اقتراح للمشرفين بمنتدى الفن الغربي + تصــ [الارشيف]

عرض كامل الموضوع : اقتراح للمشرفين بمنتدى الفن الغربي + تصــ

r3ooodii

07-03-2007, 01:18

السلام عليكم

بالبدايه اتمنى ان تتسع صدور المشرفين لاقتراحي وعدم اغلاق الموضوع

وايضا اريد ان اهنىء المشرفين على عملهم الملحوظ بالمنتدى والدليل عدد الزوار والردود الذي يتصدر القائمه دوما بالاقلاع..وما جا هذا الى بجهد الاعضاء والمشرفين سويه

السؤال

طلبات ( التورنت / الروابط المباشره / الترجمات ) للأفلام و المسلسلات (5) (http://vb.eqla3.com/showthread.php?t=258474) ‏

هذا الموضوع

الا ترون ان من الافضل وضع موضوعان او ثلاثه .. اذا اردتم ان تتخصصوا اكثر

يكون

1- موضوع للتورنت
2- موضوع للوصلات المباشره

3- للترجمات .. اوو ممكن تدمج مع موضوع التورنت على حسب مايراه الاعضاء بالتصويت + المشرفين

وهذا ولكم جزيل الشكره والموده

[aFnan]

07-03-2007, 02:17

وعليكم السلام

انا اقول كلهم بموضوع مثل ماهو صاير الحين

لأنه بيصير بعدين زحمة مواضيع كلها طلبات

شيلة أمي

07-03-2007, 04:58

"

وعليكم السلام

والله بحكم انه بيني وبين التورنت عداوه :(

صوتت لـ >>> يفصل فقط الوصلات المباشره عن التورنت والترجمه

salaam

أحاول أن أبتسم

07-03-2007, 05:03

أتوقع كل موضوع لحاله احسن وتثبت لأنو تكثر الصفحاات ونضيع لما نجي نطلب شي يمكن موجود من قبل

وأقترح بين فتره وفتره يسوون قائمه بالأفلام والمسلسلات وروابطها

وتتحدث هذي القائمه بالإستمرار للفائده وعلشان مانطول وحنا نبحث عن الفلم او المسلسل

تحياتي

München

07-03-2007, 05:05

و عليكم السلام

صوتت للاختيار الثاني

برق السحايب

07-03-2007, 05:18

الصراحة أنا اشوف ان موضوع الأفلام يظل مثل ما هو .. اللي نحتاجه موضوع عن مشاكل الأفلام ومشاكل الترجمة .. مع انه مو هذا مكانه المفروض تكون في منتدى الكتاتيب ..
المشاركات في موضوع طلبات الأفلام شطحت كثير عن فكرة الموضوع الأساسية اللي انوضع عشانه .. وغير كذا الصفحات في الموضوع صايرة كثيرة .. وثلاث أرباعها أسئلة عن المشاكل .. وثلاث أرباع الثلاث أرباع أسئلة مكررة .. فمهما جاوبنا ما راح نخلص .. مرات أجي أدور لرد من ردودي أتعب لين ألقاه :( .
وأنا بديت في عمل مرجع كامل لطريقة تنزيل الأفلام مع ترجمتها وحرقها من طقطق لسلامو عليكم .. بس للأسف توقفت لأنه يبيلي ولا شهر لين أخلص منه بالإضافة لقلّة وقتي .

زكرش

07-03-2007, 05:34

كع .... كلن لحاله أفضل

هيمو 2005

07-03-2007, 05:49

كلن لحاله أفضل في عملية البحث والترتيب

وياليت لو تعمل فهرسة للروابط الموجوده في الردود لكي تسهل عملية البحث ولكي تظهر بشكل مرتب

انا وانتي وبس

07-03-2007, 06:31

موضوع واحد اشوفها افضل عشان يحوز على الاهتمام المناسب

NuNu

07-03-2007, 06:50

.
.

+ = + = ++ = + = +

.
.

انا اشوف

لو يكون فيه فهرس كامل

يعني كل فلم ومسلسل يكون فيه له صوره

وتحت الصوره

تنحط كل الروابط الخاصه بالفلم

من ترجمه و روابط مباشره وغيره

يعني يكون مرجع اسهل للاعضاء

..

راح يكون اسهل للكل ..

كل واحد يشوف اسم وصوره الفلم او المسلسل ويشوف الروابط

ويحمل مثل مايبي

واذا كان عنده استفرار او طلب يكون فيه موضوع ثاني مخصص لهذا الشي

يعني راحه للعضو

هذا اقتراحي وان شاء الله يعجبكم

.
.

+ = + = ++ = + = +

.
.

r3ooodii

07-03-2007, 07:52

انا معكم شباب ومتقبل كل ارائكم

واشوف الفصل بينهم اذا اراد المنتدى ان يتخصص بالافلام هذي اهم خطوه

عافكم الله

مش ولا بد

07-03-2007, 08:02

هم ابخص :d

تنكة كيلجا

07-03-2007, 08:07

مدري في اعتقادي الشخصي ..
انه يفصل كل موضوع لحاله ...
لانه واضح من مشاكل كل واحد .. انه كل برنامج يحتاج موضوع لحاله " مثل التورنت " .. الترجمه تحتاج موضوع لحالها ..
ولو تاخذون في شوري .. تحطون رابط للردود الذهبيه في الموضوع " تضم أفضل ردود عن الموضوع هذا " سواء كان حل لمشكله .. و الاسئله المتكرره .. وهكزا
.
.
.
شكرا رعودي .. والشكر موصول للمشرفين( F)

bigname

07-03-2007, 08:08

تم التصويت على الأبقاء نفس الموضوع

! Fun time !

07-03-2007, 10:02

وش الهـدف من فتح لي كل وحدة موضوع مستقل
زحمه مواضيع على غير سنع وحوسه اعضاء بكل مكان ..

ان كنتنو دايخين ولا انتو قادرين تحصلون الي تبونه
فيه خاصيه البحث في الموضوع يمديك تبحث عن اي شي لين تحصله

بعدين حنا في موضوع الطلبات كل شي نحطه في المرفقات
ورمزها بأسمها الي مايبي يحوس في الموضوع بين الصفحات وكسلان انه يدخل ..
تقدر تاخذ الي تبيه وانت خارج الموضوع
عند عنوان الموضوع الخارجي موجود
ايقونه فتح الموضوع في صفحه جديدة
جنبها فيه علامه مثل المشبك هذي حقت المرفقاات
اظغط عليها بتحصل كل المرفقات الي موجودة في الموضوع
وكل شي بأسمه يعني لو تبي فلم ابحث عن اسمه وتحصله بكل سهوله ..

اما فتح لي كل شي موضوع خااص هذي خبصه وحوسه وزحمه على غير سنع .

المشكله الي نعاني منها في مواضيع الطلبات هي الشات
لو نفتك منها وكل واحد بس يدخل يحط طلبه ويطلع والي بعدة يلبي طلبه
يكون تمام ويكون الموضوع جميل شكلا ومضموناا

اما المشاركات الي تكون خارج نطاق الموضوع الاصلي من الطلبات مثل مشاكل في التحميل والتورنت بطي والترجمه ماتشتغل ..
يعني هذي مقبوله نوعا ما مع ان مكانها الاساسي في منتدى الكمبيوتر.

أبو عزة

07-03-2007, 10:24

مع برق قلـبا ً وقالبــا ً ..

مثل ماهو وتكون المشاكل في الكتاتيب ..

شكرا ً لك :)

- - -RomiO

07-03-2007, 10:32

يفصل فقط الوصلات المباشره عن التورنت والترجمه

الأســطــورة

07-03-2007, 10:52

.
.
.
lllllllllllllllll----------LEGEND----------lllllllllllllllll

والـلـه رأيــي تبقــى الأمـــور على مــاهي عليه
ونــحـاول نغير فقط مـن نوعية الــردود .. اللي بدون أهمية
لأن مــواضيع المسلسلات لوحدها ماخذهـ نص الصفحة ما تسوى علينا نعبي النص الثاني مشاكل و طلبات .. :D

وإقـتـراحـي يـكـون فـيـه مــوضـوع مـخـصص للـمشاكل بشكل عــام في منتدى الفن الغربي
يعني سواءا مشاكل في ترجمه أو رابط أو تورينت أو برامج مختصه بـ متابعة الفن الغربي يكون أفضل

مع فكرة برق السحايب قلبا و قالبا .. لكن بإختلاف موضوع المشاكل و الإستفسارات الـعـام
لأن اللي بيجي وعندهـ مشكله بفلم مهوب طاقها مشوار لمنتدى كتاتيب إلا وهو كارهنا .. :D

فـ يجي يحط مشكلته في موضوع الإستفسارات و المشاكل .. ثم عــاد يجونك الناس اللي عندها حل و اللي تفهم بهالأمــور تعطيه الحل .. أو رابط من منتدى كتاتيب يحل له مشكلته أو استفسارهـ .. ;)

أحـاول أن أبتسم & NuNu .. bp039 bp039

إقتراحكم حـلـو .. و مطلوب فــعـلا
لكن المشكلة إن بعض الروابط المباشرهـ مهيب دائمة
يعني تقعدلك شهر ثم يشيلها راعيها من موقعه
وقتها الفهرس بيخرب .. :D

أمـا روابط التورينت فـ ينفع معها هـ الإقتراح و إن شاءالله قريب نحاول نرتب الأمــور ونجمع التبرعات .. :D

برق السحايب .. pb189
طيب ياخي إذا ما عندك وقــت و الموضوع متعب بالنسبة لك .. قلنا خل نساعدك .. :D
لأن واضح إن فكرتك و اللي قاعد تسويه .. قــوي .. حرام يختفي قبل حتى يبتدي .. ;)

lllllllllllllllll----------LEGEND----------lllllllllllllllll
.
.
.

Peace

برق السحايب

07-03-2007, 13:29

حمد الله على السلامة ياالأسطورة pb189 .. وفي رواية رئيس مجلس إدارة حزب اللحمة :D ..
والله الموضوع في الأساس أنا فكرت فيه انه يكون في القسم الغربي مو في الكتاتيب لارتباطه بالأفلام .. وكلامي اللي فوق هذا مقتبسه من مقدمتي في الموضوع :D .. لكن اكيد بينّقل للكتاتيب .. ومثل ما قلت انه بيكون مشوار ..

وبالنسبة للموضوع .. فهو ذو شجون ياخي <<طالعة من قلب .. وأدري إني لو طلبت مساعدتك أو مساعدة أي أحد ثاني ما راح تقصرون pb189 .. أنا كاتب رؤوس الأقلام في ورقة .. لكن مشكلتي إني أدقق في أصغر الأمور .. وأحب الشغل يكون بيرفكت .. أشرح شي .. ثم أتذكر ان فيه معلومة ناقصة .. أشيل هم إضافتها .. ويضيق صدري .. خصوصا إذا كان يترتب عليها أشياء ثانية لازم تتوضح .. فأرجع أضيفها وأعيد تدقيق في الموضوع من جديد .. الحين مسوي 10 صفحات في كم يوم .. وتعبت .. وهذه بس للتورنت ما انتهيت منه .. يعني هذه البداية بس .. لأنه شرح تفصيلي .. مابين كلام وصور وإضافة برامج .. موضوع يشتت ويبيله تركيز عالي عشان ما أفوت أي معلومة ..
وشكراً لتشجيعك ..صراحة حمستني bp039 بس يبيلي يوم كذا أتفرغ وأهبق هبقتن قشرة وأكمل الموضوع إن شاء الله .

nono-o

07-03-2007, 13:57

الله يعطيك الف عافيه يابرق والله انا شخصيا ممنونه لك بس لتفكيرك بطرح الموضوع واهتمامك بشرحه...

انا واحده اتعقدت من التورنت وقلت بس خلاص شكله مافي امل انو يمشي الحال معايا ...

وحتى موضوع حرق الفيلم مع الترجمه على السيدي كنت حابه اتعلمها ...

صراحه شوكرن ماتوفيك حقك ... :)

وخذ وقتك ولا تستعجل ... وكنت اتمنى اقدر اساعد بأي شئ ...

SAtUrN

07-03-2007, 14:20

صوّت للبقاء على ما هو عليه :D
قد جربت مره
أدور عن فيلم the prestige
وبكل سهوله لقيته وحملته bp039

يعني ما يحتاج ينفصل
لأنه لو انفصل بيتعبون الأعضاء اللي يعرضون مساعداتهم
وبيملون ويطفشون،
زياده على طفشهم الحين bp039 bp039 bp039 << نشكركم من اعماق أعماقاتنا pb192

وبرضه أنضم للأوادم هنا في كلامهم
انه يكون فيه موضوع للمشاكل والاستفسارات
ويكون الموضوع الأصلي لشغل كلمتين ورد غطاهمpb071

بالنسبه للتورنت فيه ديوانية التورنت في منتدى الكمبيوتر والانترنت (http://vb.eqla3.com/showthread.php?t=232599)
اما لمشاكل للباقي، هذي بنقعد نحارش برق عندها خخخخخخخخخ

لا جد برق السحايب ترانا بالخدمه :D .. انت بس قول لنا وش نسوي وحنا حاضرين باللي نعرف واللي ندور عليه، والله يخلي قوقل pb027

|[ Female PRIDE ]|

07-03-2007, 14:28

ابد كل شي بموضوع واحد افضل ..
عشان ما تكثر مواضيع الطلبات ..
تكون في موضوع واحد وبس ..
واحد الاغاني و الصور .. و واحد طلبات التورنت والترجمة .. كذا ارتب وأفضل ..

ثـلــــجـة مـحتـرقــــة

07-03-2007, 14:33

.
.

أنــــا اقول ان ان فصلتوا افصلوا المشــاكل عن التورنت وهيك
بسسس لازم المشاكل تكون بالغربي
لان مااتوقع حقون الغربي والافلام بيطقون مشوار للكتاتيب ويعلموننا الحل
خصوصن ان تقريبن مارين في هالمشــاكل او ع الاقل عندهم تجارب !!
مو تنقيص بحقين الكتاتيب بس يقول لك اسأل مجرب و لاتســأل دختر :d

<---- توها ناشبتن لهم بمشكله خخخخخخخخخخخخخ
يعني تراني احكي من تجربه وااقع
تدروون لاتفصلونه احسسن لان احيانا اكون داخله ادور فلم واستفيد من المشــاكل :d

<--- اهم اصللن بس يدورون انتي وش يريحك طال عمرتس خخخخخخخخخخخ

صي يوو

.
.

شفت العالم تقول كتـــاتيب قطيت معهم :D
والا صراحتن ماادري وين تنحط مشــاكل التورنت خخخخخخخخخخخ

خلاص ياستي ولا تزعلين انا تراني اقصد بالمنتدى اللي يكتب فيه مشاااكل التورنت
:S

7
7

|[ Female PRIDE ]|

07-03-2007, 14:39

^
^
وراك لطيتيها في كتاتيب .. ورا مو في الكمبيوتر والبرامج خخخخخـ لأن هم حقين المشاكل ..
حنا بس نشرح وشلون تستخدمين البرنامج .. نشرح لك خاصية ما عرفتي كيف تستخدمينها ..

~ Raseel ~

08-03-2007, 13:00

بالنسبه لي أفضّل ان اّّّّّّلموضوع يبقى على حاله ..
وانه يتم اضافة موضوع مستقل للمشاكل والاستفسارات ويكون طبعاً في / الفن الغربي ..

كذا بتكون الشغله مرتبه ومريحه أكثر ..
:)

نرجسيــه

08-03-2007, 15:13

هــلا بك " r3ooodii " bp039
متـابعة للمـوضوع من أول مانـزل .. وأشوف أغلب أراء الأعضــاء إن المـوضوع يبقى
على ماهـو عليـه ..
هـذا وهـو مـوضوع واحـد فقـط لطلبات التورنت والروابـط المباشره والتــرجمات .. ومع كـذا
لازم كل يـومين نـلاقي مواضيع مستقله من أعضـاء غالبيتهم جدد يطلبون فيـها فيلم
أو ينزلون تورنت أو ترجمــه ..!!
أجل كيـف لو خصصنا ثلاثـة مواضيـع ..!؟ الوضـع بيصيـر محيوس ..!!

\\\

بخـصوص إقتـراح الأخوات " أحاول أن أبتسم & NuNu " .. فـ حنا مفكـرين فيـه
وجـاري وضـع خطـه مرتـبه له ... وابشــروا باللي يرضيــكم ..
وأي إقتــراح بخصـوص هـ الموضوع إرسلـوا على برايفـت " الفن الغربي " .. (http://vb.eqla3.com/private.php?do=newpm&u=167397)

\\\

يعطيـكم العافيه جميعــاً bp039