عقدتني امي

[لوحة فنية]

السلام عليكم ورحمة الله وبركاته
:) اسدكائي الانترنتيين
لي سديكة ماينة عليها زرتها امس وكانت هي عازمة بنتين المهم مع اسوالف والضحكدخلو بنات سديكتي وحدةعمرها3 سنين
سنين والثانية اول ابتدائي وهم تهاوش وتزفهم قدامنا روحو ناموو روحو عند جدتكم وهم يروحون ويرجعون اللي باول ابتدائي قالت لها ان بساعدتس بحط العشا معتس قالت لها هالحتسي بالمطبخ وهي تزفها وتهاوشها ( سديكتي راحت شغالتها ومبتلشة ) يعني تطنقر على اقل شي
قلت لها طيب لاتهاوشينها قدامنا فشلتي ها وهي تقول كيفها والبنت ياعمري تناظرنا ومستحية
الثانية اللي عمرها 3 سنين طاحت وصاحت ماهتمت فيها ولا جت عندها قهرتني :mad: قلت تعالي شوفيها احضنيها عطيها جرعة حنان قاالت اووووه وهي تروح وترجع تفرش السفرة وتجيب باقي العشااا
السؤال هنا باعتقادكم كم من العقد قد تنشأ داخل هـ البنتين بسبب موقف معين او تصرف خاطئ من قبل الام
انا بعدين كلمتها وقلت لها انتي بتعقدين البنات حرام عليتس وعموما حصل كذا موقف قدامنا وهي تهاوشهم وانا اهاوش فيها :mad: :mad:

قلت لها يوم قالت لتس البنت تبي تساعدتس اكيد معملينها بالمدرسة البنت لازم تساعد امها ليه تحطمينها خليها تجيب صحن وتحطه شجعيها ع الاقل وهي ابدددددد كيفهم كيفهم كيفهم
pb131 pb093
ارائكم حول الموضوع :) والمعذرة على ركاكة الاسلو والحتسي العامي لاني احب اتكلم بعفوية تسني قاعدة معكم بمجلس ونسولف pb189

[الف مليون]

صوره مع التحيــه لمنظمـة حقوق الانســان
صوره مع التحيــه لكـل يوزر انثوي بالاقلاع :D
صوره مع التحيـه لرجـه ونص بما انها توها تزوجت :D


بصراحـه البنات من تالي يحتاجــون دوراة في توعيـة التعامل مع الاطفال
لان بصراحـه من تالي صاير اشوف ان الاباء احن على اطفالهم من امهاتهم !!
والادهى والامر اذا صارت معصبـه من رجلهـا وطلعت حرتهـا بمبزرتهـا وقعـدت
تسفـل فيهـم وتطق والله ان في بنات توهم متزوجات انهـن اذا طقـن عيالهـن
انكـ تشوف مخوش اظافرهم بجلووود عيالهــم !!!

وجـع وشذا :(

[الملقم]

على طاري انك ماتهاوش ولدك قدام الناس

عندي خال قصير ومكين الله لا يضره دايم يهاوش ولده قدام الناس ومره كنا في عزيمه وارسله يجيب العشا ويوم جا هاوشه قدام الناس ليش يتأخر وضاع وجه الولد بعد ماراحوا الضيوف قال الولد لابوه مايصير تهاوشني قدام الناس وتضحك العالم علي اذا تبي لو تذبحني ماعندي مانع بس لوحدنا .. تم عقد الاتفاق على هذا الاساس

بعد كم اسبوع خالي عنده عزيمه ودايم يتوتر وعصبي مادري وش قال ولده ( الطرف الثاني في العقد المبرم ) قام خالي وهاوشه قدام الناس وليتها على كذا كان نص الهوشه ( اصلا انا ماعندي ولد اعتمد عليه كل ماجا ضيوف فشلتنا لا وبعد من زين الدبره تبيني ما اهاوشك قدام الناس الا اهاوشك وجلدك بعد ) !!

والله ما انسى وجه ولد خالي .. احمر اصفر ازرق .. واحنا الله لا يعاقبنا تسدحنا من الضحك ..

بس فعلاً شيء مؤلم انك تهاوش عيالك قدام الناس وخاصة اذا صار الولد رجال لان العالم ماترحم والعيارين ما ماتوا :(

بس بعض الاطفال ذكي ويعرف ان ابوه او امه ماراح يهاوشونه قدام الناس فياخذ راحته في الشقاوه ..

وسديكتك يا اخت لوحه غير مدركه لحجم الضرر النفسي على الطفل وتأثيرها في ثقته في نفسه يالليت تقولين لها ان انا اللي قلت هالكلام pb192

[لوحة فنية]

من جد :( :( :( :(
هواش وزف من الصغر يأثر عليهم في الكبر
بدل التشجيع والمدح والثناء عليهم على اي عمل بسيط يسوونه
تهاوشهم :(
البنت تصيح انا اخذتها وحضنتها وامها تقول كيفها خليها :(
قلت اخليها تفحط من الصياح حرام عليتس تعالي احضنيها قولي لها بس ياماما امسحي على راسها بتسكت على طول
لكن مااااااشششششششششش :mad: شغل البيت مخليخا عصبية بزوو وهي من غير شي عصبيه
الله يهديها :(

[لوحة فنية]

اخوي الملقم ها وهو كبير وشف شلون كان موقفه والحرج اللي حطه ابوه فيه لكن
هذولي بنوتات صغاار يكفي نظرات عيونهم تخليهك تحضنهم وتداريهم وتباريهم ياحياتي عليهم بس وهي اكبها همها متى تجي الشغالة بسرهة ام عيالها بطقاق عندها كله تقول كيفهم دلع بدلع
يابنت حرام عليتس :mad: بس غصبن عليهاااامو معنى هذا انا ميادتها ابدً اكثر ماهاوشها انا على هـ التصرفات

مقلم بقولها حتسيك :D

[لوحة فنية]

ادري ادري انواع الكفشات بس مو مهم
ماني مصلحتهم هه
<<<<<<< عجّازة

[Top Girl]

تدرين اسلوب الهواش والضرب يولد عن الطفل مشاكل سلوكيه

مثلا لو ولد قبل امه تهاوشه واذا حكى ضربته على اثمه يعني اسكت لا تحكي فهو يشوف امه كذا يتولد داخله كره للاطفال اللي حوله واذا شافهم يحكون يضربهم على اثاميهم يعني اسكتوا

هذا ولد بنت خالتي امه دايم كذا تضربه مع اثمه وصار اذا شاف احد يحكي من الصغار يضربهم على اثاميهم ويقول اوص اوص لا تتكلمون ازعجتوني والمشكله يسكر اذانه يعني يبي يبين ان صوتهم ازعاج كل هذا من امه لدرجة انها صارت توديه طبيب نفسي بلاه تعقد مسكين من الضرب والهواش

صحيح ان ولدها بذي وشقي وكلش بس ضربها له انتكس عليه صارت عنده الغيره والسرقه والكذب يعني تجمعت فيه مشاكل سلوكيه لا تحصى يعني لو عاقبته بالحرمان يكون احسن

وبالنسبه لصديقتس ذي الله يهديها بس هذا جزى بنتها تقولها ماما بساعدتس المفروض تنمي روح التعاون في بنتها وتمدحها وتقول شفتوا بنتي تساعدني ومن الكلام اللي يرفع بمعنوياتها بالعكس تربى على هالشي لما انها تكافأها على الشي الحلو

الله يهديها صديقتس هذي وجميع الامهات اللي مثل صديقتس واللي بيصيرون امها بعد

pb189

[لوتي]

يا شين ذا الطبع :(

المشكله صغير تنبلع وتروح بس لو جاء كبير هذه الموته:(

اعرف لك واحد ابوه هاوشه عند عمامه الصيفيه لسبب تافه الولد جامعي ورجل والله بس لسبب تافه في نفس ابوه قاله ليش طالع بالسياره الفلانيه .وما اخذت الصغيره الولد فهم ابوه انه سيارته في المغسله وعنده شغل بيجيبه الاب ما تفهم قام وضربه الجزمه على ولده ولا ووصلت للعصا والضرب:sm1: والى يومك هذا ما قبل لابوه ما رجع الا بعد اسبوع من الهوشه طبعاوالحين ساكن عند خاله....والاب لا حووووووول ما سال ولا درى عنه حتى يوم دخلوا وسيط اساس يحلون المشكله الاب تبرى منه:(

الله يرقق قلبه عليه والاالدنيا ما تسوى:sm17:

وبالنسبه لصديقتك اتوقع انها عندها مشكله ويمكن وقتها نفسيتها تعبانه...وطلعت حرتها في ذا البنتين يا عمري:(
اعرف صديقة اختي والله اذا نفسيتها تعبانه مره وخاصتن السبب واضح من زوجها لانه اغلب وقته شغله ومهمل زوجها ما غير لو يصرخ ولده صرخه كمخته كففpb036 والا اشكالهم تقولين عيال بدو رغم الخير اللي عندهم بس ما تطيقهم ما همها احد قويه بشكل بس شوفي زوجها اذا اجزز تلاقينها احلى نفسيه وعيالها توهم مولودين من الرونق والجمال والادب اللي هم فيه:D


المشكله سلوكيات الشخص اذا قفلت مع الشخص الضريبه اللي حوله:D

[خمسطعش]

:::

وجع وشذا الام ..pb036 ..

قلبها حجرررر ..

:::

اذكر واحدن من عماني االشيبان قام ينافخ على ولده قداام الناس والمشكله الولد الحين يمكن برابع ابتدائي

ويقوو زوج اخت الولد ويهدي الشياب الين سكت ثمن راح للولد عشان يراضيه والله ان الولد بغا يحب رااسه من الفرحه pb192 ..

اللي ما فهم مهوب لازم :sm5: ..

:::

صوره من الموضوع لـ كاسه منكسره ;)

:::

[Ladies Killer]

يمكن الحرمة مشغوله

مهوب شرط انها قاسيه

بعض الناس ينبرشون اذا جاهم ضيوف

يمكن بناتها جنون .. وعشان كذا عصبيه عليهم

صدقيني انتي توك شكلك ماجوك بزارين .. بكره نشوف وش تسوين

ان ماعلقتيهم بالمروحه

[coup_de_grace]

حقوق الانسان بالطريق ...وبالمرصاد.....وعمي شغال فيها ( صورة توضح حجم ركبة البعير :sm5: ) اقول لوحة فنية اكلاعية انتي بكوووووة....ترين جانا متر والسما زرقا مررة مرررة <<<< بتفخيم الراء

[لوحة فنية]

توب قيرل انا اشوف ان المشاكل النفسية اهم بكثير من السلوكية لانها قد تولّد بنت معقدة نفسيا يعني انواع العقد فيها وتكره الدنيا والناس وقد تكون انطوائية وتحب العزلة وغيره وغيره وقد تفكر مستقبلا بالانتحار
كل هذا بسبب مين
امهـــــــــا

:( :( :( كل هذا بسبب رد امها لها بموقف معين

[لوحة فنية]

:eek: :eek: شال جزمة على ولده الجامعي
:( :( اعوذ بالله يالوتي من جد :(
الله يهدي سديكتي بس وتعرف شلون تخلي بناتها تحت جنحانها
موتهاوشهم وتحطمهم بيدها من غير ماتدري :(

[لوحة فنية]

ليديس كلرر
اسمك يخوفني pb036 :(
مشغولة ولا مو مشغولة مالها حق تسوي فيهم تسذا :mad:

[لوحة فنية]

كوب دق على عمك حالاّبالاّ
:D
حنا جانا متر بعت مو بس انتو pb095 :D

[مــســتــهــبــلــه]

هذاهم يشيبون وهم يتاتون ويعاعون
الواحد قبل مايقول الكلمه يفحط لك نص ساعه ت تتت تتت تبي ماء؟
بعذرهم ياويلي يدقمونهم.. شوفو عيال المصاريا وشلون ياكلونكم بالكلام لانهم يتعاملون معهم كانهم كبار
والمصري من اذكى اطفال العالم

[لوحة فنية]

^
^

صووح لسانتس ياوخيتي
التاتاة هذا موضوع ثاني ولو بنحتسي عنه ونجيب كل شخص يتاتاه ونشوف مراحل طفولته ودراسته وشلون معامله اهله له بنعرف ان السبب الرئيسي داخل البيت
وسبق شاركت بموضو ع التاتاة وقلت اللي بخاطري
عن اخوي
:)

[فـريـون]

تعودنا ...

ياما ياما .. هاوشونا قدام العالم ... بس احس خلاص معد اتفشل .. تعودنا انا بنات عماني وبنات خلاتي .. ننا ننزف .. بالجمعه اكثر من مره

خلاص

احس وجيهنا صارت مغسولتن بمـــــــــــــــــــــرقــــــــــــــــــــ ـ ()*&^%$

عااااااااااااااااااااااااااااااااااااااااااااااااا ااااااااااااااااااااااااااااااااااادي

[مـرزوقـة]

شكله ما عندكم بزران في العايلة!.

اذا كل واحد تعكر مزاجه


او حب يتدلع


و قامـ يصيح



تروح له امه تحضنه وتبوسه


و هي عندها غيره اثنين ولا ثلاثه


عزة الله هلكتـــــــ


الام ابضا لها مزاج



ومشاعر


ولطاقتها



حدوود؟!

[لا تتـنهّد]

هذي كانها مغصوبة تعزمكم استغفر الله : (

ماعندها شغاله تأجل العزيمة الله لايهينه موب تحط الحرة بهالمسكينات : (

< -- عصبت

.




.

[انوار الرياض]

وربي رحمت هالبنيتين

حرام عليها وش هالام الدفشه من جد اكيد البنيه معلمينها في المدرسه ان البنت تعاون امها

الا والله بيتعقدون بصراحه المفرووض تزرع في هالبينه الثقه في نفسها الله يعيين بس

والله يسهل عليهم

[فـريـون]

ارد واكرر واقووول


عاااااااااااااااااادي

وش فيكم مكبرين السالفه

ياما جانا .. تقبص .. وتكفخ .. وتغمز من امهاتنا ..

ومافينا الا العافيه ..

^^^^^^^^^^^^^^^^^^^^^^^^^^^

عااادي

[بنت شيوخ]

ياربيه مشاكل ! :(
الله لايجيب عقد

يبغالهم تهيئه نفسيه لـ تقبل الطفل قبل الحمل والولاده ذولا !

مشكله عويصه ونادر ماتلقين ام تتفهم رغبات طفلها بـ هالزمن !
الله لايشغلنا الا بطاعته

يعطيك العافيه خيتو ،،

http://vb.eqla3.com/attachment.php?attachmentid=260135&stc=1&d=1162382965

[شط الكحل]

مساكين هالبنوتات
انواع العقد ....
واذا هي معصبه عليهم ... تتفاهم وزياهم هناك بعيد ... مو قدام الناس
صحيح ان فيه بزران غثا .... بس تهزيئهم قدام الناس ما يخفف غثاهم الا يزيده
....
الله يعينها على نفسها

[مثلي .. لم ترى]

هذي حالتها صعبه مسكينه ...

وفاقد الشي مايعطيه ...

الله يعين بناتها يااارب يطلع الابو حنون والا الله يكون بعونهم والعقد اللي راح تطلع فيهم ...

استمري على نصيحتها لوحه فنيه لعل وعسى تتغير ...

bp039

[لوحة فنية]

مفرع الشوشة
:) والحل طيب
عادي تنزفووون :(

[لوحة فنية]

مكحولة العين ياعزيزتي اللي حاصل ان الام ماعادت تعطي حب وحنان ابد وهذا غلط غلط غلط غلط
مو ماعندنا بزران بالعايلة ياعزيزتي انما التربيه فن مو الكل يجيدها :)

[لوحة فنية]

نحيفة هههههههههه اعصابتس ياوخيتي

[لوحة فنية]

شفتي انوار ماغير تهاوش هـ البنية وانا ماغير اهاوشها
<<<<< راحمة بنيتاها قبلتس :(

[لوحة فنية]

بنت شيوخ عليتس نور
تهيئة نفسيةقبل الحمل :)

[لوحة فنية]

مثلي لم ترى
انا مانصحها وبس
اهاوشهاااا بحكم الميانة بيني وبينها
لان بناتها فعلا كاسرين خاطري

[HarmonY]

ارد واكرر واقووول


عاااااااااااااااااادي

وش فيكم مكبرين السالفه

ياما جانا .. تقبص .. وتكفخ .. وتغمز من امهاتنا ..

ومافينا الا العافيه ..

^^^^^^^^^^^^^^^^^^^^^^^^^^^

عااادي



إذا أنتِ ما تأثرتي لا تحسبين باقي الناس مثلتس .. pb036 :rolleyes:


إلا يتأثرون ويتأثرون ويتأثرون.. pb093



//



عندي أختي الصغيره للأسف بزعم إنها آخر العنقود سكر معقود..pb189


بس يا كثر ما يهاوشونها أخواني ومو بس كذا إلا يضربونها.. :(


وأنا أحيان والله ما امسك روحي أهاوشها.. :(


كل من فـ البيت يقسى عليها من أبوي إلى أصغر أخواني.. :(


يمكن ثلاث أنفار بس في البيت حنونيين عليها وأنا منهم طبعاً..:D


تعبت مع أخواني أحكي معهم ياعالم بزر عاملوها زين اكسبوها خلكم أصدقاء لها..


انبح حلقي وأنا أحكي وكني أحكي على جدار.. :(


مدري وش أسوي معهم !! :(


مدري وش أقول زود !! :(



//


النتيجه بنت شخصيتها ممسوحه .. حقها مأكول في المدرسه للأسف..:(


ماتعرف تقول سالفه بدون ما تتلعثم.. أحس ذهنها مشتت أحياناً..:(


لا جت تحكي أحياناً صوتها واطي بعنف يالله اسمعها..


حتى ماما كانت تهاوشها عند الناس وأنا انقهر واحبس دمعتي بعيوني.. :(


لحد ما حاكيتها مره وقلت بكيفتس بينتس وبينها هاوشيها زي ماتبين..


بس عند الناس وهالمبزره يطالعون ويضحكون لا .. :(



ارحمها مررره مررره ارحمها.. سألنا دكتور نفسي مره عن طبيعتها وكيف صايره البنت..


قال حسنّوا معاملتكم واشوا أبوي سمع هالحتسي وبدأ يخف عليها شوي..


الحين متحسنين شوي بس برضو كل يوم لازم تحصل لها هوشه.. :(



الله يهديهم ويفتح على قلوبهم .. :(



//



ودي من جد تتعدل وتصير طفله عاديه تحكي وتسولف بدون تلعثم..


ودي تجي مره تقول لي سالفه وإلا سؤال بدون لا تقول بس لا تهاوشين .. :(



ياحبيلها بس ربي يخليها لي.. pb189




//



لوحة فنية bp039


كلامتس عين الصواب لصديقتس..


حتى لو نفسيتها خربانه أو مضغوطه مفروض ماتهاوشهم قدام الناس أبد..


هالشيء وربي يهز شخصية الطفل مره .. :(

[دلـ خ ـهـ]

يختي صدز كل المتزوجات هذي حالتهم مع عيالهم ماغير هواش واهمال
وكل ماقلتنا لهم ليش انتم تسذا ..
قالن اسكت لاجربتن نشوف وشتزينون !!
انا استعجب دائم اشوف بنت حالتي عندها ولد اسم الله شيطاني مسكين ماغير يتكفخ قايم قاعد
من كثر مايتكفخ صار الولد متبلد الاحساس ماعليه اهم شي يؤذي الخلق والسبب هالام
انا من راي كل ام تتبع اسلوب الاخذ والعطاء مع بزارينها .. تناقشهم تعلمهم اسلوب النقاش
مايخالف صغروا عقولتس شووي ترا هالبزارين تعبانه في حملهم مايصير يروح تعبتس بلوووشي
<-------------- وشعندها الام المثاليه :)

[صبروعناد]

الله يهدي الجميع
إن إذلال الطفل يولد لديه مناعه ضد النصائح التي تلقى عليه .وسلب كرامته يسوغ له عمل القبائح.
وان على الاب الشفيق والام الرؤوف وان على الازوج واصحاب المسؤوليات ان يرفقوا بمن تحت ايديهم لايأخذون إلا بحق ولا يدفعون إلابالحسنى ولا يأمرون إلا بما يستطاع >د .صالح بن حميد
ولاتعليق اكثر من هيك

[لوحة فنية]

مووزي

اتمنى انكن تتعاونون جميعا لحل مشكلة وخيتس لانكم كلكم سبب باللي هي فيه

:(

ولا ترى بهاوشتش انا بنفسي ههه;)

[لوحة فنية]

دلخة صووح لسانتس ياوخيتي

[افكر فيك ياجاره]

يمديهم يتعودون ويتعقدون:D

احنا ماتصير جمعه مع اقاربي الا انواع التحطيم النفسي اول اتذكر في بنات يصيحون ولاعاد يجتمعون معنا
لكن الحين خلاص صار شي طبيعي .. ماعاد اتأثر
بعض البنات اشوف فيهم عقد الى الحين وفيهم اشيا غلط من العقد والتفشيل للي قاسوه وهم صغاراpb093
بس تدرين وش عذرهم لاسألنهم ليش انتو كذا
قالو عشان تتعودون (وشذا الحتسي؟؟
وش نتعود عليه اصلا؟؟
قالو عشان لو بكره قالك شي احد ماتتحسين وتصير روحك رياضيه؟؟
الظاهر يحسبون الناس مثلهم:(

ماقول الا الله يعين بزارينها عليها:(

[نور الدنيا]

معقووووله وش هالأم الله يصلحهاا

اذا مادلعت عيالها تدلع ميييييييييييين:(

[لين ست الحريم]

ايه والله انك صادقه شكل امهم بتعقدهم ياحرام

فيه ناس قلوبهم من حجر مدري شلون صاير اسلوبها مع عيالها

ومايروح فيها الا العيال ان تعقدوا من هالاسلوب

الله يهديها

:)

[لوحة فنية]

فطفطة صار عندهم تبلد ياوخيتي :(

[لوحة فنية]

نور الدنيا شفتي
امهات اخر زمن :(

[لوحة فنية]

لين
آمين
ويهدي كل الامهات الصغارا للي من طقتها