الحقووووووووني بــــــــــنــــحـــــرف!!

[كاسه منكسره]

اولا مساء الخير<<<<هوه طيب وكانهم قروه الصبح يالخبلاpb036
أنا كاسه منكسره وسبحان الله اسم على مسمى مثل القزازه واضحه وشفافه بس للأسف بسهوله انكسر وهذا اللي بالفعل صار!!:sm1:
بقولكم قصتي...
والبدايه من يوم تخرجت من الجامعه الناس يفرحون ويعملون بارتي عشانهم تخرجوا وانا حد ماأخبط راسي بالجدران من الغلقه..
جتني تكه وضيقة صدر الله وكيلكم يعني بالهي وش بسوي لاوظيفه تنتظرني ولارجل يسعفني ولاشي ينفعني!!
قلت يابنت الحلال تعوذي من ابليس وافرحي الحين ولاحقه على الهم بعدين..:rolleyes:
رحت لأمي قلت لها يمه ابشرتس نجحت ..
قالت وشهو منه؟؟pb036
قلت من الجامعه ..
قالت وش انتي فيه هالحين..
قلت يمه الله يهديتس انا خلاص تخرجت ..
قالت هـــــــــــــــوه تخرجتي من الجامعه وانتي ماأعرستي ياويل تسبدي<<<كبدي لغير الناطقين بالعربيه;)
قلت يمه وش جاب طاري العرس الحين الا تنكدين علي!!:sm1:
قالت ابد هالحين وش بتنفعتس فيه شهادتس لاوظيفتن عشان نقول بيطمع فيها رجلتس ولاتسذبتن تصدق إذا قلناها للناس الحين بقولهم بنتي عمرها 22 سنه بيقولون وشلون وهي متخرجه الله يهديتس يم فلان..pb093
مير لو انتس قاعدتن تفحطين في هالجامعه ابرك لتس ولا قعدتس عندي كنتس ميته لاطلعه ولادخله..
قلت يمه وش فيتس تحطميني تسذى ترى الدنيا مهوب كلها زواج اتركي لي فرصه انجح في حياتي وأوصل من غير رجال!!<<<<<<هذا اللي خذناه من هدى شعراويpb131
قالت اقول انطمي لو حصلتس ماقلتي لا.. :D
ومن وقتها وأنا حزينه وأستنى عدلي اللي عيا مايجي..:mad:
وش هالظلم تقعد الوحده في بيت اهلها لين يجيها احد..
فرضا محد جاني اقعد تسذى تسني خيال مآته ولا وش اسوي!!
فكرت في الخطابه همن هونت قلت استحي على وجهتس يابنت هذا اللي باقي..
فكرت اغازل زميني أطيح في واحدن فري وماعنده عقدة اللي تكلمني تكلم غيري بس تعوذت من ابليس وقلت يابنت قعدتي 22سنه من غير ماتخنبقين لآتخربين على عميرتس تالي يعني لانتيب محصله دنيا لاترخصين بالآخره..:(
حاولت اقردن اخوي قلت له اخطب لأختك ولاتخطب لأخوك قال لي ماش منتيب تواجهين..pb093
رحت لأبوي ونطيت في وجهه وقلت له أهدني على أحد تفل في وجهي وقال الخلا..:D
مابقى عرس مانطيت فيه وقعدت أسبل في هالقميطات<<<<<العيينات
بس برضو ماش ماجازلهم الوضع..pb131
مابقى موطى في مكه ماأنجطلت فيه ورفعت يدياتي للسماء وقعدت ادعي ربي فيه..:rolleyes:
وماتغير شي ابد ماألقى الا اميمتي في وجهي وكل ماجيت اسولف معها صالت علي تقول لاتقعدين ترمين بلاوي دهرتس علينا..:sm17:
عاد هالحين نخيتكم وش السواة فيني تراني بحلتن في عميرتي كل ماأشوف وجيهي في المرايه تطقني الحسوفه اقول هاوجه اللي يهبل<<<<تتميلحpb094
مايلاقي واحدن يتأمله يمدحه يشعر فيه!!
كل ماسمعت اغنيه قلت ياربي من اهديها له!!
كل ماشفت ورده قلت من اعطيها ..
كل ماقريت كلمه قلت من ممكن يقولها لي!!:(
المهم انا هالحين بسألكم أسئله وجاوبوني لحد يجحدني تجتمعون علي انتم والزمن.. :sm1:

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..pb189


2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!:(


3- وش تفضلون تتزوجون وحده موظفه بغض النظر عن الراتب ولا منثبره في البيت ترى انا الحين يطلق علي ربة منزل بلا منزل لإن هذا بيت ابوي:( pb131

وبس وسلامتكمbp039

[زهرة الليمون]

شوفي حبيبتي بما اني مو رجال ماقدر اجاوب على السؤال الثالث
لكن بجاوبك على الاسئله الاولى
1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..

لو ايش ماتسوين .... لو وين ماتروحين .... لو تغازلين بيديك ورجليك وكلهم فري ... في الاخير ماراح تاخذين الا الي الله كاتبه لك .... وممكن يتغير هالقدر بشيء واحد ( ادعاء ) ومو تقولين دعيت ولااستجيب لي انتبهي


2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!


الا حرام شوي
.
.
.
.
.


انا كنت مثلك والله يعني قمة طموحي بيت واولاد وزوج وخلاص.... بس لمافكرت لقيت انه ليه كذا البنات طموحهم ... وقمة احلامهم .... هالاشياء ... كلنا مرتاحين في بيت اهلنا .. ننوم على كيفنا نقوم على كيفنا نلبس الي نبي نقابل الي نبي مانرتبط بمواعيد مانرتبط بمسؤليات ....
.اعتقد انه الرجل ادرك هالشيء على شان كذا الشباب ماهم مطافيق على العرس ويوصلون 30 ماتزوجوا بينما البنات للحين عقولهم للأسف ماليتها الرومانسيه والحكي الفاضي


.
.
.
.


انا قبل فتره لقيت انه الزواج ماهو نهاية المطاف المفرحه ... بالعكس هي بداية المطاف الصعب .... صح سنة الحياة بس ليه مايكون عندي هدف ثاني احلم فيه واسعى له

انا قررت انه يكون هدفي في السنوات الجايه .. انه مايوصل عمري 31 الا معاي ماستر ودكتوراه في تخصصي من امريكا .... واي شيء بيوقف عقبه بطريقي راح اشيله .... ومنهم الزواج ...

الا اذا كان الزواج بيعيني على تحقيق حلمي

[NawaL]

ماودي اصور لك الوضع بتشاؤم لكن هل تتوقعين ان الزواج كله حب ومثل الأفلام ؟
صدقيني فشل الزيجات وبؤسها حاليا ً بسبب تصورنا تجاه الزواج ،الزواج مو بس حب
وماودي احطمك واقولك رومنسيه لاتتأملين واجد وتحطمين من واقع الحياه وصعوبتها

الزواج مسؤوليه ، تربية اولاد تضحيات ، حقوق وواجبات ، وعلاقه ابديه ورباط مقدس
مو صورة الزواج فقط حب وغزل وهذا هو وهذا هدفه ، الزواج مسؤوليه كبيره
تحتاج النضوج في التعامل معها


عموما ً الله يوفقك ويرزقك بالزوج الصالح وادعي الله سبحانه وتعالى
واهم شي لاتهزين ثقتك بنفسك واول خطيب توافقين عليه ! مثل اللي صبر وفطر على بصل
ذكرتيني بوحده من صديقاتي قالت بوافق على اللي تقدم اخاف فرصه وتروح علي ولا يجيني احد مثله !!!
ردي عليها قلت لها لاتفكرين بهالمبدأ ابد اذا مانت مقتنعه افتناع تام بالرجال لاتوافقين
لانك اذا وافقتي عليه لمجرد فرصه واقتنصتيها بيجي يوم وتندمين ليتني صبرت كان تقدمي احسن منه
او تعيشين معه بشعور عدم الرضا بالحياه معه


صدقيني اللي وصل البنات لهالوضع من الإهتمام المخيف بالزواج
المجتمع اللي مالهم سالفه الا الخطبه والزواج


يؤتي الملك من يشاء ولاتقنتوا من رحمة الله


ممكن تتزوجين بعمر اكبر لكن بإقتناع
اكثر وتكونين راضيه عن شريك حياتك


اشغلي وقتك وتفكيرك اخلقي في حياتك هوايات كثيره واعمال تقومين فيها
لاتخلين الزواج في حياتك هدف ،


والله ماالومك لاني اشوف بنات كثير مثلك لكن صدقيني
بتخسر البنت حياتها وايام شبابها
وهي مالها تفكير الا الزواج

عيشي حياتك عمرك صغير 22 لاتدفنينه بالتفكير بالزواج ومالك هم إلا هو
الحياه حلوه وهالعمر من اروع السنوات لاتضيعينه بهالتفكير شيليه من بالك



صدقيني بتندمين :)



عيشي ايام عمرك الحين بكل دقيقه فيها ، ولا تزوجتي عيشي حياة الزوجه بكل دقيقه فيها

الحياه دقايق ومتعتها في اننا نعيش كل دقيقه بهالعمرbp039

،


وهذي زهره الليمون كان كاتبه العام موضوع بداية الدوام وش امنياتكم لهالعام
وكانت امنيتها زوجها يوصلها للكليه ووصلنا هالسنه
ورجع الموضوع وامنيتها ماتحققت واللي ,وصلها السواق

واسعدني كثير ردها الحين انها غيرت فكرتها في الحياه ، وان الزواج مو آخر الدنيا:)



،

[سليمان]

يالله ..انحاشي خل نلحقتس :d

مايلاقي واحدن يتأمله يمدحه يشعر فيه!!
كل ماسمعت اغنيه قلت ياربي من اهديها له!!
كل ماشفت ورده قلت من اعطيها ..
كل ماقريت كلمه قلت من ممكن يقولها لي!!
بسسسس !! هذا اللي هامتس في العرس ؟؟ زين ماقلتي كل ماشفت ريموت التلفزيون قلت متى يصير لي لحالي اغير على كيفي :d


طيب اها وان اعرستي وجاتس واحدن معقد وغثيث !! وكرهك في عيشتك .. تبينه يجي عون صار لتس فرعون ؟

احمدي ربك معززة مكرمه في بيت اهلتس ..الزواج سابقا كان باب حرية للبنت اما هالحين لا تغير الوضع ..خلتس عند اميمتس تنهزرتس شوي ابرك لتس من قولة مسيكينه مطلقة وكل يوم بالمحكمة تبي عيالها << بيكرهها بالعرس :d

[نكهتي-اوروبية]

انــا من رايي مالك الا تصبريـن .,. والي كـاتبه ربك لك هو الي بيصـير ..



والله يوفقك ان شاء الله بزوج صالح يحبك وتحبيـنه ..

[ولد هجرة لبن]

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..


وأنتي وش مطيرتس يا بعدي
مالتس إلا اللي الله كاتبه لتس
ما عندي لك حالياً إلا إنك تدعين ربك بعد كل صلاه بالزوج الصالح اللي تنبسطين معه
ولا تكثرين هواجيس وأنا أخوتس
2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!:(

من شر حاسد إذا حسد :D
طيب حبي للناس اللي تحبين لنفسك
وإذا شفتي ناس زي كذا قولي الله يوفقهم
مو تقعدين تتهورينهم :D

3- وش تفضلون تتزوجون وحده موظفه بغض النظر عن الراتب ولا منثبره في البيت ترى انا الحين يطلق علي ربة منزل بلا منزل لإن هذا بيت ابوي:( pb131
ما تفرق معي بصراحه :)

[ايقونه]

ههههههههههههههههههههههههههههههههههههه انتي من جدك والا تستهبلين :D

اقول تحمدي ربك انك جامعيه وخلوك اهللك تكملين ولا عطوك لاي واحد يدق الباب عاد مادري احد دق الباب والا

لا :D :D

مشكلة اهلنا انهم اذا كملت البنت عشرين ماتزوجت قالولها يااااااااااااااعااااااااااانس تعالي وياعاااانس روحي

طيب غصب مانبي نتزوج نبي نعيش عذارى pb095

شوفي والله كسرتي خااااااااااااطري ابي ازوجك لاخوي وش رايك تريه دكتور ;)

تعالي للمهم الله يحييك يالغاليه الزواج ماهو كل شئ ممكن نتزوج بعد العشرينات المشكله في العقول المريضه

لالالالالالالاحقه عالهم والغم من بدري والاطفال والسهر والحمل والولاده والطبخ والتحكم والتسلط انبسطي عند

اهللك وعيشي حياتك وعيشي سنك واوعد ك ماراح تندمين :D :D

تري في مثل يقول ظل حيطه ولا ظل راجل غثيث هههههههههههههههههه

اسمعي انا عرفتك وش ضيعك اكيد مسلسل اهل الغراااااااااااااااااااااام هههههههصح ;)

ابتهجي فالحياه اجمل وانت وحيده صدقيني وللك bp039 bp039

[طايرتن بالعجه]

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..

ادعي ربك وربك ييسرها


2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!

ياختي مصدقتهم كذب في كذب

والا ناظري هالبطلات والله مهيب وجيه من يحبهن ومع ذلك يحبن وينحبن

الله يرزقك بولد الحلال اللي يحبك وتحبينه

مدري وش معجبكم في الزواج

ســـــــــــــــــــــــــلام

[Not 4 SaLe]

.
اختي انا مأدري بالضبط وضع البيت اللي يلحون فيه اهله على البنت انها تتزوج!
ومادري ليه اتوقعه بيت مو طبيعي انهم يزنزن على بنتهم ليل ونهار على هالموضوع ،،،
،

خيتو انتي متوقعه ان الزواج لحاله في هالوقت بيسعدك ويفكك من ازمه " الملل " اللي انتي عايشه فيها؟
انتي متوقعه ان الزواج فستان ابيض وحفله و اعطني اغنيه واعطيك هديه؟
شوفي الازمات اللي العائلات تمر فيها في هالوقت
كله من قلة ادراك الطرفين لحقوقهم الحقيقيه في هالارتباط
،

في رايي ان الفراغ اللي انتي تعيشين فيه هو اللي مخليك تفكرين هالافكار
تتوقعين ان الزواج لك تغيير روتين لأكثر ،،

طيب ليه ماجربتي تطورين من نفسك بدل قعدتك بالبيت؟
ادخلي دورات ممكن تساعدك في تطور شخصيتك و ممكن تعلمك صنعه معينه

ماحصلك هذا
اشغلي وقتك بالقراءه
مااكذب عليك واقولك انا قارئه نهمه واقطع الكتب
بس اذا ماحصلك انك تروحين لندوات ودورات تفيدك
جيبي مكتبتك لغرفتك
وسعي مداركك
استغلي النت اللي انتي قاعده عليه الحيـن
اكيد لك ميوول حلوه ممكن تبدعين فيها
اشغلي وقتك
،،

مجرد التفكير بالانحراف يولد عند الانسان رغبه داخله للانحراف
انت قاعده تحاولين تقنعين نفسك اني انا ولا شي و عنصر غير فعال
ليه انا موجوده ,,

انا متأكده ان فيك ميه الف شي تنحسدين عليه
وفيك اشياء ممكن تستغلينها وتصيرين من خلالها انسانه لها وجودها القااائم بذاتها
من غير انتظار لرجل ممكن يحطم كل توقعاتي واحلامي الورديه اللي علقتها على حضوره


لايصير الزواج هم خلي همك انتي وانتي الوحيده اللي بتقدر تساعد نفسها في رفع مكانه نفسها
،
،
اسفه اذا كنت قسيت عليك ولا شي
بس مؤمنه ان لكل انسان قدره على التحليق خارج نطاق حياته الرتيبه


لك الف تحيه اختيbp039

[~ البروفسور ~]

<<<<<<<<<<<<----------------- رحمتك . :(

لوني مو مرتبــط كان خطبتك من الموضوع .pb095 . >>> عــاش مصرف :D


شوفي ياأختي كاسه .. اذكري الله كثيير
ولا تخلين الفراغ .. يسيطر عليك ..

وبعدين انتي تخرجتي من الجامعـه ,, وهذا شي جميل ..
ابحثي عن نفسك .. وترا عمرك صغير .. لاحقه على الزواج

ومثل مايقولون الأغلبيـه المتشائمه ترا الزواج غثا :D


الله يوفقك ان شاء الله ويفرج همك
ويرزقك بولد الحلال اللي يحبك وتحبينه

[مــســتــهــبــلــه]

يابعدي ترى الرجال موب غنيمه
كملي دراسات عليا بدال هالقعده وبتلقين وظيفه على طول
انا الحمد لله موظفه بس مأجلة الزواج عشان الدراسه وبيني وبينتس ماجا احد سنع:d مدري منين يطلعون هالجمايع حتى موب يحقرون اعمارهم :d

[لافندر]

,

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..

في حديث للرسول صلى الله عليه وسلم بما معناه : ( من استطاع منكم الباءة فليتزوج فإنه أغض للبصر و أحصن للفرج ومن لم يتسطع فعليه بالصوم فإنه له وجاء )

وجاء يعني وقاية :) , وكثري من الدعاء لربك ( ربنا هب لنا من ازواجنا وذرياتنا قرة أعين واجعلنا للمتقين إماما )

2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!

والله عاد مشكلتك الي تصدقين الأفلام :D شوفي حياتهم العادية كيف مشاكل وطلاق وحوسة . .


3- وش تفضلون تتزوجون وحده موظفه بغض النظر عن الراتب ولا منثبره في البيت ترى انا الحين يطلق علي ربة منزل بلا منزل لإن هذا بيت ابوي


للتماسيح فقط !

,

[رعشة دفا]

يا بنتي لاحقه
ع الغثاء
عيشي في عز ابوك
الله يخلي لك دلالك
لاحقه ع الهم والمسئوليات
pb189 :D

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..pb189
لاتستعجلين كلن نصيبه يصيبه
فـ انبسطي في بيت أهلك
تراك بتتحسفين ع الايام
اللي جلستي تتحسرين فيها ع العرس
وانتي في بيت اهلك
ووتمنينها ترجع لو اسبوع
pb189 :D


2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!:(
مصدقه انتي
أفلام & مسلسلات
تمثيـــل × تمثيــــل
:D pb036

[.0البرد0.]

أول شيء ربي يسعد مساك ,, ويحقق امنياتك ,,



عزيزتي كاسه منكسره

وش هو هدفك بالحياه ,, ؟؟

اذا جاوبتي على هالسؤال راح تنحل مشاكلك


الغريب والي استغربه طريقة التفكير عندك وعند الكثير ,,

اذا تخرجت من الجامعه , لازم اتوظف ولا اعتبر نفسي ضايع !!

طيب ليه ,, يكفي حصولك على العلم . تكوني انسانه مثقفه ، فاهمه ،،

طبعا مراح تحسي بهالشيء لانك مااناظرتي له

ولا جاء يوم وجلستي بين فاهمين يعرفوا مكانتك

بعدها راح تشعري بأنك الأفضل ,, وان عمرك ماراح على الفاضي ..

كملي دراستك وخلي طموحك اكبر من زواج وعلاقه ماتدري وش القدر مخبي لك فيها

ثاني شيء ..

توظفتي يعني لازم تتزوجي ؟

بالله عليك الي مشتريك علشان وظيفتك وراتبك هو رجال !!!

يعني لو انفصلتي راح يطلقك ؟:(


2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!


بالله عليك هذا تفكير انسانه مثقفه .. جامعيه ؟:sm1:
لاتزعلي مني بس الي مثلك انظر لها نظره غير
نظره واعيه .. وان شاء الله ان تفكيرك افضل من كذا بكثير ,,


3- وش تفضلون تتزوجون وحده موظفه بغض النظر عن الراتب ولا منثبره في البيت ترى انا الحين يطلق علي ربة منزل بلا منزل لإن هذا بيت ابوي

الأفضل المثقفه ,, صاحبة العلم , الي بــ يوم راح تكون ام لأولادي وتعرف تربيهم صح ,,pb189



نصيحه لك ,,

خلي طموحك اكبر من كذا ,, احلمي بأن تكوني اعلى بعلمك وشهادتك
وسوف تجدي نفسك ,,

وتحياتي لكbp039

[نور الدنيا]

ههههههههههههههههههه

الله يقطع شيطانتس

تصدقين عاد بكره علي اختبار ويوم قريت موضوعك طنشت المذاكره قلت بنفسي خلين افحط بالكلييه ليين يجين سعيد الحض ونروح على بساط الريح بالفرس الابيض :D :D <<<اهوووه بس متى يجيpb094

~ البروفسور ~

ومثل مايقولون الأغلبيـه المتشائمه ترا الزواج غثا

لاااااااا مو غثا على حسب الرجال اذا كان حبوب والله ان يخلي دنيتي كلها سعاده وفرح اما اذا جاني واحدن عله ويلصق بلحلق قسم بالله لاانجن وذيك الساعه اندم اني تزوجت عاد مابه حل خلااص تزوجته

امي تقول اذا تزوجتي خلااص انسي شي اسمه طلااق انثبري بيت زوجك ليين تموتيين:(

انا اقول ادخلي دوره او نادي او تحفيض قران او اي شي المهم لاتجلسين بلبيت ترا جلست البيت متعبه :)

[orangah]

اللي يسمعك يقول ذي طقت الثمان وعشرين ولا اعرست pb036 !!

تراك 22 يعني توك !!


ترا الزواج مو فله وسعة صدر وبس !! يمكن يكون فيه جانب حلو بس يا قليبي فيه ضريبه !!

انتي ضامنه ان الرجال بيكون عسل وحبوب معاك يقدرك ويعزك ويرزك !!

الزواج مسئوليه موب اغنيه لمين اهديها والا ورده لمين ارميها !!


مو ليلة عرس وشهر عسل ووناسه !!

هم ورعايه واهتمام وناس تكونين انتي مسؤوله عنهم بعد ماكنتي فاضيه !! أطفال ورجال وبيت ومجتمع جديد !!




اللي مكتوب لك بيصير توكلي على ربك !!





بالتوفيق bp039




اورنجه...

[خمسطعش]

:::

الزواج مسئوليه موب اغنيه لمين اهديها والا ورده لمين ارميها !!


كلام زي العسل ..

:::

[لوتي]

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..


2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!

يا بعد عمري الله يسعدك...

ترى الزواج مو نهاية الدنيا علشان نحرر انفسنا انتبهي تفكري مثل هذا التفكير :sm4:

خلي ايمانك بالله قوي وتاكدي باللي كاتبه لك ربك بيصير:)

واذا انتي راغبه الزواج لمنفعه لك بالخير والستر فما عليك الا حاجه وحده وهي الدعاء:)

اما مسالة الافلام والخرابيط هذه وتاثيرها لا تخلي قلبك ينجرف مع عقلك حكمي عقلك ووازني نظرك واثقلي:D

مع احترامي الشديد ولا تزعليpb094 امبين عقليتك بعدها مانضجت فالافضل لك ولحياتك المستقبليه خلي مسالة الزواج على الاقل لما توصلي 25:)

والله يوفقك bp039

[lover_h]

عيشي ايام عمرك الحين بكل دقيقه فيها ، ولا تزوجتي عيشي حياة الزوجه بكل دقيقه فيها

الحياه دقايق ومتعتها في اننا نعيش كل دقيقه بهالعمر

تماما....bp039

ليه دايم ننظر للسلبيات في اي مرحله من عمرنا؟؟؟

صدقيني بيجي اليوم وتتزوجي (ان شاء الله) وتقولي وين ايام اول ... ما غير اهاوش اخواني ... ما غير افحط بالاختبارات ...الخ

غلط والف غلط اننا نربط السعاده في شي راح يصير ايا كان...

خاصه وان الشي اللي تتكلمي فيه شي (مالك يد فيه) .... والزواج قسمه ونصيب...

نصيحه ... اللي الله كاتبه لك بيصير... ريحي بالك من هالناحيه.... وحاولي تطوري من نفسك ...وتعيشي كل لحظه بعمرك...

الله يكون بعونك ... وييسر لك

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني

النصيب هو الاساس... والباقي كله قريته بالموضوع...:D

مهوب حرام هالأفلام والمسلسلات اللي نشوفها كلهم يحبون ويتزوجون وحنا لا

ما الومك اذا كان هذا هاجس طارئ ويروح.... لكن انه ينشب بتفكيرك لأ....وزي ما قالوا لك الزواج مو كله حب وغزل...

في هواش وطق وطلاق >>>خربها:D


3- وش تفضلون تتزوجون وحده موظفه بغض النظر عن الراتب ولا منثبره في البيت ترى انا الحين يطلق علي ربة منزل بلا منزل لإن هذا بيت ابوي

ماني من معارضين عمل المرأه.... بس على صعيد شخصي افضل انها اكون منثبره:D

[ميادة]

مسائك ورد ياكاسه ..
تبغين الجد .. انا ماشية في الموضوع وقاعدة اتبسم على اساس انك تمزحين وفي الاخر بتقولين
الموضوع الصدقي .. طلعتِ تتكلمين جد !!!

بما اني ما جمعت السالفة تمام الحين .. هذا رد سريع وان شاء الله بارجع في وقت ثاني
استلمك مضبوط :D

[الافــــلاجــــي]

1-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..pb189

ادعي ربك يرزقك الرجال الصالح ما فيه احسن من الدعوه الصادقه اخر الليالي ,,
2- مهوب حرام هالأفلام والمسلسلات اللي نشوفها كلهم يحبون ويتزوجون وحنا لا!!:(

شكلك اربع وعشرين ساعه على الافلام الله يكفيك شرها ترى كلها كلام فاضي كخخخخ لا تصدقينهم وتحرقين قلبك ,,
3- وش تفضلون تتزوجون وحده موظفه بغض النظر عن الراتب ولا منثبره في البيت ترى انا الحين يطلق علي ربة منزل بلا منزل لإن هذا بيت ابوي:( pb131
والله كله واحد أهم شي اخلاق البنت لان في كلا الحالتين فيها إيجابيات وسلبيات وترجع على حسب طبيعه الرجل ومستواه المعيشي إذا كانه مقتدر فالافضل انها تجلس في البيت اما إذا كانت حالتهم الماديه صعبه فالاولى انها تساعده ..

[في خاطري شئ]

ياحبيـــــ:sm17: ــــــــــلتس ياكاسه :D

خلاااااااااااص مشكلتس نفس مشكلتي حتى انا خايفتن انحرف والفضاوه ذبحتني تعالي معي ندخل دوره منها فايده ومنها وناسه ومنها نبعد عن الانحررررراف والعياذ
بالله..


والله اني حاسه بمعاناتس والمتسبب فيها الفضاوه فودعيها واشغلي عمرتــــــــــــــــــس ..

اذا دخلتي دوره راح تحسين بنشاط وحيويه :rolleyes:

في حفظ الله ياعسلbp039 bp039

[نيوو لوك]

الله يوفقك ويرزقك بالرجل اللي يضفك ضفه محترمه خخخخخخخخخخخخ

وعليك بالدعاء والصبر فهما مفتاح الرزق ان شاء الله

تحياتي لك..

[الجامحة]

ههههههههههههههههههههههههههههههههههههههههه
هههههههههههه أنتي صادقه والاتستهبلين ياعمري عليك من جد هم يضحك وهم يبكي :D
مشكلتنا في هالمجتمع يعتقدون أن اقصى شيء في الدنيا للمرأة زوج / بيت / اولاد
والاعتقاد هذا هو ثقافه مجتمع المرأه فيه كانت من تنولد وهي التغيير الوحيد في حياتها الزواج بس
انتي تعلمتي ودرستي وتخرجتي عيشي الحياة تنعمي فيها انبسطي
بري امك وابوك راعي خوانك هذي كمان لوحده نعمه كبيره يفتقدها اللي ماعنده ام او اب او اخوه
شايفه أن الزواج هاجس لك كلمي خطابه لاهو عيب ولا حرام اقلها تحسين فيه احد طالع واحد داخل ولي قالوا مين
قالوا هذا يخطب كاسه :D
وعلى فكره العالم ترا مايعرفون قيمه البنت إلا إذا كثروا الخطاطيب يعني اقاربكم لو سمعوا ان فيه احد جاء يخطبك
راح يقولون يؤ لاتروح علينا هالطخمه وراح يصير عليك طلب :D
ولاتطالعين هالفلام والمسلسلات انتي بس اقري عن ابطالها كلهم في هم وغم ومشاكل
اجل بوسي بعد اكثر من اربعين سنه يطلقها نور الشريف وهو منول طاير فيها ويقول بها هه ( تحرك يدها )
وشيء واحد حطيه في بالك مااااااااااااااراح يجيك إلا رزقك ورزقك لك ماهو لغيرك
وحمدي ربك على نعمه العافيه والصحه هذي لوحدها تساوي ملايين الازواج :D
كني مسكت خط pb036 يلا الله يوفقك ايه لاتنسين الدعاء

bp039

[Olga]

صباح الخير

قربي راسك خليني اقرأ عليك ياوخيتي ..:)

بقولك شئ قلت قبل حول هالمووضوع الممل وبرجع اعيده
لعل ربي يهديك وينور بصيرتكbp039

بصراحه مو اكبر همي فستان وزفه ومعازيم
...وعيال الله يعلم بصلاحهم من عدمه ورجال مايندرى وش وراه ;)

خليني اكمل دراستي واستقر بعملي وانجح بحياتي واعيشها بدون
مايكون تفكيري محصور بأولاد ورجال

ع الاقل افشل بشئ مو تكون خيبتي مالها اول ولا اخر :)


ع قوله وحده من صديقاتي الله يذكرها بالخير كان موقفها مثلي تماما
وسوري ع الكلمه يا جماعه لا احد يفهمني غلط.. بس مره احب عبارتها
دايم كانت تقولي يالولو(مابغى اكون
زي اي وحده حماره ..تتزوج لها واحد حمار ]



ع فكره

العيال اللي بعيلتي يموتون على الغير موظفات..
مو شرط الكل يبي موظفات في ناس تحب ستات البيوت
ويحب يحس انه مهم ومافيه غيره بهالدنيا عطيه جوه وخليه يصدق;)


بالنسبه لـ بقيه اسئلتك..
عن المسلسلات والحب...
ياناس اشق هدومي للمره الألف اكرر:mad:

الممثلين والممثلات يندفع لهم قروش عشان يمثل مشهد حب
والسعر غير قابل للتفاوض بعد
واللي تلبس فستان وعروسه يكون اكبر همها مين مصمم الفستان اللي راح تظهر فيه
مو الزواج ياحبيبتي.. فلاتقارنيين نفسك فيهم
وشئ اخر
الزوج من يدفع له؟


طرق للحصول ع زوج؟:rolleyes:

شيلي المووضوع من راسك وهو بيجي:) هذي الطريقه الوحيده الفعاله

وابعدي عن الخطابات لان لو فيه خير كان اهله لقوا له عروس
مارموه ع خطابه ...من كثر بلاويه مالقوا احد يقبل به

اشغلي وقتك وكملي دراستك او شوفي لك وظيفه ...
والله فيه بس للي يدور..ويهتم فعلاا..وعشان تحصلين وظيفه زينه
قوي لغتك وخوذي شهاادات حاسب
وشيلي المووضوع من راسك...اكررها مليون مره
وكل مارجعتي تفكرين بالسالفه
تذكري النسوان المنكوبين برجال طايحين بكبودهم
احمدي ربك ..انك ترقدين ماتشيلين هم احد..
ترى الزوج يطلق بس الأهل لأ... قعدتك عند اهلك
ارحم من قعدتك مع واحد من هالسلاتيح (طبعا مو الكل ):)

وغير عن هذا وذاك
بالله عليك وش فيه العرس يحمس؟
ماغير واحد مقابلني 24 ساعه ...الواحد ماياخذ راحته بهالدنيا
نوب اهلي ونوب رجلي pb095
لا مير هذا يتأمر ويتدلع وانا عاد تحوم كبدي
من دلع الرجال:sm18:


قولي لي شئ حلو بالعرس ...(غير الاطفال ) لاني موب مهتمه بالمووضوع ع الاقل 5 سنوات قدام..:)


فوتك بعافيه ياحلوهpb189

[Alo0one]

الـسـلام عليكم ورحمة الله وبركاته ...

اولاً يا اخت "كاسه منكسره " ليه كل هذا التشاؤم ؟؟؟

كـل هذا عشانك تخرجتي وجلستي بالبيت ؟؟؟

من جد احمدي ربك .. عـلـى الاقل عندك شهاده تسندك في المستقبل "البعيد او القريب "

و مو شـرط سعـادة الانسان تكون في وظيفه حكوميه .. ليه ماتحاولين تستغلين هواياتك ؟؟

يعنـي طوري من نفسك ..

كملي دراستك ..

والعرس لاحقه عليه ... وشوفي والله مراح يصير الا المكتوب لك ...

يعني بلييز .. غيري نظرتك للحياه شوي ...

وماتدرين وين الخير فيه ..

"عـسـى ان تكهرو شياء قد يكون خيراً لكم " <<< اعتقد انه زي كذا ...

وادعي ربك .. ولا تقولين انا دعيت ..

و بلييز لازعلين من كلامي او اسلوبي pb094 .. لأن شفت موضوعك وضاق صدري ان بنوته زيك تفكر زي كذا ..

وهذي ورده لك bp039

والله يوفقك ويسعدك ...

يـــــــارب ...

[&&&مستر إكس &&&]

:)


الله يوسع صدرك بالعافية وانا اخوك على هالصباح الحلو ,,



بالنسبة لموضوعك ماقصرت الجامحة في ردها قالت كثير من الي في خاطري ,,



عيشي حياتك وانبسطي ومتى ماجالك واحد ( يستاهل تعيشين معه ) << وتحتها ثلاثة خطوط لأن الظاهر أقوى سبب للطلاق هاليومين ان البنت توافق على أقرب واحد يتقدم لأجل المجتمع والخوف من شبح حكيهم فيها انها عانس ؟؟!

واذا دخلت القفص وصار الي قبالها عقلية حيوانية في صورة آدمية <<< وهالشئ من تصرفات شفناها وواقع ,,
تتمنى ترجع لبيت أهلها وتحس جلوسها فيه جنة عند جحيم هذا ,,

فخلاصة الحكي لاتستعجلين وحاولي تستمتعين بكل لحظة في حياتك كل شئ لاحقة عليه ,,


في بنات في أعمار ال26 وال28 توهم يتزوجون بعد إختيار موفق وعايشين بسعادة وتتحمد ربها انها ماتهورت وقبلت أي واحد ,,


أتمنى لك التوفيق ان شاء الله وباين عليك خفيفة دم ووسيعة صدر وهذي أهم صفتين :) ,,


تحياتي لك ,,

[ابودمجه]

اختي الكريمه معليش مع احترامي لك ..بس موضوعك فيه لف ودوران ومحاولة تذاكي ..

يعني حاولتي في البدايه تبينين ان السبب في حرصك ع الزواج هي امك وحنتها عليك .. والا انتي مافكرتي فيه الى درجه انك قمتي تناقشينها نقاش علمي في هالاقتباس ..

قلت يمه وش فيتس تحطميني تسذى ترى الدنيا مهوب كلها زواج اتركي لي فرصه انجح في حياتي وأوصل من غير رجال!

الى درجه اننا قلنا ماشاء الله .. هذي هي بنت عاقله وحلت مشكلتها بنفسها وبتفرض قناعاتها ...

لكن شوي شوي بدأنا نعرف ان اساس المشكله منك مو من امك ..

وانك انتي اللي شاغلتك فكره الزواج .. وفكره ان يكون فيه رجل في حياتك يتغزل فيك ويشبع عواطفك ..

بس خليتي الموضوع يتدرج ان البدايه من اهلك وامك .. ثم انتهت لك ..

لكن اساس المشكله انه انتي اللي مشغله بالك بهالتفكير الى درجه انك قمتي تهذرين بهالاقتباس

كل ماأشوف وجيهي في المرايه تطقني الحسوفه اقول هاوجه اللي يهبل<<<<تتميلح
مايلاقي واحدن يتأمله يمدحه يشعر فيه!!
كل ماسمعت اغنيه قلت ياربي من اهديها له!!
كل ماشفت ورده قلت من اعطيها ..
كل ماقريت كلمه قلت من ممكن يقولها لي!!


ووصل بك الامر انك مستعده للانحراف من اجل البحث عن رجل يشبع هالعواطف في هالاقتباس

-وش الطريقه اللي اقدر اعرس فيها تراني بنحرف علمتكم اللهم بلغت اللهم فاأشهد..
ووالله اني ماأبي من العرس الا واحد احبه ويحبني ..


____________

يعني واضح ان همك بالزواج .. ماهو انك تجدين الانسان المناسب اللي يفهمك وتفهمينه .. ولا تكوين اسره واستقرار ... همك ان اي ( بوهة ) رجال .. بس تقابلينها وتجلسين تقولين له احبك وتحبني وتهدينه اغاني ويهديك مثل ماتشوفين ( اللي حولك) يسوون .. ...فليه ماتكونين صريحه وتقولينها بصراحه ..بدال هاللف والدوران ؟!!


معليش .. اسمحي لي اقولها لك .. وحده بمثل عقليتك .. خطر على الزواج .... وطريقه تفكيرك هذي ..هي احد اهم اسباب انتشار الطلاق في مجتمعنا ... ان الوحده عقلها مابعد تعدى هالمرحله .. وتتزوج .. وكل همها تعويض الفراغ العاطفي اللي تحس به ..

هو صحيح ان كثير مننا عنده فراغ عاطفي ... لكن عنده عقل يوقف عواطفه عند حدها ..... وهذا اللي تفتقدينه انتي للأٍسف ..!!

_________________

صراحه بخلاف الموضوع ..فيه احد الردود استفزتني صراحه .. لما قالت

انتي ضامنه ان الرجال بيكون عسل وحبوب معاك يقدرك ويعزك ويرزك !!

معليش مع احترامي لك ... السؤال المفروض يكون .. (( انتي ضامنه نفسك انك بتكونين صالحه للزواج وبتشيلين مسؤوليات بيتك وزوجك وعيالك وانتي بهالتفكير السطحي ؟! ... وهل انتي ضامنه ان اهتماماتك بالزواج راح تتعدى سالفه حبني وودني وجبني وشلني وحطني ..ثم طلقني ؟! ..))

يعني ماادري هل بتتوقعون ان هالعضوه لما تتزوج ..وتجينا ( لاسمح الله ) تشتكي او تقول انها ماتوفقت وتطلقت ... ان السبب من زوجها ؟!!! ....... انا وقتها راح ابصم بالعشره واقسم قسم ان السبب هي ..!!

يعني معليش .. اقدر اقول ...( الكتاب باين من عنوانه ) .. !!


تحياتي ..

[ابنة رشد]

أختي فلتسمحي لي أن أتحدث بصراحة ـ وصدقيني لن تصل لصراحتك في الموضوع ـ
فالمصارحة ليست سيئة دوماً ، بل هي علاج ناجع في حالات كثيرة !

.

المهم :

لو كنت رجلاً مستحيل أفكر أقدم على الزواج من فتاة تحمل مثل هذا التفكير أو حتى قريباً منه : (

.

.

بعد أن نزلت الرد قرأت رد أبو دمجة وقد قال كثيراً مما كنت أريد إيصاله بردي المختصر

والسلام
.

[سيرة الحب]

وش جايكم يهالبنات من هالعرس
توني جاية من موضوع في مملكة المرأة عن العرس
و هنا موضوع عن العرس
المهم بما اني اتحفتهم برد هناك :D << امحق اتحاف
قلت خل اقتبس له بعضه

يااختي وش اقولتس .. من يومنا صغار وحنا ملعوبن علينا
لا جوا يمدحونا يقولون وه متى نشوفتس في الفوسطان الأبيض
و ياحبي لها جدتي الله يرحمها لاجت تمدحني تقول مناب مزوجينتس
الا الملك :D خخخخخخخخخخخخخخخخخ ومات الله يرحمه قبل لا اعرس عليه
بس من جد كانوا حاطين في بالنا ان طموحهم و طموحنا في الحياة العرس
و لين الحين فيه بنات طموحهم العرس و ودهم به و ماشاء الله عليهم لين جت
الخطبة يبزون و يفرحون
لكن بوه بنات ماجاز لهم هالحتسي.. و شافوا ان فيه طموحات اهم مثل الدراسة وغيرها
و انهم يعيشون حياتهم مبسووووطين من غير هم العرس و مسئوليته
بس لا جاء وقت الجد هالنوعية من البنات فعلا تتنكد و يضيق صدرها
وتكره الساعة اللي انخطبت فيها
من فترة كنت أسولف انا وصديقتي عن هالنقطة ونقول من الصح
اللي يفرحون و الا اللي زي حالاتنا تطقهم الغلقة و ضيقة الصدر





المهم .. موضوعتس احس انه مزح :D
وباين من طريقتس انتس تمزحين pb036
الا ان كانتس جاده هذا شي ثاني << شكيت عقب الردود


تحياتي bp039

[الملقم]

مع احترامي لغالبية الردود .. لكن الموضوع في وادي والردود في وادي ثاني ..

البنت تحدثت عن مشكله اعتبرها من اهم المشاكل اللي تواجه البنت تحدثت بواقعيه سهله بسيطه لكن الردود مثاليه وسمعنا مثلها في اذاعة الرياض الين ملينا !!

استغرب رد البعض ( خلي طموحك اكبر من الزواج ) اللي يشوف البنت يقول كانت تتكلم عن بلاي ستيشن والا عن نيتها في احتراف هواية القفز بالزانه !!!

البنت تتكلم عن زوج واطفال وحياه كامله تستحق ان الواحد يفكر فيها ويهتم لها .. الف شهادة ماتعادل رؤية طفل صغير يحمل اسمي ورسمي ويركض في البيت وينام في حضني .. طفل واحد بس يستاهل كل ماجنيته من تعليم وخلافه ..

وبخصوص سالفة اللي يقول لا تحرصين على العرس لاحقين على الغثا .. اتذكر رد للدكتور مصطفى محمود قال فيه ( الازواج المتذمرين اكبر كذابين في الوجود .. فهم اسرع من يتزوج بعد وفاة شريكه واكثر من يبحث عن بديل في حالة الطلاق ) !!

تسمعين كل الحريم حولك يتذمرون من ازواجهن وتروح الجلسه وكل وحده تحش في زوجها .. اللي تقول صحاني الصبح بدري واللي تقول جايب رجال وخلاني اسوي سفره طولها سبعة فراسخ واللي تقول واللي تقول وكل وحده يلهج حنكها بالقدح في بعلها ولسانها رطب بذكر عيوبه .. ولو نفذتي الى قلبها كان شفتي زوجها متربع فيه ودقات قلبها قائلة له فديت مواطي رجليك !!!

وكذالك الحال للرجال .. الف نكته نقولها في المجلس كلها حش في زوجاتنا لكن لو تروح عند اهلها في الصيف يومين غدينا مثل طرزان ( حياتن كئيبه لا نظامن ولا تخطيط .. كأني من اصحاب العصور البدائيه ) !!!

22 سنه صغيره !! سلامات ياصغيره ..

ماودي اسهب كثير في سالفة العمر المناسب للزواج .. لانها خاضعه في احيان كثيره لطقوس الجماعه والبيئه المحيطه لكن ردا على اللي يقول صغيره احب انوه ان ( وقت ملكتي ) كنت في الثنوي وزوجتي كانت في المتوسطه .. وفي منتصف دراستي الجامعيه كان عندي طفل وزوجتي في الثنوي pb189

وعلى فكره اذكر اني ماكنت لوحدي اللي متزوج ويدرس في الجامعه كان معي اكثر من طالب والحياه حلوه ..

تخيل مثلا واحد كتب موضوع يقول عطشان ابغا مويه ويرد عليه واحد ثاني ويقول ياخي جرب تشتري دباسه .. من متى الدباسه تقوم مقام المويه ..

البنت تقول ابي اعرس .. تبي تمارس دورها الفطري في تكوين اسره واطفال ويرد عليها البعض ادخلي دورة كمبيوتر والا اشغلي نفسك بالقرايه اجل كان الرسول صلى الله عليه وسلم قال من لم يستطع الزواج عليه بالقرأه !!

وانصح كل شاب يبي يعرس ولا وده بالخساير يروح جرير يشتري كم كتاب وخلاص !!

اتذكر ان ماخانتني الذاكره في موضوع للاخت كارولينا عن الزواج من الاجانب اوردت قصه عن دكتوره تزوجت من ( عامل ) من جنسيه عربيه !!

دكتوره تزوجت عامل يعني مو موظف الا عامل .. طيب ليش ما استغنت بشهادتها عن الزواج !!

فطره خلقها الله عزوجل في الانسان لتحقيق الغايه الاساسيه من استخلاف الانسان في الارض .. نروح يمين نروح يسار نشغل نفوسنا ندعي عدم الحاجه للشريك لكن يظل الزواج هدف لكل انسان مثل التزاوج بين كل ذكر وانثى خلقه الله سواء حيوان او حتى نبات ..

الله يرزقك زوج صالح تهديله انواع الورود والاغاني .. ويسمعك اعذب الكلمات واشجاها .. انه ولي ذالك والقادر عليه ..

[مبااري السااس]

!
المهم :

لو كنت رجلاً مستحيل أفكر أقدم على الزواج من فتاة تحمل مثل هذا التفكير أو حتى قريباً منه : (
.
انا عادي :D
<<<<<<<<<<<<<<<<<<<< يبي يقهر ابنة رشد .

خلينا نتكلم جد ...

( طبعا كل شيء مكتوب لكن فيه اسباب والله حثنا على فعل السبب حتى نصل للهدف )..

انا باكون عملي وباعطيك خطوات عملية للزواج :
1 - أحضري عروس قد ما تقدرين .. وتعلمي الرقص ( طراه ان بعض الشباب يحب البنات اللي يعرفون الرقص )
لزوم الجلسة آخر الليل ;) .
2 - حاولي يكون لبسك مميز وكلامك لبق مع الجميع .( لا تخلقين عدوات ) .
3 - احضري العزايم .. وسلمي على الحريم الكبار وحبي روسهن .. وخليك اجتماعية مع البنات .. وكوني صداقات
4 - اذا شفتي بنت عندها اخ وتحسين انه يصلح يكون زوج لك ( امدحيه عند اخته :D ) .
واكيد بتوصل هالكلام لاخوها وهو بدوره بيدق قلبه pb189 ) ويجي يخطبك :D .

5 - فيه مواقع زواج .. سجلي فيها وممكن يكون فيها ناس جادين لكن تنقصهم معلومات ..
واذا شفتي واحد جاد عطي رقم واحد من اخواك لهالرجال وممكن يكون هو الشخص المناسب .
( كثير من الزواجات تمت بهالطريقة ).

6 - حذاري تاخذين رقم من شاب او بلوتوث لان حقين الارقام او البلوتوث ( مو حقين عرس )..:D _غالبا _.

7 - اكتبي بالمنتديات .. وممكن واحد يعجب فيك ويتزوجك ( ليش لا ) ؟؟ ما فيها شيء ..
( كنت اكتب في منتدى ... وحده من الاعضاء تزوجت مشرف ).:ما شاء الله ..وهالحين عيالهم مالين المنتدى .

[قشامه محترقه]

كاسه اخيتي ..

شوفي انتي الحين تمرين بحاله بعد الجامعه من ملل .. وروتين يقطع القلب ..

لانك تعودتي على الطلعه والدخله وانه في شي يشغلك اللي هو الدراسه ..

مني قايله لك لا تفكرين في الزواج وخليه اخر اهتماماتك لاني ساعتها بكون اكذب :)

لكن انك خلاص تحصرين تفكيرك متى بيجي ولد الحلال ويطق بابنا ويصير هذا محور هتمامك بعد هذا غلط ..

عمرك 22 مهيب كبيره ولا هيب صغيره عمر مناسب للزواج لانه فاهمه وناضجه ...

ذكرتيني ياكاسه بوحده من البنات كانت معنا في الكليه مثلك ومثل تفكيرك متى بيجي اللي بسبل له عيوني

ومتى بيجي اللي بس يقول لا تتحركين وكلام معسول ويالله من فضلك ..

اغلب البنات هذا تفكيرهم يحسبون الزواج سفرات وروحات وجيات وهدايا ومطاعم .. ماصارت حياه انتي بتملين ترى ..

الحياه الزوجيه .. يوم بينزرتس وينزر السابع من جدانتس .. ويومٍ وش حليله .. ويومٍ ماله خلق احدن يحاتسيه ويومٍ رايق

يالله من فضلك .. يعني مهيب الحياه كلها حب ورومانسيه .. لا :)

وسعي صدرتس .. والهي باي شي يفيدتس ..

عندتس .. محو الاميه قدمي عليه علمي كبيرات السن .. درسيهم القران ...

عندك الاعمال التطوعيه تطوعي فيها مهوب لازم راتب لا تطوع شي يشغلتس .. ادخلي دوره دبلوم انجليزي .. كمبيوتر ..

لكن بنحرف وبغازل وش بتستفيدين بتخسرين اخرتس على حساب دنياتس :sm4:

نصيبك جاي جاي طرتي وقعتي بتاخذينه اليوم باتسر بتاخذينه ...

موقف والدتك يمكن من حبها لك وخوفها عليك لكن هي زرعت هالشي فيك واحبطتك زود امك هذي حلوة اللبن ما اقول

فيها شي لكن اغلب الامهات كذا .. وعلى قوله امي ابد شمستس على طرف العسبان ...

وتعقيب بس على اخوي الملقم .. :)

البنت تقول ابي اعرس .. تبي تمارس دورها الفطري في تكوين اسره واطفال ويرد عليها البعض ادخلي دورة كمبيوتر والا اشغلي نفسك بالقرايه اجل كان الرسول صلى الله عليه وسلم قال من لم يستطع الزواج عليه بالقرأه !!


طيب ما جاها العرس وش تسوي تطير تنهبل وشش تبيها تسوي .. !! تقعد عند الباب وتسبل نفسها تقول سبيل للي يبي

يتزوج واللي اي شخص يطق بابهم فيه خير مافيه خير ترمي نفسها عليها لمجرد تمارس دورها الفطري .. (( ولاترموا

بأنفسكم الى التهلكه )) بتقولي الزواج مهوب تهلكه انا معك مهوب تهلكه لكن لاجاها واحدن سكير نكير

جالدها داخل طالع لمجرد انها تتزوج ومن يجيها اول واحد ولا سؤال ولا شي رموها عنده .. pb036


ماودي اسهب كثير في سالفة العمر المناسب للزواج .. لانها خاضعه في احيان كثيره لطقوس الجماعه والبيئه المحيطه لكن ردا على اللي يقول صغيره احب انوه ان ( وقت ملكتي ) كنت في الثنوي وزوجتي كانت في المتوسطه .. وفي منتصف دراستي الجامعيه كان عندي طفل وزوجتي في الثنوي


حالتك اخوي تعتبر واحد من مليون وماشاء الله ربي يسعدكم انشاء الله بس اغلب الزيجات اللي كذا ..

يايتزوج عليها .. يا يقول لاهله انا ماحبيتها اصلاً .. وكثير لا تقول مهيب موجوده لا موجوده ..

نفكر شويه .. جاني زوج صالح ياربي لك الحمد اشكر ربي واحمده .. ماجاني طيب خلاص ادعي ربي انه يرزقني

بالزوج الصالح ... وكان ربي كاتب بتزوج بتزوج ما كتب ربي ما راح اتزوج ..

المسئله مسأله قناعه داخليه .. حُسن ظن برب العالمين .. بس :)

وربي يوفقك في هاليوم المبارك وادعي ربي لان الدعاء وقت نزول المطر مجاب باذن الله :)

تحيااتي :)

[قشامه محترقه]

مبااري بالله عليك من جدك والا تستهبل الله يصلحك ..

هذا انت صاحب الفكر النير :p

فيه مواقع زواج .. سجلي فيها وممكن يكون فيها ناس جادين لكن تنقصهم معلومات ..
واذا شفتي واحد جاد عطي رقم واحد من اخواك لهالرجال وممكن يكون هو الشخص المناسب .
( كثير من الزواجات تمت بهالطريقة ).


وين جادين معه بالله عليك يجي يرز لي صورته وانا ابي كذا وكذا وكذا ..

جعل ربي يوفقك لا تحط براس البنت هالخراط اللي ما لاموه داعي .. اجل مواقع ومدري وشو نسبه مصداقيه هالمواقع

صفر بالميه فما بالك هي اللي بس تبي طرف شي تتمسك فيه


اكتبي بالمنتديات .. وممكن واحد يعجب فيك ويتزوجك ( ليش لا ) ؟؟ ما فيها شيء ..
( كنت اكتب في منتدى ... وحده من الاعضاء تزوجت مشرف ).:ما شاء الله ..وهالحين عيالهم مالين المنتدى .


طيب وبعدين .. !

كل منتدى ارتزت فيه وعلى امل هالفارس المجهول يعجب فيها

تكفااا لا تحطون ببالها هالافكار ... طيب اعجب فيها وقلنا حسن نيه بتقول ايه دوك رقم اهلي ..

والا في كل عرس ترقص تسنها مهبوله والا تتلزق بالعجز ..

وربي حسيت انها سلعه تروج لنفسها

[متغلية]

تالي يعني لانتيب محصله دنيا لاترخصين بالآخره..:(
حاولت اقردن اخوي قلت له اخطب لأختك ولاتخطب لأخوك قال لي ماش منتيب تواجهين..pb093
رحت لأبوي ونطيت في وجهه وقلت له أهدني على أحد تفل في وجهي وقال الخلا..:D
مابقى عرس مانطيت فيه وقعدت أسبل في هالقميطات<<<<<العيينات

ياحياة الشقىpb093
اسمعي مالتس إلا أنتس تغيرين استراتيجيتس بالحياة
أولا غيري في اللوك تبعك
تعلمي أشياء جديدة فيما يخص شكلك
اصبغي صبغة ماقد صبغتيها
قصي قصة ماقد قصيتها
البسي ألوان فرايحي وستايل شيك
تعلمي كيف أنتي تعملي لنفسك مكياج وتسريحات
اهتمي برشاقتس حتى لو كنتي نحيفة أو جسمك حلو
لاخلصنا من الشكل نجي للمضمون
كثفي القراءة عن الأنوثة
والسياسة
والأخبار المحلية والعالمية الدارجة
يعني بالمختصر استلمي جريدة الرياض من الجلدة للجلدة
هنا يكون تكون عندنا فتاة تملك الشكل والمضمون
قبل هذا كله خلي لك من قبل المغرب ساعة طقوس بينك وبين ربك
تقرين فيها قرآن وتدعين أو تحفظين أيات معية أو حديث معين
ليش قلت ساعة؟
لأني لو بقول لك ثلاث ساعات بيدخل الشيطان فيها فأنا قللت الزمن عشان نسكر باب الشيطان وتصيرين أنتي وضميرك هنا
برضو أجبري نفسك الساعة ثلاث من الليل لازم تقومين تصلين الشفع والوتر مو عشان تدعين وبس
لا سبحان الله للي يقومون الليل نور في وجيههم اكتسبوها من نور الله
فإذا جمعتي جمال الشكل والعقل والدين أنا أثق إنك ستكونين مطمع لكل عاقل يبغى يظفر بذات الدين
الله يوفقتس ويررزقتس بالرجل الصالح

[cheery]

السلام عليكم ورحمة الله وبركاته
غاليتى كاسه منكسره

انا مثلك تخرجت هالسنه وجالسه فى البيت لاشغل ولامشغله ولكن ان شاء الله راح اشغل وقتى وراح احضر الماجستير هالسنه


بعدين ماهو شرط إن كل وحده تخرجت لازم انها تتزوج او انها تتوظف

يااختي ليش تكبرين المسالة وتسبقين الاحداث ..فكل شيء مقدر ومكتوب عند الواحد الاحد

اهتمي " بوقتك " .. واستغليه بالمفيد والنافع

غاليتى
حقيقى اهدافك حتى لاتتكدر حياتك بسبب امنية لم تتحقق ..
لاتنسي ان هنالك امنية وغاية .. الامنية تودي ان تحدث لكن لاتسعين فيها اما الغاية فانك تسعين بشتى الطرق لتحقيقها ..
فاجعلي في حياتك الغايات اكثر من الاماني .. امنيتك ان تتزوجي .. ان شاء الله .. لكن اجعلي لك غايات واهداف تودي تحقيقها ... حتى تنفعك في دينك ودنياكِ ..
قد يكون تاخير زواجك خير لك .. اقول خيرا لك .. فهنالك اناس تهنا لهم العيش بعد الزواج وهنالك من لاتهنا لهم العيش ...
ويمكن مابعد جاك الإنسان اللى تستحقينه ،،


الله يوفقك ويزرقك بالزوج الصالح والذريه الصالحه انت وجميع الأخوات ،،

[مبااري السااس]

مبااري بالله عليك من جدك والا تستهبل الله يصلحك ..

هذا انت صاحب الفكر النير :p

وين جادين معه بالله عليك يجي يرز لي صورته وانا ابي كذا وكذا وكذا ..

جعل ربي يوفقك لا تحط براس البنت هالخراط اللي ما لاموه داعي .. اجل مواقع ومدري وشو نسبه مصداقيه هالمواقع

صفر بالميه فما بالك هي اللي بس تبي طرف شي تتمسك فيه
طيب وبعدين .. !

كل منتدى ارتزت فيه وعلى امل هالفارس المجهول يعجب فيها

تكفااا لا تحطون ببالها هالافكار ... طيب اعجب فيها وقلنا حسن نيه بتقول ايه دوك رقم اهلي ..

والا في كل عرس ترقص تسنها مهبوله والا تتلزق بالعجز ..

وربي حسيت انها سلعه تروج لنفسها

التقليديون دائما ( يرون ان الافكار التي تخرج عن الإطار التقليدي ) هي ضرب من الجنون .
فيه حلول ( عاطفية / حالمة / تسمعها مناااا وتطلع مناك ).<<< سواليف ( غالبا الانثى حلولها عاطفية ).
وفيه حلول ( عملية ) .. فيها خطوات تقوم بها تساعدك على الوصول للهدف .

يا اختي الفاضلة
ليس لديك اية فكرة عن تلك المواقع ولا كيفية التواصل فيها .. ( لذلك ما تقدرين تحكمين عليه ).
الزواج من خلال المواقع هي ( وسيلة من الوسائل الم&#