عفوا ماسنجري عائلي

[sweet vampire]

مليت أشوف الناس من عيني تطيح
^^^
بالصميـــــــــــم ...هالجمله شفتها بأحد التواقيع هنا واثرت فيني مره
يمكن تآثرت فيها لأني بالفتره الآخيره انصدمت بناس كثييييير

ومن الناس اللي انصدمت منهم كانوا صديقاتي بالمسن:sm1:
يمكن كثير منكم يقول..خبله أنتي تخلين نت أو علاقات نت تضيق صدرك؟
بس أنا كنت اعتبر صدقات النت مكسب,,
كنت افهم طبع صديقاتي بالمسن يمكن اكثر من بعض صديقاتي الحقيقيات,,

بس الصدمه إذا جت فجــأه بنت بالمسن كانت معي من شهووور..
تجيء وتقولي..
حليليني سويت..وبالعافيه عليك المقلب اللي اكلتيه
أنا فلانه =تركيpb071
طبعا كعيييت ضحك لأني احسبه نفس المقلب القديم اللي لعبته قبل على بنات كثير;)
بس اكتشفت إن البنت (أو بآلاصح تركي)جاده بكلامها وقعدت تثبت لي إنها ولد مو بنت..!!
طيب وش اللي صار..؟!! اسلم فجأه..؟!! أو توه يدري إن العب ببنات الناس حرام..؟!!
طبعا باعترافه.. فضح بنتين كانوا معي بالمسن كلهم بعد طلعوا عيالpb036 <<وأنا اللي كنت احسب إن ماسنجري عوايل خخخخخخ

ولو السالفه عليهم ماكنت اهتميت أو تأثرت لهدرجه..
بس اللي قهرني وحده ثانيه ..تعرفت عليها من فتره مو طويله مره ..
بس بهالفتره اغليتها و احترمتها جدا..
عرفت تمثل دور الصديقه الطيبه..ضبطت الدور صحpb093
وبالصدفه البحته اكتشفت إنها ولد..؟!!
جد وقتها حسيت إني مغفله ..بقوه كنت مغفله وسبههpb093


العالم ناقشوا سالفة دخول العيال بيوزرات بناتيه وانتحال شخصيات بنات في المنتديات لين طلعت أرواحنا من هالنقاشات :sm5:
بس ماكنت اتوقع إن سالفة انتحال دور البنات توصل للمسن أو عشان يصير كلامي اصدق ماكنت اتوقع تكون هالسالفه منتشره لهدرجه..؟!!:(

أول أي واحد يطلب اضافه على المسن..بكل سهولة تقولين له عفوا ماسنجري عائلي مااضيف فيه شبابpb095
بس الحين تلقين شباب بيلف ويدور وبيسجل بيوزر بنت في المنتدى اللي تشاركين فيه وبعد فتره بيدخل ماسنجرس كبنت شطوره ومؤدبه<< وش الحكمه من اللي يسويه؟مدري ,,
بس يمكن قصده تحدي وبيكسبه ..؟!أو مجرد فضول عشان يعرف اللي عنتدس..؟!
(وجه يقول أكيد مو كل الشباب كذا)


أنا عارفه إن كثير من البنات ماسنجراتهم مختلطه:D (اقصد يضيفون عيال) وأنا ماقصدت بموضوعي اناقش هالسالفه..لأن كل واحد حر بمجلسه يضيف فيه اللي يبي..لو بيضيفون جن موب آوادم..هم أحرار
أنا اللي ابي اوصل له..
ليه الكذب وصل لهدرجه..؟!!
ليه الغش دخل حتى بالصداقات..؟؟
وش يستفيد الواحد إذا تقمص دور بنت وقعد طوول الليل يسمع لمصالة بنات..؟!!
وليه يترك البنات اللي ماعندهم ادنى مانع بإنهم يضيفون عيال ويجي ويبلط بماسنجرات العوايل؟

آخر سؤال عندي وآهم سؤال بالنسبه لي,,
لو طحت بنفس الموقف..واكتشفت إن اللي معك بالمسن يستغفلك(سواء كان ولد يلعب دور بنت..أو بنت تلعب دور ولد)
وشلون بتتصرف؟ وش بتكون ردة فعلك؟

[NawaL]

الله لو يطلعون البنات اللي معي عيال وانا اكب العشا كله خخخـ

لا اشوا متفقين نطلع سوا الأسبوع الجاي ،

اهم شي اني انا اللي اعتذرت قلت يمكن ما اقدر ،

بنات لا تشكون فيني تراني بنت لاتحسبوني اصرف :D

.

صدقيني ينكشف ، معقول فتره طويله تنخدعين !!!

سوالف البنات ، ومزحهم وتعليقاتهم ، من جد صعبه يجاريها ولد ،

مستحيل أستغفر الله خخخخـ !!!

.

وبعدين وش هالفضاوه العظيمه ، اللي بجلس انتحل شخصيه ثانيه لفتره طويله ،
والعب على العالم هالوقت هذا كله !!

المقالب ممكن تكون فيه ، يوم يومين ، محادثه ،

لكن تطول مره !!! الله من الفضاوه صدق ،


.


لو طحت بنفس الموقف..واكتشفت إن اللي معك بالمسن
يستغفلك(سواء كان ولد يلعب دور بنت..أو بنت تلعب دور ولد)
وشلون بتتصرف؟ وش بتكون ردة فعلك؟

بلوك + دليت

< ماتعوق معها ،

لأنه وش ابي اضيف عالم تفكيرها سطحي بهالشكل ،
ووقتها فاضي لدرجه مخيفه ، تلعب وقت طويل بهالطريقه !!


بينكشفون اساسا ، الإهتمامات توضح ،


ممكن المقلب تسليه مثل ماقلت فتره بسيطه ، او موقف واحد مو على طوول ،
بيملون من اساسه ، وش يحدهم ،



تشكرات يالغلا ع الموضوع ،

[EMILY]

اهلين سويت

موقف سخيف....الله يعينكpb093
ماحصل لي مثل هالموقف
لكن اسمع عن سالفة انتحال الولد شخصية بنت ..والعكس:rolleyes:
ومنتشر هالشئ بالمنتديات..
من فتره في منتديات حواء....اكتشفوا مجموعه كبيره من الشباب طول الوقت مسوين انفسهم بنات.
..ويتكلمون بأمور جداااااا خاصه بالبنات..!!!....استغفر الله ياربي مشقين عمرهمpb095
ماادري وش الفايده؟..والا كل ممنوع مرغوب....
يسوون هالحركه علشان البنات اللي يرفضون اضافة عيال

وبأكون صريحه معك.pb094 ..انا لي نك ولد بمنتديات رياضيه ...لكن ماعمري استغليته وحاولت استهبل على بنات او عيال
استخدمه للردود اواذا احتجت شئ....وبنفس الوقت أفتك من تلزق العيال ومغازلهمpb071

[Bir0o]

سويت وااااااااااايد حلو موضوعج

تعرفين كم مره صادفت هالموقف >>>>>>>>>>> اربع مرات

مره سولفت مع وحده من السعوديه بس يمكن كلمته مرتين أول أكثر و قالي بكون صريح معاج أنا ولد و كنت بسوي مقلب فيج و الحينه غيرت رايي

المره الثانيه واحد ايمميله بنت و من اول مره إعترف

وواحد كلمته فتره طوييييييييييييييييييييييله و حركاته تبين إنه ولد لكنه مصر إنه بنت بس أنا ما تحملت سخافته و حذفته من عندي

وواحد كان مسجل في منتدى انا مشتركه فيه بإسم بنت و تعرفت عليها على أساس إنها بنت و كلمتها بالمسنجر من أول مره قال ترا أنا ولد و سجلت في منتداكم عشان هو فاتح منتدى يديد و يبا أعضاء فيه و بس


و دايما تصير هالمواقف و لازم الوحده تتحذر يعني مب تكلم بنت ما تعرفها تعطيها رقمها و معلومات شخصيه


و آسفه على الاطاله و أشكرج

[ميادة]

ماادري احس انه صعب مره احد يقدر يمثل لفترة طويلة انه بنت ..
مابيكون مقنع .. حتى في اليوزرات الممثلين تحسين ريحتهم مميزة :D
لكن فعلا عالم فاضية وماعندها هدف ولا شغلة مهمة في الحياة
الله يعينهم على انفسهم ...
انا ياكود الاقي وقت للناس الي اعرفهم معرفة شخصية واجلس معهم على المسنجر
من وين يجيبون كل ذا الوقت علشان يضيعونه في سخافات !!!!!!

انا لو صار لي الموقف
باقول لنفسي : ياغبية تستاهلين ..


عموما ماظن انه بيصير .,,




ايميلي :D
ياويلك تطلعين ولد :D

[قشامه محترقه]

انا ياكود الاقي وقت للناس الي اعرفهم معرفة شخصية واجلس معهم على المسنجر
من وين يجيبون كل ذا الوقت علشان يضيعونه في سخافات !!!!!!

للأسف مرضى نفسيين الي يسوون هالحركه

ومثل ماقالت اختي نوال مامثل البلوك+ديليت

وربي ناس مدري وش اقول بس عقول فاضيه او سطحيين او مدري ايش

الله يعافينا مما ابتلاهم فيه وفضلنا على كثير منهم

تحياتي ...

:)

[W A L E E D]

بس الحين تلقين شباب بيلف ويدور وبيسجل بيوزر بنت في المنتدى اللي تشاركين فيه وبعد فتره بيدخل ماسنجرس كبنت شطوره ومؤدبه<< وش الحكمه من اللي يسويه؟مدري ,,

هذا مريض الله يشفيه ويشفي كل مسلم :(


وليه يترك البنات اللي ماعندهم ادنى مانع بإنهم يضيفون عيال ويجي ويبلط بماسنجرات العوايل؟

المنكر يصير ألذ

مثل اللي يتفاخر بانه قدر يكلم بنت كانت تصوم الاثنين والخميس وتصك السماعة أول ما تسمع صوت الولد :(

ما نقول الا الله يهدي الجميع

آخر سؤال عندي وآهم سؤال بالنسبه لي,,
لو طحت بنفس الموقف..واكتشفت إن اللي معك بالمسن يستغفلك(سواء كان ولد يلعب دور بنت..أو بنت تلعب دور ولد)
وشلون بتتصرف؟ وش بتكون ردة فعلك؟

ما أعتقد هالموقف ممكن يصير لولد لان ما عنده شي مستور ويبحث عنه الطرف الآخر بعكس البنت


مشكورة على الموضوع

[ابو لمخه]

عندما علم علم أبا لمخةٍ حفظه الله أن هناك اُناس يقومون بهذا الفعل الشنيع إنتفضت فرائصة .. و أرعد وأزبد ولكن مهناش :D أحد .. إننا و بإسم جميع الأحرار في جمهورية الكونغو الديموقراطية نشجب ونستنكر هذا الفعل المشين والذي يضرب قلب هذه الأُمة .. ويصدع جدران المحبةِ والإخاء <<< لا يكثر الللله يرحم والديك :D


شوفي يا خيتي sweet vampire الوقت هذا لا تستغربين أي شي ولآزم الواحد يكون ذهين pb034 ولا يكب عشاه على طول مثل المشرفه نوال :D ثم بعدين يصير سالفه عند اللي يسوى واللي ما يسوى :sm5:

الله يكافينا الشر ويستر علينا وعلى المسلمين :(

تحيات محدثكم .

ابو لمخه pb034

[خراب المجتمع]

علشان جذي انا اضيف شباب علشان ما احط نفسي بهـ المقلب البايخpb036 وبصراحه ارتاح بالتعامل مع الشباب اكثر من البنات لا عائلي لا بطيخ واذا ما عجبني بلوك وكان الله غفورا رحيم

وبصراحه اللي يعمل هـ الاشياء فاضي بقوه ولا عنده سالفه وتلاقين مستوي تفكيره متوسط

عموما الحل بسيط مو كل بنت عندج اتكبين العشاء عندها وتقعدين اتسولفين بخصوصياتج علشانها بنت :rolleyes: ترا فيه بنات العن من الشباب ويمكن يستغلون اي معلومات اتقولينها لهم بشكل سئ

[ارتميس]

اول مادخلت النت كان مشروط علي اذا بدخل الشات ادخل بنك ولد

صح اني ضبطت الدور بس تعبت نفسيا من الفكره :(

وهي ساعات اجل شلون شهور :sm5:

بس انا لو مكانك احذفه على طول يكفي انه مو كفو تعرفينه حتى لو كان قمة بالاخلاق

[هاوي..هوى]

ترى يصير العكس دايم لا تحسبون بس ان الشباب هم اللي يتنكرون ,,

سبق وصار معي وتنكرت بنت بأسم شاب بس كنت شاك فيها من البدايه :D ,,

بس مثل ما قالت خراب في الجزء الاخير من ردها << بداية ردها ماعليك منه حركات خراب ماتخليها ,,

لاتكبين عشاك عند كل بنت مهما كانت الصداقه بينك وبينك ,,

ومن خاف سلم :) ,,

[الف مليون]

الله يقلع التماسيح اللي معي بالماسن ماعمر احد منهم فكر يصير مقلب ويطلع بنت :d

في بنات يسولفون مع العيال على انهم ولد عشان مايصير في تميلح والولد يكون على طبيعتـه
ولكـن ولد يصيـر بنـت صراحـه احسهـا ماصلـه اصلا البنت بطبعهـا ماصلـه ويجي ولد ويتميصل مصالة بنت :d

يبيلي ارجع اشيك على اللي معي بالماسن وبشوف وضعهم والعيال بسالهم اسالـه مايعرفـها إلا العيـال


هالايام الواحد ماصار يعرف البنت من الولد من المثيلي الجنـس :d

[هبله]

قاعده عندي تقول الولد اللي ينتحل شخصيه بنت ويقول انا فلانه هذا عنده نقص ومرض ادعي لي بالشفاء من اعماق

قلبي !! ولو اعتبرناها وسيله عشان يوصل الولد للبنت سوري بس طريقه مقرفه ورخيصه بالعكس هو ما يفشل البنت لما يستغفلها ويقول لها انا مو فلانه انا

فلان الا يفشل نفسه رجال بشنب طويل عريض ويسوي فيها انه بنت !! VERY LOW..

انا عندي أضيف واحد ويقول انا اسمي فلان ويكون محترم معي ولا كلميني انا احبك وهالحركات اتقبله بروح مرحه ولا احد يستغفلني واصير غبيه .. اقعد

بدون صديقات ولا احد يسوي فيني مقالب!!

[M z a j y e]

هذا مرض .. ما ادري وشـ فايدته .. !! هل هو تسليه او تضيع وقت .. !!
الله يبعدنا عن هــ الاشكال .. : )

الف شكر على الطرح .. @@

[غموض]

بالنسبة لي مريحة بالي .. ماعندي ماسنجر خير شر :)


...


الحين الواقع .. ويالله يالله ... بنات تتعرفين عليهم وبالأخير تنصدمين بعقلياتهم بنوعيتهم .. الخ



فمابالك بالنت !! :rolleyes:



....

بالنسبة لسؤالك ماراح أتعرض له ... لأ ن ماعندي أصلا


بس مثلا لو كان أسم بمنتدى وعرفت أنه ولد .. بيطيح من عيني وبيكسر خاطري :)


....


نتمنّى لكم قيادة سالمة في بحور الأنترنت bp039

[عزة ## المرتزة]

:(

[الانسة قشطة 00]

اتمنى يصير لي مثل هالموقف >>>تلمح لصنان

بس عادي لو صار لي اتقبل الامر برحابة صددر
صح اني كبيت عشاي وكلش بس عادي وخير ياطير

[عتريــــــس]

اللي ينرفز بالامر انه استغفال لك .. ليته على يوزر ومشاركات بس .,
إلا سوالف مسنجر وتسحب حكي ..,
خصوصا انه جلسات البنات والتجمعات في بوكس واحد
لايخلو من الهبال الزايد D : < كثري منها


تذكرت سالفة مره انا وعروق و وحده ثانية ناسيه من .!
ضايفين بالمسنجر بنت وش حليلها ..
في البداية شكينا بالسالفة كل دقيقة تجيب طاري السوق ..,‘
تبي تدخل بمواضيع البنات غصب طيب @@
شكينا فيها انها ولد ويبي يثبت لنا انه بنت ..,
سوينا لها اكثر من اختبار بدون لاتدري وش الطبخة ..
وبالاخير تأكدنا من حكمنا الظالم لها : \

..,‘

حتى تبعدين نفسك عن هالمواقف ..
لا تاخذين وتعطين بخصوصياتك كثيير .,

المسنجر يجمع الكل ..
اما انك تديرين دفة المسنجر بشكل صحيح ولا اتركية عنك :D
أخبر وحدة نشبت لي عن اسمي واسم عايلتي بدون سبب ..
مدري تبي تخطبني :D


..,‘


(( لو طحت بنفس الموقف..واكتشفت إن اللي معك بالمسن
يستغفلك(سواء كان ولد يلعب دور بنت..أو بنت تلعب دور ولد)
وشلون بتتصرف؟ وش بتكون ردة فعلك؟ ))

ما قـد صارت لي .. ولو صارت وش راح أسوي .!
بشتكي عند المحكمة المسنجرية .!
راح أقول حركة سخيفة وبخليه يستحي على فعلته
هذا اذا عنده دم وذوق بالاساس + بلوك دليت

..,‘


تحياتي لك SweeT ..,‘

[aNa 6aL 3omRy]

من نااحيتي ماقد صار لي الموقف ابدا ..

ولو صار بحذف المتنكر موب لانه ولد .. لان عقليته سخيفه ..



انا عندي أضيف واحد ويقول انا اسمي فلان ويكون محترم معي ولا كلميني انا احبك وهالحركات اتقبله بروح مرحه ولا احد يستغفلني واصير غبيه ..



انا مع هبله في كلامها ..


تراني راجع ابعترف ... :D

مس مس مادام اعترفتي قدام الناس انك خاقه فانا بعترف لك اني وولد :D

وبهذه الموناسبه اقولك اني احوبك وياليت نتقوز على سنه الله ورسوله :D

وياليت ماتعصبين علي لاني ماقدر ياحياتي :$

8
8
8
الكلام لمس مس تحت ردي :D

[عــــروق نجـــد]

يا فيه ناس ما ودك يردون ابد لدرجة انك تكره ترد بموضوع هم رادين فيه !!


ما علينا نجي للموضوع :

حبيبتي الولد مهما تصنّع لابد ما ينكشف خاصة اذا طالت المده، شوفيني انا اكتشفت ان عزة
ولد بس وش عقبه حبيتها خلاص :d

بعدين لا تتكلمين بامور خاصة فيك ابد سواء مع بنت او ولد الا وانتي واثقه بالشخصية
الي انتي تكلمينها موب من محادثتين خلاص تصير صديقتس الصدوق :d

والله يستر :( << شاكتن بـ سيرة وبنت البدو :d



عتريس << يا حبي لها هالبنت هههههههههههههههههههه
يا مزهرية قلبي :D


تذكرت سالفة مره انا وعروق و وحده ثانية ناسيه من .!
ضايفين بالمسنجر بنت وش حليلها ..
في البداية شكينا بالسالفة كل دقيقة تجيب طاري السوق ..,‘
تبي تدخل بمواضيع البنات غصب طيب @@
شكينا فيها انها ولد ويبي يثبت لنا انه بنت ..,
سوينا لها اكثر من اختبار بدون لاتدري وش الطبخة ..
وبالاخير تأكدنا من حكمنا الظالم لها
خخخخخخخخخخخخخخخخخخخخخخخخ :D




برايفت غموض:
جربي تضيفيني انا وشلتي موب تعافين النت وبس الا تعافين الواقع هههههههههههههه
الجد جربي الماسن بس ناس واثقه فيهم وشخصيتهم قريبة لك ترا بتتندمين عالايام الي راحت
وما تعرفتي عليهم ، المنتدى شي والماسن شي ثاني (قلب)

[مسالمه]

نوال pb036
وشلون فاتتني والله بديت اشك فيك يوم تنحشين عن الطلعه ذاك اليوم pb036
مافيه ياتجين يا انتي من المغضوب عليهم وبحطك في البلاك ليست ياولد ياغشاشه :D


عاد انا بالنسبه لي الامر عادي ولد بنت المهم الوناسه :D
طبعا لو اكتشفت ان معي ولد مسوي بنت بعصب كم يوم وارضى
واشوف اسلوبه على طبيعته واحطه تحت التجربه
ان كانه ماصل حذفته وان كانه كويس توكلنا على الله :D


انا طال عمري pb094
هاه متى ناويه تعترفين لي انك ولد ترى من زمان وانا خاقه معك
يعني كل الوسائل ميسره لك pb094

[كشميري]

كل واحد حر في مسنجره يضيف اللي يضيف ويمسح اللي يمسح ...... ليش مكبرين الموضوع

[ابنة رشد]

وليه يترك البنات اللي ماعندهم ادنى مانع بإنهم يضيفون عيال ويجي ويبلط بماسنجرات العوايل؟
مريض .. بجد ناس قلوبها مريضة !
.
لو طحت بنفس الموقف..واكتشفت إن اللي معك بالمسن يستغفلك(سواء كان ولد يلعب دور بنت..أو بنت تلعب دور ولد)
وشلون بتتصرف؟ وش بتكون ردة فعلك؟
صحيح أن دخولي الماسنجر قليل .. ومع حرصي وتحفظي ـ أعني لا أثق بأي أحد مباشرة ـ وقدرتي على التمييز إلى حد كبير لكن أكيد راح أنصدم وأتأثر كثير ، ليس لأجلي بل لوجود ناس وصلت فيها الدناءة لها الحد !
عموما أنا أحكي لأخي دائماً عن ما يحدث في الانترنت ومنها الإضافات الجديدة .. حتى لو ترتب على هالمواقف أو غيرها ضرر يكون عنده خبر !

.

[لافندر]

ما عمري جربت اتعرف على احد عن طريق النت :) لكن لوحصل وتعرفت طبعاً بكون اكثر حذر :)

[يا شيب عيني]

الماسنجر اهههههههههههههههههههههه << تتذكر الأفلام الي تصير لها.

بعض الناس الي في النت عجيبين غريبين يعني ممكن تلقين شخصية جااااده وعصبيه , وشخصية ثانيه خفييييفة دم ورااايقة , بالأخير يطلعون نفس الشخص :eek: ..

بس الواحد دامه حاط حدود لعلاقات النت وأنها ما تتطور لخارج النت إن شا الله يسلم , واحنا موب خبيثين عشان نفهم خباثة غيرنا ;) ..

برايفت ميادة : تراني حاجزة عندك أبي تعطيني دورة كيف تشمين الروائح المميزة pb192

[kingofdreams]

والله ما هقيت الشيون الي عندي بنات :sm12:

-------------------------------------------------------------

وياما تسحبو بنات على التلفون مو على الماسينجر بس


تحمدي ربك وقولي الله يبعد هم عننا

[راعــي اللكزس]

على طاري الماسنجر

ترا نزل ماسنجر ثمنية بنسخة رسمية
:d

[ثـلــــجـة مـحتـرقــــة]

.
.

افـــا ..
ياشلتي الكريمه ترى لو دريت ان فيه احد ولد بسطرهـ

نوال لو ماطلعتي معنا تراك طالق بالثلاث ..
اعترفي !!

انا كبيت العشــا والغدا وكل اللي عندي وبقووووووه ..
بس ان شاء الله اللي عندي ثقه :D
<----- بدت تخاف وبتسوي تجارب
خخخخخخخخخخخ

لو كان واحد عندي وسوا هـ الحركه ..
ابد بلوك وديليت .. وقضينــا ..
وبيكون فيه شي بمخه يبي له سمكره وسيع الوجه :D

.
.


صيي يوو

[!..أبو يـارا..!]

بس الحين تلقين شباب بيلف ويدور وبيسجل بيوزر بنت في المنتدى اللي تشاركين فيه وبعد فتره بيدخل ماسنجرس كبنت شطوره ومؤدبه<< وش الحكمه من اللي يسويه؟مدري ,,

شدعووووووه مافي غيرها بنت يعني :D

لو طحت بنفس الموقف..واكتشفت إن اللي معك بالمسن يستغفلك(سواء كان ولد يلعب دور بنت..أو بنت تلعب دور ولد)
وشلون بتتصرف؟ وش بتكون ردة فعلك؟

اذا كنت جايب معه او معها العيد

بلوووك ودلييت على طول

اما اذا ماكان فيه شي .... بكمل بشرط تكون بنت pb189

[جوهرة]

ذكرتيني بعضو هنا أقل مايقال عنه متخلف :D مب عشان الي سواه معي لكن هو أصلن كذا :D
زمان لما كنت ادخل التشات جاني برايفت باسم بنت.. أنا ماشكيت إلين ما صار يقول ( واااو ) على اي شي ويسأل عن أشياء غبية :sm5: قلت يالله نتسلى :D فقلبت السالفة عن المكياج :D والله الخكري طلع يعرف اشياء pb093 بس مع كم سؤال تأكدت انه شنب و اسلوبه ماصل في الحالتين pb192
ويجينا هنا ويكتب مواضيع تنم عن مثالية زائفة pb093 من شاف حركاته عاف المثالية كلها :D

من البداية الوحدة إذا تحط حدود عالمعلومات الي تعطيها للأشخاص بالنت، ماراح تفرق إذا طلع الي معها بنت أو ولد.. معلومات ومشاعر بعد :D يعني حتى لو عجبتك صديقتك بالنت مرة بأخلاقها و شخصيتها ، لاتستعجلين باي شي سواء بإعطاءها معلومات أو حتى بتطوير العلاقة .. الركادة زينة بهالأمور و الندم ماينفع pb093

[nouna]

انا فاهمه انك مصدومه بصح بصراحه اللي يدخل المسن ينتضر موقف كيما هذا المشكله انو دايما نقولو جامي تصرانا الحوايج هاذي

اللي مستعجبتو انو مافقتيش بيه كل المده هادي و هو مش عارفه وش من متعه عنده كيما ينتحل شخصية بنت هذا ما يكون غير مريض
على كل حال انتي ما تقلقيش روحك بزاف لانو مايستاهلش

[Forgotten]

من جد مرض pb093
العب علي خمس دقايق
هه يوم..بس كذا ايام واسابيع وشهور وسنين pb036
من جد صدمه :(
خاصه لو كان وثقتي وكبيتي العشا او صار ميانه
جعلي ماطيح بهالموقف
وان طحت اقرب مالها بلوك وديليت
وعلى قولة الجوهره
بالنت لاتثقين...حتى بالصوت فيه ناس تقلد
والله يفكنا شر العابثين


bp039

[سعودية]

الحمد لله الحمد لله الحمد لله
عمري ما استخدمت مسنجر وفاظي وصديقاتي اكلمهم في التلفون الي اعرفهم واعرف اهلهم والي ما اعرفها وطلبت رقمي اقولها ارسله لك مسج وتستنى المسكينة وما يوصلها شي
لاني صراحة ما اثق في احد

[حاطه دوج]

الله يستر
بس معظم الي معاي صديقات جامعه وحده بس من النت
وعلى أي حال عمرك لاتكبين العشاء
ولاتجيبين العيد حتى في صداقاتك العاديه
ساعات ممكن حتى البنت تستخدم هالشي ضدك وفيه بنات عندهم ميموري كارد في روسهم لكل وحده من الشله متى ماصار بينكم شي ماشاالله ماقصرت الاخت كبت عشاك
خليك حذره على طول اريح لك

[ريــ الرياض ـوف]

اعتبره مريض الرجال اللي يكتب بيوزر بنت
والبنت اللي بيوزر رجال
انواع المرض والتخلف :)


وش بسوي لو اكتشفت
بلوك ودليت :)
لانه مشكله لو بتنزل نفسك لزي كذا سخيف ;)


تحياتي bp039

[sweet vampire]

<< هذا اليوزر موب مصدق عيونه:sm5:
أول مره بحياتي أكتب موضوع ويرد عليه فوق الثلاثين رد
خلاص دايما بحط لكم مواضيع (وجه بثر)pb071


NawaL
لا ..نوال لا تعتذرين وتضيعين فرصة إنتس تشوفينهم << قاطــة بقوه:D

صدقيني ينكشف ، معقول فتره طويله تنخدعين !!!
^^
ليتهم خدعوني لحالي ..هم قدروا يضحكون على كل بنات شلتنا<< بلاكن سبايكpb036

بينكشفون اساسا ، الإهتمامات توضح
^^
كانت اهتمامته مثل اهتمامتنا بالضبط..يسولف باللي نسولف فيه
يكره اللي نكره ويحب اللي نحبه<< أصلا أنا مهبوله ..لأن لو كانت بنت مستحيل يصير تطابق بالآفكار لهدرجه..؟!!

وزي ماقلتي نوال المقلب فتره بسيطه أو موقف واحد.. بس هم ماكانوا يقصدون يسوون فينا مقلب..شكل قصدهم كان استغفاااال لنا

نوال نورتي صفحتي بطلتك
الـــــف شكــرbp039

EMILY
هلابك ايملي
الحمدلله إنه ماحصل لك مثل هالموقف وإن شاء الله مايحصل لك ولايخيب املك فأحد يارب
ماادري وش الفايده؟..والا كل ممنوع مرغوب....
^^^
جبتيها كل ممنوع مرغوب
ينسون كل الآخلاق والقيم بس عشان يثبتون لنفسهم إنهم يقدرون يوصلون لأي شيء يبونه.. من جد اشباه رجالpb093 <<تحمست

وبأكون صريحه معك. ..انا لي نك ولد بمنتديات رياضيه ...لكن ماعمري استغليته وحاولت استهبل على بنات او عيال
استخدمه للردود اواذا احتجت شئ....وبنفس الوقت أفتك من تلزق العيال ومغازلهم
^^^
احس كذا عادي لأنك ماخدعتي أحد;)
وإذا تبين الصدق أنا كان عندي يوزر ولد بأحد المنتدياتpb094
بس دخلت فيه كم يوم بس..اساسا سجلت فيه عشان اطهبل بوحده كانت تنهبل إذا شافت أي نك ولد ..وربي كانت تتميلح بشكل غريب عجيب..!! pb036
وقلت خل اعطيها درس هههههههههه <<بس ربي عاقبني وجاء من يلعب علي:mad:
بس الفرق إني كنت ابي العب عليها عشان آدبها وتبطل تميلح <<ملقوفه :|
وهذولا لعبوا علي واستغفلوني لمجرد الإستغفال..؟!!

ايملي اشكرك على مشاركتك bp039


ظبية الحمى
يووه اجل انتي حظك مثل حظي :(
بس حلو إن السالفه ماطولت وعرفتيهم على طووولpb071
تسلمين ظبيه..
والأحلى مرورك وتشريفك للموضوعbp039



لي بــااااك مع الردود

[Naughty girl]

انا الحمدلله مسنجري كله من صديقات الجامعهpb095

بس وشلون ماعرفتي انه شنب من اسلوبه اهتمامات البنات غير وحتى لو حاولو يتقمصون شخصيه البنت

ما يقدرون لانهم ببساطه ما يفهمونا pb095

هذي النوعيه من الناس اللي يلفون ويدورون مرضى pb093

يعني لو انه قال انا فلان ضيفيني واسلوبه محترم احسن من انه يلف ويدور:sm12:

sweet تعيشين و ما تاخذين غيرها:)

[تعـب]

اييييييييييييييه الماسنجر وماادراك ماالماسنجر ..

ماسنجري متروس بنات ثانويه ههههههه(هم اللي يطلبون اني اضيفهم )
تخيلوا عاد انا عمري 23 وهم مابين 16_18
قسم قسمات اني انرحم
عشان كذا نادر ماادخله ,,واذا دخلت على الاوف لاين
واجلس اضحك على نكاتهم اللي كاتبينها ...
ياليت احد من البنات الاكباريه << يعني كبار
يضيفوني كود اتونس واستمتع بالماسن
<<الحين هذي ابد مو قطه وجهه هههههههه

بالنسبه لموضوع المقالب <<أشوا تذكرتي
الله يبعدنا عن هالاشكال
واذا حصل معي ...
أغسل شراعه +بلوك ودليت

[norsa]

يالله دخيلك:(

أكره ماعندي الاستغلاليه ياناس:(

طيب لعبت علي وسحبتني بالكلام وش طلع معك هالحين..؟:rolleyes:

يعني بكل الحالتين ماهو مستفيد شي

تنرحم هالاشكال وربي:D

sweet vampirepb189

الله يبعد عنا وعنك هالاشكالpb189

ولاهنتي على الموضوعbp039

تحيتي

[ولد هجرة لبن]

تبي الصراحه وش تبي بالصراحه <<< براااا :D
لا من جد وخير يا طير لا صار الشخص اللي بالمسنجر يمثل علي؟؟!
التعب عليه وأنا أخوتس pb095
أهم شي لا تفتحين المايك والكام والباقي بقريح
أنا حاط إيميلي كتوقيع للفزعه والمساعده والأجر أولا
وثانيا للصداقات بعد ما عندي أي مانع
ومع ذلك وحده جتني إضافتها وقبلتها تقول إنها أخذت إيميلي من الإقلاع
وأنواع التميلح والسوالف الخاثره اللي لا يمكن تصدر من بنت على الأقل من أول طله <<< ثقافته لبنانيه pb192
المهم أنا كل ردودي عليها أيوه .. إيه .. وبعدين .. امممممم .. هههه <<< ضحكه قصيره لزوم الجو حتى ما أبين إني كافشه pb095
وبالأخير ملت مني وطلعت :D
يعطيك العافيه سويت bp039

[sweet vampire]

ميادة

ماادري احس انه صعب مره احد يقدر يمثل لفترة طويلة انه بنت ..
مابيكون مقنع .. حتى في اليوزرات الممثلين تحسين ريحتهم مميزة

ههههههههههههههههههههههه
الله يرجتس..أما ريحتهم مميزه خخخ
بس ترى صدقيني موب صعب لهدرجه..بس يعيدون سوالفنا علينا:mad:
اللي كنا نتكلم فيه..يرجعون بعد فتره يتكلمون فيه

انا لو صار لي الموقف
باقول لنفسي : ياغبية تستاهلين ..
قلتها لنفسي:(

عموما ماظن انه بيصير .,,
إن شاء الله مايصير لك.. وما يحط ربي قدامك إلا الناس الطيبهbp039
عوافي ميادةbp039


قشامة محترقة

للأسف مرضى نفسيين الي يسوون هالحركه
من جد مرضى نفسيين مع وجود انحطاط اخلاقي:mad:

ومثل ماقالت اختي نوال مامثل البلوك+ديليت
ايـه:(
مع إن الواحد يصير وده يقهرهم مثل ماقهروه

قشامة نورتي صفحتي
شكراbp039


Nikon

المنكر يصير ألذ

مثل اللي يتفاخر بانه قدر يكلم بنت كانت تصوم الاثنين والخميس وتصك السماعة أول ما تسمع صوت الولد

ما نقول الا الله يهدي الجميع
صادق:(
بس وربي شيء يقهر... بدال مايدعوون باستمرار الخير ببنات مجتمعهم..لا هم ينبسطون إذا صاروا سبب بالخرابpb093

Nikon يعطيك الف الف عافيه
مشكوور:)


ابولمخه

من جد بهالزمن المفروض الواحد يتوقع أي شيء من أي أحدpb093
ثم بعدين يصير سالفه عند اللي يسوى واللي ما يسوى
ربنا يطمئنك ياشيخpb036 خخخخ

الله يكافينا الشر ويستر علينا وعلى المسلمين:(
آميـــــــن

ابولمخه اشكرك واشكر كل الآحرار في جمهورية الكونغو على التفاعل بموضوعي
كما لا انسى أن اقول لك أن كل الآفراد والفردات من دولة جانبيرو أيضا يشكرونكpb071
يعطيك العافيه:)


خراب المجتمع

علشان جذي انا اضيف شباب علشان ما احط نفسي بهـ المقلب البايخpb036
فسيولوجيا وجهة نظر منطقيهpb071
بس واقيعا بالنسبة لي اتعرض لهالموقف أهون من إني اضيف شباب بإرادتي<< لا تقولين لي وشلون اهون؟:D >>لأني بقولتس ذي وجهة نظر pb071 <<امحق حوار اعرفه خخخ

وبصراحه ارتاح بالتعامل مع الشباب اكثر من البنات
الصدق أنا معك إن سواليف البنات غالبا تصير ماصله pb027 بس أنا مااعرف اتعامل إلا مع مثيلاتي من الماصلات:|
حتى إني انبسط إذا اجتمعوا خوالي وعيال خلاتي عشان سواليفهم وهبالهمpb189
بس مع هذا ارتاح أكثر بالسوالف مع ختي و بنات خالتي اللي برضو ماصلات:D <<برايفت لبنات خالتي..تراني احبكن وقصمpb189 pb189


عموما الحل بسيط مو كل بنت عندج اتكبين العشاء عندها وتقعدين اتسولفين بخصوصياتج علشانها بنت ترا فيه بنات العن من الشباب ويمكن يستغلون اي معلومات اتقولينها لهم بشكل سئ
صــادقهpb093
مع إني اعرف نفسي بعد فتره أكع بكل اللي عندي .. بس بتغير إن شاء الله:)

خراب نورتي
تسلميــــنbp039


ارتميس

اول مادخلت النت كان مشروط علي اذا بدخل الشات ادخل بنك ولد

صح اني ضبطت الدور بس تعبت نفسيا من الفكره

وهي ساعات اجل شلون شهور
تعبتي من الفكره..مع إنك ماكنتي تخدعين أحد..
بس يمكن لأنك تبين تتكلمين بكل صدق عن نفسكbp039

الصدق انا بعد دخلت بنك ولد.. بس ماطوولت قعدت فيه يوم واحد بس..ماأكذب عليك انبسطت ذاك اليوم..
بس تركت ذاك النك لأني اساسا كنت داخله فيه عشان آدب وحده ماصخه:mad:
بس بعدين قلت وش علي منها؟pb071

بس انا لو مكانك احذفه على طول يكفي انه مو كفو تعرفينه حتى لو كان قمة بالاخلاق
ايه هذا اللي سويته..
وأنا متأكده إن الآخلاق اللي كانت تدعيها (أو بالأصح يدعيها) بعد هي كذبpb093

ارتميس تسلمين على الرد والتفاعل معي
عوافيbp039


هاوي..هوى

ترى يصير العكس دايم لا تحسبون بس ان الشباب هم اللي يتنكرون ,,
ايـــه:D خخخ
بس مااتوقع إن قصدهم يستغفلون أحد..!!.
غالبا يدخلون بنكات عيال عشان يتصرفون بحريه..أو عشان يأدبون أحد:D << بدأ التصريف خخ

بس مثل ما قالت خراب في الجزء الاخير من ردها << بداية ردها ماعليك منه حركات خراب ماتخليها ,,

لاتكبين عشاك عند كل بنت مهما كانت الصداقه بينك وبينك ,,
هههههههههههههههههه لا أنا مخي تنكه..اللي برمجوه أهلي مايتغير أبد:|
وأكيد إن شاء الله بسمع بنصيحتكم...
بعتبر هاللي صار درس..ماراح يمر علي كذا:)

الف الف شكر هاوي:)


الف مليون

(وجه متنقب وهو يرد)<< أخبر إني يوم قريت ردك قلت إني بتنقب إذا بغيت أرد...بس الحين نسيت ليه قلت كذاpb036

في بنات يسولفون مع العيال على انهم ولد عشان مايصير في تميلح والولد يكون على طبيعتـه
ولكـن ولد يصيـر بنـت صراحـه احسهـا ماصلـه اصلا البنت بطبعهـا ماصلـه ويجي ولد ويتميصل مصالة بنت
خخخخخخخخخخخخخخ مع إني احبنا واحب سواليفنا.. بس الصدق احس إن فينا مصاله pb036 <<قولي إن أنتي الماصله فيهم لا تحطينها بغيرتس خخخخخ

عوافي الف مليون:)

[sweet vampire]

هبله

قاعده عندي تقول الولد اللي ينتحل شخصيه بنت ويقول انا فلانه هذا عنده نقص ومرض ادعي لي بالشفاء من اعماق قلبي !! ولو اعتبرناها وسيله عشان يوصل الولد للبنت سوري بس طريقه مقرفه ورخيصه بالعكس هو ما يفشل البنت لما يستغفلها ويقول لها انا مو فلانه انا فلان الا يفشل نفسه رجال بشنب طويل عريض ويسوي فيها انه بنت !! VERY LOW..
من جد:(

بعيد عن مقلب الاستغفال اللي صار لي:(
ابي اسولف عن المقالب العاديه اللي تصير من الصديقات;)
بدون صديقات ولا احد يسوي فيني مقالب!!
(وجه يناظر ايفل و قمرهم كلهم) سمعتوا؟!! لا أحد يسوي مقالب بأحد:sm12:
تدرين هبله أنا جتني فتره..لو أحد يجيني ويعطيني كف..اقول له ايه كفشتك مقلبpb036 خخخخخ
وهالحاله جتني من ايش؟؟ من صديقاتي المؤقرات..شككوني بكل شيء:mad:
مايعترفون بأن المقلب نجح إلا إذا صحتي أو انهبلتي صح :sm3: خخخ
<<ايقالي الحين كذا خلاص غيرت سالفة الموضوع للمقالب العاديه خخخخخخخ


هبلهbp039
مزاجيbp039
غموضbp039
عزة ## المرتزةbp039
الانسة قشطة 00 bp039
عتريــــــسbp039
aNa 6aL 3omRy bp039
عــــروق نجـــد bp039
مسالمه bp039
ابنة رشدbp039
لافندر bp039
يا شيب عيني bp039
kingofdreams bp039
اللكزس bp039
ثـلــــجـة مـحتـرقــــة bp039
qlq.666 bp039
جوهرة bp039
nouna bp039
سعودية bp039
حاطه دوجbp039
ريــ الرياض ـوفbp039
Naughty girl bp039
تعـبbp039
norsa bp039
ولد هجرة لبنbp039

يعطيكم ربي الف الف عافيـــــــــــه
من جد فرحت بردودكم وتفاعلكم معيbp039
وخاصه ردود بعض الأقلام اللي كنت اعرفها ومعجبه بمواضيعها من قبل مااقدر اشارك هنا:)
وكنت مره متحمسه أرد على كل واحد منكم..خاصه إنه أول موضوع لي بالإقلاع وأول موضوع اكتبه بحياتي عن تجربه شخصيه..بس ماقدرت اكمل الردود بهالموضوع
عـــــذرا bp039

[t00fee]

على طاري الماسنجر

ترا نزل ماسنجر ثمنية بنسخة رسمية
:d

وينه فيه
ودي فيه مره
..

من جددددددددددد فيهم سخافه هالفئات من العالم
انا ودي يعطوني خلقهم وطوول بالهم اذا بيمثلون
كل هالوقت !!
انا لو بمكانك بصراحه مدري وش بسوي !!

[|[ Female PRIDE ]|]

طيب وش رايك بالبنات اللي يسوون انفسهم عيال :S