راااحت ســارهـ يــا فــيــصــل ..!

[أحسن أحد]

::
::
::
::
::
::
::
::


السلام عليكم .. pb189 ..

مشتاق لكم والله يا أسرهـ .. pb189 ..




مالكم بالطويله ..

هذي قصة .. بنيتها على شبه واقع .. حصلت لأحد الأشخاص ..

ولكن .. غيرت فيها الأسماء .. وغيرت بعض الأحداث .. إما لصعوبة طرحها .. ;) ..

أو للخصوصية الموجوده فيها ..

لكن القصه .. كفكرهـ أساسيه .. هي واقع .. :) ..

وقمت بصياغتها بأسلوبي المتواضع ..

متمنيا ً أن تحوز هذه القصة وطريقة السرد البسيطه على رضاكم ..





________________




فيصل : شاب وسيم عمره 24 سنة .. عايش في نعمه

متخرج من أحد الجامعات الأمريكيه .. قسم هندسه ..

الولد طيب مرررره .. ويحب أمه وأبوه .. ويبيع الدنيا .. عشان رضاهم ..

.. ويحب وحده من بنات عمه .. الي هي ساره ..


سارهـ : بنت عم فيصل ..

عمرها 20 .. البنت حلوووه .. وألف من بتمناها .. طبعا ُ .. هي ماكانت تدري إن فيصل يجبها .. ويمووت موت في حبها .. pb189 .. الحين هي تدرس في جامعة الملك سعود .. قسم حآسب ..



نواف : هذا شاب سعودي .. تعرف عليه فيصل في الجامعة بأمريكا ..

وكانت أفكارهم متقاربه بعض .. أول ماجو لأمريكا .. فــ سكنوا مع بعض ..


سولار : بنت أمريكيه شقراء ..

كانت تدرس في نفس الكلاس الي يدرس فيه فيصل ونواف وكانت مغروووره والكل كان يبي يتعرف عليها ويتقرب منها ..


ماجد : كان خوي فيصل أيام الثانويه .. وكانوا قريبين من بعض مرررره ..

فيصل الحين ضابط .. في أحد القطاعات العسكريه . وأموره تمااااام ..


___________



الــزمــان : 1999 م

المكان : أحد أحياء شرق الرياض .. لذوي للدخل المتوسط نوعا ً ما .. [ طبعا عائلة فيصل ساكنبن هناك .. بحكم قرب جماعتهم منهم .. ولأن كل القصمان هناك .. :D .. فــ مايبون يبعدون عنهم .. ]



فيصل يدخل قاعة الإختبار .. كان اليوم السبت .. وعنده إختبار وزاره .. بحكم إنه في ثالث ثانوي ..

طبعا كان الإختبار رياضيات ..

شاف ماجد يضحك قبل الإختبار ولا همه شيء ..

فيصل كان شايل هــم ..

جاه ماجد : فيصل يآخي وش فيك .. حزين وشايل هموم الدنيا على راسك

فيصل : يبن الحلال اليوم إختبار رياضيات .. وأنا خايف .. أبي أجيب معدل يآخي .. :( ..

ماجد : وش معدله الله يرحم والديك .. يآخي انبسط مثلي . وإذا تخرجت .. أنا بكلم لك أبوي .. يدخلك معي العسكريه إن شاء الله ..

فيصل : أنا ما أبي عسكريه .. أنا أبي أكون مهندس .. وباني أحلامي إني أكون مهندس ..

ماجد : أجل خلك شايل هم الإختبارات .. وخل الهندسه تنفعك .. وإذا كتب ربك إن شاء الله .. نشوف بعد 7 سنين وش يصير علينا .. :D ..

فيصل [ بحزن ] : الله يكتب الي فيه الخير ..


جاء توزيع الأوراق ..


فيصل يرتجف .. ويصب عرق ..

ماجد .. ولا كان يهمه .. :D ..


حتى إنه ماجلس إلا أقل من ساعه في الإختبار ..

أما فيصل .. جلس طول الثلاث ساعات في القاعه ..

بعد الإختبار .. الساعه 12 الظهر ..


ماجد يدق على فيصل ..

ماجد : آآآلو يا مهندس زمانك .. وش عندك ماطلعت إلا متأخر ..

فيصل : يآخي فيه مسأله ماعرفت أحلها ,, وخايف تضيع علي درجاتها .. :( ..

ماجد : أقول بلا خرابيط .. يآخي أنا ماعرفت أحل إلا مسأله وحده .. وهذاني مبسوط .. :D ..

فيصل : ماجد أنت مهمل .. يآخي انتبه لدراستك .. هذا مستقبل ..

ماجد : مستقبل والا LBC .. :D ..

فيصل : أقول بلا بثاره .. انقلع يالله .. أنا بذاكر لإختبار بكرى ..

ماجد : طيب لاتنفخ .. :( .. المهم .. حنا طالعين للقهوه اليوم الليل أنا والعيال .. تخاوينا .. !

فيصل : والله مافيك فايده أنت .. أنصحك .. ولا يفيد فيك .. :( ..

يآخي هذولا ترى مب نافعينك ..

ماجد : لا تصجنا يخوي .. قل منب جاي .. ووفر على نفسك النصايح الي لا تودي ولا تجيب .. :D ..


مرت الأسبوعين حقت الإختبرات ..

كالعاده .. فيصل أول مايطلع من الإختبار يروح للبيت .. يذاكر .. ويخلي النومه مره وحده في الليل ..

وماجد .. كان يطلع .. وينام إلى المغرب .. ويطلع للقهوه هو وأخوياه .. ثم يرجع للبيت ع الساعه 2 الليل ..

ويقرى له كم كلمه .. قبل يدخل الإختبار ..




يوم النتائج في الجريده ..

أم فيصل : فيصل يالله قم .. تو خالتك داقه علي تقول نزلت النتائج حقت الثانويه في الجرايد ..

فيصل يقوم كنه مفزوع .. ويروح يجيب الجريده ..

دخل البيت .. الأم ماسكه أعصابها ..

هاه ياوليدي بشر .. !

فيصل بصرخه قووويه : يــمـّـــه .. 98 .. والله 98 %

الأم وهي تبكي : ماشاء الله .. الله يوفقك ياوليدي .. بس تكفى شل فمره الدراسه برى من راسك .. ترى والله ياوليدي لك فقده ..

فيصل : يمه تدرين أنتي معزتك عندي .. لكن هذا قراري .. وأرجوك لا ترديني ..

أم فيصل : اللي تشوفه يا وليدي .. :( ..



قدم فيصل على أحد الجامعات الأمريكيه .. ومع الواسطات حقت أبوه .. ومن هنا ومن هنا ..

انقبل ..

ماجد .. تخرج بنسبة بنسبة 79 % وكان يقدم على العسكريه .. وهو تقريبا شبه ضامن دخلوها ..

بحكم إن أبوه ضابط كبير .. ;) .. ;) ..


قبل سفر فيصل لأمريكا بيوم

فيصل يدق على ماجد وبعد السلام والكلام : أنا مسافر إن شاء الله بكرى لأمريكا .. توصي بشيء من هناك..

ماجد : ماشاء الله مبروك مبرووك .. أبد ما أبي إلا سلامتك .. وأنا إن شاء الله دخولي العسكريه بعد أسبوعين عاد إن شاء

الله إذا جيت بعد ست سنين .. وأنا ملازم أول أد الدنيا .. وأنت مهندس .. pb094 ..

قفول السماعه من بعض ..

فيصل راح يكلم أمه ..

يمه وش صار على الموضوع الي قلتلك .. بخصوص بنت عمي ساره .. !! pb189
الأم : والله ياوليدي مثل ماقلتلك .. إذا جيت أنت من الدراسه وخلصت .. إن شاء الله نكلمهم ..

فيصل : بس أخاف البنت تروح يمه ..

الأم : إذا ربك كاتبها لك .. ما راح يتزوجها إلا أنت ..

فيصل إقتنع ظاهريا .. على مضض ..


في أمريكا ..

يدخل فيصل القاعه .. ومايعرف فيها أحد أبد ..

يشوف البنات الشقر والحلى الي فيهم ..

لكن مايلتفت لهم أبد .. لأنه حاط براسه إن ساره أجمل مافي الوجود .. pb189 ..

لمح له واحد شكله يوحي بأنه خليجي ..

فيصل : السلام عليكم ..

الي كنه خليجي .. :D .. : وعليكم السلام .. هلا والله .. من ربعنا .. :D ..

فيصل : ايه .. معك فيصل الــ ... من السعوديه ..

الي كنه خليجي .. :D .. : معك نواف الــ .. من السعوديه من القصيم .. :D .. <== من أولها ميانه الأخ .. :D ..

فيصل [ بفرحه ] : ونعععم والله .. حتى أنا قصمنجي .. pb094 ..

نواف : طيب وش أسويلك .. هههههههه أمزح أمزح .. ونعم والله فيك .. :)

تقربوا لبعض أكثر ..

وكل واحد منهم صار يعرف أسرار الثاني .. ومايخبي عنه شي ..


كانت معهم وحده أمريكيه اسمها سولار .. كانت أحلى بنت بالكلاس ..

وكان الكل من جميع الجنسيات خااقين معها .. :D ..

إلا فيصل .. كان الوضع عادي عنده ..

مرت خمس سنين على دراستهم .. يعني مابقى الا ينه على التخرج ..


كانت سولار ماتحتك أبد بأي شخص طوال هالسنين ..

تجي تآخذ محاضراتها وتطلع .. بدون أي كلمة مع أي طالب ..

اللهم إحتكاك بسيط مع فيصل ..

دخلوا لعرفتهم بعد يوم طويل وشااق في الجامعه ..


نواف : فيصل يآخي ليه ماتشبك سولار أشوفها تحتك فيك .. بس أنت مسوي ثقل .. يقال لك وفي لساره .. :D ..

فيصل : نواف أنت تعرف وش كثر أحب ساره .. وما أرضى أدخل مع بنت ثانيه في أي علاقه ..

نواف : طيب يآخي أنا ماقلت لك حبها .. يآخي خلها القيرل فرند حقتك .. وانبسط معها .. وخلاص .. :D ..

فيصل : تبيني مثلك أجل .. كل شهرين لي قيرل فرند .. وبعد شهرين ماتكلمون بعض .. يآخي عيب عليك .. استح .. :D ..

نواف : والله أنا جاي هنا أنبسط .. وأدرس ..

فيصل : وأنا جاي هنا أدرس وبسسسس ..

نواف : الله يخلف على أمن جابتك بس .. نم نم الله يصلح حالك :D


مر شهرين ..

في كل يوم كانت سولار تتقرب أكثر من فيصل ..

ونواف كان يقنع فيصل بأنه يخوي هالبنت الي كلن خاق معها .. وهي ماخقت الا مع فيصل ..


في يوم من الأيام ..

وبعد خروج الدكتور من القاعد ..

سولار [ طبعا أنا مترجم الكلام .. :D .. ] : فيصل .. أنا عازمتك اليوم على العشاء ..

فيصل [ يناظر نواف وبيشوف وش يقول .. نواف يهز رأسه ويقول قل لها إيه ] ..

فيصل : أوكي .. متى وعدنا ..

سولار : بعد صلاة المغرب .. <== نصاب أصلا هم مايصلون .. :D ..

فيصل : أوكي .. بس ترى بجيب معي خويي نواف ..

سولار [ وهي ضايقن صدرها ] : أوكي .. :( ..


راحوا لشقتهم ..

نواف كان مبسوط مع إنه ماله دخل .. :D ..

وكان يقول لفصل .. والله اليوم أحلى يوووم عندي من يوم جيت هنا ..

لي خمس سنين أحاول أشبك هالكافره .. وهي متثيقله علي .. :D ..

واليوم عازمتنا على العشاء .. pb189 ..

فيصل : بس يآخي .....

نواف : شل ساره من راسك لو يوم بس .. وفلها يبن الحلال .. ;) ..

جاء الموعد المرتقب ..

تقابلوا .. وتعشوا سوى ..

فيصل كان يفكر وسااارح .. أما خوينا الخبل نواف .. كان مبسوط .. يشوف هالزينه .. ويتمقل فيها .. :D ..

سولار لاحظت إن فيصل ساارح ..

حاولت تعرف الأسباب .. بس من غير نتيجه .. كان يصرفها ويقول لأ بس أبوي تعبان شوي .. اليوم دقيت على أمي وكان صوتها مدري وش فيه .. :( .. وأمي تقول مافينا شي يبن الحلال ..


سولار حبت تغير الجو ..

عزمتهم في ديسكو ..

فيصل ما يحب هالأماكن .. ولا عمره راح لها ..

لكن بعد إلحاح نواف وسولار عليه .. وافق ..


في الديسكو ..

نواف [ قطع رقصه وتصفيقه ] : فيصل سلامات وش فيك .. يآخي منت على بعضك اليوم .. !

فيصل : يآخي أنا حاس إنه فيه شي اليوم صاير بالسعوديه .. وأمي ماتبي تعلمني إياه .. :( ..

نواف : تعوذ من إبليس بس .. وخذ لك هالكآس .. الي بينسيك السعوديه كلها

فيصل [ وهو معصب ] .. : نواف أنت تعرفني إني ما أحب هالأشياء .. ولا أواطنها .. :mad: ..

نواف [ شرق وهو قاعد يشرب ] : هههههههههه طيب طيب لاتنافخ .. ::rolleyes: : ..


سولار [ بعد أن أجرت الدور العلوي كاملا ٌ وأخذت فيصل على جنب .. ] : FAISAL I LOOOVE YOU

فيصل [ مندهش ومب مصدق .. : M M M M M M
ME ME ME ME

سولار .. : YES .. PLEEEEESE

فيصل [ بدون شعور :( ] : ME TO

سولار انبسطت ..

وبدون مقدمات .. ضمت فيصل .. الي كان في عالم ثاني من الهواجيس ..

[ في هالأثناء .. كانت ساره تتجهز ليوم عرسها من خالدالي كان خوي فيصل أيام الثانويه .. ]

سولار صارت دايم تعزم فيصل في بيتهم .. ويسهرون سوى ..

بس كانت متضايقه لأن فيصل قليل يسمعها كلمة حب ..

لكنها تسوي نفسها مبسوطه .. ماتبي تخسره .. ;) ..

صاروا على هالحال لمدة ست شهور .

بعدها مل فيصل .. وقال ما أحب أمثل عليها .. ليه أظلم هالمسيكينه وألعب بمشاعرها وأنا ما أحب ..

كان يقول لنواف هالكلام ..

نواف رد عليه .. : يآخي كلها ست شهور بقت .. وبنرجع للسعوديه بشهاداتنا .. واسحب عليها .. :D ..


فيصل : لأ لأ .. أنا لازم أخترع مشكلة .. وأنهي علاقتي بهالبنت . ما أبي أظلمها .. :( ..

من بكرى بالجامعه ..

راح فيصل لسولار .. وهزأها تهزيء .. وقال أنتي تسبين المسلمين .. وأنا ما أرضى لديني السب .

وقعد يهزئ فيها .. وهي المسكينه تبكي . وتقول ماقلت شي .. الي قال لك هذا نصاب .. :( ..

فيصل أصلا هو الي مخترع السالفه .. عشان ينهي علاقته فيها ..


مرت الست الشهور .. وفي يوم التخرج ..

كل واحد يبارك للثاني بالتخرج ..

فيصل كان الأول على الدفعه ..

جت سولار تبارك له وفي عينها الدمع ..

رد عليها بكل ثقل ..

قالت له سولار .. : بليز لا تقاطعنا .. رقمي ومعك .. اتصل علي في أي وقت وخل نآخذ أخبارك ..

فيصل [ بلغة عربيه عشان ماتفهم ] :D : أقول توكلي بس .. :( ..

سولار المسكينه ابتسمت .. تحسبه يقول أوكي .. بس بالعربي .. :D ..


الوصول للرياض .. pb189 ..

دخل فيصل لبيتهم ..

ولقى أهله كلهم في الصاله ينتظرونه ..

أخوه الي عمره ست سنوات .. كان يدري إن له أخو بيجي من أمريكا .. بس مايعرفه ..

بحكم إنه كانت أمه حامله فيه يوم يسافر فيصل ..

دخل فيصل وسلم على أهله .. وقعد يبوس في أخوه الصغير الي صاح يوم شاف العالم تصيح :D ..

وبوس رأس أمه وأبوه .. وتغذوا سوى ..

طبعا الأم كانت تبكي من الفرحه .. وفي نفس الوقت .. شايه هم .. وشلون تقول لولدها إن ساره راااحت عليه .. :( ..

صلى العصر ..

وبعد الصلاة .. فيصل يقول لأمه : يمه عن إذنك أنا بروح لخويي أيام الثاني ماجد .. بشوف وش صار عليه ..

الأم : ياوليدي خلها في يوم ثاني .. عشاني .. :( ..

وافق فيصل ..

طلع يجيب أغراض لأهله ..

مر من عند بيت أهل ماجد ..

قال أجل خل نختصر .. وأطق عليه الباب .. وأسلم عليه .. وأخلي الجلسه الصدقيه معه بكرى ..

طق الباب ..

طلع أبو ماجد : هلاااا فيصل الحمد لله ع السلامه ومن هالكلام ..

فيصل [ وبعد حديث طويل ] : وين ماجد ياعم ..

أبو ماجد : ماجد في بيته .. والا نسيت إنه متزوج .. هو ماقال لك ؟!

فيصل : ماشاء الله بيته ايه صح نسيت انه متزوج .. [ هو مايدري إنه متزوج .. بس عشان يكبر في عين أبو ماجد ويقول إنه ماقطع علاقته معه يوم سافر .. ] ..


أخذ وصف البيت من أبو ماجد .. وأخذ رقم ماجد ..

دق على ماجد .. وبعد السوالف بالجوال ..

عزمه ماجد في البيت ..


راح لبيت ماحد ..

وبعد نقاش وسواليف عن الي صار بأمريكا ..


فيصل : ماشاء الله ماجد أجل الحين صرت ضابط وتزوجت .. هنيالك .. يالله إن شاء الله كلها فتره وأتوظف وألحقك . :D ..

ماجد : الله يوفقك .. تذكر يوم أقول لك عسكريه وأنت تضحك علي ..

شفني الحين مبسوط الحمد لله ..

الا وش رايك تناسبنا مثل ما أنا ناسبتكم .. :) ..

فيصل : ماشاء الله حرمتك من عندنا .. من هي ؟!

ماجد : بنت عمك صالح ..

فيصل [ وهو مب مصدق ] : مين ساااااااااره .! ! ! ::sm3:

ماجد : ايه ساره .. وش فيك تخرعت .. :pb036 ..

فيصل : لا ولا شيء .. بس تذكرت إن أمي موصيتني نروح نسلم على خالتي وأنا نسيتها .. يالله أكرمك الله ..

ماجد : بدري تو الناس ..

فيصل : من عمرك .. يالله يالله مع السلامه ..



طلع فيصل من عند بيت ماجد وهو يلعن الساعه الي راح فيها لأمريكا ..

ويقول في نفسه لو إني دخلت عسكريه .. كان الحين توظغت وتزوجت ساره .. وعشت حياتي مبسووط .



فجأه وهو سارح

قطع أحد الإشارات وهو مايدري ..

صدمته تريله ..

جاء الإسعاف ووداه للمستشفى ..

دقوا على أهله .. وقالوا له ولدكم في المستشفى ..

الأم قعدت تبكي .. وتقول أكيد عرف .. الأبو .. كان يهديها ويقول اذكري ربك .. خلي نشوف وش صار على الولد ..


راحوا للمستشفى ..


فيصل ماينشاف منه إلا وجهه ..


كان مغمى عليه بالكاااااامل .. .. :( ..



الأم أكثر وحده حزنت على فيصل .. وكانت تقول في نفسها أنا السبب في كل هذا ..

لو إني خاطبه له ساره قبل مايروح ماكان صار لوادي هالي صار له ..


بقرة قادر ..

تعافى فيصل ورجع زي أول ..

أول ماطلع من المستشفى .. قال لأمه يمه .. أنا مسافر لأمريكا بعد يومين ..

الأم : وش عندك ياولدي .. اصبر توك طالع من المستشفى

فيصل : أنا لازم أروح بقضي أشغال هناك وبوقع أرواق . ويمكن أطول ترى ..


أم فيصل وأبوه كانوا رافضين الفكره نهائيا ..

لأنهم حسوا إنه بيروح يسوي شي هناك بعد ماراحت عليه ساره ..

لكن رضخوا للأمر الواقع ..


سافر فيصل لأمريكا ..


وراح تزوج سولار .. بعج ما وافقت تجي معه للسعوديه ..


رجع فيصل للسعوديه ..

دخل البيت ومعه هالبنت ..

أمه : الحمد لله على السلامه .. طولت يا ولدي .. مابغيت تجي .. pb189 .. بس من هي الي معك . ؟!

فيصل : هذي زوجتي .. بعد ماحرمتوني من سااااااااره .. :( .. :( ..

أمه : بس ياوليدي هذي ...

فيصل : رجاء لا تكملين .. خلاص أنا تزوجتها وصار الي صاااااار .. وتأكدي إنها ماراح تنسيني ساره .. :( ..




ماجد .. زوج ساره .. وخوي فيصل بالثانويه

حاليا ضابط ً عنده ولد واحد وعايش مبسوط وفي أجمل حال .. مع زوجته ساره .


نواف .. خوي فيصل بأمريكا ..

موظف حاليا ُ في أحد الشركات الكبيره .. وراتبه ممتاااز جدا ً ..

لكنه ماتزوج .. لأنه إلى الآن يحب اللعب والخربطه ..


فيصل .. وسولار ..


كل يوم والثاني متهاوشين .. على أتفه الأسباب ..

وما طولوا مع بعض ..

الآن فيصل مطلق سولار .. وعايش وحيد ..

بعد ما انفصل من العمل لكثرة غيابه ..

وحاله من سيئة إلى أسوأ ..

وما يبي يتوظف .. لأنه كره شي اسمه شغل ..

ماصار يجلس بالبيت إلا يومين في الأسبوع ..

يجلس مع أخوياه بإستراحه ..

هالأخوياء .. هم الي كان يطلع معهم ماجد أيام الثانوي وكان ينصحه ويحذره منهم ..

وهذاها مرت الأيام والسنين .. وطاح فيصل فيهم .. وصاروا هم شلته ..






النـــــــــــ THE END ـــــــــــايــــــــــة ..



الخـــاتـــمـــة بــتــحــذــيــر

.. إلى كل فيصل في هالدنيا .. كل شيء قسمة ونصيب .. وكل شيء مكتوب في عمرك .. من أول يوم في ولادتك ..

لذلك .. لا تقلب حياتك إلى حياة سيئه .. وارضى بالقدر مهما صار .. :) ..





::
::
::
::
::
::
::
::

[فـريـون]

يووووووووووووووووووووووه


انا اقول لكل فيصل بهالدنيا ...

اذا حبيت .. لاتستحي تعلم اللي تحبها ...

احسن .. احد

قصده الصراحه مدري وشلون اقولك ..
حلوه ... بس بعد مؤلمه

اسلوبك حلو

تحياتي

[ليتـنـي همــك..]

والله ضــاق صدري على فيــصل:(


يالله فيه احد بهالزمـن يحب زي كذا!:(


بعد كل الطمــوح اللي كان يطمحــه كله يرووح عشان الحب:(


الله يوفقـك يافـيصل ’ وليته يفكــر بعقله الحــين


احســن واحد... ليتني ماقريت قصتك على هالوقت وانا بنـام

ضيقت صدري:(


تســلم وربي يعطيك الف عـــافية’

[الف مليون]

سولار انبسطت ..

وبدون مقدمات .. ضمت فيصل .. الي كان في عالم ثاني من الهواجيس ..

ياحليلهم الاجانـب سمحيـن :D احبكـ وقال ايـه وضمتــه :D



نواف : فيصل يآخي ليه ماتشبك سولار أشوفها تحتك فيك .. بس أنت مسوي ثقل .. يقال لك وفي لساره .. ..

فيصل : نواف أنت تعرف وش كثر أحب ساره .. وما أرضى أدخل مع بنت ثانيه في أي علاقه ..

نواف : طيب يآخي أنا ماقلت لك حبها .. يآخي خلها القيرل فرند حقتك .. وانبسط معها .. وخلاص .. ..

فيصل : تبيني مثلك أجل .. كل شهرين لي قيرل فرند .. وبعد شهرين ماتكلمون بعض .. يآخي عيب عليك .. استح ..

نواف بصراحه سافــل :( وهذا اللي يخرب الواحد :(
بس بيني وبينكـ هالنووعيــه هي اللي عايشه :D موسع صدره بلا حب بلا خرابيط :D

نواف كان مبسوط مع إنه ماله دخل .. ..

وكان يقول لفصل .. والله اليوم أحلى يوووم عندي من يوم جيت هنا ..

ياحياتي النوووعيــه هذي :D تحس انها تبي الكل مثلهـا وتنبسط بالسوالف هذي والاجواء هذي

على طاري سوالف امريكا يسولفلي واحد نحسبه من الثقات والله حسيبه يقولكـ راح لامريكا ونشبتله وحده
مكسيكيه وتبي تتعرف عليه والولد ماله بالسوالف هذي مرررررره حده جلسة شراب وبس :D الله من زين حدوده بعد :D
المهم والبنت عجزت فيه وهو اصلا مايبي وراحت ارسلتله واحد يكلمه وماادري ايش ولافاد الولد مايبي ياخي الواحد
يحس برهبه من هالسوالف وراحـت البنت تجي بجلساتهم وتقعد معهم وكذى وهم جالسين يشربووون جته البنت وقالتله
شوووف ياانا ياانت الليله !! شوف احسن احد والله السالفه طوويله اكملها بعدين بس حبيت اقولكـ موضوعكـ
ديـــب مــره يعني عميق :D وعسى ان تكرهوا شيءا وهو خير لكم واذكر ولد عمي من عمري ويدرس بامريكا
عاد يقولي ياالف مليون لو يخيروني بين شهادات الدنيا كلها او اني اشوف ابوي دقيقه قبل مايمووت والله لاختار
ثلاث ثواني مع ابووي بس :(
ياشينكـ ياامريكـا :(

لي باكـ الصباح من الدوام ان الله اراد :D

[انوار الرياض]

وربي قصة مؤثره

ومتواجده بكثره في مجتمعنا لكتم ذلك الحب

والسبب يعود للام وفي الاخير كل شي قسمة ونصب

وكل الشكر ع الطرح لاهنت

من جد اعجبتني القصه مره مره

لاهنت

[DAG]

رائع رائع

دخلت بالصدفه لقسم الأسره
يالولد خلني أدخل موضوع ساره وفيصل :d

وربي صياغه واضحه وقصه مؤثره !
وفيها دروس وعبر !!


وسبحان الله الدنيـا دواره

ولعل


هالأخوياء .. هم الي كان يطلع معهم ماجد أيام الثانوي وكان ينصحه ويحذره منهم ..

وهذاها مرت الأيام والسنين .. وطاح فيصل فيهم .. وصاروا هم شلته ..



كانت نفس قصه واحد كان بحارتنـا
كان ماشاء الله مصلي وصايم وكان يحذر اخوانه من مصاحبت عيال ......
لانهم راعين بلاوي وخرابيط .. الله يكفينـا الشر

سبحان الله بعد كم سنه مرت الأيام واللي كان ينصح طاح صداقه بعيال ..... وخربوه وهدموا بيته ..


صار يستاجـر لهم سيارات باسمه بإمـا أنه موظف
وهم يفحطون بهــا

الله يستر علينـا وعلى المسلمين

[قشامه محترقه]

صباح الخير ..

قصه محزنه ..

فيصل .. ضر نفسه بنفسه ووقف حياته على شي ربي كاتبه ..

ممكن من البدايه دام انه عارف مشاعره تجاه قريبته ما وصل الخبر لاهلها ولها ..

زواجه من سولار ما كان حل ... ابداً ظلم حاله وظلمها معاه ..

صحح الغلط بغلط ... ضيع سنوات دراسته بوحده وحزن على لا شيء ..

البنت وتزوجت .. ادع لها بالتوفيق .. اجعل هالشي حافز لك ضع طاقتك في شغلك وابدع فيه ..

حزنت ... عاندت وكابرت ... تزوجت لمجرد الزواج ... سرحت من عملك ... صادقت ناس كنت ضدهم وضد

افكارهم عملت النقيض تماماً .. طيب ساره بترجع .. ؟

الحياه ما تتوقف عن شيء احنا نحبه او كنا نحبه وفقدناه ..

الحياه ماشيه .. زعلنا او لا .. لكن العبره في من يتعض من هالحياه ويتعلم منها :)

الحياه صعبه ... مهما استسهلناها ..

اصتسعب الامور ليكون القادم اسهل :)

تحيااتي :)

[قراشـيع]

آآوتش .. :(

ولاراح ينساها !

بس ان جينا لكلام العقل .. ماهي نصيبه!!
ماكتبها الله له .. بس صعب يقتنع ..

وموقف الام صح وسليم 100% انها ماتخطب له وهو توّه بيسافر يدرس
لان كثير يروحون ويغيرون ارائهم .. والا يرجعون بحريمهم ..!
مع ان فيه بنت عم \ بنت خاله تنتظر !!

أحسن احد
اسلوبك مره حلو ويشدّ
يعطيك العافيه bp039
بس بجد ضيقت صدري :(

[فالح عبدالله]

ارسلها الى طاش ماطاش امكن تفوز بجائزة
وين حنا وهالقصص كأن حنا كل عصريه بالسلودير ولا اهرام الجيزة
حنا بالسعوديه ولااحد يتخيل كثير يجي فيه انفصام للشخصيه

لاتخاف السعودي مايهزه هالاشياء تزوجت حبيبته على طول قضاء وقدر لانه مؤمن راح واخذ غيرها
وبعدين كيف اسمح لنفسي احب بنت وهي توها ماجات بذمتي
قليل من العقل يالفواصل

[كــليـ غــلااا]

:sm1: :sm1: :sm1:


وبعدين ليه يسوي هو بنفسه كذااا...!!:sm1:


<< ++ تحمستــ.. وبقوهـ..:rolleyes:


على قوله قماشه يعني تبي ترجع له لا سوى كل هذاا

المفروض يحااول يعوض نفسه باشيااء ثانيه ياما ناس نجحت بحياته بسبب صدمه لانه الواحد لانصدم يحاول ينسى ويطلع من اللي هو فيه وفيه العكسpb093


وذي سااره ما تدري أنه يحبه <<++ حقدتـ عليهـ..:mad:


دامه متعلق كل هالتعلق المفروض يصرح له أو يخلي أمه تكلم امها
شي وصار وما يندرى وش الخيره فيه :)

يحول سولار وش ذنبه هالمسيكينه الحين هي كارشه العالم ومختارته بالاخير يطلقه الله يعوضه
<< ++يقاله تبي تفرق معه عااد اللي بعده ما عندهم مشكله ;)

أنا مع فالح اعرضه لطااش على الاقل خلهم يعرضون شي زي النااس :D

[HarmonY]

الله يهديك يا فيصل.. :(


الدنيا ما انتهت يوم صارت ساره مو من نصيبك..


ربي ما كتب لك هالشيء..


ارضى باللي كتبه لك..


أما تعفس حياتك كذا وتظلم آدميه معك مو حل ! pb093


الله يهديك ويصبّرك..


وأمه ليتها بس فاتحت أهل ساره بالموضوع..:(


أو لو كانت عنده أخت توصل مشاعره لبنت العم.. :(



ღ



أخ فالح bp039



ليه السعوودي مو بشر من لحم ودم ويحس؟؟ pb093


يعني الواحد مايحب إلا لمّا يتزوج !! pb093


طيب ذي بنت عمه وعرفها من وهي صغيره..


ويمكن حبها من وهو صغير..


ماتعرف حديث الرسول صلى الله عليه وسلم اللي قال فيه


( لم أرى للمتحابين خيراً من النكاح )


:rolleyes:



ღ



أحسن أحد bp039


أسلوبك رائع والأحداث متسلسله..


بس فيه بعض الأخطاء الإملائيه..


وجاء اسم فيصل مره وخالد مره بدال ماجد.. :sm5:



لكن لو سمحت bp039


نبي قصه ثانيه نهايتها حلوه تعويض عن ضيقة الصدر.. :(


تسلم يدينك.. bp039

[.o°• ZERO •°o.]

نواف حقير وسافل ومنحط .. الزبالة أكرم منه :)

مو لأنه راعي بربسة " هذي ممكن" .. لكن لأنه يدري ان فيصل يحب له وحده ومع كذا مصّر يخربه

والكلمة اللي تقهر " شل ساره من راسك لو يوم بس .. وفلها يبن الحلال "

:)

مافيه أوطى منه .. من جد ..


~*~*~*~*~*~*~

نواف : فيصل يآخي ليه ماتشبك سولار أشوفها تحتك فيك .. بس أنت مسوي ثقل .. يقال لك وفي لساره .. ..

فيصل : نواف أنت تعرف وش كثر أحب ساره .. وما أرضى أدخل مع بنت ثانيه في أي علاقه ..

نواف : طيب يآخي أنا ماقلت لك حبها .. يآخي خلها القيرل فرند حقتك .. وانبسط معها .. وخلاص .. ..

فيصل : تبيني مثلك أجل .. كل شهرين لي قيرل فرند .. وبعد شهرين ماتكلمون بعض .. يآخي عيب عليك .. استح .. ..

نواف : والله أنا جاي هنا أنبسط .. وأدرس ..

فيصل : وأنا جاي هنا أدرس وبسسسس ..

نواف : الله يخلف على أمن جابتك بس .. نم نم الله يصلح حالك

~*~*~*~*~*~*~

يعني الحين اللي يوفي لأحد يحبه صار " الله يخلف عليه "

صدق عقليات !!

الواحد ما يقول الا الحمد لله اللذي عافانا مما ابتلى به كثيراً من خلقة :)

يعطيك العافية ..

أسلوبك حلو bp039

بس اعذرني بعض الناس ممكن يجيني جلطة منها :rolleyes:

لاتحرمنا هالكتابات الحلوة ;) ..

bp039

[ددسن كوبيه]

لووووووول القصه حلوه .. ونواف ذا زااااااحف ضحكت عليه .. مشكور يابطل لا تحرمنا من جديدك :)

[~ البروفسور ~]

:(

الغلط من البداية ... هو ما وصل حبه للبنت ..

اكتفى بالمقوله الشهيره " اذا هي من نصيبك راح تتزوجها "
بدون فعل للأسبـــاب ..!!

الغلط الثاني ... زواجه من سولار وكان انتقام يمكن لأهله ..!!

في النهــايـه بعد اللي حصـل
المفروض انه ماييأس .. وخلاص البنت ماهي من نصيبه

هي عايشه الآن في بيت زوجهـا .. ومادرت عنـه :(

وهو يتألم .. والله مالــه حق من جـــــــد ..

حب من طرف واحـد مؤلم جداً .. :(


القصـه الصراحـه راح تعطيني جرأهـ أني أعلن حبي في الأخبــار . :D .

[J w A n A]

:(


مسيكن فيصــــــــل :(
بس المفروض يكون تفكيره اكبر من كذا مو يرجع لـ الامريكيه ياخذها ويهدم حياته
ياربي تستر على شبابنا وبنات يارب


تسلم اخوي عالقصه
ماقصرت

[شط الكحل]

كل شي في هالدنيا قسمه ونصيب ومقدر ومكتوب
....
ساره راحت لنصيبها د
وفيصل قعد لنصيبه
....
يضيع عمره ومستقبله عشان شي مااكتب له ... لا كذا خطأ
...
وربي بيقدر له الخير وين ماكان .... بس ربي قال .. اسعى ياعبدي وانا اسعى معك
....
تسلم يا احسن احد ... قصه ممتعه
وان شالله ان ربي بيهدي فيصل

[فراس]

والله القصة مرة مؤثرة

ومنتشرة بشكل غير طبيعي ...

الله يهدي كل فيصل ...

ويعيننا ...

تحياتي

[دلـ خ ـهـ]

مسكين ذا الفيصل : (
يااخي هو لو مكلم اخته ازين من الام تسان ضبطت الوضع وقالت للبنت انه اخوي يبيتس : (
اعرف وحده مره تسولف عن ولد جيرانهم هو يحب بنت عمه وابوه متهاوش مع عمه والزبده مشاكل
نكاده بأبوهم واهله تزوج الشغاله :( .. وقهر اهله بعدها تزوج سعوديه غيرهأ
والحين عنده عيال منه الشغاله مساكين سافهم ومهب مهتم بهم :(
ياشباااااااااب ويابنات كل شي قصمه ونصيب وعلى قولتهم نصيبك حيصيبك ههههههههاهههههههــ

[لافندر]

,

يالله :o

الله يكون بعونك يا فيصل !

وين اخوياه عنه ! وين نواف وماجد وهم يشوفون خويهم بهالحالة !!

,

[علمتني الأيام]

سولار [ بعد أن أجرت الدور العلوي كاملا ٌ وأخذت فيصل على جنب .. ] : FAISAL I LOOOVE YOU

فيصل [ مندهش ومب مصدق .. : M M M M M M
ME ME ME ME

سولار .. : YES .. PLEEEEESE

فيصل [ بدون شعور ] : ME TO



لوكان يحب ساره ما قال ME TO
ولو كان يحبها ما جامل في علاقة لمدة ست شهور!!


ما أدري بس عندي قناعـــه أن القلب أذا كان فيه شخص واحــد صعب يجامل مع ثاني...!!


عموماً الحياة ما توقف عند ساره ولا غيــر ساره ,,صحيح بيضل أثر الجرح
لكن لا بد في يوم أنه بيوقف نزفه...
أتمنى التوفيق لفيصل وساره....

[بنت صب القفشه]

.. إلى كل فيصل في هالدنيا .. كل شيء قسمة ونصيب .. وكل شيء مكتوب في عمرك .. من أول يوم في ولادتك ..

لذلك .. لا تقلب حياتك إلى حياة سيئه .. وارضى بالقدر مهما صار .. ..


عين العقل والصواب ( هذه الحكمه)

[Alo0one]

الـسـلام عليكم و رحمة الله وبركاته


للأسـف "نــواف " لا يـعـتـبـر صـديـق ... لأن الصـديق عمـره مايضر صـديقـه ...


وعـن فـيـصـل اللي يـسـويـه اكـبـر غـلط ..

اولا : ربـي ماكتب انه يتزوج "سـارهـ "

ثـانيـاً : هـو مـايدري وين الخير فيه ..
يمكن لـو اخـذهـا مـا راح يعيشون سعيدين ..

"لـو يـفـكر بـهذي النقطه ... راح يرتاح .. "

وثـالـثـاً : إذا كـان يحبها صـدق كـان اول شي مـاخانها مع وحده ثـانيه ...

وإذاكـان بالفعل يحبها كـان يوم شـاف انها مبسوطه بحياتهايفـرح لها ..


ورابعـاً : هـو يوم يتزوج كـان يعـاقب نفسه قـبـل اهله .. :sm4:


وخـامسـاً : ويـن اخويـاه المفروض يوقفون جنبه بهذا الفـتـره مو يتخلون عـنه ... pb093


[علمتني الأيام=QUOTE]عموماً الحياة ما توقف عند ساره ولا غيــر ساره ,,صحيح بيضل أثر الجرح
لكن لا بد في يوم أنه بيوقف نزفه...[/QUOTE]

كـلامك صحيح 100% ..


ويسلموووو عـلـى القـصـهbp039 ...
ويـاليت الكل يـاخذ منها العـبره

واحـب اني اقـول شي بالاخير .

" ســعــادتك عـندمـا يـكون كـل من حـولك سعداء .. وخـاصه المقربين لك " :)

[BLUE-SNAKE]

اسف

أخوي ما دخلت مخي

( واذا ) صارت لصاحب القصه الخياليه
فإنه مريض نفسي

[مــوووــج]

ماحد عرف الحياه وكيف يتعمل معها الاماجد
في الثانوي عاش مبسووط وكان عارف ايش يبغى بعدها
بدون مايتكلف ويشيل هم ويقلق نفسه والناس الي حوله
وحالته الحين من احسن مايكون وظيفه و زوجه واطفال

عارفه اني طلعت من الموضوع http://vb.eqla3.com/images/smilies/119.gif

اذ على فيصل الحياة قسمه ونصيب ويكون واقعي في حياته بلاش يعيش دور المعذب والحبيب ويعيش قصة حب ماساويه
بينه وبين نفسه ويهدم مستقبله علشان حب كان في المراهقه اذ هو مايعرف حتى راي الطرف الاخر فيه
لو الحب كان متبادل كان الوضع مختلف يستاهل الزعل والواضع الي عايش فيه
<<<<<<عصبت

احسن احد http://vb.eqla3.com/images/smilies/rose.gif

[cenuor]

يا كثر ما شفنا فيصل في هالدنيا...!

[صدى السكون]

وش هالبؤس اللي في فيصل .. ؟ على طول أختار يلعب دور الضحيه المغلوب على أمره

شخصيته للأسف انهزاميه ... حب وحده وماصار نصيب وراحت مو نهايه الدنيا ولاهو عذر يخرب اللى بقى دامها خاربه خاربهpb093

القصه مؤثره


تحياتي