البحث عن كانون G9 + فلاش كانون

[ثـلــــجـة مـحتـرقــــة]

.
.

اهلين كيفكم وشو أخباركم bp039

قررت اشتري كانون G9 ورحت امس ع اساس خلاص بشتريها
ودخت سبع دوخات ، كلن يقول لي رأي .. ويحاول يقنعني باللي عنده ..

اول شي رحت للعقاريه محل الشموسي مدري وشو الزبده فيه شمس :D
الموهيم اذّن وماتفحصنا الكام كويس قلنا بعد الصلاه نرجع لك
رحنا لـ وكاله كانون وبالموت لقيناها بالأخير ماصار عندهم G9 خير يابو هماك الوكيل pb036
الموهيم طلعنا مرينا الفيصليه ع اساس نروح نشوف محل سوني
ونشوف كاماتهم العامل احرجه اخوي قال ايهم احلى سوني او كانونpb034
قال كانون عقب الظاهر خاف او مدري قلب كلامه مره وحده وقال سوني ابطل شي pb027
طلعنا لـ محل قدام سوني .. برضوا ماعنده G9
حاول يقنعنا بـ كانون موديل ثاني وكبر قريح / كوداك pb036
طلعنا رجعنا لـ العقاريه مرينا العبدالواحد مالقينا هالموديل :(
طلعنا لـ محل مدري وشو جنب اللي فيه شمس قال ماعندي بس انصحك تروح لـ الكترو
بس خل ادق اشوف عندهم او لا .. دق قالوا خلصت .. سأله اخوي عن المحل اللي جنبه " اللي فيه شمس "
قال ذولا نصابين يجيبون الكامات من دبي وينصبون ع العالم pb036
خوفنا صراحتن .. طلعنا رحنا مرينا اكسترا / جرير / بست ، كلهم هالجي ناين مخلصه من عندهم :(
وانا امرمر ع المحلات اسأل عن فلاشات كانون يقولون مافيه الا نيكون :mad:
وش ذا الحظ نص اليوم طالعين ورجعنا مامعنا شي ،

فـ المطلوب منكم اذا سمحتوا ..
وش صحه كلام اليمني عن محل الشمس .. هل هو صادق؟!
او بمعنى اصح هل هالمحل تبع الشمس موثوق؟ لان خوّفنا pb036
وين ممكن ألاقي الجي ناين لو بالمريخ بس وين متوفره نبيها عاجلننن
ايهم احسن اشتري الجي ناين من هنا والا من ألمانيا وهل اهي موجوده هناك او لا
ابي فلاش كانون رهيب بس موب غالي :D ووين الاقيه
ابي ترايبود نعوم وحلو ويصلح لي والكام تتشقلب فيه الين تتعب وعادي بأي وضعيه pb189 وموب غالي بعد :D ووين الاقيه
هل فيه فلاتر قميله للبورتريه بحيث تنعم لي البشره وتخلي الألوان خق والا لا pb036

وبس :D
كانت معكم من قلب المعمعه ثلوج
صي يووو pb189

.
.
.

[R ee M]

,‘

هلآ حبيبتـي

ياعمري انتي وذا المشوره :D
انا قبل ماشتريها دقيت عليهم كل ابوهم وقالولي مو عندنآ .. قهر طقيتي مشوار ع الفآضي

المهم ..

انا شريتهآ من عند " الحآرثي" جدا ً مشهور بالكميرات وادوآتهـآ .. هذا مكآنه بـ " البطحآ " pb027
بس برضوا قبل لاتروحين او احد بيروح دقي عليـه وسأليه خلصت او لآ .. !

وحتىى اتوقـع الفلآش بتلقينـه عنده برضـوا pb189
وبالنسبه للترايبود .. عنـده اشيائات كثيره منه .. بصرآحه انا مآرحت بس بابا يقولي pb027
واخذت لي من عنـده وآحد حلو ومو غآلي ..

كآن عند رقمهم بث مدري وين رآحلووه :( ..

هذا اللي اعرفله من اسئلتكـ pb094

ومبرووك الكآم مقدما ً bp039

,‘

[ضـــحكه]

:
:

اولا لاتساقطين على موضوعي .. pb036

بعدين ثلجة شفيك تبين G7 ..سحبتي عالـ D400 :D


ثلجة بقولك عن اسلوب للبائعين
اذا قالك خلصت .. أعرفي انها ماوصلتهم ولاجابوها
بس مايقولون خلصت يعني اننا علينا طلب وهم من جنبها


ليه ماتاخذينها من النت .. يعني اقرب لك من المريخ pb027
اذا تصبرين شوي



الله يوفقك ..

[ABDUL-AZIZ]

خخخخخخخخخخخخ
يدوخ هالموضوع



ثلجة
الحامل الي تبينه لل400 والا لل جي 9

[35mm]

صراحة صراحة ,, يعني معليش هاليمنية ماشتري منهم اي شي ,,
لأني قبل لااشتري كامي زرت محل يماني في البطحاء ,, وكان عنده 5D
تفحصت الكاميرا وشفتها ,, لكن فيه شي غريب بالاستكر الي مكتوب فيه رقم المنتج ومكان التصنيع
كان لونه غريب ,, مو نفس اللون الي موضح في موقع dpreview ,, وتفحصت جميع كاميراته ,, كلها تبداء برقم 17 ,, قلت له بجيك مره اخرى pb036
سألت احد الاخوان ,, وقالي معاد تصنيعها ,, ابعد عنها pb027

وطلبتها من موقع B&H ,, من امريكا اضمن
والاستكر نفس الاستكر الموضح في موقع dpreview
وكانت الكاميرا مغلفه تغليفة المصنع ,, يعني مو ملعوب فيها مثل هالمحلات الي عندنا

تعاملهم كان اكثر من رائع ووصلتني الكاميرا بعد اربع ايام من الطلب ,, ويوصلونها لحد بيتك ,, طبعاً على حسب شركة الشحن

فأذا تبين تريحين راسك ,, اطلبيها من الموقع افضل لك وارخص لك

سعرها في موقع B&H
450 دولار ,, اي 1650 ريال

[ثـلــــجـة مـحتـرقــــة]

.
.

فقدتك pb189

بالبطحا .. اخاف اقول لاخوي ينحرني pb027

وحتىى اتوقـع الفلآش بتلقينـه عنده برضـوا pb189
وبالنسبه للترايبود .. عنـده اشيائات كثيره منه .. بصرآحه انا مآرحت بس بابا يقولي pb027
واخذت لي من عنـده وآحد حلو ومو غآلي ..

طيب ابي نوع فلاش يكون حلوو .. يعني موديل معين ..

والحارثي ان جزم اخوي اخذت الرقم من الاستعلامات
شوكرن لتس bp039

...


ضحكه pb027pb189

بعدين ثلجة شفيك تبين G7 ..سحبتي عالـ D400 :D


الجي ناين لو سمحتي pb027
اهي موب لي لـ اخوي .. حالفه الا اقلب بيتنا كلن معه كام
توه قبل اسبوع شاريه اختي وحده والحين اخوي والدور ع الباقين pb034

ثلجة بقولك عن اسلوب للبائعين
اذا قالك خلصت .. أعرفي انها ماوصلتهم ولاجابوها
بس مايقولون خلصت يعني اننا علينا طلب وهم من جنبها


انا شفت قبل اسبوعين كذا بـ بست + جرير بس فرع حياه مول ..
والفروع اللي رحت لها اليوم غير
فـ اتوقع كانت عندهم وخلصت :sm1:
اللي بـ بست قال توها اليوم راحت اخر حبه

ليه ماتاخذينها من النت .. يعني اقرب لك من المريخ pb027
اذا تصبرين شوي


اخوي بيسافر ، ويبيها خلال يومين كذا ,,
والا ياخذها من برا اصرف :D

مشكوره يـ ئلبو pb189


....


عزيز pb027

يدوخ هالموضوع

مشكله الذمه بكتابه الأحداث وانا اختك :sm5:

ثلجة
الحامل الي تبينه لل400 والا لل جي 9

للدي 400 .. وحتى فلاش اذا تعرف pb094


شوكرن لك مقدمن pb189


....


35mm bp039

صراحة صراحة ,, يعني معليش هاليمنية ماشتري منهم اي شي

طيب والهندي؟
لان اللي حذرنا اليمني :D من الهندي .. فـ ضعنا احنا :(


وقالي معاد تصنيعها

:eek: .. تبّن لهم

فأذا تبين تريحين راسك ,, اطلبيها من الموقع افضل لك وارخص لك

طيب اذا مافيه تعب عليك سؤال بس
عندهم خدمه توصيل سريع بيوم توصلني؟! pb094

وشوكرن لك bp039bp039

....



ثانكس للجميع pb189
صي يوو
.
.
.

[35mm]

عندهم خدمه توصيل سريع بيوم توصلني؟!

ايه اطلبيها عن طريق شركة Ups
اقصى حد لوصول البضاعه 5 ايام ,,
لكن وصلتني انا بعد 4 ايام من بعد الطلب ,,
وتقدرين تتبعين بضاعتك ,, يعني بأي دوله هي ومتى بتوصل وكذا ,,
واذا وصلت لرياض يتصلون عليك وتوصفين لهم بيتك ,,
وتشيكين على الكاميرا اذا فيها كسر اوشي ,, يرجعونها لك
يعني الشغله كلها ضمان بضمان مافيها اي خوف

[ثـلــــجـة مـحتـرقــــة]

.
.

مشكور اخوي ع المعلومـــاات ،،
بس انا اخوي كان يبيها ع اساس اليوم بيسافر
والحمدلله امس لقيناها بجرير العليا ..

...


طيب الحين ابيكم تنصحوني بفلاش حلو ومو غالي للكانون ..
وترايبود بعد ..

اللي عنده معلومه لايبخل بليييز ,,


انتظركم
صيي يووو
.
.

[miss.lo]

مرحبا ثلجه

مبروووك لقيتوها أخيراً :D
بس سؤال .. كم سعرها بالضبط ؟ انا اعرف انها حول الألفين بس ودي اعرف إكزاكلي :D ..

مشكوره bp039

[ثـلــــجـة مـحتـرقــــة]

^
^

1949 ريال سعودي فقط لاغير

:d


.
.

[VIP]

طيب الحين ابيكم تنصحوني بفلاش حلو ومو غالي للكانون ..
وترايبود بعد ..

بخصوص الفلاشات تكلمت عنها هنا
http://vb.eqla3.com/showpost.php?p=6798364&postcount=9


اما بالنسبة للترايبود شفت قبل فتره عرض عند شركة احمد عبدالواحد
ترايبود + راس كلها من شركة Manfrottopb189 بـ 500 ريال
نوع الترايبود Manfrotto 190XPROB
http://up.eqla3.com/up/get-2-2008-9jroid7x.jpg
مواصفاته
اقل ارتفاع 8.5 سم
اعلى ارتفاع 146 سم
يتحمل 5 كيلوجرام
وزنه 1.8 كيلوجرام


نوع الرأس Manfrotto 804RC2
http://up.eqla3.com/up/get-2-2008-83yzg9cj.jpg
مواصفاته
ارتفاعه 12 سم
يتحمل 4 كيلو جرام
وزنه 0.79 كيلوجرام
وجود مقبضين < يفيدك بتصوير البانوراما وغيره

وياليت تتصلين عليهم قبل عشان ماتضربين مشوار على الفاضي :D
014191983 فرع العقاريه
bp039