ماهو أفضل جهاز قيم بوي ( GameBoy )؟

[مطحن]

السلام عليكم ورحمة الله وبركاته
مساء / صباح الخير للجميع
أول مرة أكتب موضوع هنا وما أدري هل هذا مكانه أو لا ؟
وهل هو مخالف لشروط المنتدى أو لا ؟
وإذا كان مخالف فالعذر والسموحة يامشرفنا الغالي
ولدي - الله يحفظه - أبلشني يبي يشتري جهاز قيم بوي وأنا غشيم بهالامور ولا أعرفها فقلنا نعطي القوس باريها ونتستشير ربعنا أهل الاقلاع في هالموضوع وإن شاء الله مهوب مقصّرين
فما هو أفضل جهاز قيم بوي وكم سعره ؟ وأين اماكن بيعه وهل هو عربي أم لا ؟
وهل جميع الالعاب تشتغل فيه أو لا ؟
وهل يمكن نسخ الالعاب ( كوبي ) ؟
وهل له سلبيات
أرجو الافادة
وأكرر أعتذاري إن كنت مخالف لشروط المنتدى أو تسببت لكم بإزعاج
وتقبلوا فائق أحترامي وتقديري
أخوكم الصغينون / مطحن:)

[حلـم]

أخوي عنده الـ Advanced SD / أظن كذا اسمه
شراه بـ 450 ريال اظن

و بصراحة أنا بكبري ألعب فيه ..
حطوني عند لعبة Tetris و انسوني :D

مممم مدري بصراحة كم قيمة اشرطته
بس ماظن فيه كوبيز ...


قوود لاااك : )

[ابو سميث]

هلا وسهلا خالي مطحن

اطلق جهاز محمول سوني psp بدون منازع..سعر الجهاز على خبري ب600 وحوله
العابه غالية شوي

لكن ينباع له كرت ذاكرة حجمه 2 جيجا..تقدر تنزل عليه اي لعبة..وفيه مواقع كثيرة حاطين العاب له
او بعض المحلات مثل جيم ماستر بالتحلية ينزل لك اي لعبة ب10 :)

وان بغيت شي ثاني امرني

[muntaserku]

شف الحبيب اذا ولدك ابو 5 سنوات فاشتر له الجيم بوي الادفنشر الي قالته الاخت حلم
واشرطته ب 25 وما فيه كوبي وقيمته ب 400 وحوله يمكن تلقى ارخص بالبطحى اذا كنت بالرياض
والى اشتر مستعمل بس اشرطته ما لها اي داعي وما فيها كوبي واذا خرب اقرئ على عمرك السلام
ويبيله شحن يعني لازم كل ما ادري كم ساعة تسوي له شحن بطارية بس مشكلته العابه غاليه وما تستاهل يعني لو
تلعب بالعاب SEGA احسن برسم وغيره والعابه جدا خايسة من الرسم الى التحكم والاصوات
وطلع له شكل جديد بس ما جربته والله ولا ابعلمك بكل شيء
بس اذا الولد مو مصر على الجيم بوي اشتر له عائلة ارخص والعابه احسن بس قليل تلقاه

اما اذا كان ولدك بالمتوسط او عمره 12 - 10 حوله اتوقع
ان ال PSP راح ينفع له مع العلم ان ال PSP صعب استخدامه ويبيله واحد فاهم
وال PSP الحين يقارن بالاجهزة القوية وصار ينزل له اشرطة حصرية
بس غاااااااااااااااااااااااااااااااااالي لا اشرطة ولا جهاز ولا متطلبات
تقدر تنزل العاب افلام وسمعت انه برامج بعد بس
المشكلة الوحيدة نااااااااار
اما الالعاب قوية ورسم خيالي والاصوات لا يعلا عليها
اما خراباته والله ما اعرف عنها اي شيء
وسلبياته قليلة واذا شريته صدقني راح تلعب فيه انت
وفيه سمعات وذاكرة ووووووووووو.............
ال psp بغيت اشريه بس اتوقع اذا كان عندك اكثر من ولد فلا تشتريه
انواع الصياح بالبيت
واشتر البلايسيشن 2 او الاكس بوكس افضل ويقدرون 8 لو تبي مع بعض
ورخيص بالنسبة لحجمه واشرطته فيه كوبي وتنباع ب 10 ريال
وفيه لل بلايسيشن 2 حجم صغير ب 500 _ 350 على حسب
بس يمدحون الاكس بوكس اكثر
على الله اني كفيت ووفيت واسفين على القصور
سلام