دورات التصوير [الارشيف] - منتديات شبكة الاقلاع ®

كارميل ماكياتو

30-12-2007, 02:38

السلام عليكم :)

حبيت استفسر عن دورات التصوير للبنات في مدينة الرياض

في معهد شيفلدأوالمناهل,,

هل تنصحوني فيها او لا؟:rolleyes:

بالنسبه للي جربها هل استفاد وطلع منها بنتيجه؟ وخصوصا المبتدئين :rolleyes:

وشكرا
pb189

ضـــحكه

30-12-2007, 05:34

:
:
مادامك أضفتي الموضوع كارميل بزيد استفسار بعد اذنك

عن افضل معاهد التصوير بالدول العربيه ..
وبالعالم بشكل عام

من مجرب او شخص عنده خبره

مقتنعه بأن التصوير ممارسه وتعليم ذاتي
لكن ابي شهاده ..

Guylian~

30-12-2007, 20:01

ياليت تفيدوني !! برضو أسئل عن دورات تصوير

كارميل ماكياتو

31-12-2007, 05:21

88
مدري وراهم ماردوا للحين :(

>>مافيها صبر ابد :d

Zeid.A

31-12-2007, 05:29

بالنسبة للرياض ،
ما عندي فكرة ،

بالنسبة للمنطقة الشرقية ، يوجد عدد من الدورات و يوجد لجنة خاصة تحت مسمى نساء فوتو ، تقوم ببعض النشاطات وو الورش ، من معارض و دورات و غيرها ،
في انحاء العالم،

في كندا ،

يوجد Henrys.com
و ايضا كورسات على المدى الطويل لدى جامعة داوسون في مونتريال :)

و بالتوفيق

31-12-2007, 05:57

شوفي انا وحده اعرفها اخذت دوره بــ شيفيلد
كانت مدتها شهر ومره تقول استدفادت منها ,,

:) bp039

كارميل ماكياتو

31-12-2007, 06:20

88
الله يعطيكم العافيه ,,
ماقصرتوا :)

A M A L

31-12-2007, 13:48

هلا كراميل

انا انصحك تاخذين الدورة عند عدنان شبر بالمنطقه الشرقية دوراته افضل بكثير من الدورات التي تقدم في المناهل وشيفلد

يعطيك مقدمه عن التصوير ( ديجتل)
+ تصوير السوائل
+ تصوير السموك
+ تصوير البروتريه
التصوير بالومضات
عنده استديو خاص بالاستيل لايف وستديو خاص بالبروتريه وما يعطيك الشهاده الا اذا نجحتي
مدة الدورة شهر واحد 30 ساعة
الدورة معتمدة من المانيا

في شيفلد
1- مقدمه عن التصوير
2- تركيزهم على الكاميرا الفلميه ( فتحة عدسة وسرعة غالق
3- قواعد التشكيل الفوتوغرافي
4- رحله للتصوير

المناهل
1- فتحة العدسة وسرعه الغالق
2- قواعد التشكيل الفوتوغرافي
2- رحلتين

وشيفلد والمناهل مشهورين في الرياض لانهم هم الوحيدين ( حصريا) اللي يعطون دروات تصوير

انا اقول وفري فلوسك و تابعي معنا في المنتديات افضل ترى الدعوه كلها فتحة عدسة وسرعة غالق وكم شغله واي سؤال انا حاضرهbp039bp039
موفقه عزيزتيbp039

شط الكحل

31-12-2007, 23:10

مرحبا
هو بمشاهده النتائج في المنتديات العربيه ,,,,, اكيد بنقول تابعي المنتديات وبتستفيدين ، لكن
المشكله لين لقيتي نفسك وسط الزوبعه ...بتحسين انك لابد لك من الدراسه
شوفي قبل فتره وانا اقرا مجله للتصوير قريت عن معهد نيويورك اللتصوير الفوتغرافي وعندهم دروس اون لاين ... بس المشكله في التطبيق .... خصوصا لا صار فيه تحميض وتظهير
وفيه بعد هذا الموقع :

http://www.webphotoschool.com/
لكن .... المشكله في النت .... صايره الدعوه ..... اسرار مهنه ... ومدري ايش

لكن اذا لقيتي لك مصور يوافق يعطيك دروس ... فاعتقد هذا افضل شي بصراحه
لانك بتطبقين اول باول

والله يوفقك

كارميل ماكياتو

31-12-2007, 23:54

امل ,,

مرره شكرا على هالمعلومات ,,

ريحتيني

من زمان وانا اسأل :d

الله يجزاك خير (قلب)

شط الكحل ,,

هذا الجل افضل بكثيير بس النت عندنا زفت :|d

مشكوره يابعدي (قلب)

راعية السيكل

01-01-2008, 05:44

الدورات اللي بالشرقيه وينها فيه ؟؟

A M A L

01-01-2008, 23:15

8
8
الظاهر في القطيف

هذا موقعه
http://www.shubbar-photo.com

هذه نتائج تصوير اخر دفعهم دربهم
تخيلي بينهم بنات مبتدئات . ميح في التصوير
(http://www.shubbar-photo.com/vb/showthread.php?t=101)http://www.shubbar-photo.com/vb/showthread.php?t=101 (http://www.shubbar-photo.com/vb/showthread.php?t=101)

بس اهم شي يكون عندك حمااااس كبير والا ترى ما يدخلك الدورة

موفقهbp039

قحشة حلاو

05-01-2008, 18:43

انا اقول وفري فلوسك و تابعي معنا في المنتديات افضل ترى الدعوه كلها فتحة عدسة وسرعة غالق وكم شغله واي سؤال انا حاضره
موفقه عزيزتي
تيب انا ابي احد يعلمني بالظبط وشلون استخدم كمرتي يعني كل زر فيها لايش وكيف اظبط فتحة العدسه وسرعة الغالق وهذاك الشي الارقام الي جمب زرالتشك:D الي اذا طليتي من فتحة شفتي ارقام ليه اغيرها وايش الارقام المناسبه لوضع معين ووش تدل عليه يعني احس يبيلي احد يمسك كمرتي ويمسكني ودرس وحده وحده فهل هالدوراات تفيد بهالشي ولا هل الاستاذه امل مستعده :D
وبالنسبه للدورات مافي غير المناهل وشيفلد<<الاخير هذا وينه فيه

لكن اذا لقيتي لك مصور يوافق يعطيك دروس ... فاعتقد هذا افضل شي بصراحه
لانك بتطبقين اول باول
تيب هل فيه مصورات تعرفين مجتمعنا والله ان يغولوني لو اخلي مصور يدرسني :D وغير كذا احس اني انا بستحي ومراح اخذ راحتي بالاساله فهل فيه مصورات ممكن يعطون دروس

وشكرا

ABDUL-AZIZ

05-01-2008, 19:02

قحشة
خصائص الكاميرا والازرار والقوائم الي في الكاميرا كلها تلقينها مفصلة في الكتيب الي يجي مع الكاميرا.

ما تحتاجين تدخلين دورة تصوير عشان تعرفينها

mohammad.t

05-01-2008, 19:42

لكن ابي شهاده ..
عدنان شبر يمنح شهادة دبلوم في التصوير
سعر الدوره 4999ريال
على حسب علمي
ولدعمي اخذها عنده وعطوه شهادة دبلوم
لكن اخذها بسعر اقل

A M A L

05-01-2008, 20:33

قحشة
تيب انا ابي احد يعلمني بالظبط وشلون استخدم كمرتي يعني كل زر فيها لايش وكيف اظبط فتحة العدسه وسرعة الغالق وهذاك الشي الارقام الي جمب زرالتشك:D الي اذا طليتي من فتحة شفتي ارقام ليه اغيرها وايش الارقام المناسبه لوضع معين ووش تدل عليه يعني احس يبيلي احد يمسك كمرتي ويمسكني ودرس وحده وحده فهل هالدوراات تفيد بهالشي
هلا قحشة . والله ما اعتقد كل المدربات يشرحون لك هالتفاصيل
هذه التفاصيل تلقينها في الكتيب مثل ما قال عبدالعزيز واذا يصعب عليك اللغة الانجليزيه
تلقينها في كتب المؤسسة العامة للتعليم الفني و التدريب المهني شارحين بشكل مبسط وظيفه زر زر وبالعربي

الاستاذه امل مستعده
والله انا لا زلت طالبة وما احس اني وصلت المرحلة اللي اعطي فيها دروس بس ان شاء الله اساعدك باللي اقدر عليه bp039

شيفلد
مكانهم في المحمدية عند تقاطع الملك عبدالله مع التخصصي خلف كودو .....
هو عباره عن بيت مستاجر . الظاهر الدورة عندهم بالفين

في دورة من شوي قريت عنها في احد المنتديات

للجادات في إحتراف فن التصوير الفوتوغرافي

يسر مركز دنيا المرأة النسائي بالخبر
الإعلان عن بدأ التسجيل لدورة في فن التصوير
بالتعاون مع استديو فوتو واستديو قمرين على يد خبيرة التصوير (مشاعل
علما بأن الدورة ستبدأ من تاريخ 28 ذوالحجة 1428هـ إلى 28 محرم1428هـ
الموافق 7 يناير 2008م إلى 7 فبراير 2008م
مدة الدورة : شهر كامل ( سبت - أحد - إثنين - ثلاثاء )

وقتها : من 7 إلى 8 مساءاً ..

رسومها : 4 آلاف ريالpb036

المدربة شهادتها من
ايطاليا و بيروت .. ومصوره محترفه في استديو قمرين " من أكبر استديوهات الخبر "

رح تعطي درووس فيه
أساسيات التصوير .. و التدريب على أنواع التصوير
من كيفيه التحكم بالاضاءه - الظل - تصوير الاشخاص
- التحكم في خصائص الكاميرا بشكل صحيح ..
وبالنسبة للشهاده .. بتكون شهاده من المركز نفسه باجتياز الدوره ..

بالتوفيقbp039

قحشة حلاو

08-01-2008, 11:30

خصائص الكاميرا والازرار والقوائم الي في الكاميرا كلها تلقينها مفصلة في الكتيب الي يجي مع الكاميرا.
اي انا تصفحته اول ماشريت الكميرا حسيته يشرح لناس فاهمه وقتها كنت مدري وش الايزو ووالفايده من فتحتة العدسه والتعريض وسرعة الشيتر وهالاشياء لكن الحين مع متابعتي لكم الله يخليكم فهمت هالاشياء فانشاء الله اول ما اخلص اختبارات برجع للكتاب مره ثانيه

هلا قحشة . والله ما اعتقد كل المدربات يشرحون لك هالتفاصيل هذه التفاصيل تلقينها في الكتيب مثل ما قال عبدالعزيز واذا يصعب عليك اللغة الانجليزيه
تلقينها في كتب المؤسسة العامة للتعليم الفني و التدريب المهني شارحين بشكل مبسط وظيفه زر زر وبالعربي
لا خلاص دلبو بقرا الكتيب زي ماقلتو والحمد الله الانجلش مو مشكله عندي انا زي ماقلت كانت مشكلتي مصطلاحات التصوير لكن الحين ان شاء الله ماعاد فيه مشاكل
رسومها : 4 آلاف ريال
ساعه وحده في 4 ايام في الاسبوع وب 4000
لا خلاص بلا دورات بلا هم انا قررت اقرا الكتيب مع الموقع الي حطته شط شكله حلو وبرضو مع دروس الاعضاء هنا واعتقد هالشي يكفي

وشكرا لكم جميعا