§ مجـــلـس منتدى الأســــره (3) § [الارشيف]

روح الأسرة

19-06-2006, 07:05

مجلس منتدى الأسره

لقائنا الأسري في منتدى الإقلاع ،

إجتمـــاع أعضائنا في مجلس الأسره ،

لطرح كافة ما يواجهنا في حياتنا اليوميه ،

طرح نقط معينه للنقاش ، السوالف الأسريه ،

المحبه الأخويه .... روح الأسره ... ألفة الأحباب

نجدها تتجلى في مجلسنا العامر بتواجدكم ،

مجلس الأسره (1) (http://www.eqla3.com/vb/showthread.php?t=195477)

مجلس الأسره (2) (http://www.eqla3.com/vb/showthread.php?t=213364)

شروط المجلس /

- الصور يتم تحميلها ع الإقلاع

- ردود التشات ممنوعه

-المواضيع التي تطرح في القسم ،
تكون فقط أسئله ، أو سوالف من غير محاور نقاش ،
سيتم دمجها في المجلس لأنها من إختصاصه ،
رغبه منا في المحافظه على إثراء القسم دوما ً ،

والمجلس كفيل بأسئله فقط ، أو سؤال على نقطه معينه ،

مع تحيــــات منتدى الأسره

ريانه & صاحب الظل الطويل & NawaL & الشوق شوق

العجيّز

19-06-2006, 07:13

يعني مو " شـــات " ؟؟؟

<< أول مره تدخل مجالسكم :sm12:

MiSs._.Dj

19-06-2006, 07:13

صباح الخير:)

والمجلس كفيل بأسئله فقط ، أو سؤال على نقطه معينه ،

مافهمت هالشرطpb036

NawaL

19-06-2006, 07:27

ياهلا والله دكتورتنا العجيز ،

نور مجلسنا ، قصيتي الشريط لنا ، bp039

.

MiSs._.Dj

حياك في الأسره ، وحياك في مجلسها ،

بعض المواضيع في القسم تطرح على شكل سؤال فقط ،
القسم اقصد فيه منتدى الأسره ، مجلسنا أمتداد للقسم ،
وامتداد للنقاش فيه ، فسؤال فقط ، نناقشه هنا ،
عوضا ً عن فتح موضوع كامل له في القسم bp039

تابعي المجلسين السابقه ، وتتعرفين على طبيعة المجلس ،

مجلس الأسره (1) (http://www.eqla3.com/vb/showthread.php?t=195477)

مجلس الأسره (2) (http://www.eqla3.com/vb/showthread.php?t=213364)

فسقان

19-06-2006, 07:30

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

فسقان

19-06-2006, 07:38

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

جميل جداً سؤالك عزيزي العضو .. واضح انك ذكي و غني و مثقف و الدليل سؤالك ( ارحموه :D ) .. خلني اجاوب على سؤالك لو سمحت لي .. طبعا مثل ما تعرف ان كل عمل جميل لازم يكون له عيوب .. ومن الذوق انك تشيد بالعمل الجميل .. و من ثم انتقاده .. منتدى الاسرة مثله مثل اي شريط ينزل في السوق .. او مجله او جريده .. ممكن انك تشتري شريط علشان تسمع اغنيه وحده .. مع ان الشريط فيه 12 اغنية .. ممكن تحصل اغنية ما تعجبك .. و ممكن تحصل في الشريط اغنية تعجبك و تشدك اكثر من الاغنية اللي انت اشتريت الشريط علشانها ( منطق برضوه :D ) .. و نفس الشي المجلة ممكن تشتريها علشان صورة الغلاف او لقاء مع ضيف .. و بعد ما تتصفحها تحصل باب ما اعجبك .. و تحصل باب تحفظه من كثر ما اعجبك .. منتدى الاسرة نفس الشي .. تدخله علشان تبحث عن موضوع لعضو او رد .. و في الطريق تحصل لك موضوع سامج يحبطك .. و تحصل لك موضوع يعدل الميزان .. هل نقدر ان نزيل المواضيع السامجه لا طبعا .. ليش .. علشان لولا السامج ما عرفنا الحلو ( منطق ههههههه ) .. لابد من النقيضين .. تبي تعرف طعم السكر .. لازم تذوق الملح :D

MiSs._.Dj

19-06-2006, 07:39

اها فهمت يسلمووNawaL

يله سولفوا:D <<<احلفي

العجيّز

19-06-2006, 07:39

حركاات والله قصيت الشريط ض1 وأنا ما أدري
نوال.. تسلمين الله يخليك يارب

فسقان
بالأسرة فيه شيء مميز.. حتى لو كانت نسبة الرضا 10%
اما بـ رد ! يضيف لك الكثير وأنت ماتحس
او انك تكتشف اشكال وعقليات تقول الحمد لله
أحس فيه شيء ابعد.. من اضافة موضوع.. و ... رد !!
عشان كذا بالنسبة لي ما اقدر اضيف نسبة محددة !

الملقم

19-06-2006, 07:40

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

ابدي الرضى لو اخفت النفس خافيا ... وما انا عن نفسي ولاعنك راضيا

فسقان .. تسمع بالاسئله pb192

بس خل عنك كلمة عزيزي العضو بتاكل حته منك

عن نفسي منتدى الاسره ثالث ثالثه مع الجاده والقهوه اللي ادخلهم في الاقلاع واستفيد منه بس ياخي يضايقني فيه شي واحد اذا جاك عضو كتب موضوع وبعدين حط في الاخير كومة اسئله ويقول يالله جاوبوا :(

دمت بنقاء كما تحب ايها الرطب الحنون فسقان

MiSs._.Dj

19-06-2006, 07:43

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

سؤال ذكي مررره:D

انا جديده على المنتدى كله بس لحد الان اشوف ان المواضيع حلوه وتمسنا كلنا وانشا الله يستمر منتدى الاسره على هذا المنهاج<<<<يمديكم عليها ذي:rolleyes:

الكاسر888

19-06-2006, 07:54

صباح الاخضر

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو

المنتدى لايقدم شيء

انا وانت وهو وهي حنا الي نقدم..فكل واحد جزء من سلسلة مترابطة اسمها منتدى الاسره
==>> محلاك وانت تتفلسف

اليوم يوم الأخضر ياجماعه الله يوفقهم يارب

ماش هاليوم للحين بدايته مهب زينه:(

الله يكمله على خير يارب

ارتميس

19-06-2006, 07:57

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

65 % احيانا

واحيان ثانيه يكون 5%

بس يبقى مكان محبب لنفسي

ميادة

19-06-2006, 08:43

صباح الخير
:)
على البركة المجلس الجديد ..

فسقان .. تسوي مقابلات مع نفسك - هذي من ضمن هواياتك الرهيبة ؟ -

الرضا عن مجلس الاسرة ..
هو دايم من يوم عرفت الاسرة من ثلاث سنوات تقريبا وهو تجيه فترات يكون في القمة
وفترات ثانية يفقد توهجه .. والاعضاء كثير يأثرون على الامر ..
حاليا انا متضايقة من مواضيع الزواج .. احسها مسوية زحمة ..وقلبت المنتدى مرة ..
لكن كلها فترة والاعضاء الجدد يندمجون مع جو الاسرة ويرجع له تميزه وتألقه ..
والملقم صادق برضوه .. الاسئلة ما احبها .. تخلي الاجابات معلبة و ماتعطي فرصة للردود تتميز !!

اقول وش رايكم
يصلح الواحد يكتب موضوع وماعاد يرد على الاعضاء :D
ولا تحسون انها قلة ذوق ,,
يعني انتوا يهمكم صاحب الموضوع يعلق على ردودكم ..
ودي اكتب مواضيع لكن تكاسلت الردود تتعب .. مع انها متعة في نفس الوقت
وانا بالنسبة لي احب صاحب الموضوع يعلق على ردي ,, واتكاسل ارد على موضوع الي
مايعلقون ... ماادري كيف اوضح احسها تجاهل للي ردوا !!!!

يارب تفوز السعودية اليوم 3\0
ياااااااااااااارب

NawaL

19-06-2006, 09:07

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

100 %

<< من يشهد للعروسه خخخخـ

سؤال حلو ، متابعه لردود الأعضاء عليه ، تشكرات فسقان bp039

.
.

اقول وش رايكم
يصلح الواحد يكتب موضوع وماعاد يرد على الاعضاء
ولا تحسون انها قلة ذوق ,,
يعني انتوا يهمكم صاحب الموضوع يعلق على ردودكم ..
ودي اكتب مواضيع لكن تكاسلت الردود تتعب .. مع انها متعة في نفس الوقت
وانا بالنسبة لي احب صاحب الموضوع يعلق على ردي ,, واتكاسل ارد على موضوع الي
مايعلقون ... ماادري كيف اوضح احسها تجاهل للي ردوا !!!!

انا مثلك ، ودي اكتب موضوع في بالي بس رجعة الردود والتعقيب ثقل كبير ،
خلاص طرحت فكره ـ او محور معين ابي اشوف وجهات النظر فيها ،

كلن له وجهة نظره ، وكلامه ، اعقب على شو ،

والله ماتفرق معي ، ولا ارجع اشوف الكاتب و ش رد علي إلا نادرا ً
طبعا ً هذا قبل الإشراف :D

بعد الإشراف تشك على الردود الجديده كلها ،في كل المواضيع ،

لكن بشكل عام هالشي مرفوض من الأغلبيه ، يدخل عندهم من باب اسلوب الحوار ،
وانه لازم الكاتب يرد على جميع الأعضاء ، ويعقب على كافة الردود ،

وهالنقطه تطرق لها احد الأعضاء معنا ، واقترح اننا نوجهه العضو انه يتابع موضوعه ،

طبعا ً غير ملزم العضو يتبع اي طريقه ، لكن المفضل للأغبيه هو التعقيب على كل رد ،

تشكرات ميمي pb189

مراسلة الأقلاع

19-06-2006, 09:15

EMILY

19-06-2006, 09:28

مبروكين ..bp039 bp039
والله يعطيكم خيره ويكفيكم شرّه>>>سامعتها وين ..ماادري pb036 ? بس هي كلمة وتقالpb094

فسقان...
.خخخخ..اجل تمدح عمرك..
عزيزي السائل ف س ق
.....>>>يالله بلا مصاله:sm5:

منتدى الاسره حلو وكثير مواضيع تشدني
فترات يمر بحالة ركود الله لايوريك...المواضيع ماتطيع تتزحزح ( الا لازم تحرجين عمرك وتقولين هالكلمه:D )...من الصفحه الاولى الا بعد كم شهر:rolleyes:

استفدت من بعض النقاشات في عندي مشكله...
وعلى قولة ميمو ...مواضيع الزواج تجيب الغثيان واللي يرفع الضغط اذا كانت الفكره نفسها مكرره بكذا موضوع:(

ميمو.pb189 .
اخبارك؟....اخبار العطله والا كل السنه عطله:D

اقول وش رايكم
يصلح الواحد يكتب موضوع وماعاد يرد على الاعضاء
ولا تحسون انها قلة ذوق ,,
يعني انتوا يهمكم صاحب الموضوع يعلق على ردودكم
^
لو أقول لك جوابي نفس جوابك بالضبط...ماتصدقينpb094
وعلى بالي بأكتبه بصيغه ثانيه علشان ماتقولين قلوده:D

اذا كتبتي موضوع لازم تلتزمين بالرد على الاعضاء....خاصه في المنتديات الكبيره كالقهوه والاسره والجاده
مثلا في منتديات الكمبيوتر..دايمن اطلب طلبات...فاذا حصلت اللي ابغاه...اشوف مو لازم ارد..ومو مطالبه فييه

وحاجه تطّفش متابعة الردود..والردعلى كل واحد
أحب اذا رديت عليهم يكون رد فيه فايده لموضوعي مو كلام مكرر...وأسعدني مرورك
مثل ماأحب ان الناس ترد على ردي..اكيد الغير نفس الشئ

ادري كثرت هذرتي...لاني جالسه انتظر اختي وذابحني النووووم..وخايفه اسحب عليها .
.وش يفكني منهاpb036
قلت يالله مافيه الا النت لحد ماحظرتها تشرّف:D

الف مليون

19-06-2006, 09:35

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

انا بجاوبكـ على افتراض حسـن النيـه في سؤالكـ :D ولا انت مايندرى عنك الكلمه لها
اكثر من معنى عندكـ وكل واحد ياخذ المعنـى اللي يبيــه وبالنسبه لسؤالكـ حلو المنتدى
لانه سوالف يوميـه عن احداث يوميـه تصيـر فيذكرني بمسلسل ساينفلـد وهو من اروع
وانجح المسلسلات وكان نجاحـه لانه مجموعه من الاحداث اليوميه اللي مرت فيكـ او في غيركـ :)

اليوووم يوووووم الاخضــــــــر

وه باقي 6 ســاعـــات واحسهم بيسووون شي :)

مضيع بيتهم

19-06-2006, 09:37

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟

من ناحيتي انا انسان مانيب منتمي لمنتدى محدد ادربي راسي في المنتديات واشوف الموضوع اللي يعجبني وارد عليه ومع ذلك الى الحين ماذكر اني رديت في منتدى الاسرة الا في موضوع واحد وهو تقييم الظاهر :) بس اشوف فيه مجاملات كثيره هنا (( اقصد المنتدى مهب الموضوع )) مادري هل يتطلب المشاركه في منتدى الاسرة انك تجامل !!

.........

انا عنيرديت على نفسي بدالكم وقلت اني ماعرف نفسيات اللي بالاسرة ومادري وش نظامهم عشان كذا قلت اشوف وش وضعهم وبعدين اشارك معهم بس الى الحين ماكتشفت شي :mad:

هذا ردي على نفسي بالنيابه عنكم ابي ردكم انتم ؟

الملقم كيف الحال :D

MiSs._.Dj

19-06-2006, 09:37

يارب تفوز السعودية اليوم 3\0
ياااااااااااااارب

اسكتي والله ان عقلي مافيه الا هالمبارهpb095

1 2 3 اي شي المهم نفوز بأي رقم

اقول وش رايكم
يصلح الواحد يكتب موضوع وماعاد يرد على الاعضاء
ولا تحسون انها قلة ذوق ,,
^^^
قدمت ذيك السالفه من الحماس:D ما اقدر

عني انا اشوفها قلة ذوقpb036 شاطه عمري وكاتبه رد لموضوعه وفي النهايه مايعلق على كلاميpb093
احب ارد على الكل في مواضيعي واحي يبادلوني نفس الشي:D
ميادهbp039

Mr.DoOOoDY

19-06-2006, 12:06

صفحة جديدة وعودة مجيدة .,. إن شاء الله
فـ يوم غير عن كل الأيام !
لقيت نفسي في لحظة متواجد في وسط صفحة !
حتى هي غير عن كل الصفحات ! ( جدة غير pb189 )

انتبه للهمس واتجاهل اللمس ! ( بنداء مشاعر مشاعر :sm12: )

لا تسألوني عن الصيف ..

أربعه مكيّف وعشرين على الرصيف !
بس كيف شعورك الظهر بقربك التنور المخيف ؟..
بالضبط وسط محل الرغيف
كيف شعورك ايها السعودي النبيل ؟ دون سفرة الصيف ؟

.................................................. ...........

cavallo nero bp039

كاروليناbp039

أحسن أحد
pb189

**مزوووون** bp039

رجة ونصbp039 bp039

أنتم لكم القدر الكبير من الإحترام والحُب .. حفِظكم الله pb189 !

مسالمه

19-06-2006, 12:23

اقول وش رايكم
يصلح الواحد يكتب موضوع وماعاد يرد على الاعضاء :D
ولا تحسون انها قلة ذوق ,,
يعني انتوا يهمكم صاحب الموضوع يعلق على ردودكم ..
ودي اكتب مواضيع لكن تكاسلت الردود تتعب .. مع انها متعة في نفس الوقت
وانا بالنسبة لي احب صاحب الموضوع يعلق على ردي ,, واتكاسل ارد على موضوع الي
مايعلقون ... ماادري كيف اوضح احسها تجاهل للي ردوا !!!!

ميادة قسم بالله كأنك جوا قلبي :sm1:
انا اشيل هم الرد على الأعضاء في مواضيعي بشكل موب طبيعي
اتعيييييييييييجز ووكل شي
والا المواضيع عندي قد كذا ودي انزل كل يوم موضوع
بس المشكله العظمى اني برد على العالم
وبالمقابل احب ان الناس ترد على ردي :D
يعني لما ارد في موضوع لازم ارجع اشوف وش تعليقات الناس وهكزا
وش اسوي :( اذا لقيتي حل علميني :(

مش ولا بد

19-06-2006, 12:27

مسهم بالخير

الشوق شوق

19-06-2006, 12:58

يسعدلي هالمسا يارب pb189 ....

العجيز

حيّاك يابعدي اقلطي مابوه احد :D
bp039

MiSs._.Dj

هلا بك وحيّاك :D bp039

فسقان

هلا بك حيّاك :D

طيب خلني اسأل : كم تبلغ نسبه الرضا عن ما يقدمه منتدى الاسرة لك عزيزي العضو ؟
والله في نظري كعضوة قبل أكون مشرفة 100% لأني فعلاً كنت كثير أحب حركات
الأسرة ولفتاتهم الحلوة ولازلت...

وبشكل عام أي ممتدى لابد يمرّ بلحظات ركود أو تألق هذا المسار الطبيعي
للحياة >>>ميب عاقلة الفيلسوفة :D

ما أقول غير الله يخلي الأسرة لناpb189

EMILY

اقول وش رايكم
يصلح الواحد يكتب موضوع وماعاد يرد على الاعضاء
ولا تحسون انها قلة ذوق ,,
يعني انتوا يهمكم صاحب الموضوع يعلق على ردودكم
أكيد يهمني :( ويضيق صدري إذا مارد علي...لأني فعلاً كنت أنتظر تفاعل لكن ماحصل
وأنا هنا أعتذر عن تأخر ردود آخر موضوع لي برد عليه قريب بإذن الله pb094
يحفظك ربيbp039

Mr.DoOOoDY

حيّاك مستر دودي هلابك :D

أربعه مكيّف وعشرين على الرصيف !
بس كيف شعورك الظهر بقربك التنور المخيف ؟..
بالضبط وسط محل الرغيف
كيف شعورك ايها السعودي النبيل ؟ دون سفرة الصيف ؟
شعوري شعور أي إنسان كان تعبان ويبي بريك:(
عشان كذا اجلس قدام المكيف كل ماسنحت لك الفرصة:D
وحاول تسوي لك نشاطات مع أصحابك مثلاُ...زي نادي الكتاب
أو حتى النادي...أو طلعات وجلسات سمر بالبر
أو تمارس هواياتك اللي تحبها....وإن شاء الله يارب تنسبط بالصيف;)
يحفظك ربيbp039

الشوق شوق

19-06-2006, 13:00

مش ولا بد

حيّاك الله يمسيك بالنور والسرور :)

!..أبو يـارا..!

19-06-2006, 13:25

منزل مبارك

تهقون باكيتا ينزل سامي أول المباراة ؟؟

الشوق شوق

19-06-2006, 13:58

^
^
قلق أنا جد بذبحه لو مانزله بأول المباراة :(
عاد أنا متفائلة بإذن الله إنو إن شاء الله اليوم بيلعبون زين

أهم شي يبيضون الوجه ونشوف مباراة حلوة بإذن الله
تخيّلوا لو يسوون منتخبات للبنات؟ وش تتوقعون بيصير؟
>>>>> ترى كانت أكوس حارس أيام الطفولة مايدخلون شي بمرماها :D

ميادة

19-06-2006, 14:22

مراسلة الاقلاع bp039
عاش من شافك .. نورتِ المجلس ,,

ايميلي pb189
لا ايش كل السنة عطلة .. محسوبتك موظفة اد الدنيا pb071
وماجت العطلة الا قد كرهت نفسي وكنت متشوقة لها مرة
لكن كاني غيرت رايي بسرعة .. بعد مابدأ الهجوم على بيتنا من قبل السياح
و الله العالم اني باخذ لي خيمة جنب بيتنا الى ان تخلص الاجازة ..
وارجع اتفقد الخسائر في نهاية الصيف
بالله الواحد كيف يتأقلم اذا هو طول العام لوحده في البيت والجو كله له
وفجأة يصير البيت مجمع سكني وكله مسؤوليات و شغل وازعاج ماله حصر ,,
اذا سافروا اشتاق لهم واذا رجعوا pb131

مستر دودي انت الي سويت العملية ولا مستر عبودي ؟
اسمائكم مثل بعض ..
اذا كنت انت الحمد لله على السلامة و ماتشوف شر ,,
وعودا حميدا bp039 .

مضيع بيتهم
الاسرة فيها مجاملات !!
مافيه .. بالعكس احس الاغلبية صادقين و يحبون بعض ..
ولا قصدك مافيه احزاب و حروب كلامية .. طبيعة المنتدى تخلي مواضيعه هادية
ومافيها نقاط اختلاف كثيرة .. يعني نادرا مايجي موضوع يكون فيه اختلاف ..
وان جت مواضيع من ذا النوع تكون اساسا محطوطة عشان يسوون اكشن و يقصدون يثيرون
اشخاص معينين ..
الخلاصة ناس حلوين و هاديين ولا نحب المشاكل واقدع ناس ..

مسالمة
شكل مافيه حل ..
تبغى تنزل موضوع = لازم ترد على الاعضاء و تقدر مرورهم وتعليقهم :sm12:
المشكلة اذا الواحد ماعنده وقت اساسا انه يرد .. ولا عنده امة لااله الا الله في البيت ولا يخلونه يتنفس
نفس لحاله لازم يشاركونه في كل شيءpb036

أمونه المزيونه

19-06-2006, 14:35

اقول وش رايكم
يصلح الواحد يكتب موضوع وماعاد يرد على الاعضاء
ولا تحسون انها قلة ذوق ,,
يعني انتوا يهمكم صاحب الموضوع يعلق على ردودكم ..
ودي اكتب مواضيع لكن تكاسلت الردود تتعب .. مع انها متعة في نفس الوقت
وانا بالنسبة لي احب صاحب الموضوع يعلق على ردي ,, واتكاسل ارد على موضوع الي
مايعلقون ... ماادري كيف اوضح احسها تجاهل للي ردوا !!!!

سيم سيم <<< مقتبسه وماودها بعد تعلق (أكبر زوله)

الشوق شوق

19-06-2006, 14:50

ميادة bp039 ياررررررب 8/0
<- الطمع مصيبة :sm18:

السلام عليكم ..
مستوى الأسرة ممتاز .. لولا كثرة مواضيع الزواج ( أوافقك ميااااادة)
وجهد المشرفات كبيييييييير الله يعطيهم العافية :(

ميادة بالنسبة للردوود على الأعضاء .. ماأعررررف!
حاولت بس ماأقدر..
أحس يكفي الواحد ينزل موضوع :(

يمكن أرجـــــع
bp039 bp039

الله لا يعميني!!!!!!!!!!!!
هلااااااااااااااااااااااااا والله وغلااااااااااااااااااااااااااااpb189
وربي نووووووووووور نوووووووووووووور نوووووووور يامرمرpb094
وأنا أقول فيه شي مخليني أدخل كم مرة مدري ليش:D
أثاري ريحة الحبايب هنا pb094 نورتي...
مشتاقين لطلّتك يادوبا...ومشتاقين لقلمك : )
كوني بالجوار ياقلبيpb189

عععععععععع

19-06-2006, 15:51

كارول ماشفت تعليقك على سؤالي في نهاية المجلس الثاني ..!!

_____________________________________

دقيقتين وينزل الأخضر .. الله يوفقهم يارب ..

عععععععععع

19-06-2006, 17:00

تحليل مابين الشوطين : أعيدوا مهمد نور ورفاقه إلى ديارهم ..

تسمع يامستقعد ؟؟

أوكرانيا متقدمه 2/0 ..

ورد هانم

19-06-2006, 17:35

اهلين بالاسره واهلها
انا بتضحكون على رائي ...على التعليق على المواضيع
انا اقرأ الموضوع ,,,ويعجبني واقرأ الردود
لكن اما يجر رد صاحب الموضوع ...خلاص مابي اقرأ
عندي انه خلاص كتب الي يبيه
ليه يرجع ويحوس من جديد
احسها مصاله كل شوي ناط من جديد ...يعني شوفوني >>>هذا رائي
مثلا في منتديات الكمبيوتر..دايمن اطلب طلبات...فاذا حصلت اللي ابغاه...اشوف مو لازم ارد..ومو مطالبه فييه

وبالعكس رغم انه ماصارت لي.
بس لو اذا صار وطلبت طلب او انحلت لي مشكله
لازم ارجع ارد واوضح يا اني اشكر او استفسر من جديد ،،
ولا اعطي الموضوع طناش
ودمتم
عاد ان ربي سهل الصق فيكم ...هههههه
يعني ارجع لكم

يوسف

19-06-2006, 17:47

يارب تفوز السعودية اليوم 3\0
ياااااااااااااارب

مالله كتب لنا الفوز ياميادة .:( . والله اني منقهر من هالمنتخب اربعة اهداف حتى الان :(
والخامس في الطريق .. مافي شي قهرني الا الهدف الثاني يوم الحارس انبطح على بطنه الله يفشله
ومع اسبانيا راح تشوفين دستة اهداف غير طبيعية راح تخليك تكرهين اليوم الي تأهل فية المنتخب

أعيدوا مهمد نور ورفاقه إلى ديارهم ..
والله حاس باعصابك متفجرة ياعععععععع .. بس وش نسوي هذي حال المنتخب

ميادة

19-06-2006, 17:58

:(
راسي ..صدااااااا ع

.........................

اذا احد ضغطه مرتفع .. اشربوا كركديه مثلج تروه يخفض الضغط !!

قاعدة ادور في الاقلاع والنت والله ماني عارفة ايش اسوي

رحت الجادة ابغى الاقي احد احارشه واسوي معه مشكلة لكن مواضيعهم ماش

مملة مافيه جديد ....

هيي انتوا وش تسوون بالعادة اذا قد فرقكم تخسر ..

الحمد لله اني ماني اتابع الكورة ولا احبها .. ولا كان علوم ...

ليتهم ارتاحوا الله يهديهم وقعدوا عند اهاليهم هنا .

الف مليون

19-06-2006, 18:12

حسبي الله عليهم بس كان الواحد يتركـ الاشياء الشينـه
ومن ضيقة صدر وكتمه تجيـه من هاللعيبـه الراقييـن تخليـه يرجـع :(

أحسن أحد

19-06-2006, 18:17

.. :( ..

هـــاردلــكـ ..

.. :( ..

هولندا في قلوبنا .. :D ..

!..أبو يـارا..!

19-06-2006, 18:37

تشششششششش بس تششششششش يالسعودي

أحسن أحد

19-06-2006, 18:59

^ ^

^ ^

وش السالفه .. !! :D

كبيت مويه حاره على شي بارد وطلع هالصوت pb036 ,, والا وشو :D

!..أبو يـارا..!

19-06-2006, 19:56

لا والله

فيه من كب علينا اربع اهداف غبية

MiSs._.Dj

19-06-2006, 20:07

قررت اشجع تونسpb036

مش ولا بد

19-06-2006, 20:07

8
8
8
8
مالت بس وين روح الشعب السعودي <<<<<< برا

انا من يومنهم تئهلو وانا داري انهم بيفشلونا بس قلت سعودي والهوى شرقي<<<<<<<<< (وجه يوقطر مصاله)

اذا غيرنا رازو وجيهم ويشجعون المنتخب على ابو انه خليجي

( وجه يقوطر مصاله)

فتكو بعفيه

اشواك ناعمة

19-06-2006, 20:16

مساء الخير

مشكورة نوال على ردك اللي يوسع الصدر

وهاذي لتس bp039

مشكورة ميادة على الكلام الحلو pb094

----------------------------------
:eek:

وش هذا

لييييييييييييييييييييييييييييييييش 4-_0

والله قهررررررررررررر من جد

معالي الوزيرة

19-06-2006, 20:29

الرياض: 6:45 دقيقة‏
فرحة!‏
مبتهجة!‏

تتحضّر للاحتفال بالأخضر…‏
والاحتفاء به!
بأبنائنا…‏
بانتصارهم..،

الأعلام الجميلة ترفرف فوق السيارات
سيارات عائلات،
بنات،
وشباب...

سيارات عجلى!‏
للحاق بالمباراة، قبل صافرة البداية!‏

حماس
تشجيع!‏

لافرق بين
كبار ولا صغار...،

الكل فرح، ومستمتع،
النساء والرجال…‏

الكل متحمس،
متأهّب !

*
*
*

الرياض، بعد صافرة نهاية المباراة :(
ارتدت ثوب الحزن!‏
بعد أربعة أهداف ! ‏
مقابل صفر ‏!
:sm12:
نزعت الأعلام من أماكنها،
الشوارع في سكتة ذهول..
من التحول، في مظهر الرياض!
انقلب فرحها .... حزنا... وساعات صمت!
*
*
*

وهناك، في ألمانيـا...
كانت سماءنا الكبيرة،
ترافقهم...
كانت هناك تبكي!
تنبؤًا بخسارة أبناء الصحراء
والجدب!‏

أيتها الرياض، أنت جميلة،
وإن خسر المنتخب!‏
وإن امتلاءتِ غبارًا !‏

‎>>‎‏ زايدة وطنيتها حبتين ‏pb189

مش ولا بد

19-06-2006, 20:42

8
8
8
8
وش الجديد بعد 8 ترجون شي من وراهم <<<<< بينطق

معالي الوزيرة

19-06-2006, 20:49

8
8

مشكلة المتفائلين :sm12:

قهوه حلوه

19-06-2006, 21:08

خليكم كوووووووووووول ..pb192

صح انه شي يرفع الضغط .. بس في النهايه ..
قدر الله و ماشاء فعل ..

وعموماً فيه بصيص من الامل ..
بس خليكم متفائلين ..

وان شاء الله نتاهل من عنق الزجاجه << هي تكتب كذا صح :D

ورد هانم

19-06-2006, 21:27

ايش فيكم ..ياناس ياهوووووه

حرام عليكم ...شرشحتوا اابوهم
يعني بالله عليكم ماتوقعتوا قريب من هالنتيجه !!!

عاد وسعو صدوركم شوي

حسبي الله عليهم بس كان الواحد يتركـ الاشياء الشينـه
ومن ضيقة صدر وكتمه تجيـه من هاللعيبـه الراقييـن تخليـه يرجـع

الف مليون
وشي الاشياء الشينه الي بتتركها وماخلوك>>> لقافه..
قلنا عشان نتركها ولانطيح فيها مثلك.بهالصيفيه من الطفش...
>>> الله من زود الحرص

!..أبو يـارا..!

19-06-2006, 21:48

وقاااااااااااااسم بالله نلعب مع اوكرانيا

فرررريق مهزوز ظعيف بكل ماتحمله الكلمه

واللهي لو تلعب معه تونس ان تطلع هدافين عن طريقه

زايد كفاااااااية تبطح ياشييييييخ

جعل الثور اللى ينسدح فوقك قل امين

سحقااااااا للرخوم الخضر ...وبالتوفيق للتوانسة الاشقاء

الكاسر888

20-06-2006, 00:03

معرف وانا اشوف فضايح زايد ومنتشري اليوم مع رفيق دربهم تكر واحمق هذه المبارة

تذكرت احد ابيات المتنبي الشهيرة
..شبينا عليهم المبارة الي راحت وافلحوا
دلعناهم وصاروا زلايب

صادق يامتنبي صادق

orangah

20-06-2006, 00:35

اه يالقهر شفتوا المهزله!!

صحيح الواحد يتوقع الهزيمه خاصة قدام فريق مثل اوكرانيا بس ما توقعتها 4 !! الا يوم شفت اول قولين ! قلت نعمه ان فازوا اربعه او اقل !!pb093 pb093 والمشكله ما فيه مستوى pb093 pb093

اسباب كثيره للخساره قلتها وبربرت في منتدى كاس العالم ! والله يعين !

اذا توقعت الخساره ..فازوا !

واذا توقعت الفوز والا النتيجه الحلوه .... خنبقوا !:rolleyes:

الشق أكبر من الرقعه !

هاردلكم والله يصبر قلوبكم يا السعوديين !

اورنجه.....

الكاسر888

20-06-2006, 01:24

http://www.eqla3.com/vb/attachment.php?attachmentid=183961&stc=1&d=1150781850

حتى الفرس انهزموا

هاردلك الف مليون

رجة ونص

20-06-2006, 05:25

مساء الخير

:( يعني الى متى وهالرخوم على قولة اقلاع ستات يلعبون باعصاب الشعب

الى متى وحنا نقول لا هالسنة بيكونون غير يعني انا من تحت راس ال8 عام

2002 بطلت اتابع الكورة بالرغم من حبي لها pb131

الي يبرد على قلبي انه انا هالسنة كنت قوية وما شفت مباراياتهم بس الرسايل

كانت تجيني 1-0 ,2-0 ,3-0 ,4-0 :eek: بغيت احجز واروح المانيا واتواطى

في بطونهم واحد واحد :mad:

يالله استعدوا نفسيا لاسبانيا واكيد بيجيبون 8-0 وترا هذا ماهوب طنازة فيهم لا هذا عقب

دراسة واحصائيات يعني اسبانيا فازت على اوكرانيا 4-0 واوكرانيا فازت علينا 4-0 فبتكون

نتيجة السعودية اسبانيا 8-0 الا اذا رخومنا ودهم يكسرون حاجز ال8 ويصير 9 :rolleyes:

hilali_cool

20-06-2006, 09:25

!..أبو يـارا..!

20-06-2006, 09:34

تتوقعـــون يستقيل سلطـــان من نفســه والا وجهه مغســـول ؟؟؟

انت حبيب حتى الثمالة :d

عتريــــــس

20-06-2006, 09:36

هلالي كول بتوقيعك مكتوب معاك لو تنصك بثمانية .!
بالرغم من الهزيمة .. وفوز اوكرانيا اللي جاهم بصحن من ذهب .!
هل انت ملتزم بما كتب وبيكون موقفك مع الاخضر مع انه ردك يستنكر الحدث D :

< عتريــس بيومي

معليش الدنيا فوز وخسارة والحمدالله جات على اربعة
توقعت أكثر من 9 يسجلون ..,‘

EMILY

20-06-2006, 10:59

تتوقعـــون يستقيل سلطـــان من نفســه والا وجهه مغســـول ؟؟؟

الله أبوكم من لاعبين والمشكله 20 مليــــون معلقين آمـــالنا على مجمع كديـــش :(

المشكله اني أكبـــر عجـــــــاز والا ودي أغير توقيعي وأحط البرتغـــال وانجلتــــرا

:(

مدري ليش في هالكوره مكتـــوب علينا مانفرح :(
^

ويييييين ..لو عنده نقطة دم كان استقال ايام الثمانيه:cool:
..
اللحين يبي يحملون هالضعيف باكيتا ...ويبي يقيلونه...:sm1:
ذر الرماد بالعيون..pb095
مالت عليك سلطانووه و دلوعة عمه نوااافوه:mad:

سؤال...ليش المنتشري دوم ملوع كبودنا بهالعلك؟....احد لاعب عليه وقايل انتا حلووووو؟pb095

اسبانيا 10 ..السعوديه صفر كبر علك المنتشرييييييييي:(

الف مليون

20-06-2006, 11:11

^^^
صدق مافي وطنيــه

لازال هناكـ بصيص من الامل في التاهل :d

لو نفوز على الاسبان ممكن نتاهل <<< ايه هيــن

عشــم ابليــس بالجنـــه :d

زهرة الزنبق

20-06-2006, 12:14

الكاسر888

20-06-2006, 15:35

مراحب

وش موقفك لو كنت مع شخص عزيز جدا وعلاقاتك فيه رسميه شوي حيل..قالك ممكن اتفرج على الاستديو في موبايلك..وانت ناسي انك انت وصديقك مبدلين اجهزة ..المهم فتح الاستديو وشاف اشياء مش ولابد..!
تمعض وجه واعطاك الجوال..وترخص منك وراح..تجيك رساله منه فيما بعد يبين لك استنكاره للاشياء الي في الاستديو ..والي انت ماتدري عنها!

طبعا ارسلت له تبين له انه مهب جوالك وانك ماتدري عن هالشيء..وش الموقف..خاصة انه شخص تعزه وتحترمه!

I r i a

20-06-2006, 16:51

يســـعــد مســاء الجـــميـــع ..

مراحب

وش موقفك لو كنت مع شخص عزيز جدا وعلاقاتك فيه رسميه شوي حيل..قالك ممكن اتفرج على الاستديو في موبايلك..وانت ناسي انك انت وصديقك مبدلين اجهزة ..المهم فتح الاستديو وشاف اشياء مش ولابد..!
تمعض وجه واعطاك الجوال..وترخص منك وراح..تجيك رساله منه فيما بعد يبين لك استنكاره للاشياء الي في الاستديو ..والي انت ماتدري عنها!

طبعا ارسلت له تبين له انه مهب جوالك وانك ماتدري عن هالشيء..وش الموقف..خاصة انه شخص تعزه وتحترمه!

اللحين رسمية شوي ولا حيل:D

دامها رسمية.. ماله حق يفتح الموبايل ويتفرج !

اصلا الواحد لو قال ممكن اشوف ؟! معناته اكيد بيشوف لانك وش راح ترد عليه يعني

لا والله ماابيك تشوف ! عن نفسي انحرج اقول لا :( ..

اشوف في رأيي انك تتصل عليه وتكلمه وتوضح له .. لانك في الاتصال بتتكلم بثقة اكثر

انه ذا مو موبايلك .. وانك ماحبيت تحرجه وعطيته الجهاز ..

أم كشه شقراء

20-06-2006, 17:29

ياحبي لكم ,
ولدعواتكم ..

:)

ابشركم
المقابله تمت على خير
و قبلوني

pb094

حبيت تشاركوني فرحتي
pb189

ميادة

20-06-2006, 19:11

8
8
ام كشة الف مبروك ..
فرحت لك واحلى شيء انك جيتي وقلتي لنا
على البركة يارب .. خطوة موفقة ان شاء الله ,,

الكاسر
قمة الاحراج ان احد يعز عليك يفهمك غلط و لا يصدق عذرك !!
لا تتجاهل الامر .. قابله شخصيا .. واشرح له .. اذا كنت من الشخصيات الي
يسيطرون على افكارهم ولا ينسون الكلام المهم لما يجي وقته ..
واذا كنت تنسى الزبدة في الوقت الحاسم الافضل ترسله وتوضح له في مسج
وبعدها اتصل ..
لكن لا تترك فكرته عنك وثقته فيك تتغير ..
+
هو ملقوف ليه يتفرج في جوال غيره ,,

ياجماعة وين رحتوا باقي زعلانين .. خلاص انسوا الحياة حلوة :)
وفروا الزعل الصدقي ليوم الجمعة :D

EMILY

21-06-2006, 00:34

ماشفت المباراة لكن كنت اشوف اخر االتطوارت في منتدى الاقلاع
الحمد لله على كل حال 4_ صفر مهوب 10_ صفر:D
السعودية مع اسبانيا راح تكون النتيجة 1_3 لصالح اسبانيا التوانسة مو اقوى منا

ايملي
مبرروك النجاح>>> بدري:D
لكن بجد والله كنت شايله هم ذيك المادة الي ماحليتي زين فيها

الحين انتوا ماراح تسافرون او مثلنا ماتسافرون الا بعد مايطلع المنتخب من المونديالpb192
>>>>> هانت قريب ويطلع وتسافرون >>>> بتتصفق

^
زهرة الزنبقpb189 ..
الله يبارك بعمرك...تسلمين يارب
الحمدلله عديتها..وجبت D......يعني جيد..:)
الحمدلله...

ام كشه شقراء..
الف اف مبروووك...
المقابله الشخصيه تخووف...انتي وحظك,,,واكيد للمؤهل دور
مبروكين مره ثانيهbp039 bp039

الكاسر 8888

موقف محرج...اكيد في باله اللحين انك تصرّف السالفه ...
ماادري كيف يبي يقتنع؟.:rolleyes: .

اذا كان يعز علييك كثيير وتحترمه...فالافضل توضح له ..
ترسل مسج او تقابله فيس تو فيس
وهو عارفك زين ...ان شاء الله يصدقك

ومن الاصل تصرفه خطأ...
اكره هالحركه ..تجي وحده مجرد ان علاقتك قويه معها ماتصل للصداقه
وتقول ابغى جوالك؟..خير ياطير
احيانا اصرف واقول سوري فيه اشياء خصوصيه واحيانا ماانتبه وماادري الا وانا معطتها اياه:(

أم كشه شقراء

21-06-2006, 01:12

ميـادة / EMILY (http://www.eqla3.com/vb/member.php?u=86423)

شكـراً على التهنئه
bp039bp039
افرح فيكم يارب
pb189pb189

مـوفقـين
:)

M i L a N 22

21-06-2006, 01:21

صبــاح الخيــر!!

مبروك على افتتـاح منتـدى الاسـرة ثـلاثـه لسواليـف الهـادفــه :d

رجة ونص

21-06-2006, 05:02

صباح الخير

ام كشة شقراء bp039

الف مبروك الله يوفقك وتوصلين مراكز عالية :D

الكاسر bp039

اسمح لي والله انه ملقوف انا ما عمري سويتها مع اختي

اذا شفت البنات اقولهم ايش اخر النغمات الي عندكم وصدقني

واحد دخل يشوف الاستديو يعني وش تتوقع انه يبي يشوف اكيد هو

بعد نيته ماهيب صافية <<<< شريرة pb095 الحل انك تشرح له

الموضوع والمرة الجاية لا تعطي جوالك اي احد :sm4:

ها ما ودك تقولي عن السالفة <<<<< نفسها طويل :sm5:

ميادة pb189

زعلانين ليه يعني هذي ماهيب اول مرة يسويها منتخبنا تعودنا على فشايله

وعلى تحطيم امالنا :sm1:

شايفين الغيم الي على الرياض امس واليوم :)

Mr.DoOOoDY

21-06-2006, 06:15

لا هوّا انا ياميّادة :) ..

NawaL

21-06-2006, 07:46

صباح الورد

ام كشه الف مبروك يالغلا الله يوفقك ،
.

مستر دودي ، الف الف الحمد لله ع السلامه ،

.

الكاسر ، لاتلومه هو مايعرفك بعد !!
وبعدين من جد ملقوف هو ليه يفتح الجوال ، ويتصفح الصور ذا العالم ماتترك اللقافه خخخـ

يمكن زعل في البدايه بيوضح لك انه يرفض هالشي ، ولايتقبله ابد ،
بيعرفك بنفسه بعد ، ويقولك انه مايوافق يشوف شي مش ولا بد ،

.

ايملي
الحمدلله عديتها..وجبت D......يعني جيد

اجل الدي جيد خخخخخـ

.

ولد اختي بعد مباراة السعوديه ، يوم اكلمه يقول لاتذكريني لاتذكريني ياخاله تكفين
عناد قلت له

اربعه صفر
اربعه صفر
اربعه صفر

احس وده يقتلني خخخخخـ

EMILY

21-06-2006, 07:58

^ ^
احم احم..<<<لاتتريقينpb094
كنت شاكه انها غلط:sm5:
يالله وش تعني d??....
لاتلومينا ..مانتعامل الا بممتاز وجيدجدا وهكزا
وقلت شكلهم يبي يضحكون علي اذا قلت جيد ...فكشخت ب D:sm1:
وياليتنا من حجنا سالمين

مستر دودي...
الف الحمدلله على السلامه...طهور ان شاءاللهbp039

NawaL

21-06-2006, 08:27

ميادة

21-06-2006, 10:28

مستر دودي bp039
الحمد لله على السلامة \ كفارة

ايملي
اجل دي جيد .. :D
تصدقين قلت كويس وانا كنت احسبها مقبول
اثرك مصدر غير موثوق للمعلومات ..

سالفة الجوالات و تفتيشها .. بشكل عام بايخة و ماهو ضروري يكون في
الجوال شيء سيء علشان تنفهم غلط وتحتاج تبرر ..
احيانا يكون فيه اشياء عادية وتخصك جدا لكن برضوه تحتاج تبرر
للملقوف علشان مايظن فيك ظن سيء

مثلاً
هي :وش ذا جوالك كله صور عيال .. من ذولا pb093
أنا : هذا فلان ولد اختي وهذا علان اخوي وهذا وهذا
هي : اييه ... ماشاء الله ... ( تسكتو باقي في راسها اسئلة مستحيه تقولها )

يعني سيئتين
لقافة وتعدي للحدود + سوء ظن

.......................

مسج وصلني البارح :

هاي
اعترفي انت لك يوزر ( ميادة )
في الاقلاع ؟

ضحكت كثير ..
هي صديقة عزيزة جدا .. و عضوه هنا لكن ماعادت تكتب ..
فرحت لما عرفتني ماادري ليه .. وفي نفس الوقت ماعرفت ابرر لها صح ليه ماقلت لها
اني سجلت واني صرت اكتب وانفكت عقدتي :D
تقول انها عرفتني من رد واحد .. شكت على طول انه انا وشافت ملفي وتأكدت ..
بالنسبة لي واحد من المبررات الي ماخلتني اقول لها , اني احب كثير اقيم نفسي
في مجتمعات جديدة و اكون مجهولة تماما فيها و ابدأ علاقات من الصفر ..
يهمني كثير اراقب الامر و ادقق فيه.. تقييم الناس لك\ لشخصيتك
بعد ماكنت مجهول تماما لهم ..
تقييمك بدون اعتبارات مسبقة عنك ...
انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

صديقتي pb189

ارتميس

21-06-2006, 11:01

...
انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

pb189

اذا قصدك على ناس اعرفهم برا النت لا ماراح يعرفوني

بس من الي عرفتهم من النت بمواقع ثانيه ايه اكيد حتى لو غيرت اليوزر والصوره والتوقيع والخط الي بيراقب اسلوبي بيعرف انها انا

بس انا شخصيا دائم اطيح على العالم pb036 ياكثر ماكفشت ناس :D واقولها كمان بوجههم :D استمتع بكلمة منتي بصاحيه <<< دائم تقولها فضوحه اذا كفشتها :sm5:

امس كنت بزواج قريبتي لما خلصت الزفه وكانوا بيروحون وقفت مع العروس عند المخرج واغراضها معي المعرس قالي وشو ذا قلت اغراضها ابيه ياخذهم ماخذاهم طالع باخوه الصغير اخذ الاشرطه ونزل وخلاها معاي pb131

جحدها من اول يوم :eek: قالتلي شسوي قلت انزلي الحقيه ( كان ودي اقول اجحديه وارجعي بيتكم :rolleyes: بس استحيت )

المشكله انه مقطع نفسه عليها pb093 الين اخذها

لو مكانها غسلت يدي منه الي هذا اوله ينعاف تاليه pb093

EMILY

21-06-2006, 11:17

^^^
هلا مياده..

انا ماخذه سي= جيد:D >>>شايفه نوال .الكل يعرفpb094

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,
^
^
اختي واخوي يعرفوا يوزري...مع اني في البدايه اسوي تسجيل خروج
ولان كمبيوتري سبيل للكل...طفشت من تسجيل الخروج:sm5: ..فخلاص عرفوا النك
والحلو انهم مايطيقوا يقروا الردود ...وبالذات اذا كانت طويله:D

و متحفظه كثييييير ان احد يعرف يوزري ..
حتى اذا سألوني البنات أي المنتديات اللي تدخليها..
احاول اصرف واقول مجموعه من المنتديات اللي ادخلها
واحيانا اقول الاقلاع واحيانا لا..
لكن من تالي وعلى قولة المثل كثر الدق يفك اللحام..:(
اذا سولفت عن حاجه ..قالوا بأي منتدى شايفتها ؟...وانسى .فأقول الاقلاع:(
واتوقع يبي يكشفوني قريب..

واثقه من نفسي ومافيه حاجه أخاف منها...
ومبدأي اني أخذ راحتي اكثر وأكتشف شخصيتي بعيد عن المجاملات..:rolleyes:
فهم واحد من أثنين ..اما يبي يمدحوا كتابتك على طول..:sm5:
.والا يبي يرفعوا ضغطك ..كل ماكتبتي حاجه قالوا..ايه انتي كتبتي كذا وشفنا ردك...:mad:
مااحب حركات الاشراف

الف مليون

21-06-2006, 11:17

انا مادري عن واحد صادنـي يوم غيرت اليوزر وانا محتـار شلون زقطني ( صادني) :d

1- ياانه ركز باسم اليوزر وعرفني :d
2- ياان الاي بي كان متشابه او نفسه الظاهر :d
3- ياان من طريقة الاسلــوب عرفنــي !!

الشاهد انـه عطانـي كلمتيـن اني يعني كافشكـ ههههههههههههههههههههه
وانا اقولـه منت عاقل ياكافشهــم :d

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

اذا تقصدين من الاسلوب والسوالف فوالله ياكثر اللي اخاف انهم يعرفوني وخاصه اني
من النوع اللي اقول كلش فاحاول اني اغير الاسامي واكيد اللي يقربلي بيعرف اني اقربله
بس مااتوقـع انـه بيعرف ميـن بالضبط من اقاربــه << اخص يالغامض pb071

رجة ونص

21-06-2006, 11:27

مساء الخير

ميادة pb189

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

بالنسبة لي اكيد لانه من جد انا بالنت مثل برا <<<< مشمش pb189 بتذبحني تقول

خلاص صجيتينا كل شوي تقولين رجة بالنت مثل برا pb095

لا من جد اتذكر واحدة من صديقاتي كانت تكتب هنا ومعها بنات من الاقلاع فسالوها

عني قالت لهم رجة هي هي ما تتغير :D

الكاسر888

21-06-2006, 11:42

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

قبل فترة مش طويلة جتني مكالمة من شخص اعرفه بامريكا يقولي انت الكاسر قلت ليه..قال ليه كاتب عن قصتي الفلانيه...!

المهم سوى لي فلم النون ومايعلمون وحذفت السالفه لعيونه..مع اني مغير فيها اشياء تمويهيه..وطرحتها للفائدة ولكن!

الف مليون

21-06-2006, 11:52

قبل فترة مش طويلة جتني مكالمة من شخص اعرفه بامريكا يقولي انت الكاسر قلت ليه..قال ليه كاتب عن قصتي الفلانيه...!

المهم سوى لي فلم النون ومايعلمون وحذفت السالفه لعيونه..مع اني مغير فيها اشياء تمويهيه..وطرحتها للفائدة ولكن!

ياشيــن اللـي كذي حساسيــن والله واكبر ياللي الحين احد بيعرفكـ !!
ومايقهركـ زود إلا اللي تجيب سالفة عن مثلا شقه وعن احتفال بالهابي نيو يير
وتطلع كل الخرابيط اللي كانت فيــه ويجي يقولكـ ليش تقول كذى وكذى !!
تقول طيب ماحد عارفنـا ياخي !! يقولكـ لا بس انا قايل لخويتي اننا كنا مع بعض وانك انت
اللي تكتب بالاقلاع !! طيب ياخي لاتصير طرشه وتخق عنده كل شي واثقل ياخي اثقل :d
الله يستر عاد مايشوف هالرد ويجي يسوي سالفه ليش تقول في النت اني قايلكـ لاتقول اني قايلك :D

ياخي بعض الناس يعطون النت اكبر من حجمه والدعوه كلها ضحكـ وفشـة خلق pb071

NawaL

21-06-2006, 11:54

مثلاً
هي :وش ذا جوالك كله صور عيال .. من ذولا
أنا : هذا فلان ولد اختي وهذا علان اخوي وهذا وهذا
هي : اييه ... ماشاء الله ... ( تسكتو باقي في راسها اسئلة مستحيه تقولها )

يعني سيئتين
لقافة وتعدي للحدود + سوء ظن

ايه والله انك جبتيها يا ميمي :D

مره اخذوا جوال في الجامعه لانه كاميرا ،
ومسكت المسؤوله عن هالشغله الجوال ،

وهات تفتيش وتسأل عن كل صوره :rolleyes:

هذا وين بيتكم ، وهذا من ولد اختك ،
وهذا انت مصوره نفسك مو حرام :D
وهالصوره مين << كانت صوره من النت

انا ماشيه معها بالهدوء على بالي لاخلصت تحقيق بتعطي الجوال ،
مابي الأخلاق تصير معها قشرا ، وتعاند ،

آخرتها لا اخذت الجوال ، واستحملت ام اللقافه اللي فيها ،

.

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

انا يعرفوني من الإسم أكثر شي ،

عتريــــــس

21-06-2006, 12:07

مراحب عالجميع ..,‘
أخباركم .!

وهذا انت مصوره نفسك مو حرام

بصراحة على استخدامي للجوال مافكرت اصور نفسي : \
قبل الدعوى عاادي ..لأني ما ابيع الجوالات اخليها عندي ..,‘

(( وغير كذا بطبعي ما احب اصور احد حتى الصغار ..
أحب اصور حاجات ماتنفهم للي يشوفها ))

مره كنت بـمحل جوالات بنتين يبيعون جوالاتهم ..,‘
وكانوا مجموعة شباب يتبعونهم ..
أول ما طلعوا ويجي الشاب يقول للسوري ..
أبي جوالاتهم بشتريهم بالسعر اللي تبيه : (

حاجة تخوف بصراحة وش يبي بجوالاتهم
إلا اذا ضامن انه راح يطلع كل حاجة فيه..,!

..,‘

NawaL

21-06-2006, 12:15

عتريس ،

الجوال كان الفراشه ، اول جوال استخدمته كاميرا ،

قبل تطلع سالفة الباندا ، وانه الصور ما تحذف ،

صح اني تركت الجوال ما صرت استخدمه ،

لكن إلى يومك هذا وهو في الدولاب ،

منها ماراح يجيب قيمه ، ومنها اضمن لي ،

لأن فيه مليون صوره لي ، مشكلة اللي فرحانه بعمرها خخخخـ

ارتميس

21-06-2006, 12:36

مراحب عالجميع ..,‘
أخباركم .!

مره كنت بـمحل جوالات بنتين يبيعون جوالاتهم ..,‘
وكانوا مجموعة شباب يتبعونهم ..
أول ما طلعوا ويجي الشاب يقول للسوري ..
أبي جوالاتهم بشتريهم بالسعر اللي تبيه : (

حاجة تخوف بصراحة وش يبي بجوالاتهم
إلا اذا ضامن انه راح يطلع كل حاجة فيه..,!

..,‘

لا لا تقولينه ترا ناويه ابيع جوالي :(

وبطنش حكايه الصور لان اغلب الي اعرفهن باعن الجوالات ما صار شئ

عععععععععع

21-06-2006, 13:54

الجوال + الكمبيوتر ..

أشياء خاصه جدا ..

على قولة واحد من العيال .. يقول إذا قالي واحد أبستعمل كمبيوترك ولا أبفتش جوالك تسنه قايلن لي إفصخ سروالك هههههههههههههههههههههههه

وسالفة إنه أحد يعرفني برا .. واجدين اللي يعرفونن برا .. وأنا أنا ماتغيرت .. هنا ولا برا ..

واحد من العيال أعرفه برا .. المهم إني قلت له سجل .. سجّــل بالأقلاع .. وتغيرت نظرتي له .. صرت أشوفه من عدة زوايا مع إنه مايكتب إلا في الرياضه .. يعني مايمديه يحتسي عن أشياء شخصيه .. بس صرت أشوف تنسيمه وطلعات مايطلعها عندنا بالملحق :D ..

الزبده .. ودي أعلق على كل سواليفكم .. بس المباريات تبي تبدا ومافيه وقت أقرق ..

مستمتع فيكم لأبعد درجه .. <<<<<<< تذكر أسرة منوّل :( ..

!..أبو يـارا..!

21-06-2006, 14:09

دووودي الحمدالله على السلامة يابطل :)

بالنسبة لتفتيش الجوال اعتبرها لقافة وق وة وجه وقلة أدب وخاصة اللى يدخلون الرسائل والصور

لا وبعض الناس يجي يسئلك من اللى مرسل هالرسالة ومن صورته هذي

والالعن من كذا اللى يدخلون على قائمة الاسماء ويسئل من هذا وش يصيرلك

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

لا مستحيييييل اسلوبي يختلف اختلاف كلي عن برا

النت حاقة تانية

الكاسر888

21-06-2006, 14:30

أمونه المزيونه

21-06-2006, 14:53

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

أحسه صعب بيتعرف علي ألا أذا تكلمت في شي شخصي اوعائلي
أكيد بيعرف
بالنسبه لي أنا عرفت وحده هنا تكتب في منتدى عالم حواء لأن أسلوبها مره واضح
وتأكدت لما ذكرت قصه لها كتبتها هنا وكانت من قبل كاتبتها في حواء مع أن اليوزر غير

cavallo nero

21-06-2006, 17:52

اولا مبروك افتتاح المجلس الجديد ،،،

واحب اشكر القائمين على الاسرة على هذا الحفل اللطيف < نوال مابقى وسيلة اتصال في الدنيا ما شكرتها فيها :)

مستر دودي حمدلله على السلامة ،،، bp039

ام كشة الف مبروك ،،، نتائج دعواتي طال عمرك :)

تفتيش الجوال اشوف ان الشخص هذا وقح جدا :)

ولا اللاب توب بعد ادمر ،،،

ميادة bp039 < مابعد اخلص ولا ماكان عطيتك مجال تسئلين اي سؤال :D اليوم امتحنت امتحان ،،، ممتاز pb189

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

انا انكشفت من يوم نزلت صور لعيال عمتي :)

احس اني نفس الشي برا النت ولا في النت :)

اما بالنسببة للمباريات فانا غسلت يدي وحولتها على BISH TEAM ،،، ولا ترفع ضغطك بلعب ممل ،،، :)

ميادة

21-06-2006, 18:04

8
8
بسم الله من وين طلعت ..
انا داخله واقول خلني اكتب كافالو ماخلصت اختباراتك
على البركة الاختبار الممتاز , وعقبال الباقي والتخرج الصدقي .

الف مليون تبغى الصدق
انت خطر وفضيحة على اصدقائك :D
ماهو كل شيء ينقال ..!!

.

Mr.DoOOoDY

21-06-2006, 18:37

NawaL

الله يسلمك ويحفظك .,. bp039 ..
ماقصرتي على هالكلمتين الحلوة : ) ..
تحيتي

/
/

EMILY

الله يسلمك ويخليـك .,. bp039 .,.
الف شكر والله .. ويجزاك ربي الف خير
تحيّـتـــي لـك ِ

/
/

ميـادة

الله يسلمك ويعافيك .. bp039
جزاك الله خير وماقصرتي وأشكرك على إهتمامك
تحيتي لك يا استاذة : ) ..

/
/

qlq.666

الله يسلمك ويعافيك ياعسل
ماقصرت bp039 .,.

/
/

cavallo nero

الله يسلمك ويخلّيـك
ماقصرت ابد bp039

__________________________

زهرة الزنبق

21-06-2006, 19:11

اشين شي اذا احد فيه لقافة مهوب طبيعية ويفتش في اغراض غيره
مرة بنت اخذت جوالي وراحت على التسجيلات المصيبة ان اخوي البثر كان مسجلني وانا اتخانق مع اخوي الثاني
كنت اتخانق من قلب هو كان شوي سمين
ماخليت كلمة ماقلتها له يالبرميل يالبعير:d
والبنت تسمع حسيت اني كبيت العشا لاشعوريا سحبت منها الجوال بقوة
وربي ان حسيت ان وجهي يدخن من كل جهه

انتوا تتوقعون لو احد يعرفكم صديق \ قريب يقرأ لكم هنا بيعرفكم
على طول ولا صعب يتعرف عليكم ,,

المنتدى الوحيد الي مسجلة فيه واشارك هو الاقلاع ويصادف ان اهلي مايعرفون نهائيا هذا المنتدى
بقية المنتديات فقط مسجلة لكن ولا مشاركة لي اطلاقا
لكن بطبعي مااحب احد يعرف عني شي مش لاني اكتب اشياء مهوب زينه والعياذ بالله لكن التخفي بأسم مستعار مجهول
يعطيك سقف حرية اعلى بدون اعتبارات او معايير اجتماعية محدده
في حياتنا مو كل شي نقوله للناس الي نعرفهم لكن هنا في النت اسماء واشخاص مجهولة تاخذين حريتك
لكن ياكثر ماقلت لكن>>>> تحسب كم مرة قالت لكن:D

ايملي
ماشاء الله وش هالجامعه الي D يعتبر جيد:d
من اول يوم لي في الكلية وكل ترم اخذ فيه مقبول حتى صارت عندي مناعه
مببروك التخرج وعقبال الماجستير

مـــاجـد

21-06-2006, 20:36

اهلين شباب .. بس شفت توقيع حدا الشباب هنا وتذكرت بنت كانت تحط صورتها الرمزيه نفس صورة توقيع ابو الشباب ذا ..

البنت هي " مستعجله " .. من يذكرها .. ؟ حيه ولا ميته ؟ غيرت اسمها ؟ اعرست وراحت خلاص :d ؟ وبس خلاص ..

ومبروك معليكم المجلس الجديد pb189 .. بس لو انكم مخلينه بورسلان ازين من الزوالي .. عشان لاانكب عصير موب لازم تجيبون فرشه وتحكون بها الزوليه عشان ماتبقــّـع .. على طول بالمسّاحه وقضينا :d <-- مليييييييغ خخخخخخخخخخ

ويعطيكم خيره ويكفيكم شره .. مير وين راحت كارولينا ؟ منب اشوف ردودها ؟ مسافره ؟ ولا غيرت اسمها ؟ ولا اعرست وراحت خلاص .. ؟ ( وجه يقول عسى عشان نفتك :d )

ذيب الدزليب

21-06-2006, 22:17

ياشيــن اللـي كذي حساسيــن والله واكبر ياللي الحين احد بيعرفكـ !!
ومايقهركـ زود إلا اللي تجيب سالفة عن مثلا شقه وعن احتفال بالهابي نيو يير
وتطلع كل الخرابيط اللي كانت فيــه ويجي يقولكـ ليش تقول كذى وكذى !!
تقول طيب ماحد عارفنـا ياخي !! يقولكـ لا بس انا قايل لخويتي اننا كنا مع بعض وانك انت
اللي تكتب بالاقلاع !! طيب ياخي لاتصير طرشه وتخق عنده كل شي واثقل ياخي اثقل :d
الله يستر عاد مايشوف هالرد ويجي يسوي سالفه ليش تقول في النت اني قايلكـ لاتقول اني قايلك :D

ياخي بعض الناس يعطون النت اكبر من حجمه والدعوه كلها ضحكـ وفشـة خلق pb071

ياخي بعض الناس يتكلم عن نفسه وينسى العالم .. بالعربي ما ألوم خويك هذا .. المسألة مهيب مسألة حساسيه بقدر ماهي مسألته انك خقاقه .. بالعربي ما ينغزابك pb093
واللي يقهرني تقوله لا تصير خقاقه ههههههههههههههههههههههههههههههههههههه اللحين انت اللي جاي تخق السالفه .. كل شي تسويه تقوله انت .. هو بكيفه .. يمكن علاقته فيها قد تكون اكبر من اللي انت متصوره .. فهو تربطه فيها او فيه علاقه قوية وثقه متبادله .. لكن انت تسهر مع زكرت وآخر الليل منزل برنت سكرين للجلسه pb192
يقول واحد من كبار الدشير اللي مشيت معهم حكمه .. اتمنى تستفيد منها ..

حياتنا كلها دقات .. وكل دقه بتعليمه ..
اصحى تكلم وعندك ناس .. خلي معانيك مدسوسه ..

انت عاد كاب العشى بكبره ...
المسألة ياعزيزي مسألة ثقة متبادله .. فهو لما يقول انك احد زملائه .. فهو مفتخر بصداقتك .. وهذا لا يعني انك تمثل دور العربيد دائما .. ياخي كلنا عندنا مصائب وعيوب .. وكلنا فعلنا وسوينا .. حتى رحنا البحرين على زورق من زود الدشره pb192 بس ما نذكر هالشي .. اذا بليتم فأستتروا ..

نصيحة ياصديقي .. مهوب كل شي ينقال :)

!..أبو يـارا..!

21-06-2006, 23:26

سؤال

بالقانون من حق رجل الأمن انه يمد يده على المواطن ؟

يوسف

21-06-2006, 23:54

بالقانون من حق رجل الأمن انه يمد يده على المواطن ؟

بالقانون او بدون قانون .. لا
مايحق لأي احد في السلطة انه يمد يده على مواطن حتى لو كان مسبب مشكلة
بدل لايضربه ويفشلة قدام خلق الله خل المحاكمة تأخذ حقها مب الي في راسي انفذه بيدي

orangah

21-06-2006, 23:57

MR .Doody الحمدلله على السلامه انا متحمدتلك في المجلس اللي راح بس شكله ما وصل !:) :)

أم كشة شقراء الف مبروك الوظيفه وعقبال الترقيه واعلى المناصب ;)

الكاسر 888 الشخص تقول علاقتك معاه رسميه والجوال مو جوالك ...كان المفروض عليك لما طلب الجوال اعتذرت وبينت له انه مو جوالك ! ;) بس مدام هالشي صار حاول توضح له موقفك بمكالمة تلفون واذا ما صدق بكيفه !pb192 هو صراحه ملقوف يعني لو انه يمون عليك كان بلعناها بس رسمي معاك ويتجرأو يطلب الجوال ويفتش فيه :rolleyes: الله يعينك يالكاسر !

قلق 666

بالقانون من حق رجل الأمن انه يمد يده على المواطن ؟

لا طبعا !!pb036 الا اذا كان هالمواطن مجرم هذا شي ثاني !

اورنجه....

الكاسر888

22-06-2006, 00:11

مستر دودي الحمد لله ع السلامه ياصديقي

ماتشوف شر يا امير

الكاسر888

22-06-2006, 00:14

بالمناسبة يقول المصطفى عليه الصلاة والسلام " الحمو الموت "...تعرفون وتوقنون بمعنى هالجملة!

!..أبو يـارا..!

22-06-2006, 00:23

بالقانون او بدون قانون .. لا
مايحق لأي احد في السلطة انه يمد يده على مواطن حتى لو كان مسبب مشكلة
بدل لايضربه ويفشلة قدام خلق الله خل المحاكمة تأخذ حقها مب الي في راسي انفذه بيدي

ابو عبدالله وانا اقول كذا

لكن يكلمني واحد من الشباب يقول ان دورية وقفتني وكنت مضلل وحاط ستكرات وخرابيط

قالي عطني مفتاح يقول قلتله لا عطني مخالفة وخلني امشي

يقول والله ويصكني بطراق يوم خميت القزاز pb036

لا طبعا !! الا اذا كان هالمواطن مجرم هذا شي ثاني !

حتى ولو كان هو شغلته يسلمه للقسم وبس والقسم للمحكمة

واذا وصل للمحكمة يصدرون حكم بإعطائه طراق :D

يوسف

22-06-2006, 00:33

لكن يكلمني واحد من الشباب يقول ان دورية وقفتني وكنت مضلل وحاط ستكرات وخرابيط

قالي عطني مفتاح يقول قلتله لا عطني مخالفة وخلني امشي

يقول والله ويصكني بطراق يوم خميت القزاز

خخخخـ .. والله ارحم له يسطره شرطي أفضل مايسطره واحد من الهيئة pb036
يومني في المتوسطه وانا طالع من المدرسة .. وقفت سيارة جمس للهيئة .. الي فيها مطاوعه
توهم مستجدين الظاهر .. وقفو عند طالب محلق حلاقة غربية .. نزلوله وقالوله اركب .. الرجال ماعطاهم
وجه ومشى .. ماامداه يعطيهم مقفاه الا واحد من ذا الهيئة طاب في بطنة وشف التلميخ والتكفيخ
الي جاه .. والله ماتشوف الا الغبار يحوس من بينهم

( كف من شرطي أرحم من كف واحد من الهيئة ) :D

!..أبو يـارا..!

22-06-2006, 00:45

( كف من شرطي أرحم من كف واحد من الهيئة )

وش الفرق كلهم يعورون :D

بالمناسبة يقول المصطفى عليه الصلاة والسلام " الحمو الموت "...تعرفون وتوقنون بمعنى هالجملة!

ما امداني سامعها بس مدرى هي ولا لا

يقصد ان الواحد لادخل على زوجة اخوه مثل الموت

شرايك بالشرح :D

اشواك ناعمة

22-06-2006, 01:32

بالمناسبة يقول المصطفى عليه الصلاة والسلام " الحمو الموت "...تعرفون وتوقنون بمعنى هالجملة!

صدق الرسول صلى الله عليه وسلم

معناها ان الحمو وهو --اخ الزوج --- :sm5: يعتبر خطر كبير بالنسبة لزوجة اخوة

خاصة اذاكانوا في بيت واحد فيصدف مرة غياب الزوج عن البيت فيلعب الشيطان

في عقلة وقد يقعوا في الحرام :eek:

orangah

22-06-2006, 01:41

الكاسر

بالمناسبة يقول المصطفى عليه الصلاة والسلام " الحمو الموت "...تعرفون وتوقنون بمعنى هالجملة!

الدين ما حرم شي الا لحكمة اما نعرفها أو ما نعرفها !

ساعات نتمنى ان زوجات الاخوان يكشفون على بعض خاصة في جمعات الاهل ! لكن ديننا ما يسمح بهالشي بالتأكيد !

لو نقعد نفكر شوي في الحديث بنجد انه فعلا ساعات الشيطان الله يكفينا شره يدخل في هالامور !

وشي ثاني لو فتشوا حريم الاخوان على بعض وكل واحد شاف حرمة اخوه بتطقه الغيره ويقارن بين حرمته وحرمة أخوه ! ;)

عموما هذا اللي جاء في بالي الحين ...:)