عرض كامل الموضوع : يا اهل السعوديه......مساعده قانونيه....
السلام عليكم ورحمه الله وبركاته
شوفوا انا ببدا بالموضوع على طول
وحده من قرايبي متزوجه سعودي من الاهل
وتطلقت منه ونتج عن هذا الزواج ولد وبنت عاشوا مع امهم بالكويت
لما جا عمر البنت 16 اخذها ابوها بحجه الزياره لاهلها وزوجها ولد عمها غصب
وخلى الولد لامه المهم الولد حاليا متزوج واخذ جنسيه كويتيه ماعلينا منه
البنت اللي تزوجت ولد عمها كان ولد عمها مجننها ويطقها ومبهذلها ومدمن مخدرات وحااااااااااله الله العالم فيها
بعد جهد جهيد وكل شوي واحد من خوالها من الكويت يروحون السعوديه وبالمحاكم وحاله طلقوها
المشكله مو هني .......... المشكله انه طليقها (اللي هو ولد عمها) ماعنده وظيفه فما يصرف على العيال وهي عايشه ويا عياله عاااااله على اهلها ....
الحين تبي تجي الكويت عند امها واخوها مو قادره بسبب طليقها مو سامح للعيال يطلعون ....
ولما عطوه فلوس رضا بخروجهم بس للزياره وهم الحين بالكويت ....
بس اللي نبيه شلون نقدر نخليهم بالكويت ...
مايردون السعوديه ....لان هي مستحيل تخلي عيالها لو تموت معاهم ....
شالحل ؟؟
على فكره طليقها سبق له الدخول للسجن ومدمن مخدرات ...
ساعدوها الله يوفقكم والله توها جايه الكويت قبل 3 ايام ما عرفناها اللي يشوفها مايصدق هاذي عمرها 28 والله يقول انها عجوز من الهم ....
ومشكورين مقدما
electron
22-06-2006, 21:11
والله هذي مشكلة كبيرة و الله يعنيها و يعين عيالها و اهلها.
صراحة ما اعرف وش القاناون في الحالة هذي.
بس لو جلست في الكويت و خلت عيالها عندها و قت الزيارة و خلتهم ما يرجعون السعودية , بيصير فيه مشاكل قانونية؟
في الكوبت هل العيال يقدرون ياخذون الجنسية اذا امهم كويتية؟ اذا يعطون الجنسية خلوها تطلع لعيالها جنسية كويتية و اذا الابو قال لازم يرجعون قولوا انهم كويتيين و ما اتوقع الدولة راح تخليهم يروحون لابوهم بسهولة اذا هم كويتين و الاب لا.
معليش اذا كانت النصيحة هذي ما لها سنع , بس اعذريني لاني ما اعرف القانون السعودي و لا اعرف الانظمة الكويتية.
شوف هي ممكن تاخذ جنسيه
لانها مواليد الكويت وامها كويتيه واخوها صار كويتي
بس عيالها صعبه لان ابوهم عايش وسعودين
مو مشكله عيالها واجد سعوديين اعرفهم عايشين بالكويت عادي جنهم كويتين من ناحيه التعليم والصحه وغيره وواجد كويتين عايشين بالسعوديه كانهم سعوديين
الجنسيه مو مشكله
المشكله شلون نخليهم بالكويت
احنا مسكتين الابو بالفلوس حاليا بس كل شوي يقول ابي وابي وابي
واحنا موقاعدين على بنك يعني لازم حل جذري
وشكرا على اي حال
ماتقصر
اتوقع ان في هالحال
لو تروح للشيخ وتقوله ان الزوج مو اهل للتربيه
وانه مو قد مسؤليتهم لانهم قصر يحكم الشيخ
غصبن عنه وعن اهله ان الام وليتهم بس تثبت للمحكمه
ان الابو صح مو اهل للثقه دليل واضح مثلا انه خريج
سجون وانه صاحب مخدرات فهذي ورقه رابحه بايدها
هذا متاكده منه انه صح ان الام موجوده بالسعوديه
بس ماعرف اذا كانت الام بالكويت بس اتوقع انه نفس الشي
مدام انها بنت عمه
الله يعينها وطمنينا عليها بلييييز
شوفي هي راحت لشيخ
وحكم لها العيال عندها بس بالسعوديه وهي تبي تطلعهم من السعوديه ومو قادره
لازم يكونون بالسعوديه هم سعوديين شوفي لاتقولين لي تعيش عند ابوها
ابوها متزوج 2 وحياتهم تعيسه وجننينها هي وعيالها حراااااااام عيالها يكسرون الخاطر تبي تقعد عند امها واخوها
ماااااااافي حل ياناس؟؟؟
ياليتني اقدر اشور عليك
لكن ماعندي خبرة للأسف !!!
يارب تلقين هنا راي سديد و ناس مطلعين على القانون
يقدمون لك الراي السليم .
^
^
^
مشكوووووره يا قلبي مشاعرج تكفيني
ويارب القي احد يساعدني
فعلا تكسر الخاطر
شكرا لكل اللي ردوا على
Angelic_Rose
22-06-2006, 22:44
الله يصبرها
انا اقترح انها تروح لمحامي شاطر كويتي و تعرض قضيتها عليه و بكذا راح تعرف تسلك طريق معقول مافيه فرضيات
نصيحتي لا تضيع الوقت و تروح للمحامي بأقرب وقت و الله يعينها و يعينكم :(
علمتني الأيام
22-06-2006, 23:02
الاستشاره هنا ما تنفع ...
لازم تستشير ناس فاهمه بالقانون حتى تلاقي حل مقنع..
وخاصه في حالتها بتكون المشكله صعبه أكثر عشان أختلاف الجنسيه..
ربي يهون عليها...
ابو لمخه
23-06-2006, 01:32
الله يسهل اموركم إن شاء الله وتعدي المُشكله على خير .. ولكن سؤالي .. ما ذنب اولئك الأطفال ؟!!
الله يهونها ومثل ما ذكر الإخوه والأخوات اللي ردو شوفوا أهل الخبره بالأمور هاذي ..
الله يعينكم وكل مسلم .
تحياتي .
مشكورين على تفاعلكم
شكلنا صج لازم تروح محامي
انا بغيت اقدم مساعده لها من عندي بغيت اساعدها واسال هني يمكن احد يعرف
ويا ابو لخمه صح شنو ذنب العيال وشنو ذنبها هي بعد ابوها يغصبها عشانه ولد عمها الله العالم انها كانت تصبر
ولا تعلم احد باللي يصير لها لين ما الناس قامت تقول من اللي يشوفونه
احنا اهني بالكويت على بالنا انها عايشه بجنه
الله يصبرها ويعظم اجرها
ومشكورين وماتقصرون والله
Forgotten
23-06-2006, 10:13
الله يعينها ويسهل امورها
اذا ناويه على استشاره
ابحثي في قوقل..اكتبي كلمة استشارة او استشارات
وراح يطلع لك مواقع موجود فيها استشارات قانونيه
اتمنى اكون افدتك..
bp039
الشوق شوق
23-06-2006, 17:16
يسعدلي مساك إختي :)...
والله حسب معلوماتي المتواضعه إن القضاء مستحيل يسمح ببقاء الأبناء
مع الأب خاصة إنه عاطل + مدمن مخدرات + له سوابق بالسجون
وذلك لمصلحة الطفل...فممكن الأم تكسب حق الحضانه للأطفال
طبعاً مابتكلم لك بالتفاصيل لأن اختصاصي مو قانون..
يمكن لو تفكرين تستشيرين محامي بهالخصوص راح يفيدك بشكل أكبر
وإن شاء الله بإذن الله راح تلقين الحل لمشكلتك ;)
يحفظك ربي bp039
برايفت لجميع الأعضاء:
يوجد بالمنتدى يوزر بإسم " أنا عندي مشكلة " يختص بعرض المشاكل
وبالتالي توصل لأكبر قدر ممكن من الأعضاء الموجودين واللي تخصصاتهم مختلفة
فممكن يفيدونا بحل المشكلة بشكل أعمق ..وراح يسرّنا نستقبل أي مشاكل عليه :)
يعطيكم العافيه جميعاً bp039
الافــــلاجــــي
23-06-2006, 18:09
ما قلتي لنا كم عمر الاولاد ؟؟
الــــسوبـــر
24-06-2006, 00:22
كلاااااااااااااام اللى فوق مايفيد
القانون يمنع خروج الاطفال الى بلد اخر ... الا باذن الاب
والسبب .. مشكال هروب الزوجات مع الابناء السعوديين الى الخارج ...
لكن في حالتك هناك نظر قانوني فني ... يختص به محامي متخصص في امور الجنسيه و الاحوال الشخصيه
هذي زبدة الكلام .. عن دراسه ... وسوال لاحد دكاتره القانون في القسم !!!
ولا احد يزيد ...
hilali_cool
24-06-2006, 01:00
مالكم الا القضــاء
طيب انتم شرحتو موقفكم ؟؟ كيف معيشتها في السعوديه وان الكويت أفضل لها ؟؟
اعرضو هالشئ على القاضي وان شالله يصير خيـــر
وبعدين ذا الأبو يستهبل ؟؟ عاطل ومدمن وبلاوي الدنيا ويبي يبهذل عياله معه :(
منت كفو عيــــال خل أمهم طيب تربيهم بعيد عنك وعن خرابيطك :(
صدق فيه ناس محرومه من العيال :( وناس ماتستاهل يجيها عيال :(
الله يسهل أموركم ان شالله
صباح الخير
شوفي زين ان عيالها عندها بالكويت ، أفظل شي ترفع قضية اثبات حضانة و هي من حق الام شرعا و قانونا و ما يختلف عليها اثنين و راح يصدر لها حكم بذلك و من ثم ترفع قضية بالسعودية اظن اسمها اضفاء الصيغة التنفيذية للحكم الصادر ، و أي محامي شاطر ممكن يساعدها بالموضوع و حتى لو تقدر تلاقي لها واسطة عند شيوخ تطلع لعيالها اقامة .
لازم تروحون عند محامي شاطر ( عنده مستشاريين مصريين ) و تسألون و أهم شي لا تضيعون وقت
و الله يوفق انشالله
مشكووورين
والله حييل افدتوني ان شاء الله نلقى للسالفه حل
Forgotten
مشكوره ماتقصرين
الشوق شوق
هي عندها الحضانه بس مو قادره تخليهم بالكويت قاعده معاهم بالسعوديه
وان شاء الله المشكله الجايه على عندي مشكله <<<<الله لايقوله
فتى الظهران
اعمارهم مختلفه
اكبرهم ولد عمره 11 وهذا اللي مصبرها تقول ولدي بيصير رجال وبعدين بالطقاق اقعد بروحي بالسعوديه مو مهم
السوبر
هذي المشكله شلون يطلعون؟؟
hilali_cool
اي والله ناس ماتفكر بعيالها والله ان الولد الكبير يكسر الخاطر تحس نفسه مكسوره
ويحاتي امه وخوانه ياويلي عنه
ما اقول الا الله يوريني يوم فابوها اللي سوا فيها جذي
سوسنة
مشكوره راح اوصل لها اللي قلتيه ويارب ينفع
هي عندها حضانه بس نبيهم يقعدون عندنا
مشكورين كلكم على مساعدتكم
ماتقصرون
بوح القلوب
24-06-2006, 21:19
اختي كلموا الشيوخ بالسعودية .. والقضاة واشرحوا لهم الوضع
حاولوا تشوفون وسيط
وياكثرهم الي يحبون الخير والمساعدة من الشيوخ ..
وقبل كذا " ضرورة ايجاد محامي فاهم " ..
قلبي معها ..
الله يفرج همها يارب .. ويصلح حالها
المشكلة عندك يمكن حلها إن شاء الله
و ممكن أساعدك إلى حد ما
أولا : هناك لجنة مشكلة في كل منطقة في السعودية أسمها ( لجنة الحماية الاجتماعية ) مهمتها معالجة مثل هذه الامور ومساعدة من تعرضوا للظلم من الاطفال أو النساء , فأنصحكم بالتوجه لامير المنطقة وعرض الموضوع وطلب احالة المشكلة إلى اللجنة المذكورة وسيقومون بحل المشكلة بإذن الله
ثانيا : بالنسبة للحضانة : فالاصل في الحضانة لمن هم فوق السابعة للاب
ولكن إذا ثبت عدم أهلية الاب للحضانة وعدم أهليته لولاية أولاده إما لسبب عقلي أو لسبب أخلاقي أو لكثرة سوابقه الجنائية كما هو حال زوج المراة التي اشرت إليه فيحكم القاضي برفع الولاية عنه ومنحها لامه إذا ثبت صلاحها أو إلى أحد الاقارب الذين لديهم أستعداد بالحضانه
وأي مساعدة أنا في الخدمة
والله يسهل عليها ويعينها
الله يعينها ان شاء الله ويعجل فرجها يارب
وان شاءالله تلقى الحل اللي يريحها
انا بساعدك بس مالي خبره .. يعني بعطيك ارقام ممكن تفيدك
وهي سفاره الكويت بالرياض ممكن اننها تتوصل عن طريقها لوزاره الداخليه
خصوصا انها الأم كويتيه والأب سعودي ممكن تقدم شكوى وتسأل عن كيف حل هالمشكله
وهذا رقم السفاره الكويتيه بالسعوديه - الرياض
سفاره دولة الكويت
هاتف: 4883500
فاكس: 4821284
صندوق البريد: 2166 - الرياض 11451
لو تبي شرح وين مكانها انا حاضره اوصف لك وين مكانها بالضبط
لو احتاج لهالشي ..
اما عنكم ...وسفاره الكويت عندنا
السفاره السعوديه بالكويت راح تلقين اكيد اللي يساعدك
وبالسفاره بالكويت ممكن تلقى شي لانها راح تروح لها وتتابع هي مسألتها
عنوان السفاره السعوديه بالكويت
سفاره المملكه العربيه السعوديه
الشرق -دسمان-شارع الخليج العربي تيلفون 2400250
//
وممكن تعرفين عن طريقهم يوصلونك لوزاره الداخليه بالرياض
لأنها تتدخل بشؤون المتزوجين كونهم ببلدين ثانين او غير جنسيات
ولو كانت جنسيتها سعوديه يعني ..
ممكن انها تكلم السفاره على اساس انها سعوديه وعندها مشكله
وهي بالكويت وتتابع مشكلتها بسفارتنا السعوديه اللي بالكويت
وتبي تفتك منه .. وراح يساعدونها كونه هو مدمن وراعي سوابق المحكمه راح تعطيك حل ولا راح يشوفهم حتى
لكن خليها توكل مستشار قانوني او محامي من السعوديه يكون فاهم لان قضيه التشريع عندنا
ماهي كلها مثل اللي تدرس بالدول عندنا قانونين اول شي بالشرع ثم ينظر الى القانون والنظام الآخر
اتمنى تتأكدين من هالناحيه لأن نظام التشريع غيــــــــر
عنكم يعني يفرق يجي محامي من الكويت مايدرس الشريعه مثل عندنا ..
عندنا المحامي يكون دارس الأثنين قانون محاماه وقانون الشريعه ..
يعني يكون عنده اثنين مو مثل العالم كله قانون واحد يمشي ..
لا احنا عندنا الأولويه للتشريع وبعدين ينظر في الامور اللي يشوفها المحامي يعني اذا ماكان فيه تعارض للدين والشرع ..
وراح يكون الشرع معاك لأن كون الأب ماهو كفئ لرعايتهم راح ياخذون منه بالغصب نفقتهم ..
مو بس راح تعفيه حق الرعايه عليهم .. لكن اتمنى أني افدتك فيها ..
اتمنى تلقون حل وآآآآآآآسفه على الإطاله بس حاولت قد ما اقدر اساعد :(
اتمنى اكون افدتك بأكبر قدر ممكن من المعلومات اللي عندي
وأي خدمه انا حاضره أو استفسار عن اي شيئ
لا تترددين وان شاءالله المشكله بتنتهي معاها
vBulletin v3.7.1, Copyright ©2000-2009, Jelsoft Enterprises Ltd.