مجموعة استفسارات خاصة بالطباعة

[ضـــحكه]

السلام عليكم ..

اول كنا نستسهل السؤال لانه بس رد .. اللحين موضوع بحالوه pb036
بس يسوى ..



اول سؤال
* ياليت الكل يعطينا فكره عن المطابع الي تعامل معها او سمع عن جودتها.. من حيث الجودة والسعر

شئ آخر .. بالنسبه للمقاس
* اظبط مقاسي بالبكسل او سم .. وهالشئ طبعا فيه فروق نسبيه بالفوتوشوب

* اللي اعرفه ان A4 مقاسها 21×29.7 سم
طيب انا صورتي مربعه مثلا 19×19
المطبعه هل هي غبيه بتمطها لي وتخرب الدقه .. او بتعطيني هالمقاس والباقي مساحة فاضيه


اتمنى عند ذكر المطبعه اللي انت مجربها .. تذكر لنا طرق الطباعه اللي تقدمها المطبعه
على خشب .. شمع .. الخ من خدمات المطابع ولاتهون الاسعار


ملاحظات \
- سؤالي تحديدا لمطابع الرياض .. لكن اشملو اجاباتكم لتعم الفائدة
- فيه شغله مالها دخل .. دايم اسمعها بالمواضيع .. اللي هو التون .. وش يقصد به ؟




الي يمر عالموضوع وعنده لو اجابه على جزئيه بسيطه لايحرمنا منها .. bp039
قواكم الله

[ABDUL-AZIZ]

http://vb.eqla3.com/showpost.php?p=6374687&postcount=278
يتكلم عن تجهيز الصورة للطباعة


..
بالنسبة للمحلات فأنا صراحة ما تعاملت مع مطابع هنا في الرياض.
سمعت مدح لسمير كوداك من ناحية جودة الطباعة لكن ما ادري اسعارهم كم بالضبط.
انا جربت سمير الي في الشرقية ... صراحة طباعتهم جدا ممتازة.
المقاسات الي طبعتها 50*50 و40*60 تقريبا وكلفتني الوحدة 45 او 50 ريال.. ناسي بالضبط كم.

بالنسبة لأبعاد الطباعة .. انتي تختارين اي ابعاد والمطبعة تطبع بنفس الابعاد... مالهم مقاسات محددة.

[مهوويه]

وعليكم السلام ضحكــة :)


بالنسبــة لأسئلتك انا بتابع موضوعك لاني بحاجته ..

وبتكلم عن تجربتي :
- انا رحت لأقرب محل تصوير عندنا وما ادري وش اسمه صراحة بس عليه علامة كوداك .. ( بروح له هاليومين وبجيب لكم اسمه بإذن الله )

- طبع لي الحجم الصغير العادي (عرفتيه pb036 مدري كم مقاسة) .. الصورة بريالين .. وطبعت مجموعة واعطاني خصم حسبها لي بـ ريال ونصف ( طبعت حوالي ال15 صورة ) pb030

وطبع لي حجم الـ A4 بـ 25 ريال للصورة .. pb030

وعند مقاسات طبعا بينهم وكل ما كبر المقاس زاد السعر بالتأكيد .. ;)


امممممم
عند الطباعة فيه ثلاث أنواع من الورق حسب ما قال لي :
1 - glossy ( لمّاع )
2 - half glossy ( نصف لمّاع )
3 - matt ( بدون لمعـة ) وهو أفضل شئ بنظري للصور


- بالنســبة لي ما اغير المقااسات للصورة ,, لانها بالفعل تتأثر .. ( طبعت مرة صور ونسيـت إني قاصة منها وتمططت شوي لاني ما قلت له pb131 )


- سؤالك عن التون ..أتوقع المقصود درجـة اللون أو المسحة اللونيـه للصورة :rolleyes:



متابعة لموضوعك ضحتسة :D وأتمنى افدتك بخرابيطي pb095

bp039

[ضـــحكه]

:
:


عبدالعزيز
مقاساتك غريبه .. الي اعرفه يطبعون A4 , A3 .. مدري كاتبها بالبكسل او سم


بسأل عن هالمطبعه ان شاءالله
ماقصرت تسلم ..




مهويه
قد قال لي VIP عن مطابع الجزيزه بالملز
معروفه قديمه ولها سمعتها .. ونفس اسعارك

بالنسبة لي الطباعه الصغيره اطبعها عندي
لكن الكبيره اطبعها برى افضل لان الحبر عندي يستهلك كثير + ان ابي طرق طباعه غير القلوسي
مثل الشمع والخشب وغيرها الي مااقدر اطبعها بالبيت ..



عافاك الله وردك اضاف لي كثير




متعطشين لباقي المعلومات ..

[رائعة]

السلام عليكم..
عبدالعزيز
سمير اللي في الشرقيه وين هو فيه؟
المقاسات والـ 72 والحوسه الأرقام اللي تحطها بالفوتوشوب
تصلحها وتحفظ الصوره والا تصلحها بعد ماتحفظ الصوره؟ << ادري سؤالي غبي بس حاول تفهم

شكرا ضحكه على الموضوع

سلآم

[ABDUL-AZIZ]

مهوية
- بالنســبة لي ما اغير المقااسات للصورة ,, لانها بالفعل تتأثر .. ( طبعت مرة صور ونسيـت إني قاصة منها وتمططت شوي لاني ما قلت له )

هذا معناها ان الي طابع الصورة من جنبها ويدربي راسه.

اغلب المطابع عندهم طابعات كبيرة تستخدم ورق رول كبير .. وتطبع بأي مقاس يبيه الزبون.



ضحكة
لا تقدين تطبعين بالمقاسات الي تبين ... بس انتي لازم تهيئين الصورة قبل الطباعة بالطريقة الي ذكرتها... وتقدرين تحولين المقاسات الى السنتميتر في الفوتو شوب ..لكن دقة الطباعة خليها بالبكسيلز/الانش.
يفضل انها تكون الدقة 150 وفوق عشان تطلعين بأفضل جودة.



رائعة
بالنسبة لي افضل اني احفظ الصورة بعد المعالجة في ملف .. وبعدين افتحها واجهزها للطباعة واحفظها في ملف ثاني تحت اسم "صور للطباعة" مثلا.

بالنسبة للمحل الي في الشرقية انا اذكر انه قال لي انهم بيغيرون موقعهم.
على العموم هذا رقمه 0506813979 واسمه كمال محمود ممكن تاخذين منه وصف موقعهم الجديد واسعار الطباعة عندهم.

[شط الكحل]

مرحبا .... فعلا هذا موضوع ذو شجون وكل سنه نعيد ونزيد فيه لكن قبل اكثر من سنه ( على حسب ذاكرتي) خالد فصل موضوع الطباعه واعتقد انه اللنك اللي حطه عبد العزيز ....
بس برضه .... احسه يبي له شوي pb036
شوفوا عن تجربه .... انا اقول لكم سمير ايميج ارتس اللي في العليا العام ....طباعتهم جيده وعندك خيارات كثيره للورق وبامكانك الاشراف على طباعة صورك بنفسك .... وهذا شي يريح صراحه
وفي بعد العبد الواحد اللي في العقاريه اللي جنب شمسان ... طباعتهم جيده ... واذا ماعندهم زحمه ممكن تشرفين على طباعة صورك واسعارهم جدا معقوله ، لكن
المشكله الكبرى ..... واللي انا اواجهها شخصيا انه اذا كنت باطبع بورتريهات .... لان طبعا مانيب حاطة صور حريم يطبعها رجال ....اول كنت اطبع الصور عند سامه .. وكانت اوكي تمشي الحال بس وضعهم تردى للاسوأ
رمضان الماضي طبعت عندهم وصحت :sm1:يوم شفت الصور ..... مافي ملامح للتون ولا الكونتراست ابدا .... كنهم كابين على الصور رماد:sm1:
لذلك انا في قمة التوهق :confused:.... لان عندي صور كثيره بتنطبع .... ومدري وين اطبعها :confused:
وياليت اللي يعرف استديو نسائي يطبع صور مضبوط يقول لي عليه
شكرا لك يا ضحكه اذ انك عدتي فتح الموضوع الشائك <<<<< شلون الفصحى بس ؟ pb034

[رائعة]

8
88

شط كلامك يضيق الصدر..:sm1:
يعني فيه إحتمال كبير إن المحلات تخرب الصور وتطلعها تقل مكبوبن عليهن رماد :(


/

ودي أسأل..pb094
إذا صارت الصوره مقصوصه..
يعني مثلا بورتريه مربع الشكل ..
بالطباعه تطلع ممطوطه تقل وجه فضآئي..؟pb036

يعني الصور اللي نبي نطبعها لازم ماتكون مقصوصه؟


شكراً للي يبي يرد ع الإستفسارات..bp039

لله درّكمpb189

سلآم

[K H A L E D]

وكل سنه نعيد ونزيد فيه
تقولينه صادقة
المشكلة موضوع الطباعة هو نفسه موضوع المعرض .. والردود ماكانت مرتبة .. والا تقريبا غطينا 99 في المية من مشاكل الطباعة .
**
لكن الضاهر السالفه يبغالها فضاوه وموضوع شرح مفصل عن طريقة تحضير الصوره وطباعتها .
**
فيه كم سؤال لاحظته تكرر اللي هو سالفه ان الصوره تنمط ؟
اذا الصوره تجهزت من قبل المصور في برنامج المعالجة واختار الأبعاد اللي يبغى والمقاسات اللي يبغى ... مستحيل تنمط معه او تتغير لو واحد مايكرو ميلي :d .. اما اذا المحل نفسه طبعها من راسه كذا فهو ماعنده سالفه ولا يعرف يطبع !!
**
الكروب والقص من اساس الصوره سلبيته الوحيده هي اذا الكميرا تعطيك صوره مقاس A2 كأكبر مقاس مرضي لها مع القص يقل المقاس النهائي للصوره .. لا اكثر ولا اقل .
**
نصيحه عامه عند التعامل مع اي محل طباعة :
طبع صوره واحده فقط كتجربه ... ولازم بل ضروري جدا تذكر المعالجة سواء من كونتراست او تعريض (والأفضل حفظ الصوره بمعالجتها وبعد الطباعه النظر لها من كل الجوانب)... لأن غالبا الصور المعالجه على لاب توب يكون التعريض فيها قليل وتصير الصوره مظلمة عند طباعتها .
وبكذا اي واحد بيطبع صوره ثانية بيكون عارف وش هو مسوي كمعالجة في الصوره السابقه .. وهذا هو الحل الأنسب اللي اناجربته وفاد معي كثير .
**
شط اذا انتي تصويرك للبورتريهات كثير ... انصح بطباعه A4 بالبيت .. واذا مره تبين A3 فيه طابعات ممتازة بسعر جيد ... وتصيرين تطبعين في بيتك كل الصور مو بس بورتريهات ... والنتائج افضل من محلات الطباعة ... لن محلات الطباعة يستخدمون طابعه كبيره ورق رول ... تطبع 100 دي بي اي !! ... بينما طابعة البيت بتقدرين تطبعين اكثر من كذا بكثير ... لكن على حساب الحبر طبعا .

[شط الكحل]

شط اذا انتي تصويرك للبورتريهات كثير ... انصح بطباعه A4 بالبيت .. واذا مره تبين A3 فيه طابعات ممتازة بسعر جيد ... وتصيرين تطبعين في بيتك كل الصور مو بس بورتريهات ... والنتائج افضل من محلات الطباعة ... لن محلات الطباعة يستخدمون طابعه كبيره ورق رول ... تطبع 100 دي بي اي !! ... بينما طابعة البيت بتقدرين تطبعين اكثر من كذا بكثير ... لكن على حساب الحبر طبعا .
تصدق عاد يا خالد شكل هذا هو الحل الوحيد .... انا فكرت فيه من مده لكن بعض اللي حولي نصحوني بالتروي شوي .... فأجلت الموضوع .... لكن اللي اشوفه ان الصور صارت تتكدس عندي ....
لذلك يبي لي آخذ نفسي شوي واهدى عشان اركز على موضوع الطابعه .... اللي شكلي بانزل موضوع استبيان عن افضل الطابعات
والله يعيني على الحبر

[il mio cuore]

اهلين..

عبدالعزيز ..
المقاسات بالفوتوشوب اللي انت سويتها سويته عندي,, واذا حطيت رقم فوق تغير اللي تحته :( وهكذا :D

المهم طبعت صوره عندي بورق طباعه الشبه لماع .. مدري ليه خفت اشري اللي مب لماع :( المهم يوم طبعتها لقيتها كانها صفراء:S ومخططه :S تهقى من تصويري انا :( والا من الطابعه نفسها؟؟


طبعا السؤال عام :$ .. :D

[ABDUL-AZIZ]

il mio cuore

اكيد راح يتغير.. عشان يكون فيه تناسب في مقاس الصورة.
لنفرض مثلا ان الطول 15 والعرض 15
وجيتي تغيرين العرض ل12 ... معناها لازم يتغير الطول ل12 والا راح تكون الصورة ممطوطة على قولة رائعة.

طبعا كل ما زدتي حجم الطباعة راح تقل دقتها وهذا الشي تلاحظينه اذا زدتي الابعاد.

بالنسبة للطابعة والصورة الي طبعتيها.
احيانا تكون المشكلة في اعدادات الطابعة او في ضبط الالوان بين الطابعة والجهاز.
انا صراحة ما اعرف لها زين وما اعرف وش لون اضبطها .. ممكن احد الاعضاء يكون له علم فيها.

بالنسبة للورق فنوعية الـ matt ( الي مهوب لماع)اعتبرها افضل من القلوسي الي يلمع.

[ضـــحكه]

:
:

استفدت من نقاشكم ..




عبدالعزيز
بالرابط اللي حطيته تقولاهم شي لا تقل الدقة عن ال 72


بعدها قلت
يفضل انها تكون الدقة 150 وفوق عشان تطلعين بأفضل جودة.

( معناته اذا مقاسي بـ الانش اخلي الدقه 72
واذا قياسي بـ السم اخليها 150 )

اذا خطاء صحح لي ..





شط الكحل
انصحك بالاستديوات النسائيه اللي تطبع في مطابعها الخاصه
مو تطبع بمطابع ستديو نسائي ثاني .. احفظ لصورك


عندك بعماير السيركون ستديو اضواء
عندك بطريق الملك عبدالعزيز عند مخرج 5 my shot <<بس يطبعون برى
وعند استديو نور جنب قصر الرياض .. على طريق عبدالعزيز عند كنك رايحه للمطار القديم
وماعندي خلفيه عن اسعار طباعتهم


عافاكم كلكم : )

[ABDUL-AZIZ]

ضحكة

لا يوم اني اقول 72 انا كنت اقصد ان بعض المطابع والمحلات يطبعون عند هالدقة عشان ما يصرف عليهم حبر.

لأن كل طابعة لها دقة معينة .. فهم يحاولون يقللونها لأقل دقة ممكنة عشان الصرفية.

اذا كنتي بتطبعين في البيت خلي الدقة كبيرة عشان تطلعين بجودة افضل ... اما اذا كنتي بتطبعينها عند محل وقال حنا نطبع عند 72 فأنصح تشوفين الطباعة قبل او تخلينه يطبع عينة من نفس الصورة الي تبين تطبعينها وتشوفين اذا كانت جيدة او لا.
يعني مثلا تبين تطبعين هالصورة


http://up.eqla3.com/up/get-12-2007-wl1hqi5g.jpg

تختارين جزء صغير منها مثل المحدد بالمربع الاحمر وتخلينه يطبعه وتشوفين اذا هي طباعة ممتازة والا لا.

[K H A L E D]

شط
والله هو افضل حل .. وتفتكين من مشاكل المحلات وبربستهم .. المشكلة ان بعض هالمحلات لها سنوات في الطباعة لكن العماله عندهم مايفهمون في سالفه الدقه وكم لازم تكون عليه .. والغالب علشان استهلاك الحبر برضو ... يعني شغل قعاطه .

على فكره يا جماعة .. ترى دقة الصوره في المعالجة داخل البرنامج تختلف عن دقة الطباعة !!؟
**
علشان الصوره تكون مرضية في كل حالاتها .. يجب الا تقل الدقه في البرنامج عن 150 ppi في جميع الأحوال ... ولو اني افضل 200 خصوصا اذا ما اثرت على الحجم (طبعا اقصد للإنش هنا )
**
عند الطباعة هذا أمر مختلف الدقه تقاس بالـ dpi نقطه لكل انش .. بينما في البرنامج بكسل لكل انش!!

[رائعة]

عبدالعزيز..خالد..شكراًbp039
تحمّلو غثاثتي..بس ودي أدري:sm1:
اذا حطيت دقه الطبآعه أكثر من 72
وجيت أطبعها عند مطبعه بخيله من ناحيه الحبر..
وش ممكن تكون الصوره؟
باهته؟
تسذا تقصدون؟pb036

وإذا حطيتها 72 وطبعتها تكون موب باهته؟
شكرا لكل اللي يردونbp039
الله يعطيكم العافيه

سلآم

[K H A L E D]

8
8
اذا بتطبعين في مطبعة دقة الطباعة هم اللي يختارونها .... اللي في يدك دقة الصوره .. ولازم تكون اكثر من 150 ppi بكسل لكل انش
**
جربي تضبطين معالجة صورتك ... واحفظي الصوره بصيغه TIF وخلي دقة الصورة زي ماقلنا اكثر من 150 .. ووديها لمحل الطباعة واطبعي صوره وحده تجربه وشوفي النتيجة .
**
الحل الثاني اذا عندك اكثر من صوره ... قطعي الصور الى مستطيلات طولية في الفوتوشوب وخليها عينة واطبعيها في المحل .. بحيث كل مستطيل يكون عرضه 3 سم وطوله مثلا 60 سم
بكذا يكون عندك فكره كيف بتطلع كل الصور من هالعينة الواحده اللي سويتها .

[رائعة]

8
88

خالد..
فكره المستطيلات ممتازهـ..

خالد أنت أحسن وآحد تحملني..
واحفظي الصوره بصيغه Tif
وشي هذي
أنا ما اعرف غير( جي بي جي) وأسمع أحياناً بالرآو
شكراً

سلآم

[رائعة]

لقيت الصيغه اللي تقول يا خالد..
بس وش فرقها عن جي بي جي؟

وفيه خيارات داخل وش أختار منهم:sm1:
ووش الرقم اللي احطه مكتوب عندي الجوده 12

أدري غثيتكم بس إن شاء الله ان فيني أجرpb094

سلآم

[وووهـ بس]

موضوع جا في وقته
ياليت اللي عندهم معلومات عن الطباعه وتجاربهم فيها مايبخلون علينا ..


انا مره سألت عن محل للطباعه في الرياض .. قالولي سمير كوداك في نهاية شارع العليا العام جنب حراج الكمبيوتر << كاتبته في ورقه اذا احتجته في يوم من الايام بس مابعد رحتله ..

.
.
.

طيب سؤالي انا pb094
اذا عندي ( مثلاً ) طابعة الـ A3 في البيت
كم اخلي دقة الصوره في الفوتوشوب .. اخليها 72 ؟
وكم اخلي دقة الطباعه .. اخليها 150 وفوق ؟
بفرض اني شريت طابعه وحبر وكل شي pb030

ولو بطبع احجام صغيره مثلا بحجم بطاقات الدعوه او البطاقات السياحيه تختلف مسألة الدقه هنا ؟ .. ووش الافضل عموماً في احجام الصور اخليها بالبكسل ولا بالسم


ادري اني كثرت بس مالي غيركم pb094
الرجاء المساعده bp039

[K H A L E D]

لقيت الصيغه اللي تقول يا خالد..
بس وش فرقها عن جي بي جي؟

فرقها لو بترجعين تعدلين على الصوره ماتقل الجوده .. وايضا الكونتراست والحده في الصيغة هذي للطباعة فيه فرق (خصوصا الكونتراست) .. طبعا العيب هو ان الحجم بيصير كبير .. بس حاليا مايعتبر عيب الفلاش ميموري واصل 30 قيقا هالأيام .

اما بالنسبة لخيارات صيغه الـ TIFF فخليها زي ماهي واضغطي اوكي
بس كشرح بسيط
المربع الأول لضغط الصوره وتصغير حجمها .. ما افضل انك تستخدمينه علشان الكمبيوتر اللي بيعالج بالمطبعة مانعرف وش يستخدم .
المربع الثاني ترتيب البكسلات .. وخليها على الخيار الأول
المربع الثالث خليه على IBM

ووه بس
الفوتوشوب يخلي الصوره افتراضي دقتها 230 واحيانا 240 ... اذا بتقللين الى 200 علشان تطبعين حجم اكبر شوي مو مشكلة والا خليه زي ماهو .

اما الطابعه فالطابعات تختلف لكن اذا يعطيك في الطابعة 300 اطبعي فيها او اطبعي 250 .. اذا هو للـ A4 اما ورق الـ A3 بحكم ان مقاسه كبير مايضر طباعته بـ 150 .. لأن الصوره تنشاف من مسافه نصف متر واكثر .

فيه بعض اللوحات التجارية في الشوارع طباعتها الدقه تصل الى 10 او 20 dpi بس!! والسبب ان الافته هذي تنشاف من على مسافه بعيدة جدا فتطلع واضحه .. ومافيه حاجه لطباعتها بالدقه العاليه .<<< ذكرت هالمثل علشان اوضح سالفه الـ dpi بالنسبه للحجم ... اذاا لحجم صغير لازم دقه عاليه ومع كبر المقاس تقل الدقه مو مشكلة .

[رائعة]

8
88

شكراً على الشرح..
شرح وآفي مفصل..
قسم بالله إنك بطل..
يعطيك العافيه على كل حرف كتبته:)

سلآم

[VIP]

فرقها لو بترجعين تعدلين على الصوره ماتقل الجوده .. وايضا الكونتراست والحده في الصيغة هذي للطباعة فيه فرق (خصوصا الكونتراست) .. طبعا العيب هو ان الحجم بيصير كبير .. بس حاليا مايعتبر عيب الفلاش ميموري واصل 30 قيقا هالأيام .

pb189

ماقد جا على بالي اطبع بهالصيغه pb036
بجرب واشوف

يعطيكم العافيه pb189

[ABDUL-AZIZ]

الموضوع مثبت
نخليه كمرجع للي يبون يطبعون.

[K H A L E D]

8
8
مدامك ثبت الموضوع خلني اجل اضيف بعض الأشياء .. وتفكني من كتابة موضوع جديد << عجاز
**

مصطلحين مهم نعرف الفرق بينهم علشان اذا تلكمنا عن كل واحد نعرف الفرق .
ppi وهو بيكسل لكل انش ويستخدم في دقة الصوره من الكميرا وفي الكمبيوتر والشاشة ايضا .
dpi وهو نقطه لكل انش .. ويستخدم فقط للصوره المطبوعه .

وسبق وان تكلمنا قبل فتره وقلنا ان الميجا بكسل للكميرا يأثر في الحجم ! طيب كيف؟

كل مازاد الميقا بكسل في الكميرا اصبح بالإمكان طباعة مقاس اكبر للصوره بنفس الجوده للدقة

يعني اذا عندنا 3 كميرات مختلفة 6ميقا , 8 ميقا , 10 ميقا بكسل .
جميع هالكميرات راح تعطي طباعة ممتازة على ورق A4 بنفس الجودة من دون اي اختلاف .
(مع افتراض ان الدقه هنا = 300 ppi )

اذا بنطبع A3 بشكل تلقائي الكميرا ذات 6 ميقا بكسل ماتنفع في الجودة يعني الدقه لازم تنزل معنا ومارح تكون 300 ppi ممكن تنزل الى النصف

صوره للتوضيح

http://up.eqla3.com/up/get-12-2007-o732hpiq.jpg

الدقه في جميع الصور هي 300 ppi ... نلاحظ ان الأحجام تختلف تماما والدقه ثابته .
معنى الكلام هذا اذا كمرتي تعطيني كحد اقصى 4 ميقا بكسل وابغى المقاس يكون مثل مقاس الـ 5ميقا بكسل راح تنقص الدقه بشكل كبير .

وينطبق الكلام هنا على الكروب وقص الصوره في برامج المعالجة

مثال:
اذا كمرتك تعطيك 8 ميقا بكسل وسويت لها كروب او اقتصاص 25% من مساحه الصوره .. راح يكون الناتج النهائي عندك هو 6 ميقا بكسل !! واذا اقتصيت النصف الناتج اكيد 4 ميقا بكسل .


طيب اللي بيقول ماعندي امكانية اطبع بدقة 300 ppi ؟ وابغى صوره كبيره مثل مقاس A3 وكمرته 6 ميقا بكسل بس ؟

الصوره الكبيره من امثال A3 و A2 او اكبر بعد ليس ضروري يكون الدقه 300 ppi والسبب هو ان مشاهدة مثل هالصور بهالمقاس راح يكون من بعد متر الى امتار عديده ... فالدقه تعتبر مناسبه اذا كانت 150 ppi لمقاسات الكبيره

على العكس تماما المقاسات الصغيره مثل A4 وA5 او اقل .. فالدقه هنا ضرورية جدا ولازم ماتقل بأي حال من الأحوال عن 250 ppi او على الأقل 200 ppi.. الـ 300 ppi مثالية جدا وهي افضل نتيجة ممكن الحصول عليها لمثل هالمقاسات



الطابعات المنزلية بشتى انواعها تقريبا تعطي دقه 300 dpi << دي بي اي هذي للطباعة !!!
300 dpi تعتبر تكنلوجياً مثل دقه ماتراه العين المجرده للإنسان .
اكثر من هالدقه طباعه راح يكون زياده في استهلاك الحبر.

ان شاء الله الصوره واضحه اكثر الآن

[شط الكحل]

طيب بما انه صار مثبت ومرجع ( توني باقترح عليكم موضوع نخليه قاعده بيانات للطباعه ) وجت من الله
طيب يا خالد وعبد العزيز ولا يهون الباقين .....
كنت با فتح موضوع عن الطابعات .... وش الافضل ووش الاكثر خراب ( مجربه ) فبرايكم افتح موضوع جديد والا نخليه مع هالموضوع ؟

[A M A L]

السلام عليكم
المشكله الكبرى </B>..... واللي انا اواجهها شخصيا انه اذا كنت باطبع بورتريهات .... لان طبعا مانيب حاطة صور حريم يطبعها رجال ....اول كنت اطبع الصور عند سامه .. وكانت اوكي تمشي الحال بس وضعهم تردى للاسوأ
رمضان الماضي طبعت عندهم وصحت :sm1:يوم شفت الصور ..... مافي ملامح للتون ولا الكونتراست ابدا .... كنهم كابين على الصور رماد:sm1:
لذلك انا في قمة التوهق :confused:.... لان عندي صور كثيره بتنطبع .... ومدري وين اطبعها :confused:
وياليت اللي يعرف استديو نسائي يطبع صور مضبوط يقول لي عليه

شط الكحل انا من كم يوم كنت عنده وحده من صديقاتي مصورة وعندها طابعه
Epson 1410 وتطبع مقاس a3 و a4 وجاي معها برنامج اسمه eyes print
http://www.dimagemaker.com/ktml2/images/uploads/prints/epson/1410f.jpg (http://www.dimagemaker.com/ktml2/images/uploads/prints/epson/1410f.jpg)
والحلو في البرنامج انه مريييييييييح جدا
مريح في اختيار المقاسات ونوعية الورق ويعالج الصورة بدقه
صراحة للامانه اللي شفته شغل نظيـــــــــف . تعتبر طباعتها نمبر2 بعد سمير كوادك
وعندها بعد قطاعة الورق الظاهر من النهدي خاصه بالصوور . خليني اتاكد من اسمها

بس العيب الوحيد ان ورق مقاس A3 مو دائما متوفر

bp039

خالد وعبدالعزيز ومهويه وشط الله يعطيكم العافيه على المعلومات القيمة

[عمر ولد عزوز]

طيب


طابعات الابسون عندهم الدقه 4800*1600


معناه ذلك انها تبي تكون مضبوطة

[ضـــحكه]

:
:

قواكم pb189


طابعتي HP photosmart C5283


اذا راعيت كل جوانب الطباعه الجيده الي ذكرتوا .. من دقه وغيرها
بتعطيني نتايج زي المطابع برى ؟
ابي شغل نظيف

[ABDUL-AZIZ]

شط

خليه من ضمن الموضوع عشان يكون مرجع شامل.

[K H A L E D]

بالنسبة للطابعات .. جوده واسعار .. انا ناوي آخذ لي جولة عليها هالأيام في كذا محل .. وباخذ معي صوره اجرب طباعة كل نوع تقريبا اذا توفر الشيء ذا معي ولا خالفو اصحاب المحلات .. وبجيب تقرير مفصل ان شاء الله خلال ايام معدوده .
**
لكن بشكل عام طابعات ابسون تعتبر قمه وادائها راقي جدا ... هذا مومعناته ان غيرها بطال .. بس هذي سمعة الطابعة المنتشرة عند الناس خصوصا الأجانب (كطباعة صور فوتغرافية) .


طيب


طابعات الابسون عندهم الدقه 4800*1600


معناه ذلك انها تبي تكون مضبوطة

خذ لك اصغر قيمة رقم موجود في مميزات الطابعة .. واللي في حالتك هو 1600
واقسمه على عدد الألوان الرئيسية في الطابعة ... تطلع معك الدقه بالدي بي اي (الكلام ذا تقريبي وينطبق على كثير من الشركات ... والغالب ان لم يكن الكل الدقه فوق الـ 300 دي بي اي ) يعني زبدة الكلام مضبوطه وتنفع تطبع عليها وبتعطيك نتائج مرضية .
باقي عندك بس نوعية الورق المستخدمة ... ومقاس الورق اللي تطبعه الطابعة.


طابعتي HP photosmart C5283


اذا راعيت كل جوانب الطباعه الجيده الي ذكرتوا .. من دقه وغيرها
بتعطيني نتايج زي المطابع برى ؟
ابي شغل نظيف

ان شاء الله ايه .. واحتمال كبير افضل بعد من المطابع !!
يبقى عندك نوعية الورق

[وووهـ بس]

خالد عافاك ربي تسلم bp039

وانتظر تقريرك عن افضل الطابعات وتجاربك في طباعة الصوره بانواع مختلفه من الطابعات اذا حصلك bp039

[VIP]

باتس ...

ياقماعه فيه حاقه غريبه صارت معي pb036
عندي نوعين من الورق
الاول قلوسي
والثاني مات

1- طبعت بالمات واخترت في اعدادات الطابعة نوعية الورق مات
ولاحظت الصوره تقل منكب عليها رماد على قولة شط :D


2- وطبعت بالقلوسي واخترت في اعدادات الطابعة نوعية الورق قلوسي
والنتيجه افضل من المات pb036


3- قلت ورا مااجرب اعدادات قلوسي على ورق مات
وتبين ان النتيجه حلوه مثل التجربه رقم 2 pb036

هذا سكان للنتايج

http://img177.imageshack.us/img177/2596/scan0004dx3.jpg

طبعا السكان مايظهر لك الصوره بشكلها الحقيقي 100%
وبنفس الوقت النتائج ليست ممتازه بل جيده


مقاس الورق في كل الصور 15×10سم
ومقاس الصوره 3627×2418 بيكسل
والناتج = 614 ppi

دقة الطابعه 4800×1200 dpi
نوعها hp

,,,

نرجع لموضوعنا
.. وايضا الكونتراست والحده في الصيغة هذي للطباعة فيه فرق (خصوصا الكونتراست) .. طبعا العيب هو ان الحجم بيصير كبير .. بس حاليا مايعتبر عيب الفلاش ميموري واصل 30 قيقا هالأيام .


ابو خلود
طبعت بالـ JPG والـ TIF
ومالاحظت فرق
يمكن لأن طابعتي مو ذاك الزود وماتبين التفاصيل الدقيقه
او يمكن لأني طابع على ورق صغير


فرقها لو بترجعين تعدلين على الصوره ماتقل الجوده


انا احفظ بصيغة pdf اللي هي صيغة الفوتو اذا جيت بعدل بالصوره او شي
وش رايك وش الافضل
pdf ولا tif

[K H A L E D]

ابو خلود
طبعت بالـ JPG والـ TIF
ومالاحظت فرق
يمكن لأن طابعتي مو ذاك الزود وماتبين التفاصيل الدقيقه
او يمكن لأني طابع على ورق صغير

الطابعة مالها دخل في السالفه ذي ... مقاس الورق يفرق .. كل ماكبر المقاس طلع الفرق بين الصيغتين ... والفرق في الكونتراست العالي يبين معك كثير اذا الصوره فيها زوايا بارزه وحاده .. مثل المباني والجبال والصخور .


انا احفظ بصيغة pdf اللي هي صيغة الفوتو اذا جيت بعدل بالصوره او شي
وش رايك وش الافضل
pdf ولا tif

مافيه فرق .. وبالعكس pdf يمكن تعطيك خيارات اوسع ... طالما انك اهم شيء اذا جيت تطبع تغير الصيغة اكيد .
واذا بتودي اعمالك لمطبعة يفضل تكون tiff او jpg .

[VIP]

الله لايهينك pb189

[شط الكحل]

مرحبا ..
.. سويت فره بالنت وقريت عن الابسون 1410 .... طلع فيها مشكله ... وبالنسبه لي مشكله جباره
وهي انها تطبع ملون اوكي .... بس اسود وابيض .... مضروبه
ضاق صدري صراحه من هالشي .....

أي حلول بديله ؟

[شط الكحل]

مرحبا عدت اليكم من جديد
سويت لفه صغيره .... سالت عن طابعه ابسون 1410 .... والل قبل قلت لكم ان مشكلتها طباعة الابيض والاسود
لقيت في المحل حاطين صوره ابيض واسود على الطابعه ... على اساس انها طباعتها .... بصراحه طباعة الصوره بدائيه نوعا ما pb093
اللي في المحل رشح لي طابعتين غيرها وسويت مقارنه بينهم ....

اولا طابعتنا ابسون 1410

http://up.eqla3.com/up/get-1-2008-jrb2q6up.jpg (http://up.eqla3.com/up)

تطبع حتى مقاس A3
سرعة الطباعه : 15 mono – 12 color
الرزلوشن 5760 DPI:
ست عبوات حبر
منها حبر claria photographic ink
http://up.eqla3.com/up/get-1-2008-eqohwxq6.jpg (http://up.eqla3.com/up)

سعرها 1745

-------
طابعة ابسون R1800
http://up.eqla3.com/up/get-1-2008-9yyk9srm.jpg (http://up.eqla3.com/up)

تطبع حتى مقاس A3
سرعة الطباعه : 18 mono – mono -12 color
الرزلوشن : 5760 DPI
ثمان عبوات حبر
Perfect picture imaging system

http://up.eqla3.com/up/get-1-2008-yp2py0th.jpg (http://up.eqla3.com/up)


http://up.eqla3.com/up/get-1-2008-bi3ea7rj.jpg (http://up.eqla3.com/up)

سعرها 2830
والطابعتين حبرهم مو متوفر الا عند الوكيل فقط .... وهذا الشي جاب لي قشعريره :eek:
<<<<<<< كرهت طاري الوكيل :sm17:
وكل الطابعتين نفس الحجم والشكل تقريبا
------
نجي للطابعه الثالثه : بس هي كانون IX 4000

http://up.eqla3.com/up/get-1-2008-if5ecvkw.jpg (http://up.eqla3.com/up)

تطبع حتى مقاس A3
الرزلوشن : 4800 DPI
اربع عبوات حبر
سعرها 1200
حجمها اصغر من الابسون


رأيكم؟

[K H A L E D]

اهلين شط ..
طابعة ابسون R1800 ممتازة .. فيها عيب بسيط اللي هو اللون الأصفر فيها غريب ! يعني تشبع هاللون من نفس الطابعة مو مضبوط ... وله حل في الفوتوشوب طبعا بزيادة التشبع قبل الطباعه للون الأصفر << طبعا مو مره اللون باين لكن كونها طابعه احترافية المفروض الشيء ذا مايحصل
**
الأبيض والأسود في الطابعه مثل غيرها من الطابعات ... الألوان جميعها تخلط لتكون الـ b/w .. ومع زيادة 5% في اللون الأخضر وايضا 5% اللون الأصفر من الفوتوشوب للصوره يطلع معك تفاصيل مرضيه وجيده للـ b/w
**
من افضل الطابعات اللي شفت ريفيو لها هي طابعة HP Photosmart 7960 . سابقاَ ماكنت معترف بجوده hp كطابعات صور فوتغرافية احترافية .. لكن تبين اني غلطان ... الطابعة هذي خياليه .. خصوصا في الـ b/w نتائجها بالضبط مثل نتائج تحميض الـ b/w ولا فيه اي فرق بينهم ويعود السبب الى عبوه حبر اللون الرمادي الموجوده ضمن بقية الأحبار .
سعرها حلو نتائجها جباره .. لكن فيها عيب شرعي كبير :( ماتطبع A3 << مافيه شيء كامل .

برضو فيه طابعة EPSON R2400 ممتازه .. وشبيهه بالـ 1800 كشكل .. بس كجوده صور تعتبر في المرتبه الثانية بعد HP Photosmart 7960 .. بس سعرها غالي pb093

عموما المعلومات هذي كانت من زيارة موقع واحد جلست فيه حدود الساعتين وانا اقرا ... موقع جدا رائع والمصور صاحب الموقع له خبره 30 في التصوير و 11 عام في طباعة الديجتال ..انصح بزيارته , خصوصا الريفيوز للطابعات .
(http://www.photo-i.co.uk/Reviews/printers_page.htm)http://www.photo-i.co.uk/Reviews/printers_page.htm (http://www.photo-i.co.uk/Reviews/printers_page.htm)

هذي جولة نتيه .. باقي جوله ميدانية للطابعات ونشوف وش يطلع معنا .

ملاحظه: الموضوع هذا بحاول اهتم فيه قد ما اقدر لأن فيه ان شاء الله فكره اقامه معرض خاص للإقلاع بمدينة الرياض قريبا جدا ... وبنعطيكم خبر ان شاء الله رسمي قريب .. وراح يكون فيه وقت كبير كافي للتجهيز ان شاء الله .

[شط الكحل]

مرحبا
اجل يا بو سعد اقول الله يبارك في ذا الموضوع عشان ندري ان فيه معرض في الرياض
<<<<<< تراها ما تدق ابد pb095
والله يا خالد اكتئبت من جولتي للطابعات .... طابعتي الحاليه HP 5850 قد طبعت بها صور مقاس A5
وطلعت مو بطاله بتعديل شوي في الالوان بالفوتو شوب لكن اذا طبعت بها A4 تبدع ... انواع الخرابيط
وتلاقي لون طاغي على بقية الالوان .... وطبعا مافيها A3 pb093
قد قريت كتاب عن الابيض والاسود و تكلم عن طابعة ابسون 2100 وهي طابعه تطبع الابيض والاسود فقط .. ومن نوع انك فلو Ink flow .. وتختلف عن سميتها ابسون 2100 بس هذيك Ink jet
هذي صورتها

http://up.eqla3.com/up/get-1-2008-yhywiwx0.jpg (http://up.eqla3.com/up)

بس على كذا .... طابعه ملون وطابعه ابيض واسود ... احد الحلول .... اللي استبعدها حاليا وبقوه :sm17:
لان طابعة الـ 2100 بحدود 3500 لوحدها واحبارها اعتقد بحدود 240 ريال :sm12: وماادري اذا هي متوفره في المملكه هي واحبارها والا لا
يبي لي اكلم الوكيل استفسر عن هالشي ....

من جد دوامه مدري وشلون بننتهي منها هالطابعات
اقول ورا ما نرجع للفلمي ... نحمض ونطبع صورنا بنفسنا ولا طابعات ولا شي
<<<< يدها تحكها على الفلمي pb189

ومازال مسلسل البحث عن طابعه مستمر :sm1:

[ضـــحكه]

:
:


خالد تكلمت عن الابسون ان الاصفر فيها غريب
طيب طابعتي اللحين طبعت فيها وطلع عليها مسحة خضار !!

يعني الصوره مخضرة بعكس عندي بالجهاز
كيف اتفادى هالشئ .. هل من اللفلز انقص الاخضر
او كيف


اللي عنده الاجابه ياليت يرد لي ..

[ضـــحكه]

:
:

من الكولور بلانس سويت للقرين 20%-
وظبط اللون

لكن لاتزال فيه مشكله ثانيه
تطلع بالصور زي النويز (نقط صغيره خضراء)
مع اني رفعت الرزلوشن لـ200 وحجم الطباعه A4


وهالشئ مايطلع لي لمى اطبع 4×6

[شط الكحل]

مرحبا
بما اننا لسه في معمعة الطابعات .... لقيت من كم يوم بروشور مرفق في علبة الفايف دي ( توني اعطيه بال ) pb093
يقولون كانون انهم يرشحون هذي الطابعتين مع الكاميرا كانون برو 9000 وكانون برو 9500 .... لانهم سيشكلون ثنائي رائع ....:)
عاد سويت بحث عن الطابعتين ...ولقيت في مجله pop photo buyers guide
مسوين ريفيو عن الطابعتين مقارنة بطابعة ابسون 1400
ومن ابرز العيوب في الطابعات الثلاث هي :
اولا كانون 9000 اللون الاحمر .... يطلع افتح وكانها برتقالي غامق مايل للاحمر ....
هذي الطابعه بطيئه في طباعة الاسود والابيض ..... ( مع ان هالشي ما يهمني ... لان لو ابي صور طباعتها رائعه ماعندي مانع لو كانت ابطء شي .... بس المشكله .... ان كل ما كانت الطباعه بطيئه ... كان استهلاك الحبر اكثر )
والشي الثاني انها ما تعطي افضل نتائجها مع فوتوشوب CS3
-----
اما ابسون 1400 فمشاكلها تكمن في : احبارها سعرهما غالي ... ومي متوفره على الدوام ( حسب الوكيل اذا وفرها او لا )
تشبع تون اللون الذهبي و الازرق الفاتح والبنفسجي ليس بذاك الجوده ....
-----
اما الكانون 9500 فهي شبيهه با ختها 9000 لكنها اسرع في طباعة الصور الملون ( ماعدا حجم الـ A3 )
وبرضه عندها مشكله مع فوتوشوب Cs3
والالوان ممكن يقل تشبعها في بعض التون

وارفق لكم صفحات المجله ... عشان تاخذون فكره اكبر

http://up.eqla3.com/up/get-1-2008-ztkxap4x.jpg
http://up.eqla3.com/up/get-1-2008-l7lrfucv.jpg
http://up.eqla3.com/up/get-1-2008-9l58gnjz.jpg


بعد الاخذ بكل هذي الاعتبارات .... وش رايكم ؟ وايش تفضلون من هالثلاث ؟

[unreal.]

طيب انا مصوره .. ومحتاجه طابعه تماااااام ومايهمني السعر
لاني باليوم ممكن اطبع 40 صوره
مليت طباعه المشاغل ومشاوير وكل صوره بـ 20

اذا عندكم فكره ياليت تفيدوني


ودمتم
.
.

[شط الكحل]

يبدو ان هالموضوع انهجر pb036

[K H A L E D]

8
8
جبنا مطوع يقرا عليه البارح

اما الطابعه فأفضل ابسون 1400 من بين اللي ذكرتي .. واللي اعرف بس اللون الأصفر فيه مشاكل بالطباعه وبالإمكان الوصول الى نتائج جيده بالفوتوشوب
**

طيب انا مصوره .. ومحتاجه طابعه تماااااام ومايهمني السعر
لاني باليوم ممكن اطبع 40 صوره
مليت طباعه المشاغل ومشاوير وكل صوره بـ 20

اذا عندكم فكره ياليت تفيدوني

كم حدودك يعني اقصى شيء.. والحجم اللي تشتغلين عليه هل هو A3 ,a2 , ام اكبر من كذا ؟
لأن فيه طابعات الرول الكبيره اذا تحتاجين A2 واكبر .. ومايحتاج فيه نوعيات ممتازة بس اكيد غاليه من 10000 وفوق
وفيه طابعه Hp متوفره بالسعوديه تطبع A2 سعرها حوالي 5000 ريال او اقل شوي .
وفيه طابعات الـ A3 مثل الأبسون 1400 تعتبر جيده

[unreal.]

اغلب الصور اللي اطبعها ِa4 واحيانا اطبع A3

الميزانيه مفتوحه .. ماعندي مشكله بالفلوس بس المهم شئ يستاهل ..




.
.

[شط الكحل]

شوركم وهداية الله

[K H A L E D]

unreal.

اذا ماتحتاجين تطبعين بحجم A2 فطابعه ابسون 1400 تعتبر خيار جيد

[مثلي .. لم ترى]

الله يسعدك ياخالد

والله اني كنت انتظر زبدة الموضوع من زمان :D

نتكل على الله طابعةابسون 1400 والله يعين ..

ماانحرم منكم جميعا bp039

[شط الكحل]

هام وعاجل

رجعنا للحوسه من جديد .... بتجيني جلطه من هالطابعات ( بسم الله علي ):sm1:
للاسف الاسيف المؤسف .... ان طابعة ابسون 1400 غير متوفره في السوق السعودي ولا في الشرق الاوسط حسب كلام الوكاله pb093 يمديكم على الحظ؟pb093

لاتقولون اطلبيها من النت ... هي مهيب عدسه والا فلتر ..... هذي طابعه ...واذا مو في خط الاستهلاك في الشرق الاوسط يعني مالها صيانه ولا ضمان ( يعني نظام اقعد بها ) :(
والبديل الاقرب لها المتوفر هو 2400 والفارق في السعر بالاحبار كبير :sm17:
لان الاحبار لحالها حول 400 ريال

.....
ولو همشنا الـ 1400 و الـ 2400 ورحنا للي بعدها في الجوده هي 1410 و 1800
طبعا 1800 افضل من 1410 بكثير ... في حالة الاسود والابيض ... لان على كلام البائع فان الـ 1800 فيها 3 احبار او اربع بس للاسود والابيض والباقي ملون
والـ 1410 ( ومجموع احبارها 4 فقط ) فانها تستخدم الاحبار الملونه عشان تنتج الابيض والاسود يعني بالعربي مضروبه طباعتها للابيض والاسود .:mad:
وانا زي ما تعرفون يهمني موضوع الابيض والاسود كثير
لذلك استبعدت 1410 وغصبن عن خشمي باستبعد 1400 :sm12:
مالي الا الخيارين اللي هم 1800 و 2400 علما بان فارق السعر بينهم تقريبا 2000 ريال ....
وطبعا رفضوا رفضا باتا اني اجرب الطباعه بالـ2400 بحجة ان مافي عندهم طابعه للعرض ( بغيت اسطرهم )
وش اسوي ؟ يا قلة الحيله :sm1::sm1::sm1::sm1:
( وجه وحده تصيح بقوه ) :sm1::sm1:

[>صاحبة السمو<]

مرحبا



قاعدة اقرا الموضوع وانا :eek:


ما ادري وش السالفة ما فيه خبرة بالطباعة


انا ابغى اشتري طابعة من كانون اذا فيه احد مجرب شي عندهم يقول لي

واذا احد يعرف اي شي وممكن يفيدني

تكفون .... ابغى طابعة للصور مو صور كبيرة يعني تقريبا صفحة او نص صفحة <<<<< ما تعرف المقاسات pb027


اهم شي تكون واضحة :)


وش تنصحوني فيه

[ABDUL-AZIZ]

صاحبة السمو
ليش مركزة على الكانون ؟

فيه طابعة ذكرها خالد الي هي HP Photosmart 7960

عيبها الوحيد ما تطبع اكبر من A4 .. والي فهمته من كلامتس انتس ما تبين تطبعين اكبر من صفحة.

اعتقد انها خيار جدا ممتاز

[>صاحبة السمو<]

عبدالعزيز

والله مدري وش بلاي معلقة على الكانون


:)


طيب هذي كم سعرها ؟

وكيف الالوان تتطلع تمام؟؟



انتظر ردك باقرب وقت

[ABDUL-AZIZ]

الطابعة ممتازة من خلال الي قريته في الريفيو حقها

لكنها غالية شوي ... سعرها تقريبا 245 دولار الى 300 دولار

[Tasty Giirl]

.


أنا حزينـه :( :sm1: ..

عندي طابعه كانون .. ip2000
والكاميرا حقتي سوني :mad: ..
كانت تطبع أوكي ..
بس الحين لآ :sm1:

ممكن تقولون لي ليش ؟
ايش ممكن الأخطآء اللي سويته :eek:


ايش الحل ؟ أكسر الطابعه مثلا :mad: pb093pb094

[دايمونـد]

مرحبـــــا ][ bp039 ][

عندي سؤال بس احس سؤال غبي :(pb094
المهم تحملوني ..

الحين اذا بسوي تعديلات عالصوره بالفوتوشوب
يعني انقل الصوره من الكميرا الى الاب توب واعدل عليها
طيب شلون انقل الصوره بعد التعديل للكميرا حتى اطبعها pb036
طبعا الطابعه تابعه للكميرا

ان شاء الله فهمتوني pb058:(

[ABDUL-AZIZ]

دايموند

الطابعة نفسها ما تقدرين تشبكينها على الجهاز؟

[soft-rock]

ياعمـــــــري ياشط الكحل حاسة فيك وفحوستك ..

اذا شريتي طابعة تكـــفين علميني باشتري زيها<==سرقة جهود!!

شوفي طيب عندي اقتراح ..روحي لاستديو حلوة ومعروف زي أضواء وسامه ..والخ ..

وشوفي وش طابعتهم واسالي عنها<==هاه كيف الاقتراح ؟

انا الصراحة ودي اسويها من زمان ..وترا الفلبينيات يعطون وجه والله قد جربت رحت و طليت فشركات السوفت بوكس اللي يستخدمونها هعهع..

الله يوفقك ويسهلك يـــارب..

[SNICKERS]

انا عندي طابعه Hp Phptosmart D7163
لها تقريبا سنه مرره حلوه والالوان واضحه زي شاشة الاب توب وما فيها الوان تقلب
حلوه للملون والابيض والاسود
وتقدرين تقصين من الصور ع شاشة الطابعه
تطبع A4 وفيه درج للصور الصغيره
وتطبعين فيها بعد لل Cd ملصق
يعني مرره حلوه
وانصح فيها كل من شاف صوري سأل عنها ومتوفره بكل مكان

[مَلامِحْ مُصوِّر]

في محلات سمير فوتو بجدة ,
جربت أطبع بمقاس 30×40 سم
طبعاً بحدود 30 ريال ,
طباعتهم ممتازة جداً ,
لكن يلزم إرفاق الصور لهم بمقاساتها الأصلية
مثلاً 2816 × 1880 بيكسل سواء طُول أو عرض !


طبعاً لكثرة محلات الطباعة في الوقت الحالي
الأسعار رخصت أكثر من قبل pb189 ,

بالنسبة للي يبي يطبع للذكرى ع قولتهم بمقاس A4
أنصحه بطابعة hp 1215 جيّدة نوعا ما لطباعة الصورة ,


بالتوفيق للجميع bp039

[دايمونـد]

دايموند

الطابعة نفسها ما تقدرين تشبكينها على الجهاز؟

:(

الا اقدر بس التعريف حق الطابعه ضايع :sm1::D:(

[ضـــحكه]

:
:

دايموند دخلي ذاكرة الكاميرا بالابتوب
وعدلي .. ورجعيها واطبعي

ان شاءالله ذاكرتك تناسب ..

[ABDUL-AZIZ]

الا اقدر بس التعريف حق الطابعه ضايع


ادخلي على موقع الشركة المصنعة للطابعة وحملي التعريف منه

[شط الكحل]

مر حبا سوفت روك
لا ... الكلام هذا صار له زمان
توكلت على الله وشريت 1800
اوكي ما عليها بس كل ما كبر حجم الطباعه لا زم تعدلين الالوان
وبرضه لا زم تنتبهين لنوعية الورق
لاني لاحظت انها تعطي افضل تائجها بالورق الحريري
silk photo paper وهذا محلات معينه يبيعونه واحيانا تخلص واقعد انتظر لين يجي
بس هي ما عليها " تمشي الحال "
....
بالنسبه لاقتراحك ... جربته بس عند العبدالواحد
بس وش كانت طابعتهم ... ماشاء الله الله اكبر
تسلمين وان شاء الله تلقين اللي تبين:)

[دايمونـد]

ضحكه bp039bp039

عبد العزيز bp039bp039

مشكورين ربي يوفقكم bp039

بجرررب كلامكم واذا واجهتني مشكله بجي هنا pb094:D:(

[nono-o]

مر حبا سوفت روك
لا ... الكلام هذا صار له زمان
توكلت على الله وشريت 1800
اوكي ما عليها بس كل ما كبر حجم الطباعه لا زم تعدلين الالوان
وبرضه لا زم تنتبهين لنوعية الورق
لاني لاحظت انها تعطي افضل تائجها بالورق الحريري
silk photo paper وهذا محلات معينه يبيعونه واحيانا تخلص واقعد انتظر لين يجي
بس هي ما عليها " تمشي الحال "
....
بالنسبه لاقتراحك ... جربته بس عند العبدالواحد
بس وش كانت طابعتهم ... ماشاء الله الله اكبر
تسلمين وان شاء الله تلقين اللي تبين:)

مبروك عليكي الطابعه ياشط ... بس مكن تقوليلي قدايش سعرها ؟؟
زمن وين الاقي الورق الحريري silk photo paper ؟؟

[|.MooDy GirL.|]

.
مرحبآ bp039

انا عندي كاميرتين ديجتال من سوني
وكاميرا كانون 450d

ايش افضل طابعه لهم تنصحوني فيها ..؟
وانا اغلب الوقت اطبع باحجام اصغر من A4

ياليت تذكرون لي طابعه حلوه .؟ وكم سعرها .؟

يعطيكم العافيه ..

[حتى أجدك ,]

مرحبا جميعا

عندي طابعة EPSON R300

http://www.epson.com/cmc_upload/0/000/026/863/R300_216x144.jpg

طباعتها جدا ممتازة وأقصى حد لها A4 ، بس مشكلتها احبارها غير متوفره

الحين لي اسبوع ادور عن الحبر مالقيت الا لونين باكسترا

والي يقهر يفضى واحد وخمسه مليانين واذا خلص حبر واحد نوو وي تطبع لازم أبدله

وهاتك ياخساير pb131

الوكيل جدا تعبان مايوفر حبر والورق بس نوعين وحجمين ثابتين من عرفة الطابعه مافيه ورق

ونوعيات جديده صرت أظطر اشتري اوراق غير معروفه عشان تفك أزمه :sm1:

كاميرتي كانون ، وأبي تشورون علي بطابعه كويسه ماتبعد عن HP + CANON

وأفضل الـ HP كون أوراقها وأحبارها متوفرة وأرخص ثمنا pb189

مواصفاتها طباعتها احترافية بمعنى الدقة والألوان تكون OK

A4 لإني ماأطبع أكبر من كذا

أحبارها وأهم شي تكون متوفرة وتكون طباعتها حلوة بالأبيض والأسود

أنتظر ارائكم وشكرا مقدما bp039