هل أطلب الطلاق ..... محتاره ومتردده !!! [الارشيف]

أنا عندي مشكلة

22-06-2006, 12:26

احدى صديقاتي في حيره من امرها تعد مشكلتها من اصعب اتخاذ القرار فيها سئلتني كثير كيف لي اعزم واصدر قراري المصري
فطلبت منها ان تنتظرقليل واخبرتها انه يوجد زاويه بمنتدى
يعرض فيه المشكلات فربما رد من احد الردود تجدين ضالتك فلكم القصه

مشكلتي ليست غريبه ولكن فيها عشت قمة العذاب صراع النفس
تعبت وانا ادور في حلقه مغلقه كل الطرق والسبل مشيت فيها
حتى وصلت لوقت محدد اتخذ فيه القرار النهائي

باختصار انا لي اربع سنوات متزوجه ولايوم حسيت اني سعيده
ولاحسيت بطعم السعاده اللي بين كل زوجين
يتيمة المشاعر والاحاسيس حياة اشبه بالعدم يخلو ميها الحنان والحب
والسبب امكن البعض يشوفه غير منطقي او موب ضروري
مادام يوجد البديل عنه وهي الاحترام والموده وسببي هو (اني ماحبيته)
يعني مادخل قلبي من اول ليله شفتها فيه
على الرغم ان بينا كل الاحترام والموده
وكل هالفتره عايشين بوضع عام يخلو منه كل اجواء الرومنسيه وغيرها
واحس حياتي اصبحت قائمه على تلبية كل واحد وجاجبات الثاني
دون الاحاس بالاخر يعني عايشين على الخوف من الله
في ان احد يقصر في واجبه
على انه كان جدا طيب القلب محترم من اللي نقول عنهم
نادر وجود رجال بذا الزمن مثله
في حياتي ماسمعت منه كلمة لا او ممنوع كل طلباتي متوفره
كنت اغيب عنه بالاشهر ماكان يقول ليش ويزعل
مرخي لي الحبل على الاخر والمقابل انه يحبني
او بالاصح مثل مايقول يعشقني كان يقول انا راضي فيك
بكل حالاتك بس ماتفكرين بالانفصال تعبت من كلامه لان ما اتحمل انه
يعيش مرتاح على حساب سعادتي لان معروف الحرمه تحتاج من الزوج
اشياء كثيره اذا فقدتها وش ينفع وجوده
هو بيصير بالنسبه لها وجوده مثل عدمه
حاولت بكل الطرق اني احبه مثلت عليه الحب عشت معه قصة رميو وجوليت
لجئت لكل شي يقربني منه وهو مبسوط يظن ان حالي زان
واني احبه وانا من جوه احترق اعتصر الم وقهر ان متوفر لي زوج مثله
والكل يحلمون بواحد مثله وانا منيب قادره احبه
مع انه فيه عيوب بس مهيب اكبر سبب اكرهه:(
شكيت في امري قلت سحر عين رحت لشيوخ قريت قران
استعنت بالله دعيت سويت حتى فقدت الامل
الكل اتفق ان مافيني شي بس تعب نفسي حاولت مع اهلي
بالانفصال لان حالتي النفسيه معاد تتطاق
بس تعرفون الاهل مايؤمنون بشي اسمه حب مادام يخاف الله فيك
فقدت الامل كملت حياتي معه من برى هالله هالله ومن جو يعلم الله
ايه والله يعلم الله قديش عانيت وشفت العذاب في امور صعب اشرحها لكم :(
المهم اخر شي حطيت حرتي بالانتر نت وعشت ثلاث ارباع حياتي فيه
مشيت بدروب مظلمه ومايحتاج اقولكم وشهي معروفه
بعد فتره صحى فيني الضمير فكرت ليش ادفن حياتي وانا لسا توني
بشبابي ليش احاول اهرب من همومي واطيح في اللي بيدمرني
اكثر النت واللي فيه
تركت النت ورجعت لاهلي وتحملت كلامهم وتهزيئهم حتى انهم قاطعوني
في بداية الامر بس استعنت بالله وصليت الاستخاره
وقلت يارب انا تركت اشياء كثيره عشان مخافتي منك
فعوضني خير منه وبعد محاولات مع زوجي واهلي وبعض الشيوخ
وامور كثير تيسرت
واقتنعو باللانفصال وعطوني مهله افكر وعقب القرار الاخير
انا في حيره من امري انفصل او ارضى بحياتي
على الرغم من اني فرحت في بداية الامر بس حسيت ان ذا القرار
موب سهل مصيري..واكثر شي مسيطر عليه خوفي من الندم:(

كان فيه حديث كنت خايفه منه انه يشملني في مامعناه
(ان أي امراءه تتطلب الطلاق من غير حق تحرم من رائحة الجنه)

سئلت شيخ بعد ماشرحت له مشكلتي قال ان شالله منتي منهم
خفت من ذا لحديث وفكرت وقلت وش نبي
بدنيا زايله مقابل ننحرم من الجنه

الان هم في انتظار ردي ولا اخفي عليكم امكن قليل اقولكم
يتصل عليه ويرسل مساجات باليوم عشر مرات
وانا ما ارد عليه ما ابي اتعبه ولا اتعب معه

اكيد منكم مر بمشكلتي ومثل حالتي ممكن اقدر استفيد من تجربته

وما ادري وش بينكتب لي وشهو المصير من عقبه
والخوف من القادم المجهول

انا في انتظار ارائكم ولو يجي منهاالتخفيفbp039

NawaL

22-06-2006, 12:32

والله نصيحتي لك ، قارني بين حياتك وانت متزوجه وحياتك بعد الطلاق ،
وأخذي كل الجوانب بعين الإعتبار ، من شخصيتك انت هل تقدرين تتأقلمين ع الوضع ،
من محيطك الإجتماعي هل يتقبل الطلاق ، حياتك كيف بتكون بعد الطلاق ،

حطي هذا كله في كفه ، وتوقعي كيف بتكون حياتك ،
وبين إستمرار زواجك مع رجل "" يحترمك & يحبك & يقدرك &
نادر وجود رجال بذا الزمن مثله &يخاف الله "

صدقيني صفات مثل هذي ، عمله نادر وجودها في رجال هالزمن !!

صدقيني أشور عليك أستمري في حياتك معه ،
انت قلت ما احبه ،
لكن ماقلت اكرهه ،

إستمرار حياتك معه مو شي كبير ماتقدرين تستحملينه ،
ع الأقل في حياتك رجل يهتم فيك ، ويهمه كثير سعادتك ،

انت اعرف بوضعك ومحيطك بعد الطلاق وش بيكون عليه ،

هل حياتك قبل الزواج اهون تتحملينها ، ولا حياتك بعد الطلاق !

انا لاحظت انه عندك بعض النقاط ماقلتيها او انحرجتي تقولينها ،
لكن منطقيا ً شاوري عقلك ،
وحطي كل حياه في كفه وشوفي وش الأرجح وتوكلي على الله ،

الإستخاره & الإستخاره & الإستخاره

الله يوفقك ،

الف مليون

22-06-2006, 13:00

ياحبيلــه هالرجــال بس ... مو مقصر معهـا ومعطيهـا اللـي تبــي وبالاخيـر
تقـول انـي ماحبيتــه !!

المهم اخر شي حطيت حرتي بالانتر نت وعشت ثلاث ارباع حياتي فيه
مشيت بدروب مظلمه ومايحتاج اقولكم وشهي معروفه

ايووه هذا بلا ابوكـ ياعقــاب وهذا السطـر اهداء لواحد ببـالي بالصوتــي :)
للأسـف لجأتي للمنتديـات عشـان تفرغي الشحنـه العاطفيـه اللي فيكـ ومن اسلوب كلامكـ
اكيـد انكـ عرفتي فلان وعلان واللي فهمته من كلامك انك كنتي على ذمة الرجال وكنتي تسوين مصايبك
فحسبي الله ونعم الوكيل بس والحين وش ذنب المسيكين تعاملينـه كذى ؟؟ وش قصر ووش سوى ؟؟
ارجع واقول مع احترامي لكـ no more خلاص حرام كفايه اللي سويتيـه بالرجال هذا والله لو درى المسيكين
الله يعينـه وش يبقى من كرامـة الانسـان ياخي والله كلنـا سوينـا خرابيط وكلنـا غلطنـا بس في احترام وفي
حدود مانتعداها والحين هو يحاول يرجعك وانتي عايش غراميات كنتي بالمنتدى !!!

المهم انا انصحكـ نصيحـه اخويـه اتركي الرجال بحالـه هو الحين ممكن ينجرح
لكـن على المدى البعيــد هو بيطلــع ربحـان وكفااااايه خيانــات كفااايــه :)

فتره صحى فيني الضمير فكرت ليش ادفن حياتي وانا لسا توني
بشبابي ليش احاول اهرب من همومي واطيح في اللي بيدمرني
اكثر النت واللي فيه

اشوووى صح ضميركـ وزين انه صح قبل مايصير تاتش من اللي بالنت خبركـ والله في يهـود
عندنا هنا بالنت لاعبيـن لعــب :d

انا في انتظار ارائكم ولو يجي منهاالتخفيف

يعني تبين نطبطب عليكـ !َ! بعض الاحيـان الطبطبه والدلع والمواساة ماتفيـد لازم يجي كلام قوي
عشـان تعرفين قدر الغلط اللي غلطتي فيها على زوجكـ حتى لو رجعتيلـه الحيـن هل بتقوليله
عن اللي سويتيه بالنت والامور هذي ؟؟

البعيـد عن العين بعيـد عن القلب ومادامكـ بعدتي عنـه خلاص هو فتره والله بيسر اموره
ولاترجعيلـه لان احس انكـ ماتستاهلينـه واتمنى لكـ التوفيق ان شاء الله

برايفت لكل امراه متزوجـه خاينه : حتى الشخص اللي تكلمينـه في داخله يحتقركـ ومهما حاول يقول زوجها مو مهتم
او حاولتي تجيبيلـه الاعذار مافي اي شاب اعرفه يحترم امراه متزوجـه تخـون

قشامه محترقه

22-06-2006, 13:20

8
8
8
اول مره اتفق مع الف مليون في رايه

***

اختي انتي حطيتي في بالك ما اقدر احبه ...

الصخر وهو الصخر مع المعامله الطيبه والحنان والعشره يلين وانتي لا

شوفي فيه مثل يقول (( اتبعي مبتسيتك ولا تتبعين مضحكتك ))

يعني لا تتوقعين فيه احد بيجي يواسيك ...

اكيد المحبه من الله بس المسيكين ماقصر معك بشي ابداً يدري انك ماتحبينه ومع كذا مستحمل

اختي ...

والمشكله سلكتي طريق الله يكفينا شره عن طريق النت وبهذي الغلط ركبك من ساسك لراسك ...

اول شي اغضبتي رب العالمين لانك عملتي شي منكر ...

ثاني شي انك خنتي الرجل اللي ماقصر معك بشي ...

شوفي انا مني قايله اتركيه ولا ارجعي له ....

انتي ادرسيها اجلسي مع نفسك جلسه مصارحه روحي صلي واجلسي بمصلاك واسالي نفسسسسك كثير حاسبيهااا

بتلقين الحل ....

اما الطلاق اذا كنتي بتخونين زوجك اللي ماقصر معك بشي فاقول اتركيه احسن لك واحسن له ...

لاحول الله ياربي ...

صرنا نحط هالفراغ العاطفي وهالنخبدزه شماعه لاخطائنا !!!

الله يهدي سرك ويهديك ويلهمك الصواب

تحياتي ..

:)ِ

ولد هجرة لبن

22-06-2006, 13:27

شوفي يا بنت العم
أنا قريت موضوعك أربع مرات وكل مره أطلع بنفس النتيجه
الرجال هذا خساره فيك
أو بمعنى آخر
أنتي ما تستاهلينه
ما ودي أزيد عليك لأن اللي فيك مكفيك pb093
لكن تبين نصيحتي
إرجعي له ولا تفرطين فيه وإتقي الله في نفسك قبل لا تتقينه في زوجك
ألف وحده غيرك تتمنى ظل رجال في هالزمن الأغبر
منهم طبيبات ومدرسات وموظفات بنوك ومديرات أقسام لكن ربي ما كتب لهم النصيب
لا تقولين وش هاللي جاي يعطيني موعظه وهو ما يعرفني
شوفي أنا منيب مطوع ولا ملتزم حتى
بالعكس أنا إنسان طبيعي وإحتمال أكون أكثر أهل الإقلاع معاصي وذنوب لكن شي بقلبي وحبيت أقوله لك ويشهد علي الله إني أنصحك كأنك وحده من خواتي
الله يستر عليك bp039

ذيب الدزليب

22-06-2006, 13:32

فهمت من كلامك انك ما تتقبلينه مره ، حتى انك حاولتي ولا أستطعتي ،،،،
ومن ناحية كلام اللي قبلي انك ماراح تلقين مثله هذا عاد حل اللي قليل حيله ، اللي خلقه خلق مليون غيره ويمكن تحسين معهم بالشعور اللي ما حسيتيه معه ،،
اعتبر انها انانيه لما اتكلم عن الرجل واتجاهل شعورك انتي كأمرأة ، اذا ما حسيتي براحتك وحبك له ، وش تبغين تحسين فيه اجل ، اما اللي أشياء اللي ذكرتيها هو مجبور فيها وبالعكس هذي حقوقك كأمرأة

كان فيه حديث كنت خايفه منه انه يشملني في مامعناه
(ان أي امراءه تتطلب الطلاق من غير حق تحرم من رائحة الجنه)

سئلت شيخ بعد ماشرحت له مشكلتي قال ان شالله منتي منهم

انا مع الشيخ في كلامه .

كملت حياتي معه من برى هالله هالله ومن جو يعلم الله
ايه والله يعلم الله قديش عانيت وشفت العذاب في امور صعب اشرحها لكم

هذا اللي يسمونه يدفن نفسه بالحيا
وش الله حادك على هالحال ، ويوم جا الامر بيدك رفضتي وقلتي افكر
صدقيني ربي راح يعوضك باللي اطيب منه ، ولا تهتمين بكلام اللي يدعون المثاليه هنا وهم ما عاشوا وضعك اللي عشتيه
اعرف شخصيه ممن لهم مكاني عندي يشتكي من نفس الوضع ( تراها اختي عشان ماتقولون جالس يخون ولا يسوي شي بعد <<< يدعي المثاليه مثلهم ويقول وش زودي عنهم ههههههههه ) المهم كانت تشتكي من نفس الوضع ، تاملت في كلامها ، كانت تقول هذا ابسط حقوقي اني احس بالاطمئنان والراحه النفسيه واحس فيه شعور متبادل ، وقالت نفس كلامك انها تصنعت معه قدر المستطاع ، لدرجة انها هي اللي تقوله يافلان مشينا نسافر ، تقول ابغى اصير انا وياه لحالنا ، بحاول قدر الامكان ، وللأسف في الاخير عجزت تجيب هالشعور ، وصدقيني الحياة مهيب تلبية متطلبات واعطائك حرية وبس ، عشرة وعمر ذي
ورجائي ياجماعه اللي بينصح يتكلم عن واقع ويحط نفسه مكان راعي المشكله ، يعني يحس بمعاناته
ويكفي ادعاء مثاليات ، تعبنا وحنا نكذب ، يجي يقول لا تخونين ولا تسوين وهو توه جاي من موعد غرامي
يدعي شخصية وشخصيته الثانيه تقول الله يحلل برجس عندي هههههههه

لان ما اتحمل انه
يعيش مرتاح على حساب سعادتي لان معروف الحرمه تحتاج من الزوج
اشياء كثيره اذا فقدتها وش ينفع وجوده

وكلي الله يا بنت واشتري راحتك ، وراح تتعوضين باللي احسن منه ، منتب ناقصة يد ولا رجل ، ولا انتي اول وحده ولا اخر وحده ، انتي الشي الاساسي اللي تبغينه فاقدته معه ، اما مسألته انه يعطيك وطلباتك اوامر وهالخرابيط ، هذا شي اجباري عليه ، يعني لا تحسبينه جابلك لبن العصفور اللحين ، وانتي قلتي اشياء كثيره اذا فقدتيها وش ينفع وجوده
يعني ما جت الدعوة على انه يعشقك ويريحك ، المسألة اكبر من كذا ، واهم شي فكي عمرك من اللي يدعون المثاليه لانهم للاسف كثار هنا هههههههههههههههههه
يعني انا لو ابي احط مكاني مكان اهلك او زوجك الحالي او انسان يدعي المثاليه راح اقولك اقعدي معه ، لكني حسيت بوضعك فأقولك اشتري راحة بالك وابشري بالعوض ، ماعليك نقص ابد ، وراح يجيك اللي اطيب منه

مع اني ولد ، لكن اشوف انك تمشين على كلام البنات في هالموضوع ، ولا تاخذين برأي اي رجل ، لان البنت هي اللي راح تكون قريبة لشعورك وتحس بأحساسك ، واهم شي ارتاحي من اللي يدعون المثاليه :)
اجل يقول واحد قاري رده خيانه ههههههههههههه ياشيخ طير تكفى

.0البرد0.

22-06-2006, 13:39

الرجال هذا خساره فيك
أو بمعنى آخر
أنتي ما تستاهلينه
اي والله صدقت

هو فيه اكثر من انك تخونينه
رجال وثق فيك وللأسف حط ثقته بغير اهلها

ياليتك تفارقينه لانه من جد انتي ماتستاهلينه

تحياتي

.0البرد0.

EMILY

22-06-2006, 13:56

من اجل زوجك.....الانفصال افضل.حل :rolleyes:

مثلتي على زوجك بالحب
ومن كلامك خنتيه او سويت بلاوي مع اللي في النت..

.رحمت زوجك كثييير..عطاكي الحب واللي تبغيه
حرام تعيشيه بوهم ...مايستهال pb093

مو شرط اللي يكتب مشكلته هو الضحيه.. والطرف الاخر ماله مشاعر !!

والله يوفقكم لحل يرضيكم ويكون فيه خير عليكمbp039

الهلي

22-06-2006, 13:59

احصائية قبل فترة بجريدة الرياض...
نسبة كبيرة من الازواج مايحبون زوجاتهم..
ومع ذلك عايشين..

شوفي يا اختي..

لاتتوقعين كل الازواج يحبون بعض..
فيه شي اسمه راحة نفسية تجاه الاخر..

مقدر وضعك..وانك ماتتحملينه..
لكن مثل مواصفات رجلك..كثيرين...بس صعبه تلقينهم...

لاتنسين انك تبي تصيرين مطلقة...ووضع المطلقة مايخفى عليك بمجتمعنا..

اخيرا:

لاتعذبين زوجك معك..اذا كنتي ماترتاحين ابداً..
اطلبي الطلاق..واقعدي عند اهلك..قبل مايجيكم عيال وتتفرقون والسبب انتي....

والله يعينك على التعب بعد الطلاق...

خاص :

بدخولك للانترنت اصبحتِ :

كالمستجير من الرمضاء بالنار

عــــروق نجـــد

22-06-2006, 14:02

ذيب الدزليب

22-06-2006, 14:12

هي بذلت جميع السبل والطرق الي ممكن تخليها تستمرفي هالزواج
لان الحل بيدك وبيدك انتي وبس

:)

يكفي مثاليه ياجماعه :)

لو بجلس احكم على ناس هنا ياللي تدعون وحكمتوا على البنت وقعدتوا تفسرون تفاسير مدري من وين جبتوها ( يمكن من منظار كلن يشوف الناس بعين طبعه pb192 )
كان حكمت على ناس هنا بالشنق:D

ابو لمخه

22-06-2006, 14:13

اُختي العزيزة ..

أبرد عليك وأنا ما قريت الردود إلا رد الاُخت نوال فأي تشابه بالردود نرجو المعذره .

الاُخت قالت إنها ما حبت الرجال ولا تطيقه مع إنه موفر لها كل شي !! أنا أعتقد إن هالزوجه ( ممكن ) كانت تفكر بزوج شكله كذا ومواصفاته كذا ولكن للأسف لم تجد ما كانت تتمناه ( أقصد الشكل ) وسؤالي هو .. لماذا لم تُحب زوجها وهو موفر لها كٌل شي ؟!!

الأمر الآخر واللي هو أكثر أهمية وخطورة من وجهة نظري هو الإنترنت والعلاقات والدروب المٌظلمه كما ذكرت .. و أعتقد أن هذه هي من أكبر المصائب .. لأنها ستجد من يتلاعب بمشاعرها .. وأنه متعاطف معها وهذا الشي يزيد الفجوه والمُشكله مع زوجها .. ونصيحتي أن تبتعد عن كُل هذه الأمور وما يقرب منها !!

الأمر الأخير كما ذكرت الأخت نوال وهو أن تنظر هذه الزوجه إلى حالها بعد الطلاق .. فلو تم الطلاق لا قدر الله .. فالكُل لاُبد أن يتحدث وتصبح هذه الزوجه حكاية على كٌل الألسنة .. ونحن مجتمع لا يرحم للأسف خصوصآ في النظره للمرأه المُطلقه !!

أتمنى لها التوفيق والهدايه .. وأن يُيسر الله أمورها وعليها بالصبر لعل الله يحدث بعد عُسرٍ يٌسرا .

تحياتي .

ياشينكمـ

22-06-2006, 14:28

شوفي أختي ...

ماعليك من كلام المتعصبين وأهل النفخه الكذابه اللي يقولون ما لا يفعلون و ما حسوا بوضعك ولا يدرون عنك
وعن معاناتك. الحب شي أساسي والشعور بالأمان والراحة مافيه شي بالدنيا يعوضه. الحل والقرار بيدك انت ماعليك
من الناس محد بينفعك. أنت أدرى بنفسك.. أسألي نفسك تقدرين تعيشين مطلقه؟ تضمنين يجيك افضل منه أو تحبينه؟
تقدرين تتحملين مشاكلك مع أهلك ونظرتهم لك وخسارتك لأشياء كثيره بعد الطلاق؟ فكري زين ولاتتسرعين وعيشي
وضعك بعد الطلاق وحطي نفسك في هالوضع وشوفي اذا بتتحملينه ولالا؟ وإذا كنتي يا أختي متقبله زوجك وتحسين
ناحيته ولو بنسبه بسيطه من الحب لاتتركينه وتندمين أستغلي هالجزء القليل وكبيره واقنعي نفسك فيه وتقربي منه
وإذا كان تصورك للحب أنه العالم الوردي اللي مافيه مثله مثل ماتشوفين في الافلام والقصص فأنا أقولك ترى
هالشي مو موجود مع الاسف في زمنا ومشكلتنا عاطفتنا الزايده أنتبهي من هالشي ولاتخلينه يدمر حياتك.

نصيحه من قلب : تقربي من الله في آخر الليل وادعي وأستخيري وتصدقي
وأبعدي عن زوجك فتره طويله بدون طلاق وصدقيني الله بيلهمك الحل.

الله ياخذ بيدك وينور لك دربك ويكتب لك اللي فيه الخير لك وله.

أحترامي لـ ذيب الدزليب bp039
كفيت ووفيت

Juhaina

22-06-2006, 15:54

علمتني الأيام

22-06-2006, 15:54

الله يكون في عونك والله لو كنت واثقه ان اللي اعرفها مالها بالنت ولا كان قلت هاذي أنتي!!

من أغلى الناس عندي وحده تعيش نفس مأساتك وجاها نفس اللوم اللي جاك هي أختارت الطلاق

بعد مده طويله شوي كانت بكائها في هالمده أكثر من ضحكها وجلستها في بيت أهلها أكثر وقتها..

بعد ما ابتعدت عنه 3 شهور اختارت الطلاق ...

تقول عشان ولد الناس وعشاني من حقه يعيش مع وحده تريحه ومن حقي اعيش مع شخص اقتنع

فيه..اذا كان استمرار زواج بيدفعك لحلول أنتي من نضرك تشوفينها غلط استشيري في الأمر..

أبعدي عنه مده وقيسي حالتك النفسيه...

نصيحتي ....

فترت ما بعد الطلاق صعبه أذا بتصيرين قدهـا فالله يعينك وتذكري ان الفرصه للبنت ما تكرر

مرتين لازم تكونين صامده قدام القريب قبل البعيد وأمور كثيره بتغيير لم تكوني مطلقه

صحيح ممكن يكون الطلاق بدايه لحياة سعيده بـس أنتي في الأول والأخير الأساس في أتخاذ

هالقرار ...

والله فاهمه شعورك وربي يعينك على المجتمع..

صلاة أخر الليل والدعاء أثناء السجود وسورة البقره أحسن مسكن في حالتك...

البحه

22-06-2006, 16:25

صراحه انا شفت موضوع مشابه لذا بالقهوه بس مع الاختلاف
ذيك اللي بالقهوه خانها زوجها والردود كانت تقول لاتخلينه تمسكي فيه ومن هالكلام
عشااان تصير هي (( الوفيه ))

وهينا يوم ذكرتي انتس تعمقتي بالنت او مثل مافهمت من ردودهم انك خنتيه .. وقالوا هو مايستاهلك
واتركيه لانتس خاينه .. ومن هالكلام ..pb093

الى متى يغفر لااخطاء الرجل والمرأه لا ! وتوصف بمواصفات مالها حدود ..

ماعليناا .. بس انا بقولك انتي حاطه ببالك مواصفات براسك وتفاجئتي فيه ..
وهو مو مقصرر .. ويجيب لك كل طلباتك .. الاختيار لتس .. استخيري .. واحد مثل مواصفاته
الناس يحلمون فيه .. بهالوقت الناس يدورون لبناتهم واحد اهم شي يصلي .. واخلاقه حلوه
وهم نادرين للاسف ..

اذا رجعتي له خلك احسن من اول لاترجعين وانتي مغصوبه والى ماتبينه
ارجعيه لحب فيه وعوضيه اللي فات ولاتذكرين له اللي صار بالنت او اي شي .. واذا منتب مسويه هالشئ لاتعلقينه فيتس وخليه يشوف دربه ويتزوج ويوفقه ربي ..

الله يستر عليتس ويوفقتس .. واستخيري الخيره فيما اختاره الله .. bp039

سليمان

22-06-2006, 16:31

"إن ابغض الحلال عند الله الطلاق" هذا اولا

ثانيا : ياليت تجلسين تفكرين لحالك ..وتحطين نفسك مكانه ..ووش بيكون شعورك !!

ثالثا: تعرفين شي اسمه مصارحه ؟ ما ادري ليه ماتصارحينه بكل شي !!

رابعا: في ظل رفض اهلك وتهزيئهم ومقاطعتهم ..هل ترين انك لاصرتي مطلقه احسن؟ يعني وضعك مع اهلك افضل من وضعك مع زوجك؟

خامسا: وش اللي تبينه بالضبط من الزوج؟ اكثر من انه رجل بمعنى الكلمه يحبك ويعشقك ..شاريك ويبيع الدنيا عشانك !!

سادسا : انتي تدرين ان وضعك الحالي ومع هالزوج افضل من 80% من المتزوجات ؟

سابعا : تقولين انه نادر وجوده وفهمت من بعض كلامك انك تبين توصلين لنا انك ما تستاهلين رجل زيه..طيب بناء على هذا اكيد تستاهلين رجل اقل منه قدر .. فوش الرجل اللي يناسبك بالضبط وتحسين نفسك بترتاحين معه ؟

ثامنا: لو تزوجتي ثانيه هل تضمنين انك بتحبينه؟ والا بتصيرين زي كذا؟

تاسعا: هل عشتي تجربه مع حب سابق ؟ بحيث معد صرتي تثقين بأحد ..او سبب لك هزة نفسيه !!

عاشرا : تقولين .. انك ماتدرين وش بيصير عقبه وتخافين من المجهول .. وش هالمجهول اللي تخافين منه ؟

نصيحتي لك هي: راجعي اقرب دكتور نفسي ..انتي وزوجك مع بعض ..او على الاقل كلمي دكتور نفسي تلفونيّا واشرحي له كل شي ..ماراح تاخذ المكالمة نصف ساعه بس بتطلعين بنتايج حلوة صدقيني وتجرأي لو هالمره موب ضارك

ونسأل الله ان يفرج كربتك وينير بصيرتك ويرزقك على قدر نيتك ..ونسأله باسماءه الحسنى وصفاته العلى ان يمن عليك برأي سديد وقرار رجيح يخفف مصابك .ويزيل مابك من هم وغم .. .ونتمنى لك السعادة والتوفيق إن شاء الله دنيا وآخره

الف شكر للمشرفين والمشرفات

مسعودةعمةالعنود

22-06-2006, 17:33

اقول لصاحبة المشكلة من يضمن لك بعد الطلاق انه بيتزوجك واحد يحبك وتحبينه ؟؟
او على الاقل واحد محترم وطيب مثل اللي انتي متزوجته الحين .
برأيي ان صاحبة االمشكلة طماعة وانانية حصلت على زوج طيب ويودها ويحترمها وما كفاها تبي زيادة على كذا
ان تعيش حالة عشق .بصراحة من حق كل انسان ان يطلب الحب والعشق لكن مو على كل حال يلقاه .
وان لقاه لن يرتاح لانه كتب على الانسان المعاناة والشقاء قال تعالى (لقد خلقنا الانسان في كبد )
صاحبة المشكلة تبحث عن الكمال والراحة في الحياة ولن تجدها .
لكن نصيحتي لها بان تعتق هذا الرجل من براثن استغلالها وجشعها وتتطلق منه لعله يتزوج امرأة تستحقه بإذن الله .

ميادة

22-06-2006, 17:40

الفكرة الي في راسك .. ماحبيته ولا بقدر .. وحياتي معه ظلم لي \ له ..
مابتتغير ابدا الا اذا حققتِ الحل الي راسخ في فكرك - الانفصال -
يعني لو ضغطتِ عل نفسك وعشتِ معه بتقعدين على طول حاسة انك ضحيتِ بسعادتك
و مافكرتِ في نفسك , و لازم يكون ممتن لك على بقائك معه !!

القناعة مهمة .. وانت قناعتك في انك تتركينه ..
مابقول لك ان تركك له خسارة لك انتِ لان الي في داخلك شيء مخالف
وانت مقتنعة فيه تماماً ..

اتخذي قرار حازم مادمتِ عشتِ معه وقت طويل ولا تغير شعورك ..
انفصلي عنه ..
يمكن لما تحسين انه ضاع تماما من يدك تحبينه في الوقت الضايع ..
ولا لما ترتبطين بغيره تعرفين وش كان شعورك وش مطلبك واذا كنت على حق
في تصورك للحب ولا لا ..
الدنيا مدرسة .. صحيح بعض الدروس تكون قاسية جدا لكن مضطرين نتعرض لها
علشان نتعلم نعيش صح ..

الله يكون معك وينور لك الطريق الصحيح .

ام الغالين

22-06-2006, 18:13

الحياه الزوجيه ماهي مثل المدينه الفاضله
والدنيا ماتعطينا كل شي فلازم نضحي علشان نعيش وصدقيني لو انكي حاولتي انتي تحبيه وتعيش معه راح تحبيه والشي هذا بيدك انتي وانتي بس وانصحك خليكي مع قردك لايجيك الاقرد منه
وفي الاول والاخير استخيري ولاخاب من استخااار ولازم تكوني مقتنعه باللي قسمه ربي لان الله يقسم لنا الخير داااايم
وحبيت اوضح انه اصعب سنين الحياه الزوجيه هي ال5سنين الاولى من الزواج وبعدها كل شي يتغير مع الوقت وتحسي انكي ماتستغني عنه ولا دقيقه
الزوج مادام يحب زوجته ويحترمها ولا قد جرحها ولا اهانها هذه تخلينا نحبه
لو انتي مع مديرة عليك في شغلك او صديقه ولا قد اهانتكي او احتقرتكي مابتحبيها ويصير لها غلا خاص فالزوج يحتاج اكثر من كذا
لا يغرك الكلام اللي تسمعينه من الشباب اذاكنتي تكلمي احد او من بنات لهم اصدقاء شباب طبعا لازم يغرقها بالكلام الحلو مثل ياه الدنيا من غيرك ماتسوى او حياتي بلاكي سلطه
كلها فبركات
في بعض رجال يحبوا وما يعرفوا يعبروا عن حبهم انتي شدي بيده وعلميه اذا سمع منكي الكلام الحلو راح يتعلم ويقلد
انا ادري اكثر البنات تبي زوجها يقولها انا من غيرك ولا شي انا احب التراب اللي تمشي عليه انتي حياتي وعمري صدقيني بشوي مجهود هذا كله راح يطلع ويغرقي من الكلام الحلوا والمعسووول اذا هذا بيخليكي تطيري وتصيري تحبينه
لان الطلاق صعب صعب ولازم نضحي علشان نعيش

واولا واخيرا اقول استخيري ربكي فما خاب من استخاااار
وبالتوفيييق

الطرماااااح

22-06-2006, 19:40

لا تفرطين فيه ابدا..

وعفا الله عما سلف..

والحب عالم واسع وكبير وله مسببات ومهيئات قد تطول..والحب كإطار عام.. يتسع لاشياء كثيره وليس مقصور على الشعور العاطفي او الجاذبيه للشخص منذ بداية الحياة الزوجيه..المعامله الحسنه والتراحم والرفق..والاحترام واشياء كثيره كلها محفزات واطار عام لنشؤ موده وعاطفه ربما تكون نواة لبذرة حب تنمو في المستقبل..

ربي يوفقك

jorry

22-06-2006, 19:59

غريبه حالتك ...
أتصور اني لو عشت مع شخص ماتقبلته مره ... سبحان الله العشره راح تحببني فيه غصب .. يعني بيجي يووم وتلقين نفسك تحبينه وتحتاجينه ... خاصه اذا جبتي عيال ... :)

استخيري ... وشاوري نفسك ألف مره قبل لاتقدمين على هالخطوه الجريئه .. فكري بالموضوع من جميع النواحي .. حالك كـ مطلقه هل بيكون أفضل من حالتك الحين .. أو اذا تزوجتي مره ثانيه وهذا الأقرب .. هل بتحبين الرجل الثاني اللي تزوجتيه .. طيب إذا ربي كتب انك ماتحبينه ... بتطلبين الطلاق مره ثانيه ...؟!

وشوفي فيه شي أسمه عدم تقبل الطرف الآخر ... وفيه شي أسمه (كـُـره) اذا انتي تكرهينه يعني على قولتهم ماتتحملين حتى انك تحطين عيونك بعيونه او انك تحاكينه و قلبك يكرهه بقووه من غير طوعك .. فـبهالحاله ماعيك لايم .. لأني ماتوقع بتقدرين تعيشين معاه .. وماأحد راح يلومك ...
أما اذا كانت المسأله عدم تقـبّـل له .. يعني ماتحسين بهذاك الحب والوله والشووق له ... فأقولك ياماااا وياااما أزواج هنا عايشين معانا مثلك وأردى .. بس ماشيه حياتهم.. وأبدا ماشوف هالشي من مسببات الطلاق ... صح انه راح يأثر شوي بحياتهم .. لأنه ماراح يكون فيها الحب المتبادل من الطرفين ... بس بنفس الوقت أبدااا مايوصل لدرجة الطلاااق .. :)

أنا أشور عليك تبقين معااه .. وتدعين ربك .. من كل قلبك أن الله يجيب الموده بينكم.. ويألف بين قلوبكم .. وأنك تحبينه كثر مايحبك وزوود :)

الله يوفقك bp039

يوسف

22-06-2006, 20:05

استغرب من الي يقول خنتيه و انتي خاينه لاحظوا هي ما وضحت وش سالفتها مع النت
وش صار لها فيه .
ما طرحت مشكلتها عشان تقولون لها انتي على خطا !! لانها هي معترفة بهالشي وتبي
الحل الي يرضيها ويرضي زوجها .
هي بذلت جميع السبل والطرق الي ممكن تخليها تستمرفي هالزواج ولما شافت انها ممكن
تنحرف انتبهت لنفسها وانتشلتها من مشاكل الله اعلم بها . ليه نجي حنا و نهاجمها بدال
ما نوجهها ؟ هي الان بالطريق الصحيح وخايفه ونادمه وتائبه وانتم بكل بساطه صرتوا
الحكم والسيف والجلاد ..
يا قولوا خير والا اصمتوا .

مو ذنبها انها صارت الطرف الي كره والزوج هو الطرف الي عشق وحب
ومعروف المُحب يغفر للحبيب الزلات والعيوب .

ما عندي لك حل لان الحل بيدك وبيدك انتي وبس bp039

bp039

ـــــــــــــــــــــــــــــــــــــ

اختي الكريمة .. أحمدي الله انه طلعك من النفق المظلم الي انتي فية ولاتطورت مسألة الخيانة لزوجك
مسافة بعيدة ( مع ان الخيانة خيانة سواء كانت صغيرة أو كبيرة ) .. أستغفري ربك وتوبي له
كود يطهر لك قلبك وينور لك الطريق الي تسلكينة في سبيل سعادتك وسعادة زوجك

؛

ماراح اعلق على حركاتك الي في الانترنت لانك بشر يصيب ويخطي .. وانتي أخطيتي وحسب
كلامك انك ندمتي وهذا شي زين ان الواحد يعترف باخطائه ويتمنى الرحمة والمغفرة من الله
ولو انك طالبة الرحمة من بشر مثلك .. صدقيني اقرب حفرة للنار راح نرميك فيها ثمن نروح
نرتكب مثل الي سويتيه واكثر لاننا نحمل أكثر من وجه وقناع نستخدمه في كل الاوقات

؛

صدقيني ياختي مافي احد قادر ينفعك في مسألة شخصية القرار فيها لكي انتي وحدك .. لانك
تعرفين الحسابات الي في بيتك ووين بيودي قراراك للطلاق ووش النتيجة الي بيترتب عليها

؛

أختي الكريمة هل الطلاق هو الحل الوحيد في نظرك؟
وهل تتوقعين ان الرجل الي يشعرك بالحب والرومانسية راح يدق باب بيتكم اول ماتخلص عدتك
ويأخذك بهالسرعه .. ؟ الطلاق مهوب حل يابنت الناس .. ولو هو حل ناجح كان استخدموه غيرك
من الزوجات الي صابرين على اذيت أزواجهم لهم ومشاكلهم فيما بينهم .. الحرمة المتزوجة الي تتعرض
لاذى جسدي وشافت مشكلتك راح تحقد عليك وتعتبرك تافهة لان عندك نعمة الي هي زوجك ماأحترمتيها
ولاشعرتي بقيمتها ..
؛

عندك زوج فيه مواصفات أي بنت تتمناها .. رجال ينشد فيه الظهر وملبي طلباتك ومحترمك
وش تبين أكثر من هذا ؟ الحب والرومانسية والاحلام الوردية الي تقرينها في الروايات وافلام الفيديو

؛

من حقك انك تطلبين بشي من الحب والرومانسية في حياتك .. هذا أمر طبيعي في البشر لزوم
السعادة وراحة البال والشعور بالطمانينة .. بس مافكرتي ياختي كيف تخلين زوجك ينتبهلك
ويقدم لك كل الي تطلبينه .. المفروض هذي المطالب انتي بنفسك تستنبطينها من زوجك باي
طريقة ممكنة .. أفتحي قلبك لزوجك وقوليله كل الي في خاطرك .. ممكن تلقين عنده حل
لمشكلتك .. حياتكم عايشينها باحترام ومودة وراحة بال .. ليش ماتخلين هالحاجات بذور
تزرعينها في قلب زوجك وتحصدينها بعدين ويحقق لك كل الي تتمنينه

؛

خلي الطلاق أخر حل اذا استنفذتي كل الحلول المطروحة أمامك .. واي فرصة قليلة أستغليها
وحاولي تنميها .. ممكن تكون حل ينور لكم حياتكم

الله يوفقك ويتوب عليك وعلينا .. ويوفق زوجكbp039

S A D

22-06-2006, 21:05

وش تبين أكثر من كذا؟ :(

إذا ما ارتحتي مع زوج يحبك ويعشقك تتوقعين إنك راح ترتاحين وأنتي مطلقه؟

السد المنيع 20

23-06-2006, 00:36

أقبليه على علاته

أقبليه بحلوه 000أقبليه بمره

خليه بكل ما تعني هذه الكلمة 0000 بكيفه

يبقى هو زوووووجك

يبقى هو حبيبك

يبقى هو قطعة منكِ

قالتها :

ثم 000 بكت 000 بكاء 000 يقطع القلب

بعدها

قالت : بصوتاً مبحوحاً و متحشرج

مع السلامــــــــــــة

قلت لها : في أمان الله 0000 الله يحفظك

الله أكبر 000 االله أكبر

نادى منادي الصلاة

في هذه اللحظة

حقاً

الله أكبر 000 الله أكبر

قفلت وقفلت أنا سماعة الهاتف

وأنا حزينة جـــــــــــــــــــــــــــــــــــــــــــــــــ ــــــــــــــــــــــــــــــــــــــــــــداًً

وأرثي لحالها

فجأة 000

كان َ 0000 صرحاً فهوى

حزني 000 كان كان بإندهاش يوم قالت لي : وهي تقف بجانبي

لازلت أتذكر مكان وقوفي وأنا أبحث عن معاملة حتى أصدررررها

قالت بصوووتاً منخفض جـــــــــداً 000 سأقووول لكِ شيئاً

أررجوك ِ

أسمعي وأنتِ ســــــاكته

ثم قالت : أنا 00 تطلــــــــــقت

طبعاً

صددمت 000 ونظررت إليها بإندهاش 000 تعجب 000 مشاعر مختلطة 000 هزززت كياني

نظرررت إلي وقالت : للحديث بقية

وهو كذلك

كنت أتكلم مع الزميلات

وأناقش بعض الأموور مع المراجعات

وأنا في عالماً آخر

إلى أن رجعت إلى المنزل

وأتصلت بها

بدأت أنا الكلام

عزيزتي

لازلت مدهوووشة 0000 ومشوشة الفكر

قلت وقالت

قلت لها أنا أعرفكِ منذ سنتين 000 وفي خلال هاتين السنتان 000 لم أسمع منك ِ

إلا

زوووجي يُحبني 000 وأنا أحبه

ولم أسمــــــــــــع منكِ إلا كل خير عن زووووووجكِ

أنا صدددمت بما سمعتُ منكِ

ماذا قالت :

قالت :

كلمتها ليتها 0000 تخــــــــــــــــــــــــــــــــــــــــــــــــ ــــــــــــــــط بمداداً من ذهــــــــــــــــــــــــــــــــــــــب

أنا
إن عليتُ زووووجي كنتُ أنا العاليه

وإن

أنا وطيت ُ زوووجي كنتُ أنا الواطية

هو ى هذا الصرح

وذهبت إلى أهلها

ولازال بيننا إتصال

وبعد خمس سنوات من الطلاق

قالت :

أقبليه بكل مافيه

!!!!!!!!!!!!!! 000000 ؟؟؟؟؟؟؟

تحياتي
السدالمنيع20

لم ينتهي الكلام

بسولفلك وبشكيلك

23-06-2006, 00:44

عــــروق نجـــد
جهينه
البحه

ردودكم اعجبتني
وانا معكم:)

حاطه دوج

23-06-2006, 00:54

السلام عليكم
أهلين أختي
أصعب شي انك تعيش مع أحد ماتتقبله والأصعب أنك تتعامل معاه على هالأساس
ليش ماتحاولين انك تتقبلينه وتحبينه النفس مع من أحسن إليها وهو أحسن لك ليش ماحبيتيه
وشوفي الحب مو ضروري على طول هذى كلام مسلسلات فاضي
الله قال مودة ورحمه اذا عدم الحب تبقى الرحمه
أتمنى أنك في جوف الليل تصلين وتدعين الله يصلح حالك ويهديك واستخيري وأكثري وتحري أوقات الإجابه وادعي الله وأنتي موقنه بالإجابه
وشي مهم ليش نتوقع ان النت والعلاقات فيها حل لمشاكلنا؟؟
بالعكس انا نكبس عالجرح ملح وغير كذا اننا نغضب ربي وهو بيده الحل والله اغير على محارمه من اي احد زوج اخ وخلافه
همسه
الدنيا متاع وخير متاعها الزوجه الصالحه
اصلحي مابينك وبين الله يصلح مابينك وبين الناس

واخيرا اتمنى ان يفرج الله كربتك ويزيل همك ويفتح لك رزقه وان يصلحنا واياك وجميع المسلمين

ضي القمر

23-06-2006, 01:59

أول حاجة وأهم حاجه ما ذكرتيها !..

هل عندك عيال والا لا ؟؟؟

لأن هالنقطه هذي بتغير النصيحه 180 درجه .. وبتقلب الوضع كله

لو عندك عيال .. انتبهي تفكرين في موضوع الطلاق .. شيليه من بالك (نهائياً) .. بمعنى "نهائياً" !!
لأن ماتتخيلين قد ايش انفصال الزوجين يأثر على الابناء
وفي هالزمن صعب تلاقين رجل مثل هالرجل .. تضمنين انه بيكون كويس مع ابناءه ويراعيهم ويربيهم (انا هذا اللي حسيته من كلامك عنه)

أما لو ماعندك عيال
فـ ماراح انصحك بشي فوق طاقتك ..
اذا شفتي انك منتي قادره تعيشين معه فـ اطلبي الطلاق ... و (لا يكلف الله نفساً إلا وسعها)

بس نصيحتي لك فكري باشياء كثيره قبل ..
صدقيني فيه اشياء كثيره ماتضمنينها بعد الطلاق
أولا.. وضعك بعد الطلاق وعيشتك في بيت اهلك كيف بتكون
ثانيا .. هل تضمنين انك راح تتزوجين بعده؟؟
ثالثا .. لو تزوجتي بعده .. هل تضمنين ان اللي بتتزوجينه بتحبينه ؟؟ وانه راح يكون كويس معاك ويعيشك نفس عيشتك الحين ؟؟ والا راح تتحسرين وتقولين (ياليت) !

وغير كذا كثير اشياء تستحق انك تفكرين فيها ألف مره قبل ماتتطلقين

اللي أشوفه ان الرجال هذا ينشرى .. يكفيك انه (يحبك ويعشقك)
ويكفي انك عايشه عيشة ألف بنت تتمناها

نصيحتي لك هي: راجعي اقرب دكتور نفسي ..انتي وزوجك مع بعض ..او على الاقل كلمي دكتور نفسي تلفونيّا واشرحي له كل شي ..ماراح تاخذ المكالمة نصف ساعه بس بتطلعين بنتايج حلوة صدقيني وتجرأي لو هالمره موب ضارك

بس في النهاية انتي بشر .. ولك قدرة محدوده على التحمل
لو ماتقدرين تتحملين تطلقي
والله يكون في عونك يارب

من الردود اللي قريتها وأعجبتني
رد (ذيب الدزليب) .. و (عروق نجد) .. و (سليمان)
ركزي عليهم وأحس هم اللي عندهم الرد المنطقي والعقلاني

ونسأل الله ان يفرج كربتك وينير بصيرتك ويرزقك على قدر نيتك ..ونسأله باسماءه الحسنى وصفاته العلى ان يمن عليك برأي سديد وقرار رجيح يخفف مصابك .ويزيل مابك من هم وغم .. .ونتمنى لك السعادة والتوفيق إن شاء الله دنيا وآخره

:)

ذيب الدزليب

23-06-2006, 03:37

اكرر عليك
اتركي اي انسان يدعي المثاليه على حسابك ، لأنهم يتوقعون انهم في مسلسل مصري والكل يبغى يطلع البطل والطاهر على حساب قصتك :)

L G

23-06-2006, 04:21

برايفت لكل امراه متزوجـه خاينه : حتى الشخص اللي تكلمينـه في داخله يحتقركـ ومهما حاول يقول زوجها مو مهتم
او حاولتي تجيبيلـه الاعذار [COLOR="Red"]مافي اي شاب اعرفه يحترم امراه متزوجـه تخـون

اوافق كلامك pb071 100%

اصلاً من متى الولد قام يحترم البنت اللي يكلمها بالتلفون او النت
يوم يجيب طاريها قدام خوياه يلقبها بالفاظ قذره...واحيانا الطف مايقوله عنها "****"
لا وتتعب لمى يجيك واحد من فرسان المنتديات يهايط على البنت ويسوي نفسه ملاك نازل من السما
اذكرلك منتدى عطوني اشراف عـام فيه...وكنت افتر بلوحة التحكم والقى لك واحد (اعرفه عز المعرفه) منهم شغال
بالخاص يرسل لهذي وهذيك واللي هناك...ادري الحين يجي واحد ينط بوجهي يقولي شلون تشوف الرسايل بقوله انا مركب المنتدى...المنتدى اغلب اعضاءه بنات...والولد شغال شكراً على الموضوع الروعه ومادري شنو طيب ياحقير دامك تشكر على الموضوع ليه ماشكرتها بنفس الموضوع :sm4:
واحياناً يرسل نفس الرساله لاكثر من بنت...والبنات مخفات:D
سوري اسمحولي بهالكلمه على طول هاتك يارد على الرسايل
ويتشبك الايميل وربي يحلها...المهم انكتب موضوع بالقسم العام اسم الموضوع "هل تتزوج بنت تتعرف عليها على النت"
او من هذا القبيل واخيــنا بالله يدخل ويكتب المعلقات والقصايد والاشعار واني احترم البنت كيف ماجت
وان البنت اذا اعجبني اسلوبها وتفكيرها وكذا ومذا يمكن ارتبط فيها واتزوجها ومن هالخراط
والولد اعرفه معرفه شخصيه...سلتوووح جحووود...وبالعربي خاااااااااااااااررررووووووووووووف نصاب
ابو القاب وسسسسخه هذا...باختصار انسان عايش عاله على نفسه حياته تعيسه...طموحه يشبك بنت بالمنتدى
ويبدأ مشوار النصب والمثاليــه وانا انسان احترم البنت اللي واثقه من نفسها وماعليها من احد
واذا اخذ حاجته ولا عجبته نشر ايميلها ولا رقمهااا وانتى وراح يدور عن بنت ثانيه
والمشكله :( "يصدقووون"
الولد هذا بصراحه تعبت نفسيتي منه وكرهت المنتدى وراعيه وطلعت وخليتهم يسرحون ويمرحون pb131

ادري اني شطحت في رد طويل ماله سنع لكن والله هذا اللي بقلبي على البنات
وبالنسبه لمشكلة الاخت "ياريت تذكرين عيوب بالرجال عشان نقولك اتركيه !! "

:sm18:

بس هذا اللي اقدر اقوله واسمحولي على الاطاله

سعودية

23-06-2006, 04:23

نصيحتي لك لا تتطلقين الي فيك مع الفظوة اشغلي نفسك في عمل مفيد مثلا روحي تحفيظ ظاربي بها الاسهم دوري وظيفة
واسمعي مني تراك ماشاء الله تبارك الله في نعمة وش تبين اكثر من الاحترام وانه مايحقرك وعازك انت في نعمة ماشاء الله
بس حاولي تسولفين معه اقترحي عليه تسافرون ولا تنسين الدعاء اخر اليل ادعي ربك بانه يوفقك ويسعدك وانا شايفة ان حياتك سعيدة بس انت يمكن ما اقتنعتي

زي ماقلتلك سولفي ونكتي وتميلحي صدقيني بتحسين الدنيا غير

ولا تنسين اقنعي نفسك وقولي انا مبسوطة واحبه وعقلك الباطن راح يصدق يعني العبي على روحك العبي على عقلك الباطن وانت مقتنعه او اقنعي نفسك راح تتسنعين بامر الله

وغيري من اللوك تراه ياثر على النفسية واذا غيرتي اساليه عن رايه دائما سولفي وخذي ر