LOST season 3 - here the fans [الارشيف] - منتديات شبكة الاقلاع ®

منسدح بالبلكونه

02-10-2006, 10:15

مرحبــا pb189

يــوم الاربعـاء 4 أكـتـوبـر يبداء السيزن الثالث من اعضم واضخم مسلسل على مر التـاريخ

انتظـرنـا هاليوم كثيـر وبالنسبه لي حبيت هاليوم من كثر ما انتظرتـه

~~

الكثيـر سمـع في المسلسل والكثير تابعه ويعرف قصته
لكن لمن مايدري وش الطبخـه يخش هنا (http://vb.eqla3.com/showthread.php?t=213309) في موضوع الاخ fun time
ويعرف وش سالفة المسلسل بالزبـط ومين الممثليـن

~~

سيزن 2 اجاب الكثيـر من الاسئلـــه لكن باقي كثيـر من الاشيـاء والاسرار الغامضـــه
يمكن من أهم ماعرفنـا في سيزن 2 الهاتش و وش اللي بوسطهـا
http://www.eqla3.com/vb/attachment.php?attachmentid=159455&d=1148180044

ومن الاشياء اللي مازالت غامضه سالفة الارقــام

http://vb.eqla3.com/attachment.php?attachmentid=244109&stc=1&d=1159781714

~~

http://www.eqla3.com/vb/attachment.php?attachmentid=224377&stc=1&d=1156740321

بوستر سيزن 3

عنوان الحلقـه الاولى

A Tale of Two Cities

وراح تكون الحلقـه مايواجهه kate .. jack .. sawyer
في سجون the others

وبنتعرف على ممثلين جدد مع الاذرز
وهم
http://www.eqla3.com/vb/attachment.php?attachmentid=210785&stc=1&d=1154339050

Elizabeth Mitchell

و

http://www.eqla3.com/vb/attachment.php?attachmentid=210789&stc=1&d=1154339629

ردوريغو سانتوس

~~

المسلسل بيعرض منه 6 حلقـات كل اسبوع حلقه
وراح يتوقف الى شهـر فبرايــر
وراح يركز سيزن ثري على حيـاة the others
ويمكن نشوف اسرار واشياء اقوى من الدخـان الاسود الوحشي
و صوت الدب القطبـي ..

فيه شروط صغيره ومهمه للجميـع

راح يكون منهج واضح للموضـوع بحيث ان الكل يتابع ويتفاعل سوا شاف الحلـقه أو لأ

من اهمهـا :

** يمنع منعاً باتاً كتابة احداث وتفاصيل الحلقـه بغيـر اللون الأبيـض ( وجه يناظر حبيب الشعب لاموني pb189 ) **

** يمنـع منعـاً ألعن من الباته إحضـار صـور للحلقه الجايـه إلا إذا كانت برابط خاص لها ( وجه يناظر سليل السيف pb189 )

** ردود مقارنـه مع بريزن بريـك مانبيهـا **

الشيء الرابــع وهو الأهـم

~
~
~

~
~

~

~
~
~
~
~
~
~

~
~
~
~
~
~
~
~
~
~

http://www.eqla3.com/vb/attachment.php?attachmentid=158884&stc=1&d=1148112825

انا اتمنى أحد بس يقرب ولا يتحرش ولا حتى بس بس يقـول أ على هالمزيونــه
حتى المــدح مانبي منكم شيء
فكونـا منكم لابارك الله فيكـم وبلااش نخسـر بعض عشان مسلسل pb131 <--- حـاس أوم أوم الشروط pb192 ..

~~

نتمنـى من الجميع يتقيد بالاشياء اللي فوق ويراعي شعـور اللي ماشافوا الحلقـات
( وجه يناظر تالف وهو للحين يحمل الحلقة الاولى من سيزن ون ) pb192 ..
وما اخفيكم من اهم اسباب فتح موضوع جديد عشان الشروط اللي فــوق ..

~~

شعــار الموضوع :

برق السحايب و فراس
في قلوبنـــا .
pb189

~~

هديـــــة العــدد للجميـــع :

http://www.eqla3.com/vb/attachment.php?attachmentid=161286&stc=1&d=1148415362

Alex_10

02-10-2006, 11:21

هلا بالبطل .. وحشتني ياخي ..

لوست بصراحة مصخوها .. الأحداث كانت مرة مترابطة و مرة مشوقة .. مفروض يعرض في أوغست بالكثير ..

كل خوفي يكون تمطيط عالفاضي .. مع اني واثق بقوة بالمحششين اللي يكتبون الحلقات ..

هذي بروموز عن السيزن الثالث

http://www.youtube.com/watch?v=2LNbfJhfTjg&mode=related&search

http://www.youtube.com/watch?v=Ew6F6nC0PME&mode=related&search

القطعة 13 اسبوع في وسط السيزن تقهرررر ..و أحس ان الحلقة السادسة بتصير أليييمة .. عشان نجلس متعلقين 13 اسبوع .. و يقال ان الحلقة السادسة بتكون كأنها نهاية سيزن مصغرة ..

لايفوتكم الكليب ..

http://sinlostcity.free.fr/multimedia/clip_addicted_to_lost.zip

وهذي عوين الأربع حلقات الأولى ..

http://lostsite.free.fr/epi/images/tale.jpg

http://lostsite.free.fr/epi/images/further.jpg

http://lostsite.free.fr/epi/images/ballerina.jpg

http://lostsite.free.fr/epi/images/himself.jpg

Alex_10

02-10-2006, 11:23

ناطرينك يا ويك إند

N a j d

02-10-2006, 11:25

أخيرا موضوع جديد وشروط عقبال موضوع بريزون :sm3:
سألت سؤال في الموضوع القديم :(
كم موسم المسلسل ؟؟
صحيح 5 مواسم ؟ :( pb036

المسلسل بيعرض منه 6 حلقـات كل اسبوع حلقه
وراح يتوقف الى شهـر فبرايــر

يستهبلووون pb131 pb131 :(

في المرفقات ملف تورنت للحلقه 0 من السيزون الثالث :D

عيت تنرفع :(

DiavoLi rossi

02-10-2006, 12:17

اخيراً موضوع جديد .. وشروط واهمها الخط الابيض ..

والله قهر اذا راح يتوقف بعد 6 حلقات ..

يعني راح تنعرض اول حلقة في الـ 4/10 يوم الاربعاء الجاي .. وراح تنعرض الحلقه الساسه في الـ 8/11 ثم راح يتوقف شهرين ونص عشان يعرضون الحلقه السابعه ..

الوافي من اجلك

02-10-2006, 13:10

مشتاااااقين والله لهم

ان شاء الله قدروا تعبنا وحنا ننتظرهم وجهزوا لنا سيزون اروع من الباقي

برق السحايب وفراس فخر الاقلاع

فديتهم والله

.

دبه ودها تلبس s

02-10-2006, 13:20

ياناس شلون احمل ملفات تورنت

قلق ورجه

02-10-2006, 13:39

اخوي محمل 5 قيقا منه بس قصر وما لقى الترجمه

ومسح ابوهم الله يهديه

يعطيك العافية

ترا كف!

02-10-2006, 14:37

منسدح
مصور الارقام بالباندا ؟ :d

انا جاي اخرب عليكم المسلسل واقول لكم تراه طلع بالاخير

Reality Show !!!

وجايكم بالتفاصيل لاحقن D: (لاحقاً)

! Fun time !

02-10-2006, 15:14

منسدح منتب بـ عاقل يالشـديد اجل شروط http://www.vb.eqla3.com/images/smilies/n/sm3.gif

الي ماشاف الحلقه زيرو من السيزون الثالث يشوفها
تراها مهمه تذكرك بحاجات كثيرة .
وخاصه الي يلقي ويقول الاحداث هنري غيل .
واظح انه في هـ السيزون بتكون له مساحه اكثر .

مبروك الموضوع الجديد تقطعونه بـ العافيه .
و بـ انتـظار الحلقه الاولى http://www.vb.eqla3.com/images/smilies/004.gif

شباب محد يصمم لنا تصميم لي لوست نخليه شعار لي الموضوع والاعضاء الي فيه http://www.vb.eqla3.com/images/smilies/biggrin.gif

out of order

02-10-2006, 16:07

<-- تحمل الحلقه الاولى من سيزون 2

هقوتكم يمديني اكمل تحميل سيزون 2 .. قبل يوم الاربعاء
<-- والله لو حلفتي عليه http://www.vb.eqla3.com/images/smilies/biggrin.gif

يعطيكم العافيه متابعتكم
http://www.vb.eqla3.com/images/smilies/004.gif

SAtUrN

02-10-2006, 16:42

انا جاي اخرب عليكم المسلسل واقول لكم تراه طلع بالاخير

Reality Show !!!

وجايكم بالتفاصيل لاحقن D: (لاحقاً)

أما لو يصير صح :mad:
كان أنا أذبحهم
يعني الأذورز هم المسؤولين؟!!

لا لا مو معقول

http://www.eqla3.com/vb/attachment.php?attachmentid=161286&stc=1&d=1148415362

رهيـــــــــــــــــــــــــــــــــــــــــــــــ ــــــبة الابتسامه

القطعة 13 اسبوع في وسط السيزن تقهرررر ..و أحس ان الحلقة السادسة بتصير أليييمة .. عشان نجلس متعلقين 13 اسبوع .. و يقال ان الحلقة السادسة بتكون كأنها نهاية سيزن مصغرة ..

أما عااااااااااااااااااااااااااااااد :eek:
إيه طيب :rolleyes:

بالنسبة للتورنت تأزمت وانا احاول ماطاع لين يأست

http://lostsite.free.fr/epi/images/himself.jpg

آآآآآآآآآآآآآآآآآآخ يا ذا الآدمي عليه لهجة وطريقة كلام ونبرة صوت فزيــــــــــــــــــــــــــعه

برق السحايب

02-10-2006, 16:47

بالبركة الموضوع الجديد .. ويا منسدح ..عليك مقدمة وشروط .. انت المفروض تشارك في ستار أكاديمي الصراحة .. ان كان تنسيم ولا طخامة :D ..

ان شاء الله يكون هالجزء اطلق جزء وآخر واحد .. موعدنا الويك اند ان شاء الله .. بس سين سؤال .. فراس بيترجمه حصري للإقلاع ولا بنتذلل للوبين؟ <<<< وش رايكم في الاستعطاف؟ :D

سليل السيف

02-10-2006, 17:29

8

8

8

تصّور بس :D
قسم بالله لأصوت له بتصويت ما صوته لإيمان :D

** يمنـع منعـاً ألعن من الباته إحضـار صـور للحلقه الجايـه إلا إذا كانت برابط خاص لها ( وجه يناظر سليل السيف pb189 )
اول شيء .. ماعندهم تي باق :D
ثانياً انا وش ذنبي:D
جبتها ونفختو عليّ وحطيتها بروابط:D ،
اللى خلاها ظاهره هو فان تايمpb189 امصعو رقبته مالي دخل .
وفوق كذا كأني مزور يوم تشهر فيني:D
لا تخلوني اقلبها لعّانه وانزل الترجمه قبل الحلقة بإسبوع :D <-- واضح انه نصاب :D

*******

http://a69.g.akamai.net/n/69/10688/v1/img5.allocine.fr/acmedia/medias/nmedia/18/35/65/66/18654840.jpg
يتصارحون:D
http://kooora.tv/i.aspx?m=blank
أحلى مافي الجزيرة ما عندهم هيئة:D

Ghallya

02-10-2006, 18:49

شكرا على الموضوع اليديد ..

وان اشاءالله بنتابع لوست الموسم الثالث وان اشاءالله ماتكون الروابط من رابيد شير :D

وتسلمون :)

وداعة الله

: { Scorpiofull } :

02-10-2006, 20:00

وهـ واخيراااا السيزون الثالث..منسدح مزدي والله بهالشروط مابي تخريب مثل بريزون بريك :(
الي ماشاف الحلقه زيرو من السيزون الثالث يشوفها
تراها مهمه تذكرك بحاجات كثيرة .
وين الاقي هالحلقه ؟

مسالمه

02-10-2006, 20:53

^
^
هذي هي الحلقه
وهي جامعه ابرز الاحداث الي صارت في السيزنين الي راحو

حجمها 350 ميغا

HERE (http://vb.eqla3.com/attachment.php?attachmentid=244360&stc=1&d=1159822185)
___________________________

منسدح
ياليتك بعد حاط شرط يمنع دخول لاموني قريح للموضوع بتاتا
يعني في بريزون بريك مشيناها له ولكن في لوست لئه بئه دي فيها قبايل عاد pb131
ووبعدين نبي صديقنا وشسمه فارس يترجم الحلقات pb094
ياليت احد يتفاهم معه :D

http://www.eqla3.com/vb/attachment.php?attachmentid=210789&stc=1&d=1154339629

الاخ هذا يستهبل :D شكله بيغطي على سوير
من الحين يابنات اقولكم تراه محجوز والي بتوطوط عليه لاتلوم الا نفسها :D

وكش على كيت
وشكرن :D

: { Scorpiofull } :

02-10-2006, 21:44

^^^
شوووكران على الحلقه ^_^
وتراني حاجزته قبلتس http://www.eqla3.com/vb/images/smilies/n/sm5.gif
بأشوف ان جاز لي في المسلسل ولا اخليه لتس http://www.eqla3.com/vb/images/smilies/rolleyes.gif

مسالمه

02-10-2006, 23:36

^
^
لاياشيخه ان جاز لك والا بتخلينه لي
وشش هالحنيه يابنتي جزاك الله خير :o

اقول علمن ياصلك ويتعداك انا قبلك يعني انا قبلك
شوفي تاريخ مشاركتي ووقتها وبعدين ابئي أبليني :D

____________________________

وواللهي ما اشتت جايبه صوره لرودريغو pb189 :D

http://vb.eqla3.com/attachment.php?attachmentid=244494&stc=1&d=1159832142

http://vb.eqla3.com/attachment.php?attachmentid=244495&d=1159831946

pb189

ابو سدحه ترى اسمه Rodrigo Santoro
وش سالفتك مع الاسامي هنري غالا ورودريغو سانتوس :D

D a m a s

03-10-2006, 01:08

:sm5:

صنكيو صقيفي الجديد منسدح ع الموضوع pb192

هم ناوين يهبلون فينا .. أجل 6 حلقات ,, والله أنها مصاله مابعدها مصاله :rolleyes:

نحتري المسلسل كل هـ الفتره .. وبالأخير 6 :( << حاسين بـ معاناتي pb192

أزين ماسويت أنك حطيت الشروط .. pb189

حسب ماسمعت ان السيزون الثالث راح يكون أكثر واقعيه من اللي قبله ..

وراح تقابلنا أحداث تشد البدن << يعني كل واحد يقضب شاشته pb036

صحيح حلقات العرض قليله .. بس راح تشيل علامة [ ؟ ] كبييييره من فوق روؤس المتابعين للمسلسل :D

ومن أهمها الأذر [ حياتهم - من وين جاو - وش قصة تعصبهم pb036 . . . الخ ]

مانسبق الأحداث ..

كم سؤال ع الطاير ..

الحلقه الأولى من السيزون الثالث راح تعرض بكره .. متى راح تكون هنا برابط مياشر . . ؟

وش المسلسل اللي راح يكون بعد الـ 6 حلقات .. وهل هو يستحق المتابعه . . ؟

عندكم رابط مباشر للحلقه زيرو من السيزون الثالث . . ؟

وسوري ع الاطاله : )

تـــالف

03-10-2006, 10:41

بالله يا شباااب لحد يتكلم عن نهااية سيزون ون :( لاتخربونها علي تكفون

أما شانون تحب العراقي ليـــه ؟
حسيت أنه متنازل عن راتبه عشان يدخلون ذا السالفه في المسلسل

لا وإذا جا يبوسها ورفع يده وحك شعر أبطه في رقبتها وعععععععععععععععع
الله يقرفك هندي ملعوون

<< مسكه منسدح مع علباه وشااته براا

منسدح بالبلكونه

03-10-2006, 12:27

^
^
^
قسـم بالله انه ألعن هندي بالعالم
عندي مقطـع مدري وش سالفتـه بالزبـط قاعدين يرقصون وكأنهم اموات أو سكـارى
وله حركه يسويها قسم بالله ماتصلح تشـاف برمضـان قويه على وسخـه مدري وشلون اوصفهـا ..

ذكرني ان شاء الله بعد رمضـان ارفع لك المقطـع

ناطرينك يا ويك إند

عااااااااش من شـــــافك إليكـس pb189
وخلـك معنـا أول بأول

منسدح
مصور الارقام بالباندا ؟ :d

انا جاي اخرب عليكم المسلسل واقول لكم تراه طلع بالاخير

Reality Show !!!

وجايكم بالتفاصيل لاحقن D: (لاحقاً)

ههههههههههههه والله الصوره قديمـه عندي بجهـازي مدري من وين حافظهـا

بالبركة الموضوع الجديد .. ويا منسدح ..عليك مقدمة وشروط .. انت المفروض تشارك في ستار أكاديمي الصراحة .. ان كان تنسيم ولا طخامة :D ..

ان شاء الله يكون هالجزء اطلق جزء وآخر واحد .. موعدنا الويك اند ان شاء الله .. بس سين سؤال .. فراس بيترجمه حصري للإقلاع ولا بنتذلل للوبين؟ <<<< وش رايكم في الاستعطاف؟ :D

أومـا ستـار أكاديمي pb192
قسم بالله بيجيني ذب في التكست من نمونة ( طلعوا الفلسطيني تراه فشلنـا ) pb192

^

ابو سدحه ترى اسمه Rodrigo Santoro
وش سالفتك مع الاسامي هنري غالا ورودريغو سانتوس :D

ياخيه انا مادري وش سالفتي في العربي ( وجه يحك رأسـه )
بعدين إلا تحرجونـا انتم :(
يعني مايصير أحاول اضيع السالفـه في موضوع بريزن بريك تجين تسحبينـها لـ هنـا

مسالمة go to hell :(

هديــــة العــدد مقدمــــة لـ منسدح :(

http://vb.eqla3.com/attachment.php?attachmentid=244744&stc=1&d=1159877670

:( لايفوتكم البكت اللي بيده اليسـرى :(
حركات إني ما ادخن زقاير الهنـود وتوني طايـح في المالبورو

Dajwet

03-10-2006, 12:49

ترا سعيد هو اللي مقترح على المخرج انه يحب شانون

خخخخخخ مالت عليه الا يبي يتلصق هالقروي

الا ماقلتو متى يكملون السيزون الثالث كامل ؟

عسى مانصبر سنة بس شكلهم مطولين

Alex_10

03-10-2006, 13:39

من يسوي خير و يجيب لنا لينك مباشر للحلقة رقم 0 ؟

التورنت مش راضي يمشي معاي ابدن ابدن ...

>>> وجه يناظر برق السحايب و مستحي

Alex_10

03-10-2006, 13:44

لايفوتكم البكت اللي بيده اليسـرى
حركات إني ما ادخن زقاير الهنـود وتوني طايـح في المالبورو

خخخخخخخخخخخخخخخخخخخخخ من جد الله يالدنيا

Five Stars

03-10-2006, 14:17

من يسوي خير و يجيب لنا لينك مباشر للحلقة رقم 0 ؟
التورنت مش راضي يمشي معاي ابدن ابدن ...

والله لفيت على كل مواقع لوست الي عرفتها
ومالقيت الحلقه مرفوعه على اي موقع
بس ترى فيه تورنت سريع مررره للحلقة
http://www.mininova.org/tor/437150

Alex_10

03-10-2006, 15:27

^
^
بحاول مرة ثانية لعل و عسى ..

.. sky ..

03-10-2006, 17:10

http://vb.eqla3.com/attachment.php?attachmentid=244828&stc=1&d=1159894683
مـرااااحـب
بسم الله .. منزل مبـارك :D
شوفوني أكتب ردي باليمين :D

بصراحـه الحماس واصل حــــــدددده معي pb189
اهلي يسمعوني أهوجس بأسماء ما يدرون وش هي .. و يحسبون الدعوة من تأثير الصيام :D
المهم إني قايلتلهم الويك إند هذا مني طالعـه .. لو تسحبوني من شعري .. مني طـااالعه من البيت :D

** يمنع منعاً باتاً كتابة احداث وتفاصيل الحلقـه بغيـر اللون الأبيـض ( وجه يناظر حبيب الشعب لاموني ) **
اقترح من الحين نسوي تصويت و إجماع و نرفع طلب بتلحيط المخالف من ست أسابيع إلى سنـه في الناصريـه :D
لغايـة ما يخلص السيزون :D درئً للمفاسد .. ما نبي نلعن و نسب في الخلق في رمضان :D

** يمنـع منعـاً ألعن من الباته إحضـار صـور للحلقه الجايـه إلا إذا كانت برابط خاص لها ( وجه يناظر سليل السيف )
النقطه هذي ما يبي لها تصويت و إجماع .. ع طووووووول نرميـه برا :D

** ردود مقارنـه مع بريزن بريـك مانبيهـا **
ترا بالعجره و قسم !!؟
أكره ما علي احد يجي يقارن مسلسلين ببعض !!؟
و لا يجيك واحد يستخف دمـه و يسب المسلسل عشان الأحداث الي يبيها ما حصلت pb131
و خلكم من هذا و تابعوا مدري وشو .. احسن منه بمية مره
خلاص .. روح تابعـه إنت و خلنا بحالنـا pb192

http://www.eqla3.com/vb/attachment.php?attachmentid=158884&stc=1&d=1148112825
انا اتمنى أحد بس يقرب ولا يتحرش ولا حتى بس بس يقـول أ على هالمزيونــه
حتى المــدح مانبي منكم شيء
فكونـا منكم لابارك الله فيكـم وبلااش نخسـر بعض عشان مسلسل <--- حـاس أوم أوم الشروط ..

ايـه بليــز إذا سمحتم .. كل واحد يعرف حدوده .. و يعرف ممتلكاتـه :rolleyes:

منسدح الحين يقول يلعن أم البلشـه :D ما خطر بباله إن البنات بيتقاسمون حبها معه :D

شي ثاني
لحد يجي يقول جاك موب وسيم pb071
http://vb.eqla3.com/attachment.php?attachmentid=244829&stc=1&d=1159894683
ايـه حرام الرجال تعقد طول السيزنين الماضيين و سوير معذبه في حياتـه :D
و ماكل عليـه الجـو :D و ما بقى بنت في الجزيره ما رسم عليها :D
خخخخخخخخخخخخخخخخخخخخخخخ

في شغلـه مهمـه
الي حايس بالتورنت و مشاكلـه .. الله يرضى عليكم .. الشغلات التقنيـه لها مكانهـا الخاص في ديوانية التورنت (http://vb.eqla3.com/showthread.php?t=232599)
نبي هـ الموضوع خااااص بالنقاش الفني عن المسلسل ... مو نحل مشاكل و نقدم إقتراحات :)
يعني الي يسأل هنا عن شي و محد يعطيـه وجه لا يزعل ;)

شغلـه ثانيـه :D
همتكم يا راعين الفوتوشوب :D
نبي تصاميم و تواقيع و حركات و أكشنات :D
مو كل شي نزرفه من المواقع الثانيـه :D

Alex_10
شوف التورنت الي حاطته مس مس .. شغال معاي مية فل و عشره ;)

سـؤال /
تتوقعون "مايكل" المخفـه هو و بزره بيرجعون ؟!! في أي وقت من السيزون ؟!! أو حتى السيزونات الجايـه !!؟

يعطيك العافيـه منسدح :)
http://vb.eqla3.com/attachment.php?attachmentid=244828&stc=1&d=1159894683

المعاني@@

03-10-2006, 18:31

مبروك الموضوع الجديد
ومبروك السيزون الجديد قبل الزحمه << يفكره مثل العيد pb192

http://www.eqla3.com/vb/attachment.php?attachmentid=224377&stc=1&d=1156740321

هو المسلسل الي خلاني ادمن مسلسلات:sm5:
اتمنى ان السيزون الجديد يوضح اشياء كثيره .. بدل مايزيد علينا الحوسه:sm5:
وودي بعد بهالسيزون يعطونا سالفة الشركه الي مسويه الهاتش بالتفصيل:rolleyes:
وانشالله كايت تختار سوير وتسحب على مايك "وجه يقول ياويلك من سكاي":D
وبالنسبه لمايكل وولده
اتوقع تصير عاصفه أو اي شي يخليهم يرجعون الجزيره:mad:
والأذرز بيعصبون وبيقولون له فارقناpb036

هانت .. بكره الفجر موعدنا مع الحلقه الأولى من الموسم الثالث

SAtUrN

03-10-2006, 20:23

لا وإذا جا يبوسها ورفع يده وحك شعر أبطه في رقبتها وعععععععععععععععع
الله يقرفك هندي ملعوون

وش ذا القرف يعع

http://vb.eqla3.com/attachment.php?attachmentid=244744&stc=1&thumb=1&d=1159877670

الله يحوم تسبده ذالخايس الموخيس
أكرهه ما احبه << لا يا شيخه

سكاي

http://vb.eqla3.com/attachment.php?attachmentid=244828&stc=1&d=1159894683

رهيـــــــــــــــــــــــــــــــــــــــــــبه

http://vb.eqla3.com/attachment.php?attachmentid=244829&stc=1&d=1159894683

هنا طالع مرررررررررررررررره كيوت

نتحرى الروابط المباشره من الحلوين لاني دبيشه في التورنت
ولو مو مترجم احلى << تكفين يالوسيمه

برق السحايب

03-10-2006, 21:51

أليكس والله ودي أخدمك لكن المشكلة ما نزلت الحلقة عشان ارفعها هذا أولا .. ثانياً عندي زحمة رفع وتنزيل على كيف كيفك .. يعني لو برفعها لك ما راح تخلص إلا على نهاية السيزون pb192 .

sky .. ويلكم باك .. مايكل وورعه أكيد بيرجعون بس عاد متى ما أدري بالضبط .. لكن اتوقع في هالسيزون طبعا .. وترى انا احب ماثيو فوكس (جاك) .. من أيام مسلسله ذا فايف pb189 .

وش تتوقعون كيت بتسحب على جاك وتروح لسوير ولا بتسحب عليهم كلهم بما فيهم منسدح ؟ وجه تي باق يناظر منسدح ومطلع جيبه ويقول مردك لي يالأطخم :D .

! Fun time !

03-10-2006, 23:08

سـؤال /
تتوقعون "مايكل" المخفـه هو و بزره بيرجعون ؟!! في أي وقت من السيزون ؟!! أو حتى السيزونات الجايـه !!؟

اتوقع انهم لازم يطلعونه في السيزون مو شرط يرجع لي الجزيرة
على الاقل نعرف وش بيصير فيهم .

ما أتوقع مايكل يرجع لي الجـزيرة بكيفه .
قتل انا لوسيا و والبنت الثانيه
وهو الي جر جاك وسوير وكيت وهيجو لي الاذراس
والشباب حاقدين عليه .
ماتوقع بعد كل الي سواة يرجع
يمكن يرجع غصبن عنه بس مو بكيفه :) .

KeNdA

03-10-2006, 23:47

وش تتوقعون كيت بتسحب على جاك وتروح لسوير ولا بتسحب عليهم كلهم

كيت أتوقع راح تختار سوير (: راح تحتار بينهم

وعلى البركه الموضووع الجديد

مسالمه

04-10-2006, 00:02

وش تتوقعون كيت بتسحب على جاك وتروح لسوير ولا بتسحب عليهم كلهم
والله اتوقع لا هذا ولا هذا
قاعده تلعب عالحبلين عشان تضمن وضعها يكون في السليم
واذا طلعو من الجزيره سحبت عليهم :D

لا موني

04-10-2006, 00:10

KeNdA

04-10-2006, 00:22

8
8

لاموني ماتوقعتك تتابع لوست pb036

اكيد بتسحب عليهم وبتروح لـ مستر ايكـو .. عشان تكسر قلب كتكوته مفترسه

يارب إنه مات يوم فجر بالدنيا اصلا ماله موقع من الإعراب بالمسلسل زيادة عدد بس pb093

BSMAH

04-10-2006, 00:27

نزلت الحلقة الأولى بهالموقع

http://fenopy.com/torrent/Lost_S03E01_HDTV_XviD_-_LOL/Mjg4MjQy/index.html

نوع النسخة : Lost S03E01 HDTV XviD - LOL

بس ما أدري هل هي الحلقة الأولى أو خربوطه

حجمها 350 ميغابايت

KeNdA

04-10-2006, 00:34

نزلت الحلقة الأولى بهالموقع

http://fenopy.com/torrent/Lost_S03E0...jQy/index.html

نوع النسخة : Lost S03E01 HDTV XviD - LOL

بس ما أدري هل هي الحلقة الأولى أو خربوطه

حجمها 350 ميغابايت

:eek: تكفووون أحد يتأكد :eek:

:eek:

BSMAH

04-10-2006, 00:46

والله أنا تهورت وبديت أحملها

اللي قد حمل من هالموقع ياليت يعطينا خبر عن مصداقية الموقع

no_body

04-10-2006, 00:55

Written by : rgaubier 2006-09-11 , 20:03

I WANT TOMAKE IT CLEAR THIS IS NOT LOST S03E01 IT'S ACTUALLY S02E18. I HOPE THIS TORRENTGETS REMOVED SOON BANDWIDTH AIN'T FREE SO USE IT FOR SOMETHING ELSE.

s0undz its a fake Ep. :\

I h0pe mr.Ecko stays in da show
he'z aight aint he :$

BSMAH

04-10-2006, 01:35

يؤ

الله ياخذ بليسهم يوم حملت جزء منها صدق أنه لعب مبزره << عصبت

أجل لحد يحمل منها ونشوف النسخه الصحيحه من الأخوان ،، تراها الحلقه 18 من السيزون الثاني

مشكورة أختي نو بدي

! Fun time !

04-10-2006, 03:04

^
^

الحلقه راح تنـزل بكرة الخميس الفجر
الســاعه خمس تقريبا او اربع ان خلصت بدري .

ذا برومو الحلقه الاولى ( الاعلان )
تحميلها برابط مباشر .

http://www.lost-media.com/modules.php?name=Downloads&d_op=getit&lid=610

كتكوته مفترسه

04-10-2006, 15:35

طبعا ً هذا 3 رد اكتبه ويطير خخخخخ وش ذا الموضوع المنحوس pb192 المهم ..شكرا ً منسدح على الموضوع والمراجع السريعه لـ الاحداث
ليه عوده بعد الحلقه عشان اعقب طبعا ً اهم شي اللون الابيض ..خخخخخخ

منسدح قاري المعوذات على الموضوع pb095
و رجاء لا يصير لك عودة الا يوم الاثنين ارتاح مستغنين عن تعقيباتك اهم ما علينا راحتك طال عمرك pb071

اكيد بتسحب عليهم وبتروح لـ مستر ايكـو .. عشان تكسر قلب كتكوته مفترسه خخخخخخ
ايه انا ينكسر قلبي و انت بيخفيك منسدح من الوجود pb117

وهـ بس و اخيرا إيكو pb189
لا عارفه اشتغل ولا اكل ولا انام يا ربيه على هالكم ساعة :sm5:

Jennyfer

04-10-2006, 17:08

والله اتوقع لا هذا ولا هذا
قاعده تلعب عالحبلين عشان تضمن وضعها يكون في السليم
واذا طلعو من الجزيره سحبت عليهم :D

والله شكلها بتسحب على جاك وسوير, وبتحول على رودريقو سانتورو الجديد pb095

.. sky ..

04-10-2006, 17:13

sky .. ويلكم باك .. مايكل وورعه أكيد بيرجعون بس عاد متى ما أدري بالضبط .. لكن اتوقع في هالسيزون طبعا .. وترى انا احب ماثيو فوكس (جاك) .. من أيام مسلسله ذا فايف pb189 .

هلا والله
ويلكم باك للمسلسل و لنا كلنا معه :D

يوووووووه و أخيراً لقيت أحد يعرف ماثيو من قبل لوست pb189
الله عليه ذاك المسلسل .. اخرج نجوم .. مو بس ماثيو :)

انا بعد اتوقع يرجع مايكل .. ممكن "هنري غايل فروم مينيسوتا" :D يكون عمل فيه مقلب
و بيخليـه يرجع .. أو حتى يمـوت ( يا رب ) :mad:

---------------------------------------------------------------------

عندي لكم خبريـه .. بتفرح الصبايا ;)
بون بيرجع في كم مشهد هـ الموسم :D
شوي شوي لا تكسرون المنتدى خخخخخخخخخخخخخخخخـ

عودته بتكون من خلال فلاش باك أو أوهام مني عارفه بالضبط لـ "لوك" pb189
الي بيكون الحين حاير و ضايع ما بين إيمانـه و عدم إيمانـه بالمعجزات و المستريز الي بالجزيـره :)

---------------------------------------------------------------------

وش تتوقعون كيت بتسحب على جاك وتروح لسوير ولا بتسحب عليهم كلهم بما فيهم منسدح ؟

اكيد بتسحب ع الكل لحساب منسدح خخخخخخخخخخخخخخخخخخخ :D

شخصياً أشوف إنو كايت و جاك لايقين ع بعض من كذا ناحيـه :)
سوير شخص كويس بالرغم من المظهر الإجرامي .. لكن كايت لها تاريخ إجرامي هي بعد
ما ينفع حرامي و حراميـه سوا :D و الإثنين يبون يبطلون إجرام و يعقلون :D

شي ثانـي
سوير مو حق حب .. حق لعب أيــــــه .. بس حب حقيقي لا ;)

لكن كايت و جاك .. اممممم هذولا ممكن يكون لهم مستقبل pb189

فيه معلومه إنذكرت في الموضوع القديم ..
إن كايت بتختار واحد من البطلين خلال الحلقات الأربع أو الست الأولى من السيزون pb071
و الي شاف الحلقـه زيرو من سيزون 3 .. بيلاحظ إنهم مركزين ع علاقـة كايت-جاك
و جابوا أهم اللحظات و الهواشات الي حصلت بينهم
هذا لـه معنى واحد ;)

+

في مقابله مع سيد الجاذبيه "جوش هالوي" pb189 زل لسانـه بشي يدلنا إنو كايت بتختار جاك ;)
السؤال كان :
Evangeline Lilly said that the hardest part of 'picking a suitor' is that she's going to work less with one of the guys she likes so much.

و جواب جوش كان :
I doubt that for long. We'll still be thrown together. One of us will be nagging the other
:D ;) :D خخخخخخخخخخخخخخ

مو دليل قاطع .. أكيـد :) .. إنما إجمعوهم مع باقي الدلائل ;)

( بقيـة المقابلـه هـنـا (http://dvd.ign.com/articles/730/730646p1.html) )

----------------------------------------------------

البنت الجديده مع الأودرز :D Elizabeth Mitchell
شوفوا صورتها في الصفحه الأولى مشواااار انسخها pb094
داخله المسلسل ع طـمـع :D .. بتدخل في علاقـه غراميـه مع شخص ع الجزيـره .. و ممكن شخصين بعد pb071
يعني ممكن تدخل في الخط مع جاك و كايت .. او تلهي تشارلي عن كلاير :D .. أو تنسّي سوير آنا لوسيـا :D
أو حتى سآيد خخخخخخخخخخخخخخخخخخـ :D

و بس خلاص :)

منسدح بالبلكونه

04-10-2006, 19:17

اعصـــــاب
والله كأني انتـظر نتيجة امتحان نهائــي
هو واضح ان الحلقه بتكون بووم من الحماس والانتظار بعد كذا يخف شوي شوي

.

وش تتوقعون كيت بتسحب على جاك وتروح لسوير ولا بتسحب عليهم كلهم بما فيهم منسدح ؟ وجه تي باق يناظر منسدح ومطلع جيبه ويقول مردك لي يالأطخم :D .

هههههههههههههههههه
مايبيلها معلم
كايت لها نظـر وذوقهـا هاي كلاس pb071
اكيييد في النهايه بتكون لـ جاك
سوير pb189 لـعاااااب يمشي سوقه عندنــا بس pb192

بالنسبه لـ الصرورو و ولده
اتوقع بيرجع لان ولده يحب الجزيره
واتوقع بيكون مع الاذرز لان فيه خيانات كثيره بتصيـر

عندي لكم خبريـه .. بتفرح الصبايا ;)
بون بيرجع في كم مشهد هـ الموسم :D
شوي شوي لا تكسرون المنتدى خخخخخخخخخخخخخخخخـ

عودته بتكون من خلال فلاش باك أو أوهام مني عارفه بالضبط لـ "لوك" pb189
الي بيكون الحين حاير و ضايع ما بين إيمانـه و عدم إيمانـه بالمعجزات و المستريز الي بالجزيـره :)

----------------------------------------------------

البنت الجديده مع الأودرز :D Elizabeth Mitchell
شوفوا صورتها في الصفحه الأولى مشواااار انسخها pb094
داخله المسلسل ع طـمـع :D .. بتدخل في علاقـه غراميـه مع شخص ع الجزيـره .. و ممكن شخصين بعد pb071
يعني ممكن تدخل في الخط مع جاك و كايت .. او تلهي تشارلي عن كلاير :D .. أو تنسّي سوير آنا لوسيـا :D
أو حتى سآيد خخخخخخخخخخخخخخخخخخـ :D

الفلاش باك موجود عندي pb071
وهو بالظبط اللي قلت عنه فيه لقطه حقيره و وسخـه لـ سعيد pb131
المقطع مافيه شيء يحرق عليك المسلسل فقط عباره عن فيديو كليب
من هنا (http://www.4shared.com/file/4259946/a559217b/lost.html)

~

بالنسبــه لـ Elizabeth Mitchell
بحكم انها مع الاذر فهي راح تطيح في الحـب مع جاااك
اتوقع اول 6 حلقات كايت بتختار احد ثاني غير جاك لكن بترجع له بعدين

~

هديـــه العـــدد لاتفوتكم pb192 pb192

حجمهـا فقط 1 ميغـا
ادعسس هنا (http://www.4shared.com/file/4259947/d25e11ed/eqla3mensde7.html)

وحدانـــي

04-10-2006, 22:34

سبحااان الله ،، ماكانت عندي أي فكرة إن الحلقة الأولى راح تكون في 4 أوكتوبر !!
اللي هو اليوم ،، وهاليوم صادف مشاهدتي لـ الحلقة الأخيرة من السيزون الثاااني ..؟!
المسلسل أدمنت عليه بشكل عجييب ، السيزون الأول والثاني خلصتهم في فترة قياسية !!
تخيلوا 48 حلقة خلصتها في ثلاث أسابيع تقريبا ً !!! ..

ودي أتكلم عن رأيي بالسيزون اللي رااح ...الخ
لكن أظن قلتوا أغلب اللي أبيه في الموضوع الأول ..
خلونا نبدأ بالموسم الثالث معكم ، وسجلوني متاابع معكم ..

شباب أهم شيء لحد يذكر أي احدااث مستقبلية إلا اذا كانت توقعات ..
يعني موب واحد قاري شيء في موقع انه بيصير والا هذا الممثل بيطلع خلااص السيزون هذا !!
هالاشيااء تحرق عليناا الاحدااث الجاية ، مثلها مثل الصور والكتابة بدون اللون الأبيض ..

إلا على فكرة ماعندي خبر أو فكرة عن نزول المسلسل ..
وسرعة توافره وسرعة توافر الترجمة ؟!! ، لأن فايف ستاار الله يجزاه خير
معطيني السيزون الاول والثاني كاملة ومترجمة !! :D
لأن الترجمة شبه مهمة بالنسبة لي ،، لكن كانها بتتاخر كثير ..
خلها تنتظرني :D

----------------

عندي تعليقااات كثيرة ،، لكن بذكر منها شيء بسيط ،،

بالنسبة لـ هنري غايل !! ، الرجال مبدع !! ، نظراته كل شيء تحركاااته ..
من بداية ظهوره تحس إنه سبهه ،، ولكن ينعكس كل شيء .!!
هالممثل بصراحة أتوقع له تاثير كبير على مستوى المسلسل التمثيلي ;)

الحلقة ( 0 ) من السيزون الثالث أحملها الحين ،،
بس تورنت ، هل فيه رابط مباشر مضمون عطوناا ايااه أفضل وأسرع .. :rolleyes:

bp039

برق السحايب

05-10-2006, 01:26

قسم بالله حرقة أعصاب للحين ما نزل المسلسل .. اتوقع بعد صلاة الفجر مباشرة .. كل شوي اشيك في 5 أو 6 مواقع تورنت !!

سكاي .. مسلسل ذا فايف .. كل اللي مثلوا فيه اختفوا .. بس ماثيو اللي رجع بمسلسل لوست .. نيف كامبل بعد سكريم مالها حس وما أذكر لها فيلم قوي .. الولد الثاني القصير الوسيم ما أذكر اسمه .. ماله شي مهم غير هالمسلسل .. البنت الصغيرة آخر خبري فيها فيلم مين غيرل مع لندسي لوهان .. الولد الصغير ما أذكره خير شر :D

بالنسبة لجاك وكايت .. المفروض يكونوا لبعض .. بس اشوف انها لو تروح لسوير أزين .. جاك رهيب بس .. مثالي .. كايت بتلعن جدفه لعابة .. سوير مع كايت في خلوة والشيطان منسدح ثالثهم .. أحلى .

مايكل .. راجع راجع .. مع ان البوستر حق الجزء الثالث ما شفت له صورة فيه .. بس حسب أحداث الجزء الأخير .. اتوقع انه بيحاول يعدل غلطته مثل ماذكر واحد فيكم .. ناسيه .. عموما كلها سويعات وتبدأ الإثارة .. وناسة .. لوست وبريزون بريك :sm5: .

ترا كف!

05-10-2006, 02:40

عيت تنزل هالحلقه

الا على طاري الحلقات {{ يسمع بالطاري :d

فيه مسلسل جديد اسمه Heroes قصته تشبه X-men لكن بدون الحفلة التنكرية اللي يسوونها D: والأسلحة الخنفشاري
عن نفسي ما احب X-men وهالخنبقة بس الحلقة الاولى من المسلسل تشد بالذات مشهد ياخذ الانفاس ويفطر الصوام : ( اللهم اني صايم لا وابشركم معهم هندي وياباني بس تحف من جد :d

ماعلينا نرجع للوست

قبل لاتنزل حلقة اليوم ممكن احد يناقشني في تفسير منطقي للي يصير في الجزيرة؟

بعد ماشفت الحلقة 0 من السيزن الثالث من بدايتها وانا جالس اركز على ان المخرج بيحط فيها الزبدة بحيث اللي يتابع المسلسل من هالمرحلة بيقدر يفهمه وبنفس الوقت يبي يحط اشياء تشتت انتباه المتابعين عشان مايسهل عليهم استنتاج الاحداث اللي تصير

الزبدة بعد الحلقة وصلت لاستنتاج ان اللي جالس يصير لهم Reality show !! تقولون ليه ؟

اقولكم ليه وش وراي انا

اول شي المشاركين في البرنامج {{ خلاص اقتنع انه برنامج :d .. كلهم يعانون من نفس نوعية المشاكل (يأس وهروب من الواقع اللي عايشينه) كل الشخصيات الرئيسية بدون استثناء مافيه واحد منهم صاحي عايش حياة طبيعية وطالع من استراليا لنيويورك سياحة مثلا (تراني ناسي كان الرحلة لنيويورك ولالا :d)

يعني فيه رابط اساسي يربطهم هذي النقطه الاولى

النقطه الثانيه

مراحل حياتهم في الجزيرة ماكانت ثابته يعني كل فترة ينتقلون من مرحلة لمرحلة بطريقه كانها مدروسة نوعا ما

من البيتش للمغارة في سيزن 1 ومن المغارة للهاتش والحين من الهاتش للاذرز كأن اللي يجتاز مرحله ينتقل للثانيه والفاشلين يجلسون في مرحلتهم :d

مثلا اللي قدر يثبت نفسه وشخصيته في بين القروب ضموه للفريق اللي يدخل الهاتش لانه ثقه وتكانه والداجين سافطينهم

بعدين اللي اثبتوا نفسهم والشخصيات اللي ركز عليها سيزن 2 بشكل كبير هم اللي خذوهم الاذرز ..

طيب ممكن يسال واحد يقول الحين يشاركون في برنامج ومهوب حاسين في انفسهم !! اقول لك ايه هذي حلاة البرنامج عشان يطلع ريالتي صدق :d .. يمكن يشترطون على المشاركين انهم يوقعون على اوراق قبل المشاركة

وبعدها يخضعون هم لاختبارات معينه يغسلون ادمغتهم ويحطون اللي يبون ( يحسسونهم مثلا بسقوط الطيارة وتواجدهم في استراليا وغيره ) لان لو تلاحظون فيه روابط كثيره بينهم وبين بعض تبين في الفلاش باك

طبعا ممكن يسال سائل ويقول الحين برنامج وفيه قتل وقتيل اقولكم ايه جايز :d زي ماصار في الريالتي شو حق الملاكمة اللي قدمه سلفستر ستالون و منعوه من العرض في امريكا بعد انتحار ملاكم مشارك هذي احتماليه

الاحتمالية الثانيه ان الناس ماتموت ولكن اللي يموت يطلعونه من اللعبة :d

نقاط اضافيه

وش تفسرون اختفاء الجثة ابو جاك من التابوت ؟
وش تفسرون ذاك الخبل اللي طلع للدب وجلس يسطره ؟
والخيل اللي شافته كيت ؟
طيب وشلون تفسرون الورقة اللي عطتها الخالة اللي مع الاذرز لمايكل وفيها اسامي الاشخاص اللي تبيهم كاملة !!
حتى سوير كاتبه اسمه الحقيقي جيمس مدري وشو لاحد يقول من المانيفست لانها مع شارلي التبن
طيب وش تفسرون حياة الفرنسية ام اليكس طول هالفترة لحالها بدون مايتعرضون لها الاذرز ؟
طيب وش تفسرون البلاك سموك اللي تطاق معهم الظاهر ولاعاد شفناه الا مره في سيزن 2؟

اشياء كثيره صعب تتواجد في الجزيرة وصعب حدوثها الا بفعل فاعل او خلوني اقول بترتيب مسبق.

طيب اعطيكم اخر استنتاجاتي ؟ :d

ديزموند لو تبون احلف يمين انه مع الاذرز مثل سالفة نيثن ذاك اللي شنق شارلي وخطف الاستراليه الماصله وحبها ونحشها :d

ولا وينه مختفي طول الفترة من انحاش للهاتش لين السيزن فينالي ؟ :d
معقول في البوت حقه هو وذا البطول اكثر من 10 ايام ؟ وين الاذرز عنه ؟

-----------------------------

بالنسبة لجاك وكيت موب حابين بعض لان فيه ممثله جديده في السيزن بتطلع وظيفتها تحب جاك :d
عمرها في الثلاثين ورازين صورتها في الموضوع اللي راح ويمكن الكلام اللي طلع في الاخير لزوم اللخمه فقط لاغير :d

----------------------------

دامنا في المسلسلات احد منكم يتابع kidnapped ؟
شفت الحلقه الاولى قبل شهر او اكثر مسربه وتو العرض حقه يبدا هالشهر نزلت له حلقتين فكرته فيها من vanished بس على ارقى شوي :d

بر ايفت الكس 10
ورا ماتقلب ذاك الشي lost mania :d وقسم اصرف :d

برق السحايب

05-10-2006, 02:44

ترى الحلقة نزلت في موقعين حتى الآن .. بيت سوب وسوبر تورنت .. لولا ان هالمواقع خاصة وتطلب تسجيل ..كان حطيت لكم الملف .. المهم انا بنزلها الحين وان شاء الله في ساعة ونص تخلص وأحاول أرفعها بسرعة على رابط مباشر .

ترا كف!

05-10-2006, 03:05

http://www.mininova.org/tor/443614

وهنا تلقون رابط التورنت حق الحلقة الاولى :d

Dark Fairy

05-10-2006, 03:24

! Fun time !

05-10-2006, 03:29

رابط مباشر من الميجا شير
ســريع :sm5:

http://webprod5.megashares.com/?d01=ad8d4f6&lcc=d2aef6113d0c536:-752:-1:1161759600:2484975:0&sq=&d01go=1&fln=/lost.s03e01.hdtv.xvid-xor.avi

انسخ الرابط وحطه في برنامج التحميل الي تسخدمه

.. DoDy ..

05-10-2006, 03:35

.. sky ..

05-10-2006, 03:40

http://www.mininova.org/get/443618
حاليا هالفايل قاعد ينزل، ماتوقع انو فايل غلط @@
لانو السيدز 15 والبيرز 3758 و still growing :D
HTH
(مره حماس، ماتوقع دزموند بيطلع بالحلقة الاولى حثافة ^^)

و اخيراً الواحد يقدر ينام و هو متطمن :D
جاري التحميل ,,, خصوصاً إنه من أصدقائنـا في eztv pb189

يلا سلام bp039

KeNdA

05-10-2006, 03:49

bp039 فـــن bp039

مشكووور وفيه وحده إنهبلت يوم شافت الرابط و تقوول ياملحك :D

ووولحد يخرب علينا خلوونا نشوف الحلقه و نحلل سووا
لحد يسااقط وخصوصن بعض الناااس اللي يقهروون :mad:

وحدانـــي

05-10-2006, 04:09

وجاري التحميل ،،
شكل الحلقة يبيلها وقت بحكم إنها تورنت بس الزين فيه سررريع :)

شباب استفساري بخصوص نزول الترجمة !!
الدافور لوبين متى ينزل الترجمة ؟! ، لاني متحمس للمسلسل !!
هذا وانا شايف آخر 4 حلقات أمس الاربعاااء !! ، ومتحمس أبي أشوف وش بيصير فيهم !!
أجل وش أقول فيكم ياللي لكم كم شهر تنتظرون !! :D

المهم يعني كان الترجمة يومين بالكثير والا بشوفه ويذ اوت !!
أبي أشوف صراحة وش صار على (( مستر ايكو ولوك << أجل اي ووز روونغ :( ))

---------------------------------------------

بصراحة فقيت خشتي يوم شفت الصورة هذي !!
http://www.mininova.org/images/graphs/graph_1.png

يا كثر محبين لوست ;)
يالله بروح أخمد النوم ينااادي .. ZzzzzZzzzzzzzZzzzzzz

منسدح بالبلكونه

05-10-2006, 04:15

افففففففف اخيـرا نزلــــت وجع

رابط فن مااااشي تمام معاي لي ساعه احمل منه وباقي لي ساعتين بس ويكتمل التحميل

واللي رايق ينتظر يحمل رابط برق السحايب اصرف وانظف وشغل محلي pb192

~

ماظنتي بنتظر الترجمه بشوف كيت هي على خبري pb189

Dark Fairy

05-10-2006, 04:24

منسدح: شايفتها اولت البارح مع جي لينو و مرره محلووه، مدري وش تاكل هي ؟ :d

firasville

05-10-2006, 04:40

اهلاوي عرعر

05-10-2006, 04:45

ياناس والله وجاكم واحد اخطبوط في LOST

شوفوا الناس اللي تفكر
ترا كف !
تراي أول مره أحبكم وأحس أنك فاهم

وش تفسرون اختفاء الجثة ابو جاك من التابوت ؟
وش تفسرون ذاك الخبل اللي طلع للدب وجلس يسطره ؟
والخيل اللي شافته كيت ؟
طيب وشلون تفسرون الورقة اللي عطتها الخالة اللي مع الاذرز لمايكل وفيها اسامي الاشخاص اللي تبيهم كاملة !!
حتى سوير كاتبه اسمه الحقيقي جيمس مدري وشو لاحد يقول من المانيفست لانها مع شارلي التبن
طيب وش تفسرون حياة الفرنسية ام اليكس طول هالفترة لحالها بدون مايتعرضون لها الاذرز ؟
طيب وش تفسرون البلاك سموك اللي تطاق معهم الظاهر ولاعاد شفناه الا مره في سيزن 2؟

اشياء كثيره صعب تتواجد في الجزيرة وصعب حدوثها الا بفعل فاعل او خلوني اقول بترتيب مسبق.

أعلنها لأول مره أحبكم يا متيرازي :D
كلام مقنع وواقعي ,, ويبين أن الواحد يتابع بـ ذكاء ..!
يمكن اسم سوير ماانتبهت له ,, بس السؤال اللي ذبحني أختفاء جثة أبو جاك ! فكرت فيها كثيره .. قلت يمكن أنه من ضمن الأذرز !
بعدين معقوله جاك مادرى عنه !
جاك شاف أبوه يمشي ويلحقه ويختفي ! نفس حكاية الحصان اللي شافته كيت !
غير الدب القطبي اللي لقوه في منطقة مثل هذه !
جزيرة تتواجد فيها مثل هالأشياء !
ولاتنسى أيكو ! معقولة يلقى أخوه في الـ جزيره بعد هالسنوات ! يعني ماطاح الا في هالجزيره !
ومثلا طاح معقوله الأذرز وام اليكس ماقد لقوا الطيارة !
أن كان الأذرز يعرفون بأهمية الزر , ليه مايضغطونه ويهتمون فيه ! ليه صارت المهمه للـ جاك ولوك وهالطقه !؟
هل طريقة البرنامج مبنيه على تبني مصايب للأبطال " ويخلونهم يعيشون في الجزيره الخ " كلهم يعانون من الهروب !
ديزموند يوم يدخل المفتاح ويوقف اللي صار , كيف طلع عند هذولاك اشاره من الكمبيوتر ودقوا على خويته !
يعني خويته تدري وينه فيه !
هل معقوله أبوها وراء هالبرنامج كله !؟
تبقى المسألة اللي ماتوا هل معقولة Reality Show وفيه طلق نار وموت !

اول شي المشاركين في البرنامج {{ خلاص اقتنع انه برنامج .. كلهم يعانون من نفس نوعية المشاكل (يأس وهروب من الواقع اللي عايشينه) كل الشخصيات الرئيسية بدون استثناء مافيه واحد منهم صاحي عايش حياة طبيعية وطالع من استراليا لنيويورك سياحة مثلا (تراني ناسي كان الرحلة لنيويورك ولالا )

أحوبك :$
كل كلامي مافيه شيء جديد أو زياده على كلامك !
لكن بس حبيت أأكد على كلامك وأضم صوتي مع صوتك ,
أتفق معك أن كل الشخصيات خضعوا لغسل مخ ! مايكل ! جاك ! سوير ! هيرلي ! كيت ! الخ

ازين مشاركه في المنتدى الفني كانت من ترا كف ! شوفوا الناس اللي تابع بـ ذكاء
موب وين حبيبي سوير وين حبيبتي كيت :d

|[ Female PRIDE ]|

05-10-2006, 07:30

السلام عليكم...
انتظروا الترجمة هذا المساء بإذنه تعالى
و لا تفكروا مطلقاً بموضوع التأخير بعد الآن
يوجد تنسيق بيني و بين الأخ لوبين و ستكون ترجمة الحلقة بين أيديكم بعد 12 ساعة على الأكثر من عرضها
ان لم تكن من ترجمتي ستكون من ترجمته ، لكن لن يكون تأخير أبداً
أتمنى لكم مشاهدة ممتعة

أخوكم فراس

هوّا ده الكلام ;)
الله يعطيكم الف عااافية pb189 bp039 ..,..

بحمل الحين الحلقة الأولى فيما أشوف حلقة الـ " مراجعة :D " قبل ندخل في الشغل الدسم pb095

Celinish

05-10-2006, 08:02

السلام عليكم و رحمة الله...

على فكرة لا أحد يقول ليش ما كتبتي بالأبيض يوم إنّك بتذكرين أحداث معيّنه من المواسم واحد و إثنين لأن إللّي بيدخل موضوع الموسم الثالث و هو ما شاف المواسم اللّي قبل ولا يبي أحد يخرّب عليه فيستاهل ما جاه و ذنبه على جنبه لأنّه صراحة خبل و إنتحاري...pb131

This might be a little bit too late, but I have to say it or I'll burst

أولاً أحب أن أبدي إعجابي الشديد بمسلسل Lost بالرغم إنّي ما عرفت عنّه إلاّ قبل شهر

But I got hooked up pretty quickly, Baby

و لله الحمد أمداني أشوف الموسمين كلّهم و عقبال ما أتمكّن من شوفة الثالث إن شاء الله (الله لا يعوق بشرّ)

هذا أول مشاركة لي في أيّ من مواضيع المسلسل سواءً الأول أو هذا و زيّ ما هو واضح من عدد مشاركاتي في المنتدى فأنا مو صاحبة إنتاج كبير أو إسهامات كثيرة في الأقلاع (و الله مشاغل مو سهلة بس الله يعين) لكن شدّة إعجابي بالمسلسل دبّت فيني الحماس و حسيت إنّي لازم أشارك معكم و أقول رأيي و إنطباعاتي....

أولاً قبل لا نبدأ...

سعييييدوه الهندي الوصخي البيّارة المتحرّكة.... لازم يموت

يعني يموّتون pb189 Boone pb189 و يخلّون هذا المخلوق يعيش و يتصرمح بينهم pb131 آخر زمن!! و الله إنّهم إذا جابوا الكاميرا عليه أو إذا جابوه يتكلّم إنّه يجيني مثل الغثيان و على طول أبعد نظري عنه و أطالع أيّ شيء ثاني (شجر، رمل ) Anything but not him أو أشيل أيّ لقطة هو فيها و أروح للّي بعدها....

المسلسل رائع جداً من ناحية الحبكة و التشويق و الإثارة و إن كان عليهم بعض الشطحات في الأحداث و الأخطاء اللّي ذكروها الأعضاء في الموضوع الأول و منها إستخدام الأمكنة نفسها في أكثر من فلاش باك مع شخصيات مختلفة زيّ ما حصل مع المكتب اللّي تجلس فيه كلير لمّا كانت على وشك تبيع بزرها عن طريق التبنّي و اللّي كمان جلس فيه مايكل مع أم ولده و محاميها...

خطأ ثاني ما أدري إذا كان فيه أحد إنتبه له وهو إستخدامهم نفس الممثّل في دورين منفصلين و هو رئيس لوك اللّي دخل عليه و هو يلعب لعبة حرب مع زميل عمل هو نفسه الممثّل اللّي مثّل إنّه رئيس هيرلي في المطعم يوم يقول له إنّك تاكل من أكل المطعم بالدسّ بسّ إنّهم مغيرين في شكله شويّ...

أرجع أعيد و أزيد أنّ أكبر غلطة إقترفوها المسؤولين عن التعاقد مع الممثلين إنّهم جابوا الممثّل اللّي من أصل هندي يمثّل إنّه سعيدوه...جايبيلّي هندي على إنّه عربي :mad: !! و الله إذا جابوه يتكلّم عربي إنّي ما أدري وش يقول فأضطرّ إنّي أقرأ الترجمة الإنجليزية علشان أفهم وش يقول!!! طيّب كان خلّوه إذا جا يتكلّم عربي (يوم جا يستجوب العراقي علشان يعرف وين مكان الطيّار) يقول: "هزا نفر أمريكي يبقا يئرف وين مكان هزا نفر طيّار علشان بئدين مافي مساكل كتير بئدين يمكن إنتا فيه موت) علشان يكون فيه شوية مصداقية ;)
و بعدين لمّا يجي يتكلّم إنجليزي، لكنته لكنة الهنود لمّا يتكلمون إنجليزي، يعني واضح إنّه مو عربي و زيّ ماهو معروف العرب لمّا يتكلّمون الأنجليزية يحتفظون باللكنة العربية في النطق، يعني العربي ما تكون لكنته كذا لمّا يتكلّم إنجليزي...بالمختصر المفيد إختيار هذا الممثل كان قمّة في الغباء و اللاإحترافية و بان هالشيء أكثر لمّن يحكي عربي... لو كانوا جابو هذاك اللّي كان سعيد يترجم في إستجوابه عن الطيّار كان أصرف لأنّ لغته العربية كانت زينة و شكله فعلاً عربي و الأرجح شمال أفريقي...

الموسم الأول كان (في نظري) أكثر إثارة من الثاني و مرعب أكثر بسبب الشيء هذا اللّي كان يطلّع أصوات تخوّف و يكسّر الأشجار (كنت أتمنى لو إنّهم ركّزوا عليه أكثر و تمسّكوا فيه كعامل أثارة و تشويق و لا كانوا خلّوه بالأخير يطلع لنا إنّه دخّان أسود، حسيت إنّه بهالشكل فقد خاصيّة الرعب و الغموض اللّي كان يتمتع فيها)

الشخصيات كلّها محبوبة ما عدا (اللّي خبري خبركم) و الكوريين و الماصلة شانون (و خصوصاً من عقب قصة الحب يقالهم و ضحى و إبن عجلان أمحق من حب) و اللّي على بالها قويّة الشغّالة (صحيح شغّالة بس جسمها حلو) آنا لوسيّا اللّي كنت متوقعه إنّه راح يكون لها حضور في الحلقات و ما تفاجأت لمّا شفتها من ضمن الناجين الثانيين لأن مو معقولة إن دورها كان بيقتصر على مقابلة جاك في بار المطار...

يعجبني من الشخصيات (الترتيب بالأفضلية):

1-pb189 pb189 جاك pb189 pb189
شخصية قيادية و بقوة، يحب مساعدة الآخرين و بحكم إنّه طبيب فيحسّ إنّ الكلّ يحتاجونه و إنّه ممكن يصنع لهم المعجزات مثل ما عمل مع سارة اللّي تزوجها بعدين..عقلاني يعرف وشلون يتصرّف حتى في أحلك الظروف، ما ينجرف وراء عواطفه بسهولة و هالشيء واضح في علاقته بكيت لأنّ الكلّ يشوف إنّه يكنّ لها مشاعر خاصّة بس هو ينكر أحياناً و أحياناً يتهرّب لأنّه ما يحب يفرض نفسه على أحد و بالأخص هي و قد يكون خوفه من إنّها تكون مو يمّه أو ما تبادله نفس الشعور بالرغم من إنّه واضح للجميع (حتى له هو كمان) إنّهاvery much interested in him too...وسيم جداً!!

2-كيت bp039
فتاة قاست الأمرين، مو مجرمة بطبيعتها لكن الظروف حدّتها...نقدر نقول إنّ حظّها شين (يعني وين ما تطقّها عويا) سواءً في محاولاتها إنّها تحمي أمّها أو في علاقتها مع حبّ حياتها اللّي من دون أدنى قصد تسببت في قتله:

Kate: It belonged to the man I loved
Jack: The truth!
Kate: It belonged to the man I loved.
Jack: Stop lying to me! Tell me the truth!
Kate: It belonged to the man I killed:sm1:

طول حياتها وهي on the run (يعني على طول هربانه من شيء) و تحب إنّها دايماً تكون طليقة تجوب الأماكن و هالكلام باين في الشريط اللّي كانت تستمع له هي و حب حياتها في السيّارة و حكوا فيه عن خططهم في المستقبل لمّا يكبرون...ترمي نفسها في وجه أيّ شيء مهما كانت الأخطار، مغامرة من الطراز الأول دائماً تتواجد في الأماكن اللّي يكون فيها جاك، دائماً تسأل عنّه وينهو فيه (Doesn't that tell you something)، قلبها طيّب بس يا كثر ما تنفهم غلط...فكرتنا الثابته عنها إنّها Tigress بس بدأت الجزيرة get to her و تخلّيها vulnerable و تفقد شخصيتها بعض القوّة و العنفوان....وجه رائع و جسم رياضي أروع...

3-سوير pb189 and bp039
ألعبان...مادي الى أبعد الحدود، الحياة عندة ما تنقاس إلاّ بالمال...كل شيء بالنسبة له عبارة عن فرص لازم ينتهزها بغضّ النظر عن العواقب...مأساة أهله هي اللّي حوّلته الى هالشخص القاسي و المخادع:
He has become the man he's hunting down
يحاول يخلّي الكلّ يكرهه علشان يبيّن قوي و لا فيه نقطة ضعف وحدة...الشخص الوحيد اللّي تمكّن منّه هي كيت فحسّ بنوع من الإنجذاب لها فدائماً يشاكسها لأنّه يحب هالنوع من اللعب و خصوصاً إذا ما عرفنا إنّ بينهم صفات مشتركة من حيث كون حياتهم مليانه إثارة و خرق للقانون (تقريباً فاهمين بعض زين)...
طبعاً ما يواطن ذا السعيد (الله يلوم اللّي يلومه)...ما يسمع الكلام، يعني لازم ينصكّ ببكس أو ينلطش بكف أو ينحذف بحجر إلين يمشي عدل و يغدي ريّال... وسيم وسامة خبث و دنائة، غمّازاته مرّه محلّيته...He definitely has charisma...

نداء لكلّ اللّي تضايقوا من زواجه من ذيك الأندنوسية!!! المفروض تستانسون مو تزعلون لأنّه إذا هالنوعية تجذبه معناته فيه أمل إنّو إحنا نعجبه!!! ;)

العلاقة مشتركة بين هالثلاثي...جاك و سوير منجذبين لكيت و الكثير مو عارفين مين راح تختار...في رأيي الشخصي المتواضع إنّها راح تختار جاك لأنّه من بداية المسلسل و الإنجذاب واضح بينهم (الكلام، النظرات، الخوف على بعض، السؤال عن بعض) إنجذاب كيت لسوير لا يتعدى كونه إنجذاب جسدي أمّا جاك فهي متعلّقه فيه روحاً و قلباً حتى و إن كانت ما تدرك هالشيء و إن كانت أدركته لمّن she kissed him و الدليل ردّة فعلها بعد الـkiss يوم تنحاش لأنّها بدت تستوعب حقيقة مشاعرها...غير كذا! تتذكرون يوم الأذرز غممّموهم (بعد ما قالوا لهيرلي عوّد لاخوياك و بعد ما ضفّ مايكل وولده وجيههم هم والقارب بللّي ما يحفظهم) و غطّوا روسهم، طبعاً كانوا يتوقعون إنّهم بيذبحونهم، ذيك الحزّه مين ناظرت كيت النظرة الأخيرة وهي كأنّها تهزّ راسها؟؟ جاك مو سوير حتى إنّ سوير كان يناظرهم بحسد...إرجعوا لللقطة و راح تعرفون وش قصدي....

4-جون لوك
I love this man!!! He really really fascinates me
ودّي أغامر معاه (واضح إنّي بمشي معاه مغمّضة من زود الثقة)...يحب المغامرة و الإتصال مع الطبيعة لأنّه يؤمن بأن في المغامرة تجديد روحاني للنفس (He is a man of faith)...دائماً ما يتجادل هو و جاك في مسألة ما إذا كان الشخص لازم يتبّع الحقائق العلمية أو يتبّع إيمانه الشخصي (بس الظاهر إنّه في الأخير بيخرّبها و يغيّر معتقداته بسبب هالهاتش الله لا يعيده من هاتش)...شخص يعرف وش قاعد يسوّي...دائماً قراراته اللّي يتخذها سليمة ما عدا في حالتين (قصّة بوون و الكمبيوتر تبع إدخال الأرقام) كانت قراراته فيها جداً سيئة...مظهره يجلب الطمأنينة و يبعث أحياناً على الخوف... A fatherly figure

5-تشارلي
ظهوره ممتع و بعض المشاهد اللّي يظهر فيها تحمل الكثير من الفكاهة (ما عدا يوم بغى يموت ياهو تقطّع قلبي عليه) قد تخفّف أحياناً من حدة المواقف...صجّنا في البداية (أنا في باند...أنا في باند...أنا مشهور و أكيد عرفتوني)...لصق في كلير لصقه تقل باتكس...

6-هيرلي (dude)
طيّب و حبّوب و فيه الكثير من الدلاخة...تجيه أمّ العبيد إذا عيّب أحد على وزنه but other than that he's just cute

7-روز
أنبسط عليها إذا جت تسولف...ودّي أخلّيها تسولف عليّ دايم :sm5:...

تفسير منطقي لهالصورة:
http://vb.eqla3.com/attachment.php?attachmentid=244744&stc=1&d=1159877670

يا ناس هذا سوّاقها و الدليل إنّه شايلها الشنطة لأنّهم كانوا طالعين بس هي قالت له وقّف خلّهم يا خذون هالصورة و يعلّقون تحتها (the beautiful and the filthy)

أتمنى إنّي ما أكون أطلت عليكم الهذر <-------- لا يا شيخه!!!

I can hardly wait for season 3

Celinish

Bored!

05-10-2006, 08:09

جاري تحميل الحلقه الاولى من وصلة Fun (قلب ينبض) :D

------------------------------

خلوني اسولف دامني فاضيه :D

اولا مسحييل يصير reality show على قولتكم ... لان كثير ناس ماتت بمرأى العين ..يعني لو انهم ماتوا بعيد نقول تلفيق موتهم ...بس ناس تموت ناس تصاب ... ودمامين ... خصوصا + مايكل قتل انا لوسيا+الشقرا .. يعني امحق برنامج واقع نص اللي فيه ميتين ... وبعدين :\ وش البرنامج اللي كله طلق ناس وناس تموت ناس ... اكيد بيمنعونه من العرض في اي دوله :D

ثاني شئ ... كيت احسها بتروح لجاك ... لان جاك غامض + طيب + يحبها + هي تلحق وراه .. حتى يوم بالحفره طاح عليهم الصخر بغت تنجن .. اما سوير ..احسه بالنسبه لها بس فرندز ... لان يوم مرض .. كانت معاه عادي

بس كسر خاطري يوم كان فيه حمّى .. وقام يقول i love her يعني من جد مسيكين

كيت احسها الشئ الوحيد اللي يجذبها لسوير هو انه طيب وحنون بس يبين لك انه نحيس ونذل وابن ـــــ :D

وبعدين ..فيه اخر حلقتين ... كان جاك وسوير ربع ... خصوصا يوم قال سوير ... ur the only friend i have وجاك ابتسم ..يعني مامانع الفكره ... وه يازينهم وهم ربع ^_^

وبعدين تذكرون يوم انا لوسيا كانت مع جاك كيف كي غاارت :D

ويوم قالت له اسفه اني وش اسمه :D قالها انا مو اسف ...يعني يحبها

انا صراحه يوم ذاك بوشوشه شاف الاوراق حقت الهاتش وقال انه هو كان السبب في وقوع طيارتهم ... اصابني الشك :D

وايكو وش قصة اهله ... روح كمل كنيستك بس وفكنا :D

انا امووو في هييرليي ياااناااس عليه خفت دم .... بس تصدقون كان ودي انهم اخر السيزون يورونا انه يسوي ريجيم ... وينحفونه بهالفتره اللي فاتت :D

وه ... يالله يارب تخلص الحلقه الاولى بسرعه

يؤ .... الرابط خرب :S

لاااا ابيي احممملها <<جابت نفسها بعين :(

الوافي من اجلك

05-10-2006, 09:44

ما تقصر فراس<,-- وينك منذ مبطي

ان شاء الله اول ما ينتهي التحميل تكون الترجمة نازلة

.

no_body

05-10-2006, 11:11

هديـــه العـــدد لاتفوتكم pb192 pb192

حجمهـا فقط 1 ميغـا
ادعسس هنا (http://www.4shared.com/file/4259947/d25e11ed/eqla3mensde7.html)

معلش بعد اذنك يابطل ^^
وشو نوع الملف؟ عشان حملته وعيى يفتح اللي مايدري وشو نوعه وباي برنامج يفتحه

<<= تحس انها بتتسطر هع :D الناس متحمسه بالحلقه وهي توها بتشوف ابو واحد ميقا هع :D

Bored!

05-10-2006, 12:42

التوووووووووووورنت بطيييييييييييئ حوووم كبديييي ... ابي وصله مباشره :'(

الله يخليكم :(:(:(

وحدانـــي

05-10-2006, 12:50

يااعلي حظ !! :(
التورنت بالعادة يشتغل زي الفل !!
اليوم مدري وش جااااه !! ، المشكلة النسخة ماقدر اقول فيها شيء ..
السيدرز والبيرز شوي فيهم كلمة كثير !!!
أجل أناام وأقوم ألقااه ماعدا الـ 100 ميجا !! :(
يالله مالنا إلا ننتظر رابط مباشر غير الميجا شير لأني مانيب مشترك بالموقع !!

أزين مافي الموضوع رد فرااس :D
ياهو يرد الروح ، ماقصرت يافرااس أنت ولوبين !!
وننتظر الترجمة الليلة وشكلها بتسبق الحلقة !!

---------------------------------------

بالنسبة لـ مايكل ياشباب ، أكيد ماراح تنتهي قصته هناا !!
أصلا ً أتوقع إن والت من العناصر المهمة في المسلسل لأنه عنده قوة خارقة !!
تذكرون قصته لما كان مع زوج أمه !! ، واللي رجعه لـ مايكل وقاله مابيه مو لشيء بس الولد مو طبيعي !! ، وأظن إن سالفة أخذ الدم من مايكل كانت للتأكد إنه أبو والت الحقيقي !! :) (( هذا إن دل يدل على إن الخيام وملابس كيف الحال شغل نصب ، وإن الاذرز أكيد متطورين كثير ومو مثل الشكل اللي شفنااه فيهم )) ..

أرجع واقول ياحبي لك ياا هنري غااايل ، يا انا خااق مع شخصيته !!
في البداية برااااءة !! ، بعدين نظرات وابتسامات خبيثة !! ، لا ننسى إن هو اللي نشب الشر بين جاك ولوك !! (;)) ..

الزبده واحد ينجدنا بـ رابط مباشر مانيب قاادر اصبر ..
لا وخايف بعد أحد يشوف الحلقة ويجي يحرقها علينا ..
ثم تصير علوووووووووووووم pb131

Sheva

05-10-2006, 13:07

8
8
8
وانا معك في انتظار الرابط المباشر

عاشق المرقوق

05-10-2006, 13:22

ياليل الليل ... عشر ساعات بالضبط من التورنت ...اخرتها ماحمل الا 77 ميقا :(

اشوف منتدى المصاريه الدوافير مدهرين تحميل من روابط رابيد شير ومدري وشو .. جربتها بس عيت تضبط معي ..بس اشوفها ضبطت معهم وبعضهم حاط صور من الحلقه ..

لاحظت ان محد طب فيهم يوم حطوها ..الظاهر اننا بس اللي هنا نفسياتنا على جريف :D

بالنسبه لمايكل وظهوره ...انا اصلا ما ارتحت له ولا لشخصيته خاصة اذا قال ( My son ) ياهو يقولها بنبره تفقع الضغط ..:mad:

ولا تنسون ان ولده والت كبر وبدا يبطبط صوته ووجهه .. يعني صوته وطوله بيتغير ووجهه وخنافره بتزداد اتساعا ...وهذي توهيقه لهم لان القصه تمشي على اساس انهم في الجزيره من شهرين ...والمسلسل له سنتين الحين ...يعني لو كان بادي المسلسل وعمره 12 ..الحين عمره 14 ...

يمكن يرقعونها ويقولون ان الاذرز عطوه ابره خلته يبطبط بدري :D

تكفى يا مؤلف لا تسويها ترى بتصير بايخ pb093

nono-o

05-10-2006, 13:32

وانا كمان منتظره الرابط المباشر ...pb131

Alex_10

05-10-2006, 13:41

جربوا هذي

انا ضبط معاي الأول و بشوف الحلقة بعد الفطور إن شاء الله ;;

امس محمله يعني يمكن اليوم يكون متعطل .. بس جربو

http://webprod5.megashares.com/?d01=ad8d4f6&lcc=d2aef6113d0c536:-752:-1:1161759600:2484975:0&sq=&d01go=1&fln=/lost.s03e01.hdtv.xvid-xor.avi

وهذا تورنت كويس يمدحونه الناس..

http://www.mininova.org/tor/443621

وهذي رابيد شيرز من المصارية ..

http://rapidshare.de/files/35542080/...alxx.part1.rar
http://rapidshare.de/files/35542114/...alxx.part2.rar
http://rapidshare.de/files/35542093/...alxx.part3.rar
http://rapidshare.de/files/35541673/...alxx.part4.rar

وميجاشير
http://d01.megashares.com/?d01=ddf1f21

وهذا رابيد شير ثاني
http://rapidshare.de/files/35548499/lost.s03e01.hdtv.xvid-xor.part1.rar
http://rapidshare.de/files/35549868/lost.s03e01.hdtv.xvid-xor.part2.rar
http://rapidshare.de/files/35551283/lost.s03e01.hdtv.xvid-xor.part3.rar
http://rapidshare.de/files/35551972/lost.s03e01.hdtv.xvid-xor.part4.rar
كلمة السر
contempt

N a j d

05-10-2006, 13:48

غريبة pb036

ليه ماضبط معكم ؟؟ pb036

<< من التورنت pb036

في المرفقات الملف pb036

برق السحايب

05-10-2006, 13:57

سلام عليكم ،،

ياشباب التورنت أحسن طريقة تسجلون في مواقع خاصة .. أنا حملت الحلقة في ساعة ونص .. وجالس أرفعها على مباشر بس راح تتأخر كالعادة يعني احتمال على 12 بالليل ويمكن بعد .. المهم جربوا هالموقع للتورنت التسجيل فيه مفتوح http://iplay.ro/signup.php .. هو متخصص في الألعاب بس فيه أفلام ومسلسلات .. وباين عليه كويس .

Celinish وعليكم السلام ورحمة الله وبركاته .. تسجيل اعجاب بتحليلك للشخصيات .. وخصوصا لوك <<< أكثر واحد يعجبه في المسلسل pb189

|[ Female PRIDE ]|

05-10-2006, 14:02

عاااشق المرقووق .. والله يا انت شي :D
يمكن يستبدلون الولد بثاني .. خبرك عاد أشباههم وحده :D :D يجيبون اخوه الصغير :D
والا يخلونه يختفي لين نهاية السيزون ثم يخلونه يفطس على يد الاذرز :D

الظاهر اننا بس اللي هنا نفسياتنا على جريف

يمكن لأن ما عندهم لاموني :D

وحدانـــي

05-10-2006, 14:15

[اقتبـاس] .. يمكن اسم سوير ماانتبهت له ,, بس السؤال اللي ذبحني أختفاء جثة أبو جاك ! فكرت فيها كثيره .. قلت يمكن أنه من ضمن الأذرز !
بعدين معقوله جاك مادرى عنه !
جاك شاف أبوه يمشي ويلحقه ويختفي ! نفس حكاية الحصان اللي شافته كيت !

لا يا أهلاوي ، هذي كانت زي ما تقول وسوسه من جاااك لا أكثر ولا أقل !!
كيف يكون أبوه من الاذرز وهو أصلا ً ميت !! ، ابوه ماات ولما شافه جاك يمشي ..
لان جاك كان يفكر فيه كثير ، لا أكثر ولا أقل .. أما عن جثته مو علشانه مالقاها نقول إنه حي !!
حتى كيت بعد !! ، لما شافت الحصان كانت وسوسه ، لانه شافته قبل حتى !!
نفس الكلام مع هيرلي لما شااف خويه الاصلع اللي كان يتخيله من أول ..!!
واللي كان كلامه يلحس المخ من جد ويخلي الواحد يفكر !! ، لما قاله إن كل شيء يصيح تتخيله !
والا وش تفسر وجود الارقام اللي ما تحبها على الجهاز ، و..و.. والاهم إن خويته ليبي كانت في المصحة معه !!
من جد سالفة هيرلي هي اللي لحست مخي ما دخلوها في المسلسل كذا أتوقع !!
------------------------------------
------------------------------------
------------------------------------

[اقتبـاس] ..هل معقوله أبوها وراء هالبرنامج كله !؟

هنا بصراحة فقيت خشتي يا بلااك !!
ممكن ليش لا ، خوية ديزموند قالت إنه بالفلوس تقدر تلقى اللي تبي !!
وكان واضح إنه عينت الاثنين هذوليك علشان يدورون ديزموند !! ، اللي بنهاية السيزون الثاني ..
وهم لقو اشارة لان الجهاز خرب !! ، مثل ماصار لما قال ديزموند إنه طيح الطيارة لانه ماضغط الزر مباشرة !!
هل نقدر نقول إن الزر هو اللي يمنع العالم من كشف الجزيرة !! ، عموما ً السيزون الثالث أتوقع بنلقى حلول كثيرة لـ تساؤلاتنا !!

لان أكيد بتكون في تساؤلات أكثر وأعمق ;)
------------------------------------
------------------------------------
برق شكل مالنا إلا ننتظر لـ الساعة 12 وننزل الحلقة !!
قل يعني على 3 تكون منزله ومعها الترجمة !! يعني قبل صلاة الفجر بساعة كذا أشوفها :D
إلا كان التورنت عقل وضبط :)

Five Stars

05-10-2006, 14:18

سلام عليكم ،،

ياشباب التورنت أحسن طريقة تسجلون في مواقع خاصة .. أنا حملت الحلقة في ساعة ونص .. وجالس أرفعها على مباشر بس راح تتأخر كالعادة يعني احتمال على 12 بالليل ويمكن بعد .. المهم جربوا هالموقع للتورنت التسجيل فيه مفتوح http://iplay.ro/signup.php .. هو متخصص في الألعاب بس فيه أفلام ومسلسلات .. وباين عليه كويس .

طيب يا برق اذا ما عليك امر تعرف شروط هالموقع ؟
هل لازم اسوي ابلود معين علشان اسوي داونلود ؟

المهم انا سجلت فيه وما ادري وش الاشياء الي لازم اسويها علشان ما يلغون العضويه

عاشق المرقوق

05-10-2006, 14:36

^
^
^
انا سجلت معهم ولي نص ساعه انتظر ايميل التفعيل ولا وصل شي ....برق هذا هو نفس الموقع اللي حملت منه في ساعه ونص ؟؟ وان كانه مهوب هو هات لنك اللي حملت منه الله لا يهينك

! Fun time !

05-10-2006, 14:53

وش السالفه
يعني الدي اس ال ماينقطع الا اليوم :(
جالس انزل الحلقه من رابط مباشر لما وصل لي التسعين .
ينقطع النت .
ماشتغل غير الحين المغرب رجعت بكمل التحميل طلع الرابط خرباان مايتشغل :(

آآة ياقلبي احسه بدى يوجعني :(

ابو مشاري بـ انتظـارك

N a j d

05-10-2006, 14:58

^
^
^

جربوا الملف اللي أرفقته

أخذ مني ساعتين وشوية والبرنامج بكبره كان يستهبل ]=

المعاني@@

05-10-2006, 15:01

حتى موقع البيتسوب مارضى يحمل معي :(
حملو الحلقه من موقع نيوتورنت هو اسرع واحد جربته
باقي له شوي ويخلص عندي
هو نفس التورنت الي ارفقته نجد
عقبال ماتخلص الترجمه بعد :D

BSMAH

05-10-2006, 15:14

أنا من أمس يحمل ولسه باقي له ساعه أول مره يصير كذا معاي

والمشكلة أن كثير اللي يسوون ابلود للتورنت

بس هانت ،، ما بقىىى غير ننتظر ترجمة لوبين أو فراس ونروق اليوم على أحلى مسلسل بالكون

عاشق المرقوق

05-10-2006, 15:38

إهداء الى منسدح :D

http://lost.com/images/caricatura_Kate_Lost.jpg

برق السحايب

05-10-2006, 15:39

معليش على التأخير شباب ..

فايف ستارز .. كل المواقع اللي تحتاج تسجيل لازم يكون لك حد معين للأبلود .. أغلب المواقع إذا ما كان كلها .. تطلب مجموع الأبلود يكون نص الداونلود .. يعني الريشيو لازم يكون 0.5 .. .. فيه برنامج اسمه ريشيو فيكر سبق وحطيته في موضوع بريزون بريك.. يسوي أبلود وهمي وسريع .. بس ما جربته على هالموقع .

عاشق المرقوق .. إيميل التفعيل الظاهر ما يقبل على الهوت ميل إذا انك حاطه .. جرب الياهو ولا ايميل القوقل .. ومو هو الموقع اللي نزلت منه الحلقة .. نزلته من موقع http://www.supertorrents.org/browse.php .. إذا مافي تسجيل .. بشوف إذا أقدر اسويلك دعوة عليه بس ترى إذا ما رفعت لهم الحد المطلوب يحذفوك ويحذفوا اللي سوالك دعوة .. محاكيك :D .. وبعد موقع بت سوب اللي اعطاني هو بسام .. حلو مرة .. وموقع تورنت ديميج هذه أفضل مواقع جربتهم ويقبلون برنامج الريشيو فيكر .. الديمونويد ما عجبني .. إذا تبون موقع تورنت زين ويقبل الريشيو فيكر والتسجيل مفتوح هذا http://www.ilovetorrents.com/browse.php .. بس عيبه الملفات تنزل متأخرة شوي عن المواقع الثانية .

على فكرة أذكر ان لوبين يقول الترجمة بتكون على الجمعة .. ان شاء الله فراس ينشب له عشان يعجل فيها .

out of order

05-10-2006, 15:45

الحلقه موجوده بالبير شير وتوي بدأت فيها ..؟؟!
مين جربها ..؟؟

.. sky ..

05-10-2006, 17:24

أهلي دروا عني و عن لوست اليوم :d
و قالوا يميـــــن ما تشوفينـه إلا الفجـر .. ( $#@!*&&%$@@$^)
عنـاد فيك و في لوست بنطلع .. كيداً فيهم ( يا ربي يا الحظ )
المهم يا حلوين .. شوفوا التورنت الي إقتبستـه اول في الصفحـه الثانيـه
ممتـااااااااااااز .. الكواليتي روووعـه كـ العاده .. و حقيقي ;)
خلص التحميل .. أخذ تقريباً 12 ساعـه .. :)

برب

Celinish

05-10-2006, 17:50

نعن أبو القهر....

ناس تقدر تنزّل الحلقة بس تنتظر الترجمة علشان تشوفها و ناس ما عندهم مشكلة لو يشوفونها بدون ترجمة بسّ ما يقدرون ينزلونها لأن إتصالهم دايل أب :mad: pb131

<---------I know...I know!!! PATHETIC

ترى إذا تبون مساعدة في الترجمة تراي حاضرة حتى لو تبونها إحترافيه مافي أيّ مشكلة...بس أنتوا أعطوني الـ script الأنجليزي و أنا تحت أمركم....

I thought I'd share this with you

Celinish

ترا كف!

05-10-2006, 18:21

ولا مسحييل يصير reality show على قولتكم ... لان كثير ناس ماتت بمرأى العين ..يعني لو انهم ماتوا بعيد نقول تلفيق موتهم ...بس ناس تموت ناس تصاب ... ودمامين ... خصوصا + مايكل قتل انا لوسيا+الشقرا .. يعني امحق برنامج واقع نص اللي فيه ميتين ... وبعدين :\ وش البرنامج اللي كله طلق ناس وناس تموت ناس ... اكيد بيمنعونه من العرض في اي دوله

لاتنسين انه مسلسل موب صدق :d
يعني اللي يخلينا نصدق انهم يطيحون من طيارة في السما ويقومون يطامرون بعدها
مايخلينا نصدق انهم لاعبين لعبة في الموت ولا ان الشو يستلزم المخاطرة بالارواح ؟
لاتنسين انهم يائسين وموقعين على بياض صدقيني D:
{{{ خلاص تخمرت القصة في راسه

ترا كف!

05-10-2006, 18:22

وعشان ما انسى تراني نزلت الحلقه وبشوفها الحين
والحبر الابيض حقي خلص ( وجه يقول لاموني موب احسن مني) :d

|[ Female PRIDE ]|

05-10-2006, 18:28

عدد المتواجدون في هذا الموضوع » 22 , عدد الأعضاء » 17 , عدد الزوار » 5

طرطعانه (http://vb.eqla3.com/member.php?u=49136)*, ‏$غـالـيـة$ (http://vb.eqla3.com/member.php?u=54838), ‏.. DoDy .. (http://vb.eqla3.com/member.php?u=113677), ‏aboabdullah (http://vb.eqla3.com/member.php?u=147176), ‏Alex_10 (http://vb.eqla3.com/member.php?u=4267), ‏Celinish (http://vb.eqla3.com/member.php?u=31371), ‏DiavoLi rossi (http://vb.eqla3.com/member.php?u=110549), ‏ذكريات محروم (http://vb.eqla3.com/member.php?u=121056), ‏firasville (http://vb.eqla3.com/member.php?u=145552), ‏خاطمتنّ عرض (http://vb.eqla3.com/member.php?u=76187), ‏ssaleh (http://vb.eqla3.com/member.php?u=37075)

عجل علينا يا خلفهم ... عندي ترجمة للحلقة لكن منتظرة ترجمتك .. وعسى ما تتأخر :(

BSMAH

05-10-2006, 18:32

في ترجمة نزلت بدي في دي العرب

برابط الرابيد شير

وبدأ اعضاء المنتدى بسبه والتطاول عليه

والله بصراحة يخوفون هالمصاريه ماعندهم يايمه ارحميني

أنا بصراحة ودي بترجمة فراس أو لوبين وبنتظر مو مستعجله على شوفه الحلقه اللي صبرنا كم شهر يصبرنا كم يوم

والترجمة للي يعرف لهالموقع يدعس على هالرابط

http://rapidshare.de/files/35610813/01_-_A_Tale_Of_Two_Cities.srt

وهذا رابط ثاني

http://up-file.com/download/21cc8f894792/01---A-Tale-Of-Two-Cities.srt.html

Orchid Spirit

05-10-2006, 19:27

الترجمة من الموقع http://rapidshare.de/files/35610813/01_-_A_Tale_Of_Two_Cities.srt
ترجمة للملف من التورنت في رد دارك 52 (http://vb.eqla3.com/showpost.php?p=4282006&postcount=52)

مرفقه
اللي مستعجل على الترجمه ..كثير مقاطع ما تترجمت

اللحين الولد اللي في القفص مع سوير - شلون عرف ان سوير جاي من الطياره اللي طاحت pb036

firasville

05-10-2006, 19:59

الترجمة الاحترافية بعد ربع ساعة انشاءالله

|[ Female PRIDE ]|

05-10-2006, 20:03

^
^
بالانتظاااار :) ..

برق السحايب

05-10-2006, 20:16

مشكور أخوي فراس على الترجمة .. بس وراك تتكلم فصحى ؟؟ خذ راحتك ماهنا غريب :D

شوفوا يا شباب .. الرابط المباشر .. يبيله حول ساعة وشوي كذا .. وانا بطلع الحين ويمكن ارجع على الفجر .. وعشاني متفهم لشعوركم وللناس اللي ما عندهم صبر :D .. بحط لكم الرابط الحين .. شيكوا عليه بعد ساعة .. وإذا ما ضبط حاولوا بعدها كل شوي لين يقبل ... من هنـــا (http://www.abo-mishari.com/lost.s03e01.hdtv.xvid-xor.avi)

ترا كف!

05-10-2006, 20:17

اللحين الولد اللي في القفص مع سوير - شلون عرف ان سوير جاي من الطياره اللي طاحت

يمكنه من الاطفال اللي خطفوهم مع الناس اللي ذيل الطياره
او يمكن انه في طياره جديده طاحت يوم ما ضغط لوك الزر في السيزن 2 فينالي :d

شفتوا تشرف على حاله جاك ؟ هذي اللي بيحبها حسب الكلام وصل لي :d

طيب ملاحظين انهم ساحبين على الباقيين ؟ ماجابوا الا الشخصيات الثلاث الرئيسية ؟

المخرج يوم جاب لنا بين (هنري غيل) مع اللي تشرف على جاك اول ماطاحت الطياره وضح لنا ان علاقتهم مش ولا بد يوم قال لها ماعزمتيني في يوم الكتاب :d وكملها يوم صك عليها الباب يوم فتح جاك الباب اللي جاهم منه مويه

قسم حتى لو ما احط الكلام بالابيض محد فاهم شي

Five Stars

05-10-2006, 20:23

8
8

ظلل يا صديقي :d

تم حذف رابط الترجمه لعيونك فراس ;)

|[ Female PRIDE ]|

05-10-2006, 20:29

مرت نص ساااعة :( .,. وما زلنا بانتظار الترجمة الاحترافية من مترجمنا فراس ,,

firasville

05-10-2006, 20:30

إخوتي الأحبة أضع بين أيديكم ترجم الحلقة الأولى للموسم الثالث
من المسلسل الرائع LOST

أرجو أن تنال الترجمة إعجابكم
و أرجو أن لا يضعها أحد في منتديات أخرى فهي حصرية للإقلاع

تحميل ترجمة الحلقة الأولى من هنا (http://www.4shared.com/file/4309910/32f12cde/losts03e01hdtvxvid-xor_arb.html)

أتمنى للجميع مشاهدة طيبة

أخوكم فراس

no_body

05-10-2006, 20:47

^
^
^
يسسسعد قلللببببك الف شككررررر (f)

Five Stars

05-10-2006, 20:51

مشكووووور فراس واسف اني حطيت رابط لمترجم اخر :)

منسدح بالبلكونه

05-10-2006, 21:01

مااااااش مافينـي صبـر شفتها
كبدايه وخصوـا اول ربع ساعه ماجازت لي الحلقه نهائيـا بعد كذا بديت اخش الجو شوي
فيه اشياء كثيره يبغى لها تفسير في الحلقات الجايه

جوليت كأنهـا مغصوبـه على شغلها كانها أسيره عند بين هنري غيل )
البزر ماظنتي يكون من حقين اللي طاحوا في الطياره توووه بعد ماكبـر
الغريبه ماجاب لنا اي شيء عن باقي الناجين وياخوف تكون اول الحلقات كذا ومانسمع اخبارهم

والله يازوجة جاك قليلة خاتمه بعد
عقب مارجع عضامك تسوين فيه كـذا ( لايكون مو نفس اللي سوى لها عمليه بالعمود الفقري بديت أشك )

حلقة اليوم مافيها أكشن مافيها تشويق
يمكن تعريف للجاي
والجاي احلى

منسدح: شايفتها اولت البارح مع جي لينو و مرره محلووه، مدري وش تاكل هي ؟ :d

شفتــهـا قبل شوي نظفوهـا وخلوهـا تلبس فستـان جديد
مدري احسهـا وهي حوسه و وصخه احلى من انها تتنظف pb192
يمكن عشان تعودت عليها بالشكـل
معلش بعد اذنك يابطل ^^
وشو نوع الملف؟ عشان حملته وعيى يفتح اللي مايدري وشو نوعه وباي برنامج يفتحه

<<= تحس انها بتتسطر هع :D الناس متحمسه بالحلقه وهي توها بتشوف ابو واحد ميقا هع :D

mp3 تنفع نغمـه بعد pb192

إخوتي الأحبة أضع بين أيديكم ترجم الحلقة الأولى للموسم الثالث
من المسلسل الرائع LOST

أرجو أن تنال الترجمة إعجابكم
و أرجو أن لا يضعها أحد في منتديات أخرى فهي حصرية للإقلاع

تحميل ترجمة الحلقة الأولى من هنا (http://www.4shared.com/file/4309910/32f12cde/losts03e01hdtvxvid-xor_arb.html)

أتمنى للجميع مشاهدة طيبة

أخوكم فراس

الله يعطيك العااااااااااافيه يابطــــــــل pb189

firasville

05-10-2006, 21:02

لا عزيزي Five Star إذا كان المترجم محترف مثل أخوي لوبين

فالتضع الترجمة

أشكركم جميعاً

سـاحـرنـي

05-10-2006, 21:02

أخيـرا خـلص تحميل الحـلقه :D مـا بغـت !!

يـعطيك العـافيه فـراس على التـرجمه تسـلم صـوابعك خيـوو :) ..

أحد يسدح لنـا رابـط مبـاشر ولا تـورنت للحـلقه ( 0 ) .. نبي نـراجع معـلومـاتنا شـوي :D

وحدانـــي

05-10-2006, 21:05

مااقصرت ياا فراس على الترجمة ..
وألف شكر يالغالي ،،

شباب للي مايبون التورنت ترى رابط برق اشتغل !!
وهذاني احمله الحين ،، والتورنت عندي باقي عليه 100 ميجا !
بس سرعة النقل ما تعدي الـ 9 .. خلني اشوف وش اللي بيخلص قبل !!
يعني على الساعة 6 الصباح انا شايف الحلقة إن شاء الله ،،
وإن شاء الله قبل صلاة الفجر ،، شباب لحد ينسى اللون الأبيض بليز ..:)

l-oo-l

05-10-2006, 21:22

التورنت الي حاطه واحد من شباب حلو
لوك وسوير ودووووووود انتم كذا (تمثيل روعه لشخصيه)
جاك ما ادري من لاعب عليك وقال انك تنفع تمثل هالدور ما اقنعني ابد (وجه نظر)

اتمنى يكون هالجزء افضل من الي قبل لان الجزء الثاني فاشل بعنف

Orchid Spirit

05-10-2006, 21:27

سليل السيف

05-10-2006, 21:32

بـرقpb189 يعجبني فيك إنك حاس فيني pb189

فراسpb189 مشكور يالغاليpb189
وياليت إنكـ تكتب معنا وتناقش الأحداث وتآخذ وتعطي معنا إذا وقتك يسمح ..

------

المهم ،،
ترى طحت بموقع ما ادري وش يبي وكله عن لوست ..
اللنك الأول ( اضغط هنا (http://vip.netsurf.ru/browse/))
اللنك الثاني( اضغط هنا (http://vip.netsurf.ru/browse/MOVIES/LOST.Series))
اللنك الثالث ( اضغط هنا (http://vip.netsurf.ru/browse/MOVIES/LOST.Series/Lost.S02E21.eng.HDTV.XviD-XOR))

اللى فهمته لحد الآن إنه كل ما اعطيت الروابط لناس كلما زاد رصيدك ..
في دافور يفهمني وش السالفه لأن مخي قفل من المغرب ..
ولا يجيني واحد مدرعم ويقول عندك الديوانية لأن هالموقع لقيت الروابط مباشرة ..وفي كم حلقة فاتتني ..
واحتمال ينزلون الجزء الثالث على طول ..
واذا على الخاص عشان لانزعج الشباب هنا يكون أحسن !!

صدى الامس

05-10-2006, 21:44

فراس pb189 مشكور على الترجمة والحلو فيها انها حصريه ;)

الحلقه مافيها شي يشد الانتباه بشكل كبير ..
الا اللهم ان جاك مخفه pb192 وزوجته قليلة خاتمه بس pb192
وبعد جولييت مثل ما قال منسدح شكلها مغصوبه ..
بصراحه على الحماس اللي كنت عليه تحطمت توقعت تبي تكون اكثر من كذا بس مافيها شي ..
نصبر ونشوووف ..

منسدح pb189 واضح ان كيت ساحبه عليك وللحين ماطقت لك خبر pb095 pb192

l-oo-l

05-10-2006, 21:52

الربيد شير ما شتغل عندي الا بعد ما اشغل بروبل

هل هنا ك مشكله

BSMAH

05-10-2006, 21:52

فراااااااااااااس

مشكور على الترجمة ،،،

اللحين الواحد يقدر يشوووووف الحلقة

سـاحـرنـي

05-10-2006, 22:12

بـااك بـعد مـا شـفت الحـلقـه ،،

صـح مـافيه ذاك الي يشـد الواحد

لكن في هالحـلقه إسـلوبهم في العـرض يخلي الواحد يـطرطع :D

أبي أعـرف وش سـالفتهم هالأذرز السـملق :D

و من ويـن لهم المعـلومـات عن جـاك ؟! من جـد يـرفعون الضـغط :D

Celinish

05-10-2006, 22:14

صبرٌ جميل و بالله المستعان

إيدي تحكّني و الماوس في قمّة الأدب قاعد يتعاون مع إيدي (من زود الذرابة :mad: ) ماودّي أضللّ الكلام اللّي كاتبينه الأخوان بالأبيض عن الحلقة الأولى :sm1: و أنا الى الأن ما بعد شفتها...pb093

pb136 ما ودّي pb136

:hr:

غلآب ياحكم القدر مالناش معاك حيلة

إيه إيه يا حزم الضامي!!!:(

Five Stars

05-10-2006, 23:01

s3 e1

بصراااحه الحلقه كانت زي ماتوقعت انها ماراح تكشف لنا اشياء كثيره
وتقريبا مثل بدايه الموسم الثاني مافي شيء يشد الانتباه ,,

اعتقد ان اغلبكم متحمس لهالحلقة علشان يبون يعرفون وش صار
على الناس الي بالشاطىء , اتوقع الحلقه الجاية راح تكون مخصصه لهم

مشهد الطياره وهي بالسماء يوم تنقطع نصين خوووورافي ;) من جد المخرج رهيب
من احسن المشاهد الاخراجيه حتى الان بمسلسل لوست :)

ياقلبي يا فريكلز ;)

Jennyfer

05-10-2006, 23:02

طيب ملاحظين انهم ساحبين على الباقيين ؟ ماجابوا الا الشخصيات الثلاث الرئيسية ؟

تونا في الحلقه الاولى اصبر شوي :D

الا شفتو يوم الطياره تنكسر قدام عيونهم انا قسم بلله جاني قشعريره هذا احلى مشهد بالحلقه :sm5:

أبوي أقوى واحد

05-10-2006, 23:15

فراااااس
ربي يسعدك مشكور على الترجمه

تحمست أبي أشوفه الله يعيني ويصبرني على بال ماينتهي التحميل

المعاني@@

05-10-2006, 23:18

فراسpb189

الف شكر لك على الترجمه
وننتظرك اسبوعياً هنـا

....

بالنسبـه للحلقه:)

بدايه حلوه للموسم bp039 .. اسلوب لوست بكل حلقه معروف بأنه يركز على شي واحد بس ..او عن شخصيه وحده
عرفونا من وين جاو الأذرز قبل تحطم الطائره
واليوم كانت الحلقه تقريبا عن جاك ..
شفتوه لما دف ابوه:eek: هالبني آدم راسه ناشف بشكل:D
وماجابو اي شي عن الباقي هيرلي وسعيد وغيرهم وماجابو شي عن الهاتش وهل هو انفجر او لا
وهل ايكو ولوك ماتو .. وماجابو شي عن مايكل وولده:mad:

بس اللحين ابي اعرف وش سالفة الجماعه الي محبوس عندهم جاك وكيت وسوير؟
هل هي شركه معينه او جماعه سكنو بالجزيره وياويل من يدخلها من بعدهمpb036
و وش معنى جاك محبوس تحت بحر؟pb036 ..
اتوقع انهم يحاولون يخلون كيت من الأذرزpb093 ويوم مابغت حبسوها جنب سوير;)
شفتو شكل سويرلما جات كيت جنبهpb094 .. انشالله كيت تختار سويرpb192

عاشق المرقوق

06-10-2006, 01:55

برق السحايب

06-10-2006, 02:20

بـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــرق

..حملت من رابطك المباشر الى لدقيقه 32 ... تكفي ياليتك تقص باقي الدقايق وتحطها في ملف وترفعه مره ثانيه .. الحلو ما يكمل شفت الحلقه مقطوعه :(

شكلك استعجلت وحملت الحلقة قبل ما يكمل الأبلود؟! عموما لو قصيت وبرفعها لك هالعشر دقايق الأخيرة يمكن تاخذ اكثر من 4 ساعات :( ... نزل الحلقة مرة ثانية احسن لك .. هذا الرابط مرة ثانية ... كلك (http://www.abo-mishari.com/lost.s03e01.hdtv.xvid-xor.avi)

عاشق المرقوق

06-10-2006, 03:00

فعلا انا استعجلت .. كنت بطلع وعلى طول ضغطت على الرابط اللي انت حطيته ولا دققت في حجم الملف انه ماكان كامل ..

الله يعطيك العافيه انقذتنا بالرابط وشفنا الحلقه اليوم عقب ما مرمطنا التورنت

بس ياخي مافيه طريقه ان الحلقه على طول تنحط على سيرفر الاقلاع مباشره بدون ماتجلس تسوي اب لود << تساؤل عليمي هبل به التورنت

.. sky ..

06-10-2006, 04:25

مـرحبــــا :)

حلقه أعطيها 8 من 10 :)

توقعتها أفضل من كذا :rolleyes: .. البدايـة تذكرنا شووووي بـ الحلقة الأولى من السيزون الماضي
المشهد لمن جولييت تختار إسطوانـة و تشغلهـا .. مثل مشهد السنه الماضيه مع ديزموند :D

أخر شي كنت أتخيلـه إنو الأدرز يكونون عايشين عيشـة طبيعيـه .. سكنهم زي أي حي تقليدي :eek:

إنبسطت إنهم كملوا سالفة "سارة" .. النهاية الي وصلت لها علاقة جاك بـ أبوه مـؤلمـه :(
يا حرام الرجال بعد 50 يوم .. رجع للشرب .. :sm18:
جاك وصل عنده الهوس لدرجـه غبيـه .. أجل زوجتك تخونك مع أبوك !!؟
ليتك منت شايف الرجال معاها في المدرسـه !!؟ مع إحترامي لك جاك بس مخك تنكـه يا أخي :D

و اخيررررررا عرفنا إسم "هنري غايل فروم مينيسوتا" .. خخخخخخخخخخ اجل بين :D
دخلنا بسالفه جديده الحين ..
وش سبب العداوة الي بين جولييت و بين !!؟
يا هـو نذذذذذذذذذل إبن اللذين .. هذا و هي منكم و فيكم تبي تأذيها ؟!!
واضح طبعاً إن جولييت عندها حكاوي كثيررر عن نفسها .. حياتها كئيبـه و تبكي ع الصبحيـه
و وااااضح بعد إنها لها مستقبل مع "جاك" ;)

بالرغم من إنهم حاجزين الثلاثـه .. بس الأدرز يبون شي من جاك
شي مو موجود عند سوير .. و لا حتى كايت
كايت ع الأقل أعطوها وجه :rolleyes: .. و هددها بين .. مسوي راقي و فطور و ابي أحسسك إنك سيده :D

"سوير" :D .. لا يزال "سوير" :D .. خخخخخخخخخخخخخخخخخخـ :D
الولد هذاك "كارل" الي كان محجوز و عاطي سوير ظهره .. تتوقعون إنه من الأدرز !!؟
و لا ليـه يقول لـ سوير أنا بهرب من هنا و إنت من هناك !؟؟

الحلو في الحلقـه إنها رجعت لنا J.J. Abrams بعد غيااااب pb189 ( كان أحد كتاب الحلقـه )
ع فكـره الكرييتر J.J. Abrams وعد إنه بيحط بصماته في هـ السيزون .. و إنه إشتاق لـ لوست ;)
و يبي يكون متصل بالمسلسل أكثر من قبل ;)
هذي نقطـه إيجابيـه و تبشر بالخير pb189

أحلـى إقتباسين في الحلقـه .. من "أذكـى" سوير :D إلي حتى الدببه ما تجي شي جنبـه :D

Tom: Hey! You got yourself a fish biscuit. How'd you do that?
Sawyer: I figured out your complicated gizmos, that's how.
Tom: Only took the bears two hours.

Carl: What are the people like from your plane?
Sawyer: Oh, they're just awesome!
:D

المكان الي ربعنا محجوزين فيـه .. أتوقع إنه حديقة حيوانات !! :rolleyes:

يا حلـو الحمااااااااااااااااااااااس يا نــــــاس pb189

Alex_10

06-10-2006, 04:36

الحلقة الأولى ..

من الحلقات النادرة اللي تحس ان مخك ماانلحس فيها ..

مافيها شي شدني غير بداية الحلقة و "بن" و "جولييت" و بقية الأذرز وهم يتابعون الطيارة وهي طايحة .. و كيف "بن" اللي هو هنري غيل كيف يعاملكم كأنه معزبهم ..

وليه هالتسلب ماطلب يقابل غير كايت .. وليه جلس يسألها عن تقديمها لاسم سوير قبل جاك ..
وش يقصد باسبوعين غير سعيدة :( .... و وش صار في يدين كايت ؟ الكلبشات قطعتها ..

تتوقعون دايزموند في نهاية سيزن تو كان صادق يوم قال ان سبب طيحة الطيارة انه مادخل الأرقام ؟ انا تذكرت كلامه بعد الهزة اللي جت بيت جولييت قبل ماتطيح الطيارة .. وكيف كانوا مستعدين كأنهم متعودين على طيارات تطيح عندهم !!

شوفوا هالصور لقطتها من اكثر من موقع .. لسه مااستعدنا لياقة التدقيق .. ان شاء الله نطلعها الحلقات الجاية بدون مانشوف مواقع ثانية ..

http://lost.cubit.net/forum/gallery/1_05_10_06_3_02_54.jpg
تتوقعون صادقين ولا يستهبلون ؟ توم كان مريض سابق عند جاك ؟ ولا يخلق من الشبه اربعين ؟ :P

http://lost.cubit.net/forum/gallery/1_04_10_06_10_53_35.jpg
وش سالفة ستيفن كينج معاهم ؟

http://gallery.lost-media.com/albums/ep-caps/season3/3x01-cities/2/twocitiescap-0285.jpg
اول مرة اشوف هالنجوم في يد جاك

عموماً بداية كالعادة بس تدخلك جو .. و الله يعيننا على لحسة المخ القادمة ..

.. sky ..

06-10-2006, 05:14

تتوقعون دايزموند في نهاية سيزن تو كان صادق يوم قال ان سبب طيحة الطيارة انه مادخل الأرقام ؟ انا تذكرت كلامه بعد الهزة اللي جت بيت جولييت قبل ماتطيح الطيارة .. وكيف كانوا مستعدين كأنهم متعودين على طيارات تطيح عندهم !!

أيـه من أوووول ما قال لـ لوك "أعتقد إني انا الي طيحت طيارتكم " و انا مقتنعه بكلامـه :)

http://lost.cubit.net/forum/gallery/1_04_10_06_10_53_35.jpg
وش سالفة ستيفن كينج معاهم ؟
المشهد كان من إجتماعهم في نادي الكتاب
الروايـة هي Carrie (http://en.wikipedia.org/wiki/Carrie_%28novel%29).. و الي تحكي عن بنت جديده في مدرسه الكل يستقعد لها و يسوي فيها مقالب
و بالأخير تنتقم منهم بواسطة قدراتها الخاصـه .. بإنها تحرقهم كـــلهم :D

ستيفن كينج كاتب متخصص في الرعب و الإثاره .. ممكن الشي هذا لـه مدلولاته ع طبيعـة جولييت :rolleyes:
و لاحظ إن الشايب هذاك في إجتماعهم قال لها الحين عرفت ليه "بين" ما حضر الإجتماع ..
يعني بين ما يحب كينغ / الخيال العلمي
بينما جولييت تحبـه :rolleyes:

http://gallery.lost-media.com/albums/ep-caps/season3/3x01-cities/2/twocitiescap-0285.jpg
اول مرة اشوف هالنجوم في يد جاك

انا بعد .. بس عارف .. هو ما يرفع يده واجد زي سعيد خخخخخخخخخخخـ :D
شوف هـ الصوره .. :)
http://vb.eqla3.com/attachment.php?attachmentid=246660&stc=1&d=1160110883

برق السحايب

06-10-2006, 09:50

Sky

الولد هذاك "كارل" الي كان محجوز و عاطي سوير ظهره .. تتوقعون إنه من الأدرز !!؟
و لا ليـه يقول لـ سوير أنا بهرب من هنا و إنت من هناك !؟؟

اتوقع انه من الأذرز بس مسويلهم شي وحاجزينه .. ويوم يقول لسوير روح من هناك أتوقع انه عارف انه بينمسك من الجهة اللي قالها له .. يعني يلهي الأذرز بهروب سوير لين ما ينحاش هو وهذا سبب انه الأذرز قالوله تأسف من سوير .

واضح ان الجزيرة فيها أسرار كثير ما بعد انكشفت !! لكن اللي مستغرب منه معقولة قرية كاملة محد يدري عنها؟؟ لا أحد من الناجين اللي مع آنا لوسيا ولا اللي مع جاك بالرغم انه كل واحد في جهة غير .. طيب هذيك أم أليكس اللي كانت بلحالها معقول ما مرت عليها ولا شافتها وهي لها أكثر من 16 سنة بالجزيرة؟؟!

المكان الي ربعنا محجوزين فيـه .. أتوقع إنه حديقة حيوانات !!

أو مكان لعمل تجارب على الحيوانات

عاشق المرقوق

06-10-2006, 10:50

الحلقه اجمالا ماكانت على مستوى الطموح ....على كثر اللي صار لها من تطبيل قوي في المنتديات والمواقع الاجنبيه وانها بتصير حلقه محوريه واشياء كثيره بتتغير ....ولا شفنا شي

- اذرز جماعة مختاره انها تكون في هالجزيره ولا ضاعوا ولا انغصبوا انهم يعيشون فيها .. بدليل انهم وجهوا مايكل بالضبط وين يروح عشان يلقى من ينقذه ، يعني لو كانوا يبون يطلعون من الجزيره ان كان طلعوا من زمان .

- اذرز الى يشوف عيشتهم وشكلهم متجمعين يناظرون الطياره وهي تطيح يقول انهم ناس في حالهم ويبون يعيشون بس بهدوء وسلام .. بس لحسة المخ اذا تذكر الواحد اللي سووه يوم خطفوا كلير وولد مايكل والتسعة مع آنا لوسيا وحاولوا شنق شارلي ... معناها ان فيهم حرش اجرامي

- السبهه اللي كان محبوس قبال سوير وحاول ينحاش هذا واضح انه من الاذرز وكل الغرض من هالتمثيليه عشان يورون سوير وجه السبهه وهو مفقع عشان يوصلون له مسج ترى هذا اللي بيجيك لو تبيثرت وسويت مثله .

- جولييت وجه مريح للنظر ..وجه هادي ونظرات تشجعك تقول لها قصة حياتك الغبيه بدون تحفظ.. حقدت على جاك يوم مصع يدها ومع كذا رجعت تنقذه يوم فتح الباب ..قليبها طاهر pb189

- الحلقه الجايه اتوقع انها بتركز اكثر على لوك وايكو واللي صار لهم في الهاتش واكيد سعيد مهوب ساكت بيجلس ينبش عن الاذرز ومعه الكوري

no_body

06-10-2006, 14:31

^
^
^
لا الحلقه الجايه مااظن بتصير عن الباقين بعد : ( لان قريت بمكان مردي وين انها بتكون عن عرض بيقدمه بن لجاك وبيكون hard to refuse : (
الحلقه رفعت ضغطي صراحه , يعني اوكي هي بطله ومره تحمس بس we need secrets to be revealed
كارل لما قال رح انت من هنا وانا من هناك مردي بس توقعت انه بيخلي سوير ينحاش بطريق الاذرز فيمسكونه بينما هذاك ينحاش ! مسوي مخ هو وخشمه :\

اكثر شي اوب مقتنعه فيه ، كيف جمعوا المعلومات عن جاك ! معليش ابي سبب مقنع ولا بسحب عالمسلسل << تمسكي بس هع
مب هي قالت اننا حقناك باشياء لها سايد افكتس ولازم تاكل ،،،،الخ ، ممكن سحبوا منه المعلومات ؟ والباقي نصب <<لما قالت ان ساره مره مبسوطه جدن هع
لان لما بدا يهلوس ويسمع صوت ابوه ، بعدها قال لجولييت انه راح يجيب ابوه من سدني وانه ميت ،
بس بالاخير لما بدت تقوله معلوماته لما قالت له اننا نعرف ان ابوك ميت وانك رحت تجيبه من سيدني ، تفاجأ البطة جاك ! والمفروض مايتفاج لانه he jus told her dat !
ساندوتشاتها وقسمن ياهي تشهي بعددددد هع :D

شفت الحلقه مرتين الشي الوحيد اللي بحثت فيه انا وخشتي هع هو زي اللي قالته سكاي واليكس كتاب ستيفن كينق
وتحليل سكاي بطل اللي ان جوالييت تحب science fiction while ben dosnt :\
انا قلت ليه اسم الحلقه رواية لتشارلز دكند وجايبين ستيفن كنق <<== بسوي مخ غصب هع:D

المهم نستنى 11 اوكتوبر للحلقه الجاية :D

علووش

06-10-2006, 14:51

ترا كف!

06-10-2006, 15:37

اكثر شي اوب مقتنعه فيه ، كيف جمعوا المعلومات عن جاك ! معليش ابي سبب مقنع ولا بسحب عالمسلسل << تمسكي بس هع

بالعكس هذي من اهم المعلومات في الحلقه هي قالت ان ابوه هو اللي كاتبها
وهالشي يخلينا الحين نتأكد ان االاذرز هم اللي طلعوا جثة ابو جاك من التابوت وشكلهم خذو اغراضه بعد ومن ضمنها هالاوراق

كلام المنتجين والمؤلفين ان المسلسل راح يكون عاطفي اكثر هالسيزن
وهالنقطه تخليني متأكد ان بتطلع فيه خيانات بين الطرفين يعني ما استبعد لو جولييت تسحب على الاذرز لعيون جاك

عندي خطمة بس مدري ليه احس جولييت طليقة بن :d

على طاري الاذرز وين بنت الفرنسية اليكسااااااااااااندرا واحشتنا صراحه :d
عليها عيووون ألم الألم {{ كيف التعبير بس :d

اقول الحين بدل ماتخلونا نكتب بالابيض ليه ماتنزلون موضوع اسبوعي للنقاش عن الحلقة ؟
على الاقل يصير مرجع بعدين للاعضاء وبنفس الوقت اللي يشوف المسلسل بعدين وعنده اسأله يقدر يرجع لموضوع الحلقه اللي يبيها بدل مالوضع حوسه الحين

وتخلون هالموضوع للنكات الحلقات والترجمات والدعايات والصور وكيت وسوير والفله :d

no_body

06-10-2006, 16:31

ترا كف!
صححح مره نسيت سالفه جثة ابووه
شوكرن وقسسمن الحين خلاص بتاابع المسلسل هع :D

صح وانا اقول بعد نفتح موضوع للنقاشات وفوقه ممنوع احد يدخل من الي توهم بالسيزن ون وتو :\
نو اوفنس بس عشان مانحرقها عليكم وقسمن

عورتني عيوني من الابيض هع:D

وحدانـــي

06-10-2006, 22:07

\\
\\
\\

المشكلة إني تعودت أشوف من 3 إلى 4 حلقات ورااء بعض !!
وماعندي مشكلة أكثر بعد ،، لكن اليوم أول مرة اشوف حلقة واجلس معلق !!
انتظر الحلقة الجاااية أسبوع كاامل :( ،، حتى اخر السيزون الثاني شفته يوم الاربعاء !!

من جد نهاية الموسم الثاني كانت خيالية ،، لكن في الحلقة الاولى ماشفناا اللي توقعنااه ابد ..:sm1:
الحلقة كانت عادية جدا ً ، والله خايف من إنهم يمصخونها شوي بسالفة الاذرز وتخرب الدعوة !!

الحلقة كانها تشحناا ضد الاذرز ،، وتحببنا بـ جولييت !!
شباب شكل الدعوة واضحة جولييت لجااك ، وفريكلز لـ سوير :D
شفتوا المسكين وشلون ضحى بـ بسكويت السمكة علشانها وهو بيموت من الجوع

بالنسبة لجولييت ،، مادري بس في البداية كان في واحد جالس يصلح في البيت
كانه زوجها او يمكن جيرانها لو كان زوجها فـ ممكن تتغير أشياء كثيرة ،، لأن الشخص هذا كان ايثاان !!
عموما ً أنا اقول ممكن .. :)

أقتبــاس :::: هل هي شركه معينه او جماعه سكنو بالجزيره وياويل من يدخلها من بعدهم
ما أتوقع إنهم ناس سكنوا الجزيرة وياويل من يدخلها بعدهم أبد ..
لأن في هالحالة ليه مايمسكون جاك واخوياااه ، ويعطونهم سفينة والا شيء
ويخلونهم يتسعون !! ، واكيد إن في طريقة للخروج من الجزيرة مثل ماقالوا لمايكل
الا إن كان اللي يدخل الجزيرة مايطلع منها ابدددن !! ، لكن اتوقع الموضوع أكبر من كذا بوااااجد ،،

--------------------------------------

أقتبــاس ::المشهد لمن جولييت تختار إسطوانـة و تشغلهـا .. مثل مشهد السنه الماضيه مع ديزموند

مادري بس أحس مشهد ديزموند اطلق بواااجد
انا عن نفسي توقعته سوير يتروش وجلست افكر واقول يمكن السالفة تطلع فيها
زمن وانتقاال ومدري وشو لين شفت خشته وهونت عن افكاري البعييييييدة !! :D
--------------------------------------

أقتبــاس ::يا هـو نذذذذذذذذذل إبن اللذين .. هذا و هي منكم و فيكم تبي تأذيها ؟!!

شبااااااااب وبنااااااااااات خذوها من وحداني ..
أي ممثل تحقدون عليييه في أي فيلم او مسلسل حقد غير طبيعي !!
وتحسون الحقد من اداائه وشخصيته مو شخصيته بسس !!
اعرفوا إنهم مبببببدع ،، ياهالادمي كان من اطلق الاشياء بالحلقة .. !!
احلى شيء إنهم ختومها بخشته :D

--------------------------------------

أقتبــاس واضح ان الجزيرة فيها أسرار كثير ما بعد انكشفت !! لكن اللي مستغرب منه معقولة قرية كاملة محد يدري عنها؟؟ لا أحد من الناجين اللي مع آنا لوسيا ولا اللي مع جاك بالرغم انه كل واحد في جهة غير .. طيب هذيك أم أليكس اللي كانت بلحالها معقول ما مرت عليها ولا شافتها وهي لها أكثر من 16 سنة بالجزيرة؟؟!

نفس تساؤلاتي !!
بالذات بالنسبة لـ دانييل ..
بعدين الغريبة ، إنهم شافوا الطيارة واضحة ،،
يعني مانقدر نقول إنها في داعوس والا شيء :D

--------------------------------------
--------------------------------------

ننتظر الاسبوع الجاااي ،،
أقول أنا عن نفسي تعودت على المسلسلات ،،
وشكلي ببدأ بـ بريزون بريك ،، وعلى ما تنزل حلقة لوست الثانية ..
الا الموسم الاول كله مخلص :D

\
\
[bp039]

Celinish

06-10-2006, 22:44

سلام كبير و مربع على الناس الحلوة المقدع....

عندي إقتراح آخر يساند إقتراح الأخ "ترا كف" ألا وهو ماله داعي تستخدمون الحبر الأبيض في الكلام عن الحلقة لأن هالموضوع مخصّص للموسم الثالث و بالأخص حلقاته و أهمها الأن الأولى فما أتوقّع إن فيه أحد ما بعد شاف الحلقة الأولى (زيّ حالتي بسّ خليكم منّي لأنّي حالة ميؤوس منها) بيخرّب على نفسه و يقوم يدخل الموضوع إلا وهو متحمّل نتائج عباطته..

أو

كلّ اللّي بيذكر أيّ أحداث يحط كلمة Spoilers بالكبير كنوع من التحذير قبل لا أحد يقرأ الرد بدل ذا الأبيض اللّي مخلّي شكل الصفحات عبيط...

<----تعبت من كثر التضليل

ترا كف!

06-10-2006, 23:08

واضح ان الجزيرة فيها أسرار كثير ما بعد انكشفت !! لكن اللي مستغرب منه معقولة قرية كاملة محد يدري عنها؟؟ لا أحد من الناجين اللي مع آنا لوسيا ولا اللي مع جاك بالرغم انه كل واحد في جهة غير .. طيب هذيك أم أليكس اللي كانت بلحالها معقول ما مرت عليها ولا شافتها وهي لها أكثر من 16 سنة بالجزيرة؟؟!

تراكم تزعلوني كذا مره
انتم متاكدين انكم شايفين الحلقه ؟

ماشفتوا وشلون بعدت الصورة ووضحت لنا مكان البيوت في الجزيرة ؟
قريتهم محاصرة بين الجبال كانها فوهة بركان :d

ولاحظوا ان الفرنسية كانت تخاف تطلع الجبال عشان البلاك سموك
ولاحظوا بعد ان اخويانا يوم كانوا يمشون من طرف الجزيرة لطرفها الثاني ماكانوا يخترقونها من العمق كانوا يلعبون على الاجنحة :d قصدي يمشون على الساحل عشان مايتوهون :d

وش ذا شكلي بدور ناس تتابع وتركز :d

! Fun time !

06-10-2006, 23:09

انا عنـدي راي تخصصون يوم يبداءفي النقاش .
يعني الحلقه تنزل تورنت الخميس الفجـر .
الجمعه بعد الصـلاة يبداء النقاش .
بتريح الي مايبي يكتب في الابيض .
والراي لكم :)

الحلقه الاولى .
انا اختلف مع الي قالو ان الحلقه كانت اقل من المتوقع .
اتوقع انهم نسو انهم يتابعو لوست الي يعتمد على الالغااز والغموض .
الحلقه الاولى كانت ممتازة بـ النسبه لي بدايه لي موسم مليان غموض وتشويق
وكان فيها اعظم مشهـد تفكك الطائرة
يـا هـ المشهد اليــم عدته اكثر من مرة :(

هنري غيل طله اسمه بين .
هـذا هو اللغــز لغز الجزيرة عند هذا الرجل .

المكان الي يعيش فيه الاذرز صراحه اندهشت من المكان الي يعيشون فيه
مـدينه عايدية اشخـاص عايشين حيـاة طبيعيه حياة متطور مو مثل ما توقعنا انهم متشردين ومتوحشين .

عند الهـزة الارضيه واظح انهم كانو متعودين على الهزات الأرضيه من ردت فعلهم .
ولما طلعو محد فيهم نظر لي السماء ماعـدا بين هو الي يناظرها ..؟ هنـا تسـأؤل كبير :)

وبين هـ الشخص الغامض ماحضر لقاء نادي الكتاب الي اختارته جولي الكتاب هو لي ( Stephen King
ورفض الموجودين لي الكاتب لانه خيال علمي وكان بين يرفض الكاتب .
هنا بعــد تسـأؤل كبير ؟ل ليه بين مايحب الخيال العلمي ؟

جاك و كيت وسوير لما صحو كان كل واحد في مكان مختلف.

جاك في حوض االاسماك القرش والدالافين .
سوير في قفص الدببه .
كيت فيه دورة المياة .

تتوقعون اختيار الاذرز لي اماكن حجزهم لها علاقه في معدل الذكاء :)

شي لفت اتنباهي لما هرب كارل وامسكوة طلبو منه الاعتذار من سوير لانه ورطه في عمليه هروبه
مو هذا دليل على تعليم الخير شي غريب http://www.vb.eqla3.com/images/smilies/biggrin.gif

ولنا عودة بعد الحلقه الثانيه .

تشــاو http://www.vb.eqla3.com/images/smilies/biggrin.gif

ترا كف!

07-10-2006, 00:15

مدري بس احسكم دققتوا بنوعية الكتاب بزياده
اتوقع الهدف من المشهد اننا ندري ان جولييت سحبت على بين
موب ان بين مايحب الخيال العلمي :d

! Fun time !

07-10-2006, 00:41

^
^

تابع المشهد

تراهم ذكروان بين مايحب الخيال العلمي .
بعدين في لوست اي جمله تذكر لا تمشيها بسهوله اكيد لها الف دلالاة لي الاحداث في الحلقات القادمه .
بعدين جوليت ماسحبت على بين
بين هو الي سحب عليهم لانهم قـالو وين بين ليه ماحضر اللقاء :).
وقال واحد من الموجودين ان بين مايحب الخيال العلمي

اهلاوي عرعر

07-10-2006, 02:16

هم عاتبوا ليه جولييت اختارت كتاب من الخيال العلمي !!
واختارته علشان ماتنادي بين ,, اللي واضح أنه بينها وبينه تتش !
ألتقوا في ثلاث مواقف كل موقف واضح أن بينهم تتش ,,
بس معلومة خيال علمي مايحبه ومايحب البطاطس ومايحب الجريش :s !!
هالأشياء مالها فايده .. هم حطوا اللقطه علشان يبينون التتش !! مايبينون يقولون شوفوا ترى بين مايحب الخيال العلمي :d
بعدين جولييت قبل يوم عصبت على اللي عندها علشانها اختارت هالكتاب !! تكلمت عن الحريه قالت اننا بنعيش بحرية في وجت هزه الارضيه وتوقفت عن الكلام !!

وضعها كأنها مغصوبه على اللي قاعد تسويه ,, أو أنها موب طايقه هالعيشه ! أو أنها أسيره الأكيد أن بين له طرف في الموضوع !!

أو زي كذا يعني ,,

نقطه أخيره " مين يتوقع مثلي أن أبو جاك مامات !؟ "
ولا كيف كل هالمعلومات يعرفونها عن جاك ! عن زوجته وعن انه حاول ينقذ زواجه !؟
وعن ان زوجته سعيده !؟

! Fun time !

07-10-2006, 02:33

نقطه أخيره " مين يتوقع مثلي أن أبو جاك مامات !؟ "

مطلعينه من ثلاجه الموتى علشان يتعرف على ابوة وتقول ما مات ..؟

واانا اختلف معك يحب الخيال العلمي او مايحب نباتي او يحب لاكل اللحم كلها اشياء مهمه http://www.vb.eqla3.com/images/smilies/biggrin.gif

والحلقات الجايه راح تبين كل شي

ويـ اخ اهلاوي اتمنى منك ماتخالف شروط الموضوع الي هي الكتابه بـ الابيض http://www.vb.eqla3.com/images/smilies/biggrin.gif

.. sky ..

07-10-2006, 02:40

^
^
ممكن يكون الشايب السكيّر لسى عايش
بس حتى أبوه .. ما راح يعرف كل شي عن جاك !! شفت الملف الي بيد جولييت وش كبره !!
و بعدين وش عرفهم إنو ساره سعيده !!؟

تدرون عاد ..
بديت أفكر جدياً في حكاية الـ reality show :D .. مع إنها صعبـه شوي
أحسها سخيفـه مدري ليـه :rolleyes:
بعد كل هـ الحماس و الألغاز يكون الجواب لكل الحيره إنهم مسوين فيهم مقلب و معيشينهم ببرنامج !!؟
هذا فيـه إنتقاص لعقولنا بصراحـه pb036
شخصياً دام المسلسل فيه شوية "فانتازيا" فمو لازم يكون فيـه جواب منطقي لكل حدث :)
يعني الحين الأدرز لو يطلعون إيلينز اتقبل الموضوع بصدر رحب :D

ع فكـره يا شباب .. تدقيقنا في الكتاب
إذا احد منا قرا الروايـه لاحقاً بيربطها بـ لوست :D
لو ما نطلع من نقاشنا حول الكتاب غير بهـ الشغلـه ;)

تبون نفتح موضوع ثاني !!؟ كذا بيتحول الوضع لـ حـوووووسـه :(
موضوعين و نقعد كل شوي نشيك ع الإثنين !!؟
ترانا عرب :D يعني عجازين :D يعني ع نص السيزون بنجحد الموضوعين خخخخخخخخخخخـ :D

! Fun time !

07-10-2006, 03:02

^

^

جولي قـالت لي جاك انها تدري ان ابوك مات في استراليه
ومعهـا نسخه من تقـرير تشـريحه

فـ ريحي مخك من هـ الموضوع http://www.vb.eqla3.com/images/smilies/biggrin.gif

اما بنسبه لي الكتاب مابي نستبق الاحـداث بس اكيد في سبب لي عدم حب بين لي الخيال العلمي
مع ان كل المعطيات تدل على ان عيشتهم في الجزيرة لي مشروع علمي .
مو بعيدة يكون معطيات المشروع هو عبارة عن خيال علمي .
مع كل المعطيات هذي بين مايحب الخيال العلمي طيب وش تبي في الجزيرة يـ بين

هنـا السـؤال http://www.vb.eqla3.com/images/smilies/biggrin.gif

هــع

الـ reality show لا ماعتقد ابـد مو لي هـ الدرجه يعني .

اهلاوي عرعر

07-10-2006, 03:40

مطلعينه من ثلاجه الموتى علشان يتعرف على ابوة وتقول ما مات ..؟

طيب وين الجثه !؟

KeNdA

07-10-2006, 04:26

صــباح الخــير

صراحه انا انصدمت بالحلقه .. أبدا ماتوقعت مستواها كذا ..

الحين بدو بالخيال وانا وحده ماتطيق شي اسمه خيال علمي ..

اللي صيحني صدق جااك ليه كل هالعذاب له :(

اما سوير يجنن :D

اتوقع مثل ماقال جون لوك إختبار نفسي لكل واحد منهم وكل واحد حطوه بالمكان اللي مختارينه له
على حسب شخصيته وطبيعته ودارسينهم دراسه صح بدليل الأماكن اللي هم فيها

لكن اللي ابي اعرفه وبعدين راح اترك المسلسل اتوقع ..

وش الســر بالتحاليل ؟؟ وليه اخذو منهم دم ؟؟

برق السحايب

07-10-2006, 08:03

تراكم تزعلوني كذا مره
انتم متاكدين انكم شايفين الحلقه ؟

ماشفتوا وشلون بعدت الصورة ووضحت لنا مكان البيوت في الجزيرة ؟
قريتهم محاصرة بين الجبال كانها فوهة بركان :d

ولاحظوا ان الفرنسية كانت تخاف تطلع الجبال عشان البلاك سموك
ولاحظوا بعد ان اخويانا يوم كانوا يمشون من طرف الجزيرة لطرفها الثاني ماكانوا يخترقونها من العمق كانوا يلعبون على الاجنحة :d قصدي يمشون على الساحل عشان مايتوهون :d

وش ذا شكلي بدور ناس تتابع وتركز :d

لا تكون انت واحد من الكتاب وحنا ما ندري بس؟؟ يعني لو كانت محاصرة بين أشجار أولاً وجبال ثانيا محد يقدر يوصلها؟؟ طيب لو كلامك صح هم كيف وصلوا لها ؟؟ لا أنا شكلي بدور واحد أحسن منك يتفلسف أقصد يحلل ويتابع وهو مركز صح ;)

وحدانـــي

07-10-2006, 09:50

أهلاوي عرعر ..

ما أظن أبدا ً إنه أبو جااك حي أبدا ً ، كل المؤشرات تدل على غير كذا !!
إن كان على سالفة وسوسة جاك الظاهر ماقريت ردي ،، الكل وسوس في البداية
وقام يشوف أشخاص يشغلون تفكيره أو مواقف تشغل تفكيرهم .. !!
جاك--> أبوه === كييت -->الحصان الاسود === هيرلي -->الاصلع !
وبعدين زي ماقال فان تايم جولييت قالت عندنا تقرير من المشرحة !!
وجاك شاف أبوه وهو طالع من الثلاجة !! ، أظن سالفة إن أبوه حي صعبة جدا ً ..!!

لكن في شيء آخييرر ، الممثل الي يقدم دور أبو جاااك !!
يعجبني كثير ، أحس إن ادائه مميز خصوصا ً في الحلقة هذي ..
والحلقة اللي جمعته مع سوير في البااار ..

-------------------------

تخيلوا ما يطلع ريالتي شوو ، بس يطلع اختباار لـ شخصياتهم !!
يعني بيدرسون كل شخصية وبعدين بيقولون لهم خلاص ترى كنا ندرس نفسياتكم ..و..و..
ويالله بنجيب لكم طيارة ترجعون :D ،، أستبعدها بس لو تصير بـ تقفل !!
عموما ً حكاية ريالتي شوو صعبة !! ، أولا ً من ناحية الأمواات بعدين الاحداث تفسر لنا غير كذا ..!!

بالنسبة للموضوع والله لو نفتح موضوع جديد ممكن أحسن .!!
سكاي تقولين عجزانه تفتحين الموضوعين !! ، أقولك في ناس عجزانة تضلل :D
لا بس جد ملينا من التضليل ،، هذا غير لو نسى واااحد يحط اللون أبيض شوو ممكن يصير !!! :D

المعاني@@

07-10-2006, 10:18

اتوقع كلنا شفنا الحلقه بس بكتب بالأبيض احتياط :D

للي شاف الحلقه مره وحده
ارجعو وشوفو الحلقه وخاص البدايه

لما صارت الهزه وطلعو الأذرز من بيوتهم كان هنري "بين" هو الوحيد الي يطالع بالسما
وكأنه كان ينتظر هالطياره .. بعد في حاجه ان لما بين قال لأيثين يروح لمقدمة الطياره والثاني يروح للذيل
وبعدها بترتفع الكاميرا لاحظو وين راح ايثان وبعدين بترتفع الكاميرا وبتشوف ان المنطقه الي ساكنه فيها الأذرز محاطه بجبال بستثناء جهه وحده وهي الجهه الي طلع منها ايثان
<< ""معاي ياترا كف;) ""

برضو بآخر لقطه قبل لايجي الثيم للمسلسل " الشاشه السودا الي مكتوب فيها لوست"
تحديدا فوق منطقة سكن الأذرز بتشوف ان دخان الطياره انفصل وهذا طبيعي ان الطياره انفصلت لجزئين
بتلاحظ ان منطقة الذيل قرريبه اكثر للأذرز من المنطقه الثانيه وهذا يفسر ان جماعة آنا لوسيا كانو ألاذرز ياخذون منهم كل يوم على 3 وعلى 9 اشخاص لأنهم كانو يخافون يوصلون لمنطقتهم
وجماعة جاك كانو بعيد عن الخطر تقريبا .. لكن لما سكنو بالكهف ومن بعدها الهاتش وبعدين تقدم جاك وكم واحد عشان يلحقون مايك طلعو لهم الأذرز وقالو لهم هنا الحدود بينا وبينكم ولاحد يتعداها عشان برضو مايبون حد يوصل لمنطقتهم ..
وبالنسبه للشخص الي بالقفص قدام سوير .. اتوقع انه من الناس الي خطفتهم الأذرز من ذيل الطيارهpb036

شغله اخيره مهمه..
ان سكن الأذرز سكن متقدم وحضاري مثله مثل اي مدينه عشان كذا اتوقع انهم كانو موجودين من زمان بالجزيره
وبسكنهم ابد ماشفنا رمز الشركه "الشكل الثماني الي عليه وزه" الي شفناه بالهاتش كثير وشفناه بمخزن الأكل حق ديزموند وبكل حلقه بالموسم الثاني كنا نشوف هالعلامه

شغله اخيره اخيره وماعرفت تفسيرها:sm5:
تذكرون لما لوك انحبس في نص الهاتش طلع له بالباب علامة ثماني الأضلاع وبالنص مكتوب علامة استفهام
وهالشكل كان نفس شعار الشركه الي يشتغل فيها ديزموند بستثناء ان بالنص مرسومه الوزهpb036
تتوقعون هالشي له تفسير..