مـطـبـخ ,,,,,, للـبيــع! [الارشيف] - منتديات شبكة الاقلاع ®

ولد هجرة لبن

07-11-2006, 19:40

أووووووووووءءءءءءءءء <<< صوت فرامل :D
باديء ذي بدء
يالله حي كلن بإسمه bp039
وإن شالله تكونون بخير <<< عسى :D
موضوعي اليوم بستفتحه بسؤال كبر قريح :
(لماذا لا تعرف فتيات هذا العصر الطبخ)؟

و خاصة الأكلات المحتاجة إلى وقت كبير (الأكلات الشعبية)
يعني فرق شااااااااااااسع بين هالجيل والجيل اللي قبله pb093
والشي هذا أكدته لي كذا بنت معي بالمسنجر وبالعمل <<< عشان ما تنقز وحده متحمسه وتقول وش دراك pb071
دايم ما تكون معتمده على أمها وإلا على الخادمه
ومره تعبانه
ومره عندي مذاكره <<< وآخرتها أنواع حمل المواد :D
لا بجد وش السبب؟
يعني الوحده إن تكلفت تكلفت قضتها ساندوتشات
وإلا لزانيا <<< ما أقصدك أبد ياللي في بالي :D

أنا عن نفسي ما أتصور نفسي في يوم راح أتزوج وحده ما تعرف الطبخ
مو موضوع شفاحه مني بس بجد كذا أنا أحس البنت ناقصها شي مهم
المشكله فيه بنات وصلوا لمرحلة إن مجرد دخولهم المطبخ راح يحكم عليهم على إنهم متخلفات
عشان كذا يتحاشونه
وإلا فيه بنات يقولون ليش حنا بس اللي نطبخ
المفروض حتى أنتم يالعيال تطبخون pb036
يعني ما تعرف تطبخ ولسانها طويل بعد pb095
هل لثقافة هذا العصر الدور الأكبر في هذا التحول ؟

أم هي خطةٍ إمبرياليةٍ صهيونيه ؟؟؟ :D

أم هناك أسباب أخرى كامنة ؟؟؟

حيث كانت المهارة في الطبخ من المؤهلات الأساسية لأي فتاة

فيصل القاسم
قناة الجزيره
قطر pb095

زهرة الزنبق

07-11-2006, 20:04

هل لثقافة هذا العصر الدور الأكبر في هذا التحول ؟

اكيد ان العولمه وتقارب المسافات لها دور في اقبال او عدم اقبال البنت على الطبخ>>> بتتصفق:D

بجد البنت حاليا اما طالبه او موظفه بالله من وين تجيب الوقت علشان تقضي اليوم كله

في الطبخ والنفخ

اول الحرمه تكون متفرغه ماعندها شي تسويه يمكن بعد تعتبر مطبخها مكانها المفضل

الوقت تغير ماعاد ذاك الزمن الي البنت تحبس نفسها بين جدارن المطبخ

صحيح ان لازم الوحده تطبخ على الأقل حتى لو تعرف الاكلات الأساسية لكن مو معنى هذا ان نحصر دور

المرأة في الطبخ والمطبخ فقط

احيانا البنت زوجها \ اخوانها اكبر سبب يخلونها ترفض تطبخ

المسكينه تتعب في الحر والمطبخ وتتكسر رجولها وهي واقفه وبعد ماتحط الأكل تسمع ذيك التعليقات

الي تحبطها مره الاكل مالح ومره مافيه ملح

حتى يستكثرون عليها كلمه الله يعطيك العافية

ولد هجرة لبنbp039

je t'aime

07-11-2006, 21:14

مرحبا

تصدق اني ذاك اليوم اسأل وين هجرة لبن هذي

لاني بصراحه حبيتها منك

عموما ماعلينا

بس ترى الغالب البنات يتعلمون الطبخ بفتره الزواج ولا أثناء الزواج حبه حبه
موجود عندهم هالحس
وترى في بعض البنات اذا قلت لها مطبخ .. قالت ياي وشو هذا اول مره اسمع فيه اشوف امي تقوله ذاك اليوم << وهي تلقاها مسنتره فيه 24 ساعه بس يعنني ياي : >

لكن المسألة اذا تزوج الشخص وكان حاب حرمته تطبخ اكيد لازم يصبر عليها لو كانت ماتدري
واللي ماتعرفه اليوم تعرفه بكره بس اهم شي ماتدخل هي بنفسها انها انسانه رفلا بهالأمور

وثانكيو

ثلج بارد

07-11-2006, 21:26

صحيح ان البنات اغلبهم مايعرف يطبخ

بس مثل ماقال اخوي je t'aime

اذا جاء الزواج

تحس البنت وتتعلم الطبخ :rolleyes:

وشوي شوي لين تتعلم

اما اذا كانت مو حابه مره الشغله

والزوج عارف قبل الزواج انها كذا

اتوقع انه يتحمل مايجيه

ويطق له طباخه وشغاله قبل الزواج :D

مشكور اخوي ولد هجرة لبن

F a i t h

07-11-2006, 23:25

صباح الخير ..bp039

هل لثقافة هذا العصر الدور الأكبر في هذا التحول ؟

أكيد ..نفس ماقالت زهرة الزنبق ..

حريم منول تقوم من الفجر .. إلين مايجي الظهر تكون فاضية ..

فتحاول تضيع وقتها بالأكلات الصعبة ..مثل المرقوق والجريش ..

وباقي الأكلات اللي تاخذ وقت ومجهود.. :rolleyes:

أم هناك أسباب أخرى كامنة ؟؟؟

إيه .. أول شي الطبخ نفسية ومزاج ..

يعني أذا الوحدة ماودها تطبخ وطبخت..

بيطلع الأكل ماصخ مدري شلون ماله طعم pb093 << اسألوا مجربة pb095

ثاني شي .. إن البعض يتشرط ويطلع عيوب بالأكل ..

وهذا الشي راح يثبط من عزيمة المرأة .. للأسف :sm12:

وبعدين وشفيها النواشف الشكشوكة و المكرونات والسلطات والرز الابيض ..

سهلة التحضير + تفي بالغرض

مااقول انها ماتتعلم طبخات ثانية ..لكن بالتدريج ..

مشكور أخوي على الموضوع bp039

قـَٱرّوُرَة ْ بـِيَّـبسِّيْ

08-11-2006, 00:23

Day 25

08-11-2006, 01:25

أم هي خطةٍ إمبرياليةٍ صهيونيه ؟؟؟
اشك ان هذا المسبب لعدم معرفة البنات بالطبخات ..!؟

على طاري المطبخ خطبت امي بنت من بنات الناس وقالت امهم ترى بنت ما تحب تطبخ ولا تشتغل مثلك عارف البنات التاليات ما منهم منفعه قالت امي اجل خليها عندك لين تعرف تطبخ وتشتغل ....

بنات التاليات حدهم اندومي ويخب ....

فراس

08-11-2006, 11:27

حياك أخوي ولد هجرة لبن ...

بالنسبة للطبخ أنا ما يهمني إن زوجة المستقبل تعرف تطبخ ...

بس يعني لو حتى تسوي شي بسيط مو مشكلة ...

وبعدين أنا الحمد لله أعرف أطبخ ...

وبعدين ترى الطبخ زي الكورة حالة نفسية يعني غذا ماكن بمزاج يطلع الأكل الله يكرم النعمة ...

لكن إذا الطبخ كان من قلب تطلع ألأكلة شي حتى لو حطت بدل الملح سكر <<< عيون تناظر خطيبته ...

موضوعك حلو يا ولد هجرة لبن ...

بس مدري أحسك تعاني من هالشي ...

تحياتي ...

Maja

08-11-2006, 11:48

خطةٍ إمبرياليةٍ صهيونيه

:d

ضحية صمت

08-11-2006, 12:20

بارك الله فيهن..

~ البروفسور ~

08-11-2006, 13:16

(لماذا لا تعرف فتيات هذا العصر الطبخ)؟

لأن الوضع اختلف .. البنات صار عندهم اهتمامات وفتح لهم المجال..
تروح تتعلم و تتوظف ..

مو مثل قبل يعني .. :rolleyes:

لكن بعد الزواج .. تستحي من نفسها وتتعلم شوي شوي :D

أكثر اللي مايعرفون يطبخون إذا تزوجوا تعلموا ..
والحين بعد حتى الزوج يطبخ وتلقاه يعرف طبخات أكثر من البنت :) ..

شكراً أخوي ولد هجرة لبن على الموضوعbp039

رااايقه بقوه

08-11-2006, 13:25

شي بقولك معلومه هااااامه جدا

تقولي الاكلات المحتاجه لوقت كبير (الاكلات الشعبية)

بغيت اصحح لك هالمعلومه

طبخ الاكلات الشعبيه يستغرق وقت اقل من الاكلات الاخرى

مثلا
ورق العنب ياخذ اضعاف الوقت بالنسبه للمطازيز

اللازانيا تاخذ ضعف الوقت بالنسبه للجريش

الكبه والكفته تاخذ اضعاف الوقت بالنسبه للمرقوق

[SIZE="5"][COLOR="DarkOrchid"]هل لثقافة هذا العصر الدور الأكبر في هذا التحول ؟

أم هي خطةٍ إمبرياليةٍ صهيونيه ؟؟؟ :D

أم هناك أسباب أخرى كامنة ؟؟؟

حيث كانت المهارة في الطبخ من المؤهلات الأساسية لأي فتاة
pb095

فيه اسباب كثيره تخلي الوحده تبعد عن المطبخ
اول شي انشغالها بالدراسه او الوظيفه
مع العلم اني ما احسه سبب انها تبعد نهائي عن المطبخ
والمطاعم ما قصرت كل شي تحت الطلب
حتى السوبر ماركت صاروا يتفننون بالمنتجات الغذائيه يعني طبخه جاهزه بس دخلي الفرن وانتهت الطبخه
واحيانا يكون السبب جوهري
يعني تحط في بالها ان المطبخ انتقاص لنفسها
وانها المفروض ما تعرف شي اسمه طبخ مع العلم انه فن
ما ادري هذا اللي اعرفه من الاسباب ولو فيه شي ثاني برجعواخيرا

ولد هجرة لبن bp039

ما قصرت يالمشفوح:D على هالطرح الحلو
وسلم لي على راعية اللازانيا
اجل لازانيا :eek: والله فنانه:sm5:

ولد هجرة لبن

08-11-2006, 14:06

زهرة الزنبق bp039

بجد البنت حاليا اما طالبه او موظفه بالله من وين تجيب الوقت علشان تقضي اليوم كله

في الطبخ والنفخ

اول الحرمه تكون متفرغه ماعندها شي تسويه يمكن بعد تعتبر مطبخها مكانها المفضل
من جدك pb036
من قال لك حريم قبل كانوا فاضيات ؟
بالعكس كانوا مشغولين بالزاف <<< وش عند العربي الصديق :D
تلقين البدويه ناشبتن بغنمها وإبلها
والحضريه ببقرتها ومزرعتها
ومع ذلك ما كان يعلى عليهم في الطبخ :rolleyes:

ولد هجرة لبن

08-11-2006, 14:25

je t'aime bp039
هلا وغلا
حلو إذا الوحده بتجي على نفسها وتتعلم إستعداداً لزوجها
بس المشكله البنت اللي عندها نظرية ( ما طبخت في بيت أهلي عشان أطبخ لك ) :rolleyes:

على فكره هجرة لبن بجنب حي السفارات
ويشرفني إنك تسير علي وتزورني pb189
<<< تراه وحداني :(

ولد هجرة لبن

08-11-2006, 14:35

ثلج بارد bp039

اما اذا كانت مو حابه مره الشغله

والزوج عارف قبل الزواج انها كذا

اتوقع انه يتحمل مايجيه

ويطق له طباخه وشغاله قبل الزواج
افففففففففف
يعني مهر
وقاعه
وشبكه
وبيت
وفوق كذا شغاله و طباخه بعد :rolleyes:
خير إن شالله :D
عز الله ما كملت معها سنتين إلا هي تزاورني في الحاير :D

ولد هجرة لبن

08-11-2006, 14:48

F a i T h bp039

إن البعض يتشرط ويطلع عيوب بالأكل ..

وهذا الشي راح يثبط من عزيمة المرأة .. للأسف
ما أعتقد أحد بيجيه أكله متعوب عليها ويقعد يعذربها :)
وبعدين وشفيها النواشف الشكشوكة و المكرونات والسلطات والرز الابيض ..

سهلة التحضير + تفي بالغرض

ما فيها شي بالعكس الأكلات اللي ذكرتيها صحيه أكثر ;)
بس تخيلي زاروك أهل زوجك وش بتسوين لهم؟
لا تقولين بنجيب من براا
ترى زيارات أهل الزوج هي اللي تبين إذا كانت الزوجه سنعه أو لا :)

ولد هجرة لبن

08-11-2006, 15:00

قروره ببسي bp039

موضوع كثير الاحظه بالعيال لهدرجه تتزوجون على شان تاكلون ... يعني صارت شغاله موب زوجه..

تخيلي عاد !!!
طول عمرنا ميتين جوع وملحطين فصار حلم حياتنا إننا نتزوج عشان تطبخون لنا :rolleyes:
وبعدين موب من واجبات المراه انها تطبخ لرجلها ...(حطوها باذانيكم)

جواب نهائي :D

لافندر

08-11-2006, 15:03

: : :

(لماذا لا تعرف فتيات هذا العصر الطبخ)؟

ببساطة :) , ومن وجهة نظري ,

البنت تتعلم الطبخ عشان الزواج , و أنا ما أظمن عمري هل بتزوج وإلا لا , متى ما جا النصيب تعلمت , ليش أغث عمري من بدري :)

: : :

** ملاحظة للبنات : أريح للبال جربي اطبخي مرة , شوفي هل سهل عليك تتعلمين , جربت من فترة وسويت مكرونه باشميل :) .. وعرفت إنه لو اشتهيت أطبخ طبخت , كل السالفة كتاب أفتحه وأسوي الي فيه :) ومع الوقت تتمرسين على السالفة .
: : :

7
7
7

سارة 2006 ,, تراي بنت :( , قا

نور الدنيا

08-11-2006, 15:13

** ملاحظة للبنات : أريح للبال جربي اطبخي مرة , شوفي هل سهل عليك تتعلمين , جربت من فترة وسويت مكرونه باشميل .. وعرفت إنه لو اشتهيت أطبخ طبخت , كل السالفة كتاب أفتحه وأسوي الي فيه ومع الوقت تتمرسين على السالفة .: : :

اكيد سهل الطبخ ياوخيي مايبيله شي بس المشكله موب هينا المشكله العجز بيني وبينك اشيل هم كبير اذا دخلت المطبخ حتى لو بغيت اصلح قهوه ازمل

مثل ماتزمل انت تشغل السياره :D

ولد هجرة لبنbp039

نكهتي-اوروبية

08-11-2006, 15:35

انـا من وجـه نظري مو شرط البنت تتعلم كل شي تتعلم اشياء اساسيـة ...

بعدين حنـا نحب ناكل من ايديكم.. مو شرط الطبخه حلوه او لا >> برايفت للبنـات (:

وبعدين البنت من رايي ماتدخل المطبخ الا باوقات محدده .. مو كل الوقـت فيه .. لانه بعضهم عندهم ادمان للمطبخ ..

ولد هجرة لبن .. اشكرك على الموضوع واشكرك على إثارة النقـطـه هذي ...

ولد هجرة لبن

08-11-2006, 18:15

Day 25 bp039
خخخخخخخخخخخخخخخخخخخخخخ
أجل البنات التاليات؟!!
المشكله هالأم اللي تقول كذا عن بنتها هل هذا هو رأيها بعد إذا جت تخطب لولدها ؟؟؟
وإلا بتمتحن بنت الناس pb093
يا سلام على التناقض

طايرتن بالعجه

08-11-2006, 18:16

اخوي مو كل البنات طبعا

عندك انا صدق مو شاطره لكن اطق طق في المطبخ

جتني عقده وبديت اون واصيح واقول ليش ما اعرف اطبخ

وشريت لي كتاب وصرت امشي عليه وطبعا الفضل لاخوي لانه يشجعني وياكله لو انه ما ينوكل

اذكر مره طبخت مكرونه يمكن ماجلست لها خمس دقايق الا سكرتها الاهل ينتظرون هالمكرونه

وعندهم مجلد للكلمات التشجيعيه الا صارت هالمكرونه قاسيه وماتنوكل وطبعا اخذت لي من هالكلام وتفخ راسي

وماصار لي يومين الا عدت للكره وطبخت نفس المكرونه بس هالمره تركتها اكثر وعجبتهم

والحين بلبل طبخ <<<<< كثري منها

ســـــــــــــــــلام

ولد هجرة لبن

08-11-2006, 18:20

Maja bp039
أنا ألت كدا برضو pb095
.
.
ضحية صمت bp039
ونفع بهن :)

ولد هجرة لبن

08-11-2006, 18:35

~ البروفسور ~ bp039
ما أعتقد تغير الوقت له هذاك التأثير
يا ما فيه بنات عواطليه لا دراسه ولا شغل ومع ذلك تخصصهم دش ونت :rolleyes:
بعدين أنت قلتها
الوحده ما تتعلم إلا إذا طروا لها العرس :D

ولد هجرة لبن

08-11-2006, 18:46

رااايقه بقوه bp039
أشهد إنك رايقه وبقوووه :D
أجل كبه و ورق عنب pb095
يا وخيتي أنا عملت مقارنه بين جيلين
عشان كذا ضربت الأكلات الشعبيه كمثال

ما قصرت يالمشفوح على هالطرح الحلو
وسلم لي على راعية اللازانيا
اجل لازانيا والله فنانه
الله يسلمك :D
<<< يقول لو تدرين وش سالفة اللازانيا pb095

Mute Love

08-11-2006, 19:12

هلا والله بولد وادي لبن << اطلع برى تكفى:D
تبي السبب
لانها تتفرج على التلفزيون وانها مدلعه <<وده يسوي مشكله :D
لااااع امزح والله اني امزح
والله انا مااعرف السبب بالضبط <<طيب ليش ترد pb192
بس ممكن نفسيه
زي شيبانا الاولين كانوا يرعون ابل وغنم وحنا الحين مانرعاها لانهاا نفسيه :D <<تكفااا طلع الشبه

الموووهيم عندي ابي اعلق على رد اخوي فراس
انا اعرف اطبخ ومايضبط الكبسه ولا الاكل مع طلعة الشباب الا انا :D
بس مهوب معناتها اتزوج وحده ماتعرف تشغل الغاز ولا تغثني بالاندومي ويصير كل اكلي اندوومي ولاتسوي ماجي مع مويه <<ترا ماكان يسويها قبل:D
تكفااا وضحلي ردك وش تبي توصله
تبي تقول انك بتتزوج وحده ماتعرف تطبخ تجلس هي الله يسلمهااا وتتفرج تلفزيون <<لاحظ ان الزوج ماهوب متحجر:D
وانت تطبخلهااا pb192
وطبعاا انت عااطل ماعندك شغل ياااخي خلك وااقعي تكفااا
بالعقل قد شفت رجال يطبخ لزوجته؟ في مجتمعنا الغالي
تخيل يجيكم ضيوف تروح انت تطبخ ؟ وهي تصب لهم القهوه
لاتزعل مني بسس ردك ماهوب وااقعي ابد تحياتيbp039

عوده للموضوع
تسلم حبيبي على موضوعك الحلوbp039 bp039

الجامحة

08-11-2006, 19:17

احم احم :sm18:
اسمع بكون معك صادقه لاقصى الحدود :D
جد جد ماني متخيله اني اطبخ سموها رفاله دلع قله دبره اللي تبون سموها
بس جد اكره الطبخ وتجيني حاله نفسيه اذا دخلت المطبخ pb036
ياخي تخيل ترتفع درجه حرارتي واحس ملابسي تضيق علي واحس ان الدنيا مافيها خير pb036
ياربي اشك اني منظوله حتى اهلي يوم شافوا حلقت طاش جلسوا يستهبلون علي ويقولون مثلك pb036
بعدين لاتربطون الطبخ بالزواج <<<< خافت
اعرف كثير مايعرفون يطبخون ومبسوطين مع رجالهم واعرف كثير سنعات ومافيه مثلهم بالطبخ ومطلقات وعوانس
واعرف كثير سنعات ومبسوطين بس مانيب منهم للاسف :D
اللي ابي اوصله اقطعوا هالسيره ترا قسم اتكدر وانا اسمع طاري الطبخ والنفخ :(

ولد هجرة لبن

08-11-2006, 19:17

فراس bp039
وجهة نظرك وأحترمها
بس أنا تكلمت على العموم
مو كل الشباب يعرفون يطبخون
وحتى لو كان بعضهم ملم ببعض الأكلات أعتقد إنه ماراح يطبخ لها كل يوم :rolleyes:
يعني ممكن يريحها يوم ويقول أنا بذوقك أكلي ويسوي سبيشل دنر وحركات pb095
بس مو دايم
بس مدري أحسك تعاني من هالشي ...

أعاني وإنت في دنياك هاني <<< الله يذكر أيامك يا فتى رحيمه بالخير pb189
الحين أنتم شفيكم علي :D
اللي يقول تعاني من هالشغله واللي يقول أنت مشفوح
يعني الواحد ما ينزل موضوع إلا إذا كان يعاني منه؟
يا فراس مشكلة البنات والطبخ مشكله خطيره راح يكونون ضحاياها الأجيال القادمه من بني جنسنا <<< على هالكلام تحسه قائد كوكب المريخ ويبي يحتل الأرض <<< أبو الأفلام اللي لاعبه في راسك يا شيخ pb095

ولد هجرة لبن

08-11-2006, 19:36

لافندر bp039
لا تخافين بتتزوجين إن شالله :D
حلوه خل أضمن أول أتزوج بعدين أتعلم الطبخ :rolleyes:
** ملاحظة للبنات : أريح للبال جربي اطبخي مرة , شوفي هل سهل عليك تتعلمين , جربت من فترة وسويت مكرونه باشميل .. وعرفت إنه لو اشتهيت أطبخ طبخت , كل السالفة كتاب أفتحه وأسوي الي فيه ومع الوقت تتمرسين على السالفة .

لا تسمعون كلامها يا بنات تراها تبي تدهور مستقبلكم pb095

ولد هجرة لبن

08-11-2006, 19:43

نور الدنيا bp039

اكيد سهل الطبخ ياوخيي مايبيله شي بس المشكله موب هينا المشكله العجز بيني وبينك اشيل هم كبير اذا دخلت المطبخ حتى لو بغيت اصلح قهوه ازمل

مثل ماتزمل انت تشغل السياره
شوفي موضوع ( عجز البنات ) الشهيييييير يبي له موضوع لحاله :D
بعدين من قال لك إني أزمل من تشغيل السياره pb036
أنتي هاتي وجه يساعد و والله ما عاد أنزل منها pb095

* على فكره إسمك الأول أحلى <<< محد طلب رايك :D

ولد هجرة لبن

08-11-2006, 19:53

نكهتي-اوروبية bp039
أكيد ما نبيهم ينامون في المطبخ :)
بس على الأقل يضبطون الشغله اللي بيسونها

.
.
طايرتن بالعجه bp039

عندك انا صدق مو شاطره لكن اطق طق في المطبخ

جتني عقده وبديت اون واصيح واقول ليش ما اعرف اطبخ
هذي مو عقده وأنا أخوتس :rolleyes:
هذا ضميرك الحي والفطره السليمه اللي بداخلك :D
اذكر مره طبخت مكرونه يمكن ماجلست لها خمس دقايق الا سكرتها الاهل ينتظرون هالمكرونه

وعندهم مجلد للكلمات التشجيعيه الا صارت هالمكرونه قاسيه وماتنوكل وطبعا اخذت لي من هالكلام وتفخ راسي

وماصار لي يومين الا عدت للكره وطبخت نفس المكرونه بس هالمره تركتها اكثر وعجبتهم

أكيد الأكل يبي له نفس وطولة بال مو شغلت قل به قل به
حتى فيه مثل يقول :
( الشي إلى زيـن زان ) <<< مثل يوغسلافي :D

ولد هجرة لبن

08-11-2006, 19:59

Beet-Hoven bp039
يسلمو على الطله والمرور
أنا فاهم على أخوي فراس
وبالعكس هو ماقال شي غلط
حلو إنك تفاجىء زوجتك وتكسر الروتين شوي
بس مستحيل يكون هالشي على طول
إرتباطاتك وإلتزاماتك كرجل ما تعطيك وقت أصلاً

ولد هجرة لبن

08-11-2006, 20:06

الجامحة bp039

احم احم
اسمع بكون معك صادقه لاقصى الحدود
جد جد ماني متخيله اني اطبخ سموها رفاله دلع قله دبره اللي تبون سموها
بس جد اكره الطبخ وتجيني حاله نفسيه اذا دخلت المطبخ
ياخي تخيل ترتفع درجه حرارتي واحس ملابسي تضيق علي واحس ان الدنيا مافيها خير
ياربي اشك اني منظوله حتى اهلي يوم شافوا حلقت طاش جلسوا يستهبلون علي ويقولون مثلك
بعدين لاتربطون الطبخ بالزواج <<<< خافت
اعرف كثير مايعرفون يطبخون ومبسوطين مع رجالهم واعرف كثير سنعات ومافيه مثلهم بالطبخ ومطلقات وعوانس
واعرف كثير سنعات ومبسوطين بس مانيب منهم للاسف
اللي ابي اوصله اقطعوا هالسيره ترا قسم اتكدر وانا اسمع طاري الطبخ والنفخ

:D :D :D :D :D :D :D :D :D :D :D :D :D

خمسطعش

08-11-2006, 23:14

:::

انت كويس ..

موضوعك مهضوم وااجد يازين اسلوبك ..

:::

تدري وش الاسباب :

- الدلع

- الدلع

واجلس اكتب دلع الى بكره ..

:::

ايقونه

09-11-2006, 01:14

يوم قريت العنوان قلت في نفسي مسكين يبي يبيع مطبخه اكيد محتااااج ونويت ارسل للك عالخاص اشتريه بس

هونت يوم قريته هههههههههههههههه :D

لازااااااااانيا تخصصي يجون خوالي من الجنوب عشان ياكلون من طبخي خخخخخخخخخ :) الله ياني جيعاانه

شوف اخويه انا تزوجت مااعرف اسوي قهوه والله بس تتدربت على زوجي المسكين :sm1: بعد زواجنا بشهرين

قالي تريني زهقت من اكل المطاعم جاني اسهال ابي طبخ وطلب كبسه عاد اليوم الثاني صحيت ورحت للمطبخ

وقفلت علي انا والشغاله في المطبخ بالمفتاح عشان لايكشفني وقلت تي تي بسرعه سوي كبسه لالا وادفها من

ظهرها بسرعه بسرعه وهي تخبص اصلا ماهي فاهمه عربي بس اندوشت من رجتي وخلص الاكل وناديت زوجي

المصون ويوم اكل الي وتغير شكله :sm3: وزعل وراح جاب اكل من برى قالي الله يذكرك بالخير يمه وينك عني

والله لو شفتون الكبسه الدجاج من جوه دم والرز قااااااااااسي ومافي ملح ولا صلصه ولا بهارات لالالالالا ويسبح

في المرق شئ عجيب ههههههههههههه لالا وفطرته مره بيض كان كله قشره ومحترق :D

والله ياهوووووووو عانى معي كثير لذللك انصح البنات يتعلمون الطبخ لان الزواج درس كبير لازم نذاااااااكر

كويس قبل ندخله عشان نتفوق ونحوز على قلب الرجل pb189

ولد هجرة لبن مووضوع حلو ومهم اقول وش اخبار السوق الاخضر هههههههههههههههههههههههههههههه

مع تحيااااااااااات الشيف ايقونه بلا فخرررررررررر pb071

وحدة مالها حظ

09-11-2006, 02:20

:D :D :D :D :D :D
بصراحة دخلت وانا متحمسة ابي اشوف وش هالمطبخ الي للبيع اثر الموضوع طبخ ونفخ:sm1:
تبي الصراحة اخوي المطبخ الصراحة يطفش والاهين موصعبة الوحدة تتعلم اكلات وتطبخ
وبالنسبة للاكلات الشعبية بصراحة شغلة زي الجريش لازم يندق والمرقوق ينعجن ويتسوى وشغلانة الله يعافي المطاعم
والمشكلة الوحدة لودخلت المطبخة ومتحمسة تسوي شيء بصراحة ماتلقى كلمة تشجعية مثل يازين الطبخة والله يعطيك العاافية
ماعندكم يالسعوديين الا وش فية الملح ناقص اوليش ماصخ اومانيب مشتهي اكل الحين pb095
وموعيب الرجال يتعلم الطبخ افرض تزوجت وحدة وجتها فترة ظروف كم شهر ماتقدر تطبخ لازم تساعدها صيرو سنعين زي الاجانب فية تعاون>>>>>شكلها بتتصطر:D
وبعدين ياما فية بيوت فيها حريم سنعات بالطبخ وفشلت وياما فية بيوت فيها بنات مايدبرون بالمطبخ كثير وماشاءالله سعيدين

المسبووهه

09-11-2006, 02:37

على حسب الام ..

اذا هي من النوع اللي يدلع .. اعرف ان البنت بتطلع مدلعه http://vb.eqla3.com/images/smilies/biggrin.gif << لا جبتي شي جديد !! خخخ http://vb.eqla3.com/images/smilies/biggrin.gif

لاعاد جد جد .. اعرف ناس , مدلعين بناتهم اخر دلع .. البنت ماتعرف تسوي الا قهوه .. وتحوم التسبد < ذايقتها انا وقسمن http://vb.eqla3.com/images/smilies/biggrin.gif

شف بقولك انا اول ما اعرف اطبخ .. مهوب عجز ولا دلع < امحق والله ماشفت الدلع ياحياتي يا انا بس !! http://vb.eqla3.com/images/smilies/biggrin.gif

بس امي ترا ماكانت تعتمد علي ..يعني ندخل المطبخ انا وامي سوا .. ماتقولي من اول مره سوي جريش والا رز http://vb.eqla3.com/images/smilies/Looking_anim.gif

اول شي بديت في السلطات .. الاشياء الخفيفه ..بعدين تعلمت باقي الطبخات ..

يعني الشي يبدى متدرج ... وبعدين الطبخ يبيله نفس ..

مب تجيك بنت طاقتها ام العبيد تقولها اطبخي خلاص بقولك من الحين ان طبخها بيطلع شين http://vb.eqla3.com/images/smilies/biggrin.gif

نصيحه :

بنات لايفوتكم كتاب ام عبدالعزيز ( اطباق النخبه ) مدري ( نخبة الاطباق ) المهم اللي هو http://vb.eqla3.com/images/smilies/biggrin.gif

يعطيك العافيه ولد هجرة لبن .. موضوع ملموس في المجتمع http://vb.eqla3.com/images/smilies/biggrin.gif < حسيت اني شي وانا اقول ملموس

شمس الاصيل

09-11-2006, 02:46

اللازانيا تاخذ ضعف الوقت بالنسبه للجريش

الكبه والكفته تاخذ اضعاف الوقت بالنسبه للمرقوق

الحين اللازانيا تاخذ وقت أطول من الجريش في طبخها ؟؟

لا عز الله الله فلحتوا في الطبخ !

قـَٱرّوُرَة ْ بـِيَّـبسِّيْ

09-11-2006, 03:34

جواب نهائي
ايه جواب نهائي واذا موب مصدق افتح الكتب واقرا ...
يكون لك علم اللي قايلته دكتوره بالدين...

نكهتي-اوروبية & فراس
تسلمون على الرد السكر..<< ليت كل شبابنا مثلكم

<<< يقول لو تدرين وش سالفة اللازانيا
وش سالفتها << وش دخل ابوك

Beet-Hoven
فراس قصده ان عادي لو ساعدتها يوم وشجعتها على تعليم الطبخ ...<< وش دخلك

قد شفت رجال يطبخ لزوجته؟ في مجتمعنا الغالي
ايه قد شفت وياكثرهم ...
<< ماتنعطا وجهه

حنّو

09-11-2006, 04:03

ماضرنا تزوجنا مانعرف نطبخ والحين صرنا اقدع من الشيف رمزي<<<قويه صح :)

مايعيب البنت اذا ماتعرف للطبخ

اما اذا تزوجت غير لازم تتعلم الطبخ وفنونه

لعيون الحبيب ندخل المطابخ :(

بس بصراحه شينه من الحرمه يجي الرجال جوعان وكارف من الصبح ومابلقى شي ياكله او الشغاله طابخه له مالذ وطاب بالاندونيسي :)

مثل ماانا ابي منه امور احتاجها واتمنى انه يحققها لي

لازم انا بالمثل اعطيه لو ابسط حقوقه :)

رااايقه بقوه

09-11-2006, 05:52

أعاني وإنت في دنياك هاني <<< الله يذكر أيامك يا فتى رحيمه بالخير pb189
الحين أنتم شفيكم علي :D
اللي يقول تعاني من هالشغله واللي يقول أنت مشفوح
يعني الواحد ما ينزل موضوع إلا إذا كان يعاني منه؟

وشفيك عصبت:D
والله قلت انك مشفوح من باب الدعابه:D
رحمتك حسيت انك جوعان وانت تكتب هالموضوعpb093
صراحه ما الومكpb093
لان راعي المطاعم بجد حالته ميؤوس منهاpb093

الله يرزقك ياللي تملا بيتك طبخات اشكال والوان وتخليك مربرب:D bp039 bp039 bp039 bp039 bp039

نيوو لوك

09-11-2006, 06:24

^
^
^
^
آاااااااامين يارب

شف انا واعوذ من كلمة انا :D ولله الحمد اعرف اطبخ يعني ماراح اتفلسف واجد;)

المساله معتمده على صبر الرجل وسعة صدرهpb192 يعني اذا كان مرتاح مع زوجته راح يصبر لين تتعلم الطبخ حبه حبه

ويساعده في بعض الاشياء اللي ماتعرفه ويشجعه ويشد من همته علشان ماتتحطم:( لان حنا ولله الحمد حساسين:D

واي كلمه تهزنا وتزعلنا :sm1: فرفقا بالقوارير ايها الشباب:D

اما الرجل اللي من الاصل ماارتاح مع زوجته اكيد راح تكون علثته انه ماتعرف تتطبخ عشان يطلق او يتزوج ثانيه:mad:

ولد هجرة لبنbp039 bp039

[نـدى الـروح]

09-11-2006, 07:20

حقــيقة ولا حــاجة لي أن أكذب ...
مــر على زواجي (..)سنوات ..ولم أُجـِــد فــن (الطبخ) إطلاقاً...والـفن ليس لكل أحد البراعة فيه
بل حـــتى أقــل الأكلات صـــعوبةً لا أتقنهــا....
أفـــرح كثيراً عندما يصفق لــي زوجي ويرقــص طربــا بعد طهـــي أكــلة ( الأندومي)...
لن أقص أقصوصة عن محاولاتــي الفاشلة ...

لكني حقيقة ...أتمنى يأتي اليوم الذي أطـــهو فيه ببراعة فقط لأسْـــعِد زوجي وأولادي......

J w A n A

09-11-2006, 08:11

أحب أنبهلك على شغله ، أن الطبخ نفس ومزاج بعد
والله أني أعرف وحده مزوجه بنت وولد وأنك ماتقدر تأكل الملوخيه ولا الباميه من تحت يدها :rolleyes:

بالمقابل في بنات وربي ماتشبع من طباخهم
ولايغرك الكلام وههالسوالف

اذا جاء الجد ، البنات يطلع منهم :D
أشكرك
bp039

Not 4 SaLe

09-11-2006, 08:37

.
هل تعرف كيف تخرف النخله اخوي ولد هجره لبن :D
ولا تخلي السواق ولا المزارع اذا كنت يااي يخرفه لك
وهل تتوقع ان عاداتنا القديمه بارت حين اصبح الاجانب يتدخلون في خرف تمرنا :D
،،

نجدية حجازية

09-11-2006, 08:47

الموضوع ماياقف عند نقطة ( الهواية) لا والله ان الموضوع اكبر من كذا
فيه بنات مايعرفون يطبخون وزيادة على كذا مايعرفون يرتبون بيتوهم الدنيا حوسه والصاله مكركبة ....الخ <<< هذي عاد بتاكل على راسها شماته وحش من زوجها واهله لين تشبع هذا ثانيا لانها اولا بتكون في نظر زوجها فاشله وبقوة
فعلا بنات ترى ولد هجرة لبن قال الحقيقه .. لازم الوحده تتزوج وتدخل وهي عارفه على الاقل اساسيات تبني عليها حياتها العائلية
نصيحه للكل
لاتخلين احد يلقى عليك شي في ترتيبك وبيتك

الموت اهون

09-11-2006, 10:11

انا من البنات اللي تزوجت ما اعرف الا الشاهي والبيض حتى القهوه ما اعرفها..والله ما أثربشي؟؟
بس من جد الوقت والظرووف كفيله انها تعلمك كل حاااجه غصب عنك!!
وبعد يعتمد ع الزوج لازم يصبر شويه ويهدي باله ويمشي الامووور ويساعد الله لا يهينه..
واذا يحب زوجته والله راح ينعمي عن طبخ وغيره<<<<ماتقصد شي.....

orangah

09-11-2006, 12:01

ولد هجرة لبن يقربلك ابوي شي :D يقول ماله داعي المطبخ pb095

شوف بتكلم لك عن نفسي انا الحمدلله اعرف اسوي الشاهي والقهوة والساندوتشات !<<<<<سنعه مره :D

من الاكلات المكرونه عموما و مكرونه بالباشميل pb189 لأني احبها pb095 ..

اتذكر قد سويت فطاير .. حلى بس نسيتهم الحين:D

وساعات تمسك معي اطبخ طبخات واطبخها بس هالمسكات تقدر تقول "في السنه حسنه" !:D ومب دايم ... اكره المطبخ بشكل عام :(

الطبخ بالنسبه لي "مزاج" وهالمزاج يسير من سنه لسنه زي ما قلتلك !! واحب اذا طبخت تضبط الطبخه ما احب اي كلام يضيق صدري اذا ما نجحت pb131

واذا اعرسنا ذيك الحزه تسنعنا خلنا الحين نرتاح شوي !!

اورنجه...

ولد هجرة لبن

09-11-2006, 15:20

mr_m999 bp039
طلتك هي الحلوه يا بعدي bp039
وأنا أؤيدك في سالفة الدلع pb111
وإسمحلي أضيف عليها
الرفاله
الرفاله
الرفاله :D

ولد هجرة لبن

09-11-2006, 15:29

ايقونه bp039
8
8
نموذج حي :D

يوم قريت العنوان قلت في نفسي مسكين يبي يبيع مطبخه اكيد محتااااج ونويت ارسل للك عالخاص اشتريه بس

هونت يوم قريته هههههههههههههههه
<<< عزوبي ما عنده مطبخ عشان يبيعه :rolleyes: <<< الله يخلي مطعم زهور لبنان بس :D

شوف اخويه انا تزوجت مااعرف اسوي قهوه والله بس تتدربت على زوجي المسكين بعد زواجنا بشهرين

قالي تريني زهقت من اكل المطاعم جاني اسهال ابي طبخ وطلب كبسه عاد اليوم الثاني صحيت ورحت للمطبخ

وقفلت علي انا والشغاله في المطبخ بالمفتاح عشان لايكشفني وقلت تي تي بسرعه سوي كبسه لالا وادفها من

ظهرها بسرعه بسرعه وهي تخبص اصلا ماهي فاهمه عربي بس اندوشت من رجتي وخلص الاكل وناديت زوجي

المصون ويوم اكل الي وتغير شكله وزعل وراح جاب اكل من برى قالي الله يذكرك بالخير يمه وينك عني

والله لو شفتون الكبسه الدجاج من جوه دم والرز قااااااااااسي ومافي ملح ولا صلصه ولا بهارات لالالالالا ويسبح

في المرق شئ عجيب ههههههههههههه لالا وفطرته مره بيض كان كله قشره ومحترق
طيب أمانه معك
ما تمنيتي في هاللحظات العصيبه في تاريخ الأمه :D إنك تعلمتي طبخ قبل الزواج ؟
هذا قصدي من الموضوع

والله ياهوووووووو عانى معي كثير لذللك انصح البنات يتعلمون الطبخ لان الزواج درس كبير لازم نذاااااااكر

كويس قبل ندخله عشان نتفوق ونحوز على قلب الرجل
إيه هذي النصايح bp039 <<< وجه يناظر لافندر ويطلع لسانه pb095

ولد هجرة لبن مووضوع حلو ومهم اقول وش اخبار السوق الاخضر هههههههههههههههههههههههههههههه
أي سوق أخضر :rolleyes: <<< طلع منها :D

مع تحيااااااااااات الشيف ايقونه بلا فخرررررررررر
والله مدري عنتس :D

يسلمو على تشريف الموضوع bp039

ولد هجرة لبن

09-11-2006, 15:45

وحدة مالها حظ bp039

بصراحة دخلت وانا متحمسة ابي اشوف وش هالمطبخ الي للبيع اثر الموضوع طبخ ونفخ
تبي الصراحة اخوي المطبخ الصراحة يطفش والاهين موصعبة الوحدة تتعلم اكلات وتطبخ
طيب ليش تبين تشوفين المطبخ ما دامك ما تحبينه.....
وإلا بلاغة شف بس :D

وبالنسبة للاكلات الشعبية بصراحة شغلة زي الجريش لازم يندق والمرقوق ينعجن ويتسوى وشغلانة الله يعافي المطاعم
بئا دا كلام :(
الحين زوجك لو حب ياكل من يدك جريشه وإلا مريقيقه :D بتقولين له الله يعافي المطاعم pb093
أتوقع بعد ردك هذ بيقلبها WWF :D

والمشكلة الوحدة لودخلت المطبخة ومتحمسة تسوي شيء بصراحة ماتلقى كلمة تشجعية مثل يازين الطبخة والله يعطيك العاافية
ماعندكم يالسعوديين الا وش فية الملح ناقص اوليش ماصخ اومانيب مشتهي اكل الحين
لاحظت في كذا رد إن فيه بنات يعانون من مشكلة التحطيم pb071
طيب أنا بقولك شي
إنتي إطبخي بضمير واللي يحطم ما عليك منه عمره ما أكل :D

وموعيب الرجال يتعلم الطبخ افرض تزوجت وحدة وجتها فترة ظروف كم شهر ماتقدر تطبخ لازم تساعدها صيرو سنعين زي الاجانب فية تعاون>>>>>شكلها بتتصطر

يا هالأجانب اللي مطاوليني في كل موضوع pb093
المشكله لو أجيب طاري البنات الأجنبيات إنقلب الموضوع طق عصي :D
أما بخصوص مساعدة الزوجه في الطبخ أحياناً فأعتقد إني قلت رايي في هالموضوع في أحد الردود pb071

وبعدين ياما فية بيوت فيها حريم سنعات بالطبخ وفشلت وياما فية بيوت فيها بنات مايدبرون بالمطبخ كثير وماشاءالله سعيدين
ما إختلفنا
بس ترى لكل قاعده شواذ :rolleyes:

عــــروق نجـــد

09-11-2006, 15:46

فرحت قلت يمكن مطبخ مسوين عليه خصم واجيبه هديه لامي << صار طقم بيالات pb192

من ناحية الطبخ فانا ولله الحمد افت طبخ << هما ما احدن ذايق طبخي pb192

ما فيه انثى ما تنجذب للمطبخ غصب عنها شي فطري فيها مثله مثل التفحيط للعيال
<< والله من زين التشبيه pb192

انا مزاجية بالطبخ لابعد الحدود يعني موب دايم اطبخ بس اذا جا في بالي اطبخ
ادخل المطبخ واسوي طبخه تكون جديدة واذا خربت ما عاد اعيدها pb094
بس اذا نجحت تلاقيني املل اهلي من كثر ما اطبخها pb192

من ناحية انه البنت ما يضرها انها ما تعرف الطبخ قبل الزواج فانا اقول
صحيح ما يضرها بس تبقى نقطة سودا بحياتها هههههههههههههههههه
تلاقي زوجها كل يوم يذكرها : تذكرين يوم تسوين ذيك الطبخه الماصخه؟
تذكرين يوم يجيني تسمم ؟ تذكرين يوم يحترق القدر؟
وقسم يطيح وجهي وجعه توجعه pb192

بعدين لازم اذوق امي نتائج تربيتها وتدريباتها. وابوي واخواني بعد اذوقهم طبخي
وافرح لما يمدحونه (ياكثرما سبوه) pb192 واحلى لحظه لما يجي اخوي ويقول : عروق
ممكن تسوين لي حلا الفستق بطلع اليوم مع اصدقائي pb189
بعدين ارد عليه بكل هدوء : اكره حلا الفستق انقلع بس pb192

لذلك ما اعتقد انه يعيب البنت معرفتها للطبخ بالعكس عدم معرفتها يقلل من انوثتها
وتلاقي اغلب البنات تقول ما اعرف اطبخ واصلا ما ادل مطبخنا pb094 وما يطبخ في البيت
الا هي هههههههههههههه لان اغلب البنات اخذين المسالة دلع pb192

وحده من صديقاتي جابت حلى وكاشخه فيه وقعدنا نسال وش حطيتي وشلون
سويته وكذا . البنت ابتلشت قالت بصراحه موب انا الي مسويته انقلعوا :(
لذلك تعلموا يا بنات الطبخ احسن لكم pb036

Lunar

09-11-2006, 15:51

سـلام

ليش مكبرين الموضوع ؟؟

الطبخ اسهل شي بالحياه

بس ادخلي المطبخ واتبعي التعليمات وخلصنا

وبكل صراحه

الحين الاولاد نفسهم ماصارو ياكلون جريش وقرصان وهالاشياء القديمه

كل اكلهم خفايف مكرونات وساندوشات

انا اشوف اخواني واولاد عمي وخوالي كل الامهات يشتكون من عيالهم انهم ماياكلون اكل البيت ولا اذا اكلو اكلو مكرونه ولا بيتزا

وهالاولاد كلهم بسن زواج يعني اذا تزوجو ماراح يطلبون من زوجاتهم اكل ثقل وحوسه

وشي ثاني

ترى مو من واجباتنا اننا نطبخ

خاصه اذا تزوجنا هذي تعتبر صدقه مننا

وملاحظه

البنت الي مدلله في بيت ابوها اذا جت تتزوج تتحمس لفكره الطبخ وتشيل بيت وكذا وراح تصير شاطره بهالاشياء

اما المكروفه وتعبانه من الشغل فتفرح انها ماراح تشتغل ولا تلمس شي ولا تتحمس لها

وبالاخير

انا احس الطبخ انوثه ومرره مـتعه اني اخلط الاشياء ويطلع لي شي جديد

فعادي ايزي نت

bp039

ولد هجرة لبن

09-11-2006, 15:55

Miss 7limOz bp039

اذا هي من النوع اللي يدلع .. اعرف ان البنت بتطلع مدلعه << لا جبتي شي جديد !! خخخ

فعلاً وهذا هو الواقع

لاعاد جد جد .. اعرف ناس , مدلعين بناتهم اخر دلع .. البنت ماتعرف تسوي الا قهوه .. وتحوم التسبد < ذايقتها انا وقسمن
يعني تخصصها كوفي بس ومع ذلك ما أفلحت :D <<< قال كوفي عشان المدلعه ما تعرف تقول قهوه pb095

شف بقولك انا اول ما اعرف اطبخ .. مهوب عجز ولا دلع < امحق والله ماشفت الدلع ياحياتي يا انا بس !!

بس امي ترا ماكانت تعتمد علي ..يعني ندخل المطبخ انا وامي سوا .. ماتقولي من اول مره سوي جريش والا رز

اول شي بديت في السلطات .. الاشياء الخفيفه ..بعدين تعلمت باقي الطبخات ..

يعني الشي يبدى متدرج ... وبعدين الطبخ يبيله نفس ..
هذا هي الطريقه الأنسب
التدريج شوي شوي
بس المشكله اللي يتدرجون بعد الزواج لأن كل رجال عنده حد لتحمله وصبره
فيه رجال بيصبرون
وفيه رجال بوز مع الباب :D

مب تجيك بنت طاقتها ام العبيد تقولها اطبخي خلاص بقولك من الحين ان طبخها بيطلع شين
صدقيني في هالحاله أنا أطبخ pb036 <<< أييييوه إهجد :D

ولد هجرة لبن

09-11-2006, 16:27

شمس الاصيل bp039

الحين اللازانيا تاخذ وقت أطول من الجريش في طبخها ؟؟

لا عز الله الله فلحتوا في الطبخ !
أنا أدري
علمها تكفى :D

.
.
قروره ببسي bp039

ايه جواب نهائي واذا موب مصدق افتح الكتب واقرا ...
يكون لك علم اللي قايلته دكتوره بالدين...

أجل إسمحي لي أقولك طار المليون :D
قريت ردك ورحت أصلي العشا
وبعد الصلاه أخذت إمام مسجدنا على جنب ودار بيننا الحوار التالي :
أنا: السلام عليكم يا شيخ تقبل الله منا ومنك
الإمام: تقبل الله منا ومنك صالح الأقوال والأعمال
أنا: يا شيخ ما ودي أشغل وقتك بس بغيت أسألك سؤال إذا ممكن
الإمام: لا أبد تفضل
أنا: يا شيخ بارك الله فيك هل من حقي على الزوجه إنها تطبخ لي أنا يا زوجها؟
الإمام: ما شاء الله أجل عقدت العزم الله يوفقك <<< بغى يتشعب الموضوع :D
أنا: إن شالله قريب يا شيخ بس هالمسأله صادفتني وحبيت أتأكد منها
الإمام: شوف الله يوفقك
من حق الزوج على الزوجه أن تعتني بشئون بيته
من نظافه وترتيب وطبخ ورعايه وملاطفه.......
طبعاً أنا بعد كلمة طبخ ما عاد ركزت في باقي كلامه
بس يالله زيادة تأكيد يا ليت تتصلين على شيخ من دار الإفتاء وتجيبين العلم :)

ولد هجرة لبن

09-11-2006, 16:34

حنّو bp039

ماضرنا تزوجنا مانعرف نطبخ والحين صرنا اقدع من الشيف رمزي<<<قويه صح
حيل :D
أما عاد ما ضركم :D

مايعيب البنت اذا ماتعرف للطبخ

اما اذا تزوجت غير لازم تتعلم الطبخ وفنونه

لعيون الحبيب ندخل المطابخ
قمة التناقض في هالجزئيه من كلامك

بس بصراحه شينه من الحرمه يجي الرجال جوعان وكارف من الصبح ومابلقى شي ياكله او الشغاله طابخه له مالذ وطاب بالاندونيسي

مثل ماانا ابي منه امور احتاجها واتمنى انه يحققها لي

لازم انا بالمثل اعطيه لو ابسط حقوقه
هالجزئيه من ردك أرشحه للمميزه بعد إكتمال الردود pb189

ولد هجرة لبن

09-11-2006, 16:42

رااايقه بقوه bp039

وشفيك عصبت
والله قلت انك مشفوح من باب الدعابه
رحمتك حسيت انك جوعان وانت تكتب هالموضوع
صراحه ما الومك
لان راعي المطاعم بجد حالته ميؤوس منها
ما عصبت يا بعدي pb095
أدري إنها دعابه بس حبيت أوضح حتى ما ياخذ الموضوع منحى آخر <<< إي هين :D
إلا على فكره راعي المطاعم تقرب لراعي المعارض :rolleyes: <<< براااا :D

الله يرزقك ياللي تملا بيتك طبخات اشكال والوان وتخليك مربرب
اللهم آمين
بس لاتخافين ماراح أربرب <<< ساعتين بالنادي يومياً يلعب حديد <<< طس بس :D

ولد هجرة لبن

09-11-2006, 16:52

نيوو لوك bp039

آاااااااامين يارب
جزيتي خيراً bp039

المساله معتمده على صبر الرجل وسعة صدره يعني اذا كان مرتاح مع زوجته راح يصبر لين تتعلم الطبخ حبه حبه

ويساعده في بعض الاشياء اللي ماتعرفه ويشجعه ويشد من همته علشان ماتتحطم لان حنا ولله الحمد حساسين

واي كلمه تهزنا وتزعلنا فرفقا بالقوارير ايها الشباب

خلاص يا شباب رفقاً بالقوارير وتحملوا pb071 <<< علم نفسك :D
طيب السؤال هنا وش يحدك إنتي كبنت إنك ما تتعلمين إلا بعد الزواج؟
يعني وش هالمهام الإستخباراتيه الخاصه اللي تشغلك عن تعلم الطبخ في بيت أهلك من البدايه ؟
أنا معك إن الطبخ مزاج ونفس وكل شي
لكن لا تربطين بين وحده تعرف تطبخ بس مزاجيه وبين وحده ما تعرف الملح من السكر :rolleyes:

اما الرجل اللي من الاصل ماارتاح مع زوجته اكيد راح تكون علثته انه ماتعرف تتطبخ عشان يطلق او يتزوج ثانيه
القاعده الذهبيه عند غالبية بناتنا :D

ولد هجرة لبن

09-11-2006, 17:03

ندى العين bp039

حقــيقة ولا حــاجة لي أن أكذب ...
مــر على زواجي (..)سنوات ..ولم أُجـِــد فــن (الطبخ) إطلاقاً...والـفن ليس لكل أحد البراعة فيه
بل حـــتى أقــل الأكلات صـــعوبةً لا أتقنهــا....
أفـــرح كثيراً عندما يصفق لــي زوجي ويرقــص طربــا بعد طهـــي أكــلة ( الأندومي)...
لن أقص أقصوصة عن محاولاتــي الفاشلة ...

لكني حقيقة ...أتمنى يأتي اليوم الذي أطـــهو فيه ببراعة فقط لأسْـــعِد زوجي وأولادي......
وأنا مصدقك
بس بصراحه نصيحه مني لا تحاولين تزعلين زوجك أبد
لأنك ماراح تلقين واحد يتفهمك مثله
أجل أقل الأكلات صعوبه ما تتقنينها
ويصفق ويرقص طرباً عشان أندومي pb036
صدقيني أمك داعيه لك
أما بخصوص أمنيتك بتعلم الطبخ
شيكي على الردود فيه وحده الله يجزاها خير حطت إسم كتاب طبخ على ما أعتقد
هاتيه وحاولي تتعلمين
ولا تيأسين بعد كم محاوله فاشله
لأن ما عندك ضغوطات من زوجك تخليك تتسرعين في تعلم الطبخ
أتمنى أكون أفدتك pb071

ولد هجرة لبن

09-11-2006, 17:10

J w A n A bp039

أحب أنبهلك على شغله ، أن الطبخ نفس ومزاج بعد

قولي قا :D
طيب مو هذا موضوعي

والله أني أعرف وحده مزوجه بنت وولد وأنك ماتقدر تأكل الملوخيه ولا الباميه من تحت يدها
أفهم من كلامك إنك تنتقدينها :rolleyes:
حلو
الآن هذا هو موضوعي bp039

بالمقابل في بنات وربي ماتشبع من طباخهم
سلميلي عليهم تكفين pb189

ولد هجرة لبن

09-11-2006, 17:22

Not 4 SaLe bp039

.
هل تعرف كيف تخرف النخله اخوي ولد هجره لبن
ولا تخلي السواق ولا المزارع اذا كنت يااي يخرفه لك
وهل تتوقع ان عاداتنا القديمه بارت حين اصبح الاجانب يتدخلون في خرف تمرنا
،،
خخخخخخخخخخخخخ
إستفساراتك هذي وجهيها لحضري بما إن الحضر هم أهل الزراعه والفلاحه من عقود يمكن يقدر يفيدك بهالخصوص
أما عن نفسي كبدوي وثوبي على المتن مشقوق <<< خش جو الولد :D
فأحب أؤكد لك إتقاني التام للأعمال المذكوره أدناه :D
ذبح الذبيحه وسلخها وتقطيعها مفطح وإلا ثلاجه اللي ودك عاد :D
حلب الماعز والنياق pb189
عمل قرص المجمور <<< أحسن واحد يصلح مجمور في المنطئه كلها :D
وبعض الأعمال الغير معروفه لدن سعادتكم :rolleyes:
وعلى ذلك جرى التنويه :D

ولد هجرة لبن

09-11-2006, 17:30

نجدية حجازية bp039

الموضوع ماياقف عند نقطة ( الهواية) لا والله ان الموضوع اكبر من كذا
فيه بنات مايعرفون يطبخون وزيادة على كذا مايعرفون يرتبون بيتوهم الدنيا حوسه والصاله مكركبة ....الخ <<< هذي عاد بتاكل على راسها شماته وحش من زوجها واهله لين تشبع هذا ثانيا لانها اولا بتكون في نظر زوجها فاشله وبقوة
فعلا بنات ترى ولد هجرة لبن قال الحقيقه .. لازم الوحده تتزوج وتدخل وهي عارفه على الاقل اساسيات تبني عليها حياتها العائلية
نصيحه للكل
لاتخلين احد يلقى عليك شي في ترتيبك وبيتك
أمحط بشماغي أرضاً تقديراً وإحتراماً لك :D
المشكله بعض البنات يعتقدون إني منزل الموضوع أتشمت فيهم pb093
أنا ماعلي منكم أصلاً شي ولكم
بس حبيت أناقشها معكم بحكم إنكم أنتم المعنيين في الأمر
وبسبب إنتشار موجة ( جهل الطبخ ) كظاهره ممكن تفتك بالكثير من الأسر <<< حشى صارت مخدرات :D

ولد هجرة لبن

09-11-2006, 17:38

الموت اهون bp039

انا من البنات اللي تزوجت ما اعرف الا الشاهي والبيض حتى القهوه ما اعرفها..والله ما أثربشي؟؟
شاهي وبيض بس pb036
حشى شغل مقاصف <<< بينجلد :D

بس من جد الوقت والظرووف كفيله انها تعلمك كل حاااجه غصب عنك!!
وبعد يعتمد ع الزوج لازم يصبر شويه ويهدي باله ويمشي الامووور ويساعد الله لا يهينه
طيب كم قعدتي من الوقت حتى ساعدتك الظروف وتعلمتي؟
بحكم إنك من البنات المتزوجات ياليت تفيدنا لأني قاعد أشوف هالكلام يتكرر في أكثر الردود وما تأقلمت معه للحين :rolleyes:

واذا يحب زوجته والله راح ينعمي عن طبخ وغيره<<<<ماتقصد شي.....
أنا أشهد pb094 <<< فهم قصدك :D

ولد هجرة لبن

09-11-2006, 17:45

orangah bp039

ولد هجرة لبن يقربلك ابوي شي يقول ماله داعي المطبخ
pb192 pb192 pb192

شوف بتكلم لك عن نفسي انا الحمدلله اعرف اسوي الشاهي والقهوة والساندوتشات !<<<<<سنعه مره

من الاكلات المكرونه عموما و مكرونه بالباشميل لأني احبها ..

اتذكر قد سويت فطاير .. حلى بس نسيتهم الحين

عسى ما تكلفتي بس :D
نسيتي الفطاير بلاه والله من قل دخلتك للمطبخ وأنا أخوك pb095

واذا اعرسنا ذيك الحزه تسنعنا خلنا الحين نرتاح شوي !!
هالحكمه العتيقه هي اللي ضيعتكم يالبنات :D

الموت اهون

09-11-2006, 17:57

8 8 8 8 8 8
بالنسبه كم جلست لمن تسنعت يمكن سنه...مشت امووريpb071
ومتى صدق حسيت بصعووبة الموقف والوضع وانواع التوهيق والتوريطpb036 .. وانو الدعوه لااااازم بلا دلع بلا خراابيط لمن صاار عندنا اول عزيمه او عندي بالاحرى حسيت بالمسؤوليه :sm1: <<<<ياعمري مانامت من الهم اسبوع..
بس برضو اهلي مااقصروا انواع التمديدااتpb095
الخلاصه :الايام تعلمك....كل يوم نتعلم:rolleyes:

وحدة مالها حظ

10-11-2006, 02:39

صح اخوي مومشكلة الوحدة تسوي مرة بس موكل وقت جريش اومرقوق بس موعاد يتشرط كل يوم تفرشلة السماط اشكال والوان
وبعدين افرض الرجال من النوع الي يحطم يعني ماتطبخلة هههه الا بتضطر تطبخلة بس مودايم يستاهل
>>>>>ليش تحطمون
وبعدين سبحان الله احس الدنيا تغيرت يعني موشرط الواحد يخطب وحدة متعلمةاصول الطبخ الطبخ ملحوق علية اهم شيء تعرف ترتب وتسير امور بيتها وتعرف تسوي لواشياء بسيطة وصدقني مع التشجيع بتلقى الوحدة بتبدع بكل شيء

ولد هجرة لبن

11-11-2006, 15:26

عــــروق نجـــد bp039

من ناحية الطبخ فانا ولله الحمد افت طبخ << هما ما احدن ذايق طبخي
أنا أشهد :D

انا مزاجية بالطبخ لابعد الحدود يعني موب دايم اطبخ بس اذا جا في بالي اطبخ
ادخل المطبخ واسوي طبخه تكون جديدة واذا خربت ما عاد اعيدها
بس اذا نجحت تلاقيني املل اهلي من كثر ما اطبخها
الله يرج سموتس pb095
ذكرتيني بخواتي الله يذكرهم بالخير قبل يتزوجون :D

لذلك ما اعتقد انه يعيب البنت معرفتها للطبخ بالعكس عدم معرفتها يقلل من انوثتها
وتلاقي اغلب البنات تقول ما اعرف اطبخ واصلا ما ادل مطبخنا وما يطبخ في البيت
الا هي
ههههههههههههههههههههههههههههههههههههههههههههه

وحده من صديقاتي جابت حلى وكاشخه فيه وقعدنا نسال وش حطيتي وشلون
سويته وكذا . البنت ابتلشت قالت بصراحه موب انا الي مسويته انقلعوا
لذلك تعلموا يا بنات الطبخ احسن لكم
بصراحه مالكم داعي تحرجون البنت pb093 <<< رحمها وقسم :(
شفتوا يا بنات :rolleyes:
تتمنون يصير لكم موقف زي كذا :sm1:

حتة سكر

11-11-2006, 16:01

مرحبا ولد هجرة لن

موضوعن ممتاز بقووووووووووة الصراحه حبيته pb189

بعدين تعال يعني انا كخه عشان اعرف اطبخ ولا كيف :rolleyes:

مدري ليه تذكرت وحدة لبنانيه اعرفها <<الله يذكرك بالخير يا لورا pb189

هذي كانت معي بنفس الكلاس في الجامعه <<في جامعة عجمان <<صجيتينا فيهااا:D

(على فكرة لورا كانت عارضه كانت تطلع في مجلة زهرة الخليج من زمااان وتركته لان خطيبها يغاااار)

وكانت مرة جايه ويدها محروقه :sm1:

سلامات لورا شسالفه قالت امس مسويه العشا خطيبها بجيها انا كذا :eek: <<عاد وشو عشاهم من كل شئ صنف

لورا انتي مسويته قالت ايه

وش ذا اللبنانيات الوحدة منهم لاجاتك جمال وسناعه

واقرب مثال الخبله حليمه بولند :mad: حلووم الي الكل يقلد عليها

يوم جت في برنامج على ال lbc وش سوت وصخه ولاتعرف تسوي شئ جوعت البزران الي عندها pb093

وتعال شف لاميتا يوم جات وش زينها نظييييييييييفه وسنعه وحلوووووووةpb189

حنا مشكلتنا ندور الدلع وضيعناه خخخخخخ:D

وياكثر ماشفت مطابخ مايصلح فيها الا الشاهي والقهوة وهو قيمته بذيك الحكايه ودك انه ينباااااااع<<كلام امي

حرام والله تذكرت حلقة طاش ماطاش عن المطبخ زي موضوعك

وعلى فكرة مره صديق اخوي يشتكي له من المطاعم يقول ابي سمبوسه ابي فطاير فريييش من البيت مستحيييييييل
مرته ماتعرف الا كبسه ومب من زينها عاد يوم درت امي قالت لخوي قله كل يوم يمر علينا ابي اخذ اجره

ولا العزايم في المطبخ امي اكثر شئ تكرهه الذبايح تقول اتخيل ابو يمن وهو يسوي عشانا الصراحه قرف الا في الضرورة

المشكله عندنا كل شئ متوفر شغاله مطبخ من احسن مايكون وبنت عمرها 20 سنه وفوق

ليه ما تدخل المطبخ الله لايهينها وتشغل وقتها ؟؟؟

وياليتها وقفت عالطبخ وبس والله تلاقيها ماتسوي شئ ابداااااااااا حتى الميك ائب تصلحه برا وشعرها في كل مناسبه حتى الزيارات العاديه مدري شلون يتحملون

وفيه ناس للاسف زي ماقلت ضيعوا الدلع يعني انا مااعرف اطبخ يعني دلوعه وحلوة

بالعكس الي شفتهم هم صوب والدلع صوب والحلا في صوب ثاني شيييييييييفه ماتعرف وين الله حاطها ومع الخيل ياشقرا

مره رحت لصديقتي في الجامعه ايام اختبارات وكانوا كلهم شله كانو معي بالثانوي وتعال شف كل وحدة جايبه صنف يحبه قلبك وكنا كذا ايام الثانوي يعني كنا من عمر 17 او 18
وكل وحدة لها برستيجها واسمها ولا ضرنا يوم دخلنا المطبخ

اذكر كنت ادخله على ايام طباخنا لان مطبخنا كان برا وفيه طباخ وممنوع ندخله وهو موجود فكنا نرسله برا البيت

وادخل المطبخ واتصل في الصبايا ها وش بتسون بكرة

يوم جيتهم في الجامعه هم ماتغيرو

على سناعتهم وحلاوتهم <<<مني سلام لاطخم شله

جد بناااااااااااااااات مش اشباه بنات

ولايكون طولت بالرد

تشااااااااااو bp039

بنت اخت القمر

12-11-2006, 04:50

تقصد الاكلات الشعبيه

وانا اختك اكثر ما كثر الله مطاعم المثلوثه رز وقرصان وجريش وتلاقيها خفيفه ماعليها زحمه ليش ؟ لان ماعليها اقبال ماحد يحب الاكلات الشعبيه الا بالسنه مره يمكن ولو تشوف مطاعم البيتزا والاكلات السريعه بتحصلها زحمه وهنا مافيه احد يشتهي اكل البيت

<<<اقنعته

أطياب

12-11-2006, 06:50

:sm18: فشايل وفضايح لو جيت ارد بهالموضوع :sm18:

انا وحده صكيت ال 26 وللحين ما اعرف اطبخ غير بيض مقلي وانت وحظك يا يطلع ماصخ والا مالح pb094

بصراحه مو ذنبي ما اعرف اطبخ ولا لي خاطر ونيه اني ادش المطبخ، ذنب اهلي! امي وخواتي الكبار، اللي كانوا اهما محتكرين المطبخ لهم وانا واختي اللي اصغر مني كنا آخر العناقيد فكنا صغار بوجهة نظرهم على اننا ندخل المطبخ (ومازلنا صغار بنظرهم :D ) <---- وناسه :D

بس كانت لي جم محاوله اني اسوي مكرونه ! علمتني رفيجتي اشلون اسويها وكتبتها بورقه حرف حرف منها ! يعين لو الورقة تضيع يضيع مستقبلي معاها خخخخخ... أول مره سويتها نجحت وبتفوق لدرجه ان مابقى شي بالطنجره الا أنأكل ! ثاني مره جيت بتفلسف وسويت كميه وايده وبآخر خطوه خليت المكرونه على نار هادئه حق تتنشف مدري شنو ينقال لها ورحت اخذ شوور ونسيت عمري ساعه / ساعتين :sm5: ونشفت المكرونه نشاف قامد وصارت يابسه وفوق هالشي ماصخه ولونها باهت :( واهلي تعقدوا وقالوا مافي أمل تدشين المطبخ تلعبين بـ نعمه الله :( <--- أقولكم أهما السبب في اني خايبه بالمطبخ ! مافي تشيجع أبد :(

عموماً أنا حاطه ببالي أني لما أتزوج راح أنجبر غصباً علي وأتعلم :sm1: يحز بنفسي هالشي صراحه :sm1:

<--- وحده أدمنت على الجاهز :sm5:

Ladies Killer

12-11-2006, 07:16

اول شي المفروض تقول قبل ماتقول فيصل القاسم .. وانتم بكرامة:d

ثانيا .. صراحه انت نزلت موضوع لو انت مانزلته كنت ابي انزله<< لحول ماخلى موضوع الا وقال الكلمة هذي!

بصراحه الفتاة السعودية دائما متربعة على عرش التخلف والغباء .. وصدق الشاعر الي قال شين وقوي عين

اجل يبونا نطبخ ...!!

هذا وانا اخوك يثبت ان بنات الجيل هذا بنات مهملات وكسولات ولاتوجد لديهم اي احاسيس المسؤليه

:d :d

Ladies Killer

12-11-2006, 07:25

اكيد ان العولمه وتقارب المسافات لها دور في اقبال او عدم اقبال البنت على الطبخ>>> بتتصفق:D

بجد البنت حاليا اما طالبه او موظفه بالله من وين تجيب الوقت علشان تقضي اليوم كله

في الطبخ والنفخ

اول الحرمه تكون متفرغه ماعندها شي تسويه يمكن بعد تعتبر مطبخها مكانها المفضل

الوقت تغير ماعاد ذاك الزمن الي البنت تحبس نفسها بين جدارن المطبخ

صحيح ان لازم الوحده تطبخ على الأقل حتى لو تعرف الاكلات الأساسية لكن مو معنى هذا ان نحصر دور

المرأة في الطبخ والمطبخ فقط

احيانا البنت زوجها \ اخوانها اكبر سبب يخلونها ترفض تطبخ

المسكينه تتعب في الحر والمطبخ وتتكسر رجولها وهي واقفه وبعد ماتحط الأكل تسمع ذيك التعليقات

الي تحبطها مره الاكل مالح ومره مافيه ملح

حتى يستكثرون عليها كلمه الله يعطيك العافية

ولد هجرة لبنbp039

يعني معليش زهره مع بالغ احترامي لك ..

يعني عشان شوية تعليقات من اخوانك ماتتعلمين الطبخ .. هذا اسمه عذر لايمت للواقع باي صلة ..!!

طيب وش نقول عن العوايل الي البنت فيها ماتسمع اي تعليقات من اخوانها بالعكس تسمع تشجيع ومع هذا ماتطبخ!!!!

وكلامك يوم قلتي ان البنت ياتكونب الجامعه والا موظفه ومافي وقت عشان تتعلم الطبخ هذا يعتبر ممسك ضدك

يعني افهم من كلامك انه اذا كانت الزوجه تعمل معناتها انها رح تقصر في بيتها!!!

يعني افهم من كلامك هذا .. ان الرجال ماينلامون يوم يمنعون الزوجه من انها تشتغل!!!!

حاجة ثانيه .. تري تعلم الطبخ مهوب صناعة صاروخ:D

راس مالها العصر تعلم لها طبخه .. تجلس عليها اسبوع الين ماتتقنها!

شي ثاني وهو اهم .. ليش البنت ماتعلمت الطبخ وهي صغيره!

ليش يوم كبرت وطقت الثلاثين بدت تتعلم الطبخ!!

الطبخ كان على المرأة منذو القدم .. من ايام الرومان واليونانيين .. ومن ايام العرب القداما والاسلام مرورا بزوجات الرسول عليه افضل الصلاة والتسليم!!!

حاجة اخرى واهم من الي قلته!! وهو ان الجامعه حدك الساعه وحده ونص وانتي بالبيت !!

طيب باقي وقت يومك وشوله تضيعينه ياعلى النت او على التلفزيون او على التلفون

طبعا انا ما اخاطبك بشكل مباشر .. وجهة صيغة المخاطب لك كاسلوب .. وانما انا هنا احدث كل نساء الشعب السعودي!!

يتحياتي لك ... وشاكر لك مشاركتك:D

Ladies Killer

12-11-2006, 07:29

يسلمو اخوي على الموضوع النايس..< فرحانه بالكليمه
المهم..
موضوع كثير الاحظه بالعيال لهدرجه تتزوجون على شان تاكلون ... يعني صارت شغاله موب زوجه..
وبعدين موب من واجبات المراه انها تطبخ لرجلها ...(حطوها باذانيكم)
وبعدين موب حرام الرجال يساعد حرمته ...

المهم..
انت غلطان ماشفت بنات الاقلاع مدهرات برمضان ... بالخيمه ...<<لا بالملحق
وبعدين انا من البنات اللي احب اطبخ بس موب طبخ بصل وثوم ...
احب الحركات الجديده .. حلى - مقبلات - شي خفيف - عصاير...

ويسلمو مره ثانيه على الموضوع ...

ياهلا فيك اختي

اعجبني التلوين الي مسويته بردك ..

اول شي مشكلة الفتاة السعودية انها صارت تنسب الطبخ للشغالات هههههههههههههه:D

والله مساكين .. يعني هالحين الي تطبخ شغاله!! احسه رد بزاين

يعني انا اذا وديت اختي للسوق صرت سواق .. اخاف اتحول زي البيكيمون:D

يعني التطور الاول سواق بنغالي .. والتطور الثاني اندونيسي .. والتطور الاخير اصير فلبيني.. واقوى تطور اصير سواق تكسي باكستاني:D

وبعدين من قالك انه مو من واجبات الزوجه انها تطبخ!!!

جديده هذي!

حاجه اهم ..مايخالف الزوج يساعد زوجته .. بس هي خليها تعرف تطبخ بالاول:D

Ladies Killer

12-11-2006, 07:31

: : :

اكيد سهل الطبخ ياوخيي مايبيله شي بس المشكله موب هينا المشكله العجز بيني وبينك اشيل هم كبير اذا دخلت المطبخ حتى لو بغيت اصلح قهوه ازمل

مثل ماتزمل انت تشغل السياره :D

ولد هجرة لبنbp039

وين الشاهي التلقيمة بالنعناع الي طلبته منك:rolleyes: ؟

Najed

12-11-2006, 07:51

ما شاء الله الموضوع ثلاث صفحات ومتعيجزه اقرا كل التعليقات لكن سادلوا بدلويي <<<< ما يمديني على ادلوا :D

يا اخ ولد هجرة لبن وفي روايه فيصل pb071

معليش ابكون صريحه معك واقول انت مكبره السالفه شوي :rolleyes:

المشكله ان البنت ما تعرف تطبخ pb036

طيب اصبر عليها شوي وتتعلم الانسان مايولد عالم pb036

بتقول تتعلم في بيت اهلها :rolleyes:

بقولك في بيت اهلها ما كانت محتاجه تتعلم والحاجه هي ام الاختراع لذلك اذا راحت بيتها تتعلم pb094

والمفروض انك تتحمل شوي وبعدين بتلاقي نتيجه ترضيك pb189

انا امي من الجيل الي قبلنا pb036

يعني متزوجه من قبل حول 25 سنه :sm5:

اول ما تزوجت ما كانت تعرف تسوي ولا شي لانها في بيت اهلها ما احتاجت pb036

وبدت شوي شوي لين ما صارت تعرف لكلشي تقريبا :eek:

طبعا امي الي ساعدها ان ابوي موب متخلف وما همه الا بطنه :mad:

كان عادي عنده والى الحين اي شي ينحط قدامه يقول زين الله يجزاك خير pb094

يعني انت خل ابوي قدوه لك وتعلم كيف تسنع زوجة المستقبل pb192

ولا تخلق مشكله من لا شيء <<<< بتتصفق :D

نسيت اقول تراني اعرف اطبخ pb094

اعرف اسوي كبسة بر واعرف اسوي مكرونه واعرف اسوي لزانيا ( صحيح طلعت لازانيا سايله بس اسمها لزانيا )

والطبخ شي سهل كل ما عليك فعله هو انك تفتح كتاب طبخ وتطبق الموجود :D

لكن ما اعرف اسوي مرقوق ولا ابي اتعلم :mad:

يعطيك العافيه bp039

قـَٱرّوُرَة ْ بـِيَّـبسِّيْ

12-11-2006, 13:42

حاجه اهم ..مايخالف الزوج يساعد زوجته .. بس هي خليها تعرف تطبخ بالاول
انا اعرف اطبخ يعني زوجي بيساعدني<< لا يكثر

برايفت ولد هجره لبن ...
معليش انا عارفه ردك ...
بس انا سمعت من دكتوره بالجامعه ودينه ..

لين ست الحريم

12-11-2006, 15:43

انا والله عندي نظريه وجدااا مقتنعه فيها وهي

في حالة تقرر اني اطبخ فانا مستعده اطبخ لزوجيpb189 (ترى لا قلب ولا يحزنون بس حطيتها مجامله)
ليش؟؟

لاني اؤمن بعبارة ان كل واحد يطبخ لنصيبه فقطpb189 (نفس القلب اللي فوق).....يعني ابوي عنده امي خلاص مايحق له بزياده...واخواني ان كبروا بنزوجهم يصير حريمهم يطبخون لهم

طيب فرضا انا من طيب نفسي وحلاة اخلاقي قررت اني اضحي بمبادئي واطبخ قبل مايجي نصيبي....وبعدها طقيت ال70 وماجاني نصيبي.....هنا انا اكون تعلمت الطبخ على الفاضي:sm4:

او فرضا تعلمت الطبخ وجاء نصيبي وطلع عاشق للمطبخ لدرجة انه مايسمح لي اشتغل فيهpb189 (هالمره القلب صدق)....ساعتها بكون تعلمت الطبخ على الفاضي واندم:sm4:

يعني اول شي استناه يجي...وان جاء اساله وش يحب وش مايحب...واحسن له يكون يحب اشياء احبها ...عشان انا اكرررررره ماعلي اسوي اشياء مااحبهاpb036

وبما اني ساصبح دكتوره مستقبلا فراح اضحك عليه ان طلب اكل صعب تحضيره واقول له:sm4: :sm4: :sm4: لا ياعمري موزين لصحتك (عمري لزوم المجامله عشان مايروح لاهله ويقول اني مااتكلم كلام حلو)

ترى انا حليله واللهpb192

وابشركم امي ناويه تجيب طباخ وصار لها كم يوم تدور....انتم بس ادعوا انها تجيب طباخ ايطاليpb189 ولكم مني اسنتر كل يوم بالمطبخ واصير فله طباخه على مستوى...الا ماراح اطلع من المطبخ..اصلا وشوله اطلعpb036

ونسيت اقول نسبة العنوسه تروع :sm17: يعني اذا استمر الحال كذا معناها محد بيتزوج:eek: اجل وشوله اتعلم هاه وشوله؟؟:D :D :D
لازم الواحد يعرف يفكر وينظر للموضوع من كل زواياه قبل لاينفذه....pb071

وتحياتي:)

ولد هجرة لبن

12-11-2006, 16:27

Lunar bp039

الطبخ اسهل شي بالحياه

بس ادخلي المطبخ واتبعي التعليمات وخلصنا

شلون سهل وإنتي ما تعرفين إلا بالتعليمات اللي تقولين إنك تتبعينها؟
بعدين إلى متى وأنتي تتبعين التعليمات؟
^^^^^^
أسئله تمحط نفسها :D

وبكل صراحه

الحين الاولاد نفسهم ماصارو ياكلون جريش وقرصان وهالاشياء القديمه
شكل ما حول بيتكم مطعم مثلوثه عشان تشوفين الزحمه عليه :D
وهل فعلاً العيال يحبون الأكلات الشعبيه أو لا :rolleyes:

ترى مو من واجباتنا اننا نطبخ

خاصه اذا تزوجنا هذي تعتبر صدقه مننا

بدينا بحركات ثالث إبتدائي pb093
أقول بسرعه إطلعي ترى رن جرس الطلعه :D

ولد هجرة لبن

12-11-2006, 16:44

الموت اهون bp039

بالنسبه كم جلست لمن تسنعت يمكن سنه...مشت امووري

pb036 pb036 pb036

ومتى صدق حسيت بصعووبة الموقف والوضع وانواع التوهيق والتوريط .. وانو الدعوه لااااازم بلا دلع بلا خراابيط لمن صاار عندنا اول عزيمه او عندي بالاحرى حسيت بالمسؤوليه <<<<ياعمري مانامت من الهم اسبوع..

حاس فيك وربي :D

الخلاصه :الايام تعلمك....كل يوم نتعلم
على كلامك الأخير أحس بتخش أغنية علي بن محمد كل يوم نتعلم pb095

ولد هجرة لبن

12-11-2006, 16:52

وحدة مالها حظ bp039

صح اخوي مومشكلة الوحدة تسوي مرة بس موكل وقت جريش اومرقوق بس موعاد يتشرط كل يوم تفرشلة السماط اشكال والوان
طيب وأنتي فهمتي من كلامي إني أبي الزوجه كل يوم تطبخ ألوان وأشكال ؟
أنا أقول تتعلم وتصير سنعه بس :rolleyes:

وبعدين سبحان الله احس الدنيا تغيرت يعني موشرط الواحد يخطب وحدة متعلمةاصول الطبخ الطبخ ملحوق علية اهم شيء تعرف ترتب وتسير امور بيتها وتعرف تسوي لواشياء بسيطة وصدقني مع التشجيع بتلقى الوحدة بتبدع بكل شيء
لا زلتي بعيييييييده عن لب الموضوع يا أخييه :)

..Lava..

12-11-2006, 23:08

هلا أخوي.. ماعتقد الكل مايعرفون.. والدليل أنا :D والعضوات الطباخات فمملكة المرأة :D ..

ومشكلتي اني ماعرف اقطع اللحوم بكافة أنواعها.. بس يقطعون اللحم ويعطوني اياه pb036

والفرن عقدتي الأزلية.. لازم أحرق عمري عقب كل طبخة :( وتعال شوفني وأنا أذل اللي فالبيت.. وأقول لهم ايه سويتلكم وحرقت يدي وماتاكلون ومن هالكلام :D .. والله أستانس عقب كل طبخة أسويها احس اني سويت انجاز http://vb.eqla3.com/images/icons/icon15.gif وأكبر فـ عيني :D ..

يعطيك العافية..

ولد هجرة لبن

13-11-2006, 15:57

حتة سكر bp039

مدري ليه تذكرت وحدة لبنانيه اعرفها <<الله يذكرك بالخير يا لورا

هذي كانت معي بنفس الكلاس في الجامعه <<في جامعة عجمان <<صجيتينا فيهااا

(على فكرة لورا كانت عارضه كانت تطلع في مجلة زهرة الخليج من زمااان وتركته لان خطيبها يغاااار)

وكانت مرة جايه ويدها محروقه

سلامات لورا شسالفه قالت امس مسويه العشا خطيبها بجيها انا كذا <<عاد وشو عشاهم من كل شئ صنف

لورا انتي مسويته قالت ايه

وش ذا اللبنانيات الوحدة منهم لاجاتك جمال وسناعه
حتة سكر bp039
كتبتي فأجدتي فأصبتي :)
كلامك كله درر
بس أنا كبرت ولونت الكلام اللي فوق لأن بعض بناتنا يقدرون شي إسمه تقليد ولو إنه على عماها
عشان كذا ميزته عن باقي ردك كود يقرون ويعودون إلى طريق الصواب <<< بيشبهكم بكلامه ذا لو ما يسكت :D

ولد هجرة لبن

13-11-2006, 16:14

عجبو bp039

تقصد الاكلات الشعبيه
لا :rolleyes:
أنا ضربتها كمثال
ولو ترجعين تقرين الموضوع زين راح تشوفين إني أقصد الطبخ بوجه عام :)

وانا اختك اكثر ما كثر الله مطاعم المثلوثه رز وقرصان وجريش وتلاقيها خفيفه ماعليها زحمه ليش ؟ لان ماعليها اقبال ماحد يحب الاكلات الشعبيه الا بالسنه مره
أحيلك على ردي على الأخت Lunar :)

ولو تشوف مطاعم البيتزا والاكلات السريعه بتحصلها زحمه وهنا مافيه احد يشتهي اكل البيت

وش سبب زحمة المطاعم السريعه والبيتزا إلا البنات الداجات مطبخياً :D
وإلا لو أحد يلقى أكل متعوب عليه في بيته ومسويته زوجته بنفس <<< حطي تحت بنفس ألف خط ونص pb095
تهقين بيروح يدور المطاعم؟
<<<اقنعته
حييييل :D
المهم إذا كان طبخك نص ونص أنصحك إنك تتعلمين وفي أقرب فرصه bp039

وحدة مالها حظ

13-11-2006, 18:09

ترى مو من واجباتنا اننا نطبخ

خاصه اذا تزوجنا هذي تعتبر صدقه مننا

8 8 8 8 8 8
عجبني هالرد pb095

فية رجال الله يهديهم يختارون البنت ويخطبونها لمايسالون هي تعرف تطبخ اولا كان الاختراع طبخ نووي لازم تقدم فية شهادة اذاعرست
يعني الطبخ مايبيلة شيء ممكن تسوي خفايف واشياء بسيط وبالسنة يلة عشان خاطرك ياولد هجرة لبن تسوي جريش ومرقوق:D

دانتيل

13-11-2006, 18:21

انت كرجل صعب انك تفهم تفكير الانثى ونفسيتها

اول شي لازم تعرفونه كذكور ورجاء خذوه في عين الاعتبار ولا تعتبرونه عناد او دلع
ان المطبخ او الطبخ بالاصح لبعض البنات وحتى الامهات
وحريم اول شئ كريه وبغيض وودها لو تكسر حصى ولا تطبخ
بس الفرق ان البنات في الزمن الحالي اصبحت قادره على ان تعبر عن مشاعرها حتى لو كانت ماتعجب غيرها
واصبحت ماتسوي شي الا عن قناعه تامه ورضا منها ولاعاد احد
قادر يجبرها على شي لا اهلها ولا نظرة المجتمع حولها

حط نفسك مكانها وتخيل اي شئ انت ماتحب تقوم فيه
وفجاءه يصير من واجباتك لا ويومي بعد
تخيل الفاجعه والصدمه والاحباط الي بيصيبها

لاتقول لي ان فطرة المراءه ومن هالكلام
المراءه فطرتها حنونه رقيقه ناعمه ومع ذلك هالصفات مو موجوده في جميع النساء

(وإلا فيه بنات يقولون ليش حنا بس اللي نطبخ
المفروض حتى أنتم يالعيال تطبخون
يعني ما تعرف تطبخ ولسانها طويل بعد )

ايه صح ليش
انا مثلك اداوم وادرس واتعب بعد لما اجي من الدوام ابدا دوام ثاني
والله حرام وين حقوق الانسان عنا
وانت كشاب لما تجي من الدوام ما عاد على قلبك هم شوف وش تفكرفيه
وين بتطلع ومع مين وتخططون وشلون تستانسون وتقضون وقتكم في شي تحبونه
وشاحين على هالضعيفات حجرتهم في البيت وتقليب القنوات وقعدات النت
الي تلقى سعادتها في الطبخ تطبخ بس لايصير واجب على كل بنت انها تطبخ

المشكله اذا تكلمت وقالت رايها بصراحه صار لسانها طويل
والله حكم !!!!!!!!!!!!!
لا ويقولون المراءه الغربيه تحسدنا على العز الي حنا فيه !!!!!!!!!!!!!

(يعني الوحده إن تكلفت تكلفت قضتها ساندوتشات)

احنا كبنات ناكل لنعيش مو نعيش لناكل مثل بعض ناس
والدليل الى قلب الرجل معدته شكله ماطلع من فراغ مع اني كنت مكذبته في البدايه بس تدريجيا
بديت اصدقه وياللاسف على كذا تعشقون عمال البوفيهات

(أنا عن نفسي ما أتصور نفسي في يوم راح أتزوج وحده ما تعرف الطبخ
مو موضوع شفاحه مني بس بجد كذا أنا أحس البنت ناقصها شي مهم)

معليش تحملني شوي
انت مفهومك عن البنت ناقص
البنت مجتمعنا يطالبها انها تكوم ملتي سيستم
وانتم كشباب تعومون على عومه
جميله حنونه رقيقه انيقه رشييقه متعلمه واعيه فاهمه لبقه ذربه سنعه صابره مطيعه ذكيه لماحه .........الخ
البنت مثلها مثلك تجيد اشياء يفشل فيها غيرها
وتفشل في اشياء يجيدها غيرها من البنات
ولا تستغرب ابدا لما اقولك ان الطبخ من بين هالامور
مثل ماانت تعرف تذبح وتسلخ غيرك من الشباب يقرف من ريحة الدم
وغيرك من الشباب يعرف للميكانيكا والسباكه ويصلح افياش بيتهم ويمكن انت ماتعرف لها الامور

وفعلا في الفقه الاسلامي مو من واجب الزوجه لطبخ او شغل البيت
لاصارت الرضاعه مو اجبه عليها وواجب على الاب يدور مرضعه لطفله
مشكلتنا ان الكثير من امور الدين تغيب لانها لاتتماشى مع عدات وتقاليد مجتمعنا
انا ما عرفت الشئ هذا الا من دكتوره مصريه في الفقه الاسلامي وطارت عيون كل المتزوجات الي في القاعه
وراحت المحاضره وهم يستفسرون ويتاكدون ومستغربين وشلون كنا مخدوعين وملعوب علينا كل هالسنين ومصورين انه من واجب هالزوجه الضعيفه

ظـــل

13-11-2006, 19:17

جبتها عالجرح

وليتك مادريت

lover_h

13-11-2006, 21:39

8
8
اسمها وكنك ما دريت..:d
_______________________________
والله الطبخ شي مهم وما نستغنى عنه (صوره واحد مكرّش):d

بس لما اجي اشوف المطاعم وش كثرها بهالبلد ... (يارجل في كل زوق تلقى مطعم.):d

اعرف ان المهاره ذي اخذه في التناقص جذريا >>>قسم خقيت مع ردي:d

حنّو

15-11-2006, 00:27

حنّو bp039

حيل :D
أما عاد ما ضركم :D

قمة التناقض في هالجزئيه من كلامك

هالجزئيه من ردك أرشحه للمميزه بعد إكتمال الردود pb189

ليه يااخوي تناقض :(

انا قصدي ان اكثر بناتنا وانا اولهم مانعرف نطبخ وحنا ببيوت اهلنا

لان امهاتنا الله يجزاهم الف خير مدلعيناpb094

بس اذا تزوجنا تعلمنا الطبخ

وترى الحلو بالطبخ انك تجرب بحبيبك يعني اذا يحبك بيصبر الين يتعدل الطبخ<<<فاهمه خطا:D

لا امزح اكيد فترة الجهاز بحاول ادخل المطبخ واتعلم الاساسيات والباقي اتعلمه في بيتي

والحين الكتب وفت وكفت والله ارفل وحده تفتح كتاب النخبه تصلح اطلق مطازيز:D ولازانيا وكل شي:D

والتجربه خير برهانpb094

يعني البنت ببيت اهلها مايضرها اذا هي رفلا المعتمد ببيت زوجها تكون سنعه:D

ولد هجرة لبن

15-11-2006, 23:12

أطياب bp039

انا وحده صكيت ال 26 وللحين ما اعرف اطبخ غير بيض مقلي وانت وحظك يا يطلع ماصخ والا مالح
:)

بصراحه مو ذنبي ما اعرف اطبخ ولا لي خاطر ونيه اني ادش المطبخ، ذنب اهلي! امي وخواتي الكبار، اللي كانوا اهما محتكرين المطبخ لهم وانا واختي اللي اصغر مني كنا آخر العناقيد فكنا صغار بوجهة نظرهم على اننا ندخل المطبخ (ومازلنا صغار بنظرهم
أجل 26 وتوك صغيره بنظرهم pb036
تدرين فيه بنات بعمرك عيالهم في الإبتدائي :rolleyes: <<< ما وده يحطم بس جت كذا عاد :D
وبعدين وش اللي ذنب أهلك إنك ما تعرفين تطبخين؟
ياختي تخيلي إنك في بعثه خارجيه وعايشه لحالك <<< يريش بك كود تسنعين :D
أمانه ما تعتمدين على نفسك

ثاني مره جيت بتفلسف وسويت كميه وايده وبآخر خطوه خليت المكرونه على نار هادئه حق تتنشف مدري شنو ينقال لها ورحت اخذ شوور ونسيت عمري ساعه / ساعتين ونشفت المكرونه نشاف قامد وصارت يابسه وفوق هالشي ماصخه ولونها باهت
كككككككككككككككككك
أجل شاور ساعتين والأكل على النار pb093
ألى قاتل الله الإستهتار :sm5:

واهلي تعقدوا وقالوا مافي أمل تدشين المطبخ تلعبين بـ نعمه الله
ما ينلامون :D

ولد هجرة لبن

15-11-2006, 23:22

Ladies Killer bp039

بصراحه الفتاة السعودية دائما متربعة على عرش التخلف والغباء .. وصدق الشاعر الي قال شين وقوي عين

اجل يبونا نطبخ ...!!

هذا وانا اخوك يثبت ان بنات الجيل هذا بنات مهملات وكسولات ولاتوجد لديهم اي احاسيس المسؤليه
هذا الرأي يعبر عن صاحبه فقط وليس على صاحب الموضوع أي مسئوليه قد تعرضه للمسائله القانونيه :D :D :D

ولد هجرة لبن

15-11-2006, 23:44

Najed bp039
طيب لو بتكلم معك بنفس منطقك
هل أنتي كزوجه راح تصبرين على زوجك لو ما قدر يجيب لك بيت
أو قطعة أثاث او حتى فستان لزواج بنت عمة ولد خالتك :rolleyes:
أكيد لا
وبتسوين فيلم أو على الأقل بتشيلين بخاطرك
لأنه من واجباته كزوج إنه يوفر طلباتك
وأنتي نفس الشي
لا تقولين وش علاقة كلامك بردي
بس صدقيني دققي وركزي زين وحطي نفسك مكان الزوج شوي وراح تحسين بمعاناته

ولد هجرة لبن

15-11-2006, 23:48

قروره ببسي bp039

برايفت ولد هجره لبن ...
معليش انا عارفه ردك ...
بس انا سمعت من دكتوره بالجامعه ودينه ..
يعني أصدق الدكتوره وإلا الشيخ ؟
أنا راضي بحكمك :)

ولد هجرة لبن

16-11-2006, 00:03

لين ست الحريم bp039

في حالة تقرر اني اطبخ فانا مستعده اطبخ لزوجي (ترى لا قلب ولا يحزنون بس حطيتها مجامله)
ليش؟؟
وليش تضغطين على نفسك وتجاملين طال عمرك :D
خذي راحتك

لاني اؤمن بعبارة ان كل واحد يطبخ لنصيبه فقط (نفس القلب اللي فوق).....يعني ابوي عنده امي خلاص مايحق له بزياده...واخواني ان كبروا بنزوجهم يصير حريمهم يطبخون لهم
الأخت من حزب اليسار التقدمي :rolleyes:

طيب فرضا انا من طيب نفسي وحلاة اخلاقي قررت اني اضحي بمبادئي واطبخ قبل مايجي نصيبي....وبعدها طقيت ال70 وماجاني نصيبي.....هنا انا اكون تعلمت الطبخ على الفاضي
وش هالخرط الفاضي بعد أنتي :sm18:
بالله هذا منطق أحد صاحي pb093

يعني اول شي استناه يجي...وان جاء اساله وش يحب وش مايحب...واحسن له يكون يحب اشياء احبها ...عشان انا اكرررررره ماعلي اسوي اشياء مااحبها
إسمحيلي لغاية هنا وأوقف ردي عليك <<< من جد إنلحس :D