مايؤرقنا // ورقةأخـرى من المؤرقين " زوجي سليط اللسـان ,؟!

[مايؤرقنا]

http://up.eqla3.com/up/get-11-2007-e7ehg609.gif



مساكم ~ صباحكم " خيــر " bp039



\



أعــزائي أعضاء وعضــوات أســرتنا ,


( مــايؤرقــنا )


تـم أنشــاء هذا اليـوزر لحل ماينغص صفـو حياتكم
و ليكون صلة الـوصل بين مشاكلكم ومــاتمرون بها من مواقف \ مـؤرقـات
وبــين أراء الاعضــاء في حـلها ..
دون أن يعــلم أحـد عن هـويـة صــاحب المشكلة وصندوق المــراسلات لهذا اليوزر
مفتــوح دومــاً..

وللاعضاء من خـارج المنتدى يمكن مـراسلتنا على هذا الايــميل ,


mayoaregona@hotmail.com




..

المشكلة الـ 1 :

ما ادري وش اكتب لاني بصراحة ما تعودت اشاور احد خارج نقاط عائلتي بس لاني محتاجة اسمع ارائكم ومشورتكم علي
سأجبر نفسي على الكتابه , انا خريجة حاسب الي تخصص علوم حاسب كنت في ايام دراستي احلم بوظيفه مرموقه وهذا من حقي

لان تخصصي مرغوب ومهم مرت الايام وتخرجت وبدأت رحله البحث عن وظيفه كنت متوقعه ان الكل بيرحب فيني بس انا اللي بختار على هواي

ولكن صار اللي ما توقعته مالقيت اي وظيفه مو ترضى طموحي لا مالقيت وظيفه على الاقل تقدر شهادتي , صبرت وجلست في البيت قلت مو معقوله يمكن انا ما دورت كويس مافيه موقع في النت للوظائف ما دخلته ومافيه اعلان بالجريده ما قريته ولكن ما فيه فايده اليوم طلعت وتنازلت عن طموحاتي وقدمت على معهد تعليم حاسب ( على فكره المعهد يطلب دبلوم مو بكالوريوس ) لا والمديره مصريه !! عادي الى هنا جيت سألتها كم الراتب قالت لانك سعوديه وفترتين!؟ثلاث الاف ومع بدل المواصلات زياده ثلاثمئه ريال !!

ورحت مريت مدارس وسئلت اذا فيه شواغر قالو ايه والراتب وحده 2600 والمدرسه الثانيه حول 4000

ملاحظه
ما ابي منكم شفقه على حالي ولا ابي مواساة \

اللي ابيه منكم انا محتارة بين وظيفه المدرسه ووظيفه المعهد ؟ احيانا اقول اروح للمدرسه الي 4000 واحيانا اقول لا انا ما احب نظام المدرسه( وبعد المدرسه بعيده علي يعني بدفع حق مواصلات) خل اروح للمعهد وعلى فكره المعهد قريب عند بيتي

بس المشكله اخاف يكون تعب علي فترتين ؟

ياليت اللي جربت فترتين تقولي او تشير علي هل هم صعب او لا ؟


حطو انفسكم مكاني وشورو علي الله يوفقكم ويسعدكم ؟

وعذرا اذا كانت رسالتي مكركبه ومو مرتبه بس لاني كتبتها بسرعه وحتاجها ردكم باسرع وقت




\



المشكـلة 2 :


اشكركم على هالفكره الجميلة الرائعه
اللي جعلت منا نطرح مشاكلنا بعدين عن أعين الترقب والخصوصيه
انا متزوجة من سنتين تقريبا كنت اسكن في الشرقية وانتقلت للرياض مع زوجي
مشكلتي مع زوجي لااقول بخيل كمعظم النساء ولا سكير ولكن مشكلتي زوجي لسانه
رجل ملسووووون لابعد حد ينتقد كل شي يعلق على كل شي يذب على كل شي
في البداية وايام الملكة كنت استظرف خفة دمه وكنت اعتبرها نوعا من التقرب او التميلح
لكن اكتشف ان هذا طبعه,ينتقد كل شي مو لانه غلط لكن للانتقاد نفسه في البداية كنت حساسة من طبعه لكنه
كان لايعتذر عن كلامه ويج بكل برود يقول ليه تزعلين..ومليت من كثره البكاء كل يوم.

تجاوزت هالمرحلة معه وبدأت باسلوب الاقناع والنقاش ولكن كل مره تنتناقش فيها القاه يقاتل ويجادل بحجة ومليون حجة غير مقنعة بس علشان يقولي في النهايه :حجرتلك شفتي انك غلط؟
كرهت الحديث معه وكرهت اشاركه بشي او اطلب منه شي لاني بدخل بدوامه من الكلام لاتنتهي وقنبله نوويه من الكلام والذب

انسان لايبالي بشي ولايهم لاحد اهم شي عنده نفسه وذباته ومزاجه بالضحك دائما يقولي اللي يعر مزاجي اسحب عليه حتى لو كان زوجتي
أصبحت ما أثق فيه حتى لو نتكلم يوما ما بهدوء وقرب الازواج اقوله انت نصاب مااضمن اللي بداخلك
شخصيته لن تتغير حاولت اتقبله كما هو وان كانت حياتنا اصبحت اما صمت وتجاهل لبعضنا
او نستفز بعضنا علشان كل واحد يرد اقوى رد من الثاني

احيانا احن له ولن مااقدر اقول مشاعري له لاني اعرف ردة فعله

واحيانا ان ابدا اعجابه ولكن بطريقه فيها سخريه ارد عليه بسخريه اقوى

المشكله اللي انا فيها ان شخصيتي بعد الزواج تحولت للاسوء اخواتي وامي وصديقاتي في الشرقيه (لاني في الرياض ماتعرفت على احد بسبب رفضه ) لاحظ هالشي

صرت مثله طويلة لسان واحيانا وقحه ودائما متنرفزه أحس دائما الناس تنتقدني

صرت موااجتماعيه مثل اول ولااخذ الامور ببساطة مثل قبل لانه دايم كان يحذرني من الناس ويعترض على

اجتماعيتي ويبدا بموال الناس مافيهم خير وماينعطون وجه و و و

مااظلمه او اعيب في شخصه من ناحية الاشياء الاخرى لن هالشي قلب حياتي النفسية والزوجية

للاسوء

هل اطلب الانفصال وارتاح من التشويش والنرفزه او كيف اتعامل معه

أحبه ولكن ماأحس بالامان معه أريد حياه سعيده بهدوء وروقان مثل الناس الطبيعين

شكرا لكم



\


نـاقشوا مشاكلهم وأقترحواحـلول لها ,
هـم واثقين بحلولكم وأرائكم \ كـونوا قد الثقة كمـا عهدنـاكم


( F )

[حلـم بنـت]

يسعد مساكم





1_/


اهلين
بما انك قلتي فيها تعب ومواصلات وبعيده
اختاري الانسب لظروفك !
واستخيري والله يوفقك bp039





2_/



الكلمة الطيبة صدقة
ولها فعل السحر في النفوس
اصبري عليه .. امتصي الغضب والانتقاد بكل هدوء
اذا جلستي جلسه هادئه صارحيه ان هالشئ يضايقك
لان السكوت عن هالتصرف يخليه يتمادى
تحلي بالصبر وأخلصي في النصح له والاكيد بينصلح حاله ويتغير كلامه
الجأي لله وادعي دائما لزوجك بالهدايه
ويصلحه من عيوبه ويعصمه من البذاءه bp039

[dbdooob]

صاحبة المشكلة الأولى
اللي ابيه منكم انا محتارة بين وظيفه المدرسه ووظيفه المعهد ؟ احيانا اقول اروح للمدرسه الي 4000 واحيانا اقول لا انا ما احب نظام المدرسه( وبعد المدرسه بعيده علي يعني بدفع حق مواصلات) خل اروح للمعهد وعلى فكره المعهد قريب عند بيتي

بس المشكله اخاف يكون تعب علي فترتين ؟


وظيفة المدرسة تربويه اكثر من كونها مهنيه
وظيفة المعهد قريبه من المهنيه شوي لان موادها اكثر تقدماً من المواد اللي بتدرسيها بالمدرسة
يعني ممكن يمسكوك مواد برمجه او صيانه فعلى الاقل تمارسي تخصصك شوي
قرب المعهد نقطه في صالحك
بالنسبة للفترتين الناس ينقسمون ناس ما تتحملها وناس تدورها تعتمد على قدرة تحملك بمعنى ابسط فيه ناس ما عندها مانع تشتغل تسع ساعات متواصله ولا انه يشتغل سبع ساعات منفصله
هالشئ متى تكتشفينه اذا اشتغلتي ولا تنسين ان بيتك قريب يعني المشوار ما تشيلين همه

حاولي مع المعهد اذا كان معهد كبيرانك تاخذين عن طريقهم دورات اما مجاناً او بنصف السعر (ضرب عصفورين بحجر) وتكونين كأنك شغاله بالمعهد ترايننق تدريب لان الدورات هذي راح تزيد فرصك في الحصول على وظيفة افضل
ملاحظه
ما ابي منكم شفقه على حالي ولا ابي مواساة \

اختي انتي في مرحلة بناء ذات تحتاج تعب واصرار وهنا يختلفون الناس الحمدلله تخرجتي وهذا بداية المشوار ولا عمرك تفكري ان وضعك يستحق الشفقه او المواساة
صدقيني اول راتب راح تستلميه بتحسي فيه بشكل ما تتصوريه لانك تعبتي عشانه وهو بداية استقلاليتك

موفقة ياربbp039

صاحبة المشكلة الثانية

اختي عندكم مشكلة في أساليب الاتصال
نصحيتك لك تراجعين مستشار نفسي في امور الزواج بحيث تشرحين له شخصيتك وشخصية زوجك وراح يعطيك الحلول باذن الله
والسالفه بسيطه وما تستاهل انك تفكري بالانفصال ومراجعة المستشار مافيها أي عيب بل دليل لحبك ومعزتك لزوجك

الله يوفقكم ياربbp039

[مصفوقها]

السلام عليكم :)

سوف أُدلي بدلوي وإن جاز لكم خذوه وإن ما جاز لكم اتركوه :) <<< الله من زين الحتسي بعد pb027

بالنسبة لصاحبة المشكلة الأولى ( الحيرة بين وظيفتين )
لازم تعرفين يا أُختنا العزيزة أن الراحة نصف القوت مثل ما يقولون .. وأنتي ذكرتي إن المدرسة راتبها 4000 ولكنها بعيده عن منزلك ! كم بعيده يعني ؟ نص ساعه ؟ ساعه الا ربع ؟ ساعه ؟ أعتقد إنها مهيب بعيدة أبداً خصوصاً إن نظام التدريس عندنا مش حالك بالعربي الفصيح ولا تفكرين هالكلام إنه دعوة للتقاعس أو غيره ولكن الإنسان يبحث عن الأفضل واللي يريحه بعد :rolleyes:

بالمختصر دوام التدريس راح يكون أهون وأسهل عليك من المعهد لأن المعهد دوامه فترتين وماعرفت أحد يداوم فترتين إلا وهو يسب دوام الفترتين ويتمنى لو تزود ساعات العمل بس تكون الفترة واحده فقط بدل من الرجوع مره ثانيه لأن الشخص ما راح يرتاح أو ينام مثل الناس وهو عارف إن وراه فترة ثانية :sm5:

لو كنت محلك راح أفضل التدريس على المعهد :)

إستخيري ربك والله يكتب لك اللي فيه الخير والصلاح :)

...........................
.............................


بالنسبة لصاحبة المشكلة الثانيه :) <<< وش عنده عبدالله الفوزان pb027

يا أُختنا العزيزة مثل هالأشياء اللي تكلمتي عنها تعتبر ظاهر عامه عند ( أكثر ) الأزواج للأسف ! :(
أكثرهم يشوف إن كلام الزوجه مجرد ( ثرثره على غير سنع ) وهالشي يعكس شعور لدى الزوجه إن زوجها غير مهتم فيها و ما يحبها وووو .. الخ !

من خلال كلامك عن زوجك يبدو إنه ( مهوب اقشر بالحيل :D ) لأنك قلتي إنك ما تعيبينه بالأشياء الثانية pb189
شكله ظريف حبتين وأحياناً يزودها :rolleyes::D ... لذلك فيه شي إسمه النقاش بهدوء .. ممكن تبينين له إن بعض الأشياء تضايقك حتى لو كانت مزح وإن كل شي له وقت ( سواء المزح أو الجد ) لو إخترتي الأوقات المناسبة للنقاش راح يسمع منك بكل تأكيد خصوصاً إذا إستخدمتي اللباقة في نقاشك من خلال بعض المصطلحات الحلوة واللي أخاف أكتبها هنا ثم أتصفق :D

وان كانت حياتنا اصبحت اما صمت وتجاهل لبعضنا
او نستفز بعضنا علشان كل واحد يرد اقوى رد من الثاني
ليش يا ستي هالكلام ! :(
إبتعدي عن مثل هالأمور لأنها تعتبر من الجدل العقيم اللي ما منه أي فائدة وضرره أكبر من نفعه !

صدقيني لو قال شي وحاول إنه يستفزك وسكتي عنه مره ومرتين راح يتأثر هو ويتعلم من دون ما تقولين له شي :)
راح يحس إنه أخطأ بحقك وراح يترك مثل هالأمور والتعليقات الجارحه .. حاولي تجربين الصمت كم مره وشوفي نتائجها .. مهما كان الإنسان راح يحس بخطأه على الطرف الآخر إلا إذا كان ضميره ميت وأعتقد إن زوجك ما وصل لهالمرحلة ولا راح يوصل لها بإذن الله :)

بالنهاية .. لا تأسين وعليكِ بالدعاء إن الله ييسر الأمور ويهدي زوجك ويصير ( هّين ليّن ) ولا تنسين إن الشخص تهون عليه مشاكله إذا شاف المشاكل الثانية ... وأنتي بعد لأزم تشغلين نفسك ببعض الأمور ولا تصيرين حبيسه بالبيت على غير سنع وتدققين على كل كبيره وصغيره ! حاولي إنك تشغلين وقتك بالقراءة أو أي شي ممكن إنه ينسيك خصوصاً إنك ما تعرفتي على أحد من جيرانكم مثل ما قلتي والسبب زوجك !!

كل شي يجي بالرفق واللين ( (ان الرفق ما كان في شيء الا زانه وما نزع من شيء الا شانه )

الله ييسر لك الأمور أنتي وكل مسلم ومسلمه يارب العالمين :)

المعذرة على المصاله إن وجدت bp039

:)

[ريــ الرياض ـوف]

مساء الخير pb189


صاحبة المشكله الاولى bp039

انا لو بكون مكانك بختار المدرسه..
انا مثلك اكره نظام المدارس لكن بالمقارنه بالمعهد انا اشوف المدرسه افضل بكثير اسباب ..
1_المعهد دائما وضائفه مو مضمونه يعني ممكن يشيلونك باي وقت وهذي مشكله,,
2_مديرتك المصريه احسها تتفلسف ماحبيتها مدري ليه خخخخ
3_الفرق في الراتب..
4_اجازاتك في المدرسه بتكون كثيره ويكفي انك تعطلين مع الطلاب لكن المعهد مايعطلون الا بالاعياد..
5_انا اكره نظام الفترتين..تخيلي متى فترتك الاولى وترجعين تريحين وتتغدين وتجي فترتك الثانيه..وتجين تعبانه وخالصه من التعب..متى يمديك تخلصين التزاماتك واشيائك اللي تبين تسوينها في يومك..خمس ايام من الاسبوع بتروح كذا شغل في شغل ..ماصارت ! روتين ممل !!
6_المعهد طالب شهاده اقل من شهادتك..بالله ماتنقهرين ؟ شهاده عاليه وتدرسين في مكان طالب منك اقل من شهادتك ؟
7_بالنسبه للمواصلات ماذكرتي لنا قد ايش البعد.. المدرسه في قريه مثلا ؟ اذا في قريه اقول لك فيها سفر يعني اقل شي ساعه
لكن اذا داخل مدينتك انا اشوف مافيها شي..اذا انتي من الرياض معناها متعوده على المشاوير وحوستها ولو مايجينا الا مشوار الجامعه يربينا كان يكفي :D هونيها وتهون بالنسبه للمشوار ..لكن قلت لك اذا سفر فكري فيها مليون مره ..

واستخيري اهم شي..والله يوفقك يارب bp039


صاحبة المشكله الثانيه bp039

ماشوف فيها مشكله..انتي مكبره الموضوع شوي..
وبعدين هذي صفه في كثير شباب عندنا :D يعني شي مو مستغرب
شوفي..ياما رجال غيروهم حريمهم..تلقينهم قبل الزواج شي وبعد الزواج شي..مو قوة في شخصية المرأه لكن انا اعتبره ذكاء ;) عشان تكسبه تحاول تغيره بطريقه مايحس انها قاعده تغيره فيها..
ليه تحاول تغيره ؟ او ليه هو يحاول يغيرها ؟
لانهم بالنهايه بيعيشوون في مكان واحد ..تربيتهم لعيالهم لازم تكون وحده..لازم يتفقون في كثير اشياء عشان يقدرون يستمرون..فمافيه الا ان الاثنين كل واحد منهم يغير الثاني ;)
المشكله مو في الحكايه اللي قلتيها..المشكله بدل ماتغيرينه انتي هو غيرك :D وهذا غلط ;)
الزوجه فيه كثير اشياء تقدر تسويها ومنها بتقدر توصل للي تبيه وتسوي اللي براسها ؟؟
فكري في هالاشياء وخليها تحل لك المشكله
وحطي ببالك لما تبين تتعاملين مع اي شخص يهمك..انك تحاولين تعرفين كيف تقدرين توصلين له..لكل انسان مننا ثغره اذا قدرتي توصلين لها فانك قدرتي توصلين للشخص نفسه وبالتالي تقدرين تتفاهمين معاه وتكسبينه,,
عاد كيف لو كان هالشخص هو زوجك ;) احس مره سهل ..

اجلسوا مع بعض في وقت هادي مب وقت طقاق :D وقولوا ايش الاشياء اللي ماتعبجكم في بعض ودقي عاد انتي على الوتر :D حاولي تجيبين طاري هالشي كثير بس قلت لك انتبهي للوقت..مهم يكون رايق بس مو الرواقه الي تخليه يروق على الذب :D
عاد انتي لما تحاكينه مب تجينه بصراخ..خليك دلوعه وخلي شكلك يكون انثى خليه يخق عشان توصلين بسرعه للي تبين :D
بالبدايه بتتعبين لانك قاعده تغيرين شخص لكن بعدين بترتاحين ..يعني هالتعب مستاهل ;)
وترى انك تغيرين زوجك اسهل بكثير من انك تغيرين اي شخص ثاني..كثير بنات يغيرون رجالهم للافضل وبنفس الوقت الرجال يحسب لها الف حساب لو بس تزعل زعله خفيفه تنكد وضاق صدره وحاول يرضيها باللي هي به..
.
.
واذا قال لك شي استفزك ازعلي..بس مو زعل خرابيط ازعلي من جد خليه يحس انك مو اي احد يذب عليه الكلمه ويمشي.. انتي انسانه غير ولازم التعامل معاها يكون غير..
اذا بتقولين لي مادرى عنك اذا زعلتي ..هنا بندخل في مشكلة ثانيه يبي لها حل..اخاف اكتب وتقولين وش ذا البرباره اللي عيت تسكت :D
المهم زبدة الحكي خلي لك قيمه كبيره عنده..يحسب حساب لزعلك ورضاك..عوديه ان الكلمه اللي تنقال في الملحق عند الشباب ماتنقال لك.. انتي شي وهم شي ..
وزي ماقلت لك بتتعبين بالاول بس بعدين بترتاحين;)
اهم شي طولي بالك ولاتقعدين تفكرين بافكار غلط طلاق وغيره ولاتحاولين تكبرين حجم المشكله بعيونك ( هونيها وتهون )
والله يوفقك bp039

[al_7ekaya]

صاحبة المشكلة الأولى:

الله يوفقك ويكتب لك الخير ..صلي استخارة ، واسألي عن بيئة الشغل نفسها .. مب طبيعة الشغل بس ، اذا تعرفين حد اشتغل في المكان او ممكن تروحين تزورين المكانين وتشوفين ..سبحان الله يمكن ما ترتاحين لمكان ..ترى بيئة الشغل مهمة ، الناس اللي بتشتغلين معاهم كل يوم ..والادارة اللي بتشتغلين معاها

موفقة bp039

صاحبة المشكلة الثانية

اختي ...bp039
اذكر عبارة قديمة لكاتب كان يقول ان احنا ممكن ما نقدر نغير طبع شخص ، لكن لو فهمنا دوافع هذا الشخص واسباب سلوكه ممكن نكون متسامحين معاه اكثر ..
زوجك زي ما قلتي شخص ساخر وينتقد كل شي وما يحب تختلطين بالناس ..
يمكن يكون من النوع الحذر اللي ما يثق في الناس بسرعة ، يمكن من النوع اللي مب بالسهولة يعبر عن مشاعره ويبينها ، لما يبدي اعجابه بطريقة ساخرة مو عشان يستفزك، يمكن عشان يحمي مشاعره بمعنى هو مو متعود يعبر عن عواطفه ويخاف تجرحينه او تنتقدينه او تضحكين على كلامه فيقوله بطريقة ساخرة تحسبا لردك ، وترى فيه رجال وايد جذيه ، يستحون يبينون مشاعرهم حتى لو كان طبعه مب خجول واجتماعي ..يستحي يقول اللي في قلبه مثل ما هو ، فيقوله لج بطريقة غير مباشرة بمزح او سخرية ..مب عشانه ما يحبج ولا عشان يستفزج ..بس هذي طريقته في التعبير ..واذا انتي رديتي عليه بطريقة ساخرة وانتقدتيه انتي ما تساعدينه بالعكس انتي تخلينه يتمسك بسلوكه هذا اكثر واكثر .. لا تعاملينه باسلوبه ، طولي بالك عليه وفوتي فوتي وايد .. تقولين ما تقدرين تقولين له مشاعرك عشان تخافين من ردة فعله ..ايش بيسوي ؟! بينتقدك ؟! ..عادي لا تاخذين كلامه حرفيا ..بالعكس بينبسط حتى لو مابين .. عامليه مثل ما تبينه يعاملك ..مثل ما اكتسبتي اسلوبه هو مع الوقت بيكتسب اسلوبك ..
ولا تاخذين كل شي يقوله من باب مزح او نقد على محمل الجد ..كثير نقول كلام ما نقصده ، وكثير نقول كلام واحنا نقصد عكسه ..يقولك مثلا ان الشخص اللي يعكر مزاجه على قولتك يسحب عليه ولو زوجته .. طيب سحب عليك على قولته؟! ما اظن ..عليج من افعاله مب من كلامه ..وفكري في القصد من الكلام وايش الموقف اللي انقال فيه هالكلام ..مب ممكن يكون قصده يلفت انتباهك مثلا ..راقبي سلوكج وتأثيره في كلامه وسلوكه ، يعني ممكن مثلا انشغلتي عنه وكان يبي يسولف معاج فبدل ما يقول انه يبي يسولف معاج ..قام يحاول يستفزج
..جد راقبي سلوكج ..ما اقول انج السبب بس اقول انج من خلال سلوكج وردة فعله عليه بتعرفين شخصيته عدل وبتفهمينه اكثر ..وممكن تكتشقين اشياء غايبة عنج ..ممكن تكتشفين مثلا انه يغار من علاقتك بصديقاتك او اهلك ..ولو تكلمتي عنهم وايد واعتقد انهم مهمين عندج اكثر منه ..بعد شويه ممكن يتصرف او يقول كلام يضايقك ..هنا بتعرفين مهما كان الكلام اللي يقوله انه غيرة مب اكثر ..فبتنتبهين المرة الجاية انك ما تحسينه انهم اهم منه ..ولا تواجهينه وتقولين انت تغار من اهلي ..لا ، بس افهميه وتصرفي معاه على هذا الاساس .. وهكذا وقيسي على هذا المثال..
..اذا فهمتي اسباب تصرفاته ما راح تتضايقين منه ولا راح تعصبين ، ترى كثير من الناس اللي تذب وتسخر تكون جد حساسة ، حساسة جدا من داخل وينجرحون بسرعة ويكون الضحك وسيلة لتغطية هالجانب ..وكثير ناس تقول كلام وتكرره باستمرار وهي تقصد عكسه تماما .. وهم يحسون بعكسه تماما ، فيه ناس طبعها جذيه مب مباشرة ولا صريحة ولا تقدرين تغيرين طبعهم نهائي ، بس اذا فهمتيهم تقدرين تتعاملين معاهم بدون ما يتعبون ولا تتعبين

الله ييسر لك اموركbp039

[ريميه نجد]

السلام عليكم ورحمه الله وبركاته

اعجبني الطرح الجديد جدا bp039


دمتم لنا يامجلس الاسرة pb189







بالنسبه للمشكله الاولى


اللي ابيه منكم انا محتارة بين وظيفه المدرسه ووظيفه المعهد ؟ احيانا اقول اروح للمدرسه الي 4000 واحيانا اقول لا انا ما احب نظام المدرسه( وبعد المدرسه بعيده علي يعني بدفع حق مواصلات) خل اروح للمعهد وعلى فكره المعهد قريب عند بيتي

بس المشكله اخاف يكون تعب علي فترتين ؟

ياليت اللي جربت فترتين تقولي او تشير علي هل هم صعب او لا ؟


انا ماقد جربت الدوامين

بس حبيت ادلو بدلوي pb094

انه اختيار الوظيفه يحددة ارتياحك

لانه اذا حسيتي براحه في المكان تقدرين تعطين في المجال الوظيفي .,,

واذا مااترتحتي يحصل العكس .,,

فأنتي وش تحسين اقرب لنفسك .,,

بالنسبه للدوامين احس صعبه وتعب وارهاق على الموظف

وانتي اختاري اللي يريحك pb189

بالتوفيق pb189




المشكله الثانيه


حاولي بطريقتك انه تفهمينه ان هالاسلوب مايعجبك

ولو وصل الحد للزعل ازعلي ولاتنهزمين وخلك واثقه من نفسك .,, وانك عند موقفك لاتتراجعين الين يحس بالمشكله ويحاول يحلها

لانه لو تراجعتي بيحس انك انتي الغلطانه ومافهمتيه زين :/


ومن كلامك انو توك متزوجه من فترة بسيطه

ان شاء الله

مع الايام يحس بالمسؤليه ويتغير طبعه


الله يوفقك ويهنيك pb189

[البسمة الخجولة]

بنسبة للمشكلة الاولى :
انصحك باختيار المدرسة ..
اولا مضمونه وثانيا المعهد مديرته مصرية وهذا الشي ممكن مايكون في صالحك :rolleyes:..
وفترة الدوامين تتعبك خصوصا اذا كنتي متزوجه
وعندك عيال ;)..

المشكلة الثانية :
طبقي كلام ريوف الرياض وادعيلها ;)
ما شاء الله عليك ياريوف كلامك عين الصواب ;)
تصلحين مستشارة في عالم الاسرة ;)..


لكم bp039..

[co5co]

بالنسبة لصاحبة المشكلة الاولى
البعد مومشكلة يعني نص ساعه ساعه هي نفس المشوار
لكن قيسي عليها اذا كان فيها تحاضير وشغل في البيت لان اكثر المدراس تخلي مدرسة الحاسب تسعين موظفة بموظفه تضبيط مدرسة , نشرات , اوراق عمل
يعني تشتغلين في المدرسة وفي البيت كأنك دوامين
اذا المعهد فقط شغلك فيه وبس اعتمديه


صاحبة المشكلة الثانية:
اول شي حاولي انه مايغير فيك شي , مو عناد ولكن تغيره للاسوء
ردي عليه او حاولي مايستفزك أبدا اذا علق عليك قولي له بالله ظريف يعني ؟
وخليك حاسمه معه
ومثل ماقالو البنات اشغلي نفسك اذاجا , انتي بعيده عن اهلك وعن صديقاتيك وهو يروح ينبسط مع اخوياه ذب وانتقاد ويجي للبيت رايق للهواش فاانشغلي واحقريه ماادري كيف وسائل الانشغال يمكن انتي متخرجه ومالك في الشغل او مالقيتي وظيفه , بس حاولي حاولي تنشغلين او تتشاغلين عنه .
الله يهدي الجميع

[بنت الاماكن]

المشكله 1
شوفي اختي انتي وين راحتك هل انتي من النوع اللي يحب
الداومين وعندك استعداد او لا ,,,من رأيي الداومين صعبه شوي ومرهقه
واللي جربوا دوامين مررره مستائين منه ,,,
بنفس الوقت الدوام الواحد افضل بكثير خصوصا المدارس دوامهم قصير
واذا ع المشوار راح تتعودين عليه جربي انتي ماراح تخسرين
بعدين كراتب المدرسه افضل بكثير من المعهد
اللي جربوا دوامين مررره مستائين منه ,,,

موفقه حبيبتيbp039

\

المشكله 2
مشكلتك اختي بسيطه بس الاهم انك تعرفي كيف تحتويها
انتي من البدايه عطيتي زوجك فرصه انه يكلمك بهالاسلوب
انا معاك انه اسلوب باييخ ومو حلو ان الشخص اللي قدامي يكلمني بهالطريقه
لكن بيدك تغيرينه وبطريقتك خلاص انسي اللي راح وابتدي معاه من
جديد ناقشيه بيني له انك ماتحبين هالطريقه بالنقاش والاسلوب واحذري انك تردين
عليه بنفس اسلوبه صدقيني اكبر غلط حسسيه انك اكبر من كذا وانو
الاسلوب هذا مايناسبك ولا هو اسلوبك
وزي ماقالت ريوف ازعلي وزعل جامد
ولاتعطينه مجال ابدا يمارس اسلوبه مره ثانيه اختاري اوقات مناسبه للنقاش
او اكتبي كل اللي بخاطرك برساله وحطيها له بأي مكان
عشان يقراها احيانا الرسائل تعطي نتائج مرررره حلوه ومفيدهولها سحرعجيب :sm5:
وراح يقراها ويستوعب حروفها اكثر خصوصا انه
كل فتره ممكن يرجع يقراها ويتذكرها



الله يسعدك اختي bp039

[بنت شارع عسير]

مكان جدا جميل وفعلا يحملنا مسؤلية الرد
لأن ردودنا ربما نجحت وفلحت وربما خربت على من يستشير
اسأل الله أن يجعل ردي ورد كل من أهتم لاأجل الله سبحانه وتعالى
المسألة الأولى
ولاأحب أن أقول مشكله لأنها الأن لأتعد مشكله
وسط مايحدث في مجتمعنا؟!
الأستخاره هي الأنسب بداية ونهاية
والأمر الأخر أنتي من يحدده لأن المكان سيحتضنك وأنتي
من يقرر أن كان يناسبك أو لا
اسأل الله أن يريمك في خيرته المباركه
..................
المشكله الثانية
يؤسفني أن يكون بعض الرجال بهذه الصورة
وحتى أن كانت زوجته لأتستوعبه كثير
فهذا لأيبرر له أن يكون بصورة غير لأئقه أمامها
بصراحة أجد أن الرجل بعد عقله يكمله حلاوة لسانه
فإن كان محترم أجبرني على أن أحترمه وأقدره
وأن كان عكس هذا فهو بنفسه أختار أن يكون
بصورة غيره لأئقه ومحترمه أمام زوجته
الطلاق ليس بالأمر الهين في بعض المشاكل
وأمامك خيارين لاثالث لهما
1- أن تتجاهلي مايقوله بمعنى أن يكون كلامه
لايؤثرعليك فاأعتبريه كالطفل يشاغب ويريد من يرد عليه
تجاهلي مايقوله وقولي له شكر لك فقط لاغير
وبعد مرور وقت صدقيني سيندم على طريقته معك
وأما مسألة أن تتغيرين للأسواء وتكوني بمثله
في الفاظه فهذا شي يعيبك أختي لأن الأنسان
كيف ينهى عن شي ويأتي بمثلة؟!
يجب أن يكون تأثيرك عليه بالتغير للكلام الطيب
أقوى من أن تتأثري أنتي وتقلديه بالشي المعيب!
2- وهذا الأهم أن كنتي تحبين زوجك فصدقيني
ستفعلين مابوسعك لاأجل أن يتغير
أن كان مصلي ويخاف الله ولايظلمك ويقدرك في بعض
الأمور المهمة فاالتمسي له العذر في بعض الفاظه فربما
كانت نشأته غير سليمة بمعنى أنه يرا في الفاظه شي عادي
لأن بيئته تتكلم بنفس أسلوبه
أو أنه يعاني من ضغط وهذا مايجعله بتوتر دائما
ونصيحتي لك وأنت أعلم وأقرب الناس الى زوجك
أن كان لأيعيبه الأ ماذكرتيه (سليط لسان) فاالحمد لله
فلربما أنتي تفعلين له أمور لأيطيقها ولانعلم:)
وفقك الله لكل الخير وأسعدكم

[om kalthoum]

تم التحرير :

ياليت لو عندك حـل تتفضل فيه مره ثانيه ,
لكن التجريح في الكـلام مو هنا مكانه !


وهالمرة أنذار والي بعدها توقيف ..
لانها مب أول مـرة تسويها !

:):)

[.Evil_Girl.]

المشكله الاولى

استخيري ربك وتوكلي على الله ولو حطيت نفسي بمكانك اخترت التدريس لأنه اضمن واريح بس عيبه الروتين اللي يذبح


المشكله الثانية
ريوف ماقصرت والله يوم قريت ردها قلت ودي اعرس عشان اطبق :d

بالتوفيق

[Chili's]

صاحبة المشكلة الأولى ماقدر افيدك
المشكلة الثانية هذي ماقدر اجاوب ولا اعرف لكن شوفي هالرد اللي يستهتر فيك على سبيل المثال
هذا الشي هو مدعاة انك تقولين الله يخلي لي زوجي
كل رجل مهما امتلك من صفات سيئة تلاقين فيه على العكس أشياء تكتشفينها
لكن انتي الآن عندك حاجز نفسي ماعرف كيف تتخطينه بس كل انسان يحط بباله فكرة راح تكبر براسه
نصير نشوف الشخص بطريقة معينة وكل شوي نتأذى أكثر
انتي لازم تحاولين بدون ماتتراجعين يعني بدون ماتقولين أوف مافاد
لازم تجربين تناقضين نفسك ببعض النقاشات ،، يعني تقولين ايه انت صادق :eek:
وانتي تدرين مو صادق بس تحاولين لانه ممكن تكتشفين أشياء
وأخيرا حاولي تشغلين نفسك بطريقة تبتعدين عشان تخف النرفزة اللي فيك
والله يساعدك وادعي
وأخيرا تبقى وجهة نظر لأني مو متخصص

[أرجـوحة الزمـن]

مساء الخير pb189


صاحبة المشكله الاولى bp039

انا لو بكون مكانك بختار المدرسه..
انا مثلك اكره نظام المدارس لكن بالمقارنه بالمعهد انا اشوف المدرسه افضل بكثير اسباب ..
1_المعهد دائما وضائفه مو مضمونه يعني ممكن يشيلونك باي وقت وهذي مشكله,,
2_مديرتك المصريه احسها تتفلسف ماحبيتها مدري ليه خخخخ
3_الفرق في الراتب..
4_اجازاتك في المدرسه بتكون كثيره ويكفي انك تعطلين مع الطلاب لكن المعهد مايعطلون الا بالاعياد..
5_انا اكره نظام الفترتين..تخيلي متى فترتك الاولى وترجعين تريحين وتتغدين وتجي فترتك الثانيه..وتجين تعبانه وخالصه من التعب..متى يمديك تخلصين التزاماتك واشيائك اللي تبين تسوينها في يومك..خمس ايام من الاسبوع بتروح كذا شغل في شغل ..ماصارت ! روتين ممل !!
6_المعهد طالب شهاده اقل من شهادتك..بالله ماتنقهرين ؟ شهاده عاليه وتدرسين في مكان طالب منك اقل من شهادتك ؟
7_بالنسبه للمواصلات ماذكرتي لنا قد ايش البعد.. المدرسه في قريه مثلا ؟ اذا في قريه اقول لك فيها سفر يعني اقل شي ساعه
لكن اذا داخل مدينتك انا اشوف مافيها شي..اذا انتي من الرياض معناها متعوده على المشاوير وحوستها ولو مايجينا الا مشوار الجامعه يربينا كان يكفي :D هونيها وتهون بالنسبه للمشوار ..لكن قلت لك اذا سفر فكري فيها مليون مره ..

واستخيري اهم شي..والله يوفقك يارب bp039


صاحبة المشكله الثانيه bp039

ماشوف فيها مشكله..انتي مكبره الموضوع شوي..
وبعدين هذي صفه في كثير شباب عندنا :D يعني شي مو مستغرب
شوفي..ياما رجال غيروهم حريمهم..تلقينهم قبل الزواج شي وبعد الزواج شي..مو قوة في شخصية المرأه لكن انا اعتبره ذكاء ;) عشان تكسبه تحاول تغيره بطريقه مايحس انها قاعده تغيره فيها..
ليه تحاول تغيره ؟ او ليه هو يحاول يغيرها ؟
لانهم بالنهايه بيعيشوون في مكان واحد ..تربيتهم لعيالهم لازم تكون وحده..لازم يتفقون في كثير اشياء عشان يقدرون يستمرون..فمافيه الا ان الاثنين كل واحد منهم يغير الثاني ;)
المشكله مو في الحكايه اللي قلتيها..المشكله بدل ماتغيرينه انتي هو غيرك :D وهذا غلط ;)
الزوجه فيه كثير اشياء تقدر تسويها ومنها بتقدر توصل للي تبيه وتسوي اللي براسها ؟؟
فكري في هالاشياء وخليها تحل لك المشكله
وحطي ببالك لما تبين تتعاملين مع اي شخص يهمك..انك تحاولين تعرفين كيف تقدرين توصلين له..لكل انسان مننا ثغره اذا قدرتي توصلين لها فانك قدرتي توصلين للشخص نفسه وبالتالي تقدرين تتفاهمين معاه وتكسبينه,,
عاد كيف لو كان هالشخص هو زوجك ;) احس مره سهل ..

اجلسوا مع بعض في وقت هادي مب وقت طقاق :D وقولوا ايش الاشياء اللي ماتعبجكم في بعض ودقي عاد انتي على الوتر :D حاولي تجيبين طاري هالشي كثير بس قلت لك انتبهي للوقت..مهم يكون رايق بس مو الرواقه الي تخليه يروق على الذب :D
عاد انتي لما تحاكينه مب تجينه بصراخ..خليك دلوعه وخلي شكلك يكون انثى خليه يخق عشان توصلين بسرعه للي تبين :D
بالبدايه بتتعبين لانك قاعده تغيرين شخص لكن بعدين بترتاحين ..يعني هالتعب مستاهل ;)
وترى انك تغيرين زوجك اسهل بكثير من انك تغيرين اي شخص ثاني..كثير بنات يغيرون رجالهم للافضل وبنفس الوقت الرجال يحسب لها الف حساب لو بس تزعل زعله خفيفه تنكد وضاق صدره وحاول يرضيها باللي هي به..
.
.
واذا قال لك شي استفزك ازعلي..بس مو زعل خرابيط ازعلي من جد خليه يحس انك مو اي احد يذب عليه الكلمه ويمشي.. انتي انسانه غير ولازم التعامل معاها يكون غير..
اذا بتقولين لي مادرى عنك اذا زعلتي ..هنا بندخل في مشكلة ثانيه يبي لها حل..اخاف اكتب وتقولين وش ذا البرباره اللي عيت تسكت :D
المهم زبدة الحكي خلي لك قيمه كبيره عنده..يحسب حساب لزعلك ورضاك..عوديه ان الكلمه اللي تنقال في الملحق عند الشباب ماتنقال لك.. انتي شي وهم شي ..
وزي ماقلت لك بتتعبين بالاول بس بعدين بترتاحين;)
اهم شي طولي بالك ولاتقعدين تفكرين بافكار غلط طلاق وغيره ولاتحاولين تكبرين حجم المشكله بعيونك ( هونيها وتهون )
والله يوفقك bp039

للمشكلتين رد ريوف كفى ووفى pb189
جيت بكتب رد لقيتها قالت اللي بقوله وافضل بعد pb189




لاحظت ان بعض الناس تجي تستهزئ بصاحب المشكله مادري تحسب اننا في العيارين:rolleyes:
اتمنى من المشرفين يوقفون اصحاب العقول الفارغه :rolleyes:

[حصه ولا شاذوب]

أهلين
بالنسبة للمشكلة الأولى .. رايي انها تستخير ما دامها محتارة ..

بس إذا جينا في لو كنت مكانها وش أختار؟

أبختار المدرسة لأنها شفت واحد ولأن راتبها اذا هو حول الـ 4000 زين ما شاء الله .. ولأن بعد الإجازات يمدحونها ..

وأتمنى لك التوفيق : )

[مستهبله بكيفي]

،،

المشكله (1)
اممممممممممممم دوام الفترتين متعب لاقصى حد من تجربه
بس عاد هذا يرد لكل واحد وقدرتها

المشكله (2)

مااقول الا احتسبي الأجر:D
بصراحه للاسف انتي عودتي زوجك بدون ماتحسين ع استخدام هالاسلوب معاج
جريته عليج وع نفسج وسمحت له يتعدى خطوط المفروض مهما كانت الميانه بين الازواج ماتنتعدى
الحل انج تقعدين معه قعده هاديه تكون جاده وصريحه .. وتفهمين انه مايصلح مثل ماقالت ريوف يعاملج مثل مايعامل
ربعه بالديوانيهpb036 وحاولي تستخدمين اثناء هالكلام الاسلوب اللي تعرفين انه ممكن يأثر فيه .. كلام حلو .. دموع:D
رثاء لحالج وانج مسكينه اللي ربي رزقيج بواحد مثلهpb093
عاد اذا بعد كل هذا مافهم .. مالج الا تحقرينه .. كل ماستخف دمه .. احقريه .. وكذا .. ترى مافيه مثل الحقران
عاد لاجاء متفلسف عليج وسئلج ليه حقارته .. انهدي عليه وقول ليه من اسلوبك اللي مثل السم .. سوي له فيلم هندي
ولايمنع تصاحبه بعض الدموع :D

عموما انا كرهته pb131 == انتي شكوpb192

[بوح القلوب]

صاحبة الوظيفه
من رايي تاخذين المدرسه الي راتبها 4000 ، يعني بعيده معليش ويروح نقول 500 على النقل ويبقى لك 3500
مميزاتها :
1- احسن راتب من المعهد
2- فترة وحده وطالبات واسهل تدريس
3- تفتكين من المديرة المصريه عشان ماتتقعد لك ، بعضهم اسلوبهم مع السعوديات ميح

السلبيه الوحده الطريق والبعد ، واشوفها معليش تبكرين نص ساعه وتحصلين على الايجابيات الي فوق ذكرتها

اخر نقطة وهي الفصل اقولك الاستخاره ثم الاستخاره ثم الاستخارة بعدها ارضي بالي يكتبه لك ربي لانه هو الخير

[!. ييزي بأه .!]

لصاحبه المشكله الاولى استخيري
وانا مع رد ريوف قالت الي بخاطري كله للمشكلتين : (

[حلا اهلي]

يعطيك العافيه يالاسرهـ bp039

بالنسبه للمشكلهـ الاولى

انا اشووف انك تستخرين ,, ولو انا منك اخترت المدرسه

مافي اشين من انهـ يكون مديرك او مديرتك غير سعودي :rolleyes:

بالاول والاخير الراي رايكـ pb189



الثانيهـ .,.,

شوفي ياقلبي لازم تتفاهمون مع بعض .. اكيد في نقطة تواصل بينكم

اتذكر دكتور نفسي ماادري والله بأي قناة كل مادقت حرمه عليه بأي مشكله يقول لازم فيه نقطة تلاقي بينكم

صح معك ان مثل هالشخصيه 24 ساعه يقهر

بس خوذي امورك ببساطه ,, ليه تعصبين وتنرفزين عمرك طيب !

هذا طبعه حاولي تتفهمينه او انك تحاولين معه يغير من تصرفاته معك

مع اني اعتقد ان مثل هالشخصيات ماتتغير يصير هالشي يمشي بعروقهم لو التزم فتره بيرجع

انسب حلّ حاولي تتفهمينه ,, مابي احبطك مجر رأي لي ..!

وكل ماذب كلمه اضحكي وعلقي معه ,, الجدّيه مع هالاشكال بتتعبك اكثر

ومع الوقت بتصيرين من جد خلاص ماتتحكمين بأعصابكـ pb093
وهنا الخطأ ..!!

حاولي تطلعين من تواجدك بعالمه وبس ..!!

الي عرفته منك انك بالرياض لحالك واهلك بالشرقيه ,, تعرفي على جارات على اقارب كان له هنا

اهم شي لا تصيرين لحالك ومقابلته طول الوقت ,, كذا بتصيرين تدققين على كلمه هو يقولها :)

الله يهدّي سركـ انتي وياه ياربي وتقدرين تصيدين طبعه pb189

وتذكري لازم بالحياة الزوجيه النقصان ,, مااحد كامل الا وجهه pb189 bp039

[فجـــر العيد]

شكــــرا لمشرفي ومشرفــات الاســره على جهدهــم الــواضــح
المشكله الاولــى
اختي انصحــك بالمدرسه وبشــده لعــدة اسباب

جــوهريــه :rolleyes: اولا الراتب اكثر:D ثانيا الدوام اريح من

حيث انه فتره واحده بعكس المعهد ولا تستهيني

بالفترين او تحسبينهاسهــله من واقع تجربه اقــولك

الدوام فترتين جــدا مرهق :( ويخليــك تطفشين

وهالشي مو من صالحك ثالثا المدرسه فيه مجـال انك

تترقيــن فيها مـع الزمن اذا اثبتي جدارتك وتميزتي

في عملك :sm5: ونااعرف بنات كثير بدو مشوارهم الوظيفي

كمعلمات في مدارس اهليه وبعد كم سنه اللي صارت

مساعده واللي صارت مديره >>الاهليه كلشي جايز فيها:D

رابعا المديرات الاجنبيات معروف عنهم العنجهيه وحب

ابنزاز السعوديات بالعربي شغل تطفيش pb034واعتقد انك بغنى

عن ذلك اتمنى لك التوفييق اختـي وياليت اذا رسيتي

على وحــده من هالوظيفتين تستمرين بالبحث عن

وظيفه افضـل :rolleyes: تحتوي قدراتك بشكـل اكبــر ..


المشكله الثانيــه
:D

حبيبتي او ل شي بقوله لك لا تحسبين ان حس الظرافه

والذب اللي عند ابو الشباب:D شي مستنكر او غريبpb036

او انك تعانين من مشكله معقدهpb095 لا لالا ابداا هالشي هذا

متاصل في شبابنا الموقرpb036 ( زينهم وشينهم )من جد مدري

شيحسوون به pb036pb027 المهم ياحلوه اللي يتضح من كلامك

انه هذا اسلوبه من زمان:rolleyes: ومع كل الناس يعني مو

متقصد انه يستفزك pb034 وهو يعتقد انه شي عادي او انه

مزح وخفــة دم ولو كان يشك واحد بالميه انه شي غلط

او جارح كان عالاقل ايام الملكه تعدل شوي:rolleyes:pb027

(تخبرين الطفه اللي تجيهم ) pb095 المهم يجي دورك

الحيين شغل الزعل والمراد وطوالة اللســان ماينفع

ابدا مع اللي نفس نوعية زوجــك pb034ونااعرف رجال

كثير من طقته وهذااللي حمسني ارد عليك pb094 اللي نفس نوعية

زوجك ينفع معهم اسلوب الاستعطااف والدلع وتسذا يعنيpb094

لان طوالة اللســان تأججهــم زود وتحسسهم انهم في تحدي

مــع الطرف الاخــر :mad:وغيــر كذا تفقدك احتــرامك وهيبتك :sm5:

وسبحان الله لكل شخــص مفاتيح لقلبهpb189 ووجدانه تخليه

يتقبل اي شي من الطرف الثاني:) انتي جربتي اسلوب

المراد وعرفتي انه بدون نتيجه بالعكس يخلق فجوه

بينك وبينه وزعل طويل وجربتي النقاش وقلتي انه

ماتقبله خلااص معد بقى غيــر اسلوب الاستعطاف

والدلعpb189pb094 خلي كلمة حياتي وعمري 24 ساعه على لسانك:sm5:

قولي لهpb192 انا فكرت زين واستشفيت انك راس مالي بهالدنيا pb094

وحتى لو جرحتني وضيقت صدري كلشي منك بتقبله pb094

مو عشان شي بس لاني احبك pb189وموووت فيك >> تسني خشيت جو:D

لا من جد طييييري عقله بالمدح والدلع والتغنج وتسذا ;)

واذا ذب ولا استخف دمه عطيه نظره حزينه كذا وسلهمي

بعيونك ( من نظرتك عبري له انك عتبانه عليه) pb034وبعدين

التفتي ولا تكثرين هرج يعني قولي كلمه وحده بس

معبره مثلا الله يسامحك:( صدقيني مع الايام بيخف تدريجيا

وبيستحي على دمه pb192 ادري ان ودك تصفقيـــني

يعني انتي منقهره ومحتره :(ونا اقولك دلعيه وكذا بس

شنسوي اذا كان لك حاجه عند الكلب قله ياسيدي pb034

وقولي امييين عسى الله يسخره لكpb189bp039

[خفوق]

صاحبة المشكله الاولى

مريت بمثل الي مريتي فيه

كنت اشتغل دوامين في مكانين

طبعا مو لحاجه

كان تحدي و اختبار قدره و الحمدلله نجحت فيه

و بتستغربين لو قلت لك كانت فتره لذيذه

اصحى فيها للعمل و انام للعمل

لكن لقيت فيها ذاتي

انتي شوفي مسؤلياتك

تقدرين توفقين ولا ماتقدرين




صاحبة المشكله الثانيه

اذا تبين تعلمين الرجال خاصه انه غلطان؟؟ و تصرفه يضايق؟ طبقيه عليه

يعني انتي خليك كذا معه

انقدي على كل شي و اي شي و تمسخري باي شي و ذبي على اي شي

و اذا هو بدا في الذب و التريقه لا تضحكين حتى لو الي سواه يضحك

خلي ذبك اقوى من ذبه و تعمدي اجرحيه


لانه اذا انجرح بيحس انه ماصخ وماله داعي

وان الذب له وقته و له درجاته مهوب كل الوقت ولا هو على كل حال

كذا انتي تعلمينه عملي انه كل الفتره الي راحت يتصرف بصبيانيه وانتي تبين رجال رزين

وزي ما هو يشوف انك مالك داعي و شكلك غلط و تجرحين و تغلطين ؟

انتي استغلي الفرصه و افتحي معه الموضوع

قولي ادري انك منجرح و منقهر و تحس بالفشيله ولا انت مرتاح من الي انا قلته

هذا احساسي كل مره انت تذب و تتريق

و كلمتك كثير ولا نفع معك

عشان كذا اسقيتك نفس الكاس

[مختبة]

صاحبة المشكله الثانيه (الله يبعدكم عن المشاكل جميع,, والسامعين,, وانا معكم ...آآمين)

صديقتي كانت تسولف لي عن اختها اللي كانت قمة في الوداعه والهدوء ..وفجأه بعد الزواج صارت حساسه بعدين عصبيه بعدين تحولت إلى شرسة
ما تطيق احد يقولها كلمه وصارت تستخدم الفاظ نابيه
والسبب نفس اللي تمرين فيه يا قلبي قلبك..زوجها تحبه لكنه يعاندها ويستفزها وعلى طول يتعاندون
طبعا البنيّه في بيت اهلها متعوده على مناقرات على خفيف مع خواتها وصديقاتها لكن اسلوب زوجها الخشن الشبابي pb192.. وفوق كذا انه يجي من زوجها (اللي المفروض علاقته فيها تكون فيها رحمه) صعبه شويpb014

اظن انه ما فيه رجل يعاند زوجته الا وهو يغار منها..;)
يعتبرها ند له مش شريكه و يحاول يكسر خشمهاpb034
واعتقد برضه انه فاشل بشي بحياته اما في عمله او او وما عنده الا هالضعيفه اللي بالبيت يسوي رجال عليها علشان يثبت لنفسه انه بطلpb192 او تلقين اصحابه مستلمينه ذب وما يقواهم
عموما الشخص اللي ينتقد كثير ..المتذمر..شخص غير راضي عن حياته

الحل باستعمال الذكاء الانثوي شوفيه برد فجر العيد
اشتري اعصابك bp039
تدربي على اليوغا واعملي مساج لزوم الاسترخاء ..المسأله يبيلها طولة بال
وبعد اشغلي نفسك بشي علشان ما تدققون على بعض وتتجنبون الاحتكاك المستمر

فجر العيد :
اذا ذب ولا استخف دمه عطيه نظره حزينه كذا وسلهمي

بعيونك ( من نظرتك عبري له انك عتبانه عليه) وبعدين

التفتي ولا تكثرين هرج يعني قولي كلمه وحده بس

معبره مثلا الله يسامحك

ايه صادقه..خليكي كووول ومعليش لا تكتمين مشاعر الحزن بس عبري عنها بكلمه او كلمتين لطيفات
وعاتبيه بدلع ( يا ربي عرفوا الشباب اسرارنا لوووول) يالا ما يخالف يالشيون اجل تمزح مع حرمتك كنك قاعد مع اصحابك في استراحه:sm17: وش قل الدبره ذاpb131

[حرم زوجي]

ريووف bp039 من جد كلامك عين الصواب:) للمشكلتين

[alhilaliah]

ماشاء الله ريوف ..
جابت أفضل الحلول ..
للمشكلتين .. وردها يكفي .. أتوقع ..

[لويس فويتون]

المشكله الاولى : أنا من رايي المدرسه راتبها أحسن .


المشكله الثانيه :
وش طلاقه انتِ بعد ..؟ حرام عليك تخربين حياتك عشان تضارب فالشخصيات ياكثر الناس اللي زيك pb027

هذي خليها للزمن كفيل انه يحلها يا انتِ تأثرين عليه او هو ياثر عليك أو تتعودون على بعض بدون تاثيرات .

أنا ترا أخوي كذا طبعه .. يحب ينتقد الاشياء لهدف النقد وعلى بالي تراني امزح pb036


تدري وش أحسن شي مع هالنوعيه من الناس .. التنطيييش

خليه يبربر اللي يبي وويتفلسف ويتميلح الين يشبع وانت هدي اعصابك وريحي بالك
وحطي في راسك انو هذا هو كذا طبعه يعني اي شي ينتقده تكونين عارفه انو بس كذا مو من جده

ولا أقولك وش أحسن حل .. شيليه من تفكيرك .

يعني لاتجلسين تفكرين وش الحل معه ..؟ لا . خلي كل موقف فوقته واشغلي نفسك

وانشال مع الوظيفه بتلهون ويخف هواشكم .

وبعدين تقولين صارت حياتنا صمت ولاهواش لا خليها صمت

احيانا الصمت اريح من الكلام . وترا اللي زيك كثييير انا اعرف وحده كذا هي وزوجها

فاليوم يمكن 3 كلمات وان كثرو مره مره 3,5 :D

وعادي ماشين حياتهم بدون مايحسون انهم في مشكله لانهم شايلينها من بالهم


حتى لدرجه انهم اذا سافروو سوا هو معه كتاب وهي معها اي بود هو يقرا وهي تسمع

هذا يقالهم مسافرين الحين يغيرون جو وهم كل واحد جوه لحاله


ياشيييخه عيشي حياتك بس طبيعي ولا تفكرين في طبعه . خلي كأنو شي عادي

وحاولي تتأقلمين مع الوضع

[امونه53]

"1"

فترة افضل من فترتين "لأن الفترين دبل التعب"


"2"

انتي عودي زوجك وعلميه بالأسلوب الحلو اذا قالك كلمه مو زينه قولي له اي كلمه حلوه
راح يستحي ويتعود على كلامك بس اصبر شهر كامل وخليك تعاندينه بكلام حلو ولاتبيبنين
له زعلك حتى مايتمادى اكيد زوجك لاهو مغازلجي ولا راعي سوابق ويمكن تربيته وبيئته كذا
انتي قولي له وشوفي النتيجه ان شاء الله يتغير بس لاتتنرفزين لأنك شفتي النتيجه عكسيه

والله يسخره لك يارب