~ غبـ ــ ــ ــ ــ ــاء ~

[meee]

أحيانا ً تراودنا رغبه في التغيير ..


رغبه في تغييرنا نحن .. تغيير عاداتنا .. مفاهيمنا .. تغيير طريقة تفكيرنا ..

:

وتتسع دائره التغيير .. فــ تشمل من حولنا .. محيطنا .. مجتمعنا ..

:

رغبة في تغيير الناس من حولنا ..

:

باختصار .. تغيير واقعنا .. تغيير حياتنا ..



أحيانا نقابل اناسا ً يزيدون من رغبتنا في التغيير .. ناس نود ان نغير طريقه تفكيرهم ..
ناس ما زالوا يعيشون في قبور الجهل .. أناس ما زالو في رجعيتهم ..
ولازالوا يعتنقون اعتقادات لا يحملها الا هم ..

:

عالم سقيم ..

:



_1_

يتحدث مع صاحبه عن حادثه حصلت في بيتهم البارحه .. ابطالها هم اخوته الصغار .. بنت وولدان ..
يقول .. "قام فيصل وجا منصور .. وراحت اختي.."..
أختك مالها اسم !!
اختك بيت بدون عنوان !!
ويكمل حديثه .. " وجت امـ محمد .."..
مين امـ محمد !!
ما تعرف تقول امي امـ محمد .. !!
ام اصبح مجرد ذكر لقب الام وصمه عار على جبين وليدها !!
,,,
(( واذا عرف ان فلان يعرف اسم امه .. عزم على الاخذ بــ ثأره .. ويا قاتل يا مقتول ..))

غبــ ــ ــ ــ ــ ــ ــ ــ ــ ــ ــ ـاء !!


هذا من يحتاج الى "فورمات " لجميع انظمه دماغه .. وتغيير جميع برامج النظام لديه ..

::



- 2-


للّتو .. تعرفت على احداهن في مكان عام ..
واول ما سالتني عنه : " انتي بنت مين !!
واصلكم من وين !!
قبايل ولا !!".. < --- شكل السالفه فيها دم
واذا لم يعجبها أصل البنت ودعتها .. وكانها لم تحاول عبثا التقرب اليها ..
ألم تعلم أن الناس بأخلاقهم ..
وأن ..( الفتى من يقول ها أنا ذا .. ليس الفتى من يقول كان أبي ..)

غبــ ــ ــ ــ ــ ــ ــ ــ ــ ــاء !!


ممكنــ UpDate يفي بالغرض ..

::





- 3-


سمع خبرا ً ..
لم يتأكد من مدى صحته ..
لكن..
جرى يسابق الريح ..
لـــ يذيع ما عرف ..
وكانه ــ رويتر ــ

غـبــ ــ ــ ــ ــ ــ ــ ــ ــ ــ ــاء !!



يكفي فصل التيار بشكل مفاجئ ..لــ يزول ما خـُـزِّن في الــ RAM من ملفات مؤقته ..


::





-4-

دخل احد غرف الحوار في شات "ــــــــــ"
وبعد حوار قصير ..
وجد ضالته ..
أقنعها بالانضمام الى النخبه التي يحتويها * ماسنجرهـ *
وانها اول المضافات ..
غبيــ ــ ــ ــ ــ ــ ــ ــهـ ..
عندها صرح لها بـــــــــــ حبــ ــ ــ ــ ــ ــ ــهـ !!
حب اخر زمن !!
في ثواني .. وبدون مقدمات .. وبدون معرفه ..
حب عـــ الطاير ..
ومثل ما جاء في ثواني ..
بــ يطير في ثواني اقصر منها ..
(( أصلا هو جا عشان يروح !! ))
::
لكن ..

غبــ ــ ــ ــ ــ ــ ــ ــ ــ ــ ــاء !!


هؤلاء بحاجه الى .. Right Click -- > Send To Recycle Bin

فــ الحياة تسير بدونهم ..


::



- 5-

عضو نشيط في احدى المنتديات ..
قل نشاطه في فتره ما ..او بالاصح .. تحول من عضو مشارك الى عضو قاريء ..
أرسلت له مشرفه احد الاقسام (برايفت مسج ) الغرض منها حثه على المشاركه من جديد ..
كتبت فيها ..
‘‘
مساء الخير اخوي .. كيف حالك .. افتقدت تواجدك في الفتره الاخيره ....etc
,,
مسكين .. قال : ما سالت عني الا لسبب ..
أكيد ..
تـ ــ ــ ــ ــحــ ــ ــ ــ ــ ــبــ ـ ـ ــنـ ــ ــ ـي !!


أي حب أنت الاخر ..
قلبك عليل .. وفكرك سقيم ..
الله يشفيك ..


::

غـبـ ــ ــ ــ ــ ــ ــ ــ ــ ــ ــ ــاء !!


هذا بحاجه لتغييير كامل ل system تبـــــــعه.. !!

::




::

وما زال غبائهم .. مستمرا ً ..

[نديم]

بالتوفيق بانتظار التفعيل

[الكموني]

حلو والله لو الحب يجي ويروح كذا بدون عذاب كان شي 000 الله يقرف حب هاليومين ما تدري هو حب او فوره00

[BLUE-SNAKE]

يتحدث مع صاحبه عن حادثه حصلت في بيتهم البارحه .. ابطالها هم اخوته الصغار .. بنت وولدان ..
يقول .. "قام فيصل وجا منصور .. وراحت اختي.."..
أختك مالها اسم !!
اختك بيت بدون عنوان !!
ويكمل حديثه .. " وجت امـ محمد .."..
مين امـ محمد !!
ما تعرف تقول امي امـ محمد .. !!
ام اصبح مجرد ذكر لقب الام وصمه عار على جبين وليدها !!
,,,
(( واذا عرف ان فلان يعرف اسم امه .. عزم على الاخذ بــ ثأره .. ويا قاتل يا مقتول ..))

غبــ ــ ــ ــ ــ ــ ــ ــ ــ ــ ــ ـاء !!


هذا من يحتاج الى "فورمات " لجميع انظمه دماغه .. وتغيير جميع برامج النظام لديه ..


مدري احس ان هالكلام كان اول بس انا مع وضد
مع ان الواحد يحافظ على اهله ويخاف عليهم وبعدين هذا عرضه اذا ما خاف عليهم على مين يخاف
وضد ان الواحد اذا ما ذكر اسم امه او خواته يكون هذا من تحقيرهم ولا من تقليل شانهم في حياااته
بل العكس هذا اشد درجات حبه لهم <<<< في نظري:)

ومشكورة على الموضوع

[دلـ خ ـهـ]

هذا ليس غباء هذا مرض ..
المشكله في مجتمعنا ان الكل يضن انه الفاهم الوحيد pb036
وانه المرأهـ عندنا بس للبيت حتى اسمها ماينادونها به غير بالبيت
لدرجه إنا يالبنات تعودنا وصرنا نقول للصغار
عيب لاتقول اسم اختك عند الرجال pb036
اما مسألة الحب فهذا خرابيط تافهه وفراغ عاطفي
أثار الكبت الاسري والاجتماعي

[أكينو]

مبروك التفعيل ياقمر
مره نااااااااايس موضوعك
جد احنا محتاجين نغير انفسنا
عووووووووووافي ياعسل
bp039

[نوير MISS]

مبـــــــروكـ التفعيل ...


للّتو .. تعرفت على احداهن في مكان عام ..
واول ما سالتني عنه : " انتي بنت مين !!
واصلكم من وين !!
قبايل ولا !!".. < --- شكل السالفه فيها دم
واذا لم يعجبها أصل البنت ودعتها .. وكانها لم تحاول عبثا التقرب اليها ..
ألم تعلم أن الناس بأخلاقهم ..
وأن ..( الفتى من يقول ها أنا ذا .. ليس الفتى من يقول كان أبي ..)

دايما افكر في ها السالفه يعني الحين يوم صرنا قبايل وصرنا وصرنا وبعدين وش نفعنا ..
بجد في ناس ودك تسويلهم فورمات زي ماقلتي..

[KeNdA]

يتحدث مع صاحبه عن حادثه حصلت في بيتهم البارحه .. ابطالها هم اخوته الصغار .. بنت وولدان ..
يقول .. "قام فيصل وجا منصور .. وراحت اختي.."..
أختك مالها اسم !!
اختك بيت بدون عنوان !!
ويكمل حديثه .. " وجت امـ محمد .."..
مين امـ محمد !!
ما تعرف تقول امي امـ محمد .. !!
ام اصبح مجرد ذكر لقب الام وصمه عار على جبين وليدها !!
,,,
(( واذا عرف ان فلان يعرف اسم امه .. عزم على الاخذ بــ ثأره .. ويا قاتل يا مقتول ..))

غبــ ــ ــ ــ ــ ــ ــ ــ ــ ــ ــ ـاء !!


هذا من يحتاج الى "فورمات " لجميع انظمه دماغه .. وتغيير جميع برامج النظام لديه ..



بالعكس مايسمى غباء يسمى حرص وخوف :rolleyes: pb189

انبسط اذا دقيت على اخوي وكان مع شباب وقال هلا وش تبون ؟ خلاص انا ادق عليكم ..
ومايوضح لهم مين داق عليه (: ،
ويسمينا الأهل بكل مكان حتى لو كنت طالبه منه شي
يقول الأهل يبون كذا وكذا ومايسميني بإسمي
خلاص حنا تعودنا على كذا وكل واحد يحافظ على اسماء اهل بيته وهذا من حبه لهم
ولأنه يحس انهم جزء منه حتى بأسمائهم :)

يعجبك لما يعرف صديق اخوك اسمك ؟ ويناديك بإسمك قدام الشباب ؟ خخخ مااتوقع :)

:


تسلمين على الموضوع ومبروك التفعيل bp039

[ماذا بعد]

1

اللي شفته عند البعض ان البنات الصغنونات عادي تنقال اساميهم وعادي يقعدون مع ربع اخوانهم اذا جو ترى ميب حرام والله !
اما الكبار انا اشوف انها باديه تخف هالظاهره -- يقول اسم اخته او يمزح مع امه عاادي بس اذا صاروا اللي حوله ربعه القراب مره -- اما والله ناس بعاد ويمكن اول مره يقعدون مع بعض هنا بجد ماله داعي

2
يمكن تبي تخطبpb030 وتبي تعرف المعلومات من البداية

انا معك انها اسلوب دفش وطريقة غلط شوي لكن يمكن هي ببالها كذا

وترى بعض البنات ماعندهم مشكلة وتلقينها تقول كل المعلومات من البداية -- الناس يختلفون

3
معروف ان الخبر الشين ينتشر بسرعة :sm4:

4
متى عرفتيني حتى تحبيني .. لوقلت لك بدري مااظن انا غلطان
متى لمحتي الشوق والصدق في عيني .. وبيني وبينك درب غربه وبيبان
وش تحسبين الحب ياللي تحاكيني .. الحب ماهو سالفه بين خلان
الحب صدق احساس وسط الشرايني .. الحب ياصوت لفا نبض ولهان
اليوم لاقلتي معك باكر بتنسيني.. هذي الحقيقه واسالي كل انسان


اللي يصير تفريغ شعور + لعب بأغلب مواقع الشات


5
فراغ عاطفي

[static!]

مبروك التفعيــل meee
إن شـاء الله نكسبك معنا / قارئه + مشاركه
حياك بين أسرتك

بالنــسبه للغباء - المذكور في موضوعك -
.. سيفصفصه الأعضاء ..
اضافتي لن تزيد عما ذكروه
لكِ كل الــــود .. بـإنتظار جديدك / وتواجدك

[ثورة الشك]

مبروك التفعيــل meee
إن شـاء الله نكسبك معنا / قارئه + مشاركه
حياك بين أسرتك

بالنــسبه للغباء - المذكور في موضوعك -
.. سيفصفصه الأعضاء ..
اضافتي لن تزيد عما ذكروه
لكِ كل الــــود .. بـإنتظار جديدك / وتواجدك


ليتها كانت مشاركه + قارئه

فـ مثلها يتفاخر المكان بتواجدها

مرحبا فيك .. ومبروك الإنضمام للأسره bp039

[ثلج بارد]

لن اقول مبروك لك التفعيل

بقول مبروك علينا تفعي يوزرك :)

كلامك جميل ويحكي الواقع الغبي لتلك المواقف والتصرفات

اما في موقف الأسم فمثل ماقالت اختي KeNdA قد يكون من باب الحرص لا اكثر

meee

هنيئاً لنا بتواجد قلم مثلك bp039

[je t'aime]

_1_

يتحدث مع صاحبه عن حادثه حصلت في بيتهم البارحه .. ابطالها هم اخوته الصغار .. بنت وولدان

الغباء اني اتكلم بلسان الجنس الآخر !! وانا ماعرف افكاره
مثل ما انا اتخيل اني بنت واجيب موقف اعتقده غبي بالنسبه لي ..


- 2-


للّتو .. تعرفت على احداهن في مكان عام ..
واول ما سالتني عنه : " انتي بنت مين !!
واصلكم من وين !!
قبايل ولا !!".. < --- شكل السالفه فيها دم
واذا لم يعجبها أصل البنت ودعتها .. وكانها لم تحاول عبثا التقرب اليها ..
ألم تعلم أن الناس بأخلاقهم ..
وأن ..( الفتى من يقول ها أنا ذا .. ليس الفتى من يقول كان أبي ..)

غبــ ــ ــ ــ ــ ــ ــ ــ ــ ــاء !!


ممكنــ UpDate يفي بالغرض

الغباء اننا نحكم بالغباء بدون التفكير بالأسباب .. يعني مجتمعنا يفرض علينا بغض النظر عن الصحه او لا ، بس يفرض علينا زواج القبيلي من القبيلي فقط .. ومن الغباء الدخول في المعمعة


سمع خبرا ً ..
لم يتأكد من مدى صحته ..
لكن..
جرى يسابق الريح ..
لـــ يذيع ما عرف ..
وكانه ــ رويتر ــ

غـبــ ــ ــ ــ ــ ــ ــ ــ ــ ــ ــاء !!


هذا التسرع مثل الحكم على الآخرين بالغباء بتسرع


meee

هنيئاً لنا بتواجد قلم مثلك bp039

[صوت الصمت]

(( واذا عرف ان فلان يعرف اسم امه .. عزم على الاخذ بــ ثأره .. ويا قاتل يا مقتول ..))

ترى الناس بطلت هالحركات ماشوفها الا على المراهقين الي بيسون انفسهم رجال

كل الي ذكرتيه بعده اتمنى ينتهي : /

مبروك لنا هالتفعيلbp039

[لا تتـنهّد]

مشاء الله عليكي

ماعندك الا مشاركة وحدة بس صراحه اعجبت بطريقتك بالنقاش واسلوب طرحك

على البركة التفعيل وحياك معنا

ولاتقطيعنا : )

..

بالنسبة لموضوعك كويس ان خليتهم على شكل حوارات

يعطينيا متعه اكثر

كل موضوع له قضية منفردة

سلمت يمناك : )



.

[ســــــابينـــا]

اللي يقولون مانذكر اسم خواتنا واهلنا للحرص عليهم
ولا من حبنا لهم وخوفنا عليهم!:confused:
يعني انتوا تحبون اهلكم اكثر من حب الرسول
صلى الله عليه وسلم لبنت فاطمه!
ولا حب الرسول لزوجاته !:rolleyes:
..
حتى تبريراتكم مادري وش تبي!
حلوو اجل حب ولا خوف !:rolleyes:
تغلفون عادات وتقاليد جاهله باسم الحب والخوف:sm3:
عذراقبح من ذنبpb093

[ميرندا تلقيمه]

حقيقة مسجات جميلة ومفيدة ..
لن اعقب على كلامك فكله على بعضه عاجبني ..
ولكن في شئ في المتصفح عندي انبهرت لما قراته وهو وحده من الاخوات
يعجبها ان يناديها اخوها بالاهل ؟! وانها لاترضى ان يذكر اسمها عند اصدقاء اخوها ؟
مالسبب ياترى ؟!
ياليت تقنعيني ؟ بسبب عدم ذكر اسمك عند اصدقاء اخوك ؟!
هل اسمك شين ؟! او قبيح ؟ اومعناته مخزي ؟!
اذا كان اسمك كذا فانا معك ان معكي باخفاء اسمك ؟!
واشد من ازرك واؤيدك بتغييره فورا ً ...

ياليت تجاوبيني ؟! سبب اخفاءك لاسمك ؟!