رحلة الى بيت قديم ..من خربااات سدير...

[ذيب سدير]

السلام عليكم ورحمة الله وبركاته

اليوم ابي اخذكم معي لاحد البيوت القديمه في روضة سدير ..وابي امشيكم فيه ..

http://vb.eqla3.com/attachment.php?attachmentid=333306&stc=1&d=1171316519

هذي صورة بيت الماضي في روضة سدير لازال قائماا وفي حاله جيده ....
طبعاا الفلاليح دائماا مايكون عندهم بيتين.. بيت في المزرعه مثل بيت الماضي .. وبيت في الديره ...اما بيت المزرعه فهم اكثر ما يسكنونه في الصيف ..لان المزارعين يكونون مرابطين للمحاصيل مثل .. العيش والزرع والنخل والعنب والخضره..الخ..والشتاء يرجعون لبيت الديره ..لقلة المحاصيل الشتويه ...

http://vb.eqla3.com/attachment.php?attachmentid=333307&stc=1&d=1171316698
اماا الصورتين هذول ..فهي صورة المصابيح والمنور ...وانتم خابرين الاولين لا انوار ولا شي .. والمصباح او المنور يجلسون فيه ..ويغسلون مواعينهم ..والخلاقين ..الخ.. لان فيه نور ..والغرف الباقيه خرمس مايشوفون شي..


http://vb.eqla3.com/attachment.php?attachmentid=333313&stc=1&d=1171316861

اماا هذي فهي صورة باب الدرجه والدرجه ..الله من واحد تكرفس فيهاا هههه...شوفوو الفرق بين درج السراميك الموجود الان ودرج الحيفانه الي عندهم ..الله يجعلهم في الجنه ..

والصوره الي تحتهاا لباب الصفه..والصفه هي غرفه تكون تحت ودائماا تكون للبهائم والعيش والحطب ..الخ ..ونشوف داخل الصفه الجصه ..
الجصه هي حجيره صغيره لهاا بويب يحطون فيهاا التمر ..وتحتهاا المدبسه ..لستخراج الدبس ..

http://vb.eqla3.com/attachment.php?attachmentid=333315&stc=1&d=1171317112

اماا الصوره هذي فهي صورة قروو الاولين وهو من الاشياء الضروريه عند الاولين ..
اماا الصوره الي تحتهاا فهو جزء من المطبخ..ونشوف فيه التنور للخبز وغيره ..بساطه ..

http://vb.eqla3.com/attachment.php?attachmentid=333316&stc=1&d=1171317217

وهذي صورة الغماء(السقف) حق البيت .. وهو من جريد النخل والاثل..وطامينه بترااب ...عازل طبيعي ..

والصوره الي تحتهاا صورة باب الشارع ... الباب كبير عشان تدخل البقره والبعارين .. يعني يحسبون حساب كل شي ..


http://vb.eqla3.com/attachment.php?attachmentid=333294&stc=1&d=1171312986[/QUOTE]

اماا الصوره الاخيره فهي صورة التسينيف او المسترااح وهو (الحمام)..وقليل ما يصير له بااب .. دائما يصير في السطح او في الدور الثاني ويكون بابه في بعض الاحياان قماش على خيط ..
الله يغفر لهم ويرحمهم ..

وشكرااا