عيـّت يـدي علـى وداعــك تهتـدي !!

[s u n]

:
:
:


صبــاح .. \ .. مســاء
الـورد عالكـل .,pb189


:::

:::

لكل واحد مننا ذكريات في حياته سواء كانت حلوهـ أو شينه ..
كلها تنكتب تحت عنوان " ذكريات الماضي" .,

الذكريات بكل أشكالها شينـه سواء كانت حزينه أو مفرحه لو تذكر الواحد اللي صار له العام , وتذكر كيف كانت حياته مع اللي يحبهم , لو واحد يتذكر أيام الدراسه ويتذكر أصحابه وناسه اللي نسى كل الناس .. وصار معهم .. لما نتذكر من فارقونا .. ونتذكر الأيام الحلوه اللي قضيناها معهم يزيد ألم الفرقى بالقلب أو بلأحرى في الجسم كله ..
مشكلة الفراق.. ( الذكريات ) .. فهي اللي تزيد من المراره والألم.. لكل واحد آمال وطموح وتطلعات للمستقبل .. بس لما يتذكر اللي راح والا اللي صار له بحياته , فجأهـ من دون مايدري ..
يحس إنه ضاع في زحمة الحياة , ويحس إنه صار وحيد .. بس مثل ماكلنا عارفين الأنسان يولد وحيد ويموت وحيد , فطبيعي لو يعيش حياته وحيد ..



مرهـ من المـرات سرحــت !!
جلست أتذكر اللي راح والذكريات الحلوهـ .. وأيام المدرسه اللي ودي إنها ترجع لو يوم واحد بس عشان أقول لها لاتتركيني :(
جلست أشوف صورنا .. وأتذكر ضحكنــا وكل شي إشتغل في عقلي .. بس على قد ماحزنت على اللي راح على قد ماتفألت بالجاي .. على قد ماعرفت إننا كلنا هنا في المنتدى في بداية حياتنا سواء اللي بالثانوي .. أو بالجامعه .. أو حتى متخرج لسا كلنا في بداية حياتنا ولازم إننا نطالع الحياة بمنظار التفاءل : )
أي واحد يطالع الحياة بمنظار أسود راح تتحطم حياته من غير مايدري .. أي أحد يتبع نفسه وشهواته راح يضيع ..



القناعه في العيشه هي الدافــع إلى إنك تبدع في كل شئ سواء كان بدراسه أو شغل أو أي شئ تلقون نفسكم فيه ..
هالموضوع حبيت إنه يكون المحطة اللي ترتاحون فيها , وتتذكرون اللي راح من حياتكــم .. وتتفائلون باللي جاي ..: )


"
"


أبحث عنها فلا أجدها ... أناديها فلا أسمـع صدى أنـفاسـها يناجيني ...
أطلبها لتحضـر فلم أرى يـداها تربت علي بحنان ... بدأت أصرخ ... أبـكي ..
لكن لافائده ... أ سعفوها .. أ نجدوها .. لاأحد هنا يجيب .. أسـير لاأرى حولي إلا ضجــيج الصمت ...
لا أسمع سوى صفير الرياح المدوي يدخل إلـى أذنـي .. وحراره الصيف التي تكاد تجمد أنفاسي ....
فدخـَل المرتقــب " الوداع " فخطفهــا وذهــَب ..




لما طلعت من الإختبار آخر يوم , جيت ورميت نفسي علطول عالسرير لأني كنت مرهـ مشتاقه للنوم ..
ماأدري وش خلى النوم يبعد عني فجأهـ وجلست أتذكر اللي راح من غير شعور ..


تذكرت كيف كانت أيامنــا باالمدرسه ..كانت من أحلى الأيام .. كنا مع بعض .. كننا شبه توأم بالجسد بس كنا توأم بالروح .. تذكرت الضحك والوناسه والهبال .. تذكرت كيف كانت حياتنا ..
تذكرت اللحظات اللي صحنا فيها .. اللي ضقنا فيها .. من أولى إبتدائي لما ثاني ثانوي وإحنا مع بعض : )



11 سنه صداقه .. هالصداقه أنا أفتخر فيها لما ألحين .. وإن شاء الله بتمتد لآخر يوم بحياتي , " مها " كانت كل مالي في هالدنيا ..
"مها " ماكانت مجرد صديقه بس لأ !!..
"مها " كانت أخت ويمكن لو عندي إخت كان صارت " مها " أعز منها ..pb189

" مها " كانت .. وكانت .. وكانت .. بس مازالــت وبتظل كل شــئ بحياتي ..


تذكرت أول يوم من الدراسه كان وقتها عمري " 6 " سنين , كنت أخاف من المدرسه لما رحت كانت فيه بنت كبري واقفه تصيح وأمها مو معها ..
قلت لأمي : ليش هاذي تصيح؟ pb036
قالت أمي : لأنها كسلانه عاد أنا ماعاقت معي صدقت :D
قالت لي أمي : خلاص !! أروح وماتصيحين زي الكسلانين ؟
قلت : طيب خلاص روحي ..

صفيت بالطابور من هنا وطلعت أمي من هناك .. شوي الأستاذهـ تجيب البنت اللي تصيح وتقول لها وقفي هنا في الطابور ..البنت كانت ميته من الصياح , قربت منها وقلت لها : ليش تصيحين ؟
إحنا بنقعد هنا شوي وبندرس حروف ونطلع :D
قالت : لأ أخاف أهلي ينسوني هنا !!
قلت : لا ماراح ينسونك ولو نسوك تعالي معي , وأنا إذا نسوني أهلي بروح معك طيب ؟
قالت : طيب خلاص : )

وصفينا في الطابور وكانو يغنون " سارعي " وكنا ساكتين أنا وهي مانعرفها :D

تذكرت إنه من أول لحظه تلاقينا فيها , حركاتنا نفسها , إحساسنا نفسه , غبائنا نفسه :D

رقينا للفصل والكل كان يراكض عشان نصير في المقعد الأول .. كانت البراءهـ تنقط من كل البنات اللي كانو في أولى ..
جلسنا جنب بعض .. وكل يوم عن يوم تزيد علاقتنا مع بعض إلى أن وصلنا .. " ثالث إبتدائــي " بدت حركات البزران تطلع وبدا الكرهـ بيننا يكبر وبدت حركات مزاعلتس :D
وما أحبس ولا تكلميني :D

وطبعاً حركات المبزرهـ هاذي لما اتذكرهــا أفطس من الضحك , بس مهما كان وصلنا لأولى متوسط وأنا وياها مازلنا نكرهـ بعض :D
كانت في مجموعة بنات في أولى متوسط كننا معهم مرهـ ..

كنت أنا مصادقتهم و" مها " مصادقتهم .. هم " فطوم , هلا , وسمر , وسارهـ " ..
بعدهــا قوت علاقتنا في ثاني متوسط أنا و " مها " يعني بالرغم من الكرهـ اللي كان بيننا إلا ان السمات المشتركه مازالت فينا .. صرنا شله وحدهـ قلوبنا على قلوب بعض ..
كل وحدهـ تبي الخير للثانيه , كل وحدهـ تعد الثانيه أختها , طاحت الموانه وصرنا مرهـ مع بعض في أولى ثانوي وثاني ..

تذكرت اللي كان في أولى ثانوي .. تذكرت حركات المراهقه , تذكرت كيف نسوي نفسنا يااي إحنا كبار :D
كل يوم عن يوم تقوى علاقتنا أكثر وأكثر وأكثر .. وصلنا لثاني ثانوي , وصلنا لدرجة إننا مانقدر نفارق بعض , حتى إننا فكرنا نتزوج إثنين بس كل واحد ياخذ ثلاثه :D
فجأهـ دخلت مها الصبح , وهي تتأخر دايم وكل مادخلت لازم نضحك على شكلها :D
لانها تصير معصبه ومتنرفزهـ من سواقهم :D
تذكرت كيف كنا بين الحصص نعبر عن حوبنا لبعض , يعني تجي ذي وتعطيني كف معناتها ميته في دباديبي يووهـ تذكرت كيف كان حوبنا عنيف :D
لما تحزن وحدهـ مننا كلنا نحزن , ولما تفرح كلنا نفرح ..


المهم لما دخلت " مها " كانت مرهـ متنرفزهـ ومتضايقه على بالنا أنو هي كالعادهـ .. بس وصلت تقريبا الحصه الرابعه والبنت مازالت ضايقه !!
وش اللي صاير ؟

كننا جالسين نسولف مع بعض فجأهـ جت " مها " قالت : بنات تخيلو نفترق ؟
الشله وأشباههم انقلبت يحاولون يجتنبون الإجابه : إيه الله لا يقوله طسي بس همانا بنعرس على اثنين !!
سكتت وحطت راسها بين يديهــا ..



لما جا العصر دقت علي وأنا كنت نايمه قالت ودي أقولك شــئ .. بس مدري كيف أعلمك !!
البنت كان صوتها متغير ومو من عادتها ماتنام !!
قلت : وش فيك ؟!..
قالت : راح نفترق أكيد !!
أنا : مها وش هالحكي تستهبلين روحي نومي بس وش جايك اليوم ؟!..
مها : هذاني قلت لك ولا يجي اليوم اللي تقولين لي فيه ماقلتي لي باي ..

أنا ماكنت في وعيي أصلاً , سكرت وكملت نومتي !! :D


لما جا بكرهـ جت وقالت بيتنا اللي من يوم إننا في ثاني متوسط وهو ينبي زان وأبوي يقول إننا بننقل فيه !!الشله وكلهم مرتاعين : يعني أنتي بتنقلين ؟

لأن بيتهم كان مرهـ بعيد عن مدرستنا ..

قالت مها : إيه راح انقل غصب عني !!
الكل سكت وضاق صدرهـ وحاولنا ننسى ..


لما جا الفصل الثاني تأكد لنا انها راح تنقل !! :(

" فطوم " تضايقت ..
و" سمر " حاولت تنسى عشان ماتنصدم ..
و" هلا " خنقتها العبرهـ ..
و" سارهـ " لما تتضايق تقلبها ضحك ..

أما أنا فما قدرت إلا أســكت وأطالعها وهي تتلكم وتقول لنا خلاص .. راح نفترق !!..

فجأهـ .. مرت علي الـ 11 سنه وكأنها 11 ثانيه قدام عيوني ..
وتميت ساكته لحد نهاية الداوم , ورحت البيت وحسيت إن " مها " راح تبعد عني وأنا لسه ماقلت كل اللي بقلبي لها .. فجأهـ حسيت إن كل اللي راح وكل الأيام اللي بيننا إختفــت ..
ماقدرت إنها تعبر عن اللي بخاطري .. حسيت إنه فيه شي بلساني لازم أقوله ..

دقيت عليها .. وردت علطول وقالت : اللي قلت هذاك اليوم صار مو ؟
ماعرفت أعبر لها عن أي شي بس دموعي تكفلت بالأمر ..


آهـ , تمنيت الأيام اللي راحت ترجع ..
بس وش فايدة إني أتمنــى ؟!.,

قرننا اليوم الأخير من الدراسه يعني قبل الأختبارات النهائيه .. إننا نجيب جوال كاميرا ونصور المدرسه ونصور كل شي جمعنا في الـ 11 سنه
صورنــا كل شي غالي علينا ..




يوووهـ كانت أياااااام .. وإنتهت .. وصعب إننا نرجعها ..

قررنا إننا نقل من مدرستنا .. مثل مها عشان مانعيش في المدرسه هاذي بدون نصفنا السادس ..
معناتها إن هاذي آخر أيامنا كلنا بهالمدرسه ..

كانت أيام الأمتحانات ثقيله ثقيله حيل علينا ..
لما جا آخر يوم كان الأثنين قبل اللي فات ماكنا متصورين كيف حالتنا !!
لما جت آخر دقيقه تجمعنا .. بدت الدموع .. متواعدين إننا مانصيح قدامها عشان ماتتضايق أكثر ..

لبست عبايتها وودعوها البنات إلا أنا !!
لما جت تطلع , ركضت لعند الباب وناديتها ... وإلتفتت .. وخميتها وتذكرنا كل اللي راح , تذكرنا أول لحظه كانت بيننا .. وهاذي آخر لحظه نعيشها :(


طلعَـت .. وتسكرت الدنيا في وجهي ماكنت أشوف قدامي إلا خيال " مها " في كل المراحل كنت أشوفها وهي تضحك , وهي متضايقه , وهي مكتئـبه , وهي تصرخ ..
شفت مكان وقفتها لما أول مرهـ كنت أتذكرهـ مثل الحلم .. (( بنت صغيرهـ واقفه ودموعها على خدها وشنطتها طايحه بالأرض )).. أشوف المكان وبداخلي شعور غريب بس وش هو ؟ ما أدري !!

نادى علي وطلعت من المدرسه .. وكانت هاذي آخر لحظه ودعت فيها مدرستي اللي 11 سنه وأنا فيها .. ودعت صديقتي الدم اللي يسري بعروقي ..


بعدها نفسياتنا تعبت .. وصار مايمر يوم مانتهاوش !!
مايمر يوم مانجيب طاري النسيان !!
كل هذا عشاننا خايفين إننا ننسى بعض .. بس كيف أنسى " مها " ؟
بالله قولو لي كيف بنساها ؟!..,


الفراق .. شــئ صعب مستحيل إن الواحد يتخيله بمجرد خيال بالذهــن ..


الفراق !!
كلمه الكل يكرههـا ..
الفراق !!
كلمه صعبه ..
خصوصاً لما نفارق اللي نحب ..

الفـــــــراق !!

بكل حالاته ., مكروهـ .. الفراق كم كسر من خاطر وكم ضيق نفس وكم .. وكم.. وكم.. آهـ من الفراق وسنينه..


ماأعتــقد في شي مؤلـم مثـل الفـراق!!..
تنوعت أشكاله لكن ألمه واحــــد ...

الفراق نوعين / فراق موت .. وفراق دنيا .,
فراق موت .. يجي بشكل واحد ..
فراق الدنيا أشكاله كثيره ومتعدده وأليمــه ..

"
"
"

كم هو محزن ذلك الشعور المخيف الذي ينتاب المحب في لحظة فراق غير متوقعة لتترك بذلك جرحـاً غائراً لا يشفيه سوى عودة الحبيب محملاً بأشواق الحب التي لا تنحي إلا بين يدي ذلك المحب .. حين يتحقق ذلك الشعور المخيف ... يكون عندها الفراق هو فراق لحياة اجتمعت وسخرت لجسدين في روح واحد..





هاذي الإنسانه هي نفسها طنط روح بجسدين , كيف أعيش باقي حياتي بدونها ؟!..
كيف راح يكون صباحي بدونها ؟! كيف !! وكيف !!.. وكيف !!..



من يقدر يجاوبني على هالأسئله ؟
من يقدر يقول لي من راح يكون بعد " مها " لما تبعد عنــي ؟
من راح يجي مكانها ؟ مع إني واثقه إن مافيه غيرها راح يقدر ياخذ مكانها بقلبي..


صحيح إحنا 6 بنات في الشله بس مثلها ماحسيت بحب لوحدهـ منهم .. صح إنهم كلهم غالين لكن هــي غير !!
يعني " مها " كانت غير كانت أختـي , وصديقتـي وكل شــئ .. pb189



11 سنه كنا فيها صديقات .. جمعتنا مدرسه وحدهـ .. جمعنا فصل واحد .. جمعنا قلب واحد..11 سنه مستوعبين عدد السنين هاذي ؟! كلها راحت ولا شفعت لنا كثرتها .. :(
في هالـ 11 سنه كل يوم أشوفها ..في هالـ 11 سنه كنا نضحك مع بعض .. وناكل مع بعض ونتطاق مع بعض .. ونطلع مع بعض ..
هالــ 11سنه كلها بتروح في دقيقه وحــدهـ اللي هي دقيقة الفراق !! :(




ماني قادرهـ أتخيل آخر ثانيه تجمعنا مع بعض !! :(





" مــها " أنا محتاجه أوصل لك رساله بس ماني عارفه كيف ؟!..
بس ودي أكتب لك رساله هنا وقدام الكل .. مع إني مقدر أكتب لأن دموعي ماتخليني أشوف الحروف صاحيه :


" مـها تأكدي إني ماراح أنساك .. وإنك مهما بعدتي راح تقربين مني أكثر .. قولي لي باللهي من اللي بستشيرهـ في أموري .. من اللي بتهاوش معه .. من اللي بيتحملني كثرك؟؟
مها حبيبتي ..أول مرهـ أقولك حبيبتي بس مو أول مرهـ أحس إنك كل دنيتي .. إعذريني إذا في يوم ضايقتك , أو زعلتك , أو نرفزتك لأني بجد ألحين عرفت قيمة وحــدهـ إسمها " مها " وحدهـ فهمتنـي وحده كانت ومازالت كل حياتــي pb189 "



| | | |




ماتتصورون كيف هــي إنسانه بكل ماتملك الإنسانيه من معنى!
هي أنـا .. كانت تفرح لفرحي وتزعل أكثر مني لزعلي ..
لما كنا بأولى ثانوي وصرت الأولي فرحت أكثر مني وقامت تقرا علي وأنا كنت أتحمد ربي عليها وأضحك ..
لما خطب أخوي فرحت له فرحه أكثر مني وكنه أخوها ..
لما مرضت نزلت دمعتها علي , هي الوحيدهـ عند كل صديقاتي اللي ذرفت دمعتها على " طنط " أحد يقول لي هاذي الآدميه كيف بقدر أتركها ؟!..
كيف بقدر أفارقها بهالسهوله ؟!.


لو هي قدرت أنا ماراح أقدر..,





ماأتخيل ماأشوفها كل صباح .. ماأتخيل تصفــر الحصــه الأولى بدون ماتلتـفـت علي وتقول لـي وش صـار لها أمس .. :(
وماأتخيـل ماأقولها كل اللي بقلبي مع إنها ماكانت تعطيني وجه بس حسيت بمكانتها لما قرب فرقاها يووووهـ الكلمه مرهـ قويه " فرقاها " !!..

أول مرهـ أحس بصعوبة هالكلمه ..


راح يكون كل جسد في مكان بس راح تبقى القلوب ملمومه على بعض ..
هي أنــا ., " هي توأم روحي " و "هي نصفي الثاني"

:
:
:


أشتكي لليل حالي .. وأكتم العبرات وأسـهر .. بعد فرقا رأس مالي .. لوني الصافي تكدر..مابقى بالليل نور.. هـي كذا الدنيا تدور!..,

صحيح هذا حال الدنيا .. وهذه سنة الحياة مثل ماتآخذ منك ..
راح تعطيك .. بس البلا لاخذت منك شي غالي عليك !!



لما أتذكر جناننا اللي كان فعل ماضي .. لما أتذكر هواشنا اللي كان فعل ماضي..
لما أتذكر ضحكنا اللي لللأسف صار فعل ماضي..

لما أشوف دموعنا اللي هي ألحين فعل مضارع ..أشوف هالدنيا اللي جمعتنا بس .. مسرع مافرقتنا :(

أحس الدينا كلها تسكرت قدام وجههي:(
بس مثـل ماقلت لازم كلنا نطالع الحياة بمنـظار من التفاؤل ..
..

:
/
:

فارقتني بعد ماهي في عيوني كل شي.,
وبــعدها فــارقت أنــا بسمتي وودعتها..
يشــهد الله مـابقى في حيـاتي أي ضي..
كـيف ابنسى ؟!.. والعيون تقولي فارقتها ..



غريبه هالدنيا والله .. كيف تحس طوول عمركـ إنك مزحوم , ومشغول بمشاغل الدنيا والناس , والدراسه , وهاذي اللي تدق وهاذي اللي تسأل , وهاذي اللي تعزم و .. , و .. , و .. إلخ

فجــأهـ .. تفضى الدنيا بعيونكـ !! ..

إكتشفت من الذكريــات إن العمر قصير ومايســوى !!
يعنــي وش نبي من الدنيــا غير رضى ربنــا !!

أدري بتقولون نبي أشيــاء كثيرهـ , وأهمــها .....
ما أقدر أقول ففي صمتــي .. تجدون الإجابة ..,

يـا أالله الحيـاة متعبـه , مالحـه مثـل موية البحــر على كثــر ماتشرب منـها ..
على كثر ماتعطــش أكثــر وأكــثر ..





/


مــع السلامه بس قبل لاتسافر إسمعني
تراك راح تبقى أكثر إنسان بكــّاني وحبيته!!..

[!!مستعجبهـ]

أسهل من الكذبـه على شفـة طفل
فرقـى الأحبـه ياهـوى !!




أهلـن بسديكتـي السدوكـه pb189





بس مثل ماكلنا عارفين الأنسان يولد وحيد ويموت وحيد , فطبيعي لو يعيش حياته وحيد

أكره هالحكمـه على قولتك , من كثر ماكنتي ترددينها من زمان تذكرين :sm5:




تصدقيـن طنط أنـي أنصدمـت , ماتوقعـتك تعرفيـن تحكيـن وتفضفضيـن كذا بـ هالأسلوب
كشخه والله pb189




تذكرت إنه من أول لحظه تلاقينا فيها , حركاتنا نفسها , إحساسنا نفسه , غبائنا نفسه



زيدي عليها " خقاتكم نفسها " هههههه ياحبي لكم pb189



يكبر وبدت حركات مزاعلتس
وما أحبس ولا تكلميني


خخخخخخ ولا تهون أسمااء وباقي البنات إلي فتنوا بينكم :$


طنط ياحبي لـ شلتك pb189 pb189



تذكرت كيف كنا بين الحصص نعبر عن حوبنا لبعض , يعني تجي ذي وتعطيني كف معناتها ميته في دباديبي يووهـ تذكرت كيف كان حوبنا عنيف


عساك بس مانسيتي الفلقه إلي براسـي إلي سوتها لـي وحده من شلتكم ؟ :D
تراها لين الحين فيه :sm1:



حاولت ما أقرى الكلام إلي قلتيـه عن مها
أنتي تعرفيـن وش كثر سالفتكم هذي تعور قلبـي !!
ما أحب أتذكر كيف كانت نفسياكم بآخر الأيام وكيف كنتوا تتجنبون تحكون مع بعض !!

رجعتنـي لـ هذيك الأيام وانـا لسى مانسيتها !! :(
طنط أنتي تعرفيـن كيف مها تحبك صح ؟ وهي تعرف كيف أنتي تحبينها ؟
وكل وحده منكم عارفه هالشـي وعارفه أن صداقتكم ماتتعوض !!
طيب ليش يصير بينكم إلي أحيانا يصير ؟

لا تخلون سالفه أنكم بتفترقون تأثر عليكم , مها نحفـت وأنتي صرتي عصبيه بزود !!
إلي يقهرني فيك أنك عكس مها بـ الشي هذا , مقتنعه بـ فكره أنكم خلااااص بتنسون بعض من أول ماتفترقون
ليه وين راح التليفون والماسنجر ؟ والسيارات تقرب البعيد

شيلي من رااسك فكره أنكم بتنسون بعض الله يرحم لي والديـك :(

الله يخليكم لـ بعض pb189 pb189 pb189



وهذا مسـج مـن مها لك خخخخ !!



( تعالي مابقى حولي .. سوى ظلي وبُعدك
بَعدك ألهب أيامي أنا قيض الملل
في بُعدك ضاع من ليلي الدفى والأمل
غدت متشابها الأيام .. تلاشى النوم والأحلام
أنا لحالي .. تعالي

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبُعدك )




وأهم شي أبعدي أنتي ومها عن الهبلااا كاتي لا تخلونها تكتب فيكم قصيده
قسم باالله تكرهون أبو من جب النت << أسألو مجرب :d




يختي ياشيـن طاري الفراق
<< ماعرفـت أختم زيـن !!




طنط أحوبتس pb094






,,

[صوت الصمت]

طنط


فيه ناس الماضي يشكل عندهم شي كبير ويتعبهم زي اشكالنا

بس بقولك شي يختي يعني مها ان شاء الله انك بتشوفينها اهم شي

هي بقلبك يختي وانشاء الله تقدرين تقبلينها او تشوفينها بالكلية او برا المدرسة

يختي فتحتي جرااح وذكرتيني بمدرستي الا بتدائية الحبيبة التي شهدت ولادت النابغه الي هي انا

وهـ بس وش اقول اذكر اني ماصحت وقلت خليك قوية يابت وقفت ومسكت شنتطتي وقعدت عند جدار<<قويه


احيانا فيه اشياء ودك تعيدينها وترجعين تعشينها مره ثانية



خوذي ذيbp039 ولا عاد تكتبين موضوع<<تصيح

[تمســاحه نذله]

,
,

pb189
pb189

طــنط كم أحبــك يالبــزر pb189


بـــرب

,
,
رجعت :(

طنط بــدايه ودي اقولــك ياحــظ مها فــيك والله pb189

حــكيك وقــسم يــدخل القــلب ويشــقه بعد pb189

ولو انه يــقهرني فــيك النــظره التشــاؤميه لــبعدين :(

يـــعني يـااختي وقــسم حســـيت ان مهــا بتموت او انتي بتموتين بــسم الله عليكم من حكيك :(

يــابنتي الــدنيا كـــذا .. كــل ماحبيتي احد حـولي تحـطين براســك انك بــتفارقينه لامحاله :(

الدنــيا كذا واللي علــينا اننا نحاول ماننسى العشره الحلوة pb189

يــعني الحمدلله يارب مهــا لازالت موجوده وتقــدرين تتواصلين معها ان كنتوا صـديقات عمر pb189

على الاقــل مانقلت الا بالمدرسه بس .. احسن من اللي من تحب احد وتتعلق فيه ينقــل بديره ثانيه :( ..< هذا حظي عاد

طنط pb189

احبـك بـــس وسعي صدرك شوي :(

لما جا الفصل الثاني تأكد لنا انها راح تنقل !!

" فطوم " تضايقت ..
و" سمر " حاولت تنسى عشان ماتنصدم ..
و" هلا " خنقتها العبرهـ ..
و" سارهـ " لما تتضايق تقلبها ضحك ..

تخــيل هالموقف بس ضــيق صدري .. الله يــصبركم يااختي وان شاء الله ماتفـرقكم الدنــيا على شر :)


طنط اســمحيلي بــحكي عن لحظه فــراق مع وحده من صديقاتي :(

مــنيب مــطوله لان تقــريبا مافيه شي اكثر من اللي قلتيه في وصف الحاله النفــسيه لاي احد بيفارق انسان كان له تقريبا كل شي :(

بــس تعرفــين اخر يوم بالدراسه .. الكل كان ظاهريا مــستانس والحمدلله ولو ان في داخل كل وحده هم على هاللحظه
اللي كلنا عارفين انها بتــخلينا خــلأاص يمكن ماعاد نشــوف بعض ابد :(

وحــده بتعــرس وبــتروح منطقه برا الرياض :(

وحـده بتروح تــدرس برا ومهيب راجعه الا بعد اربع سنوات ويمكن ماترجع :(

والكل يــعرف ان هالشــله مهيب مجتمعه مره ثانيه مثل اول :(

وشوفي الايــام مرت .. منهم اللي مــاكاني اعرفها :( .. ومنهم اللي مره بالشهر تدق :( ومنهم اللي ولله الحمد للحين علاقتي معها اكوس من الكويسه pb189 ..

اللي ابي وصــله انه بــكيفك تقدرين تــحافظين على علاقتكم والا تنهينها :)

قــلبي الدنيـــا بــخير استانسي وافــرحي ومها باذن الله مهيب بعيده عنك لا بالمكان ولا بالقلب .. كلها مدرسه ترى ;)


برايفت مهـــا pb189

تعــرفين اني احــسدك على هالادميه pb189 الله يخليكم لبعض يارب


V
V

حطيتها على جنب استانستي :D

يااختي ودي اصير مثلك تاخذين الامور بكـل اريحيه ووناسه بــس بقره مااعرف بهالامور :D

[cati]

.









ياااربيه طنط pb189
الحين من زينها مها قسم بالله ودي افتك منها اليوم قبل بكرى <--- يقالك تواسيك :D
لا بس يعني مايصير كذا وسعي صدرك
انا عارفه قد ايش تعني لك حتى قسم بالله اتذكر زين ذيك الفتره اللي هجرتي الماسنجر
ولما نسأل المخيسه مها تقول ماسنجرها خربان واصلا عارفه ان ماسنجرك مافيه الا العافيه بس نفسيتك زفت :(

عموما

الحين صديقتك معك احمدي ربك
يعني فيه تيليفون وفيه جوال وفيه هاتف :D وتقدرين تروحين لها كل مااشتقتي لها
واصلا طبيعي بعد سنه بتدخلين الجامعه و100% بتفرقك عن مها ترى حتى لو دخلتوا قسم واحد مستحيل
تصيرون مع بعض pb036 (برايفت مها وش رايك فيني وانا مزدوجة الطرح .. انصب عليكم صح :D )

شي ثاني تراي قسم بالله كتبت فيك قصيده قبل فتره ..وقرتها مها وقعدت تصيح تقول انا وش ذنبي
لأني قلبتها من قصيدة مواساة الى قصيده هجاء على المدعوه مها خخخخخ حقدت عليها كله منك :D احس ان الذنب ذنبها

بعدين اعتبريها مقدمه للفراق العائلي بكرى مها تتزوج وتلهى بالرجل والحموله وهكذا يعني .. يعني تعودي
ترى يقولون العرس مهب سهل ابد تخيلي تطبخين وجبتين يوميا غداء وفطور :eek: الفطور نمشيها بس الغدا والله ياهو نشبه اكيد رز ودجاج واتسبديه <---- شالت هم تمويع الدجاج pb036
وكمان اعتبريها خيره عشان تذاكرين بثالث ثانوي وتجيبون نسبه مهب يصير حدكم رياض اطفال مثلي :sm1:




تراك راح تبقى أكثر إنسان بكــّاني وحبيته!!..


والله يا انا فرحت احسبك تقولين كااتي :D
<--- باللهي احد يتبرع ويكتب اسمها بموضوعه ويفرح قلبها pb189





بالنسبه للذكريات الاليمه حقت المدرسه

يااختي انا كنت طالبه مو طبيعيه ما شالله علي
يعني اللي يشوفني يقول وش هالبنت ابد ابد كائن فضائي مهب بنت pb036
كنت اصف اول وحده بالطااابور وكنت انا اللي اوزع الدفاتر :D وكنت احاول ادبر البنات عند الكافتيريا وكنت العريفه على الفصل :D
وتعرفين بنات الروضه او الابتدائي غالبا من الخوف يقضون حاجتهم داخل الفصل من الخوف والرهبه pb036
تخليلي انا اللي كنت اعلم عليهم :D
اول مااشوف بنت سوتها اقول ابلىىىىىىىىى فلانه (...... )
كنت شاطره ومجتهده وكل يوم رايحه محل اشتري شرايط اشكال والوان هذا غير شرايط التفوق اللي يعطوني اياهم المدرسه
بس هذا كله تبخر اول مادخلت المتوسط :(
انقلبت مره صرت اسوي رقصات للبنات ونجلس نخترع مثل بريتني وسبايس قيرلز pb036
صرت اذا ركبت السياره اقول للسواق شغل الراديو وحط على اغاني واقعد طول الطريق ادق رقبه .. اشوى اللي مامتّ وانا ارقص pb094


ايااام الابتدائي وناااسه pb189
كله كوم ويوم الشهادات كوم والفستان اللي نلبسه ايام الشهادات بعد يااختي له طعم pb094
والله يوم الشهاده بالذات كأنه عيد المشكله اكشخ والبس واجيب الشهاده ومااحد درى عني :D


فيه موقف تذكرته قديييييييييييم ايام خامس او سادس مااذمر بس اهم شي كان بعز سيطرتي وعنفواني :D

مره المدرسه كانوا مسوين جرد ومطلعين كرتون فيه اوراق قديمه وجيت انا والبنات نبشنا بالكرتون وتخيلي وش لقينا pb036
لقينا ملفات واوراق و شهادات تفوق قديمات :D
عرفتي شهادات تفوق رموها المدرسه لأنه شكلهم طبعوا شهادات جديدات :D
تدرين وش سويت قسم بالله اتذكر الموقف الحين كأنه بين عيوني pb189
قمت انا وبنت اسمها لينا وكتبنا للبنات اللي معنا اسمائهم على الشهادات خخخخخخخخخ تخيلي شهادات تفوق مجانيه
يمكن فيه بنات عمرهم بحياتهم مااخذوا شهادات تفوق جيت انا ولينا حققنا لهم الحلم :D

المهم يوم وصلت للبيت وريت اختي شهادة التفوق حقتي ( طبعاً مكتوبه بخط صديقتي لينا عشان مااحد يكشف خطي :D )
قالت اختي من اللي سلمك الشهاده ذي ؟!! قلت المديره pb036
قالت والله يامديرتكم هذي عليميه شكلها مامعها ولا شهادة متوسطه على هالخط pb036


اقول طنط
تبي تقنعيني انه عندك ماضي اسود مثلي بتزوير الشهادات والفتنه على البنات اللي يسوونها على نفسهم بالفصل :(
ولا مثلي متسلطه على بنات الخلق احس كل البنات يكرهوني ومايبوني اصير بفصلهم عشاني لازم اصف الاولى بالطابور :( يااختي احمدي ربك على الاقل انتي تنامين الحين وضميرك مرتاح مو مثلي احلم بأشباح بنات الابتدائيه القزمان :D


طنط pb189
مها معك ان شالله
وماراح تفقدينها بأذن الله


برايفت مها pb189
وربي طنط معذوره لأنك انسانه مره جيده وكويسه وهكذا يعني pb189
لاتقطعين فيها وزوريها ودايم كوني معها على تواصل <---- امحق شسمه يقالك توصيكم على بعض :D

اخيرا
مها & طنط
احبكن الله لايحبكن pb094 pb189
وهذي اخرة اللي يجلس مع مراهكات pb189









.

[ريــ الرياض ـوف]

ماأعتــقد في شي مؤلـم مثـل الفـراق!!..
تنوعت أشكاله لكن ألمه واحــــد ...

الفراق نوعين / فراق موت .. وفراق دنيا .,
فراق موت .. يجي بشكل واحد ..
فراق الدنيا أشكاله كثيره ومتعدده وأليمــه ..

هذا كلامي pb094 يعني انا صرت مشهوره والناس تستدل باقوالي pb094 يعني الحين اقدر انافس خالد الفيصل وانا مرتاحه pb094 <==تكفون طلعوها برا :D

قسم بالله ماكذب حتى شوفي موضوعي حق والله ماكان الفراق اختياري :D


المهم نجي للموضوع

روعه ماشالله
دخلت جو مع ذكرياتك
جاز لي شكلك وانتي صغيره وتصيحين وعمرك 6 سنوات والقصه اللي قلتيها لصديقتك عن اننا شوي ونخلص pb189
كل موضوعك روعه
الفراق شي بجد مؤلم :( تكلمت عنه كثير بموضوعي شوفيه يمكن يجوز لك
يزيد المه اكثر مع ذكريات مستحيل تعود
يعطيك الف عافيه bp039

[aNa 6aL 3omRy]

ياحيــااااتي يااطنط ..

شكله اول فررااق بحيااتك وعلشان كذا مأثر فيك ..

ابشررك بس .. بتفارقين كثير موب مها بس .. وبعد يمكن يتذكرونك ويمكن انتي تذكرينهم ..

ويمكن لا وعادي بتستمر الحيااه .. وبتلقين مها ثانيه وثالثه .. ويمكن بعد يطلعون مها مزيفات وتكتشفين باخر لحظه ..

ويمكن يطلعون احسن بعد .. كل شي جايز خذيها مني ..

ووعادي لايأثر فيك فراق ... اذا مها صديقتك فعلا .. فصدقيني مراح ياثرر فيكم بعد المكاان ..

البعد بعد القلوووب ..


حسيت اني الام تيريزا وانا اكتب الرد هذا :D

[NawaL]

يووه ياطنط ،

توك الفراق قدامك طويل ،

ياما عرفنا بنات شرواهم غالي لكن الظروف اقوى منا ومنهم ، وافترقنا ،

بنات هم مثلنا في كل شي ومعنا في كل شي وافترقنا ،

عالم معرفتها عمله نادره ، وافترقنا ،


الحياه مليانه ياطنط ، ودواره ما تدوم على حال ،

مالومك اعظم فراق pb189 الصديقه pb189 شي الوحده ماتتقبله بسهوله ،

وانت تو متخرجه من الثانوي ، مثل ماقلت لك بتشوفين اكثر ،
وبتتذكرين كلامي ، موفقه يالغلا bp039

[فـريـون]

وااااااااااااااااااو وااااااااااااااااااااو

.
.

طنط....وسعي صدرك تقدرين تقابلينها .:rolleyes: .. صدق انك معاد راح تشوفينها مثل اول .. بس الرجاء ولا القطيعه:)

ذكرتيني بموقف صار لنا العام يوم تخرجنا من ثالث ..خويتي ميته من الصياح :sm1: وهي تصارخ في خشتي .. مفرع بنفترق <<< عاد انا من جد كنت متالمه من داخلي بس تدرون وش رديت عليها


الحمدالله وش نفترق انتي ووجهك pb036 الخميس الجاي وحنا عندكم زهبو القهوه بس ..

وبعدين الشرقيه كل ابوها بكليه وحده .. pb095 ومالنا الا هي ..يعني بنشوفك

وياحليلها الحين اعرست الخميس اللي فات ... والله احس خلاص معد احد يقول فراق ولا ما فراق

هذي عواطف تحين فيها هالحزه بس بعدين تقولين فيه الف والف طريقه ما تخلينا نفترق .. هذا لو كنتو تحبون بعض صحيح..

واستهدي بالله .. مصيــــــــــر الحــــي يــلقـــى الـحــــــي مــا هــما طـــال مشـــواره

[Eva]

طنــط شدعوه مها مسافره أقصى الدنيا !!
هي معك وموجوده بس انكم كبرتوا
والدنيا كبرت معكــم
والمشاغل زادت والهموم زادت
طنــط حبيبتي الجامعه راح تلهــيك عن باقي خوياتــك صدقينـي
انا لولا ان اعز صديقاتــي بنت خالـي وبنت عمــي وخويتــي اللي طول عمرها بيتها جنب بيتنا كان من زمان منهبــله
مع ان هاللي جنب بيتنا لها سنــه تزوجت وسافرت الشرقيــه :(
بس لازم بتظل ذكرياااات ايام المدرســه غير عمرك ماراح تنسيها
طنــط مها موجوده وماضاعات :)


كاااتي أنتي احسن وحده هههههههــ
حزنتيــني وجــع

[sm!le]

\\\ (http://www.eqla3.com/vb/)

طنط


علاقتك بمها علاقه مو عاديه

الكل يتمنى يكون عنده صديقة مثل كذا<<المعنى في قلبي ياقلبي ;)

الله يوفقكم يارب وانشالله فراقكم بالمدرسه مارح يأثر عليكم لأنو مثل ماقالو البنات اللي ردوا قبلي هذا حال الدنيا
الجامعه بتفرقكم
والاشغال بيفرقكم
والزواج بيفرقكم <<<الوعد بعد ثالث ياطنط خخخخخخخخخخخخ

\\\ (http://www.eqla3.com/vb/)



" فطوم " تضايقت ..((قلب))
و" سمر " حاولت تنسى عشان ماتنصدم ..
و" هلا " خنقتها العبرهـ ..
و" سارهـ " لما تتضايق تقلبها ضحك ..

آآآآه منكم

،،^^،، نصفي السادس،،^^،،

قلووووووب واجداااااات:(


وانا من لي في هالدنيا ،،!!
سواكـ ان طالت الغيــبهـ

(( ،، ميب تصيح ابد ،، ))

،،
،،


\\\ (http://www.eqla3.com/vb/)


طنط

احسني الظن دائما في صديقتك الصدوقه_مها_
ولاتتسرعيـن
لأن مالك غيرها

،،
،،

دمتي لمن تحبيــن
دمتي لمن توديـن

عزيزتي


\\\ (http://www.eqla3.com/vb/)


،،
،،

[سيـدو]

آآآآآآآآآآآآآآه ياذكريـــــــــــــــــــــــات

ياحلوها بحلوها بمرهااا

عيت يدي على وداعك تهتدي

هالكلمه لها ذكريااااااااات كثيره عندي pb093 pb093

احيـان تسترجعين شريط ذكرياتك وتبتسمييين .. تحزنين .. تضحكين

ياحلوها من لحظاااااااات

وفجاه تجي وحده من خواتك تقول انهبلت تضحك فجاه >> دايم تصير معاايي :D

أبحث عنها فلا أجدها ... أناديها فلا أسمـع صدى أنـفاسـها يناجيني ...
أطلبها لتحضـر فلم أرى يـداها تربت علي بحنان ... بدأت أصرخ ... أبـكي ..
لكن لافائده ... أ سعفوها .. أ نجدوها .. لاأحد هنا يجيب .. أسـير لاأرى حولي إلا ضجــيج الصمت ...
لا أسمع سوى صفير الرياح المدوي يدخل إلـى أذنـي .. وحراره الصيف التي تكاد تجمد أنفاسي ....
فدخـَل المرتقــب " الوداع " فخطفهــا وذهــَب

:sm1: :sm1: :sm1:


طنط رجعتيني لاجواء المدرسه وانا اقرا موضوعك تخيلت صديقاتي تخيلت كيف افترقت عنهم
تصدقين توقعت اني مها نفس الموقف نفس اللي صار يوم قلت لصحباتي بنقل وبتركم
حزنت على فرقاهم وماحسيت بقيمتهم الا بعد مارحت للمدرسه غير وناس غير جالسه ماعرف احد غريبه
ااااااه تمنييت اني معااااهم اجي بسرعه للبيت ادق عليهم ,, ندى انا جالسه لحالي .. ترد على طيب حاولي تكلمين احد
انا ايه ايه حاولت بس كلهم شلل ماعرفت ادخل واكلمهم ويسولفون مع بعض ويتركوني .. ياحلوها من ذكريااااااااات
بس عادي مانتهت الدنيا تعرفت على ناااااااس كثيرين وصارت علاقاتي واجد وبعدها بسنه نقلت لمدرسه جديده وصار عادي عندي بعدها الجاااااااامعه
ورجعت لصديقتي القديمه اتفقنا ندخل قسسسسسسم سوا مع بعض
بس ماعجبها وحولت وتركتني
مكتوب علينا نفترق
بس خلاص تعودنا ,, والدنيا ماخليت <>> تعرف تواسي :D

طنط

الحياه لقاء وفراق
ياماااا بتمر عليك لحظاااااات فراق ناس ماودك تفارقينهم
وياما ناس بتفارقينهم عشان تعيشين
بس مانتهت الدنيا ان شاءالله تتلاقون ,,صح علاقتكم بتقل بس بتتعودون مع الوقت
وكلن يلهي بدنيااااااااه


طنط الله يجمعك مع من تحبين ان شاءالله
bp039
bp039
bp039

[s n O w]

... .. .


تدريـن طنط .. ، ..
قريت موضوعك المغرب ونمـت لـ الحين ..
ونومتي كلهـا احلام فيكمـ .. :d
وفي " فرقاقكم " و " مبزرتكم " مع بعـض <-- حاقـده ..:d
ماتهنيـت في نومتــي .. :/
المهمـ ..
خلنـا مني .. وطمنـي عليك .. ماأنامـ الليل من خوفي عليك
<-- بعذرها مانامت زيـن .. :d

:

.. " .. طنط .. " ..

الله يخليكـ لـ مهوته .. ويخلي مهوتـه لكـ ..
" مشـوار هالجمله .. :d "


... .. .

[فـريـون]

ما تلاحضوووون شي ...



.
.
.

انوه ولا ولد رد ..<<< وش عليكم ماتقدرون تفارقون ... الواحد ما يرده الا البانزين ...لو خويه بالرياض وهو بالشرقيه ..

طق له مشوار محد يعوقهم ..

وحنا مالنا الا المجمعات .. والمدارس ولا الكليات نتقابل فيها <<< وه بس يادنيا من انتي له

[مجنونه احلام]

/

/

/
ياااااااااااااااااه طنط اقسم لك خنقتيني بعبرتي :(

خصوصا بأسم صديقتك :( مها << pb092 وربي الاسم هاذا له مكانه خاصه بحياتي

الفرق بين مها صديقتك ومها صديقتي ان الفراق بينكم غصب عنكم فرضته الظروف عليكم

pb092 بس اللي صار لي كان بأختيارها pb092 حبيتها من كل قلبي اقسم بالله كانت كل شي بحياتي بس بين يوم وليله قررت من نفسها تنهي كل للي كان بينا من ضحك وجد بكاء وفرح :( ياااااااااااااه يامها ليتك تحسين فيني غيرتي حياتي pb092 مهـااا ارجعي والله راح انسى كل شي بس ارجعي صدق محتاجتك pb092

اختي طنط .. يخرب بيت عدوك مليون مره :sm17: يعني انتي وصديقتك ان شاءالله ماارح تنقطع صلتك فيها .. بيكون بينكم فون ونت فيه مليون صله وصله يعني مو نهاية الدنيا انها بعدت كم كيلو عن بيتكم pb095
وان شاءالله صديقتك تشوف الكلام الرائع اللي كتبتيه واكيد اكيد اكيد انها حاسه بشعورك ناحيتها pb189

الله لا يفرقكم ياااااااااااااااااااااااارب وتظلون صديقات واقرب من الخواتpb189

bp039 bp039 << هاذي لك مع انك بكيتيني :mad:

/

/

/

[@آنسه دولمه@]

شكرا على تفتيح الجروح يالغلا ،
مموضوع مميــز ومآخذ حقه من الردود
< لاتحرمينا جديدكـ > ..


فمان الله

[السد المنيع 20]

للماضي 00 عبقاً جميل

يستحيل علينا 00 نسيانة


تحياتي
السدالمنيع20

[فراشه ملونه]

ياليت ان الزمن يرجع ورا وان الليالي تدور

ويرجع وقتنا الأول وننعم ببساطتنا

نروح للمدرسه بدري
ونضحك داخل الطابوور
نحاول نزعج العالم بروحاتنا وجيتنا
نشاغب بس تميزنا برائتنا


كبرنا وصارت الدنيا تصف احزاننا بدور
وكلن غااارق بهمه


وبالأخر تشتتنا


8


8

هذا ابسط شي اقوله


احمدي ربك على الأقل صديقتك افترقت عنك مغصوبه وبينكم
زيارات اتصالات وقلوووب على بعضها


بلاك الي تفارقت هي وصديقته لأسباب تاافهه


وانتي تقولين قصتك تذكرت شلتي

الحمدلله مازلنا مع بعض ومازلت جلستهم تعجبني ومحبتنا البعض

ونعتبر شله مميزه بالبوفيه من هبالنا ووناستنا وضحكنا



بس مهماااااااااااا كان مو زي قبل ولازي ايام الثانووي


الجامعه غير

وهالسنه اخر سنه لنا وتفرقنا الجامعه

وبعدها الزواج

ولا ندري وش مكتوووب لنا بعده

[t00fee]

الفراق اكره الفراق
كلمه مره تعوور
وواقع يعور اكثر
طنط مافيه شي يبقى على حاله
والدنيا الا ماتتغير انتي اقلمي حالك معاها
ولا تلتفتين لورا شوفي قدام وبس
ربي يحفظك

[سيـدو]

انوه ولا ولد رد ..<<< وش عليكم ماتقدرون تفارقون ... الواحد ما يرده الا البانزين ...لو خويه بالرياض وهو بالشرقيه ..

طق له مشوار محد يعوقهم ..

وحنا مالنا الا المجمعات .. والمدارس ولا الكليات نتقابل فيها <<< وه بس يادنيا من انتي له

نفس الملاحظه

مانقول الا الله يصبرنا


وجه وحده تبي تطلع مو مع صديقاتها مع قريباتها للشرقيه

[تعبت أشتاق]

ياعمري انتي بس

يااختي الان مافيه شي بعيد
عندك الجوال كلميها كل يوم ولو تبين كل دقيقه

واذا مره طقك الشوق خوذي السواق وروحي لها

ولا سولفي معها بالمسنجر<<<بتخفف عنك وماتدري وش تقول

والله من جد صعععععب الفراق بعد كل هالسنين

الله يخليكم لبعض

اجل وش تسوين لو اعرست وراحت لديره ثانيه؟؟

انا عندي عمتي كبري
وهو ماهي شقيقة ابوي
وامها بنت عم امي<<<وهذا اللي قوى علاقتنا اكثر

وتخيلي علاقتنا كييييييييف قوييييييييييييييه

احبها فوق ماتتخيلين
عندها كل سواليفي اكثر من اختي

من الروضه وهي معي
صحيح مو بنفس الفصل بس داااايم مع بعض

بس ولووو

داااااااايم اروح انام عندهم او هي تنام عندنا

وبثاني متوسط توفى جدي الله يرحمه ونقلوا للرياض

راحوا عند اخوانها اشقاءها

ماتتخيلين كيف كان الفراق صعب

ودااااااايم اترجاهم يجون بالاجازه

وكانوا دايم يجون لان شقيقتها ساكنه بمكه عندنا

بس زوج اختها توفى العام
واختها نقلت عندهم بالرياض

يعني الفراق مكتووووووووووووب

بس شايه هم اذا اعرست

اخاف تروح برا السعوديه كلها

وخ ياحبيلها بس

واللي يقهرني اني احس انها ماتحس بحبي<<<<صورة وجه مستحي

(ترى هي عضوه هنا وطلعت كل اللي بقلبي عشان تقراه خخخخخخخخخ<<<<ان كيدهن عظيم)