسيت اذكر نقطه ان الصور هذي للفئه اللي بدون نظام الملاحه وعلى فكره جنوط السياره تختلف عن اللي فيها النظام واللون هذا مايخدم شكل السياره وظالمها

شكراً للجميع مره ثانيه

[Muna Ro7ha]

نسيت اذكر نقطه ان الصور هذي للفئه اللي بدون نظام الملاحه وعلى فكره جنوط السياره تختلف عن اللي فيها النظام واللون هذا مايخدم شكل السياره وظالمها

شكراً للجميع مره ثانيه

يمكن اللون له دور كبير بس احس البودي حقها لك عليه شوي
بس كـ مواصفات في الموقع المذكور أعلاهـ يتضح ان مواصفاتها خيال
يعطيك الف عافية

[[] حرك تبلش []]

يالله لا تبلانا....!!!

عبداللطيف لاقي ناس تسمع بالياباني وبالصبر......ومطير الأسعار.....وهالمهبل يدربون روسهم وراه

اقول.....اها بس يا لكزس...والله لو تقعدين 200 سنه ما وصلتي الألماني

شكرا على الموضوع<<<<لا تهوش طيب :d

[جعلس فى الجنه]

يااخي غلوها

[تشيز برجر]

مشكور على الصور
وصدق من سماها كامري شيوخ
لكن كامري بمواصفات خيالية

[مجنون لين]

لو بشتري اللي 149 ازود واشتري Gs

[M z a j y e]

بايخه والــ 2005 اصرف ولا لا رعبوب .. ؟! :d

مشكور حبيب البي .. : )

[Muna Ro7ha]

لو بشتري اللي 149 ازود واشتري Gs
أكيد إذا نزلوا الـ ES بها السعر راح يطير سعر الـ GS بشكل فضيع
نفس نظام الـ LS قبل ما ينزل GS430 كانت بـ220 ألف وبعد مانزلت لكزس نوع ثاني من الـ430 ارتفع سعرها 15ألف تقريباً

[عبوo0o0دي]

كعادة عبد اللطيف جميل
المبالغه بالاسعار
,,,,
السعر على الشكل

مبالغ فيه

بصراحه احسها عاديه مافيها ذاك الزود بالفخامه

بإختصار كأنها كامري 2007 بس فل كامل

[desprado]

كامري شيوخ غااااااااااالي

[مدرس خصوصي]

والله الموتر كنت اشوفه بايخ وكامري شيوخ لكن واحد من العيال معه 430 ودخلها الصيانه وعطوه اي اس 300 موديل 2006 ويوم جربتها وسقتها تغيرت نظرتي للسياره 180 درجه وكبرت السياره في عيني واللي يسب السياره يجربها قبل لايسبها وبيتغير رايه

تحياتي

[عبوo0o0دي]

^
^
صحيح كلامك
السياره كـ قياده ممتعه
بس كـ شكل
جداً عاديه

ويـا كثر السيارات الي زي كذا
ممتعه بقيادتها ورفاهيتها
خصوصاً باللكزس بشكل عام
تتمتع بنظام صوتي فـائق بصراحه
......
بس هذي المره ما جمعت ما بين الشكل والرفاهيه
جداً عاديه خارجياً
وعلى قولتك كامري شيوخ
لك كل الود
:)

[Mr. M]

شكراً للجميع على الردود سواء اللي اعجبته السياره او لا والايام القادمه تثبت صحة نظرة كل واحد او العكس

هذا موقع عبداللطيف جميل عن السياره هنااا (http://www.lexuspromo.com/KSAES2007/)

[A L F A I S A L]

مشكور أخوي على المعلومة 0 0

بس للأسف ياخي اني دخلت موقع وشفت صور السيارة السقف حقها بانوراما . . . :)

بس للاسف يوم سالت واحد بوكالة جدة قال ما بتنزل ولا راح تنزل بانوراما :(

لان احتمال ان الـ Gs موديل 2007 انه يجي بانوراما , فلذلك لو نزلو الـ Es راح تضرب سوق الـ Gs300

تحياتي الفيصل . .

[الدمع مايرقى]

اللي جازله ياهلا وسهلا

واللي ماجازتله الـ es

ياأخي السيارات واجد ...

وش حارق رزكم .. ؟؟

لكزس وضعت هالسيارة للي على قد حالهم .. يعني هذه إيقالها أردى الزينات ..

فرجاءً لا حد يسبها ..

قال أيش قال كامري شيوخ ..

ياحبيبي

ياحبيبي

[Mr. M]

بس للاسف يوم سالت واحد بوكالة جدة قال ما بتنزل ولا راح تنزل بانوراما :(

لان احتمال ان الـ Gs موديل 2007 انه يجي بانوراما , فلذلك لو نزلو الـ Es راح تضرب سوق الـ Gs300


أخوي الفيصل كلامك صحيح وتعليل الوكاله ان جونا ماينفع لسقف البانوراما عذر غير مقنع طيب في امريكا الولايات اللي جوها حار مثل تكساس سقف البانوراما متوفر وش معناته هذا معناه ان الوكيل حقنا ماعنده سالفه وحالف اللي يسوي حركات النص كم حقته ولا المفروض انه يوفر السياره بالسقف او بدونه للعميل.

الجي اس 2007 بحكم اطالعي على المنتديات الاجنبيه مالقيت اي معلومه حتى الان تدل ان سقف البانوراما راح يكون متوفر فيها لكن السياره راح تكون GS350 بدل GS300 وراح تتغير مكينتها واغلب الظن تكون مكينة اختها الصغيره IS350 اللي تنتج حوالي 300 حصان

[A L F A I S A L]

لان احتمال ان الـ Gs موديل 2007 انه يجي بانوراما , فلذلك لو نزلو الـ Es راح تضرب سوق الـ Gs300



اخوي مستر ام : انا اقصد ان الـ Es لو نزلت الحين بانوراما محد بيشتري الـGS 300 لان فيه ناس همها السعر

وانا ما قلت اكيد بس فيه احتمال ان الـ GS تنزل بانوراما .

تحياتي . . الفيصل

[Mr. M]

اخوي مستر ام : انا اقصد ان الـ Es لو نزلت الحين بانوراما محد بيشتري الـGS 300 لان فيه ناس همها السعر

وانا ما قلت اكيد بس فيه احتمال ان الـ GS تنزل بانوراما .

تحياتي . . الفيصل

انا فاهم عليك اخوي ومعاك في كلامك ويمكن هذا واحد من الاسباب بجانب مقولة الوكاله ان جونا مايناسب

يعطيك العافيه

[درب الألــم]

ما تفرق عن شكل الكامري

والسعر مبالغ فيها

يعطيك العافية اخوي

[فتى ماربيا]

بصراحه ... ما افرق بينها وبين الافلون 2006 او 2007 ... والخلفيه الافلون احسن بكثير !!!

[مـعـقـولـهـ تـنـسـانـي]

يارجال الاكسنت الحين سعرها فوق الـ 30 الف بعد ماكانت تحت الـ 25

دام ماعندك حمايه مستهلك يا مالك من الاسعار

[على باب الله]

بصراحه خيال ولو ينزل سعرها ويكون إلي بالملاحه سعرها 13000 راح تمشى معاه زي اللوز بس أبو جميل طماع مثل حبيبنا صالح كامل pb192
وخاصه اللون الاسود
http://www.lexus.com/assets/models/gallery/colors/main_assets/exterior/es_black_onyx.jpg


وهذا

http://www.lexus.com/assets/models/gallery/colors/main_assets/exterior/es_moon_shell_mica.jpg

شوفوا كيف سقف البانورما طالعه عليها شيل خيالي

طيب الامارات وباقي دول الخليج نقدر نحصل عند وكيلهم نفس النوعيه تكون بانورما وإلا في كل الخليج ما نزلت

نصيحتكم إلي يبي يشتريها ينتظر كم من شهر يمكن تنزل الاسعار أو يمكن تبان لها عيوب :cool:

[ْالـoJg]

أخوي الفيصل كلامك صحيح وتعليل الوكاله ان جونا ماينفع لسقف البانوراما عذر غير مقنع طيب في امريكا الولايات اللي جوها حار مثل تكساس سقف البانوراما متوفر وش معناته هذا معناه ان الوكيل حقنا ماعنده سالفه وحالف اللي يسوي حركات النص كم حقته ولا المفروض انه يوفر السياره بالسقف او بدونه للعميل
اي جو وكلام فاضي !!
فان البريفيا من تويوتا سقف بانوراما .. وموجود عندنا هنا
الموضوع مثل ما قلتوا استغلال باستغلال
والله اعرف واحد كويتي مره كنت عنده بالكويت معه مكسيما 2004 توه مطلعها وكاله ويقول بهذلته دافع فيها 250 دينار للحين وهي توها جديده ( حول 2500 )
قام اخذني معه حمايه المستهلك بالكويت جا معنا موظف دخلنا الوكاله
وقال لوخوي عطني فواتير عن المبالغ الي دفعتها لهم وعطاه
والزبده بالاخير رجع الماكس القديمه للوكاله وعطوه وحده جديده + رجعوله كل المبالغ الي دفعها
مو حنا عندنا والله حقوق العالم ضايعه بالشوارع

[فيصل وسيع الصدر]

حلوه السياره ويكفي انها من لكزس
واللي ما جرب لكزس بأي فئاتها ما ينلام :)
فئة es من موديل 2002 وهي ما عليها كلام ... تقنيه وقياده وشكل مقبول :)

[crazy frog]

شباب من قال ان 13 الف بس عشان نظام الملاحه ((النافيقيشن)) ياشباب 13 الف عشان الشاشه وبما فيها يعني من مميزات الشاشه:

1- تحكم بالتكييف عن طريقها

2- تليفون

3- نظام الملاحه

4- مشغل Dvd

5- التحكم بالسيديات الست عن طريقها والتحكم بالنظام الصوتي كاااااامل...

6- الصيانه تبرمج لك الكمبيوتر ويخبرك الكمبيوتر عن الاشياء اللازم تغييرها مثل الزيت الكفرات او حتى الصيانه الدوريه فيها


وثاني شي اللي يقارنها بالجي اس ويقول ازود شويخله يزود 24 الف وياخذ جي اس اضعف مكينه وشكل له سنه وبدون حساسات وبدون فتحه وللمعلومه الجي اس الفل اوبشن مافيها لامشغل Dvd والا يشغل سيديات Mp3 ولا ستاره خلفيه والجي اس اصغر من هذي بصراحه الجي اس تتفوق شكل اوكيه بس بصراحه تسبب ازمه للي ورا كثير وبصراحه اللي بيشتري الاي اس بتكون عنده هذي المواصفات وثاني شي اتمنى تحط براسك ياللي بتشتري سياره ان الجي اس بدى يعتاد عند الناس بعكس السياره وهي جديده مهب عند احد يعني امة محمد تجذبهم سيارتك المهم انا بصراحه مقتنع بالاي اس اكثر وخاصه لو بغيت نفس مواصفاتها بس على الجي اس ابدفع زياده 50 الف <<<<<<<<< قيمة موتر جدييييييييد

[Silver Shadow]

بصراحة استغرب من اللي يسميها كامري شيوخ وهو ما جربها ولا ركبها اصلا pb192 يكفيك بس عزلها للصوت فرق

كبيييييييييير بينها وبين الكامري . ا.هـ :D

[Mr. M]

اخوي كريزي فروق يعطيك العافيه واضف عندك الفروقات هذي

- وجود الكاميرا الخلفيه
- نظام مارك لفينسن الصوتي ووجود الكاسيت بينما النوع الاقل غير موجود
- نوعية الجلد المستخدمه في الفول اوبشن تختلف عن النوع الاقل وافضل منها
- وفيه نقطه قلتها قبل شكل الجنوط يختلف واحلى بمراحل للفول اوبشن

يعني مثل ماقلت 13 الف مهيب عشان نظام الملاحه بس

شكراً لك وللجميع على ردودهم

[No - Way]

بصراحه

شكل المرايا الجانبيه غبي مره :sm4:

لو جت مثل GS430 بالزاويه يكون احلى ويحطون غماز فيها يطلع جنان :)

مو مثل الصوره جايه بنص الباب ,,, ليه :mad:

تذكرني المرايا بمازدا 929 موديل 81 ( البقره ) اللي تعلمت السواقه عليها خخخخ

بعدين وش 150 الف في ذا الكامري ازود عليها 40 الف واخذ GS430 مو احسن بلله

شكرا ع الصور

[crazy frog]

بصراحه

شكل المرايا الجانبيه غبي مره :sm4:

لو جت مثل GS430 بالزاويه يكون احلى ويحطون غماز فيها يطلع جنان :)

مو مثل الصوره جايه بنص الباب ,,, ليه :mad:

تذكرني المرايا بمازدا 929 موديل 81 ( البقره ) اللي تعلمت السواقه عليها خخخخ

بعدين وش 150 الف في ذا الكامري ازود عليها 40 الف واخذ GS430 مو احسن بلله

شكرا ع الصور


ياخي انت حبيييييب جدا...

اول شي يوم انك تقارنها بالجي اس قارنها صح ..

من قالك انك تزود 40 الف عشان جي اس 430 ياخي تزود 70 الف وتاخذها ويجيك واحد شاري الاي اس وتشوف المواصفات والا هي نفسها وافضل بعد وان كان تبي تعرف وش افضل فيه شف ردي اللي فوق فاقول انك تكون دفعت 70 الف عشان شكل ((((((((فقط)))))))

[No - Way]

8
8
8

مالي شغل غيروا المرايا الجانبيه والا بشتري جي اس خخخخ


اذكرك 2008 بيغيرون المرايا الجانيه

الشكل الخارجي مهم

[M@JOODY]

اي اس 300 موديل 2006 ويوم جربتها وسقتها تغيرت نظرتي للسياره 180 درجه وكبرت السياره في عيني واللي يسب السياره يجربها قبل لايسبها وبيتغير رايه

تحياتي




صااااااادق

ويكفي اسمها لكزززززززززس

[Mr. M]

شكراً للجميع على الردود