**| The Prestige |**

[IBusy]

The Prestige (http://www.imdb.com/title/tt0482571/)

أول مره أقدم موضوع هنا بالمنتدى عن فلم شفته ومن يومها وهو يدور بخيالي من كثر جماله
وطريقة الأبداع في السيناريو و الإخراج , أترككم مع نبذة عن الفلم ..

http://vb.eqla3.com/attachment.php?attachmentid=333237&stc=1&thumb=1&d=1171305838

تقييم الفلم من قبل موقع IMDB (http://www.imdb.com)

8.2/10

ويحتل الترتيب
165 من 250 (http://www.imdb.com/chart/top?tt0482571)

القصة مقتبسة من الكاتب :
Christopher Priest
إخراج المبدع :
Christopher Nolan (http://www.imdb.com/name/nm0634240/): اللي أخرج أروع الأفلام (Memento (http://www.imdb.com/title/tt0209144/))
بطولة:

Hugh Jackman (http://www.imdb.com/name/nm0413168/)

http://vb.eqla3.com/attachment.php?attachmentid=340021&stc=1&thumb=1&d=1172070963


و

Christian Bale (http://www.imdb.com/name/nm0000288/)

http://vb.eqla3.com/attachment.php?attachmentid=340017&stc=1&d=1172070812

و

Piper Perabo (http://www.imdb.com/name/nm0005305/)

http://vb.eqla3.com/attachment.php?attachmentid=340018&stc=1&thumb=1&d=1172070812

و

Scarlett Johansson (http://www.imdb.com/name/nm0424060/)

http://vb.eqla3.com/attachment.php?attachmentid=340023&stc=1&d=1172071824


نبذه عن الفلم :
المخرج المعروف أستطاع رسم أبداعه في فلم (Memento (http://www.imdb.com/title/tt0209144/)) الذي تدوره أحداثه بشكل متقلب
الجميل جداً في الفلم هو انك لا تستطيع ان ترمش عينك من قوة المشاهد وتقلبها .
رائع بحق .. وهنا نبذه بسيطة عن الفلم :

روبيرت أنجاير (هوغ جاكمان) وألفريد بوردن (كريستيان بالي) تجمع بينهم صداقة من خلال العمل في تمثيل الخدع ولكن بعد فترى تموت زوجة روبيرت أنجاير بعد ان تم ربطها من خلال خدعة بعقدة غير المتوقعه لتموت وسط خزان المياة أمام الحاضرين في المسرح , بعدها يمتلي الحزن روبيرت ويحاول ان ينسى ذلك من خلال التركيز في عمله ومنافسة صديقه ألفريد الذي تسبب في موت زوجته وأصبح عدوه ومنافسه في العمل بالخدع
الجميل في هذا ان ألفريد تمكن من السيطرة في انجلترا وأصبح مشهوراً اكثر وهنا يحاول روبيرت التفوق عليه من خلال كشف أسراره والبحث عن
مصدرها وكيفية عملها .

http://vb.eqla3.com/attachment.php?attachmentid=340019&stc=1&thumb=1&d=1172070812

يلتقي أوليفيا (سكارليت جوهانسون) لتقوم بالتقديم معه في عروضه ولكن بعد فترة أرسل روبيرت أوليفيا الى عدوه ألفريد لتقوم بكشف اسراره لكن ألفريد
كشف سرها مباشرة وهي ساعدت ألفريد في القضاء على روبيرت الذي أستطاع أن يكتشف خدعة جديدة أذهلت انجلترا أجمعها ..
(سأتوقف عن النبذه أكثر لأنها من هنا تبدأ الإثارة).
/\
/\
/\
أضغط لتحميل الفلم (http://up.eqla3.com/go.php?f=7583)
/\
أضغط لتحميل الترجمة (http://up.eqla3.com/go.php?f=7585)

أنتظر آرائكم بعد مشاهدة الفلم ..

ملاحظة:
توجد ورابط على أسماء الممثلين والمخرج وأسم الفلم للفائدة

[Faisal Nano]

The Prestige

فلم أكثر من رائع ....خصوصا وان الافلام من هذي النوعيه تستهويني


Christopher Nolan
مخرج يعجبني اخراجه ....وشفت آخر افلامه وكلها مميزه ...
حتى انه خاض تجربة افلام الcomic books بأخراجه لفلم Batman Begins
وأبدع فيه ...وكان واحد من افضل فلم comic books على الاطلاق بالنسبه لي
وأخذ المركز ال90 من أفضل 250 فلم ...بتقيم 8.3/10 من موقع imdb


Insomnia
فلم مميز وان لم يكم اكثر افلامه تميزا
واخذ تقيم من موقع imdb 7.2/10

Memento
اعتقد ان هذا الفلم هو الي ادخله قائمة صفوة المخرجين في هوليوود
والي يتميزون دائما في افلامهم
تقيمه في موقع ال imdb 8.6/10
وهو في المركز 26 في قائمة افضل 250 فلم

وطبعا فلمه المميز
The Prestige
والي اعتبره واحد من افضل افلام هذي السنه
وتقيمه في موقع ال imdb 8.2/10
وهو في المركز 165 في قائمة افضل 250 فلم

أعتقد ان مخرج بهذا الحجم وآخر اربع افلام له أخذت هذي المراكز وهذا التقيم العالي
يستحق التقدير ويستحق انه يكون واحد من افضل المخرجين
وعلى فكره فلمه القادم هو الجزء السادس من Batman Begins والي راح ينزل العام القادم
وانا انتظره على احر من جمر لرؤية ابداعه الذي لا ينتهي

الممثلين في هذا العمل الرائع ...ما يقلون ابداعا عن مخرجه

Hugh Jackman
قدم في هذا الفلم واحد من افضل أدواره ...
واكيد ان اي ممثل تحت قيادة هذا المخرج لابد وان يبدع
وامام ممثلين قاموا بأدوارهم بالشكل المطلوب


Christian Balepb189 pb189
هذا الممثل يمتعني بتمثيله بشكل غير عادي ...ويعطي لادواره طابع من التميز الي اعتقد انه موجود
في شخصيته الحقيقيه .....
واعتقد ان كل من شاف مثلا فلم Batman Begins ...يقول بانه افضل من قام بهذا الدور ...وهذي طبعا وجهة نظر
ممكن اي احد يختلف معها ..


ولا ننسى طبعا
Michael Caine
وان كان دوره صغير في الفلم ...
ولكن ممثل بهذا الحجم ...يضيف التميز على اي فلم يمثل فيه
ولو دقيقه وحده...ويكفي صوته المميز واسلوب كلامه:)



الفلم ترشح لجائزتين أوسكار
Best Art Direction
Best Cinematography



وفي النهايه أنصح اي احد ما شاف هذا الفلم يشوفه بأسرع وقت
وانصح طبعا بمشاهدة جميع افلامه خصوصا Batman Begins
لان هذا الفلم بالعربي خش مزاجي وعيا يطلع :D :D



IBusy
مشكور على هذا الموضوع ....واسعدني كثيرا اني اشوف موضع عن هذا الفلم
ومن عضو مميز مثلك bp039
واسف على الاطاله لكني بعد مااشوف اي فلم لهذا المخرج ...
أحس بسعاده ....وبمتعة صناعة السينما

[IBusy]

Faisal Nano

بصراحه المفروض انت اللي تقدم الفلم لجمال ابداع ردك ..
الفلم شفته من أسبوع وللحين يدور في خيالي ..
تسلم ويعطيك العافيه على ردك اللي أضاف الكثير للموضوع ..

bp039

[ضـــحكه]

فلم راائـــع وغامض pb189

واحلى شئ غموضه ..وترابطت كل الافكار آخــــــــر لقطه
وهذا اللي اعشقه في الفلم انك تفق خشتك وبلحظه تقول اهااااااا :D



IBusy
سلمت

[كوكب زحل]

فيلم جميل و فيه غموض ... انصح بمشاهدته .. ابداع X ابداع

[Flight]

و الله من أول من خاطري أشوفه

بس ما أقدر أنزله ...أنا دايل أب و بياخذ سنه لا يتحمل :(

مشكورر

[متأبطه شراً]

مررررررررره يمدحونه pb093 قهر والله كان موجود بالسينما بس مادخلتهpb131

بنزلهpb027 pb027 صافي؟؟


مشككككككككككككووووور جدا جداpb189

[انا وانتي وبس]

قدمتوه بشكل بطل الفلمتحمست اشوفه ان شاء الله اشوفه وارجع لكم برايي فيه

[مراعي كولا]

منزله امس


اتفرجه وارجع اعطيكم وجه نظري الثاقبه :d

[IBusy]

ضحكه ماحتست ..
هو حلاة الفلم انك تفق خشتك من اول الفلم هنا ميزة وجمال الفلم ..
وأكيد ان هالمخرج اللي قتلني بهالفلم قدر يخلينا نعيش بأجواءه ..

كوكب زحل ..
تسلم على ردك اخوي .. وانا اضم صوتي لك ..

حلم صغيرون ..
أجل مالك الا تجيبين ديفيدي او شريط فديو وأعتقد انه نزل او بينزل قريب بالمحلات ..

متأبطه شراً ..
اتمنى اني شايفه بسينما واو .... ايه صافي جداً (DVDRIP) والعفو ..

انا وانتي وبس ..
تسلم على ردك اخوي .. واكيد بيعجبك .. ;)

مراعي كولا..
اوه .. اجل انتظر ردك .. بس هاه ولم نفسك للفلم زين pb034

[.: Fidela :.]

الفلم بطل بطل بطلpb189
فكرة وإخراج وأبطال pb189

مره خشيت جوو معاهم وكيف كل واحد يرد ع الثاني بطريقته
إبداااع pb189
وهالايام نادر ما القى فيلم خطير ويعجبني زي كذا..
ونهاية الفيلم من جد لحسسسة مخ :sm5:
تنحححت بقووة

الابطال كل واحد ابدع بدورة ..
هيو جاكمان كنت متعاطفه معاه جدا جداpb189
وسكارليت صحيح تعجبني واحبها بس مره كاااثره هاليومين
بليز خذي اجازه وريحينا ماودي أكرهك:D

ونصيحة للي ماشافه .. لا تضيع عليك متعة هالفيلم

IBusy
موووضوع بطل تسلم يمينك ...

[Mr fofo]

IBusy

موضــوع خفيــف عن The Prestige
وان شــاء الله هالليلــه بشــوفه واعطيــك انطبــاعي

ما قصــرت يالغالي

لا عدمنــاك</STRONG>

[المعاني@@]

الفلـم هذا إبداعpb189

كنت متحمس له من وقت إعلاناته بالسينما
لكنني للأسف نزلته بالنت و كنت ناوي أشوفه بالسينما بس يلا:(
الفلم أرضاني من بعد إحساسي بالذنب للسحبه الجامده الي سويتها على الأفلام من بعد ماطحت على المسلسلات:D
قصه + سيناريو + إخراج + تمثيل ممتاز

و الشي الأكثر حلاوه بالنسبه لي .. هو اني أتابع فلم ماأفهمه 100% إلا بآخر لحظه في الفلم;)
الأفلام من هالنوعيه تستهوينيpb189


ألف شكر على تقريرك الرايق يا IBusybp039
و فعلاً فلم يستاهل المشاهده



تحياتي لك..

[IBusy]

مـزاجـيـة!! ..
هلابك .. بصراحه الردود بتخلي العالم تتحمس تشوفه غصب pb027
والله الفلم احس لو اتكلم عنه ماراح اوفيه حقه ..
التمثيل والا السيناريو والا الاخراج حتى الكومبارس ابطال pb034
يعطيك العافيه ..

Mr fofo ..
ان شاءالله تقدر تشوفه وتستمتع بأجمل افلام هالسنه ..
ولا تنسى بريق شاهي قبل الفلم وبريق شاهي بعده .. pb027

[IBusy]

المعاني@@ ..

صدقت انا آخر مشهد بالفلم من قوة الحماس قمت أصفق للكاتب والمخرج والممثلين
ياخي تفكير مدري من وين جابوه .. يعطيك العافيه ..

[برق السحايب]

أنا هاليومين قايم بعملية مشاهدة بالجملة للأفلام اللي انزلها ولا أشوفها ويا كثرها .. اليوم الصبح كان هالفيلم آخر فيلم في دفعة اليوم :D ..

اعتبره من أجمل أفلام 2006 .. إبداع حتى النخاع .. الفيلم يشدك من أوله لنهايته (اللي ماني متأكد منها صراحة) .. الكاست حق الفيلم كله أبدع .. والحلو في الفيلم .. انه كل شوي فيه مفاجأة من العيار الثقيل .. كل واحد بينتصر على الثاني ويتمنكح معاه .. تضحك تقول خلاص انتصر (انجير) .. إلا يجيك الثاني (بوردون) بحركة ألعن .. وهكذا دواليك لين نهاية الفيلم .. ما تدري مين اللي راح ينتصر على الثاني في الأخير .. وطبعا نهاية الفيلم بلحالها قصة وحكاية .

من بين الأفلام اللي شفتها قبله ذا إليوسنست حق إدوارد نورتن .. حلو مرة بعد وقصته تختلف .

عموما ودي أسأل عن النهاية .. الحين يوم (بوردون) قتل (أنجير) على الأخير .. الكاميرا في آخر لقطة مرت على خزان الموية الزجاجي وكان فيها نسخة من (أنجير) مسويها بالجهاز الفسقان .. بس كان غرقان .. وش القصد من هاللقطة ما فهمته .. هل هو انه (أنجير) مسوي عدة نسخ ثانية له؟ << حشا مفتاح مو بني آدم :D .. يعني بالعربي ما مات ؟

IBUSY موضوعك قميل يا قميل bp039

[out of order]

^
^
ايه مامات .. بس مات بعدين لمن طخه :D
الجهاز اللي اشتراه انجير يعمل استنساخ للشخص .. يعني فاكر المشهد لمن خرج انجير من عند الساحر اللي كان بيشتري منه الجهاز ولقي عدد مهول من الطواقي حقته .. والبسه اللي عملوا عليها التجربه جووا صارت بستين .. هنا انجير انتبه لهالنقطه وانوهذا سحر حقيقي على قولتهم .. فصار كل ماعمل عرض يحط قفص المويه ويقتل النسخه الجديده منه وهو اصلا يكون من اول واقف اخر القاعه .. حتى لو تلاحظ ان بوردون لمن كان يراقبهم كان يشوف عمال يشيلوا الصندوق كل يوم ويرجعوه ثاني يوم .. وهما بالاصل ما يرجعوه يجيبوا واحد جديد ويجمعوا نسخ انجير بذاك المكان :D
برايفيت شرحي : كيف الحال :D

عموما الفيلم خيال من جد من اجمل افلام هالسنه .. وانا كنت متعشمه فيه كثير والحمد لله ما خيب لي ظني !!

حبيت كيف خلونا نتعاطف مع الشخص الغلط .. وكيف خلوا مشاعرنا تتقلب من واحد للثاني !!

IBusy الله يعطيك العافيه على الموضوع اخوي bp039

[برق السحايب]

آوت bp039 .. مشكورة على شرحك .. على انك ما فهمتي قصدي بالضبط .. لكن شرحك تضمن على الجواب .. عاد ما أدري مقصود ..ولا جا معك بالصدفة pb095 .. .. انا فاهم ان الجهاز ينسخ الأشخاص .. بس اللي سألت عنه .. في آخر لقطة بعد ما انطخ (أنجير) ومات خلاص .. والكام جالسة تبعد عنه ..مرت على خزان الموية ..وكان فيه أنجير ثاني غرقان فيه .. جوابك وضح انه واحد من النسخ اللي يموتها أنجير في عروضه اللي واضح انه بعد كل عرض يموتهم (اللقطة اللي سوى فيها أول تجربة استنساخ وقتل نسخته بالمسدس تدل على كذا ) فالباقين يغرقهم .. وغرضي الأساسي من السؤال وش القصد من الحركة (حقت الكام لما تجيب صورة المستنسخ طالما انهم بينوا للمشاهد انه يموتهم) هل يعني إنه ممكن يكون مسوي نسخة موزيها ؟ أو يكون اللي انقتل أساسا نسخة ماهو أنجير الأصلي؟ ... الفيلم لحسة الصراحة .

بعد شوي بأبدأ في دفعة أفلام جديدة :D : <<< بشر أمك .

[IBusy]

برقرق .. :rolleyes:
حبيت اجاوبك بس مدامك عرفت الحين ممتاز ومبروك :D
تسلم على مرورك يالغالي ..

out of order ..
هلابك وشكراً على توضيحك الجميل ..
والفلم اتعب وانا اقول مميز ورائع ..

bp039

[Long Pause]

الفيلم من احلى افلااااااام 2006 pb072 :D

ومن أحلى ادوار هيو جاكمان لأنه طلع طاقاته التمثيليه لأني احسه مظلوم من المخرجين

احس مايثقون فيه يعطونه ادوار قويه وحلوة pb104

والي ماشاااف الفيلم للحين ترى فااااته نص عمره من جد ,, IBusy يعطيك العافيه :D bp039

[IBusy]

Long Pause ..

هلابك والله .. اشكرك على ردك ..
والفلم هذا قدر فيه هيو جاكمان أنه يثبت نفسه بين كبار الممثلين ..
يعطيك العافيه على الرد .. bp039

[Hollywoody]

pb036 وجه واحد توه شايف الفلم pb036

الحين ليش دايم افلام هالمخرج كذا ؟ pb036

معكوسه و لازم تفكر وحاله علشان تفهم الفلم pb036

شفت الفلم وعجبني تمثيل الثاني موب هيو جاكمن :D وخصوصا لهجته pb189 (وجه واحد يدقق في اللهجات :D)

الحين هيو جاكمن وش اصله ؟ :D بريطاني ولا امريكي ؟ pb036 مره يتكلم برتش و مره بالاكسنت الامريكية pb030

باقي اشوف "ذا برسوت اوف هابنس" و "ذا كويين" و اخلص من افلام الاوسكار :sm5:
<===من امس وهو يشوفهم pb027

IBusy bp039
فيصل bp039

[IBusy]

Hollywoody ..

والله المخرج هذا يعجبني .. أضافة صفحته الخاصة بالمفضلة
عشان أتابع افلامه الجايه .. لأن اسلوبه يعجبني كثير ..
بالنسبة لهيو جاكمان (http://www.imdb.com/name/nm0413168/) مهوب امريكي ولا بريطاني .. استرالي :rolleyes:
واضغط على ^ اسمه وشف صفحته ومعلومات عنه ..

حياك .. bp039

[nooj]

صراحة الفليم روعة وأنصح الجميع أنه يشوفه..

خطير بمعنى الكلمة...

[IBusy]

nooj ..

تسلمين اختي على ردك ..
والفلم اليوم ما حقق جائزة الأوسكار مع انه كان
المفروض يحققه .. :(..

[~ Raseel ~]

IBusy

يسلمو ع الموضوع ..
توي شايفه الفيلم أمس بالسينما :) ..

أعجبني مررره مررره مررره خصوصا إني للآن ماطلعت من جو فيلم The Illusionist حق إدوارد نورتن ..
هيو جاكمان أحبه هالرجّاااال فناااااااااااان وelegant مرررره يحسسك إنه من جد Lord pb189 ..

سكارليت توقعت دورها أهم من كذا بس ميخالف يكفي شفناها :D ..

وبالنسبه لنهاية الفيلم يابرق السحايب أنا فهمت مثلك :

v
v
v[


وهو إنوه اللي مات هيوجاكمان الحقيقي واللي بالخزّان نسخه مستنسخه منه حيه ,
والا وش الهدف من إنهم مرروا الكاميرا بآخر لقطه ع الخزّان لو كانت النسخه المستنسخه ميته !

بس فيه شي قهرني وهو :

ليش مايكل كين " كاتر " الشايب خان روبرت انجر وخلى بوردن يجي يقتله ؟
هل عشانه استحقر تصرفاته وشاف انها صارت هوس أكثر من اللازم على قولتهم ؟
---->> بس حتى ولو هذا موسبب مقنع !

[اهلاوي عرعر]

الفيلم الصراحه رووعه ,,
بس أشوف فيلم The Illusionist نفس الفكرة تقريبا مع أداء أحلى وقصه مشوقه أكثر
يكفي بس تواجد ادوارد نورتن في الفيلم علشان يرجح كفته على برستيج ..!!

[someoneـه]

ماشفت الفيلم للحين مادري الملف مو راضي يتحمل يقول التورنت انه غير صالح

سؤال The Illusionist افضل ؟؟؟
علموني قبل لا احمله ماعجبني The Illusionist في الرتم حق الفيلم
حسيته على نفس الايقاع طول الوقت

[~ Raseel ~]

^
^

رتم الفيلم أسرع من The Illusionist

أشوف انو :

اللي أعجبه The Illusionist لازم يعجبه The Prestige
واللي أعجبه ذا برستيج مو شرط يعجبه ذا إلوجينست ..

:)

[someoneـه]

اشوى
اجل ابحمله مادامه اسرع وفيه خداع السحر
يسلمو رسيل

[IBusy]

~ Raseel ~ ..
هلابك أختي .. من قدك شفتيه بالسينما وانا شايفه بالاستراحه < وخر بس ..
الفلم بصراحه انا للحين كل ما ذكرته يزود اعجابه فيني ..
> اللي مات بالخزان هو المستنسخ أكيد والهدف طبعاً هو انه يوهم كاتر انه مات<
وسؤالك الثاني .. جاوبتي عليه على طول :) ..
حياك اختي ..وشكراً على ردك ..

اهلاوي عرعر ..
انا اشوف مو بس ادوارد اللي رشح كفة برستيج .. الفلم كان أفضل بكثير ..
شاكرلك ردك ..

q_o l_o_7 ..
أعتقد انك لو تحمل ذا برستيج أفضل .. وراح تستمتع أكثر ..
وياهلا فيك ..

[FISH]

الفيلم شفته البارح وبصراحه روووعه pb189
الحمد لله ماخيب ظني ;) ,, وفعـلاً فيلم لحسه :sm5:

IBusy
عـوافي يالغلا bp039

[.,justme,.]

لحسه :(

مااحبيته ..

هو حلو ان الفكره جديده وكذا ..

بس أحس فيه خمول شويه ..

ماادري كيف أشرح .. بس لحس مخي .. ولحسه ع الفاضي .. pb131

وبصراحه أنا اكره الافلام اللي يخلوني أثق أنه بيصير شي واقول بيصير كذا ومأادري أيش .. :eek:

وبالاخير يسحبون علينا .. pb036

ذكرني بروايات اغاثا كريستي ..

يخلوني غبيهpb027

بس بعد ماقريت الردود ..

شكلي ابشوفه مره ثانيه .. وبأتينشن أكثر ..

يمكن اغير رايي pb027

تسلم bp039

[IBusy]

FISH ..
ماشاءالله اجل شفته يالذيب ..
اهم شي اعجبك .. ويستحق ان الواحد يشوفه ..
تسلم على ردك ..

.,justme,. ..
هلا بالملحوسه .. ههه اجل الفلم لحس مخك ..
والله عاد انا اشوف ان الزين فيه انه يلحس المخ ..
وحياك اختي ..

[ساره الهواويه]

سلام
انا حملت الملف بس البيت كوميت يقول انه ملف معطوب ... مو راضي يقبله ...
حملته مرة ثانية و برضو نفس المشكلة ... :(

[IBusy]

ساره ..
ملف التورنت في المرفقات ..
bp039

[ساره الهواويه]

الله يعطيك العافية I Busy

[زكرش]

:D :D :D :D :D :D :D
ما تحمست أشوفه بس عشانكم بشوفه وأعطيكم رأئي
شكراً يالطيب

[IBusy]

ساره الهواويه ..
العفو اختي .. وحاضرين بأي وقت ..

زكرش ..
انصحك تشوفه .. وماراح تندم ..
وياهلا فيك ..

[classico]

بصراحة انصدمت !!

أملي بالاخوان نولان كان كبير !!

الفيلم كــ قصة كان فيه ثغرات كثيرة وحاولوا يرقعونها بتفسيرات غبية في نهاية الفيلم .. خصوصا سالفة التوأم !

يعني أعظم خدعة اللي هي " خدعة الرجل المتنقل " اخرتها صارت كذا !

وجهاز الاستنساخ تبع اجنر .. داخل غلط بالقصة !

الفيلم من وجهة نظري انه كان متعلق .. لا هو واقعي ولا هو خيالي .. ما عرفنا وشلون نوزنه وعلى أي أساس نقيمه !

كريستيان بيل لا جديد مبدع كالعادهـ pb189

هيو جاكمان هو اللي تفاجأت فيه .. ما عرفناهـ إلا بــ وولفرين ولا بأفلام الكوميديا الرومنسية .. لكن بهالفيلم فجر أداءهـ واستحق يكون الاسم الأول بالفيلم !

كريستوفر نولان مصخها بسالفة المونتاج .. يعني خلاص استعرضت عضلاتك في الفيلم المجنون " Momento " !

وبعدين سالفة المونتاج ما خدمت الفيلم أبد هنا .. بس مجرد تعقيد على الفاضي !



برق السحايب


عموما ودي أسأل عن النهاية .. الحين يوم (بوردون) قتل (أنجير) على الأخير .. الكاميرا في آخر لقطة مرت على خزان الموية الزجاجي وكان فيها نسخة من (أنجير) مسويها بالجهاز الفسقان .. بس كان غرقان .. وش القصد من هاللقطة ما فهمته .. هل هو انه (أنجير) مسوي عدة نسخ ثانية له؟ << حشا مفتاح مو بني آدم .. يعني بالعربي ما مات ؟

جواب سؤالك يتلخص في الحوار اللي كان بين آجنر وبوردن في نهاية الفيلم .. لما قال آجنر " في تلك الثواني عندما تخدع الجمهور ثم ترى النظرة التي على وجوههم .. ولكنك تجعلهم يتساءلون " !

وهذا اللي سواهـ مخرج الفيلم فينا .. قصدهـ بمشهد النهاية لما مر بالكاميرا من عند الحوض انه يخليك تسأل نفسك هو هذا أجنر الحقيقي ولا النسخه !


~ Raseel ~

ليش مايكل كين " كاتر " الشايب خان روبرت انجر وخلى بوردن يجي يقتله ؟
هل عشانه استحقر تصرفاته وشاف انها صارت هوس أكثر من اللازم على قولتهم ؟
---->> بس حتى ولو هذا موسبب مقنع

في نهاية الفيلم .. لما زار آجنر بوردون بالسجن .. قال له بوردون " انت الآن ما تخاف من تلويث يدينك بالدم " .. يقصد انه صار قاتل !

الشايب كاتر هو مجرد مصمم للخدع .. وشاف ان آجنر تمادى وصار يقتل شخص عند كل لعبة .. وصار ممكن يسوي اي شي عشان ينشهر .. فشاف ان موته احسن من حياته اللي ممكن تشكل خطر على الناس !

غير كذا .. الشايب كاتر " احتقر " آجنر لما عرف انه هو اللورد كالدويل وانه بيخلي الحكومة تعدم بوردون وهو بريء .. خصوصا لما شاف بنته الصغيرة .. حتى انه قال لــ آجنر .. البنت تبي ابوها !


عوافي IBUSY bp039