خايفة على صوري00 طيب والحل كيف احمضها ؟؟؟

[أحلام بلا حدود]

مرحبا

شلونكم >>> تتميلحpb094

انا عندي كاميرا ديجتيل سوني
بس مشكلتي مابغى اطبعها في استديو
وكمان نفس الوقت مابدي اطبعها على الكمبيوتر اخاف من الفيروسات
>>>> اجل مو لازم تحمضينها

فعاد قالوا لي لازم تشتري طابعة
بس سؤالي هو الآتي
هذه الطابعة كيف بتكون وماتكون موصلة بالكمبيوتر
يعني مافي خوف عليها ؟؟؟

وذي الطابعة شلون حجمها وقد ايه بيكون سعرها ؟؟؟
واشتريها من محلات الكاميرا صح .؟؟مثل كوداك

انا صوري كثيرة وصلت لـ300 صورة بس اخاف اروح احمضها الدنيا ماعليها امان

انتظركم باسرع وقت ولأ ترى بتصير من300 صورة الى 500 صورة واخيرا بتنمسح.

[ضـــحكه]

:
:


هلا اليسار
فيه طابعات توصلينها بذاكرة الكاميرا او الجوال
وتطبعها ..

لكن وش حجم الطباعة المطلوب ؟

وانصحك بشركة الكاميرا نفسها

[ABDUL-AZIZ]

ديجيتل وتحميض ما تجي :d


افضل شي تشترين طابعة .. واتوقع ما راح تتعدين حجم ال A4 لأنه من خلال الي فهمته ان الصور عائلية.

بالنسبة للفيروسات .. اذا كنتي مركبة برنامج مكافح ما فيه مشكلة تطبعينها من الجهاز نفسه ... واذا كنتي مرة حريصة لا تشبكين على النت اثناء الطباعة واحذفي الصور من الجهاز بعد الطباعة... مع اني انصح بالاحتفاظ بالصور سواء في سيدي او فلاش ميموري.

الطابعات تلقينها في كثير من المحلات .. اكسترا او الكترو او او ..الخ.

موفقة اختي

[أحلام بلا حدود]

تسلمون يعطيكم ربي مليووووووون عافية

وحجم الصورة ياقلبي عادية صورة فوتغرافية الحجم العادي

بس عندي سؤال 2

هل ذي الطابعة بتعطي نفس الجودة تبع الاستديو او انها تطلع كأنها لعبة>> بزر الله لايلومها

تيب
وش افضل ورق لطبع الصور ؟

[ABDUL-AZIZ]

دام دخلنا في سالفة الطباعة ووش افضل شي ... فالموضوع الي فوق خاص بالاستفسارات الخاصة بالطباعة.

بالامكان وضع الاستفسار في الموضوع نفسه.

[Mishal.Q]

تعقيب بسيط << مستقعد :d

مصطلح التحميض يكون للكاميرات الفلميه..
ويقال : حمّضَ الفِـلمُ اي انه عرّض الفلم لمواد حمضيه لكي يتم ظهور الصوره,, :d

ومصطلح الطباعه يكون للكميرات الديجتال..
ويقال: طبعَ الصورة َ .. اي انه ضغط على زر الطابعه وطُبعت الصور بدون اي حمض يذكر بواسطة الطابعه والحبر,,


فقط تصحيح معلومة استخدام المصطلحين البعض يجهلها :d

[ABDUL-AZIZ]

^
^
:d

[فيصل السبيعي]

هلا والله

الطابعه عند شركة سمير كوداك في العليا يبيع كميرات وسعرها تقريبا 550 ريال والورق مع الحبر 40 ورقه 90 ريال 160 ورقه 250 ريال تقريبا وجودة الصور مثل التحميض واحسن بعد اسئلوا مجرب وطبعت عليها اكثر من الف صوره ومعي زي الحلاوه

ولاتنشبك على الكمبيوتر ولا شي تحط فيها الممري بس وحتى تقدر تطبع من الجوال فيها مميزات رهيبه

واي استفسار انا حاضر

[N A j A T]

تعقيب بسيط << مستقعد :D

مصطلح التحميض يكون للكاميرات الفلميه..
ويقال : حمّضَ الفِـلمُ اي انه عرّض الفلم لمواد حمضيه لكي يتم ظهور الصوره,, :D

ومصطلح الطباعه يكون للكميرات الديجتال..
ويقال: طبعَ الصورة َ .. اي انه ضغط على زر الطابعه وطُبعت الصور بدون اي حمض يذكر بواسطة الطابعه والحبر,,


فقط تصحيح معلومة استخدام المصطلحين البعض يجهلها :D


يالطيف عليكم ماتصدقون :D

شوفي ياغاليه

اذا خايفه مافي احرص مني على الصور :D بس مو لدرجة ماافتحها على جهازي

عادي انتي قفلي النت واشتغلي عليها وهي على الكام او على الهارديسك << انا على الهارد

ولا خلصتي عادي مانزل شي على الجهاز

واذا زيادة حرص امسحي ملفات الريجستر :D وخلاص

يارب افدتك

[مبربسها]

فيه طابعة سوني قيمتها تقريبا 500 ريال
40 صورة بالحبر

اتذكر فيه عرض اشتر 4 ب120 مع الورق

مناسبة جدا وطباعتها حلوة

فيها شاشة صغيرة لعرض الصور

وتطبع عن طريق الفلاش او الذاكرة حقت الكاميرا مباشرة