ولدي ذكي لكنه فضيخ

[.Evil_Girl.]

بكل انسان على وجه الأرض ..لازم يكون فيه مواهب أو أقل شي نقدر نقول فيه مميزات >>احلفيpb192

مستحيل يجيك انسان كذا ميح pb036 ..أكثر شي الأطفال
أحس انه تقدر تلاحظ الموهبه بالطفل من 5 سنوات وأقل..اما عاد اذا تعدى ولدك ست سنين وهو مغير ياكلpb027 فاعرف انه بلكه مثل ابوهpb192
والله جد شوفوا الكلمات اللي تطلع من هالنتف الصغار بزارينكم تلاقونهم يفكرون باشياء انت نفسك يالشايب ماتفكر بها

اخرها امس جاي ولد اخوي لأمي..وتقوله امي ان شاء الله تكبر وتصير رجال ..عاد هو فرحان يقول ايه انا اكبر واصير رجال وانتي تصيرين عجوز وتموتين:D >>هالتسلب من زينك بعد خخخ
بس عاد هذا يدل على ذكاءه والا وشلون بزر توه بالاربع سنين يفكر بالموت pb036

بعد والله يافيه بزارين واجد شفتهم أذكياء بمعنى بالكلمه بمجرد مايدخلون المدرسه ينقلبون 180 درجه يصيرون غباء متلقي pb093 ..اللهم ياخذون هالمعلومات اللي من مية سنة ماتغيرت ويكبونها بأوراق الامتحان آخر السنه ويكبرون ويتزوجون همن يموتون >>>وبس خلاص ;)

يعني بزرايننا لو تدور وتلف السعوديه كلها ماراح تلقى موهوب ومبدع بمعنى الكلمه الا كم حبه ..أو بمعنى أصح ماراح تلقى طفل ذكي أخذ حقه من الرعايه والاهتمام الا كم حبه:(

من جريده الشرق الأوسط

جدة: ناهد أنديجاني
بلغت قيمة لوحة تشكيلية 14 ألف ريال قام طفل من الأطفال الموهوبين السعوديين برسمها، وذلك خلال مزاد علني في حفل خيري خصص ريعه لجمعية الاطفال المعاقين في جدة


يعني مثل هالعينه من البزران أحس انهم أخذوا فرصتهم ..,أثبتوا انهم موهوبين ومبدعين:)

أشوف أطفال وربي موهوبين ..تشوف الذكاء يشع من عيونهم المدوره :sm6: ..بس مافيه أي تشجيع ..مافيه مراكز تهتم فيهم وتنمي اللي فيهم..حتى الأهل أنفسهم مايشجعون انه يصير عندهم طفل ينقط إبداع >>>الفقيه بسpb026

أبجيب لكم مواقف وردود بزارين أقل من خمس سنين ,,,وأتنم احكموا عليهم;)

بزر ضاع بالسوق ..أهله اختبوا وانحاسوا ..وشافوا السكيورتي (يارب يصير الاملاء صح) متجمعين ويضحكون
راح الأبو عندهم ومادرى الا ولده بينهم ,,أثاري الولد هو اللي راح عند السكيورتي وقايل له : ياخي امسك أبوي وحطه بالسجن كل يوم يضيعني بالسوق ياخي طفشت :D

.................................................. ...
بزر حافظ قصار السور من القرآن
صح انه شين وغثيث ويحب الهرج وطوله طول كفر ددسن ووجهه تقل ثالول:D ..بس والله ياهو ذكي ماشاء الله عليه
اذا بغيته يهجد .قعده وقله قص لي قصه الفيل والا قصه العنز حسناء
والا قله وش سووا عماتك يوم رحت عندهم ويقعد عاد هو يهذ لك من هالهرج اللي نصه تسذبpb071
إذا بغيته مقرئ قله تعال اقرا.عاد هو مايصدق خبر(قلت لكم غثيث الله يهديه)يقعد يقراااااااااا لك ومايسكت الا اذا حطمته وقلت له انطم تراك أزعجتنا يالغثيث انقلع عند أمك>>>>أحس هذا هو الوحيد اللي يستحق التحطيم عشان يروحpb027
وإذا بغيته يحدّث ويصير تقل أطلق مفتي بالأزهر ..برضو ماعنده أي مشكله :D
يقعد يطلع لك فتاوي على كيف كيفك
مره أبلش أهله ..بالعاده ينام عند أمه وأبوه..و مره من الممرورات قاله ابوه تقلع نم بغرفتك قال أخاف الحالي..قال طيب تقلع نم عند خواتك قال الرسول صلى الله عليه وسلم يقول حرام الولد ينام عند البنات ولازم نطيع كلام الرسول صلى الله عليه وسلم >>>والله انك بلشه ياوليدي خخخخخخخ
وكل عزيمه تصير يمسك له هالعجز ويقعد يحّدث عليهن ويقولهن قصه أصحاب الاخدود والا يقولهن فضايح ماعنده حل وسط

.................................................. ...

ومره ولد مأذي أمه التعبانه..صرخ أبوه وقال فك أمك تراها مهب ناقصتك ..قاله الولد: علّم نفسك pb034 >>>>عاد هالولد منب كاذبه عليكم أكبر من خمس سنين
.................................................. ...

ممكن الطفل يصير تسذووووب بشكل فظيع..بس حتى هذا الكذب أعتقد انه يعتبر من الذكاء ولازم يستغلونه الأهل>>تراتس هقيتينا انتي واطفالكم

لأن هذي الصفه راح تتطور غصبن عليهم
يعني أتوقع ان الأهل عندهم خيارين بالحاله هذي
إما ان صفه الكذب تتطور عند ولدهم ويستخدم التصريفات بشي شين
أو انهم يطورون ذكاءه بالكذب ويعلمونه انه حرام ويخلونه يمشي تصريفاته بشي حلال>>>أحس اني لو أبقرا كلامي مره ثانيه ماراح أفهمه:sm5: ..المهم فيه شي بمخي عجزت أوصله لكم ..افهموها أنتم عادpb094

مره اتصلت أمي بخالتي رد ولدها نفس الطقه (عمره5 سنين) قال أمي نايمه ..قالت أمي توني مكلمتها ما أمداها تنام ..قال أجل بالحمام :D خخخخ
وولد اخوي نفس اللي تو هذاك:D >>ياحظتس
داخل الروضه وأخته داخله التمهيدي..يوم سألت امي اخته وش أخذتوا سور بالقرآن ..قالت البنت أخذنا سوره الفيل عاد هو نط بالنص ..قال حنا أخذنا سوره الخنزير والله العظيم>>>لاحظو انه يحلف عشان نصدقه :rolleyes:

.................................................. ...>>>>ترا هالخطوط على بالي زينه

الســؤال
ليش مافيه مراكز تهتم بالموهبين الصغار وحتى لو فيه هم كم مركز ونشاطهم مو ظاهر أبد
ووش هي الوسائل اللي تخلينا ننمي الذكاء عند أطفالنا أتسبادنا
واللي عنده مواقف لأطفال أذكياء يحطها هنا مشكورا

.







وفيه مشكله ثانيه تذكرتها بعد بسألكم عنها:D <<ياكثرتس
بس هالمشكله بعيده عن البزران

مدري وش اسمّيها ..هي غباء اجتماعي او انها غباء اجتماعي الا الا غباء اجتماعي<<<اخلصي
هذا الله يسلمكم وحده من البوكيمونات خواتي وجهها مكتوب عليه (عفوا انا لا أفهم كلامكpb093 )
ماتفهم ماااااااااااااااااااااافيه استيعاب:mad:
اتكلم اتكلم واهذر بكل ما اوتيت من قوه ..وبالاخير الاخت مفهييييييييه:cool: وزياده على تسذا تنسى قوووووه يعني نفس شينه بلجدن مروحpb192 ...اشياء مهمه ..احداث .. تنساااااهم(وجه يغول نفسه) ..وعقب ماانتحر وافجر نفسي pb131 عشان أذكّّرها ..
تبتسم وتقول ايه صح pb094
يعني بالعربي فضييييييييييييييخ خخخخ
لكن الغريبه انها ماشيه تمام بالدراسه الحمدلله ..والغريبه الادهى والالعن من ذلك بعد انه اذا تحدينا بعض بألغاز وخرابيط ..هي الوحيده اللي تحلّها..خخخخخخخ شكل مخها مايفهم ويشتغل الا بالاشياء التافهه <<<حقيره
بس والله ازين مافيها انها ماتحس:D <<اللي قالتس ترقعين وتمدحين انتي وخشتس خخخخخخ
لا والله حليله ماسكينها تطنز وهي تضحك لنا ماخذتنا على قد عقولنا
يعني هنا السؤال : وراه تجي مخوخ ماتفهم الا شي تافهه او شي بالدراسه ؟ غيره مايستوعب <<<هذاا اللي يبي يحط نقاش بالغصبpb071





شوفوا يالاقلاعيين هذا موضوع من مواضيعي القديمه بحدا المنتديات بس اني زدت عليه عشان يصير يناسب الطرح بمنتدى مثل الأسرهpb189 pb189 pb189 pb189 pb189 pb189 <<تستدر عطفكم خخخخخخ

[قشامه محترقه]

مساء الخير ..

.Evil_Girl.

الاطفال احباب الله ...

الطفل من ينولد وهو يكون فكره قابل للتلقي نظيف ... لكن يبي صقل يبي شد على يده

فيه اشياء احنا نغفلها في صقل ذكاء الطفل من يوم هو صغيره وتغيب عننا ...

مثل ..

اللعب ..

الالعاب تنمي فكر الطفل مثل الطفل الصغير ابو 5 شهور تحطينه وتحطينالالعاب اللي تكون فوق الطفل بهذي الفتره

يكون يميز الالوان يميز الاشكال تنمي لديه تميز الاشياء

ايضاً اللعب الشعبي مثل ( الحبشه او البعض يسميها اللحقه ) تنمي لديهم حب الجماعه والعمل الجماعي لدى الطفل

ايضاً ..

القصص..


القصص تنمي لدى الطفل الخيال الواسع يكون فكره واسع يتخيل اشياء ينمي ذاكرتهم فمثلا نقول

قصه لطفل ونطلب منه يرسم رسم تخيلي عن هذه القصه هذا ينمي قوه التخيل لديه ..

والخيال مهم للطفل ... فسرد القصص الحقيقيه والخرافيه للاطفال اللتي تكون تنمي المفاهيم الجيده لديهم شي مهم

لكن بشرط تكون سهله يفهمها عقلهم ويميزها وايضاً تثير اهتمامهم ..

ايضاً القصص الدينيه وقصص الالغاز وقصص الالغاز اللي لا تتعارض مع قيمنا لها دور فعال في اظهار بعض المواهب الكامنه لدى الطفل

حفظ القران الكريم ..

الان نجد لدى الطفل سبحان الله انه شديد الحفظ اي كلمه او اي حاجه يحفظها بسهوله ...

فالقران من اهم الاشياء اللي تنمي فكر الطفل وتدعوه الى التامل والتفكير بدءاً من خلق السموات والارض

الى اسئله كثير ممكن يسالنا اياها الطفل من قراءته للقراءن

فالاطفال يبون تشيجع وطوله باال ...

عشان يكون لدينا جيل فاهم واعي مفكر واديب وعالم

وليس مجرم او ارهابي او ذا فكر منحل ..

اضافه متواضعه على موضوعك ... ارجو ان اكون اضفت شي مفيد عليه .. :)

تحياتي ...

[هبله]

ذكرتيني بعيال المصاريه وهم بزران اذكيا بشكلل فظيييع لانهم يغذوونهم صح ومايهملون مواهبهم لو يدور اي مكان

تنتعي في ولده وتنمي مواهبه بس مجرد ان اهلها يهملونها بعدها بفتره يصير طفل عادي ولاموهبه ولا بطيخ

:rolleyes: ..

مثلا مره شفت في برنامج قبل سنه تقريبا طفل مصري يحسب الارقام الكبيره بدون اله حاسبه والولد عمره بين 7-8

تقريبا!! تخيلي!! ومشالله انشهر وابوه يقول اننا طول الوقت نسأله عن ارقام ونخليه يتمرن عشان ما ينسى ومايكسل:(

شوفي السناعه مالت علينا pb093 .. يعني مايحتاج مركز اذا كان الاهل يهتمون وحريصين.. الله يرحم حالنا حنا خلينا

بس للخدامات نخلي البرزان معاهم او نخيلهم ياكلون وينامون ويروحون الملاهي!!

وحده اعرفها مشالله عندها ولد عمره 6 وعنده موهبه غريبه يحب يحفظ اسامي الزواحف ويفكر ويحلل ومو اي كلمه

تمشي عليه يعني ما يمديك تكذبين عليه لانه ما راح يصدق ويحلل اللي قلتيه بس خساره امه مافكرت تهتم في موهبته ولا حتى تتصرف توديه اي مكان يعلمونه..:( ..
يعني لا نحط اللوم دايم على المراكز العيب فينا حنا اهمالنا لمواهب الاطفال لو اهل الطفل مشتهين يعلمونه بيعلمونه لو

تمسكه امه وتشتري كتب له علاقه ربموهيته وتعلمه راح تسوي شي صدقيني بس دايم هذا حنا داايم نحط عيوبنا على

غيرنا :rolleyes:
موضوعك حلو bp039

[ابو لمخه]

Evil_Girl bp039 bp039

مساء الخير .

بصراحه ودي أرد على كلامك رد عفوي وبدون ترتيب <<< ليتك ما ترد :D

المهم يا خيتي القصص اللي قلتيها عن هالأطفال القشران على قولتك أنا أعتقد من خلال دراستي وتدريسي في مجال التربية الخاصة pb094 أشوف إن الأطفال اللي قاعده تتكلمين عنهم عندهم مواهب ولكن للأسف ما فيه أحد يتبنى ويصقل هالمواهب وهذا يؤدي إلى ضياع تلك الموهبه عند اولئك الأطفال ... و أيضآ ليس شرطآ أن يكون الطفل مهوب ولكنه يسمع من الناس المحيطين فيه ( كلامن مارج :D ) فــ يطلع البزر ملوسن ... ولو جينا للطرف الآخر من إحتواء أو إهمال تلك المواهب نجد أن الطفل ممكن يكون عنده عٌقد نفسية وصعوبات في التعلم والفهم بسبب التعامل الاُسري والبيئي المحيط بالطفل .. وهناك قصة حدثت لأحد الأطفال لها علاقة بما ذكرتيه ربما أوردها فيما بعد بموضوع مستقل بإذن الله .



بالنسبه لأختك اللي تتكلمين عنها وتقولين إنها مفهيه إذا الواحد كلمها ولكنها متميزه بالدراسه فيبدو أن الخلل فيكم وليس فيها ;) :D ومعروف إن أصحاب العقليات الكبيره تفوت عليهم الحاجات البسيطة ;) لأن مستواهم أكبر من الحاجات السهله ;)


يعطيك العافيه على هيك موزووووووع :D

تحياتي bp039

[دانة بحر]

Evil_Girl. أسلووبك مميزbp039

ومواقف الاطفال وحركااتهم لذيذه وغريبه في نفس الوقت ..يالبى قلوبهم بس امووووت عليهم pb189

لكن اسمح لي اركز في ردي عللى قضية "الغباء الاجتماعي " :( بصفتي احدى المتمتعات بها :D
ياختي رغم اني دافوورة دروس .. وذهيييينه إلى حد ما :rolleyes: بس اجتماعيا تفوووتني حاجات واضحه :sm5: غير اللي اعديها بمزاجي:rolleyes: <<< ترقع لنفسها:D
احترت بعمري وصار ودي اعرف سبب هالحالة قبل علاجها .. ياليت الأستاذ "احتياطي" يقرأ ردي ويكتب لنا شيء علمي عن هالموضوع pb036

[دانة بحر]

Evil_Girl bp039 bp039

مساء الخير .

بصراحه ودي أرد على كلامك رد عفوي وبدون ترتيب <<< ليتك ما ترد :D

المهم يا خيتي القصص اللي قلتيها عن هالأطفال القشران على قولتك أنا أعتقد من خلال دراستي وتدريسي في مجال التربية الخاصة pb094 أشوف إن الأطفال اللي قاعده تتكلمين عنهم عندهم مواهب ولكن للأسف ما فيه أحد يتبنى ويصقل هالمواهب وهذا يؤدي إلى ضياع تلك الموهبه عند اولئك الأطفال ... و أيضآ ليس شرطآ أن يكون الطفل مهوب ولكنه يسمع من الناس المحيطين فيه ( كلامن مارج :D ) فــ يطلع البزر ملوسن ... ولو جينا للطرف الآخر من إحتواء أو إهمال تلك المواهب نجد أن الطفل ممكن يكون عنده عٌقد نفسية وصعوبات في التعلم والفهم بسبب التعامل الاُسري والبيئي المحيط بالطفل .. وهناك قصة حدثت لأحد الأطفال لها علاقة بما ذكرتيه ربما أوردها فيما بعد بموضوع مستقل بإذن الله .



بالنسبه لأختك اللي تتكلمين عنها وتقولين إنها مفهيه إذا الواحد كلمها ولكنها متميزه بالدراسه فيبدو أن الخلل فيكم وليس فيها ;) :D ومعروف إن أصحاب العقليات الكبيره تفوت عليهم الحاجات البسيطة ;) لأن مستواهم أكبر من الحاجات السهله ;)

يعطيك العافيه على هيك موزووووووع :D

تحياتي bp039




مشكور أبو لمخهpb094

[الشوق شوق]

هلا وغلا فيك اختي يسعدلي مساك :)..

وحياك معنا في الأسرة...

ليش مافيه مراكز تهتم بالموهبين الصغار وحتى لو فيه هم كم مركز ونشاطهم مو ظاهر أبد
فيه مراكز حلوة والله تقدم أشياء حلوة للأطفال زي فكرة المراكز الصيفية مثلاً
أو الاندية الرياضية...وغير ها....يعني الحمدلله بدا يصير فيه توجه طيّب من هالناحية
بس نأمل بالتطوير أكثر وأكثر إن شاء الله :)

ووش هي الوسائل اللي تخلينا ننمي الذكاء عند أطفالنا أتسبادنا
أول شي ومن اهم الأشياء بنظري عشان يكون طفلك مبدع ومنطلق...
لازم تجاوبه على أسئلته باستمرار لأنك تمثل مصدر الثقافة الأول له بهالعالم
مو كل ماتكلم تسكته وتقول لا يكثر ههههههههههه
لازم تجاوبه...وتسأله أسئلة وتخليه يتأمل ويفكر
من أقوى مقومات الإبداع التأمل لأنه يفتح آفاق جديدة..ممكن نكسب الأطفال عادة التأمل
لما نجلس مثلاً بالبر وقدام السما....نقول شوف كيف صاير شكلها ....وحاول توصفها لي مثلاً
وإيش شعورك لما تشوف السما...وأشياء كثيرة ممكن نستغلها مثل كذا عشان الطفل يكون عنده
فكرة عن كل شي حوله

واللي عنده مواقف لأطفال أذكياء يحطها هنا مشكورا

اممممممم حركات الأطفال اللي كنا نسويها أول اذا بغينا ننام ببيت خالتي
كنت أروح أقول لأبوي أول لأني أدري إن أبوي مايقول شي ويوافق بسهولة
وبعدين أروح لأمي وأحطها بالأمر الواقع وأقول لها ترى أبوي وافق :D ههههههههه
يعني عشان مايصير عندها أمل تقول لا


يعطيك العافيه....نورتي عزيزتي : )

[.Evil_Girl.]

يالله حيهم يالله حيهم (وجه يبخركم)

قشامة محترقهpb189
صدقتي بكل كلمة قلتيها:)
واضافتك راااااااااااائعه
الف شكر bp039

هبلهpb189

ذكرتيني بعيال المصاريه وهم بزران اذكيا بشكلل فظيييع لانهم يغذوونهم صح ومايهملون مواهبهم لو يدور اي مكان
بلاه من هالحلب اللي يرضعونه عيالهم خخخخخ

بس للخدامات نخلي البرزان معاهم او نخيلهم ياكلون وينامون ويروحون الملاهي!!
يابنت الحلال زين اذا وقفت على الاكل والملاهي الخوف ان البزر يقلب اندونيسي
تلاقين بنيه هالطول تجيك الشغاله فرحانه لأنها معلمتها العد من 1 الى 10 بالاندونسيpb192

تمشي عليه يعني ما يمديك تكذبين عليه لانه ما راح يصدق ويحلل اللي قلتيه بس خساره امه مافكرت تهتم في موهبته ولا حتى تتصرف توديه اي مكان يعلمونه.. ..
ماشاء الله ذا الولد خطييييييييير شكله راعي برpb192
تدرين عاد كان ببيتنا موهبه بس على غباء(وجه يناظرر اختي الدلخه) >>بتتصفق شكلي انا:D
كانت تلاحق الصوارير وتقولها هيا اذهبي الى النوم خخخخخخخخخ<<<تقلد زينه ونحول
بس اهلي ماهتموا فيها وهذاهي طلعت كائن
والله قهر

يعني لا نحط اللوم دايم على المراكز العيب فينا حنا اهمالنا لمواهب الاطفال لو اهل الطفل مشتهين يعلمونه بيعلمونه لو

تمسكه امه وتشتري كتب له علاقه ربموهيته وتعلمه راح تسوي شي صدقيني بس دايم هذا حنا داايم نحط عيوبنا على

غيرنا
صح عليك ..البلا انه العيب مننا ومن المراكز ومن اطفالنا اتسبادنا اللي وجيههم ماتساعد انك تتعاطف معاهم:D

موضوعك حلو
أنت الحلوهpb094
عوافي على هالردbp039

أبو لمخه:)

ولكنه يسمع من الناس المحيطين فيه ( كلامن مارج ) فــ يطلع البزر ملوسن
من ناحية الكلام المارج ..فهم يسمعون كلامن مارج:D

بالنسبه لأختك اللي تتكلمين عنها وتقولين إنها مفهيه إذا الواحد كلمها ولكنها متميزه بالدراسه فيبدو أن الخلل فيكم وليس فيها ومعروف إن أصحاب العقليات الكبيره تفوت عليهم الحاجات البسيطة لأن مستواهم أكبر من الحاجات السهله
هههههههههههههههههههههههههههههههه
ماشفت خشتها يوم شافت ردك ..حست انها انسانpb192 <<بتتصفق
بس عاد والله ان هذي تسمى دلاخه وش اللي ماتفهم الاشياء السهله وتفهم الصعبه :sm5:
من ناحيتها هي مرتاحه ..بس حنا اللي نتعبpb192

عوافي على الرد:)

لي باك ان شاء الله :)<<قولي انتس بتكثرين الردودpb192

[ام الوليد]

السلام عليكم
لي عودة يارئعة

[UNiQUe]

أما بالنسبة لحكاية الأطفال فا من جد مأساة..أوكي اختي الصغننه مع جمعية رعاية الموهوبين بس بالاسم..
يعني تراها مع الموهوبين!! طيب وين الرعايه؟؟ وين تنمية هالموهبة؟!!
انا أواجه بحياتي اليومية كم عجيب ويطير العيون من الأشكال الي انتي ذكرتي..بس تراه بالنهاية مجرد ذكاء طفولي..يكبر الطفل ويروح هالذكاء في خرايطها:D بس بالنسبه للموهبة الحقيقيه.. رسم..إلقاء..كتابة..إختراع..
شي زي كذا هذي صدق الي حرام تضيع..والله ياكنت أكتب قصص بطفولتي pb094 والحين وينهي؟؟
كلمتين على بعض مو قادره اكتب!!

الغباء الإجتماعي..عطوني حل..انا اكثر شخص على وجه الأرض يعاني من هالشي :cool:
عوافي ياعسلbp039 ..

[راعية السيكل]

بعد والله يافيه بزارين واجد شفتهم أذكياء بمعنى بالكلمه بمجرد مايدخلون المدرسه ينقلبون 180 درجه يصيرون غباء متلقي


يالله أنا عندي أخوي ماشاء الله عليه يومنه صغير كان قمه بالذكاء
لكن يومه دخل المدرسه شوي شوي بدا يقل عنده الذكاء pb093 لدرجه انه صار عنده صعوبه في التعلم !!:(


يسلمووووو على هيك موضوع خيتووو bp039

[10 على 10]

كنت بالعمره انا وبنت اختي كان عمرها 5 او 6 سنوات ماني فاكر كنا بالمسعى وعند نهايه السعي بالمروةعند الجبل وانا ماسك البنت بيدي وقفت وكانت خايفه قلت لها شفيك ليه وقفتي ؟! قالت خايفه يطلع لي نبي .

وابشركم الى الان البنت ذكيه وتنجح بامتياز ومن الخمس الاوائل رغم اهمالها ومجهودها البسيط في المذكره ومن مواقفها صحتها امها للمدرسه وهي تتجهز للمدرسه قالت لامها اليوم عندي امتحان انجليزي امها عصبت عليها وقالت ليه ماقلتي لي من امس عشان اذاكر لك قالت لاتخافين لاتخافين الحين اذاكر وقامت تفتح الدفتر والكتاب وتقرأ بعض المواضيع على الماشي والله وجابت البنت الدرجه كامله وكان الله في عون امها .

[يا شيب عيني]

هههههههههههههههههههههه مرة أسلوبك حلو يا Evil_Girl.
ومثل ما قلتي الذكاء موجود لكن يحتاج لتنميه ,وممكن ويكون مكتسب..


قريت مقال وعجبني يقول فيه :
"أو لنقل بشكل آخر، حتى لو لم يكن لدينا عباقرة ونوابغ منذ الولادة فإن هناك موهبة "القدرة على الإنجاز"، ولكن المجال الذي يحقق فيه هؤلاء العباقرة الإنجاز يتحدد تماما حسب البيئة أو الظروف أو التربية التي تعرضوا لها في صغرهم وجعلتهم مهرة في مجال ما. "

أما عن سواليف البزراين من جد يفهمون كل شي يصير حولهم
هذي وحده لقت عند ولدها سي دي بلاي ستيشن كله عنف وطق وقتل ,
انتظرت الين الولد ترك اللعب وأخذت السي دي بدون مايدري ولدها وغـبّـته
جا الولد يدور السي دي , سأل أمه قال : وينه؟أنا حاطه في البلاي ستيشن من شاله؟؟
قالت أمه : دوره أنا دايم أكون حاطه شي عندي وأدورها ما ألقاها , اكيد بتلقاه بعدين .
سكت الولد :(
بعدين أخذ بسكوت رماه على أمه من وراها ,
قالت: مييين الي رمى البسكوت؟
قال الولد : مدري هي كذا الأشياء أحيانا تجي بدون محد يجيبها pb192

مشكووورة Evil_Girl.bp039

[دارما]

اهليــــن موضوعك رهيب مره

بزارينا وش ملحهم بس لو يلقون رعايه كان شفتي وش يصيرون

احنا عودنا بزارينا عل انهم ينسون شي اسمه مخ وتفكير معطين عقولهم راح مافيه عندهم حصص ابداع

وابتكار واشياء يعني لو شفنا امريكا والدولم المتقدمه << متاثره بدكتورتنا السودانيه:D

عندهم كذا ماده بس ابتكار وتشغيل مخ وعشان يكتشفون مواهبهم يساعدونهم يفكرون يشغلون مخهم

اما احنا اجازه بكل شي صم الكتب وتعال سمعه

لا وابشركم حتى الحين مركز الموهوبين تحسبونه شي :D ؟

تراه ماهناش موب ذاك الزود يعني انا قسم تعليم خاص فدائما يتكلمون عن الموهوبين يسبون المركز الي عندنا من عدة نواحي اولا الي يشتغلون فيه اي كلام يعني الموهوبين يبون ناس فاهمه تجاوبهم على سنع

بعدين متى يكتشف الموهوب ؟! ومن يكتشفه ؟! ومن الي يطلع منهم ؟!

انا اعلمكم :D بعض المدارس فيها مدرسين اكفاء واداره سنعه لما تحس بنبوغ ولد وتس ان عنده قدرات موب عند غيره تخلي احد يجي يسوي له اختبارات وحوسه عشان يشفون هو موهوب او لا :D
ومن الي يطلع منها اكثر شي الطلاب المتميزين بالدراسه بمبدا اهتمام المدرسين عندنا بهذي النواحي ومعرفتهم للموهبه هنا :D

بعدين شي ثاني احنا بمجتمعنا السعودي معلمين عيالنا على التقميع ( يعني التسكيت والردع )
لما يسال عن اي شي نردعه ونصده وياكثر اسالتك ومن هذا الكلام مع انه يحتاج اجابه منك شافيه له وتلبي حاجته للمعرفه وبنفس الوقت مبسطه

من هنا يتعود الطفل انه مايسئل مايعرف لان ماراح احد يجاوبه محد معطيه وجه :D

وعاد هذا الي جاء في بالي الحين يمكن ارجع بمواقف مبزره وكذا

يعطيك الف عافيه على هيك موضوع pb189 bp039

[زهرة الأقحوان]

ههههههههههههههههههههههههههههههه
رهيبةpb189
يسعدلي قلبك ياشيخة كنت محتاجه أضحك.pb189

اختي ولدت وجات عندنا طفلها عمره ثلاث سنين أو أربعه مادري والله ماحفظ الأعمار :( بس انو صغيرون..
كنا نفطر الصباح ونتناقر أنا وهو..أحب أتناقر مع الأطفال واحط عقلي بعقلهم ..
قلت له :اطلع برى بيتنا ..وخذ أمك معاك أزعجتونا.
قالي:أحسن أروح عند الباب اتصل على بابا يجي يا خدنا بس انتي ماعندك بابا يا حرام"ويقوس شفتيه للأسفل"
تصدقين ماكملت فطوري خلاني أصيح؟

أتوقع ان الكلام اللا متوقع مايدل على موهبه! الموهبة الحقيقية لما تشوفينه يتميز بشئ مثل ولد اختي هذا دلوع وخجول ودايم ساكت ولد اختي الثانيه بعمر هذا بس بسم الله عليه يقلط الضيوف ويكفحل على الرجال ويسولف عليهم أخبار الحارة وحافظ كم سورة من القرآن "سماعياً"أحس ملكة الحفظ عنده قوية ؛ ويأذن المهم انه مشروع "إمام مسجد"..


بالنسبة لأختك عندي نموذج منها في البيت :( واحد مربوش مايقدر يجلس خمس دقايق على بعض .. يقول الجملة وفجأة مايكملها! يدخل في موضوع ثاني! تحسينه مايجمع! لكنه فلته بالدراسه.. أختي تقول النوابغ كذا!

[.Evil_Girl.]

يالله كثرهم يالله كثرهمpb192 <<تحسبكم زرع:D


دانه بحرbp039

Evil_Girl. أسلووبك مميز
شهاده اعتز فيها والله:)

ومواقف الاطفال وحركااتهم لذيذه وغريبه في نفس الوقت ..يالبى قلوبهم بس امووووت عليهم
خخخخخخخ تبين الصدق ..والله انا اقول يازينهم باحضان امهاتهم:D

لكن اسمح لي اركز في ردي عللى قضية "الغباء الاجتماعي " بصفتي احدى المتمتعات بها
خخخخخخخخخ اجل انتي نفس اختي pb192 بس والله هالصفه مريحه لكم ..صحيح انهم تتعبون اهاليكم بس ولو انتم مرتاحين:D >>بتتصفق

ياختي رغم اني دافوورة دروس .. وذهيييينه إلى حد ما بس اجتماعيا تفوووتني حاجات واضحه غير اللي اعديها بمزاجي <<< ترقع لنفسها
احترت بعمري وصار ودي اعرف سبب هالحالة قبل علاجها .. ياليت الأستاذ "احتياطي" يقرأ ردي ويكتب لنا شيء علمي عن هالموضوع
ياليت والله يتشرف موضوعي بردهpb192
عوافي على لردpb189



الشوق شوقbp039

الله يحييك ياقلبي وتسلمين يالغاليهpb189

فيه مراكز حلوة والله تقدم أشياء حلوة للأطفال زي فكرة المراكز الصيفية مثلاً
أو الاندية الرياضية...وغير ها....يعني الحمدلله بدا يصير فيه توجه طيّب من هالناحية
بس نأمل بالتطوير أكثر وأكثر إن شاء الله
انا عارفه انه فيه مراكز لكن نشاطها قليييل :(


أول شي ومن اهم الأشياء بنظري عشان يكون طفلك مبدع ومنطلق...
لازم تجاوبه على أسئلته باستمرار لأنك تمثل مصدر الثقافة الأول له بهالعالم
مو كل ماتكلم تسكته وتقول لا يكثر ههههههههههه
بيني وبينتس موب كل اسئله الاطفال نقدر نجاوب عليها;)
بعضهم الله يهديهم عليهم اسئله مدري من وين يجيبها:D ..يصير البزر كأنه مخصص نفسه لإحراجك:D

عوافي على ردك ومرروركpb189

أم الوليد

السلام عليكم
لي عودة يارئعة
وعليكم السلام
ايه والله تكفين عودي:( عشان يتشرف بموضوعي بردود اكثر>>فرحانه انه عندها موضوعpb192

[ام الوليد]

عدنا
يعني انتي فرحانة بكثرة الردود:D

سلوبك في الطرح روعة ياروعة :)
طبعا أنا غلطت غلطة إملائية في ردي الاول (رئعة) كأني بالابتدائية المهم يارائعة :)
الطفل يولد بفطرته الصافية ..
ماهي الفطرة؟ كيف تكون؟
صفاء الذهن ،لا يوجد مايسبب النسيان ولا الاحقاد ولا الشرود الذهني...الخ
القابلية للتعلم السريع!
لكن هناك أيضا فروقات فردية تنشأ نتيجة إهمال التربية من البداية>>>> موضوع كبير ..
* في حديث للنبي عليه الصلاة والسلام للأسف لا أحفظه وبحثت عنه لكن مالقيته عسى فاله الطيبة ، ، وهو عن تربية الطفل ، معناه
" لاعبوهم سبعا ، أدبوها سبعا ، صادقوهم سبعا"
سبحان الله لو تفكرنا في الحديث لاكتشفنا فيه أسرار كثيرة للتربية!

الذكاء قد يكون فطري وقد يكون وراثي ، بعض الاطفال عليهم ردود فعل تلفت الانتباه بينما من هم في مثل سنهم ردود افعالهم طفولية بسيطة.

* بنت اختي الله يحفظها عمرها يسنتين وشهرين لا اله الا الله تتكلم وتسولف وتفكر بشكل ملفت
موقف :
هي متربية عندنا لفترة ، فلها حبيبات من خالاتها جدا ، فقمت اتحرش فيها :D قلت بضرب اماني !
قالت : لا اماني حلوة لاتطقينها طقيتها طبعا :D ، هي شهقت وقالت ليpb036 : قولي آفسة أماني قولي!
وانا اعاند وضحكت من كلمتها (آفسه) ، وهي تصر على أن أقدم اعتذار
فقامت تحضن اماني وتقول حبيتتيتيpb189 وارجع مرة ثانية واطقها
وتمسك يدي وتقول : قولي آفسة أمانيpb131
منيب قايلة
قولي
لا
أنا ماما قولي آفسةpb036

هههههههههههه ماشاءالله عليها ، يعني لاصارت هي امها بعتذر!!
المهم انا عاندت وقلت لا ، راحت بعيد وقالت وهي تأشر على صدرها : أنا عزيزpb192
قلت لها: ياعزيز
قالت: أيــــــــــــــوا:rolleyes:

شفتي مثل حلاوتها؟؟ لا أظن:rolleyes: الله يحفظها من كل عين لامة ومن كل شيكان وهامة
طبعا طالعة علي بذكائها pb071

[sweet vampire]

هذا الله يسلمكم وحده من البوكيمونات خواتي
pb036

وجهها مكتوب عليه (عفوا انا لا أفهم كلامك )
pb036

ماتفهم ماااااااااااااااااااااافيه استيعاب
pb036


اتكلم اتكلم واهذر بكل ما اوتيت من قوه ..وبالاخير الاخت مفهييييييييه وزياده على تسذا تنسى قوووووه يعني نفس شينه بلجدن مروح ...اشياء مهمه ..احداث .. تنساااااهم(وجه يغول نفسه) ..وعقب ماانتحر وافجر نفسي عشان أذكّّرها ..
تبتسم وتقول ايه صحpb094
pb036

يعني بالعربي فضييييييييييييييخ خخخخ
pb036

شكل مخها مايفهم ويشتغل الا بالاشياء التافهه <<<حقيره
pb036

بس والله ازين مافيها انها ماتحس <<اللي قالتس ترقعين وتمدحين انتي وخشتس خخخخخخ
pb036

لا والله حليله ماسكينها تطنز وهي تضحك لنا ماخذتنا على قد عقولنا
pb036

جحووووه :mad: <<ماتواكب التطورات خخخ
وراتس حاطتني هنا:sm4:
مع إنه ونااااسه صرت مشهووره:D <<تسبتس باثوره خخ

المهم سمعتي رد العالم..الدلاخه فيكم انتمpb071
من جد مدري وشلون تفكروون<<برااا

[غــرق]

ماأعتقد أن الحفظ أو سرعه البديهه أو كثره الحركات العجيبه عند الأطفال علامه نبوغ أو ذكاء !
دائما المهندسين والدكاتره والمتفوقون دراسيا يمرون بمرحله طفوله هادئه و( ماصله ) وسلبيه نوعا ما ! ...

مثال:
خالتي 1
كانت بنتها تحفظ القرآن والأناشيد ومنطلقه جدا في الكلام من يوم بلغت السنه !
بينما خالتي 2
عندها بنت بنفس عمر السابقه , هادئه , خجوله , لاتتكلم , بكائيه درجه أولى !

المهم ,
البنت الأولى
فشلت دراسيا فشل ذريع , وخف وهجها مع مرور الأيام , حتى صارت الآن شخصيه مهزوزه ومتناقضه
أما البنت الثانيه
متفوقه جداً , تركيزها عالي , هدوءها شديد , وسنعه جداً .

وهذه قاعده أساسيه تشوبها بعض الإستثناءات.

طبعا مايهمنا هو كيفيه تنشئه الطفل لمستقبله بنجاح , ومايفيدنا الماضي الطفولي الباهر للشخص الذي فشل !

شكراً عمتي العزيزه .. أسلوبك خفيف :)

[هواوية]

موضوعك خطيررررررررر
فعلا هناك اطفال نوابغ واذا دخلوا المدرسة صاروا عاديين ومايلاحظ احد ذكائهم
والله ياهم عليهم تعليقات خطيرة
بنت اختي تقول ياخالة ليش تصلين على كرسي وانتي مافيكي شيء شوفي جدة وهي عجوز بس تصلي مثلنا
ملاحظه من طفلة عسولة من قلب
هل نحن من نحطم الابداع في أطفالنا ؟ هل فيه أمل ان طرق التدريس تتطور هنا ؟;)

[(شانيل)]

اضحك الله سنك

لوووووووووووووووووول

طرح جميل وخفيف مثل راعيته لوووووووووووول

ترى امزح لاتهاوشين

يازيني وانا عضوه جديده وداعسه الف وخاشه اتميلح مالي داعي ابد

لووووووووووول

بصي ياعسل هالله هالله عالجد والجد هالله هالله عليه

خلحتسي جد الان وخري احم احم

في انواع للذكاء ياغلا في ذكاء اجتماعي يعني راعيه بربار يبلف الناس ويحط عشر بجيبه

من الذرابه وحلاوة اللسان ومهارات الاتصال والتواصل الي يتقنها اما بالفطره والوراثه او هو يدرسها

ويحسنها ويسنعها وراعي هالنوع مايكون عادة ذكي زود بالدراسه بس تلقينه بالعمل وبالعلاقات ورور

رهيب وتلاقي ثقافته محدوده بس يملك طرف معلومه من بحر ويبز به بكل مجلس يعنني ذهين

وفي نوع الذكاء العلمي الي بالدراسه وفي الذكاء العملي

وفيه ناس والله من جنبها للاسف دلوخ بعنف بس يسرقون افكار والفاظ ناس معجبين بهم ويرددونها

وذولي مكشوفين جدا للاذكياء فقط

ونهاية مافي شيء قاتل ومؤلم مثل محاورة الاغبياء اوالاضطرار للانحشار معهم في عزيمه

اكثر من ساعه اوه ماي قود انا شخصيا يجيني انهيار ويصير وجهي كحلي

لاياشيخه من متى المعرفه بتقولين تاريخ حياتك لوووووووووووووووووووووووووووووووول

يسلموز