PDA

عرض كامل الموضوع : العندليــب

صفحة : [1] 2
Confused
22-09-2006, 20:40
.
.


http://www.eqla3.com/vb/attachment.php?attachmentid=237690&d=1158916627

مرحبااااا يالفني ولهت عليكم pb189

كل عام وانتو بخيييييير ..
واضح من العنوان .. التغطيه لمسلسل العندليب .. حكايه شعب pb189
التغطيه مشتركين فيها حضرتي ..و مس جينز اللي ماقصرت وافقت تصور الله يعافيها pb094
اي ترى مس جينز قالت لي انزل الموضوع انا مالي شغل << وهقت البنت :D

اسم المسلسل :
العندليبpb189

ابطال المسلسل :
شادي شامل " الرابح بمسابقه العندليب من يكون على قناه Mbc" .. بدور العندليب طبعاً :D
عبله كاملpb189 .. بـ دور شقيقه الراحل عبدالحليم حافظ "علية شبانة "
كمال ابو ريه ..بـ دور " اسماعيل شبانه "
أيمن عزب .. بـ دور "محمد عبدالوهاب"
محمود عبدالغفار .. بـ دور " صلاح جاهين "
علاء زينهم .. بـ دور " مصطفى وعلى امين "
إيمان سلامه .. بـ دور " سعاد حسني "
مي عبدالعزيز .. بـ دور " زبيده ثروت " < ناس يقولون اعتذرت !
انوشكا .. بـ دور المنتجه " ماري كوين "
احمد فلوكس .. بـ دور ابن خاله حليم وصديقه العزيز " شحاته "
عفاف رشاد .. بـ دور " خاله حليم " :D
لقاء الخميسي .. بـ دور بنت خاله حليم " فردوس "
هند صبري .. بـ دور " ماجده الصباحي " .. << لو حاطين بنتها مو احسن pb036 !
ريهام عبدالغفور ..بـ دور " فاتن حمامه "
داليا ابراهيم .. بـ دور " شاديه "
داليا البحيري .. بـ دور " ايمان "
حلمي فوده .. بـ دور الملحن " كمال الطويل "
مجدي كامل .. بـ دور " جمال عبدالناصر "
ايهاب فهمي .. بـ دور الموسيقار " بليغ حمدي "
احمد رفعت .. بـ دور " عز الدين ذو الفقار "
في ابطال ثانيين بس ماعرف ادوارهم
مثلا الراقصه دينا مادري دنيا .. " الله يستر شي مو بدور ام كلثوم بس .. اشوف لبسها محتشم حيل " !! pb131
احمد لطفي .. اتوقع بدور السادات .. بس ما اجزم
محمد الشقنقيري .. ومفيد عاشور .. اتوقع ملحنين بس هم ماقدرت احدد الشخصيات بالضبط
مممممممم بعد في ناس كثير ودي اعرفهم مثلا احمد رمزي كان ثنائي مع حليم .. بمعظم الافلام
رشدي بعد طلع معه بكذا فلم .. منو بياخذ دوره :D
عبدالسلام النابلسي .. وصباح ..
فريد الاطرش .. وام كلثوم .. منووووو ياربي منوو << ينقالك اسويلكم تشويق


الزبده .. هذا اللي طلعت فيه بعد صولات وجولات في عالم قوقل.. والله اعلم .. !:D


كاتب السيناريو :
مدحت العدل .. " هو نفسه تبع مسلسل ريا وسكينه pb036 "
يقال انه امضى اكثر من سنه ونص .. يجمع قصص ومقتطفات من حياه عبدالحليم
عشان يكون المسلسل قريب للواقع قدر الامكان .. بس الله يستر :(


المخرج :
جمال عبدالحميد


الفكرة الرئيسية للعمل :
مثل ماقلت .. يحكي قصه العندليب من طفولته .. حتى وفاته في عام 1977.. :sm1:
ويتطرق لشخصيات عاشرت حليم "حوالي 180 شخصيه " .. وطبعاً ماننسى الاحداث السياسيه ..
اللي عاصرها الراحل .. pb189 وتناولها باغانيه عن الوطن والثوره والخ .. !
اما بالنسبه للجانب العاطفي في حياه حليم .. فـ كل التركيز يكون على الفتاه الغاامضه
اللي يُقال انها كانت بمثابه الالهام لـ حليم لما كانت يختار اغنياته :sm1:
كانت كل بكل حفله تحضرها ترسل له قصاصه ورق على قولتهم ..
تقوله غنيلي "صافيني مره وجافيني مره " .. افففف يضرب الحب شو بيذل :sm1:
(ترى هذي الاحداث من معلوماتي.. ما ادري بيذكرونها بالمسلسل ولا لاء:D )
طبعاً لحد الحين مو معروف اذا تعرضو لعلاقته بسعاد حسني بشكل واضح ..
ناس تنفي .. وناس تؤكد .. والسبب كله القضايا من اهل حليم وسعاد .. بصراحه غباااااااء !
المهم الله يستر مايطلعون حليم دايما مسبل وغبي وزي الملاك على غفله :/
شغله ثانيه .. في ناس يقولون ان شادي مايعرف يمثل تمثيل حليم .. :D
من زين تمثيل حليم اصلا .. ؟ صحيح اني احبه واموت عليه .. لكن الحق ينقاااال
كان فاهم التمثيل غلط الله يرحمه pb036


وقت عرض المسلسل :
يعرض على قناه Mbc 1
الساعه العاشره مساءاً بتوقيت المملكه

وقت الاعادة :
ما ادري :D

تردد القناة :
مايحتاج :D


بعض الصور من كواليس العمل

http://www.eqla3.com/vb/attachment.php?attachmentid=237701&d=1158917875
مايشبهله pb036

.


http://www.eqla3.com/vb/attachment.php?attachmentid=237702&d=1158917875

بس فالحين يمشطون لي هالشعرتين على جنب وصار حليم :/

.



http://www.eqla3.com/vb/attachment.php?attachmentid=237703&d=1158917875
اديلووه ياللي عايش الدور :sm5:

.


http://www.eqla3.com/vb/attachment.php?attachmentid=237695&d=1158917194

.


http://www.eqla3.com/vb/attachment.php?attachmentid=237692&d=1158916627
على قوله مس جينز .. ملاك وبأجنحه بعد :D


.

http://www.eqla3.com/vb/attachment.php?attachmentid=237693&d=1158916627
بعد حيلي عبله .. كله مهمومه pb189


.


http://www.eqla3.com/vb/attachment.php?attachmentid=237700&d=1158917875
هذا مجدي .. ينقالكم جمال عبدالعناصر ..
ام لطفي ما ادري .. يمكن السادات :/



.

http://www.eqla3.com/vb/attachment.php?attachmentid=237694&d=1158917194


.


http://www.eqla3.com/vb/attachment.php?attachmentid=237696&d=1158917194
بالذمه ماتحسون ان كلهم منفعلين .. وشادي قاعد يقلب بعيونه وماله داعي .. !



.

http://www.eqla3.com/vb/attachment.php?attachmentid=237697&d=1158917194


.



http://www.eqla3.com/vb/attachment.php?attachmentid=237699&d=1158917875
خخخخ تهقون ماخذه دور منو .. ام كلثوم :D ؟!
.




وقبل لا انسى ..
صومو هالسنه مو مثل كل مره .. :D bp039
!!..ANTRAX..!!
22-09-2006, 20:51
مرحبتيييين

وكل عام والامة الاسلامية بخير <:D

العندليب هالمسلسل كلف عليهم ميزانية كبيرة علي قولتهم وزيادة علي ذلك مسوين برنامج خاص ( العندليب من يكون...)

اللي يفوز فية يكون هو بطل المسلسل

مشوار كبير قطعوه وطلع الفايز شادي شامل وانشاء الله يتوفق ولا ينكبهم :D

انا متفائل بالمسلسل خصوصاً ان فية ( عبلة كامل ) ( صورة قلب )


كاتب السيناريو :
مدحت العدل .. " هو نفسه تبع مسلسل ريا وسكينه pb036 "



مدهرين عيال العدل خخخخخخخخخ هذا ينتج وهذا يخرج وهذا يمثل

بالتوفيق لكم في التغطية وانشاء الله متابعين معك لحظة بلحظة
Miss Jeanz
22-09-2006, 21:00
^
^

يا شين اللي يسقط بالنص خخخخخخخخخخخخ :D






يعطيك ألف عافية كونفي pb189
هذي الساعة المباركة اجتمعنا < عرس مو موضوع pb036


بالنسبة للمسلسل .. مثل ما قلتي أتمنى ما يبالغون بمسألة ( الطيبة )
ويطلعونه ملاك زي ما صار بمسلسلات كثير تخص شخصيات ثانية ..
أتمنى انه يكون قريب من الواقع قدر المستطاع < حلوة قدر المستطاع pb036

بالنسبة لشادي .. أنا معلقة عليه آمال كبيرة ان شالله ما يخيب ظني pb189



وبس bp039
!!..ANTRAX..!!
22-09-2006, 21:10
بـ،،،،،،،،ـاكـــ

تردد القناة

علي العربسات
11642
27500
النايل سات
11938
27500
دبرو لنا الاعادة علي اساس التقديم يكون روعه

برايفت ميس جينز
اشوف حاطين العلامة هذي بالتوقيع (:/)
لهاالدرجة وصل الغباء فيكم :D
Juhaina
22-09-2006, 21:22
http://www.eqla3.com/vb/attachment.php?attachmentid=237700&d=1158917875
هذول الإثنين تمثيلهم رهيب...
مرة عجبوني بفيلم عن العشق و الهوى...

متابعة التغطية إن شا الله يا Confused و Miss Jeanz :)...
خـاااش غلـط
22-09-2006, 21:39
متابعين للتغطية

ترا لا تلفزونات ولا قنوات عربية ..

يعني الله الله :d
ســــــابينـــا
22-09-2006, 21:46
انا متفائله بالمسلسل واحسه بينجح مثل ام كلثوم
ومتابعه ان شاء الله التغطيه معكم :)
رافع الراس..
22-09-2006, 22:01
على القوة بنات :D
ان شاء الله ينجح شفت مقابلة مع شادي
بكلام نواعم والله شكل شادي يدخل القلب ولا وفيه في المسلسل
عبلة كامل متابع الله لايعوق بشر ان شاء الله
تسلمون Confused و Miss Jeanz
الله يقويكم ومتابع لتغطيتكم ان شاء الله ..
i 1 c u
22-09-2006, 22:07
..

إن شاء الله بـ أتابع المسلسل لكن عندي إحساس إنه بـ يطلعون شخصية حليم بالطيبة الزايدة

و فيه بعد شوي عن الواقعية :rolleyes:

..

عبلة كامل pb189

دايما تبدع بـ أدوارها .. خاصة الحزينة :(

..
عنيزاوية
22-09-2006, 22:37
كل عام والجميع بخير والله يعيده علينا وعليكم ان شاء الله بالخير والبركة

أنا من قبل ما يصورون المسلسل وأنا متحمسة له بما اني من عشاق عبدالحليم الله يرحمه

بس على قولتكم الله يستر ما يخلونه كامل ولا تشوبه شائبة بما انهم يمجدونه امثر من اللازم

وان شاء الله متابعة طيبة بس لا تنسون الاعادة

وعسى بس ما تطول السالفة ويخلونه أكثر من 30 حلقة مثل ما سووا بريا وسكينة
ترى محنب فاضين ورانا عيد وهجهجة... هذا غير ان أوقات المسلسلات تتغير
يا شينهم
تسحيبات الثنيان
22-09-2006, 22:41
//
//
//

http://www.eqla3.com/vb/attachment.php?attachmentid=237701&d=1158917875

شكله أحمد زكي في فيلم { حليم ) .. !! pb036

بالنسبه لـ المسلسل .

اتوقع انه راح يجذب نسبه كبيره من المشاهدين لقوه الشخصيه ..!!

ونجاحه وعدم نجاحه .

يعتمد على المبالغه في ( الصفات الايجابيه ) لـ عبدالحليم ... كذا اتوقع ماينجح .. !!

أما اذا كان العكس .. وكان قريب من الواقع راح ينجح ( من وجهة نظر شخصيه ) .. !!

Confused + Miss Jeanz

bp039 bp039

//
//
//
معجون
22-09-2006, 22:43
متابعين للتغطية

ترا لا تلفزونات ولا قنوات عربية ..

يعني الله الله :d

يمدحون الـ DishNetwork pb071
شكله حياكل الجو المسلسل اول شيء لانه عن حليم وثاني شيء لمشاركة عبلة
Jo NaHaL
22-09-2006, 23:07
شكرا على هالمعلومات عن العمل
ونستنى التغطيه اليوميه لان المسلسل شكلو بيشجع انو ينشاف
بس بدي موعد الاعاده ازا بتريد :)
Not 4 SaLe
22-09-2006, 23:24
عايلته شبانه :|
طلعوا من الشبانات اجل :|
<<كلن على همه خخخخخخخ

[IMG]http://www.eqla3.com/vb/attachment.php?attachmentid=237695&d=1158917194[/IMG
صوره مع التحيه لمحلات بربريز الشهبا خخخخخخخخخ
.
كونووو و مس جينز احنا معاكم للاخر
مع اني مو ناويه اتابع مسلسلات واجد هالسنه
بس بقط عندكم اذب واطلع :D
^^ ورود نجد ^^
22-09-2006, 23:42
تحمست اتابعه من بعد

ريا وسكينة

كان ابــــــــــــــــــداع
رافع الراس..
22-09-2006, 23:56
عنيزاوية
وعسى بس ما تطول السالفة ويخلونه أكثر من 30 حلقة
كني سمعت شادي بالمقابلة يقول 33 حلقة :D
اقول وشولن طريقة اعادة المسلسلات احد عنده فكرة ياليت يقولنا :)
سوري Confused وMiss Jeanz
ادري ياكثري :D
الله يقويكم :)
الشــــروق
23-09-2006, 01:47
Confused & Miss Jeanz

متابعين معكم التغطية :)
^_^ ريمـوـو ^_^
23-09-2006, 07:56
احس المسلسل مره حلوه
يكفي اغاني عبدالحليم روعه : (

بس ماراح اشوفه ان شاء الله بعد رمضان


على فكره المسلسل 33 حلقه
^_^ ريمـوـو ^_^
23-09-2006, 08:00
احس المسلسل مره حلوه
يكفي اغاني عبدالحليم روعه : (

بس ماراح اشوفه ان شاء الله بعد رمضان


على فكره المسلسل 33 حلقه
serina
23-09-2006, 10:15
احس توقيته غلط يعني بنفس السنة يطلع فيلم لحليم ومسلسل لحيلم ومسلسل لسعاد حسني بردو فيه حليم <<<<كتير:sm5:

غير انه في مسلسل حليم وسعاد نفس الشخصيات يادوها اتنين ممثلين فاكيد راح تفقد الشخصية مصداقيتهاpb093

شخصية حليم في مسلسل سعاد حسني راح يعملها مدحت صالحpb131
وشخصية سعاد في مسلسل راح تعملها إيمان سلامه <<< مين ديpb036

وعالعموم مااعتقد راح اتابعهم ما احب المصاروة ابداااااpb093

لكن راح ادخل اشوف التعاليق:D

ثانكيو يااهل الموضوعbp039 bp039
V O G U E
23-09-2006, 10:19
.




يااااااي مررره مبســوووطه اشتقت للتغطياات الاقلااعية :(pb189 من زمـااان عنـهاا :( pb189

بس كويـس الحين كلنـاا نجتمع وهاتك ياتعليقـاات :D واااووو متحمســه مرره :D pb189

يـله انشالله تكون التغطيـة حلـووه وممتعـه مثـل التغطيـات حقات برامج الـ LBC:D pb189

<----- شـووفو النـااس ويـن وهي ووين:D





.
!^! كازاويه !^!
23-09-2006, 10:22
وه وه وه
يا حلاااااتها عبله بنت كامل pb189
يا ناس تقنن قوناااااان بشكل
ايه ما علينا والا الي يمثل دور حليم
يحوم التسبد pb131
وصار فينا تشبع حليم هالسنه
كفــايه مسلسل او فلم ..
.. sky ..
23-09-2006, 11:05
مـرحبـا :)

وش هـ الزين كـلـه !!؟
كل ذا لـ "شادي شامـل" :d <----- بتنجلد :p

عرض مميـــــز .. و تعليقات ع كل كبيره و صغيره ;)
عليكم فيـهم .. لا ترحمونهم .. نتفوهم تنتيف :d

أتمنـى العمل يكـون حلـو .. و ع قد طمـوح جماهير العندليب في الوطن العربي
شخصياً كنت و لا زلت متحمسـه لـ فيلم "حليم" .. و لا المسلسل ما طقيت لـه خبر بصراحـه !!
لكن الي يميز المسلسل .. هـو تغطيتكم لـه ;)

عساكم ع القـوه صبايا
ح بئ أشئر عليكوم كول كام يوم :d

bp039
Bored!
23-09-2006, 13:02
شكلـه المسلسل حلو دام ان عبله كامل فيه "صورة قلب"

ياحبيلها احسها حنونه :D

ان شاء الله بنكون مابعين للتعليقات والتغطيه .. وعساني اقدر اتابع المسلسل

بس ماهقيت ان اليوم او بكره ... :D

عندنا اول ثلاث ايام زحمة تسايير خخخخخ

كونفوو+ مس جينز .... يعطيكم العافيه

ومتابعين الله لا يعوق بشر (F)

.
.
.
Miss Jeanz
23-09-2006, 14:13
كني سمعت شادي بالمقابلة يقول 33 حلقة
pb036


كونفيوزد .. يمدينا ننحاش؟ :D
رفاقة عمر
23-09-2006, 15:51
.وقبل لا انسى ..
صومو هالسنه مو مثل كل مره .. :D bp039
خخخخخخخخخخخخخخخخخخخخخخخخ
ههههههههههههههههه
الله يخزي شطانك ياقدع :D :D
أضحكتني أضحك الله سنك

بارك الله فيك على هالتغطية الحلوّة برشا
وإن شاء الله نتعاون في مدكم ببعض التساوير وحاقة عالماشي
تحياتي pb189 لكم
منورين والله
ورمضان كريم
ί c o n
23-09-2006, 20:11
وينكم سمعت إن الحلقة تبدأ 10 و الحين 11 و 11 دقيقة و ماشفت تغطية ؟


ما هقيتكم زلايب لهالدرجة :d


برب بروح اشوف حدائق الشيطان<< إنحاشت قبل ما تتكفخ :d
!!..ANTRAX..!!
23-09-2006, 20:42
رفاقة
Confused بنت ماهي ولد ههههههههههههههه

ميس وConfused المسلسل منتهي له ساعه وين التغطية :d

صراحة ما شفت الحلقة ما احب نوعية هالمسلسلات

بس بشوف تغطيتكم اكيد بتكون احلا من المسلسل

تحيتي
V O G U E
23-09-2006, 20:53
ياااي حبيــت pb189 شكل هالمسلسل حليو pb094 وخصوصا البنت الصغيره ياملحها
بس انا ابي اسأل pb094 صـدق امه ماتت وهو توهـ مولود :(
والله بااين عالمسلسل انه روووعه ;) وبتاابعه خلااص قررت pb094



ميس جينزpb189 & كونفيوزد pb189


الله الله بالتغطيات الساانعاااهـ (السنعه:D ) يعني نبي صور وخرابيط وكذاا:D
وخصـوصا كنفيوزد .. لاني اعرفهــا تموت بالزمن القديـم احس انها ماتشوف ملون
تشوف ابيض واسود من كثر ماتحب الاشياء القديمه :D وخاصـة رش رش:D pb189


يلـه الحيــن انا برووح واكيـد اكيـد لي بااك << الا على طاري اكيد اكيد
ليش ماجا برنامج نيشانpb189 اكيد اكيد مايسترو احتريته عالفاضي :(
Confused
23-09-2006, 22:19
مرحباااا .. تقبل الله صيامكم .. وقيامكم ..
مشكورين عالتشجيع والردود الحلووه ..pb189
بس امسكو تغطيتي المتواااضعه .. تلحقها الصور .. من ايدين مس جينز الناعمه << ابد ماتدهن سيرها:D
طبعا لا اخفيكم سراُ .. قاعده بس ابحلق بالشاااشـه من الصدمه pb036 .. وحاطته ميوت اول خمس دقايق


قبل لا انسى .. الاعاااده الساعه 5 ونص ..
يعني بعد ماتتسحرون بالعافيه على قلوبكم..تسدحو عند التلفزيون وتابعوه :D

اقول وااااااااااي خاشوووه والانتراكس .. صبرروا عليناا نطييير يعني نطير:sm5:
مالنا رب مالنا روح .. مالنا اوادم تسيّر علينا بأول يوم.. شلون يعني نطردهم .. قال ايه !! ورانا تغطيه :D ؟؟
اي والله .. تررررى ننسحببب << تهدد هي ومسلسلها :rolleyes:


المهم .. اليكم التغطيه


الحــلقــ1ــه

المكاان .. قريـه الزقازيق
الزمااان .. علمي علمكم


الكامير على الفتى الدربي .. يلعلع .. وينشد او يغني .. (كان ميوت :D )
واذا بي اشهق .. لا لا معقول ابو خشم هذا حليم ..بس الحمدالله طلع اخوه .. محمد على ما اظن
وابو حليم يطلع مؤذن يحليله ومن النوع اللي ينشدون اناشيد دينيه .. العائله كلها عندها ميول فنيه

http://www.eqla3.com/vb/attachment.php?attachmentid=238912&d=1159045994

ام حليم .. الست زينب .. في نفس اللحظه كانت تعاااني خنت حيلي من الاآآآم المخاض
طبعا انا ماعرفت انها تولد الا من جدر الماي .. يحليلها ام حليم ما تصرخ مثل الباقيات
اما ان الميكرفون اللي فوق راسها حزه التصوير كان خربان .. او ان هذا السر بصوت حليم الساحر
انه ماتعرض لمؤثرات خارجيه وقت الولاده .. اما عليهم ذاك اللحاااف البنفسجي .. خوش لون << كفوك


http://www.eqla3.com/vb/attachment.php?attachmentid=238917&d=1159046295
اللحاف البنفسجي ايااااه :D

اخت حليم "عليه" شملحها البنيه .. تحوس برااا تحووس ..
قلقانه على امها .. ياعمري حاسه بالمصيبه الظاهر pb131
والزفته اللي تولد امها .. زفه فيها وزفه بالقاع .. مارحمت هالطفله البررريئه :sm1:

http://www.eqla3.com/vb/attachment.php?attachmentid=238910&d=1159045994
عليه خدها على ايدها قلقانه ا(هداء الى بنت الواااادي bp039 )

طبعا مركزين على اللحاف اللي متغطيه فيه ام حليم تو متش<< اللون ضارب بعينها
انا قلت لا لا الحين بيطلع شعاع او شادي شامل بكبره من تحت هاللحاف :o

ولدت الست زينب .. خنت حيلي .. ولا اهي تعبانه .. :(
ويجي زوجها يسير عليها .. ياحليلهم رومانسين الصعايده << شطحت
تسأله عن حليم .. والعيال .. يقولها يالله شدي حيلك .. يبون ياكلون من ايدينك الحلوين
ابيك تكونين بصحه وعافيه حق اسبوع الواد عبدالحليم .. يدااريهاااا وعليهpb189
وهي خطيه بتفطس من التعب .. الا تعالو ابو حليم طلع ابيضاني وعيونه ملونه .. اكشنااات !:D

المهم يامحفوظين السلامه .. مر اسبوع .. وكعاده اخونا في مصر عندهم تقليد اسمه " السبوع"
يقرون عالولد .. ويوزعون حلاو .. ويرقونه على قولتهم .. واللي اهتمت بهالشي خالته اللي هي عفاف رشاد
الا مايخافون ينكب الفحم على الولد ويضيع ملامحه .. !
المهم اول ماجابوه قالت الجاره الحوماره .. "ده عمره اكتر من اسبوع يختي "
عاد الخاله نطت وقامت تسمي على حليم .. خنت حيلي .. منضووووول :sm1:

http://www.eqla3.com/vb/attachment.php?attachmentid=238909&d=1159045994
السبوع اللي كنت اقولكم عنه


قالو نادو الام خل تيي تقعد معانا .. ونونس وياها .. ولا متوفيه .. ويشتغل الصراخ والعزى
الا الحوماره نفسها .. اللي هي الجاره << حقدت عليها بذمه وضميره
تقول الولد عبدالحليم ده نحس .. ماتت امه .. انا باخذه وارضعه من صدرها " صدر امه الميته "
عشان يتسمم ويمووو ونرتاح منه .. حومااره انتي شدخلك .. احد قالك اصرفي عليه pb131 pb131
(بهاالقطه خلاص .. الدمعه نقزت من عيني << يعنني رقيقه ) .. حقييييييييره .. انتي شكو بالولد
بس اشوى اخوه اسماعيل .. سمعها .. واخذ الولد من ايدينها :sm1: :sm1:



سامحونا عالقصور ..
والمايك لك يا مس جينز .. :D
Miss Jeanz
23-09-2006, 22:20
^
^

يعطيك العافية كونفي





خلال هالاحداث كان في واحد صاحب ابو حليم او ولد عمه .. او اخوه << اخر تناحه :D
المهم انه اسمه البهتيمي .. وكان اخونا بالله هذا متعصب حق امام اسمه حسن
من الاخوان المسلمين .. ووصلت درجه التعصب فيه الى غسل الدماغ .. ! :rolleyes:

وبحزه عزى الرجال عند ابو حليم .. جوهم الشرطه .. وقبضوا عليهم .. هو وواحد ثاني ينقاله طه
هم صاحبهم .. طه هذا ماله شغل .. اصلا هو ضد فكر الاخوان .. بس راح بالرجلين على قولتهم
مادري شسنع هالحدث بس خبركم الامانه العلميه مقطعه بعضها اول يوم تغطيه .. pb095

حليم كمل 5 شهور .. وكان يرضع من 10 حريم بالبلد :eek: .. كل يوم عند وحده
وافرجوا عن المحبوسين .. المتعصب والمسكين طه .. وفنفس يوم طلعتهم
توفى ابو حليم بعد ماخلص من الصلاه .. :| وكانت بنته عليه الصغنونه تقوله
انت ماصليت بالمسجد مثل عوااايدك عليه .. قال انا تعبان ..
وانا اقول عشان يفطس عليك وتبتليشن فيه وبحليم معااه :sm1:


وبس انتهت الحلقه .. bp039




هذي بعض الصور ;)



http://www.eqla3.com/vb/attachment.php?attachmentid=238938&d=1159048130

بيت حليم



http://www.eqla3.com/vb/attachment.php?attachmentid=238912&d=1159045994

أبوه اللي كان مؤذن pb189



http://www.eqla3.com/vb/attachment.php?attachmentid=238908&d=1159045994

أبو حليم مع خاله



http://www.eqla3.com/vb/attachment.php?attachmentid=238909&d=1159045994

السبوع pb071



http://www.eqla3.com/vb/attachment.php?attachmentid=238916&d=1159046295

أبو حليم مع امه قبل وفاتها :(



http://www.eqla3.com/vb/attachment.php?attachmentid=238919&d=1159046295

العزاء < مو كأنها نفس ملابس السبوع :D
العسكـــريه
23-09-2006, 22:50
.

.


شفت الحلقه الاولى .. مشاهد بس


بس غريبه هاللحين كل الفنانين .. جايين من الصعيــد ! pb036


كلبوهمـ .. ام كلثوم .. وعبدالحيلمـ ! .. ويمكن السندريلا بعد



يعطيكمـ العافيه بناتـ pb189 pb189
رادة بالدنيا
24-09-2006, 00:13
يعطيكم العافية
Confusedpb189
Miss Jeanzpb189


توني أدري ان ابو عبدالحليم مؤذن pb036

راجعة لكم
!!..ANTRAX..!!
24-09-2006, 03:55
ما بغيــنا :D


http://www.eqla3.com/vb/attachment.php?attachmentid=238912&d=1159045994

مشاء الله طلع ابوه مؤذن تصدقون توني ادري :D

اصلا هو ضد فكر الاخوان .. بس راح بالرجلين على قولتهم
مادري شسنع هالحدث بس خبركم الامانه العلميه مقطعه بعضها اول يوم تغطيه .. pb095


ابو عدل يبي يخبص الدنيــا اجل :D يبي يدخل الارهاب بالموضوع pb036

متابع للتغطية مالي خلق علي المسلسلات المصرية :D

الله يعطيكن العافية يا بنات ;)
غـزالـة الـوادي
24-09-2006, 09:54
.

.


بس غريبه هاللحين كل الفنانين .. جايين من الصعيــد ! pb036




انا بعد استغربت الصعيد عندهم مواهب والله ;)


احاول اتابع المسلسل شكله حلو شفت لقطات بس...

مشكووورين يابنات عالتغطيه bp039
ابودمجه
24-09-2006, 10:20
^
^
احمد زويل ...صعيدي ..!!

__________________________

مسلسل متحمس له اكثر من الفلم ...

لان الفلم ماكان احمد زكي في كامل لياقته الفنيه ..والكثير قالو عنه انك راح تتابع احمد زكي وحالته ..اكثر من قصه حليم ..:(

( وعلى فكره يازلايب :D..ترا الصور اللي حاطينها صور احمد زكي ..مهب شادي شامل .. شادي شامل نسخه من عبدالحليم ..تشوفه تتذكر عبدالحليم على طوووول )

شفت اول حلقه وتحمست ...... وكرهت جارتهم النسره ... وش دخل اهلها الولد اذاك ان نحس ولالا ... انثبري بس ..


طبعا بالنسبه لسالفه الشخصيه الملائكيه ... هم غصب عليهم يسوون كذا ..مو بكيفهم ..علشان يرضون اهله ويمشون الامور بدون قضايا ومحاكم .. مالهم الا كذا :(

متابعين ..
عنيزاوية
24-09-2006, 11:33
يا ربيه المسلسل يقطع القلب :(
يا بعد الدنيا يا حلوم الله يرحمك :(
لا وتراكم ريضين بالصياح ولموا المناديل بس

يا حياتي كسر خاطري وهم يدورون به من مرضعة لمرضعة :(

ملاحظة:
لا يفوتكم مسلسل السندريلا بعد ترى مب شين
والبنت الصغيرة اللي تمثل دور سعاد بطفولته تزننننننننننننن وتمثيله رائع

المسلسلين يجن بنفس الوقت عشان تسذا أنا أتابع واحد وأسجل الثاني >>> والله بلشة
رافع الراس..
24-09-2006, 12:12
المسلسل مبين عليه من اوله رايق ماحسيت بملل
اعجبني الولد اخو عبد الحليم اللي الحرمة يوم قامت تبي
ترضعه من امه بعد ماماتت عشان يموت معاها
قام اخذه وركض مادري وراه تاثرت
حتى البنت اخت عبد الحليم البنت ذي تمثيلها اليييم
وحتى ابو عبد الحليم شكله اجودي
الصراحة توقعته اشين من كذا بس مبين عليه حلو
ان شاء الله متابع معاكم باذن الله
على القوة بنات :)
متى الأعادة الساعة 1 شكله ولا..!
Confused
24-09-2006, 17:15
اهليييييين بالكل ..

شنو فطوركم اليوم .. ؟ :D

شسمه .. اعذروني برد عالاستفسارات بس ..


امممممم اول شي شسالفه زلايب ؟ هذي ثاني مره تنقالي بنفس الموضوع ..
الوضع مايطمن :D


سالفه المؤذن ابو نظارات.. والله مايندرااااشي .. انا شاكه بولد العدل هذا .. خياله خصب :mad:
بس متابعين ماورانا شي .. :D

بالنسبه للنجوم الصعايده .. طبعاً طبعاً .. كلللهم صعايده .. :D
اصلاً المصريين كلهم بصوره او بأخرى يرجعون اما للصعيد او تركيا او السودان << اديـلوووه ياعلم الانساب :D
بس للامانه سعاد امها سوريه .. اعتقد هذا سر الزين اللي فيها .. مادري عاد ابوها صعيدي ولا لاء


بس متى ينعرض السندريلا .. ؟؟ وين على قناه ؟
اهم شي مو 10


شسمه .. الاعااده الساعه 5 ونص صباحاً:D .. بس ما ادري اذا في اعاده الظهر بعد !


الصور مو صور احمد زكي واللله والله مو صور احمد .. ذبحتوني ترى .. pb036
و الله يرحمه كان اسمن من هذا واصابعه اطول .. لاحظو هذا اصابعه قصار وكل واحد شمتنه :D ( خوش عذر هاه )
بس للامااانه العلميه .. ما ادري عاد اذا صور شادي او لاء :D << ياســلااام !
غالبا صور شادي بس بعد ماسمن .. او ممثل ثاني يمثل اخر الحلقاات ..
كيفكم عااد هذا الموجود :D .. بصراحه لقيتهم مع صور المسلسل بموقع مصري .. بس المهم مو احمد زكي .. :sm1:
Miss Jeanz
24-09-2006, 17:38
ترا كثيييير من الفنانين المصريين هذاك الوقت كانو اهلهم مقرئين والا مؤذنين
مدري ليه pb036
هالقصة عرفتها وانا أسوي موضوعي الأخير ( في عروقهم ) .. أغلبهم أهلهم كذا :cool:



بس متى ينعرض السندريلا .. ؟؟ وين على قناه ؟
اهم شي مو 10

الا أبشرك في نفس وقت حليم .. أظن إعادته الساعة 4 الفجر ;)



الانتراكس

ما بغيــنا

هالكلام وجهه لمنتدى التحميل المصون :D
ذبحني لدرجة اني بغيت أتهور وأحمل في موقع ثاني غير الإقلاع :mad:
اذا عدلتو تحميلكم ذيك الساعة هاوشونا pb192





وبس :D
!!..ANTRAX..!!
24-09-2006, 20:33
هلا ميس

انشاء الله بنلاقي حل بأسرع وقت

أغلب التغطيات مافيها الا صور قليل ، منتدي التحميل يطول بالرفع لانه ينقل المرفقات من سيرفر الي سيرفر ثاني علي اساس كذا تطول لما تطلع

طبعا بالنسبه لسالفه الشخصيه الملائكيه ... هم غصب عليهم يسوون كذا ..مو بكيفهم ..علشان يرضون اهله ويمشون الامور بدون قضايا ومحاكم .. مالهم الا كذا :(



هذا المشكلة لاني عارف انه بيخلونه ما مثله وانه ماكان يغلطش علي حد:D
Confused
24-09-2006, 20:58
مرحبا ..

الحلقــ2ــه


اخر احداث الحلقه الاخيره هي وفاه والد عبدالحليم .. الله يرحمهم جميعاً
والحين خالهم شايل همهم وقلقلن على كوم هاليتامى .. بس زوجته ماتبيهم !
هي الخسرانه .. ماتعرف اجر كفاله اليتيم .. الثولا :(

هاليتامي وعليه قاعدين يحسبونها عالشعره .. محمد الوسطي يقسم مخزون الاكل عالايام ..
وشكثر راح يكفيهم .. واسماعيل يفكر يشتغل .. ويصرف على اخوانه ..
ويقسم عليهم شغل البيت من طبخ وتنظيف .. وعليه تفكر بعبدالحليم .. توديه عند منو ترضعه
والخال كان واقف عند الباب يسمعهم .. :(

المهم .. ماقصر وعليه .. قالهم انتو تجون تعيشون عندي .. ومن هالحكي واخذهم لبيته

بنفس الوقت البهتيمي قاعد يلعي ويحن .. هذا راعي الاخوان .. اففpb131
غصب طيب بيخلون المسلسل سياسي ويتعموق بالاحزاب والتطرف والخ .. !
ماقلنا لا .. بس ركزوا عالجانب الانساني لحليم .. قال ايه قال النحاس استقال .. pb131 بلا نيله

المهم ببيت الخال .. زوجته تهلي وتمرحب . بس ما ارتحت لها ولا هم ارتاحو لها
الزفته تظهر غير ماتبطن .. اول ماطلع زوجها طلعت العين الحمرا على قولتهم ..
وكرفتهم كرف مو طبيعي بشغل البيت .. وكل شي تمد لسانها عليهم .. يعله القص
ذكرتني بمرت ابو السندريلا .. شريره .. :D << ياي يالرقه

عاد جايبين لهم ابو ست شهور بدور حليم .. الظاهر انه فيه عنقز او شي
الولد مبقع حبوب حمرا .. مالقوا غيره يعني << انواع الاحتجاجات من ثاني حلقه
وكل مامسكت " عليه " اخوها .. زفتها وطيحت حظها زوجه خالها ..
لا بعد تخليها تهمز سيقانها .. يااااااااااعلهم الكسررر قولو امييييين

عاد اخوان حليم ماسكتو .. قرروا ينتقمون منها ومن شرها اللي مطلعته عليهم
وفـ يوم سمعوا خالهم يقولها انه عازم كبار الشخصيات بالبلد ..
قالت له "ايه وياهلا ومرحبا .. وحياهم الله بس عندي شرط .. عيال اختك يرجعون بيتهم
بوقت العزيمه مابي احد يشوفهم عندي ".. عشتــووو!! .. من زينك الحين !

بيوم العزيم تغافلها الدب محمدوه .. وسحب الشغاله حقتها هم طفله ..
واشغلها عن الطبخه .. ودخلت عليه .. ولعت النار زياده وزادتها قش وحرقت طبختها
طبعاً عينكم ماتشوف الا النور لما شافت طبختها محترقه هي نفسها ولعت
وجت لبيتهم تهزئهم وتردحلهم بنت الحين اقول .. pb036
بس الخال كان واقف وراها ومو حاسه فيه .. وعطاااها ذااك الكف .. يطيب الخااااطر
ااااه وينه عن جارتهم الحوماره يعطيها واحد بعد.. يبرد قلبي فيها :D << مشكله اللي تعيش الدور


مرت سنين .. وتطلع لنا بركه البلهارسيا ماغيرها pb131
وحليم وباقي اليهال قاعدين يسبحون فيها .. وعليه منهبله تفتر من مكان لمكان تدور عليه
ويوم لقتته ماطاع يطلع من هالبركه .. تقوله " اطلع لاتموت وتفطس ياولد الحلال " .. عيا حليم
وعاند .. وقال احسن خليني اموت .. اصلا انا نحس وامي ماتت بولادتي وابوي مات بعد .. !
انهبلت عليه .؟ يوم سمعت هالكلمتين .. وانا انهبلت زود يوم عرفت ان الجاره هي اللي قالت له هالكلام
ذكرتوها .. الجاره الحقيره اللي كانت بتذبحه << كلها امس يذكرون شنو بعد ؟
المهم ماصدقت عليه وراحت زفتها .. وطيبت خاطر حليم فيها .. لا واسمها صدقيه بعد .. !
المفروض يسمونها كذبيه .. كلبيه .. مو صدقيه .. pb131 pb131

اي عاد الحين الطامه الكبرى والفشيله .. اعذروني خربطت امس
كنت احسبهم بالزقازيق .. بس طلعوا بالحلوات بعدهم ما انتقلو ..
شدراني عنهم .. شفت اسم المخفر وحطيته .. كاشخه فيه على غفله :D

المهم انتقلو مع خالهم من قريه الحلوات الى الزقازيق .. عشان يبدون حياه جديده ..
ويدخلون مدارس احسن والخ .. الخ

مرت سنين ومنين .. ولا البهتيمي طالع من ندوه .. ويصادف منو ؟؟
اسماااعيل .. ماغيره اخو حليم ولا هو صاير شباب وشحليلته وصار يدرس بمعهد الموسيقى
وسلام وكلام وشلونكم وشخباركم على غير سنع ولا فايده

بس طلعوا مظاهرات شباب .. وطب فيها البهتيمي اللي مابقى شي ماطب فيه ..
وينقبض عليه .. هو مع منو ؟؟ تخيلووووو .. جمال عبدالناصر .. كان شباب ابو 17 ولا 18
ويدخلون النيابه ويدخل البهتمي على الضابط اول شي .. اللي يطلع منوو
طه بعد .. هذاك اللي انقبض عليه بدون سبب معاه .. المهم يضبط وضعه ويطلعه
وجمال برا مستلمه واحد من الحزب الشيوعي .. يغسل دماغه شوي :D

دخل حليم الابتدائيه .. ومشتط يغني النشيد الوطني .. ولا واحد من المدرسين يفطن فيه
ويعجب بصوته pb036 .. ويجره لداخل صف من الصفوف ويخليه يغنيله .. ويسأله عن عنوان بيتهم
راح هذا المدرس وزارهم ببيتهم وقعد يقنع الخال بموهبه حليم .. واقترح عليه يدخل مدرسه
مهتمه بالموسيقى .. بس عيبها انها للايتام .. وماعجب الخال الوضع .. !
بس بالاخير اقتنع .. عشان مصلحه حليم .. ( بصراحه مو داخله راسي فكره ان الخال مو عاجبه .. بس يالله نمشيها )

المهم اخذه المدرس .. ووداه للمدرسه الجديده .. وخلاه يغني بدال واحد من الاولاد
بس هذاك الولد شكله حقد .. ويعطي حليم نظرات ما تسر .. الله يستر !pb036

اهم شييي اهم شييي ان حركاته وهو يغني من عمر 6 سنين ماتغيرت ..
سبحاااانك ربي قادر على فعل كل شيء !! .. يسمعون بالمصداقيه بعد :/

المهم رجعلكم حليم من المدرسه متشقق من الوناسه .. وزادت فرحته لما وصلتهم رساله من اخوهم اسماعيل
يسلم عليهم ويعلمهم عن حفله لمحمد عبدالوهاب عندهم بالزقايق ..
ويروح حليم مع شحاته .. ويهز راسه باندماج .. يعنني عايش الدور وفاهم على غفله
صراحه تو متتتتش .. عبقرى موسيقى من الطفوله .. ولا بيتهووفن ياقمااااعه ..
غلطااانيــــن .. ليش ماخليتوه يغني من المهد احسن !!! pb036 pb036


اول حلقه كانت احلى .. هالحلقه مليييقه ياربي
وسلامتكم .. سامحونا عالقصور ..


الصور تحت التحميض .. الحين تجيبهم مس جينز .. << يعطيها الف عاااافيه pb189 bp039
I r i a
24-09-2006, 21:22
يعطيكم العافية صبايا pb189 ..

المسلسل حلوو للحين .. يكفي فيه من ريحة ريا وسكينة :D ..
البنت الصغيرونة اخت حليم .. والبيوت .. وعبلة كامل .. والعدل قروب ..

اليوم الولد اللي مقلد حليم .. ماشاء الله حليو وصوته يجننpb189 ..
رحمت الولد اللي كان يغني وحليم اخذ مكانه :( ..
واعجبتني اخته الكبيرة يوم هاوشت جارتهم .. اووم عنين تفلئـ الحقر :D..


متابعين بإذن الله ..
Miss Jeanz
24-09-2006, 21:45
^
^
يعطيك العافية يا قميل ;)
( الأسهم لكونفيوزد ) pb189


نبدأ بالصور حسب أحداث الحلقة pb071









http://www.eqla3.com/vb/attachment.php?attachmentid=239457&d=1159131810

بدت الحلقة بالخال ( متولي ) وهو يقول لزوجته انه ناوي
يجيب أولاد اخته يعيشون معهم pb189





http://www.eqla3.com/vb/attachment.php?attachmentid=239442&d=1159131148

الأولاد المساكين كانو يقسمون الشغل بينهم :(





http://www.eqla3.com/vb/attachment.php?attachmentid=239443&d=1159131148

والخال كان يسمعهم من ورا الباب .. انكسر خاطره عليهم ..
ودخل قال لهم تعالو يا عيال باخذكم تعيشون عندي pb189






http://www.eqla3.com/vb/attachment.php?attachmentid=239460&d=1159131810

وداهم عند زوجته وقال لها تنتبه لهم .. قالت له ( دول في عيني ّ ) وهي تنصب ناوية لهم شر :mad:






http://www.eqla3.com/vb/attachment.php?attachmentid=239445&d=1159131148

بدت تعذبهم وتخليهم يكرفون في البيت وهي متكية مرتاحة pb131
عاد بعدين اكتشف الخال انها شريرة وصفقها كف pb095





***





http://www.eqla3.com/vb/attachment.php?attachmentid=239480&d=1159132834

الأحداث في عام 1935 .. حليم يسبح مع مجموعة من الأولاد وأخته تجي تهاوشه
تقول له ليش تسبح في الترعه :mad:





http://www.eqla3.com/vb/attachment.php?attachmentid=239481&d=1159132834

الخال عاتب حليم عشانه سبح في الترعه وقال له انتبه لا يجيك هذا المرض
< ما تدري وش اسمه pb192
في الأخير علم أولاد اخته انهم كلهم بينقلون معه للزقازيق




***




http://www.eqla3.com/vb/attachment.php?attachmentid=239471&d=1159132144

بعدين صارت مظاهرة .. ومن ضمن المتظاهرين الشيخ بهتيمي مدري وش اسمه :D
وفيه واحد انجرح منهم اسمه جمال :rolleyes:






http://www.eqla3.com/vb/attachment.php?attachmentid=239473&d=1159132144

مسكتهم الشرطة .. ويوم دخل الشيخ على الضابط لقاه هو نفسه صاحبه ( طه )
اللي جا في أول الحلقة :rolleyes:




***




http://www.eqla3.com/vb/attachment.php?attachmentid=239474&d=1159132631

حليم كان في المدرسة يغني ( بلادي بلادي ) .. سمعه المدرس ومرة أعجب بصوته وموهبته pb189






http://www.eqla3.com/vb/attachment.php?attachmentid=239475&d=1159132631

المدرس راح لخال حليم يقنعه ينقله لمدرسة تعلم الموسيقى .. الخال رفض في البداية لان المدرسة هذي
مدرسة أيتام .. لكن في الأخير قال للمدرس خله في مدرسته وبعد الدوام خذه لمدرسة الأيتام عشان يتعلم





http://www.eqla3.com/vb/attachment.php?attachmentid=239484&d=1159133784

في مدرسة الأيتام .. كان فيه ولد اسمه جعفر أو ( قعفر ) على قولهم pb192
الولد هذا كان هو قائد الفرقة وهو المغني الرئيسي .. يعني الكل في الكل pb071
جا المدرس وقال له خلاص انت خليك كورال .. حليم هو اللي بيصير المغني ..
طبعا ً قعفر حقد pb131




http://www.eqla3.com/vb/attachment.php?attachmentid=239477&d=1159132631

( قعفر ) ينظر إلى حليم بحقد pb192





***





ادري إني طولت عليكم .. وأدري اني مقصرة ..
بس وش أقول بركات منتدى التحميل :mad:



تابعونا غدا ً مع الحلقة الثالثة < اخس يا ام بي سي pb192
V O G U E
24-09-2006, 22:23
يااحراام:sm1: ايااااحــراام :sm1: كونفي قوليلنا من الحين احد بيموت بعد ولا بس كذا :(
يربيـه مسكين ابوه امه .. ضربتين بالرااس بتوقع (بتوجع:D )
المسلسل صـراحه رووعاااه pb189 خلاص دخل الجدول حقـي :D
اول ماكان داخل قلت اصبر واشوف pb094 بس صااار روووعه :sm5:
وحتى تراا مسلسل سعـاد حسني حلـووو pb189 وفكرته غريبه
جايبين وحده تحكي وجايبين ظهرها بس .. يعني سعاد حسني تقص قصتها pb189
نفس فلـم تايتنك يوم العجوز تقص قصتها pb036 << لعد تشبهيــن :D
طيـب ياجماعـه متى يكبـر ويصير شادي شامـل يمثل pb094
والله ودي اشووف وشلون كان يومه كبير :D
وشكـرا لميس جينزpb189 وكنفيوزدpb189 عالمجهوداات الرووعهpb094

ومنتظــرين مزيدن من التغطيــات pb189



باااباااااي :sm12:
عنيزاوية
24-09-2006, 22:29
ترى هم صادزين

من عمر الدنيا وحنا نسمع ان سبب مرض حليم وسقمه هو كثرة سباحته بالترعة مما سبب له مرض البلهارسيا
اللي هي دودة بالبطن مدري الأمعاء :(

بس ولو المسلسل الى الآن ماشي عال العال
وأهم شي الخالة الكلبة ماتت !!
ί c o n
25-09-2006, 00:43
آخخخخ ما شفت الحلقات يوم صار المسلسل حلوووو :(


طيب بحاول أشوف إعادة حلقة اليوم :/


مشكورين مس مس و كونفو ( قلووب من هنا إلى الترعة الي سبح فيها حليم )


وه بس لو أنه ما مات من سبت هالترعة :(
غـزالـة الـوادي
25-09-2006, 00:45
اخر احداث الحلقه الاخيره هي وفاه والد عبدالحليم .. الله يرحمهم جميعاً
والحين خالهم شايل همهم وقلقلن على كوم هاليتامى .. بس زوجته ماتبيهم !
هي الخسرانه .. ماتعرف اجر كفاله اليتيم .. الثولا :(

هاليتامي وعليه قاعدين يحسبونها عالشعره .. محمد الوسطي يقسم مخزون الاكل عالايام ..
وشكثر راح يكفيهم .. واسماعيل يفكر يشتغل .. ويصرف على اخوانه ..
ويقسم عليهم شغل البيت من طبخ وتنظيف .. وعليه تفكر بعبدالحليم .. توديه عند منو ترضعه
والخال كان واقف عند الباب يسمعهم .. :(


انااا اشووف ياربي ليش عبدالحليم انسان حزييين اثاريه كان يعاني من الطفوله :( الله يرحمه،،
اليوم ماشفت الحلقه بس ماقصرتوا قريت التغطيه وكأني شفتها...


متابعيين ياصبايا :)
.. sky ..
25-09-2006, 02:45
الصعايدة أقدع ناس pb192
معرووووووف إنو الصعيد هي منبع تاريخ و عظمـة و فن مصر pb189
الغالبيـه يرجع أصلهم "فلاحي" .. و هي كلمـه سمعتهـا من أكثر من نجم في اللقاءات و الحوارت معاهم :)

المهم جايـه أدافع عن الزلايب :p

http://www.egyfilm.com/halim/docs/myalbum/halim_gallery4.jpg
أحمد زكي رحمـة الله عليـه pb189

::

::

بينمـا هذا ..
http://www.eqla3.com/vb/attachment.php?attachmentid=237702&d=1158917875
هـو الـ $@#!%$& "هشام عبد الحميد" <----- أكرررررررهه pb131


يعطيكم العافيـه صبايا :)
Confused
25-09-2006, 07:21
^
^
عااااشو الزلاااايب .. ظهر الحق وزهق البااااطل .. ان البااااطل كان زهوووقاا

الحين هشام عبدالحميد ما مات ما ادري اعتزل ..:sm18: pb036


<< زلابه قيرل از باااك pb192

صبااااح الخيرر .. بما انه تو الناس على دوامي
قلت ارد عليكم .. لانكم شويين :D


مس جينز .. ايد ده كلوو ..ايه ده كلوو pb189
تسلم ايدينك يا اخوتشي ..
يعطيك العافيه على الصور .. bp039


بنت الوادي .. والله مادري ..
بس غالبا باقي الخال بعده ما مات .. اتوقع باقي له كم حلقه ويتوكل الى رحمه ربه..
بس عادي يعني مايقهر مثل الام والابو << لا احساس ولا مشاعر :D
بالنسبه لشادي ما ادري اتوقع الرابعه او الخامسه يطلع
لانهم يقولون انهم جايبين مراهق يشبهله حيييل .. بو 14 ولا 15 سنه
اعتقد ان هذا وقته الحلقه الثالثه .. :D

سعـاد حسني حلـووو وفكرته غريبه
جايبين وحده تحكي وجايبين ظهرها بس .. يعني سعاد حسني تقص قصتها

خليها بعد رمضان .. مافيني شده اسهر للاربع عشانهاpb093
الحين بتابع حليم بس .. للحين ما استقريت على مسلسل ثاني pb071


عنيزاويه .. اييييه معاك حق .. كله من الترعه على قولتهم .. pb131
الله مسبب الاسباب .. غاطس فيها خوش غطسه .. صار دود ببطنه مو دوده وحده pb036 الله يرحمه ..
ليتهم ردموها بس .. :sm1:


خاشه .. يازلابه :D .. ماشفتيها هاه << مستقويه pb095



غزاله الواادي ..
مو بس من الطفووووله .. الشباب والمرض وكل شي:sm1:
اكثر واحد يعرف يوصل حزنـه بصووووته .. :(


الله يعينا على عبله كامل وتمثيلها :sm1:
جهزوا قواطي الكلينكس من الحين :(
هلالي حبيب
25-09-2006, 12:48
تغطية رائع ومسلسل بداية حلوة والاختيار الفنانين كان موفق وخصوصاً الاطفال متقنيـن الدور ..

بالنسبة للإعادة 5 ونصف مافيه اعادة ثانيـــة الظهر ..؟
Hollywoody
25-09-2006, 13:17
رهيبه الحلقه الثااانيه pb189

احلى مافيها الولد الصغير وهو يغني :sm5:

كونفدنز و مس جينز bp039

بنتظار تغطية حلقة اليوم :D
Confused
25-09-2006, 20:36
مرحباااا .. يقولون والعهده على الراوي ان اعاده حليم الساعه 1 الظهر ..

وتغطيه حلقه اليوم .. بعد دقائق .. انتظروونااااا .. :D
V O G U E
25-09-2006, 21:12
حـلقة اليووم مرره حلـوه pb189 خصـوصا يـوم جا يساافر القاهرره pb189 :(
واختـه قعدت تصيـح عليـه :( ... لا تقولون لي ان اخته اذا كبرت بتصير عبله كامل:(
لانـها صـراحة بتتقن الدوور وبتصيحني :( :D .. واااو مسلسل روووعه
كل يـوم احبه زيــاده pb189 pb094 ااقـوول هو مطــول عشـان يكبر pb036
يعني كـم يبيله من حلقه عشان يبدا الشي اللي عليـه الكلام pb094
وبعديـن صدق هو مات من البهلارسيـا :( يوووء حررااام :(



يلــه باااي :sm12: ويمكن ارجع بعد التغطيـه pb094
Confused
25-09-2006, 22:00
^
^

ايه صحيح مات من المرض .. تعددت الاسبااب والموت وااااحد << درر





اول شي قبل لا احط التغطيه ..
في رساله من مس جينز تقول فيها طال عمرها .. :
برايفت اللي يحاول يدخل بيوزري .. عليك من الله ما تستحقpb131


والحين التغطيه

الحـلقــ3ــه


اممم للأسف .. حليم للحين ماكبر بهالحلقه .. ياحسرتي بس لايقعدون بعد 5 حلقات بالطفوله !
المهم مثل ماتعرفون اسماعيل اخو حليم الكبير .. ارسلهم يعلمهم عن حفله خاصه بعبدالوهاب
راح تصير بمدينتهم بالزقايق .. حليم لمعت عيونه وماصدق خبر .. وراح مع ولد خالته شحاته
قاعد على جذع شجره مادري وين .. يسمع عبدالوهاب من برا .. ولا ينقزه شحاته الـ .. ولا بلاش:D
ويطيح حليم وتنكسر ايده ..

البهتيمي .. استلم جمال وقاعد يقنعه بفكر الاخوان المسلمين .. بس جمال متشتت بين هالاحزاب
وهالحوسه .. ومتردد تحت ضغوط وحنه وقرقه عده اشخاص ..
بعدين لاحقا بالحلقه يمسكونه الشيوعين مره ثانيه .. بس ماسكت لهم وطرطع عليهم بكم كلمه
ويركض ويلحقونه .. يوم وصل ولا راعي القهوه ينتظره بجواب .. طلع قبوله بالمدرسه الحربيه :sm5:


حليم بالمدرسه يغني مع جعفر .. الولد ابو نظرات حقد .. بس اشوى الاستاذ قدر يصفى القلوب
وتراضو .. واعتقد غنوا مع بعض .. اعتقدددد مو متأكده .. ( كان حولي ازعاج .. ماتابعت عدل )
المهم يامحفوظين السلامه .. حليم .. صرح عن رغبته بالذهاااب الى بيت الراحه .. وتلبيه نداء الطبيعه
لفت نظري حمامهم (تكرمون) .. نظيييييف .. مافي واقعيه :D << بـراا
المهم ولا حليم يصرخ .. دم ... ددددم :sm1:

اخذه خاله للطبيب . وفحصه .. اكتشفو ان السبب هي البهارسيا .. وقال الطبيب ان في دوا توه نازل
ويمدحونه في علاج البلهارسيا.. طبعاً عباره عن ابر " حقن " .. :D وانتو عارفين موقف الاطفال من الحقن
رجع الخال البيت وهو يزبد ومعصب .. وتاليتها مع هالولد .. يوم يجي ايده مكسوره .. يوم بلهارسيا
عاد تعرفون الابهات اذا جتهم الحاله هذي.. يطلع سجل ولده بالامراض والحوادث من كان ابو سنتين pb036

المهم ويروح حليم عشان ياخذ الحئنه على قولتهم .. ويتفاجأ بحجمها ..
صراحه كبيره .. ماينلاااااااااام الولد .. ابره بغاال مو اوادم .. تخوف pb036
ولا المحلول الغريب الخائر اللي فيها .. ابد مايشجع .. زين منه وقف ما انحاش
ولا الممرض اللي قاعد يعطيهم الحئنه .. حده قصاااب وينه ووين التمريض ..
. المهم ويمسك ايد حليم الصغير ويعطيه الابره :eek:

ويتعقد الولد ويقعد يحلم بالممرض لسفاح .. وطشار الدم .. ويقرر انه مايكمل كورس الابر
انا ماقاهرني الا هالشغله .. الحين مافي احد يروح معاه عشان موعد الحئنه ..
وين الدربي محمد .. ولا الخال .. خلا جنبه << جحدته :D

ثاني مره راح ورجع ويمثل انه متألم عند اخته عليه .. على اساس كلش ماخذ الحئنه ابو الشباب
وعليه وعليه ماغير تلملم فيه ... وياضنايا وياحبيبي .. شي يعور القلب:sm1: .. متمكنه من دورها عجبتني ..
ويتفلسف عليها حليم .. ويقولها انا حبقى مطرب كبير وعليه .. واجيبلك عشره يخدمونك .. وبكرا حتشوفي .. :D
المهم قالت له .. روح ودي الهدوم عند المكوجي " المصبغه يعني " .. وشال حليم البقشه وراح
ولا يمسكه اخينا المكوجي .. ويقوله .. ايد ده يا حليم بيقولو صوتك حلو .. وماعرفش ايه ..
على الطلااااااااق تغني .. لا احرق هدومكم الحين << انواع التأليف :D

المهم ويغني حليم .. ويتجمعون عليه الناس يسمعونه .. ولا في واحد يعزف على المزمار
اول آله شبيهه ما اعرفها .. وينجذب له حليم وويلحقه .. ويروح الوقت وهو مو حاس عن عمره
الزبده .. يبونا نشوف ان حليم كان مولع بالموسيقى والغنا من طفولته ..


واخته " عليه " بعد حيلي حيلها .. انهبلت وهي تنطر الولد يرجع .. ولا رجع
والدب محمد يقولها اصبري اتسبح ما ادري اكل واغير ملابسي .. بروووود اعوذ بالله pb131
ولا ابو الشباب حلييم .. متسرسح عن قهوه يعزف فيها ابو المزمار ..
ومارجع الا لما طاب خاطره وقضى هذاك .. وتحضنه عليه .. وتصيح وشييي شي دراماا :sm1:
من الحين جهزو قواطي الكلينكس لاتنطرون عبله كامل تطلع.. :sm1:


اممم وبعد .. ايه حليم كبر شوي .. ابد مو مبين .. وراح ينتقل لمصر مع اخوه اسماعيل
المهم وهم بطريقهم لمحطه القطار .. ولا حليم يطلب انهم يوقفون عند مدرسته
ويروح يسلم على الايتام بمدرسته ويقولهم انتو زي اخواتي واحنا كلنا يتامى ..
ياربي شالذاربه والمخ والعقل كله .. شي يهبل .. :D
عندنا كل واحد عرض الطوف وطول النخله ولا يعرف يصف كلمتين فوق بعض


المهم .. سامحوني عالقصوررر ..
واذا انفك الحصار عن يوزر ميسو .. توصلكم الصور بأذن الله pb189
V O G U E
25-09-2006, 22:19
ياااحرااام يا مس جينز pb189 :sm1: ليش الانذال يجربون يدخلوون بيوزرها
ترا مو هي الوحيده pb036 معكم معكمpb189 بعد صايرلها نفس المشكــله :(
قامو ارسلولها كلمــة مرور جديده حتى بكلمة المرور الجديده مارضى يفتح يوزرهاpb036
يااارب حوالينا وعلى علينا << ماسكه البخور تدور به على نفسها :D


يااارب يرجـع يوزر مس جينز وتتنقم من الللي خربــه:( pb189
قوولي اميــن كونفي قولي اميـــن:(
رافع الراس..
25-09-2006, 22:22
المسلسل للحين رايق ولاتحس بالملل ابد ..
والطفل ياقلبتس ضابط الدور..
الحين ورا وجه اخته كذا مليان الدموع حتى الاذن تصيح :d
غديه مايصير بايخ لكبر الولد
بنات تغطية ولا اروع
متابع معاكم الله لايعوق بشر ان شاء الله
Confused
25-09-2006, 22:34
بنت الوااادي.. مو خوش خبر هذذااpb036
اميييييين يا اخوتشي امييين .. حوااالينا ولا علينااا :D
الله يستر .. من زين يوزراتنا الحين << ينقالك تبعد العيون عنها
اتوقع شغله من المنتدى نفسه .. همممممم .. الله يستر !
الله يفك الحصار عن جميع اليوزراات .. bp039 :(



رافع الراس .. اهلن اهلن ..
خخخخخخخخ الاخت ودموع الاذان .. على قولتك
الظاهر كابين عليها بطل جلسرين الظاهر :D
وعليه حتى عيونها محمره ومتحسسه منه
حياك bp039
غـزالـة الـوادي
26-09-2006, 02:01
8
8

اي والله مسكينه احس عيونها شااابه تحرقها خخخخخخخ
Miss Jeanz
26-09-2006, 10:38
وهـ أخيرا ً فرجت pb131
بغيت انهبل :(

على فكرة كونفي الظاهر ان المشكلة من المنتدى نفسه .. لاني
قعدت احاول لين 8 الصباح وما أظن فيه أحد بيستقعد كل هالمدة pb036
لو بيننا ثأر :D



عموما ً ياهلا ومرحبا فيكم مرة اخرى مع الحلقة الثالثة pb192
< وشو عقبه؟ عقب ما خاست الحلقة خلاص :D






http://vb.eqla3.com/attachment.php?attachmentid=240435&d=1159264806

في بداية الحلقة .. الشيخ بهتيمي يحاول اقناع جمال
عبدالناصر بالانضمام للاخوان المسلمين وجمال يقول
له اوعدك اني بفكر في الموضوع pb071





http://vb.eqla3.com/attachment.php?attachmentid=240436&d=1159264806

بعدين مشهد حليم يوم ودوه للطبيب وقال لهم ان حليم
مصاب بمرض البلهارسيا :(
( مدري ليه الصورة طلعت مخططة ) pb036





http://vb.eqla3.com/attachment.php?attachmentid=240437&d=1159264806

الخال متولي معصب .. يقول تذكر يوم أقول لك
( بلاش ترع ) ؟ شفت جاك المرض :(





http://vb.eqla3.com/attachment.php?attachmentid=240438&d=1159264806

حليم صار كل يوم لازم يروح يوقف في سرى
عشان ( ياخد الحؤنه ) < الإبرة :D
بس عاد اللي يعطيهم الحؤنة واحد مرة أقشر روّع
الولد الله ياخذه :mad:

المشهد هذا مرة مؤثر :sm1:






http://vb.eqla3.com/attachment.php?attachmentid=240439&d=1159264806

حليم من كثر ما تعقد من صاحب الحؤنة صارت تجيه
كوابيس بالليل :( فـ يوم راح ثاني يوم خاف وما قدر
ياخذ الإبرة .. وصار يكذب على أهله يقول لهم انه أخذها
وهو ما ياخذها :sm1:






http://vb.eqla3.com/attachment.php?attachmentid=240445&d=1159265574

حليم عند المكوجي اللي قال له ( غني لي ) ..
ومرة خق على صوت حليم وقال له تعال
غني عندي كل يوم < الله لا يلومه pb189






http://vb.eqla3.com/attachment.php?attachmentid=240446&d=1159265574

هنا حليم سمع واحد يعزف ناي .. وبدون شعور صار
يلحق الرجال عشان يسمعه له وهو في قمة الانسجام
ولا حاس بأي شي حواليه pb189






http://vb.eqla3.com/attachment.php?attachmentid=240452&d=1159265574

بس طبعا ً يوم رجع البيت تهزأ لين قال آمين ..
لان اخته علية المسكينة كانت بتموت من القلق عليه
ما تدري وينه :( .. وعطته كف لا شعوري pb036
أحلى شي يوم اخوه يقول له ( كنت فين يا سي زفت ) pb192




***





http://vb.eqla3.com/attachment.php?attachmentid=240453&d=1159265574

هذا الله يسلمكم اجتماع الحزب الشيوعي اللي
من ضمنه جمال عبدالناصر .. واللي عطاهم كلمتين
على راسهم بخصوص الحزب pb071 < شديد من عمرك ;)







http://vb.eqla3.com/attachment.php?attachmentid=240454&d=1159265574

هنا طبت عليهم الشرطة فجاة .. بس الذهين جمال ركض
ونط من الشباك وانحاش :rolleyes:




***




http://vb.eqla3.com/attachment.php?attachmentid=240473&d=1159266238

حليم أخذ الابتدائية .. وخاله مستانس فيه ..
بس حليم قال له انه ما يبغى يصير مهندس ولا دكتور ..
وانه يبي يدخل مجال الفن والغنا .. وطلب من خاله يدخله
معهد موسيقى ;)




http://vb.eqla3.com/attachment.php?attachmentid=240474&d=1159266238

عمه وافق .. وجا اسماعيل اخوه عشان ياخذ حليم معه ..
وفي الطريق فجأة قال لهم حليم: وقفوا وقفوا pb036
ونزل ودخل مدرسة الأيتام اللي يدرس فيها موسيقى pb189





http://vb.eqla3.com/attachment.php?attachmentid=240475&d=1159266238

اخر مشهد في الحلقة حليم يودع أصحابه اللي في
مدرسة الأيتام .. ومن ضمنهم قعفر :D
وقال له : اوعى تفتكر اني لسه زعلان منك يا قعفر pb189










وبس .. سامحونا عالقصور :sm12:
V O G U E
26-09-2006, 20:46
حلـقة اليوم فيهاا تطورات كثيــره بدايتها كان توه صغير يدرس بمعهد الموسيقى
بس صـراحة هالبزر عليـه صوت :sm5: واااو :sm5: اتوقع انه صوته صدق pb036 ولا لا ؟ pb036
وبعـدين كبر حليـم حبتين وصــار بمرحلــة المراااهقه pb094
بس تووه مابعد صـاار شادي شامل pb036 متى يصير شاادي شامل pb036
ايـه اذا صار صار .. بكيفه ..:D المووهم الحلـقة اليوم حسيت ان البنت هذيك مدري شسمها
اللي اليوم قاعده تسمع اغنيه بعدين قالت لها عبلة كامل قطعي البصل وافرمي الملوخيه:D
هذيـك الظـاهر انها تحب حليـم وهو مايدري pb094 بــس هذا اللي استنتجته من الحلقـه
وبعد كان فيه مظاهرات واللذي منـه .. وبس pb094



باااااي بنتظار التغطيــه;)


:sm12:
Confused
26-09-2006, 21:25
^
^

هلا والله .. زين للحين في احد متابع
اممم اتمنى ان هالشين مايطول ويطلع شادي الحلقه الجايه ..
لانه من قلب ماصخ وسخيف .. رغم الشبه الكبير اللي بينهم
بالنسبه لفردووس .. الا تحبه وميته عليه بعد .. بس حده مبين اصغر منها !!
حيااك .. منوره ( ورده )





الحـلقــ4ــه


اليوم وصل عبدالحليم لحاره سلامه الحجازي او حاقه زي كده .. مع اخوه اسماعيل ..
وطبعاً ماكنت عاجبته شقه اخوه .. لأنها مكركبه مثل ماتفضل .. :D
وصول حليم كان كله خير .. اول ماوصل جتهم غاره .. وطفا اسماعيل النور .. منها عشان الغاره
ومنها عشان حليم يخمد .. ويرتاح من الحنه .. بس اخينا بالله ما رضى .. وقعد يهبل باخوه ..
" انت نايم .. انا مش قادر انام .. انتي طفيت النور ليه .. " ومن هالحكي اللي مالوش لزززمـه !
يكسر الخااااااااطر .. كأنه صدق منتقل مكان جديد ومستغرب الوضع ..

ثاني يوم راح يقدم عالمعهد مع اخوه .. ويطالع هالبنات السافرات كاشخات :eek:
ويتشرهه على اخوه " مش كنت تئولي ان في بنات .. كنت البس حاقه احسن من كده شويه "
والاخو يرد عليه .. " بنات ايه يامفعوص انته " .. ويرد حليم " انت بئووول انت وائف عالمرايه ليه من الصبح "
صحيح انه مفعوص وماينقدر .. :D pb036 حاط راسه براس اخوه الكبير !

دخل لمكان الاختبار .. ولا هو خايف .. ومتخشب من الخرعه :D ماينلااام ..
على هاللجنه المتحطنه من الشياب .. كل واحد اقشر من الثاني .. اول ماغنى حليم .. غنى لعبدالوهاب
ويعطونه هذيييك الزفه .. ماسوت على عمره والله العظيم .. بروحه خلقه الولد متأزم !!
ويسبون بعبد الوهاب على خفيف .. وهو يرد " ده عبدالوهاااب .. مافيش زيه " .. فيه حقه هالنتفه .. يرادد :D
المهم بالاخير غنى شي من القديم .. واشوى انطربو معاه واندمجو .. وعدت المسأله على خير وانقبل
اليوم حسيته بدع هالنتفه من قلب .. يمثل احسن من الكبار .. !



عليه تمسح وتضفضف ببيت الخال .. ولا تصفن لها دقيقتين وتفكر بنفسها .. وبحياتها البااائسه ..
الى متى راح تعيش على هالمنوال .. طبخ وغسل ومسح .. صحيح انه مو لناس غرب .. اخوها وخالها
بس لو كان لها بيتها الخاص مو احسن .. وتحسرت على نفسها وعلى حبستها بهالبيت ..
وان شلون محد يشوفها من صنف الرقاااله غير اخوانها .. مادري شناويه عليه المره pb036 pb036
طبعاً رجعت الى الصواب .. وسكتت نفسها عن هالافكار البايخه ..
طبت عليها خالتهم ام شحاته من البلد .. مع شحاته وفردوس .. شكلها بتعيش معاهم والخال فطس


رجعونا على حليم ببيت اخوه وواقف على تخت مادري شنو عشان يطول الطاوله وقاعد يحرك شي بالجدر ..
وهم يغني بعبدالوهاب .. ولا يفوتكم الديكور .. صوره عبدالوهاب الورديه نفسها على كله طوفه بالبيت :D
ولا يوصلهم خو واخوه جواب .. طلع من المعهد الثاني اللي مقدم عليه حليم .. يبي يساعد اخوه بالمصاريف عشتو
بجنيهين من معهد الصبح وجنيهين من معهد بعد الظهر .. والله الجنيه كان يعمل شي وشويات وقتها
عاد اشوى يروح المعهد الثاني وهم تتسهل اموره وينقبل .. بس هالمره يعزف على اله .. مدري وشهي
المهم انه فرح .. واستاااسع صدره :D .. وهو قاعد يتدرب عالاله بالبيت .. يسمع اصوات زغاريد مادري زغاريط
ويسأل اخوه عنهم .. ويقوله شوف .. لا تليقف وتدخ عمرك بشي مايخصك .. اقضب ارضك واقعد عاقل ..
انا بروح لصاحبي شويه وارجع .. اوعى تعاند وتخرج لوحدك .. ( ياربي مادري شلون كله متيهين هالولد بروحه
راح للطبيب لحاله .. والحين قاعد بالبيت لحاله .. !! )
عاد عبدالحليم يقوله .. ولايهمك .. روح وانتا متطمن .. ماني رايح مكان ..
طبعا اسماعيل طلع .. ولحقه حليم على طول يدور مكان الزغاريط سابقه الذكر .. ولا عرس .. وواحد يرقص
بس المطرب متأخر .. وعرض حليم انه يغني بداله .. وطبعاً غنى لعبدالوهاب اللي انهوس فيه .. " ياورده الحب الصافي "
رجع البيت ولا كأنه عامل عمله .. ودخل فراشه ونام .. يوم رجع اخوه ولا يشوف هالفلوس المجهول مصدرها pb036
ويصحيه من النوم ويسأله عنهم .. وعصب عليه طبعاً

بعدين جا مشهد للأخوانـ(ـجـ)ـي .. الشيخ البهتيمي .. وجاني تلفون ماتابعته << قولي مابي اكتب عنه وخلاص (شالتغطيه النص كم )
الزبده ان دخلوه غرفه ظلمااااا .. عند واحد متلثم .. عشان يؤدي القسم انه ينصر الاسلام والمسلمين .. ولا عقابه الموت pb036


بعدين يطلعون لنا هالحليم يغنى لاهل الحاره وهم قاعدين فوق بعض يسمعونه .. ومندمجين معاااه عالاخــررر
طبعاً حركات ايدينه هي نفسها .. ماتغيرت من كان طوله شبر الظاهر .. pb036
ولا بوصول اسماعيل للحاره .. وزفه وقاله ان مش قلتلك بلاش تستنزف صوتك وصحتك يااحليييم .. ودخلوا داخل << لا دخلوا برا << املق املق


الحلقه اليوم كلها اغاني . ثاني يوم طلعوه يغني " مين عذبك " ويقود الفرقه الموسيقيه بعد ..
بعدين .. بسم الله الرحمن الرحيم .. بسم الله الرحمن الرحيم .. يكبررر حليم وهو يغني نفس الاغنيه :D
ويصير ابو 16 ولا 17 .. الحين هذا اللي ذبحونا فيه .. يشبه حليم والخ .. اشك انه داخل المسلسل بالواسطه pb093
المهم انه راح الكثير ومابقى الا القليل .. شادي شامل باقيله حلقه ولا حلقتين بالكثير ويطلع .. والله يستر

المشهد الحين ببيتهم .. وطلعتتت عبله كامل اخيراً .. مابغينا ..
وطلعت فردوس .. هم تسمع " مين عذبك " بالراديو .. كأنه ماكو الا هالاغنيه من 10 سنين بمصر .. pb131
محمد الشنقيري طلع بدور الدب .. وضعف الحمدالله .. صار يهتم بشي غير الاكل والبلع .. اتجه الى السياسيه ..
ودخل بمظاهره وطنيه ضد الانجلييز اليوم ..
فردوس تسأله عليه بالمطبخ وهي مسبله " انتي عمرك ما حبيتي يا ابله ؟ " .. عاد عبله تسايرها ..
" ايوا .. حبيت اخواتي .. وامي وابويا " .. وتنقز ام تسبيله .. " لا لا انا اقصد الحب الحب .. اللي بالاغاني "
وتقولها " ايوا بحب واحد في خيالي .. " والخ .. المهم اخرتها تحوم كبد عبله وتزفها "افرمي الملوخيه لا افرم دماغك"
وصل اسماعيل البيت .. بالاحرى كمال ابو ريه .. مالاحظتو انهم مثل مسلسلاتنا الطيبه ..
كبوا الشخصيت ورا بعض بدون معنى بس عشان نشوفهم .. !

المهم حليم يتمشى مع صاحبه ويسأله عن رايه بفكره الشغل كمدرس موسيقى بالمعهد ..
عشان يحسن من اوضاع البيت , ياااربي على هالحليم .. من صغره وهو حسااس ويراااعـي غيررره :sm1:
(تدرون شنو مشكله هالممثل ... انه قاعد يقلد حليم بافلامه .. حنون وحساس ورهيف وصوته رقيق
لاااا .. مو معقوله حليم كان هالشكل بالطبيعه pb131 .. بالعكس كان اشد واقوى .. موو ؟؟ :sm1: )

كان اول يوم رمضان .. واذن .. ومحد قاعد عالطاوله الا عليه واسماعيل وفردوس .. :/
الا مالاحطتو ان عندهم شي غريب يشربونه .. غير الفيمتو .. لزج وفي اشياء تطفو pb036
وصل المليق اللي ماخذ دور حليم .. الزبده من مشهده السخيف كله ان فردوس كانت تحبه << حاقده
وبعده وصلو شحاته ومحمد .. اللي مورومه خشته من التكفخ بعد المظاهره .. وقعد يسولف لهم عن اللي صار
وشلون اندفع لما شاف الشباب .. ونقزت الوطنيه ودخل بالمظاهره .. وشلون الانجليز فتحوا عليهم النار
وتطشروا الشباب يمنه ويسره .. اللي يركض واللي طب بالنيل واللي واللي ..
وعبله قالت كلمتين بس .. انماا ايــه .. قمه الاداااء .. تسب فيها الانجليز " ياولاد الكلاب " << درر درر
والتفت على شحاته اللي قاعد يبلع شزينه وقالت له " انتا فين من ده كلو .. ياخويا ؟ "
عاد رد عليها الشويطين " انا كنت بالمكتبه .. باستناه لما يخلص من الفلم ده كلو "
لا احس شحاته هذا له مستقبل بالتمثيل .. :D



وسلامتكم .. انتظرونا في الحلقه القادمه bp039

الحصاار الليلي مازال موجود على يوزر ميس جينز :mad:
الرجاااااااء حل هالمشكله بأسرع وقت .. ولا مافي صور << تهدد بعد :D
المبدع2001
26-09-2006, 22:10
والله هالمسلسل ماادري وش وضعه

عجبني رد احد الاخوان اللي قال نجاح المسلسل بيعتمد على المبالغه بمثاليه البطل

وفيه شي بعداللي هي قله الخبره للبطل في التمثيل

وانهم بيعتمدون على الابطال الفرعيين في المسلل اكثر من البطل الاساسي

لانه تقريباً مايملك في الوقت الحاضر الا شي واحد اللي هو الشبه الكبير بينه وبين حليم

اتمنى نشوف المسلسل يحقق النجاح المطلوب .. مع اني مااظن يجي ولا 10% من نجاح مسلسل ام كلثوم
عنيزاوية
26-09-2006, 22:50
انا الى الآن جايزن لي المسلسل وما أشوفه مصخ لا شي
ويكفي ان عبلة جت أخيرا مع اني تحسفت ان البزر راح وجابوا بداله حليم الكبير
Miss Jeanz
27-09-2006, 06:19
باك bp039



أخيرا ً أفرج عني :D
ولا من زين الطبايع ايميلي ما يفتح بعد من امس :D


ما علينا .. هذي صور الحلقة الرابعة ;)






http://vb.eqla3.com/attachment.php?attachmentid=241008&d=1159330837

بداية الحلقة.. وصول حليم واخوه اسماعيل لحارة سلامة حجازي





http://vb.eqla3.com/attachment.php?attachmentid=241009&d=1159330837

حليم و اخوه أول ما دخلو ( الشئة المكركبة ) :D





***




http://vb.eqla3.com/attachment.php?attachmentid=241010&d=1159330837

حليم يستنى دوره عشان يدخل امتحان القبول في
معهد الموسيقى :rolleyes:




http://vb.eqla3.com/attachment.php?attachmentid=241011&d=1159330837

الا يوم دخل بسم الله شاف ذيك الوجيه القشرا pb192




http://vb.eqla3.com/attachment.php?attachmentid=241013&d=1159331488

يوم بدا يغني لعبد الوهاب طب فيه المتوحش ..
يقول وش هالخرابيط؟ عندك شي قديم تغنيه ولا فارق :D




http://vb.eqla3.com/attachment.php?attachmentid=241012&d=1159331488

حليم بغى يطلع .. بس رجع وغنى لهم أغنية قديمة
وعجبهم مرة وقبلوه pb189




http://vb.eqla3.com/attachment.php?attachmentid=241015&d=1159331488

اخوه اسماعيل استلم رسالة مفادها < يمديكم
انه توظف في وزارة الصحة < ماني متأكده pb036





***





http://vb.eqla3.com/attachment.php?attachmentid=241016&d=1159331488

في نفس الوقت .. علية استقبلت خالتها ام شحاته ..
مع ولدها شحاته وبنتها فردوس اللي بيعيشون عندهم pb071




***





http://vb.eqla3.com/attachment.php?attachmentid=241017&d=1159332659

حليم استلم رسالة من معهد ثاني .. وراح قابل المدير اللي
نصحه انه يتعلم العزف على آلة مدري وش اسمها :D





***




http://vb.eqla3.com/attachment.php?attachmentid=241018&d=1159332659

حليم يوم سمع صوت زغاريد راح لقى المطرب حق الزواج
تأخر .. عرض عليهم يغني بداله .. ونال اعجاب الجميع pb189




http://vb.eqla3.com/attachment.php?attachmentid=241019&d=1159332659

الا يوم رجع اخوه وجا يغطيه لقى جنيه pb036
صحى حليم من النوم وعرف منه السالفه .. وطبعا ً تهزأ حليم :D





***




http://vb.eqla3.com/attachment.php?attachmentid=241020&d=1159332659

اسماعيل يوم كان في الدوام تفاجا بجية البهتيمي اللي
ما كان يدري بعد ان اسماعيل هنا ..
أول ما راح اسماعيل يجيب له عصير .. البهتيمي همس لواحد
من الموظفين قال له ان الشيخ مدري منهو اتقبض عليه pb036
< اقول طيري انتي وتغطيتك :D




http://vb.eqla3.com/attachment.php?attachmentid=241021&d=1159332659

عاد هذا المشهد مدري وش يبي .. واحد متلثم
يحلف البهتيمي على المصحف انه ينصر الاسلام pb036
سبحان الله كونفيوزد انا وياك نحمل نفس المشاعر تجاه
مشاهد الاخوان .. وش رايك نحذفهم؟ خخخخ :D





***



http://vb.eqla3.com/attachment.php?attachmentid=241027&d=1159333491

حليم يغني في معهد الموسيقى ..


وفجأة
7
7


http://vb.eqla3.com/attachment.php?attachmentid=241045&d=1159337059

تحول لهذا الشخص :D
يعني كبر < احلفي pb036





http://vb.eqla3.com/attachment.php?attachmentid=241033&d=1159333614

حتى عليّة وفردوس كبروا < ذكاء :D
وهنا كانت فردوس ناشبة لعلية في سالفة الحب ..





http://vb.eqla3.com/attachment.php?attachmentid=241034&d=1159333614

وفي نفس الوقت كان فيه مظاهره مشارك فيها محمد
اخو حليم :rolleyes:





http://vb.eqla3.com/attachment.php?attachmentid=241047&d=1159337059

فردوس يوم رجع حليم انشكحت على الاخر :D
وعلية تناظرها بنص عين شكت انها تحبه pb095





http://vb.eqla3.com/attachment.php?attachmentid=241048&d=1159337059

هذا محمد بعد ما تفقع وجهه في المظاهره :D
قاعد يحكي لهم عن الوطنية pb071




وبس خلصت الحلقة pb192 مابغت :D

تابعونا في الحلقة القادمة مع Confused & Miss Jeanz :sm12:
Confused
27-09-2006, 20:14
مرحبا اقيين ..

عنيزاويه .. بالنسبه للمصاخه .. قصدت فيها مصاخه اللي يمثل دور حليم ..
ولا المسلسل عاجبني للحين << مناك بس
وياهلا ومرحبا .. bp039

اخوي المبدع
بالنسبه للمثاليه .. هذي قلناها بنفسنا قبل الاعضاء واعترفنا فيها<<لايطق فيك عرق بس
ومو معتمدين عالممثلين اللي معاه بس .. الا عالاحداث السياسيه والاجتماعيه اللي كانت حوله بعد
يعني فعلا حكايه شعب من خلال قصه شخص :sm1: << لايكثر :D
10 % من نجاح ام كلثوم .. هاه pb036 .. فااااالك للبر:D .. انشالله ينجح اكثر pb036
عاااد الحين ام كلثوم اللي مو مطلعينها مثااليه ؟؟! :mad:
الا الملاك الطاهر اللي شوي وبتطير عن الارض .. :rolleyes:
عقل وثقل وكل شي تفهم فيه اسم الله على عمرها !!
وكل اللي اشتغلو معاها يحبونها حتى المتزوجين .. ومع ذلك نجح
عالاقل اليوم طلعوا لنا عيب من عيوب حليم .. راح اذكرها بالتغطيه
وحياك الله بس لا تطب بالمسلسل حيل .. طب بشويش :D
Confused
27-09-2006, 22:36
الحـلقــ 5ــه


اليوم اول مشهد كان بالمدرسه الحربيه .. والطلبه يتناقشون قبل المحاضره عن الانجليز والباشوات والاحزاب
الا يدخل عبدالناصر .. ماخذ دوره "مجدي كامل " .. ويطلع هو محاضرهم .. ويتفلسف عليهم شوي
عن الوطن والنصر .. والعزه والكرامه والتضحيه .. وهو يتكلم دخل عليهم الضابط عبدالحكيم شي .. مالحقت على اسمه
(معلوماتي فالسياسيه مو صفر .. الا بالسااالب بعد ) .. المهم اللي ماخذ دور عبدالحكيم هو "احمد لطفي "

ببيت حليم .. نسمع الزغااااريد من بوء العسل عبله كامل .. ولا حليم متخرج وماخذ الدبلوم يحليله ..
لما سمعت الخبله فردوس الخبر .. نطت لاشعوريا وعطته بوسه .. pb036 بعدين ندمت وتحسفت
بس دقرتها عبله .. وقالت لها مالك يابت .. ده زي اخوكي .. ماتلعب هالعبله ابد ابد ..
المهم قعدت عبله تهيض مشاعرنا ودموعنا دقيقتين على فرحتها بتخرج حليم .. وه شالشي :sm1:
عاد الحين صار عندكم فكره عن متلازمه النحس اللي مع حليم:D .. ما امداهم يفرحون خمس دقايق
الا يدخل شحاته بكل تناحه .. ويقولهم " محمد اتقبض عليه " ..

سحقا للملااقه ياجماعه .. شفتو اللي ماخذ دور حليم بمركز الشرطه .. ونظرات الحزن الاعتباطيه
اااااااااه القولووووون القووولوووون بيذلحني كله ماشفته .. !!.. انشالله تخلص هالمرحله باقرب وقت .. !!
ليش رايح معاهم اصلا .. يكفي شحاته ولا اسماعيل .. المهم محمد طلع على كفاله اخوه الكبير

بالبيت .. وصلهم جواب لحليم .. طلع من الوزاره .. وتعين حليم كـ مدرس موسيقى بطنطا .. pb036
عصبت عليه عبله .. وقالت له وين حلمك كـ مطرب .. انا اربي واتعب عليك .. اخرتها تتخلى عن طموحك
ولا بدخله اسماعيل ويشغل الراديو على طوول .. اثاريهم حاطين اغنيته .. والله صوته مش بطاال
وصاااار اول مطرب في عايله شبانه على قوله عبله هوااا اسماعيل .. :D

راح حليم للمدرسه .. المصيبه انها كانت مدرسه بنات .. وثانويه بعد .. الناظره ماعجبها الوضع
يوم شافته شباب وصغير .. ترددت بس بعدين استسلمت للأمر الواقع ..
حتى الفراشه الحقيره .. تتطنز عليه .. تقوله اجيبلك لبن :D .. يعني بتضيّفه وهو عند الناظره
عاد الناظره تقوله ديربالك .. ترى الفصل اللي بتدرسه في بنات اطول منك .. المهم بالاخير ودته للفصل
واول ماشافوه البنات .. اديلوه ياضحك عليه .. زفتهم وهددتهم بالفصل بس مافي فايده
ماسكتو الا لما بدا يغني اغنيه وطنيه .. ولما تكلمو قالوله غن لنا اغنيه " تكسي الغرام "
وهو يقولهم " تكسي الغرام ايه ..؟ هو احنا فديسكو " .. :D .. ورد كمل اغنيته الوطنيه
ووحده حوماره من البنات تقوله " ده انتا خليتنا نحب الوطن من صوتك يا استااااز " .. قله ادب pb131

كان في معلمه فضوليه اسمها سهام .. تسأل عنه عند الناظره .. ومن اللقافه ماصبرت
راحت له للفصل .. وسمعت صوته .. ودخلت سلمت عليه وعرفته على نفسها بعد .. بدت حركات التميلح pb131
واول ماخلصت الحصه وراح لغرفه المدرسين .. لقا سهاموه ناشره خبره عند اللي يسوى واللي مايسوى
وطبعاً مازلت اتميلح .. وتقوله ارفع التكليف .. وعزمته عالفطور بعد .. يعله مايحدر pb131
واشكره عيني عينك غزل " انت صوتك حنين أوي .. حيطلع احلى بالاغاني العاطفي " pb036 عمى شتبييين !!
عارفين هالكلام من قبل لا تقولينه :rolleyes: .. مالت عليك انتي واللي حاطك بالكاست انتي وهالقذله ..

فردوس ياااقلبي سرحااااااانه .. تسمع عزف حليم .. وحلم يقظه رايح وحلم يقظه جااي pb189
طبت عليها عبله .. ونزلتها من فوق السحاااب .. وقالت لها قومي الصحون والمواعين مستنياكي ..
اما عبله كامل بهالدور .. مفسده للذات وقاتله لكل البهجات .. من تشوف احد فرحان تغثه مثل بعد شوي :D
حليم مازال في غرفته .. وللحين ماعرفت شسنع هالاله اللي يعزف عليها .. شكلها مثل المزمار .. بس اكشخ :D
المهم دخلت عليه مفسده البهجات عبله .. وقالت له تعالا احكيلي عن وظيفتك .. ماصدق على الله وكب عشاه
يذكرني بنفسي .. اللهم هو في احد يسأله .. انا اكب عشاي بدون دعوه :D
المهم عاد فشلته وقالت له " ايه ده يابني .. هو كله ماتعزمك وحده على سندويتشه تبئى بتحبك .. ده انا بئى
مغرقاك بحب يكفيك العمر كلو .. انتا لسه صغيّر وماعندكش تجارب "
عاد قليل الادب يقولها " هو انتي اللي عندك تجارب يعني " .. لو اخوي كنت هبدته باقرب شي .. :mad:
عطته هبله كم حكمه من الحياه .. وشلون التجارب مو شرط تكون بالحب لكن بتحمل المسئوليه والشقا والصبر

يخرب بيتتتتتته يخرررررررع لما يسولف .. كأنه صوت حليم .. شي يخرررع :eek: pb036
لا ويقلد حليم بافلامه .. شلون مسبل وتعباااااان نفسيا وحزييييين .. يمااااااه :|

المهم راح المدرسه .. ولا يغنى للموجودين بغرفه المدرسين " يامسافر وحدك " .. والله صوته حلو
مش بطااال ابداً .. قطيعه :D .. انطربو عليه المدرسين عالاخخخرررررر

بس سووه البريء اللي كلش على نياته .. وسهاموه هي اللي تغزلت فيه واقنعته يقابلها بمحيط غير محيط المدرسه
وفعلاً .. صار هالكلام .. ومرت ست شهور .. وحليم ماغير يتأمل صورتها وقذلتها المنتقه .. ويكتب لها رسايل
عاد دخلت عليه عبله وشافت صورتها .. اما استاااااثمت فيها .. هزئتها تهزيء مو طبيعي :D :D :D انواع التحطيم

بنفس الفتره كانت البلد على وشك تدخل حرب .. وانفتح الباب للمتطوعين من الشباب
حتى ان الاخوان .. يقولون لواحد .. لاتقبل ربع الثانويه .. بس الجامعيين واكبر ..
مابقى احد ماراح وتطوع .. واللي مايقدر يروح بنفسه تطوع بماله .. الفقير قبل الغني

سهام وحليم قاعدين بقهوه مادري حديقه يسولفون .. ولا سهاموه تلمح انها ملت من الحب النظري ..
وتبيه يتقدم ويسوي خطوه على قولتها .. وهي قاعده تحن على حليم .. يجي واحد عرض الطوف يتغزل فيها
وتفز هي تهاوشه وحليم قاعد ساكت .. مافي رد فعل منه .. اللهم لما تكلم قال خلينا نمشي بلاش فضايح
وهي مصره تبيه يفشفش دماغوه على قولتها .. بس طلعو حليم انه مسالم .. ولا يحب المشاكل ..
اعتقد بعد هالمشهد .. مافي ملائكيه .. قلنا الواحد يصير حبيب وومسالم وطيب .. بس هذا يسمونه .. مادري شيسمونه ! :o
الزبده ان تصرفه مو حلو .. قال ايه .. خايف يدخل بمشاكل مع اللي يغازل خطيبته ولا زوجته ولا اي وحده .. !
يقول يالله نمشي مالناش دعوه .. ايباااه ؟؟ منو اللي له دعوه بالله ؟؟ انتو شرايكم بهالمشهد .. ما هو تحليلكم للموقف :D

المهم رجع البيت .. ويسأل عبله .. " هي الطيبه عيب يا ابله ؟ " .. قالت له " مع اللي مايستهلهاااش " ..
درر ياااعبله درر .. << اعصابك ..
اخر الحلقه مثل ماتوقعت .. محمد اللي مقطعته الوطنيه .. تطوع للحرب ..


وسلااامتكم وتعيشوون .. bp039

سامحوني عالبدليات وعالقصور :d
ياشينكمـ
27-09-2006, 23:27
ياربي وش هالمسلسل شخصية حليم تقطع القلب ومن بدا المسلسل وأنا ودي اصيح <<<إالى الحين ماصحتي :D
صدق إني اشوف أوله والباقي.. تخبرون التعب في رمضان :cool: ومايردني إلا مسلسل خالد بن الوليد :D بس ولو المسلسل باين عليه أنه بينجح وقوي <<< أصحي أول وبعدين احكمي عليه :D

يعطيكم العافية على هالتغطية الحلوه وبجي كل يوم أعوض النقص اللي يفوتني :D
Miss Jeanz
27-09-2006, 23:27
صـ الحلقة 5 ــور




http://vb.eqla3.com/attachment.php?attachmentid=241403&d=1159397317

حليم وعلية < احلفي :D




http://vb.eqla3.com/attachment.php?attachmentid=241426&d=1159398116

فجأة دخل اسماعيل وشغل الراديو pb036




http://vb.eqla3.com/attachment.php?attachmentid=241408&d=1159397477

الا طلعت أغنية حليم في الراديو ..
وكلهم انشكحوا :D




http://vb.eqla3.com/attachment.php?attachmentid=241409&d=1159397477

النازرة حقت المدرسة اللي تعين فيها حليم pb071




http://vb.eqla3.com/attachment.php?attachmentid=241410&d=1159397477

الفصل حقه :D




http://vb.eqla3.com/attachment.php?attachmentid=241405&d=1159397317

وهذي المدرسة سهام اللي خقت عليه من
أول نظرة :D



http://vb.eqla3.com/attachment.php?attachmentid=241434&d=1159398386

حليم غنى قدام الطالبات والمدرسين ..
وكلهم خشو جو مع صوته pb189
بعذرهم والله صوت اللي يغني ياخذ العقل pb036
عاد مدري اذا هو صوته صدق ولا حاطين صوت احد ثاني :rolleyes:




http://vb.eqla3.com/attachment.php?attachmentid=241430&d=1159398116

عليه يوم اكتشف ان حليم وسهام يحبون بعض
ما قصرت واستلمته تذب عليه :D




http://vb.eqla3.com/attachment.php?attachmentid=241429&d=1159398116

جمال عبدالناصر pb071







وبس .. تابعونا ;)
V O G U E
27-09-2006, 23:56
افـاا ياحليــم pb189 :( مالقيــت الا هالهلزاا تحبهـا :( مالت عى ذووقك < خربتها:D
لا من جـد والله يترك فردوس pb189 عشـان هالمــاصله :mad:
امـاا اليـوم ضحكت ضحــك على حليــم المزيف :D
<--- مسميته المزيف عشانه مو شادي شامل:D
يـوم يرووح يقـدم على وضيفـة المدرس .. جت الفرّااشه قالت له :
تحب اقيب لك فنجان اهوه <-- قهوه :D .. ولا تحب اجيبلك كبايت لبن:D
على ابـو ان شكلــه بزر خخخخخخخخخخخخ انا ضحكت ضحك :D
ولا البناات اللي بالصف .. يوم قالت لهم المديــره هذا المدرس جديد pb036
قااامو كلهم قالو (اخخخمم) <--- يعني ضحكو وكتمووها :D
بــس اكره شي يوم يحب ذيك المخوره :( وتقعد تقووله انت موب رجّال pb036


بس صرااحة حليم المراهق يرفع الضغط pb036 من وين جايبين هالممثل
تقوول ينشد اناشيـد اطفال .. حركات يدينه وتعابير وجهه كنه افتح ياسمسم
وصــوته يجيب لي حاله نفسيــه .. ليش موطّيـه لهادرجه :mad:
متــى يجي شاادي شاامل بسسس pb131 << تخيلو يجي شادي شامل ويصير انيل من هذا:D



يــله يعطيكن العافيه يا صبايا pb094 مس جينزpb189 وكنفيوزد pb189



بااااااااااااااااي :sm12:
Miss Jeanz
28-09-2006, 05:14
خصام الوقت

أجل مكبرة الوسادة بقوة pb192
يالله بالعافية على قلبك ;)

شكرا ً لمتابعتك bp039




***


بنت الوادي :sm12: < هذا صار مرتبط فيك عندي :D


بس صرااحة حليم المراهق يرفع الضغط من وين جايبين هالممثل
تقوول ينشد اناشيـد اطفال .. حركات يدينه وتعابير وجهه كنه افتح ياسمسم
وصــوته يجيب لي حاله نفسيــه .. ليش موطّيـه لهادرجه

غريبة ليش ما عجبكم pb036
انا خاش مزاجي الولد pb189
اما حركات اليدين اتوقع المخرج ناشب له عليها ..
بس والله ضابط تعابير وجه حليم بعنف ;)
بس حرام عليك يا شيخه ما عجبك صوته .. روووعة يجنن pb189


بنت الوادي يا شيخة انتي حافز كبير لنا pb192
تابعينا باستمرار pb189
Confused
28-09-2006, 21:40
مررحبااا ..


الحلـقــ 6ــه


البدايه مع اول مشهد كانت بالمدرسه .. وسهاموه تتهرب من حليم .. وهو محتاس مو عارف السبب ..
ويقولها انا لازم اشوفك النهارده بالكازينو .. عشان اعرف ايه اللي جرى ( الحين كل هاللي صار وتسأل )
المهم .. ويروح الكازينو .. وينتظر ينتظر .. وهو ماسك الورده الحمرا .. ولا حضرت ام قذيله .. يوم بغى يحاسب
الا تشرف حضرتها وايدها بأيد الوحش المفترس اللي كان يغازلها امس .. وتقوله بكل وقاحه " انا اسفه ياعبدو .. بس
انا عاوزه اللي احبه يكون يقدر يحميني " .. ياااشيخه روحي منااااك بس ياللاااا مناك .. جليله خاتمه :|
اتركيه .. ماقلنا شي .. معاك حقك بصراحه << تضامنت معاها وقلبت على حليم .. :d
لكن عاد الوقاحه توصل فيك تمشين مع الدب اللي يهنيكم امس .. لا وبعد جايه الكازينو نفسه عشان تغثينه pb093

رجع حليم البيت .. ومسك صورتها وقعد يصيح يصيييييح الين طلع اللي براسه كله .. تالي حرق صورتها :D
حست فيه عبله .. يمكن شمت ريحه الحرق :d.. ودخلت تهون عليه وتقوله " ده انت لسه بدري عليك ياوواااد ..
ياما حتشووف .. هو انت اتولد وففمك ملعقه دهب! .. ده انت حماااال الاسيه من يوومك " .. وه بس :( pb189
( شوفوا كنت منغثه من سالفه صياحه .. ولا كان كاسر خاطري ابد .. ماحب اللي يبكون .. بس بعد كلمه
حمال الاسيه .. مااادري .. عورت قلبي ) ..

المهم والدموع مازالت تنهمر .. يجي صاحبه كمال الطويل .. وقبل لا يدخل تقوله عبله " اسمع الدموع دي ..
مش عاوزه حد يشوفها غيري " .. ويكفكف دموعه << ماااال كف على خشه ام قذله والدب اللي معاها pb131
طاايب .. ويدخل كمال وياخذه معاه لملهي ليلي .. تخيلوو منو كاااان يغني فيه .. تخيلو منووو ؟؟
محمد الموووجي .. لا وتخيلووو اي اغنيه ؟؟ .. " صاااافيني مره .. وجافيني مره " يااااااااااااااااااااه pb189

حليم انهبل عالاغنيه .. ماكان يدري انه راح يغنيها بنفسه يوم من الايااام .. pb189
طبعا الحين مر شهر وحليم مايروح للمدرسه ولاراضي يداوم بعد ماكسرت قلبه سهاموه ..
يعال اشوف السهم اللي يشق جبهتها عاجلاً غير اجلا يااارب .. << تسمع بالدعاوي بعد
وعبله تعتب عليه .. وتقوله انت الى متى على هالحال .. لازم تروح الدوام .. وهو توه يقول انشالله
وصله جواب من الوزاااره .. اترفض .. يعني انفصل .. يعني فنشوووه ..
طبعا بعدها على طول وصل كمال الطويل صاحبه .. وعرف عن السالفه .. قاله يابني انت فين
وشغل الوزارات والروتين والالتزام فين .. انا عندي لك وظيفه بالاذاعه .. شرايك تعزف مع فرقتهم ؟

والله وفعلا راح حليم مع كمال.. وانقبل على طول حتى بدون اختبار .. تدرون عليه .. ؟
لين الاله اللي يعزف عليها ماكو غيره تقدم لها .. طلعت نادره .. لا ابشركم عرفت اسمها بعد
الاوبو .. مادري الآبو .. :D .. لا بعد .. ويطلع المرتب 3 اضعاف المرتب القديم ..
ويحطونه لنا يعزف اغنيه " منديل الحلوو .. يامنديلووووو " مع باقي الفرقه .. والمطرب الخاثر يصدح
ممم مو كأنها اغنيه محمد فوزي ؟


شوي ولا محمد الموجي اللي كان بالملهى .. ابو اغنيه صافيني .. ذكرتوه ؟ امداكم تنسون توني قلت لكم عنه
المهم ولا الموجي يحاول يتقدم بالحانه للاذاعه .. بس طرده المسؤوول شر طررده .. ورفض طلبه
وقاله هذي اذاعه نحط فيها اغاني كبار الملحنين .. تبي انت بكل بساطه تدخل فيها ..
ولا بدخله كمال الطويل .. يتعرف عليه .. ويناديه يتعرف على حليم .. ويصيرون الثلاثه اصحااااب ..
ويطلعون يتمشون بهالليله الطيبه .. ويدورن لهم لقمه عشا .. الا كل واحد يبدا يتكلم عن احلامه ..
بنص كلااامهم .. بسم الله الرحمن الرحييييم .. يكبرووووون .. ويطلع لنا شادي اخيراً .. مابغينا :D


شوي ولا لنا يطلعون لنا جمال من بنص الحرب .. متوتر ومنرفز ومعصب على حاله وحال جنوده
وشلون قاعدين يعانون من قله الغذا وماتوصلهم معونات بالمره .. ( ياربي هالممثل حيل مشتط ..
لدرجه انه ينرفز اللي قاعد يتابعه .. يعني الحين تونا سايحين مع اغنيه حليم بالمشهد اللي قبل ..
وتجي انت تزبد علينا .. لا لا لا لا ماينفع هالاسلوب .. لااازم يهدي اعصابه شوي )
المهم عاد يكتب جمال رساله لصديقه حكيم .. يشكيله فيها الحال ..

بالاذااعـه .. كانت الفرقه الموسيقيه من ضمنهم حليم .. قاعدين يتدربون على اغنيه .. وبانتظار المطرب
بس تأخر .. ومصخها .. فأنتهز حليم الفرصه وراح للمسؤول .. اللي اسمه حافظ .. وطلب منه يغني الاغنيه
بدال ماهم قاعدين ينتظرون عالفاضي .. بحضور كمال وتشجيعه .. وافق حافظ .. وتوه حليم بدا يغني ما امداه
الا يدخل المطرب عبدالغني .. اللللله يغثه دنيا واخره .. ويعطيه نظرات مش ولا بد .. ويغني بدال حليم :|
هالولد مو مترقع ابد .. كل ماتعدل حظه .. رد خرب بزوووده .. حمال الاسيه اسم على مسمى ..

اقول انا بدت تكثر الشخصيات علي .. ماقمت اجمع ولا اعرف هذا من هذا.. جلال معوض منو ؟؟ pb036
امممم عند جلال معوض هذا .. وباالاذاعه نفسها وبنفس الوقت .. كان الموجي يحاول يسمعه لحن ويقنعه بموهبته
الا يدخل كمال الطويل .. ويقوله تعال .. " عبدالغني السيد " تحت .. انت مش عاوزه يغنيلك حاقه من الحانك
ويروح وعليه يبي يكلمه .. الا ينصدم بوقاااحته .. وقله ادبه .. ولا حتى يقوم يصافحه!! .. لا ويقوله " انا ما اغني الا
للمحنين الكبار " .. مالت بلا مالت .. اصلا منو هذا عبدالغني .. ماسمعت فيه الا من هالمسلسل .. مايق ومغرور .. عوع

طبعاً حافظ .. المسؤول مال الاذاعه اللي قلت لكم عنه .. كان حاضر الموقف كله .. وقال له ماتيجي انت وحليم تغنوا اللحن
على فكره .. حليم غير اسمه من عبدالحليم شبانه الى عبدالحليم حافظ .. كـ شكر لحافظ اللي ساعده ببداياته واطلقه للنجوميه

بالبيت وهو فرحان ومو مصدق .. يعلم عبله انه اخيرا راح ينسمع صوته بالاذاعه .. الا توصلهم اخبار الحرب الشينه
عن انقطاع الامدادات .. والاسلحه الفاسده اللي تطورط الجيش فيها .. خخخخخخ هالولد اثبت انه نحس على جميع الاصعده

لاحقا كان اسماعيل يدندن عالعود .. ويغني مع حليم .. اغنيه " ظبي من الترك " .. لسيد درويش
اول ماخلصوا قاله اسماعيل .."ايه رأيك ؟" .. رد حليم .. " يعني " وهز ايده .. يعني مو عاجبته حيل
قال سمعه " دي من اجمل الالحان واصعبها .. هذي راح تبين حلاوه صوتك وتميزه عن الثانيين "
رد حليم " بس انا عاوز اغني حاقه تعبر عني انا .. عن اللي جوايا .. مثل زوروني كل سنه مره .. واهواك "
ومسك العود .. وقعد يدندن .. زوروني كل سنه مره ..


رجعنا بالكاميرا على جمال .. هالمره ما امداه يشتط ويتوتر الا قذيفه مطيرته .. وسدحوه بالسرير يعلاجونه
وهو لا اله الا الله ماينهد حيله .. مازال مشتط ومنرفز حتى وهو مصاب.. اووفف .. يغث هالممثل كله عاقد حواجبه .. pb093
ويبي بس يقوم من السرير ويرجع لكتبيبته على قولته .. طبعا بنفس الوقت طلعو الضبط والجنود يسمعون
للست ام كلثوم .. ويقول واحد منهم " ياسلااام عالست .. اول ماعرفت اننا عاوزين نسمع صوتها غنت لنا "
ولا جمالوه مفسد البهجات نمبر تو بعد عبله يدخل عليهم .. بس انقرفت من المشاهد اللي لها علاقه بالوضع السياسي
واشوى خلصت الحلقه على خير ..


اليوم مثل ماشفتوا طلع شادي .. شرايكم فيه ؟ << تو الناس ما امداه
ممممم صراحه ماشفنا خيره من شره .. بس اهم شي انه مايتعصر مثل ابو الشباب اللي قبله
وانشالله يكون تعلم من باقي الممثلين اللي معاه على قولتكم وتحسن ادائه ..
وراح يحلى المسلسل اكثر مع اغاني العندليب


وسلامتكم bp039
Miss Jeanz
29-09-2006, 18:39
اول شي تراني جاية وانا مالي وجه :(
بس من جد أمس صارت لي احداث دراماتيكية !!
أولها اني كنت مشخصة قاعده أصور من اول الحلقة .. ويوم
وصلت نص الحلقة اكتشفت ان الجوال ما يصور pb036

ثاني شي اني كنت عند ناس وقاعده اصور في بيتهم يالله
لا تخزينا :D

ثالث شي عاد ان الاقلاع معاندني pb071


الزبدة اني اقدم خالص الاعتذار لكم ولـ كونفيوزد خاصة pb189
والله ادري اني غثيتك معي :( pb189



اللي قهرني اني فوتت صور سهاموه جعلها العلة :mad:
وصور حليم وهو يعيط :sm1:




http://vb.eqla3.com/attachment.php?attachmentid=242419&d=1159553350

حافظ .. وفي رواية ( حافز ) :D



http://vb.eqla3.com/attachment.php?attachmentid=242420&d=1159553350

الموجي يومه يتهزأ pb189 يا حبيله يا ناس pb189



http://vb.eqla3.com/attachment.php?attachmentid=242421&d=1159553350

الاصحاب الثلاثة قبل يكبرون pb071



http://vb.eqla3.com/attachment.php?attachmentid=242410&d=1159552684

كبروا :D



http://vb.eqla3.com/attachment.php?attachmentid=242411&d=1159552831

مع حافظ في الاذاعة



http://vb.eqla3.com/attachment.php?attachmentid=242412&d=1159552831

حليم يغني الحين يجي عبدالغني pb131




http://vb.eqla3.com/attachment.php?attachmentid=242414&d=1159552831

عبدالغني المايق pb131




http://vb.eqla3.com/attachment.php?attachmentid=242413&d=1159552831

الموجي .. بصراحة ضابطينه pb189




http://vb.eqla3.com/attachment.php?attachmentid=242416&d=1159552962

حليم وعلية pb189



http://vb.eqla3.com/attachment.php?attachmentid=242415&d=1159552962

مع اسماعيل اخوه يغنون pb189



http://vb.eqla3.com/attachment.php?attachmentid=242417&d=1159552962

عبدالناصر بعد ما أصيب :(



http://vb.eqla3.com/attachment.php?attachmentid=242418&d=1159552962

ركب راسه ورجع للمعسكر :D






وبس .. بعد شوي برجع للحقلة السابعة :D
ســــــابينـــا
29-09-2006, 18:53
ياحبي له حليم وهو مراهق
من ميلان راسه عرف يقلد عبدالحليم :D
بس ليتهم مايركزون على الاحداث السياسيه كثير
وجمال عبدالناصراللي مرززينه بكل مسلسل ...
..

ومبروك الافراج مس جنز bp039
وعساك على القوه انتي و Confusedbp039
V O G U E
29-09-2006, 19:30
ياااعمي واخيرااا كبـر وصاار شاادي pb189 .. علّ قلوبنا هالمراهـق :mad: مدخلينه بالنص
مدري وش شغلته يعني لو انهم ماحّطوه وزبطو شكل شادي شوي بيطلع شكله مراهق .. pb094
اصـلا هو مرااهق pb036 يعني اشووف هذاك المرااهق ماله اي داعي :( اتوقع انه وااسطهpb036
يــله اهم شي كبـرر .. عاد تدرون الحلقه حقت امـس ماشفتها ولا حقت اليـوم pb036
قهرر .. بس شكلي بكتش الاعـاده << بكتش يعني بلحق :D ..


برايفت بناات التغطيـة .. pb189 :D وش الله حادكـم عاد على هالغثى :D
احس انكم ودكم تغيرون تحطون على مسلسل السندريلا pb189 ولا تشوفون نيشانpb189
بس التغطيـة معلقتكم :D لكـن ما اقول الا يامن شرااله من حلاله علـه :D
وانتــم اللي علّقتو رووحكم بهالمسئووليــه . بس صررااحة شغلكم جبّاااااااار بقووه :)
ويعطيكم الف الف مليون ترليون زليون عاااافيـه bp039 bp039 bp039 bp039 < كل وحده لها وردتين:D


باااااااااااااي :sm12: << خخخ :D عشان مس مسpb189
Confused
29-09-2006, 20:01
مرحباااااا


ميسووو:sm17: .. لا تقولين هالكلام يادبه .. قال اعتذر قال :mad:
بالعكس انا اللي راحمتك ومفتشله منك وحاسه انك توهقتي معاي بهالتغطيه pb131
يعطيك الف الف الف عااااافيه << لا اله الا الله عالادب اللي نازل اليوم :D



سابينا .. هلاوين
شفتييي ذبحونا بالسياسيه :sm18:
اففففف الله يعدي هالمشاهد البايخه على خير
حياك ونورتيbp039


بنت الوادي
تعااااااااااالي واخيرل شفت السندريلا ..
طلعت اعادتها على ال بي سي الساعه 5 قبل الفطور
اهم شي ياواد ياتقيل باغنيه المسلسل .. احللللىىىىى شييي
وهم يطلعون سعاد .. ويطلعون منى لابسها مثلها ..
مايلووق ابداً << الغيره قطعت قلوب البعارين :D << برا << طيب
بنت الوادي .. اعاده ايه ونيله ايه ..
تغطيتنا تغنيك عن الف اعاده واعاده << اديلوووووه يالثقه
حياك bp039
Confused
29-09-2006, 20:48
الحلـقــ 7 ــه


الموجي يدندن .. وحليم يغني " كاتب رسايل من شطين ياحلو يا اسمر "
ومعاهم كمال الطويل .. وذاك اللي اسمه جلال معوض .. طلعت بروفه عالاغنيه
ومندمجييين عالاخــرررر .. احس وناسه .. مافي بقلوبهم هموم .. ومرتااحين ويغنون

شوى ولا توصل لمعوض ورقه .. ولا نبأ عاجل المفروض يذيعه بالراديو ..
هو خبر الافراج عن الكتيبه السادسه بالفالوجه .. بلاااااا نيـله .. !
الظاهر ان من ربع الفالجوه هذول .. جمالوه << اصغر عيالها :D
المهم جمال راح لبيته وسلم على زوجته وعياله .. وعلى طول لبس وبيطلع
وين ما وين .. رايح لحكيم .. وله نيه يبدا تنظيم سري .. اسمه الضبااط الاحرااار
لا اله الا الله .. تونياسمع فيهم .. من كان طولي سااااانتي وانا اسمع هالسالفه بالمسلسلات المصريه
افففففف .. pb131 والخ الخ الخ << قررت تطنش هالاجزاء البايخه

لا المصيبه بعد ماخلصنا من جمال .. رجعونا للاخوان pb036
اقول .. الحين هذا الشيخ حسن البنا .. ماعرفو يلزقون لحيته عدل ..
الصمغ واصل لاخر الدنيا .. pb036

واخيراً .. رجعونا للثلاثي المرح .. الموجي وحليم وكمال الطويل ..
يحطون اللمسات الاخيره على اللحن عشان يقدمونه للأذاعه ..
اهم شي انهم كانو مفلسيين .. ومحتاجين اي مليم على قولتهم ..
فقال حليم لكمال " بقولك ايه ياكمال .. ماتطلب من ابوك منحه كده لاخر الشهر "
ورد هذاك .. " اطلب وانا كده .. طويل وعريض ؟!! " .. رد حليم .. " خلاص ..
انا اطلب .. ما انا قصّير " .. خخخخخخخخخ الله يقطع ابليسك ياحليم .. خفيف طينه من يومك
هي خفه الدم كوولها كانت مستخبيه فييييين ؟؟ << لايكثر
( اشوى للحين شادي ما استملق ولا تعصر حيل مثل عاقد الحاجبين المراهق )


لايطووووووفكم الفك المفترس اللي طلع بالمشهد اللي بعده .. يبوووووي اكشنات
اتوقع انها بديعه مصابني :D .. المهم الثلاثي رايحين لها .. والموجي يسمعها اغنيته
" صافيني مره " .. ومو عاجبتها بعد !! pb036
تدرون شقالت ؟؟ .. تقوله فين التقاطيع الحلوه .ي " اديني القزازه وتعالا لاعبني "
الحين الادمي يقولك صافيني .. وانتي تقولين له لاعبني .. :eek:
لا عاد حليم .. يضحك ويقوله .. " صحيح يامحمد .. هي فين التقاطيع الحلوه دي ؟ "
خخخخخخخخخخخ .. المهم .. مسخروها شوي .. وطلعوا

ابشررركم طلعت العايله كلها مواهب متفجرررررره ..
فردوس سرحانه .. وتغني بالبلكونه .. الا ينقز الخبل شحاته .. ويخرعها
ويقولها " ياعيني ياعيني عالناس الهيمانه " .. فشلها الحومار :D
اقول عندي لكم بشاره ثانيه .. طلعت مو اخته << شالتغطيه التعبانه
طلعت بنت خالته بعد .. :D
المهم قبت بينهم للستار ... ووصل حسهم لعبله وجت تهدي الامور ..
طلع اللوح زعلان ليش تنظف غرفه حليم ومخليه غرفته مكركبه ماتنظفها
وراك ماتهز طولك وتنظفها بنفسك .. ؟؟!
لا وعبله تقوله ماهو ده ابن خالتك برضو .. اليوم اشتقعدو لها مسكينه

تم تسجيل الاغنيه سابقه الذكر تبع حليم ..
عشان يسمعونها اللجنه .. ويشوفونه ينفع .. يعدي الاختبار ولا لاء
واول ماخلصوا من التسجيل .. باركوا لـ بعض واحضان واكشنات .. !
المهم وتوه جلال يسأله .. شعلاقتك باسماعيل شبانه؟
قال حليم " ده اخويا الكبير .. واستاازي "
عاد قالوله ماتخاف الناس يلخبطون بينك وبينه .. شرايك تغير اسمك
واقترح جلال انه يصير اسمه على الاستاز حافظ اللي عطاه الفرصه
وفعلا .. صااااار عبــدالحــليــم حــاااافــظ .. pb189

راح مادري منو اغتال مادري منو ( تغطيه تعبانه مافي فايده ) ..
والله شكيت ان المحطه تغيرت .. ماهم صاحين ذولا .. :mad:
المهم انه يطلع من الاخوان .. ويروحون يجرون الشيخ حسن يستجوبونه ..

وصلنا لجسه الاستماع تبع الاذاعه .. اللله الله عاللجنه
اشك ان احد منهم للحين عنده حاسه السمع .. كلهم طاقين العداد ..
اول ماخلصت الاغنيه .. سألهم الاستاز حافظ عن رأيهم وحليم واقف جنبه
قال واحد .. " صوته مش بطال " .. قال الثاني .. " قفلاته مش كويسه ..
ده غنى مش عربي .. ده ماينفعش للاذاعه .. ده غنى افرنجي " .. pb036
عـمـــىىىى .. :mad: كسروا قلب الولد .. :sm1:

رجع حليم للبيت .. حــزززيــن وزعلاااان .. وعبله طرطعت عاللجنه وسفلت فيهم
تهبل هالانسانه من عفويتها .. صيحتني معاها :sm1: << وانتي مزهبه الدموع بجيبك
تقوله " جتهم ضربه فقلبهم .. هو الوزير البريطاني اللي بيغني .. قال افرنجي قال "
وصار بينهم حوار خنفشاري .. بس ماامداني اكتبه :D
ويجي اسماعيل يهون عليه الوضع بعد عليه .. ويقوله ماتزعلش .. انته نغمه قديده ..
لسه ماتعودوش عليك .. " المهم طيب خاطره بكلمتين ..

جمال بدا يوزع منشوراته .. وبدت تاخذ هالمنشورات مفعولها وتهز السرايا على قولتهم
ووزاره الداخليه وغيرووه .. والدليل ان في حاله استنفار عند البوليس السياسي
يحاولون يتعرفون على هالجماعه .. ومؤسسينها .. والخ الخ الخ ..

ازف لكم هالخبر ببالغ الفرح والسرور .. تم اغتيال الشيخ حسن البنا .. راعي الاخوان
يالله فكه .. خخخخخخخ << حمدالله عالعقل والعافيه

حليم وكمال الطويل يسولفون .. الا حليم يطلب منه يسمعه قصيده ما << ماتدري شالسالفه
الظاهر انه مشروع جديد ناوي عليه حليم .. حذره كمال .. وقاله دي اخطر حاقه تغنى
قصيده ببداياتك ..
وصل الموجي .. وقالهم " انتو قاعدين ببرود تسولفون والدنيا برا مقلوبه " ..
قالوله " ليه .. شصااااير ؟؟ " .. قالهم " في لجنه قديده قاعده تستعد لسماع الاغنيه "
منو اعضاء اللجنه الجديده .. ام كلثوم وعبدالوهاب وماااادري منوو pb036

نقزو بسرعه بيروحون الا عبله تمسك حليم .. وتعطيه كلمتين بالعظم .. " اسمع
انا عاوزك تعرف ان عبدالوهاب اللي بيمتحنك النهارده .. كان زيك فيوم من الايام
بيحليم انه يوصل للناس والشهره .. وماتنساااش تقرا الفاتحه وانتا داخل عليهم "

ويروحون لمكتب حافظ على طول .. يجبسون ويسألونه عن رايه .. قبل لا يتكلم
نط حليم وقاله " ماتقولش حاقه .. النتيجه واضحه من ملامحمك " وفز بحزن يبي يمشي
قاله .. لا لا .. عبدالوهاب بانتظارك بكر الساعه 12 ..
عاد انواع اللي يباركون بعض واحضلن وفرحااانين من قلب .. وانا داخله عرض معاهم
وضحكتي من الخد للخد .. كأني الملحن على غفله :D

المهم رجع حليم للبيت .. والكل فرحانين فيه .. وسوالف ونقاشات واكشنات .. !

وخلصت الحلقه .. الله يعطيني العافيه .. تعبت :D


سامحوني عالقصور والبدليات .. bp039
Miss Jeanz
29-09-2006, 21:35
صــ الحلقة 7 ــور


الحلقة اليوم تجنن pb189
اول شي شادي عجبني مرة ;) .. ثاني شي عبلة كامل
أبدددعت pb189
بدت الحلقات الحلوة اللي كلها أغاني حليم pb189






http://vb.eqla3.com/attachment.php?attachmentid=242490&d=1159562751

جمال و حكيم .. والضباط الأحرار pb071




http://vb.eqla3.com/attachment.php?attachmentid=242492&d=1159562751

الفك المفترس ههههههههههههههههههههههههه
الله يقطع ابليسك يا كونفيوزد ضحكت ضحك مو طبيعي :D
هذي اتوقع انها منيرة المهدية مو بديعة ..
لأنها واضح انها تغار من ام كلثوم ;)
عاد مدري عندي سالفة ولالا :rolleyes:




http://vb.eqla3.com/attachment.php?attachmentid=242494&d=1159562751

حليم يسجل يا حلو يا اسمر pb189




http://vb.eqla3.com/attachment.php?attachmentid=242495&d=1159562751

هروب قاتل الوزير :rolleyes:




http://vb.eqla3.com/attachment.php?attachmentid=242512&d=1159563112

حسن البنا معصب عليهم عشان قتلوا الوزير :mad:




http://vb.eqla3.com/attachment.php?attachmentid=242513&d=1159563112

حليم مع الاستاذ حافظ ينتظر رد لجنة الاستماع
اللي رفضوه وقالو انه خواجاتي :mad:




http://vb.eqla3.com/attachment.php?attachmentid=242514&d=1159563112

علية تواسيه وهو محطم .. في المشهد هذا
أعطي عبلة كامل مليون على عشرة pb189
مشهد مؤثر من جد :(




http://vb.eqla3.com/attachment.php?attachmentid=242515&d=1159563112

أول شي شوفو شكل شادي هنا pb036
عبدالحليم الخالق لناطق pb036

المشهد هذا اخوه اسماعيل يشد من همته ..
أثر فيني المشهد خاصة يوم يقول له انك بتنجح
وتثبت نفسك ويصيرون الناس يقلدونك ..
قال حليم : امتى؟ لم يبقى عمري 60 سنة؟
قال اسماعيل: لما تبقى 60 سنة حتبقى دقة قديمة ويطلع
فنان مفعوص جديد وتبقى انت بتاع الفن الأصيل

اللي أثر فيني انهم ما يدرون انه بيتوفى وهو توه في
بداية الأربعين الله يرحمه :sm1:




http://vb.eqla3.com/attachment.php?attachmentid=242518&d=1159563273

اغتيال الشيخ حسن البنا رئيس الاخوان



http://vb.eqla3.com/attachment.php?attachmentid=242519&d=1159563273

حليم وبليغ يدندنون .. دخل عليهم الموجي قال
تعالو بسرعة فيه لجنة جديدة مكونه من عبدالوهاب
وام كلثوم ومدري مين يبون يسمعون حليم :eek:




http://vb.eqla3.com/attachment.php?attachmentid=242520&d=1159563273

اللجنة .. وتظهر ام كلسوم ومحمد عبدالوهاب :D



http://vb.eqla3.com/attachment.php?attachmentid=242527&d=1159563624

الاستاذ حافظ يهنئ عبدالحليم بنجاحه قدام اللجنة pb189







تابعونا في الحلقة القادمة pb071
ســــــابينـــا
30-09-2006, 01:39
http://vb.eqla3.com/attachment.php?attachmentid=242527&d=1159563624

يااااااااااااااي هنا طالع عبدحليم مره !
نفس ضحكته
خلاص بروح اعرس على الممثل :D
الله يرحمك ياعبدالحليم حافظ بس :( ياحبني له pb189
...
خساره صوره الفك المفترس مارضت تطلع معي
احاول فيها لي ني نص ساعه :D
دبه ودها تلبس s
30-09-2006, 02:04
ياناس فيه مخلوق جميل يمثل دور سعاد حسنى بمسلسل العندليب
من هى ..؟
انا ماشفت ولا حلقه بس كذا طاحت عينى اليوم عالتلفزيون
وكان مكتوب ناجيه حسنى بدور سعاد حسنى
تشبه لها مره ؟
Miss Jeanz
30-09-2006, 03:36
سابينا

خساره صوره الفك المفترس مارضت تطلع معي
احاول فيها لي ني نص ساعه

قهر :(
مع اني محملتهم على اقلاعووه < حايمه كبدها :D







دبة ودها تلبس

ياناس فيه مخلوق جميل يمثل دور سعاد حسنى بمسلسل العندليب
من هى ..؟
انا ماشفت ولا حلقه بس كذا طاحت عينى اليوم عالتلفزيون
وكان مكتوب ناجيه حسنى بدور سعاد حسنى
تشبه لها مره ؟

هذي وحدة جديدة pb036
ما شفتها زين صراحة.. اصبري تجي حلقاتها ونشوف :D






حياكم bp039
!!..ANTRAX..!!
30-09-2006, 05:30
هلا بنات وش اخبار التغطية :D

مع اني محملتهم على اقلاعووه < حايمه كبدها :D


ميس موب لازم تطلع الصور بالرد بعد التحميل مباشرة لا تصيرين غبية :sm4:
اهم شئ حطي الرابط ومو مهم تطلع الصورة
بعدها بكذا ساعه راح تطلع الصورة للاخوان متتبعي التغطية :D
وانتي تفرجي علي الصورة بجوالك pb095
المشكلة ان الروابط مشفرة ولا قلنا لكم حملو علي غير الاقلاع
تحيتي لكم bp039 bp039
رافع الراس..
30-09-2006, 12:20
مس

قهر
مع اني محملتهم على اقلاعووه < حايمه كبدها
مثل ماقال الانتراكس
مو لازم تطلع الصورة اهم شيء الرابط ..
ولا افتحي الصورة من الدريشة الصغيرة لاتستنيها في الرد
فهمتي علي يعني افتحي كل صورة لحالها وحدثيها لمين تطلع الصورة
والروابط خوذيها من الصفحة الصغيرة مو من صفحة الصور فاهمة علي
ترا كذا اسهل مرة الصور لايمكن تطلع معاي بالرد اصلا ماستنى :d
ومتابع تراني لتغطيتكم يعطيكم الف عافية ماقصرتوا :)
عنيزاوية
30-09-2006, 13:45
أحس ان حليم المراهق كان ضاااااااااااااااااااااااابطه بلحيل بلحيل
شادي بعد حليو بس أحس انه مبتسم بزيادة كول الخط

بعدين لاحظت شي بحليم المراهق
لما يتكلم أحس انه بلاي باك
يعني به أحد يتكلم عنه وذا بس يحرك شفايفه تساني منب واهمة
تراي منب متأكدة لا تنشبون لي

الى الآن المسلسل عمال يحلو
هشام ستاراك
30-09-2006, 13:49
يعطيتس العافيه خيتووو على احلى تغطيه

من جدددد روووووعه وعرفت من خلالها اللي صار بالثلاث حلقات اللي فاتنتي

وبالنسبه لشادي شامل ماشاء الله عليه مرررره يشبه لحبيب البي حليم

خصوصا فيذا http://vb.eqla3.com/attachment.php?attachmentid=242527&d=1159563624

اقوووووول صبايا & شباب مافيه حد منكم يعرف عنوانه لاني قررت اخطبه

يابعد تسبدي الخالق الناطق لفارس احلامي
Miss Jeanz
30-09-2006, 22:20
ســـلام ..


اليوم أنا بحط لكم التغطية عشان كونفيوزد راحت
للسوق تشتري فستان منفوش للعيد خخخخخخخخخخ :D

الحلقة اليوم بصراحة مملة :(
عكس أمس .. ولا فيها أشياء كثير تسوى :rolleyes:







الحلـــ 8 ــقـة







http://vb.eqla3.com/attachment.php?attachmentid=243193&d=1159652441

بداية الحلقة حليم والموجي دخلو بيت محمد عبدالوهاب
عشان عندهم مقابلة معه .. عبدالوهاب كان منسجم بالعزف
ولا حس فيهم وهم داخلين .. وهم خشوا جو مع عزفه وقعدو
ساكتين يسمعون :cool:






http://vb.eqla3.com/attachment.php?attachmentid=243163&d=1159650017

يوم انتبه لهم الا قعد يهزأ فيهم ويقول ايه قلة الأدب دي :D
قالوا معليش يا استاز عبدالوهاب .. احنا عبدالحليم والموجي
قال اااه معلش :D < لا يا شيخ pb095





http://vb.eqla3.com/attachment.php?attachmentid=243164&d=1159650017

المهم حليم غنى أغنية من أغاني عبدالوهاب قدامه
بس نسيت وش الأغنية بالضبط ..
وعبدالوهاب استانس مرة عليه وقال انت اول واحد يغني
أغنية لي ولا يقلدني :rolleyes:
وقام يمدح صوته وحليم انشكح على الاخر :D




***





http://vb.eqla3.com/attachment.php?attachmentid=243165&d=1159650017

بعدين جابو لنا حفلة عيد ميلاد حضرها حليم
والطويل .. وفيها شاعر ألقى قصيدة عجبت حليم
مرة .. pb189





http://vb.eqla3.com/attachment.php?attachmentid=243167&d=1159650319

من ضمن الحضور كان احسان عبدالقدوس الكاتب
والروائي المعروف بجرأته ومقالاته القوية pb071





***





http://vb.eqla3.com/attachment.php?attachmentid=243186&d=1159650889

في البيت كان اسماعيل يعزف ويغني ..
سمعته فردوس وجت جلست عنده وتقول له
انت اللي بيسمع صوتك بيحس انو في الجنة pb036

شوي الا جا محمد اخو حليم وقال لهم انه بيروح يحارب
عشان مصر :rolleyes:





***





http://vb.eqla3.com/attachment.php?attachmentid=243195&d=1159652441

بعد فتره .. عليه كانت جالسة الا تسمع طق قوي على الباب
طلع كمال الطويل قال لها افتحي الراديو بسرعة .. وراح ينادي حليم ;)






http://vb.eqla3.com/attachment.php?attachmentid=243170&d=1159650319

الا طلعت أغنية حليم في الاذاعة ..
قعدوا يسمعونها .. قال لحليم لعلية وش رايك؟
الا قامت وحطت يدها على راسه قالت قل اعوز برب الفلق :D




***





http://vb.eqla3.com/attachment.php?attachmentid=243171&d=1159650538

جمال عبدالناصر يستنى أحد ووجهه يقول ان فيه شي < احلفي :D





http://vb.eqla3.com/attachment.php?attachmentid=243172&d=1159650538

الا جت سيارة ثانية وتبادلو أسلحة :rolleyes:





***





http://vb.eqla3.com/attachment.php?attachmentid=243173&d=1159650538

شلة الأصدقاء كانو جاسين مع بعض .. وسألوا حليم
وش ناوي تغني بعد ( يا حلو يا أسمر؟ ) .. قال لهم
انه يبي صافيني مرة حقت الموجي .. وتذكروا الفك المفترس
وجلسوا يتريقون عليها pb095
وقال لهم انه نفسه يغني لهذاك الشاعر اللي ألقى قصيدة
في حفلة عيد الميلاد ;)





http://vb.eqla3.com/attachment.php?attachmentid=243174&d=1159650538

يوم كانو جالسين جا واحد دخل عليهم قال انتو قاعدين هنا
والقاهرة بتتحرق؟ pb036




http://vb.eqla3.com/attachment.php?attachmentid=243182&d=1159650889

لا تعليق :(





http://vb.eqla3.com/attachment.php?attachmentid=243183&d=1159650889

بعد شوي جابو مشهد لعائلة عبدالحليم وهم يتناقشون
على اللي صار < ما تدري وش اللي صار :D
المهم انهم اكتشفو ان الملك حقهم يخون مصر وانه يتفق مع
العدو .. وفجاة يدخل عليهم اخوهم محمد بهالمنظر pb036






***



http://vb.eqla3.com/attachment.php?attachmentid=243219&d=1159654289

بعدين جا مشهد فردوس فتحت الباب لقت واحد يسأل عن حليم :rolleyes:






http://vb.eqla3.com/attachment.php?attachmentid=243185&d=1159650889

الا طلع متعهد حفلات يبي حليم يغني في حفلاته مقابل خمسة
جنية للحفلة ..
ويشارك في هذي الحفلات اسماعيل ياسين وتحية كاريوكا ..
وحليم هو المغني الوحيد بينهم ..

حليم وافق وقال يشرفني اشترك مع نجوم كبار ..
ووقع العقد ;)








وبس .. سامحونا على القصور bp039
V O G U E
30-09-2006, 22:33
واااااووو حلقــة اليووم روووعة pb189 والله بدا يحلو المسلسل بقووه
ويورينا الشي اللي عليـه الكـلااام pb189 ..


اقووول pb036 بمسلسل السندريلا pb189 توقعو منهو عبدالحليمpb189 pb036

غلـط .. لا غلط .. كمــان غلط .. اي صح صح pb036 مدحت صااالح pb036
وعووووووووووه هالمخوور ذا من وين جابوه:mad:
يــلّه المووهم منى زكي pb189
<--- مو كني طلعت عن الموضوع :D



يلـه انا بااااااااااااااااااي :sm12:
ســــــابينـــا
01-10-2006, 02:20
انا راحمه والله فردوس :(
توني ادري انه بنت خالته كانت تحبه
الله يعينها ..
تهقون شحاته طيب يحبها ؟
كنه امس عاجبته يوم يكلمها بالبلكونه
اما حريق القاهره كانوا يقدرون يخرجونه باحسن من كذا
وش ذولي جايبين لنا صور ونار عليهم pb036

...
ويعطيكم العافيه بنوتات pb189
طامر صفحة
01-10-2006, 04:59
يعطيكم العافية جميعا ..

بس ليش حاطين عبدالوهاب اثرم pb036
ابودمجه
01-10-2006, 05:59
^
^
كان اثرم فعلا .. ماتتذكر يوم سمير غانم يتريق عليه :D
ί c o n
01-10-2006, 12:08
السلالالالام عليكم .,.


و أخيرن شرفت غطيتكم << بره :D




لا من جد عيني عليكم باردة تغطية الحداث أول بأول ;)



أحس ودي أكشت بالمسلسل و أتابع تغطيتكم <<لووووووووول:D



المهم أنا بصراحة بصراحة بصراحة << أخلصي :D



ما تابعته على بالي أن الفشل محتوم مدري محتم <<:D



و رحت أتابع السندريلا المشكلة يجي نفس وقت حليم :(



بحلقة أمس كانت عازمته على العشا أدري أنكم تكرهون مدحت صالح بس ترا ضابط هدوء حليم pb094



وش بعد ؟



إيه أمس توي دريت أنه سعاد كانت مرشحة دور حبيبته في فيلم البنات و الصيف بس هي رفضت pb189



تقول المشكلة أنه حبيبته بتكرهه و أنا مقدر أكرهك يا حليم << عشان تنقهر كونفو :D


يا حليلها بالأخير مثلت دور أخته عاد هو كلش يتميلح يقولها وشلوه تسوين دور أختي و ما تسوين دور حبيبتي هاه <<pb192


ياااااه الله يرحمهمــــا ( السندريلا pb189 pb189 العندليب )


و ياااااااااااه الله يعافيكما ( كونفو pb189 pb189 مس مس )
Miss Jeanz
01-10-2006, 13:43
الانتراكس & رافع الراس

شكرا ً على النصيحة :D
وش دراني عن تحميلكم ذا انه يبغى له معاملة خاصة pb095
نورتو يا قدعان pb071




عنيزاوية

خخخخخخخخ صادقة مبتسم بزيادة :D
بس المراهق هو اللي يتكلم وش دعوه احد يتكلم بداله pb036

نورتي bp039





هشام ستار اك

لا والله ما نعرف عنوانه للأسف :D
بس تراه محجوز قبلك pb095

شكرا ً على مرورك bp039





بنت الوادي pb189

بالعكس الحلقة ما عجبتني مملة :(
ودارية عن مدحت صالح الله يخسهم :mad:
خلصو الممثلين يعني؟ pb093

نورتي pb189






سابينا pb189

اي والله انا راحمتها بعد :(
ورا ما تنطق طيب ولا تلمح ولا تسوي اي شي تخليه يحس pb094
وشحاته انا احس انه يحبها .. احيانا يقعد يتميلح عندها :D
تراه مميليح ما عليه .. خفيف دم pb189

شكرا ً على متابعتك يا عسل pb189






طامر الصفحة

زي ما قال لك ابو دمجة هو كان اثرم صدق :D
شكرا على مرورك bp039






ابو دمجة شكرا ً على التوضيح والمرور :D






خاشة عرض pb189

المهم أنا بصراحة بصراحة بصراحة << أخلصي



ما تابعته على بالي أن الفشل محتوم مدري محتم <<

كونفيوزد :mad:


اما مدحت صالح ضابط عبدالحليم .. يا شيخه طيري :mad:
يعععع يجيب المرض pb131


مري علينا دايما ً خشخش pb189
Confused
01-10-2006, 13:55
اعذروني ماقدرت التزم بتغطيتي البارحه
ولا حتى حصلت فوستان احلامي المنفوش للعيد :D
بس ميسوووو ماقصرت .. شغل ولا اروع pb189




عنيزاويه ..هلاوين
وي يامعوده خليه يوزع ابتسامات يوسع صدرونا .. ياحلو الادمي اذا صار بشوش
مو هذااك .. كله مقلدم وماد البوز .. بالعكس حليم مع انه كان حزين بس كان دائما مبتسم وينكت
<< ابد مو كأنه مات قبل لا انولد بعقد كامل :D
بالنسبه للمراهق السابق الاااااا صوته ساعات مو طبيعي
اقولك احس انهم ماخذين صوت حليم من افلامه ومركبينها على خشه هالمالق pb071


هشاام ستارك ..
ترى متزوج وعنده ولدين .. << بدت الاشاعات :D
ولايهمك .. هو مصر القديده .. الزمالك .. عماره السعوديين << بتضيع البنت :D


بنت الوااااااي ..
هلا والله .. مخور وبس :/
كل عبر الدنيا فيه .. كرييييهه اعوذ بالله
هالادوار تحتاج ناس محبوبه جماهيرا ..
مو واحد محد يخبه الا امه .. اشك بعد انها تحبه
بس ماش .. للحين انا ماقتنعت بمنى .. نشوق الحلقات القادمه
الحين تعالي انا عندي سؤال ..
في واحد دب اللي مع نجاه وشكله يحبها .. هذا منو ؟؟



سابينااا

اييي هو بقى احد ماحبه pb189 pb189
تخيلي عايشه معاه وتسمعه يغني كل يوووووم .. يبوووووي :/
شحاتوه هالخبل هذا ماينعرفله ..
انا شكيت لما قال عنها انها هيمانه ويارب اوعدنا ومادري شيخربط
مادري تلميحات من السيناريو .. ولا الولد خبل وخلاص ..
بس شكلها بتاخذه .. اخرتها اما محمد ولا شحاته .. ولا تجابل عبله ابرك :D


طامر الصفحه .. هلا الله يعافيك
ماااااااشفتهم شلون حطوه بالفلم ( حق احمد زكي) ياخزياااه..pb093
يمثل دوره ذاك مادري وشو عز .. pb093
المفروض .. المفروض .. ان الفلم دراما ومأسي وحزن ..
بس صار العكس ..الاوادم كله ماطلع اللي يمثل عبدالوهاب كركرو


ابو دمجه ..
شوكرا عالمداخله ..



خااااااااااشه .. سآكل كبدك ذات يوم :D
الحين مدحت صالح ضابط دور حليم ؟
شفتيه شلون يمشي بس ؟؟ الحين حليم كااان معووق ؟؟
اسم الله عليه بس .. << تحلل وصار نفط تحت الارض وهذي تسمي للحين
ترى هالرد الطويل العرض كله عشان اوصلك :D
الحييين تحسبيني ما ادري عن هالخرابيط كلها ..
قاريتها وحافظتها من دخلت فتره المراهقه والترهيق الكئيبه
تدرين اللي خذت الدور ( دور اللي تكره حليم ) .. زيزي البداروي
تدرين شصااااار فيها مسكينه .. تقولك بالعرض الاول .. الحضور هااجو عليها :sm5:
اللي يقولها .. "انتي منو اصلا" .. واللي يقول "وحليم يسوى عشره من امثالك "
واللي واللي .. صارت اذا مشت بالشارع ..لازم تحصل لها كلمتين بالعظم ..
مسكينه عاد .. تقول تعبت وانا اقولهم " ده فلم ياقماعه " .. " ده تمثيل وبس واللهي "
بعدين خليه يتميلح يا اختي .. لو سعاد قدامي كنت انا تميلحت عليها << انواع الانحراف بهالرد :D
اكمل سوالف الفلم ؟؟ ؟ :D .. لا اسكت اشرفلي
السندريلا حاليا بس اشوف اغنيه المقدمه واول 5 دقايق .. ومخليتها لبعدين

حياك bp039
Confused
01-10-2006, 13:58
بسم الله .. مس سبقتيني ..
احذفي ردك << بتنجلد ..
Miss Jeanz
01-10-2006, 15:07
^
^

خخخخخخخخخخ بت انتي ما بتشوفيش ولا ايه
عادي عادي .. كل وحدة تدلي بدلوها < متعوبة عليها
Confused
01-10-2006, 21:19