الزواج ونهاية الإبداع..!!

[BATMAN]

السلام عليكم ورحمة الله وبركاته :)

كيف الحال.. :)

قبل مدة قصيرة .. دار حوار ونقاش هادئ بين مجموعة من أصدقائي .. بعدها رجعت وقعدت
على الكمبيوتر وقعدت أفكر في موضوع النقاش اللي كان مدته قصيرة .. وكتبت هذا الحوار المستوحى من نقاشنا .. :)
نرجو قراءة جميلة .. وتفاعل أجمل .. :)
...
..
..

محمد: ياخي مسيكين خالد أعرس !

سعد: وليه مسيكين! بالعكس ..

محمد: وشو عكسه ..

سعد: أعرس واستقر .. وكمل نص دينه .. الزواج إستقرار زي ما يقولون..

محمد: بس مسؤولية وغثا ..

سعد:مسؤولية ايه بس غثا .. ما اتوقع ..

محمد: يا ابن الحلال .. تذكر يوم بغينا نسافر.. يوم يقول ما اقدر والله .. والسبب .. المدام! قايلك مسيكين ..

عبدالعزيز(وهو ناط عليهم): تذكرون خوينا فهد؟ اللي كان معنا بالجامعة..

محمد: اووه فهد .. مااا شاء الله عليه بسسس .. الا صدق وش صار عليه؟

عبدالعزيز: مدري .. انا قلت يمكن احد منكم يدري !

سعد: مهنا أخبار جديدة .. أنا أتواصل معه بين فترة وفترة.. الرجال زي ما تدرون معرس ومتوظف ما شاء الله وما عليه..

محمد: والله ما توقعتها كذا نهايته..

سعد: ليش!! .. بالعكس متوظف بوظيفة زينة .. ومتزوج وبيت.. وش تبي بعد ..

محمد: لا أنا ما أقصد كذا .. الرجال بصراحة عبقري .. يعني حرام وظيفة وبس .. اقل شي.. اقل شي دكتوراة ..
كانوا الدكاترة منبهرين من ذكائه وابداعاته .. يعني الانسان مبدع..

عبدالعزيز: يا ابن الحلال الرجال اعرس .. يعني اكيد انشغل ولهى ..

محمد:ياذا العرس .. قايلك يا سعد اللي يعرس مسيكين .. شف ذاك خالد محجور .. لا طلعة وسفرة ولا فلة .. قلنا
ميخالف .. اما يجي ان الواحد يقتل طموحه وابداعه .. بسبب انه اعرس ولهى..

سعد: تبي رأيي .. الوضع يعتمد على الطرف الثاني.. يعني لو جتك وحده أنت متفاهم معها وفيه انسجام بينكم .. صدقني
تبي تبدع اكثر .. وتنتج اكثر .. بس الامر يبي له تفاهم .. اما العرس ماله دخل ..

محمد: بلا تفاهم بلا خربطة .. العرس واحد .. تبي تجيك وحده علّة وتلج فوق راسك ..
تعال رح جب حط .. ودني جبني .. وتلهى .. من جد الى اعرست .. انتهى ابداعك..

عبدالعزيز:انا رأيي من رأي محمد .. الزواج ينهي طموح الشخص!
يعني العزوبي عنده وقت فاظي اكبر من المتزوج .. فمساحة الابداع هنا اكبر

سعد: بالعكس والله .. الابداع والانتاج يزيد مع الراحة النفسية .. فكل ما ارتحت نفسيا واستقريت .. زاد ابداعك وانتاجك

محمد: ايه نشوف لاعرست! شفت كتبك ذي اللي رازهن بمكتبتك تبي تغبّر محدن لمسها وتشوف ..
يعني هواية القراءة هذي .. انساها بعد العرس

سعد:قلت لك .. الوضع يعتمد الشخص نفسه .. ويعتمد على الزوجة .. يعني ما يعتمد على الزواج بحد ذاته..

محمد:يعتمد على الزوجة بس بنسبة قليلة .. تتزوج يعني تحكم على هواياتك وابداعك وطموحك بالنهاية .. هذا رأيي ..

سعد: ما اتوقع والدليل شف اغلب اللي درسو دراسات عليا .. كانو يدرسون وهم متزوجين .. واخذوا الشهادات ولا ضرهم

محمد: ايه درسوا دراسات عليا واخذو الشهادات ولا ضرهم .. كانت الدراسة بالنسبة لهم زي الدوام بالنسبة للموظفين المتزوجين
يعني عادي .. مهوب معناته انهم متزوجين ومبدعين .. انا أقصد..

عبدالعزيز: بلا تصريفات يابو حميد :D الرجال بيّن لك ان الزواج ما كان عائق لهم في دراستهم ..

محمد: لا والله لا تصريفات ولا شي ..ايه درسوا دراسات عليا واخذو الشهادات وهم متزوجين ولا ضرهم .. كانت الدراسة بالنسبة لهم زي الدوام بالنسبة للموظفين المتزوجين
يعني عادي .. مهوب معناته انهم متزوجين ومبدعين .. انا ما اقصد كذا .. انا اقصد .. زي حالة خوينا فهد .. كان الرجال مبدع وموهوب
بس الرجال تزوج ولهى ولا طلع بنص اللي كنا متوقعينه منه ..

سعد: يعني وش تبي منه! يخترع صاروخ ولا قنبلة نووية ..

محمد: طيب وين مشاريعه والأفكار اللي كان حاطها بباله.. وكان يقولها لنا ..
وين الطموحات اللي كان يقول عنها .. مشروع المادة اللي تضغط الموية .. مشروع تغيير لون السيارة بالكمبيوتر..
فكرة الشاشة اللي تنصفط و و و .. أفكار روعة .. وإبداعات قوية من شخص كانت عنده مقومات الإبداع .. بس الزواج انهاها

سعد: هو اللي انهاها بنفسه .. الزواج ماله علاقة..

محمد: الزواج هو السبب الرئيسي بتخليه عن هالاشياء .. الزواج..

سعد(يقاطعه):الزواج يابو حميد اذا كان مبني على التفاهم والمشاركة والتشجيع صدقني بيبدع أكثر .. عمر الزواج ما كان عائق..

محمد:الا عائق ونص .. تتزوج يعني تنهي طموحك وتقضي على هوايتك وابداعك ..

سعد:مهوب لهالدرجة.. يعتمد على الزوج والزوجة صدقني ..

محمد: أشوا اني منيب عبقري :D .. لاني لو عبقري.. باتزوج وانهي هالعبقرية :D

عبدالعزيز: تكفى يالعبقري :D

سعد: بس أ ..

الله أكبر .. الله أكبر ..

عبدالعزيز: بس قم صل واعرس ان شاء الله اربع لو بغيت .. يالله شباب صلينا ..

سعد: يالله .. عقب الصلاة اوريك يابو حميد .. ان ما خليتك باتسر تعرس ..

محمد: الله لا يقوله قريّب.. تبي تقتل ابداعي :D

عبدالعزيز: ارفق يا انشتاين :D
..
..

..=الموضوع:

الزواج ونهاية الإبداع للشخص! ( الشخص تشمل الذكر والأنثى :) )

=محاور النقاش..


-* أيهم في رأيك كان كلامه أقرب للواقع والصواب ؟


-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟



-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟ :)



-*سؤال للعيال .. نفس سؤال البنات بس بالعكس .. :)




-*تعليقك على الموضوع :) ..


...
..

شاكر لكم قراءة الموضوع :) .. والموضوع بين يديكم الآن :) ..
أنتظر ردودكم .. :)
..
..
صدقوني .. ردودكم وآراؤكم تهمني جدا .. :)

رجاءً ابتعدو عن المثالية الزائدة :) ..

إلى اللقاء .. وتحياتي للجميع :)

[نيوو لوك]

ياذا العرس والحريم اللي حطيتو كل شي فوق روسهنpb192

-* أيهم في رأيك كان كلامه أقرب للواقع والصواب ؟

سعد

-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

حسب الشخص نفسه ..ياما ناس وقف في طريقهم مشاكل وظروف قاسيه بس قدرو يوصلون للي يبون وخاصه الرجال بحكم الحريه المتاحه لهم ..لان البنت ممكن تمنع تكمل تعليمه مثلا بالقوه ..والرجل يقدر بدون ماحد يدري بحكم انه يطلع ويدخل على كيفه!!!

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

اكيد راح اوقف معه واشجعه بشرط مايكون هالشي فيه ظلم لي ويكون على حساب راحته وراحتيpb189



BATMAN bp039

[دلـ خ ـهـ]

أيهم في رأيك كان كلامه أقرب للواقع والصواب ؟

كلامي آنـا <--- خيرر :d


هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟
يعني ..هل الزواج ينهي طموح وإبداع الشخص؟

لأا طبعا .. والدليل انه في ناس تسافر بأهلهم يكملون دراستهم وياخذون الدكتوراهـ


سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟


ايه طبعا .. اساس مثل نجاحه يعني نجاحي .. ورا كل رجل عظيم أمرأهـ : /


روعه موضوعكــ .. والحمدلله عرفت افكار الشباب ( خشه تقول هين )

[طايرتن بالعجه]

اسمحلي احس كلامكم كلام صغار مو كلام ناس تخرجت

الزواج شرع من ربنا فرض علينا ولو كان يقتل الطموح مانصحنا فيه

غريب امركم تسمونه بلوى نصف الدين صار بلوى

-* أيهم في رأيك كان كلامه أقرب للواقع والصواب ؟

سعد

-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

لا طبعا الكلام هذا مو صحيح شفهم عاطلين وهم ماتزوجوا يعني البلى فيهم لاتلزقونه فينا

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

انا بقولك لو كان هو نفسه ماتهمه دراسته انا مني راح ادعمه مو عشانه هو نفسه بس علو مكانته من علو مكانتي

انا اعرف وحده تزوجت واحد ما كان شيء وهي نفسها هي من دعمته خلت له مكانه وكرامه ودعمته

وقالوها وراء كل رجل عظيم امرأه مو شرط يكون الدعم مادي الدعم يكون معنوي اجمل من كونه مادي

ســــــــــــــــلام

[&&&مستر إكس &&&]

مساء الخير ,,


سعد كلامه سليم ,,


وأعتقد هذه وجهة نظر الاغلبية ,,

أهنيك على الطرح الجميل ,,

تحياتي لك في انتظار جديدك,,

[انوار الرياض]

الزواج نعمه

والي مقتدر وش منتظر وش دكتوراته عشان يكملها وش هالزوجه الي بتمنعه عند الدكتوراه

شي طيبعي بتصير دافع له

ياما سمعنا طلاب متزوجين والحين دكاتره

سافر وكمل دكتوراته وزوجته معهم وانجبووو الابناء وعاشو حياة هانئه ومليئه بالسعاده والرفاهيه<< متعوب عليها

يعني ششي طبيعي اي فتاة الي بتوقف في طريق زوجها !!

كثير نسمع سافرو وجلسوو سنين ومنين عن اهاليهم

محيميد ودي اطحنه ذاااا

[وحدة مالها حظ]

يهالحريم الي ناطلين كل شيء عليهم مسيكينات حنا:sm1:

أيهم في رأيك كان كلامه أقرب للواقع والصواب ؟
سعد طبعا


-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

لاطبعا لانا معروف ان وراء كل رجل عظيم امراة
ومعروف ان دكاترة ودكتورات مانجحو الابفضل ازواجهم ومساعدتهم وصبرهم وتفهمهم

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

اكيد طبعا ماراح اوقف بوجه طموحة بالعكس اشجعة الين مايصير برفيسور بعد يكفيني افتخر بانجازاتة
وبعدين ليش انتم يالشباب ماخذين فكرة ان الزواج غثاء وحرمان من كل شيء
يعني لوالحرمة رفضت سفر زوجها لبرى لها حق يعني هي احق بهااللحظات الحلوة تقضيها مع زوجها واتوقع لوقالها بسافر مع ابوي وعماني ماراح ترفض
وبعدين معروف اغلب العزاب يتحدون المتزوجين يلة رح معنى اتحدى حرمتك توافق pb095
ويليت مسلسل التحديات يوقف عند هالحد لوفعلا ضيق صدرها وسافر يبدون يتحدونة اتحدى تسوي كذا عشان عارفين انه بالسفر بس يبي ياتمشى ولايبي استهبال زايد
pb095

[رنـّو]

مافي قاعدة معينة تتعمم على الموضوع..
لانو كله يعتمد على الزوج والزوجة وشخصياتهم..

عادي في زوجات مالهم طموح ومايشوفو اي دنيا بعد المطبخ, وفي زوجات بالعكس لما يتزوجو تكون فرصتهم للتطور الشخصي والوصول للاهداف, وفي زوجات قنوعات بوضعهم بس يشجعو ازواجهم على الابداع والانطلاق يعني..

نفس الشي ينطلق على الازواج..
في رجال يحبو يشوفو زوجاتهم واصلين لدرجات علمية او مهنية كبيرة, في بعضهم ممكن ينجن من هالشي ويشتغل في زوجته تحبيط..

يعني الطرفين يأثرو على بعض والسلام :)

[je t'aime]

مشروع تغيير لون السيارة بالكمبيوتر..



ايه صدق هالحريم يقتلون الإبداع ومايستحون ووعات


بلا بلا بلا

بعض النااس" ياكلون مقلب " باعمارهم وانه بيصنع قنبله نووية وهو لو يعرس اصرف له كود حرمته تصير احسن منه والمشكله لا اعرس حط كل علة بهالزواج

رحم الله امرء عرف قدر نفسه
في ناس فاشل باشياء معينة ويحسب العذر الزواج واذا تزوج زاد الطين بلة وحط العلة بالضعيفة

الإنسان الي مايقدر تكون شخصيته مع نفسه مفهومة وقوية ماراح يقدر على زوجته
لان الزوجة تتشكل لك حسب شخصيتك وطريقتك وتفكيرك .................... الخ

شكرا لموضوعك القيّم والمفيد ،،

[purple]

-

* أيهم في رأيك كان كلامه أقرب للواقع والصواب ؟

سعد

-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

مين قال !! هالشي يعتمد على شخصية الزوج والزوجه وهل لهم نفس للدراسه او هنا و stop .. مستحيل تعمم على كل الازواج نظريه وحده
اممم
راح اتكلم من واقع تجربه شخصيه
أنا تزوجت وانا لسا طالبه بسنه ثانيه جامعه وزوجي طالب امتياز
اتفقنا اننا نأجل مسئلة الاطفال الين اخلص الجامعه على اساس نركز بدراستنا احسن
الحين زوجي باقي سنه ويخلص الزماله وانا تخرجت والحمدلله وناويه احضر ماجستير قريب ان شاء الله
والدكتوراه ناويتها بس لما تجيه بعثه برا .. وهالقرارات ما في احد منا فر ضها على الثاني لانو من الاساس هذي قناعاتنا .. لازم الانسان يكون طموحه نابع من داخله ومقتنع فيه 100% وصدقني مستحيل احد يثنيه عن اي شي يبي يوصله سواء كان زوج\ زوجه ;)

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

بالعكس احسن شي انو كل طرف يشجع الثاني يحسن من مستواه التعليمي لانو already هالتحسن راح ينعكس على الطرف الثاني بس مثل ما قلت من الاول لازم يكون قبل كل شي مقتنع بالدراسه واكمال المشوار

[~ البروفسور ~]

الزواج ونهاية الإبداع للشخص!
ممكن يكون نهاية وممكن لا ..
على حسب الاشخاص ..
وعلى حسب قدره تحملهم للمسؤليات اللي أضيفت عليهم ..
والطموح فوق كل شي ..

-* أيهم في رأيك كان كلامه أقرب للواقع والصواب ؟

سـعد

ولكن حسيت بمحمد كثير ..
يمكن هو شايف الزواج على انه نكد ومقبره للإبداع ..
وهاذي هي المشكله ..!!

-*هل صحيح ما قاله محمد " تتزوج يعني تنهي طموحك وتقضي على هوايتك وابداعك "
؟ يعني ..هل الزواج ينهي طموح وإبداع الشخص؟

الزواج مسؤولية كبيرة ..
وشي أكيد أنـه المتزوج راح تصعب عليه أمور كثيرة
لكن الطموح والهدف إذا كان مؤمن فيه الشخص راح يسعى له بسهوله ..

و خاصه إذا وجد انسانه طموحه تزيد من همته وتساعده بمشاعرها وتفائلها معه
اللي تقوي الرجل كثير ..

شكـراً أخـوي bp039
احجروا محمد وخلوه يعرس غصب :D

..

[المشاكسة]

[CENTER]انا بصراحه اوافق الطرفين سعد ومحمد

اوافق سعد لان على حسب شخصيه وتفكير الواحد خصوصا اذا صار طموحه كبير ومتحمس له
خلاص مايهمه اي شي ثاني لا زواج ولاغيره

واوافق محمد فعلا احيانا الزواج خصوصا اذا كثروا الاطفال يصير الواحد مهوب متفرغ حتى لنفسه
مهوب شرط السبب يكون من الزوجه بس المسؤليات طبيعي انها تكون اكبر ويتعب الواحد معها :(


وعموما انا عندي وجهه نظر في الموضوع :)

وهو ان الطموح بعد الزواج يكون عائق للزوجه اكثر من الزوج
ياما فيه بنات كان تفكيرهم وطموحهم واحلامهم غير بس بعد الزواج pb036
تتغير لان مسؤليات الزوجه اكثر من مسؤليات الزوج خصوصا في مجتمعنا السعودي:(

[دايـم معـكم]

مسكينـه هالحرمـه كل بـلوهـ يحطونـها براس الحرمـه .. pb093

اللحيـن الحمد لله الحرمـه صارت بمستوى الرجال ثقافيا وتعليميا واحسـن بعد وبعدين مستحيل في حـرمه ماتتمنى لنفسها ولزوجها الافضل .. :)

امـا بالنسبه للاسئله ..

-* أيهم في رأيك كان كلامه أقرب للواقع والصواب ؟

سعـد .. كلامه منطقي ..


-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

اكيـد لا كل شخص يفكـر باللي يشوفه بنفسـه بالعكـس وراء كل رجل عظيم امراءه والعكس صحيـح ..:)



-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

اكيـد راح اوقف جنبه حتى لوهو تهـاون بهالشي انـا اشجعـه وانمي هالشي .. ومثل ماقالت .. نيو لوك مايكون على حسـاب راحتي وراحـته :) bp039

BATMAN كل ودي ..bp039

[صاحب الظل الطويـــــل]

طريقة عرض الموضوع رااايقة جدا
سأتابع الآراء المطروحة

وأشكرك حجي على الموضوع
: )

[امطـــرت]

في رجال يحبو يشوفو زوجاتهم واصلين لدرجات علمية او مهنية كبيرة, في بعضهم ممكن ينجن من هالشي ويشتغل في زوجته تحبيط..

تمام عليك
اصلا فيه ناس بس يتشكون من الدوام وتعبه ماعندهم طموح بالحياة او رغبه بالانجازات او اهداف
هذا خل يشجع نفسه ويطورها قبل لايبدا بالطرف الاخر



-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

لا باقوله خلك فاشل عاجبني اكثر :/
طبعا مافي وحده بتقول لا .. الكلام شي والواقع شي

التوفيق من الله .. لو ربي كاتب لشخص انه ينجز بينجز لو انه بسجنننننن وبالأشغال الشاقه
واذا ربي كاتب انه مايطلع بشي فأنه لو تقفل عليه بمكتبه وعلماء وكل شي حوله ماهو مسوي شي

الواحد دايم يدعي ربه ويتوكل عليه وان شاء الله ربي يوفقه ماله علاقه بالكيف والكم
واذا على الواقع كثير متزوجات وازواجهم علل ودرسوا ووصلوا متاجهلين كل التعب والأهمال
وناس متوفرلهم كلش وازواجهم دايم يشجعونهم بس هم نفسهم فيهم مشكله مايبون او ماتحمسوا ويرمونها بالظروف

بس عني اللي اسمعه كثير ان الزواج ينظف مخ الواحد ويصير يركز اكثر ويحرص أكثر وبراحة بال اكثر :>

[قشامه محترقه]

مساء الخير ..

مسأله الزواج والارتباط مسأله مهي سهله أبداً قرار مصيري .. انسان بربط نفسي فيه مدى العمر ..

البعض لا .. يظن انه تزوج خلاص جميع طموحاته وآماله تنتهي ...

الازواج .. كانوا قبل الزواج من المهتمين بالاناقه والهندام .. تطوير انفسهم للاحسن لا من ناحيه

محيط العمل او المحيط الاجتماعي .. بعد الزواج ينتهي هذا كله ..

لا اهتمام باللبس ولا اهتمام بغيره مجرد تأديه واجب من ناحيه بيته ومن هم حوله وبس ...

يعني الواجبات الاسريه وغيرها معتبره شي فرض عليه يؤديه بشكل روتيني كجسد بدون روح :)

الزوجه ايضاً .. قبل الزواج مشهود لها بالاناقه والجمال والثقافه ...

الطموح في الدراسه وغيره ... لها انشطه هُنا وهناك .. كل هذا يموت ....

لا اناقه الا اذا كان هناك زياره ... لا كلام منمق الا مع الصديقات ...

لا انشطه ... لا ثقافه كلها تندثر !!!

وش السبب

الازواج يضعون اللوم على الزوجه ... والزوجات يضعن اللوم على الازواج ... وش السبب ؟ :)

محمد: ياخي مسيكين خالد أعرس !

هِنا البدايه ليش مسكين !! ..

ليش تحطيم أو جلد الذات لكن بأسلوب الذم في الطرف الاخر والتحسر عليه بقوله مسكين ...

محمد: بس مسؤولية وغثا ..

محمد هنا زارع في راسه ... سلبيات للزواج لا يمكن يغير قناعاته .. يأما لظروف عاشها هو .. او لمواقف مرت او سمعها

مِن مَن هم حوله ...

وهذا اللي يخلينا ما نسمع او ما نصدق كل ما نسمع ... كل زوج وكل حياه زوجيه

لها ظروفها بتغير شخصياتها ولا هو كل زوج يشبه الزوج الاخر ولا كل زوجه نفس مواصفات الزوجه الثانيه

كلٍ له شخصيه مستقله اشخاص يقدرون يتعايشون او يأقلمون انفسهم مع شخصيه الزوج او الزوجه واشخاص لأ ..

ومافيه زواج بدون مسؤليات ... أمرأه ارتبطت فيها اصبحتوا روح واحده في جسدين ... كيف تبي تتنصل من هالمسؤليه !!

كثير ... صار يحط العذر المسؤليه .. وش هالمسؤليه ابي اعرف !!

مسؤليه البيت على الزوجه وهو مملكتها وخاص فيها ... وهنا اذا دخل الزوج فيه وشاركها ... يكون ياربي تجزاه

خير .. اذا ما تدخل ما نرغمه .. مسؤليته في جلب ما يحتاج البيت من مؤنه وغيرها ...

طيب هذي مسؤليه والبعض يقول يااه كبيره ..

طيب فيه مسؤليه زرع الالفه في البيت مهي على الزوج لحاله ... هذي تتشاركون فيها ...

مشكلتنا نبني قصور .. ونبي الزواج نعيم دائم نبيه ضحك وساعه صدر دائمه .. نبي كل يوم طلعات

كل يوم هدايا .. pb036

لا صارت كل يوم بنمل ... لكن ان يكون لكل شيء وقته جميل .. توزيع المسؤليات حسب اولوياتها مع عدم اغفال

الجانب الشخصي لكل زوج او زوجه ..

ياذا العرس .. قايلك يا سعد اللي يعرس مسيكين .. شف ذاك خالد محجور .. لا طلعة وسفرة ولا فلة .. قلنا
ميخالف .. اما يجي ان الواحد يقتل طموحه وابداعه .. بسبب انه اعرس ولهى..

محمد يبي تبرير لافكار هو زارعه ولا يمكن يغيرها ...

الابداع وقتله لايمكن ينقتل او يقل الا اذا كان عنده قابليه لهالشي ...

لا كان متحمس حمس زوجته معاه ...

ايضاً فيه زوجات خلو ازواجهم يكملون واخذو ماجستير ودكتوراه والفضل يعود لله ثم لهن ..

يعني صحيح للزوجه دور هِنا لكن لا ماكان هو نفسه عنده حافز داخلي يشجعه لا يمكن يبدع حتى لو كانت

تحثه على هالشي ..

قريبه لي تزوجت شخص لا يحمل سوى شهاده ثانويه .. أكمل بفضل من الله ثم بفضلها .. حصل على البكالوريوس ..

واصبح يدري في النهار ودوامه في الليل ... تحملت معه ... حصل على الماجستير ... هذا بفضل من ؟

الله اولاً ثم زوجه حثته على ذلك زرعت حب الانجاز والابداع فيه ... تقبل داخلي فيه هو نفسه ورغبه في

التقدم بنفسه ... وهي ضحت ... وكانت تدرس في الجامعه ... اعتذرت منها في السنه الثالثه .. :)

هذا نموذج من نماذج مشرقه متفائله :)

اذن مثلما توجد السلبيات فالايجابيات في الزواج كثيره ...


تبي رأيي .. الوضع يعتمد على الطرف الثاني.. يعني لو جتك وحده أنت متفاهم معها وفيه انسجام بينكم .. صدقني
تبي تبدع اكثر .. وتنتج اكثر .. بس الامر يبي له تفاهم .. اما العرس ماله دخل ..

هذ هو الكلام السليم ... لكن اضافه له ...

لا يجب ان نتصور انه في بدايه زواج سيتم انسجام لاني ارتبطت بشخص ثقافته قد تكون غير ثقافتي ..

طباعه غير .. انا عائله كامله تربيت معهم ... حوالي 25 على اقل تقدير ... لا يمكن في يوم وليل ان تتغير

هذه الطباع والعكس صحيح بالنسبه للزوج ..

بعضهن سياستهن .. (( وزوجكـ على ما تربيه )) !! انا ضد هالحكمه قلباً وقالباً هنا الغي شخصيته

وحتى الزوج بالنسبه للزوجه ... احاول فهمه .. اهيء نفسي وأأقلمها قدر المستطاع .. والعكس صحيح ..

لا نتحدث بمثاليات فقد اكون مليئه بالسلبيات ... لكن ان احاول ان ارتقي .. واضع تحت احاول خطـ لا ان اجلس

واضع يداً على يد واقول لا يوجد انسجام !!

بلا تفاهم بلا خربطة .. العرس واحد .. تبي تجيك وحده علّة وتلج فوق راسك ..
تعال رح جب حط .. ودني جبني .. وتلهى .. من جد الى اعرست .. انتهى ابداعك..

بصراحه يصدمني كثير بتفكيرهم ... واغلبهم من هم حولي ..

طيب لا صار التفاهم خربطه ... كيف التفاهم . في تفكيركم ؟

اغلب الرجال الله يهديهم يتزوج .. واللي يودي ويجيب يا ابو الزوجه او اخوانها ... والضعيفه تلتمس العذر للزوج

عشان ما تهز من شخصيته او تسب زوجها عند اهلها ... بعضهن ربي يصخر لها اخوه ووالد حنون يقولون

ما يخالف اختنا ... لكن بعضهن لأ ..

طيب من واجبات الزوج انه يجيب زوجته ويوديها كيف بيتقربون من بعض لا طلعوا مع بعض ودخلو سوا لاي زياره

يزورونها او طبيب يدخلون عليه .. او حاجه تحتاجها الزوجه فتذهب لوحدها ...

بعضهم يقول بعض النساء مسترجلات ...

وانا اولهم لكن المشكله اذا ما وجدت احد لا زوج لا اهل طيب وش العمل ..

الرجال قوامون على النساء بما فضل الله بعضهم على بعض وين هالقوامه لا صارت غثا ...


بالعكس والله .. الابداع والانتاج يزيد مع الراحة النفسية .. فكل ما ارتحت نفسيا واستقريت .. زاد ابداعك وانتاجك

أكيد .. والراحه النفسيه هي بزوج او زوجه يسكنون لبعضهما ..

الزواج له حكمه من رب العالمين مهما كابرنا ... فلا رجل يستطيع العيش بلا زوجه ولا زوجه تستطيع العيش بلا زوج

...

أيهم في رأيك كان كلامه أقرب للواقع والصواب ؟

سعد قارب الواقع بشكل كبير ...

محمد .. فيه من كلامه واقعيه لكن واقعيه استمدها من ظروف او مواقف او قناعات هو مؤمن فيها ...

يعرف انها مخطئه ويكابر ... وانا اكيده انه في داخله ... عكس هذه القناعات .. لكن يأتي من يصححها له ..

وسيأتي يوم .. (( وتتغير أنا أكيده )) :)


-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

صحيح في حال ان هالشخص هو من قتل ابداعه بنفسه .. هناك عوامل تؤثر نعم ... يا اما بالسلب او الايجاب ..

لكن اذا كان عنده استعداد لقتل هالابداع فبيقتله بنفسه ..

يعني انا نفسي .. من اقتل ابداعي ...

الزواج لا دخل ... انما نحن من نجعل الزواج له دخل بتصرفاتنا ..


سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

اذا كان عنده استعداد وناقشته في هالشي فأنا بحفزه وأوقف جنبه ... يعني انا عامل مساعد له ...

عامل هيئت له الخطوه الاولى .. باقي الخطوات يكون دوري فيها مع حماسه زياده هذا الحماس وتشجيعه

يعني انا الشراره الاولى والباقي هو نفسه ...


يعني هي مسأله طرفين مساعدين لبعضهم بالرقي في هالزواج ... لا مسؤليه مطلقه للزوجه ولا مسؤليه مطلقه للزوج

التفاهم .. التشارك .. النقاش .. التحاور .. السليم

وجهه نظر ارجو ان تصل سليمه ... لأنه خانني التعبير في كثير من النقاط التي اردت ان اسهب في نقاشها :)


تحيااتي :)

[لين ست الحريم]

حياة الانسان تعتمد على شريكه ان كان متفهم ولا لا

ووياما بنات او شباب تزوجوا وانتهى ابداعهم وياما غيرهم تطوروا الى الاحسن

شي نسبي يعتمد على ظروف الحياة وشخصية الانسان

أيهم في رأيك كان كلامه أقرب للواقع والصواب ؟

سعد


-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

على حسب الطرف الاخر اذا متفهم ولا لا....اذا متعاون ولا لا...اذا يقدر هواية شريكه وابداعاته ولا لا
ساعات يكون الطرف الثاني اناني ومايفكر الا بنفسه لدرجة انه يقتل كل طموحات شريكه

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

طبعا بوقف معه واشجعه واساعده....اصلا ان لقيته موب ناوي يطور عمره بنشب له واصير شوكه بحلقه واحسسه ان مستقبلا بيلقى كل الناس اجتهدوا ونجحوا ويقعد هو لحاله ويصير افشلهم
اكررررررررره ماعلي الرجال اللي ماعنده طموح:(


وتحياتي:)

[Jo NaHaL]

-* أيهم في رأيك كان كلامه أقرب للواقع والصواب ؟
سعد

-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟
على حسب شخصيه الرجل
يعني في رجل بيتزوج ينسى كل شي قبل زواجه .. يعني اكيد رح ينسى حتى طموحو
بس يلي عندو طموح حقيقي ولا شي يوقف قدامو

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟
-*سؤال للعيال .. نفس سؤال البنات بس بالعكس ..
اكيد
بس الاهم انو طموحها ما بيتعارض مع واجباتها الاساسية كزوجة
يعني انا بتنازل عن شي من حقوقي .. وهي تحاول تعوض
خصوصا انو الماستر والدكتوراه صار سهل اخدون بهالايام
يعني فيك تقعد في بلدك وتعمل الرساله كاملة واذا خلصت بتروح تقدمها بالجامعه
خصوصا ان الاتصال مع المشرف على الرساله فيه يكون بالايميل مش لازم كون موجود عندو كل يوم
يعني كل شي تسهل .. ومافي شي يقتل الطموح لا الزواج ولا غيرو

[[نـدى الـروح]]

-*هل صحيح ما قاله محمد " تتزوج يعني تنهي طموحك وتقضي على هوايتك وابداعك " ؟ يعني ..هل الزواج ينهي طموح وإبداع الشخص؟

لا ..
فما أقبح التخاذل والتراجع والكســل
وأنا ضد جعل الزواج للرجل عائق بأن يتمم إبداعه أو دراسته وجميل أن أرى في هذا الزمــن كثير من الأزواج بعد الزواج يُــتم مشواره العلمي والعملي والإنتاجي بشكل عام ..وأنا أقول أن هذا ناتج عن الشعور بعظم للمسؤوليه ...

-*سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟
أكــيد لو كــان لكنــت له عوناً له بكل ما أستطيع.....


-*تعليقك على الموضوع ..
كنت ذات يوم مبدعـــة تشهد الصحف بل القنوات لإبداعــي ...
تمت مقابلتي في بعض المجلات ، ......
كـُـرمت في أكثر من حفل...إلخ
بعد الزواج : لم تعد هناك ثمة بقية شعلة حتى لاستضيء بها وأتـــمّ ما بدأت به ...
وكوني أنثـــى ضعيفه لم يسعني إلا الرضاء بقضاء الله..
......
وإن سألته ما السبب ؟
قال أخشى عليكِ من العين وغيرها مما لا أريد قــوله....
لكــن ربما يكون الانترنت مجالا خصبا لأن ابرز شيئا من إبداعي
:)
انتهي بقولي نعـــم كــــــم زواج صار محطة لانتهاء الإبداع ومن ثم إتلافه......
خــاصة ...للضعيفات أمثالي...... pb094
وفي نظري أيضا أنه من العيب أن ينهي الرجل إبداعه .......
.


شــكري وتقديري أخي

[السد المنيع 20]

لما هذه النظره السوداوية للزواج


بل



الزواج بداية الإبداع



عندما يكووون به التكافئ من جميع النواحي


تحياتي
السدالمنيع20

[حنّو]

الطموحات ونهايتها عمرها ماكانت متعلقه بزواج او عدمه

يعني اللي عنده طموح بيكمله لو يتزوج اربع :)

الا اذا كان الزوج اصلا يستنى
اي اشاره عشان يوقف طموحه ويوم تزوج لقاها من الله انه يرتاح لكن عمره الزواج ماكان عائق

انا اعرف كثير شباب تزوجوا من بنات وهم يدرسون وكلهم كملوا دراساتهم الجامعيه وتوظفوا وبعضهم كملوا دراسه برى
وهذا كله وهم متزوجين ومعهم اطفال :)

يعني المساله تتوقف على الشخص نفسه هل هو عنده إراده ودافع وطوح انه يكمل مشواره

او عند اول عائق بيبنشر

واكبر دليل اللي مسافرين برى يكملون دراسهم اكثرهم متزوجين

[**خربز**]

وعليكم الســلام ورحمة الله ..

يمسيــكـ بالخير اخوي ..

عندي قناعة ..
ان الشخص طالما انه تخطى الـ 18 سنة ..
فلا يلوم في اخفاقاته الا نفسه ..
ولا يدور شخص يحطه شماعه لإخفاقاته..
:rolleyes:

... ‘
ناس ناجحين / مبدعين ..
ماكانتـ ظروفهم تساعدهم ..
ولا ازواجهم / زوجاتهم .. يساعدونهم..
لكن لإن طموحهم صادق ..
ومستعدين يتعبون عشان يجنون النجاح ..
ما تركوا هالظروف توقفهم ..:)


..‘

يحفظكـ الرحمن

[لوحة فنية]

طبعا سعد كلامه صحيح مية بالمية من وجهة نظري الشخصية ويعتمد ع الزووجة والزوج اولا واخرا

شكرا ع الطرح :)

[متروع بن ساندرا]

ابتعادا عن المثالية


جوابي بيكون انه صعب ان الشخص الغير متزوج يحكم على حالة تحصل بعد الزواج

يعني في رأيي الاجابة تكون واقعية اكثر وبعيدة ايضا عن المثالية اذا المتزوجين هم اللي يجاوبون ..


احنا العزاب اجاباتنا راح تكون توقعات ..لان نفسية الواحد تتغير بعد الزواج وحياته وطموحه قد يتغير بعد ..
على حسب يعني



باختصار العزابية اجاباتهم بتكون احتمالات فقط ليست واقع او اكيد حدوثه :)

[خمسطعش]

:::

موضوع أكثر من رائع وتفاعلي ..

والله ودي ارد لكن وش ازيد على المبدعين اللي فوق ..

:::

اللي يقرا ردود البنات في هالموضوع يقول ياليت كل البنات مثلهم ..

رجاء اتركوا المثاليه

:::

[رجة ونص]

8
8
8
بعيدا عن الالمثالية تتوقع لو زوج ناوي يكمل دراسته تقدر الزوجة تمنعه :rolleyes:

ولنفرض انه المراة ما يهمها الابداع والنجاح على الاقل يهمها انه ينقال ماشاء الله

زوجها معه ماجستير او دكتوراة ;)

بالنسبة لي الطموح مافيه احد يقدر يحطمه الا الشخص نفسه والا عندنا حالات كثير عن

ناس واجهوا مصاعب كثير بس لانهم طموحين وعندهم شغف للعلم والتقدم قدروا يتخطون

هالمصاعب وابدعوا

[مبااري السااس]

هلا يعطيك العافية
اللي يسمع الابداع يقول ذولا يسولفون باستراحة في طوكيو وكل يوم واحد منهم صانع بلاي ستيشن وإلا رادو :d
يا ابن الحلال كم عدد المبدعين عندنا _ بافتراض ان الزواج يقتل الابداع _ ؟
انا اعتقد ان الزواج عامل محايد او له تأثير محدود على الإبداع
والعوامل الأكثر تأثيرا هي العوامل الشخصية والعوامل البيئية ( الذكاء / القدرات الشخصية / الرغبات والميول / البيئة المناسبة للإبداع ... ونحو ذلك).

الشباب ياخذون الزواج عذر ويعلقون عليه اخفاقاتهم ؟
ذكرت قريب لي فشل في دراسته من الابتدائية ، سألناه ليش ما كملت ؟
قال : السروال كان ضاغط على بطني ولا عرفت احل.:d
<<<<<<<<<<<<<< الحمد لله ومن ذاك اليوم وانا البس سراويل وسيعه وكملت دراستي.( العاقل من اتعظ بغيره ).

[-AnGéLina-]

انا اشوف انك قلبت المعادله كلها!

الزواج قد يكون نهاية الابداع لكن مو للرجل النصيب الاكبر من هذه النهايه انما للمرأه..!

المرأه بعد الزواج راح يكون عندها مسؤليات الزوج والبيت ويمكن بعد طفل وتنشغل بكل هالامور ....هنا ممكن ينتهى مشوار ابداعها..وتتوقف عن دراستها او عن اكمال الطموح في الدراسات العليا!

لكن لكلا الطرفين
انا ماعتقد ان الزواج هو العقبه او نهاية للابداع..المشكله في الشخصيه اللي بتشاركك حياتك اذا كانت تهتم بطموحك فراح تكون اكبر داعم لك..وشفت نماذج كثيره..وكثير كملو دراستهم وتوظفوا بعد الزواج..او اكملت دراساتها العليا ومعها طفلين وهالشي راجع للبيئه في بيتها..لزوجها ولنفسيتها بالمقام الاول

سؤال للبنات.. لو تقدم لك شاب مثل " فهد " .. ووافقتي عليه .. هل بتساعدينه وتوقفين جمبه وتشجعينه
في تكملة الدراسات العليا ومشاريعه وإبداعه .. أو .. الأمر عندك عادي جدا .. ولا يعنيك .. وفالأخير ممكن أن يصبح الشاب مثل فهد ..؟؟

طبعاا

فهذا بيكون اب لاطفالي لازم ادعمه ليكون الافضل بنظري ونظرهم!

الف شكر على طرحك المميز
bp039

[**مزوووون**]

قضيه ان يكون الزواج شماعه للفشل مو معقول
او غير مصدق الا لما يكون الانسان يدور سبب لكسله او فشله ..

لان لكل انسان طموحاته وتطلاعاته ومتى ماحصل توافق بين الطرفين وتكافىء
بين الزوجين بيكون فيه تشجيع ودافع لتحقيق طموحاتهم سواء لرجل او للمراه

ومهما كانت الزوجه غير طموحه اكيد انها ماراح تدفع زوجها لركود
لمستقبله ومستقبلها ومستقبل عيالهم :rolleyes:


:::

شكرا لطرحك
الجميل

bp039

[lover_h]

الزواج في حد ذاته عمره ما كان سبب للاخفاق والفشل....

لكن في نفس الوقت ماننكر انه بمجرد ما الواحد يتزوج .... تزيد مشاغله ويضيق وقته...

(ومساحه الهوايات) ان صح التعبير تضيق او تتلاشى....

من هنا كان الربط بين الزواج وقتل الابداع...

[foteaash]

من واقع تجربه وبعيدا عن المثاليه الزواج بدايه أبدااااااااااااااااااااااع والشخص يا يكون عدو لنفسه أو صديق لها

شكرا على الموضوع الرائع

[فراس]

أنا شخصيا لا أرى أن الزواج يعتبر نهاية الابداع

ولكنها تعتمد في الاساس على الزوجين

فإما كل واحد منهم يساعد الثاني على تكملة حياته وطموحه وإما إن كانا من أصحاب العقليات المنغلقة يحطم كل منهما الآخر

وبعدين غذا قلتو الوقت و لامشاغل يقدرو الزوجين بتنسيق بسيط بينهم إنهم يتركو مساحة فراغ كافية للهوايات

يعني الزوجة مو لازم كل يوم تطلع مع صديقاتها و الزوج مو لازم كل يوم يطلع القهوة أو الاستراحة مع الشباب

موضوع حلو

تحياتي

[Ladies Killer]

برايفت قشامه محترقه

ماعندتس اخت صغيره مابعد اعرست وتبحث عن شاب طموح واسمه ذباح:D



انا صراحه ماقدرت اكمل قلبي عورني << كل تراب:rolleyes:

شف بقولك شي .. بس بشرط بجاوب بس على اسئلت البنات:D

اصبر اجيب شالي حق الصلاة :p

شف وان عمك (استعد بينصب عليك مادامه قال عمك:rolleyes: )

المسألة هي مسالة تنظيم وقت لا اكثر ولا اقل!

ليش انا اسكن جنب دوامي؟

عشان اوفر وقت الطريق للدوام!

بدال مادوامي من الساعه 8 الى 5 واطلع قبلها بساعه وبعدها بساعه يعني اكون قضيت 11 ساعه برى بيتي!!

وانام قل 8 ساعات مع انها مستحيله على السعوديين:D يصير التوتل 19 ساعه!

اجلس مع المدام نسولف سوالف رومنسيه:rolleyes: قل ابو ساعتين .. عشان ناخذ راحتنا

كم باقي؟ ..3 ساعات!..

هالثلاث ساعات هذي تقدر تستغلها استغلال خطير ؟..

احسب معي .. 3*5= 21 ساعه بالاسبوع ..
وعنده الخميس والجمعه 48 ساعه .. قل ينام 16 يبقاله منها 32

32+21= 53 ساعه !

اذا تبي تقنعني ان خويك الي يقول ان الزواج ضد الابداع مهوب قادر يستغل الثلاثه وخمسين ساعه بالاسبوع ويذاكر ولو فيها 7 ساعات ... يعني كل يوم ساعه ..فالرجل هذا يااما يستهبل او يستهبل:D

بالعكس كثير من الناس ما انضبطواا الا بعد الزواج

ياشيخ شف وقتنا ضايع ياعلى نت .. او بالثمامه .. او في بارات البحرين:D .. او بالتسدح على التلفزيون او بالرضع على التلفون .. خلونا نتكلم بجد

مافي شخص يرفض الزواج وهو قادر وسليم مافيه شي الا وهو لاقي له متنفس اخر;)

وكلنا عارفين وشو هالمتنفس ..

الرجل مايقدر يستغني عن المرأة .. مدري اذا انت متزوج والا لا .. بس اعرس وشف الفرق

انا اتكلم لك من خلال خبره .. معي دبلوم زواج معترف من قبل وزارة الاعمال الشاقة:D

صدقني .. وقتها تحس انك عايش .. وقتك الي تقضيه مع اخوياك يصير له قيمة عكس اول يوم تبطحون قدام روتانا او بالمقاهي لساعات طوال بدون اي هدف او هويه:D

المسألة وانا عمك:rolleyes: سالفة تنظيم وقت ..لا اكثر ولا اقل

ياكثر الي قال انا ما ابغى اتزوج ماعندي وقت .. وتلقاه كل شوي طالع لك بسفريه جديده او يضيع وقته بالمقاهي

وبكره هو يبي يندم على الشي هذا ..

ياشيخ جعلني اتزوج واجلس معاها ساعه وحده باليوم .. اهم شي اني احصن فرجي وعادي كل الي قبلنا تزوجوا .. عمرك هو الي يمضي ..

محد راد لك شبابك اذا ضاع ..

بقص لك سالفه .. هذا ياطويل العمر ..كان فيه اثنين اهملوا دراستهم .. وبعدين دخلوا بعد ما اخذوا الثنويه وليلي دبلوم مابعد الثنويه حق معلمين (هذا الكلام قبل اكثر من عشرين سنه) ..

الوتساد .. هذولا الاخوياء قرروا انهم يعرسون .. وتزوجوا مع بعض ..

مرت السنين ويقابلهم الي يقص علي القصه ... ولانهم مكملين بكالريوس وماخذين ماجستير في تخصصاتهم(واحد تربيه رياضيه والثاني رياضيات او عربي ماذكر) .. وقاعدين يحضرون الدكتوراه!

يقولهم الرجال شكلكم جايبينها بفلوس والا مزورين شهاداتكم(يمزح معاهم)

قالوا لا والله .. بس بعد ماتزوجنا حسينا بالمسؤليه .. وندمنا على الي ضاع وخصوصا يوم جونا عيال .. وصرنا نرجع للبيت نلقى المعزبة مجهزة الغدا نتغدى وبعدين تاخذ البزوره بعيد عن بغرفه لحال وتجهز لنا ذاك الشاهي الي يروق الراس .. ونذاتسر ..:)

تحياتي

[BATMAN]

أشكر كل من قرأ الموضوع .. وأقدر كل من رد على الموضوع .. وأتحفنا برأيه .. :)
أغلب الردود .. كانت متفقه مع سعد ..
حاولت بقدر اللإمكان .. إني أرد ولو بشكل بسيط على كل من تكرّم ورد .. بس لضيق الوقت .. هذا اللي طلع معي pb094
تحياتي لكم .. ولمروركم الكريم ..

نيوو لوك bp039

BATMAN bp039

نيوو لوك bp039 bp039 bp039 bp039 bp039 .. يكفي أنك أول رد pb094
شاكر لمروك والوردة .. :)

****^^^^*****

o0o دلـخــه o0o .. bp039

روعه موضوعكــ .. والحمدلله عرفت افكار الشباب ( خشه تقول هين )

pb094 بالعكس .. كل هذا عشان تعرفين أفكار الشباب :)
بس وش قصدك بأفكار الشباب اللي عرفتيها من هالموضوع بالضبط !! pb036

****^^^^*****

طايرتن بالعجه bp039

اسمحلي احس كلامكم كلام صغار مو كلام ناس تخرجت

الزواج شرع من ربنا فرض علينا ولو كان يقتل الطموح مانصحنا فيه

غريب امركم تسمونه بلوى نصف الدين صار بلوى

سامح لتس يا خالة :D بس هل كل من تخرج صار كبير !
وكلامك عين العقل صراحة .. بس ليش معصبه!

****^^^^*****

&&&مستر إكس &&& bp039

****^^^^*****

انوار الرياض bp039

محيميد ودي اطحنه ذاااا

ههههههههههههههههههه ويقولون رقيقات :D

****^^^^*****

وحدة مالها حظ bp039

****^^^^*****

رنـّو bp039

مافي قاعدة معينة تتعمم على الموضوع..
لانو كله يعتمد على الزوج والزوجة وشخصياتهم..

عادي في زوجات مالهم طموح ومايشوفو اي دنيا بعد المطبخ, وفي زوجات بالعكس لما يتزوجو تكون فرصتهم للتطور الشخصي والوصول للاهداف, وفي زوجات قنوعات بوضعهم بس يشجعو ازواجهم على الابداع والانطلاق يعني..

نفس الشي ينطلق على الازواج..
في رجال يحبو يشوفو زوجاتهم واصلين لدرجات علمية او مهنية كبيرة, في بعضهم ممكن ينجن من هالشي ويشتغل في زوجته تحبيط..

يعني الطرفين يأثرو على بعض والسلام

كلااام توقفت عنده كثييير .. شكرا :)

****^^^^*****

je t'aime bp039

إقتباس »
مشروع تغيير لون السيارة بالكمبيوتر..

مشروع تغيير لون السيارة بالكمبيوتر .. معناته بضغطة زر داخل السيارة يتم تغيير لون السيارة بالكامل فوريا .. فما يكون للسيارة لون محدد .. يتم تغيير اللون حسب مزاج السائق :)

الإنسان الي مايقدر تكون شخصيته مع نفسه مفهومة وقوية ماراح يقدر على زوجته
لان الزوجة تتشكل لك حسب شخصيتك وطريقتك وتفكيرك .................... الخ

كلام عجيب ! تكفى أبغى توضيح كامل لكلامك قبل لا ادرعم وانا مطفي النور !!!!
وش قصدك بالضبط بتتشكل لك حسب شخصيتك وطريقتك وتفكيرك ... يعني هي مالها شخصية ولا طريقة ولا تفكير ... الخ

توضيح رجاءً :)

****^^^^*****

purple bp039


كلام راائع .. ودعائي لكم بالتوفيق :) .. فعلا وقفة تأمل :)

****^^^^*****

المشاكسة bp039

انا بصراحه اوافق الطرفين سعد ومحمد

pb111

واوافق محمد فعلا احيانا الزواج خصوصا اذا كثروا الاطفال يصير الواحد مهوب متفرغ حتى لنفسه
مهوب شرط السبب يكون من الزوجه بس المسؤليات طبيعي انها تكون اكبر ويتعب الواحد معها

هذا اللي كان يقصده محمد :) بس بعض الناس فهموه غلط .. والعتب على لسانه :)

وعموما انا عندي وجهه نظر في الموضوع

أنا أتفق معك تماما في وجهة نظرك.. الله يصلح الحال :)

****^^^^*****

~ البروفسور ~ bp039

كلام أعجبني كثيرا .. شكرا :)

****^^^^*****

دايم معكم bp039

BATMAN كل ودي ..

شكرا لك أنتي على تشريفك الموضوع .. :)

****^^^^*****

صاحب الظل الطويـــــل bp039

طريقة عرض الموضوع رااايقة جدا

طلتك هي الأروق << وش يبي ذا :D
تسلم لي ظل .. أخجلتني pb094

****^^^^*****

امطـــرت bp039

بس عني اللي اسمعه كثير ان الزواج ينظف مخ الواحد ويصير يركز اكثر ويحرص أكثر وبراحة بال اكثر :>

!
صدق؟ أجل بكرا باعرس :D
ممكن زيادة بخصوص هالموضوع لا هنتي .. :)

****^^^^*****

قشامه محترقه bp039

مساء الخير ..

مسأله الزواج والارتباط مسأله مهي سهله أبداً قرار مصيري .. انسان بربط نفسي فيه مدى العمر ..

البعض لا .. يظن انه تزوج خلاص جميع طموحاته وآماله تنتهي ...

الازواج .. كانوا قبل الزواج من المهتمين بالاناقه والهندام .. تطوير انفسهم للاحسن لا من ناحيه

محيط العمل او المحيط الاجتماعي .. بعد الزواج ينتهي هذا كله ..

لا اهتمام باللبس ولا اهتمام بغيره مجرد تأديه واجب من ناحيه بيته ومن هم حوله وبس ...

يعني الواجبات الاسريه وغيرها معتبره شي فرض عليه يؤديه بشكل روتيني كجسد بدون روح :)

الزوجه ايضاً .. قبل الزواج مشهود لها بالاناقه والجمال والثقافه ...

الطموح في الدراسه وغيره ... لها انشطه هُنا وهناك .. كل هذا يموت ....

لا اناقه الا اذا كان هناك زياره ... لا كلام منمق الا مع الصديقات ...

لا انشطه ... لا ثقافه كلها تندثر !!!

وش السبب

الازواج يضعون اللوم على الزوجه ... والزوجات يضعن اللوم على الازواج ... وش السبب ؟ :)



هِنا البدايه ليش مسكين !! ..

ليش تحطيم أو جلد الذات لكن بأسلوب الذم في الطرف الاخر والتحسر عليه بقوله مسكين ...



محمد هنا زارع في راسه ... سلبيات للزواج لا يمكن يغير قناعاته .. يأما لظروف عاشها هو .. او لمواقف مرت او سمعها

مِن مَن هم حوله ...

وهذا اللي يخلينا ما نسمع او ما نصدق كل ما نسمع ... كل زوج وكل حياه زوجيه

لها ظروفها بتغير شخصياتها ولا هو كل زوج يشبه الزوج الاخر ولا كل زوجه نفس مواصفات الزوجه الثانيه

كلٍ له شخصيه مستقله اشخاص يقدرون يتعايشون او يأقلمون انفسهم مع شخصيه الزوج او الزوجه واشخاص لأ ..

ومافيه زواج بدون مسؤليات ... أمرأه ارتبطت فيها اصبحتوا روح واحده في جسدين ... كيف تبي تتنصل من هالمسؤليه !!

كثير ... صار يحط العذر المسؤليه .. وش هالمسؤليه ابي اعرف !!

مسؤليه البيت على الزوجه وهو مملكتها وخاص فيها ... وهنا اذا دخل الزوج فيه وشاركها ... يكون ياربي تجزاه

خير .. اذا ما تدخل ما نرغمه .. مسؤليته في جلب ما يحتاج البيت من مؤنه وغيرها ...

طيب هذي مسؤليه والبعض يقول يااه كبيره ..

طيب فيه مسؤليه زرع الالفه في البيت مهي على الزوج لحاله ... هذي تتشاركون فيها ...

مشكلتنا نبني قصور .. ونبي الزواج نعيم دائم نبيه ضحك وساعه صدر دائمه .. نبي كل يوم طلعات

كل يوم هدايا .. pb036

لا صارت كل يوم بنمل ... لكن ان يكون لكل شيء وقته جميل .. توزيع المسؤليات حسب اولوياتها مع عدم اغفال

الجانب الشخصي لكل زوج او زوجه ..



محمد يبي تبرير لافكار هو زارعه ولا يمكن يغيرها ...

الابداع وقتله لايمكن ينقتل او يقل الا اذا كان عنده قابليه لهالشي ...

لا كان متحمس حمس زوجته معاه ...

ايضاً فيه زوجات خلو ازواجهم يكملون واخذو ماجستير ودكتوراه والفضل يعود لله ثم لهن ..

يعني صحيح للزوجه دور هِنا لكن لا ماكان هو نفسه عنده حافز داخلي يشجعه لا يمكن يبدع حتى لو كانت

تحثه على هالشي ..

قريبه لي تزوجت شخص لا يحمل سوى شهاده ثانويه .. أكمل بفضل من الله ثم بفضلها .. حصل على البكالوريوس ..

واصبح يدري في النهار ودوامه في الليل ... تحملت معه ... حصل على الماجستير ... هذا بفضل من ؟

الله اولاً ثم زوجه حثته على ذلك زرعت حب الانجاز والابداع فيه ... تقبل داخلي فيه هو نفسه ورغبه في

التقدم بنفسه ... وهي ضحت ... وكانت تدرس في الجامعه ... اعتذرت منها في السنه الثالثه .. :)

هذا نموذج من نماذج مشرقه متفائله :)

اذن مثلما توجد السلبيات فالايجابيات في الزواج كثيره ...




هذ هو الكلام السليم ... لكن اضافه له ...

لا يجب ان نتصور انه في بدايه زواج سيتم انسجام لاني ارتبطت بشخص ثقافته قد تكون غير ثقافتي ..

طباعه غير .. انا عائله كامله تربيت معهم ... حوالي 25 على اقل تقدير ... لا يمكن في يوم وليل ان تتغير

هذه الطباع والعكس صحيح بالنسبه للزوج ..

بعضهن سياستهن .. (( وزوجكـ على ما تربيه )) !! انا ضد هالحكمه قلباً وقالباً هنا الغي شخصيته

وحتى الزوج بالنسبه للزوجه ... احاول فهمه .. اهيء نفسي وأأقلمها قدر المستطاع .. والعكس صحيح ..

لا نتحدث بمثاليات فقد اكون مليئه بالسلبيات ... لكن ان احاول ان ارتقي .. واضع تحت احاول خطـ لا ان اجلس

واضع يداً على يد واقول لا يوجد انسجام !!



بصراحه يصدمني كثير بتفكيرهم ... واغلبهم من هم حولي ..

طيب لا صار التفاهم خربطه ... كيف التفاهم . في تفكيركم ؟

اغلب الرجال الله يهديهم يتزوج .. واللي يودي ويجيب يا ابو الزوجه او اخوانها ... والضعيفه تلتمس العذر للزوج

عشان ما تهز من شخصيته او تسب زوجها عند اهلها ... بعضهن ربي يصخر لها اخوه ووالد حنون يقولون

ما يخالف اختنا ... لكن بعضهن لأ ..

طيب من واجبات الزوج انه يجيب زوجته ويوديها كيف بيتقربون من بعض لا طلعوا مع بعض ودخلو سوا لاي زياره

يزورونها او طبيب يدخلون عليه .. او حاجه تحتاجها الزوجه فتذهب لوحدها ...

بعضهم يقول بعض النساء مسترجلات ...

وانا اولهم لكن المشكله اذا ما وجدت احد لا زوج لا اهل طيب وش العمل ..

الرجال قوامون على النساء بما فضل الله بعضهم على بعض وين هالقوامه لا صارت غثا ...




أكيد .. والراحه النفسيه هي بزوج او زوجه يسكنون لبعضهما ..

الزواج له حكمه من رب العالمين مهما كابرنا ... فلا رجل يستطيع العيش بلا زوجه ولا زوجه تستطيع العيش بلا زوج

...



سعد قارب الواقع بشكل كبير ...

محمد .. فيه من كلامه واقعيه لكن واقعيه استمدها من ظروف او مواقف او قناعات هو مؤمن فيها ...

يعرف انها مخطئه ويكابر ... وانا اكيده انه في داخله ... عكس هذه القناعات .. لكن يأتي من يصححها له ..

وسيأتي يوم .. (( وتتغير أنا أكيده )) :)




صحيح في حال ان هالشخص هو من قتل ابداعه بنفسه .. هناك عوامل تؤثر نعم ... يا اما بالسلب او الايجاب ..

لكن اذا كان عنده استعداد لقتل هالابداع فبيقتله بنفسه ..

يعني انا نفسي .. من اقتل ابداعي ...

الزواج لا دخل ... انما نحن من نجعل الزواج له دخل بتصرفاتنا ..




اذا كان عنده استعداد وناقشته في هالشي فأنا بحفزه وأوقف جنبه ... يعني انا عامل مساعد له ...

عامل هيئت له الخطوه الاولى .. باقي الخطوات يكون دوري فيها مع حماسه زياده هذا الحماس وتشجيعه

يعني انا الشراره الاولى والباقي هو نفسه ...


يعني هي مسأله طرفين مساعدين لبعضهم بالرقي في هالزواج ... لا مسؤليه مطلقه للزوجه ولا مسؤليه مطلقه للزوج

التفاهم .. التشارك .. النقاش .. التحاور .. السليم

وجهه نظر ارجو ان تصل سليمه ... لأنه خانني التعبير في كثير من النقاط التي اردت ان اسهب في نقاشها :)


تحيااتي :)

كلام عجزت ألقى له التعليق المناسب .. ففضلت إني اقتبسه كله :)

****^^^^*****

لين ست الحريم bp039

حياة الانسان تعتمد على شريكه ان كان متفهم ولا لا

ووياما بنات او شباب تزوجوا وانتهى ابداعهم وياما غيرهم تطوروا الى الاحسن

شي نسبي يعتمد على ظروف الحياة وشخصية الانسان

اكررررررررره ماعلي الرجال اللي ماعنده طموح

:)

****^^^^*****

Jo NaHaL bp039

****^^^^*****


ندى العين bp039

شــكري وتقديري أخي

بالعكس .. الشكر العميق لك .. ولمشاركتك الرائعة .. شاكر ومقدر لك .. :)

****^^^^*****

السد المنيع 20 bp039

الزواج بداية الإبداع

عندما يكووون به التكافئ من جميع النواحي

نقطة قليل منتبهين لها :) تستحق التأمل ..

****^^^^*****

حنّو bp039

الطموحات ونهايتها عمرها ماكانت متعلقه بزواج