مسلسل Veronica Mars للي يحبون الغموض والتشويق

[أحاول أن أبتسم]

http://vb.eqla3.com/attachment.php?attachmentid=335810&stc=1&d=1171658405


http://vb.eqla3.com/attachment.php?attachmentid=339694&stc=1&d=1172045069


مسلسل ناجح بكل معنى الكلمة... لهواة الغموض المسلسلات البوليسية والحلو في هالمسلسل انه مو مره اكشن زي بافي اللي حوم كبودنا <<< أبووك يالأسلوب pb024

طبعاً المسلسل الحين في الموسم الثالث له وجالس يحصد نجاح غير طبيعي...


أكيد بتسألون وش درااتس pb034

بأقولكم ثلاث من صديقاتي وانا الرابعه نتابعه <<< صح يالجماهيريه pb027

طبعاً اول حلقتين بتقولون وش ذي الشقرا العله كله تقريباً يفهمونك بداية القصة


بعد الحلقه الثالثه يبدا الحماس


http://vb.eqla3.com/attachment.php?attachmentid=339710&stc=1&d=1172046334

Veronica Mars is living any teenaged girl's dream life in the Southern California seaside town of Neptune when her best friend Lilly Kane is murdered and Veronica's life changes forever. Keith Mars--Veronica's father and the county's sheriff--accuses Lilly's father, software billionaire Jake Kane, of the murder, Veronica's mother first turns to alcohol for comfort and then leaves home under mysterious circumstances.



تدور أحداث المسلسل حول فيرونيكا مارس الفتاة المراهقة الحالمة التي تعيش في الواجهة البحرية لجنوب كاليفورنيا في مدينة نيبتون عندما تُقتل أعز صديقاتها ليلي كين وتتغير حياتها للأبد. والد فيرونيكا شريف المدينة (كيث مارس) [الشريف يعني رئيس الشرطة والعمده يعني الباشا الكبير على قولة المصاريه] :D ، جاك كين (والد القتيلة ليلي) هو مليونير من تجارته في البرمجيات. والدة فيرونيكا اولاً أدمنت على الكحول بحثاً عن الراحه!!! ثم بعد ذلك غادرت المنزل في ظروف غامضه <<< شرايكم بس بالترجمع pb024



الشخصيات الرئيسية في المسلسل

http://vb.eqla3.com/attachment.php?attachmentid=339734&stc=1&d=1172047934


فيرونيكا مارس

http://vb.eqla3.com/attachment.php?attachmentid=339692&d=1172044896

الشخصية الرئيسية هي طالبة مدرسة وبعد المدرسة تشتغل سكرتارية لوالدها المحقق إللي ترك عمله في الشرطه وفتح له مكتب تحريات... وتلعب الدور الممثلة Kristen Bell

كيث مارس

http://vb.eqla3.com/attachment.php?attachmentid=339738&stc=1&d=1172048825

والد فيرونيكا اللي هجرته زوجته بعد وفاة صديقة فيرونيكا بعد ان ادمنت الكحول ولا احد يعرف سر خروجها من المنزل!! وقد ترك عمله في الشرطة بعد تسريب شريط فيديو للانترنت من قبل ادارته فيه صور القتيلة ليلي مما اثاار غضب والد القتيله اللي كان صديقه وبعد تسريب الشريط انفك عقد الصداقه بينهما... يلعب الدور الممثل Enrico Colantoni

دنكن كين

http://vb.eqla3.com/attachment.php?attachmentid=339740&stc=1&d=1172049469

هذا ياطويلين العمر حبيب فيرونيكا مارس السابق وفي نفس الوقت اخو صديقتها اللي ماتت ليلي كين وهجرها بعد ماتوفت اخته بسبب الشريط المسرب للانترنت ويحس انها هي وابوها السبب ويدرس معها في نفس المدرسه ويحاول يتجاهلها... يعني ساحب عليها pb192 ... يلعب هالدور الممثل Teddy Dunn

والس فينيل

http://vb.eqla3.com/attachment.php?attachmentid=339748&stc=1&d=1172050210

هذا أعز أصدقاء فيرونيكا في المدرسة موب حبيبها لا احد يروح باله بعيد :sm5: اول مره شافته في المدرسه كان توه طالب جديد وصالخينه عرابجة المدرسة ومعلقينه في عمود <<< يقالهم مراسم استقبال :sm17: (صالخينه << يعني لابس من غير هدوم pb094) وساعدته ولعنت جدف العرابجه ومن وقتها صاار صديقتها يساعدها في عملية البحث والتحري... يلعب هالدور الممثل Percy Daggs III <<< لا احد يسألني وشي العمدان الثلاثه اللي مرصوصه عند اسمه مدري لقيتها كذا في موقعهم الاسباني :D


طبعاً فيه شخصيات كثيره ثاانيه بتقابلونها في المسلسل

الليله ان شاء الله اجيب لكم روابط تحميل المسلسل

ولو مالقيته على النت راح احملها انا من عندي



http://vb.eqla3.com/attachment.php?attachmentid=335811&stc=1&d=1171658405

[Mr fofo]

الله يعطيــــتس العافيـــــــــــه

بانتظـــــــــار روابط التحميــل علشــان نشوف وش سالفــه هالمسلســــــــــل



لا عدمنــــــــاك

[JeYouRin]

يعطيك الف عاافيه ع الموضوووع

بصراحه شكله ححليوو تحمست له ابي اشوفه

:)

بانتظار الروابط ومشكووره مقدما

(f)

[Love_Scent]

واااو من جد ماتوقعت انو أحد ممكن يكتب عن هالمسلسل !
من كل المسلسلات اللي أشوفها ..( وانتي عارفه اني أشوف كثيـــر :D ) .. !
Veronica Mars ممكن يكون أحسنهم .. أو ع الاقل في التوب 3 .. pb189

مممم .. مااقدر أتكلم عن المسلسل لأني من جد ماأقد أختصر حبي له برد ! pb189
Try to Smile .. I love you ! Seriously ! :D

[أحاول أن أبتسم]

الله يعطيــــتس العافيـــــــــــه

بانتظـــــــــار روابط التحميــل علشــان نشوف وش سالفــه هالمسلســــــــــل



لا عدمنــــــــاك


أن شاء الله الليله

راح اجيب لكم روابط مباشره وتورنت


ولو مالقيت شي اكيييد Love_Scent راح تساعدني <<< ناويه تحرج صديقتها pb027

[أحاول أن أبتسم]

يعطيك الف عاافيه ع الموضوووع

بصراحه شكله ححليوو تحمست له ابي اشوفه

:)

بانتظار الروابط ومشكووره مقدما

(f)


الليله ان شاء الله

على فكره توقيعك جونااان <<< تناظر عيون مايكل سكوفيلد وتقول وه بس ياليت منه بالسعوديه عشره بس :rolleyes:

[أحاول أن أبتسم]

واااو من جد ماتوقعت انو أحد ممكن يكتب عن هالمسلسل !
من كل المسلسلات اللي أشوفها ..( وانتي عارفه اني أشوف كثيـــر :D ) .. !
Veronica Mars ممكن يكون أحسنهم .. أو ع الاقل في التوب 3 .. pb189

مممم .. مااقدر أتكلم عن المسلسل لأني من جد ماأقد أختصر حبي له برد ! pb189
Try to Smile .. I love you ! Seriously ! :D




بصراااااااااااااحه جناان هالمسلسل مع اني استغرب ان في نااس كثير ماتعرفه


انا اول كنت اقول انوو prison break هو التوب

لما شفت grey's anatomy قلت لا هذا احلى pb036


والحين شفت veronica mars أحتررررت :eek:

[|[ Female PRIDE ]|]

يعطيك العافية ..
مسلسل باين عليه حلو ..

[FISH]

المسلسل سبق وقريت عنه وباين انه حلوو
بس للاسف مع زحمه هالمسلسلات ماعاد فيه وقت :D

أحاول أن أبتسم
تسلم الايـادي على التقرير الرائـع bp039

[~ Raseel ~]

أحاول أن أبتسم ..

تقرير مرتب ورايق ..
الله يعطيك العافيه ..

:)

ماقد سمعت عن هالمسلسل !
أشكال الشخصيات ماتجذب بس بحاول أدور عن الحلقات الأولى وأتابعه إن أعجبني ,
بس لامنّي قضيت من المسلسلات اللي عندي .. :D

تحمست له يوم حطيتيه جنب بريزون بريك ,
مع انو مافيه شي للحين يملا عيوني قد بريزون pb189 ..

يسلموووو ..

bp039

[أحاول أن أبتسم]

هذا لموقع فيه جميع حلقات veronica mars

http://www.mininova.org/search/?search=Veronica+Mars+

بس مالقيت له ترجمة والله

أنا اشوفه من غير ترجمة بس بأحاول في الأيام القادمة أترجم لكم كم حلقه في البدايه

هم الآن يعرضون السيزن ثري منه دليل على نجاحه

ورأيي الشخصي مره المسلسل جنان خصوصاً اللي تابع prison break

وأعجبه أسلوب حل الألغاز اللي فيه (الجريمة المنظمة)

[انا وانتي وبس]

شكرا على التقرير البطل الله يعطيك العافيه قدمتي فكره شامله لا خلا ولا عدم

[Five Stars]

هالمسلسل هذا عندي من فتره ولافكرت اشوفه
بس يوم قريت قصته حسيت انه حلو ..

مشكور يالي تحاولين تبتسمين

[ذكريات محروم]

/
\\
/

// أحاول أن أبتسم //

الله يعطيكِ العافية على هالتقرير الحلووو bp039 bp039

إن شاء الله أشوفه بعد ما أحصل له ترجمات :)

مــع التحيــة،،،

/
\\
/

[شقراوي]

المسلسل عندي على ديفيدي ..

شاريه من الصيفية .. وللحين ماشفتة :cool:

بس بعد قرايتي لموضوعك pb058 .. اكيـــد لي نظره ثانية

الف شكر لك على التقرير الحلو ..

والله يعطيك العافيةbp039

[مخاوي الــ Night]

شكرا على هالتميز بالتعريف عن المسلسل

المسلسل شكله بطل لكن عن نفسي يمكن ما أتابعه الا بعد سنه :d

أقسم بالله حاسن مختي هالمسلسلات بهالوقت هذا أتابع 5 مسلسلات غير ألعاب الفيديو أللي ألعبه غير الافلام :d يعني معاناة متشتشت في الحياة وأحاول أنت أبتسم :d مثلك يعني...


مشكورة على الموضوع وأنتظريني فترة بسيطة وأبشري باللي يتابعه كله :d

تحياتي .,.,.,

[venus no kimi]

والد فيرونيكا اللي هجرته زوجته بعد وفاة صديقة فيرونيكا بعد ان ادمنت الكحول ولا احد يعرف سر خروجها من المنزل!! وقد ترك عمله في الشرطة بعد تسريب شريط فيديو للانترنت من قبل ادارته فيه صور القتيلة ليلي مما اثاار غضب والد القتيله اللي كان صديقه وبعد تسريب الشريط انفك عقد الصداقه بينهما... يلعب الدور الممثل Enrico Colantoni

غلطااااانه ياعزيزتي ( انتي متأكده انك شايفه الموسم الاول والثاني ؟؟ )
السبب ان ( كيث مارس ) اتهم والد القتيله على قولتك انه هو اللي ذابح بنته
وماكان بينهم اي نوع من الصداقه
خاصه ان والد القتيله على قولتك كان على علاقه سابقا بوالده فيرونيكا مارس اللي على قولتك هربت لأسباب مجهوله


اتمنى اشوف السيزون الثالث .. خاصه اني سمعت انه ضااااارب
لكن للأسف مافي احد يترجمه لنا ...


والمسلسل مثل ماقلتي اكثر من رااااااائع مسلسل نوعيه جديده من مسلسلات المراهقين مثل مايصنف
واكثر شخصيه تعجبني هي فيرونيكا مارس ام نص نصيص .. اللي حاشره عمرها بكل شي ...

[أحاول أن أبتسم]

هاااي فينووووس

أكيد شايفه السيزن ون كاامل

اممممم


ماشوفتي مشهد التحقيق اللي صاار بين كيث مارس وجاك كين
لما يقوله انت تتهمني اني قتلت بنتي قاله ابغى الوقت بالتحديد وقاله كنت في الفندق مدة ساعتين ونص وسألت زوجته
نفس السؤال حتى سأله ايش البرنامج اللي كان على التي في وقتها

هذا من ناحيه ومن ناحيه اخرى لما كانت فيرونيكا تتكلم في واحد من المشاهد لما كانت مع دنكن في السياره
ومسكتهم الشرطه
وجاء ابو فيرونيكا وابو دنكن وقالت انو اول مره يجتمعون بعد وفاة ليلي

باختصار الكل مشتبه به ^_^ حتى دنكن نفسه :)

[أحاول أن أبتسم]

by the way

there's a song that veronica sing it

it calls (one way or another) ... i really love it

and i tried to find it, but i didn't get it :(

so if there's anybody can help me to find that track !!!

[ALZ3EEM]

باحتراء اللنكات ال على طول :d

بجد لحسة مخ

اتابع بريزون بريك ولوست وديسبرت هاوس وايفز

بس شكله حلوو من التقرير الحلوو

يامال الثانكس تحاولين تبتسمين

وجازت لي ابووووك يالجماهيريه حسيت انكم
مهب 4 --- 40.000:d

[Love_Scent]

اقتباس :
===

by the way
there's a song that veronica sing it
it calls (one way or another) ... i really love it
and i tried to find it, but i didn't get it
so if there's anybody can help me to find that track !!!
===

Blondie - One Way or Another
;)

Blondie (http://www.torrentspy.com/torrent/301320/Blondie_Parallel_Lines_Darkside_RG)
تلاقينها هنا تورنت ! :)
لووووول تدورين عليها من زمان ولافكرتي تسأليني ؟ :rolleyes:

[أحاول أن أبتسم]

يسلمووووووووووووووووووووووووو حبيبة قلبي


الف مليوووون شوووكر


كنت بسألك بس ماشفتك ماسنجر ^_*

[venus no kimi]

by the way

there's a song that veronica sing it

it calls (one way or another) ... i really love it

and i tried to find it, but i didn't get it

so if there's anybody can help me to find that track !!!

عندددددددي .. انا حملت الساوند تراك كله لفروينكا مارس
على فكره تراي مجنونه فيرونكا مارس
وعندي كذلك اغنيه one way or another لفرونيكا فديو و mp3
اعجبتني اللقطه كثيرررر لما كانت تغنيها وهي تهدد دنكن والاخويه حقته انها راح كاتش ذيم




هاااي فينووووس

أكيد شايفه السيزن ون كاامل

اممممم


ماشوفتي مشهد التحقيق اللي صاار بين كيث مارس وجاك كين
لما يقوله انت تتهمني اني قتلت بنتي قاله ابغى الوقت بالتحديد وقاله كنت في الفندق مدة ساعتين ونص وسألت زوجته
نفس السؤال حتى سأله ايش البرنامج اللي كان على التي في وقتها

هذا من ناحيه ومن ناحيه اخرى لما كانت فيرونيكا تتكلم في واحد من المشاهد لما كانت مع دنكن في السياره
ومسكتهم الشرطه
وجاء ابو فيرونيكا وابو دنكن وقالت انو اول مره يجتمعون بعد وفاة ليلي

باختصار الكل مشتبه به ^_^ حتى دنكن نفسه

انا شايفه السيزون الاول والثاني كله اكثر من مررررره
وكل مره يعجبوني اكثر

كنت اكره لوغن .. لكن في السيزون الثاني تطلع شخصيته روووعه .. انسان مكسور من داخل عشان كذا ماخذ السخريه غطاء له

انت عارفه انا كنت كاتبه تقرير كامل عن فيرونيكا مارس على اساس ابغى احطه
لكن انتي سبقتيني ...


وبعدين كين "والد القتيله " مو صديق كيث مارس "ابو فيرونيكا " لسبب قوووووي جدا راح يبين في نهايه
السيزون الاول ... وهو السبب الاول اللي خلى دنكن يبعد عن فيرونيكا



من جد اتمنى اشووووف السيزون الثالث .. بس بدون ترجمه No way

[أحاول أن أبتسم]

لالالالالالالالالا لا ترخربووون علي لسى باديه في السيزن توووو


في وحده قالت لي انوو دنكن في السيزن ثري ماراح يكون فيه


لا يكون بيموووت &_&



لووووقن مرررره يجنن وووه بس يانظراااته


مرررررررررررررررره رحمته لما ضربه ابوووه بالحزاام


ولما ماتت امه وهو جالس عند الاليفاتور ينتظرها في الفندق :"(

[venus no kimi]

لامانيب مخربه عليك شي
ترا السيزون الثاني سيزون مجنووووووووووووون

احلى بكثيرررر من السيزون الاول

السيزون الاول كانوا بيقفونه لانه مالقى النجاح اللي يتوقعونه بس قالوا يالله نختمها بسيزون ثاني
ومادروا الا السيزون الثاني ضرررررب بشكل ماتتخيلين


اجل ماتدرين مين اللي قتل "ليلي " ؟؟؟ شخص ماتتوقعينه


وعلى فكره ترا ام لوغن وابو لوغن في الحقيقه ازواج


ودنكن اتوقع انه ماراح يكون في السيزون الثالث لسبب قووووووي راح تعرفينه في السيزون الثاني
انا مثلك ماكنت ابي دنكن يروح
اتوقع يزور فيرونيكا زيارات في السيزون الثالث ...

مرات اقول ابي فيرونيكا مع دنكن ومرات اقول لا ابي مع لوغن

المهم لايفوتك السيزون الثاني ماخذ مراكز اولى .. ومن جد يستاهل

[Psykeeper]

أحاول أن أبتسم :
توني بادي أحمل المسلسل ..
يعطيتس العافيه .. bp039

//

للعجازين فقط
في المرفقات ملفين .. واحد لـ السيزن الأول والثاني لـ السيزن الثاني >>> لا يا شيخ :D
حجم السيزن الواحد 2.5 جيجا .. بس تراه بصيغة XviD مب DvdRip
تحياتي bp039

[أحاول أن أبتسم]

الف مليون شووووكرن اخوووي على الروابط

فينووووس ميرسي على المعلومات

بصرااحه انا حبيت لووقن اكثر من دنكن

دنكن احسه مرررره باااارد مايصلح يمثل

[Pain Source]

شكله حليوو .. يعطيكـ العافيه
أحاول أن أبتسم .. وبإنتظار الروابط :)

[Love_Scent]

اقتباس :
===
من جد اتمنى اشووووف السيزون الثالث .. بس بدون ترجمه No way
===

venus no kimi اذا عندك ترجمة أول موسمين ممكن تحطينهم هنا ؟:)
فيه ناس كثار أبيهم يشوفون المسلسل بس مو راضين بدون ترجمة !

[Psykeeper]

طيب خلصت حملت السيزن الأول والثاني .. بس والله ماش دمار الانقلش هنا
لذلك ورا ما نسوي مظاهره عند باب فريق ترجمة الإقلاع ؟ pb192 >>>> افصخ نعالك قبل لا تدخل

[venus no kimi]

اقتباس :
===
من جد اتمنى اشووووف السيزون الثالث .. بس بدون ترجمه No way
===

venus no kimi اذا عندك ترجمة أول موسمين ممكن تحطينهم هنا ؟
فيه ناس كثار أبيهم يشوفون المسلسل بس مو راضين بدون ترجمة !


انا شفته على الاوربيت "^_^
وحلات الاوربيت تسدح لك الحلقات مره وحده

عشان كذا استناهم يعرضون السيزون الثالث



Psykeeper

ليتهم يترجمونه

[المعاني@@]

http://vb.eqla3.com/attachment.php?attachmentid=387557&stc=1&d=1176738971


لكـل الي ينتظرون ترجمـة المسلسل
و للي ماتابع المسلسل الرائع

أنتظروا ترجمة المسلسل كاملاً
مني و من المبدعه Noa_Noa و المبدع mamhsh


و راح نبدا أولا بالموسم الاول في الصيف ان شاء الله



انتظرونا



تحياتي لكم ..

[ايه ياوجد العين]

^
^
^
أي نسخه بتترجمون ؟؟؟؟

[المعاني@@]

مكرر
v
v
v

[المعاني@@]

^
^

نسخة HDTV ان شاء الله
بالمرفقات الموسم الأول كامل الي راح تتوافق عليه الترجمه




تحياتي لكم ..

[DaNa]

^
^
يعطيكم العافية مقدما

[Love_Scent]

اقتباس :\\

أنتظروا ترجمة المسلسل كاملاً
مني و من المبدعه Noa_Noa و المبدع mamhsh
\\

يعطيكم العافية من جد ..!! bp039
المعاني .. أعجبك المسلسل ؟؟ :D

[BOOCHI]

الللللللللللله

شكرا على الموضوع اختيييي

شكل المسلسل خطير !!

شوكرن

[أحاول أن أبتسم]

والله انا شفته كله

السيزن الاول والثاني والثالث الحين من غير ترجمه


ترااه مفهووم


بس حاولووو تشووفوونه

[المعاني@@]

اقتباس :\\

أنتظروا ترجمة المسلسل كاملاً
مني و من المبدعه Noa_Noa و المبدع mamhsh
\\

يعطيكم العافية من جد ..!! bp039
المعاني .. أعجبك المسلسل ؟؟ :D

هلا بالجيلموريه:D
هالمسلسل حراام الواحد مايشوفه
و كونه ماله ترجمه تقليل في حقه
المسلسل قوي مرره و هالشي خلانا نعزم احنا الثلاثه لترجمته كامله


تحياتي لك..

[Love_Scent]

^
^
والله هالمسلسل غطى ع الغيلمورز !
لو أحد سألني أحلى " موسم " من كل المسلسلات اللي شفتها ؟
Veronica Mars - Season 1 pb189
الثاني والثالث حلو .. بس الأول خيـــال !! ;)

[المعاني@@]

^
^
و الله فعلاً مسلسل مايستهان فيه
على الأقل هالمسلسل خلاك تطلعين من سباتك الإقلاعي:D و تشاركينن بالموضوع
على فكره أنا تابعت بنصيحه منك ثلاث مسلسلات من أحلى المسلسلات
سوربناتشورال و دارك انجل و جيلمور << الأخير وقفت عند الثالث كفايه خلاص مسلسل بناتي:D



....


توضيح بالنسبه للترجمه يا أخوان

الي حمل النسخه الي موجوده بالإعلان حق ديفيدي العرب تراها مهيب DVDRip هي HDTV
بس مسجله بالغلط إنها DVDRip
و بالنسبه لنسخ Xvid asd ماعندي خبر أكيد عن كل الحلقات .. لكن الي اعرفه أن أول حلقتين متوافقه
يمكن الباقي متوافق و يمكن لا مثل الي صار بمسلسل Kyle XY .. الي يبي يغامر فيها بكيفه


تحياتي لكم ..

[المعاني@@]

خبر سئ :(


قرروا يوقفون عرض المسلسل:mad:
بعد مفاجأة جيلمور جلير ... كملتها قناة The WB:mad: و ألغت المسلسل
يوم الأربعاء الجاي بتنعرض آخر حلقتين من الموسم الثالث
و للحين ماادري هل بينهون المسلسل و لا بيخلونها تعليقه pb093

أتمنى ينهونه عشان على الأقل ما تضيع قوة المسلسل على الفاضي :(

و بالنسبه لموضوع الترجمه بنشوف الحلقتين الجايتين كانها نهاية المسلسل ... بنترجمه
و كانها تعليقه و مالها نهايه .. فخيرها بغيرها



تحياتي لكم ...

[خانه زمانه]

موضوع حلو حلو حلو

يعطيك العافيه

لي رجعه بعد ما اشوف الحلقات
<<ناوي ينشب تراه

[عنيزاوية]

عوافي أحاول ان ابتسم :D



لا خير وش اللي احترتي :(
مهما شفت من مسلسلات فأتوقع لوست يتصدر القائمة
وعقبه على طول بريزون بريك بالمرتية الثانية

شكله هالمسلسل حليو والله بس ما يحمس لدرجة اني أصير مدمنة عليه
عموما نشوف وش سالفته ونقولتس راينا >>> بتحتريتس هي :D

مشكورة على الطرح :D

[ahmedwwe]

بنتظار ترجمة

[talal555]

هلا بالجيلموريه:D
هالمسلسل حراام الواحد مايشوفه
و كونه ماله ترجمه تقليل في حقه
المسلسل قوي مرره و هالشي خلانا نعزم احنا الثلاثه لترجمته كامله


تحياتي لك..

نحن بإنتظاركم يا الغاليين

[YML7E]

لحول ولا قوه الا بالله
قريت كل صفحات ذا الموضوع
وتحمست للمسلسل
بديت احمله ,, يوم وصلت لصفحه ذي تفأجات بالخير السئ :(

خبر سئ :(


قرروا يوقفون عرض المسلسل:mad:
بعد مفاجأة جيلمور جلير ... كملتها قناة The WB:mad: و ألغت المسلسل
يوم الأربعاء الجاي بتنعرض آخر حلقتين من الموسم الثالث
و للحين ماادري هل بينهون المسلسل و لا بيخلونها تعليقه pb093

أتمنى ينهونه عشان على الأقل ما تضيع قوة المسلسل على الفاضي :(

و بالنسبه لموضوع الترجمه بنشوف الحلقتين الجايتين كانها نهاية المسلسل ... بنترجمه
و كانها تعليقه و مالها نهايه .. فخيرها بغيرها



تحياتي لكم ...

شلون يعني مايمدينا نتحمس علي شي ونبي نشوفه بدال ذا المسلسلات
الي كل يوم موقف واحد ولا منتهين من واحد
يالله الجايات افضل
بس ان شاءالله يعقلون ويكملونه بس ويخلون عنهم البربسه