" البنت مو بنتنا!!........حنا ???????????!!"

[خفوق]

الاخوه و الأخوات

حلوين/ حلوات

مقلعين و مقلعات

السلام عليكم و مساء الخير

لكم مني 4 وردات

وردة هلا

وردة شوق

وردة نورتو المكان

وردة أتمنى يحوز موضوعي على إعجابكم

وبالتالي؟

يكسب تفاعلكم



موضوعي اليوم الله يسلمكم؟

يحكي قصة فئة موجودة لكن صوتها مو مسموع

فئة تعيش في الظلال و تتوارى عن الأنظار

فئة مالها ذنب؟؟ لكن برضو تتعاقب !!



يمكن يكون احد منهم حولك...

يعيش معك بنفس المكان...

يدرس معك....

يشتغل معك...

.تتعاطى معه يومياً...

لكن ما تحس مأساته!!



عندي لكم موقف ...

شوفوه ؟

و عطوني انطباعكم



مرام بنت كاملة و الكامل وجه الله ....جامعيه ...جميله ...أخلاق...أدب...مؤهله تكون زوجه ممتازة في المستقبل...

وش ما تدوَر فيها؟ بتلاقيه ...

لفتت الانتباه ...

تقدم شاب لخطبتها.....

وصار اللي ما أنحسب حسابه ...

الأب قال له

" البنت مو بنتنا!!........حنا متبنينها!!"

الشاب أنصدم

"شلون مهوب بنتكم؟ شلون متبنينها؟...يعني هي يتيمة؟ ولا لقيطة؟"

" البنت يتيمة...و معروفٍ نسبها و بنت مين تكون..... بس متبناة"

....انتهى...


وجاء دوركم


أعزائي


موقف الشاب لحظتها؟...محد يحسده عليه

ومواضيع حساسة مثل كذا ؟...ما أتوقع أنها بتكون معروفه للجميع ...اليييييييما نجي للخطبة؟

ساعتها؟؟

تكون معروفه


الشاب المتبنى و الفتاة المتبناة

فئة المتبنيين بشكل عام؟ موجودة بكثرة في مجتمعنا

عوائل كثيرة الآن؟

لجأت للتبني طمع في الآجر و المثوبة

وبعضها؟

اختارت التبني لسد احتياجات غرائزيه كالأبوة و الأمومة


و بعد هذا الموقف يا أعزائي

أبي أوجه لكم سؤال

أو

اسئله

و أبيكم تجاوبوني عليها بكل صراحة

لانو صدقوني

إجاباتكم لها اثر

إجاباتكم بتساعد

إجاباتكم بتغيَر الكثير

فلا تبخلون علي بها


أقروا

وقولو لي رأيكم


/1/
لو كنت في موقف هذا الشاب كيف بتتصرف؟بتكمل الخطبة؟ ولا بتطلع ولا راح ترجع؟وليه؟


/2/
لو كنت طفل يتيم متبنى كيف بيكون وضعك لمن تنوي الزواج؟كيف إحساسك؟ كيف نظرتك لنفسك؟


/3/
للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟


/4/
لولي الأمر..سواء أب ولا أخ
لو تقدم لبنتك – أختك شاب يتيم متبنى؟ تقبل به ؟ ترفضه؟ وليه ؟

أتمنى تثرون موضوعي بردودكم و اقتراحاتكم

وتذكروا

ردودكم تغيَر الكثير في حياة الكثيرين

أختكم

بنت ناس

[لوتي]

للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟


صراحتن الحكم على مثل هذا الموقف صعب:(

لانه كل شيء يرجع للاهل اولا واخيرا:(

شكراbp039

[maghrebia]

السلام عليكم

مشكورة على الوردات :)

في مجتمعنا فيه كتير الحالات متل هيك و دايما نحن بندفعهم غلط ابواتهم خصوصا لقطة

بالنسبة لسؤالك


للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟

ادا كان على خلق و متدين و فيه كتير صفات حلوة الي بتمناه في الفارس الاحلام بوافق لانو ما راح الاقي متلو و بعدين فيه شباب ولد عايلة و مو متبني بس صايع ضايع و الريال بشخصيتو و هبتو صح ما راح يعرفو اولادي منو عمامه و بعدين فيه قولة ماعرفت منيح بس بما معناه ادا جاؤكم ولد ترضون بدينه فزوجوه

ان شاء الله تكونين فهمت ردي لاني 0 في التعبير :sm1:





مشكورة كتير على هدا الطرح فوق الرائع ;)

[فـريـون]

تبون الصدق ملينا من المواضيع اللي حط نفسك مكان المذكور بالقصه .. وش بتسوي ..

[هبله]

الحين بنقول عادي لو كان اخلاق و متربي وموظف و يعرف دينه و و ولين جا الصدق قالو لا .. يازين الحكي والمثاليه

اللي في الحقيقه ما تطبق اذا كان بعض العوايل ماتزوج الا من نفس العايله تبيهم يزوجون واحد مايعرفون من وين جا!!

[&&&مستر إكس &&&]

مساء الخير ,,




/4/
لولي الأمر..سواء أب ولا أخ
لو تقدم لبنتك – أختك شاب يتيم متبنى؟ تقبل به ؟ ترفضه؟ وليه ؟



أولاً اذا تقدم خاطب لاأنا ولا الوالد الي بنقبل أو نرفض لانه تقدم لأختي ولها حق الاختيار ( هذا في الحالات الطبيعيه) لكن مثل هالحالة لازم يكون لنا حق في التدخل ,,



اذا يتيم معروف نسبه أهلا وسهلا أما اذا متبنى من دار أيتام بدون نسب :( للأسف لا ,,



تحياتي ,,

[عِطر]

مررره احس موقف صعب

يعني اهله وينهم ((اذا كان مو لقيط ))

وين عمانه خواله وش قصته بالضبط

وبالاخر اللي يحكم الاهل

[العصلا المصلا]

معليششششششششش ماودي اكون قاسية بقساوة المجتمع pb093 لكن في نفس الوقت مابي اخدع نفسي :) النسب شي ضروري من وجهة نظري وما ينلعب فيه :) وماتقدر تجامل هالفئة على حساب النسب pb093 واصلا مافيه شي اسمه تبني يعني البنت او الولد مفروض يكونون عارفين وضعهم من يومهم صغار ويدرون انهم بيتزوجون اشخاص لهم نفس الظروف :rolleyes:

[حاطه دوج]

للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟
اعتقد اذا نسبه معروف ويتيم وين المشكله لازم امه وابوه معه يعني اعتقد اليتم مو مشكله ابد يمكن اللقيط صعب لكن يتيم اعتقد الي بترد واحد عشانه يتيم مريضه :eek:
ويسلموا bp039

[مجنون_اقلاع]

هلا بنت ناس

بالنسبه لليتيم لا ارى هناك اي مشكله في قبوله اذا كان على خلق ودين حتى وان تربى في ملجأ ايتام بشرط معرفة اصله وفصله وحضور اقاربه

اما اللقيط فهو المشكله الحقيقيه وكذلك التبني

اين اصله من هو ؟ كيف ستجيب على تلك الاسئله عندما تواجه بها من المجتمع اولآ ومن اولاد بنتك او اختك ثانيآ.. هنا ارى وجوب تدخل الاهل لاتخاذ القرار ولا يترك للبنت او الولد اتخاذ القرار.

نعم لا ارى تعارض هنا مع حديث الرسول صلوات الله وسلامه عليه فيما معناه اذا اتاكم من ترضون دينه وخلقه فزوجوه .. ولكن نعود ونقول ان لا نعيش في العالم منعزلين بل محكومين بقوانين( ولا اقول عادات) سنت من قبل المجتمع والتي اراها صائبه في هذا المجال.

اللقيط والمتبنى ليس له ذنب في ذلك وان وضعت نفسي مكانه ( كما سألتي) سأرضى بقدري وابحث عن شريكة حياتي من نفس الشريحه التي انتسب اليها.


احمل التحايا

مجنون_اقلاع

[الافــــلاجــــي]

لو كنت في موقف هذا الشاب كيف بتتصرف؟بتكمل الخطبة؟ ولا بتطلع ولا راح ترجع؟وليه؟
والله إذا كان سمعتها لا يعلى عليها واهلي راضين عليها ليش ما اكمل الخطبه ,,
/2/لو كنت طفل يتيم متبنى كيف بيكون وضعك لمن تنوي الزواج؟كيف إحساسك؟ كيف نظرتك لنفسك؟
اكيد لو عرفت بهذا الشي بحس بإحساس يختلف عن غيري ونظرتي في نفسي ما راح تتغير ولكن الي راح تتغير نظره الناس لي ..
/4/لولي الأمر..سواء أب ولا أخلو تقدم لبنتك – أختك شاب يتيم متبنى؟ تقبل به ؟ ترفضه؟ وليه ؟
والله إذا كان ولد سمعته طيبه وولد ناس محترمين ليش ما نزوجه بالعكس نتشرف به ,,

[Forgotten]

للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟

هالشي يحكم فيه الاهل مو البنت
يعني لو يرضون الاهل ويكون سبب قبولهم شي منطقي البنت بيسهل عليها انها تقبل
خاصه لو كان الولد مناسب من جميع النواحي ومافيه الا هالعيب

[وردة الاقلاع]

الحين بنقول عادي لو كان اخلاق و متربي وموظف و يعرف دينه و و ولين جا الصدق قالو لا .. يازين الحكي والمثاليه

اللي في الحقيقه ما تطبق اذا كان بعض العوايل ماتزوج الا من نفس العايله تبيهم يزوجون واحد مايعرفون من وين جا!!

8
8
8

والله انك صادقه







لموضوعكbp039

[shin dream]

والله انه موقفهم صعب جدا بس صراحه احنا نعيش في مجتمع مايرحم لو عن نفسي انا ما تفرق معي اذا كان انسان بمعنى الكلمه واخلاق وطيب ليه لا بس اكيد اهلي يرفضو نهائيا اعرفهم عندهم مسالة قبيلي مثل الموت وهي اهم شيء اهم من الانسان نفسه مع اني ضد الفكره بس هذي بالنهايه وجة نظرهم وانما انا عبد مامور ولكن اذا كان يتيم ومعروف نسبه اكيد بيكون الموضوع عادي....ما اظن احد يرفض احد لانه يتيم خاصه اذا انعرف نسبه...

[قشامه محترقه]

هلا اختي .. :)

مهما كان رد اي شخص على اسئلتك ماراح تكون واقعيه لانهم مهما ردو ومهما اجتهدو فالواقه يختلف

من اني ارد عليك كذا من نفسي ماراح اكون صادقه بردي اذا لم اكون في مكان الفتاه التي ذكرتي ...

حاولت ارد عليك وتخيل نفسي مكان الفتاه ... لكن ... صعبه جداً ... :)

تحياتي ..

:)

[سلطة فواكه]

والله صعبه صراحه :(
لو كان يتيم ومعروف اهله راح يكون شي عادي جدا
لكن لقيط :( .. القرار مايرجع لي ابدا
اكيد لاهلي

شكرا عزيزتي

[الف مليون]

والله من واقـع نشـوفــه حبيـت اذكر هالسالفــه لواحـد من اقاربنـا كان يشتغـل في المحكمــه قاضـي
وجتـه قضيـه رافعهـا ابو وبنتــه ( سمـر ) على واحـد بدوي ( ابيض ) :D ويقولون انـه الولد اللي جابتـه
البنـت ابنـه والبدوي رفض وقال انا مانكر ان الحرمـه هذي ان جيتهـا بس اعـرف انها نص الثقبـه جايينهـا
فقالـه تتزوجـهـا ولا تسجـن وتجلـد قال اسجني اجلدني ولا اتزوجـهـا وابو البنت رمى الولد بوجه الشيخ
وقال وانا ماني مربي بنت حـرام !! الشيخ الله يعطيه طولـة العمر والسلامـه ماكان يجيـب عيـال وخذى البنت
وتبنـاها هو ومرتـه ودلعوها دلع مابعـده دلع وكانوا بنات المدرسـه دايم يقولولها ترى انتي مو بنت ابوك
وانتـي ابوك ماخذك من مادري وين وراح الشيخ الله يطول عمره ويحفظـه للريـاض عشـان يبتعـد عن الناس
اللي يعرفون الحقيقـه ويوم كبرت البنت يقولون انـه قالهـا اني كنت رايح الرياض وكانت في سياره محترقه
على الطريق وانتي كنتي ناقزه من دريشتها وان ابوك وامك احترقوا واول لاكان في اوراق ولا شي نعرف انتي بنت مين
وعاد مادري اذا هي صدقت ولا لا لكـن الشاهـد انـه كاتب عمارتيـن باسمهـا وارض عشانها هي ماتورثـه وهو
يبي يضمن حياتها بوجوده وبعد مماتــه والحيـن هي بحدود 24 ويقولون يبون يزوجونها لواحد سفيـه بس
عيا هالسفيه مايبيها من زين وجهه عاد وعافها وخذاله وحده طرمـه .. الله يعينها ان شاء الله وخوفك انها تكتب
معنـا بالاقلاع ولااحد يدري عن السالفه ويروح يقولهـا قسم مالهـا داعي من جد وصدق اني فضيحـه :D

[قمر وردي]

للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟

اكيد مراح ارفضه بدون ما اعرف حالته فاذا كان نسبه معروف وهو اخلاق ما اعتقد هناك اي مشكله

لكن اذا كان لقيط فاعتقد اني لو وافقت اهلي مراح يوافقون

[مش ولا بد]

بنت ناس


اشكركـ على الموضوع المثير للاهتمام


بس للاسف ماعندي رد على اسئلتكـ


يعطيكـ العافيه

[زعبية]

للبنات: كيف بيكون موقفك لو تقدم لخطبتك شاب يتيم متبنى؟ بتوافقين؟ بترفضين؟ وليه؟

الامر مو بيدي , لاهــلي طبعاا ..

بس اناا سمعت نفس القصه لكن بصيغه ثانيه ,, البنت ماتدري انهم متبنينها .. تقول مادري دايم يسألون عني ولا احد يتقدم !! مافي مشكله بس مستغربه ..

بعدها يوم رجعت من الدوام سمعت امها تكلم تقول / هلا والله فيكم بس البنت مو بنتنا حنا متبنينها !!

ما تخيل موقفها في هالحاله !!!!!!!!!!!!!!!!!!!!!!!!!!!!!!!!!!

اتوقع لما يتبنى احد طفل لازم يربيه على انه مو طفله .. عشان مع الايام ما ينصدم !!..

تحياتي لك ..