مايؤرقنا // ورقة أخرى من المؤرقين ( البعثة أم الوظيفة ) ؟! [الارشيف]

عرض كامل الموضوع : مايؤرقنا // ورقة أخرى من المؤرقين ( البعثة أم الوظيفة ) ؟!

مايؤرقنا

11-01-2008, 19:26

http://up.eqla3.com/up/get-11-2007-e7ehg609.gif

مساكم ~ صباحكم " خيــر " bp039

\

أعــزائي أعضاء وعضــوات أســرتنا ,

( مــايؤرقــنا )

تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,

mayoaregona@hotmail.com

..

. . ( المشكلــة ) . .

البعثه أم الوظيفه؟

السلام عليكم
مشكلتي

من العنوان , ايش اختار وظيفتي أم البعثه؟
انا مدرسه رسميه عندي رغبه أن أكمل دراستي و أبتعث
لكن من شروط التقديم على البعثه.( الاستقاله )

هناك خيار (لا أريده ) , وهو الحصول على الماستر من الداخل , وميزته الوحيده اني استطيع ان احصل على اجازه من التدريس

فبماذا تنصحوني؟
أغامر أم ماذا؟

الاسبوع هذا لازم أقرر !!

( F )

أتعبني غروري

11-01-2008, 19:31

مساء النور ,

من رأيي تستخيرين أولا ً
لان القرار مصيري لك !

وثانياً : تحددين مميزات وعيوب كل اختيار
وتتـم المفاضله بينهم بخصوص هالشئ ..

ياليتك ذكرتي تفاصيل اكثر عشان نقدر نساعدك
مثلا راتبك مؤهلاتك .. بلا بلا !

الله يوفقك لكل خير ,
bp039

cenuor

11-01-2008, 19:45

فيه اجازه يعني الوظيفه ما تطير شي حلو ترا

واستخيري بعد احسن

. rOro .

11-01-2008, 19:51

استخيري أولا..

الحاله الاجتماعية والمادية عامل كبير في المفاضله بين الأمرين .. ماذكرتي عنهم شي

يمكن الوظيفه ان شاالله بدالها وظيفه خصوصا وان مؤهلك بيكون أفضل ..!! ماادري

عموما ارضاء الطموح شي جميل جدا pb189

بالتوفيق يارب

=فاهم غلط =

11-01-2008, 20:04

السلام عليكم

أختي زميلة المهنة بحكم اني مدرس مثلي مثلك عند وزارة التعقيد وتحطيم الطموح

ماذا تترجين من وزير عندما سألناه لماذا لا تتيحون لنا الأبتعاث دون الأستقالة

ايش قال التعليم لا يحتاج سوى بكالوريوس!!!!!

أذا كيف نطور انفسنا؟؟؟؟

وزارتك ذي تهدف إلى تطفيش المعلمين والمعلمات

بهذا الشرط وتتمنى انك تتهوري وتفصلي

وتجيب وحدة بأقل منك راتب

نصيحتي بحكم ظروف واقعنا الصعب

أنك تمسكين بوظيفتك بقوة

وانسي فكرة الابتعاث

خصوصاً انه مافي ضمانات أنك تستفيدين من الدكتوراة ببلدنا

خصوصاً بوضع البنات هنا للأسف

خذيها مني خليك على الوظيفة أفضل

خصوصاً أن الوظائف صعبة جداً الحصول عليها

أو عندي لك حل أخر

بس مدري يوافقون عليه ولا لا

قدمي أجازة بدون راتب سنتين

وسمعت انها توصل 4سنوات

بس مو أي وحدة تقدر تاخذها
لأن لازم يعرفون غرضك منها

بعدين لو فرضنا

أنك قدرتي تاخذين الأجازة

ودرستي الدكتوراه

تدرين أنها بكل بساطة تكون غير معترف بها من الوزارة

خصوصاً أنه فيه شرط للأبتعاث وهو أولاً أبلاغ وزارة التعليم العالي برغبتك بالأبتعاث سواء على حسابك

ولا حسابهم <<<<بعيد عليك

وثانياً وزارة التربية شارطة الأستقالة أذاً شهادك مرفوضة أساساً لأنهم سلفاً مو موافقين

لأن الأعتراف بشهادتك مربوط موافقتهم المسبقة!!!

خذيها مني من أولها

ألغي الفكرة أذا أنتي محتاجة الوظيفة

والسلام خير ختام

ريــ الرياض ـوف

11-01-2008, 20:11

قعرانة فالتحلية

11-01-2008, 21:02

زي ماقالوا الاخوان قبلي الاستخارة اهم شي في اي موضوع وبصراحة لو انا مكانك

بسافر واخذ بعثة لاني اكره التدريس pb192 بس يمكن انت تفكيرك غير :D بس ياشيخة

سافري وانبسطي بلا تدريس بلا هم :mad:

نوف

وحطي ببالك انك اذا رجعتي بتكون شهادتك اقوى وبالتالي بتقدرين تلقين مو وظيفه وحده الا الف وظيفه .. وبمراكز ورواتب افضل من وظيفتك الحاليه
خصوصا ان معاك ماستر ومن برا يعني شهاده معتمده وحلوه

صدقيني ماعاد ينفع الحين حتى لو معك ماستر من المريخ ماعاد ينفع الا واو من هنا تمشي امورك زي الهوا وغيرها بالمشمش pb131

المايستـرو

11-01-2008, 22:27

::
::
::

مساء الخير للجميع ...

كان لي كلمات سابقة في هالموضوع خاصه ...

انصح أي واحد في مثل هالظرف ... وفي مثل هالموقف ... انه يجيب ورقه وقلم ... ويكتب النقاط التاليه .. او بعضها ... ( لأن مجرد أنك ما تفكر في اشياء ونقاط . مجرد تفكير في مخك من دون كتابه ... التفكير هذا يحرمك من ايجاد الحلول ... لكن لو كتبت الافكار والمعوقات ... ترجع لمخك يبدا يدور الحلول ...)

بذكر بعض النقاط .. وانت احسبها على نفسك ... وشوف هل هي سلبيه او ايجابيه لك ...

/
\
/
\

- الوضع العائلي -

-- متزوج --

هل راح آخذ عيالي وزوجتي .؟! ... ام أن لهم ظروف ما يقدرون يسافرون ... مثل ان الزوجه موظفه .. أو لها ظروف ما تقدر تسافر أو أو أو .... هذه اذا كانت موجوده تحسب كسلبيه ... اذا والله لا عادي زوجتي ممكن تروح معاي وماعندها أي مانع وعيالي ايضا ممكن اخذهم ... هذه تحسب لك ايجابيه

--- العزوبي ---

هذا ممكن أخف اموره شوي من المتزوج ... ولكن برضو عنده امور أخرى ... مثلا يقول متى راح اتزوج ؟ هل اذا خلصت الدراسه ... يعني بعد 3 سنوات تقريبا ... او ممكن بعد اول سنه اجي هنا واتزوج واخذها معي ؟ ... طيب هنا يحكم هل اللي تبي تتزوجها راح تروح معاك ... هل ماعندها التزامات .. وكذا تدخل في قسم المتزوجين وهنا انت تحدد السلبيه والايجابيه ... والبعض يقول لا والله انا الحين عمري 27 ... بسافر اخذ الماجستير وارجع بيكون عمري تقريبا 30 سنه ... طيب متى اكون نفسي عشان اتزوج .. كم يبي لي تقريبا سنتين .. يعني بتزوج وانا عمري 32 ؟؟!! .. هذه برضو فكر فيها ... وابرضو احسبها ايجابيه او سلبيه لك وحسب وضعك وتفكيرك انت ...

/
\
/
\

- الوضع الأسري -

وأقصد فيه ... أن فيه عوائل .. ما يقدرون يستغنون عن أولادهم مهما كان ... يعني تلاقي الولد له مكانته في البيت .. شايل البيت على راسه ... او انه لا قدر الله الأب متوفي .. او غير موجود في العائله .. فيكون الولد هو راعي البيت .. ومعتمدين عليه كثير ... فسفره كم سنه راح يخلق فراغ كبير .. وممكن يخلق مشاكل ... فالشخص برضو ما يفكر في نفسه بس .. وانه راح يدرس ويجيب شهاده .. لازم يفكر في أهله وعائلته اللي حوله .. وهل ممكن يستغنون عن خدماته في الفتره هذه .. او لا والله مستحيل يبعد عنهم الفتره هذه ... هنا تحسب ايجابيه لك اذا ممكن .... وتحسب سلبيه اذا مو ممكن ...

- الارتباطات الماليه -

واقصد فيها .. ان البعض مثلا ماخذ قرض من بنك .. او من شخص ... او عنده ديون ...او عنده اقساط ... او نقدر نقول عنده محلات .. وبزنس .. وهو اللي يديرها .... او ممكن نقول توه مستاجر بيت ... ومصلحه ومزينه وووووو .. وكيف بيجي وضعه لو ترك هالبيت بعد هالتعب ...
هنا ممكن ترجع لك ... هل ما عندك هل الامور .. او ممكن تحلها بشكل ما يضرك .. هذه ايجابيه لك .. وممكن تقول لا والله صعب جدا .. وصعب جدا مثلا اترك البزنس حقي .. لازم انا اتابعه بنفسي .. فهذه تسجلها سلبيه ...

- تأقلمه مع العيش الغربي -

البعض جرب السفر للدول الأوربيه ... والغربيه ... وجرب يسكن معهم .. وجرب يحتك معهم .. ويتكلم معهم .. ويعرف كيف يفكرون .. وكيف يمشون أمورهم ... فالبعض يقول والله انا سافرت اول .. واحس بكتمه لما اعاملهم .. او امشي مع الستايل والوضع اللي هم ماشين عليه ... مو زينا هنا في السعوديه الوضع متغير ... وأتمنى بس متى أخلص شغلي اللي سافرت له ... عشان أرجع لديرتي ... هذه يسجلها سلبيه ... والبعض يقول لا والله عااااااااادي جدا ... ممكن اسافر وانا جربتها .. وعادي جدا اتعايش معهم عادي وادخل معهم واحتك في الغربي .. وماعندي أي مشاكل ... هذه تسجل له ايجابيه

- قابلية الشخص للدراسه -

البعض الله يهديهم ... سمع بالتسجيل في وزاره التعليم العالي ... وشاف العالم تسجل .. قال معكم معكم .. وش ورانا ... ويكون بداخله عدم قابليه للدراسه ... يعني خلاص وصل لمرحله التشبع .. وخاصه اذا كان مخلص مرحله السابقه بشق الأنفس ... فشاف العالم تقدم .. قال معكم ... ( طبعا ممكن يقول لك لا الوضع هناك يختلف .. اذا رحت هناك راح ادرس غصب عني .. هذا شي راجع له صراحه ) ... فهذه اعتقد انها سلبيه ..

وفيه القسم الثاني اللي هو والله في راسه دراسه ... ويبي يدرس .. والدليل مثلا معدله في المرحله الدراسيه الماضيه له ... كان معدله مرتفع ... ( بالعربي مخه مفتح وناوي على دراسه ) ... هذه تحسب له ايجابيه ...

- الوضع الوظيفي -

البعض ما شاء الله متوظف في وظيفه مرموقه ... وراتب حلو ... ومرتاح في وظيفته .. ويمكن تعب كثير لين حصل هالوظيفه .. فيكون متردد كثير ... يقول اترك هالراتب !!! اترك هالمنصب !! كل نهايه شهر ينزل راتب وقدره في حسابي ... هل ممكن استغني عنه ..!! هذا ممكن تحسب عليه سلبيه ... ويقول عصفور حلو في اليد ... ولا عشره حلوين على شجره امريكيه ....

وفيه البعض يقول لا والله انا صراحه وظيفتي لك عليها .. او مدري وش تبي ... والراتب بعد ما يسوى .. انه مو طموحي وانا اطمح لشي اعلى .. او ان بيئه العمل اللي هو يشتغل فيها ما تساعده .. ولا ارتاح فيها الارتياح اللي ممكن ينتج ويعطي ... هذا اعتبرها لك ايجابيه النقطه ... ويكون ميله للدراسه في الخارج اكثر ...

- نوع التخصص -

اكيد ان هالموظفين من خلال الخبرة الي تكونت عندهم وهم على رأس العمل شافوا الحاجة لبعض التخصصات اللي ممكن تفتح على الشركات مكاسب كبيرة والي فيه عليها طلب كبير مع انها لا تُدرس في جامعاتنا. بمعنى اخر تخصص يوظف حاملة وهو حاط رجل على رجل بمركز جدا ممتاز.

مثال: التجارة الدولية أو العقود القانونية الدولية أو هندسة المولدات الكهربائية بالطاقة الشمسية وهكذا..

اعتقد ان هذي فرصة جيده لهم بالاستقالة والعودة الى نفس الشركة.

- تغيير مجال الوظيفة -

كثير منا بعد ما يدرس التخصص الي عجبه ايام الجامعة للاسف يتوظف على غير تخصصة وخاصة المهندسين.

أو يدرس تخصص كان حلو وجميل ايام الدراسة لكن على ارض الواقع سيء ومحبط العمل فيه.

هنا يبدا التحسف ويقول ياليتني دخلت تخصص كذا وكذا ... فهنا تكون نقطه ايجابيه بالنسبه له

/
\
/
\

- نقطه أخيره ... -

بعد ما تشوف النقاط الي تكلمنا عنها ... وتكتبها في ورقه .. وتحسبها زين ... يجي الأن أهم شي .. وهي صلاه الاستخاره ... تتوضأ .. وتكون نفسيتك زينه ومرتاحه .. وتصلي لك ركعتين ... وتدعي ربك دعاء الاستخاره المعروف ... وبعدها تشوف ربك وش يكتب لك ... والأفضل أنك تستخير أكثر من مره ...

هذه بعض النقاط اللي كانت في بالي الأيام اللي راحت ...

طبعا هناك امور أكثر وأكثر ... لكن بإعتقادي أن هذه هي الأهم ...

أختم بقول الله عز و جل ....

( وعسى أن تكرهوا شيئا وهو خير لكم )

دمتم بود

http://swehip.googlepages.com/w1.gif

::
::
::

dbdooob

11-01-2008, 23:39

المايستروpb189 bp039 (ردك بطل)

أعتقد عشان نشارك برأينا في قرارات مصيريه زي كذا لازم يكون هناك معطيات نبني عليها تخصصك والتخصص اللي رايحه له
كم لك من سنه بالوظيفه وعلى اي مستوى
واشياء كثير..

شخصياً انصحك تكملين هنا الماستر لعدة اسباب
أولها تكونين على راس العمل وبين اهلك وناسك
ثانيها الماستر هنا عباره عن اختبار لك لو اجتزيته بنجاح وقتها كملي للدكتوراة في الخارج براحتك ومحسوب ان معاك شهادة من برا لان اهم شئ اخر مؤهل
ثالثها والسبب الاهم انه لو رحتي للبعثه ماستر ولسبب ما (والظروف كثيره ) رجعتي تكوني لا حصلتي الماستر ولا الوظيفه والوظيفة نفسها كان صعب الحصول عليها
لذلك خلي بعثتك على الدكتوراة
اقلها لو رجعتي يظل معاك ماستر تتعيني فيه محاضره او اي وظيفه
بينما البكالوريس احتمالية كبيره السنين القادمه ما راح يوكل عيش

عموما انا عطيت رأيي بناء على المعطيات الحاليه

تمنياتي لك بالتوفيقbp039

ريــ الرياض ـوف

12-01-2008, 00:04

^
^
بس حرام تكرف وتدرس هنا وبالاخير الشهاده اي كلام والتدريس اي كلام:(
حرام مقارنة دراسة برا بدراسة هنا

اذا فيها حيل دراسه وكرف ..تدرس برا احسن
اما تضيع سنوات في دراسه هنا احسها صعبه..

هذا غير انها ماتدري يجيها القبول والا لا
بس الحين البعثه جاهزه وتحت امرها

احسها شي حلو ومايتفوت
وماندري بعدين هي تقدر على الدكتوراه والا لا..او تفكر بتحضيرها او لا..

احترامي لك bp039

dbdooob

12-01-2008, 00:20

خيتو ريوف كلامك صحيح الدراسة برا احسن ومزاياها كثير
بس انا اجاوب من باب قراءة المعطيات الحاليه كون انها سألت تختار الوظيفة او البعثة
لو كانت عارفه قيمة الدراسة برا وكانت مستعده ودارسة لهالشئ من كل الجوانب (المفروض يكون وقت التقديم) ما كان سألت هالسؤال

فلذلك جاوبت واعطيت رأيي كون البعثه ممكن كانت مجرد "هاجس" بالنسبة لها فحرام تضيع الوظيفه عشان مشروع لم تدرس ابعاده جيداً وحطيت لها الماستر هنا فرصه لها تجرب فيها الدراسة الاكاديمية من جديد

للأسف نسبة انه تقبلك الجامعات برا اعلى مليون مره من انك تقبل هنا في جامعات السعوديه لكثرة الشروط وقلة المقاعد والواسطة و "حسد" بعض اعضاء هيئة التدريس :(

بالتوفيق للجميع يا ربbp039

شمس الاصيل

12-01-2008, 06:47

البعثة ماتتكرر

اختاري تخصص كويس للماستر
واذا رجعتي بتلقين وظايف مجالها أوسع

أنا كنت في نفس ظرفك..
واخترت الماجستير
:)

ملك بدون مملكة

12-01-2008, 06:49

.
.

الاخوان كلهم ماقصرو والله بالمشورة
وانا من رايي الشخصي انك تبقين على الوظيفة
لان هالبلد مهما جبت فيها من شهادات تظل مظلوم ( وخصوصاً البنات )
اهم شي الاستقرار وانك موظفة رسمية

ما ابغى اخوفك
بس اللي يشوف تاريخ وزارة التربية
وخصوصاً في جانب المجال الوظيفي
كلها نكبات فظيعة من وعود كاذبة وقرارات عشوائية ..

الله يهديك للقرار السليم
وبالتوفيق

NawaL

12-01-2008, 09:14

.
تدرين وش النكبه لا قدمتي استقالتك
وشروط الإبتعاث ما انطبقت عليك !
ولا انقبلتي بعثه

انا رايي كان ضمنتي الإبتعاث ومتأكده انك بتروحين
روحي ادرسي وجيبي شهاده افضل من شهادتك
واهم شي اعرفي التخصص اللي راح تكملين فيه

تدريس صح دخل ثابت كونك رسميه
لكن الوظيفه نفسها انت لاقيه حالك فيها ؟؟
انت حابه يصير هذا مكانك لعشر سنين قدام لعشرين سنه

ولا حابه تشوفين مجالات افضل وفرص وظيفيه غير

اما ماستر من الداخل ماتسوى عليك التعب
ماراح تستفيدين مثل ماستر من الخارج

حقيقه الموضوع انت القرار الاول والأخير لك
انت اكثر وحده تعرفين وش تبين وش طموحك

موفقه : )

دمــوع الفجـــر

12-01-2008, 15:30

الخيار الأول والأخير ...
أنتي الوحيده اللي تعرفين وش تبغين وراسمه طموحك قدامك

أذا تشوفين البعثه بتضيفلك بحياتك بمركزك بقيميتك

ممكن تحصلين اللي تبين بخمس سنوات بدل20 سنه...

لكن كونك مدرسه مكانك ..حياتك راح تستمر زي ماهي وتكونين كذا حققتي الرؤية اللي كنتي تطمحين لها....

لكن كون طموحك أعلى وتشوفين أنه مو هذا مكانك... وبأمكان البعثه تحقق لك اللي بخاطرك لا تترددين..

الموضوع محتاج دراسه وتخطيط ومعرفه بكل الأبعاد اللي راح تضيفيك والعكس

وأخيرا صلاة الأستخاره ما أوصيك فيها ...وربي بيختار لك الخيره المباركه أنشاء الله

موفقة أختي

مايؤرقنا

12-01-2008, 17:14

شكراً لكم جميعاً ..
وصلتنا هذه الإضافة من صاحبـة الإستشارة ..

ـــــــــــــــ

شكرا لكل شخص أبدى رأيه
سأوضح بعض النقاط
1- عندما قلت البعثه ام الوظيفه أنا أتكلم عن خيارين أملكهم باذن الله ,ليت الاعضاء مايركزون على انه هل سأقبل ام لا أقبل
2- اللي مااملكه و لو اخترته فهو (لأنه الجود من الماجود ) ,,,أخذ الماستر بالداخل
التفت للماستر في الداخل لأمرين :
أ - أنصدمت من شرط البعثه وهو الاستقاله ( للمعلوميه, الى الان لم أحصل على اجابه شافيه من المسئولين ,,,هل الاجازه بدون راتب تحرمني ايضا البعثه؟ بيردون لي بكره)
ب_و لأنه الاسبوع الماضي ولأول مره أعلم عن أنه يجاز للمعلمه الأيفاد داخليا ويحق لها الاجازه ( سابقا ,,قالوا لي فقط المعلمين هم من يحصل على هذه الميزه ! )
من أجل هذا أستعجلت المشوره ,, لكي لا أندم لو لم أقدم على ماستر الداخل
ويبدو لي ان هذا الخيارسيلغى
3- سألتوا عن الوظيفه اذا انا محتاجتها ؟
استقلاليتي الماديه معتمده عليها
حاجتي لها ماديا وكممارسه للتخصص
4-الوظائف المتاحه لي لما بعد الماستر هي نفسها لما قبلها الفرق فقط أنه بالماستر تزيد في رصيدي نقطتين في المفاظله (هذا لو رجعت مره ثانيه لمهنة التدريس كمعلمه أو محاضره )
5- تخصصي أتوقع وأجزم ان شاءالله ان الاحتياج له سيظل كبيرا الى سنوات قادمه

متابعه للردود
( دونت ارائكم ونبهتوني لأشياء ماكانت واضحه لي ,,,, شكرا لكمpb189pb189 )

بنت الاماكن

13-01-2008, 00:29

اهلين اختي ,,

بالبدايه استخيري ربك ,, شيء ثاني انتي شوفي هل انتي راضيه

بوظيفتك الحاليه ومرتاحه لهاولتخصصك وحابه تكملين طول حياتك فيها
وعندك احتياج مادي للوظيفه وماتقدرين تستغنين عنها
وراضيه بوضعك الحالي

في الحاله هذي ارضي بوضيفتك وارفضي العثه ,,
\
\
اما اذا كنتي حابه تطورين من نفسك تغيرين تخصصك تاخذين شهاده اعلى
ومو حابه وضعك كمعلمه خصوصا انك عارفه المعلمات عندنا مالهم اي مميزات او تطور في
مهنتهم( يعني مكانك سر ) وعندك استعداد لخسارة وظيفتك
وتعويضها بالمستقبل وانك ضامنه بعد عودتك انك راح تلاقين وظيفه احلى منها
ومو شرط معلمه اختاري البعثه ,,,

واذا تبين رأيي اشوف انو شهادة الماستر اذا اتيحت لاي شخص فرصه
لاتعوض ومن كلامك في النقطتين 4\5 فهمت انو التخصص اللي راح
تتخصصينه حلو ومجالاته واسعه ووظيفته
متاحه وبشكل كبير اذآ توكلي على الله ,,والله يوفقك ,,,

ريــ الرياض ـوف

13-01-2008, 01:14

ماعرف حسيت من كلامك انك مدرسه في الجامعه..صح ؟ معيده او شي زي كذا ..!

عموما بكل الحالات
الحين الخيارين بنفس الكفه
اللي بيرجح الكفه هو انتي

هل تهمك الدراسه..زيادة ثقافتك..تحسين يعني لك لو زدتي شهاده لرصيدك والا لا ؟
لاتفكرين في الوظيفه بعدين
الوظيفه بعد ماترجعين يابتلقين نفس وظيفتك او افضل منها وانا اتوقع انك بتلقين الافضل..دائما الشهاده اذا كانت اقوى كانت الخيارات قدامك افضل..

عن نفسي لو بمكانك بختار الدراسه..والله مافيه احلى من ثقافة البنت صدقيني مره يزيدها pb189
وخصوصا انها برا..صدقيني الغربه بتعلمك اشياء واشياء..بتطلعين منها بالشي الكثير..
انا الحين مره احب الرجال اللي يكون معاه شهاده من برا..معليش بتضحكين علي بس انا افكر فيها من ناحيه ثانيه..احس الدنيا علمته صح..نسته الدلع والاتكاليه والاعتماد على الغير..احسه بيكون انسان فاهم..حتى تفكيره وعقليته تكون غير..بيكون انسان ثاني غير اللي راح قبل..وهالشي شفته في كثير ناس ماشاءالله عليهم bp039

نفس الشي مع البنت..صدقيني الغربه على انها شي مو حلو الا انها تجربه رائعه تبني شخصيتك وتطور منها وتحسين انك فعلا راجعه وانتي انسانه غير..وفوق هذا معاك ماستر من افضل الجامعاات

وزيدي عليها انه لو ماكان معاك لغه..فانتي بتتعلمين اللغه على اصولها pb189 وترجعين بلبل ومعاك توفل كمانpb189
وان بغيتي بتدرسين اي لغه ثانيه تحبينها..المجال في العلم مفتوح هناك وانتي بتكونين فاضيه يعني تضفين شهادات وترجعين :Dpb189

ياشيخه خذيني معك شرايك :D

الله يوفقك يارب
هو بالنهايه انا اشور عليك برايي الشخصي..اللي اتمناه لنفسي قاعده اقول لك سويه
وانتي وقرارك..ولاتنسين الاستخارهbp039

نوف

[CENTER][SIZE=4][COLOR=red]صدقيني ماعاد ينفع الحين حتى لو معك ماستر من المريخ ماعاد ينفع الا واو من هنا تمشي امورك زي الهوا وغيرها بالمشمش pb131

ريوف مو نوف pb094

صح معاك حق بسالفة الواسطه انها تلعب اكبر دور في الوظيفه
بس خلينا نتخيل مثلا ان هالانسانه ماعندها واسطه..شهادتها هي واسطتها..وش الافضل؟ مو انها تطور شهادتها عشان تخدمها دائما ;)
الحين فيه وظائف صارو مايقبلون فيها الا شهادة الماجستير..وقفوا على كذا..!!
يعني لو معاك ماجستير ماراح تحتاج لواسطه في هالوظيفه..واكيد مثلها بيكون كثير..هذا هو قصدي بغض النظرعن التفكير في الواسطه وهالامور..

تحياتي ياقمر bp039

Forgotten

13-01-2008, 04:14

اول شي فكري انه متحقق لك في وضعك الحين اشياء حلوه صعب تفرطين فيها
عندك امان وظيفي
وعندك دخل مادي جيد جدا وثابت
عندك دوام كويس حتى لو كنتي تكرهين التدريس لكنك تداومين مع الناس واجازتك مع الناس
وانا حولي ناس حققوا من هالاشياء اللي متحققه لك حياه مستقره وهذا هدف مهم بحد ذاته

اذا مره عاز عليك طموحك استخيري احسن لك وانتبهي لانك يوم تقررين ماتندمين على قرارك بعدين وانا انصحك انك ماتقارنين وضعك باحد فكل شخص له ظروفه

والله يوفقك

هناء

13-01-2008, 04:27

.؟.

مادري بس حكم عملي
أشوف عندنا معلمه حاصله ع الماجستير
ومع ذلك تعمل مدرسه في مدارس خاصه
لاتتوقعين انك راح تلقين وظيفه أفضل من اللي انتي
فيها وخصوصا بعد 3 او 4 سنوات
كل سنه تصعب فيها ايجاد وظائف مرموقه
ومع ذلك تخدمك في مجال تخصصك

أنا ارشح بعد الاستخارهـ
كملي هنا افضل

.؟.

طَلب إنْتِمَاء!

13-01-2008, 07:39

.

يا أخت ما يؤرقنا

أنتي مثل تاجر الخبز الذي فكر بثمنّ الطحين المرتفع << ( من تأثير حملة المقاطعة : ) ) ، قبل أنّ يفكر من أين سيؤمن ثمنّ الفرن ؟!

يا عزيزتي ..
كان من المفترض أنّ تعيدي صياغة مشكلتك ، وتدونين سطر واحد فقط ,!
كيف أحل مشكلة ترددي ؟!

لأنّ ما طرحته قرار شخصي وليس مشكلة .!
تردُدك هو من خيل لك أنها مشكلة .
و ما دُمتِ بهذا التردد ، فالبعثة تحتاج لإنسان يملك قرار .!
لأنه وبلا شك سيواجه الكثير من الصعوبات هناك .

_

فهل ستسألين من في الشارع ما رأيكم في هذا البيت هل يبدو مناسب لي .؟

او .. او ..

حلي مسألة تردُدك هذه السنة .. وقدمي على الإبتعاث في السنة الجديدة !

.

المطمئنه

13-01-2008, 07:57

مايسترو <<< ذكرتني بزوجي مايعرف يخطط او يفكر الا ومعاه ورقه وقلم (فيس يمعط شعره) ويجلسني ويخليني اسمع من االاول والاخير حتى لو عارف النهايه مايقولها لي الا بعد مايخلص الشرح

بالنسبه لكي عزيزتي
الله يوفقك وييسر امرك ويسهله
وربي ينولك اعلى المراتب فالدنيا والاخره
خذر تفرغ طيب للدراسه والا ماعندكم يعني قولي لهم انك ودك تدرسين وتبين اذا رجعتي تستقبلك وضيفتك بالاحضان << احسني خشيت عرض

والله يكتب لك الي فيه الخير والحين فيه توسع في الجامعات وبالذات في الرياض صارت تتكاثر يعني ان شاء الله حتى لو مو وظيفتك الاولى راح تحصلين غيرها

Olga

14-01-2008, 15:04

طبعا اختاري البعثه بدون اي تردد

شوفي
لو الوظيفه ماتتفوت والمكان اللي متوظفه فيه مكان مميز وصعب ان الواحد يوصل له..اقول معاك حق

لكن التدريس احسه وظيفه الكل يقدر يحصل عليها..

وحطي ببالك انك اذا رجعتي بتكون شهادتك اقوى وبالتالي بتقدرين تلقين مو وظيفه وحده الا الف وظيفه .. وبمراكز ورواتب افضل من وظيفتك الحاليه
خصوصا ان معاك ماستر ومن برا يعني شهاده معتمده وحلوه
.
.
الشي الثاني مافيه شي يزيد البنت زي ثقافتها..الثقافه والعلم هي اهم شي برصيد البنت..
عن نفسي تعني لي البنت اللي معاها شهادات ومتعلمه وتطمح دائما للاعلى..سبحان الله حتى تفكيرها ومنطقها يكون غير ;)
.
.
الشي الثالث
صدقيني تجربة البعثه والغربه والعيشه برا بتنفعك كثير
بتتعلمين منها اشياء واجد ... بتعيشين عيشه غير عن العيشه اللي هنا (يعني كسر للروتين شوي )
الدراسه اللي بتدرسينها برا بتحط كل دراسه درستيها على جننننننننب ..تدريسهم يحسسك انك فعلا تتعلمين وتتطورين وتستفيدين pb189

بجد تجربه الكل يتمنى يجربها pb189 وانتي وصلت لعندك حرام ترفضينها عشان تدريس !

اذا بتفكرين باليوم..اختاري الوظيفه
اذا بتفكرين ببكره..اختاري البعثه

والله يوفقك في اللي فيه خير يارب pb189

انا مع ريوفه بكل كلمه ذكرتهاpb189 اختصرت علي كثير:D

عزيزتي صاحبة المشكله, ياليت كل المشاكل حلوة وهينه زي كذا:)

طبعا رأيي واضح

البعثه البعثه البعثهpb189pb189pb189

عشان اسباب كثيرة منها ذكرتها ريوفه

واللي ابي اقوله لك

ان بعد كم سنه راح يرجعون المبتعثين نقول بعد 4 سنوات تقريبا

شريحه كبيرة تتكلم انجليزي + لغات اخرى( فرنسي , اسباني, ايطالي, ياباني, هندي
, صيني , الماني , روسي , هنقاري , وحتى هولندي!!! )

شريحه كبيرة حاصله ع البكالوريس + الماستر + الدكتوارة

شريحه كبيرة شهادتها قويه ومن اقوى الجامعات,

شريحه كبيرة متفتحه ومتعلمه وجاهزة لـ تخدم سوق العمل
بتخصصات طالبتها الحكومه ,

وين تتوقعين بيكون موقعك بينهم؟؟؟:rolleyes:pb093

مع احترامي الشديد, وعلى قولة بابا (
ماراح بس تعلقين شهادتك على الجدار, راح تحطينها بـ صندوق فوق الدولاب )

اذا مااشتغلتي على نفسك الحين والناس يشتغلون على حالهم
راح يرجعون ماشاء الله باقوى الشهادات وانتي محلك سر!
اشتغلي الحين عشان تحصدين مع الناس;)

سواء انتي الحين محاضرة بالجامعه او مدرسه بأحد المراحل التعليميه

القرار لا يحتمل التفكير !

لو رجعتي بشهادة اكبر صدقيني راح تلقين مجال بـ الجامعات
وعندك جامعة الامام. سعود. اليمامه, سلطان
كلية التربيه,,, خيارات عديدة تقدرين تعملين فيها سواء دوام كامل او جزئ
وممكن تفتحين لك مشروع خاص وتعملين محاضرة بعد الظهر او العصر
بمكان معينbp039

اما التعليم والتدريس الابتدائي والمتوسط والثانوي
مو الشئ اللي تتوقفين عنده او من الاساس تضعينه ضمن الخيارات:rolleyes:
هذا تلتحقين فيه لما تضيق بك السبل!:D
مو تظلين فيه وامامك اجمل الفرص!!!

احمدي ربك انك لقيت لك مكان بالبعثات
ماشاء الله , ماتضمنين قبولك السنه الجايه ابدا
الحين ع الاقل الموضوع بيدكbp039
وفكري بعمرك! راح تضيعين سنه بعد!
انا مثلا ابي اخذ الماستر وانا تحت25
انتي وش هدفك؟
اؤؤكد لك انك لو مارحتي هذي السنه
ممكن تتزوجين او تنشغلين او تتغير افكارك ,,, وماراح تاخذينه
وهالشئ صار لأختي, وصار لها 10 سنوات الحين من وقت ماتخلت عن الفكرة
عشان اشياء ثانيه
ماعاد قدرت ترجع تاخذ الماستر:( اشغلتها الدنيا
استغلي فرصه انك Single وصغيرة والفرص امامك كثيرة
اضافه الى ان بعض الوظائف تشرط العمر:sm5:
وش فايدة انك تاخذين ماستر وانتي 40 مثلا؟
اذا مااستفدتي منها بشبابك وحققت لك نجاح ودعامه لحياتك هذي الشهادة؟

__

بالنسبه للامور الماديه,
انتي يصرف لك راتب تقدرين تضبطينه حسب احتياجاتك
يعني الدخل المادي اللي متعودة عليه ماراح ينقطع ان شاء الله
بالاضافه اني فهمت من كلامك انك تصرفين على نفسك
طيب الحمدلله ماتصرفين على احد
يعني لو تصفين على شابورة وشاي انتي حرة بنفسك
تدبرين امورك برى بطريقتك, المهم مااحد يكون معتمد
على دخلك,
وحتى لو كان احد معتمد عليه big sorry
اهتمي بنفسك وانسى اي احد
وربك يتكفل بكل شئ:)
واذا على مشترواتك واشيائك, معليش سنه سنتين ثلاث سنوات
تعب وتحرمين نفسك عشان بعدين تصيرين الشئ اللي حلمتي فيه واللي تعبتي عشانه
ممكن تعملين كنترول لنفسك وماهي صعبه خصوصا لو عندك هدف جميلpb030
, ياليت المشكله بس مادية جدا هينه:)

اخيرا بقترح عليك شئ بسيط
Facebook موقع رائع اكيد تعرفينهpb030
اعملي بحث عن طلاب وطالبات الجامعه اللي راح تلتحقين فيها
او مدينتك بشكل عام ,
وتعرفي عليهم
انا عملت نفس هالحركه لان المدينه اللي بروح لها مااعرف احد عايش فيها
تعرفت على اكثر من جنسيه ومن بينهم بنات سعوديات ياخذون العقل:sm5:
استفدت منهم بكثير اشياء عن السكن بالخصوص لاني كنت محتارة مره
وكمان ماقصرو معاي بكل المعلومات حتى عن بطاقات الاتصال والمواصلات
وش احسن شئ ممكن اخذه وحتى مااغلط مثلهم لو صارت لهم مواقف بايخه
ووحدة منهم صارت صاحبتي مره بعد وكل شوي تقولي خلاص متى راح تجين طفشتpb058

موفقهbp039

Olga

14-01-2008, 15:12

سوري مكررpb094

الضمير المستريح

15-01-2008, 13:50

نصيحه .. اذا انتي متوفقه في " وظيفتك " ومبسوطه و ( مستقره ) فيها لا تخربين على نفسك وتجيبين العيد , الدراسة اذا يمديك هينا ادرسي وتجي العافية اهم شي انها ماجستير ومره ثانيه اذا وظيفتك فيها ( استقرار ) لنفسيتك وخوياتك كويسين ومديرتك عسل لا تفرطين فيها..!!

انا والله ما ودي احيرك زود على اللي فيك لكن اهم شي استقرارك في وظيفتك اذا انتي مستقره ومبسوطه فيها لا تفكرين تطلعين منها ابدا..

الافــــلاجــــي

15-01-2008, 15:34

الحين استغرب من كلامك كأنك لارحتي بتنجحين علطول ؟!!
والله انا من رائي ان معك شهاده تعتبر من افضل الشهادات حاليا وهي بكالوريوس يعني لا ثانويه ولا متوسطه فليش المغامره على الماجستير وانتي ما تدري هل بتمشين فيه ولا لا

الفرصه تجيك مره وحده مهيب كذا مره التعليم الي اشوف ان الاعضاء تهاونو فيه ما راح تحصلينه بعد رجوعك حتى ولو بالماجستير

والتعليم اعتقد رواتبه قمه في الروعه وعلاوته افضل بكثير وإذا بغيتي في تطوير نفسك بإمكانك تدخلين دورات حاسب تحاولين تغيرين طريقه شرح المواد من التقليديه إلى طريقه مبتكره تسهل للطلاب الدراسه وبهذا تطورين نفسك في شي يفيدك ويفيد طلابك ..

والله انا انصحك بالدخول في دورات إذا كان هدفك تطوير النفس مع بقائك في مجال التدريس ..

والله يكتب ما كان الخير فيه لك

FREEDOME

16-01-2008, 04:50

يبدو لي انك منتي متطلعه على الفرص الوظيفيه!
الوضع كل ماله في النازل والله
من سيء الى اسوء
بما ان الفرصه هنا متاحه فلاتغامرين بأمانك الوظيفي!
فكرة ان الغربه تعلمك وتعتمدين على نفسك فهذا شي مايخدمك في حال ماسنحت لك الفرصه في ايجاد الوظيفه!
استخيري والقرار قرارك
اتمنى لك التوفيق والسداد.

الحب خالد

16-01-2008, 07:48

[QUOTE=الحب خالد;6674684]^
^
بس حرام تكرف وتدرس هنا وبالاخير الشهاده اي كلام والتدريس اي كلام:(
حرام مقارنة دراسة برا بدراسة هنا

اذا فيها حيل دراسه وكرف ..تدرس برا احسن
اما تضيع سنوات في دراسه هنا احسها صعبه..

هذا غير انها ماتدري يجيها القبول والا لا
بس الحين البعثه جاهزه وتحت امرها

الله يعطيتس الف عافيه

احترامي لكpb034

pb058

بتي فور

16-01-2008, 12:46

مشكلتك نفس مشكلة اخوي بالضبط
لكن الفرق ان اخوي شغال بالبنك الاهلي Vip
والبارح المدير عرف ان اخوي مقدم بعثه لـ بريطانيا وعرض عليه يصير نائب له والفرق بالراتب اكثر من 4000 ريال ؟؟؟

المقصود وظيفة اخوي اظنها افضل من وظيفتك بكثير ومهب محتاج لـ منصب اكبر عشان يسافر لكن اللي يفرق هو الطموح وانه جازم
كل اللي اعرفهم يقولون له لاتسافر وش تبي اكثر من كذا وهل تظمن الوظيفه ان رجعت وهل تظمن اصلا انك تمشي؟؟

لكن باختصار اللي يفكر بالفشل قبل يسافر مستحيل ينجح
الواحد يحسبها قبل يسافر لكن مايفكر بالفشل
الظروف كلها مهيئة لك لكن يبقى وش طموحك؟
وهل انتي من النوع اللي يغامر عشان يوصل لـ هدفه ولا يحب الاستقرار ؟
لان خطوتك بالاستقاله والسفر تعتبر مغامره كبيره لكن بنظري تستاهل

هذا رأيي لأخوي هو نفسه رأي لك
وبالاخير لاتفكرين بالفشل ولاتستصعبين شي هي مغامره اكيد لكن تستاهل

موفقه

تسحيبات الثنيان

18-01-2008, 01:43

,

ألـزم مـاعليـك رآحتـك ,
إذا انـتِ مـرتـاحه " نفسيـاً " بالوظيفـه ,
بصـرف النـظر عن المـاده فـ واصـلي فيهـا ,
اذا لا فـ البعثـه والعكـس صحيـح ,
اللـه يكتـب لـك الخيـر bp039 ,

الدبلوماسي 1

19-01-2008, 06:29

ارى ان الاغلبيه نصائحهم يكتبوها بموجب ظروفهم ؟!

وما يفكرو بظروف الاخت السائله او يعطوها اقتراحات ونصائح واقعيه

افضل رد للمايسترو

وبصراحه زي ما ردت واحده من الاخوات من تجميل للدراسبه بره ووووووو قد تكون ظروفك الماديه والاجتماعيه غير ؟! بالتالي كل اللي قلتيه ما ينفع تطبيقه الا لوحده بمثل ظروفك ؟!

الوظيفه افضل والدراسه ماستر هنا افضل

لو تجيب دكتوراه ما بتتوظف فيما بعد

في كذا وحده معاهم دكتوراه في مكه وللحين قاعدات في البيوت

رامـــــا

19-01-2008, 17:21

^
^
نفس الملاحظه

كلن ينصحكـ على حسب ظرووفه

انا اقول اجمعي اكبر كم من المعلومات من اهلها واصحاابها

لاتااخذين راايك على اللي ماجربوا ،، ابني رايك على اللي جربوا وسافروا وعاشوا
و اسالي المسؤؤلين الكبار عن الفرص الوظيفيه

والله يوفقك

معالي الوزيرة

27-01-2008, 23:03

ثانيها الماستر هنا عباره عن اختبار لك لو اجتزيته بنجاح وقتها كملي للدكتوراة في الخارج براحتك

ياعزيزي، أنا أرى إن أي طالب وطالبة سعوديين يدخلون في مدرسة سعودية من الصف الأول الابتدائي، ويتخرجون منها بنجاح، ويكملون فيها متوسطة وثانوية، ويواصلون حتى الجامعة .. ويتحملون المعيشة في السعودية :sm5: والوضع الأكاديمي الي مادري وش يبي ... وينجحون فيها. فهذي كلها اختبارات .. اجتازوها بنجاح، إذن بإمكانهم أن ينجحوا في البيئات الأفضل، والتعليم الأفضل، والحياة الأكاديمية الأنجح .. إن افترضنا مجازا إن جامعات السعودية فيها "حياة" أكاديمية حتى نقارن بينها وبين الجامعات العالمية .... باقي يكملون دكتوراه هنا في السعودية ونقولهم إنها تجربة :sm5: .. إذا نجحتوا جيبوا دكتوراه ثانية؟

بالنسبة لك عزيزتي صاحبة المشكلة، يعتمد على رغبتك وأولوياتك في الحياة.
بقاءك في الوظيفة ايش ممكن يضيف لك؟ بعد كم سنة ايش ممكن يضيف لك؟ بعد 20 ... ؟
التحاقك بالبعثة ايش ممكن يضيف لك ع المدى القصير؟ على المدى البعيد؟ بعد 30 سنة؟ بعد التقاعد؟ pb030

وغريب جدًا إن الوزارة تمنع الإجازات الطويلة!! المفروض تشجع منسوبيها على الدراسة والتعليم الأعلى :sm4:

.
يا أخت ما يؤرقنا
.

pb192

dbdooob

28-01-2008, 11:33

معالي الوزيرهbp039

ياعزيزي، أنا أرى إن أي طالب وطالبة سعوديين يدخلون في مدرسة سعودية من الصف الأول الابتدائي، ويتخرجون منها بنجاح، ويكملون فيها متوسطة وثانوية، ويواصلون حتى الجامعة .. ويتحملون المعيشة في السعودية والوضع الأكاديمي الي مادري وش يبي ... وينجحون فيها. فهذي كلها اختبارات .. اجتازوها بنجاح، إذن بإمكانهم أن ينجحوا في البيئات الأفضل، والتعليم الأفضل، والحياة الأكاديمية الأنجح .. إن افترضنا مجازا إن جامعات السعودية فيها "حياة" أكاديمية حتى نقارن بينها وبين الجامعات العالمية .... باقي يكملون دكتوراه هنا في السعودية ونقولهم إنها تجربة .. إذا نجحتوا جيبوا دكتوراه ثانية؟

خيتو اذا بنتكلم عن التعليم عندنا ماراح نخلص :D وبالتأكيد الدراسة بالخارج افضل بمراحل بس كانت نصيحتي موجهه لصاحبة المشكلة بناء على وضعها الدراسة الاكاديمية الفعلية تبدا بالماستر ومو كل الناس تقدر عليه
لو قالت انا غير موظفة مثلاً او الوظيفه ما تمثل لي أي اهمية يتغير كل شئ

عموما صاحبة المشكلة قالت بقرر خلال اسبوع وهالكلام قبل اسبوعين الظاهر:D فالله يوفقها ان شاء الله ويكتب لها الخيرbp039

تحياتي

TR~tr

05-06-2008, 02:34

صعب في هالايام يلاقي الواحد وظيفه
خيار دراستك برا او هنا !!يعتمد عليك
انتي واصرارك على تحقيق طموحك
اذا انتي حابه تتعلمن وتزيدين من ثقافتك
واللغه ولاتهمك الوظيفه يعني ممكن ترجعين
من برا تتوظفين بأقل من وظيفتك الرسميه مع العلم ان شهادتك
بتخدمك باالوظيفه واذا انتي متردده وخايفه من عدم حصولك
على وظيفه من بعد الدراسه من برا ومحتاجه ماديا لها
عليك بالاستخاره وربي بيسهل امرك

Najed

05-06-2008, 06:36

صباح الخير

القرار يعتمد على التخصص ( تخصصك في البكالوريس والتخصص اللي راح تاخذينه في الماستر )

اذا كان ممكن لي اتوظف في شركه في البلد اللي راح ابتعث له بعد ما اخذ الماستر واحصل على خبره سنه او سنتين

كذا لو مكانك اقدم البعثه وانا مغمضه

اذا التخصص ما يناسبه الا التدريس اجلس في وظفيتي احسن لان ما راح يتغير شيء لو رجعت

طبعا هذا اللي بسويه لو انا مكانك :D