نصايحكم محتار بين بريطانيا وكندا ونيوزلندا لدراسه الانجليزي [الارشيف]

عرض كامل الموضوع : نصايحكم محتار بين بريطانيا وكندا ونيوزلندا لدراسه الانجليزي

مغرور حدي

26-05-2006, 11:57

عبدالملك

26-05-2006, 14:59

بريطانيا:
سلبيات: غلى ونفس شينه
ايجابيات: قربها من السعوديه تعلميهم حلو

===

كندا:

ايجابيات:رائعه جو دراسي جو وناسه جو اللي تبيه وديره تفتح النفس و انفس شعبها وش زينها
سلبيات : البعد شيييين - بالشتاء برد بقوة في بعض مناطقها

==

نيوزلندا: ماعمري طبيتها ولا اعرف عنها شي...بيفيدك فيها المايسترو لانه ممترها متر متر مشالله عليه خخخخ

فانكوفري

27-05-2006, 04:09

هلا اخوي

بريطانيا مارحت لها

بس قريبة ..

عيبها مثل ماأسمع شعبها أقشر!!

كندا

رووعة رحت فانكوفير كل شي تمام

مشكلتها كثرة السعوديين بشكل غريب كأنك ماسافرت ( تشك بنفسك) وخاصة بالصيف

على العموم لا يفتى ومالك في المدينة ( ايسبرانزا)

نيوزلاندا

جيت منها قبل ثلاث اسابيع

ممتازة ورايقة وبلد للدراسة فعلا ً

بس مصيبتها بعييييييييدة تمل وانت تطير؟!!

تقريبا ً ثلاث وعشرين ساعة طيران

فيه مشكلة اقرفتني بكندا ونيوزلاندا

بتقلب تسبدك من الصيانوة ( الشعب الصيني العظيم )

في كل مكان الله يجيرك ...

نصيحتي

فانكوفير ...

المبدع2001

27-05-2006, 09:50

والله يالغالي انا على حسب ماقريت انك رايح تدرس اللغه .. ولغتك الحين بسيطه

اذا قصدك دراسه انصحك تاخذ دوره على السريع حتى لو مده شهر بالسعوديه قبل تسافر

بتساعدك من نواحي كثيره .. واهم النواحي ان اساسك باللغه بيقوى

وبيصير التعامل مع الناس اسهل من البدايه اذا سافرت .. ولا راح تتضايق ولا تنحرج من توصيل معلومه

وحتى التعلم بيصير اسهل عليك لما يكون اساسك قوي باللغه

بالنسبه للديره اللي بتروح لها .. ماعندي اضافه على ماقالو الاخوان

لكن مهم جداً نعرف انت توجهك دراسه دراسه .. ولا دراسه سياحه

واذا عندك مشكله من وجود سعوديين بشكل خاص او عرب بشكل عام بكثره او لا

مبااري السااس

27-05-2006, 10:10

سلالالالالالالالالالالالالالالالالام عليكم

هاو ار يو ؟ تسيف الحال ؟

محاتسيكم خربها بالحيييييل وما ادري شلون اتخذت هالقرار والحركات هذي .. مالكم بالطويله الوكاد قررت اخذ دوره انقليزي .. وانا ما اعرف غير هاوريو وهااي ويس ونو بس ... المهم فيه ناس قالوا رح لبريطانيا <<< يوم قالولي كذا انا خفت لاني ان خربتها وصلت عرعر :D وناس قالوا كندا ونيوزلانده ...

عاد الي ابيه منكم يا الاقلاعيين النشاما اعطوني ايجابيات وسلبيات كل هالدول ووش تنصحوني فيه <<< متعوب عليها

تقبلوا تحيات اخوكم المغترب الجديد :D

والف شكر لكم pb189

اخي الكريم ..
طالما انك مبديء باللغة انا اقترح عليك التالي:

1 - ما تروح الا اذا كان مستواك من المتوسط او متقدم لانك اذا كنت مبتدئ بتصير ( اطرم ) شهرين
واذا بديت تقول ( ماما .. بابا ) .. رجعت السعودية وضيعت اللي درسته .

اقترح عليك اذا كنت بالرياض انك تدرس لمة سنه من هالدورات اللي بالـ ELS او Direct English
وتكون لك قاعده جيده ( الله يصلح قاعدتك )..:D وبعد ما تصير اوكي ..
تروح هناك وتستفيد من قربك من الاجانب وتتقدم بسرعه.bp039

وان كانك ملزّم ..

بريطانيا / غلاء ونفوس شينه .
كندا / جامعه بين امريكا واوربا .. وممتازه وأسأل عنها اسبيرنزا ..
نيوزيلاندا / كنك تدرس في مزرعه كبيره .. واهلها طيبين .. بس يمكن العائله تخليك تروح للمعهد على حراثه pb192

سعودي مقلع

27-05-2006, 14:27

اذا بالصيف فيمكن كندا احسن

لان نيوزلاند بتكون شتاء

واذا على اليوزر روح لانجلترا

blueblood_999

27-05-2006, 16:09

هلا والله مغرور حدووه pb095

يالله تحيي كل أبو حقين الشمال :sm5:

اللي فهمته إنك لغتك بسيطة جداً ..

ومن خلال اطلاع على تجارب الاخرين ..

فـ بريطانيا :- ما تنفع لك أبد أبد ..

كندا :- زينه .. بس مشكلتك بتروح بالصيف .. بتصير كلها سعوديين ..

نيوزيلاندا :- أفضل مكان دراسي .. هدوء .. أنفس طيبه وعلى نياتها ..

وترى يمدحون معهد الـELS اللي بالتخصصي ..

كل دعواتي لك بالتوفيق bp039

ريـــــــــان pb192

مغرور حدي

27-05-2006, 17:09

ياهلالالالالالالالا وغللالالالالالالالالالالالالا فيكم كل ابوكم ...

بريطانيا:
سلبيات: غلى ونفس شينه
ايجابيات: قربها من السعوديه تعلميهم حلو

شلتها من راسي ... انا ناقص غثا بعد http://www.eqla3.com/vb/images/smilies/038.gif

وعلى كلامكم احسن شي كندا ونيوزلاندا ... انا كلمت اليوم معهد او ما مدري وشو المهم اسمهم مفكره العرب .. عرضهم مميز بصراحه بس ما اعرف هم صادقين والا لا .. عرضهم شهرين بـ10300 مو مهم الفلوس اهم شي انها دوره مكثفه + تأمين سكن + ثلاث وجبات + استقبال وتوديع + شريحه جوال نيوزلانديه + حساب بنكي .. حساب طالب +تأمين طبي +help line ...

بالنسبه للغتي انا افهم الي اقراه او اسمعه المشكله بالمخاطبه لك عليها وسط الي ميح تقريبا .. http://www.eqla3.com/vb/images/smilies/038.gif ... وماودي اشوف خشت خليجي ولا عربي شبعانن منهم هنا .. اروح القاهم هناك بعد خخخخخخخخخخخخخخخخخخخخ

طبعا رحلتي هذي .. بتكون دراسه وسياحه بدال مانتنقع بسوريا والا البحرين والشله الباقيه

ملزّم

ملزم بالحيل http://www.eqla3.com/vb/images/smilies/biggrin.gif

ريانوه كيف الحال ؟

وشو معهد حق التخصصي .. انا حالف ما اطلع من ديرتي الا لمصر او ديره برا يعني اوربيه والا امريكيه والا نيوزلانديه http://www.eqla3.com/vb/images/smilies/038.gif

وانتظر ردودكم

ويعطيكم الف عافيه

blueblood_999

27-05-2006, 17:35

^
^

هلا والله .. ;)

هذا يا طويل العمر معهد ELS معهد أمريكي .. له فرووووووع كثيرة بأمريكا ..

وعندهم فرع بالرياض .. أنا أخبره بمجمع العروبة .. بس يقولون إنهم نقلوا لمبنى بالتخصصي .. pb036

بصراحة أنا درست فيه عام 2001 أو 2002 .. وكان كل المدرسين اللي فيه أمريكان .. وواحد كندي ..

وأذكر الشهر بـ1250 أو شيء حول كذا ..

ع العموم اللي يوفقك bp039

وكان ودنا تجي عندنا pb192 بس الفيزا ما تطلع إلا بلعنة الخيّر وأختها pb093

مغرور حدي

27-05-2006, 17:49

^^
^^
دبر لي فيزا هجره .. واجيكم خخخخخخخخخخخخخخخخخخ

المشكله ماني من سكان الرياض .. يعني استغل الصيفيه بسفرات خارجيه احسن لي الرياض لاحقين عليها خخخخخخ

ثانكس

الاكاديمي

27-05-2006, 18:06

هلا اخوي مغرور...
مالي خبره واجده بهالامور<<<اجل وش مدخلك ات وخشتك
انا الان في بريطانيا في مدينه مانشستر ومسجل في معهد اسمه ef معهد متعوب عليه ...
المدرسين روعه والطلاب اروع انا الان لي اسبوعين بالظبط والحمدلله بديت اسلك اموري ..
والديره برضوه حلوه وكبيره والجو خبال وراحه نفسيه ...
بس يمكن انها غويليه شوي بس ,,,
من ناحيتي انا مبسوط فيها وانصحك بذا المعهد لانه من اقدم المعاهد هنا ويهتومن بالطلاب كانه واحد من عيالهم...
وبعدين اللكنه ( اللهجه) في مانشستر تعتبر الاصب في بريطانيا واذا ضبطت اللهجه حقة مانشستر خلاص كل شي يسهل عليك...
هذي نصيحتي وانت الي يريحك...

ريــ الرياض ـوف

27-05-2006, 18:25

والله لو بتخيرني انا

بحط لندن وكندا في مقارنه وبستبعد نيوزلندا
ولو بقارن بين الاثنين بختار كندا بدون اي تردد
لندن اغلى من كندا
لندن حلوه وتجنن بس مدينه ممله بتمل بسرعه منها
كندا احس اقوى من ناحية التدريس

روح كندا بس واتكل على اللله
والله يوفقك
bp039

blueblood_999

27-05-2006, 20:32

^^
^^
دبر لي فيزا هجره .. واجيكم خخخخخخخخخخخخخخخخخخ

المشكله ماني من سكان الرياض .. يعني استغل الصيفيه بسفرات خارجيه احسن لي الرياض لاحقين عليها خخخخخخ

ثانكس

عساي أقدر أجدد فيزتي .. pb093
تبيني أدبر لك فيزا .. pb036

لا ومهب أي فيزا ..

فيزا هجرة ..!! pb095

بعدين على كلامك .. أتوقع نيوزيلاندا أفضل لك ..

- - -RomiO

27-05-2006, 23:09

هلا مغرور
ماقلت كم ناوي تجلس
اذا كانت على الصيفية وبس يعني بالكثير ثلاث شهور ما أنصحك تروح برا
هذا اذا كنت ملزم انك تتعلم انقليزي في الصيف.. أما إذا كنت ناويها سياحة على دراسة.. تراها مهيب شينة
بس نصيحة لا تقرب من بيزلاندا أبعد عنها الصيفية اللي راحت كنت هناك تخيل فيه معاهد فيها 40 طالب سعودي
يعني كنك تدري في الشاطبي مهوب معهد نيزلاندي.. وبعدين جنسيات جنوب شرق آسيا مالينها
ويسدون النفس بعد... بالعربي يعني ما تسوى من يضرب مشوار 23 ساعة طيران علشانها.
اذا كنت تبي دراسة وساحة صح رح بريطانيا.. وابعد عن لندن لأنها في الصيف تنقلب مدينة خليجية

مغرور حدي

28-05-2006, 13:27

مغرور حدي

28-05-2006, 13:30

مشكله بريطانيا مثل مايقولون نفسهم شينه ... والله ودي اروح لها عشان مانشستر خخخخخخخ

نيوزلاندا قالوا لي المكتب نضمن عدم وجود اكثر من طالبين عرب بالفصل ..!!

ما ادري عاد عند مصادقيتهم ..

وانا ابيها صيفيه سياحه ودراسه ..

شاكر لكم مروركم

الاكاديمي

28-05-2006, 13:40

بالعكس نفسيلتهم عسل ,,,,
النفسيات في ديرتنا لايهمك من يقولك انهم نفسيات,,,

المعهد
انا كلمت المعهد عنطريق التلون وراسلتهم بالايميل وارسلت لهم الفلوس وكل شي وارسلولي الموافقه عن طريق الايميل
وبعدها خذت اوراقي وطلعت الفزا في ساعتين بس ...

انا كانك تبيني اجيبلك رقم المعهد جبته وانت كلمهم وتفاهم معهم ويبي لك واحد يفت انقلش عشان يتفاهم معهم,,,

مغرور حدي

28-05-2006, 14:17

^^
^^

اعطنا معلومات عنه ووش الخدمات الي قدمها .. وهات رقمه

المبدع2001

28-05-2006, 16:16

:rolleyes:

ابوهلال

28-05-2006, 22:20

نصيحتي لك
رح كندا ولا تشاور !!

انا رحت للندن دراسة وسياحة ولكندا سياحة !!

الزبدة لندن مملة بشكل خيالي وغالية ولهجتهم تجيب المرض !! الشي الوحيد الزين فيها فيزتهم ماتطول وقريبة !!

كندا بطلة ورخيصة وديرة صح كنك بامريكا pb189
انا رحت لتورنتو اربع ايام تقريباً بصراحة حلوووة وكنك بنيويورك !!
فانكوفير قعدت فيها حول الشهر حلوة لكن نصها صينين !!

ويالصيف في طلاب سعودييين كثار !!

وفانكوفير بعيدة يعني اتذكر من لندن لها 9 ساعات ان ماكان اكثر !!

الاكاديمي

29-05-2006, 19:57

المعهد هذا الله يسلمك في اغلب مدن العالم...
المعهد او ماتجيهم يختبرونك عشان يحطونك في المستوى الي يناسبك...
من ناحية التعليم فهو اكثر من رائع يفهمونك اللغه بالقوه باسلوب مرح,,,
المدرسين رهيبين والطلاب برضوه رهيبين ...
ميزه المعهد انه كل ويك اند ينظم طلعات على مدن اوروبا والي يوده يخاويهم يدفع رسوم مخفضه...
ساعات الدراسه مهي كثيره ..
فيه ملاعب وانشطه رياضيه وغيرها ويعطونك تامين طبي .. ابد كانك واحد من عيالهم ( تكرم عنهم)
الرقم مو معي اللحين انشالله بكره او بعهد اجيب الرقم ...
واي معلومات ثانيه انا حاظر...

فيـصل

30-05-2006, 03:06

شف ودني معك محفول مكفول واوسع صدرك هناك :$

<< وده يهاجر من هالرياض وحرها :(

انصحك صدق بكندا وبس

سلامو

مغرور حدي

30-05-2006, 11:47

ياهلا وغلا فيكم من جديد <<< يحتك بمحمد الشهري :D

ابو هلال خلاااص تم الحجز لنيوزلاندا والله يعين :D pb189

فيصل نصيحتك على عيني وراسي بس تم الحجز خلااااص :D pb189

خويي بمعهد ef انا بنفس المعهد بس بنيو زلاندا :D

ياليت أحد يعطينا معلومات عن نيوزلاندا ... المدينه ماهي اوكلاند مدينه ثانيه بها حرف شين عجزت احفظ اسمها :D

السفر ان شاء الله .. الجمعه مابعد القادم يعني اول يوم بكأس العالم وثاني يوم ماراح نشوفها وكلها بسبب الطريق :mad:

وشاكر لكم اهتمامكم

تحياتي

المايستـرو

05-06-2006, 12:05

مرحبا أخوي ...

اعتذر عن تأخر بالرد عليك ... بس كنت مسافر لندن ولسى جاي امس ...

شوف اخوي ... نيوزلاندا اعرفها شبر شبر ... بريطانيا جربتها عشر ايام ... كندا والله ما قد رحت لها ...

قبل ما افرق لك بينهم ... ابي اعرف طبيعتك انت ... والشي اللي تحبه انت ... يعني اقول لك مثال ... انا انسان احب اتعلم اللغه الانجليزيه في جو هاااادي ... اشوف الطبيعه حولي ... اشوف الخضره بجنبي ... اشوف ناس تبتسم ... ومبسوطه وتحسسك بالأمان ... اذا كان هذا خيارك فرح لنيوزلاندا ولا تشاور احد ... بريطانيا بيني وبينك يوم رحت لها لقيت نفسه مفي خشمهم ... ويالله يكلمك من طرف خشمه ... غير كذا يا اخي غاليه ... نار الله الموقده .. بعكس نيوزلاندا اللي ارخص منها بكثير ... لا تهتم بالمسافه اللي راح تقطعها ... صدقني تراها كلها سفره وحده رايح جاي ... صحيح نيوزلاندا بعيده بس تستاهل ... غير كذا الاوضاع السياسيه .... يعني في نيوزلاندا تقول لهم سعودي يقول لك ايوه ... وين هالسعوديه ... لأنهم بعيدين عن الدول وعن مشاكل الدول فمابينهم وبين الاقطار الثانيه اي مشاكل .. لكن بريطانيا يعرفون من السعودي ... وكيف علاقته بالارهاب اللي صاير ... الظاهر انت فاهمني زين ؟؟!! ... انا راح تحت يدي اكثر من 25 شاب يدرسون في نيوزلاندا ... ولا واحد رجع وقال يالمايسترو تحسفت اني رحت ... تصدق بعضهم يفكر يستقر هناك ..

انت فكر ... وقلبها من هنا ومن هناك ... واسال عن كندا .. لأني سمعت عنها انها حلوه بعد

على فكره اذا اخترت نيوزلاندا .. علمني اي مدينه ... واي معهد ... ولا تدفع لهم ريال واحد

على العموم ابعد عن اوكلاندا

الطفرانه

05-06-2006, 22:43

اسمع نصيحتي...........

انا انصحك ببريطانيا....... لان دراسة الانجليزي عندهم بيرفكت.... وهي الاساس اللي بالانجليزي....

يعني بتتعلم اساسيات ومباديء صح... وكفايه الاكسنت البريطاني لانه مميز......

انا هالصيف ابوي بيرسل اخوي الصغير لادنبره... ويمدحونها كثيررررر...

ولا يهمك نفوسهم القشره مع اني اشوفهم حليلين بس ماحد فاهمهم يمكن......يعني انت ماراح تتزوج منهم وتناسبهم

عشان تتشرط باخلاقهم ونفوسهم.... هناك كلها عربووووووش يعني بتستقوي معاهم عليهم.. لا تخاف..

كندا....... كمان حلوه... ودراستهم زينه... والاحلى فيها ان انجليزيتهم تجمع الانجليزيه البريطانيه مع الامريكيه... كوكتيل يعني.....

بس نيوزلندا.... رحلتها موووووووت وما في داعي للتعب والنتيجه وحده...
.

.

مغرور حدي

06-06-2006, 15:32

يعطيكم الف عافيه على المرور

وشاكر لكم نصايحكم .. بس الجمعه ماشي لكرايستشرش ان شاء الله .. بدرس مده شهرين بمعهد aspect

تحياتي لكم

المايستـرو

06-06-2006, 21:48

يعطيكم الف عافيه على المرور

وشاكر لكم نصايحكم .. بس الجمعه ماشي لكرايستشرش ان شاء الله .. بدرس مده شهرين بمعهد aspect

تحياتي لكم

نصيحه اذا ما دفعت فلوس ... لا تدفع لهم ... لأن المعهد انا داخله ... معظمه عررررب ... اذا تبي معهد ثاني علمني وانا اعلمك

مشلح شرشاب

07-06-2006, 01:25

رح نيوزلندا وماجاك علي
بريطانيا لغة بس شعب قذر ومعيشة سيئة بمعنى الكلمة
والله راح تتعب ببريطانيا !!

نيوزلندا راحة نفسية وشعب حبوب ولغة تتعلمها بسهولة انشالله

الله يوفقك باللي تختاره انشالله

عديمه احساس

09-06-2006, 02:34

طيب واذا بنت وش تنصحونها تروح له...........؟؟
<<--------- ناويه تخربها وتروح
لان الفكره طرحت علي من قبل لأهل لأفاضل وبابا يقول بريطانيا وانتم تقلون يعه

DajaH

09-06-2006, 12:17

اليوووووم اقلاع طيارتك :D :D

واو .. يلا توصل بألف الف سلامه ..

ولا تقاطعنا .. ادخل من هناك وكلمنا عنها ..

الله يوفقك

قمر وردي

09-06-2006, 13:00

كـــــــــــنــــــــــــــدا

عريس مضيع الصاله

09-06-2006, 13:06

23 ساعه
الله يعينك