عرض كامل الموضوع : بدون عنوان (بس عطني اجوبتك)
محد حولك
19-11-2006, 01:56
السلام عليكم..
صباحكم ورد او مساءكم ورد
اولا عندي بعض الاسئلة واريد لها اجابه صريحه
يعني يجي واحد يستملح او من هذا القبيل مالها داعي
انتم تعرفون ان هالوقت بدت العلاقات بين الذكر والانثى بالتلفون كثيره والي تطلع والي تعرس والي تزعل والي تصير مشاكل والي ينوي نيه على وحده والي بزر توه طايح في مكالمه وانهبل وخق مع الصوت وما فيه الا انواع البطاقات وهدايا ودببه وسواليف اخر الليل ابي اطرح عليكم سؤال:
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
انا عارف ان بيجيني كم واحد مجلعد ومطفي النور ويقعد يقول على كيف ام امك انت؟:D
والي بيجي بيقول اني انسان منحرف والعياذ بالله:D فا هذولي اقولهم من الحين فيه مربع فوق صغينوط محطوط عليه علامة X اضغط عليها وانتهى الموضوع
ما علينا
السؤال الثاني:
هذا السؤال يتحدث عن الطلاق او الانفصال يعني كل واحد يضف وجهه بجهه والثاني بجهه اخرى
السؤال هو:
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
الي فهم هالسؤال كويس ما فهم مشكلته
السؤال الثالث وهو مخصص للذكور فقط:
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
اتمنى من الي يجاوبون على هالاسئلة هذا اذا كان فيه احد يجاوب يجاوب بصراحه , لأن هالاجوبه تهمني
موب يجي واحد يستخف دمه فا ارجوا من الجميع ان يكون الموضوع جدي
تحياتي لكم جميعاً,,,
اعذروني لأني ما قدرت ارتب الكلام وطالع مستعجل شوي
من 8 الى 4 العصر دوام ومن 4.45 معهد الى 9 الليل ومن 9 الليل الى 3 الفجر عمل آخر يالله يمديني انام:)
حاسبتها ^ غلط
19-11-2006, 02:33
صح انك داخل عرض :D
وجاي تهدد وتتشرط بس راح ارد عليك << تحب الحماشة :D
هل تؤيد او تؤيدين الزواج عن طريق الجوال أو النت؟
نعـــــــــــــــم ، عادي جدا جدا
ولماذا؟
والله الحب شي حلو احرم نفسي يعني pb189 :D
ولاننا بني ادمين اللي جواتنا قلوب pb189 مو / تنك مصدي :rolleyes:
واذا كان انسان كويس وماعنده عقد نفسية من هادي الناحية ليش لا ؟!!
وهل تتوقع لها مشاكل بعدين من الانثى او من الذكر؟
اذا قدر وا يفرضوا احترامهم على بعض وكان اختيارهم صحيح ليش المشاكل ؟!!
بالعكس حبهم واقتناعهم ببعض راح يخليهم يتخطوا مشاكل كثيرة
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
يعني اللي يتزوجوا عن طريق اهاليهم مايتطلقوا ؟!!
السبب ممكن يكون سوء اختيار بالاساس يعني بعد الزواج " راحت السكرة وجات الفكرة "
وبدت الاختلافات والعيوب تطلع ..
والسبب الثاني /
الشخص لما يتزوج باختياره تكون توقعاته "أعلى وأكثر تفاؤل " ، فلما يواجه مشاكل مايتحمل وينصصدم !!
ولما يسير زعل مايتحملوا جرحهم لبعض لانه معزتهم عند بعض مو عادية
ومانقدر نحدد بالمطلق مين السبب الأنثى أو الرجل
بس عموما الرجل يضحي بحبــه مقابل انه يريح راسه ، لكــن المرأة تدافع عن حبها وبيتها لآخر نفس
،
،
وبعدين سوري عالسؤال .. الأسئــلة
لــ استفتاء ودراسة او عشان شي شخصي ؟!!
لكــ bp039
برايفت لكل / مدرعم
ترى انا اتكلم عن ناس اتعرفوا على بعض وانتهوا ، ماقلت روحوا ياشباب الأمة اتعرفوا
.0البرد0.
19-11-2006, 04:39
على كيف ام امك انت؟:D
ربي يخليها لك ,, pb094
بس اعذرني اخوي لو جاوبتك على سؤال
باقي الاسئله صعب اربطها بموضوع واحد:sm4:
بعدين يااخي تقول لايجي احد يتميلح:(
قسم بالله انا ضحكت لما انفقع قلبي على هالصبحpb192
بالله عليك هذا سؤال ؟:rolleyes:
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
انا اتوقع السبب من الشغاله ,,,!!:)
عزيزي رتب موضوعك علشان نكون صادقين بالاجابه معك ,, pb189
طرحك لموضوعك وسردك للأسئله غريب ,bp039
وتحياتي لكbp039
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
نعم أؤيد
لأنها من الطرق اللي ممكن الشاب و البنت يتفاعلو مع بعض فكريا يعني يعرف طريقة تفكيرها وتعرف طريقة تفكيره
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
والله يا عزيزي السبب منهم اثنينهم
لأن الطلاق لا يحصل إلا في حالة عدم اتوافق بين الطرفين فأكيد أو لقنل شبه أكيد إنو في واحد من الطرفين كذب على الثاني في تفاصيل صغيرة قد يصعب التعايش معها...
وبعدين عزيزي لا تربط الزواج عن طريق التلفون أو الانترنت بالطلاق لأنه حتى اللي يتزوجو زواج تقليدي يمكن يتطلقو
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
من أول ليلة لا
يعني اقعد مع البنت كم يوم بدون ما تدخل عليها يمكن نفسيتك ترتاح يعني عطها فرصة وأهم شي انك ما تدخل عليها
وبعدها إذا ما كان فيه فرصة بينكم ردها لبيت أهلها وخلها على ذمتك كم شهر وبعدين طلقها علشان لو لها نصيب في شخص ثاني الله ييسر لها
قشامه محترقه
19-11-2006, 06:27
صباح الخير ...
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
لا . ما أؤيد ..
لماذا .. لانه بيكون له ابعاد بعدين .. في المستقبل ... حتى لو كانت النيه صادقه .. لانه الطريقه اللي بنيت
عليها هالزواج غلط .. كيف عرفت الزوج الحنون وشو عن طريقه ...
والزوج نفسه كيف عرف هالزوجه الوفيه صح او لا ...
ما نظلم احد لكن ما بُني على باطل فهو باطل ...
لو انه جا وخطب وفي النور مع اني ما أؤيد المكالمات قبل الملكه هذا اهون شوي واهون الشرين ..
لكن مثل ما قلت انت هنا ..
انتم تعرفون ان هالوقت بدت العلاقات بين الذكر والانثى بالتلفون كثيره والي تطلع والي تعرس والي تزعل والي تصير مشاكل والي ينوي نيه على وحده والي بزر توه طايح في مكالمه وانهبل وخق مع الصوت وما فيه الا انواع البطاقات وهدايا ودببه وسواليف اخر الليل ابي اطرح عليكم سؤال:
هنا انت جاوبت على نفسك بس بطريقه غير مباشره انك ما تؤيد هالشي من داخلك بس شكلك الظاهري تبي تقنع
نفسك فيه ...
كل هالاشياء اللي ذكرتها ما تخليم تؤيد ابداً ..
لانك ذكرت ومنها اللي تطلع واللي تزعل واللي تصير مشاكل .. هذا شي حتمي لشيء مغضب ربي .. وشي في الظلام
وبعد قلت منها مكالمات اخر الليل بالله وحده تكلمها تلفون ما تدري انت تتزوجها او لا وش تقولون اخر الليل
تحلون قضيه الشرق الاوسط :sm12:
وكل هالاشياء تخليك حتى لو كنت على اقتناع تام انك تعيد التفكير من جديد ..
بتقولي القلب مهوب بيدي ما قلنا شي قلبك بيد الرحمن بس فيه شي اسمه عقل مهوب تسبل هالقلب للي يستاهل
واللي ما يستاهل ... فيه شي بعدين اسمه تربيه اخلاق حميده .. تربي فيها جيل كامل اللي هم اطفالك
يعني لا تفكر بنفسك وبس :)
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
اكيد بيحصل طلاق .. نتيجه حتميه .. ومعروفه لانه ما بني على الثقه ومن الطرفين
بتكون حياتهم تحريات في تحريات .. هذا يشك بزوجته وهي تشك بزوجها ..
ايضاً .. وانا اقوله دايم .. ان اي نوع من هالزواج زواج مراهقه حتى لو عمره 50 وناضج زواج مهوب بالعقل ..
خله قلبه يسيره وبس ...
دام قلبك رهيف ابعد عن هالمسائل كلها ولا تجيب الهم لنفسك ...
..
بصراحه شكلك وانت تكتب الاسئله معصب وتبي اجوبه معينه على اسئلتك اجوبه تؤيد حاجه انت تبيها ..
ممكن توافق هالاسئله وممكن لا ... :)
تحياااتي :)
&&&مستر إكس &&&
19-11-2006, 07:37
صح لسانك يالبرد ,,
تحياتي لك باتريوت الجايات أفضل ,,
مــســتــهــبــلــه
19-11-2006, 11:14
وراك الله يصلحك مبربس الموضوع؟
كل سؤال قصه لحاله
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
لا مااؤيد لانها بربسه مراهقين
كل واحد يتميلح على الثاني على غير سنع .. ودائمن تسبب مشاكل في ان احد الطرفين يكون غير جاد ويروح فيها الثاني..
اللي يبي يتعرف على زوجه المستقبل يطول فتره الخطوبه ويتعرف على كيفه..
باقي الاسئله ماجازت لي
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
وشلون تبينا نحكم؟؟ من الهوا؟
عطنا قصه خلنا نفهم
من 8 الى 4 العصر دوام ومن 4.45 معهد الى 9 الليل ومن 9 الليل الى 3 الفجر عمل آخر يالله يمديني انام
مابك بلا اللي نايم خمس ساعات مشا الله عليك
بجاوبك على سؤال الشباب ،
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
هذي انانيه :)
كيف في البنت شي ؟ مافيه شوفه قبل ، مافيه ملكه ، خطبه ،
المفروض اذا يهم الواحد ، يطلب الشوفه والملكه ،
فرضا ً ان اهل البنت ماعندهم سوالف الملكه والشوفه ، الشاب من حقه يطلب ،
وزين الأمور تتضح وهم لسا قبل زواج ،
صراحه اللي ترجع بنفس الليله ، الناس ماراح تسكت بتتكلم كثير :)
وبتجيبون الكلام للبنت ،
كيف عروس ترجع من ليلتها ؟
اصبر فتره ، او حتى اعطي نفسك فرصه تتعرف عليها اكثر ،
الطلاق بدون عده يكون طلاق بعد ملكه من غير خلوه ،
الطلاق بـ عده يكون بخلوه سواء دخلت بها ام لم تدخل بها << -- يوم كتبت هالجمله تذكرت عادل امام في مسرحية الواد سيد الشغال :D
فالطلاق بـ عده وقع على البنت ، ماتفرق كان اول ليله ولا بعد شهر ،
بس حكاية طلاق من ليلتها صعبه ، "جدا ً "
،
عده = عدة الطلاق اللي هي 3 شهور ،
راعية السيكل
19-11-2006, 15:14
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
ماقد فكرت بهالموضوع ....
عمي / بنت عمتي / بنت عمي / ولد خالتي
كلهم تزجوا على هالطريقه
للحين محد فيهم طلق او تطلق
بالعكس عايشين عيشه بالمررره حلووووه
وبالذات عمي بالمرررره ميت على زوجته مع ان صار لهم الآن 9 سنوات
الله يديمها من محبه
انا مااقول ان كل الزواجات اللي على هالطريق تكون ناجحه
الاكيد ان فيه تجارب فاشله وبقووووه
مثل صديق خالي تزوج وحده كان يعرفها قبل
وكله مشاااااااااااكل بينهم مع ان عندهم بنتين :(
عمومن
انا اقول كل واحد يسوي اللي مقتنع فيه
ويعيش تجربته
~ البروفسور ~
19-11-2006, 15:32
هل تؤيد او تؤيدين الزواج عن طريق الجوال أو النت؟ ولماذا؟
وهل تتوقع لها مشاكل بعدين من الانثى او من الذكر؟
لا ماأؤيد ..
الزواج ماهو خذني جيتك ..
مع انه اعرف ناس كثير تزوجوا عن طريق النت
وماعندهم مشاكل ..
بس انا مو مقتنع ..
مهما كانت التجارب اللي اشوفها ناجحه أو فاشله ..
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
أنت السبب ..!!
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
عاد انا بسألك طال عمرك ..
الحين انا يومني ابي اعرس " اخطب " مااشوف البنت في الملكة ..
انت شكلك تقصد زواج الأولين اللي مايشوفها إلا بليلة الزواج صح ..!!
هل عادي عندك انك تطلق البنت من اول ليله؟
لا مو عـادي ..
مهما كان السبب ..
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم
ولا اخر يوم اهم شي حياتي ومالي اي دخل فيه؟
وشرايك أنت ..!!
فكر فيها من زواية ثانية ..
وحط نفسك مكان البنت ..
موفق اخوي PaTiR3OT bp039
:sm18:
طايرتن بالعجه
19-11-2006, 15:46
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
طبعا ما اؤيد مثل هالزواج لانه مبني على غلط
لها مشاكل من الاثنين لان يدخل فيها الشك وياما قصص سمعناها
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
يعني بسراحه لو انا تزوجت بهالطريقه بمشي نفسي واسكت عن الرجال لكن الرجال فيه غيره وشك
بتوقع ان الطلاق بيكون منه
ســــــــــــلام
جـنــ M ــون
19-11-2006, 15:46
موضوع حلوو
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
لا بس اذا كان غير مقصود افضل
من الذكر لان الرجال طول عمرهم شكاكين
السؤال هو:
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
من الرجل
قلت لك لان الرجال شاكين
وعندنا الرجال والحرمه بعد الزواج زيت ونار
اتمنى من الي يجاوبون على هالاسئلة هذا اذا كان فيه احد يجاوب يجاوب بصراحه , لأن هالاجوبه تهمني
موب يجي واحد يستخف دمه فا ارجوا من الجميع ان يكون الموضوع جدي
اخوي الموضوع اكبر من كذا واعتقد ان يحتاج لوقت كبير
وراح تشوف ردود مالها داعي
,
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
لا , لأني اعتبره فاشل ! لأن ان نسبة نجاحه ( إن كان فيه نسبة ) فهي 1 %
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
كلهم .
(( افمن اسس بنيانه على تقوى من الله ورضوان خير ام من اسس بنيانه على شفا جرف هار فانهار به ))
ملاحظة كبر البعير
رأي خاص لا يجي أحد يشيل ويحط ممنوع اللمس :D
,
نصيبك بيجيك ... غصبن من وراء ذا << تاشر على خشمها
ليتـنـي همــك..
19-11-2006, 20:53
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
ابدا.. مستحــيل:sm4:
شووف اخووي’’
مستحيل ابدا احد بيتــزوج بهذي الطريقة وبيعيش مع زوجته عادي من دون مايدخل الشك لاحد الطرفين
وحده اعرفها قريبتي مره.. تحب ولد عمها .. بس من دون ماحد يدري ولا حتى هو
المهم كانت يضيق صدرها اوول انه كانت تعرف انه يكلم بنــات ,, وتقوول انها كانت تقول في نفسها صحيح انها تحبه بس مستحيل تتزوجه عشانها تدري انه يكلم.
المهم...
انه خطبها وتــزوجوا ولهم سنتين الحين متزوجين
تقــولي تصدقين كل مــارن جواله قعدت انــاظره واحـــاول اني اصير بجنبه عشان اسمع خــاصة اذا كــان الرقم غريب
يعني مهــما كــان لازم يدخل الشك في قلوب احد الطرفين,,
قصه قريبتي كــانت بس تسمع عنه انه كان يكلم بنـــات
فكيف لو انها كــانت هي وحده من البنــات اللي يكلمهم!!
هذي حـــال البنــت
اجل كيــف الشــاب؟
احس ان مــوضووع الغيره والشك بيكــون اكبر..
انوار الرياض
19-11-2006, 21:33
عليكم السلام
صباحك نوور
ياهلا فيك وانا بالنسبه لي باجاوب ولانيب احب اتميلح في المواضيع الجاده
:)
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
طبعا لا ماايدها ومجتمعنا بحذافيره ماياااايدها وينتقد الي يتزوج بها الطريقه
بالنسبه للمشاكل هي تحصل اصلا لو صار الزواج مو بها الطريقه المشاكل شر لابد منه
لكن مسالة الثقه راح تكون مشتته بعض الشي بمنعها مثلا من النت او من الجوال على حسب الرجل لانه هو الي يحب يختلق المشاكل من هالناحيه
اما بالنسبه للمراه فهي تتغاضى بعض الشي لكن لكل شي حدود :) من اجل الحفاظ على بيتها
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
سؤال وجيه وصعبه الاجابه عليه قبل حدوث الشي
لكن ربما نقول انهم متفقين وخيرالامور اوسطها
:rolleyes:
وبالنسبه للاسئله الاخرى فهي مخصصه للذكوور
بس حبيت اقولك اعطي جسدك حقه من الراحه
ما شاء الله عليك متى يمديك ترتاح ؟؟
يعني طول اليوم بيزي pb036 الله لايضرك
واتمنى لك التوفيق
دمت بود
ابو شوشة الاصلع
19-11-2006, 21:39
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
- لا بصراحة ماراح تكون فيه ثقة ...
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
- منهم كلهم لانهم اشتركوا بالخطأ
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
- لا مستحيل من اول ليله احس انها بتتعب نفسة البنت ...
دمتم بود ,,,,
شريطي كوكتيل
19-11-2006, 22:35
اجابة السؤال الاول
لااعتقد ان الزواج عن طريق الجوال او النت حلو
لانه لو تم ماراح يستمر
لان الشك بيدخل بينهم ، فكل واحد منهم يقول ايه الي رضى يكلمني اكيد بيكلم غيري سواء الزوج او الزوجه
السؤال الثاني
اذا حصل طلاق بعد زواج انترنت او جوال فأنه طبيعي فما بني على باطل فهو باطل والحب الي يعيشونه مرحلة المكالمات ماهو الا تبنيج موضعي فقط
وغشاوه او غمامه تمر عليهم اثناء المرحله الرومنسيه الي يعيشونها فقط
اما اذا تزوجوا فتبدأ الانتقادات والطبات والملاحظات فالصغير في نظرهم كبير والكبير يصبح جريمه ويبدا تسجيل الزلات والهفوات والمراقبه لما بينهم حتى تتحول حياتهم الى ملل ونكد
السؤال الثالث مدري عنه
لاني ولله الحمد متزوج ومستوره معاي ولله الحمد
لاكن اعتقد ان الحاله الي كذا تنظلم فيها البنت من جد مالها ذنب
يعني لو العصمه بيد البنت وهي الي تطلق وبنفس ليلة الزواج البنت طلقت زوجها وش بيصير موقفه
صعب من جد والله يعين البنيات المغلوب على امرهن
وهذا الشرع محد يقدر يعترض عليه ومع هذا يحصل كثير في مجتمعاتنا من اناس مامعها عقل ولا دين
الزواج ماهو لعبه الواحد اذا مل منها او ماجازتله يقول هونت
بنات الناس ماهم لعبه وحرام من اول ليله تصير من ظمن المطلقات
حرام البنت تمرض نفسيا عشانها تطلقت وهي مالها ذنب
بعض الاهل يزوج ابنه وهو سربوت صايع عشان يعقل
وبعضهم يزوجه وهو ماشاف البنت بعدين ينصدم ويطلقها من اول ليله
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟[
لا أؤيد الزواج بهذه الطريقة لا ن الثقة تكون معدومة بين الزوجين مهما كانت درجة الحب بينهم ونسبة نجاحة قلية
وراح تكثر المشاكل بينهم والشكوك
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
من كلا الطرفين
بسب هذا الزواج المبني على باطل
اتمنى اني افدتك
ت ح ي ا ت ي
كــليـ غــلااا
20-11-2006, 23:08
وعليكم السلام ..
صباحـــك سوكــــر ..:)
أخوي معليش بس أنت عن أي مجتمع تتكلم :(
أولن المجتمع السعودي خاصه متمسك بتقاليده وخاصه الرجل أكثر من المرأه
شف ممكن أنهم يتوفقون ويعشون حياتهم صح وهذا توفيق من ربك
ونفس الشي فيه ناس يتزوجون على حسب العادات والتقاليد وما يتوفقون
الانسان مسير لا مخير pb018
بس مثل ما قالو اللي قبلي ما بني على باطل فهو بااطل pb016
بعدين أنا من رأيي أنه على حسب الشخص فيه ناس تعيش أحلى من السمنه على العسل وهذا بسبب التربيه لانه من صغره تربى وهو يشوف هالامور تصير قدامه وصار بالعكس لو قالوله نبي نخطب لك خطبه المتعارف عليها رفض وقال أنه هو اللي يبي يختار ويحب
ويمكن ما يتوفق بالزواج المتعارف عليه بسبب قناعاتهpb124
أنا أشوف أنه التربيه والبيئه لها دور
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
أنا طبعا لااؤيد
أتوقع أنا من الاثنين الانثى لاكثره الغيره
الرجل لانه بطبيعته شكاكpb147
ثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
من المشكله اللي بينهم ..<<++احلفيـ..
انت قلنا سالفه على سبيل المثاال عشان نعرف نرد:p
وبعدين هو فكر أنه هذي اللي تبي تصير أم عياله يعني تربيه عياله تبي تصير نفس تربيته هل يرضيه
وهي بعد يرضيه ..!!
الله يكون بعونك على هالنظام بس رجاء لاعمرك تسوي موضوع الا وانت نايم على الاقل 7 ساعات
:D
برايفــــــــــتpb094
<< ++ خلصنا ترى برى الموضوع برايفتي:D
ليتني همك سلميلي على رجل قريبتك ياحوبي له هي ورجلهpb094 pb094
دوبيه لك وحشهpb189 pb189
الله لا يحلل اللي يظلل:D pb095
ثورة الشك
21-11-2006, 17:04
هلا فيك اخوي ..
بما إني جاي متأخر بعطيك هالمثل وقعد فكر فيه وتبي تلقى اجابتي
لا تاخذين عشيّقك ولا تردين لطلّيقك :sm18:
واسف اني ماطولت كثير لأن الزكمه شاقتني شق :sm12:
تحياتي
Ladies Killer
22-11-2006, 11:20
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
اولا انا لا اؤيد العلاقات المحرمة
ثانيا انا ارفض اتزوج وحده كانت تكلمني ويمكن كانت تكلم قبلي او بعدي احد
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
السبب الله يحييك انهم كانوا يتوقعون ان العيشة رح تكون مختلفة واحسن ومن هالكلام ..
بس انصدموا بالواقع .. ان الزواج مسؤلية .. مهوب قصة حب!!!!
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
لا طبعا احاول اني استر عليها ..:)
بنت اخت القمر
22-11-2006, 13:18
السؤال هو:
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
السبب من الاثنين واكيد بيكون شك وغيره وعدم ثقه بينهم و لانهم استعجلو بالزواج وكان المفروض انهم يعرفون حقيقة مشاعرهم بدون نت او تلفون يعني يبتعدون عن بعض فتره سنه او اكثر ويوضح لهم هل هو حب او تسليه . (في حالة المثل الي طرحته فقط ) ما اقصد تأييد مني للعلاقه بين بنت ووولدفي نت او تلفون لا تفهموني غلط ...ما أويد
السلام عليكم ورحمة الله وبركاته
مرحبا
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
اطلاقا لا بجميع الحالات ؟؟
وكنت في زمن مضى أكذب من يعيش بسلام بطريق منعوج لكن ما رأيته جعلني أعدل عن حقائقي
اتوقع تحصل مشاكل شي مؤكد لكن الشي الي انا متأكده منها أن مشاكلهم تكون أصعب من مشاكل أي شخصين تزوجوا بالطريقة المعتاده ؟؟؟
عندي قناعة تامة ( كل بدايات خاطئها حتما نهايتها خاطئة )
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
من كان خلف الطلاق الزوج أو الزوجة ؟؟
لا أعلم على حسب حالتهم ربما كان الطلاق بسبب تفاهة الزوج أو سخافة الزوجة ؟؟؟
وربما من كليهما
الطلاق يبقى حل لكثير من المشاكل
ربما كان الطلاق في حالتهم افضل من الاستمرار
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
التوفيق بيد الله
كفتاة أفضل أن يضعني في بيت أهلي
لأنني لا أقبل أن اعيش مع شخص يرغم نفسه للعيش معي
الحل يضعها في بيت أهلها شهر وبعدها يقولون انفصلوا ما كتب ربي نصيب بينهم
تحياتي
Ladies Killer
23-11-2006, 14:13
مابني على غلط .. فهو .. بكل بساااطة .. غلط !!!!
نور الدنيا
23-11-2006, 16:24
السلام عليكم..
وعليكم السلام ورحمه
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
مستحييييييييييييل اتزوج بطريقه هذي :)
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
والله اني مافهمت السؤال pb036
وبعدين بنت عن بنت تختلف مو كل البنات واحد ولا كل الرجال واحد
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
لا .. لان العلاقه من بدايتها مبنيه على شي غلط ومابني على باطل فهو باطل
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
صعبه اعطك اجابه وانا مادري المشكه وش هي اصلا
يعني كأنك تقول خالد ومحمد تهاوشو مين الغلطان؟ pb036
طب انت عطني القصه وانا اعطيك الغلط في مين pb036
وشكراbp039
هلا باترعوت...
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
^
أؤيدها عن طريق النت..
بشرط انهم مايكلمون بعض صوتيا..
وبشرط..ان الولد مقتنع بهالزيجه..
وبشرط
ان أثنينهم مو راعين معاكسات...الواحد يخلص من شخص ويبدا بالثاني!
يعني الظروف جمعتهم..
مثل علاقة اشراف..بحكم الاشراف مظطرين يضيفون بعض .
..ومع الوقت انجذبوا لبعض.. وحبوا يتزوجوا....غلط؟؟..بنظري لا
واحد محتاج مساعده بامر ما..
.حصّل اللي تساعده..لاهو ولاهي قصدوا يعاكسون..
حبوا بعض وتزوجوا...فيها شئ؟
فيه أشخاص صادقين....
سبب شكوكنا بمثل هالنوع من العلاقات ....الناس اللي تكذب على الاخر..وماخذه الدعوه وناسه وتخريب بيوت...
فيه زواجات ناجحه..
صعب نحدد نسبه معينه...
لان الصادقين ماراح يعترفوا انهم تزوجوا بهالطريقه..
وأقول لكل أثنين..حبوا بعض..اذا انتم مقتنعين وواثقين ببعض ماعليكم من الغير
هبةة ريح
24-11-2006, 18:26
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
نعم ،، لان ماتفرق عندي الوسيلة اللي وصلت للزواج كثر ماتهمني العلاقه بـ إيش تنتهي ،، من ناحية المشاكل لابد منها سواء عرفته قبل الزواج والا بعد الزواج.
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
أمممم .. كيف أقدر أتوقع وأنا ما أعرف اساس المشكله :d .. على العموم الطلاق موجود حتى في الزواج التقليدي.
عيوني لك
24-11-2006, 21:51
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
مؤيد:)
ومعارض!
التأييد للفكرة ورفضها يختلف عن الواقع
نتكلم هنا عن مجتمع
يعني عادي تلقى مصري يلحق وحدة من الجامعة وينشب لها وآخر شي يتزوجون
هذي هي طريقتهم في الزواج هم واغلب الدول العربية ولي أصدقاء من الاردن ومصر وسوريا تزوجوا عن طريق ترقيم هنا في السعودية
لكن طريقتك هنا تختلف مع أصدقائي المواطنينpb036
فالكثير منهم شايل فكرة الزواج من راسه
هي مجرد تعارف او تبادل أفكار أو لعب أو أهداف أخرىpb071
والطيب فيهم هو الي يكون صريح من البداية ويوضح مقصده من التعارف
هذي بالنسبة للرجل
أما البنت هذه المسكينه مكسورة الجناح:(
,
كيف ذاك الحب أمسى خبراً
وحديثاً من أحاديث الجوى
لست أنساك وقد أغريتني
بفـمٍ عذب المناداة رقيـق
ويـدٍ تمـتد نحـوي كـيـدٍ
من خلال الموج مدّت لغريق
,
تحس انها وجدت الحبيب والزوج !
صحيح انها تكون حذرة في البداية
لكن اذا صحى القلب نام العقل :cool:
مع وجود بعض المهبولات الي تجمع وترش كل اسبوع ;)
خلاصة كلامي ان الولد ولو قال أبتزوجها لا تصدقه إلا اذا شفته داخل بيتهم وابو خطيبته الي فاتح لهpb034
لكن البنت صادقة اذا أحبت وصادقة إذا وافقت على الزواج
ولا أعمم على الرجال فيه منهم من هو مقتنع وصادق وهنا ندخل منعطف الأهل:sm4:
والسؤال الثالث ما أتوقع فيه دافع كبير للطلاق من أول يوم إلا إذا كان ناوي هالشي من قبل
احس اني طولت عليك باختصار لا :)
وأرجو المعذرة لو طولت شوي لكن الصراحة انه كان في بالي موضوع عن التعارف ومفهومه عند الجنسين وكان ودي أكتب رد أكبر من هذا ولعلني أرجعbp039
امطـــرت
25-11-2006, 18:08
انا ما أأيد المكالمات وهالاشياء بس دام انها صارت والولد تعلق بالبنت ليه مايتزوجها!!
يعني نصيبه بيكون احسن مع غيرها مثلا ومايتوقع ان ربي يبلاه !!
اللي كاتبه ربي بيصير
اشمئز من اللي يقول اعرفها بس مستحيل اتزوجها يمكن تكلم غيري !!
طيب يمكن السقف يطيح خل ننام بالحوش
طيب يمكن اتزوج وحده وفجأه تطلع دجه اجل لا اتزوج ابد
طيب يمكن اجيب بنت وتشوه سمعتي فادفنها حيه ويمكن ولدي يطلع مصيبه فليه اجيب عيال اصلا!!
الواحد شيدريه عن مستقبله
ماهو انت تكلم غيرها يعني يمكن ربي يبلاك بوحده تكلم غيرك بس انها ماهي عاجبتك لانها مو اختيارك وتخونك بالسر
وتصير الزوج الحقنه المتسلط
بس احنا متخوفين اننا نشطح ونتحسف .. فنعيش على الواقع حتى لو ماعجبنا بس لأنه مايحسسنا باننا غير واننا غلطنا
لانه حشر مع الناس عيد
يلومون المجتمع على مبادئه الغبيه بس يمشون عليها!!
ماهو انت انحرفت وغلطت طيب صلح غلطتك اذا انت حاس البنت اوكي وخذ احد من مستواك
وذا انت حاس البنت بتتعدل بعدين وانت معاها اوكي وش فيها؟
طبعا انا اتكلم اذا الموضوع بمبدأ الولد مو برفض الأهل
انا عني لو اني بوضع زي كذا لاسمح الله وتقدملي باوافق بدون حركات الوسوسه
لاني لو باوسوس باتعب
واللي كاتبه ربي بيصير حتى لو اخذته بطريقة تقليديه وربي كاتب انها بتصير مشاكل بتطلع مشاكل من تحت الأرض
الواحد يطلب التوفيق من الله ويحسن نيته .. وعلى نباتكم ترزقون
تراني ماقلت انحرفووو .. اقول اذا انحرفتوا ليه ماياخذ الموضوع بجديه
هبةة ريح
26-11-2006, 10:13
^
^
^
^
pb111
السلام عليكم..
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
*حسب طبيعة بداية العلاقه كيف تكونت الأسس اللي انبنت عليها ( ترقيم غزل والكلام الفاضي لاء طبعا مابني على خطأ مايستمر )
اما عن المشاكل فما لها علاقه بزواج تقليدي او لاء
السؤال الثاني:
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
* صراااحتن ماكنت معهم : d
بس الاكيد ان النت او التلفون ماله ذنب بالموضوع ومشاكلهم :sm5: بالاشخاص نفسهم لانهم عارفين بعض من البدايه !!!!!
السؤال الثالث وهو مخصص للذكور فقط:
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
* pb192 ابرد عليه
هنا الرجل ماله ذنب هو برضو ضحيه للمجتمع العادات مثل البنت مافهموا بعض قبل الزواج ولا شافوا بعض ولا حصل تواافق فكري انسجام وش ذنبه ماحبها
من وجه نظري الزواج من زميل العمل المهنه زميل بالجامعه
نحب بطررق مشروووعه راقيه http://www.clicksmilies.com/s1106/traurig/sad-smiley-001.gif
ولا الاضراب هو الحل لين تحقق مطالبنا http://www.clicksmilies.com/s1106/schlafen/sleeping-smiley-004.gif
شكرررررررررررررررررررررررررررن
الموضوع شائك ومعقد جداً
من ناحيه اوافاق عليه :rolleyes:
ومن ناحية اعترض عليه بقوة :sm4:
الحين خلني اعدل جلستي واقولك راي بصراحه
ويش تبي الحين ؟
سؤالك الاول : الزواج من خلال الجوال والنت
اذا كانت العلاقة والمعرفة بين اثنين ناضجين يعني مو مراهقين
اقول فيها يمكن ان يكتب لها النجاح :)
اذا ما كان نتيجة للتقارب الفكري وانسجام للعواطف الناضجة فتكونت العلاقة وتطورت لتتوج بالزواج
هنا يمكن ان تكون نسبة النجاح كبيرة (اذا ما كان فيها غش وتمليح).
اما اذا كانت هرج ومرج ومراهقة وتمليح فهذا غلط نسبة لعدم النضوج الكافي لهما الاثنين ويمكن ان تكون
سكين الحب ذبحتهما فلن يكون التوفيق لكونه بني علي العواطف الجياشه pb189
ولم يحكمه العقل الا اذا كان احد الطرفين يملك الحكمة فيمكنه ان يضحي من اجل النجاح :)
وهذا الشيء يكلف كثير لكونها علاقة طول العمر اجامل بس ما اقدر استمر يتعب قلبي وعقلي يطير . :sm17:
واذا حصلت تنازلت من اجل دوام الحال فسوف تكون علي حساب الاعصاب والنفسيات فبالتالي تنعكس علي التصرفات
ويش فيك ما اقصدك بطل ها الحركات pb027 اقصد المشار اليه واجلس واسمع باقي الحكي (حازم) ؟!pb131
والثاني : ليش ياخوي انعدمت الرجوله ويش فيك لوكانت اختك ولا بنت عمك ترضي يطلقونها ليلة دخلتها
اللهم لا تشمتنا ولا تشمت الاعداء فينا pb093
ثم ثاني ما فهمت عليك المطلق نفس الشخص المتزوج من النت اذا كان هذا هو قصدك
والله يسويها لكونه نذل وما فيه ريحة الشهامة ولا اخلاق الرجوله والحمدلله ربنا فكها من هذه الخلقه. (حامي) pb024
اما الثالث :
هل هم نفس الاثنين بتوع النت ولا مختلفين ما فهمت عليك (غبي يعني ما فهم) pb030
طول الله عمرك ورزقك بالزريه الصالحه ويش تبيني اقولك الزواج سنه الحياة والطلاق لابد منه اذا استحالت الحياة
بين الاثنين حتي لا يظلما بعضهم البعض وهو ابغض الحلال عند الله ولكن لابد يكون بالمعروف يعني طلاق محترم تحفظ
حقها وتحفظ حقك وانت استحللتها بكتاب الله وسنة نبيه (ص) وما تدري يمكن الظروف ترجعك ليها واحتراما ً
للنسب وعقد النكاح واجب عليك ان تكون لها مقدر ومحتشم وهيه كذلك :)
هذا راي والراي لا يفسدوا للود قضية
أؤيدها عن طريق النت..
بشرط انهم مايكلمون بعض صوتيا..
وبشرط..ان الولد مقتنع بهالزيجه..
وبشرط
ان أثنينهم مو راعين معاكسات...الواحد يخلص من شخص ويبدا بالثاني!
يعني الظروف جمعتهم..
مثل علاقة اشراف..بحكم الاشراف مظطرين يضيفون بعض .
..ومع الوقت انجذبوا لبعض.. وحبوا يتزوجوا....غلط؟؟..بنظري لا
واحد محتاج مساعده بامر ما..
.حصّل اللي تساعده..لاهو ولاهي قصدوا يعاكسون..
حبوا بعض وتزوجوا...فيها شئ؟
فيه أشخاص صادقين....
سبب شكوكنا بمثل هالنوع من العلاقات ....الناس اللي تكذب على الاخر..وماخذه الدعوه وناسه وتخريب بيوت...
فيه زواجات ناجحه..
صعب نحدد نسبه معينه...
لان الصادقين ماراح يعترفوا انهم تزوجوا بهالطريقه..
وأقول لكل أثنين..حبوا بعض..اذا انتم مقتنعين وواثقين ببعض ماعليكم من الغير
EMILY bp039
احلى سوسو
27-11-2006, 06:12
هل تؤيد او تؤيدين الزواج عن طريق الجوال أو النت؟ ولماذا؟ وهل تتوقع لها مشاكل بعدين من الانثى او من الذكر؟
لا أؤيد ..لا ...لا ..لا ..
أتوقع االمشاكـــــــل بعدين من الذكر بما أنه الذكر ..بس ما أستبعد من الأنثى كذلك لأنها تغار وتوسوس.
لكن ممكن في حالات نادره جداً فيمكن ان يحدث عن طريق النت ..لان الارواح هي من يلتقي..وهي من يتحابب..فالاروح جنود مجندة
ما تآلف منها أأتلف ..وما تخالف منها اختلف..فيمكن يكتمل الحب عن طريق النت
لكن لابد ان يكون الطرفان بكامل الصدق والشفافية وبغير هذا ...صعب ومستحيل جداً
================================================== ==================
اثنين تزوجو عن طريق تلفون او نت وبعد ما تزوجو حدث الطلاق بعد فترة؟
السؤال من تتوقع السبب منه هل من الرجل او الانثى؟ ولماذا؟
^
أعتقد من الرجل <<وش فيها متحامله على الرجل ؟؟
لأ والمرأ بعد لها دور ودور كبير بعد لأنها تقدر تحافظ عليها يعني الي قدرت تجيبه من التلفون وتطيح راسه من النت ماتقدر تحافظ عليه أعتقد المرأه تقدر ونص وثلاثة أرباع ..
================================================== =============
السؤال طال عمرك انك اعرست ودفعت المهر والحمد لله تيسرت امورك
يوم دخلت على البنيه سبحان الله اما انها فيها شي او عدم توفيق او اي سبب كان
هل عادي عندك انك تطلق البنت من اول ليله؟
هل تحس انك لما تطلق اول ليله ظلم للبنت او انه عادي عندك ما فرقت طلقت اول يوم ولا اخر يوم اهم شي حياتي ومالي اي دخل فيه؟
^
^
أعوذ بالله قمة الأنانيه خافو الله في بنات الناس !
ياخي أفرض انها أختك ترضى يجيها واحد شاب طايش لا مسؤل يطلقها من أول يوم !!!!
حتى لو كرهها حتى لو انه مافيه توافق !!
لا يخرجن من بيوتهن الا أن يأتين بفاحشة مبينه ..فاحشة مبينه ..فاحشة مبينه ..
ولا كذا عادي عندكم تطلقون بنات الناس من أول يوم ليه ؟؟؟ليه ؟؟مشكلة المبزره وبيدهم الطلاق ..
يا أخي الطلاق مو لعبه ..
يعني اذا أنت طلقتها من أول يوم تدري وش بيقولون الناس ؟؟؟
بيقولون البنت صايعه وفيها وفعلها وتركها وبيطلعون فيها العيب وبيقذفونها ولا أحد بيجيها والسبب الحقيقي انك كرهتها ياي حساس الأخ أقول أنتبهو لأنفسكم والحريم مو لعبه عندكم والطلاق أبغض الحلال عند الله والرسول صلى الله عليه وسلم قال (( أستوصو بالنساء خير ))..
.
.
Ladies Killer
27-11-2006, 06:25
^
^
هلا سوسو .. عشا من شافك والله
زمان عنتس
حبيت اني اسلم عليتس واوضح لك .. تري النقطة الاخيرة تقصد اذا اعرست على البنت وطلعت مستعمله من قبل:d
هذا المقصد .. يعني يكون فيها بلا ..هل تستر عليها والا تطلقها ..
شاكر لك مرورك معانا .. ويعطيك الف عافيه:)
vBulletin v3.7.1, Copyright ©2000-2009, Jelsoft Enterprises Ltd.