للمتزوجـــين فقـــط ..!! [الارشيف] - منتديات شبكة الاقلاع ®

عروة بريق

16-06-2006, 13:10

السلام عليكم ...

تحياتي للجميع بدون استثناء ..

فالحقيقة ابدخل فالموضوع علطول بدون مقدمات ..!!

انا شاب امر في مرحلة ضغط كبيييييرة من الوالد والوالدة اني اتزوج !!!

حتى من أقاربي .. وكل يوم والثاني على هالموال !!!

انت وش ناقصك !! لين متى وانت جالس !! خل اهلك يفرحون فيك ..... وشي من هالقبيل !!!

المشكلة ان اغلب المتزوجين اللي اعرفهم يقولون انتبة تراه ربطة وانتبة تراة قلق وانتبة ترا والله ان تحسف وانتبة وانتبة !!!

ابي الراي منكم !! لعل وعسى ارسي على بر !!!

وتحياتي مرة اخرى للجميع وآسف على الأطالة ..

RAUL

16-06-2006, 13:19

بأختصــار ,,

متـى ما وُفــقت بأختيــار الزوجه الصــالحة ,,
اللي بينك وبينها تفاهم كبير وعوامل مشتركه,,
بتعيــش ان شالله في حيــاة هادئه وسعيـدة ,,

أغــلب اللي يـصفون الزواج يالربطه و ( القلق ) او شي مثل هالقبيـل
هو نتيــجه لســوء اختيــارهم ,, او على الاقــل ,, مافيه تفــاهم بين الاثنين ,,

تحيــاتي لكـ

جليليو

16-06-2006, 13:22

ممكن أخوي عروة بريق تسلفني أهلك ، خل عنك هالحكي صدقني أغلب المتزوجين في راحة أستقرار نفسي وراحة بال وتلقى من يهتم فيك لأنك أنت أنت مو لأنك أبن أو أخ أو غيره ولو ما حصل من الزواج إلا أنه تحقيق للفطر السليمة لكفاه وصدقني أنا دايم أسئل المتزوجين أنتم مرتاحين ؟ وربي أغلبهم ندموا على تأخرهم في الزواج .

شد حيلك ولا تنسى تعزمني

عروة بريق

16-06-2006, 13:23

بأختصــار ,,

متـى ما وُفــقت بأختيــار الزوجه الصــالحة ,,
اللي بينك وبينها تفاهم كبير وعوامل مشتركه,,
بتعيــش ان شالله في حيــاة هادئه وسعيـدة ,,

أغــلب اللي يـصفون الزواج يالربطه و ( القلق ) او شي مثل هالقبيـل
هو نتيــجه لســوء اختيــارهم ,, او على الاقــل ,, مافيه تفــاهم بين الاثنين ,,

تحيــاتي لكـ
راؤل عزيزي شكرا لتفاعلك وانا اوافقك الرأي بس البيوت اسرار والزوجة اللي تتكلم عنها راح تكن سر داخل منزل صعب اكتشافة !!

قشامه محترقه

16-06-2006, 13:26

ياحي الله البرقان كلها ...

http://www.eqla3.com/vb/images/avatars/733.gif ياوخيي وش ناقصك كلك ملح وقبله :D

شف وانا اختك لا انا ولاغيري من اللي بيردون عليك هم اللي بيحمسونك للزواج

انت من نفسك اذا كنت مقتنع اقتناع تاام وانك قد المسؤليه تقرر هل انت على قد المسؤليه او لا

لا امك ولا ابوك ولا اي احد انت اللي بتعرس مهوب هم ...

المشكلة ان اغلب المتزوجين اللي اعرفهم يقولون انتبة تراه ربطة وانتبة تراة قلق وانتبة ترا والله ان تحسف وانتبة وانتبة !!!

شف هذولا وربي مهمب اصدقاء خير

قلهم طيب دامكم منمب سعيدين وشله مستمرين بيقولون لك من قال ان انحن منحمب سعيدين ...

يحسبون العرس وناسه وساعه صدر وبس لا يبون مسؤليه بيت ولا زوجه ولاش ...

تسان انك تبي تعرس ولا يودي حرمك الا اخوانها وابوها لاتعرس ...

تسان انك تبي تعرس ومايصرف عليها الا ابوها واخوانها لاتعرس ...

تسان انك تبي تعرس وتجيب عيال ولاتدري عنهم ولا تدري وش يسوون لا تعرس ...

انت اللي بتقرر مهوب احدن غيرك اقعد مع رويحك في قرنه وفكر وشف انت قد هالمسؤليه او لا ...

وصل استخاره قبل هذا كله ..

والله يوفقك وان قررت تعرس اعزمنا على عرسك .. :D

تحياتي ..

لوتي

16-06-2006, 13:31

المشكلة ان اغلب المتزوجين اللي اعرفهم يقولون انتبة تراه ربطة وانتبة تراة قلق وانتبة ترا والله ان تحسف وانتبة وانتبة !!!

بالعكس اذا اهلك حابين لك هذا الشيء وانت قد المسؤوليه اعقلها وتوكل :)

المتزوجين اللي قالوا لك عكس هذا الكلام لو هم مو سعيدين ولا مبسوطين كان ما استمروا وعاشوا ;) بس خنبقه وكلام فاضي....

الحياة كلها مسؤاليه حتى ونفسك واللي هي اهم شيء تملكها مسؤول انت عنها ....يعني اكيد انك تاكل وتشرب علشان تعييش:sm4: وتبتعد عن المضر لصحتك....

وفي حياتك تعرف الصح من الغلط....

الا اذا انت حاس انه فيك شيء يبعد فهذا راجع لك....اما الكلام الفاضي ترى ما يسد ولا يرد....

برض عليك بالدعاء اهم شء اذا الله كاتب لك شيء بيصير....

واهم شيء انك تكون قد المسؤوليه علشان ما تورط بنت الناس :D

وسلامتكbp039

عازف العود

16-06-2006, 13:44

عزيزي

إن لم تكن هناك
" أنثى "
خلقت تلك الرغبة لديك
فـ
" أنصحك "
بألا تفعل

ابقى
" عازبا "

ما العيب في ذلك

فيولا

16-06-2006, 13:54

وأنا اختك اعرس والله ان تذوق الفرق pb094

الى جيت لبيتك ولا زوجتك الحبيبة تنتظرك تلقى احد يهتم فيك احد يرعاك احد يسمع شكواك:rolleyes:

وبعد ما تحمل زوجتك تقعد تنتظر مولودك بفارغ الصبر ويا محلى منظر الاب وهو يحتضن ابنه :( عنق روحه لا ول مره

يكفيك بس كلمة بابا لا تفوتك :rolleyes:

نصيحة لك اخوي اعقلها وتوكل

تزوج اليوم قبل بكره والله يبارك لك ويوفقك bp039

تحياتي اخيتك فيولاpb189

هادي طبايع

16-06-2006, 13:57

عزيزي

إن لم تكن هناك
" أنثى "
خلقت تلك الرغبة لديك
فـ
" أنصحك "
بألا تفعل

ابقى
" عازبا "

ما العيب في ذلك
احسنت

وتذكر دائما
تزوج من تحب ولا تتزوج من تحب امك

الف مليون

16-06-2006, 14:10

لاتعرس وش معجلك لاحق على الهم والغم وانا اخوكـ ودامك ماحجزت شي هالصيفيه مايضرك
اصبـر ليـن بعد العيـد وانـت الحيـن شايف حال البنـات تتزوج بنت تجيكـ الثانيـه مجانا :d
فلاتستعجل واصبـر وكل تاخيره فيها خيره شوفنـي انا الحمد الله صابـر وجالـس وعايـش
ومرتـاح وانا اخوكت اقل شي عشان تتزوج لازم يكون برصيدك ربـع مليـون او يكون عندك 100 الف
غر المهر والشبكــه عشـان تعيـش مرتاح حياه مترفـه وكريمـه وسياره جديده وسفره كل سنــه
فمتى ماتوفرت الفلوس وحسيـت انك اكتفـيـت من الهبـال والصرقعـه تزوج واذا تبي نصيحتـي انا اشوف
ان الواحد مايتزوج إلا اذا تعدى ثلاثيـن وياخذ وحده عمرها 26 او 27 تكـون خلاص ارتكزت وثقلـت وعقلـت
ولا ياانك تتزوج وانت صغير 22 او 23 عشان من يوم تجري بيدينك النعمه وتفتح عيونك إلا انت متوهق بالزواج :d
اخطر سن زواج للرجال بين 25 و 30 لانهـم يصيرون توهم عارفين الحياه وماشبعوا منهـا :d فيتزوج وهو عقله
لازال طاير بالسوالف اللي منا ولا منا فكلها سنه او سنتيـن ويرجع لسوالفه واذكر واحد من اقاربنا الله يرجـه بس
ماطاح بالمغازل إلا بعد ماتزووج وكل يوم مطيح من مجمع لمجمع :d الله يفشله بس وين انسباه عنــه !!!
انت الحين سافر كم سفره وشوف الدنيا روح للنمسا وروح لماربيا وروح للمغـرب :d وعقب ماترجع
يصير خير ..

قشامه محترقه

16-06-2006, 14:15

8
8
8

فمتى ماتوفرت الفلوس وحسيـت انك اكتفـيـت من الهبـال والصرقعـه تزوج

ونعم النصيحه

pb093

لوتي

16-06-2006, 14:28

8
8
خطير يا الف مليون:eek:

الشيء الوحيد اللي اصبت فيه ودايم اقوله لاخواني

وياخذ وحده عمرها 26 او 27 تكـون خلاص ارتكزت وثقلـت وعقلـت

هذا سن النضج عند الفتاة بشكل عام الا اذا هدى ربي بعض البنات:cool:

وللاسف لو شفنا نسبة الطلاق اكثرها 20 19 :( حولها وكثير عوايل اعرفهم يشتكون:sm1:

البنت ما تكتمل عقلها ومداراتها للحياة الا بعد 23او 24 بشكل عام

نور الدنيا

16-06-2006, 14:41

لاتعرس وش معجلك لاحق على الهم والغم وانا اخوكـ ودامك ماحجزت شي هالصيفيه مايضرك
اصبـر ليـن بعد العيـد وانـت الحيـن شايف حال البنـات تتزوج بنت تجيكـ الثانيـه مجانا
فلاتستعجل واصبـر وكل تاخيره فيها خيره شوفنـي انا الحمد الله صابـر وجالـس وعايـش
ومرتـاح وانا اخوكت اقل شي عشان تتزوج لازم يكون برصيدك ربـع مليـون او يكون عندك 100 الف
غر المهر والشبكــه عشـان تعيـش مرتاح حياه مترفـه وكريمـه وسياره جديده وسفره كل سنــه
فمتى ماتوفرت الفلوس وحسيـت انك اكتفـيـت من الهبـال والصرقعـه تزوج واذا تبي نصيحتـي انا اشوف
ان الواحد مايتزوج إلا اذا تعدى ثلاثيـن وياخذ وحده عمرها 26 او 27 تكـون خلاص ارتكزت وثقلـت وعقلـت
ولا ياانك تتزوج وانت صغير 22 او 23 عشان من يوم تجري بيدينك النعمه وتفتح عيونك إلا انت متوهق بالزواج
اخطر سن زواج للرجال بين 25 و 30 لانهـم يصيرون توهم عارفين الحياه وماشبعوا منهـا فيتزوج وهو عقله
لازال طاير بالسوالف اللي منا ولا منا فكلها سنه او سنتيـن ويرجع لسوالفه واذكر واحد من اقاربنا الله يرجـه بس
ماطاح بالمغازل إلا بعد ماتزووج وكل يوم مطيح من مجمع لمجمع الله يفشله بس وين انسباه عنــه !!!
انت الحين سافر كم سفره وشوف الدنيا روح للنمسا وروح لماربيا وروح للمغـرب وعقب ماترجع
يصير خير ..

كـلام جميـــــــل:)

جمان البحر

16-06-2006, 14:42

اذا انت مقتنع بالزواج اعقلها وتوكل ..

اما اذا كان الزواج مجامله للاهل وعن غير قناعه فلا تستعجل ..

الزواج فعلا ارتباط ويبغى له تحمل مسؤوليه ورغبه بالاستقرار عشان ينجح ..

وبالتوفيق..

عروة بريق

16-06-2006, 14:58

تفاعل روووووووووعة :)

ولي رد مفصل لكل واحد على حدة ..

تحياتي

فـريـون

16-06-2006, 15:01

عندك استعداد تتحمل مسؤليات...!!!

وبعدين تبي الصدق .. اخرتها بتعرس بتعرس طرت وقعت بتعرس

ودك تشوف عيالك وانت بشبابك ... اعرس

واذا انت ماهمك عيالك يشوفونك وانت شاب تمازحهم ويكبرون وانت توك مستصح ...لاتعرس

والله يوفك ويجعل امورك كلها تسااهيل ..

يوسف

16-06-2006, 15:07

شاب امر في مرحلة ضغط كبيييييرة من الوالد والوالدة اني اتزوج !!!
حتى من أقاربي .. وكل يوم والثاني على هالموال !!!

حسب ماعرفت من كلامك ان اهلك يضغطون عليك عشان تتزوج
والظاهر ان مالك نية ومسبب لك هالضغط ارباك في راسك وماتعرف وش تسوي

؛
هل انت تبي تنتهي من ايام العزوبية وتبي تفتح بيت وتتحمل المسؤلية ؟
ولا ضايع في الطوشة ماتدري تتزوج ولاتجلس عزوبي .. !!

؛

اذا كانت عندك امكانية مالية من فلوس المهر والحاجات الثانية .. وتعرف البنت
الي تبي تتزوجها وعاجبتك .. استخر ربك وتوكل علية ولا يردك الا بيت العروس

؛
اما اذا كنت مطفر وحالتك حاله وتبي تتزوج عشان ترضي اهلك
فانا أقولك اترك هالزواج وخلك عزوبي اريحلك .. شي مادخل مزاجك ولاخططت له من اول
اتركه .. وش هوله تعذب نفسك في اشياء أنت مجبور فيها وتعذب بنت الناس الي بتاخذها

؛

حسب كلامك الي ذكرته انت أقولك خلك عزوبي ووسع صدرك;)
ومتى ماكتفيت من العزوبية وقررت انت بذاتك ان هذا هوالوقت الزواج
ساعتها تزوج والله يوفقك واعزمنا على العرس و الله الله بالجريش :D

لوحة فنية

16-06-2006, 15:07

اذا انت شخصيا مالك رغبة فصدقني محد راح يجبرك لا اهل ولا غيرهم متى ماوجدت الرغبة لديك بتتحمس انت بنفسك للزواج ( خشتن تغمز )

سعودية

16-06-2006, 19:19

مبروك مقدما
الله يوفقك
لا تزوج وكمل نص دينك
واذا اخذت من القرايب وش صار الا احسن وجه تعرفه ولا 10 ما تعرفهم

مبروووووووووووووووووك

^ازحف تنحف^

16-06-2006, 19:50

يرجال تزوج وفك روحك ماورى العزوبيه الا دجه كلش تقدر تسويه ونت معرس الا واحد في راسه بنات وشراب وخرابيط مثل كذا والي فيه ذا الشي صدقني لو وصل خمسين قال توني مابعد شبعت

اعرس وخل عندك حرمه وعيال وعشره مهب عقب ماتشيب والصلعه بدت تلمع قلت بعرس ههههههه ما احلا شكلك ونت فاصخ البشت والشماغ والقرعه تلمع ولا ما يمديك يجيك كم بزر ولا انت بديت تشيب وتكحكح خخخخ

هبله

16-06-2006, 20:15

ان كان عمرك زي ماهو مكتوب بين 26-34

موظف وقادر تشيل مسؤليه

وحاط في بالك احد او اللي اختروها لك عاجبتك

وقدها ماراح تقول ياليت وليت زي مايقولون هالمتزوجين !

فبكل اختصار انــطلق bp039 والله يكتب لك اللي فيه الخير bp039

شهبا مملوحه

16-06-2006, 20:30

هم صادقين ورى ماتعرس
الا عرس قبل لاتطير الطيور برزاقها

حــلــى

16-06-2006, 20:39

كيف يعني تقولوله يتزوج و هو ما يبغى
يعني بس يطفش من بنت الناس يقولها أصلاً أنا ما كنت أبغى
أهلي اللي جبروني :(
و يصير مو متحمل للمسؤوليةبشكل كامل و دايماً فيه خط رجعة لأن حاط في باله أن أهله اللي طلبوا منه
أنا أقول لا تتزوج :sm4: إلين ما تكون القناعة من نفسك .

KANU

16-06-2006, 21:08

والله شـف .. أنـا أنسـاان مثلك .. إلـى الآن .. عــــزوبـي .. (( ومـرتــااح )) .. !؟

والـزوااج .. شــاايله من رااسـي .. (( عـلى الأقـل الفـترة الحـااليه )) .. !؟

لأن مـســـألة الـزوااج .. عــندي .. مـســألة مـشـــروطــه ..

يعــني ..

فيه مـجـمـوعـه من الشـروط والموااصفـاات .. حـااطـها في بـــــاالي ..

إذا مـا تـوفـرت .. فـ مـا رااح أقـدم عـلى هذة الـخــطــــوة .. !!!؟

خـصـوصـاً إنـي إنـســـاان .. تـركيبتي .. تـســااعـدني عـلى الـعـيـش وحـيــداً .. !!؟

مـا عـنــدي مـشــكــلـــة .. !؟

حاطه دوج

16-06-2006, 21:26

السلام عليكم
كثير رود عليك وفكرت ارد لكن فضلت احط لك نصيحة خير البشر محمد صلى الله عليه وسلم
قال الرسول صلى الله عليه وسلم: ( يا معشر الشباب ، من استطاع منكم الباءة فليتزوج ، ومن لم يستطع فعليه بالصوم ، فإنه له وجاء)

قال الرسول صلى الله عليه وسلم: ( يامعشر الشباب ، من استطاع الباءة فليتزوج ، فإنه أغض للبصر، وأحصن للفرج ، ومن لم يستطع فعليه بالصوم،فإنه له وجاء)

صحيح انا ضد زواج البزران والي اعمارهم19-21 لكن اتوقع خلاص 26 وش يستنى الواحد والزواج سنة النبيين ومع كثرة المغريات في ايامنا اشوف انه الافضل لكن استخر والله يوفقك ويرزقك ببنت الحلال

OiL

16-06-2006, 21:33

نصيحه لا تتزوج دامك مو مقتنع في فكرة الزواج
لانه بيجي اليوم الي تتحسف فيه
وبتظلم بنت الناس معك فخلك على ماانت عليه الين تطلب الزواج انت بنفسك وتكون متهي له نفسيا

مجنونة بر

16-06-2006, 22:10

إن لم تكن هناك

" أنثى "

خلقت تلك الرغبة لديك

فـ
" أنصحك "

بألا تفعل

واذا تبي نصيحتـي انا اشوف

ان الواحد مايتزوج إلا اذا تعدى ثلاثيـن وياخذ وحده عمرها 26 او 27 تكـون خلاص ارتكزت وثقلـت وعقلـت

اذا كان الزواج مجامله للاهل وعن غير قناعه فلا تستعجل ..

ان كان عمرك زي ماهو مكتوب بين 26-34

موظف وقادر تشيل مسؤليه

وحاط في بالك احد او اللي اختروها لك عاجبتك

وقدها ماراح تقول ياليت وليت زي مايقولون هالمتزوجين !

فبكل اختصار انــطلق والله يكتب لك اللي فيه الخير

مااشاء الله كل هالردود الزينـــــــــة عندك

بصراحة جمعت لك الردود اللي بقولها كلها واختصرتها مع بعض اخي .

بس قبل كل شي مثل ماقالت (( حاطه دوج )) استخر قبل أي قراااااااار .

والله يعينــــك ويوفقك لما فيه رضى الله .

زعبية

16-06-2006, 22:26

((من آيته ان خلق لكم من انفسكم ازواجا لتسكنو اليها وجعل بينكم مودة ورحمه ...))

الايه كافيـــه لردّ ..

اعقلـــها وتوكل ..

Flexible

16-06-2006, 22:33

عروة

انا مثلك بالضبببببببببببببببببببببببببببببببببببببببببببببب ط

واستغربت يوم شفت موضوعك وفرحت

وكنت اول اقول لأهلي طيب طيب من باب التسكيت والمجامله

بس الأيام ذي صاير افكر جدياً بعد ماكنت ارد عليهم ولاني جاد

والله يكتب اللي فيه الخير

وفيه شي ثاني مدري انت تحس فيه مثلي او لا :D

اخوياي كل واحد عنده بنيه صغيره والا ولد صغير كل ماشوفهم اذكر الله واقول بنفسي متى يجي اليوم اللي يصير عندي بنيه والا ولد اخذهم للبقاله واشتري لهم pb192

عروة بريق

16-06-2006, 22:40

مشكوريييييييييييييييين :d

بس من جد احترت ناس تقول اعرس وكمل نص دينك !! وناس تقول لأ !! لين يطيح الحب اللي في راسك ;)

ياجماعة صح ان الموضوع اقتناع مني انا شخصيا" !! والزواج فيني فيني والبيوت مليانة ولا علي قاصر ولله الحمد !!!

بس اللي انا أقصدة انة من خلال تجارب البعض ابي أيجابيات وسلبيات الزواج من منظور واحد بس وهو التنسيق بين الزواج والحرية !!!

مي

16-06-2006, 22:59

عزيزي أخ عروة بريقpb192

اول شي ابي اقوله لاتقيس تجارب الأخربن على حياتك لأن هذي النقطه صدقني بتضيعك لأن لكل شخص تجربه ويقيس فيها الموضوع بالنقص الي يصير لأولوياته

لأنك حتى لو ماشفت نضرتهم الخاصه بحياتك صدقني راح تضل الفكره في بالك وبتفكر فيها

بعدين يا أخوي انت زي ما أشوف العمر المناسب للزواج صدقني

اذا تزوجت وطلبت التوفيق من
الله ورزقك الله بالبنت الي تشيلك بعيونها وتفتح للخصوصيه مجال
بينكم

صدقني بتتحسف على الأيام الي مرت من بدايات شبابك وانت ماتزوجت
تزوج بس واعزمني على عرسك تراني مشتهيه ارقص:D

ورد هانم

16-06-2006, 23:00

لاتعرس وش معجلك لاحق على الهم والغم وانا اخوكـ ودامك ماحجزت شي هالصيفيه مايضرك
اصبـر ليـن بعد العيـد وانـت الحيـن شايف حال البنـات تتزوج بنت تجيكـ الثانيـه مجانا :d
فلاتستعجل واصبـر وكل تاخيره فيها خيره شوفنـي انا الحمد الله صابـر وجالـس وعايـش
ومرتـاح وانا اخوكت اقل شي عشان تتزوج لازم يكون برصيدك ربـع مليـون او يكون عندك 100 الف
غر المهر والشبكــه عشـان تعيـش مرتاح حياه مترفـه وكريمـه وسياره جديده وسفره كل سنــه
فمتى ماتوفرت الفلوس وحسيـت انك اكتفـيـت من الهبـال والصرقعـه تزوج واذا تبي نصيحتـي انا اشوف
ان الواحد مايتزوج إلا اذا تعدى ثلاثيـن وياخذ وحده عمرها 26 او 27 تكـون خلاص ارتكزت وثقلـت وعقلـت
ولا ياانك تتزوج وانت صغير 22 او 23 عشان من يوم تجري بيدينك النعمه وتفتح عيونك إلا انت متوهق بالزواج :d
اخطر سن زواج للرجال بين 25 و 30 لانهـم يصيرون توهم عارفين الحياه وماشبعوا منهـا :d فيتزوج وهو عقله
لازال طاير بالسوالف اللي منا ولا منا فكلها سنه او سنتيـن ويرجع لسوالفه واذكر واحد من اقاربنا الله يرجـه بس
ماطاح بالمغازل إلا بعد ماتزووج وكل يوم مطيح من مجمع لمجمع :d الله يفشله بس وين انسباه عنــه !!!
انت الحين سافر كم سفره وشوف الدنيا روح للنمسا وروح لماربيا وروح للمغـرب :d وعقب ماترجع
يصير خير ..

الله يرجك ياملياااار
تراك كرهت الولد بالعرس
هو صحيح انا اتفق معك بس تراك زودتها حبتين شوي بس
............
بعدين وشوالي مكتوبن بالاحمر وتحته خط؟؟؟؟؟
يبي لنا تفسير مقنع !!!!!:mad:
اخيتك
ورد

لوتي

16-06-2006, 23:48

سقها:sm12:

اخوياي كل واحد عنده بنيه صغيره والا ولد صغير كل ماشوفهم اذكر الله واقول بنفسي متى يجي اليوم اللي يصير عندي بنيه والا ولد اخذهم للبقاله واشتري لهم

هههههههههههههههههههههههه
خطير هذا الشعور :D

جميل بالحيل بس قل ما شاء الله:D

وردة الاقلاع

17-06-2006, 02:43

تسلم ايدينك الف مليون

لازم الشاب يطلع مراهقته ويشوف الدنيا

عشان مايبلش حرمته بعدين

ياكثرهم اللي راهقوا بعد الزواج :)

قشامه محترقه

17-06-2006, 04:26

بس اللي انا أقصدة انة من خلال تجارب البعض ابي أيجابيات وسلبيات الزواج من منظور واحد بس وهو التنسيق بين الزواج والحرية !!!
تدري وانا اختك

انت في بالك شي وتبي الردود على هواه عشان تقنع نفسك بالشي اللي تبيه ...

وبعدين مهما ذكرو لك الاخوان او الاخوات من ايجابيات او سلبيات للزواج فماراح تكون نفس الواقع وربي شيء

مختلف تماماً

وبعدين وش هالحريه اللي كل ماطق عودٍ على عود قلتو وحريتنا الزواج بيكبل حريتنا

حريتكم انك تسافر برا كل مارنت براسك هلى كيفك

حريتك انك تسفه بنت الناس لين الفجور وانت تفكه بالاستراحه مع اصدقاءك

ياوخيي الزواج توافق تقدر توفق بين اصدقاءك وانك تشوفهم بين فتره وفتره وبين بيتك ومسؤلياتك

والسفر دامك ودك تروح وتسافر مافيها شي لا خذت زوجتك معك سافر انت وياه انبسط انت وياها يعني

حبكت تسافر لحالك اذا تزوجت ... انا ما اقصدك انت لكن اضربلك امثله .. :)

يعني انت اللي بتعيش لاتجاارب اخرين ولاغيره هي اللي بتخليك تقدم على الزواج .. :)

وشل من بالك بتتكبل حريتي ومدري ويش

( مهوب تسني تحمست على غير سنع :D )

والله يوفقك ويختار لك الصالح .. :)

تحياتي ..

جليليو

17-06-2006, 10:28

88888888888888888888888888888888888888888888888888 888888888888888888888888888888888888

رائعة

غرنوق

17-06-2006, 11:42

هم صادقين ورى ماتعرس
الا عرس قبل لاتطير الطيور برزاقها

ورى ماتتزوجين انتي :d

يابن الحلال لاتعرس وشلك بعوار الراس خلك عزوبي بس وعش حياتك!! (وجه يقول هذي حياتي):d

عروة بريق

17-06-2006, 12:38

75% يقولون لي أعرس !!

25% يقولون لي انطق فالبيت ولا تعرس !!

نسبة بينها فرق شاااااسع ..

بس الغريب اللي لاحظتة ان اغلب البنات اللي ردو مفكرين أن الأنسان مايتأخر بعرسة الا انة راعي فلة :eek: وراعي سفر وراعي كوذي كوذي :sm5:

لا وربي مو هذا اللي أخرني أو ان شلتي على نفس نهجي راعي سعة صدر !!!

بالعكس انا أحمد ربي وقسم بالله انة يضرب بي المثل فالعائلة ;) !!!!

بس اللي حيرني انة هل اختياري للبنت اللي ابتزوجها راح فعلا يخليني اتحسف على سنين عزوبيتيpb036 ...

لان بعض الحريم حقن بصراحة pb093 .. ياسفرني وابسطني والا ترا ابغثك بالقرق لين توافق ... والا ليش فلانة زوجها عطاها كذا .. والا كذا ...

هذا بحد ذاتة غثا مابعدة غثا ...

البنات صارو مظاهر وتقليد لأبعد حد !! الا القليل .. وليتني القا من القليل هذول وحدة وربي للآخذها من بكرة :D

تشااااااو

قشامه محترقه

17-06-2006, 13:04

75% يقولون لي أعرس !!

25% يقولون لي انطق فالبيت ولا تعرس !!

نسبة بينها فرق شاااااسع ..

بس الغريب اللي لاحظتة ان اغلب البنات اللي ردو مفكرين أن الأنسان مايتأخر بعرسة الا انة راعي فلة :eek: وراعي سفر وراعي كوذي كوذي :sm5:

لا وربي مو هذا اللي أخرني أو ان شلتي على نفس نهجي راعي سعة صدر !!!

بالعكس انا أحمد ربي وقسم بالله انة يضرب بي المثل فالعائلة ;) !!!!

بس اللي حيرني انة هل اختياري للبنت اللي ابتزوجها راح فعلا يخليني اتحسف على سنين عزوبيتيpb036 ...

لان بعض الحريم حقن بصراحة pb093 .. ياسفرني وابسطني والا ترا ابغثك بالقرق لين توافق ... والا ليش فلانة زوجها عطاها كذا .. والا كذا ...

هذا بحد ذاتة غثا مابعدة غثا ...

البنات صارو مظاهر وتقليد لأبعد حد !! الا القليل .. وليتني القا من القليل هذول وحدة وربي للآخذها من بكرة :D

تشااااااو

هماي اقول اني تحمست بزود :D

انت في بالك حتسي اللي حولك :ومأثرن فيك ولاتدري وش تبي .. ( مايخالف ترى بقسو عليك :D )

اقول ... دامك تسمع حتسي فلان وعلنتان لاتعرس ابد ...

ترى اللي حتسوتن تجيبه وحتسوتن توديه وكلن يقولك يابيه حرمتي غثتني وحرمتي تبي تسافر

ناظر يديك اصابعك وحده والا لا ...؟

انت من داخلك منتب مقتنع ... فلا تعرس لين تقتنع ...

تحياتي ...

jorry

17-06-2006, 17:20

مساء الخير عروه ..

والله أنا مره انصحك بالزواج .... يعني ماشالله عمرك الآن تقريبا 28أو قريب منها .... يعني منت صغير .. المفروض أمداك مليت من العزوبيه ... هذاك اللي يفكر بالزواج وعمره 22 أو 23 يعتبر صغير عـ الزواج .. وأفضل له يجلس كمان كم سنه يوسع صدره فيهم قبل مسؤولية الزوجه والعيال ...
وبصراحه .....أحسـّك بتعنّـس ماتزوجت pb094 ..
وإذا انت تعرف بنات من أقرابك حلوات .. زي مثلا بنت خالتك أو اي وحده من قرايبك ... فأنصحك تخطبها قبل لاتطير عليك ... ترى الزيوون مايقعدوون ;) ...

وربي انشالله يوفقك بالزوجه اللي تختارها ويسعدكم بحياتكم :)

أمونه المزيونه

17-06-2006, 18:02

أعرس يارجاااااااااااااااااااال وخل عنك البربسه

عروة بريق

17-06-2006, 23:31

تسلم ايدينك الف مليون

لازم الشاب يطلع مراهقته ويشوف الدنيا

عشان مايبلش حرمته بعدين

ياكثرهم اللي راهقوا بعد الزواج :)

فعلا كل شي مقبول الأ مراهقة عقب الزواج :eek: !!! من جد مال أمها داعي وتهدم بيوت :sm4:

لأن الشخص وشو موقفة لو لقا زوجتة عليها ملاحظات ومراهقة !!! لازم يقيس نفسة عليها !!!

شهبا مملوحه

17-06-2006, 23:44

ورى ماتتزوجين انتي

وان حصلته وقلت لا:d

مثلي .. لم ترى

17-06-2006, 23:45

الا بلالالالالالالالالالالالالالا اعرررررررررررررررررس ..

ايش يجلسك ... يعني لين متى ...

توكل على الله بس واعرس ...

لو تبغى اخطب لك pb192

لاتبطي علينا وبشرنا بعرسك ..

bp039

على راسي ريشه

18-06-2006, 00:06

لا تسمع كلام فلان وعلان
انت نفسك
اذا انت قد الزواج وتحمل المسؤليه.....تزوج والله يوفقك

وتذكر ترى الزواج مو لعبه
مسؤليه......فيه الاشياء الحلوه ...وفيه الاشياء الشينه

ومره سمعت مقوله من شايب مصري
بخصوص الزواج

قال... طبعا بتكلم بالمصري
قال
المره ياولدي مثل الشمس
ايام نحبها...وايام نكرهها......لكن عمرنا مانستغنى عنها

Naughty girl

18-06-2006, 00:21

انت شكلك منت مقتنع بالعرس ومتأثر بكلام اللي حولك

وانا اقول لك

:sm4: لا تعرس :sm4:

الا اذا كنت مقتنع ومتاكد وجازم وودك تترك حياة العزوبيه وتودعها الى الابد :sm12: :cool:

وتدخل عالم المسؤليه والاستقرار

اجل وش ذنبها بنت الحلال بعدين اذا تنصلت من مسؤولياتك :eek: وبعدين تقول لها اهلي السبب pb093

وتلعب دور الضحيه :(

وبعدين قرار الزواج هو اهم قرار يتخذه الانسان (قرار مصيري) :sm5:

واذا جيت تتخذه لازم تكون متأكد مليون % منه ;)

وتحياتي bp039

جذاب ورومانسي

18-06-2006, 00:38

http://www.eqla3.com/vb/attachment.php?attachmentid=167526&d=1149090464

اهلين عزيزي / عروة بريق..bp039

بصراحه الجميع قال الي عنـــده وماقصروا ..pb189

نصيحتي لك ..

1- اذا انت بداخلك النيه للزواج .. اعزم وتوكل .. وكل امورك راح تتسهل بإذن الله تعالى

من مهر .. ومن بيت او شقه او اثاث وخلاااااااااااااااافــه ..

2- اذا لقيت بنت الحلال .. صل صلاة الاستخارة .. وربي راح يفتحها بوجهك ..

اعرف واحد تقدم وخطب .. وكان خايف من فكرة الزواج .. ونصحه واحد يصلي صلاة الاستخاره وصلى وفعلا ما ارتاح

للبنت .. وتركها .. وبعدها بكم اسبوع خطب بنت ثانية وصلى صلاة الاستخارة ولقى نفسه مرره مرتاح لها .. وفعلا كمل

كل اموره والحين ماشاء الله عليه عنده ولد له اسبوعين ..

3- صدقني الزواج اكثر راحه واستقرار من العزوبيه .. حتى بالسفر او الرحلات او الوناسه , راح ترتاح اكثر

يفكي .. ان فيه انسانه قلبها عليك .. وتهتم فيك وتراعيك وتخاف عليك و و و و .. وكل هذا باسلوبك وطريقة تعاملك معها..

4- المال والبنين زينة الحياة الدنيا ..

وانت ادرى .. بقرارة نفسك ..واهم شي لا تقدم على شي الا وانت .. ناوي النيه ...

وراح ندعي لك بالتوفيق ان الله يسهل لك كل امورك ويوفقك

وان الله يرزقك ببنت الحلال الي تسعدك وترضيك .. وتكون معك في الحلوة والمرة ..

ويالله يارب آآآآآآآآآآآآآآمين
http://solidsnake2006.jeeran.com/d3a.gif

وتحياتي لك اخوي ..bp039

http://www.eqla3.com/vb/attachment.php?attachmentid=167526&d=1149090464

خلود21

18-06-2006, 04:53

تزوج

عروة بريق

18-06-2006, 10:33

تزوج

ههههههههههههههههههههه

بصراحة اكثر رد اقنعني :d

dooba

18-06-2006, 11:23

مدري شفيكم يالعيال ما تفكرون في بكره

تفكيركم محدود بالوقت اللي انتم فيه

شوف عمي من عمره 24 سنه وحنا نزن عليه عشان يتزوج ومعطينا بولاباس ومطنشنا والحين لما صار عمره 33 قال اخطبوا لي والله كل بنات اهلنا راحوا مابقى الا بنات صغار وقعدنا نلف وندور بنت سنه كامله سنه وحنا نعاني لازم من قبيلتنا ولازم ابوها رجال سنع وخوانها قروم وخوالها ينشد بهم الظهر وامها ظفره وهي مزيونه وسنعه لاوفوق هذا كله لازم بيتهم قريب عشان ما اوديها واجيبها واجد على اهلها .....

عذاب عمي هذا كان عذااااب الحمدلله اخيرا لقينا له بس بعد شنو عمره 34 ولما يجي له ولد بيصير عمر ولده 5سنين وهو 40 ولما يصير ولده مراهق والا هو شايب ولا يقدر على عياله ...

ليش ما تفكر ببكره بعيالك ان شاء الله تبي تلعبهم تطلع معاهم فكر ببكره ..

هذي نصيحه اخت تتمنى لك الخير اعرس ودور اللي معدن امها طيب وابوها سنع ...

|[ Female PRIDE ]|

19-06-2006, 19:50

لا تتزوج لين تحس فعلاً انك بحاجة للزواج و الاستقرار وتكوين عائلة ,,
لا تطلب النصائح من غير اهلها .. أكيد الكل راح ينصح بناء على ما يؤمن به أو " يريده "
يعني هالشي راجع لك انت وانت وبس اللي يعرف اذا الزواج مناسب لك وانت مستعد له والا لا !!

مش ولا بد

19-06-2006, 20:29

نص الدين هو الزواج <<<<< ماتعلم نفسكـ

شوف في ناس تزوجو كذا بالحنا اوكي وطلقو بعدكم شهر

فاحرام تبرط نفسكـ وتربط بنت الناس على شي ماله مستقبل

لا بد تخطي خطوه تكون واثق من نفسكـ

وتكون انت تبيها مو عشان الاهل

بس هذا الي اقدر افيدكـ فيه

طبع(ن) اهلكـ يبون يفرحونبكـ وممكن انتا اكبر واحد وطاحة عليكـ ويبون يشفون عيالكـ وكذا م11

الله يوفقكـ وانشاء الله قريب تسدح موضوع فيه الكروكي تبع قصركـ وتعزمنا م11

فتك بعفيه

sweetgirl

19-06-2006, 21:17

انصحك من واقع تجربة لازم تكون حابة للبنت ولالاتتزوج لانه بتظلمها وبتظلم نفسك

دانتيل

20-06-2006, 01:58

شوف وانا اختك
خذها مني نصيحة
لك ولغيرك
بنت وولد
من اهم شروط نجاح الزواج
واقصد بالنجاح هنا
السعادة والتوافق مع النفس اولا ومع شريك الحياة ثانيا
مو النجاح الي مايحس فيه الا المحيطين بالاسرة
والاسرة تعاني من الداخل

الهدف من الزواج
لابد إن يكون هدفك من الزواج
هو الاستقرار بناء اسرة سعيدة
والمحافظة عليها

بعض الناس يتزوج لاسباب مادية( يبيها مدرسة مثلا)
وبعضهم علشان انه كبر وكل الي اصغر منه تزوجوا وجابوا عيال
وبعضهم علشان اهلة يفرحون فية
والبعض علشان ينال بعض الحريه
أسباب كثيرة
قد تجد زواجاتهم مشت
ولكنه لايزال يعتبرالزواج مشكلة ومسؤوليه
وغثاء

أي قرار في الحياة حتى لو كان بسيط لابد إن تكون مقتنع به قبل الاقدام علية
فكيف بالزواج!!!!!!!!!!!!!!
تخيل نفسك محتار في تخصص دراسي
حاول اهلك اقناعك في تخصص معين
واخذو يلحون حتى استسلمت ورضخت
رح تمشي في هذا التخصص
بس اذا واجهتك مشكلة
أو تضايقت من شي على طول رح تلقي بالوم على اهلك
وتتمنى انك ماطوعتهم
على العكس لو انك اختر التخصص بمحض ارادتك
راح تواجة جميع المشاكل الكبيرة والصغيرة بكل شجاعة

طبعا انا هنا ضربت مثال لكن الزواج
فيه اشخاص قد ينظلمون بدون ذنب
قد يكون هناك اطفال
فلا تتزوج حتى تشعر إن هذي الرغبة
نابعة من داخلك
وليس بسبب الحاح الاهل

دانتيل

20-06-2006, 02:04

مكرر]

جذاب ورومانسي

20-06-2006, 02:07

شوف وانا اختك
خذها مني نصيحة
لك ولغيرك
بنت وولد
من اهم شروط نجاح الزواج
واقصد بالنجاح هنا
السعادة والتوافق مع النفس اولا ومع شريك الحياة ثانيا
مو النجاح الي مايحس فيه الا المحيطين بالاسرة
والاسرة تعاني من الداخل

الهدف من الزواج
لابد إن يكون هدفك من الزواج
هو الاستقرار بناء اسرة سعيدة
والمحافظة عليها

بعض الناس يتزوج لاسباب مادية( يبيها مدرسة مثلا)
وبعضهم علشان انه كبر وكل الي اصغر منه تزوجوا وجابوا عيال
وبعضهم علشان اهلة يفرحون فية
والبعض علشان ينال بعض الحريه
أسباب كثيرة
قد تجد زواجاتهم مشت
ولكنه لايزال يعتبرالزواج مشكلة ومسؤوليه
وغثاء

أي قرار في الحياة حتى لو كان بسيط لابد إن تكون مقتنع به قبل الاقدام علية
فكيف بالزواج!!!!!!!!!!!!!!
تخيل نفسك محتار في تخصص دراسي
حاول اهلك اقناعك في تخصص معين
واخذو يلحون حتى استسلمت ورضخت
رح تمشي في هذا التخصص
بس اذا واجهتك مشكلة
أو تضايقت من شي على طول رح تلقي بالوم على اهلك
وتتمنى انك ماطوعتهم
على العكس لو انك اختر التخصص بمحض ارادتك
راح تواجة جميع المشاكل الكبيرة والصغيرة بكل شجاعة

طبعا انا هنا ضربت مثال لكن الزواج
فيه اشخاص قد ينظلمون بدون ذنب
قد يكون هناك اطفال
فلا تتزوج حتى تشعر إن هذي الرغبة
نابعة من داخلك
وليس بسبب الحاح الاهل

دانتيلpb161 pb018

دانتيل

20-06-2006, 02:09

[مكرر

حـرمـة

20-06-2006, 20:50

والله ان فيـــه ردود تسد النـفــس

أجــل لا تعــرس عشان تروح للمغــرب وتدج ومـــدري وشو

اقول تكفون تحملو ذنوبكم هالحين بعدين تحملو ذنوب غيركم

من سن سنه سيئة فلهو وزرها ووزر من عمل بها الى يـــــــــــــــوم القـــــــــــــيــــــــــــــامــــــه

لا ينقص من وزرهم شيئا

دجـــو ابــد دجــو هذا الي فلحتو فيه

شف يخوي

ما راح أزيـــد عن غـيـري في مسألة تأكــد وأقــتـنــع ومدري ايش غيري كفوو ووفو

لكــن اذا على التجــارب والسلبيات والايجابيات

لابـــد من وجـــود سلبيات وايجابيات لابــــد

وهالشي بيد البنت اللي انت بتاخذها

يعني قبل ما تتزوج صل استخاره اذا ارتحت اعرف انها انشالله بتسعدك

وبتطغى الايجابيات عالسلبيات

واذا ما ارتحت دور غيرها

والله يوفقــك

عروة بريق

20-06-2006, 22:48

ترا الشباب اللي يقولون ان التأخير عشان الواحد يفلها قبل يتوهق مايمثل الا نفسة :mad:

ياجماعة التأخير عشان سبب واحد بس وهو الدخول في عالم يختلف 180 درجة عن العالم اللي حنا عايشينة كعزوبية !!

عشان كذا الخطوة هذي يبي لها تأني !!! وركادة :D

بنوته كووووول

21-06-2006, 04:24

لان بعض الحريم حقن بصراحة pb093 .. ياسفرني وابسطني والا ترا ابغثك بالقرق لين توافق ... والا ليش فلانة زوجها عطاها كذا .. والا كذا ...

هذا بحد ذاتة غثا مابعدة غثا ...

البنات صارو مظاهر وتقليد لأبعد حد !! الا القليل

طيب وش دخل هذا بمسألة اعرس الحين ولا بعدين؟ pb036

يعني لو أخرت زواجك لخمس سنين قدام فجأه سبحان الله بيختفون الحريم الحقن والمغثه ومايبقى إلا الزينات؟:rolleyes:

هذا مب حكي pb093

مثل ماقالت قشامه .. انت كتبت الموضوع وانت اساسا فيه فكره ببالك وودك تسمع تأييد عليها .. ودك نقول اللي انت ودك تسمعه..

<<فهمتوا شي؟:D

عموماً بغيت اذكرك أخوي عروة بإنه بما إن الرجال هو الطرف الاقوى في العلاقه الزوجيه .. فأنت اللي بإمكانك تخلي حياتك الزوجيه جنه .. او نكد ومغثه .. انت وشطارتك ..

ما اقوله مجرد كلام مصفصف .. اقوله وانا فعلا مقتنعه ان بعض الرجال بيده يقلب حياته نكد لأنه استسلم عند اول سوء تفاهم صار .. مع انه ماراح يضر إلا نفسه :rolleyes: