كيف أتصرّفُ في موقفٍ كهذا ؟

[حـــلاوه]

مراراً ... تمرُّ عليّ ( أو بقربي ) مواقف أتمنى لو أنني كنتُ نعامة .. أو ضفدعاً ! على أن أستمرّ دقيقة أخرى هكذا ،
فيستحيل لوني إلى الصفرة ومن ثمّ الحمرة إلى الزرقة الخانقة !
فلا أجدُ إلاّ أن أتجاهل .. أو أستمرّ في التجاهل ، لا حلّ ثالث .

متى أُجبِرت على شيء لا تشتهيه ؟
حفلاتُ الأعراس تلك التي تجدُ فيها أكثر مبالغات الدنيا ..
مبالغة في المكياج / الفستان / صوت " الطقاقة " / والحماس الزائد !
حتى إنك ما إن تدخل القاعة ..
تقلّب عينيك مندهشاً تبحث عن شخصٍ واحدٍ على الأقل يقف منتصباً ... فلا تجد،،
مما يجعلك تظنّ _ربما_ أنّ أرضية القاعة صمّمت بشكل منحنٍ ليبدو الجميع مائلاً بهذا الشكل !



حاذر خطواتك ..
لا بدّ وأن ترى .. علبة ببسي .. لعبة مشوّهة .. أو كتلة لا تميّز ملامحها ..
المكان الوحيد الآمن ... سلّة القمامة !



قُبَل قُبل قُبل ... بمناسبة أو بدون مناسبة ..
من الفظاظة أن تسحبي ( خدّكِ ) قبل أن تنتهي ( مُقبّلتكِ ) من لعقِ كلّ منطقة في خدّك !
قمّة الإحراج ...
أن تسحبي خدّكِ قبل الوقت المناسب .. وأن تتركيها أكثر مما يجب !
المشكلة ... أنّه ليس ثمة معايير أو قواعد تحكم عدد القُبل ، وكيفيّتها ..
فلربما تكتفي مقبّلتكِ بقبلتين ... وقد يصل العدد إلى أربعة عشر قُبلة منعشة !
ولأنني فعلاً تأزمتُ من هذه الظاهرة ... أسمّيها ظاهرة ( متى تسحب خدّك من دون أن تتفشل )
فقد وضعتُ بعض الأمور البارزة التي قد تفيدكِ ولا تفيدكِ ..

كم ستستقبلين من قُبلة ؟
يعتمد :

1- إذا كانت المرأة عجوزاً كثرت القُبل الرطبة ! أمّا إذا كانت فتاة بعمركِ فلا يعدو الأمر عن قُبلتين جافتين ! .
2- إذا كانت المناسبة مهمّة ... ستسقبلين وابلاً من القُبَل بنوعيها ! ( وربما أنواعٌ أخرى لا علم لي بها ) .
3- إذا كانت المناسبةُ قد جمعت أشخاصاً لم تريهم منذ وقتِ طويل ... فهنا تحمّلي ما يجيك ! .

كيف تتهرّبين من القُبل النسائيّة ؟

1- مدّي يدكِ من بعيدٍ جداً .. أقصى حد قد تصلُ إليه يدكِ .. وابتسمي كثيراً .. وضيعي السالفة .
2- إذا شدّت المقبّلة يدكِ جاذبة ( أيْ تسحبكِ إليها ) تقدّمي قليلاً وحاولي أن تتعثري بشيء وهمي !
4- إذا فشلت الخطوات السابقة .. والمقبّلة لا زالت تصرّ على موقفها، استسلمي لها واسقطي بين قبلاتها
غير مأسوفٍ عليكِ !


كثيرةٌ هي حفلات العشاء .. والأكثر هو البقدونس الذي يعلق بين أسنان النساء !
تخيّلي محدّثتكِ وهي تقصُّ عليكِ قصتها مع الكوافير الساذجة التي أحرقت لها أطراف شعرها
وقد علقت بين أسنانها الصفراء قطعة بقدونس ... وهي تحكي وتحكي .. والكلّ ينظر ،
وأنتِ تتابعين قطعة البقدونس .. وتعجبين لثباتها وصمودها أمام هذا اللسان الذي لا يتوقف عن الحركة أبداً !
وتقومين بأكثر الحركات وضوحاً .. كأن تبدئي في الإشارة إلى أسنانكِ بحركة سريعة ..
مرة واثنتين وعشراً حتى اليأس .،
حتى إذا ما انتهت محدّثتكِ من وجبة عشائها , انحنت إليكِ هامسة لئلا ينتبه إليها أحد :
" ناظري فيه شي بسنوني ! "
فنظرتِ إليها بابتسامة وكأنكِ لم تسمعي شيئاً ، ولم تري شيئاً !



أشياء كثيرة مالها داعي في الحياة ... !

[حـــلاوه]

والله كنت أقول " قبل كتابة الموضوع بثلاث دقائق " :
يا حلاوه انتبهي تراك فاتحة الموضوع بالأدبي .. لا تنسين تلصقينه بالأسرة ..

الدلخ دلخ ... مافيه فايدة .

[كورديليا]

:



يُنقـل لـ منتدى الأسـرة ..




برايفت حلاوة


ع البركـة النجـاح ..

[الشوق شوق]

يسعدلي صباحك حلاوة bp039 ..


أما سالفة القبلات هذي ...البعض منها مزعج بشكل :( !
فعلاً ...الناس تختلف في طريقة السلام وأحس تصنيفك كان في محله
نادراً ما أشوف بنت تسلم وتتوصى بالقبلات...على عكس كبار السن والنساء الكبار بشكل عام

البعض طريقة سلامهم بصراحه تضيق الصدر وتطفش وممكن احياناً ( تنقرف) من طريقة تبويسهم!
لكن هذا الواقع ...ههههههههههه بس طريقة التملص مو دايم تنفع
واحياناً ممكن تعتبر قلة ذوق منك ...فعشان كذا الواحد ماله إلا إن يرضخ للأمر الواقع


أما بالنسبة لسالفة بقايا الأكل...
أعتقد لو أعرفها راح أقولها....ماراح أسكت وأتفرج وأسكت
لأني لو وقعت بالموقف هذا ماودي اكون بشكل غلط ولا أحد يقول لي
بالعكس...راح أفضل الصراحه على طيحة وجهي قدام غير اللي قال لي
عشان كذا حتى لو كان أول لقاء معها...ممكن أقولها ترى فيه شي بأسنانك الظاهر
من بقايا التبولة..المهم إني بكون صريحه وماراح اسكت عشانها مو عشاني :(

يعطيك العافيه حلاوة.. bp039
نوّرتي

[أنثى من ضوء]

أحلى باك
.
حلاوة pb189 pb189 pb189 من هناا لحاااد عندك :)

[Dajwet]

يختي فيه بعض الحريم تزودها

ولا العجز حبيها على راسها وتطير وتستانس

لو انا مثل الرجال اصرف وحده على اليمين وثنتين على اليسار <<<هي كذا ؟؟

وفيه شي ثاني يلصق الزعتر خصوصا بالجامعه اذا شريتي كروسان زعتر خخخخ

يسلموو على الموضوع

اختكم\ داجويـت

[I r i a]

اما القبلات .. وماادراك ماالقبلات:( ..

ليه يعني ماعندنا اتيكيت يحدد زي اللبنانين والتونسيين مثلا:D << فايدة ستار اكاديمي:D

ليه تسلمين على وحدة .. وانواع الاحراج تشيل خدها .. تقربين pb036 ..تشيلين خدك .. تقربpb036 ..

وانا وش دراني كم مرة ناوية تسلم :( ..

1- مدّي يدكِ من بعيدٍ جداً .. أقصى حد قد تصلُ إليه يدكِ .. وابتسمي كثيراً .. وضيعي السالفة .
2- إذا شدّت المقبّلة يدكِ جاذبة ( أيْ تسحبكِ إليها ) تقدّمي قليلاً وحاولي أن تتعثري بشيء وهمي !

احسها صعبة ..بتتفشل المرة .. او تنفهمين غلط:sm12:

حتى إذا ما انتهت محدّثتكِ من وجبة عشائها , انحنت إليكِ هامسة لئلا ينتبه إليها أحد :
" ناظري فيه شي بسنوني ! "

مافيه اختراع اسمه مراية:sm18: ..

حــــــــــلاوة ... يعطيك الف عافية bp039 ..

[بنت الجوهره]

صراحه احس الموضوع هذاا يقهر

بس اللي يقهر اكثر البنات في الجامعه لازم كل صباح لما تشوفينها سلام وتبويس

مع انك تكونين لسا شايفتها امس ومسلمه


تحياتي

[أم كشه شقراء]

أحياناً الأمر يكون مزعج!
وخصوصاً بتعدد الروائح
لقرب المسافه
:(


,

لكن انا افكر بطريقه "ايجابيه"
ان السلام يزيل الذنوب
و اسحبي خدك عند البوسه 4
لأن في ناس ماتنعطى وجه :D


,

أما سالفة البقدونس
بتجاهلها و لا راح اسمع سالفتها
لين تحس ان بروحها شي غلط
" قرف "


,

حلاوة
ولكـم باك
و
مبروك النجاح

يعطيك العافيه
(F)

[خلود21]

:sm1: عشان هالقبل ,,,,,,,,, ماأحب أروح مناسبات

والحل اللي قلتيه أنه نبعد عن الوحده ,,, دايم أطبقه:D
بس مايفيد أحيانا لأنه تسحبك الوحده غصب من عليك

[(زبيري)]

حلاوه

اعذريني لو دخلت بموضوعك

بس عجبني اسلوبك في الطرح ماشاء الله عليك

والاخوات ماقصروا بالاجابات

ترى حتى احنا الرجال نمر بمثل هالمواقف :)

انا من ناحيتي افضل السلام على القبل :)

ياشيخه خدودي راحت فيها ههههههههه

اما الرجل الكبير اقبل راسه احترام له وبس :)

هذه مداخلتي وشكرا لك ايتها الكاتبه الراقيه

لاني تابعتلك كم موضوع وعجبني اسلوبك المميز:)

الى الامام دائما بأذن الله///

[s n O w]

... .. .



اووف اووف اووف .. :(
تزعجنـي هالمواقف البايخه " كثيـر " .. !!
غالبـاً تصير لي مـع كبار السـن .. وتعودت على هالشـي ..
خصوصـاً وان عندي " عمتي " .. صرت عارفه زيـن اسلوبها في السلامـ ..
تجلس تبوس فيكـ لـ 14256 مرهـ .. ولسانها مايوقف ماشالله .. :d
" كيفكـ .. شخباركـ .. و ... " ..
دايمـ اسلّم نفسي لهـا والشكوى لله .. :o

:

بالنسبـه لـ حلولك ..
مستحيل اسوي هالحركـه مع وحده اكبر مني ..
وعلى قولـة شواقه " قلة ذوق " .. !
لكن يمكن اسويهـا مع وحده بسني او اصغر منـي ..
" ايزي .. :d " ..
بس ماظنيـت لاني صرت متعوده مع " صديقـاتي / بنات العايله "
سلامـي يكون .. بوسـه ع اليمين وبوسه ع اليسار
وكفاااايـه .. :d ..

.
.

.. " .. حـلاوه .. "..

لك وحشـه انتي ومواضيعك ياقمرهـ .. ،
نورتي الاسره .. http://www.eqla3.com/vb/images/smilies/004.gif..



... .. .

[Forgotten]

ياكثر ماطيح بهالموقف
اسحب نفسي وهي ماخلصت او العكس pb093
بس الحريم يهونون عند الرجال
لو تسلمين على قريب / خال عم ابن اخ..الخ
هنا من جد فشله

اما سالفة بقايا الاكل...الامر سهل
ببساطه يافلانه اسنانك فيها شي..ودايم اسويها
لو انها اختي / صديقتي من حرصي راح اقولها هالكلام
طيب وش المانع لو اقول لغيرهم :sm5:


اسلوب رائع حلاوه
يعطيك العافيه bp039

[كتكوته مفترسه]

حركة الـ"تبـويس" مزعجة صدق ..
بس انا احس هالأيام ما يسوي كذا الا الناس اللي على نياتهم أو تكون تحبك صدق وولهانة عليك .. :)
عندك مثلا .. خالة امي الكبيرة مسكتني في زواج و استلمتني و ما يحتاج اوصف اسلوب السلام بس يكفي تعرفون ان الحلق اللي لابسته طاح من قوة سلامها خخخخخخـ
ظليت معصبة و نفسي بخشمي طول الزواج بس وش اسوي مقدر اقول شي :sm12:

بس وصف الاسنان .. معليش , وصفتيها وصف خلاني :sm18:

يسلمو ..

[ميادة]

نورتِ ياحلاوة

فيه اشياء كثير في سلوكياتنا الاجتماعية مالها قاعدة
علشان كذا تلاقينا دايم محتارين في تصرفات من حقنا نتخذها لكن مانعرف
اذا كانت ذوق ولا قلة ذوق !!!
كل شيء يمشي على البركة ..
انا مااحب المجاملات ولا الاجتماعات ولا احب اسلم على ناس ماعرفهم لكن مضطرة
بعض الاحيان تحسين نفسك آلة قاعدة تكرر نفس الحركة لمدة خمس دقايق بعدها توقف !!!
احلى شيء لما نسلم على الي يخصونا ونحبهم .. الامر يكون تلقائي و مانحتاج نعد كم مرة سلمنا
لكن الاشخاص الغريبين نسبيا لان الامر نفسه تمثيلية ضروري نتعرض للاحراج و تفسد التمثيلية !!
الحل الي قلتيه مايهمني اسويه مع اي احد لكن ضروري يكون غريب ..
تلقيني مثل العمود اوقف بعيد وامد يدي وكل شيء فيني يقول ستوب

تصدقون وانا اقرا تعليقاتكم هنا على الكبار ..
فكرت ...بظنكم الصغار يتضايقون منا لما نسلم عليهم
ونقطعهم تبويس ولايهمنا تأففهم !! اكيد حالهم نفس حالنا ..

حلاوة سعيدة بعودتك ,,

[M I N D]

طيب ليه حنا ما يسلمون علينا كذا :(
تصفاحك ولو قربت خدك ما يخليك تمشي مستقيم الا الكف :sm3:
.
.
بنات يسلمون على بعض ممكن تنفهم
لكن لما تزور واحد من العيال وتشوف ابوه من مواليد الستينات ايام المصرين
مأثرين على الساحة العربية .. ويسلم عليك وتشوفه يميل شفايف قبل ما يوصل
انت وقتها تحاول تنزل الشماغ على خدك ...
ولكن ما توصل في الوقت المناسب إلا هو سبقك pb093

شكرا حلاوة ..

[S A D]

متى أُجبِرت على شيء لا تشتهيه ؟
حفلاتُ الأعراس تلك التي تجدُ فيها أكثر مبالغات الدنيا ..
مبالغة في المكياج / الفستان / صوت " الطقاقة " / والحماس الزائد !

وصـف دقيق :D

أكره حفلات الزواج لأنها مليانه نفـاق وإبتسامات مصطنعه :(
ومضطره تجاملين / تبتسمين لناس لا تحبينهم ولا يحبونك ..
بطاقات الزواج متكومه فوق بعضها عندي :sm5:
اللي تبيها ترسلي :D




وبالنسبه لطريقة السلام من جد أزمه :(
موقفين دايم يصيرون لي :D
1 - ابعـد خدي واللي قدامي لسى ماخلصت وقاعده تقرب :sm5:
2- شعرها يلصق بروجي :(


والحريم اللي كبار بالسن أحب راسها وصلى الله و وبارك :D


المفروض نتبع طريقة السلام الفرنسيه 3 بوسات وبس ..





حـلاوه bp039

[Juhaina]

هلا و غلا بحلاوة...

صراحة عليكي أسلوب رهيب بالوصف :D...

بالنسبة لي نادراً ما أعاني من هالمشكلة...
اللي يسلم علي يكتفي بس ب a hug...
و لو كان في تبويس ممكن بوسة واحدة على الخد أو ثنتين...

بس مرة إنعزمت على عرس...
وكان في عجايز مثل ما قلتي من طقة "ياسر عرفات" بالتبويس :D...
عارفة وش سويت؟؟؟
حملت معي منديل طول العرس...
اللي أشوفه و ما أبي يبوسني...
كنت أحط المنديل على فمي و أنفي و أقول إني مزكمة مرة...
و حمدالله و لا أحد من هالعجايز بوسوني ليلتها :D...

و بالنسبة لبقايا الأكل...
أنا إنسانة لماحة و أنتبه على أتفه التفاصيل...
و بصريح العبارة اللي بقلبي على راس لساني...
فاللي أشوف على أسنانها أو طرف فمها شي...
أول شي أؤشر بيدي أو إصبعي على فمي أنا حتى تفهم المسج...
و إن ما فهمتني أقول لها Sweety there's something stuck in your teeth...

الله يعطيكي العافية حلاوة :)...

تحياتي...

[الف مليون]

انا ماعاني من المشكله هذي لان اكثر اللي اسلـم عليهم يبوسون كتفـي :d

[aNa 6aL 3omRy]

.
.
.

من جد حلاوه جيتي عالجــرح ...

دايما داااااااايما اتفشل .. لاني اسحب نفسي والاخت الي قدامي ماخلصت مهرجاان البوساات ...

واتحسف لاني فشلتها وارجع وااعطيها بوسه عن الفشيله ويلا ...

طبعن انا فيني طبع وصار شي تلقائي اذا جيت اسلم على احد مااشم شي :D

لان لو لالاقدر الله وصل خشمي شي هيك ولاهيك بتنكد كل اليوم ..

طبعن قد حااولت اتحاشى البوساات وامد يدي وبس وصرت مغروره وشايفه نفسي ومدري وشو

قلت يلا نستسلم للامر الواقع وندخل مهرجان البوساات ..

طبعن مع البوساات فيه الاسطواانه حقت وشلونكم وش اخباركم وش مسوين وش اخبار الوالد والوالده

وعساكم طيبين وش علومكم << كل هذي تقولها سوا لين تخلص والجواب موحد الحمدلله الله يسلمك


وفيه ماساااه ثانيه تصير لي اذا بسلم على الكبار سوواء حريم ولارجال :(

اذا جيت ابووس الراس واطبع الروج :(

تلقين طررحه العجوز فيها طبعه بوسه وولاالشمااغ ..

مرره واحد من خوالي لابس غتره ومستعد مقرب راسه للبوسه ولاادري وش اسوي جيت برقعها

خليت البوسه عالعقال :D وصرت مثل الي بيرقعها واعماها :D

حلاوه يعطيك العافيه ..

[سعودية]

انت صادقة انا ما احب كثرة البوس

بس تراك مبالغة وش فيها اذا نفسك والي قدامك مستمرة مافيها شي عادي

والحريم الكبار احسن حل بوسي راسهم وعل طول اساليهم عن احوالهم >>> وتراهم والله ماينظلمون مرتبات وسنعات بس انا ما ادري عن الي عندكم


وانا من ناحيتي افضل عدد 2 بوسة وكثيرة بعد وساعات اخليها 1 واحيانا صفر

[علمتني الأيام]

يا كرهي للتبويس تقليد ما دري شيبي بصرااحه..المشكله تلاقين فيه بينهم حزازيات وكره

وما نسمع الا طراااخ وطراااخ هالتوبيس!!

أمر متعب من جــد أصرار بعض النساء على التشبث بخدك,,شخصياً لقيت حل

لها المسأله وهو أني اجلس اعد كم مره تبوس عشان أضيع وقتي..

فيه وحده أذا عرفت انها بتحضر معااي نفس المناسبه لاااازم أجيب معي علبة حمرة الخدود!!

تلقين طررحه العجوز فيها طبعه بوسه وولاالشمااغ

صـــادقه..

اكثر اللي اسلـم عليهم يبوسون كتفـي

تصدق الكتف مشكله والله ..راجع الاقتباس اللي فوق..

تسلمين حلاوه على الموضوع..

[زعبية]

مرحبا حلاوه ..
المكان منور ,,
..
....
افضل لما اسلم مرا وحده مو اعيد وتعيــد !!
بعض الحريم تحط خدها على خدك وتمسك خط ((كيفك .. عســاك بخير .. اخبار دراستك .. انشا الله بخير و و و ..!
ما تترك مجال لرد ,, وهذا خله على خدي ..! اوووف !
..
لكن الافضل السؤال بعدين ترك مساحه للجواب .. وكذا ..

اما بقايا الاكل .. الله لا يسخط علينا ..

يسلم قلمك حلاوه

[مي]

هاااااااااااي انسه حلاوه ماودك ابوسك


عاد تصدقين فيه وحده من قريباتي نسميها (((((((ام التجغيف)))))))
قبل لا تسلم تمسح خشتها استعدادا للمهمه