وش العدسات التي تنصحوني فيها ؟؟

[bigname]

انا من فترة قريبة شريت كاميرا كانون 400D ...

وإلى الآن ماشريت اي عدسة غير العدسة اللي جايه مع الكام نفسها ...

فحبيت اشاوركم ايش هي العدسات اللي استفيد منها في مجال التصوير وتعطيني بعض الخبرة ونتائج جيدة ...

يعني أفكر أخذ عدسة لتصوير المناظر الطبيعية والمباني ...

وعدسة أخرى لتصوير الماكرو ...

فايش أنواع العدسات اللي تنصحوني فيها ...

شاكر للجميع مقدماً ...

[ABDUL-AZIZ]

ماكرو
Canon EF 100mm f/2.8 USM Macro

المناظر الطبيعية انصحك تنتظر شوي الين تمل من ال18-55 لأنها تعتبر وايد وتنفع للاندسكيب

[bigname]

مشكور يامشرفنا والله يعطيك ألف عافية على النصيحة ...

زين سؤال آخر :: كم سعر عدسة الماكرو اللي ذكرتها ؟

شاكر ومقدر لك جهودك ...

[ABDUL-AZIZ]

تقريبا 2000 ريال تزيد او تنقص مية على حسب المكان الي بتشتريها منه :d

[Zeid.A]

:) اوافق عزيزي عبدالعزيز ،
بس وقت التغيير ، انصحك بال ١٠-٢٢ ، نتايجها روعة
امثلة :

http://zeid.org/pictures/pix/GDIRblack/palace.jpg
http://zeid.org/pictures/pix/GDIRblack/palace2.jpg
http://zeid.org/pictures/pix/GDIRblack/Spain2.jpg

الامثلة المذكورة ، بعدسة Canon 10-22 و الكاميرا وقتها Canon 20 D

بالنسبة للماكرو ، الخيار الي ذكر عبدالعزيز ، رائع جدا و جميل ،
سعرها تقريبا ، $434.95 في موقع ادوراما ، من غير الشحن :)،
من نتائجها
http://zeid.org/pictures/pix/GDIRnature/Leaf2.jpg
http://zeid.org/pictures/pix/GDIRstill/Beach.jpg
http://zeid.org/pictures/pix/GDIRstill/egypt.jpg
http://zeid.org/pictures/pix/GDIRstuff/drop.jpg
http://zeid.org/pictures/pix/GDIRmacro/ant3.jpg
http://zeid.org/pictures/pix/GDIRmacro/ant2.jpg
http://zeid.org/pictures/pix/GDIRanimal/catty.jpg
http://zeid.org/pictures/pix/GDIRanimal/turtle.jpg
http://zeid.org/pictures/pix/GDIRanimal/cayeyes.jpg


و السموحة ثقلنا عليك :)

[bigname]

مشرفنا عبدالعزيز وخبيرنا زيد مشكورين على المعلومات الحلوة والجميلة ...

وكثر الله من أمثالكم ...

[Faisal .O]

بالنسبه للوايد من واقع تجربة

Canon 17 -40 L

رائعه جدا :)


من تجارب العدسه

الصور لفريق timecatcher

http://www.timecatcher.com/DATA/PHOTO/434.jpg


http://www.timecatcher.com/DATA/PHOTO/564.jpg
------

[bigname]

مشكور أخوي White Balance على الأفادة ...

وماشاء الله نتائج هذه العدسة أكثر من رائعة ...

ولكن يبدو لي سعرها فوق 2400 ريال ...

عموماً الله يعطيك ألف عافية على المعلومة الجميلة ...

[bigname]

زين ياخبراء وش رايكم بهذي العدستين ::

الأولى Canon EF 50mm f/1.8 II
والثانية Sigma 10-20mm F4-5.6

معليش اتعبتكم بكثرة الأسئلة ....:)

[ABDUL-AZIZ]

ال 50 عدسة ممتازة ورخيصة .. وانصح بها.

السيقما صراحة ما اعرف لها وما ودي اتفلسف عليك :d

[bigname]

مشكور أبوسعود ...

بس الحين ام 50 هل هي للماكرو والا تصوير مناظر طبيعية ومباني زي ١٠-٢٢ ؟؟

لأن اللي لخبطني التسمية مكونه من رقم واحد زي اللي ذكرتها لي في أول الموضوع ::

Canon EF 100mm f/2.8 USM Macro
Canon EF 50mm f/1.8 II

والا الماكرو تكون بالتسمية يرفق معها كلمة Macro ؟


ان شاء الله يكون هذا الرد آخر سؤال لي :D

[ABDUL-AZIZ]

لا هي مهيب ماكرو .. ومثل ما قلت الماكرو لازم يكتب ماكرو ضمن الاسم.

ال50 تعتبر بعد بؤري متوسط .. يعني لاهي وايد ولا تيلي فوتو.
ميزة العدسة ان اكبر فتحة فيها 1.8 وهذي راح تفيدك في الاماكن الضعيفة الاضاءة ... ايضا تفيدك في العزل.

بالنسبة للتسمية
اذا صار الرقم واحد مثل ال 50 .. هذي يعني ان البعد البؤري في العدسة ثابت.. بمعنى اخر اذا كان قدامك جسم تبي تصوره وتبيه يصير اقرب او ابعد لازم انت تبعد وتقرب بجسمك.

الي تكون عبارة عن رقمين مثل ال 10-20 ... هذي بعد بؤري متغير ... يعني من العدسة وانت في مكانك تبعد وتقرب. طبعا كل ما زاد الفرق بين الرقمين كل ما قدرت تقرب وتبعد اكثر.

[تان تان الثاني]

Abdul-aziz
الله ينور عليك
ويزيدك علم