------------(((((( مطعم النخبة ))))))------------

[العصلا المصلا]

يالله ان تحيي كل واحد باسمه :)
ياطويلين العمر انا للاسف الشديد توني اكتشف هالمنتدى الاطخماني :sm5:
منول كنت مدفونه في منتدى( طلب مني عدم ذكر اسمه pb094 )
المهم تراني زبونه قووية :D
يعني باختصار سفرات ثلاث سنين ورى برزها هنا :D لاتقولون قديمه مالي دخل طيروني في العجه شوي pb094
وغير كذا المطاعم pb189 احب اكتشف كل جديد ومصوره اليييين قبل :sm5:
انا من النوع اللي امشي واصور لدرجه ان احيانا اصور اسناني قبل وبعد ما افرشها للمقارنه pb036 مرضعتني يابانيه pb095
بس مشكلتنا ثقافة التصوير عندنا معدوووومه pb093
يعني لو شافني احد اصور في مطعم مثلا بيقوول وحده من ثنتين :rolleyes: يا انها ما زد شافت خير :D او انها تبي تصور حريمنا :D
8
8
الرجاء عدم قراءة ما سبق لأنه ليس في صلب الموضوع pb095

الرجاء قراءة مايلي لانه مهم ويمكن يجيكم في الاختبار :D
7
7
الله يسلمكم يوم الاربعاء اللي راح كلمتني خالتي قالت بدل ما نجتمع في استراحه بنجتمع في مطعم
قلت زين بس اي واحد
قالت النخبه
انا صار وجهي كذا --->pb036
حسيته اسم نادي موب مطعم :D
قلت لها يابنت الحلال تقولينه صادزه ؟ انا دايم امر جمبه ولا قد فز له قلبي :D
( بيني وبينكم خفت ان خالتي طفرت عقب الاسهم وقامت تدور من ذا الرخيص:D )
بس تبون الصراحه يوم رحت له تغيرت نظرتي :rolleyes:
مطعم راقي كثير وينفع للعوائل الكبيره :) بصراحه ما ينفع لطلعة بنات وفله :rolleyes:
حسيته مصمم خصيصا للعوائل والعوائل الكبيره بعد :rolleyes:
المطعم في شارع التخصصي , وانتم ماشين مع التخصصي تجيكم اشاره عبد الله<--تمون pb095
تبتلون يجيكم على اليمين قبل صيدلية النهدي :rolleyes:
هذي صورته من برااا
http://vb.eqla3.com/attachment.php?attachmentid=274880&stc=1&d=1164356235
المطعم مكون من دورين
الدور اللي تحت يختلف تصميمه ونظامه عن اللي فوق
الدور اللي تحت نظام صالات وكل صالة باسم
احنا كانت صالتنا اسمها " الورود" pb094
فيه اكبر منها اسمها صالة الرياض( احسها تنفع بارتي وكذا) وفيه صالات صغيره مثل النخيل والجوهره
تحسووني حافظة الدرس :D
والدور اللي فوق جلسات عاديه وبوفيه مفتوح :)
خلونا نفصفص الدور الارضي بالصور طبعا :sm5:
هذا المدخل

http://vb.eqla3.com/attachment.php?attachmentid=274866&stc=1&d=1164354516

وبتلاحظون ان صاحب المطعم متكلف كثير في الديكوريشن وشكله راعي سفاري من كثر النمور اللي شفتها :D

http://vb.eqla3.com/attachment.php?attachmentid=274868&stc=1&d=1164354516
وفي هالصوره بتلاحظون انه حاط بروجكتر على قناة العربية :D يبي ينكد عليناا الاخ عشان تنسد نفوسنا ومانتعشى زين ونخسرهم :D بس الحمد لله شريط الاسهم غير موجود في الخدمة مؤقتا pb095

http://vb.eqla3.com/attachment.php?attachmentid=274867&stc=1&d=1164354516

وهذي الصالة اللي قلت لكم عليها
كل صالة مكونة من جلسة وطاولة طعام وTV
http://vb.eqla3.com/attachment.php?attachmentid=274869&stc=1&d=1164354516

http://vb.eqla3.com/attachment.php?attachmentid=274870&stc=1&d=1164354516

http://vb.eqla3.com/attachment.php?attachmentid=274881&stc=1&d=1164356235

طبعا اول ماجينا قعدنا بالجلسة وصاروا راعين مواجيب :D حاطين لنا قهوة مبهرة :D وبنور تمر سكري والثاني مكسرات ( آسفه شنطتي كبر قريح نسيت اشيلها pb094 )

http://vb.eqla3.com/attachment.php?attachmentid=274788&stc=1&d=1164330782

طلبنا الاكل
طبعا المنيو فيه كل شي اكل لبناني طلياني فرنسي مكسيكي etc.....
احنا طلبنا ابيتايزرز متبل حمص بابا غنوج ورق عنب ومشاوي مشكلة و لازانيا ومكرونة بالباشامل واهم شي الفرايز:sm5: ياعليهم فرايز بعد ;) مئرمش من برا وطري ولزيز من قوا :D والدرنكس طلبنا سعودي شامبين pb189


http://vb.eqla3.com/attachment.php?attachmentid=274879&stc=1&d=1164355569


يوم خلصنا متعشين رحت اغسل واحط قلوس وازبط التشخيصه :D وعجبتني نظافة دورة المياه قلت اصورها بعد ( وانتوا بكرامهpb095 )


http://vb.eqla3.com/attachment.php?attachmentid=274896&d=1164357971


يوم طلعت انا وبنت خالتي قلت بتليقف وبشوف وش فيه فوق :sm5:
حتى الدرج مصورته :D لو يدرون عني قناة العربية وظفوني مراسلة pb095

http://vb.eqla3.com/attachment.php?attachmentid=274882&stc=1&d=1164356235
حتى فوق حاط نمور مدري وش قصة ذا الادمي شكله من مدمنين ماوكلي يوم انه بزر pb095

http://vb.eqla3.com/attachment.php?attachmentid=274883&stc=1&d=1164356235

مثل ما قلت قبل,, فوق البوفيه المفتوح وشكله حليو وكان فيه ذبيحه معلقه مابقى الا عظامها:D مفصفصينها آكلي اللحوم عندنا pb095 شكلها توووووحفة بغيت اصورها:( بس كان فيه مطوع يطالعني وده يزنطني pb094 خايف اصور مرته pb036 ياخي مرتك مابان منها شي :mad: <--يمزع هذا الرد الى الجادة :D
المهم شوفوا البوفيه( سعر البوفيه 79 للشخص)

http://vb.eqla3.com/attachment.php?attachmentid=274892&stc=1&d=1164358520

آخر شي بتكلم عن الاسعار
انا اشوف ان اسعارهم حلوه يعني احنا عشر اشخاص وكلفتنا العشوة 700ريال بس!! ام شور لو كنا في الريف اللبناني صكينا الالف وخمسمية بالراحة :sm3:
===================
انتهى الريبورت
وحياكم الله على قل الكلافة pb094

[RANGE KING]

العصلا المصلا


ماشاء الله


تقرير رووووووووعة وانا دايم اشوف هالمطعم وودي ادخلة..

لاكن قريب بروح لة..

والسعر حلو صراحة على 10 اشخاص وهالسفرة التوووووحفة..


تقبلي تحياتي

[^مــجــودي^]

أن شاء الله اذ اعرست باخذ المدام هونيك

الله الله بالمواضيع السنعه والعلوم الزينه

[ليتـنـي همــك..]

يالله حيــهاbp039


خلاص دام انك دليتي المكــان ببنتــظر كل يوم منك موضووع او تقــرير:)



تقــرير حلــو..


ومطعم النخبه حلوه جلســاته بس اكله مايعجبني

مره طلبت منه لحم وكان له نكهه مو كويسه:sm4: وحامت كبدي وبعدها ماعمري دخلته:sm4:



بس مشكلتنا ثقافة التصوير عندنا معدوووومه
يعني لو شافني احد اصور في مطعم مثلا بيقوول وحده من ثنتين يا انها ما زد شافت خير او انها تبي تصور حريمنا
8



والله انـك صـــادقه.. وهذا اللي يكرهني بالتصــوير كل العــالم تطــالعك



يسلمــوو يالغــلا على هالتــقرير الرائع’

[البرنسيسه سوسو]

سوري بس من جد هذى المطعم بالذات مااحبه طعم الاكل غريب جد

ثانكس ياقلبي

[*§beautiful eyes§*]

يعطييك العافيه يالعصلا
على هالتقرير الروعه
دائما اذا مريت من عند المطعم ماتشجع اروح له
بس بعد تقريرك لازم ازوووره

[ثلج بارد]

وزن هذا الشخص قبل اسبوع 70

وزن هذا الشخص بعد تقارير المطاعم 102 <<<< :eek: اكشخ من 100 :D

الله يستر من الجاي :D :D

يااخوات شوي شوي علينا

المفروض المشرفين يحطون قرار pb036

تقارير المطاعم كل اسبوعين للمصلحة العامة :D pb192

8

8

ماعليتس من ذا الكلام :D




اللي عليه العلم هنا ;)

7

7

العصلا المصلا

منوره السياحه :)

بالعافية ماشاء الله

وش ذا المطعم والله حلو ماشاء الله

ديكوراته روووعه واكله والبوفيه ماشاء الله شكله حلو

بس الله يهديه مكثر النمور في المطعم :D

تصويرك روعه ماشاء الله عليك pb189

http://vb.eqla3.com/attachment.php?attachmentid=274879&stc=1&d=1164355569

سفرة دايمة ان شاء الله :sm5:

وان شاء الله نشوفك اكثر بمنتدى السياحة :)

منتظرين تقاير ال3 سنين ورى :D :D

[الضرس الأزرق]

.............
انا افكر اعزم صديقاتي ..............
بس أممممممممممممممممممممم..... سعر البوفية 79......................يعني غويلي شوية :(

تحت البحث والتحري .... افكر اعزمهم فيه ولا لأpb071
0
0
0
0
0
0
اقولتس====> شنطتس مهيب ماركة :D

[orangah]

هلا وغلا بالعصلا تو ما نور السياحه bp039

مطعم النخبه قد جربته انا واهلي حليو مب شين!


بس تدرين عجبتني صالاتهم حلوة للجمعات !

يعني الصالة اللي اخذتوها كان لها سعر غير سعر الاكل السبعميه والا السبعميه شامله كلش !يا ليت تفصلين لنا من هالناحيه bp039


pb189 pb189 لاهنتي




pb189 وعلى طاري الريف اللبناني مصورة الاكل عندي ومتعيجزه انزله زوله اللهم يا كافي :D


بالعافيه pb189




اورنجه...

[Almanal]

هلا بالعصلا لمصلا bp039
والله انك صادقه ,التصوير عندنا معدوم تستحين تصورين من كثر مايتنحون بك العالم وهم بهم الضحك :D
بالنسبه للمطعم انا رحتله انا وخواتي بايام عيد الفطر مب هذا اللي راح لا اللي قبله بس نهائي ماعجبنا اكله pb093
صح جلساته مره كبيره ومريحه بس الاكل لا كلنا حسينا اننا ماتعشينا ذاك اليوم مادري نكهته وش به :(
مشكوره يالعصلا وننتظر ثلاث سنين خلت يالله لاتبطين:)

[العصلا المصلا]

RANGE KING
نور موضوعي والله bp039
واتمنى تجربه وما تدعي علي مثل بعض الناس اللي ارسلت لي على الخاص تقول رحناا تغدينا فيه وطلع شين اكلهم :D
توني منزله الموضوع الصبح وش هالطفاقه ماصدقوا خبر :D طيب افرضوا اني بقول : صادووه مثلا pb036
شرفت موضوعي بردك



مــجــودي

الله يرزقك بالزوجة الصالحة :D
وعشاك علي pb095


ليتـنـي همــك..

بالنسبة للطعم انا من النووع اللي مو مره يستطعم للاكل :rolleyes: بس الشوكولا اللي لايمكن ينلعب علي فيه :D
بس الاكل لو تجيب لي لحم خنزير وتقول لي وشو لحمه قلت حاشي pb093
وبعدين وشلون تبوني ادقق في الطعم وانا من قعدت على الطاوله الين قمت وانا بس ابربر pb094 قسم لو انهم حاطين لنا سمنت بدل الحمص مادريت :D
المهم شكرا على الرد ياعسل bp039


البرنسيسه سوسو
يكفيني ردك ياحلوه وراجعي ردي السابق تجدين الاجابة على تساؤلاتك ;)



*§beautiful eyes§*

زوريه في السنه مره حرام :D
موب ضارك ياشيخه تغيير ملينا من التحليه والاوتيلات نبي شي يكسر الروتين
شكرا ياعسوووووووووله bp039

[العصلا المصلا]

ثلج بارد
لاتخاف مارح تسمن لان فيه شي نسيت اقوله :rolleyes:
يقدمون لك بعد العشاء قرين تي :D وبعدين اطلع وطقها رجليه في طريق عبد الله وماعليك الا العافيه bp039
شرفني ردك bp039


الضرس الأزرق
لا لاتعزمينهم :D لان المطعم مو ماركه pb095
وبالنسبة لشنطتي وش يفهمك انتي في الماركات :D
ياشيخه يحلفون ان وزار سواقنا بيربري pb095
ياحبيبتي شنطتي ما تغلا عليتس وتراها من just cvalli

http://vb.eqla3.com/attachment.php?attachmentid=275230&stc=1&d=1164400370

( صورة وجه خايف على سمعته :D )

مشكوووووووووووووره على ردك ياعسسسسسسسل bp039

orangah
تسلميييييييين والله منور باصحابه pb094

يعني الصالة اللي اخذتوها كان لها سعر غير سعر الاكل السبعميه والا السبعميه شامله كلش !يا ليت تفصلين لنا من هالناحيه
لاياقلبي الصاله مالها سعر :) السعر يتضمن بس اللي تطلبينه bp039
ويالله عجلي علينا بالريف ولاتنسين تصورين سلطة الريف :sm5: والمسبحة :sm5: اعشقهم حتى الثماله pb094
شرفتينييييييي بردك ياذوق bp039

مولاتي

هلا والله برفيقة الدرب pb189
الله يسلمك علقت على هالموضوع اعلاه ;)
وبالنسبه لباقي ابداعاتي انتظروووني تراني اسخن :D
هالموضوع بس جس نبض الشارع العربي ازاء مواضيع المصلا pb095
بس بشرط تزينون مركز التحميل :( بصراحه قرف :(
ودي اعلم الشغاله تحمل الصور تريحني pb095
تخيلي تجوز لها الشغله وتذب عليكم بالفلبيني :D
شرفتيني حبيبة قلبي bp039

بسأل سؤال
الحين عادي الواحد ينزل موضوع عن بلد قد تكلمتوا فيها قبل ؟
يعني لندن وبااريس وهالطقه ؟
والا لازم سمسنق نيو ؟

[بنت لـg بيـj]

العصلا المصلا

وتقرير جميل ومرتب--- وحلوووو مرررررررة

هذا المطعم بجنب بيتنا ورحت لة اول مافتح بس ماعجبني:) وطريقة كلامك عنه حسبتة مطعم جديد؟؟؟

ممكن يكون تغير؟؟؟ ماادري؟؟؟

يعطيك العافية يالعصلااا المصلاااا

[للا شاشا]

^
^^
^
جيرانا

اما على هالمطعم ديكور ما اعرف وش يبي

بصراحه ابد ما فكرت ادخله .... بس تقريرك بصراحه في وقته

ما شا الله عليك كفيتي ووفيتي كني داخلته ..... تسلم يدك

[FISH]

المطعم ما اعجبني ابد ,,
الاكل الله يديم النعمـة pb093 ,,
والديكور يادافـع البلاء تقول غابه ,, وهالنمور المركزة بكل محل pb036

العصلا المصلا
عــوافي على التقرير الحلو والمرتب bp039

[فاضحتـ com]

::

صبحها بالخير ..bp039 ,

والله ياطويلة العمر .. أنا جربت اكله بالبيت كنا طالبين من عندهم لأنه قريب ومدحه لنا ولد خالي .. :D
بس دخلته ؟؟ لا مادخلته ..
اختي راحت له ويا رجلها وعيالهم تقول عااااااااالم زحمممممممة ... pb036
ويتكاثرون المطاوعة هناك ( ماقصد شي ترى وقسمن :( ) .. بس القصد انوه مطعم عوائل .. pb095

الاهم من ذلك .. أن اكلهم حلو وينفع للعزايم وبوفيهات البيوت .. طاح كرت النافورة pb071

مشكورة على الموضوع وخليتس بذا احسن لتس من المصافق بذاك خخخخخخ .. pb192

::

[المايستـرو]

::
::
::

هلا والله وغلا ... العصلا المصلا ...

قايل لك خلي عنك قسم الأسهم ... تعالي هنا بس ... تشوفين هالصور الزينه .. والتقارير السنعه :D ... مهوب هناك ... ما ندخل الا النفسيه دمااااااااااار pb131 ... سهم فوق وسهم تحت ... وخذ يا إشاعات ... الله يكفينا الشر بس ..

ايه صح نسيت تقريرك pb094 ...

ما شاء الله .. ما قصرتي وربي يعطيك العافيه ... هالمطعم كثير أمر يمه ... وخاصه أيام الكليه :mad: .. الله لا يردها ... عاد النفسيه تعبانه طالع من امتحان .. وهالدختور لازخك بأسأله هو نفسه ما يعرف يحلها ... تمر يم هالمطعم تكرهه في الله لله pb192 ... وكل شوي أعزمي نفسي فيه .. بس ماش .. يا نفسي تعيي .. والا تعتذر ... والا تسحب علي :D ... حتى اني مره مع واحد من الشباب خلاص ... معزوم بروح له ... قبل ما أوصله فيه مطعم قبل حق مشويات .. مطعم تركي .. شفته معلق الذبيحه ويقطع منها :sm5: .. قلت بلا نخبه بس ... اصفط يمين :D ...

المطعم أحسه .. أحسه ... والعلم عند الله ... انه مركز على الديكور أكثر من جوده الأكل ... مدري أحساس :) .. يعني أكله عادي مو مميز ....

تحياتي لك bp039

وما قصرتي .. وخليكي حولنا في هالقسم لا تبعدين :)


دمتي بود bp039

::
::
::
::

[المايستـرو]

بسأل سؤال
الحين عادي الواحد ينزل موضوع عن بلد قد تكلمتوا فيها قبل ؟
يعني لندن وبااريس وهالطقه ؟
والا لازم سمسنق نيو ؟

::
::
::

لا عادي جدا ... بالعكس ودنا نشوف نظره كل واحد لبلد زاره ... مثلا تلاقين هنا أكثر من تقرير عن لندن .. وفي كل تقرير شي جديد يستفيد منه اللي بيزور لندن ... لأن كل واحد لما يسافر يكون له أماكن معينه يحبها .. يكون له تجارب معينه ... نستفيد منها جميعا ...

في انتظار تقاريرك .. حاس أن عندك تقرير يحبه قليبتس :D ...

قايل لتس من أول ... خلي عنك قسم الأسهم ... هنا براااااااااد وهوا يرد الروح


العصلا المصلا bp039

::
::
::

[العصلا المصلا]

بنت لـg بيـj
اجل انتي من سكان المحمديه :D
مو جديد ياقلبي بس جديد علي :D اول مره اروح له
تسلمين ياعمري على الرد bp039


للا شاشا

ليه حرام متكلف الرجال مره pb192
يكفي انه مسوي Zoo داخل المطعم pb095
يعطيك العافيه ياعسل bp039


FISH
هههههههههههههه تدري عاد قسم بالله كرهت هالمطعم من كلامكم وكرهت خالاتي بعد :D
ياخي المعنى بالجمعه pb095
يمكن اللمه تخلي كل شي حلو :rolleyes:
عموما ام سو سوغي على تحويمة كبودكم
وثانكسسسسس اقين على االرد bp039

[العصلا المصلا]

فاضحتـ com

من ناحية الزحمه بالعكس فاضي pb036 ومن ناحية المطاوعة ايه فيه ياحبي لهم اصلا ما يزين المكان الا بهم pb095
وومن ناحية النافورة لا حراااااااااام ما يوصل عاد النافوره مشاويهم تحسينها فرشششششش وهذولا لك عليهم<--طب ليه تمدحينه :D

شرفني ردس يابعد هالدنيا bp039


المايستـرو

هههههههههههههه سبحان الله اخر مره جيت فيذا يوم انك تسأل عن اوتيلات لندن ريممبر ؟ :D
وجيت امس لقيتك مشرف ههههههههههههههههههههه والله الدنيا صغيره <--مدري وش دخل ذي :D
حسيت اني وجه خير عليك <--- مشاكل اللي يحتكون بالمشرفين :D
ممبرووووووووووووووووووووووووووووووووووووك والله تستاهل bp039
المهم
قسم بالله ما جيت فيذا الا بشم هوا نظيف :sm5:
ياخي فيذااك كتمه قسم بالله :sm18: حسيت اني ضيعت زهرة شبابي في شي ما يستاهل :( جاني شعور شايب عرعر اللي تووه ينتبه ان مرته عجوزن فانيه وصك التسعين وقال ابعرس :D وعلى لبنانيه بعد pb095
منتدى السياحه هو اللبنانيه اللي بعرس عليها pb094
وبما انك مشرف بسم الله عليك نبيك توصل صوتنا نحن الطبقة الكادحة وتقول لهم ترى مركز التحميل يسلم عليكم ويقول لكم ( اما امساك بمعروف او تسريح باحسان ) pb192
وبالنسبة للريبورتس ابشر بعزك بس خلني اقضي من اختباراتي وبخرش لكم المنتدى خرشة ;)
مشكور على الرد ياعسسسسسل bp039

[حارقتهم]

اصلا انتو مافهمتو السر بهالمطعم وشو :D


انت تدخله من هنا تطلع سامع خبر يجنن على طووول
يعني العانس بتنخطب pb095 <<اول من بيتعشا فيه اجلpb036
والملحط بيتوظف :sm5:

بالله بعد هذا كله ويهمكم الطعم pb131


عصوله ياقلبي ان شالله اني بزور هالمطعم وبنزل تقرير عنه مكايد بالاعضاء اللي حشو فيه :D
يعني معقوله وحده تلبس هيك شنطه pb189 ذوقها مايجي حلو pb094

pb189 pb189 pb189

[njm_saheel]

مساء الخيرات واليرات
المشكلة انك رحتي لنخبة واخرتها طلبتي مشاوي !!
ما قصرتي بالصور صورتي الواقع كما هو
عندي لك مطعمين يغطون على النخبة
1. مطعم الألب يقع في حي المروج امتداد طريق الامام سعود بتجاة الغرب على الخدمة قبل اشارة لكزس على اليمين المطعم من برا مو واضح لوحته يالله تنشاف يعني يجي بعد البنك الاهلي مباشرة يقولون الاكل فيه خيال ويسوون حركات عند طاولتك يعني يجيبون الاكل لك وانتي تسوينه بنفسك بعض الاكل مثل الشوي وخلافه يا ربيه على كملة خلافه ... زوريه وعطينا رايك
2.جزيرة الاحلام على طريق الكنق فهد جنب اسواق التميمي الجلسه محاطه بأحواض السمك جو مره رايق والاكل تسيل له السعابيل ملاحظة جيبي ببسي معك لانه عندهم بـ 6 ريال

وان كانه على المطاعم
<<<<<<< يا كثر مطاعم الرياض اللي زارها
ابشروا

[انوار الرياض]

الله العصلا المصلا في ذا

خبري انك في ذاك في الاسهم خخخخخخخخخخخخخ فايحتن سبدتس خخخخخخخخخخخخخخخ

بصراحه تقرير ولا ارووووع


النخبه قد رحت له غداااا بوفيه مفتووح فوووق ويوم قضينا خمينا جرايدهم خخخخخخخخخخخ

جريدة النخبه ياربي مدري منهي لها بس لواحد يكتب فيها الصفحه الاخيره نسيت وش اسمه

عصير الفراوله يهبل انا ماحبيت العصير الا عقبهم خخخخخخخخخخخخخخخخ

تشكراتي

[عبدالملك]

المشكله اني ممتر شارع التخصصي كل يوم

بس ماقد لمحت هالمطعم

ريبورت حلوو ويجوع صراحه << جوعان

يعطيك العافيه

[ريــ الرياض ـوف]

هلا وغلا بالعصلا bp039
قد رحت هالمطعم وحلو
احلى شي انك تروحين له بحفله او تسوين حفله او تعزمين ناس..
مره حلو كأنك ببيتك ;) عشان كذا يصلح عزايمpb189
بس اذا بتروحين له لحالك..اقصد انتي واهل بيتك بس ..بتطفشين لانه شوي غلقه المكان;) ومافيه تغيير عن البيت كلش مسكر في مسكر ;)
يعطيك العافيه على التقرير الحلوbp039
.
.
معليش اسمحي لي برد على احد الردود pb094

. مطعم الألب يقع في حي المروج امتداد طريق الامام سعود بتجاة الغرب على الخدمة قبل اشارة لكزس على اليمين المطعم من برا مو واضح لوحته يالله تنشاف يعني يجي بعد البنك الاهلي مباشرة يقولون الاكل فيه خيال ويسوون حركات عند طاولتك يعني يجيبون الاكل لك وانتي تسوينه بنفسك بعض الاكل مثل الشوي وخلافه يا ربيه على كملة خلافه ... زوريه وعطينا رايك

قد رحت للالب
حلو مرررره بس عيبه ان جلساته مو حلوه ابد :(
الحلو فيه انهم يجيبون لك الحم او الدجاج اللي انت طالبه ويجيبون لك جمر وانت تشوي طلبك بنفسك
ماياخذ منك الشوي الا دقيقتين ;) وهالحركه جازت لي صراحه ;) تحس بلذة الاكل pb189
يجيبون معه بطاطس مقليpb189
وسلطه pb189
بس هذي طريقة تقديمهم
المينيو حقهم هو انك تختار وش تبي نوع اللحم ;) بس :D


عصلا سوري على القطه bp039

[المايستـرو]

المشكله اني ممتر شارع التخصصي كل يوم

بس ماقد لمحت هالمطعم

ريبورت حلوو ويجوع صراحه << جوعان

يعطيك العافيه

::
::
::

شكل حدك في شارع التخصصي اشاره الملك عبدالله ... وتلف يسار على التخصصي ... لالالالا رح يمين<<< قاعد يوصف :D ... رح كأنك تبي تروح يم دله ... ويم بيت أختي من هناك pb036 ... اول ما تجي على طريق الملك عبدالله ويسارك ماما نوره ويمينك محلات التصوير .. وانت عند الاشاره لف يمين .. امش شوي تلاقي المطعم يمين .. كأنه محل بين زهور وحيوانات .. عساك دليتااااااااا ...pb036


آسف العصلا المصلا على المداخله pb094

::
::
::

[العصلا المصلا]

حارقتهمpb189 pb189 pb189 pb189 pb189 etc............
هههههههههههه ايييييه صح اكبر دليل اني يوم الخميس اعرست واليوم جاني عيالpb027
ياشيخه ذا المطعم ما جنى عليه الا اسمه العربي لو ان اسمه nakbah كان تلقين طوابير عليه وكل اللي فوق يمدحون فيه :D
بس شوفي ياعسل ترى انا ما نزلت هالموضوع امدح في هالمطعم واقول روحوا له pb036 القصه وما فيهاا اني يوم الثلاثاء دخلت منتدى السياحه بالصدفه وجاز لي pb094 قلت مابدهاش بكره بنزل اي شي خفيف :rolleyes: وللاسف يوم الاربعا رحنا النخبه وهاتك ياتصوير :D ياشين الحماس يارجاله :D
يعني باختصار لاتروحين له بليز :D
شرفتيني وقسسسم pb189

نجم سهيل
اول شي مب انا اللي طالبه خالتي pb095 تبي رقمها تدق عليها تهزئها ليش طالبه مشاوي :D مع انها طالبه بعد لازانيا ومكرونه بالباشمل وفاهيتا
وش تبي نطلب بعد pb036 هذا راس مال المينيو pb036
وبالنسبة للألب انا اول مره اسمه فيه بس جزيره الاحلام وييييييييييييييييين كل الناس عارفته وطفشانين منه
وبالنسبه لاهل الرياض ياعزتي لهم :( ماعندهم انترتيمنت الا المطاعم :confused:
فأكيييييييد ان كل الناس اللي بالرياض باخصييييين مطااعمها زين :sm12:
المهم شكرا على الرد bp039




انوار الرياضpb189

ياشيخة على قولتس فايحتن تسبدي جيت ابرد على تسبيدتي فيذاااpb192
وبعدين لازم تفضحيننا :D انا مسويه فيها البنت الكاش اللي تعلق وما تتعلق pb095
وبعدين وش سالفة الجرايد pb036 ما شفت جرايد انا pb036
مشكووووووووووووره يابعدي على الرد pb189 وترى بنك بانثر يسلم عليتس pb095

[العصلا المصلا]

راعي وناسه

الله يهديك بلاك ما تطالع في المحلات تطالع في السيارات اللي جنبك :D
بس طلبتك قل تم :sm18:
لاتروح له pb034
سانكسسسسسسسسسس bp039


ريــ الرياض ـوف

وانا بعد قلت نفس كلامك حتى شوفي :D

مطعم راقي كثير وينفع للعوائل الكبيره بصراحه ما ينفع لطلعة بنات وفله
حسيته مصمم خصيصا للعوائل والعوائل الكبيره بعد

وبعدين من جد ما ينفع الا يروحون معك ناس خرشه ومن كل الاعمار بعد عشان تحسين بالجو العائلي وماتطفشين pb030
ميغسي على هيك رد bp039


المايستغو

ميغسي اقين pb095

[ركبة البعير]

النخبة رحت له اول مافتح واعجبني اكله خصوصا المشويات والمقبلات
روحوا له ضروري

شكرا

[تعبت أشتاق]

المطعم حليو

رحنا له عائله كبيره وتعشينا وروقنااااااااا

وماهو ازعاج ابد مثل المطاعم الثانيه


واسعاره تقريبا كويسه

[عبدالملك]

لووووووول يالمايسترووو

ايه دليييتتتااا لووول العصلا عليها توصيف مدري وش يبي راحسبه حولنا من هناك اثره طلع من هنا لووووووووووووووول...يله عزم ايت يوم نروح له مطعم النخبه لووول

العصلا:اما اروح له تستهبلين انتي !! خخخخخ

احسن مافي الموضوع الشنطه مو عشان شكلها لانها ر. كفالي(قلب)

[قـَٱرّوُرَة ْ بـِيَّـبسِّيْ]

يسلمو يالعصلا...
على الموضوع.. البيرفكت..

هالمطعم هذا ماادري كل مانمر من عنده احسه مستشفى لان في مستشفى كنت اروح له اسمه النخبه..شكله حليو ...
لنا روحه ان شاء الله .. بس مافي احسن من تشيليز..

[انـمـار]

شكل المطعم روعه pb030

واهم شي النمور :p

تسلمين عصلا pb189 ع التقرير المرتب
وبالعافيه على قلوبكم bp039

[العصلا المصلا]

ركبة البعير

يهمني رايك
مشكوووووور على الرد bp039


تعبت أشتاق

كويس اللي امبسطتوا وان شالله دوم
مرسي على الرد bp039
راعي وناسه

الحين يومنك ما تبي ترووح له وشوله مزعجنا تبي الوصف pb095
وبعدين عارفين انك منتب رايح . المطعم مو من مستواك طال عمرك ؟ pb095

قروره ببسي

هين تشيليزز هذا عشقي pb030
بس عاد قلت اجيب لكم شي مغمور اعلاميا pb095 اكسب فيهم حسنه pb095

انمار
الله يعافيك
وشرفني ردك يختي bp039

[njm_saheel]

العصلا روحي للالب وما راح تندمين بس لا تروحين معك بزران ولا تاخذين معك خالتك واذا اصرت انها تروح اطلبي لها ثنين شارومة على قولت الايرانيين وخليها بالبيت
اما بالنسبة للوصف راجعي ما سبق ذكره

دايم خذيها قاعدة اذا رحتي لمطعم اول مره لا تطلبين اطباق تعرفينها اطلبي الغريب منها واسالي القارصون عن محتواها

ملاحظة بسيطة جداً شكل توقيعك بيوديك طريق الحاير

[العصلا المصلا]

نجم سهيل تصدق بالله اني من قريت ردك وانا حاطه في بالي برووح للالب امووووووووت في الباربكيو :sm5:
عاد في هالجو بيصير الباربكيو حكاية pb030
وفعلا امس الاثنين مرني اخوي وقال اقترحي مكان قلت الالب pb192
قال وينه فيه
وصفت له وصفك الخربوطي:D
قال ماخبرت فيذاك شي ززين pb036
قلت ماعليك ازهلها :D
ورحنا مالقيناه تفشلت من اخوي كله منك:mad:
قالي من معطيك الوصصف
قلت هااااااااااه:rolleyes: ابد وحده في النت اسمها نجمة سهيل :D
قال لاتاخذين من بنات وصصف مره ثانيه :D <---قسم بالله هو يقوله مالي دخل :D
المهم اخر شي رحنا ميراج pb189 وصلى الله وبارك :rolleyes:

[كنتونا]

طيب فيه سؤال

كيف العصيرات والحلى عندهم

وهل يمديني احلي واطلع بدون عشا <<<<< يبي يوفر :d

شكرا يا بعدهم

[njm_saheel]

شوفي يا العصلا وصفي واضح بس من جد انك توصف لبنت فهذي بحد ذاتها مشكلة خخخخخخخخخ
المهم ما علينا بعطيكي وصف ما يخرش الميه قولي لأخوك تعرف اشارة لكزس اذا قالك ايه قولي له عندها جمعية المعاقين بيقولك اكيد عندها قولي وصلنا اذا وصلتي لجمعية المعاقين بجنبها مطعم الناضج لا تدخلون له ادري اخوك يموت بالرز كحال الشعب السعودي المهم اذا وقفتوا قدام الناضج في الجهه المقابله له الألب لاحظي المطعم ما عليه لوحة واضحه في بجنبة بنك الاهلي امشوا بشويش وتشوفونه
اما اذا كان اخوك ما يعرف اشارة لكزس مروا لكم على اقرب فوال بتلقون بجنبه تميس انتي اطلبي فول واخوك خليه يمسك سرا عن المخبز
وش اسوي لخوك اذا ما يعرف الوصف بعدين انتي خلك ذهينه وانتبهي للوصف والا انسخي الكلام وارسليه لجوالك بلوتوث وعطيه اخوك
لا تنسين تصورين اذا دخلتي بس تكفين خذي معك خالتك وخليها هي اللي تحاسب زين ؟

[أمونه المزيونه]

رحت له في أيام العيد
بصراحه حلو
وأحلى شئ حلاهم

[الطيرو الازرق]

العصلا المصلا

خلي عنك الاسهم والهم


مشكوووووررررره تقرير خيالي


ولا تنسيننا من تقارير 3%- pb027

[قــهــر]

توني متغدي وفتحتي نفسي احس اني جوعاااااااااااااااان .

ثانكس على الموضوع .


تحياتي

[فالح عبدالله]

يعطيك العافيه

وجزاك الله خير

[مهاجر الدنيا]

حقيقه قريت هالموضوع المره الي فاتت على السريع ...بس استغربت اني ما شاركت فيه
ولما رجعت له حسيت انك يا ........ مبدع حقيقه اجل حتى الشنطه حقتك مصورتها ..لا وبعد طلعت ماركه <<<< اول مره اعرف ان البنت تزعل اذا احد قالها مو ماركه خخخخخخخخخخخخخ

والشي الثاني ..
تقريرك عن المطعم حلو صراحه وشكلي بودي اهلي له قريب ان شاء الله ..
وتسلمين على موضوعك ومواضيعك الي بتجي ..
الله يوفقه اختي ...اجل 700 ريال ..ما قد سمعتوا بشي اسمه مفطح ..خخخخخخخخخخخخ


تحياتي وتقديري
مهااجر

[العصلا المصلا]

انا ماكان عندي نيه ارد بس ردك يالمهاجر اجبرني ارد :D بتعرف ليه لما يجي دورك pb095

----


كنتونا

السالفه لها شهر نسيت طعم عصيرهم :D امزح تراه منتاااز
وبالنسبه للحلى انا اذا طلع معي احد ما يطلب حلى pb094 يقولون نشوف العصلا قدامنا ونطلب حلى ما تجي pb094





نجم سهيل


شوفي يا العصلا وصفي واضح بس من جد انك توصف لبنت فهذي بحد ذاتها مشكلة خخخخخخخخخ


خلونا نسوق وصدقني نصير اكوس ناس في الدلاله pb034

اجل جمعيه المعاقين خخخخخخخخخخ ياخي وصفك المعاق :D
شف اذا رحنا له برسل لك رساله على الخاص ابشرك :D


لا تنسين تصورين اذا دخلتي بس تكفين خذي معك خالتك وخليها هي اللي تحاسب زين


لا توووووووووووووبه ان طلعت معها مره ثانيه :D اصلا تبريت منها عقب ذا الموضوع pb034



أمونه المزيونه

كويس جاوبتي على كانتوونا بخصوص الحلا
واهم شي امبسطتي bp039


الطيرو الازرق

ههههههههههههههههه حلوه تقرير خيالي ترى لو تحلف بصدق :D
<--- يابنت عييييب قولي شكرا كلك ذوق
تيب pb094
شكرا كلك ذوقpb094 bp039

ولا تنسيننا من تقارير 3%-


( وجه يتعبر :( )




رســــتخ

فيه االعافيه bp039
اهم شي ما سديت نفسك بس مثل ماسديت نفوس بعض البشريه :D



فالح عبد الله

ويجزاك الف خير bp039


مهاجر الدنيا

اييييييييييه انت تعال هنا pb034


ولما رجعت له حسيت انك يا ........


يا وشو pb036 مدري ليه حسيتك تسبني :D <---تعاني مشاكل في انعدام الثقه :D


اول مره اعرف ان البنت تزعل اذا احد قالها مو ماركه خخخخخخخخخخخخخ


البنت قل لها انتي 110 ولا تقول لها انك قروية :D


تقريرك عن المطعم حلو صراحه وشكلي بودي اهلي له قريب ان شاء الله ..


انا فعرضك لاااا:D

شرفتووووووووووووووووووووووووني bp039 bp039 bp039 bp039 bp039 bp039 bp039 bp039 bp039 bp039

[njm_saheel]

مالي الا اوصف لك بالاقمار الصناعية بقوقل وعساكي توصلين للمطعم قبل عام الفين وعشر طعش وشكلك بتوصلينه
وانتي معك درزن عيالpb095
وجمعية المعاقين الله يكفيك شر الاعاقة الجسدية والا الاعاقة العقلية موجودة ما فيها كلام مقابله للألب من الجهه الثانية:sm3: :sm5:

[جـنـبـلاط]

موضوع كتير مرتب يعطيك 1000 عافيه

[سيد زلطه]

المطعم هذا لا تاكلين فيه الا من البوفيه وبس

بعدين ما بعد انهبلت ادفع 700 على حمص وورقات عنبات

لو خذتو تيس مدفون بقيمته

تسدحون عقبها

[يـااويـليـهـ]

مرحـــــــبا

ابصراحه انا كنت اسمع عن مطعم النخبه وصجوني به
وقدر الله علي ورحت له
بس تمنيت إني مارحتpb093
اكلهم ماعجبني ابد احس اكل بس عشاني دافعه فلووس ومثل ماقلتي ماينفع تروحين له مع صديقاتك
وبيني وبينك الريف اللبناني اطلق منه يعنبو ذا المطعم مهبلبي ادووخ على اكلهم:)

تسلمين ياقلبي احسك كاتبه الموضوع ومصوره المطعم من قلبpb189

[العصلا المصلا]

njm_saheelbp039

جنبلاطbp039

سيد زلطهbp039

يااااويليهbp039

مررررره شكرا على مرووووووووركم وتعليقاتكم pb189






المايسترو

طالبتك طلبة قل تم :D قــــفــــــل ذا الموضوع ياخي نسيت المطعم من يذكر متاني منزلة ذا الموضوع
بغيت ارد على الناس اقول " هاه pb036 وشو pb036 اي مطعم :confused: " :D :D :D
بليز مشرفنا العزيز bp039